AB TAK AAPNE PADHA KI JAHAN EK TARAF VALDIS MABEL KO PROPOSE KARTA HAI JISSE WOH ACCEPT KAR LETI HAI WAHIN DUSRI TARAF JAB MAHI RAAZ KO PROM GALA ME APNA PARTNER BANANE KE LIYE PUCHNE JAATI HAI TOH MORANA KO RAAZ KE GALE LAGA DEKH AUR PHIR USSE KISS KAR I LOVE YOU BOLTA DEKH USKA DIL TOOT JAATA HAI.
AB AAGE:-
CHAPTER-2
(UNEARTH THE IMMORTALS)
UPDATE-112
PLANET-ELYSIAN
PLACE-CHOSENS
HEY GUYZ,WHATS UP...???KYA HUA AAJ APNE APNE ABODES NAHI JAANA HAI KYA...????
MAHI, ALFREEN, MABEL aur VALDIS joki is waqt THE GREAT HALL ke bahar bane garden me baithe the,unke paas pahunch kahi maine ye baat....
reason...
aaj ke classes khatm ho chuke the aur aisa hone ke bad normally ye sabhi apne apne ABODES nikal jaate the par aaj aisa nahi hua tha..
sabhi yahan garden par baithe ek dusre se baat kar rahe the..
khair, meri baat sun..
ALFREEN-kuch nahi yaar..woh PROM GALA ko ek sirf ek hafta bacha hai naa, isiliye hum us event me pehenane ke liye dress par discuss kar rahe hain..
MAI-discuss... really....kapde choose karna koi discuss karne waali cheez hai..!!jo man kare le lo aur pehen lo,whats there to discuss about it...???
VALDIS-arre bhai, ladkiyan apke dresses ko lekar bohot particular hoti hain,tu nahi samjhega...???
MAI-par tu samajh gaya...waah,ladkiyon ki khub samajh hai tujhe... sirf samajh hi hai naa ladkiyon ki,body parts toh bando ke hi hain naa...!!
HMMPP...
jahan meri baat sun MAHI aur ALFREEN halka sa has di, VALDIS andar hi andar chidh gaya wahin hasi toh MABEL ko bhi aayi thi,par apne boyfriend ka paksh lete hue..
MABEL-how mean RAAZ...!!
MAI-kya karen,ab mai ACCHUTA toh hun nahi...
MABEL-matlab...!!!
MAI-sahi waqt se pehle samjha nahi jaa sakta...
MABEL-kya..???
MAI-matlab....
ALFREEN-kya gol gol bol raha hai tu...!!aur waise ye ACCHUTA aur SLUNDER kahan hain...ek hafte se gayab hain dono..un dono ke ABODES bhi gaye the hum par dono hi gaayab hain...
VALDIS-ACCHUTA ko DUAD ke through bhi bandi nahi mili hogi isiliye gayab ho gaya hoga aur SLUNDER apni dosti nibhate hue usse company de raha hoga...
hahahaha....
apni hi baat ko bol hasne laga VALDIS jispar teeno hi girls ne usse ghur kar dekha aur unke aisa karte hi VALDIS ki hasi gayab ho gayi aur..
VALDIS-i was just kidding...
MABEL-that was not funny....
MAI-bilkul funny tha...aur VALDIS, remember the joke and the thought....fun abhi aur badhega...
MABEL-matlab..!!!
MAI-bataya naa,sahi waqt se pehle samjhaya nahi jaa sakta...
MABEL-kya..??
MAI-matlab...
ALFREEN-ufff RAAZ..yaar tera naam tujhe wakayi suit karta hai...teri har dusri baat RAAZ hi hoti hai....
MAHI-waise RAAZ, what are you wearing at the GALA...!!!!????
MAI-kapde....
ALFREEN-waah,kya unique jawab hai..hume toh laga tha ki tu GALA me nanga hi aayega....
KAASH AISA HOTA...ISSI BAHANE ISSI COMPLETELY FEEL TOH KAR PAATI MAI...
piche se mujhe baahon me lete hue kahi thi ye baat MORANA ne..
wahin jahan ek taraf MORANA ko dekh MABEL aur ALFREEN ka mooh ban gaya wahin dusri taraf MORANA ko mujhe yun hold karte dekh MAHI ke man me ek tees si uthi jiske dard ko bohot mushkil se apne face par aane se chhupaya usne...
khair, MORANA ki baat ko sun...
