"hi Shyam??" sakshi ne daudte hue Shyam ko pukara to shyam ne use ansuna kar aage badh gaya
"Maine kaha hi Shyam" sakshi Shyam ke Paas daudte hue aayi
"hi" bol Shyam aage badhta gaya
"mausam kitni suhani hai na?? Lagta hai aaj to baarish hokar hi rahegi" sakshi boli to shyam ne uska koi jawab nahi diya
"Shyam tumse ek baat kehni thi" sakshi bol padi
Lekin Shyam ne uska bhi koi jawab nahi diya
"meri shaadi ke liye ladka dekha ja raha hai Shyam, shayad aage se na mil paun" sakshi ka gala roondh sa gaya
Shyam ruka, sakshi daudte hue chali gayi, shyam ne rokne ki koshish nahi ki
Ek lambi Saans li usne,
Uske liye nahi bani hai sakshi, ek ache ghar me agar uska rishta ho Jaata Hai to kya bura hai???
Shyam ke Paas dene ke liye kuch nahi hai
Kab wo school khatam karega kab college khatam hogi fir job fir...
Ek minute ke liye usne sakshi ko bulana chaha lekin....
Uske paanv aaj school ki aur na Jaake sakshi ke ghar ki aur chal pade
"ladki achi hai captain" awaz sunny ki thi Shyam jaanta tha
"hmm" Shyam bola
"fir apna kyun nahi lete" sunny ne poocha
"mai sirf pari se pyaar karta hoon" Shyam bola
"aur pari ne hi kaha tha ki apne zindagi me aage badhi" ped ki ek daali ko haathon me lekar peeche se prince a gaya tha.
"kamaal hai captain, apne past ko chod nayi zindagi shuru kar diya lekin fir bhi past ko bhool nahi pa rahe ho" sunny bola
"chahte kya ho tum log??" Shyam ne achanak poocha
"aapko pata hai" prince bol utha
"tumhe mera jawab pata hai prince" Shyam bola
"thik hai captain, agar aap nahi aana chahte to zabardasti nahi karenge, lekin ho sake to us ladki ko Jaane mat dijiye" sunny ne apna haath Shyam ke kandhe par rakha aur chala gaya prince ke saath
Shyam sakshi ke ghar ki aur Jaane laga lekin do kadmo ke saath wapas school ki aur jaane laga
Bas ekbar peeche mudkar dekha usne
"all the best for your new life sakshi" bol bhaari kadmon ke saath school Jaane laga
------------------------------------------------------------------
"aur sakshi apne baare me batao" Narendra ne poocha
"sab to tumhe pata hai" sakshi boli
"Haan wo to hai hi, lekin mai fir bhi tumhare muh se sunna chahta hoon, is shaadi ke liye tum taiyyar to ho na" narendra ne poocha
Sakshi ne ek lambi Saans li
Nahi Shyam usse kabhi shaadi nahi karega
Waise bhi shaadi kisi na kisi se karwa hi denge dada dadi, fir ye kyun nahi
Lagta to decent sa hai
"mai taiyyar hoon Mr narendra, lekin aap bhi shaadi se khush to hai na??" sakshi ne poocha
"Arey yaar mai to aaj hi kar loon" Narendra ke bolte hi sakshi ne apni ghadi dekhi
"aaj chalti hoon" sakshi boli
"fir kab milenge?" narender ne poocha
"pata nahi narender ji, lekin mai aapse shaadi ke liye taiyyar hoon, lekin meri kuch conditions hai" sakshi boli
"kya conditions" narender ne poocha
"wo next mulakat par discuss karenge, ab chalti hoon" sakshi boli aur chali gayi
RING RING
"hello narender ladki Maan gayi??" doosri aur se awaz aayi
"pata nahi lekin koshish jaari hai" narender bola
"agar ye ladki shaadi ke liye na maani to hum barbad ho jayenge" doosri aur se awaz aayi
"mai aisa hone doonga??" narender bola
Aur phone rakh diya usne
Doosri air sakshi roye ka rahi thi
Kya sachmuch wo Shyam Se Door hokar rahegi??
