AB TAK AAPNE PADHA KI JAHAN EK TARAF WHIZZ AUR WHIZZDERS APNE APNE CATAGORY KO PHASE 2 KE DETAILS DETE HAIN WAHIN DUSRI TARAF EK BAAR FIRSE VIDEOUS AUR RAAZ KA AAMNE SAAMNE HOTA HAI JISME RAAZ ACCHUTA KE THROUGH VIDEOUS KO NEECHE GIRA DETA HAI
AB AAGE:-
CHAPTER-2
(UNEARTH THE IMMORTALS)
UPDATE-59
PLANET-ELYSIAN
PLACE-WEAKLINGS STAY
AHHH.....AHHHHH....AHHHH.......
ek saath teen baar ACCHUTA ke mooh se dard bhari AHHHH nikli thi...kyun..???aayiye khud jaan lijiye...
ACCHUTA-abbe saale kaise macchar hain ye...???saalon ka size toh normal maccharon ka one fourth bhi nahi hai par kamine kaaththe normal maccharon se 10 guna zyada tagda hain...
apne haath ke us jagah ko masalte hue ACCHUTA ne ye baat kahi jispar abhi abhi ek saath teen baar maccharon ne kaata tha aur ussi wajah se uske mooh AHHHH nikli thi...
shaam ka waqt hai..halka halka andhera chaane laga hai par kyunki WEAKLINGS ki quarter jahan is waqt ACCHUTA aur SLUNDER baithe hain,wahan light ki suvidha nahi hai, isiliye wahan andhera abhi se ghar kar chuka hai...
RAAZ, ACCHUTA aur SLUNDER...in teeno ko ek hi quarter allot hua hai wahin BRAWNY aur uske parents ke liye ek quater jo in teeno ke quater se thode hi door me hain....
aaj classes ke baad ye teeno yahan paidal hi pahunche the jo ki institution se aur PHASE 2 ke city se kuch 6 kms door hai....
jab ACCHUTA aur SLUNDER yahan quater pahunche toh yahan ki haalat dekh jo ki dekhne layak thi hi nahi,unki haalat kharab ho gayi...
baithne ke liye chairs, couches ya sofa nahi balki ek hi badi si chatayi thi aur sone ke naam par bed nahi balki teen khatiya...
paani peene ke liye ek bada sa matka jiske side me teen glass pade the..ek chota sa kitchen jisme naam maatra ki kitchen equipments the aur saath hi mahine bhar ka rashan bhi jisse inhe khud pakana tha...
toilet aur bathroom ek ek hi the aur unki haalat toh aisi thi ki pucho hi mat...
jahan RAAZ toh institution se aate hi apne search rays ko aur shaktishali banane ke liye quarter se bahar ek ghane se ped ke niche paused CEREBRATION me baith gaya wahin ye sab dekhte hi ACCHUTA aur SLUNDER is jagah ki hazar nooks nikalne me lag gaye the....
khair, ACCHUTA ki baat sun.....
SLUNDER-tu toh aise bol raha hai jaise apne planet ke maccharon ke kaatne ke impact ko measure kiya hua hai tune..
apne haath ko idhar udhar hilakar maccharon ko khudse door karte hue kaha SLUNDER ne...
ACCHUTA-bhai,tere har sadhe hue mazak ko tere chehre ki tarah hi jhel lunga mai par filhal apna mooh band rakh...
saale in invisible maccharon ne haath pair ko kaat kaat kar ga**d ki tarah suja diya hai...
SLUNDER-mujhe toh yakin nahi aata ki apne planet ka yuvraj hokar mai aisi ghatiya jagah par reh raha hun...
ACCHUTA-abbe kya sirf tu hi yuvraj hai...???mai kya apne planet ke kisi school ka chaprasi hun...!!!
mujhe kaun si aadat hai aisi jagah par rehne ki par ab jab sir okhki me daal hi diya hai toh kar bhi kya sakte hain...???
SABSE PEHLE COMPLAINT KARNA BAND KARO...????
quater ke darwaze par ek parchayi joki MERI thi,dikhi ACCHUTA aur SLUNDER ko jiske mooh se ye baat nikli thi aur meri awaaz aur baat ko sunane ke baad toh wo dono rehna chhodo jeene ki bhi complaint karne ki haalat me nahi rehte the...
wahin apni baat keh mai un dono ki taraf badha aur SLUNDER jis khatiye par baitha hua tha,uspar baith gaya...
par mere baiththe hi SLUNDER aur ACCHUTA turant mere saamne khade ho gaye...
