AB TAK AAPNE PADHA KI JAHAN EK TARAF MAHI, RAAZ, ALFREEN AUR UNKE SABHI DOSTON SE VIKRAM, AVANTIKA,RONIT AUR ANJALI MILTE HAIN WAHIN DUSRI TARAF LIFE KEEPER MAHI SE DUSRI PAHELI PUCHTA HAI.
AB AAGE:-
CHAPTER-3
(THE SACRIFICE & THE PERFECT EPILOGUE)
MEGA UPDATE-167
PLACE-THE PAGAN
MERE PAAS AAO HEMINE....
VIDEOUS ki thi ye awaaz jisse sun kaamp si gayi HEMINE par phir chup chaap apne GOD ke taraf sir jhukaye badh chale uske kadam...
10 minute se upar ho chuke the HEMINE, AROZ,TIFER,VALDIS, TRISTEN, UBEL, GASTON AUR DORIAN ko VIDEOUS ke saamne haath baandhe,kandhe aur sir jhukaye chup chap khade hue...
HEMINE jiski naak RAAZ ne puri andar dhansa di thi,aur jo waapas theek bhi nahi ho paa rahi thi,usse ho rahe aseemit pain ko jhelte hue bhi woh ek dum chup chaap kaampte hue khadi thi..
uski taraf hi uske sabhi saathi is waqt apradh bodh awastha me khamosh khade the aur unki aaj ki nakami ke liye VIDEOUS dwara sunaye jaane waale dand ki pratiksha kar rahe the..
wahin VIDEOUS jo un sabse thoda door khada tha,woh apni hi soch me goom tahal raha tha aur phir finally jab uska chalna band hua toh usne apne paas bulaya HEMINE ko jo jab darte hue uske saamne pahunchi toh..
VIDEOUS-agar mai beech me nahi aata... agar tumhe ehsaas ho jaata ki RAAZ tumhe maar hi dega toh kya karti tum...???
bhagne ki koshish karti yaa khatm ho jaati par uske aage sir nahi jhukati..
HEMINE-mai sir jhuka leti...
HEMINE ke jawab ko sun jahan ek taraf uske dono abhin saathi,AROZ aur TIFER shaant hi khade rahe wahin dusri taraf baaki sabki aankein HEMINE ke jawab ki sun hairat se badi ho gayi..
HEMINE keh gayi thi ki woh dushman me aage sir jhuka leti, RAAZ ke aage haar maan jaati..
woh RAAZ jo unke GOD ke universe par raj karne ka ek matra roda hai..
HEMINE ke jawab ko sun un sabko lag gaya tha ki ab HEMINE nahi bachne waali par tabhi..
VIDEOUS ke face par ek muskaan naach uthi aur usne apna ek haath HEMINE ke naak waale portion ke upar wave sa kiya aur uske waisa karte hi HEMINE ki naak theek hote hue apni jagah par settle ho gayi..
wahin VIDEOUS ke gesture ko dekh baaki sab hairan dikh rahe the aur unki is hairani ko dekh..
VIDEOUS-hairani kis baat ki...!!!!kaali shakti ke upasak ho tum sab..
morals ki peepdi bajaoge toh tumme aur WHITE ENERGY ke upasakon ke kya fark reh jaayega..
chhal ho ya bal,sabse zaroori hota hai jeetna...
aur jab ye maalum ho ki pratidwandi aapse zyada samarth hai,toh tab tak ke liye piche hat jaana chahiye jab tak khud ki shamata dushman se zyada naa ho jaaye..
aur woh shamata mai tumhe dunga...
HEMINE-GOD ki ijazat ho toh kya mai...
VIDEOUS-nisankoch hokar kaho...
HEMINE-maine aaj RAAZ ki shakti feel ki thi..aur woh shakti bohot zyada thi...
mujhe aisa lag raha tha jaise mai aapke saamne khadi thi...
uski taakat ka AURA aapke jitna hi strong tha...
VIDEOUS-hmm.. RAAZ ki shakti par mujhe kabhi doubt nahi tha...
mai ye bhi jaanta tha ki woh khudko mere takkar ka banane me koi kami nahi chhodega..
aur ab jab aisa ho gaya toh is khel ko samapt karne ka waqt aa gaya hai...
par uske sabhi saathi..aaj tum sabke aage jis kushalta se woh ladhe,woh kaabile taarif hai...
aur MABEL ke help se unki woh kushalta RAAZ aur badhayega...
apne aap se hi jaise baat karte hue kahi thi ye baat VIDEOUS ne jiske baad usne apni aankhen band ki aur uske aisa karte hi ek POWER ANALYSER ray uske chest par chamakne lagi..
kuch der tak woh ray gol gol ghum waise hi chamakti rahi par phir...
