Thriller AV.... UNLOCK THE MYSTERY

[mashish]

Waiting

 

[Sandeep singh nirwan]

Rockey bhai aise update doge toh kaise chalega

 

[DeepHeart💘]

Bhai g kamaal ka likh rhe ho bs ek he request hai story complete kerna

 

[Rocky Dsouza]

waiting for next

Waitingggg

Waiting

Rockey bhai aise update doge toh kaise chalega

Sorry Guys. Workload zyada hai aaj kal. But kal update deta hoon. Mega update hoga, 5500+ words.

 

[Guri006]

 

[Jaguaar]

Waitinggg

 

[mashish]

Sorry Guys. Workload zyada hai aaj kal. But kal update deta hoon. Mega update hoga, 5500+ words.

update kab tak aayega writer ji

 

[Rocky Dsouza]

PART – I [ UNFOLD THE MYSTERY ]​

CHAPTER – 3 “ WHO IS AV???"​

UPDATE #16 [ AV vs DEVEN {Segment -1} ]​

RECAP :- AB TAK AAPNE PADHA KI EK TARAF DEVEN RAKA SE AV KO JALD HI KIDNAP KARNE KO KEHTA HAI WAHIN RAKA YE BAAT AV KO BATA DETA HAI. IDHAR DEVEN KISI SHAKS KO AV SE BADLA LENE KA MAUKA DE RAHA HAI. AB AAGE:- LOCATION :- UNKNOWN “ AB TUJHE KAUN BACHAYEGA. PEHLE BHI EK BAAR MAUKA DIYA THA TUJHE PAR LAGTA HAI MAUT SE KUCHH ZYADA HI LAGAAV HAI TUJHE.” Ye Awaaz thi DEVEN ki jisne apne saamne kursi par bandhe ek vyakti ko dekh kar ye kaha tha. Ye jagah to koyi band kamre si lag rahi hai. Roshni bhi kaafi kam hi maatra mein hai yahaan. Par ye saamne bandha shaks kaun hai ye pehchaan paana thoda mushkil hai kyonki maar maarkar chehre ki haalat to bigad chuki hai bhaisahab ki. Tabhi DEVEN aage badhkar uss aadmi ke paas pahuncha, DEVEN – Tujhe kya laga mujhse bhidne ke baad bhi bach jaayega tu, Marega tu marega par dar mat bas kuchh der akela rahega tu fir to tere parivaar ko bhi oopar tere paas hi bhej doonga main. Uss aadmi ke muh se shabd bhi nahi foot rahe the lekin saaf pata chal raha tha ki wo apne pariwar ke baare mein sunkar bahut gusse mein tha. DEVEN ne wahaan paas mein hi khade apne ek aadmi ko ishara kiya jise samajh usne DEVEN ke haath mein ek Bandook rakh di. Jaise hi DEVEN ne bandook uss aadmi ki taraf ki ussi pal uss kamre ka darwaza tootne ki awaaz aayi. Jisse sunkar sabhi ki nazar uss taraf ho gayi. Wahaan se kuchh nakabposh aadmi andar ghuse. Abhi koyi kuchh kehta uss se pehle hi wahaan golibaari shuru ho gayi. Kamre mein DEVEN ke bhi kuchh aadmi maujood the par unki ginti ab kaafi kam ho chuki thi. Idhar baahar se aaye unn aadmiyon mein se do aage ki taraf aaye aur kursi par bandhe uss aadmi ko aazad kar baahar ki taraf chal diye. Itne mein hi DEVEN ke sabhi aadmi mare pade the. Doosri taraf koyi nuksaan nahi hua tha kyonki DEVEN ke logon ko bilkul bhi umeed nahi thi iss hamle ke hone ki aur iss wajah se hadbadi mein wo sab maare gaye. Jaise hi wo log DEVEN ki taraf badhne ko huye tabhi unhe baahar se golibaari ki awaaz aayi aur un sabne wahaan se bhagne mein hi bhalayi samjhi kyonki wo samajh gaye the ki DEVEN ke aur log wahaan pahunch chuke the. Wo sab nakabposh apni gaadiyon mein baithkar wahaan se faraar ho gaye aur uss aadmi ko jisse DEVEN ne