ALFREEN-waise tum dono kya sirf PROM GALA me hi partner ho yaa phir officially ek dusre ko date kar rahe ho...!!!
MORANA-ofcousre official..i love RAAZ....
mere right hand ko tightly hug karte hue kahi ye baat MORANA ne jispar..
ALFREEN-aur tum RAAZ tum...???do you also....
RAAZ- definitely, without a doubt i too love....... myself....
jahan i too love sun khush ho gayi thi MORANA wahin ek pause lete hue jab maine myself kaha toh mooh fool gaya uska aur...
MORANA-how mean RAAZ....!!!!
MORANA ki baat par smile kar kuch kehne hi waala tha mai ki tabhi...
RAAZ,CAN I HAVE A WORD....!!!
hamare peeche se aayi thi ye awaaz joki HIDA ki thi jisse sun mai piche palta aur...
MAI-i will be back..
jahan ye bol mai HIDA ki taraf badh gaya wahin ek pal mujhe dekh MORANA ne jab wapas apna sir ghuamaya toh uski nazar MAHI par padi jo bade hi pyaar se mujhe jaate hue dekh rahi thi aur ye dekh...
MORANA-kya dekh rahi ho MAHI...!!!!???
MAHI-apne wajood ko...
bekhayali me nikal gaye ye shabd MAHI ke mooh se jiske baad woh khud bhi hadbada gayi aur..
MAHI-mera matlab tha ki...
MORANA-oh come on MAHI..keep all the lies to yourself...mujhe pata hai,you like RAAZ...
MORANA ki baat sun MAHI toh normal hi rahi par ALFREEN aur MABEL chownk gayi..
MABEL-really,you know it..!!!how..???
MORANA-oh common on girls...kaafi dino se notice kar rahi hun mai..
jaise ye dekhti hai naa RAAZ ko,koi baccha bhi bata dega iske dil ka haal...
but let me tell you MAHI, RAAZ is out of your league....RAAZ woh secret hai jiski ek bhi layer,ek bhi parat tum unfold nahi kar paaogi...kabhi nahi...
MORANA ki baat sun MABEL aur ALFREEN toh ghussa ho gayi par MAHI ke face par ek muskaan naach gayi aur...
MAHI-really MORANA...layers....!!!
baat RAAZ ki nahi ishq ki hai,aur ishq me PARTHEN NAHI HOTI...
pyar ke badle hi pyar kiya jaaye, mohobbat me aisi SHARTEN NAHI HOTI....
RAAZ ke dil me mere liye koi feelings ho yaa naa ho,
"par mere pure dil me RAAZ ka hi basera hai, aur jab tak aisa hai,mere liye har andhera savera hai"....
MORANA-kitna hi pyaar kar lo tum MAHI,haasil kuch nahi hona... RAAZ tumhare kareeb kabhi nahi hoga...
MAHI-tumhare toh kareeb hai naa woh,phir bhi kya haasil kar paayi ho tum usse...!!!
jism ki nazdiki rooh ko nahi milati MORANA... aur jo ishq jism par hi khatm ho jaaye,waisa ishq tumhe hi murabak...
tum laakh samet lo usse apni baahon me,mujhe fark nahi padega..
mujhe toh bas ek baar,sirf ek baar uske aankhon me apne aks ko dekhkar unme doob jaana hai....
uske dil ki jagah khud ko rakhkar usme dhadakna hai...
uske lahu ki garmi se apne thande pad rahe sharir ko taap dena hai....
apni har pal badhti bechaini ko uske rooh se milaakar sukoon pahunchana hai...
bas ek baar,sirf ek baar.....
khudke khuli aankhon ke saamne RAAZ ke chehre ko yaad karte hue kahi thi ye baat MAHI ne jisse sun jahan ek taraf aankhen faade usse dekh rahe the ALFREEN, MABEL aur VALDIS wahin dusri taraf MAHI ki baatein sun ek ajeeb si bechaini aur ghussa uth chuka tha MORANA ke dil me...
reason...