SOOBHHH...
gayab ho gayi woh ray..aisa hote hi aankh khul gayi VIDEOUS ki jiske baad...
VIDEOUS-kuch der ke liye marna hoga tum sabko..
AHHHHHHHHH..
apni baat bolte hue hi apni mutthi khol kar zor se band ki usne aur uske waisa karte hi wahan moujud uske sabhi numaindo ke body se ek ek ray nikal joki unki SOUL LIGHT thi, VIDEOUS me sama gayi..
ek cheekh ke saath woh sab apni apni jagah par girkar temporarily hi sahi par filhal ke liye mar chuke the..
wahin un sabke souls ko khudme samane ke baad..
VIDEOUS-mere baccho.waada hai mera, kuch din baad jab tumhari aankhein khulengi tab tum sabke andar shakti ka ek naya bhandar bhar chuka hoga..
tumhare khilaaf jitne bhi shashtra (RAAZ friends) taiyar kiye gaye hain,un sabka kaat hoga tumhare paas..
aur bacha woh RAAZ...woh toh pehle hi haar chuka hai...
us bechare ko toh khabar hi nahi hai us chakravyuh ki jisme woh anjaane me utar bhi chuka hai aur fas bhi chuka hai.....
(NOTE:-chakravyuh as in SACRIFICE...)
PLANET-ELYSIAN
PLACE-INFRONT OF THE FORBIDDEN FOREST
WAQT KA PAHIYA AAJ PHIRSE WAHIN LE AAYA JAHAN SE MERA ASLI SAFAR SHURU HUA THA...
FORBIDDEN FOREST ko dekhte hue kahi thi maine ye baat...
DORIAN aur GASTON ke dwara jo us waqt ACCHUTA aur SLUNDER ke bhesh me the,yahin laakar patka tha mujhe un dono ne..
mujhe ya phir ye kahun ki mere us swaroop ko jo mere is roop ka dhaal tha.
woh khamosh sa apne kaam se kaam rakhne waala baccha RAAZ..
jiski zindagi ke maayne hi badal gaye aur uski shuruat yahin se hui...
aaj bina kisi protection ke, shield ke dekh raha tha mai FORBIDDEN FOREST ko..
aur dusri taraf tha THE CHOSENS institute..woh naam jo ab meri pehchaan hai...
khair,mere saath saath hi mere baaju me khada WOOGER bhi FORBIDDEN FOREST ko dekh raha tha.
aur kyunki woh bhi meri hi urja se bana tha, isiliye is waqt uske dimag me chal rahi soch bhi meri tarah hi thi..
issi tarah kuch der FORBIDDEN FOREST ko dekhte rehne ke baad hum dono hi wapas mude aur aisa hone ke agle hi pal hum THE CHOSENS institute ke saamne the..
haan...CHOSEN institute...koi DEVIL'S HAVEN nahi...jis waqt maine us DEVIL'S HAVEN ko khatm kiya,toh uske agle hi pal CHOSENS apne purani chamak ke saath glow karne laga tha...
THE THREE SOVEREIGN'S,SHAILA,AKSHAANT aur MOKALSAR ne isse bilkul pehle ki tarah bana diya tha but haan,kuch modifications ke saath..
woh modifications jo un teeno ki is institute ke banane ke baad se hi chahat thi...
PHASE 1,2 aur 3 waala pattern toh ab bhi the yahan par hostelers,discholars waala system ab out ho chuka tha...
aakhir yahan SAVENTS padhte the...the GIFTED KIDS.... isiliye har kisko yahan abodes alloted the,woh bhi teeno phases ke liye..
ab PHASE 2 me koi STELLARS,GROOMERS aur WEAKLINGS nahi the...
bas SAVENTS the aur jaise normal schools aur education institute me hota ha,unhe nikharne ka kaam hota tha yahan...
haan,ab bhi kayi SAVENTS negetive mindset ke the but ye toh har jagah hota hai..
par pehle ki tarah negetive mind sets waale SAVENTS ko ab koi prathmikta nahi di jaati thi, infact pakde jaane par unhe saza milti thi....
MARILIZA toh yaad hogi aap sabko..woh ab yahan ki nayi SOVEREIGN thi...
