Fantasy ATTITUDE (KABHI ANGEL KABHI DEVIL) ( Completed )

[johnsamuri]

heronie he kya is story me and vidous kab aayegaaaa..................................................!!!!!!!!!!!!!!!!!!!!!!!!!!!!!!!!!!!!!!!!!!

 

[Suryaa]

heronie he kya is story me and vidous kab aayegaaaa..................................................!!!!!!!!!!!!!!!!!!!!!!!!!!!!!!!!!!!!!!!!!!

Maire khayaal se raaz hi vidous hai

 

[Iron Man]

UPDATE-1




TU KHUD EK SAWAL HAI....
AUR TERA JAWAB MUJHME HAI...

MERE SPARSH SE SAB SAMAJH JAYEGA,
YAAD RAKH......

MERA WAJOOD HAR WAQT TUJHME HAI......


............................



HAI TOH TU EK TUCH NAASHWAAN....EK MAMULI MORTAL,PAR MAANANA PADEGA,JAAN FIR BHI SAKHT HAI...

ARRE ARRE YE KYA........????

chingari dikhne lagi thi ............ ke hatheliyon me,jisse dekh haste hue........ne pucha.....

AGAR AUR PRAHAR KARNA HOTA TOH KYA MAI AB TAK YUNHI BAATON ME WAQT GAWATA....

ISKE JISM SE ISKE ROOH KO ALAG KARNE KE LIYE JITNE WAAR ISSE KARNE THE,HUM KAR CHUKE HAIN...

AGAR ISPE EK BHI WAAR AUR HUA TOH ISKE TADAPTE SHAREER KO SHANTI MIL JAAYEGI....

AUR PATA NAHI KYUN,YE MAI NAHI HONE DENA CHAHTA....ISSE YUN EK KIDE KI TARAH BEBAS LAACHAR TADAPTE HUE DEKHKAR BADA ANAND AA RAHA HAI....

YUNHI TADAPTE TADAPTE DHEERE DHEERE MARNE DE ISSE....ISKE CHEHRE PAR UMADTA YE DARD,MERI JALTI HUI KAALI ROOH PAR THANDE PAANI KA KAAM KAR RAHI HAI.......

TUMHARA BAS CHALE TOH TUM ISSE HAR ROZ MAARO....

WAJAH TOH MAALUM HI HAI TUMHE...HAI TOH YE NASHWAR...MAAMULI MORTAL...PAR PATA NAHI KYUN,ISKI MOUJUDGI EK GHUTAN PAIDA KARTI HAI MERE ANDAR....

fir se wahi chingari naachne lagi......... ki aankhon me...

mai unke saamne pada mar raha tha,par ab bhi unki aankhon me mere liye wahi ghrina thi,wahi krodh jisse lagatar apne andar zabt karte aaye the wo ............

wahin neeche zamin par kisi kide ki tarah pada mai unke chehre ko ektak dekh raha tha...

marnasthal par pahunchkar bhi mere aankhon ka sunapan jyon ke tyon tha....

mere chehre par dard saaf jhalak raha tha fir bhi mai bhaav shunya tha...

naa moh na maaya,naa koi khwahish...khush hone waali paristithi toh thi nahi par koi gum tak naa tha mere chehre par....

par haan,ek sawal zaroor uth raha tha mere zehen me..ye wahi sawal tha jo mere zehen me tab se uthta aa raha tha jabse SOCH shabd ka matlab samajh aaya tha mujhe...

AAKHIR KAUN HUN MAI....????KYUN ALAG HUN MAI SABSE....?????WAISE TOH SABKI APNI SOCH HOTI HAI PAR KUCH BAATEIN TOH SABME COMMON HI HOTI HAI....

PAR YE KHUBI BHI MUJHME NAA THI....KHUSHI AUR GUM,IN DONO EHSAASON SE HI MAI AAJ TAK MEHROOM THA....

AUR AB TOH ZINDAGI HI APNE AAKHRI MUKAM PAR HAI.......APNE SAARE SAWAALON KO KHUDME SAMETKAR ANKHEN BAND KAR LI MAINE AUR TABHI.....


.................HICH ....................


AUR YE AAYI MERI AAKHRI HICHKI.....

AAKHIRKAAR.....

..........MAR GAYA.............



NEARLY 18 YEARS AGO:-




PLACE- HEAVEN





TOH WAQT AA HI GAYA......!!!!!

sawal kahen ya jawab,tha toh ek hi ek par isse bolne waale lub do the....ek AVANTIKA ke aur dusre ALESENDRA ke.....

aur jisse sun LORD OF ANGEL aur THE CREATURE OF JUDGEMENT, dono hi muskura uthe....

waise muskura toh ALESENDRA aur AVANTIKA bhi rahi thi par un dono ki muskaan me ek sankoch tha,ek anishchayata thi....


VIKRAM-ladki human ho ya fir ek ANGEL,sawal me jawab aur ussi jawab me chhupa sawal.aisa dotarfa waar karne ka hunar aap sab me hota hi hai,kyun AV?????

AVANTIKA-thik waise hi jaise ladka human ho ya fir ek ANGEL,sawal ke jawab ke badle ek naya sawal,ye hunar aap sab me kut kut kar bhara hai..kyun V.J???


AVANTIKA ki baat sun jahan ek taraf mai aur mera bhai zoron se has diye wahin AVANTIKA aur ALESENDRA ke sawalon se bhare chehre par ghussa aur chidh chha gayi....


ALESENDRA- ek baat bataiye aap dono...humare sawalon me kya chutkulle hote hain jo aap dono sunte hi ya toh muskurane lagte hain ya fir hasne......

ASMODEUS- aap dono jo bhi sawal humse puchte hain,humare jawab naa dene ke kuch waqt ke baad khud hi us sawal ke jawab aap dhund lete hain....

aur ye har baar hota hai...kehne ka arth,aapke dwara puche gaye saare sawalon ke jawab aapke andar hi hain,par khojti aap baahar rehti hain....

bas isiliye hum dono has dete hain.....

AVANTIKA-wo isiliye kyunki jo bhi hum dekhte hain,wo wahi hota hai jo aap dono hume dikhate hain aur wo chalchtra kabhi bhi pura nahi hota.....

apne sawalon ke jawab khudhi samajhne ke baad bhi humara man ashant rehta hai aur wo isiliye kyunki jo sawal humare man me aata hai,wo bhi aap dono hi laate hai....

jaan bujhkar,jabki asal sawal wo hota hi nahi hai jiska jawab hum jaanana chahte hain...

baat kuch aur hoti hai aur jab tak hum us baat ke kareeb pahunchte hain,sawal hi badal chuka hota hai...

aise me hum karen bhi toh kya karen?????

VIKRAM- KYA aur KYUN!!!! ye do aise shabd hai jinse hokar saare jawab nikalte hain....

taklif ye hai ki aksar log KYA khojte hain..KIS,KAB KAISE ye saare shabd KYA ke hi anuyayi hain...

aisa nahi hai ki KYA ke piche jaane se jawab nahi milega....

jawab zaroor milega par wo jawab us paani ki tarah hoga jisse peene ke kuch der baad fir pyaas lagti hai....

par agar koi KYUN ke piche jaaye toh usse wo jawab milega jiske baad sawal bachta hi nahi....

