AB TAK AAPNE PADHA KI VIKRAM AUR AVANTIKA TWISTED DIMENSION ME JAATE HAIN JAHAN VIKRAM KUCH NAYA KARTA HAI WAHIN VIKRAM KE DWARA BHUVIKA AUR ANALIA KO UNKE RISHTE KE BAARE ME AUR ASMODEUS KE CHHAL KE BAARE ME PATA CHALTA HAI
AB AAGE:-
FINAL CHAPTER
(ANGELS SACRIFICE & DEVILS DEMOLITION)
UPDATE-103
PLANET-EARTH
PLACE-FOREST
LORD,AAPKA HUM JITNA BHI DHYANWAAD KAREN WO KAM HOGA...PEHLE AAPNE HUMARE GRAH ME AAKAR HUME HUMARE SHRAAP SE MUKT KARAYA AUR AAJ AAPNE HUME HAMARI BEHEN SE MILA DIYA....
ye bolkar ANALIA mere aage jhukne lagi par maine usse aisa karne se rok diya....
ASMODEUS se gale lagne ke baad mai apne doston ko aur BHUVIKA ko lekar wahan se gaayab ho gaya...
mere gaayab hote hi mere saare ANGELS bhi gaayab ho gaye.....
wahin mai gaayab hokar MUMBAI se baahar ek chote se jungle me pahuncha....
yahan pahunchte hi ANALIA dobara apni behen ke gale lag gayi..kuch der tak gale lage rehne ke baad jab dono alag hue toh ANALIA ne apni baat kahi...
MAI-tum dono ke saath jo hua,wo puri tarah anaitik tha...aur ek galat chiz ko sahi karna hi mera kaam bhi hai aur kartavya bhi....iske liye dhanyawaad kaisa????
AVANTIKA- waise ab tumhare man ki bhaavnaao ka kya haal hai???kya ab bhi V.J ke saamne tumhe apni bhaavnaao me prabalta lag rahi hai.....???
AVANTIKA ke sawaal se ANALIA ka dhyan apne un strong feelings ki taraf gaya jo ab uske andar bilkul nahi thi.....
aur is baat ka bodh hote hi wo shocked ho gayi....
ANALIA-arre haan,is taraf toh hamara dhyan hi nahi gaya...ab LORD ke saamne hone par bhi humari bhaavnyae saamanya hain par hume ye samajh nahi aa raha hai ki achanak ye parivartan kaise aa gaya????
MAI- wo isiliye kyunki tumhare andar jo mere liye prabal icchayen thi,wo tumhari behen ki wajah se thi....
tumhari bhaavnaye BHUVIKA se judi hui hain... aur kuch der pehle tak BHUVIKA ke andar mere liye bohot nafrat thi,infact mai is bramhaand me akela aisa shaksh hun,jisse wo nafrat karti thi....
par kyunki tum ek WHITE ENERGY ki shroth ho,isiliye uski bhaavnaye tumpar pura asar nahi kar paayi par phir bhi uski meri prati nakaratmak soch ki wajah se tumhare andar bhi mujhe dekh kar ek prabal bhawna ne janm le liya....
aisi bhaavna jo naa nakaratmak thi aur naahi sakaratmak par phir bhi prabal thi....
AVANTIKA- aur isiliye hi V.J ne tumhare andar aakarshan ke bhaavna paida ki..kyunki agar V.J aisa nahi karta,toh tumhari uske prati bhaavnaaye waqt ke saath aur prabal ho jaati aur tum us bhaavna ko samajh bhi nahi paati..
aur un haalaton me tum chain se jee nahi paati par V.J dwara tumhare andar chhode aakarshan ki wajah se tumhari baavnaayon ko ek naam mil gaya...PYAR...
aur aisa hote hi tumhare andar ek thairav aa gaya aur tum shaant ho gayi.....
par ussi nakli bhaavna ki wajah se jisse V.J ne tumhare andar daala tha,tumhe uske paas yahan dharti par kheench laayi jisse tumhara aur tumhari behen ka milan ho gaya....
aur ab kyunki tumhari behen ke man V.J me prati koi galat bhavna nahi hai isiliye tumhare man ki prabal bhavnayen bhi khatm ho gayi hai...
ANALIA-LORD,hum aapka ye upkaar zindagi bhar nahi bhulenge....
MAI-har dus minute me koi na koi wajah dekar tu dhanyawaad dhanyawaad bolti rehti hai....
yaar ek kaam kar,tere dhanyawaad ka jitna bhi kota bacha hua hai,wo abhi ek saath bol kar khatm kar de....
meri baat sun jahan AVANTIKA aur ANALIA ke chehre par muskurahat aa gayi,wahin 2 chehre aise bhi the jinme do alag alag bhaav the....
RONIT aur BHUVIKA......
jahan BHUVIKA ke chehre par pachtaave,aatmglaani aur sharm ke bhaav the wahin RONIT ke chehre par ghussa saaf dikh raha tha....
aur RONIT ke issi ghusse ki wajah se mai sabko yahan MUMBAI se thoda baahar ek chote se jungle me lekar aaya tha...
mai jaanta tha ki jo ghusse ka lava RONIT ke dil me ufaan maar raha hai,wo kabhi bhi fat sakta hai aur aise me hamara kisi public place me ya fir humare ghar par hona thik nahi hai....
jahan ANALIA is waqt apne hi khushi me magan thi wahin RONIT ke ghusse se AVANTIKA aur uske saath saath BHUVIKA bhi waakif thi....
BHUVIKA ne kayi baar RONIT ki taraf dekha tha aur har baar uske chehre par khudke liye beshumaar ghussa aur nafrat dikhi thi...
wo achi tarah jaanti thi ki usne jo RONIT ke saath kiya hai,uske liye wo usse kabhi maaf nahi karega....
is waqt bhi BHUVIKA ke andar ek DEVIL ka ansh moujud the,par apni behen se milne ke baad uske andar ki nakaratmakta jaise kamzor si padh gayi thi.....