EDWINA,SAPIUS,REGIS,OPHILIA,OMMIN,NOX,VIOLET.inki tarah saare WHIZZ aur WHIZZDERS saath hi mixup hokar teeno PHASES me padhate the..
institution ka mahoul ab bilkul waisa hi tha jaisa ek institution ka hona chahiye...
ek DEVIL ki sharth par 25 hazar saalon pehle rakha is institution ka neev aage bhi yunhi barkarar rahe, isiliye hi toh mai yahan aaya tha...
kahani apne climax me hai..aise me isse khatm bhi ussi maidan me hona tha jahan is khel ki rachna hui thi..
CHOSENS....
aur ye faisla mera nahi tha..har baar ki tarah is baar bhi ye faisla VIDEOUS ka hi tha...
THE GOLETH me apne logon ko bachane ke waqt usne hi mere brain me is jagah ki chavi daali thi.
aur mai jaanta tha ki usne aisa kyun kiya tha...!!!
ye jagah uske kehne par bani thi par ab uska yahan koi zor nahi tha...
aur ye uski insult thi jiska zimmedar tha mai...yahan rehne aur basne waale log ab usse darte nahi thi..
burayi ke aage jhukte nahi the..aur uska kaaran tha mai..
mai woh kawach tha jo un sabke aage laga tha jisse bhede bina VIDEOUS kuch nahi kar sakta tha...
aur isiliye usne yahi jagah chuni..jo log mujhse ummid rakhte hain,unke saamne mujhe khatm kar unki ummid todna tha usse..
saath hi saath VIKRAM aur ASMODEUS ki saari mehnet joki mai,MAHI,SHOWHI, ALFREEN aur hamare sab dost the,un sabka nash issi jagah par kar woh unhe batana chahta tha ki CHOSENS usne hamari kabr rakhne ke liye hi banaya tha...
khair,kuch der tak CHOSENS ki entrance gate par khade rehne ke baad mai aur WOOGER institution ke andar badh chale...
alag alag sections ko dekhte hue yahan bitaye palon ko jaise dobara jee raha tha mai...
pehle ek normal SAVENT ki tarah aur phir apni ALOUKIK SHAKTIYON ke saath mera wapas yahan aana...
asli ACCHUTA aur SLUNDER ko apne saath laana...VIDEOUS ka aur mera aamna saamna...
apni apni shakti ko SWORD me chuppana....ANWIR aur uske doston ke saath hui meri pehli ladhayi...
EXERTION competition...har woh pal jisne meri kaabiliyat ki buniyad strong ki thi,unhe jaise reverse mode me dekhte chale jaa raha tha mai..
lagatar aage badhte hue mai yahi sab soch raha tha ki tabhi..
RAAZZZ....
ek avishwaas se bhari awaaz padi mere kaano me joki thi WHIZZ EDWINA ki...
apne class jaa rahi thi woh ki tabhi unki nazar mujhpar padi thi..
meri asliyat jaanti thi woh,infact ab CHOSENS ka har SAVENT bhi is institute ke banane ke piche ka asli kaaran aur is kahani ke har kirdaar ki haqiqat se waaqif tha..
meri asliyat aur mera wajood kuch zyada hi bada ho chuka tha yahan toh aise me mujhe achanak apne saamne dekh hairan hona normal baat hi thi..
WOOGER toh ab bhi yahan ke logon ke liye invisible tha aur usse sense karne ki kaabiliyat bhi CHOSENS me kisi ke paas nahi thi....
khair, WHIZZ EDWINA ko dekh mai unki taraf badhne ko hua par mujhe dekh pehle hi star stuck hokar jadh si khadi EDWINA turant mere respect me neeche jhukne ko hui par unke ghutne mude hi nahi...
yaa phir ye kahun ki maine aisa hone hi nahi diya..
chalta hua unke paas pahuncha mai aur..
MAI-student kitna bhi bada kyun naa ho jaaye,teacher se chota hi hota hai...
aur teacher ka apne student ke aage jhukna student ki taarif nahi uski insult hoti hai..
meri baat sun ek smile naach uthi WHIZZ EDWINA ke chehre par aur..
EDWINA-power has changed you RAAZ...but in a good way...
taakat kitni bhi zyada kyun naa ho,par bina character ke us shakti ka koi mol nahi..
you are a living example of that..pata hai,yahan ke bacche tumhare baare me padhkar jitne motivate hote hain,utna motivation unhe magical SPELLS successfully operate karne ke baad bhi nahi milta..