ASMODEUS- aap dono ke sawal bhi KYA ki shreni me aate hain....ek jawab mila nahi ki dusra man me ghar kar jaata hai.....

abhi ka hi dekh lijiye....WAQT AA HI GAYA....ye baat toh hum sabhi ko pata hai fir bhi ek sawal ka roop dhar aap sabke mooh se ye nikla..

hum dono ko hi aapke saare sawal pata hain aur uske jawab bhi...par pata hai,ajib kintu kamal ki baat kya hai,yahi ki aap dono ko bhi saare jawabo ke baare me gyat hai kintu aap dono ab bhi KYA ki shreni me hi atki hui hain....

aapke sawalon ke bheetar ke sawal bhi ussi shreni me ghum rahe hain....aur jab tak aisa hoga,tak tak aap dono vyakul hi rahengi....

VIKRAM- aur khaas kar ab jab wo samay jisse aap dono dar rahi hain,wo aa chuka hai....

KYA HOGA,KAISE HOGA iss chinta ko tyag KYUN HOGA, sirf ispar dhyan kendrit karo,tabhi man shant hoga.....

VIKRAM ki baat sun AVANTIKA aur ALESENDRA dono ek thandi saans chhodte hain jisse dekh VIKRAM aur ASMODEUS dono firse muskura uththe hain....

par isbaar dono ko muskurate dekh AVANTIKA aur ALESENDRA chidhte nahi,balki wo dono bhi muskura dete hain....

AVANTIKA- sawalon ke jawab toh ab bhi nahi mile par itna yakin hai ki agar aap dono ne ye kahani likhi hai toh sab thik hi hoga.....

VIKRAM- yahi toh khel ka asli bhaag hai...hum dono sirf khel ki rachna kar rahe hain,khelna aur jeetna,ye KHILADI ka kaam bhi hai aur kartavya bhi...

ASMODEUS- ab bas dekhna ye hai,ki humari LAKHON saalon ko mehnat ka anjaam kya hoga????!!!!!!

SHURU KAREN??????


haath badhate hue ASMODEUS ne ye sawal kiya jispar ek ke baad ek dusre ka haath thaamte hue baaki teeno ne muskurate hue sehmati di..

VIKRAM, AVANTIKA, ASMODEUS aur ALESENDRA chaaron ne ek dusre ka haath thaama hua tha par isse pehle ki khel prarambh hota...........

HEAVEN ek tez prakash se naha gaya......

aur aisa hote hi wo chaaron apne apne ghutno par aa gaye.....

ab woh toh aana hi tha,ye tez prakash aur koi nahi GOD the....


GOD-jiske liye yojna banakar tum dono ne lakhon varshon tak usse dheere dheere aakar diya,wo shan aakhir aa hi gaya putro.....

VIKRAM-ji FATHER...aur saath hi wo shan bhi aa chuka hai jab humare yojna ke sabse bade vyavadhan ka hal aap hume denge.....

GOD-ussi karya hetu hum yahan hain....par usse pehle tum sabko ek aise satya se awgat hona padega jisse ab tak tum sab anbhigya ho....

kintu ab waqt aa gaya hai ki tumhare yojna ke mukhya pardapran ke saath hi us sach ko bhi saamne laaya jaaye......


SACH.........JO CHHUPPA HUA HAI....WO BHI LORD OF ANGEL AUR CREATURE OF JUDGEMENT SE......


ye koi choti baat toh ho nahi sakti...aur isiliye GOD ki ye baat sunte hi unke saamne ghutno par baithe chaaron ke maathon par pareshani ke bal dikhne lage.....

aur fir jaise hi GOD ne us chhupe hue sach se parda hataya, VIKRAM, AVANTIKA, ASMODEUS aur ALESENDRA ki aankhen fail gayi....

hazaron vichar un sabke dimag me aane jaane lage.....

par isse pehle ki unke labon se koi sawal nikalta,GOD ne apni baat aage badhayi jisse sunte sunte chaaron ke vichlit hriday shaant hone lage.......


GOD-aur yahi hai tumhare vyavadhan ka samadhan.....kintu smaran rahe ki samay ka dhyan rakhna anivarya hai....


ye bol GOD se faili roshni gayab ho gayi......

GOD ke jaane ke baad bhi kuch der tak sab chup hi rahe....par ye chuppi do alag alag hisso me bati hui thi....

ek chuppi AVANTIKA aur ALESENDRA ke thi jo ab bhi GOD ki baaton aur unke tarkon ko hazam karne me lage hue the wahin dusri chuppi VIKRAM aur ASMODEUS ki thi jo ek dusre ke mastishk se jud is naye sach ko apne yojna se jodne me lage hue the..

kuch der tak aisa hi raha par fir jahan ek taraf AVANTIKA aur ALESENDRA apni soch se baahar aayi wahin VIKRAM aur ASMODEUS ne bhi apna kaam kar diya tha.....


VIKRAM-taiyar ho......


muskurate hue VIKRAM ne AVANTIKA se pucha jispar usne bhi muskurate hue apni sahamati di....

ALESENDRA aur ASMODEUS bhi muskura hi rahe the.....

fir chaaron ne apni apni aakhen band kar ek jagah haath rakha aur.......


PRAKATI BHAVATI......

APPEAR.......


spell ke uccharit hote hi ek tez roshni ubhri aur aage badhte hue un chaaron ke saamne aakar ruk gayi...

us roshni ko dekh chaaron ke chehre par muskurahat tair gayi...

kuch der tak us roshni ko dekh chaaron ne apne haath failaye aur......


SAMAVAHARATI......

GATHER......


aur jaise hi ye SPELL uccharit hua, pura bramhaand hil gaya........

har grah par tez baarish hone lagi....baadal aise garazne lage maano iske baad fir kabhi na garjenge.....

kuch der tak aisa hota raha aur fir achanak sab normal ho gaya...


PRASARATI......

PROCEED.......




PLANET -EARTH



PLACE -HOIA FOREST




US DISHA ME.......



ek saath kuch logon ke mukh se ye bat nikli aur uske saath hi wo sab apni batayi disha ji taraf badh chale.....

ye kuch log hai kaun!!!!!ye toh baad me pata chalega par ye jis disha par jaa rahe hain,wahan jaane ka kaaran aayiye jaan lete hain....