MAHI ki baatein sach bhi thi aur uske RAAZ ke prati nischal prem ki sacchi gawahi bhi...
woh sacchayi,woh nishchal prem jo MORANA RAAZ ke kareeb rehkar bhi mehsoos nahi kar paayi thi...
khair,kuch der tak aankhen faade is modern time ki RADHA ko dekhte tehne ke baad...
MABEL-insane lines MAHI...
ALFREEN-yaar MAHI....tu toh RAAZ ko ishq ki aakhri hadh tak chaahne lagi hai..
MORANA-wakayi aakhri hadh....par haasil kya hua aur aage bhi kya ho jaana hai...??is aakhri hadh ne tere dard ko zakhm me badal diya hai MAHI aur woh waqt bhi kareeb hai jab ye zakhm naasoor me badal jaayega....
wait for it....??its just a matter of time...
WAIT FOR WHAT...??& WHAT'S JUST A MATTER OF TIME...
HIDA ke paas se wapas louththe hue MORANA ke kahe ye shabd sun liye the maine aur isiliye puchi maine ye baat jispar ek baar firse meri baanh ko pakadte hue..
MORANA-wait for you jo ab pura hua...woh actually MAHI mujhe PAIN SUSTAIN game ke liye challenge kar rahi thi jisse maine accept kar liya hai isiliye mai usse keh rahi thi ki i will beat you in that game,and it's just a matter of time...
jahan MORANA ki is nayi baat ko sunkar bhi MAHI shant hi rahi wahin ALFREEN aur MABEL ko laga jhatka..
aur woh isiliye kyunki MORANA ne MAHI ko jis game ke through fasaya tha,woh dono hi us game ke baare me joki asal me kahin se bhi game tha hi nahi,acche se jaanti thi, aur isiliye...
ALFREEN-MAHI,she is tricking you..dont fall for it...
MABEL-haan MAHI..ye jis game ki baat kar rahi hai naa, PAIN SUSTAIN,ye ek bohot hi painful game hai jo PHASE 3 ke WICKEDS SAVENTS aur MORALS ke beech apni efficiency dikhane ke liye kheli yaa phir ye kahun ki jheli jaati hai..
you dont have to do it... MORANA filhal tujhse zyada strong hai..woh jaanti hai ki tu is game me uske aage tik nahi paayegi aur aise me tune jo abhi baatein kahi hai naa,woh uska tujhse revenge le legi woh bhi khudko completely authentic dikhate hue...
VALDIS-arre par hamari MAHI bhi kisise kam thodi naa hai..woh har hurdle ko paar karne ke laayak hai...
VALDIS ki baat par ALFREEN ne pehle usse ghur kar dekha par phir MABEL ki taraf palati uski aankhen jinme bhi VALDIS ki baat ko napasand karne ke bhaav the aur isiliye..
MABEL-bolne se pehle soch liya karo VALDIS..this is not at all funny....
MABEL ki awaaz bhale hi dabi hui thi,par usme ghussa saaf chalak raha tha jisse mehsoos kar...
VALDIS-sorry guyzz.maine toh bas aise hi MAHI ko motivate karne ke liye bol diya tha...
yahan ye teeno ye baat kar rahe the ki tabhi...
MORANA-kya hua..??khud hi challenge kiya aur ab khud hi chup ho...back off kar liya kya...???
aur waise bhi, har challenge ko accept kar usme hissa lena aur jeetna,har kisi ke bas ka nahi hota hai..
it's a champion thing,just like MY RAAZ....
mere seene me apna haath firaate hue kahi ye baat MORANA ne..
wahin MORANA ke is naye josh ko trigger karne waale statement ko sun ALFREEN aur MABEL MAHI se phir se kuch bolne ko hui par tabhi..
MAHI-kahan khelna hai ye game....???
MAHI ki baat sun yaa phir ye kahun ki uske yun indirect tarike se challenge accept karne ko jaan ALFREEN aur MABEL ne apna sir peet liya...
khair, MAHI ki baat ko sun ek devil smile naach uthi MORANA ke face par aur..
MORANA-the GREAT HALL..10 minute me..be on time...
jahan ye bol mere gaal par kiss kar ek disha ki taraf badh gayi MORANA wahin uske jaane ke baad meri nazar MAHI par thehri joki mujhe hi dekh rahi thi aur...