MAI-mere baare me padhkar..matlab..!!!!
EDWINA-ye dekho...
ye bol EDWINA ne apna ek haath aage kiya aur unke waisa karte hi unke haath me ek book aa gayi jisse dekh mujhe bhi hairani hui...
RAAZ....THE MIRACLE BOY.....
yahi likha tha us book ke cover me...hairani se bhar book pakda maine aur usse khol kar dekhne laga..
meri puri life journey us book me imprinted thi....yahan tak ki mera last GOLETH quest jisme mai apne mom dad se mila tha,aur usme hamare beech jo baatein hui thi,woh sab bhi us book me likha hua tha..
aur hairani meri tab zyada badhi jab maine us book ke last chapter ko yaa phir ye kahun ki ongoing chapter ka title padha..
THE RETURN IN CHOSENS...
ye mere abhi yahan aane ke baare me likha gaya tha jisse padh jab maine EDWINA ko dekha toh..
EDWINA-ye ek PRESENT MANIFESTING LIFE CYCLE BOOK hai...joki obviously tumpar hai...
mujhpar bani PRESENT MANIFESTING LIFE CYCLE BOOK...
aisa karna asaan nahi tha..but mai jaanta tha ki iske piche mere hi parents ka haath hai.
after all bina mujhse mere baare me faisle wahi dono le sakte the aur isiliye us book ko dekhte hue smile karne laga mai aur aisa kar jab maine saamne dekha toh paaya ki is waqt pura CHOSENS mere saamne khada hua tha...
har WHIZZ, WHIZZDER aur sabhi SAVENTS mere saamne khade the...
mai jaanta tha ki maine jo book abhi apne haathon me pakda hua hai,ye ussi ka kamal hai..
mere saath saath un sabne bhi us book ke latest chapter,RAAZ,BACK TO CHOSENS padha hoga aur isiliye mujhe dekhne woh sab yahan ikattha ho gaye the...
mujhe jiske baare me woh sirf padhte aaye hain,apne saamne dekh sabhi SAVENTS ke face par ek alag hi excitement aur saath hi nervousness bhi dikh rahi thi..
wahin jab meri nazar un sab par padi toh woh sab turant apne ghutno par hone lage..
SAVENTS ko toh aisa karne se maine nahi roka par WHIZZES aur WHIZZDERS ke ghutne maine mudne nahi diye..
WHIZZ EDWINA ki hi tarah woh bhi sidhe ke sidhe hi khade reh gaye aur ye feel kar woh sab bhi meri mansha samajh chuke the aur isiliye,un sabke faces par bhi smile naach uthi thi...
khair,new SOVEREIGN MARILIZA meri taraf badhi aur mere paas pahunch..
MARILIZA-CHOSENS me THE CHOSEN ONE ka ek baar phirse swagat hai...
unki baat par mai bas muskuraya jiske baad..
MARILIZA-tumhara yahan loutna akaaran toh nahi hoga...!!!!
MAI-mere aur VIDEOUS ke beech antim yudh yahi hone waala hai..
isiliye aap sab sabhi SAVENTS aur unke parents ke saath yahan se kuch waqt ke liye chale jaayen...
MARILIZA-CHOSENS tumhari wajah se hi resurrect hua hai..agar tum yunhi bina wajah keh dete ki yahan se chale jaao,hum sab khushi khushi chale jaate par agar baat VIDEOUS se hone waale antim yudh ki hai,toh hum kahin nahi jaa rahe..
bhale hi ye jagah uske ek sharth ki wajah se bani thi par ab ye hamara aur GOD dwara chune GIFTED bacchon ghar hai..
aur apna ghar bhale kisi ghane jungle me hi kyun naa ho,kisi jungli jaanwar ke dar se usse khali nahi kiya jaata..
tum hamari fikr mat karo RAAZ...hum is yudh me tumhara saath denge.
bhale hi hum tumhare aur us VIDEOUS ke jitne shaktishaali nahi hain,par naahi CHOSENS kaanch ka bana hai aur naahi hum mom ke jo ek patthar ke lagne aur aag ke dehakne se toot aur pighal jaayenge..
haan, VIDEOUS ka toh mukabla nahi kar sakte hum par uske woh DARK WARRIORS gulaam jo kabhi issi CHOSENS ke SAVENTS the,kamsekam unhe toh hum apne hi ghar aur gharwaalon se dhoka karne ki saza de hi sakte hain...
yahan moujud har WHIZZ WHIZZDER aur SAVENT jaanta tha ki ek na ek din woh waqt zaroor aayega jab hume bramhaand me lagi kalikh VIDEOUS ko mitane ke liye usse bhidna hoga.
aur isiliye humne bhi apni taiyari kar rakhi hai...aur isme hamara saath CHOSENS ke teeno founders aur EX SOVEREIGNS ne bhi diya hai..
aur unka saath diya hai tumhare MOM DAD ne...isiliye hum par naa sahi,unpar bharosa rakho...