5 MINUTE PEHLE:-



HOIA FOREST...... ROMANIA ke shahar CLUJ NAPOCA ke west me sthith ek FOREST......

barf ki chaadar odhe ye jungle raat me bhi haki halki ujiyale bikhere rehta hai.....

din me jitna khubsurat yahan ka nazara hota hai,raat utni hi darawani dikhti hai....

aaj bhi yahan ka aalam hamesha jaisa hi tha..sunsaan,sard aur khamosh raat...ye sab aisa hi rehta ki tabhi........

vayu mandal ko cheerti hui ek choti par behad tez roshni HOIA FOREST ki taraf aane lagi...us chote daayre me simti roshni ki ugrata itni zyada thi ki jaise jaise wo HOEA FOREST ke sameep aa rahi thi,waise waise pura ka pura forest kaampne laga tha...

wo toh shukr hai ki us roshni ke chaaron taraf ek ghera jo koi shield ki tarah dikh raha tha,us urja ko samete hua tha warna toh puri prithvi bhi us roshni ke urja ko jhel nahi pati...

pure jungle ko jhanjodte hue wo roshni ka gola neeche girta aaya par isse pehle ki wo HOEA FOREST ki barfili zameen ko chuta,wo gola zameen se kuch upar hawa me ruk gaya....

kuch der yunhi hawa me ruke rehne ke baad wo roshni ka gola dheere dheere niche zameen par aa gaya par tabhi......


zameen ke sampark me aate hi ek baar phir se us roshni ke gole me ugrata aa gayi...

pura jungle ek baar firse kaampne laga....aisa lag raha tha maano kuch der agar aur aisa chalta raha toh pura jungle dharti ki garv me sama jaayega par isse pehle ki kuch aisa hota........


us roshni ke gole ke kono se kuch urja chitak kar kuch door jaa giri aur agle hi pal.......

arre ye kya!!!!!!!us door chitki urja ne ek roop lena shuru kar diya aur dekhte hi dekhte usne ek ajeeb se jaanwar ka roop le liya.....

roshni se nahaya hua ek vishalkaaya jaanwar.....

par is beech us urja ki wajah se jungle me kampan barkarar thi aur ussi ki wajah se jungle ke kaafi ped bhi ab tak gir chuke the....

wahin roop lete hi wo roshni roopa jaanwar aage badha aur apne shroth arthath us urja ke saamne jhuk gaya....

kuch shan jhuke rehne ke paschath us jaanwar ne apne sar ka sparsh us urja se kiya aur aisa hote hi.....

jungle ki kampan band ho gayi....wahin wo jaanwar ek tak apne saamne ke urja ko dekhne laga maano us shakti ko mehsoos kar raha ho......

wahin in sab se thodi door jungle ke dusre bhaag me kuch log jo chupchaap ek jagah khade the,unhone bhi jungle me uth rahe kampan ko mehsoos kiya...

par kampan pure jungle me ho rahi thi jis wajah se unko us kampan ke shroth ka pata nahi chal paa raha tha...

isiliye un sab ne apne apne haath zameen par rakhe aur aankhen band kar us urja ko mehsoos karne lage..

kuch shano me hi unhe us urja ke shroth ka pata chal gaya aur yahi wo waqt tha jab un sabke mooh se ek saath US DISHA ME nikla..

aur aisa bol wo log us roshni numa urja ke disha ki taraf badh chale bina is baat se awgat hue ki DISHA unhe EK nahi,DO dhundni thi.....

wahin dusri taraf ek tak us urja me lipti roshni ko niharte jaanwar ko bhi kisike aane ka aabhas hua aur aisa hote hi ek baar firse usne us roshni ko chhua aur wo gayab ho gaya.....

uske gayab hote hi barf ko dabate hue kuch kadam us jagah pahunche jahan wo roshni numa urja chamak rahi thi...

par arreeee.....ye kya!!!!!wo roshni dheere dheere kam hone lagi thi aur aisa hote hi...........

quannnnnnnn.................


us sunsaan jagah par ek bache ki tez rone ki awaaz gunj uthi jisse sun wo kadam jo ussi taraf badh rahe the,unki raftar aur tez ho gaye....

kuch hi palon me wo log us bache ke saame the aur ektak uski taraf dekh rahe the.....

doodh me kesar mishrit kar diya gaya ho,waisa rang liye ek bacha us thand bhari raat me ro raha tha...

waise toh bacche rote hi hain,par is bacche ka rona sadharan nahi tha....

kyun?????aayiye jaan lete hain...


wo roshni jo abktak bache ko khudme chupaye hue thi,wo baaki jagahon se toh kam ho gayi.....par ab bhi apne tez urja ko samete us bacche ke chote se sine ke upar vidyamaan thi....

par dheere dheere wo urja bhi hawa me uth gayab hone lag thi aur yahi thi us bacche ke rone ki wajah....

jaise jaise wo roshni gayab ho rahi thi,gaadhe laal rang se kuch akshar us bacche ke sine ke upar khudko likhte chale jaa rahe the....

aur ussi se ho rahe kasht ki wajah se baccha ro raha tha.....

wahi uske saamne khade log is ajeeb chamatkar ko vismayata se dekhe jaa rahe the....

kuch shano me hi un chand akshoro ne khud ko pura kar liya aur aisa hote hi saari roshni gayab ho gayi.....

roshni ke gayab hone aur aksharo ke pura hote hi bache ka rudaan bhi kaafi badh gaya tha......

aisa lag raha tha maano us maasoom navjaat bache se kisine uski aatma chin li ho.....

is anokhe chamatkar ko ek tak dekhte rehne ke baad....


1ST PERSON- YE KAISI MAYA HAI....????


isse pehle ki koi uski baat ka koi jawab deta....


1ST-AB YE KYA HO RAHA HAI????


uski baat sun jaise hi baakiyon ne bachhe ki taraf dekha,toh wo ek baar firse shocked ho gaye...

reason........


bache ke seene ke upar jo akshar likhe ya fir ye kahun ki gude hue the,wo gayab hone lage the aur aisa hote hi us bacche ka safed rang saawla hone laga tha....

aur saath hi us bache ka rona bhi band ho gaya aur wo nidra awastha me chala gaya....

kuch hi shano me wo saare akshar gaayab ho gaye aur aisa hote hi bacche ka skin complexion bhi kaafi gehua chuka tha......

wahin uske saamne khade log kabhi is nayi maya ko samajhne ke liye kabhi us bache ki taraf dekhte toh kabhi ek dusre ki taraf....

kuch der tak yunhi khade rehne ke baad ek lambi saans chhod ussi pehle vyakti ke lab hile....


1ST PERSON-hum vyarth hi sab samajhne ka prayatn kar rahe hain....hum ye kaise bhul gaye ki is maya ke rachaita kaun hai????

LORD OF ANGEL aur saath hi
CREATURE OF JUDGEMENT......

ab unki soch ko samajhne ki shakti kisme ho sakti hai????

2ND PERSON- Satya vachan...hume bas us karya par dhyan dena chahiye jiska daayitv hume mila hai...


ye bol pehle un sab ne pehle us nanhe bache ko jhuk kar naman kiya aur fir unme se ek ne usse apni godh me utha liya...

aisa kar wo sab apni manzil ki taraf badh gaye......




ALFREEN ORPHANAGE:-




get up FLORIN.......some body's at the gate.....


lagatar kuch der tak bell bajti hi rahi toh alsayi si awaz me MARIA ne apne husband FLORIN ko uthaya....


FLORIN aur MARIA.......aaj 5 saal hue unhe ALFREEN ORPHANAGE chalate hue....

ALFREEN ORPHANAGE......ALFREEN jo in dono ki beti ka naam tha...jo ab is duniya ma nahi rahi..ek road accident me uski death ho chuki thi....

kaafi Paisa tha FLORIN aur MARIA ke paas par beti ki maut ke baad se hi un dono ne apne business ki power of attorney apne ek family friend ko dedi aur yahan HOEA FOREST ke paas apni beti ke naam se ek orphanage chalane lage.....


filhal raat ke 2 baj rahe the ki tabhi unke orphanage ke gate par lagi bell lagatar bajne lagi jiski wajah se MARIA ki neend tut gayi aur usne apne husband ko bhi utha diya...