kidnap kiya tha hospital ki taraf le gaye. Idhar DEVEN hakka bakka sa wahaan baitha tha. Usse to samajh nahi aa raha tha ki abhi ye sab kya aur kaise hua? Koi nahi isse suspense mein chhodkar ham chalte hain yahaan, LOCATION :- CITY HOSPITAL (JAIPUR) Yahaan bharti karwaaya gaya hai uss aadmi ko aur saath hi uske ghar par phone bhi laga diya gaya tha ki wo yahaan maujood hai. Waise usse zyada gehri chotein nahi lagi thi. Bas maar peet ki gayi thi par ek haath fracture ho gaya tha. Isiliye uski dressing karke, plaster chadha diya gaya tha. Wo room mein aaram kar raha tha ki tabhi, “Papa aapko chot kaise lagi. Aap thik to ho na?” Ye awaaz aayi uss room ka darwaaza khulne par. Jispar uss aadmi ka jawaab tha, – Haan MAHI beta main thik hoon bas chhota sa accident ho gaya tha. Jee sahi samjhe ye apne Wakeel Saahab MAHENDRA Babu hi hain aur inhi ko uthwaya tha DEVEN ne. Par inhone accident ka jhoot kaahe bola, Chalo jab tak inki emotional talks hoti hain ham iss baat ka kaaran jaan lete hain. Hua yun ki jab wo sab nakabposh MAHENDRA ko wahaan se le gaye to raaste mein ye praani chup hi nahi ho rahe the. Inko laga ki aasman se gire aur khajoor mein atke. Matlab ek jagah se bacha aur doosre ne kidnap kar liya. Tabhi un sab mein se ek aadmi joki shayad unka leader tha wo bola, A1 – Tum chup chaap baitho. Tumhe maarne nahi bachane aayen hain hum. Aur hame ABHIMANYU naam ke ek ladke ne bheja hai. Jaante hi hoge tum usse. Aur abhi ham tumhe hospital leja rahe hain. Tum sabko yahi kahoge ke tumhaara accident hua tha , kisiko bhi sach pata nahi chalna chahiye. AV ka naam sunkar MAHENDRA chaunk gaya. Par wo filhaal ke liye shaant ho gaya. BACK TO PRESENT :- To in teeno ne apni baat cheet khatam kar li thi aur ab doctor ne MAHI aur uski Mom se MAHENDRA ko aaram karne dene ko kaha. Aur wo dono bhi baahar chali gayi. Abhi ye dono baahar waiting area mein baithi huyi thi ki tabhi usne reception ke paas apne AV babu ko khade dekha. Usse hospital mein dekhkar wo hairaan bhi huyi aur saath hi chintit bhi ki usse kya ho gaya. Wo uthkar uske paas chali gayi aur peeche se uske kandhe par haath rakh diya. MAHI – AV tum yahaan, tum thik to ho naa? AV – Haan main to thik hoon par tum yahaan kaise. Sab thik to hai naa? Is baat par MAHI ne udaasi se bhari awaaz mein AV ko MAHENDRA ke baare mein bata diya. Ab iss bechaari ko kya pata ki in bhaisahab ko poori baat pehle se hi maloom hai. Aur ye bhi ek dam masoom insaan banta hua uske saath hi chal diya ye kehkar ki main bhi unse mil leta hoon. Idhar MAHI apni Mom joki bahut dukhi lag rahi thi unhe saantvana dene mein lag gayi wahin AV pahunch gaya andar MAHENDRA ke paas. Aur kisi ke aane ki aahat sunkar MAHENDRA ne bhi apni aankhen khol di aur AV ko dekh kar uske dimaag mein sawaalon ka toofan uth gaya. AV bhi uski manosthiti samajh raha tha, isiliye usne hi bolna shuru kiya, AV – Uncle, I know ki iss samay aapke man mein kaafi sawaal honge. Bur relax main aapko