- 4,758
- 40,382
- 189
Sab pata chal jaayega brother... aap bas yunhi saath bane rahiye
Fantasy ATTITUDE.....( MAGIC + ROMANCE )(Completed)
- Thread startervj4u
- Start date
- 2,025,912
- 4,758
- 40,382
- 189
- 4,758
- 40,382
- 189
- 4,758
- 40,382
- 189
- 4,758
- 40,382
- 189
Mahakaal
The Destroyer
- 1,664
- 5,330
- 158
OK waiting for your fantastic, mind blowing & extra ordinary &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& mega update sir
Awesome fantastic update bhai
Suspense barkarar hai
Intazar rahega agle update ka bhai
Suspense barkarar hai
Intazar rahega agle update ka bhai
Rajesh
Well-Known Member
- 3,640
- 8,057
- 158
RAAZ
Well-Known Member
- 2,433
- 6,427
- 158
Bhai abhintak.to.apne burai ko accha sai kai haat aage aur taqatwar dikhya hain yaha tak.ki god se bhi zada yaar koi ansh ho ya creation ho kaisay creator se zada ho sakti hain aur woh creator param pita ho to.AB TAK AAPNE PADHA KI ALESANDRA ASMODEUS SE WARRIORS WORLD KO CHHOD DENE KE LIYE KEHTI HAI .ASMODEUS MAAN TOH JAATA HAI PAR BADLE ME LORD CRUSEDAR SE THE LOCKET OF POWER KI DEMAND KARTA HAI. LOCKET MILTE HI ASMODEUS PURE WARRIORS WORLD KO PEHLE JAISA THIK KAR DETA HAI.IDHAR APNA HERO VIKRAM SAPNE ME DO ALAG ALAG DRISHYA DEKH RAHA HAI KI KISI KI AWAAZ SE UTH JAATA HAI. AB AAGE.......
CHAPTER - 1
( DEVILS ENCHANTMENT AND THE HOLY SPIRIT )
( DOSTON AB JAHAN JAHAN VIKRAM HOGA STORY USSI KI ZUBANI CHALEGI )
UPDATE - 13
mai uth kar baith gaya. Mera pura sharir pasine se bhiga hua tha. Sir me bhi halka halka dard tha,jo pehle kabhi nahi hua tha .mai aage aur sochta par usse pehle hi alarm ne apna besura raag alaapna shuru kar diya....time dekha toh 5.30 baj chuke the.ye mera roz ka schedule tha, roz 5.30 ko uthkar fresh ho mai jogging par jaata tha.maine apna sir jhatka aur chal pada fresh hone. Fir track suit pehen kar niche hall me aa gaya.abhi tak koi jaaga nahi tha.mai bahar aagaya.abhi garmi ke mausam ki shuruat ho gayi thi isiliye suraj maharaj hamse pehle hi uth chuke the.maine ek zor ki angdai li aur chal pada thodi door bane garden ki taraf jo ki hamare area ka common garden tha. Chalte chalte mere dimag me wahi sapna ghum raha tha,.aisa sapna mujhe pehli baar aaya tha.mujhe us ladki ki aankhen baar baar yaad aa rahi thi aur us ke baad ka wo khaufnaak manzar aur wo safed putliyon waali aankhen bhi.fir wo aawaz jisne mera naam pukara tha,aakhir ye sab tha kya.science kehta hai ki humari soch ka kuch hissa hamare dimag ke piche waale hisse jisse MEDULLA OBLAGANTA bhi kehte hain waha bas jaata hai jisse sapno ka janm hota hai,par maine toh kabhi aisa socha hi nahi phir bhi aisa sapna!!! Mai ye sab sochte sochte kab garden pohonch gaya pata hi nahi chala.
Garden pahunchte hi maine apne dimag ko jhatka aur chal pada jogging karne.
VICKY.....abhi ek round hi complete hua tha ki mujhe kisi ne pukara par mai ruka nahi.
RONIT - saale, kabse aawaz dera hun behera ho gaya hai kya.