FLORIN-ab itni raat ko kaun aaya???


check karne ke liye jab unhone monitor ke through bahar dekha toh chownke...

reason....bahar koi nahi tha...

pura area check karne ke liye camera angles ko jaise hi FLORIN ne ghumaya toh ek baar firse dono shocked hue aur turant baahar ki taraf lapke..

jab tak ye dono bahar pahunche,chaliye jaan lete hain ki in dono ke dobara chownke ki wajah kya hai????

darasal jaise hi FLORIN ne camera ke angles ko ghumaya,tab unhe wahan koi aur toh nahi dikha par gate ki side me ek tokre jaisi chiz me white chadar me lipti chiz dikh gayi jisse dekhte hi wo samajh gaye ki ye koi baccha hai...

itni kadakti thand me bas ek chaadar ke sahare toh koi vyask tak nahi reh sakta toh fir wo toh ek baccha tha aur isiliye hi wo dono turant bahar ki taraf lapke....


MARIA-how can anyone be such an asshole to leave a kid like this & that to in this weather.....!!!!


baahar aate hi MARIA ne lapakar bacche ko utha liya jo ab bhi so hi raha tha.....


FLORIN-this world is full of morons MARIA....leave it.....lets just take the baby inside....

wo dono andar jaane ke liye palte hi the ki tabhi FLORIN ko us tokri me jisme kuch der pehle tak wo baccha tha,ek kaagaz ki parchi dikhi jisse dekh wo ruk gaya...


MARIA- what happened????lets go......

FLORIN-just a sec...


ye bol FLORIN ne us kaagaz ki parchi ko uthaya aur jaise hi usne usse khola,toh ek baar phir se chownk gaya jisse uski wife ne bhi dekha....

MARIA-kya hua???chownke kyun???kya likha hai isme???bache ke parents ki info hai kya????

FLORIN-nahi..bas bacche ka naam hai....

MARIA- toh isme chownke ki kya zaroorat hai...???


ye bol jaise hi MARIA ne FLORIN ke haath se us kaagaz ki parchi ko lekar usme likha naam dekha toh wo bhi shocked hi gayi....


MARIA- ye kaisa naam hai?????

....................RAAZ.....................





AAJ KE LIYE ITNA HI........





AAPKA APNA V...J....

Super start.

 

[Iron Man]

AB TAK AAPNE PADHA KI GOD NE AAKAR VIKRAM, ASMODEUS, ALESENDRA AUR AVANTIKA KE SAAMNE EK CHHUPAYA HUA RAAZ KHOLA WAHIN FINALLY KAHANI KE HERO RAAZ KA JANM HO CHUKA HAI....


AB AAGE-



UPDATE-2



PLANET-EARTH


PLACE-ALFREEN ORPHANAGE



AAHHHH.....MASTER...IT HURTS..........


apne left arm ko pakadta hua ek ladka piche hathta hua bola.....


subah ka waqt tha...orphanage ke piche ek chota sa maidan tha,jahan FLORIN kuch bacchon ko ancient fighting techniques ke daaw pech sikha rahe the.....

waise toh FLORIN 50 cross kar chuke the but aaj bhi kaafi fit the...ye kehna galat nahi hoga ki wo kisi naujawan ko bhi araam se complex de den.....

aur iska main reason tha unka apni life ko lekar strict discipline...saath hi wo kayi prachin yudh kalaon me bhi parangat the...

aisi kalayen jo ab ya toh vilupt ho chuki hai ya fir unhe aasan kar naye techniques ka ijaad kiya jaa chuka hai....

PANKRATION,KAPU KUIALUA,BOKATOR aur aise hi najaane kitne hi ancient fighting techniques me maahir hain FLORIN....

aur isiliye unka naam kaafi vikhyat bhi hai...kisi waqt FLORIN apne desh ki army me the...apne hunar ,vivek aur housle ki wajah se kaafi kam waqt me hi unhe FIELD MARSHAL ki designation mil chuki thi....

sab kuch sahi tha.....aisi koi jung nahi thi jisme unhone jeet haasil naa ki ho....

par fir aaya wo manhoos din jis din unhone apni pehli jung haari...

aur wo haar bhi aisi thi jisne unki zindagi hi palat di....unki jawan aur unke mutabik unse bhi zyada talented beti ki ek accident me mout....

aur is haadse ne unhe andar tak tod daala...

beintaha taklif se toh unki biwi MARIA bhi guzri thi par wo kehte hain naa,ki ek beti se sabse zyada pyar uske pita karte hain,wahi haal ya ye kahun ki wahi sach yahan bhi tha....

bahar se khudko sakht dikhate hue unhone apni patni ko toh sambhala par aisa koi naa tha jo is andar se tootathe insaan ko sambhal sake...

us haadse ke kuch waqt baad hi unhone army se early retirement le li.....

waise bhi wo khaandaani rahis the...kaafi business the unke jo unki patni sambhalti thi but apni eklouti bacchi ko khone ke baad MARIA ka bhi har chiz se dil uth chuka tha...

power of attorney apne friend ko dene ke baad dono ne yahan CLUJ NAPOCA me ek ORPHANAGE khola aur ab anath baccho ke gum ko khushi me badalkar apne gum ko kam karne ki koshish karte rehte hain....


khair,apne in ancient fight techniques ki knowledge ki wajah se FLORIN kaafi vikhyat hain aur wo bhi sirf CLUJ NAPOCA me hi nahi balki puri ROMANIA me....

kaafi universities se unhe in kalaon ko sikhane ke offers aate rehte the but unhone uske liye saaf mana kar rakha tha...

par phir bhi unke sheher ke kaafi youngsters unse sikhne ki request karte rehte the...

isiliye FLORIN bas shoukiya taur par waqt kaatne ke liye kuch bacchon ko in saare gur ke kuch daav pech sikhate the....

is waqt bhi FLORIN bacchon ko KAPU KUIALUA naam ki technique sikha rahe the.....


KAPU KUIALUA.....ye ek ancient Hawaiian fighting technique hai jisme apne opponent ke pressure points ko manipulate kiya jaata hai..

bone breaking kar knock down karna iska ehem hissa hota hai....

aur issise bachne ke liye fighters apne saare sharir ke baal wax kar uspar tel malte hain taaki opponents ke liye pressure points ko push karne me mushkil ho....

FLORIN ke saamne khade unke student ne bhi apni body par kaafi tel mal liya tha taaki FLORIN sir uske pressure points naa daba paayen par ye sirf uski galat fehmi saabit hui.....

attack karne ke liye jaise hi usne apna haath ghumaya, FLORIN ne badi asani se uske kalayi ko halka sa jhatka diya aur jaise hi uska haath halka sidha hua,unhone uske left arm ke pressure point ko halka daba diya jisse uske sharir me dard aur jhurjhuri ki ek leher daud gayi aur issi wajah se uske mooh se dard bhari karaah nikal gayi.....


FLORIN-what happened son????u didn't anticipated that,right?????


muskurate hue FLORIN ne pucha toh saamne khade kuch bacche jo ye sab dekh rahe the,wo has pade wahin unke saamne khada wo baccha jiske arms ko abhi abhi jhatka laga tha,wo waise hi kuch der tak apne haath ko jhatakta raha,fir jab pain kuch kam hua toh.....


