Incest Baadshah ~ The Tales of Debauchery

[Werewolf]

Index​

Full Status and Cards​

Artworks​

Full Characters Guide​

Arcs​

Latest Update ➢ Update 194 ​

 

[Jaguaar]

Mega Update

Update - 149 ~ Reunion​

Ab tak…

Lily apni baat aage kehti ki tabhi Ava ke mann me ek notification aaya jise dekh woh wahi jamm ke reh gayi.

*Ding*

[Grace Martin is dead.]

'N-No!'

Ab aage…

Kaisa mehsoos hota hoga jab zindagi bhar insaan ko gham hi gham milte rahe? Jab aap apne logo ko tadapte dekho, akele pad jao, koi raasta na mile, koi raah na dikhe, koi haath badhaane ke liye aage na ho, koi sahara dene ke liye kandha na ho, koi zakhmo par marham lagane wala na ho, kuch samajh nahi aa raha ho ki kya karna hai, toh kya kare woh insaan aisi zindagi jee ke?

Kaise ubhre iss kasht se? Ava abhi kuch aisi hi sthiti me thi.

“Breaking News - Singer aur actress Natalia Martin, jinhe haal hi me ek kidnapping event se bachaya gaya tha, unki mata Grace Martin ka kal raat lagbhag 9 baje nidhan ho gaya.”

“Reports ke anusaar Grace Martin Paris ke hi hospital me bharti thi. Lagbhag dedh saal se woh coma me thi. Unhe harr sambhav ilaaj diya jaa raha tha. Lekin, kal raatri me unhone apni antim saansein li.”

“Breaking News - Hume abhi abhi khabar lagi hai ki inn sab ke peeche Hospital ki ek bohut badi galti thi. Pata laga hai ki Hospital ki security me kami paayi gayi. Jaanch ke anusaar ye saamne aaya hai ki kisi ne jaan boojh ke Grace ke medical equipments ke saath chhedh-chaadh ki thi jiske chalte Grace Martin apni jaan gawa baithi. Toh kya hai ye sab? Kya koi conspiracy? Ya Natalia Martin ke khilaaf ye koi saazish hai? Koi aapsi dushmani ya fir kisi prakaar ka badla?”

“Jaan’ne ke liye saath bane rahe. Hum aapke liye latest updates laate rahenge. France 24!”

Reporters ka jamawda laga hua tha. Cameras ki shutters ki awaaz aur journalists ke bol chaal se poore shamsaan me shor macha hua tha. Aur inhi sab ke beech-

Ava maun chup chaap baithi hui thi. Uski aankhon ke saamne uski maa Grace ka casket rakha hua tha. Grace, christianity ko belong karti thi. Aur, isliye uska antim sanskaar bhi usi dharm ke anusaar ho raha tha.

Casket ke andar death bed par laiti Grace iss duniya se ab jaa chuki thi. Dedh saal tak zindagi aur maut ke iss sangharsh me woh haar chuki thi. Lekin, fir bhi aisa lag raha tha jaise uske chehre par muskaan thi.

Jaise woh khush thi ki ab uske kaaran uski beti ko aur kasht nahi jhelna padega. Ava ne jiske liye itna sab kiya, ab wahi duniya se jaa chuka tha. Kaisa system? Kaise points? Sab kuch jaise dhara ka dhara reh gaya uske liye.

Ava ke liye toh praanvayu hi uski maa thi. Kaise jiyegi ab woh? Ye daulat, shauharat, paisa, rutba, tarakki. Kiske liye kamayegi ab woh? Kise dikhayegi ye safalta? Jab koi bacha hi nahi uski zindagi me.

Woh shoonya ho chuki thi. Andar se bhi aur baahar se bhi. Itne ant tak woh ladi, lekin haath kya laga? Kuch bhi nahi. Reporters apne news channel ko footage dilwaane me lage the toh wahi aam janta formality nibha rahi thi.

Natalia ke ird gird security bhaari maatra me janta ko uss se dur rakhe hue thi. Dekhte hi dekhte, Grace ke antim sanskaar ki vidhiyaan bhi shuru ho gayi. Aur Ava ke mann me kal ki ghatna flashback ke roop me chalne lagi.

Kal-! Kal use notification aaya tha Death flag ka. Usne Grace ko bhi mark kar ke rakha hua tha. Taaki, apni maa ki zindagi aur maut ki khabar use pal pal milti rahi. Usne kabhi jeevan me nahi socha tha ki system ke zariye use iss khabar ke baare me pata chalega.

Jab tak woh waha pohuchi, tab tak sab kuch samaapt ho chuka tha. Use pata chala ki raat me kisi ne jaan boojh ke uski Maa ke medical equipments hata diye the.

Security camera me check kiya toh pata laga ki koi aadmi tha jo nurse ki uniform me tha. Aur, usi ne iss vardaat ko anjaam diya tha.

Hospital waale bas haath jod Ava ke saamne khade reh gaye. Galti unki security me hui thi. Par, ye sab hua kaise? Aur kaun tha inn sab ke peeche?

Sweetie!!!

Ya yu kahe ki Crimson dwaara nirdesh par amal karne wali Sweetie. Ava ne snipers ko hatwa zaroor liya tha lekin Crimson ne apna ek aadmi hospital ke andar hi nurse ke roop me bheja hua tha.

Uska kaam sirf yahi tha. Grace Martin ke medical equipments hatana. Badi baat ye thi ki woh aadmi ek din nahi balki ussi din se uss hospital me kaam kar raha tha jis din se Crimson ne Grace Martin ko udhar dhoonda tha.

Ava ne baahri khatro ko toh dur kar diya tha. Lekin, hospital me pehle se kaam kar raha woh aadmi uski nazro se bach ke nikal gaya.