ANALIA ke roop me usse uski asli behen mil gayi thi jiske wajah se uske andar moujud WHITE ENERGY uske andar ki BLACK ENERGY par bhaari padh rahi thi....
jo hua ya fir ye kahun ki BHUVIKA ne jo kiya wo usse badal toh nahi sakti thi par apne kiye ki maafi toh wo hum sab se aur sabse zyada aur pehle RONIT se toh maang hi sakti thi...isiliye........
BHUVIKA-RONIT............
CHATAAKH............
RONIT...........
jaise hi BHUVIKA ne RONIT kaha,RONIT tezi se aage badha aur second ke duswe hisse se bhi kam time me uska haath ghuma jo BHUVIKA ke gaalon se takraya....
RONIT ke mukable BHUVIKA me gayi guna zyada shakti thi issi wajah se RONIT ke thappad ka uspar koi zyada asar nahi hua..
wo bas halka sa piche hath gayi par apni behen ko yun thappad khaata dekh ANALIA RONIT ka naam lekar chillayi....
ANALIA- aap hamari behen par haath kaise utha sakte hain RONIT????
ANALIA turant apne behen ke paas pahunchi aur uske gaal ko jispar RONIT ne tamacha maara tha,sehlate hue boli......
RONIT- taklif hui....wo bhi us rishte ke liye jiske baare me tumhe abhi abhi pata chala hai....
toh socho mujhe kitni taklif huyi hogi jab isne mere bachpan ke pyar ko maar daala...
RONIT ne cheekhte hue apni baat kahi...ye sab bolte waqt RONIT ki aakhon me itna dard tha,itna ghussa tha jisse dekhkar ek taraf ANALIA ko dar lagne laga wahin BHUVIKA ka sir ek baar firse sharm se jhuk gaya.....
ANALIA- aapko toh pata hai RONITJI ki BHUVIKA ne jo bhi kiya usme inka haath hokar bhi nahi tha.....
ye toh behen prem ke vash me aakar wo sab kar baithi....wo prem jo ye mujhse karti thi kintu ASMODEUS ki wajah se unhe wo ehsaas kisi aur ke liye lagne laga tha....
RONIT- waah....kya tark diya hai tumne ANALIA....behen prem me aakar ye ek aisi ladki ka badla lene nikli jo kahin se bhi sahi nahi thi....
jisne khud najaane kitne hi bekasoor logon ki jaane li hai..jaanta hun ki iska dil behen shabd se jude hone ki wajah se sirf uski taraf hi jhukta tha...
par dil ke saath saath bhagwan ne hum sabko dimag naam ki bhi toh cheez di hai naa...ussi dimag ka istemaal kar ye sahi aur galat ke beech ka fark tak nahi samajh paayi...????!!!!
isne koi galti nahi ki hai,balki paap kiya hai aur maafi galti ki milti hai paap ki nahi....aur iske paap ki saza aaj mai isse de kar rahunga.....
BHUVIKA- RONIT......
par iisse aage BHUVIKA kuch keh nahi paayi..kyunki apni baat khatm kar RONIT tezi se aage badha aur is baar usne BHUVIKA ke chehre par ek kick jad di jisse ek baar firse BHUVIKA ladkhadate hue thoda peeche ho gayi.....
apni behen ko bachane ke liye ANALIA aage badhi par RONIT ne usse uske haath se pakad piche dhakel diya....
ANALIA tezi se piche ki taraf girne ko hui par isse pehle ki wo girti,AVANTIKA ne usse pakad liya...
wahin jaise hi RONIT ne ANALIA ko dhakka diya,BHUVIKA ko ghussa aa gaya aur usne RONIT ko maarne ke liye apna haath uthaya par......
uske haath hile bhi nahi....pehle toh usse iska kaaran samajh me nahi aaya par jab usne meri taraf dekha toh....
MAI- sochna bhi nahi.....
maeri baat sun BHUVIKA ka RONIT par jo ghussa aaya tha,wo khatm sa ho gaya par RONIT ka ghussa toh pal pal badhta hi jaa raha tha....
usne ek ke baad ek kayi sare punches BHUVIKA ko maare..BHUVIKA bhi chup chaap un punches ko khaati rahi....
par ek baat thi ki BHUVIKA par RONIT ke punche ka kuch khaas asar nahi ho raha tha.
wahin apni behen ko yun maarta khata dekh ANALIA se sehen nahi hua isiliye.....
ANALIA- LORD...apne friend ko rokiye naa...wo hamari behen ko maar dega....
MAI- is waqt RONIT bohot ghusse me hai...jab tak ye ghussa uske andar hai,kuch bhi karna theek nahi hoga....
ANALIA- toh kya jab tak RONITJI ka ghussa shaant nahi ho jaata,hamari behen yunhi maar khaati rahe....
MAI- tumhari behen ne jo kaam kiyen hai,uske liye toh RONIT se pehle mujhe hi usse maar dena chahiye tha....
par wo zinda hai kyunki usne jo kiya hai,wo kahin na kahin usse karwaya gaya hai.....
uski kismat ko uske janm se pehle hi badal diya gaya tha isiliye mai shaant hun.
par RONIT ke saath jo usne kiya hai,uske liye usse dand milna chahiye ya nahi,iska faisla RONIT karega,mai nahi.....
yahan hum baat kar rahe the,wahan RONIT laga hua tha BHUVIKA ko maarne me..par ab usse bhi samajh me aane laga tha ki uske waar se ya punches aur kicks se BHUVIKA ko zyada fark padega nahi isiliye.....
RONIT-V.JJ..........
meri taraf dekh RONIT ne bas mera naam hi liya par mujhe pata tha ki usse kya chahiye isiliye mere sharir se meri shakti ke ek chota sa bhaag baahar nikla aur usne RONIT ke sharir ko bina chhue usse chaaron taraf se gher liya...
aisa hone ke baad maine RONIT ko dekh haan me apna sir hilaya jiska matlab wo samajh gaya aur agle hi pal.....
AHHHH......AHHHH.......AHHHHH........
abki baar RONIT ne jitni baar bhi BHUVIKA ko punches ya kicks maare,un sab ka BHUVIKA par bohot zyada prabhav pada...
kuch hi seconds me BHUVIKA ke honth fat chuke the.maathe se khoon nikalne laga tha,pair halke mood se gaye the,haath jhool se gaye the.....