(ROLE NAHI HAI INME SE KISI BHI STUDENT KA ZYADA ISILIYE NAAM NAHI LIKH RAHA)


LADKA-master,jhatka dheere bhi toh de sakte the....that was quite hard.....

FLORIN-hard???really????jis technique ko tum sikhne ki koshish kar rahe ho,usme sidhe haddiyan toothati hai...

tumhe toh bas ek halka sa jhatka hi laga hai....agar tum isse nahi jhel paaye toh aage kuch bhi sikh nahi sakoge...

kyunki fight me maarna sikhne se zyada important hota hai maar sehna sikhna...

jitna zyada sahoge,utna zyada concentrate kar paaoge...aur jitna pakka concentration,utna strong technique...

got it.......

LADKA-got it master........

BACCHON PAR ZOR AAZMANA HO GAYA HO TOH BREAKFAST KAR LEN....


abhi koi aur kuch kehta,usse pehle hi MARIA ki awaaz aayi jo FLORIN ke piche se chalti hui unki taraf aa rahi thi.....


FLORIN- 27 saal ho gaye humari shaadi ko par ab tak tum apna sense of humour tak thik nahi kar paayi...

MARIA-kya karen,sangat ka asar hai.....

FLORIN-darling humare sangat me toh logon ke sangeet nikal jaate hain.

bus ek aap hi hain jinke sur bigde hi rehte hain....

MARIA-ab kiska sense of humour kharab ho raha hai???

FLORIN-kya karen??? sangat ka asar hai.....


FLORIN ki baat par wo aur MARIA has diye...haste hue MARIA ki nazar kuch aage padi toh usne dekha ki saare bache un dono ki bat sun muskura rahe the...

yunhi nazar ghumati hui MARIA ki nazarein ek jagah atki aur.......


MARIA-ye wahan hai...aur mai usse dormitories se lekar pray hall tak dhund aayi....

FLORIN-kiski baat kar rahi ho....????

MARIA-khud hi dekh lo....aapka favourite puzzle.......


maria ne ek taraf ishara karte hue kaha aur jab FLORIN ne us taraf dekha toh wo bhi miskura diye....


FLORIN-RAAZ.........

MARIA-yup....RAAZ......

FLORIN-iska toh naam tak ek puzzle hai....RAAZ.....aisa naam bhi bhala koi rakhta hai....

MARIA-7 saal ho gaye us raat ko jab hume ye mila tha...waqt toh aage badh gaya par ye ab bhi waisa hi hai....


RAAZ ki taraf dekhte hue khoyi hui si MARIA boli....


FLORIN-umr ke saath sirf iska sharir badla hai,aur kuch nahi....

MARIA-wakayi????


MARIA ke sawal me chuppi baat ka jawab FLORIN ke pass nahi tha isiliye wo chup hi rahe...

duniya dekhi thi MARIA aur FLORIN ne...dono hi kaafi sharp mind ke dhani the par fir bhi ek saath saal ka baccha un dono ke samajh se baahar tha...

RAAZ.....ek normal hokar bhi abnormal baccha...aur wo isiliye kyunki normal hone ke koi gun isme nahi the ya fir ye kahun ki ye khud hi apni normal side chhupaye hua tha....

ek dabe rang liye saawnla aur patla sa baccha... par ajeeb ye sab nahi balki iska ATTITUDE tha....

naa hi ye kabhi padhta tha aur naahi khel kud me iski koi ruchi thi...

curricular activities se toh iska door door tak koi naata hi nahi tha....

wo toh uske paas filhal koi option tha nahi isiliye usse school jaana padta tha...

naa hi isse kisi se baat karna pasand tha aur naahi apni problems tak kisi se share karna...

par sabse ajeeb iski aankhen aur iske chere ke bhaav....

iski aankhon me hamesha ek khamoshi dikhti thi maano unhe kisi se koi lena dena hi naa ho aur wahin usme chehre par naa toh kabhi khushi ubharti thi aur naahi kabhi koi gum...

abhi kuch hi mahino pehle ki baat hai...uske hi anath ashram ke bachi ke dil me chhed tha...

waise toh chhed pehle se hi tha but doctors ne ek samay ke baad hi transplant ki salah di thi par wo waqt aata usse pehle hi wo chhed expand ho gaya jisse bacchi ki mout ho gayi....

orphanage ke saare bacche, FLORIN aur MARIA sabhi is haadse se kaafi aahat hue,roye siwaay RAAZ ke...uska chehra tab bhi waisa hi tha..bhaav rahit...

us bachi ki body ko bas kuch pal tak usne dekha aur phir ussi ped ki taraf chal pada jahan wo abhi baitha tha....

do hi thikane the uske.. pehla wo black locust tree jo unke orphanage ke aakhri chhor par tha aur dusra unke orphanage ke baahar base ek lake ka kinara...

normally wo school ke baad hi us ped ke pass jaata tha but aaj subah subah ki chala gaya tha aur isiliye hi MARIA usse andar dhund rahi thi....


FLORIN-ab late nahi ho raha!!!!


MARIA jo ek tak RAAZ ki taraf dekh rahi thi,aur saath hi uske chehre ke expressions change hote jaa rahe the,jo FLORIN ne dekh liya...

wo samajh gaye ki ghum fir kar MARIA unse 2 saal pehle ki baat phirse puchegi jo RAAZ ko dekhkar unke zehen me har baar uththi hai...

waise same sawal toh FLORIN ke man me bhi har baar uththa hai but wo zaahir nahi karte....

but RAAZ ko dekhte hi MARIA wahi sawal jiska jawab unke paas hai hi nahi,puchti ya fir sahi maayne me kaha jaaye toh discuss karne lag jaati hai isiliye FLORIN ne baat shuru hone se pehle hi ghuma diya tha....


MARIA-oh shit....mai bhi naa,is ladke ke chakkar me har baar late ho jaati hun...

baaki bacche already dining hall me baithe hain bus inhi ke chakkar me kisi ka breakfast nahi hua...

lagta hai aaj sabhi bacche school ke liye late ho jaayenge.....


ALFREEN ORPHANAGE ka study aur food rule hostel ki tarah tha...

yahan ek bada sa dining hall hai jahan saare bache saath khate bhi hain aur raat ko study bhi karte hain...


MARIA-beta,aap zara jaakar us bacche ko bula laaoge....


wahan khade ek bacche ko RAAZ ki taraf point karte hue MARIA ne kaha...

ye aur ek baat thi jo MARIA aur RAAZ ke beech thi.... MARIA zyada tar RAAZ se sidhe baat karna avoid karti thi....

ek ajeeb sa dar lagta tha usse raaz ki suni aankhon me dekh kar....

isiliye abhi bhi khud naa jaakar usne ek bachhe ko uske pass bheja tha...

but MARIA aur FLORIN ab bhi wahin khade the...reason....bulane par bhi agar RAAZ MARIA aur FLORIN ko wahan nahi dekhta toh wo wahan se nahi hathta...school jaana jo nahi pasand tha sir ko....

khair,baccha bhaagta hua RAAZ ki taraf gaya aur.....


BACCHA-hey RAAZ....MARIA MA'AM IS CALLING YOU.....


us baache ki baat sun jab RAAZ palta toh dekha ki MARIA aur FLORIN usse hi dekh rahe hain....

bina kuch kahe wo chup chaap utha aur ORPHANAGE ki building ki taraf chal pada.....

wahin apni taraf usse aata dekh MARIA ke mooh se har baar waala sawal ek baar fir se nikal hi gaya....