Crimson jaanta tha ki Ava use daga degi. Use dhoka degi. Aur, isliye usne woh aadmi pehle se waha lagwa diya tha. Baaki ka kaam toh Sweetie ne kar diya tha.

Cruise me Veer ke hamle se pehle hi Crimson ne Sweetie ko do baatein samjhaayi thi.

“Sweetie! Ho sakta hai mera ye plan bigad jaaye. Isliye, take this-!”

Usne ek chaavi hawa me uchhaalte hue Sweetie ki or feki. Ye motorboat ki chaavi thi.

“Agar kuch gadbad hoti hai, toh iss motor boat ke zariye yaha se nikal jaana. After all, I don’t want you to die here. Right? My Sweetie!?”

Sweetie ne kiya bhi wahi tha. Jab Cruise toot ke bikhar chuka tha toh woh wahi motorboat ke zariye waha se nikalne me qamyab thi.

Ek dusra kaam aur diya tha Crimson ne. Chaavi ke saath saath ek phone bhi Sweetie ke haatho me thamaya tha usne.

“Jab yaha se niklogi. Iska matlab yahi hoga ki plan me gadbadi ho gayi hai. Tab ek kaam aur karna hoga tumhe. Phone ke draft me ek message hai aur ek contact bhi. Uss message ko uss contact par bhej dena. That will be your last work. I can trust you, right?”

“S-Sure!”

“Good!”

Sweetie ka dusra kaam tha Crimson dwaara diye gaye phone se ek contact par message bhejna. Aur uss message me bas ek hi shabd likha hua tha~

KILL!

Jo ki seedha jaake hospital me maujood usi nurse waale behroopiye ko mila. Use toh pata hi tha kya karna hai. Woh baitha hi hua tha Grace ka kaam tamaam karne ke liye. Jald se jald andhere ke baad, raat me apna kaam kar woh waha se faraar ho gaya.

Ava chaah ke bhi apni bhadaas Hospital waalo par nahi nikaal paayi. Woh sab toh system ki duniya se pare the. Kya kar lete woh? Aur kaisi bhadaas? Ab toh use kuch mehsoos bhi nahi ho raha tha. Na gussa, na khushi, na gham, ek murde ki tarah ho gayi thi woh.

Jab inn sab khabro ka silsila chal hi raha tha, toh bhala Ushant ki khabar na mile channel waalo ko aisa kaise ho sakta tha? Itna bada kaand jo hua tha waha.

Ships aksar Island ki orr jaaya karti thi. Swabhavik tha ki yeh khabar sabko pata chalni hi thi.

"Breaking News~ Abhi abhi hume khabar mili hai ki Ushant Island me 50 se upar dead bodies ke tukde paaye gaye hai."

"Sutro se pata laga hai ki Ushant ki orr kisi badi aalishan cruise me 50 se adhik log sawaar the. Ek haadsa hua aur vishal-kaay cruise ko samundar le dooba."

"Haadse ki wajah ko lekar bareeki se jaanch padtaal jaari hai. Khoonkaar sharks ke chalte hi shavo ki ye dasha hui hai. Bodies ko identify karne ka kaam jaari hai. Pata lagte hi sabhi ke parijano ko soochit kiya jayega. Tab tak ke liye, bane rahiye France 24 ke saath."

Tamaam reporters aur news channels bas inhi do news ko dikhaane me lag gaye.

Ek toh Ava ki maa ka dehaant. Aur dusra Ushant.

Veer ke liye mushqile khatam nahi hui thi. Abhi bhi woh janta ki nazro me ek criminal hi tha.

Lekin, kehte hai na jab ek darwaza band hota hai toh dooja khulta hai.

Ava, jisne Veer ko fassaya tha. Ab wahi use iss daldal se nikaal rahi thi.

Dherr saare reporters ke beech mics aur cameras se ghiri hui woh kuch bolne ke liye taiyaar thi.

Reporter 1 : Miss Natalia! Aapki maa ke dehaant ke baare me jaan ke hum sabhi ko behad dukh hai. Par kya aap iske baare me kuch kehna chaahengi? Hospital ko lekar kuch? Jo unse choonk hui?

Ava ke chehre par koi bhaav nazar nahi aa rahe the. Grace ka antim sanskar ho chuka tha. Aur, use dafna ke woh wapas laut chuki thi.

'Speak to me' gaana jo usne khaas apni maa ke liye gaya tha. Sab dhare ke dhare reh gaye. Maa toh kuch bhi sunn na paayi. Na hi kuch jaan paayi. Atyant hi dukhad ant tha yeh.

Ava : Iss baare me mein koi charcha nahi karna chahungi.

Reporter 2 : Aapki baat sahi hai Miss Natalia. Parivar ke sadasyo ko khone ke baad insaan jaldi ubhar nahi paata. Isliye mera sawaal iss se sambandhit nahi hai. Mera sawal hai aapse ki Ushant me jo kuch bhi hua tha kya usko lekar aapko kuch yaad aaya? Koi jankari haath aage lagi aapke?

Ava : Yes! I remember now!

Muh se shabd nikalte hi, reporters sabhi aapas me ek dusre ki orr dekhne lage. Ek badi khabar unke haath lagne waali thi.

Ava : I remember each and every thing. Uske liye hi mein ye conference ke liye raazi hui hu.

Reporter 2 : Ye toh bohut acchi baat hai! Kya aap bata sakti hai kya yaad aaya hai aapko?

Ava (nods) : Hmm! DGSI se bohut badi galti hui hai.

Statement nikalte hi, TV dekh rahe DGSI ke saare team members ke maathe par paseene ki boonde jhalakne lagi.

Itni badi agency thi woh. Sare aam koi unpe aarop laga raha tha. Kintu, aarop sahi bhi tha. Janta ko kya muh dikhayenge ab woh? Tamaam sawaalo se saare team members joojh rahe the.

