update 1
kai yugo pahle
charo taraf ubalti lava,uske bich me ek tairta hua pahad ka tukra or yog mudra me baithe hue ek sadhu,jinke mathe par yugo-yugo ka gyan dikh raha tha,chehre par bahut sari bhav dikh rahi thi,tabhi achanak unki aankhe khulti hai or khush hote hue kahte hai-
''hey iswar dhanyavad,ye to mujhe pata tha ki aap ek na ek din hamare daitya kul ke liye kuch na kuch karenge or unki khoi hui saktiya pane me jaroor madad karenge,par parmeswar ye hame nahi pata tha ki aapka hi ansha daitya kul me janm lega,koti-koti pranam prabhu"
abhi vo sadhu or kuch kahte usse pahle hi,vanha kuch aascharyajanak hota hai,achanak aisa lagta hai jaise samay ruk gaya ho,ek ek chij jo wanha moujud thi wo ekdam se ruk jati hai,or vanhi un sadhu ke samne thori dur pe ek tej roshni failti hai,us roshni ki tej itni thi ki lag raha tha ki sampurn brahmand ke tare(stars) ek bindu me sama gaye ho,lekun ye tej us sadhu ke aankho ko ek sukun or shanti de rahi thi,jisse un sadho ke hath khud ba khud us roshni ke samaksh jur jate hai,..tabhi us roshni se ek aawaj gunjti hai,
"shukracharya,aapko hi ushe sahi rashta dikhana hoga,jo ki aage badh ke aapke kul ka naam roshan karega or brahmand ka kalyaan karega,lekin yaad rahe agar wo apne rashte se bhatka to aapke kul ka to vinash hoga hi,sath sath sampurn brahmand khatre me aa jayega"
yah kahkar wo roshni Gayab ho jati hai or phir sab sahi ho jati hai,uske baad wo sadhu jo daitya guru shukracharya the wo bhi kuch sonch kar kanhi gayab ho jate hai......
at present
ek ladka anant gahraiyo me girta chala ja raha tha,apne parivaar se dur hota chala ja raha tha,
achanak mobile me bajti ring ne kartik ko uske is darawne sapne se jaga diya,pasine se pura sarir bhig chuka tha,hafte hue kartik khud se kahta hai,
"pata nahi ye roj ke sapno se mujhe kab chutkara milega"
tabhi uska dhyaan mobile me ekbaar or bajte hue ring par jata hai,or turant vo phone uthata hai,phir udhar se,
"sale tu mobile rakhta kyo hai,jab call uthana nahi hota hai"
kartik- "are bhai neend me so raha tha,accha ab to utha liya,bata ab kya baat hai,jo itne subah baja baja raha hai."
phir udhar se,majakiye dhang me,
"haa bhai bol le jitna bolna hai top karne ke baad aatitude to aa hi jata hai"
kartik khijte hue,
"bhai kya subah subah pagalo se jaise baate kar raha hai,bata na kis baat ke liye call kiya tha"
udher se,
"sale tune jo exam diya tha us callage ke liye,usme tu pass kar gaya hai,sala teri sari jankari mujhe hi rakhni padti hai"
ek pal ke liye kartik ke chehre par khishi ke bhav dikhte hai,lekin agle hi pal usne sare bhavnao ko jhatak kar kaha,
"haa to kya ho gaya chod na wo sab"
udhar se khijte hue,
"sale kaisa insaan hai tu,koi khushi nahi hui tujhe,accha ye bata kab jaa raha hai to interview dene"
kartik ek gehri saans lete hue,
"nahi bhai mai nahi jaa raha,or tujhe acche se pata hai ki mai kyo nahi jaa raha hu"
udher se,
"are yaar,dekh paiso ki baat hai to kab kaam aaunga? aakhir isi samay ke liye to dost hote hai na,or tu isbaar kam se kam naa nahi kahega."
kartik kuch sonch kar,
"nahi yaar paiso ki baat nahi hai,tu janta hai na papa ko mai aise akele chor kar nahi jaa sakta"
udhar se,
"aab mai kya hi bolu,itne baar samjha chuka hu,lekin tu hai ki...
bich me hi baat ko kat te hue,
kartik-"kuch mat bol or ye bata ye result ka tujhe kaise pata chala"
udher se nirasha bhare awaaj me,
"wo news paper me nikla tha,school walo ne apne school ki ad me ye sab diya tha."
tabhi ye baat sunte hi kuch yaad kar ke harbarate hue kartik ne kaha,
"accha baad me baat karta hu" or call kat diya,or khud se hi barbaraya,
"kanhi papa ne news paper to nahi padh liya"
or bhagte hue main gate par pahucha,niche news paper jamin par pada hua tha,use uthaya,paper par ek school ke advertisement tha jispe likha tha,
"vivekanand school ke student kartik sharma ne rajya ke sabse bade university ke entrance exam ko crack kiya"
kartik ne ekbaar paper dekha or agle hi pal us paper ke do tukde kar dustbin me rakh diya,or rahat ki saans liya.
par koi tha jo ye sabkuch apne nam aankho se dekh raha tha..................?
