Update 1
bahut dinon kee baat hai. kaanchee nagar mein raaja sooryprataap raajy karata tha. vah atyant prataapee aur praja paalak tha. usakee shaasan vyavastha bahut hee uttam thee. usaka mantree veerabhara bhee bahut yogy aur svaamee bhakt tha. raaja kee guptachar vyavastha atyant chust-durust thee jisase chor daakuon ka koee bhay nahin tha.
raaja svayan raatri mein bhesh badalakar bhraman karata tha aur praja ka haal-chaal pata kiya karata tha. buddhimaan hone ke kaaran mantree veerabhadra raaja ka bahut priy tha.
koee samasya aatee to mantree chutakiyon mein hal kar dete the. unakee haajir javaabee ke kaaran raaja ka manoranjan bhee khoob hota rahata tha . ek din raaja ne mantree se kaha :
"mantreevar !! aap din bhar mere sammukh rahate hain ..to din to bada
sukhamay beetata hai ....parantu phir aap chale jaate ho; jab mujhe kisee baat kee athava kaam kee jaroorat hotee hai ... to aapako aane mein bahut vilamb hota hai.
"main to aapakee aagya paakar turant hee daudata hua aata hoon !!!
mahaaraaj !" mantree ne kaha.
"aapaka kahana theek hai ....parantu aap ka nivaas sthaan bahut door hai ...tabhee aapako aane mein der hotee hai. raaja ne hansate hue kaha.
maayoos hote hue mantree ne kaha:-"phir isamen kya upaay ho sakata hai, mahaaraaj ??"
hai !! upaay hai mantreevar !! mahaaraaj ne kaha.
" kya upaay hai ??"mantree ne utsukata se poochha.
ham aapaka mahal apane mahal ke paas hee banava dete hain!!"
bas!! phir aap hamesha hamaare paas hee rahenge !! jaise hee ham aapako yaad karenge, aapase mulaakaat ho jaegee!!" mahaaraaj ne unhen upaay bataaya.
"nahin mahaaraaj!! buddhimaan mantree ne kaha:-"
svaamee aur sevak mein kuchh to antar hona hee chaahie!!nahin to..
kabhee-kabhee arth ka anarth hote der nahin lagatee!! mantree ne samajhaate hue kaha.
"are mantree jee !!aap vyarth mein hee shanka karate hain !! aisa kuchh nahin hoga !! bas !! hamen aapase door rahana jara bhee achchha nahin lagata hai!! mahaaraaj ne kaha .
raaja ne apane mahal ke paas hee ....ek aaleeshaan mahal ....mantree ke lie banavaaya ...ab sabheejan sukh poorvak rahane lage ...parantu vidhaata ne to kuchh aur hee rachana rachee thee.
To be continued...