Main - (gusse me khadi hote hue)achcha matlab tumhe thakan nikalni hogi to mere sath yesa bartav karoge.me koi khilona hu kya.
Suraj - nahi , vesi baat nahi hai.
Main - aaa (apni gardan ko pakad liya jise moch aayi thi )mujhe sab samajh aa gaya hai , tum badla le rahe the , agar aisa hi hai to meri jaan le lo pahle hi .me to samaj Rahi thi tumne maaf kar diya hai .
Suraj kuchh nhi bola aur vaha se bina nahaye hi chala gaya , agar use gussa aaya hoga to ,mene us baat par dhyan hi nahi diya ,ab vo kabhi baat bhi nahi karega .mujhe to maja aaya lekin dard bohot ho raha hai ,gardan ko bhi moch aa gayi.bhagwan ye mene kya kar diya .
Suraj
Phir raat me sabhi bahar khat par baithe hue the .
Komal - bua aap bhi baithiye naa sabhi baithe hue hai idhar kuch phir thodi Aisa moka milega ham sab ke sath aise baithne ka.
Bua - tum sab kya bhage jaa rahe ho ,aur baith ke kya karu idhar kaam nhi hai kya subah uthna nhi hai kya .
Fufa - ye komal kah rahi hai , to baitho ab kuch saalo baad bechari ki shadi ho jayegi isliye kah rahi hai,phir thodi Naa Aisa moka milega.
Phir sabhi ne is baat par muskurane lage , shweta aur neha chidane lagi komal ko.
Komal - haa ,lekin meri shadi ko to vakt hai bahot pahle Ashu didi ki shadi hai (komal ko kya hua vo achanak shant ho gayi )
Mene udhar Ashu didi ki taraf dekha to vo gusse me uthakar vaha se jaane lagi .
Komal - oyy didi , aap bhi naa majak bhi nhi samjti ,aur kaha to kya kal hi kar denge thodi aap ki shadi .
Ashu didi - haa par aap sab ko uske siva baate Bhi nahi aati jab dekho tab shadi .
Itna kahkar unhone ek baar kya hua to meri taraf dekha aur chali gayi chhat pe gusse se.mera man hua unke piche jaane kaa par me jaa na saka , mujhe yu lagne laga ki unhe dukh me hi de raha hu.
Bua - ho gaya ab , baate karna.
Fufa - are jaane do uska gussa ho apne aap thik jayega .
Bua - haa itni si baat ke liye gussa hota hai kya koi .
Fufaji ne bua ki taraf dekha aur muh niche kar krke hasne lage,unki baat sabko samaj aa gayi ab sab bhi hasne lage.
Bua - haa pata hai jese sirf mujhe hi gussa aata he is ghar me .
Fufa - tumhe thodi aata hai gussa ,tum to sirf datati ho .
Bua - haa vo hi ....Haan! me hi datati hu ,meri baat koi sunta hi nhi hai to daatungi nhi to aur kya.
Idhar bua aur fufa ki nokjhok par sab log has rahe the ,aur neha ne baat badlne ke liye dusri baat ched di ,kyuki use pata tha ki baat ab rukne vaali nhi hai .
Neha - papa ,vo aapka pair kaisa hai ab .
Fufa - haa thik hai .
Pitaji - jijaji phir vo lakdiya layi kya aapne khet se .
Fufa - nahi kal jaunga.
Phir unki bohot der tak baate chalti rahi ,
Subah utha aur tabele me jaa kar saf safai ki , aaj Divya nahi aai thi tabele me ,kyuki me aaj jaldi uth gaya tha .
Phir kuchh der baad fufaji ke sath bailgadi me lakadiya laane gaya tha , vaise to ghar me cylinder hai ,lekin lakadiya phir bhi koi karyakram ho to uske liye kaam aati hai , paani garam karne ke liye bhi lakadiyo ka istemal kiya jaata hai , ghar alag the , khet bhi alag the ,lekin bohot se kaam koi bhi karta to pure parivar ke kaam aaye aise karne padte the , kyuki baad me jab kisi ki baari aati thi madat karne ki to vo fir aapka kaam nahi karata isi liye , lakadiya bhi fufaji sab ke liye laya rahe the ,
Raste me jaate vakt hamari baate jari thi ,phir hame raste me ek insan mila ,mene use pahle to dekha hua tha , lekin ab uska chehra chhil gaya tha ,
Vo aadmi - aaj jaldi aana .