MARILAZA ne jo kaha,wahi baat,wahi jazba mujhe is waqt apne saamne khade aur SAVENT,WHIZZ aur WHIZZDER ki aankhon me dikh raha tha..
aar ya paar..ye slogan is waqt un sabke ragon me doud raha tha...
mar jaayenge par burayi ke aage jhukenge nahi,jab tak saans chalegi,hum rookenge nahi...
bina bole hi un sabke mooh se ye saare shabd sunayi dene lage the mujhe aur shayad is waqt yahi toh chahiye tha..
shayad nahi,bilkul yahi junoon chahiye tha is waqt...
kyunki in sabka ye jazba hi toh hai is kahani ka naam aur saath hi saraansh...
ATTITUDE.....
PLANET-EARTH
PLACE-OUTSIDE THE CAVERN
mere paas shahar hai par ek bhi GHAR NAHI...
pahaad hai mere paas,par unme base PEDON KI DAGAR NAHI...
mujhme basi har chiz sach hai par mai ASLI NAHI...
mai woh nadi hun,woh samandar hun jisme ek bhi MACHHLI NAHI.....
MAHI-jawab hai naksha...ek nakshe par sheher dikhta hai par ghar nahi,pahadh dikhte hain par pedh nahi aur nadi,samandar bhi nazar aate hain par macchli nahi..
LIFE KEEPER-sahi jawab...
yahi toh sunana tha MAHI aur uske doston ko.. LIFE KEEPER ki sehmati milte hi un sabke faces damak gaye the but ye mode bhi temporary hi tha kyunki aakhri sawal abhi baaki tha.
apne kaan aur most importantly dimag khula rakhte hue MAHI apne aakhri sawal ko sunane ke liye betab thi jiske liye usse zyada wait nahi karna pada..
LIFE KEEPER-
mujhe baandh kar rakhne me hi RAAHAT HAI...
jo khula chhod diya mujhe toh pakka aani AAFAT HAI...
mujhse riyaasate tak aage BADHTI HAI...
mujhe dhaal bana pidhiyan ek dusre se LADHTI HAI...
batao kaun hun mai..????
sawal sunte hue ankhen band kar apne dimag me hi jhaankte hue is sawal ka jawab dhund rahi thi MAHI aur aisa karte waqt achanak uski nazar apne andar ke hi ek chiz par padi jisse dekh aur feel kar muskura uthi woh aur aankhen khol..
MAHI-jawab hai BLOOD...
jab tak khoon sharir ke andar hai,tab tak hi insaan thik hai,jo bahar nikal gaya ye toh marne ke chances hai..
rajshi vansh apne hi khoon ke sahare apni riyasate aage badhati hai aur iss khoon ko dhaal bana khudko waaris batate hue bacche apne hi maa baap se zamin aur paiso ke batware ke liye ladhte hain...
MAHI ke jawab ko sun ek smile naach uthi LIFE KEEPER ke face par aur..
LIFE KEEPER-sahi jawab...
MAHI LIFE KEEPER ke test me paas ho chuki thi jispar MAHI se zyada khushi uske doston ko ho rahi thi.
woh sabhi MAHI ko hug kar usse congrats karne lage aur jab kuch der baad MAHI ke saath un sabki nazar LIFE KEEPER par gayi toh..
LIFE KEEPER-aap andar jaa sakti hain par usse pehle mujhe mukt kar apne LIFE KEEPER ke is daayitv ko apnaiye...
haath aage karte hue kahi ye baat LIFE KEEPER ne jiske baad MAHI aage badhi aur usne LIFE KEEPER ka haath thaam liya..
uske waisa karte hi LIFE KEEPER ke haathon se ek beam nikal saanp ki tarah MAHI ke haathon se hote hue uske sharir ke andar samane lagi.
jaise jaise ye ho raha tha,waise waise ek taraf LIFE KEEPER bhi dheere dheere faint hote hue gayab hone lage the aur dusri taraf MAHI ko khudke andar uski locked power ke darwaze par ek key fit hote hue dikh rahi thi..
aur jaise hi LIFE KEEPER ne apna ohda MAHI ko puri tarah soumpa aur gayab ho gaye toh MAHI ke andar bana woh locked door khul gaya...
aise hote hi ek aseemit shakti ka pravah MAHI ko apne andar feel hone laga tha par filhal ye pravah aniyantrit tha..
aur ye pravah tabhi niyantran me aane waala tha jab MAHI CAVERN ke andar apne pair rakhti..