sab kuchh samjhata hoon. Fir AV ne unhe shuru se sab batana shuru kar diya. Shuru se matlab diary wagerah se nahi. Balki AJMER se. KESHAV babu ka role bhi kaat diya gaya tha. Bas itna hi bataya ki pehle to RAHUL ko dhone ke kaaran aur doosra DEVEN ki JAIDEV se puraani dushmani hone ke kaaran hi DEVEN ye sab kar raha hai. Aur uss din MAHI ko bachate huye hi RAHUL ki wo haalat ki gayi thi isiliye MAHENDRA ko bhi involve kar raha hai. Iss baat ko sunkar MAHENDRA pareshaan ho gaya. Wo jaanta tha ki DEVEN bahut bada kameena hai aur un sabko DEVEN se dushmani mehengi pad sakti hai. Isiliye, MAHENDRA– Ye bahut Khatarnak baat hai beta. Wo bahut gira hua aadmi hai. Wo ab chup nahi baithega balki aur zyada ghatak waar karega. Aur wo sab aadmi kaun the jinhone mujhe bachaya. Wo keh rahe the tumne unhe bheja tha. AV – Uncle baat ye hai ki ek maine kuchh din pehle ek bache ki jaan bachayi thi. Aur baad mein pata chala ki wo ek gunde ka beta tha. Jab main uss bache ko lekar hospital pahuncha to wo bhi wahaan aa gaya. Wo keh raha tha ki agar mujhe kabhi uski help ki zaroorat ho to wo zaroor karega. Aur abhi mujhe pata tha ki DEVEN aap par hamla kar sakta hai isiliye maine uss aadmi ko aap par nazar rakhne ko kaha tha. Aaj jab aapka kidnap huya tab usne mujhe ye khabar di aur usske baad aapka peechha karte huye wo wahaan pahunch gaya aur un sabne aapko bacha liya. Ye kahani waise to jhooti hi sunaayi hai AV ne par haan ye jo nazar rakhne wageraah ki baat hai wo sach hai. Aur jis gunde ki baat ho rahi hai wo DEVA hai. Asal mein AV , RAKA & DEVA ke baare mein kisiko bhi nahi batana chahta tha, Kyonki itna sab hone ke baad ladka samajhdar aur chalaak ban gaya tha. AV – Ab aap aaram kijiye uncle aur MAHI ya Aunty ko kuchh mat batana warna wo dar jaayenge. Aur aap tension mat lijiye ab aap logon ko kuchh nahi hoga. Main poora intezaam kar doonga. Isliye aap tension free ho jaaiye aur rest kijiye. Main chalta hoon. Chalo ye bhai to yahaan se nikal gaya. Ab zara aap logonko poori baat bata deta hoon. MAHENDRA babu ko office jaate huye hi raaste mein kidnap kar liya tha DEVEN ke aadmiyon ne aur DEVA ke aadmi jinhone MAHENDRA ki family par nazar rakhi huyi thi unhone ye dekh liya. RAKA jaanta tha ki aise maukon par DEVEN kis thikaane ka istemaal karta hai. Isiliye ye bhai ke gunde gaye aur bacha laaye inhe. LOCATION :- RAJVANSH MAHAL To yahaan baitha hai DEVEN aur poori situation ko samajhne ki koshish kar raha hai par kya faayda kuchh samajh nahi aayega. Tabhi wahaan RAKA aa gaya. DEVEN – RAKA aaj kya hua hai tumhe poori baat pata chal hi gayi ho. Pata karo ki wo log kaun the aur unhe kisne bheja tha. RAKA – Main poori koshish kar raha hoon par hamare jitne bhi aadmi wahaan bache kisine bhi un logon ka chehra nahi dekha. Fir bhi main dhoondne ki koshish karta hoon. DEVEN – Thik hai, jald hi ye sab pata karna hoga. Aur abhi ke liye sab kuchh rok do. Aur uss ladke ko bhi mat uthana. Pehle pata lagana