UPDATE-262
Simran ghum fir kar hell se aa chuki thi lekin jitne khush man se vo hell gaye thi ab uska mood pura u turn le chuka tha. Rehul ne lucifer ka dimag kharab to kiya ya nahi kiya lekin uski baaton se simran ka dimag pura ghum chuka tha
Vo pehle hi es baat se bahut gusse me rahti thi ki lucifer ke sath etna bura hua hai past me aur sab use sirf use hi karte hai aur ab jab vo apni dosti, pyaar se kuch badalne ki kosis karne me lagi hue thi to rehul ka aise samne aana use jara bhi pasand nahi aaya
Ab uske dimag me ek hi chhij ghum rahi thi ki kaise bhi karke lucifer ke dusmano se badla lene ka. Uske pass koe super power to thi nahi. Vo to sirf ek normal ladki hi thi jiske pass power ke naam par sirf will power hi thi
Lekin us se badh kar hota bhi kya hi hai?
Vo vapas apne ghar aa gaye aur apne dimag ke ghode chalane lagi ki kaise lucifer ko vapas khush rakha jaye
Lucifer se to use uske bare me jada jankari nahi mili thi lekin kuch sateek sources ne uska kaam kar diya tha jaha se use sari jankari milti rahti thi
Aur source ka nature bhi simran jaisa hi tha…brutal…
Simran apni planning me lag gaye vahi lucifer hell me apne kaamo me matlab souls ko saja dene me
Mazikeen- aapko pata hai na eska consequences kya hoga?
Lucifer- kaun hu main?
Mazikeen- kya matlab?
Lucifer- kaun hu main?
Mazikeen- aahaap lucilcfer ho. Lucifer ke puchne ke andaje se hi mazikeen ki jaban ladkhadane lag gaye thi
Lucifer- exactly. Main lucifer hu to dobara aise sawal mat karna
Aur lucifer hell se bahar aakar simran ke ghar ki taraf chalne laga. Jab bhi uska dimag kharab hota tha vo sidha simran ke pass chala jata tha
Uski baatein sab bhula deti thi ab vo baatein hi aisi karti thi bakchodo wali
Abhi simran ke ghar pahucha hi tha lucifer ki ek baar fir kisi ne uska rasta kaat diya
Aur es baar the heaven ke royal guards jinhe jahir si baat hai supreme ne bejha hoga
Lucifer ne unko ignore mara aur aage badhne laga lekin fir unhone lucifer ka rasta kaat diya
Lucifer ka dimag to pehle se hi kharab tha ab to vo khoon bahane ke mood me aa gaya tha aur talwar uske hatho se nikal chuki thi
Lekin jaise hi lucifer un par prahaar karne wala tha vaise hi unke aas pass ek behad safeed roshini ne ek pehra bana diya
Ek second ke liye to lucifer hichka fir vapas apni talwar ghuma di lekin ek bahut bhayank chingari ke sath kampan paida hue aur lucifer do kadam piche ho gaya uski energy ki vajah se
“ supreme ne tayar karke bejha hai aaj apne paltu ko” ek muskaan ke sath lucifer bola aur apne bhaale ko ahvaan de diya
Vahi dusri taraf se bhi rang birangi roshini tej raftaar se lucifer ki taraf badhne lagi
Unki raaftaar bilkul utni hi thi jitni lucifer ke hamlo ki hoti hai aur to aur unke hamle karne ka tarika bhi bilkul lucifer jaisa hi tha
Same talwar, same bhala, same movement bc aisa lag raha tha jaise lucifer ki parchaye lad rahi ho
Lucifer- koe kitna bhi kosis kar le lekin lucifer nahi ban sakta. Nahi ban sakta luciferrrrr
Lucifer etni tej guraya ki pure asmaan me uski aawaz gunj gaye aur us se bhi tej usne apna bhala feka jo sidha shield ko chirte hue samne wale bande ke dil ke pass pahuch gaya
Agar ek do inch ka aur fasla hota to abhi unka ant ho jata lekin sayad kismat achi leke aaye the abhi vo
Apna hath aage kiya lucifer ne aur uska bhala vapas uske pass aa gaya lekin shield ko puri tarah se nast kar chuka tha vo jiski vajah se samne jo khade the unki halaat tight ho gaye
Pehle to vo esliye calm the ki unhe shield mili hue thi jiski vajah se vo safe the aur unki speed bhi tej thi lekin ab kaun bachaega unhe lucifer se?