MAI-mujhe dekh ghabrana,sir jhukakar khade rehna,ye sab akele me allowed hai tum dono ko... institution me ya fir city me mere saath tum dono ko ek normal PHASE MATE ki tarah hi behave karna hai..
SLUNDER/ACCHUTA-jee....
mai itna taaktwar hun,fir kyun mai aisi jagah par reh raha hun..???agar mai chahun toh is jagah ko turant ek rajmahal me badal sakta hun...???fir kyun maine ab tak aisa nahi kiya....???
ye sab baatein chal rahi thi ACCHUTA aur SLUNDER ke dimag me is waqt jispar...
MAI-jo baat ghum rahi hai tum dono ke dimag me is waqt,wo ho nahi sakta...!!!
meri baat sun meri taraf hairani se dekhne lage dono..ye baat alag thi ki andhere ki wajah se mai unhe dikhayi nahi de paa raha tha..
par fir jab unhe ehsaas hua ki mai unke man ki baat bhi padh sakta hun toh...
SLUNDER-kya mai jaan sakta hun kyun??
halke dar aur sankoch bhare awaaz se pucha tha SLUNDER ne ye sawal jispar...
MAI-CHOSENS ek maidan jaisa hai aur iska har PHASE aur uske niyam us maidan me khele jaane waale khel ke niyam ki tarah hai jinhe mai bhi nahi tod sakta...
OH....
dono ke mooh se bas itna hi nikal paaya par wo dono ek baar firse udas hone lage the jispar...
MAI-samasya ka samadhan sirf samasya ko khatm karkar hi nahi balki us samasya se khudko bachakar bhi nikala jaa sakta hai...
ACCHUTA/SLUNDER-matlab...!!!hum samjhe nahi..???
MAI-DRISHTI VARDHANAM
apne apne BRAIN, BODY aur BLOOD ko jodte hue is SPELL ko uccharit karo,pata chal jaayega...
meri baat sun ek pal ke liye ek dusre ko dekh wo dono wahin neeche baith gaye aur kiya apne apne CEREBRATION ko pause...
jab ARROW aur CARAPACE ke kings apne apne logon ke PLANET shifting par kaam kar rahe the tab mere kahe anusaar ACCHUTA aur SLUNDER, dono hi apne AMPLIFICATION ke teeno active chakron ko steady karne me lage hue the..
waise toh dono hi kaafi hunarmand the,par maine jab unke BRAIN, BODY aur BLOOD ko AMPLIFY kiya tha toh saath hi unke seekhne ke process ko bhi thoda trigger kar diya tha jiski wajah se in dono ne 3 din ke andar hi apne teeno AMPLIFICATION ko sthir kar liya tha..
aur yahi wajah thi ki abhi jab dono ne apne apne CEREBRATION ko pause kiya toh uske kuch hi palon baad un dono ke teeno AMPLIFICATION chakra jud chuke the aur aisa hote hi.....
DRISHTI VARDHANAM....
ENHANCE THE VISION....
AADHESHAM mode ke antargat un dono ke mooh se ek saath ye baat uccharit hui jiske baad....
un dono ke aankhon se hota hua ek ray unki puri body me failne laga....
ACCHUTA aur SLUNDER jinki aankhen filhal band thi,un dono ne bhi apni aankhon se hote hue apne pure sharir me ek thandak feel ki thi...
aur kuch der baad jab unhe wo thandak feel honi band hui toh dono ne hi apni apni aankhen khol di aur aisa karte hi...
ACCHUTA-iski maa kaa,uski maa,sabki maa....mujhe toh sab clear dikh raha hai...
aankhen kholte hue ACCHUTA ne dekha ki ab usse andhere me bhi sab kuch clearly dikhne laga tha wahin SLUNDER bhi ab is andhere me clearly dekh paa raha tha..
MAI-tum dono ki bodies me jo chill tumne feel kiya tha,wo ek guard tha jiski wajah se ab tumhe yahan ke macchar pareshan nahi karenge...
meri baat sun un dono ka dhyan bhi apni body par gaya jispar ab wakayi me koi macchar nahi kaat raha tha...