hoga ki ye kaunsa naya dushman paida ho gaya hai. Warna aage bhi hame pareshaani ho sakti hai. RAKA – Ji aisa hi hoga. Chalo ye to abhi shaant ho rahega par ye kahin iski galti saabit na ho jaaye. LOCATION :- AV’s HOUSE Is samay yahaan maujood hai AV,DEVA & RAKA. Aur RAKA ne poori information yahaan bata di hai. Aur ye baat sunkar AV ke dimaag ki ghanti baj chuki hai. AV – Ye ek bahut achha mauka hai hamare paas DEVEN par vaar karne ka. Abhi wo aaram se baitha hoga aur usse bilkul umeed nahi hogi ki uspar hamla ho sakta hai. Par iske liye hame bahut majboot planning karni hogi. Kyonki hamare paas galti ki koyi gunjaaish nahi hai. RAKA – Ab kya karna hoga? AV – Pehle to tum dono hi apne zyada se zyada aadmiyon ko yahaan JAIPUR mein bulwa lo aur dhyaan rakhna iss baare mein DEVEN ko bilkul pata nahi chalna chahiye. Aur saath hi DEVA tum apne aadmiyon ko MAHENDRA uncle ke hospital ke wahaan bhi laga do aur unke ghar par bhi. Unke pariwar mein se kisi ko kuchh nahi hona chahiye. DEVA – Par ab to DEVEN kuchh nahi karne waala. Fir iss sab ki kya zaroorat? AV – Nahi DEVA ham DEVEN par bilkul bhi bharosa nahi kar sakte. Wo hadd se zyada chaalak hai aur kab kya kar dega koyi nahi jaanta. Aur ham koyi bhi risk nahi le sakte. Filhaal ye sab dekho aur fir hame koyi plan banakar DEVEN ka khel khatam karna hoga. Iske baad inki meeting over ho gayi aur jaisa ki AV ne kaha tha ussi cheez ka intezaam karne mein lag gaye RAKA & DEVA. Abhi AV aaram se baitha hua tha ki tabhi door bell baji. Usne ghar ka darwaaza khola to chaunk gaya , kyonki baahar ek police waala khada tha. AV ne usse andar aane ka raasta diya, AV – Ji kahiye aap yahaan kaise? PO. – Pehle to main apne baare mein bata doon, main hun ACP AKRAM SHEIKH. Aur yahaan aane ka kaaran to tum hi ho. AV – Mai , maine kya kiya? ACP – Tum itne bhole ho nahi jitna khud ko dikha rahe ho. SARTHAK RANA jaante ho na usse. AV hairaan uska naam sunkar par fir khudko sambhalte huye, AV – Haan jaanta hun , us se kya? ACP – Tumhe nahi pata us se kya? Maine sab pata laga liya hai tumhaari pichhle dino do baar uske aur DEVEN RAJVANSH ke bete RAHUL ke saath bhidant huyi thi. Aur ab achanak se uska apne aap ko surrender karna ek saal puraane case ke liye. Ye sab kaise hua? AV – Aap ye mujhse kyon puchh rahe hain? Mujhe kya pata usne aisa kyon kiya. Haan hamari ladayi huyi thi par wo dusra matter tha. ACP – Mujhe to aisa nahi lagta. Jiss ladki ko un dono ne kidnap kiya tha dono baar wo ussi ki behen hai jiske case mein SARTHAK ne apne aap ko surrender kiya hai. AV – Dekhiye sir aapko koyi galatfehmi ho rahi hai. Is sab mein mera koyi lena dena nahi hai. ACP – Main utna bewakoof hoon nahi jitna tum mujhe samajh rahe ho. Accha ye chhodo ye bata do ki abhi thodi der pehle tumhaare ghar se baahar RAKA kaise nikla. Jaante ho na kaun hai wo. Iss baare mein kya kahoge tum. Iss baat par AV ko kuchh samajh nahi aaya ki kya kahe. ACP – Dekho tum daro mat. Main bas ye