ANALIA-BHUVIKAAAAA..................
ANALIA ki is cheekh ki wajah ye thi ki BHUVIKA dard aur thakan ki wajah se apne ghutno ke bal baithne hi waali thi ki RONIT ka pair zor se ghuma aur uske jabde se takraya jiske fal swaroop BHUVIKA ghoomti hui neeche zamin par gir gayi......
BHUVIKA ke girte hi ANALIA ki cheekh nikal gayi....
wo apni behen ke paas jaane ki liye tadap rahi thi par AVANTIKA ne uska haath nahi chhoda...
RONIT abhi jis mood me tha,us mood me wo ANALIA ko bhi nuksaan pahuncha sakta tha isiliye AVANTIKA ne use jaane nahi diya....
wahin niche girne ke baad BHUVIKA ne apni bojhil aankhon se ek baar RONIT ko dekha aur kuch kehne ke liye uske lab hilne hi waale the ki.......
SVATI PRAKATAM
SWORD APPEAR
ye SPELL RONIT ne bola tha..SPELL ke bolte hi RONIT ke haathon me ek talwar chamak uthi jisse dekhkar jahan ANALIA ka dar saatve aasman par pahunch gaya wahin BHUVIKA ko lag gaya ki uska antim samay aa gaya hai...
RONIT ne apna talwar waala haath upar uthaya aur.....
KHACH..........
BHUVIKA.............
AAAAA.......................
jaise hi RONIT ne apni talwar chalayi toh ek awaaz hui jisse sunkar ANALIA ki cheekh nikal gayi....
usne ek zor ka jhatka dekar apna haath AVANTIKA ke haath se chhuda liya aur apni behen ke paas bhaagi....
apne behen ke paas jaate hi jahan uske aankhon ke aansu tez ho gaye wahin do aankhon me hairat ke bhaav the....
ye do aankhen aur kisi ki nahi BHUVIKA ki thi jo aankh faade kabhi RONIT ko dekhti toh kabhi apne baaju me zamin me dhase talwar ko......
ANALIA ke bhi jo aansu nikal rahe the,wo khushi ke the..apni behen ko zinda dekhne ki khushi......
wahin talwar zamin me aadhe se zyada dhasane ke baad......
RONIT-AAAAAAAAAAAAAAAAAAAAA..........
RONIT aakash ki taraf dekh kar zor se cheekha....uski cheekh me majboori aur dard dono saaf samajh aa rahe the.....
wahin RONIT ko BHUVIKA ko jaan se naa maarta dekh mere aur AVANTIKA ke chehre par ek muskaan naach gayi...
aaj mujhe mere friend par garv ho raha tha...aaj uski wajah se insaaniyat aur acchayi fir jeet gayi thi.....
mai aur AVANTIKA chalte hue RONIT ke paas pahunche...aur maine jaise hi uske kandhe par haath lagaya,wo jhat se mere gale lag kar rone laga.....
maine bhi usse chup nahi karaya aur kuch der rone diya....meri shaktiyan jiisne RONIT ko ghera hua tha,wo wapas mujhme sama gayi thi.
wahin apni behen ka sahara lete hue BHUVIKA dheere dheere khadi ho chuki thi....
uski aankhon me abhi tak awishwas jhalak raha tha...wo samajh nahi paa rahi thi ki aakhir RONIT ne usse zinda kyun chhod diya.....
kuch der tak mujhse gale lag rote rehne ke baad jab RONIT mujhse alag hua aur jaise hi uski nazar BHUVIKA ki taraf gayi toh.....
BHUVIKA-tumne mujhe zinda kyun chhod diya....maine tumhare saath jo kiya hai uske baad toh mujhe waise bhi jeena ka koi hak nahi hai...
RONIT- yahin tum galat ho BHUVIKA..kisi ko maarna ya naa maarna,iska faisla karne waale hum koi nahi hote....
jab zindagi us upar waale ne di hai,tu lene ka adhikar bhi sirf ussi ka hai...par tum jaise kuch murkh is baat ko andekha kar khud hi dusro ke jeeven ka faisla lene lagte ho....
itna bhi nahi sochte ki tum jaan ek ki lete ho,par uske saath saath mar bohot se log jaate hain...
jisse tumhare jaise paapi maarte hain,uski saanson ke saath saath uske apno ki bhi saansen rook jaati hai....
aaj agar mai tumhe maar deta,toh mujhme aur tumme kya fark reh jaata...tum toh mar jaati par tumhari behen zindagi bhar tumhari yaad me roti rehti....
jo mere saath hua hai,jis dard ke saath mai jee raha hun,wahi dard mai kisi aur ko kaise de sakta hun....
par haan,ye bhi sach hai ki mai ANJALI se jitna pyar karta hun,tumse utni hi nafrat karta hun aur hamesha karta rahunga.....
RONIT ki baatein BHUVIKA ke dimag me kisi hathode ki tarah baj rahi thi...RONIT ne agar usse maar diya hota toh usse itni taklif nahi hoti jitni usse abhi mehsoos ho rahi thi....
ek aur chiz thi jo BHUVIKA ko mehsoos ho rahi thi jisse wo lagatar andar hi andar zabt kiye jaa rahi thi aur wo tha dard...
dard jo usse khudke andar chuupa DEVIL ya ye kahun ki uske andar moujud BLACK ENERGY de raha tha....
RONIT se maar khaate waqt najaane kitni hi baar BHUVIKA ke andar moujud DEVIL ne usse RONIT ko palatwaar karne ko kaha par BHUVIKA ne uski baat nahi maani aur chup chaap maar khaati rahi.....
uske andar moujud WHITE ENERGY usse khud ko sayammit karne me madad kar rahi thi aur issi wajah se BHUVIKA ke andar moujud BLACK ENERGY aur WHITE ENERGY ke beech ek kism ka yudh shuru ho gaya jiski wajah se BHUVIKA ko is waqt bohot zyada dard mehsoos ho raha tha....