SLUNDER-thank tou RAAZ.....
ACCHUTA-haan bhai,bohot bohot thank you...agar in maccharon ne mujhe yunhi kaatna jaari rakha hota toh mai pehla aisa banda hota jisne maccharon ke kaatne se pareshan hokar suicide kiya hota...
MAI-chalo, city ghum kar aate hain..
apni baat bol mai utha aur bahar ki taraf badh chala wahin ACCHUTA aur SLUNDER bhi mere piche piche bahar aa gaye..
aage badhte hue jab hum teeno BRAWNY ko alloted quarter ke baaju se nikle toh hume andar se halke halke rone ki awaazen sunayi di jo ki BRAWNY aur uske parents ki thi...
SLUNDER-bechara BRAWNY aur uske parents...wo bhi royal bloods hain...pata nahi kaise yahan survive karenge...???
SLUNDER ki baat sun mai uski taraf palta aur jab aisa hua toh uski haalat kharab ho gayi..usse laga ki usne kuch aisa bol diya hai jo usse nahi bolna chahiye tha...
MAI-humdardi se sirf bheek milti hai aur CHOSENS bhikariyon ki jagah nahi hai...
ye ek jungle hai..and every one who lives here,has to fight to survive here...
rone do usse...USKA FRUSTRATE HONA BOHOT ZAROORI HAI...
apni baat keh mai aage badh gaya wahin meri baat ka matlab naa samajh ek pal ke liye ACCHUTA aur SLUNDER ne ek dusre ko dekha aur fir dimag ko jhatak mere piche hi liye...
PLACE-ALFREEN'S ABODE
WHAT....!!!! ITNI BADI BAAT AUR TUM YE HUME AB BATA RAHI HO...AUR ITNI DER TAK KAHAN THI TUM...???KYA CLASS ITNI LATE TAK CHALI....!!!!
sidhe shaam ke waqt pahunchi thi ALFREEN apne ABODE aur wapas aakar jaise hi usne MARIA aur FLORIN ko bataya ki RAAZ wapas aa chuka hai,toh laga un dono ko jhatka aur ek ke baad kayi sawal kar daale MARIA ne usse....
ALFREEN-mom itne dino se is jagah ko dekhne ka itna zyada man tha ki hum teeno INSTITUTION se nikalte hi sidhe kuch jagahon ko checkout karne ke liye nikal gaye the...
wahan waqt ka pata hi nahi chala aur isiliye aane me thodi der ho gayi..
pata hai pops,mom,ye jagah hamare imagination se bhi zyada cool hai....
hum bas teen hi jagah gaye the..ek tha ROYAL CLUB..it was like a KING'S PALACE with a modern touch..
dusra tha VENOM naam ka ek pub and that place was awesome...pata hai pops,us pub me pure universe ke har planet ke best music's play hote hain....
and lastly,hum gaye ek ILLUSIONARY OCEANERIUM me and guys,u have too see it..mai bataungi toh maza nahi aayega,aap sab khud hi check out kijiyega....
jahan ALFREEN yahan ke happening places ke baare me bata rahe the,wahin MARIA aur FLORIN ka dhyan RAAZ par hi atak gaya tha....
un dono ke andar usse dekhne bhar ki tez iccha jaagi hui thi aur isiliye....
FLORIN-AL.....RAAZ kis catagory me hai..???
ALFREEN-WEAKLINGS me....
ALFREEN aage kuch kehti,usse pehle hi FLORIN ne apni baat keh di thi...
wahin puche gaye sawal ka jawab dene ke baad ALFREEN ko bhi samajh aa gaya tha ki uske mom dad ne RAAZ ke return hone waale baat ke aage ki koi baat par dhyan nahi diya hai...
saath hi usse ye bhi realize hua ki usse pehle INSTITUTION se aakar ye khabar apni mom dad ko deni thi aur fir ghumne jaana tha par ab jo ho gaya so ho gaya...
wahin ALFREEN ki baat sun...
MARIA- ELUSORY....kya tumhe WEAKLING catagory ke SAVENTS ke alloted quarters kahan hai,ye pata hai...???
ELUSORY-yes MISTRESS...
MARIA-then lets go there...