Apne aap do kadam piche ho gaye unke lekin ab piche hatne ka to sawal hi paida nahi hota, lucifer unhe hatne hi nahi deta. Na chahte hue bhi unko samne hi jana tha
Lucifer aur unke bich ka faisla kam hote ja raha tha aur unki dhadkne bahut badhne lag gaye thi. Es se pehle ki lucifer un par hamla karta ek aur banda lucifer ke piche se nikala aur uske hath par war kiya jis se uski talwar chut kar jamin par gir gaye
Pith piche vaar karne wale ke samne bhi ek shield bani hue thi lekin usne lucifer ko ek kharoch pahuch kar kisi ko bahut dukhi kar diya tha
Kyuki es se pehle ki koe kuch karta khaaaaccchhhh ki ek aawaz aae aur lucifer ki talwar sabse pehle pith piche war karne wale ke dil me ghusi baki dono kuch samjh pate unse pehle hi unka bhi yehi haal hua
Hairaat ki baat thi ki jis shield ko kaatane me lucifer ko etni takat lagani padi thi usko simran ne sirf ek war se tood feka tha
Lucifer jab tak usko rokta simran ne teeno ko maut ki nind sula diya tha
“Aaj main dunia ko dikha dungi lucifer ke upar hath dalne ka kya pranaam hota hai” aur simran ne lucifer ki talwar hawa me uthaye aur vo vaha se gayab ho gaye
“Nahii” talwar hawa me uthate hi lucifer chhilaya lekin tab tak bahut der ho chuki thi kyuki simran ja chuki thi vaha jaha lucifer nahi ja sakta tha…….HEAVEN
Lucifer ki talwar ki takaat hi thi ki vo ek jagah se dusri jagah bahut aasani se aa ja sakta tha. Usme bhi ek kami thi ki vo heaven nahi ja sakta tha lekin simran to ja sakti thi
Ab uske pass koe option nahi bacha tha heaven jake simran ko vaha se lane ka. Ek to vo tadipaar tha aur dusra hell ka raja. Uske to wings bhi ye kaam nahi kar sakte the ab
Mathe par chinta ki lakire saaf dikhaye de rahi thi jo bahut kam hota tha lucifer ki jindagi me
Vahi simran jaise hi heaven pahucha gate par jo guard khade the unke sar dhad se alag hone ka kisi ko pata bhi nahi chala
Tej aandhi jaise raftaar se gusse me laal simran heaven ke ander pravesh kar gaye
Jo bhi use rokne aa raha tha vo simran se nahi maut se mil raha tha
Aankhon me sole liye vo aage badh rahi thi aur piche chut raha tha to khoon aur bas khoon
Tabhi etni aahakaar se bahut sare guards simran ki taraf bhagte aaye aur use charo taraf se gher liya lekin fir bhi dar ka thoda bahut bhi sankeet nahi aaya simran ke chehre se aur vo unhe kaatne hi wali thi ki …..RUKKOO… ek aawaz sabke kaano me gunji aur sabke pair jaise jameen par gad se gaye
Simran ne jab aawaz ki taraf dekha to ek behad tejjasvi vaktitav wali aurat use aati dikhi jo obviously mata hi thi
Mata ke aate hi sabne apne apne kadam piche le liye aur mata simran ke samne khadi ho gaye
Mata- etna krood kyu beta? Kya tumhe pata nahi hai krood hi insaan ka sabse bada dusman hai?
Simran- mera dusman mera krood nahi balki vo sab hai jinki vajah se mere lucifer ko dard mila hai aur aaj main ya to khud mit jaungi ya fir un sabko mita dungi
Mata- hume akela chhod diya jaye
Mata ne bola aur sab gardan jhuka kar vaha se nikal gaye
Mata- meri bachi kyu vidhi ke vidhaan me roda ban rahi ho tum?
Simran- main vidhi ke vidhaan me roda nahi ban rahi hu aapke vidhaan me ban rahi hu. Aapne mere lucifer ke jindagi me etna dard kyu diya? Kya vo khushiya deserve nahi karta? Kya use hasne ka hak nahi hai? Kya vo ek achi jindagi nahi jee sakta?
