UPDATE 164
Aese mahoul me bhi nagarjun ki ye thitholi sun sab ke chehre pe muskan aa gayi lekin halat ki gambheerta ko dekhte hue baki sab turant waha se nikal pade sab ke dilo dimag me aandhiya ud rahi thi. future ka soch kar.
Ab Aage---------
Sabhi log nikal kar thakur ke farm house pahuchte hae jaha pe is waqt tak kareeb 50 guards ne poore farm house ko ghera hua tha. Jo door se hi najar aa rahe the.
Idhar mout ka jaal bichh chuka tha dev ke maa aur babu ji ki jindagi mout ki kagar par thi aur udhar tilismi chakra me ek mahal ke chhote se talab ya swimming pool kah lo usme ek ke baad ek panch bejan jism pani par taerte najar aa rahe the dev, poonam, rudra, nilam aur rajni ye sab us nadi ke beech bane kue (Well) me gire aur behosh ho gaye the lekin nikle the ek mahal ke andar. Aur ye sab abhi Gaanv ke halat se poori tarah anjan the.
Wo sabhi behosh the lekin fir bhi koi doob nahi raha tha. Sabhi log pani me gire patto ki tarah tair rahe the.Thodi der ke baad koi unhe pani se nikal ke. Bahar lita deta hae…….
……chalo bhai tum logo ke hosh me aane ka waqt aa gaya hae………….
aur fir sabse pahle dev ki ankhe khulti hae. samne dekhta hae to muskra deta hae. aur ek kone me baeth ke sabke hosh me aane ka intjar karta hae. dheere dheere sab ko hosh aa jata hae sabse aakhri me rudra ki ankhe khulti hae. aur wo jab sabko surakshit dekhta hae to khush ho jata hae lekin jaese hi samne dekhta hae.
Rudra – sale tu kab aaya yaha?
Khatera – mae to parchai hu aapki Trikal ne mujhe aapke sath lagaya hae. mae kabhi jata hi nahi aur jata bhi hu to aapki khabar rakhta hu.
Dev – ye kaun si jagah hae?
Khatera – ye Trikal ka mahal hae.
Sabhi ek saath - kya????????????
Dev – Trikal ka mahal?
Rudra – to aakhir tune hame faans hi liya na?
Khatera – maene kaha kuchh kiya tum log hi meri bat ko har bar ansuna kar ke aage badhte rahe aur aakhir yaha tak pahuch hi gaye. Ab chalo andar.
Sab log andar jate hae to andar bahot bada shahi hall tha deewaro pe tarah tarah ki paintings thi talware lagi hui thi. jo dikhne me hi bahot jyada bhari lag rahi thi. chhat pe vishal jhoomar latak raha tha. Deewaro par bade hi robdar shaksiyat wale insane ki paintings lagi hui thi. jo ajeeb se kapde pahne tha. Aur kahi khada hua dikh raha tha to kahi singhasan pe shaan se baetha hua dikh raha tha.
Dev – khatera ye kis ki paintings hae yaha par?
Khatera - Tum logo ko yaha baethna hae to yaha ki saaf safayi kar lo aur fir aaram karo mae bad me aauga aur tum logo ke khane peene ka saman la duga. ........usne dev ki bat ko suna ansuna kar diya.
Rudra – hum log kyu kare yaha ki safai sala noukar samjha hae kya? Abe sasti se sasti hotel me bhi chale jao to waha bhi sab saf to milta hae baethne ko jagah to milti hi hae. aur tu to kah raha tha ye trikal ka mahal hae sala isse jyada saaf to dhaba hota hae be. Ye koi mahal hae abe bhutiya haweli hae ye sale sharam nahi aati khandhar ko mahal kahta hae? yahi aukat hae tere us trikal ki? kuchh noukar laga kar mahal saf nahi kar sakta kahe ka bhagwan hae be wo?
Khatera – tu jo chahe bolta rah rudra mujhe gussa nahi aane wala. Aata hu mae.
Itna kah kar khatera gayab ho jata hae.
Dev – Trikal ka mahal hae ye. Yaha aana bhi sab ke naseeb me nahi hota be. Tujhe to yaha jhadu marne ko mil rahi hae, khush kismat hae tu. chalo shuru ho jao.
Rudra – waah BC tu to aese bol raha hae jaese jhadu marne se yaha gold medal milega. Kahe ki khushkismati hae isme.
Rudra bura sa mooh bana ke dev ko dekhta hae. to dev hans deta hae.