jaan na chahta hoon ki tum kya aur kyon kar rahe ho. Agar tum sahi raaste par ho to daro mat aur mujhe sab sach – sach batao. AV ko ab koyi raasta nazar nahi aa raha tha aur usse ACP ek sacha aur achha aadmi bhi lag raha tha. Usne decide kiya ki usse ye risk le lena chahiye, AV – Thik hai sir main aap par bharosa karke aapko ye sab bata raha hoon. Dekhiye SARTHAK ko surrender karne par maine hi majboor kiya tha. Aur uske paas iske alawa koi raasta bhi nahi tha. Rahi baat RAKA ki to uska aur mera dushman ek hi hai aur isiliye wo yahaan aaya tha. ACP – Kaun Dushman? AV – DEVEN RAJVANSH. Ye Naam sunkar ACP hairaan ho gaya. Iske baad AV ne ACP ko saari baatein batayi lekin sirf utna hi jitna uska jaan na zaroori tha. AV waise to isse naa bhi batata par AV ko police support ki zaroorat thi. Kyonki DEVEN koyi chhota mota aadmi nahi tha aur isiliye usne ACP ko bhi apne saath milaane ka socha. ACP AKRAM to waise hi DEVEN ke saare kaale kaarnaamo se parichit the. Aur wo bhi chahte the ki DEVEN ko uske gunaahon ki saza mile. Haalanki wo ye bhi jaante the ki kaanoni taur par ye sambhav nahi hai aur aise mein unhe AV ka saath dena sahi laga. AV ne usse bhi samjhaya ki jald hi unhe DEVEN ko thikaane lagana hoga warna wo bahut pareshaani khadi kar sakta hai. Kuchh baat karne ke baad wo wahaan se chala gaya. To bas aaj ke din aur kuchh khaas nahi hua par bechare DEVEN ko bilkul pata nahi lag paaya ki MAHENDRA ko kisne bachaya. Pata bhi kaise chale DEVA ne bachaya aur usse hi iss baare mein pata karne ko keh raha hai ye bewakoof. Issi tarah kuchh din shaanti se beet gaye. Jahaan ek taraf MAHENDRA hospital se discharge hokar ghar waapis aa gaya tha wahin AV ne bhi unki security ka poora intezaam kar diya tha. Is beech DEVEN ne kuchh bhi hera feri nahi ki bas uss ANJAAN DUSHMAN jiska zikr last update mein hua tha, uska AV se badla lene ka intezaam karwa diya tha. Wahin AV , RAKA & DEVA ne ek full proof plan bana liya tha. Aur ACP Saahab bhi ismein shaamil the. Aur ab waqt kareeb tha DEVEN ki barbaadi ka. AFTER 10 DAYS :- LOCATION :- RAJVANSH MAHAL To guys yahaan maujood hai DEVEN RAJVANSH aur ussike paas khada hai RAKA aur saath hi DEVA bhi. Aur in ke chaaron taraf inki sena bhi maujood hai. Wahin DEVEN ke thik saamne kursi par bandha hua hai ek shaks. Jisse ab dheere dheere hosh aa raha tha. Jaise hi uski aankhen khuli wo apne aap ko ek anjaan jagah par dekh kar hairaan ho gaya. Khair usse hosh mein aata dekh kar DEVEN ke chehre par ek kameeni smile aa gayi. DEVEN – To tujhe hosh aa hi gaya. Ab tu kuchh puchhe us se pehle hi mai tujhe bata doon ki tujhe maine kidnap karwaaya hai aur tu abhi marne waala hai. AV – Please mujhe chhod do maine kuchh nahi kiya. Main to tumhe jaanta bhi nahi. Mujhe mat maaro. Ye sunkar DEVEN daant fadkar hasne laga par ye hasi kuchh der ki hi thi kyonki tabhi AV ke chehre par bhi muskaan aa gayi, AV – Tujhe kya laga main aesa kuchh kahunga. Arre bewakoof hai tu. Tune