MAHI ye baat jaanti thi aur isiliye EX LIFE KEEPER ke puri tarah gayab hote hi uske kadam CAVERN ke gate ki taraf badh gaye aur uske piche uske sabhi saathi bhi ho liye the.
bas kuch kadam hi door thi MAHI aur uske saare friends us chiz ko dekhne se jisse dekhne ka soubhagya MAHI ke pitah aur uncle ASMODEUS tak ko nahi mila tha..
aur jab MAHI and friends ke kadam CAVERN ke andar pade tog saamne ka nazara dekh unke mooh,naak kaan aur jo jo bhi sharir ke bhaag khulte hain,woh sab khul gaye..
un sabke aankhon ke saamne tha...
WORLD TREE...
jee haan doston wahi WORLD TREE jo pure bramhand ke chune hue PLANETS me jeeven ke beej bota hai...
first part me bhi zikr hua tha ki bramhand ka har living planet EARTH se juda hua hai aur uska kaaran hai ye hai ki universe me jeeven ka ground zero earth hai..
aur aisa issi WORLD TREE ki wajah se hai..
aur baat karen MAHI ki toh jaise RAAZ "THE SUCCESSOR OF GOD"hai thik ussi tarah MAHI"THE SUCCESSOR OF LIFE"hai...
saath hi usse "THE SYMBOL OF LIFE" bhi kaha jaa sakta hai..."
aur iske kayi hints pehle hi diye jaa chuke hain..
pehla hint toh khud MAHI ka naam hai jiska arth hota hai DHARTI....
dusra hint tha woh lamha jab RAAZ aur MAHI pehli baar urja ke roop me HEAVEN se earth ki taraf aaye the...
yaad hoga aap sabko ki earth ke zamin ko touch karne se pehle hi RAAZ ki body hawa me rook gayi thi..
aur theek ussi waqt MAHI joki us waqt urja thi,usse ek beam nikal RAAZ ki urja se connect hui thi..
aisa hone ke baad hi RAAZ ki body neeche zamin par touch hui thi..
ye sab sirf isiliye hua tha kyunki us waqt VIDEOUS har living PLANET se connected tha..
aur sirf MAHI hi thi jo RAAZ ko VIDEOUS ki nazaron aur zehen me aane se bacha sakti thi..
teesra hint us waqt diya gaya tha jab FLORIN,MARIA, ALFREEN aur MAHI park me the..
us waqt FLORIN aur MARIA RAAZ ke gayab ho jaane ki wajah se upset the..
aur ussi bhavna ke saath jab un dono aur unki beti ALFREEN ke bodies ek dusre se touch hue the toh unse ek urja bahar nikli thi..
ye urja UNEARTH THE IMMORTALS book ko sense me laane ke liye tha jisme RAAZ aur MAHI ke baare me hi likha gaya tha..
but un teeno ki hi woh urja tabhi aage badhi thi jab MAHI ka haath un teeno se connect hua tha.
ye isiliye hua tha kyunki FORBIDDEN FOREST ke jis mitti ke andar woh UNEARTH THE IMMORTALS naam ki book chuppi thi,woh mitti EARTH ki thi aur woh bhi ussi point ki jahan MAHI ka sharir form hua tha.
TONGASS NATIONAL FOREST...
issi wajah se woh book VIDEOUS se kaafi waqt tak chuppa reh paaya tha..
ek aur hint tab bhi diya gaya tha jab RAAZ ke dil ka haal janane ke liye SHAILA ne MAHI ko kuch mitti ke kan diye the.
ye mitti bhi UNEARTH THE IMMORTALS book waale zamin ki thi jisme MAHI ki energy ke kan the.
yahi wajah thi ki RAAZ bhi us mitti ke prabhav me aa gaya tha...
ye the kuch pehle hi diye gaye hints aur ab baat karen ki MAHI ko kyun THE SUCCESSOR OF LIFE yaa phir the SYMBOL OF LIFE ke padh se nawaza gaya hai toh iska bhi ek kaaran VIDEOUS hi hai..