MAI-tum jaanti ho naa ki tum kya kar rahi ho...???
MAHI-kya tum jaante hi ki tum kya kar rahe ho..???
MAI-matlab...???
MAHI-waqt waqt ki baat hai... hope ki tumhe pata chal jaaye...!!!
MAI-kya pata chal jaaye...???
MAHI-wahi,MATLAB....
jo maine MABEL se kaha tha, MAHI ne usse ghumakar mujhpar hi daal diya tha.. impressive,haan....
anyways, MAHI ki baat sun ek pal usse dekh mai bhi ek disha ki taraf badh gaya aur mere jaate hi...
ALFREEN-are you out of your mind MAHI... MORANA ne bhadkaya aur tu bhadak gayi... idiot....
MAHI-maine jo bhi kiya,woh MORANA ke liye nahi,balki RAAZ ke liye kiya hai...???
ALFREEN-matlab....???
MABEL-aur please yaar...waqt aane par pata chal jaayega,kya, matlab....ye dialogue mat chipkana..
pehle hi is MATLAB ko figure out karne me dimag ghum gaya hai...
MABEL ki baat sun ek smile diya MAHI ne aur phir...
MAHI-tu figure out kar hi kyun rahi hai..???sahi waqt par automatically pata chal hi jaana hai tujhe..
ALFREEN-arre woh sab chhod, RAAZ ke liye kiya,iska kya matlab hai..???
MAHI-agar is challenge me mujhe haarta dekha,taklif me dekh RAAZ ko thodi si bhi taklif hui,toh woh haar woh taklif mere liye meri life ki sabse badi jeet aur pain killer hoga...
MABEL-aur agar aisa nahi hua toh...!! RAAZ ko tere pain se fark nahi pada toh...!!!
MAHI-phir toh woh dard zindagi bhar jhelna hai..shuruat aaj se hi sahi...
ye bol MAHI uthi aur THE GREAT HALL ki taraf chal padi aur usse jaate dekh ek baar usse aur phir ek baar ek dusre ko dekh ALFREEN aur MABEL VALDIS ke saath MAHI ke piche ho li....
THE GREAT HALL....
(NOTE:-PAIN SUSTAIN GAME-is game me dono opponents ek dusre par total teen baar ek ek kar alag alag level ke PAIN SPELLS bolte hain jisse saamne waale ko jhelna hota hai...aur jo bhi opponent third aur last SPELL ko jhelte hue apne senses ko jagaye rakh paata hai,woh is game me jeet jaata hai)
PAIN SUSTAIN GAME:-
YE ITNI BHEED KAISE HO GAYI...!?!?!
THE GREAT HALL me ghuste hi aankhon me hairani ke bhaav liye chaaron taraf dekhte hue kahi thi ye baat ALFREEN ne...
reason...
is waqt the GREAT HALL ke beech bane bade se manch me jahan MAHI aur MORANA ke beech challenge hona tha,uske ird gird kaafi saare SAVENTS khade the...
ab institution timing ke khatm hone ke baad bhi itni bheed dekhkar hairani toh honi hi thi...
khair, ALFREEN ki baat sun...
MABEL-udhar dekh.... zaroor is MORANA ne hi in sabko bulaya hai taaki MAHI ko haarte aur tamasha bante sab dekhen...
MORANA,joki manch ke paas me hi khadi muskurate hue MAHI ko joki ab stage par jo abhi uske liye challenge ring hone waali thi khadi thi,usse dekh rahi thi..
ALFREEN-saali kameeni...agar isne MAHI ko zyada pain diya toh iska hisaab phir mai karungi...
VALDIS-arre ye challenge un dono ke beech hai..isme tum interfere nahi kar sakti..
VALDIS ki baat sun ALFREEN aur MABEL ne usse ghur kar dekha jispar...
VALDIS-what..!!!kuch galat kaha kya maine... MAHI ne khud accept kiya hai MORANA ka challenge,toh aise me agar tumne is challenge ke beech interfere kiya toh MAHI ki aur zyada insult hogi....
VALDIS ke is tark par un dono me se kisi ko kuch kehte nahi bana aur woh dono VALDIS ke saath stage ke paas pahunch gayi..
thik ussi waqt stage ke dusre bhaag se thoda khada tha ki mai ki tabhi...