mujhe kidnap nahi karwaaya main khud apni marzi se yahaan aaya hoon. DEVEN – RAKA ye kya bakwaas kar raha hai? Tabhi wahaan DEVEN ke jitne bhi aadmi the wo sab ek ek kar neeche girne lage. DEVEN ye sab dekh kar sakte mein aa gaya. Aur tabhi usse laga ek aur tagda jhatka, RAKA ne aage badhkar AV ko kursi se aazad kar diya. Aur AV ke saath hi khada ho gaya. DEVEN – Ye kya kar raha hai RAKA tu? Dhokha diya hai tune mujhe. DEVA maar daal is Dhokebaaz ko. DEVA – Jaisa aap kahen. Aur ye kehkar DEVA aage badha aur bandook nikaal li. DEVEN ke chehre par fir ek baar hasi aayi par wo ek baar fir gayab ho gayi kyonki DEVA ne wo bandook lejaakar AV ke haath mein rakh di. DEVEN aankhen faadkar ye sab hota hua dekh raha tha aur sab kuchh hajam karne ki koshish mein laga tha. Chaliye isse chhodo aur main aapko samjhata hoon ki ye sab kya ho raha hai, Asal mein AV ne ye plan banaya tha DEVEN tak pahunchne ke liye. Usne RAKA se kaha ki wo DEVEN ko AV ko kidnap karne ke liye uksaaye. Aur DEVEN to waise bhi jald se jald ye matter close karna chahta tha. Aur RAKA ke kehne par ki uske paas ek full proof plan hai wo maan bhi gaya. AV ne jaisa plan kiya tha waisi hi acting ki gayi. AV ko DEVEN ke ghar lejaakar wahaan bandh diya gaya. Haan behosh sach mein tha AV taaki DEVEN ko bilkul shakh na ho. Idhar RAKA & DEVA ne milkar DEVEN ke sabhi aadmiyon ko kisi na kisi tarah neend ki dawaayi khila di thi aur ussi ki wajah se ye sab neeche gire pade the. Asal mein DEVEN ke ghar par RAKA ke aadmi bhi nahi aate the. DEVEN ne usse mana kiya hua tha. Aur tab to wo DEVEN ki saari baatein waise hi maan leta tha. Aur isiliye aaj bhi RAKA ke aadmi DEVEN ke ghar se kuchh door hi maujood the taaki agar zaroorat ho to madad kar saken. BACK TO PRESENT :- Chheee, cheee , chhee mana ki bahut bada game hua hai DEVEN ke saath par itne kharaab expressions kaun deta hai bhai? Chalo iski sach hazam karne mein madad karte hain, AV – Kya hua shock laga. Tujhe kya laga tu hi bahut bada khilaadi hai. Par tu ye bhool gaya ki ek na ek din apne karmo ka fal milta hi hai. Ab waqt aa gaya hai tera hisaab hone ka. DEVEN – Tu karegaa mera hisaab. DEVEN RAJVANSH hoon main…... AV – Abbe chup kar, marne waala hai tu abhi aur fir bhi itne bhaari bhaari dialogues chipkaane hain tujhe. Bacha ke rakh le agle janam mein kaam aayenge. DEVEN – Tu kya maarega mujhe main tujhe maarunga jaise tere baap…... Bas kar di galti isne AV aage badha aur diya ek chaanta iske muh par. Saath hi shuru ho gayi barsaat mukkon ki DEVEN ke muh par. Kuchh hi palon mein haalat kharaab ho chuki thi DEVEN ki aur wo apne ghutnon par tha. Aur uske chehre par darr saaf dikh raha tha. Tabhi usne apne mobile se chhupkar ek message kar diya. AV dobara se aage badha aur DEVEN ko collar se pakadkar uthaaya aur uske chehre par ek aur prashad dene hi waala tha ki tabhi wahaan ek awaaz goonji, “ RUK JAA WARNA ISKI MAUT KA ZIMMEDAR TU HOGA.” Jab AV ne uss taraf dekha to uski aankhein