MAI - saale, jab jaanta hai mai jogging karte waqt nahi rukta toh awaaz deta hi kyun hai!!!
RONIT- abbe, thoda rook jayega toh kaun si aafat aa jayegi...
MAI - abbe aafat se yaad aaya, ANJALI kahan hai...
RONIT- oh Teri !!!! Tere chakkar me usse udhar hi chhod diya lagta hai.
Abhi dono me se koi kuch aur kehta, usse pehli hi mere peeth me ek mukka pada,mere hi nahi RONIT ko bhi.
AAAHHH. ye awaz meri nahi RONIT ki thi
Hum dono hi rook gaye.palat kar dekha toh mooh fulaye ANJALI khadi thi aur hame ghur rahi thi....
RONIT- oye, pagal ho gayi hai kya.itne zor se kaun marta hai...
ANJALI- mai marti hun naa. Saale,VICKY ko dekha nahi ki bhaag khada hua aur mujhe udhar hi chhod diya.Aur tu,kya bula raha tha mujhe, AAFAT!!! Abhi batati hun aafat kya hoti hai.
MAI- rook jaa meri maa, aur saans le. Ye aafat word bhi is RONIT ka hai.wo hamesha mere saamne tujhe aafat hi bulata hai. Aaj maine bol diya.
Ek taraf ye sunkar ANJALI ka chehra tamatar ki tarah laal ho gaya wahin dusri taraf RONIT ka chehra pila pad gaya.ye inka hamesha ka tha, jab bhi VIKRAM kahin fasta tha toh RONIT ko aage kar deta tha.
RONIT - Kasam se ANJALI, aisa kuch nahi hai. Ye saala khud ko bachane ke liye humko lada raha hai.
MAI- mai lada raha hun.acha beta baap se hoshiyari. Teri saari pol patti kholunga naa tab tujhe samajh aayega.
Ye sun RONIT ka chehra peele se kaala pad gaya. Bechara dono taraf se fas gaya tha.RONIT ko aisa dekhkar ANJALI ka ghussa furr go gaya aur wo khilkhila ke has padi.ANJALI ko haste dekh RONIT ki jaan me jaan aayi.
ANJALI- tum dono apni nautanki band karo.aur mujhe bewakuf banane ki toh sochna bhi mat.
MAI dheere se, ab bewakuf ko bewakuf banane ki kya zaroorat!!!
ANJALI- kya bola..
MAI- kuch nahi, bas bach gaye bol raha tha.ab tum dono ka ho gaya ho toh jogging karen.
ANJALI- haan toh maine kab mana kiya hai.tum.dono hi jab dekho matargashti me lag jaate ho.ye bolte bolte ANJALI daudte hue aage badh gayi.hum bhi uski baat pe haste hue uske peeche peeche jogging karne lage
Acha maine aapko bataya nahi , meri RONIT ki aur ANJALI ke bunglows PALI HILLS me walking distance pe hi hai.Mera ghar pehle street par hai, RONIT ka dusre me aur ANJALI ka third street me hai isiliye hum teeno hi har din accept sunday issi garden me jogging karne aate hai.school wagahera bhi hum teeno saath hi jaate hain..
Hum jis garden me jogging karte hain wo kaafi bada hai.ek round hi lagbhag 1 km jitna bada hai.ANJALI aur RONIT toh 2 rounds lagate hi thak gaye aur jaakar ek bench par baith gaye.par mai doudta raha. Jab 5 rounds khatm hue toh mai bhi jaakar undono ke paas baith gaya.ye mere roz ka tha.
RONIT- saale mujhe samajh nahi aata ki tu ladka hai ki ghoda.doudta hi chala jaata hai.
ANJALI- haan yaar. Aur abhi bhi tere thobde me koi thakan nahi dikh rahi hai. Ab mai inhe kya batata, mujhe toh khud samajh nahi aata ki mai aisa kyun hun.mujhe thakan toh lagti hai par bohot kam.dus logon jitni mehnet toh mai aaram se kar leta hun. Aur uske upar mujhe kabhi bukhar nahi aata, nahi zyada thand aur garam se koi fark padta hai.chot bhi mujhe badi muskil se lagti hai, aur wo bhi jaldi thik ho jaati hai.