Aur inhi me unke Head Xavier athwa Chris, Terashima se leke Andre sab shaamil the.

Iss raat Ava ka ye interview bohut saare raazo par se parda hataane waala tha.

Terashima : Dekha? Dekha aap sab ne? Mene kaha tha na ki humse zaroor koi galti hui hai. Woh-! Woh ladka! Woh ladka criminal nahi tha.

Andre : This is bad. Pata nahi ab hum ise handle kaise karenge.

Chris : Miss Natalia ka poora interview hone ke baad hi kuch clues milenge. Dekhte hai hume koi trail milti hai ya nahi iss se.

Xavier apne staff ki baatein sunn zaroor rahe the lekin unka poora dhyaan TV par hi tha.

Reporter 1 : Kya matlab? DGSI se galti? Kaisi galti?

Ava : DGSI ne jise criminal ke roop me pesh kiya hai. Woh darasal koi criminal hai hi nahi balki woh toh ek sadharan ladka hai.

Ava ke harr uttar logo ke beech aur bhi zyada confusion paida kar rahe the. Ek ke baad ek jhatke lag rahe the unhe.

Idhar DSGI me bhi Ava ke statement ke baad sab spasht ho chuka tha.

Chris : Lo! Ho gaya kaam! Ab kya karna hai Sir?

Xavier (frowns) : Shh! Keep watching!

Reporter 2 : Ye aap kaise keh sakti hai? DGSI hamaare France ki badi security agencies me se ek hai. Woh itni badi galti kaise kar sakte hai?

Ava : Ye sawaal aap unse hi kyu nahi poochte? DGSI se bohut badi galti hui hai. Ek nirdosh ko unn logo ne maut ke muh me dhakela hai. Aur itna hi nahi, balki use criminal bhi ghoshit kar diya.

Reporter 1 : Aap aisa kaise keh sakti hai? Kya saboot hai aapke paas?

Ava : Saboot? Kya mera yeh kehna saboot nahi? Woh ladka-! Jise DGSI ne Criminal bana ke rakha hua hai. Woh toh meri jaan bachaane waha aaya tha. Aur asli criminal toh koi aur hi tha.

Reporter 2 : What?

Ava ke ye sab bolte hi waha logo ki khusur pusur shuru ho gayi. Agar asli criminal koi aur tha toh abhi tak DGSI kise pakad rahi thi?

Ava : Asli criminal toh ye tha-!

Ava ne agle hi pal apni mobile screen par Crimson ki ek tasveer dikha di. Chaaro orr shor fel gaya.

Aur udhar TV par sab dekh rahi DGSI ki team ke hosh hi udd gaye.

Terashima : Ye kaun hai? Mene ise pehle kabhi nahi dekha.

Chris : Lekin, Miss Natalia keh rahi hai toh baat sach hi hogi. Sir! Hume private me Miss Natalia se baat cheet karni hogi.

Xavier : Hmm!

Reporter 1 : Ye aadmi kaun hai? Kya aap bata sakti hai?

Ava : Yahi toh hai harr hamle ke peeche. Ushant se leke woh rocket launcher blast. Issi ne mujhe kidnap kiya tha.

Reporter 2 : Toh ye baat aapne pehle kyu nahi batayi? Hume sutro se pata chala hai ki jab woh ladka execute kiya gaya toh aap waha maujood thi. Toh tab aapne ye sab kyu nahi roka? Aur bataya kyu nahi?

Ava : Mein uss haalat me nahi thi. Aur, woh ladka ghayal tha. Khoon se sana hua tha. Mein use pehchaan na paayi. Jiska mujhe khed hai. Lekin, woh sahi salamat hai. Mujhe poora yakeen hai ki ye insaan jisne mujhe kidnap kiya tha, yahi harr problem ki jadd hai.

Crimson ki photo release hote hi public me nayi sansani si mach gayi.

Xavier : Chris! Miss Natalia se milne ke liye hum abhi nikal rahe hai.

Chris : Yes Sir!

Ava ne apne statements de diye the. Dekhte hi dekhte waha DGSI bhi pohuch gayi. Aur tamaam janta ke beech unhe dherr saare sawaalo se gher liya gaya.

Reporter 1 : Janta jaan'na chaahti hai ki kya Singer Natalia ne jo kuch bhi abhi kaha. Kya woh sach hai? Kya DGSI apne kaam me fail ho gayi hai?

Xavier : Dekhiye! Chhaan been jaari hai. Aur ye baat sach hai. Mujhe bataate hue khed ho raha hai ki hum sabhi ek masterplanka shikaar ho gaye the. Jiske chalte uss nirdosh ko apni jaan gawani padi. Aur asli mujrim hamari pakad se nikal ke bhaag gaya.

Xavier ne ye kaha hi tha ki poori janta waha ki bhadak uthi. Ye mazaak chal raha tha kya?

Ava : Woh ladka zinda hai. Sahi salamat hai.

Xavier : Huh?

Terashima : W-Woh zinda hai?

Ava (nods) : Hmm! xxxxxx hospital se mujhe call aaya tha. Kisi ne use bachaya tha aur hospital me admit karwa diya tha. Chunki woh mere liye waha aaya tha isliye hosh aane par usne mera hi naam liya aur hospital ne isliye fir mujhe call kiya. Wo recover kar chuka hai. Lekin, aam janta ke beech kaise aaye? Ek nirdosh par aap sabne itne warrants jo jaari kar rakhe hai.

Ava ne bade hi chalaaki se saari sachhaayi ko ghuma diya. Ye karna aavashyak bhi tha.

Xavier : Kya aap uss ladke se contact me ho?

Ava : Hmm? Bilkul! Woh meri jaan bachane ke liye aaya tha. Aur aap sabne asli mujrim ko chhor use hi execute kar diya?