BHUVIKA ke dard se mai bhi anjaan nahi tha aur ye jaankar mujhe bohot khushi ho rahi thi ki BHUVIKA khud ke upar apne andar moujud shaitan ko haavi nahi ho ne de rahi hai....
mujhe ye bhi pata tha ki jo dard uske dil me uth raha hai us dard ke saamne uske sharir me uth raha dard kuch bhi nahi tha..
usse pata tha ki ye ghinouna ehsaas jo usse khudke liye mehsoos ho raha hai wo shayad kabhi nahi jaayega.....
BHUVIKA ne ek baar RONIT ki taraf dekha aur fir meri taraf..mujhe kuch der tak dekhne ke baad BHUVIKA ke lab hile.....
BHUVIKA- LORD,bhale hi RONIT ne mujhe jeevit chhod diya ho,par maine jo kiya hai,uske baad mujhe jeene ka koi hak nahi hai....
mujhe khudse ghrina si ho rahi hai...ye zindagi mere liye mout se bhi badtar hai....
mai is laayak toh nahi,par meri aapse ek praarthana hai,ek nivedan hai....
MAI- mai sun raha hun,bolo......
BHUVIKA- mujhe mrityu de dijiye...mujhe is shraapit jeeven se mukti de dijiye.....
jahan BHUVIKA ki baat sunkar mere chehre par smile aa gayi wahin.......
ANALIA- BHUVIKA...ye kya bol rahi hain aap????
BHUVIKA-wahi jo sach hai..wahi jo hona chahiye....mai jaanti hun ki tumhe meri baat bilkul acchi nahi lagi par ek baar bas ek baar meri behen ke nazariye se baahar nikalkar khud se ye sawaal karo ki......
maine jo kritya kiye hain,uske baad kya mujhe jeene ka koi hak hai???
bilkul nahi....hum toh COURIOUS waale hain ANALIA,WHITE ENERGY ke pratik...wo energy jo hume swayam PARMESHWAR se milti hai.
anjaane me hi sahi par BLACK ENERGY ko apnakar maine pehle hi ek bohot bada paap kar liya hai....
aur fir dushkarmi bankar maine us paap ka bhaar aur badha liya hai...ab is paap se mukti ka sirf ek hi upaay hai,aur wo hai maut....
ANALIA apni behen se bohot kuch kehna chahti thi par wo keh naa paayi..wo jaanti thi ki kahin na kahin BHUVIKA sach hi keh rahi hai..
ANALIA ye bhi samajh rahi thi BHUVIKA ki aatm glaani itni zyada hai ki ye zindagi uske liye mout se bhi badtar hai par ussi samay par wo apni behen se door bhi nahi hona chahti thi...
aur agle hi pal dono behene meri taraf dekhne lagi....
ek ke aankhon me nivendan tha toh dusre ki aankhon me laachari aur ek iltaja ki mai uski laachari ko naa sirf samjhu par usse door bhi karun....
wahin mai toh muskurate hue hi dono beheno ko dekh raha tha..unki baaton ko sun raha tha.aur jab dono ki baatein,tark vitark khatm hua aur dono ki nazar mujhpar gayi toh.....
MAI-BHUVIKA,naa mai tumhare dil me uth rahe glani ke dard se anjaan hun aur naahi tumhare sharir me uth rahe B BLACK ENERGY ke dard se.....
RONIT jab tumhe maar raha tha,tab bhi tumne khudke andar uth rahe shaitan ke ufaan ko daba kar rakha,tumhare paschatap aur uske ehsaas me kaha gaya har shabd saccha hai aur ek BLACK ENERGY ka dhaarak ke man me aisi bhaavna ka hona bohot badi baat hai....
meri baaton ko BHUVIKA dhyan se sun rahi thi aur beetate pal ke saath usse ascharya bhi ho raha tha...
aur wo isiliye kyunki jabse maine bolna shuru kiya tha,tabse uske sharir me uth raha aseem dard kam hone laga tha...
meri baaton se naa sirf uske sharir ke dard se raahat mil rahi thi balki uske dil ka dard,uski glaani bhi usse kam hoti mehsoos ho rahi thi...
MAI-tum marna chati ho par tumhe ye toh maalum hi hai naa ki is waqt tumhara sharir ke andar jo BLACK ENERGY hai,uski wajah se tum bhi ek DEVIL ki shreni me hi aati ho!!!
BHUVIKA ne mere sawaal par haan me apna sir hilaya....
MAI- toh tumhe ye bhi pata hoga ki jab ek DEVIL marta hai,toh sirf uska sharir hi khatm nahi hota balki uski aatma tak dum tod deti hai...
dum todte hi wo aatma anant kaal ke liye ek dard bhare andhere me goom ho jaati hai jisme usse roshni kabhi naseeb nahi hoti....
jahan BHUVIKA ne ek feeki muskaan ke saath firse haan me apna sir hilaya wahin ANALIA mere dwara batayi gayi baat ko sunkar apni behen ke liye dar gayi...
wo kuch kehne hi wali thi ki maine apna haath aage kar ke usse bolne se rok diya...
MAI- ANALIA,tum BHUVIKA ki niyati ko badal nahi sakti.....iske saath jo hona hai,wo har haal me hokar hi rahega....
jahan meri baat sunkar ANALIA bohot zyada nirash ho gayi wahin pehli baar BHUVIKA ke chehre par santushti ke bhaav jaage the....
MAI- waise toh aaj tak kisi DEVIL ko ye mouka nahi mila hai par mai tumhe ye mouka deta hun....
BHUVIKA-kaisa mouka???
MAI- us andhkar ko jisme tumhari aatma sadaiv ke liye kaid hogi,usse marne se pehle hi mehsoos karne ka.....
aur isse pehle ki mere baat ka matlab BHUVIKA samajhti ya koi pratikriya deti,mere haath uski taraf uth gaye aur aisa hone ke agle pal hi.....