MAI- aisa kuch nahi hai, wo kya hai naa tum dono thehere aalsi toh mai toh tumhe zyada fit lagunga hi naa..
RONIT/ANJALI- kya kaha tune, hum aalsi.abhi bataate hain.fir dono daud pade mere piche mujhe pakadne. Thodi der mai unhe doudata laga par jab maine dekha ki dono thak rahe hain toh khudko unke hawale kar diya.
RONIT- ab bol kaun aalsi hai.ye bolke dono ne mujhe maarna shuru kar diya.
MAI- acha acha sorry.maaf kardon mahatmao. Tum dono nahi mai alsi hun.ab khush...
ANJALI- haan, ab aaya na unt pahad ke niche...
Mai- haan maate, aap jeete mai haara.ab ghar chalen, aaj waise bhi RONIT ka favourite day hai...
RONIT ko ye sunke jaise hosh aaya.
RONIT- saalon, tum dono mujhe marwaoge.maine socha tha thodi der JOGGING karunga fir ghar jaa ke 1 ghanta revision karunga par tum dono ke chakkar me late ho gaya.
ANJALI- koi nai,waise ek ghante me tu kya kar lega jab pure saal me kuch nahi kar paaya.
MAI- aur nahi toh kya.zero ko kisi ke saath bhi multiply kar,answer zero hi hota hai.mere
ye bolte hi anjali zor zor se hasne lagi aur saath me mai bhi.
RONIT- hans lo saalo hans lo. Ek din mera bhi aayega tab bataunga.
MAI- tab ki tab dekhenge.abhi kya karega wo bata..
RONIT- yaar mera toh dimag hi fuse ho gaya hai.samajh nahi aa raha hai kya karun...
RONIT ki shakal roni si ho gayi thi.mujhse zyada dekha nahi gaya...
MAI- chal chal, zyada ro mat..ye le,maine apne track shirt ki jeb se ek folded paper nikala aur RONIT ko de diya.
MAI- isme kuch imp formulas hain aur kuch equations hain jo aa sakte hai aaj ke paper me.rat liyo.paas ho jaayega.( ab tak toh aap samajh gaye honge ki aaj hamara maths ka paper hai, aur hamare RONIT bhai saab maths me sabse aage hai par PEECHE se....)
RONIT- thanks bhai.tu mera sabse acha dost hai.
ANJALI- kya bola aur mai jo pichle ek mahine se tujhe maths padhaa rahi hun uska kya.
RONIT- arre tu naraz kyun hoti hai,tum dono hi meri jaan ho.
MAI- apni jaan apne paas rakh aur paas hokar bas ek party de diyo samjha.
RONIT- saale matlabi insaan.chal fir bhi thik hai,de dunga party,tum dono bhi kya yaad karoge ki kis dildaar se paala pada tha.
MAI- saala nautanki.fir kuch aur aise hi baatein hui.thodi der baad ek dusre ko bye bolkar hum apne apne ghar nikal gaye.
Jab mai ghar pahuncha toh saame hall pe mujhe MARTHA AUNTY saaf safai karti hui dikhin .(ye hamari ghar ki head maid hai.dil ki bohot achi hain aur mujhe apna beta manti hain)
MAI- good morning MARTHA aunty. How are u this morning...!!!
MARTHA- oh good morning VICKY baba. I'm absolutely fine. Hmm, i must say, fitness aur discipline me aap bilkul aapke dad pe gaye hain.
MAI- obvio aunty. LIKE FATHER LIKE SON.
MOM- Sirf discipline me nahi mera bacha har cheez mai apne dad jaisa hai...
Maine palat kar dekha toh mom aa rahi thi.
MAI- good morning mom
MOM- good morning betaji.