"ISHQ NE NIKAMMA KAR DIYA GAALIBH WARNA AADMI HUM BHI KAAM KE THE"....
JIS KISI MANUSHYA NE BHI YE MUHAVARA BOLA HAI,SACH HI BOLA HAI...
AAJ MAHI KA FAISLA IS MUHAVARE KO BILKUL SACH KAR RAHA HAI...
mere paas aakar khade hote hue kahi ye baat VIDEOUS ne jispar mai bas smile kar kar reh gaya...
VIDEOUS-tumne roka nahi MAHI ko is challenge me participate karne ke liye..tumhe maaulm hai naa ki isme bohot taklif hone waali hai usse..
kya tumhe isse fark nahi padta...!!!!
MAI-nahi...
VIDEOUS-acha..!!!phir MAHI ke brain se BLACK ENERGY ke kano ko nikalne me kyun madad ki tumne uski...!!!!
VIDEOUS ke is baat par maine uski taraf dekha jispar uske face par ek smile aa gayi aur...
VIDEOUS-RAAZ,RAAZ,RAAZ....tujhe wakayi lagta hai ki tu mujhse koi RAAZ zyada waqt tak rakh sakta hai...
kabhi nahi....
mere DEVOTEES ke insert kiye BLACK ENERGY ke kan the woh,mujhe toh pata chalna hi tha..
haan,ek RAAZ ab bhi parde me hai..aur woh ye ki kaise extract kiya tune un BLACK ENERGY ke kano ko MAHI ke brain se, but ye RAAZ koi bohot badi cheez nahi hai jiske unfold naa hone se mera koi nuksaan ho jaaye..
jo jaanana tha,woh jaan chuka hun mai..
MAI-really..!!!aur kya jaana hai tune..???
VIDEOUS-itni bhi kya jaldi hai...sahi waqt par pata chal hi jaana hai tujhe..
but the bottom line is ki tera MAHI ko un BLACK ENERGY ke kano se bachana,ye saabit karta hai ki you care for her..
MAI-galat..i dont care for anyone..
VIDEOUS-really...!!!phir bachaya kyun tune usse...????
MAI-kyunki waar tera tha...aur maksad mera hamesha yahi hota hai ki waar agar tera ho,toh us waar se har kisiko bachane waala haath mera ho....
ye bol ek baar VIDEOUS ki taraf dekh mai stage ke paas jaane laga kyunki MAHI aur MORANA ab aamne saamne aa chuke the...
wahin mere jaane ke baad....
VIDEOUS-naam tera bhale hi RAAZ hai,par ab tak apne hi sabse bade RAAZ se anjaan hai tu....anyways,
i don't care for anyone....dekhte hain,kitna sach hai ye statement...
kyunki bohot jald woh waqt aane waala hai jab ye chapter khatm hoga..
par khatm hote hote ye adhyaya tere is care free nature aur i don't give a damn ATTITUDE ka sabse bada imtihaan lega..
ek aisa imtihaan jisme tu kuch bhi kar le,kuch bhi,but haarna tujhe hi hai.....
aur ye haar teri sukoon bhi le jaayegi aur phir,teri jaan bhi....
TAIYAAR HO MAHI.....!!!
MORANA ke is sawal par ek baar mujhe dekh MAHI ne apni nazaren wapas MORANA par tikayi aur...
MAHI-haan...
MORANA-basic rules toh pata hi honge tumhe...teen PAIN SPELLS jhelne ka challenge hai ye...
MAHI-i know the drill..but aaj is drill me ek halka sa change karte hain..
aur woh ye ki mai koi SPELL bolungi hi nahi..PAIN SPELLS sirf tum bologi,mai sirf receive karungi..
agar tumhare teeno SPELLS ko jhel gayi mai toh mai jeeti aur naa jhel paayi toh tum jeeti...
ALFREEN-MAHI,ye tu kya kar rahi hai..???