Xavier (frowns) : Magar-! Woh uska chopper? Ushant me uska surrender na karna? Ye sab kya tha?

Ava : Uss baare me mein nahi jaanti. Lekin, itna zaroor jaanti hu ki woh nirdosh hai aur apne parivaar se milne ke liye betaab hai. Asli criminal ye screen par maujood insaan hai. Isne mujhe kidnap kiya tha. Yahi tha jo gangs ko orders de raha tha.

Xavier (nods) : Hum thoda aur spasht kar le aur uske baad saare warrants hata diye jayenge. Iske saath hi iss photo waale aadmi ki chhaan been bhi jaari ho jayegi. I hope that is fine with you?

Ava : Alright!

Samjhauta ho chuka tha. DGSI ko unki bhool ka ehsaas ho gaya tha. Higher authorities se bhi unn par pressure badh raha tha. Isliye, jald se jald saare arrest warrants ko aur Veer ki execution ki news ko saari media se hata diya gaya.

Balki, ulta uski bahaduri bhare karnaamo ki news chalne lagi. Samachaar me ye bataya jaane laga ki Veer naamak ladka Ava ki jaan bachaane ke liye itni dur tak gaya tha jaha woh kisi masterplan ka shikaar hoke ghayal ho gaya.

Crimson ki photo saari news media me release kar di gayi. Logo ko jab ye samajh aaya ki asli maajra kya tha toh unhe Veer ka samarthan karne me derr nahi lagi.

Ava ke fans wese hi uski baato par yakeen kar liye the. Dekhte hi dekhte saari janta Crimson ki maang karne lagi. Aur Veer ki veerta ko saraahne lagi.

Veer jo chhipe baithe saari news dekh raha tha use khud kayi nayi nayi baatein pata chal rahi thi.

'Ava's mom-!? She passed away?'

Woh bura bhala keh ke Ava ko Island par chhor ke aaya tha. Kahi na kahi Ava ki maa ki mrityu ka use bhi dukh tha.

Magar ye samay shok jataane ka nahi tha. Samay tha yaha se nikalne ka.

DGSI se uski baat ho chuki thi. Sab kuch Ava ne karwaya tha. DGSI abhi iss shaq me thi ki woh chopper kiska tha? Aur Veer itni jaldi recover kaise ho gaya? Saath hi uska surrender na karna.

Ye kuch sawaal the jo unhe sataa rahe the. Isliye, Veer se aamne saamne baat karne ki unhone thaani.

*Tococococococo*

Helicopter ke neeche aate hi, uske andar se Veer baahar aaya.

Sab kuch news me prakaashit kiya jaa raha tha.

Hotel me maujood Tejal, Bhavna, Arohi aur Manorath ne jab ye khabar dekhi toh jaise unki khushi ka thikana na raha. Itne dino baad woh sabhi use dekh rahe the. Unke bhaavo ko shabdo me bayaa karna mushqil tha.

Tejal : M-Mom!

Khabar dekhte hi Tej apni jagah se uth khadi hui.

Bhavna : Tej! Jaldi! Chalo!

Bhavna kisi hawa ke jhonke ki tarah saree pehne pehne hi room se baahar nikal gayi.

Tejal : R-Right! Wait! Mom!

Aur Tej uske peeche peeche daud ke chal di.

Arohi : Dada jii! Chaliye!

Manorath : Haan bhai haan! Chalo chalo!

Idhar Arohi ne Manorath ko kamre ke baahar nikaal, kamra lock kiya aur unhe apne sang laate hue neeche aa gayi.

Unn sabhi ki manzil Veer ki location hi thi jo unhe news se mil chuki thi. Cab book karte hi woh sabhi waha se chal diye.

Par wahi bas nahi the. Ek aur aalishaan hotel me maujood ek ladki gumsum si baithi hui thi. Aur, uske theek saamne ek aurat khadi thi.

Woh koi aur nahi, Ashita hi thi. Aur saamne baithi ladki ~



Suhana!

Ashita : Akhir kab tak hum iss tarah hotel me rahenge? Huh?

Suhana : Why are you here? I told you to leave me alone!

Ashita : Ye sab kya laga rakha hai Suhana? Tumhare husband ka phone pichle 2 dino me 12 baar aa chuka hai. Agar mein pick karungi to tumhari saari pol khul jayegi. Sabko lata lag jayega ki tumhe split personality disorder hai.

Suhana : Prakash Uncle hai uske liye.

Ashita : And thank god that he's here. Warna agar woh na ho toh pata nahi mein tumhe kaise handle karungi. Tumhare husband ko jawaab tab se wahi de rahe hai. Lekin, mujhe lagta nahi woh ab zyada derr tak hold kar payenge ye sab.

Suhana : H-He-! He will manage. I believe in him.

Suhana ki haalat dekh, Ashita ka dil paseej utha. Woh ahista se uske bagal se aake baithi aur uska haath thaam kuch sochi,

'Agar mene iss baat ko abhi nahi rakha, toh shayad aage jaake ye aur nuksan-dayak hogi. Suhana ko mujhe realise karwana hoga. I know ye sahi state nahi hai inn sab baato ko jaan'ne ka. Lekin, mein aur derr nahi kar sakti. I'm sorry Suhana.'

Ashita : Suhana!?

Suhana : …

Ashita : Suhana???

Suhana : Ungh??

Ashita : Mujhe tumse kuch zaroori baat karni hai.

Suhana : O-Ohh!

Ashita (sighs) : Suhana! Tumhe pyaar ho gaya hai!

Aur usne keh diya. Seedhe seedhe!

Suhana : Hmm?

