Update 2
wah ladka kishor ke kahne par baahar aaya fir wah bathroom ki or chala gya or waha se fresh ho kar bahar aaya ab wah kishor ki or dobara to nhi Jana chahta tha lekin pet ki aag ne use majboor kar Diya dopehar ka wakt ho gya tha or subah se usne kuchh bhi nhi khaya tha uske paas khane ke liye paise bhi nhi the ek Kishor hi aisa saksh use Puri train me dikh tha jisne uska haal chaal puchha tha
Aakhir na chahte bhi uske kadam kishor ki or mud gye..
Train ki raftaar bahut hi kam ho chuki thi bahar se aata hua shor.......
garma garm samose walaaaa
Bhel pudi walaaaaa
Thanda paniiiii le lo ji matra 20 rs.
In sab shor se ye tay ho gya ki koi station aa gya tha jaha par train ki raftaar bahut hi slow ho gyi thi or train se utarne wali yatri gate par khade ho kar utane ke liye or bahut se yatri chadhne ke liye aapas me dhakka mukki kiye Jaa rhe the hamare Desh me Aisa hi hota hai saahab hum chhoti se chhoti baat par lad jate hai or usi chhoti baat par ek sath khade bhi ho jate hai .....
Wah ladka dhire dhire usi seat ke paas aa pahucha lekin use waha kishor nhi Mila usne gate ki or dhyan Diya to kishor gate par utarne ke liye khada tha wah ladka mayus hokar uski samne wali seat par baith gya jaha par abhi kishor baitha tha or apni gardan ko upar utha kar aankh band kar sant baith gya uska hath kab uske pet par chala gya use pata bhi nhi chala abhi wah baitha kuchh soch hi Raha tha ki ek Chhota sa ladka hath me garma garm samosas liye uski khidki ke paas aaya or chilaya samose le lo garmaaa garam somossa le lo......
Note Ab es story me usi ladke ki kahani chal rhi hai to
ab use main मी(main, mujhe) in sab sabdo se indicate karunga.
Paas me baitha yatri meri khidki ke paas aaya or usne samose Wale se samosa kharidne lga main baitha us yatri or samose Wale ko dekh rha tha or sath hi sath wo garma garm samosa jise dekhkar meri bhoonkh or badh gyi thi lekin main kha nhi sakta tha kyuki use kharidne ke liye mere paas paise nhi the mujhe ab un sabse nafrat or gussa dono hi aa rha lekin siwaye dekhte or bhookh ki aag ko sant rakhne ke siwa main kuchh bhi nhi kar sakta tha aakir mayus ho kar main chupchap baith gya....
Us yatri ne samose le liye or jaise hi apna hath ander ki or karna chaha ki usse pahle train ne ek jhatka liya or fir wah station par purnroop se khadi ho gyi lekin us jhatke ki wajah se yatri ke hath se ek do samose neeche station paa ja gire wah yatri nirash ho kar bache huye samose lekar apna hath ander khich liya or apni seat baith gya.
Main baith un samoso ko dekh rha tha or soch rha tha kash ye samose train me girte to inko utha kar main inhe kha leta fir eka ek Maine gate ki or dekha jaha se ab sirf yatri train par Chad rhe the or jyada koi bheed nhi thi Maine apni seat chhodi or daudkar gate ke paas pahucha or waha se jaldi utarne lga jis wajah se meri takkar kisi se ho gyi or wah station par gir gya lekin Maine uski or dhyan nhi Diya or daudkar un samoso ke paas pahucha lekin meri kismat waha par khade ek kutte ne wo samose kha rha tha.
Main nirash hokar wahi apne ghutno par baith gya or mere aankh se aashu nikal aaye or bhagwan ko kosne lga ki aakhir mujhe janm hi kyun Diya jab meri jindagi itni jhand hi rakhani thi abhi main chupchap baitha ye sab soch hi rha tha ki ek hath meri or badha jisme samosa tha or sath hi ek madhur si aawaz aayi......