MARIA aur FLORIN dono bahar jaane ke liye uthe aur hall se hote hue bahar lawn ki taraf chal diye...
lawn me unki CHARIOT khadi thi jispar wo teeno baithne hi waale the ki tabhi....
HAIN...!!!AAP TEENO HUMARE BINA HI CITY EXPLORE KARNE JAA RAHE HAIN....
un teeno ke piche se aayi ye awaaz jo ki MAHI ki thi..awaaz sun jab MARIA, FLORIN aur ALFREEN palte toh dekha ki MAHI apne kamar par dono haath tikaye unhe ghoor rahi thi aur uske saath khadi thi MABEL aur uske parents jinhe dekh ye teeno unki taraf badhe aur...
MARIA-tumne aisa kaise soch liya ki tum sabke bina hum city explore karenge...
MABEL-toh fir aap teeno CHARIOTS me baithkar kya apne hi ghar ke rounds maarne waale the..
MARIA-chup badmash...actually beta hum RAAZ se milne jaa rahe the...
RAAZ ka naam sunte hi MAHI ka ghurna bhi band ho gaya tha...usse bhi realize ho gaya tha ki jab tak uncle aunty RAAZ se mil nahi lete,tab tak unhe chain nahi aayega...
wahin mr and mrs FELLAR ke liye ye naam naya tha aur isiliye...
FELLAR-RAAZ!!!ye kaun hai..???
FELLAR ke sawal par FLORIN unhe RAAZ ke baare me sab batane lage jisse sun...
FELLAR-oh.. poor child...chaliye fir,hum bhi mil lete hain RAAZ se...
MAHI-haan uncle,hum sab chalte hain...
FELLAR aur MAHI ki baat sun FLORIN aur MARIA ek dusre ko dekhne lage...
reason....
bhale hi wo RAAZ se milne ke liye excited the,par wo jaante the ki RAAZ kaisa hai...???
usse kabhi dusro ki feelings se matlab nahi raha tha aur naahi zyada logon ko apne aas paas dekh wo kabhi comfortable feel karta tha...
toh aise me sabka uske saamne jaana,ye koi acha idea nahi tha..pata nahi RAAZ un sabko dekhkar kaise react karta aur agar usne apne aadat ke anusar kuch ulta sidha bol diya toh unki MR & MRS FELLAR ke saamne beizatti ho jaani thi...
FLORIN aur MARIA ki ye soch koi aur bhaampe naa bhaampe par MAHI bhaamp chuki thi aur isiliye...
MAHI-zyada mat sochiye uncle aunty..kuch nahi hoga...aur waise bhi ab aapka RAAZ wo purana RAAZ nahi raha..kaafi badal gaya hai...
appearence se bhi aur aadaton se bhi..pata hai,jo ladka kabhi kisi ek bande se bhi baat karne me uneasy
feel karta tha,aaj usne pure PHASE ke saamne ek choti si specch de di thi...
MAHI ki baat sun hairani dikhne lagi FLORIN aur MARIA ke chehre par..
wahin apni baat ko aage badhate hue...
MAHI-hairani bacha kar rakhiye.. kyunki asli hairani aap dono ko tab hogi jab wo aapke saamne aayega..pehchaan nahi paayenge aap usse...
MARIA-matlab...
MAHI-khud dekh lijiyega...ab chalen...
sir haan me hilate hue MARIA aur FLORIN wapas palte aur ALFREEN ke saath apne CHARIOT me jaakar baith gaye...
wahin baaki sab bhi apne apne CHARIOT me baith gaye jiske baad teeno ELUSORIES ne unke chariot ke navigation system me WEAKLING CATAGORY ka destination code daal diya aur aisa hote hi teeno CHARIOTS apni manzil ki taraf badh gaye...
BACK TO RAAZ:-
BHAI,HUM YAHAN KYUN AAYE HAIN...???
halki jhijhak ke saath pucha ye sawal ACCHUTA ne muhse jispar...