Ashita : Mujhe nahi pata ye pyaar ka beej tumhare andar kab boya gaya lekin, beej ankurit ho chuka hai Suhana. Usne paudhe ka roop lena shuru kar diya hai. Aur, mujhe darr hai ki kahi ye bada sa vraksh na bann jaaye. Agar aisa hua toh fir ye reversible nahi hoga. Fir tum pyaar ke daldal me fass jaogi Suhana!

Woh sab kuch sahi keh rahi thi. Parantu, Suhana uss haalat me thi hi nahi jaha woh inn pechida baato ko samajh sake. Woh toh Ashita ko aise dekh rahi thi ki jaise maano raah chalte kisi paagal insaan ko dekh rahi ho.

Suhana ne Ashita ka maatha chhua aur fir use waqai chintit nazro se dekhi,

Suhana : Kaun sa ped? Kaisa paudha? Kaha ka beej? Ashita! Tumhari tabiyat theek hai na? Should I take you to a doctor? Don't worry! I won't charge you for that.

Ashita : Ohh! God!!! This fucking stupid-!!! Aarrrghhh! Mera sarr fatt jayega. Calm down! Calm down! Suhana abhi calmly nahi soch rahi. Yes! She's not like her usual self. Tumhe dheere dheere aage badhna padega. Yes! Phew! Okay! So, meri baat suno Suhana.

Suhana (nods) : Uhh-huh! Mein sunn rahi hu!

Ashita : No! You are not listening you fucking stupid-!!! Argh!! Mein firse frustrate ho gayi. Calm down! Calm down! Ashita! Phew!

Suhana (frowns) : Are you really okay?

Ashita (screams) : Yesss! I'm fucking okay! But you are not you idiot-! Urgh! Anyways! Meri baat suno! Tumhe uss ladke se pyaar ho gaya hai. Do you understand?? Are you getting what I'm saying????

Suhana : Huh?

Ashita : Tumhe uss Veer naam ke ladke se pyaar ho gaya hai. Lekin, use bhul jao kyuki woh ab iss duniya se-

Woh abhi apni baat poori kehti ki tabhi room ka darwaza dhadalle se khula aur Prakash Uncle andar aake tapaak se bol pade,

"W-Woh Veer zinda hai! Miss Suhana! News dekhiye!"

Ashita : Ehh?

Ashita jaha confused reh gayi toh wahi Suhana tezzi me apne bistar se uth baahar room me aayi aur uski nazre seedhe TV par jaake tik gayi.

Khabar Veer ki hi chal rahi thi. Uska woh chehra, logo ke beech ghire hona, security ka uske liye jagah banaana.

Woh sab kuch apni aankhon se dekh paa rahi thi. Na jaane kya hua use jo woh seedha baahar ko apni car ki orr bhaag nikli.

Ashita : S-Suhana??? Wait!!!

Prakash Uncle : Lagta hai Miss issi news channel waali location par gayi hai.

Ashita : Aur aap…!

Prakash Uncle : Hmm?

Ashita : Uncle aap ko kya zaroorat thi ekdum se kisi ke kamre me aane ki. Do ladies andar baat kar rahi thi aur aap ho ki-

Prakash Uncle : Arrey mein woh- mein toh soochna dene aaya tha bas.

Ashita : De di soochna? Nikal gayi na woh. Ab chaliye!

Prakash Uncle : Bilkul! Abhi car laaya.

Suhana ke theek peeche Prakash Uncle Ashita ko leke bhi usi pate par chal diye.

***

Idhar Veer chaaro taraf se ghira hua tha. Adhiktar janta uska samarthan kar rahi thi. Parantu, kuch abhi bhi the jo bataayi gayi baato ka asaani se yakeen nahi kar rahe the. Nayi sacchayi ka khandan karne me lage hue the.

Sawaalo par sawaal Veer se reporters puchte jaa rahe the. Kintu, woh ek ka bhi jawaab dene ke liye nahi ruka.

Veer ke liye security iss waqt behad high thi aur woh log apna kaam poori mehnat se kar rahe the. Na jaane kab uspe kaun hamla kar de. Maamla poori tarah se shaant nahi hua tha.

Uske thoda aage badhte hi DGSI ki team uske saamne thi. Kisi jeeti jaagti hassti ke samaan prateet ho raha tha woh iss waqt.

DGSI ne uske aate hi apni kaaryavaahi shuru kar di. Terashima se leke sabhi upasthit the.

Aur ye jald hi siddh bhi ho gaya ki-

Veer!!! Criminal nahi tha.

Saare arrest warrants uss par se hatt gaye. Yaha tak ki DGSI ki orr se use maafi ke roop me kuch dhan raashi bhi uplabdh ho chuki thi.

Crimson aur Ushant ko leke tehqiqaat bhi shuru ho gayi. Aur, Veer ka jise sabse zyada intezaar tha. Woh pal bhi aa hi gaya.

"Veeeeeeeeeeerrrr!!!!"

Ek jaani pehchaani awaaz, jise sunn'ne ke liye woh kabse tadap raha tha. Jaha usne umeed hi chorr di thi ki woh ab ye awaaz kabhi nahi sunn payega.

Ye wahi awaaz thi.

Awaaz thi Bhavna ki! Uski maa ki!

Par awaaz ki goonj abhi khatam nahi hui thi jab ek aur awaaz waha uske kaano me goonj gayi,

"Veeeeeeerr!!"

Aur iss awaaz se bhi woh bhali bhaati parichit tha. Agar koi aam insaan hota, toh itne shor me inn awaazo ko sunn nahi paata. Magar, Veer ek system holder tha-! Uske senses aam insaano ke muqaable kahi zyada tha.

Ye awaaz thi Tejal ki!

Parantu, woh logo ke beech ghira hua tha. Nikle kaise inn logo ke beech se?

Jab woh inn soch vichaar me laga hua tha tabhi ek haath bheed me aage badha aur uski kalaayi ko thaama.