Fufaji - us din ki tarah galti mat karna.
Vo aadmi - are tum tension mat lo ,us din hame jaana hi nahi chahiye tha naali ke pass.meri saari mehnat kharab kardi .
Fufaji - aaj meri baari hai , to sab kaam thik se hona chahiye.
Phir vo aadmi chala gaya,
Mene unhe puchha to unhone baat ko taal diya.
khet me ek ped ki umra ho gayi thi to use kaatkar rakha hua tha ,bass lakadiyo ko jama karke bailgadi me dalna tha ,sab hone ke baad bailgadi ghar ki taraf jaane lagi aur me uske piche piche tha aur phir ghar aa gaya.
Kuch vakt baad me sunny ko lekar purane mandir ke pichhe chala gaya , vaha pe Priti hamara intezar kar rahi thi.
Priti - tum ise kyu leke aaye.
Main - are vo mera dost hai , ise pahle hi pata tha vo kisi ko nahi batane vaala
Priti - tumpe bharosa kar rahi hu.
Main -haa,ab mere hisab se chalogi to kaam pakka hoga.
Priti - tumhe lagta hai , ye kaam karega .
Main - haa kaam to karega , lekin tumhe meri puri baat maanani hogi .
Priti - puri baat nhi , me kaise kahungi.
Main - are pagal ho kya tumhe sirf kahna hai , usase tumhara kya nuksaan hoga.
Priti - agar ye baat rahul ko pata chali to .
Sunny - me in sab ki rah rag se vakif hu ,sab swarthi hai , vo apne swarth ke aage kuch nhi sochte unhone ek dusre ko bohot baar dhoka diya hai ,lekin unhe unke tarah ke hi insaan raas aate hai .aur agar Suraj ke kahe anusaar aap kahogi to me pakka kah sakta hu ki puri baaji hamari hogi .
Main - didi dusra koi rasta nahi hai .aap ko sirf kahna hai .
Phir achanak se koi aa raha hai ye samaj aate hi ham udhar hi chhup gaye.
Vo ladka - bolo kya kaam tha tumhe.
Priti - shubham,me buri tarah se ek problem me fasi hui hu ,kya tum meri madat karoge.
Shubham - batao kya hua .
Priti - tum kisi ko bataoge to nhi naa.
Shubham - nahi bataunga.ab batao bhi
Priti -shubham,ham bachpan me sath school Jaya krte the ,isiliye mujhe sirf tum par hi bharosa hai
Shubham - haa
Priti -bhalehi me tumse jyada baat nhi krti thi ,lekin aage se aisa nhi hoga ,(rote hue)ek ladka mujhe blackmail kar raha hai,usne mere gande photo khiche hai.
Shubham ke chehre par to pahle bara baje phir shayad khush bhi ho gaya tha.usne Priti ko bohot saalo pahle propose kiya tha,tab to baat nhi bani ab ban jayegi use aisa use lagne laga.kyuki use pata tha ki kon hai vo ladka.
Shubham - kon hai vo.
Priti - rahul (aur phir vo jor jor se rone lagi)
Shubham - us haramjade ki himmat kaise hui ,tum tension mat lo me karunga kuchh.
Priti - sach me ,agar aisa hua to me tumhare upkar kabhi nhi bhulungi .
Shubham - upkar ki bat mat kro sirf mujhe yaad rakha vo hi kaafi hai .
Priti - haa thik hai ,lekin tumhe agar koi bhi chij lage to kah dena me tumhari madat jarur karungi.
Shubham - haa bass thoda riski hai kaam ,agar rahul ko is baat ki bhanak bhi hui to kuch bhi ho sakta hai ,vaise tumhare pass mera no kaise aaya.
Priti - vo..kya hain na mene ,rakha tha tumhara no mere pass aise hi (aur Priti sharmayi,mujhe to unki acting shock kar rahi thi )
Shubham bhi bohot khush hua aur vo vaha se chala gaya .