MARIA-kya wakayi isne wo sab kiya hoga?????


FLORIN jo abhi RAAZ ki taraf dekh rahe the, MARIA ke sawal ko sunkar unhone kuch kaha toh nahi bas ek lambi saans chhodi maano keh rahe ho ki dimag toh haan kehta hai but dil nahi maanta...


RAAZ ki taraf dekh jo ki unki taraf hi aa raha tha,dono hi do saal piche chale gaye....



2 YEARS BACK:-



HI BETA.....HOW ARE YOU????


ek aadmi aur ek aurat jo is samay ALFREEN ORPHANAGE ke office me baithe hue the,unhone RAAZ ko greet kiya but wahi hua jo hona tha...

RAAZ ne un dono ko bas ek pal ke liye dekha,aur fir nazaren hata FLORIN aur MARIA ki taraf dekhne laga....


FLORIN-sorry but wo kya hai naa,ye jaldi se kisi se baat nahi karta....

AADMI-u don't have to say sorry...waise bhi acha hi hai jo ye reserve hai....har kisi se baat karna bhi toh sahi nahi....


us aadmi ki baat sun pehle toh MARIA aur FLORIN muskuraye aur fir....


FLORIN-RAAZ.....they are mr & mrs GLOE. they are your new foster parents...ye tumhe adobt karna chahte hain...!!!

RAAZ-mera bag packed hi hai...mai baahar hun..jab bhi jaana ho,bahar aa jaayiyega....


short but sore.....itna hi nikla RAAZ ke mooh se aur fir bina kisi ka reaction dekhe wo baahar nikal gaya.....


wahi RAAZ ki baat kisi ko samajh me aaye usse pehle hi wo baahar nikal gaya tha....

MARIA-sorry mr and mrs GLOE... he's kinda weird kiddo.....

MRS GLOE-bacche toh thode weird hote hi hain... nothing to be sorry about..and yes we are sure on adopting him...

you guyz dont have ti worry about a thing..hum uska acche se khayal rakhenge....

FLORIN-oh we are quite sure about that...aur waise bhi, RAAZ itne ache ghar me jaa raha hai,ye dekhkar hi hum kaafi khush hain...


FLORIN ki baat sun mr and mrs GLOE ke chehre par ek smile aa gayi....


mr and mrs GLOE.....kaafi malls, shopping complexes hai inke pure ROMANIA me....

donations dene ke liye bhi ye Dono kaafi mashhoor hain..but ek loop hole hai......

donations wagairah ye sirf show off ke liye karte hain...lime light ka nasha hai inhe..jo bhi karte hain,dikhawe ke liye karte hain...

yahan tak ki aaj jo ye adoption ke liye aaye hain,ye bhi ek dikhawa hi hai....

pichle mahine hi inhone local news channel ko kaha tha ki waise toh inka khud ka ek baccha hai,but fir bhi ye ek bacche ko adopt karna chahte hain...

aur issi bich inhe inke apne bacche ne RAAZ ke baare me bataya,jo ussi ke school me 1st standerd me tha but apne weird behaviour ki wajah se usse sab hi jaante the....

jab mr and mrs GLOE ke bacche ne unhe bataya ki RAAZ ek anath hai aur kaise sabko RAAZ ek burden lagta toh is soch ke ulat mr and mrs GLOE ko ye ek opportunity lagi,ek baar fir se khudko mahaan dikhane ki......

dono ne hi RAAZ ko adopt karne ki sochi..ye baat unke bacche ko bilkul achi nahi lagi but Mr and Mrs GLOE ne ispar itna dhyan nahi diya and here they are to adopt RAAZ....

formalities pura kar jab sab baahar aaye toh unhone dekha ki RAAZ apna bag pakde khada hai...


MR GLOE-lao beta,bag mujhe de do....


but RAAZ bina react kiya baahar ki taraf nikal gaye...

is baar uski harkat mr and Mrs GLOE ko khatki but un dono ne show nahi kiya....


MR GLOE-ok then,we will take a leave....


FLORIN aur MARIA se haath mila wo dono bhi RAAZ ke piche piche chal diye...

Mr and Mrs GLOE ne pehle hi apne sources ke through media me ye khabar leak karwa di thi ki apne promise ko pura karte hue unhone ek bacche ko godh le liya hai...

aur jaise hi unki car unke ghar ke gate ke saamne pahunchi toh mr and mrs GLOE car se utar kar baahar aaye aur pehle se wahan moujud kuch media ke bando se interact kiya....


MR GLOE-hey guyzz. what's up???

MEDIA-so as promised,u have adopted....

MRS GLOE- well you know us...we never back down from our words... specially when the cause is so divine...

MEDIA-can we see the kid....

MR GLOE-ofcourse you can... RAAZ son... come out....


RAAZ ji chupchaap aankhen band kiya andar baitha hua tha, mr GLOE ki awaaz sun car se baahar aaya....

aur aisa hote hi....


MEDIA-RAAZ.....unique name...by the way how are you feeling????must be feeling proud to be called the son of such nice people....

what do u say about your new mom and dad???


us media ke bande ne RAAZ pe ek saath kayi sawal daag diye..wahin media waale ke sawal ko sun mr GLOE ko laga ki RAAZ kuch kehne waala nahi isiliye wo kuch kehne waale hi the ki tabhi unhe ek jhatka laga...

sirf unhe hi nahi balk unki patni ko bhi...reason....

media ke us bande ke sawal par RAAZ ke honth hile aur unme se sirf do words nikle...


RAAZ-FAKE MORONS.....


itna bol RAAZ paidal hi gate se hota hua andar ki taraf chal pada...

aur piche chhod gaya shock me khade media waale aur unse bhi zyada shocked aur confused mr and Mrs GLOE......

MR GLOE-will u excuse us???


ye bol bina reactions dekhe wo dono car me baith gaye aur agle hi pal car gate ke andar jaa chuki thi....

wahin ghar andar pahunch RAAZ hall me rakhe sofe par jaakar baith gaya....

kuch der baad mr and Mrs GLOE bhi wahan pahunche..aur jaise hi un dono ne RAAZ ko dekha toh unhe ghussa aa gaya....

MR GLOE ghusse se uski taraf badhe hi the ki


MRS GLOE-araam se..abhi abhi isse adopt kiya hai....so take it easy....

mrs GLOE ki baat sun khudko thoda shaant kar wo RAAZ ke saamne pahunche aur....

MR GLOE-what was that RAAZ???is that u say something about your parents....


RAAZ-SACH KISI BHI RISHTE SE BADA HOTA HAI.........


bas itna hi nikla RAAZ ke mooh se...side corner me ek room khula hua tha,jiske andar ghar ki maid saaf safayi kar rahi thi..

assuming ki ye ussika room hai, RAAZ us taraf chal pada....

wahin Mr and Mrs GLOE toh RAAZ ke jawab ko sunkar ki shocked ho gaye the...

RAAZ kab utha aur kab us room ki taraf chal pada,unhe is baat ka hosh hi nahi raha aur shayad aage bhi naa rehta par achanak....


