UPDATE – 171
Diya – thik hae deva. Mae vachan deti hu…………….
mae kisi se kuchh nahi kahugi jab tak tum khud nahi bata dete sab ko. Lekin ye kya majak hae tu apna parichay mujhse karwayega? Kya mae tujhe bhi nahi janti?
Deva – nahi, aap mujhe poori tarah nahi janti ab janegi………….
….to sabse pahle. Hamari nayi sathi channo, yu to ye thakur ke ghar me kaam karne wale ek majdur ki biwi thi, lekin baad me meri bahan bani aur ab gurum ki hone wali jeevan sathi. Hamari team ki sabse nayi, chhoti, lekin behad khatarnak saathi. Kai sari alokik shaktiyo ki malik.
Ye hae gurum kabhi ye underworld ka ek namcheen apradhi hua karta tha, lekin jiske usool aam insano se kahi adhik majbut hae ek bharosemand sathi, dost, bhai, aur channo ka honewala jeevan sathi. ye hamari team ka dusra sathi hae.iske pas bhi kai sari divya shaktiya hae kuchh to aesi shaktiya hae jo channo ke pas bhi ab tak nahi hae.
Ye hae Nagarjun yaha se hajaro meel door anjan jagah pe bane NAG LOK ka rahne wala mayavi shaktiyo ka malik ek khatarnak jahreela aur gajab ka furteela NAAG. lekin mera dost aur hamari is team ka sathi. Iski chusti furti ka namuna ek baar aap dekh bhi chuki hae , jab thakur ne hamla karwaya tha aap par aur payal par.
Ab inse miliye, Ye hae shalaka Naag Lok se kuchh door basi hui TILISM NAGRI ki chhoti rajmkumari. Kai tilismi shaktiyo ki jankar bahot jayda bahadur nagarjun ki premika aur uski hone wali biwi. Hamari team ki sathi. Iski ek visheshta aur hae wo bhi batata hu.
Inse miliye Ye hae mera bhai jaesa jigri dost RUDRA naglok ka hi vasi hae. ye ek behad khatarnak mahakay, behad vishaila ichhadhari aur manidhari NAAG hae saath hi ladayi ki har kala me mahir, shoorveer, bahadur, foulad sa jism hae iska. lekin dimag bachho jaesa masoom, pyar karta hae to jan luta deta hae. lekin agar koi mujhe ya iske pyar ko takleef de to uski jindagi jhannum banane se pahle ye mujhse bhi nahi poochega. Mout ki ghati me bhi ye bina soche mere liye kood sakta hae. taqatwar itna ki lohe ki salakh ko bhi rumal ki tarah kalai pe lapet sakta hae. Hum dono dost ek bar meri galti se bichhad gaye the lekin sirf dubara mujhse milne ki khatir isne sekdo sal ki tapasya ki hae. apni premika aur mangetar neelam ke sath hone ke bavjud bhi isne shadi nahi ki kyu ki isi ne ek bar kaha tha hum sabki shadi ek sath ek hi mandap me hogi. Is gadhe ne us bat ko poora karne ke liye mera sekdo salo tak intjar kiya aur nilam ke sath shadi nahi ki. ye bhi iski prem deewani ise chhod na payi aur isne bhi utna hi lamba intjar kiya hae apne pyar ko pane ke liye. Ye mera dost , mera bhai aur hamari team ka aham hissa hae is ke bina mae bhi kuchh nahi.
Diya to haerat ke mare murti si ban gayi thi use deva ki bate kisi kitab ki kahani jaesi hi lag rahi thi wo mooh fade bas dev ko taktaki lagaye dekhe ja rahi thi aur us ki bato par yakeen karne ki koshish kar rahi thi. jo kahi se bhi yakeen ke layak nahi lag rahi thi lekin deva bol raha tha to yakeen na karne ka koi karan bhi nahi tha uske pas.
Deva - Ye nilam hae ye bhi naglok ki vasi hae ye bholi bhali khubsurat si dikhne wali ladki kayi mayavi shaktiyo ki malik ek ichhadhari aur behad khatranka mani-dhari nagain hae, rudra ka pyar hae ye, aur rudra iski jaan, jab rudra mujhse bichhad gaya aur gamgeen ho gaya to mujhse milne ki khatir tapasya me leen hone laga tab ye bhi iske pyar ki mari iske saath usi tapasya me baeth gayi aur sekdo salo ki tapasya me chali gayi apni jindagi ke sekdo sal isne apne pyar ki khushi ke liye laga diye. Aesi hae ye. rudra ki mangetar aur jaldi hi uski hone wali biwi.
Ye hae rajni agar ise dhyan se dekho to ye babu ji ke dost sundar lal ji ki patni hae lekin wo iska hi chhaya roop hae jo kai salo se isiliye unke saath thi kyu ki uske jariye ye babu ji aur babu ji ke jariye mujhse sampark bana sake kyu ki ye kahi dusri duniya me kaid thi isiliye ye mujhse seedhe tour pe nahi mil sakti thi. aur jab ye us chhaya roop me aayi tab to mae paeda bhi nahi hua tha babu ji ke ghar me. Ye bhi mayavi shaktiyo ki jankar hae. aur hamari team ki sadasya bhi.