MAI-sabr ek aisi medicine hai jisse zinda rehne me asaani hoti hai..
ek baar ACCHUTA ki taraf nazar ghuma maine ye baat kahi aur uske baad wapas saamne us bade se gate ki taraf dekhne laga jiske bahar hum khade the...
wahin meri baat sunkar jahan SLUNDER ACCHUTA ko dekhkar hasne laga wahin ACCHUTA ka mooh sirf band hi nahi hua balki seal ho gaya...
khair,jiske liye mai yahan khada tha,wo pal aa chuka tha aur isiliye...
humse kuch door par laga wo automatic gate bin awaaz ke khulne laga aur jab wo pura khula toh...
ek saath teen teen chariot us gate se hote hue baahar nikle jinke andar FLORIN & party baithe hue the...
wahin jo chariot hamari taraf thi,wo MAHI ki thi aur isiliye sabse pehle mujhpar ussiki nazar padi thi aur aisa hote hi...
MAHI-UNCLE,AUNTY,wo dekhiye RAAZ...
meri taraf point karte hue halki chilla si uthi MAHI jiske baad...
FLORIN-stop....
CHARIOTS voice command bhi follow karte the aur isiliye FLORIN ke stop bolte hi unki CHARIOT rook gayi wahin unke baad baaki dono CHARIOTS bhi rook gaye...
FLORIN aur MARIA,dono ne hi mujhe ab tak dekha nahi tha..unhone toh bas MAHI ki baat sunte hi CHARIOT rukwa di thi par CHARIOT ke rookte hi jab wo dono usse utre toh har taraf dekhne lage..
unhe unse kuch door teen ladke zaroor dikhe par unme se koi bhi unhe RAAZ nahi laga tha aur isiliye....
FLORIN-beta MAHI..kahan hai RAAZ...???
MAI-mai yahan hun....
isse pehle ki MAHI meri taraf point kare,meri awaaz FLORIN aur MARIA ke kaano me gunj uthi jiske baad aankhon me avishwas liye wo dono meri taraf dekhne lage..
wahin apni baat keh mai unki taraf badh gaya aur thik unke saamne jaakar khada ho gaya...
mai bilkul un dono ke saamne khada tha aur wo dono aankhen phaade mujhe dekh rahe the aur fir..
MAI-kehte hain ki waqt ke saath sharir badal sakta hai,aakar badal sakta hai, chehra bhi badal sakta hai par aakhen nahi badalti...
meri aankhon me dekhiye,mere RAAZ hone ka saboot mil jaayega...
meri baat sun un dono ki nazar turant meri aankhon ki taraf gayi aur jab aisa hua toh....
mere wajud ke pura hone se pehle waale appearance me sirf meri aankhen hi aisi thi jo dekhne layak thi..
jab mai bohot chota tha,chal nahi sakta tha tab MARIA bohot baar kaafi der tak mujhe godh me liye meri aankhkon me dekhti rehti thi..
kabhi kabhi FLORIN bhi aisa karte the aur yahi wajah thi ki meri aankhon me dekhte hi wo dono mujhe pehchaan gaye aur aisa hote hi...
RAAZ....
FLORIN ke mooh se nikli thi ye awaaz jo halki bhaari bhi ho gayi thi..
aankhen nam MARIA ki bhi thi..wo dono hi mujhe gale lagana chahte the par mere swabhav ko yaad kar hichkicha rahe the par tabhi laga un dono ko aur unke saath thoda piche khadi ALFREEN aur MAHI ko ek tez jhatka...
reason...
chehre par halki muskurahat ke saath aage badh mai FLORIN ke gale lag gaya...
mere aisa karte hi pehle toh FLORIN ekdum jadh se ho gaye par fir unhone bhi mere ird gird apni baahein lapet li..
kaafi chowde the mere shoulder aur uske upar meri height joki FLORIN se zyada hi thi isiliye unke dono haath mere shoulders ke bas three fourth area ko hi cover kar paa rahe the...
kuch der FLORIN se gale lage rehne ke baad mai unse alag hokar MARIA ke gale lag gaya....
mujhse gale lagte hi ek baar firse MARIA aankhon se bhi aansu nikalne lage the..
wahin in sabse alag MAHI aur ALFREEN jo is scene ko aankhen faade dekh rahe the,wo,.....
ALFREEN-yaar,ye RAAZ nahi ho sakta..zaroor ye koi aur hi banda hai... kyunki shakal badal sakti hai,par fitrat nahi...
MAHI-agar hum apne planet me hote toh mai bhi yahi bolti..par mat bhool ki hum CHOSENS me hain aur isse SOVEREIGN'S lekar aaye hain...aur wo dokha nahi khaa sakte...
apni apni baat keh wo dono bhi hamare paas aa gaye aur ab tak gale lagne ka daur bhi tham chuka tha aur isiliye...
