Asha ki aankhen abhi yug ki aur thi.jawab ka wait kar rahi thi asha
Aur yug ne abhi abhi Monica ko taal diya tha lekin achanak asha bua???
Uff ye musibat kab peecha chhodegi pata nahi
"Wo.....asha bua kab aayi aap???"yug bola
"Baat achi tarah se taalne lage ho yug,khair thodi der pehle aayi,samose laayi hoon kha lena"asha boli
"Kha lena matlab???aap nahi khayengi kya ??"yug ne poochha
"Jab apna bhatija bahane maarne laga ho aajkal fir mai kya karun yahan aakar??tu aur shiksha mujhe apni jaan se bhi zyada Pyaare hai yug.lekin......kya ho gaya hai tujhe??har waqt aise chot kaise lag jaati hai tujhe ??poochne par gol gol jawab deta rehta hai,kyun??"asha boli
"Yani aap mujh par shaque kar rahi hai"yug bola
"Shaque ke layak kaam kar raha hai to shaque hoga hi"asha boli
"Ummm.....aap ruk jaiye na aaj.uske baad kabhi nahi kahunga rukne ke liye"yug bola
Asha ka man to nahi tha lekin kya kehti yug ko.asha bas itna chahti hai ki uska bhatija sahi salamat rahe,kisi galat sangat me na pade.
Yug ne kaha bhi tha asha se ki ek din bohut bada reporter banega,sunkar asha khush bhi ho gayi thi.
Lekin abhi jis haalat me yug dikhta hai.lagta nahi padhai me dhyan bhi de raha hoga
"Mai bhabhi aur bhaiya ke saath hoon doosre room me,lekin yug agar mujhse kuch bhi chupaya to.......dekh lena acha nahi hoga"dukhi hokar asha dheere dheere chali gayi
----------------------------------------------------------------------
Yug ne seedha Chen ko phone lagaya
"Bol"Chen bola
"Help chahiye thi"yug bola
"Kaisi help??"Chen ne poochha
Uske baad yug ne jo bola usko sunkar Chen ki aankhen badi ho gayi
"Ye..... khatarnak hoga yug"Chen bola
"Mere paas aur koi raasta nahi hai,waise bhi ek udhaar baaki hai,yaad hai na jaan bachayi thi teri??"yug bola
Chen ko gussa a gaya.manne ke alawa kuch nahi kar sakta tha wo
Waise bhi ye karna zaroori bhi hai warna yug par duniya shaque kar rahi hai
"Thik hai yug.lekin aakhiri baar hai ye"bola Chen
"Chalega"yug bola aur phone rakh diya usne
Yug has pada.use maza aata hai jab Chen aur uski nahi banti.ek hi clan ke hai lekin abhi tak dosti bhi nahi hui dono ke beech
Yug ne Monica ko phone lagaya
"Hi handsome??"Monica ne phone uthakar bola
"Hi ....suno na ek baat karni thi"yug bola
"Bolo"Monica boli
"Wo aaj humne plan kiya hai ki sab saath me movie dekhenge,a paogi??"yug ne poochha
"Jaan hazir hai meri jaan aur fir ye to sirf movie dekhni hai saas sasur aur apne nanad ke saath"Monica boli
Yug ne sar par haath maara.ye ladki....
"Thik hai monica.mai wait karunga"bol yug ne phone rakh diya
Monica poori thrilled thi.movie night wo bhi yug ki family ke saath
Achi khaasi ghul mil gayi thi yug ke family ke saath monica
Usne apna denim shorts pehna aur ek t shirt pehen kar baalon ko ek bun me rakha aur daud kar chali gayi session se neeche
"Are beta??itni bhagam bhaag??"mr Oberoi ne poochha
"Papa mai yug ke ghar ja rahi hoon.movie dekhne"Monica boli aur daudkar chali gayi
Mr Oberoi ne kabhi Monica ko nahi roka tha.na aaj roka.saahil se peecha chootne ke baad ye naya chokra kuch zyada hi dosti kar raha tha Monica ke saath
Yug naam tha na ladke ka??
Mr Oberoi soch me pad gaye
-------------------------------------------------------------------
"Hi aunty,hi uncle ,hi shiksha"Monica chahate hue apne saath soft drinks ki bottle poly ke haathon ke dete hue boli
"Beta ye sab kyun??kya zaroorat thi??"poly boli
"Are??aapne mujhe beta kaha hai na??kya beta apne maa ke liye ye sab nahi kar sakti??"Monica muskurate hue boli
Poly bhi muskurai
"Yug acha hota agar hum koi streaming service use karte movie ke liye,tv par movie dekhna....zyada ad aayega"harish bole
"Oh papa kuch nahi hoga,nayi movie hai aur add nahi hai isme"yug bola
Asha ki aur yug dekhne laga.chupchap khadi thi bas .kisi se zyada baat nahi kar rahi thi
"BREAKING NEWS,AAP SOB KO BATA DE KI MASK WALA AADMI FIR SE DEKHA JA RAHA HAI EK ILAKE ME.HAMARE CORRESPONDENT AAPKE LIYE LIVE LA RAHE HAI KUCH DRISHYA"news flash hone laga tv par aur asha use dekh chaunk padi
Baar baar yug ko dekh rahi thi aur tv ke screen par.usne ek phone lagaya aur baat karte karte bahar a gayi
News flash ko dekh Monica bhi khush ho gayi aur baar baar yug ko dekh kar muskura rahi thi.yug bhi muskura raha tha
"Acha pizza order kar rahi hoon,kaun kaun khayega???"asha ke bolte hi sabne haath khade kar diye
"Bilkul nahi asha ye junk food hai,bachhon ko mat bigado"harish bole
"Please papa ,papa please"shiksha ke bolne ke baad aur kuch bacha nahi tha.sabne bohut enjoy kiya movie.monica aur yug ke beech romance bhi khoob hua
"Sorry yug,maine galat samjha tumhe"asha jaane wali thi movie khatam ho chuka tha aur Monica bye bolkar ja chuki thi
"Matlab??"janbujhkar anjan bana yug bola
"Kuch nahi beta ,ye aag lagane wale insan ko ab dekhti hoon,bye"asha gusse se boli
Prakash ke wajah se bewajah ek masoom par shaque kar baithi thi asha
Tabhi yug ko ek phone aaya
"Kaam ho gaya"Chen bola
"Thanks Chen,mask pehen kar kaisa laga???"yug ne poochha
Iske jawab me Chen ne phone rakh diya
Yug has pada
Chalo ek aur mission khatam