BHAAADDDDD.............


jis room me RAAZ ghussa tha,us room ka darwaza zor ki awaaz se khula aur RAAZ chitakte hue baahar aakar gira....

awaaz sun Mr and Mrs GLOE apne trance se baahar aaye aur jab unhone awaaz ki taraf dekha toh paaya ki RAAZ niche floor par gira hua hai aur saamne ke room se ghusse me unka beta RAAZ ki taraf aa raha hai....

Mr and Mrs GLOE turant RAAZ ki taraf lapke par usse pehle hi unka beta RAAZ tak pahunch chuka tha aur saath hi usse utha kar.....

CHATAAKKK..CHATAAKK....do thappad bhi wo RAAZ ko laga chuka tha.....


MRS GLOE-stop it RAVEN.....ye kya harkat hai????

RAVEN-mom u know i dont like this scumbag....fir bhi aapne isse adopt kiya...aur saale ki himmat toh dekho..ye mujhse bina puche mere hi room me ghus gaya....

MRS GLOE-arre toh usse pata nahi tha..tum araam se bhi toh usse baahar bhej sakte the....

RAVEN-oh cut the crap mom....i cant stand his ugly face....isse toh mai apna servant bhi naa rakhun aur aap isse mera bhai banana chahte ho....

i will not allow this... aap logon ko jo karna hai karo bas isse mujhse door rakho...

aur tu,dobara mujhe apni shakal mat dikhana...aur school me kisi ko agar tune bataya ki tujhe mere mom dad ne adopt kiya hai toh tere liya accha nahi hoga...


ye bol RAVEN ne RAAZ ko ek ghusse waala look diya aur wapas apne room chala gaya...

is beech Mr GLOE chup hi rahe..reason....kuch der pehle RAAZ ke mooh se nikli baatein..

pehli media waalon ke saamne aur dusri hall me....unhe laga ki jo RAVEN ne kiya wo RAAZ ke liye ek sabak hai aur ab ainda se wo aisa kuch bhi nahi karega....

wahin in sab ke beech abhi abhi hue haadse ka shikar RAAZ ab bhi yunhi shaant khada tha...without expression.....


MRS GLOE-jo hua uske liye sorry RAAZ... par tumhe hi yun humse bina puche us room me nahi ghusna tha..tumhara room upar hai... maid tumhe wo dikha degi...


Mrs GLOE ne ek maid ko bulakar usse RAAZ ko uska room lejaane ke liye kaha...

RAAZ maid ke piche piche first floor ki taraf chal pada..wahin RAAZ ke jaane ke baad.....


MRS GLOE-tumne kuch nahi kaha????

MR GLOE-kya kahun???infact kyun kahun???he deserved what he got...ab kuch utla sidha bolne se pehle hazar baar sochega....

MRS GLOE-u r right.....khair,jo hua so hua..waise tumhe yaad hai naa ki aaj shaam hume ek party me jaana hai...

MR GLOE-yaad hai..laga tha is RAAZ ko saath le chalenge but ab nahi....hum dono hi chalte hain...

MRS GLOE-hmm.yahi thik rahega...chalo.. let's freshen up.....


baat khatm kar dono apne room ki taraf chal pade....



EVENING TIME:-


RAVEN........


party ke liye ready hokar mr and mrs GLOE apne room se nikle aur nikalte hi Mrs GLOE ne apne bete ko awaaz lagayi....


RAVEN-yes mom....

MRS GLOE-beta are you sure tum party me nahi jaaoge....

RAVEN-no mom..mera mood nahi hai...

MRS GLOE-all right then.time se dinner kar lena and most importantly RAAZ pe aur haath mat uthana...

RAVEN-mom,i don't give a shit about him....usse keh do ki mere aas paas dikhayi bhi naa de or else I'll loose my control....

MRS GLOE-dont worry..he will not bother u...but tum khudse usse pinch mat karna... okay???

RAVEN-all right mom...

MRS GLOE-good boy..bye beta...

RAVEN-buy mom..buy dad....


RAVEN apne room ki taraf chal diya wahin uske mom dad party ke liye nikal gaye.....



2 HOURS LATER:-


knock knock.........


RAVEN ke door par knock hua aur jaise hi usne darwaza khola....


RAVEN-tu......................


MRS GLOE-hello...WHATTTT?????we are coming.....


Mrs GLOE jo party me kuch ladies ke saath baat kar rahi thi....achanak unka mobile baja aur jaise hi unhone usse pick kiya....

saamne se kuch kaha gaya jisse sun unke hosh hi ud gaye... phone kaat wo turant apne husband ke pas pahunchi aur unke kaan me kuch kaha jisse sun unki bhi same haalat ho gayi.....

sabko kuch bahana kar wo dono turant party se nikle aur apni car me baith ghar ki taraf nikal pade.....

wahin kuch sochkar Mr GLOE ne raaste me hi FLORIN aur MARIA ko bhi apne ghar par bula liya.....

kuch hi der me mr and Mrs GLOE apne ghar pahunch chuke the....

car se utar dono bhaagte hue se hall me enter hue aur wahan pahunchte hi jo scene tha,usse dekh un dono ki haalat kharab ho gayi....

unse kuch hi door unka beta RAVEN zameen par ulta pada hua tadap raha tha.. dono haath halke ghume hue the jisse pata chal raha tha ki uske dono haath tut chuke hain...

uske saamne paalthi maarkar RAAZ baitha hua tha aur ghar ke naukar chupchaap dusri taraf khade the...

mr and Mrs GLOE ko dekh unme se ek aage aayi aur....

MAID-this boy did it..we didn't see the whole thing but i saw this boy holding RAVEN sir's hand.


unhi me se ek jisne Mrs GLOE ko call kiya tha usne ye kaha.

apne bete ki haalat dekh jahan ek taraf mrs GLOE ke aansu nikal gaye wahin Mr GLOE ghusse se bhar gaye....

wo tezi se RAAZ ki taraf badhe...mr GLOE ko apne paas aata dekh kar RAAZ bhi uth gaya...

pehle toh Mr GLOE ne RAAZ ko maarne ka socha par tabhi unhe yaad aaya ki unhone FLORIN aur MARIA ko bulaya hai isiliye apne ghusse aur jabde ko sakhti se dabate hue wo bas itna bole...

MR GLOE-did u do this???

RAAZ-may be..........

puchna toh mr GLOE ye chahte the ki RAAZ ne akhir ye kiya kaise???umr me aur pysically RAVEN RAAZ se bohot zyada bada aur taakatwar tha...

fir ye sab kaise possible hai???

par unhone apne saare sawaalon ko side rakh bas itna hi pucha..


MR GLOE-KYUN?????

RAAZ-KARM......INSAAN SABSE BHAAG SAKTA HAI PAR APNE KARM SE NAHI.....


jahan ek taraf Mrs GLOE apne bacche jo ki ab tak dard se behosh ho chuka tha,uske paas baithi ro rahi thi,wahi RAAZ ke jawab ko sun Mr GLOE ek baar fir chownke....

abhi wo kuch kehte ki usse pehle hi


FLORIN-what happened here???


MARIA aur FLORIN wahan jaise hi pahunche toh wahan ki haalat dekh chownk gaye....

wahin FLORIN ki awaaz sun Mr GLOE palte aur unhe dekh unke paas gaye aur fir jo kuch unhe bataya gaya tha,wo unhe bataya jisse sun FLORIN aur MARIA ka sar bhi ghum gaya...