MAHI-tum yahan gate bahar kya kar rahe the...???
MAI-aap dono se milne hi aaya tha mai yahan..??par WEAKLINGS ko aapke colony me ghusna allowed nahi hai..
par mujhe laga tha ki city dekhne aap log nikloge hi, isiliye yahin wait kar raha tha...
MARIA ko dekhkar ye baat kahi maine jiske baad un dono ka dhyan mere pehne kapde par gaya jo ki WEAKLINGS ka uniform hi tha..
MARIA-ye kaise kapde pehne hue hain tumne...???
MAI-WEAKLINGS ko extra kapde nahi diye jaate...bas 2 uniforms hote hain,that sit...
meri baat sun MARIA aur FLORIN ko bohot bura laga aur isiliye...
MARIA-chalo fir,sabse pehle tunhare liye shopping karenge...
MARIA ki baat sun mere chehre par ek baar fir se smile aa gayi aur...
MAI-hum CHOSENS ke PHASE 2 me hain..yahan yunhi kuch nahi milta...
yahan har cheez haasil karni padti hai aur filhal mai extra kapde deserve nahi karta..but its just a matter of time...bohot jald ye equation badal jaayega...
tab tak mai aise hi rehna chahta hun...
MARIA aur FLORIN jaante the ki mai maanunga nahi isiliye unhone is baare me aur kuch nahi kaha..
par meri baat sun MAHI khudko bolne se nahi rok paayi aur...
MAHI-oho..matlab is baar tum bhi humare saath competition me part lene waale ho...
MAI-tumhara competition mujhse nahi,in dono se hoga...mera COMPETITION kisi aur se hai...
ACCHUTA aur SLUNDER ki taraf ishara karte hue maine kaha jispar...
MAHI-kisi aur se...???kisse...
MAI-jis competition ka hissa tum hone hi nahi waali,uske baare me jaan kar kya faayda...
MABEL-ye toh bata hi sakte ho ki tumhare appearence me itna change kaise aa gaya..???
MABEL jisne subah jab se mujhe dekha tha,tab se hi mere is badle hue appearence ke baare me puchna chahti thi,aaakhir usne puch hi liya jispar maine usse aur baaki sabko jo kahani SOVEREIGN'S ne MARILIZA ko mere gayab hone ki batayi thi,wo bata di aur saath hi bataya ki ussi wajah se mere appearence me change aaya hai...
baaaton ke dauran meri nazar ALFREEN par gayi jo mujhe hi ghoor rahi thi par jaise hi meri nazar uspar padi,usne apni nazarein ghuma li...
khair,saari baat batane ke baad....
MAI-acha uncle,aunty, I'll take your leave now..kuch kaam hai mujhe...
mere FLORIN aur MARIA ko uncle aur aunty bulane par wo dono bohot khush ho gaye aur wo isiliye kyunki ye do shabd rishte se baandhne waale the..wo rishte jinke naam se hi mujhe hamesha allergy rahi thi...
MARIA-thik hai..par promise karo ki tum ghar aaoge...
MAI-promise...
FLORIN-smile tumhare chehre par bohot achi lagti hai beta...hamesha aise hi muskurate raho...
MAI-aisa mat boliye uncle...kabhi kabhi kisi ek ki khushi kisi dusre ki taklif ban jaati hai...
MARIA-jisse taklif hogi,wo apna dekh lega..tum bas muskurate raho...
MARIA ki baat sun mai ek baar firse muskura diya aur fir un dono se bye bol ACCHUTA aur SLUNDER,jo bilkul chupchaap ab tak ka mere conversation ko sun rahe the,unhe lekar nikal pada...
MARIA ki aakhri me kahi baat,"JISSE TAKLIF HOGI,WO APNA DEKH LEGA..TUM BAS MUSKURATE RAHO...."
is line ko yaad kar maine apna sir shake kiya aur....
MAI-
sharafat bhare alfaaz,
BADSULOOKH ho gaye....
pehle sirf naadan the log,
par waqt ke saath,
BEWAKOOF ho gaye...
AAJ KE LIYE ITNA HI.....
AAPKA APNA V...J......
Fantastic marvelous update
