"are wo dekh s Shyam" kuch logo ne bola aur modak ne dekha Shyam school gate se Ander ki aur a raha tha
Saare students Shyam ko dekh sehme hue the
Zaahir hai helmet ke pitne ki news fail chuki thi
Apne class me ghus kar chupchap apne seat me baith kar apna books nikalne laga Shyam
Class start ho chuki thi aur Shyam notes lene me busy tha
"kya maara us din modak ko tumne boss" shirley boli
Shyam ne jawab dena to door dekha tak nahi Shirley ki aur
Nahi Shyam doosro se kaafi alag hai, ek ajeeb si personality rakhta hai Shyam ye baat Shirley ko kuch hi dino me maalum ho gayi thi
"wah ise Kehte Hai result Shyam, surprise test me too kiya hai tumne, principal sahiba tareef kar rahi thi tumhari, lekin kyun ye result dekhkar pata chala" chemistry sir ne taarifo ke pul baandh diye lekin Shyam ko fark nahi pada
"thank you sir" bas itna hi Shyam ke muh se nikla
Class khatam ho chuki thi aur Shyam ne books wapas rakh diya
"koun hai Shyam??" ek awaz aayi aur sabne dekha ki ek hatta katta ladka Saamne a gaya
Prakash tha wo, aur Shyam ki aur badh gaya
Prakash same class doosre section me padta tha
Modak ke pitne ki khabar use mil chuki thi, uska best friend tha modak
Shyam ka collar pakadkar use uthakar diwar me sata diya prakash ne
"ab tu aisa pitega ki tujhe khidki ke bahar se aur Ander se dono jagah se dekh sakega har koi" prakash bola
Achanak Shyam ne khidki ke parde ko prakash ki aur uchala air isse pehle prakash kuch samajh paata Saamne aakar usi parde se uske sar ko dhak diya
"bahar nikal, mai kehta hoon bahar nikal" prakash chatpatane laga
Ghabrahat, agar kisi insan me baith jaati hai to use kuch nahi soojhta, na dimag chalta hai na sharir
THAAKKKKKK
Apni kohni se prakash ke sar par Vaar kiya Shyam ne
"CHODDD DE MAI KEHTA HOON..."
THAKKKK
THAKKKK
THAKKKK
THAKKKK
Vaar par Vaar karta gaya Shyam aur poora class dekh raha tha ise
Kuch der baad prakash ne apna muh band kar liya tha lekin uske rone ki awaz a rahi thi
Shyam ne parde ko bataya aur sooja hua sar aur chehra lekar prakash class se bahar Bhaag gaya
Shirley sab dekh rahi thi, class me ek naya sher a gaya tha, class me hi nahi school me
Ya ya shayad poore shahar me
Prakash Bhaag kar seedha modak ke Paas gaya jo apne pittuon ke saath baitha tha ped ke paas
"pit kar aaya na??" modak ke bolte hi sab hasne lage
"kuch karna padega yaar kuch karna padega warna ye ladka poore school me raaj karega" prakash bola
"iska intezam jald kiya jayega prakash thoda sa patience rakh" modak bola
"kya karega tu??" prakash ne poocha
"aaquib bhai se pitwane ka plan bana raha hoon" modak kutil muskaan ke saath bola aur prakash ki aankhen chamakne lagi
------------------------------------------------------------------
Shyam school se bahar nikla hi tha ki use sakshi dikha gayi
Lekin usne dhyan nahi diya aur aage badhne laga
Sakshi ne car me turant baith kar seedha uske Saamne le gayi car ko aur horn bajane lagi
"lift??" sakshi ne poocha
Shyam ne kuch bola nahi aur aage badhne laga
"yaar tumne mujhse sorry bola na?? To agar tum chahte ho ki mai tumhari sorry accept karu to Ander a jao" sakshi boli
Shyam thodi der khada raha fir peeche ka darwaza kholne laga
"arrr mai tumhari driver nahi hoon Shyam ji, kripya karke aage baithenge??" sakshi ne haath jod liye aur Shyam ne ek bohut rare halki se muskan di
Is serious idiot ko hasna bhi ata hai?? Sakshi sochne lagi
"waise mai tumhare baare me kaafi galat thi yaar" sakshi car chalate Waqt
Shyam chup raha
"waise let's try reintroducing ourselves, I'm Sakshi, Sakshi malhotra" sakshi ne haath aage badhaya
"Shyam saxena" Shyam bola
"to aaj se dosti pakki??" sakshi ne poocha
"tum college me ho mujhse ek saal badi, meri mummy tumhare yahan kaam karti hai, aur fir hamari lifestyle alag alag hai, sorry" Shyam bola
"are lekin...." sakshi bolne lagi
"mera ghar a gaya" Shyam bola aur car se utar gaya
Tabhi sakshi ka phone bajne laga
"beta khushkhabri shivam a raha hai" usha ka phone tha
Aur ye sunkar sakshi ekdum khush ho gayi
Shivam uska bada bhai a raha hai