baat darasal ye hai ki purv LIFE KEEPER is jagah se bahar nahi jaa sakte the..unhe bramhand ke har living planet par nazar yahi se rakhni padti thi aur yahi wajah thi ki VIDEOUS ne jab khudko pure bramhand ke har living planet se connect kiya aur un saare planets ko khatm karne ki dhamki di aur waisa naa karne ke liye apni sharthen rakhi..
woh sharthen jinke base par ye puri kahani hai,tab agar koi us connection ko tod sakta tha toh woh the LIFE KEEPER...
par woh isiliye waisa nahi kar paaye kyunki VIDEOUS ne woh connection external way se kiya tha..
usse theek karne ke liye,us connection ko hatane ke liye unhe VIDEOUS jahan tha,wahan jaana hota jo woh nahi kar sakte the.
he was bound to the place where MAHI & her friends are right now...
aur isiliye hi taaki dobara aisa naa ho,aur agar ho toh uska kaat ready ho, utpatti hui MAHI ki joki LORD OF ANGELS ki beti thi..
aur isiliye ek wahi thi jo is zimmedari ko ek modified tarike se nibha sakti thi..
MODIFIED as in,MAHI is jagah se bounded nahi hai..woh saare living planets par nazar kahin par bhi rehkar rakh sakti hai...
khair,apni chamakti aankhon se apni niyati,apne hone ke kaaran ko dekh rahi thi MAHI..
THE WORLD TREE...
is waqt,is waqt kya har waqt ye puri gigantic tree,iska har branch,har stem,neech deep down gade roots jinke aks bahar bhi thode thode chamakte hue dikh rahe the,woh sab parts alag alag colours ki roshniyan se chamak rahe the.
ab kyunki MAHI NEW LIFE KEEPER thi, isiliye usse toh in alag alag colours ki light ka matlab maalum tha but uske friends toh anjaan hi the aur isiliye..
ALFREEN-MAHI,ye tree alag alag lights se kyun jagmaga rahi hai..!!
is it random ya phir koi reason hai...
MAHI-pagal,cristmas tree nahi hai ye jo sunder dikhane ke liye alag alag colours ke light lagaye gaye hain.
it's the one and only WORLD TREE....nothing is random here...
ALFREEN-toh kya hai phir in alag alag colours ke light ka matlab...???
DARK GREEN, LIGHT GREEN, YELLOW,WHITE AUR RED...
yahi saare colours glow kar rahe the WORLD TREE ke alag alag parts par jinhe ek baar phirse dekh MAHI ne bolna shuru kiya...
MAHI-ye jo DARK GREEN lights hain,ye un planet's ka symbol hai jahan life apne full fledge me continue kar rahi hai..
jaise ki hamara EARTH...
jo light green roshni hain, ye un planet's ke baare me bata rahi hain jahan abhi abhi life shuru hui hai..
yellow lights un planets ke baare me bata rahi hain jinki life cycle apne last stage par hai..
white lights woh planets hain jinme abhi LIFE SHURU nahi hui hai but future me hone waali hai..
aur RED light un PLANETS ka symbol hai jinka life cycle pura jo chuka hai.
they are finished now...
WOW..
ALFREEN ke saath baaki sabhi joki MAHI ki baat sun rahe the,un sabke mooh se nikli ye baat jiske baad kuch der us jagah ko check out karte rehne ke baad..
ALFREEN-toh ab kya...???
MAHI-ab mujhe khudko is TREE se jodna hai,then we are done...
ye bolte hue MAHI thodi aage badhi aur neeche roots ke jo aks jagmate hue dikh rahe the,unhe usne touch kar diya.
uske waisa karte hu jaisa LIFE KEEPER ke waqt hua tha,waisa hi kuch ab bhi hua..