Poonam – kya dev aap bhi rudra ko pareshan kar rahe hae. hum teeno mil ke safai kar dege aap nishchint raho. Fir teeno ladies safai me lag jati hae jab koi bhari cheez hatane ya sarkane ki jarurat padi to dev aur rudra ne kar di. Beech beech me rudra aur dev bhi unka hath bata rahe the. Koi 2-3 ghante ke baad poora hall chamak raha tha. Bas jhoomar chhod ke kyu ke wo bahot upar tha.
Rudra ghum raha tha waha ki har cheez ko kotuhal ki najar se dekh raha tha. kabhi paintings ko chhu kar dekh raha tha. jisme moujud shaks ki aakhe kuchh khas thi. uske chehre ka roub tasveer me bhi alag hi dam rakhta tha. , kabhi waha tangi talwar utha ke dekhta jo sach much kafi vajni thi aur hire jade the un talwaro me lekin kahi kahi se gayab the. wo bhi ye samay ki maar hi thi jo har cheez pe dikh rahi thi.
fir yu hi ghumte ghumte uski naajr waha plate form pe rakhe ek hiran pe gayi nakli hone ke nate wo kafi bada tha jisse wo asadharan dikh raha tha. Use dekh kar yu lag raha tha abhi chalang mar ke nikal jayega it was just real. Wo bade gaur se us hiran ko dekh raha tha. Jo sone ka bana hua tha. Aur abhi safai hone ke baad kafi chamak raha tha. Uski peeth pe jaha asli hiran ki peeth pe kale gol nishan hote hae. Waha is hiran ki peeth pe alag alag hire lage hue the jo chamak rahe the. Lekin us hiran ki ankho me kuchh nahi tha waha bas do gadhe the. Usme se lal roshni nikal rahi thi aur halka halka dhua sa. jaese ke usme aag lagi hui ho.
Rudra ko bada ajeeb lag raha tha ke ye kaesa tilism hae samne painting hae lekin chehre asli lag rahe hae, talware hae unki nakkashi gayb hae, itne ache hiran ki ankhe is buri halat me hae. agar iski ankhe bana di hoti to kitna khubsurat lagta. Fir Wo yu hi tahalta hua aage jata hae to use ek aurat ki moorti dikhti hae jo apna ek hath kamar pe aur ek hath sir ki taraf is andaz me kar ke khadi thi mano waha pe usne ghade pakad rakhe hae lekin koi ghada nahi tha na uski kamar pe na uskie sir pe.
Rudra – chutiye hae sale. khud ko tilism ka king mante hae koi cheez perfect nahi ab Ye itna khubsurat putla banaya hae jaese ye aurat abhi bol padegi. Koi gaanv wali lag rahi hae. lekin iske ghade hi cheen liye ya banaye hi nahi. Akal hi nahi hae. aur khud ko bahot bade tilismi jadugar kahte hae loude.
Rudra yu hi badbadate hue wapas aakar dev ke pas baeth jata hae. Tabhi waha khatera aa jata hae. aur ek taraf ishara kar ke khana laga deta hae.
Khatera – tum log khana kha ke aaram karo aur chaho to bate karo mujhe koi matlab nahi. Itna kah kar khatera fir chala jata hae.
sabhi log khana kha lete hae. aur wahi pe let ke sustane lagte hae koi ek do ghante baad…….. unhe kone me koi baetha najar aata hae.
Rudra – abe tu jata kyu nahi hamse chipka kyu hua hae?
Khatera – yahi kaam hae mera
Dev – Trikal kaha hae?
Tabhi waha ek roshni ka bindu chamakta hae
Khatera hath jod ke apna sir jhuka deta hae – Trikal ki jay ho, Trikal mahan hae.
Trikal – tumhare kam se mae khush hu khatera badiya kam kiya tumne mae tumse bahot khush hu. Inka dhyan rakhna do din baad hosh me aaye hae.
Dev – do din baad?
Trikal – ha dev yaha ke samay ke hisab se do din baad. Do din se tum log isi talab me behosh taer rahe ho.
Dev – Trikal hame yaha kyu laye ho? Jaha tak mae samajhta hu tum hame koi nuksan to nahi pahuchana chahte kyu ki yadi aesa hota to hum sab do din se behosh tumhare samne the tum hame maar sakte the ya bandi bana sakte the par tumne aesa kuchh nahi kiya. Aur ab jabki hum tumhare hi mahal me hae to tum khatera ko hamara dhyan rakhne ko kah rahe ho jaese hum tumhare mehman ho?
Trikal – dev ye sab bate bemani hae in ko chhodo kam ki bat kar le?
………tumhe jis cheez ki talash hae wo yahi milegi isiliye yaha ho tum log.
Dev – kya matlab ?
Trikal – matlab SWARN MANI
Poonam – lekin ……….
Trikal – poonam tum abhi kuchh mat socho. Kyu ki jo mae kahne aaya hu wo sunna jyada jaruri hae………………..