Ab miliye inse ye hae tilism nagri ki badi rajkumari poonam tilismi nagri me inke barabar tilism kisi ko nahi aata swayam inke pitaji ko bhi nahi. Rajkumari poonam yani mera sadiyo ka pyar. Jisne mere liye apni jaan gavayi aur fir se mere liye janam liya. Mujhe pane ke liye. Abhi maene shalaka ki ek visheshta ki baat kahi thi. to wo visheshta ye hae ke shalaka aur poonam tilism nagri me sagi bahne hae. yani dono hi tilism nagri ki rajkumariya hae.
Aur sabse aakhir me mae yani aapka deva……….
Rudra – ruk be kitna bolega thakta nahi hae kya? tera parichay mae duga. Ha to bhabhi asal me ye hae to deva singh hi aapka deva, deenanath aur savitri ji ka beta ye baat poori tarah sach hae. lekin utna hi sach ye bhi hae ke ye NAGLOK ka Ek ichhadhari, mani dhari, Swarn mani dhari, mayavi shaktiyo ka jankar, ek khatarnak yodhha, poonam ka sadiyo ka pyar, rudra ka sadiyo se bichhda hua bachpoan ka dost, maharaj bhairav singh aur maharani neelmani ka eklauta priya putra YUVRAJ DEV SINGH ek MAHA NAAG, ICHHADHARI hae ye.
Diya ko ye sari baate sun kar chakkar aane lage to usne wahi deewar ka sahara le liya aur apna sir pakad liya.
Thodi der ke baad jab usne aankhe kholi to sab apni apni nagri ki vesh bhusha me uske samne khade the. Sirf gurum aur channo hi samanya kapdo me the.
Ye sab dekh kar Diya ki ankho se aansu nikalne lage. Usne hath jod diye aur deva ke paero me baeth gayi
Diya - mae nahi janti aap log kaun ho lekin please mere deva ko wapas lauta do hum log uske bina mar jayege. Wo kaha hae. kahi aapne hamare deva ko mar to nahi diya mujhe use dekhna hae.
Deva turant apne samanya roop me aa gaya aur diya ko kandho se pakad ke utha diya.
Deva – bhabhi ye aap kya kar rahi hae mae hi aapka deva hu.
Diya - nahi rajkumar mera deva to bahot seedha sada hae uska in sab bato se koi matlab nahi use wapas kar dijiye please mae aapke hath jodti hu.
Deva - bhabhi aap kya bol rahi hae koi dusra deva hae hi nahi mae hi aapka deva hu. Yad hae jab aap shadi kar ke aayi thi to mae hi aapka hath pakad ke aapko ghar ke andar tak laya tha. Aur fir aapne pyar se mera gal sahlaya tha to mae Sharma ke bhag gaya tha.
Diya - ha mujhe yad hae. lekin ye sab tum kaese jante ho?
Deva – are yar mae hu to mujhe hi nahi pata hoga kya? Mae kah raha hu na jo rudra ne mere bare me bataya wo sab to sach hae hi lekin ye bhi sach hae ki mae hi aapka deva hu. Aur ye poonam bhale hi tilism nagri ki rajkumari hae lekin yahi asli poonam bhi hae. padma kaki ki beti. asal me hum dono ka punarjanam hua hae. ruko mae aapko sab kuchh shuru se batata hu fir aap sab samajh jayegi. Aapko yaad hae. mae pahle kaesa tha isi jyoti thakur ne mujhe chanta maar diya tha aur mae kuchh nahi kar paya tha. Usi din mujhe fakeer baba mile wo kaun hae aage pata chal jayega aapko. Unhone mujhse baat ki fir mae aur maa mama ke ghar gaye the. Bas jis din hum laut rahe the usi din se sari shuruat hui. mere andar nayi taqat fakeer baba ne jagayi. Mujhe sadhna me baeth kar poori shaktiya jagane ke liye kaha aur fir…………….
Deva diya ko sab batata chala gaya. Aur sari baat sun kar diya ki ankho se ansu nikal pade. wo bina kuchh soche deva ke seene se lag gayi. Aur aansu bahane lagi waha moujood sabki aankhe bhar aayi thi.
Deva ne diya ko shant karwaya. – bas bhabhi yahi hae meri kahani.
Diya - to iska matlab pichhle kareeb 7 mahino se tum tilismi chakra me the aur sath me ye poonam, rudra, aur nilam, rajni bhi?
Rajni - bhabhi mae to wahi kaid thi jab deva aaya tabhi to mujhe waha se mukti mili hae to mae bhi wahi se inke saath ho gayi.
Diya – matlab mera dev sachmuch ka Rajkumar hae. mae bahot khush hu tere liye dev aur bhagyasahli hae tere mata pita jinke ghar me tune janam liya. Bhagyashali hae ye poonam jiska tu suhag banne ja raha hae. bhagyasahli hoga wo bachha jiski rago me tera khoon hoga.
Poonam – fir to aapki kokh me pal raha bachha bhi bhagyavan hi hae na bhabhi. Kyu ki usme bhi to wahi khoon hae jo dev ki rago me hae.
Diya ne chonk kar poonam ki taraf dekha aur uski najre jhuk gayi aur jhuki najro se hi usne kaha
Diya - kya matlab poonam ............?