ALFREEN ki is uttejana se bhari awaaz par apna haath badha uske taraf shant rehna ka ishara kiya MAHI ne jiske baad bebasi se chup reh gayi ALFREEN aur uske baaju me khadi MABEL...
wahin MAHI ki baat sun jahan ek taraf MORANA ke face par badi si muskaan naach gayi wahin wahan moujud har SAVENT kaafi hairan ho gaye aur MAHI ki baat par ek dusre se gossip karne lage..
khair,MAHI ki baat ko sun....
MORANA-i accept...ready..!!!!
MAHI-always....
MORANA-VYATHAYATI....
pain ke extreme level SPELLS me se ek tha ye SPELL jisse MORANA ne uccharit kiya tha aur uske aisa karte hi..
AAAHHHHHH....
ek kaala ray MORANA ke haath se nikal sidhe MAHI se takraya jisse puri tarah kaamp uthi MAHI aur uske mooh se ek dard bhari aah nikal gayi....
kaafi zor se hil raha tha MAHI ka body par jabde bheenche woh us pain ko sehne ki koshish kar rahi thi aur ye sab dekh ALFREEN aur MABEL ki aakhen bhar aayi thi...
khair,kareeb ek minute tak yunhi dard jhelte rehne ke baad dheere dheere MAHI ka pain kam hone laga par jaate jaate bhi ye pain MAHI ko kaafi kamzor kar gaya tha..
uski aankhen halki halki bhaari hone lagi thi jinse usne meri taraf dekha..
par meri aankhon me yaa face par koi bhi expression naa dekh uske seene me dard sa utha aur ye dard kuch der pehle mile PAIN SPELL ke dard se zyada tha..
par,kisi tarah khudko normal kiya usne aur samne MORANA ko dekhne lagi jispar...
MORANA-not bad MAHI..really well done...second attempt ke liye ready...!!!
MORANA ki baat par MAHI ne kuch kaha nahi bad shaant khadi rahi jisse uski mook swikriti maan...
MORANA-ZALYAYATI....
ek aur extreme PAIN SPELL nikla MORANA ke mooh se jiske baad ek baar phir se MAHI ki puri body zor se kaampne lagi aur saath hi uske pair jawab de gaye jiski wajah se woh apne ghutno par aa gayi...
MORANA ka haath ab bhi aage hi tha jisse ek badi si black ray nikal lagatar MAHI par padh rahi thi jisse MAHI ko asahaniya pain ho raha tha jisse woh chupchaap bardasht kar rahi thi...
is beech ek baar phirse uski nazar mujhpar gayi par ye dekh ki mai usse nahi balki MORANA ko dekh raha hun,uski taklif aur badh gayi...
khair,is baar kuch 2 min tak chala MAHI ka ye pain bhara safar aur phir MORANA ne apna haath wapas kheench liya...
MAHI ki aankhen ab hadh se zyada bhaari ho chali thi...pain toh halka kam ho gaya tha par uske asar se uska pura sharir ab bhi halka halka kaamp raha tha..
MORANA ke dono SPELLS ki wajah se MAHI ke chaaron AMPLIFICATION modes weak padh gaye the...
MAHI ne filhal itni bhi taakat nahi bachi thi ki woh wapas khadi ho paaye..
woh yunhi baithe baithe hi MORANA ke aakhri waar,last SPELL ka wait karne lagi jiske liye usse zyada wait karna pada bhi nahi...
MORANA ne is baar apne last SPELL ko uccharit karne se pehle apni aankhen band kar li thi aur apne REFINERS ki power ko apne PAIN SPELL ke saath merge kar usne apna haath aae kiya aur...
MORANA-ABHITAPATI....
ek behadh taakatwar PAIN SPELL ko uccharit kiya MORANA ne jiske baad ek gaadha BLACK ray nikla uske haathon se aur sidhe MAHI ke seene ke upar jaakar laga aur aisa hote hi ek nayi cheez hui...
jahan pehle ke dono SPELLS lagne par MAHI ki puri body kaamp jaati thi wahin is baar uske ulat ray ke lagte hi uski body jadh si hokar statue numa haalat me pahunch gayi...
ekdum sthir haalat me ghutno ke bal baithe MAHI aisi lag rahi thi jaise koi putla ho..
ye sab toh external tha par MAHI ka internal part kuch alag hi daastan bayan kar raha tha..
first do SPELLS ke prabhav se uske chaaron AMPLIFICATION modes waise bhi kamzor ho chuke the aur is last double power SPELL ki wajah se woh chaaron modes completely faint ho gaye..