DHAMM........
is awaaz ke saath BHUVIKA ka sharir neeche zamin par gir gaya....
apni behen ko yun achanak girta hua dekh ANALIA bohot ghabra gayi aur wo bhi turant BHUVIKA ke paas baith gayi..
apni behen ko chhute hi ANALIA ko ek jhatka laga....aur wo isiliye kyunki is waqt BHUVIKA ka sharir ekdum thanda tha jaise ek murde ka hota hai...
usne turant BHUVIKA ke sir ko apni godh me le liya aur usse uthane ki koshih karne lagi par koi faayeda nahi hua...
darte darte ANALIA ne mujhe dekha par mujhse kuch puchne ki uski himmat nahi hui...
AVANTIKA aur RONIT bhi samajhne ki koshish kar rahe the ki ye achanak mere haath aage karne ke baad BHUVIKA ko kya hua??wo gir kyun gayi??
par unhone mujhse kuch nahi pucha..dono hi jaante the ki no bhi hua hai,wo kuch hi der me khud hi disclose ho jaayega....
toh hua ye tha ki mere haath aage karte hi BHUVIKA ke sharir se uski spirit ya fir ye kahun ki uski spirit ka black part jo ki DEVIL ka tha,wo kheenchate hue baahar aa gaya aur baahar aate hi maine usse ussi andhakar me bhej diya jisme marne ke baad har DEVIL ka soul jaata tha.....
par yun achanak BHUVIKA ke andar se uski spirit ke nakaratmak ya fir ye kahun ki DEVIL ke part ke nikalne ki wajah se BHUVIKA ka jism bohot zyada kamzor ho gaya...
itna hi nahi,uske dimag ko bhi ek zor ka jhatka laga jiski wajah se wo bhi deactive ho gaya aur natija......
BHUVIKA ek mout si behoshi me chali gayi thi.......
ANALIA- LORD,kya meri behen muj
he chhodkar chali gayi....????
bohot der ke baad ANALIA ke mooh se bas itni hi baat nikal paayi...
MAI- nahi....
meri baat sunte hi ANALIA ki aankhon me ek chamak aa gayi.....
ANALIA- toh fir,iska sharir itna thanda kyun padh gaya hai....???
MAI-iske andar ke DEVIL ko maine jis duniya me bheja hai,wahan pahunchne ke baad bhi wo abhi tak isse kuch hadh tak juda hua hai...
wo wahan se wapas aana chahta hai ya fir isse bhi apne saath us duniya me lejaana chahta hai.kamzor hi sahi par uski pakad ki wajah se iska sharir kisi mare hue insaan ki tarah thanda hai...
ANALIA- toh kya meri behen us andhakar waali duniya me chali jaayegi....
maine kuch kaha nahi bas apna haath aage kar diya..aur agle hi pal BHUVIKA ke sharir ke andar ka hissa dikhne laga jisse dekhkar sab shocked ho gaye....
darasal BHUVIKA ke andar jo COURIOUS ki WHITE ENERGY thi,jisse uske DEVIL waale roop ne kaid kar liya tha,wo ab azaad ho chuki thi..
aur dheere dheere BHUVIKA ke saare sharir me fail rahi thi.....
ANALIA- ye sab kya hai???
MAI- ye wahi ENERGY hai jo tumhare sharir me har waqt ghumti rehti hai....wahi ENERGY jisse tum COURIOUS waasiyon ka janm hota hai....
ye ENERGY BHUVIKA ke andar kaid ho gayi thi jo ab azaad ho gayi hai aur uske sharir me faile rahi hai..jaise hi ye ENERGY uske pure sharir me failegi,usse hosh aa jaayega....
meri baat sunkar ANALIA ki khushi ka thikana nahi raha...
wo besabri se apni behen ke uthne ka intazar karne lagi....
kuch der laga,jaise hi WHITE ENERGY ne BHUVIKA ke saare sharir ko ghera,uski aankhen dheere dheere khul gayi....
aankh khulte hi BHUVIKA ki nazar sabse pehle apni behen par gayi jisse dekhkar uske chehre par ek muskaan aa gayi....
apni behen ko hosh me aata dekh ANALIA jhat se jhuk kar apni bahen ke gale lag gayi...
kuch der tak gale lage rehne ke baad jab dono alag hue toh BHUVIKA ki nazar mujhpar gayi...is waqt uske chere par mere liye abhaar ke bhaav the....
kuch der tak yunhi letne ke baad BHUVIKA ne jaise hi uthne ki koshish ki
AHHHH........
ek dard bhari karah uske gale se nikal gayi jisse sunkar ANALIA ghabra gayi.....
ANALIA-kya hua BHUVIKA....????
BHUVIKA- pata nahi,par mere pairon me mujhe taakat mehsoos hi nahi ho rahi...
pairon me hi kya,mujhe apne sharir me kahin bhi koi shakti mehsoos nahi ho rahi....
ANALIA- abhi abhi tum thik hui ho naa isiliye..dekhna,kuch hi der me tum puri theek ho jaaogi.....
MAI- nahi....BHUVIKA kabhi theek nahi ho sakti.....
isse pehle ki BHUVIKA kuch kehti,meri awaaz sabke kaano me padi jisse sunkar sabhi shocked ho gaye...
ANALIA-kabhi theek nahi ho sakti???par kyun LORD....????aapne toh iske andar ki BLACK ENERGY nikal di hai naa??toh ab kya pareshaani hai???
MAI- wahi toh pareshaani hai...BLACK ENERGY toh nikal gayi,par apne saath BHUVIKA ki sharirik shatki bhi saath le gayi...
itna hi nahi,BLACK ENERGY ke pure nikalne jaane ki wajah se BHUVIKA ka hriday aur mastishk bhi kamzor ho gaye
hain jiski wajah se kabhi bhi iski mrityu ho sakti hai...
meri baat sunkar ANALIA ghabra gayi..wo kuch kehti usse pehle hi.....
BHUVIKA- par LORD,BLACK ENERGY toh mere andar kuch hi samay pehle samayi thi...usse pehle toh aisa kuch nahi tha fir bhi mai puri tarah se swastha thi.....
MAI-manushya yoni me paida hone waale har insaan ke andar janm lete hi BLACK aur WHITE ENERGY ke kan usme sama jaate hain.sirf COURIOUS hi ek aisa grah hai jahan ke insaano me koi BLACK ENERGY nahi hoti...