MAI- papa ke jaisa toh mai hun.waise mom ek baat puchun???
MOM- haan betaji pucho!!!
MAI- aap aisa kya lagate ho jo aaj bhi itne young dikhte ho. I mean seriously,koi agar hume saath me dekhega toh apko meri badi sister hi samjhega.
MOM- MARTHA maine kaha tha na ye bilkul apne dad jaisa hai. Betaji aapka ye charm mujhpe nahi chalega.aise dialogues tere dad ke mooh se bohot sun chuki hun mai.
MAI- par mom dad ne apko apni badi sister kab bola tha??
Pehle toh mom samjhi nahi par jab samjhi toh mere kaan pakad liye
MOM- badmaash, apni mom ki taang khinchta hai.
MAI- aaahhh, par MOM mere haath toh ye rahe dekho, mai kaise apki taang khichunga..
MOM aur MARTHA dono meri baat par has pade.
MARTHA- mam VICKY baba bohot naughty hain aur WITTY bhi.aap inse baaton me nahi jeet sakte.
MAI- haan, wo toh hai.Maine mom ko ek tight hug kiya, mom ne mera maatha chum liya.
MOM- toh betaji, aaj apka last paper hai.jao taiyar hokar jaldi se breakfast karne aa jao.
MAI- ok mom. Fir mai sidha apne room gaya.shower leke uniform wagaira pehen ke sidha neeche hall me aagaya. Dining table pe dad mom dono baithe the.
MAI- good morning dad...
DAD- good morning champ. So whats up? All set, haan....
MAI- yup dad, I'm all ready....
DAD- aaj maths ka paper hai naa.
MAI- yes DAD. Aur aaj last paper hai.fir HOLIDAYSSSSSSSSSS.......
DAD- WOW. somebody is very very excited....chalo fir thik hai,aap paper dekar aajao, fir plan banate hain ki vacations me kaha jaana hai.
MAI- u r the best dad. RONIT aur ANJALI se bhi bol dunga.
MOM- tu nahi bhi bolega toh wo kaun sa tujhe akele kahin jaane denge.
DAD- haan bhai ye bhi hai.tum ek kaam karna ,shaam me un dono ko bhi bula lena fir mil kar decide karenge.
MAI- ok dad. Ab tak MARTHA aunty ne bhi nashta laga diya tha, toh sab chup chap khane lage. Mom ka ye rule tha ki khaate waqt koi baat nahi karega.
Breakfast karke mai mom dad ko bye bol bahar nikal gaya.
Mai lawn pahuncha hi tha ki RONIT aur ANJALI andar aate dikhe.mai unki taraf hi chal diya.
MAI- toh fir. Kuch samjh aaya.
RONIT- haan yaar thoda bohot toh dimag me ghusa hai.ab dekhte hai kya hota hai.
ANJALI- zyada tention na le, pass ho jayega.
Mera school mere ghar se kuch 8 km door tha. Mai RONIT aur ANJALI car se ek saath school jaate the.
Abhi hum baat hi kar rahe the ki mujhe gate ke bahar ek sadhu baba dikhe jo hamare security guard se baat kar rahe the. Najane mera man kyun unse baat karne ko hua.
MAI- tum dono driver uncle se car nikalne ko kaho, mai ek min me aaya. Fir mai sidha un baba ki taraf chal diya. Jab mai unke paas pahuncha toh najane kyun mera man unke pair chune ko kiya. Maine unke pair chue
BABA- chiranjeevi bhav, nirbhaya bhava.
MAI- kuch chahiye tha baba apko.
Baba halki muskan ke saath
BABA- haan putra, mujhe tumhare mata pita se milna tha.
MAI- mom dad se, aap unhe jaante hain!!!
BABA- bohot ache se.
RONIT- wahan kya kar raha hai. Chal na late ho jayenge bhai.
Mai- thik hai baba. Aap jaaiye.
Unhone mere sir par haath phera,aur andar chal diye.
Mai bhi unke piche piche apni car ke paas chal diya.
