Romance Aur Ek Prem Kahani (COMPLETED)

[Rahul]

waiting next update

 

[Casinar]

for new story sir .....

bro

 

[Samurai]

sir for new story

 

[Casinar]

sir for new story

thank you. new to nahin hai, yeh exbi par posty hua tha 2013 mein

 

[Casinar]

story king super chachu ek nayi story ke liye
pahla update jabardast hai maja aayega story me

shukriya mere dost

 

[PHOENIX]

ek aur purani story

 

[bondjamesbond09]

brother for new story

 

[bondjamesbond09]

a

Aur Ek Prem Kahani
Update 1
​

Abhay naam tha usska magar sab Abhi bulate the ussko, to issi naam se mashoor tha woh. Dance ka bada shawk tha bachpan se usse to kismat ne ussko issi field mein kaamyaabi di. Ek dance school tha usska. Koyi 100 students the jo har saal upar niche hote the figures mein. Koyi chala jata tha to kuch naye daakhil hote the student ki tarah. Inn mein bahot sare ladkiyan bhi thiin. Abhay bahot ziada hi stylish tha. Kaan mein baalian bhi pehenta tha, piercings bhi the eyebrows par magar kabhi nikaal bhi deta tha; earings bhi kabhi donon kaanon mein the to kabhi ek hi kann mein. Baalon ka style to badalta hi rehta tha, kabhi spikes, to kabhi piche ke taraf lambe, to kabhi bilkool chote chote katey huwe. Jo bhi naya style hota ta wohi apnata tha Abhay. Kapdon ka to hisaab hi nahin ke kab kia pehenta tha. Usska ek stylist dost ka ek boutik tha. Jab apne dance classes mein nahin hota to uss boutik mein paya jata tha aksar. Ab uss boutik mein bahot ladkiyan bhi aya karte the yahan tak ke fim industry ke producers bhi, kyun ke uss boutik se film set ke liye kapde lete the. Abhay tha to bilkool handsome, lambe kad ka aur strong bhi. Bahot jald ghussa ata tha ussko. Bilkool hero material tha. Magar ussko filmon ke hero banne ka koyi shawk nahin tha, balke usska sapna tha filmon ke liye choreography karna.

Abhay ek lawta beta tha apni maa ka. Koyi bhai behen nahin tha usska. Baap ka dehant ho gaya tha jab Abhay 16 saal ka tha. Abhi Abhay 28 saal ka hai. Usske papa ka dehant achanak ho gaya tha raat ko neendh mein hi chal base the. Abhay usske bahot kareeb tha to ussko gehra sadma ponhcha tha uss waqt. B.A tak padha tha magar BA FAIL. Padhayi mein ziada interested tha hi nahin kabhi bhi Abhay. 20 saal ka huwa tab naukri ke talaash mein bhatakta rehta tha aur bahot sare chote mote naukriyan ki. Kahin par bhi nahin tika. Kabhi malik se jhagda kar leta, to kahin kissi se maar peet. Bahot jagah naukri karne ke baad ek din ussne socha ke kyun na apne dancing ko hi ek maqsad banayein. To unn dinon woh ek printing company ke liye kaam kar raha tha jab ek vigyapan mein uss ne dekha ke ek dancer ki zaroorat thi kissi group ke liye. Uss ne contact kiya aur uss group mein nachne gaya……. Bahot ghussa aya ussko kyun ke unnlogon ko naachna hi nahin ata tha !! to iss tarah se uss ne dancing steps sikhaye uss group ke members ko. Tabhi ussko pata chala ke woh dusron ko dancing sikha sakta hai.

Ab kyun ke woh bachpan se nachne ka shawkeen tha usske pita ne ussko classical dance ki taalim dilwaaya tha. Bharat Natyam se kuchi pudi aur kathak sab jaanta tha chota se hi woh. Magar modern tha iss liye salsa, break dance, ballet, hip hop sab seekha baad mein jinn dinon naukri ke liye bhatakta rehta tha. Ab jab 28 saal ka tha to pura master tha dance ka, aur in touch rehta tha sabhi modern steps se aur innovate karta rehta tha hamesha. To uss group ke members ko sabhi steps seekhane ke baad uss group ke leader ne Abhay ko dancing school kholne ke liye idea diya. Tab Abhay 22 saal ka tha. Aur tabhi se usska dancing school shuru huwa. Inn che saalon mein bahot kuch huwa Abhay ki zindagi mein. Seikron students mile, inn mein bahot ladkiyan, aur inn mein se kayi heros aur heroines bhi ban gaye, kayi ne choreography shuru kardi filmon mein…… Khud Abhay ka sapna tha film ke liye choreography karna, aur School kholne se pehle bahot chakkar lagaye ussne studios ki, bahot producers se bhi mile magar kabhi chance nahin mila ussko kissi bhi film ke liye choreography karne ka….. magar ab usske students filmon ke liye choreography karte the…..

School mein usske do saathi the, Vinay aur Ikbal. Donon bhi behtareen dancers the. Vinay basics of dancings sikhata tha aur Ikbal unn students ko leta tha jo Vinay se seekh chuke hein aur teesra tha Abhay jahan students perfectionist bannte the. Abhay unn donon ka boss tha to woh unn donon ko bhi supervise karta tha. Ab unn students mein bachey bhi hote the. Kayi parents to 5 saal ke bachon ko bhi bhejte the dance seekhne ko, Abhay ko bahot taklif hoti thi bachon ko sikhane ko to bachon ko Vinay aur Ikbal hi dekhte the.