'Hmm?'

Jab tak woh kuch soch paata, ek zorr ke khichaav ne use bheed se ghaseetate hue baahar nikaala.

Logo ke gol ghere ko tod woh baahar nikal khichaav ke chalte ek ladki se jaa bhida. Bhidna bhi nahi kahenge. Ye toh milan tha.

Aankhein jab chaar hui toh Veer unn naino ko dekhte hi pehchaan gaya.

Arohi!!!

Dono kuch shano tak ek dusre ki aankhon me hi kho gaye. Paristhiti kitni hi jatil kyu na ho, Arohi hamesha unn sthitiyo me saralta se apna raasta khoj liya karti thi. Aaj bhi wahi hua.

Usne badi hi asaani se Veer ko bheed se baahar nikal liya tha. Woh baat alag thi ki ab ek naya ghera bann'ne jaa raha tha.

Arohi : V-Veer!

Veer : Arohi dii!?

Dono aage kuch keh paate ki tabhi Veer ke upar koi lapka. Security sachet hui magar unse derri ho gayi. Ucchalne wala shaks behad tezz tha.

Zorr ka jhatka Veer ko apni chhaathi pe mehsoos hua aur agle hi shan woh neeche zameen pe tha. Uske upar ek bhaar bhi tha.

Khushboo ne naak me jaise hi apni haazri lagayi. Veer sab samajh gaya.

Veer : Teju dii???

Tej uske upar use zorr se jakde hue thi. Shirt par uski pakad itni mazboot thi ki lag raha tha kahi shirt hi na faad de woh.

Tej uss badan se wahi khushboo lene ka prayaas kar rahi thi. Magar woh kahi maujood hi nahi thi. Kaise milti Veer ki wahi shareerik sugandh? Veer Crimson ko maar ke khoon aur samudra ke namkeen paani se sann'ne ke baad nayi shirt me aa chuka tha. Uski khaas sugandh toh ghar par hi padi hui thi. Wahi Suhana ke dwara diya gaya Las Vegas wala perfume.

Fir bhi, iss chhaathi se lagne maatr se Tej ki jaise saari chintaaye gayab ho gayi.

Woh dono ye bhul chuke the ki unhe saare news channels me darshaya jaa raha tha. Kuch derr yu hi uske upar chadhe rehne ke baad Tej ne haule se apna sarr uthaya aur use dekha,

Aankhein dekhte hi Veer bhaanp chuka tha ki ye khubsoorat aankhein kayi raato se uski talaash me pehra di hai. Naino ke neeche kam sone se woh kaalapann, Tej ki atalta ko toh darsha hi raha tha par saath hi kahi na kahi uski sundarta me bhi chaar chaand laga raha tha.

Ek ajeeb sa aakarshan tha ye.

Veer (smiles) : I'm okay!

Tej (nods) : Mmm~

Veer : Umm! Aap uthengi? Aas paas sab hume hi dekh rahe hai.

Tej : Dekhne do!

Veer : Teju dii!

Tej : ...

Veer : Teju dii! Please! Uthiye na! Jee bhar ke gale lag lena. Mene maa ki bhi awaaz suni. Kya unse nahi milne dogi aap?

Bhavna ka zikr aate hi iss baar Tej uske upar se uth gayi. Lekin, uthne se pehle woh apne Bhai ke gaal ko choomna nahi bhuli. Veer se uski pakad chhoothate hi use kisi aur ne apne aalingan me le liya.

Mazbooti me ye pakad uski apni pakad se bilkul bhi peeche nahi thi.

Veer apni maa, Bhavna ki baaho me tha.

Veer : Maa!

Bhavna ne pehle toh use kass ke jakde rakha. Uske baad turant hi sabse pehle uske shareer ka jayza liya. Aage peeche, upar neeche. Jab sab sunishchit ho gaya toh uska haath apne aap hi Veer ki shirt ke andar gaya aur uske pendant ko tatola.

Haath me pendant aate hi Bhavna ne ek raahat ki saans li. Uske baad apne bete ke haath ko upar kar usne uski kalaayi dekhi.

Veer ki kalaayi me woh kaala dhaaga abhi bhi bandha hua tha. Bhavna ne khud hi uske jaane se pehle ye baandha tha.

Kaale dhaage me darasal kuch bhi nahi tha. Woh koi jaaduyi dhaaga nahi tha. Lekin, Bhavna ka atal vishvaas tha usme. Aur, yeh kaafi tha uske liye.

Sab kuch jaanch lene ke baad fir usne apne bete ke mukh ko dekha. Wahi bhar nahi thi. Dur khadi Ava bhi sab kuch dekh rahi thi.

Jaha usne apni maa ko khoya tha toh wahi uski nazro ke saamne ek maa bete aapas me mil rahe the. Unke milan ko dekh, uske honth pal bhar ke liye upar ko uth gaye. Par unn aankhon me atyant dukhdayi peeda ki ek parat chadhi hui thi.

Ye pehli baar tha, jab saare cameras Veer ke upar focused the. Na ki khyaati praapt ki mahaan singer Natalia ke upar.

Aur, inhi shor sharaabe ke beech Ava ke qadam dheere dheere peeche ko chal diye. Woh janta ki nazro se kab gaayab ho gayi, kisi ko kuch pata hi nahi chala.

Idhar Bhavna Veer ko thaame use ghoorne me lagi thi.

Bhavna : Mein toh pehle din hi bhaanp gayi thi ki tu mujhse jhooth bol ke gaya hai.

Hamesha apne bete ko 'tum' keh ke pukaarne waali Bhavna ke muh se aaj apne aap hi 'tu' shabd nikal aaya.