RONIT- saale, hamesha late karwata hai, wahan kya ghaas chiil raha tha.ek toh maths ka paper hai uske upar tu idhar udhar ghum raha hai.
Mai- ab late nahi ho raha hai kya.aur apna mooh band rakha kar, jab bhi kholta hai manhoos baatein hi nikalti hai.paper kahan se acha jayega tera.
ANJALI meri is baat pe zor se has di. RONIT mooh banakar baith gaya.fir kuch khaas nahi hua hum teeno apne school ke liye nikal gaye.
Mere jaane ke baad
Mom dad apne room me the ki MARTHA aunty ne aakar bataya ki koi milne aaya hai.mom dad jab bahar aaye toh saamne waale ko dekhkar shocked ho gaye aur khush bhi.
DAD- gurudev aap.ji haan ye aur koi nahi BABA VISHAKHT the.
Mom dad dono ne BABA VISHAKHT ke pair chue.
MOM- ham dhanya ho gaye GURUDEV jo aapke darshan hue. Par aapko hamara pata kaise mila.
BABA VISHAKHT mom ki baat sun kar muskura diye.
BABA VISHAKHT- maine aapka pata khoya hi kab tha jo kuch dhundna padega.aur waise bhi aaj JAIRAJ is samaj ke ek prasidh aur mananiya vyakti hain.apka pata lagana bohot aasan hai.
Minu- shama kare maharaj.abhi tak aap khade hai.aayiye, bathiye. Teeno jaakar sofe par baith gaye.
MOM- kya lenge GURUDEV. Naashte ka waqt hai.mai nashta lagati hun.
BABA VISHAKHT- uski aawashyakta nahi hai putri.meri shudha (bhook) toh VIKRAM ko dekh kar hi mit gayi.
DAD- ji gurudev.jaisa aapne kaha tha hamara putra bilkul waise hi hai.
BABA VISHAKHT- maine kuch aur bhi kaha tha.wo yaad hai..
Mom aur dad dono ne ek dusre ko dekha,fir saamne baithe guruji jo.
Dad/mom- shama karen gurudev. Par kaun si baat.
BABA VISHAKHT- yahi ki jab bhi sahi waqt aayega mai aapse kuch manguga aur aapne wada kiya tha ki aap denge.
DAD/MOM- haan hame yaad hai gurudev. Bataiye kya chahiye aapko.
BABA VISHAKHT- mujhe kuch samay ke liye aapka putra chahiye.
DAD ye sunke shocked ho gaye aur mom ko toh laga ki gurudev ne unse unki jaan hi maang li hai.
BABA VISHAKHT- ghabrao mat bacho. Mujhe VIKRAM kuch hi dino ke liye chahiye.
Ye baat sunkr mom aur dad ki saans me saans aayi
DAD- kya mai puch sakta hun GURUDEV ki VIKRAM hi kyun!!!
BABA VISHAKHT- putra, sab toh nahi par kuch baatein mai bata deta hun. Tum jitna ajeeb is sansaar ko samjhte ho ye usse kai zyada ajeeb hai. Bhavishya me aisi bohot si cheeze hongi jinse tumhare putra ki jaan ko khatra hoga. Aur yakin maano agar maine tumhare putra ko uchit shiksha naa di toh uski mrityu nishchit hai. Wo shiksha yahan sabke saamne khule me nahi di ja sakti isiliye mujhe VIKRAM ko apne saath le jaana hoga.
Dad toh abhi bhi soch rahe thr par mom ne jab se meri jaan ko khatra ho sakta hai ye suna tha, unki haalat kharab ho gayi thi.
BABA VISHAKHT- MINU putri, tumhe ghabrane ki awashyakta nahi hai.tumhara putra maha shaktishali hai.bas usse sahi margdarshan ki awashyakta hai.usse mere saath bhej ne me hi uska kalyan hai.aage tum dono ki icha.