hairat se phail gayi aur unmein khoon bhi utar aaya. Jabde sakhti se bhinche huye the aur saath hi muthiyan bhi kasi huyi thi. Kyonki saamne khada tha SARTHAK , par ye to sirf hairaani ka reason tha lekin gusse ka kaaran tha, MAHI jisse baalon se pakad rakha tha SARTHAK ne aur saath hi uske sar par bandook bhi rakhi huyi thi. SARTHAK ke peeche hi kuchh 5–6 aadmi bhi andar aaye. AV aage badhne ko hua par uske kadam wahin rook gaye. Kyonki jaise hi uske kadam aage huye tabhi SARTHAK ki pakad MAHI ke baalon par kas gayi aur uske muh se ek dard bhari karah nikal gayi. ( Aapko bata doon ki last update mein jis anjaan shaks se DEVEN milne gaya tha wo SARTHAK hi tha. DEVEN ko jab RAKA ne kaha ki wo AV ko kidnap karne waala hai to saath hi DEVEN ne SARTHAK ko bhi ye keh diyabki wo MAHI ko bhi kidnap kar le. Taaki ye dono ko ek saath maar sake. Rahi baat SARTHAK ke jail se baahar aane ki to bhaiya ye DEVEN babu itna to karwa hi sakta hai.) AV ki aankhon mein aansoon aa gaye apni bebasi par. RAKA bandook nikaalne ko hua par AV ne usse rok diya kyonki yahaan sawaal MAHI ki zindagi ka tha.Tabhi DEVEN ne usse peechhe hone ka ishaara kiya aur uske kadam bhi ussi taraf ho gaye. Itne mein do aadmiyon ne aage aakar RAKA aur DEVA ke sar par bhi bandook taan di. Wahin SARTHAK ne MAHI ko chhoda aur doosre aadmi ne uske sar par bandook rakh di. SARTHAK aage badha aur AV ko maarne ke liye haath uthaya par AV ne usse pakad liya. Tabhi SARTHAK ne ek nazar MAHI ki taraf dekha aur fir AV ki taraf aur AV ki pakad bhi uske haath par dheeli ho gayi. Iske baad to SARTHAK ko jaise hari jhandi mil gayi thi. Usne AV ko haath aur laat donon se maarna shuru kar diya. Kuchh der maarte rehne ke baad usne apne aadmi ke haath se ek danda liya aur AV par barsaana shuru kar diya. Kuchh hi der mein AV ki haalat bahut kharab ho gayi thi. Idhar MAHI ki aankhon mein bhi aansoon aa gaye the uski haalat par. DEVEN – Ruk jaa isse sirf main maarunga. DEVEN ki awaaz sunkar SARTHAK ruk gaya aur DEVEN aage badhne ko hua par tabhi usse mehsoos hua ki kisine uske sar par peechhe se bandook rakh di hai. Jab AV ne uss taraf dekha to uske chehre par ek muskaan aa gayi. Wahin jab DEVEN ne palatkar dekha to uski aankhen fati ki fati reh gayi, kyonki peechhe khada tha RAHUL ….. So, guys ye raha Update. Sorry ki aaj kal late update de raha hoon par guys seriously bahut kam time nikaal paa raha hoon likhne ke liye. Chaliye milte hai agle update mein. YOUR’S RD.​ (3758 WORDS). ​

 

[Rocky Dsouza]

Waitinggg

update kab tak aayega writer ji

Posted guys.

 

[Rocky Dsouza]

Awesome Update bhaiii

Toh Aakhir kar Kanika ko insaaf mil hi gaya. Sarthak ko uske gunaaho ki saza mil gayi. Idher Raka ki biwi bhi ab safe hai. Toh ab Deven kyaa karega. Aur ab woh kisse baat karne gaya hai. Kaun hai yeh naya dushman

Thanks for commenting DEVIL bhai. DEVEN ka agla plan aur uss dushman ke baare mein next update mein bataya hai.
Keep supporting....