ANALIA- par LORD,meri behen bhi toh COURIOUS WAASI hai naa!!!
MAI- puri nahi aadhi....garbh me aane ke waqt bhale hi BHUVIKA COURIOUS me thi,par uska janm GLUTO me hua tha....
ANALIA aur BHUVIKA ki MAA ke garbh ke andar jo WHITE ENERGY thi,ASMODEUS ke usse baahar nikalne ki wajah se us ENERGY ke kuch kan garbh me hi reh gaye....
aur issi wajah se BHUVIKA ki aantarik shakti bhi thik se panap nahi paayi aur issi wajah se apni behen ke maamle me wo sahi aur galat ka fark nahi kar paati thi....
WHITE ENERGY ke jitne kano ne BHUVIKA ke roop me janm liya,wo usse zinda rakhne ke liye kaafi nahi the par kyunki BHUVIKA ka janm GLUTO me hua jahan BLACK ENERGY bhi paayi jaati thi,isiliye BHUVIKA ki WHITE ENERGY ke saath wahan ki BLACK ENEGRY bhi mil gayi jiski wajah se BHUVIKA na sirf bach gayi balki tandarust bhi nikli.....
par abhi jab maine BHUVIKA ke andar ke DEVIL aur uski BLACK ENERGY ko nikala,toh us BLACK ENERGY ne BHUVIKA ke janm ke samay usse mile BLACK ENERGY ko bhi apne saath sath kheench liya aur isiliye BHUVIKA ki aisi haalat ho gayi.....
ANALIA- toh aap meri behen ko theek kar dijiye naa LORD....uske sharir me WHITE ENERGY ke kuch kan daal dijiye....
MAI-mai aisa nahi kar sakta.....mere aisa karte hi BHUVIKA ki turant mout ho jaayegi....
ANALIA- par kyun LORD???aapki hi urja toh mere aur hum sab COURIOUS waasiyon ke andar beh rahi hai...jab hume aap apni urja de sakte hain toh BHUVIKA ko kyun nahi....
MAI- tumhe ye yaad raha ki maine tumhe apni urja di,par ye yaad nahi raha ki mujhe aisa kyun karna pada tha???
SHRAAP ki wajah se tum sabke andar ki WHITE ENERGY khatm ho chuki thi..tum sabke andar sirf BLACK ENERGY hi bachi thi jisse maine apni urja se apni WHITE ENERGY se hataya tha....
par tumhare behen ke andar pehle se WHITE ENERGY hai...wo ENERGY jo usse uske janm lene se pehle hi prapt hui thi....
itne saalon se BHUVIKA ke sharir ko itni hi WHITE ENERGY ki aadat ho gayi hai...isse zyada agar koi urja uske sharir me sama sakti hai toh wo sirf BLACK ENERGY hai...
agar maine apni urja ka halka sa bhi kan uske andar daala toh uska sharir ussi waqt fat jaayega.....
AVANTIKA- toh ab????
MAI- ab kuch nahi...agar BHUVIKA kahe toh mai uske sharir me wapas kuch maatra me BLACK ENERGY daal sakta hun,isse wo pehle jaisi ho jaayegi.....
isse pehle ki koi kuch kehta....
BHUVIKA- nahi......mai marna pasand karungi,par dobara BLACK ENERGY ke kan ko chhuna tak mujhe gawara nahi....
ANALIA- par BHUVIKA,aise toh tum jeevit nahi reh paaogi.....
ANALIA ne rote hue apni baat kahi.....
BHUVIKA- ro mat meri behen...mar toh mai ussi waqt gayi thi jab maine andhere ke raaste ko chuna tha...
mujhe toh is baat ki khushi hai ki mai paak saaf hone ke baad apni aankhen hamesha ke liye band karne waali hun....
LORD,aaj aapne mere upar itne ehsaan kiye hain jisse mai agle 7 janmo tak bhi chuka nahi paaungi...
bas ek khwashish bach gayi hai,aur wo ye ki meri mout aapke haathon ho....isse meri aatma ko moksh mil jaayega....
jahan BHUVIKA ki baat sunkar ANALIA,aur uske saath sath AVANTIKA aur yahan tak ki RONIT tak ko bura laga wahin mere chehre par muskaan naach gayi....
ANALIA- kya hamari behen ko bachane ka koi tarika nahi????
MAI-isiliye mai hamesha kehta hun ki baaton ko dhyan se sunana chahiye..har baat apne aap me ek paheli hai jisse suljhate hi hamare saare pareshaniyon ka hal mil sakta hai....
kisi ko bhi meri baat samajh nahi aayi,sabhi aanhon me sawal liye mujhe dekh rahe the....par meri baaton se sabhi ke man me ek ummid ki kiran jagi,khaas kar ANALIA ke man me aur isiliye.....
ANALIA- kya hamari behen thik ho sakti hai???
MAI- haan bhi aur nahi bhi.....
kisi ko bhi meri baat ka matlab samajh nahi aaya???
ANALIA- hum samjhe nahi....
MAI-pehle ye batao ki maine BHUVIKA ke andar jo WHITE ENERGY ki kami hai,uska kya kaaran bataya tha????
BHUVIKA- yahi ki ASMODEUS ne mujhe lejaane ke liye jo garbh se WHITE ENERGY nikali thi,us ENERGY ke kuch kan jo ki mere sharir ke liye the,wo garbh me hi reh gaye the....
MAI-hmm.ab ye batao ki agar tumhare hisse ki WHITE ENERGY garbh me hi reh gayi thi toh fir wo gayi kahan????aur ab wo kahan hai???
kuch der tak sochne ek baad sabhi ke mooh se ek saath nikla....
SAB-ANALIA.........
ANALIA- haan,wo kan toh mujhme sama gaya hoga....par mujhe is baat ka kabhi aabhas nahi hua???