Lo beta samosa kha lo ......,.....
Wo tumhare liye sahi nhi the.,..........
Maine pichhe mudkar dekha to ye koi or nhi balki train me sabse pahla vyakti jisse main Mila kishor tha......
Sorry uncle..........
Maine jaldbaazi me aapko dekha nhi or aapse takra gya or aap meri galti ki wajah se gir gye...
Haa train se utarte wakt meri takkar kishor se hi huyi thi or jaldbaazi ke karan main use utha bhi nahi paya tha.....
Uncle aapko koi chot to nahi lagi or mujhe maaf kar do plz..
Kishor koi baat nahi beta main ekdum thik hu mujhe koi chot nahi lagi.....balki accha hua agar main girta nahi to main tumse dubara kaise mil pata or sayad tumhara mujhse takrana bhi bhagwaan ki hi marzi Rahi hogi......
Abhi ye sab chhodo or pahle ye samose Khao nahi to thande ho jayenge....
Main Are......... uncle..........ye.... ye main kaise......
Abhi main apni baat ko Puri kar pata usse pahle kishor bol pada
Kishor kyu nhi uncle bhi bolte ho or uncle ko mana bhi kar rhe ho ye to achha nahi hai or tum mere samose kyu nhi kha sakte beta ye samose maine tumhare liye hi liye hai or sankoch na Karo inhe kha lo mujhe PTA hai ki tum bahut bhoonkhe ho chalo utho or waha us chabutarey per baithte hai....
Or phir hum station ke ek chhote se chabutarey per Jaa baithe waha per Maine kishor ke diye huye samose khane laga......
Opps sorry uncle Maine aapko to puchha hi nhi....
Kishor koi baat nhi beta or Maine abhi abhi lunch Kiya tha to main waise bhi abhi kuchh nahi kha sakta....
Waise beta Hame mile itna wakt ho chuka hai lekin abhi Tak tumne apna koi parichay nhi Diya.......
Naam kya hai tumhara?
Kaha se aaye ho?
Karte kya ho?
Tumhare mata pita kaun hai?
Main samosa khate khate ruk gya or kishor ki or dekhne lga phir ek nirasha ke sath bola uncle Mera naam mujhe PTA nahi kyuki main anath hu maine jabse hosh sambhala logo ne bas mujhe gandi galiyon se hi bulaya hai or pet bharne ke liye sab mujhse wo kaam bhi karwate hai Jo main nahi karna chahta...
Or phir main shant ho gya.....
Kishor ne ek baar meri or dekha phir mere samose khatam hone tak ka wait Kiya.....jab Maine sabhi samose kha liye to kishor mujhse phir bola....
Kishor abhi kaha jaoge???
Main jaha kismat le Jana chahe???
Kishor to apni kismat ko mere pichhe lga do or mere sath mere Ghar chalo waha main tumko koi accha sa kaam dila dunga......
Main lekin uncle aap mere liye itna pareshan ho mujhe accha nahi lag rha hai ....
Kishor are isme pareshaani kaisi logo ko ek dusre ki madad karni hi chahiye......
Maine bhi apne man me socha abhi kaha jaunga or us harami kaliya ke aadami bhi mujhe dhund hi rahe honge to inhi uncle ki baat Maan leta hu...
Kishor kaha kho gye beta?? Or kya soch rhe ho???
Main... thik hai uncle main aapke sath chal rha hu lekin aap apne Ghar walon ko kya bolenge??
Kishor uski chinta tum Naa Karo main sab dekh lunga,or phir kishor station se ek cab li or sabse pahle ek shoping complex me Jaa kar mere liye kuchh kapde kharide or phir waha se hum kishor ke Ghar ki or nikal gye.......
Ab story me characters introduction hoga
Aap log kis kis ko is family me dekhna chahoge kishor ki family me kaun kaun hona chahiye ye aap log apne comments dekar story ko or bhi intresting banane me meri help kare (thankyou)
Aapko meri ye story kaisi lag rhi hai comment karke mujhe jarurat btaye