Ab students mein se kayi log eise hote the jo pehle se dance jaante ho aur sirf perfectionate karne ke liye Abhay ke yahan ate the, uss haal mein directly Abhay se deal hota tha. Uss ke school mein ek ladki reception par rehti thi aur sabhi formalities ke baad wohi decide karti thi ke kiss student ko kiss teacher ke paas bheja jaye.

To ek din, sham ke waqt jab school ko bandh karne ka time huwa to Ikbal ek nayi student, ek bahot khub surat ladki ko Abhay se introduce karne ko laya. Woh ladki dance jaanti thi magar latest steps seekhne aayi thi Abhay se kyun ke woh ziada tar classical seekhi thi ussne, aur ab modern seekhna chahti thi. Jo ladki reception par rehti thi woh ghar jaa chuki thi iss liye Ikbal ne iss new ladki ki formalities kiye aur ussko Abhay se milne ko laya. Abhay khade hokar apna jacket pehen raha tha jiss waqt woh ladki uss ke saamne laya gaya, aur Abhay ki enkhen uss par jami rahi kaafi der tak aur woh ladki bhi Abhay ke enkhon mein dekhti rahi bina kuch kahe jeise donon ek dusre ko jaante ho, ya koyi kashish thi jo ek dusre ko ek dusre ke nazron mein bandh raha tha….. Ikbal heyraan huwa yeh dekh kar ke donon mein se koyi baat nahin kar raha aur enkhon ki gehraayi mein ek dusre ko dekh rahe hein…… Woh ladki muskura rahi thi Abhay se aur Abhay to jeise ussne bhoot dekh liya ho, khule munh, mote mote enkhon se uss ladki ki enkhon mein dekh raha tha…… Ikabal ne gale saaf karke kaha, “Abhay!! Nayi student hai yaar jaag ja, jaag ja!!”

Tab Abhay jeise ek sapna dekh kar chonhka ho aur Ladki ke taraf apna haath badhaatey huwe kaha, “Oh I am sorry, hello Abhay here!” Ladki mukaayi aur Abhay se shake hand karte huwe boli, “Hi I am Ananya, please to join your classes.” Kia madhur awaaz thi Abhay ka mann kiya ke woh bolti jaye aur woh ussko sunta jaye, kia muskurahat thi, kia simplicity thi, kitni haseen thi, Abhay ke dil main ghar kar gayi pehli hi nazar mein……. Ghaayal kar gaya Abhay ko apni teerchi nazron se, apni madhur awaz se kaanon ke zarye Abhi ke dil mein utar gayi yeh shawkh hasina……. Abhay ki dil ki dhadkanein tez huwi aur Ananya ka haath nahin chor raha tha aur socha, “kitne mulaayam hein iss ke kalaayi…. Isski churiyan kitne khubsurat hein usski kalaayon ko nikhaar rahe hein yeh churiyan….” Abhay khud se kahe jaa raha tha ke Ananya ne kaha, “Hello, mera haath choroge please!” Abhay bola, “Oh I am sorry, extremely sorry main kahin khoya huwa tha, maaf karna please.” “It’s alright no problem” Ananya ne bahot dheemi, meethi awaaz mein ussko jawaab diya apne haath ko Abhay ke haath se churate huwe……. Phir Abay bola, “Magar iss waqt? Itni der kyun aayi ho tum? Hum to ab wapas jaa rahe hein….” Tab Ananya ne kaha, “Nahin main to bus introduction ke liye aayi thi, aaj mere papa late wapas aaye iss liye der aayi main, woh papa gadi lejate hein kaam par to main usska wait karti thi ke woh mujhko yahan laaye, woh car mein mera wait kar rahe hein, chalti hoon kitne baje ana hai kal? Abhay phir kho gaya usski madhur awaaz mein….Ananya ne phir poocha, “Hello! Kitne baje awun kal?” Abhay phir chohnka aur kaha, “Oh, yes, han, kia?” Ananya ki hanssi chut gayi ussko iss haalat mein dekh kar, aur ab Ahay ko Ananya ki hanssi ki darshan bhi ho gayi…arey wah, lagta tha phool jharr rahe hon! Itni khub surat hanssi to ussne kabhi dekhi hi nahin…. Keise bhi karke ladki ko jawaab mili ke kal sham ko 3 baje ussko ajana chahiye class join karne ko aur woh jaldi se nikal gayi uss room se jahan Abhay khada ke khada hi reh gaya…..


Ikbal ussko bulane ko aya, “Abe chal ya tumko andar bandh kardun?” Abhay bola, “kia ladki thi yaar! Itni khubsurat? Itni gori kalaayian thi usski, kitne gore gaal, kitni maasoom thi woh…. Lagta tha ke agar chuloon to maili ho jaegi…. Bahot naazuk, sharmeele, komal, surili awaaz haye, aye haye…… Ikbal ko Vinay ne join kiya aur aur donon ne Abhay ko ek awaaz mein kaha, “Abe oye majnu ke awlaad chal raat hone ko hai, bahot sari eisi ladkiyon ko dekha hai pichle 8 saalon mein” phir Vinay ne add kiya, “Aur tum kia phir se dohrana chahte ho uss haadse ko?? Bhool gaye kia?” Yeh sunkar Abhay ek dam khamosh aur udaas hogaya. Ikbal ne Vinay ko apne ghutnon se dhakka dekar ishare se kaha, “Kyun uss baat ko cheda tumne?”…….

To be continued……………………..

achchi suruat hai abhay ko shayad pahli najar ka pyar ho gya hai
lekin suspense ke sath update ka ant dekhte hain aage Kya hota hai

 

[Samurai]

Keep rocking

 

[Rahul]

waiting chachu