MAI- paani me paani milane se paani ko fark nahi padta ANALIA...
jis tarah BHUVIKA ke sharir ko kam WHITE ENERGY ki aadat ho gayi hai,ussi tarah tumhare sharir ko bhi zyada WHITE ENERGY ki aadat ho gayi hai....
pure COURIOUS waasiyon me ek tum hi ho jiske andar meri urja sabse zyada hai...aur isiliye hi GOD ne pure COURIOUS me sirf tumhe hi chuna tha,mere sapno me aane ke liye....
ANALIA-oh....par isse hamari behen ka kya sambandh????
MAI-sambhandh hai....bhale hi tumhe tumhare andar moujud aawashaykta se adhik urja se laabh nahi hua hai,par tumhari behen ko ho sakta hai.....
ANALIA-matlab,hume jo alag se urja mili hai,usse baahar nikalkar BHUVIKA ko diya jaa sakta hai...
MAI-urja koi dukaan me milne waala saman nahi hai,jo kisi ko bhi uthakar de diya jaaye aur waise bhi maine bataya tha naa ki BHUVIKA ke sharir me aur WHITE ENERGY ko nahi daala jaa sakta...
ANALIA- fir hamari BEHEN hamari urja se kaise thik ho sakti hai???
MAI-maine kab kaha ki wo thik ho sakti hai....
par haan usse tumhari atyadhik urja se laabh mil sakta hai....
SAB- kaise????
MAI-BHUVIKA ko apne asli swaroop me loutna hoga....
is baar bhi kisiko meri baat ka matlab samajh me nahi aaya.....par isse pehle ki koi kuch puchta....
MAI-BHUVIKA ka ya fir kisi bhi COURIOUS WAASI ka asli swaroop WHITE ENRGY hota hai jo uske janm se pehle uska asli roop hota hai aur marne ke samay bhi har COURIOUS waasi ussi WHITE ENERGY ke roop me badal jaata hai....
BHUVIKA ko bhi apne is sharirik roop ko tyag apne asli roop WHITE ENERGY me badalna hoga.....
jahan meri baat sunkar BHUVIKA ke chehre par santosh tha,wahin ANALIA firse udaas ho gayi....
ANALIA- matlab toh wahi hua naa..kisi bhi tarah se bhi,par BHUVIKA ko marna toh pada hi naa....
MAI- nahi..jab tak tum ho BHUVIKA mar nahi sakti..tum dono ki mout ek saath hogi jisme abhi kaafi samay hai....
ANALIA- matlab????
MAI-tumhare andar moujud alag se jo urja hai wo asal me tumhari behen ka nivaas sthaan hai....
WHITE ENERGY me badalne ka baad BHUVIKA tumhare andar sama jaayegi..jab aisa hoga toh tumhare andar moujud BHUVIKA ki urja usse mil jaayegi....
aisa hote hi BHUVIKA hamesha ke liye tumhare saath tumhare sharir ke andar reh sakegi......
tum usse hamesha mehsoos kar paaogi jaisa abhi kar paa rahi ho..itna hi nahi tum usse baat bhi kar sakogi aur zaroorat padhne par ek SPIRIT ka roop lekar BHUVIKA kuch der ke liye tumse baahar bhi aa sakti hai jisse tumhe apni behen ko dekhne ki iccha bhi puri hoti rahegi....
meri baat sunkar ANALIA aur BHUVIKA ki khushi ka thikana nahi raha.....dono ke sir mere samman me mere aage jhuk gaye...
AVANTIKA aur RONIT bhi meri baat sunkar khush ho gaye the....
BHUVIKA-aapne toh mere shrap ko vardaan me badal diya LORD....ab mujhe aur meri behen ko koi bhi juda nahi kar paayega.....
ANALIA- aapka koti koti dhanyawad LORD...
MAI- taiyar ho BHUVIKA.....
BHUVIKA- jee....par use pehle,RONIT.....mai is kaabil toh nahi..par mujhe intazar raehga tumhari maafi kaa.....
ye bol BHUVIKA ne apni aakhen band ki aur agle hi pal....
uska shairir WHITE ENERGY me badal gaya aur hawa me uth ANALIA ke seene ke saamne aakar rook gaya.....
ek second rookne ke baad BHUVIKA ki energy ANALIA ke sharir ke andar pravesh kar gayi....
aisa hote samay ANALIA ki aankhen band ho gayi...ANALIA ke andar jaate hi BHUVIKA ki energy uske baaki ke anargy ke saath mil gayi aur aisa hote hi BHUVIKA ANALIA ke saath hamesha hamesha ke liye jud gayi....
BHUVIKA- is naye ghar ke liye dhanyawaad behen....
ye awaaz ANALIA ke andar se aayi thi jisse sunkar ANALIA ke chehre par muskaan naach gayi...
ANALIA ki aankhen abhi bhi band thi....apni behen ko apne andar ache se mehsoos kar jaise hi ANALIA ne apni aakhen kholi,wo shocked reh gayi....
reason..is waqt wo earth me nahi balki apne grah COURIOUS me thi.....
wo kuch thik se samajhti tabhi......
TUMHARA KAARYA PURA HUA ANALIA...AB BAAKI KA JEEVEN APNI BEHEN KE SAATH APNE GRAH ME KHUSHI KHUSHI BITAO.....
ye awaaz meri thi jisse sunkar ANALIA aur uske andar moujud BHUVIKA khush ho gayi....
man hi man mujhe dhanyawaad dete hue dono ek dusre me guthe hue apne logon ke taraf badh gaye......
wahin jaise hi ANALIA gaayab hui....
RONIT-abbe ye kahan gaayab ho gayi...
MAI- uska kaam khatm hua..wo apne ghar chali gayi...ab tujhe bhi ghar jaana hoga..mujhe aur AVNI ko kal waali jagah jaana hai....
RONIT- ab puchunga ki tum dono kahan jaa rahe ho toh tu batayega toh nahi...
MAI- satyavachan....par bohot jald mai kahan gaya tha aur kyun gaya tha,dono hi baatein tujhe pata chal jaayegi.....
aur ab bye......