FLORIN-hows this even possible???i mean RAAZ can't do it....

MR GLOE-thats what i also thought...but it's true..our maids have seen it...


mr GLOE ki baat sun aakhon me avishwas liye FLORIN aur MARIA ek dusre ko dekhne lage....


MR GLOE-listen...maine aap dono isiliye bulaya hai kyunki we cant keep RAAZ...jo hua hai usse badal toh nahi sakte but ek foster child ke liye we cant risk our own kid...

i hope u both understand.....aap isse apne saath le jaaiye.. paper work hum baad me kar lenge...


FLORIN aur MARIA toh ab bhi jo hua usse samajhne ki koshish me lage the....bina Mr GLOE ko koi jawab diye wo dono sidhe RAAZ ke saamne jaakar khade ho gaye aur...

FLORIN-did u do it????

RAAZ-kya aap mujhe wapas orphanage me lenge ya mai kahin aur chala jaaun..


bina jawab diye RAAZ ne sawal kiya jisse sun wo dono ek baar phirse ek dusre ko dekhne lage...


MRS GLOE-isse yahan se le jaao or else i will kill him...


ghusse se bhari MRS GLOE ne ye baat kahi jisse sun....


FLORIN-chalo RAAZ.....

MR GLOE-mai koi legal action nahi le raha hun...but agar dobara mere bete ko iski wajah se koi taklif hui toh mai isse chhodunga nahi....

MARIA-aisa kuch nahi hoga...aur jo hua we are really sorry about that...


itna bol MARIA, FLORIN aur RAAZ wahan se nikal gaye....aur unke piche piche mr and Mrs GLOE apne behosh bete ko car me daal hospital ki taraf nikal gaye....



FLASHBACK ENDS:-



is incident ki sacchayi jaanane ke liye RAAZ se kayi baar MARIA aur FLORIN ne sawal kiya but wo chup hi rehta....

yahi sab khade khade FLORIN aur MARIA soch rahe the aur jab un khayalon se baahar aaye toh unhone dekha ki RAAZ kabka ORPHANAGE ke andar jaa chuka hai....ek dusre ko ek baar dekh wo dono bhi andar ki taraf chal pade....

breakfast ke baad sabhi bacchon ke saath ready hokar RAAZ school ki taraf chal pada.....

school orphanage se kuch 500 mitres ki doori par hi tha isiliye saare bacche orphanage ke do guards ke saath paidal hi chale jaate the....

RAAZ ko kisi ke saath chalna bhi pasand nahi tha isiliye wo piche waale guard ke bhi piche chalta tha.....

guards bhi RAAZ ki aadat jaante the...aur kyunki wo jagah safe thi isiliye guard bhi RAAZ ko yun akele aane par bhi kuch nahi kehte the...

khair,sir niche karkar chalte hue RAAZ ke pair achanak thithke...

usne apne right ki taraf dekha toh paaya ki ek road ke side par barf se ghiri bench par ek aadmi baitha hua hai...

dekhne se hi pata chal raha tha ki uski haalat kuch thik nahi hai aur wo kaafi bhuka hai...

RAAZ ne apna bag utara aur uski andar ki chain ko khol usme haath daala..

aur jab haath baahar aaya toh usme 59 IEU the..(romania currency)

orphanage ke saare baccho ko MARIA aur FLORIN kuch pocket money bhi dete the....

apne hisse ke pure paise RAAZ jama kiya karta tha....

khair,paise pakad wo us aadmi ke paas chala gaya aur...


RAAZ-keep it...


ye bol RAAZ ne uske haath me wo 59 ieu pakdaaye aur aage badh gaya...


AADMI-thank you son...may GOD BLESS YOU....


us aadmi ki baat sun aage badh chuka RAAZ ruka,palta aur.....


RAAZ-this is not my money...aur jinka ye Paisa hai,unki sabse badi blessing,unki beti ab nahi rahi....that means even they aren't blessed...

BLESSING sirf ek shabd hai,aur kuch nahi....


bina koi bhaav ke apni baat keh RAAZ aage badh gaya aur chhod gaya piche us aadmi ko is soch ke saath ki ek 7 saal ka bacha kya kuch keh gaya.....




PLACE- HEAVEN


ADBHUDH......


VIKRAM aur ASMODEUS ke mooh se ye baat ek saath nikli....

FLORIN aur MARIA 2 saal pehle ghati ghatna ke baare me jab soch rahe the, VIKRAM, ASMODEUS, ALESENDRA aur AVANTIKA bhi us waqt ussi pal ko dobara dekh rahe the...

us waqt bhi VIKRAM aur ASMODEUS ke mookh par ek smile thi aur jab RAAZ ne us bhooke aadmi ko paise diye,tab wo muskaan aur gehri ho gayi....

wahin un dono ki patniyon ke chehre par lagatar tanaav hi dikh raha tha...

aur jab un dono ne dekha ki VIKRAM aur ASMODEUS ab bhi muskura rahe hain toh.....


AVANTIKA- RAAZ ki ugrata ko ek baar firse dekhne ke baad bhi aap dono muskura rahe hain aur aashirwaad jaise mahatvapurn bhaav ko usne nirarthak kaha,uspar aap dono adbhudh keh rahe hain....!!!!!

VIKRAM-iske alawa hum kar bhi kya sakte hain....!!!!

ALESENDRA-sawal toh ye hai ki aap dono aakhir karna chahte kya hain???

ASMODEUS-hume jo karna tha,hum pehle hi kar chuke hain..ab aap dono ki hi tarah hum bhi sirf darshak maatra hain....

AVANTIKA- RAAZ ke badalte bhaavon se aap dono vichlit nahi hote....

VIKRAM/ASMODEUS-ROSHNI AUR ANDHERA DONO KA HONA ANIVARYA HAI......BINA EK KE DUSRE KA BHI KOI MAHATVA NAHI.....

DAR KABHI KABHI DONO SE HI LAGTA HAI...PAR US DAR KO MITANE KE LIYE YE DONO APNA ROOP KABHI NAHI BADALTE...

SOCHO AGAR INHONE KHUD KO BADLA TOH KYA HOGA....???SARVANASH.....

thik waise hi jo bhi hona hai,wo toh hoga hi...par in sab me RAAZ ka jaisa dil karega,wo waisa hi banega....


KABHI ANGEL,KABHI DEVIL.....








AAJ KE LIYE ITNA HI....





AAPKA APNA V.....J......

Raaz me dono gun hai angle aur devil .
Aur Vidous me bhi dono black and white powers hai .
Dono ek dusre ke takkar ke honge
Awesome update

 

[vj4u]

heronie he kya is story me and vidous kab aayegaaaa..................................................!!!!!!!!!!!!!!!!!!!!!!!!!!!!!!!!!!!!!!!!!!

padhte jaiye,sab apne waqt par ho jaayega...

 

[vj4u]

abi yeha story sir ka upar sa ja rahie aga dako kiea hota ha

iisa hone bhi zaroori hai brother..sab samajh aane lag jaye toh fir kya maza!!!

 

[John Cena]

Waiting next

 

[Sharad97]

Waiting next update

 

[Chintu]

Marvellous update bhai

 

[Nadan Dill]

wating new update bhaii