Dad kuch der tak sochte rahe phir kuch faisla kar bole
DAD- GURUDEV, hamare liye hamare bache ki zindagi se badhkar aur kuch nahi.agar aap ke usse lejaane se wo surakhit ho jayega toh mujhe koi dikkat nahi hai.
MOM- haan mujhe bhi nahi hai bas mera bacha thik rahe.
Waise GURUDEV aap VIKRAM ko kab le jana chahte hain.aur kab tak usse rakhenge
BABA VISHAKHT- mai VIKRAM ko 2 din baad lene aaunga. 45 din VIKRAM mere saath rahega. Fir mai usse yahin chhod jaunga.par is baat ka dhyan rahe ki kisiko bhi ye na bataya jaae ki VIKRAM kahan gaya hai.
DAD- thik hai GURUDEV.jaisi aapki icha.
BABA VISHAKHT ne fir MOM DAD se vida liya aur chale gaye par mere mom dad ko gehri soch me chhod gaye.
DUSRI TARAF EK PLANET JAHAN ROAHNI AUR JEEVAN KA NAAMO NISHAN TAK NAHI HAI, HAR TARAF SIRF KAALE GEHRE KHAI AUR BADE BADE CHATTAN.....
achanak ek roshni si hoti hai aur ek WORLD DOOR ban jaata hai aur usse bahar aata hai ek kaala saaya jo dheere dheere ek badi si chattan ke saamne aakar rukta hai...
Wo kaala saaya apne ek haath ko aage kar deta hai.uske haath se ek tez roshni nikalti hai aur BOOMMMMMMM.......... chattan ke tukde tukde ho jaate hain.par ye kya chattan ke tuthte hi andar ek rasta sa ban jaata hai.ye Koi gufa si lag rahi thi jisse chattan se dhaka gaya tha. Wo kaala saaya gufa ke andar chala jaata hai.andar bilkul andhera tha.par aisa lag raha tha jaise kaale saaye ko sab kuch saaf saaf dikh raha hai. Thodi der andar jaane ke baad kaala saya ruk jaata hai.apne dono haath failata hai aur kehta hai.
ADRISHYA SHAKTIYEM DRISHYAM BHAVA
aur issi ke saath uske haath se kaale rays nikalkar har taraf jaane lagte hai.
Dhammmm..... aahhhhhhh....
Wo gufa roshni se chamak uthta hai saamne koi diwal se takrakar gir jaata hai.
Hua ye ki wo kaali rays ek jagah jakar ek invisible force se takrati hain.wo force sidha jaakar diwar se takrata hai aur fir dikhne lagta hai....
UNKNOWN- ASMODEUSSSSS... tu tu tu...tum yahan....kaise??
(Jee haan doston, ye kaala saaya aur koi nahi ASMODEUS tha)
ASMODEUS- bohot ghumaya tumne yaar. Waise achi jagah hai ye ASMODEUS se chupne ki. Par hamesha ke liye chupa ja sake aisi koi jagah is bramhaand me nahi hai....
UNKNOWN ne kuch energy balls banakar ASMODEUS ke taraf phenke par sab bekar ho gaye.
ASMODEUS- in sab ka koi fayeda nahi hoga.aur abhi mere paas in choti moti cheezo par waqt nahi hai barbaad karne ke liye. ASMODEUS ek jhatke me UNKNOWN ke paas pahunch gaya aur uske sir par haath rakh kar mantra kaha
SAMMOHIT BHAVA.......Ek pili roshni ASMODEUS ke haath se nikal kar saamne waale ke andar chali gayi.ab saamne waala chup chap khada tha jaise usme jaan hi nahi hai.
ASMODEUS- ab tum mere gulam ho.jo mai kahunga tum karoge.
ASMODEUS ne us UNKNOWN vyakti ko kuch aadesh diye.
UNKNOWN- jo hukm mere maalik. Aur wo UNKNOWN gayab ho gaya,rah gaya ASMODEUS aur uski bhayanak hasi....ha ha ha ha ha ha ha ha.............
AAJ KE LIYE ITNA HI DOSTON.
AAPKA APNA V.J............