Ye 'tu' shabd apnepann ko darshane ke liye tha. Bekaraari ko darshane ke liye tha. Jaise woh batlana chaah rahi thi ki uska baccha kidhar bhi kyu na chala jaaye, kitne hi meel dur kyu na bichad jaaye, rahega hamesha uske aanchal ki chhaav me hi.

Veer sirf uska tha. 'Tu' shabd saral maayno me yahi darsha raha tha. Woh jaanti thi ki uska laadla uss se jhooth bol ke gaya tha.

Veer : Aur mein bhi ye jaanta tha ki aap ye jaan gayi ho ki mein aap se jhooth bol raha hu.

Bhavna : Uske baad bhi tum jhooth bol ke gaye?

Veer badle me bas muskura diya.

Bhavna : Ek ek baat bataoge tum.

Veer (smiles) : Jaisi aapki aagya!

Bhavna ne punah use apne gale se laga liya.

*Badump* *Badump*

Uske seene se lage unn dhadkano ko sunn, apne aap hi uski aankhein bheeg uthi. Woh zinda tha. Sahi salamat tha. Iss se badi baat uske liye aur kuch nahi thi.

Bhavna ko sambhaalte hue Veer ne use Tej ke sahaare khada karwaya. Aur, Manorath ne bhi tabhi aage badh apne pote ko gale se laga liya.

Veer : Dada jii!? Aap yaha kyu aaye? Khamakha taqleef uthayi!

Manorath : Ab tu mera baap bann gaya? Hmm? Arre Bhai mera pota jab gaayab ho, uss se koi sampark nahi bann paa raha ho, toh sab ko chinta toh hoyegi hi na? Mein ghar pe kaise baith sakta hu?

Arohi : Jab se tumhara call lagna band hua tha. Tab se hi hum sab tension me the. Tumhe bohut se questions ke answers dene hai.

Veer (smiles) : Right!

Manorath : Chalo bhai! Ab jald se jald yaha se ghar chalo. Aur Arohi bitiya theek keh rahi hai. Prashno ki list taiyaar rakhi hai iss Tejal bitiya ne toh-!

Veer apne parivaar se bharat milaap me laga tha aur media ek ek pal record kar rahi thi. Saath hi DGSI waalo ka yakeen aur mazboot ho chuka tha ki Veer koi criminal nahi.

Bharat se uska parivaar aaya hua tha. Ye ek sharm ki baat thi unke liye ki baahar se aaye athiti ke saath unn sabne aisa vyavhaar kiya.

Veer ko laga tha ki usne sabhi log se mil liya. Lekin, use zara bhi andaza nahi tha ki use ye awaaz bhi yaha sunaayi degi.

"M-Move aside!!"

"J-Just a minute! Step aside-!!! P-Please!"

Awaaz sunte hi Veer ki dhadkane tezz ho gayi. Bauhe kass uthi. Uska sarr idhar udhar mud uss shaks ki talaash me lag gaya.

Woh ek jhatke me logo ke ghere se baahar nikla. Bhavna, Tej, Arohi aur Manorath sabhi use prashn bhari nazro se dekh rahe the.

Magar, Veer na ruka.

Logo ko idhar udhar kar woh jaise hi baahar nikla...




Waqt jaise tham gaya.

"Suhana!?"

Woh ye jaanta tha ki Suhana ne uski madad ke liye chopper bheja tha. Magar usne sapne me bhi ye umeed nahi ki thi woh khud yaha tak aayi thi.

Woh toh hospital me thi na? Uski chot ka kya? Tamaam sawaal Veer ke mann me use dekhte hi uth khade hue.

Par dono ke beech ek ajeeb si khamoshi chhaayi hui thi. Dono ke hi mukh adhkhule the. Aur iss chuppi ko Veer ne hi toda,

Veer : Miss Suhana!? Aap yaha?

Par Suhana jaise kisi aur hi duniya me jaa chuki thi. Veer se milne ki ajeeb si dhun use sawaar thi. Aur ab jab woh saamne tha toh use kuch samajh hi nahi aa raha tha ki kya kare. Woh bas chup-chaap yu hi khadi rahi. Aur fir turant hi...!

Uske aansu chhalak uthe.




*Click* *Click*

Cameras ki shutters ki awaaz jab uske kaano me zorr se padi toh use hosh aaya. Ye kya kar rahi thi woh? Use ehsaas hua ki woh khabar me aa rahi thi.

Na jaane kitne log ise dekh rahe honge. Yaha tak ki uska husband bhi dekh sakta tha ye sab. Woh kaise itni badi bhul kar gayi?

Iss baat ka bodh hote hi darr ke maare uske qadam peeche ho gaye. Woh jhatse mudi aur aage badhi hi thi ki-

*Badump*

Laga jaise dil ne ek dhadkan phaand li. Do mazboot haath uski kamar par bandhe use jakde hue the.

"W-Wait!"

Veer ki awaaz theek uske daaye kaan me padi. Suhana ki saansein tezz ho uthi.

Ye woh kya kar rahi thi? Nahi! Ye sab kaise ho gaya uss se? Woh baad me bhi toh mil sakti thi. Itni bekaraar kaise ho gayi woh? Milne ke liye itna bechain kyu thi woh?

Kuch samajh nahi aa raha tha uski. Jab ek message ne uske dimaag ke saare taaro ko jod sab spasht kar diya.

*Buzz*

Mobile vibrate hua. Suhana ne haath me pakda mobile kaanpte hue haatho se mod uski screen par message dekha.

Message Ashita ka tha.

Aur saaf saaf bas yahi likha hua tha~

"Dear! You have fallen in love with him."

Padhte hi Suhana ki aankhein achambhav ke maare fel gayi.

Veer ka haath tab tak uski peeth par komalta sa firr raha tha.