RONIT ne kuch kehne ke liye mooh khola hi tha par fir usse apna mooh band karna pada...
reason..filhal wo ussi parking me khada tha jahan se hum yahan aaye the...
ek lambi saans lete hue wo apni bike ki taraf badh gaya....
wahin RONIT ko gaayab karne ke baad mai bhi AVANTIKA ka haath pkada gaayab ho gaya aur agle hi pal hum dono kal waali jagah par the.....
THE TWISTED DIMENSION
PLANET- MONSLICKEL
PLACE-ASMODEUS PALACE
KUCH HUA HAI NAA FATHER.......
ASMODEUS ko smile karta dekh BEELZEBUB ne dheere se usse pucha....
jab VIKRAM ko ASMODEUS ne gale lagaya,tabhi se BEELZEBUB ko ye baat khatak rahi thi....
gale lag jab dono bhai alag hue aur fir jaise hi VIKRAM apne doston aur BHUVIKA ko lekar gaayab hua,toh BEELZEBUB turant apne sawaalon ko lekar ASMODEUS ke paas lapka par jaise hi wo ASMODEUS ke kareeb gaya,toh chownk gaya...
reason....ASMODEUS ke chehre par ek smile thi..ek aisi smile jo uske chehre par tabhi aati hai jab uske shatir dimag me kuch naya upja hota hai..
jab ASMODEUS ne kuch aisa kar diya hota hai jiske baare me tabhi pata chal sakta hai jab ASMODEUS saamne se uske baare me khud bataye.....
apni baat keh jigyasa bhari nazaron se BEELZEBUB ASMODEUS ke taraf dekhne laga.....
ASMODEUS- tumhe aisa kyun laga ki kuch hua hai????
BEELZEBUB- apke chehre par is waqt dikh rahi rahasyamayi muskurahat ki wajah se...
ye bhaav akaran aapke mukh par kabhi nahi aate..pichli baar aise bhaav aapke chehre par tabhi aaye the jab VIKRAM ko COURIOUS ke baare me pata chala tha....
aur aapne unke wahan pahunchne se pehle hi apni chaal chal di thi..aisi chaal jiski wajah se VIKRAM ka astitv hi badal gaya tha...
aaj firse wahi muskurahat aapke chehre par hai...aur mujhe aisa lag raha ki aapka VIKRAM ko gale lagana akaaran nahi hai aur kahin na kahin ye muskurahat bhi us aalingan se judi hui hai......
BEELZEBUB ki baat sunkar ASMODEUS ke chehre ki muskurahat aur gehri ho gayi....
ASMODEUS- tumne sahi kaha BEELZEBUB...VIKRAM ko maine akaran gale nahi lagaya tha....
jab hum dono ek dusre ke gale lage hue the,us waqt maine VIKRAM ke mastishk me SHADOW WORLD aur wahan fase SAMAY SANCHALAKON ki jhalkiyan daal di thi.....
ASMODEUS ki baat sunkar BEELZSEBUB shocked ho gaya....
BEELZEBUB- par isse toh VIKRAM na sirf SHADOW WORLD ke baare me sab jaan jaayenge balki wahan jaakar wo sabhi SAMAY SANCHALOKON ko azaad bhi kara lenge...
ASMODEUS- kuch der pehle meri muskurahat ko dekh mere yojna ka andaza lagakar tumne ek vidwan hone ka parichay diya aur abhi bewakufon bhari baatein kar fir se apne murkh hone ka dhindora peet rahe ho....
murkh,sawaal puchne se pehle ek baar sawaal ke vishay me toh soch liya karo...
VISHAY matlab SHADOW WORLD..kya jaante ho tum SHADOW WORLD ke baare me....
ASMODEUS ki baaton ko sun BEELZEBUB ka sir neeche ho gaya tha aur jab ASMODEUS ne usse sawal kiya toh.....
BEELZEBUB-SHADOW WORLD aapke khudki rachna hai...SHADOW WORLD waise toh ek grah hai par asal me wo ek karaagar hai....
ASMODEUS-haan.kaaragar..ek aisa kaaragar jiske baahar se andar tak jaana bhi bohot kathin hai....
ya fir ye kahun ki VIKRAM ko chhod kar kisi ke liye bhi is kaaragar ko dhund tak paana naamumkin hai par agar VIKRAM us karagaar numa grah ko khoj uske andar chala bhi jaaye toh wahan se baahar aana uske liye bhi naamumkin hai..
kyunki SHADOW WORLD ko sirf baahar se niyantrit kar khola jaa sakta hai,andar se nahi.....
BEELZEBUB- par FATHER,agar VIKRAM chaahe toh apni shaktiyon ka istemaal kar SHADOW WORLD ka vinash bhi kar sakta hai..
aur aisa me toh VIKRAM SAMAY SANCHALAKON ko bacha kar wapas YELUPTUS pahuncha dega....
ASMODEUS- aisa nahi hoga....VIKRAM chah kar bhi SHADOW WORLD ko khatm nahi karega....
BEELZEBUB-kya mai puch sakta hun kyun FATHER???
ASMODEUS ne kuch kaha nahi bas apne seene ke upar haath rakha..agle hi pal uske sene ke beech ek tez roshni hui aur jab roshni ghati toh ASMODEUS ke haath me kuch tha jisse usne BEELZEBUB ke saamne kar diya....
BEELZEBUB- PARIVARTAK......
ASMODEUS- haan,PARIVARTAK....
PARIVARTAK ke andar se jo kirane nikalti hain,in kiranon se jo adrishya setu banta hai,usse bramhaand ke har jeevanyaapi grah jud jaata hai.....
VIKRAM ke SHADOW WORLD me jaate hi mai is PARIVARTAK SE nikalne waali kirano ko bramhaand ke har grah se jod dunga....
aisa hone ke baad VIKRAM chah kar bhi SHADOW WORLD ko khatm nahi kar paayega kyunki SHADOW WORLD ke khatm hone ke saath saath usse jude hone ke kaaran saare grah bhi khatm ho jaayenge.....
AUR ISILIYE.........
YA TOH VIKRAM KO APNI KURBANI DENI HOGI YA FIR PURE BRAMHAAND KI.......
AAJ KE LIYE ITNA HI.......
APKA APNA V.J
dono bhai ek se badkar ek hai