Mata- achai aur burai hi vo do chhije hai jo es sansaar ko band kar rakhe hue hai. Kuch bura hua hai to acha bhi hoga aur kuch acha hua hai to bura bhi hogi. Yehi niyam hai aur yehi humesha rahega
Simran- lucifer ki jindagi me bura to bahut hua hai lekin aap mujhe acha kya hua hai ye dikhane ka kast kare
Mata- mere achae dekhne me aur tumhre achae dekhne me bahut fark hai beta.
Simran- lekin aap to sab janti ho na to aap hum dono ki achae ki paribhasa bata dijiye aur lucifer ke sath unme se kya hua hai vo bhi bata dijiye
Mata- lucifer ki jindagi me tum aaye ye kya achae nahi hai?
Simran- ye to mere liye acha hai lucifer ke liye kya hai?
Mata- tum lucifer ko ek aam insaan bana sakti ho. Use dara sakti ho, use samjha sakti ho aur sabse badi baat tum use rok sakti ho
Simran- esme bhi mujhe lucifer ke liye achae nahi dikh rahi. Ye sab to mere liye acha hai na ki lucifer ke liye
Mata- jaise maine bataya hum dono ka dekhne ka tarika bahut alag hai mere bache
Simran- sachae to ye hai ki lucifer ke jeevan me sukh likhna hi bhul gaye aap
Mata- lucifer mera first born bacha hai. Ek ek chhij badi dhayan se likhi gaye hai uske liye
Simran- jaise kaise kaise use dard diya ja sake?
Mata- lucifer es sansaar ka ek matar aisa praani hoga jise log pujenge bhi aur dutkarenge bhi. Vo bhagwan aur insaan ke beech ka ek bridge hai jo use aham banata hai
Simran- kya kabhi lucifer ko uska pyaar naseeb hoga?
Mata- lucifer ke jeevan do bhago me bata hua hai. Ek me use beinteha muhobbat milegi aur dusre me usko akela rah kar jan kalyaan karna padega jisme peeda uske sath uski parchae ban kar rahegi
Simran- konsi bhaag me hai vo abhi?
Mata- muhobbat wale me aur tum akhiri ho es bhag ki sadasay fir dusra bhag suru ho jayega
Simran- aapne sahi kaha tha mere aur aapke sochne aur samjhne me bahut fark hai. Agar ye uska muhobbat wala bhaag hai to main soch bhi nahi sakti uska dusra bhaag kaisa hoga?
Mata- tum aur lucifer ka prem humesha ek nishachal prem dikhata hai aur main ashirvaad deti hu ki ye prem humesha aisa hi bana rahe
Simran- agar aapko ashirvaad hi dena hai to mere hise ki khusiya lucifer ko de dijiye ye mere liye sabse bada ashirvaad hoga
Mata- sabko apne hisse ki khushiya aur apne hisse ka dard khud jeena padta hai. Main ye nahi de sakti tumhe
Simran- aur kuch mujhe chahiye bhi nahi maate.
Mata- main tumhe vo de sakti hu jiske baad tumhe kisi aur chhij ki jarurat nahi padegi. Uske sahare tum aur baki sab khushi khushi jindagi je sakte ho
Simran- hume lucifer ke sath jeena hai chahe khushi ho ya dukh
Mata- tumhra prem bahut nischal hai simran lekin tumhe samjhna padega ki lucifer ka janam kisi aur karan se hua hai.
Simran- mujhe agya dijiye mate? Main yaha lucifer ke liye hi aae thi aur yaha se lucifer ke liye hi ja rahi hu. Aage bhi kabhi lucifer par khatra hua to uske samne main hi khadi rahungi fir chahe kitna bhi khoon bahana pade aur mujhe fark nahi padega ki khoon kiska hai
Aur simran ne maata ke pair chu liya
Vo uthne ko hi hue thi ki uske sar par mata ka hath aa gaya aur vo vahi unke charan ko dekhte hue bathi rahi
Mata- main tumhe ashirvaad deti hu ki lucifer na sahi lekin lucifer ka ansh humesha tumhre sath rahega. Vo lucifer ki hi tarah balsali hoga aur usme sirf aur sirf achae hi hogi. Vo dharti par ek naye dharam ki sathapna karega aur jab tum sab dharti chhod kar swarg/ nark ki taraf prasthan karogi vaha par tumhe tumhra pyaar vapas milega……