MAHI ka haath apne aap hi zameen ke andar chala gaya yaa phir ye kahun ki un roots ne uske haath ko andar kheench liya jiske baad uske haath ke ird gird us root ke stems beams ki shakl me nikal samane lage..
dekhte hi dekhte un beams ne MAHI ke puri internal body ko hi cover kar liya aur aisa kar jab finally woh us naye open hue part par pahunche jahan MAHI ki ye nayi LIFE POWER asthir hokar ghum rahi thi toh un beams ne us asthir power ko sthir karna shuru kar diya..
aur jab aisa hone laga toh MAHI ki body bhi glow karne lagi aur woh bhi unhi saare alag alag colours ke saath jinke baare me abhi abhi usne apne friends ko bataya tha..
par ye glow sirf us tak hi simit nahi raha..
dheere dheere uske sharir se nikal rahi roshni ka area badhta gaya jisne kuch hi palon me ALFREEN, SLUNDER, BRAWNY, HIDA, MABEL aur SHOWHI ko bhi apne giraft me le liya aur waisa hote hi un sabko apne brain me ek ajeeb sa bhaaripan feel hone laga aur dekhte hi dekhte woh sab us bhaaripan ke bojh ke tale dab behosh ho gaye...
wahin un sabse ulat thi MAHI ki condition..jaise jaise uski shaktiyan sthir hoti chali jaa rahi thi,WORLD TREE se uska connection strong ho raha tha, waise waise usse bohot light feel hone laga tha aur jab kuch der baad woh connection aur power stablity pura hua toh MAHI ko aisa lagne laga jaise uske andar shakti ka ek samandar tair raha hai..
ek smile ke saath bohot khush hote hue woh apni shaktiyon ko feel kar rahi thi is baat se anjaan ki kuch hi palon me uski khushi ka samandar gum ke registaan me badalne waala hai..
apni shakti ko achi tarah feel kar jab MAHI ki nazar apne behosh pade doston par gayi toh unhe conscious karne ke liye woh jhukne ko hui par tabhi,uske heart waala area jagmagane laga..
aur aisa hota dekh MAHI chownki..
REASON..
us chamak ka reason MAHI jaanti thi..
ye chamak us BOWL se aa rahi thi jo usse THE PAN-OUT VAULT me mila tha..
jisme ek alag hi language me kuch likha tha jisse woh us waqt padh nahi paayi thi but saath hi saath usme samajh aane waali bhasa me ye bhi likha tha ki jab uski dono shaktiyan merge hokar ek ho jaayengi tab woh us naa samajh aa rahe language ko padh paayegi..
ab bhale hi MAHI ki ANGEL aur HUMAN FORM POWER SOURCE pehle hi ek ho chuke the but uske ANGEL FORM joki uske FAALON power thi,woh abhi jaakar puri hui thi aur isiliye us BOWL ke open hone ka right samay bhi ab jaakar aaya tha..
khair,kuch seconds jagmagane ke baad woh bowl ek baar phirse MAHI ke heart se nikal uske haathon me thi..
aur ab uske andar likha woh ENOCHIAN language me likhe shabd joki english ke 2 word the,MAHI ko clearly samajh aa chuka tha aur usse padh uski aankhein badi ho gayi thi..
kyunki woh do words the "THE SACRIFICE"...
un do words ko padh dil dhak sa kar gaya MAHI ka par usse kahan maalum tha ki abhi toh uski dhadkane bas tez hui hain,aage woh jo padhne waali hai,uske baad woh dhadkane rookne jaisi ho jaayengi..
jaise hi MAHI ne THE SACRIFICE,in do shabdon ko padha toh uske agle hi pal woh BOWL hawa me uth khul gaya aur uske khulte hi uske andar jo roshni ki kiran thi,usne khudko kuch words me badalna shuru kiya..
jaise jaise MAHI un words ko padhte jaa rahi thi,uske maathe par pasina, aakhon me dard ke aansu aur dil bhaari hota chala jaa raha tha.
aur aakhri line padhte hue toh MAHI ko ek aisa maansik aaghat pahuncha jiske baad apne doston ki hi tarah woh bhi ek jhatke me behosh ho gayi..
wahin light se bane woh shabd bhi dheere dheere gayab hokar mitne lage the par miththe hue bhi unhone khudko MAHI ke dimag me kuch aisa imprint kar diya tha jisse MAHI chahkar bhi mita nahi sakti thi..
yahi wajah thi ki behosh hone ke baad bhi MAHI ke dimag me un light rays se bane shabd joki ek BHAVISHYAVANI thi,gunj rahe the joki kuch yun the...
daayitv ka jo karz chaddha hai tumpar,usse tumhe UTAARNA HOGA...
apne kartavya ko pura kar tumhe bramhand ki niyati ko SAWAARNA HOGA....
ek chakravyuh me fas chuka hai RAAZ.... isiliye,
ab VIDEOUS ko khtam karne ke liye tumhe RAAZ ko MAARNA HOGA...
AAJ KE LIYE ITNA HI.....
AAPKA APNA V...J....