wahin kyunki MORANA ne apne REFINER power ke through is aakhri SPELL ko bola tha,aur MAHI bhi abhi bohot zyada emotional thi, isiliye ye waar aur ray ne sidhe MAHI ke SOUL aur emotion ka ghar matlab ki HEART joki THE FIFTH AMPLIFICATION MODE hota hai,uspar impact maara aur jab aisa hua toh ek saath do chizen hui...
pehli toh wahi jo sab dekh rahe the... MAHI jadh si ho gayi thi..
dusri cheez ye hui ki MAHI ke heart se ek invisible ray nikal MORANA ke us kaali ray ke andar se hota hua MORANA ke haath par padne laga aur jab aisa hua toh...
MORANA ko laga aisa jhatka jisse woh bhi MAHI ki tarah jadh si ho gayi...
dekhne waalon ko toh kuch bhi pata nahi chal raha tha par MORANA ki haalat kaafi kharab hone lagi thi...
uski ray ke andar behta MAHI ke heart se nikla ray hadh se zyada shaktishaali tha...
par kyunki ye ray MAHI ke knowledge aur marzi ke bina bahar aaya tha, isiliye uska impact control me tha...
khair,aur kisiko toh nahi par mujhe MORANA ko MAHI ko ek si condition me dekh andaza ho gaya tha ki is baar kuch alag hua hai..
aur isiliye...
PARIJANATI...
FIND OUT.....
mere man me js SPELL ke gunjte hi mujhse ek invisible ray nikal MORANA ke ray par jaakar padi aur aisa hote hi mujhe saara ganit clear ho gaya..
mujhe ye bhi pata chal gaya ki agar kuch seconds aur ye energy flow chalta tha toh usse nikalta AURA bahar aa jaana hai joki achi baat nahi thi aur isiliye...
MAI-bas bohot hua....
ye bol maine apna haath aage kiya aur ek baar lehraya aur mere aisa karte hi MORANA aur MAHI jis ray se bandh si chuki thi,woh toot gayi aur jab aisa hua toh...
ek taraf MORANA aur dusri taraf MAHI lehrati hui neeche girne lagi... aur ye dekh...
ALFREEN/MABEL-MAHI...
MAHI ka naam zor se lete hue uski taraf doudi ALFREEN aur MABEL...ab tak MAHI ka sense baaki tha par woh kisi bhi pal behosh hone waali thi..
last SPELL aur uske process ke dauran ankhen uski lagbhag band ho hi chuki thi par is beech jab usne meri awaaz suni aur phir ray ko khudse alag hote mehsoos kiya toh bohot khush hui woh..
usse laga ki mujhe uski fikr hai aur phir jab ray ke gayab hone ke baad ALFREEN aur MABEL ne uska naam pukara aur phir uske paas pahunch jab ALFREEN ne uske sir ko apni godh me rakha toh bohot mushkil se apni band ho rahi aankhon ko halka sa khol usne saamne dekha aur saamne dekhte hi uski aankhon ke side se aansuon ki ek patli si dhaar nikal gayi...
reason..
mai MORANA ke paas khada tha joki kaafi kamzor lag rahi thi aur phir maine usse sahara dekar khada kiya hua tha aur aakhir me dekhte hi dekhte maine usse apni godh me utha liya aur sidhe stage se utar bahar ki taraf badh gaya..
is pure douran maine ek baar bhi MAHI ki taraf nahi dekha tha aur ye dekh MAHI ki palken,jo ab tak teen teen asahaniya PAIN SPELLS se bhi nahi chalki thi, woh ab chhalak chuki thi...
chehre par dard aur seene me har pal uththe tees ko mehsoos kar behosh hote hote gunje MAHI ke dil me ye shabd.....
MAHI-
sach hi kaha hai kisine,
mohobbat bhi ek JUAAN HAI...
kisike liye tohfa,toh kisike liye
BADHDUA HAI.....
ae zaalim,kamsekam haal hi puch leta...!!!!!
haar aur chot se zyada dard aaj hume tere yun mooh ferne se HUA HAI...
AAJ KE LIYE ITNA HI.....
AAPKA APNA V....J......