Veer : You recovered!? Tell me...! Kyu aayi aap yaha? Kyu kiya mere liye itna? Mujhe bohut saare sawaalo ke jawaab aap se-

Magar uski baatein adhuri reh gayi jab Suhana ne khud ko uski pakad se chhuraaya aur woh ghabraate hue daud ke waha se nikal gayi.




Veer : N-No!!! W-Wait! Miss Suhaaaana!!!?

Logo ne fir use gher liya. Suhana...! Uski nazro se ojhal ho gayi.

***

Crimson ke ant ke baad sab kuch shaant sa ho gaya tha. Veer aur anya ghar waapsi ke liye flight me baith chuke the.

Magar, Paris me idhar dur countryside ke pahaadi ilaake me ek choti par ek ladki, uchaayi se neeche dekh rahi thi.

Uske baal ahista ahista maddham hawa me lehra rahe the. Aankhon me bas niraasha hi thi. Sundar se mukh me kahi koi josh nahi, chehra kehne ko toh khubsoorat tha magar chamak jaise gaayab thi.

Agle hi pal uska perr choti ke chhor par aaya aur woh uski kagaar par khadi ho gayi.

[W-Wait!!! What are you doing?]

Uske mann me ek awaaz aayi. Par woh koi jawaab nahi de rahi thi.

[D-Dear! Stop it! What the hell are you doing? H-Hey don't scare me! Please!]

Woh awaaz vyakul thi. Ladki ne fir ahista se apne mann me uss awaaz ko jawaab diya.

'There's nothing left now! I must go as
well! Lily...!'

[W-Wait!! N-Noooooo!]

Aur usne apna perr aage badha diya.

[Noooooooooooooo!!!!!]
.
.
.
.
.
.
.
.
Aaj ke liye itna hi guys.
Mujhe nahi lagta iss se zyada pareshani mujhe kabhi kisi update ko likhne me gayi hogi. Ye update mujhe yaad rahega. Kitne kasht jhelne pade hai ise taiyaar karne me. Update ke post time dekh ke andaza laga sakte ho aap sab. Also, yes! My mobile is gone. Previous data bohut kuch jaa chuka hai. This update is actually around 6.1k words. Yes! Ye mega update hai. Toh Dil se like thok ke jaane ka. Target wahi hai apna. 150. Aur revos rakhne ka.
Dhanyavaad.

Jabardast Updateeee


Toh Ava ne apna prayschit kiya aur Veer ko ek innocent insaan bana diyaa aur yeh sabit karwa diya ke Veer begunaah hai.

Par yeh aakhir mein Ava kyaa kar gayi. Kyaa sach mein Ava ka kirdaar yehi tak thaa. Mujhe toh aisa nhi lag raha hai. Mujhe lagta hai Veer usse bacha legaa. Aur shayad uss Crimson ke bande ko bhi dhundega jarur.


Dekhte hai ab aage kyaa hota hai.

 

[Werewolf]

So.. Finally Veer has put an end to Crimson & his threat for good! But what the hell was that fight scene!!!??? Absolute Gold.

Haha! Maza aaya na? See! Hum jungle me fight dekh chuke the. Buildings me dekh chuke the, Island me dekh chuke the. But underwater nahi dekhi thi. Underwater fighting sequence dikhana tough hota hai. Because restrictions lag jaate hai bohut se.

Character freely move nahi kar sakta. Limited move sets hote hai, liquid friction ki wajah se. Par ab underwater rakhi hai fight. Toh kuch toh hona hi chahiye. Isliye, fight scene me mene apni taraf se best hi diya hai. Hope sabhi ko pasand aaya hoga.

Update after update, arc after arc, the story has unfolded in a way that the readers have been left amazed after every single update.

Arre thank you man.

The recent highlight was of course the fight scene, so that needs to be pointed out first... Veer getting beaten up by that nigga Ajay & party..

Nigga Ajay!?

Then Ranga.. Aatish.. Matthew.. Dexter.. Slogan.. Jim.. Nightwalker.. and now this one.. the most badass antagonist of the story till now ~ Crimson!

You forgot Pitcher. Pitcher ko kaise bhul sakte hai hum? Veer ne waha dimag se ladayi ki thi. Sylvia's venom cure. That master play by Veer. Outplaying the Mithridatism.

The level of fight scenes, the level of action has gone only one way.. and that's upwards & upwards! Well the way Crimson was killed by Veer, all of that...

That's why He's Veer! Intelligence toh harr system holder badha sakta hai. But making the full use of it is what makes Veer different.

To pichhle 4 updates mein kaafi kuchh hua, kaafi kuchh badla aur aage ki kahani ke liye boht si ghatnaon ki neev ya to rakh di gayi ya fir pehle se hi rakh chuki neev aur bhi mazboot ho gayi!

Neev toh tabhi rakh di gayi thi jab Veer ka death scene show kiya gaya tha. Renshu ki entry hui fir. Jo ki hum jaante hi hai ki woh kis arc ka hissa hone wala hai. This is how you slide in the new arc in the current arc.

Sarvpratham Veer ki mrityu.. ya kahun ki uski mrityu ka chhalawa jo Pari ne racha tha uski hakeekat saamne aayi aur uske saath hi saamne aaya Renshu bhi. Renshu.. Ek Chinese aadmi joki system dhaarakon ya kahun ki "achhe" system dhaarakon ki suraksha/sahayta karta hai. Jitna bhi Renshu abhi tak kahani mein dikhayi diya hai us se spasht hai ki wo System aur us se judi anekon baaton se parichit hai. Shayad abhi bhi kuchh baatein ho sakti hain jo usne Veer ko batayi na ho.

It's obvious woh kaafi kuch jaanta hai. Jab usne yahi keh diya hai ki kisi caller ne use yaha bheja hai. Iska matlab saaf hai ki unknown caller ke contact me Renshu aa chuka hai. Abhi tak Veer nahi aaya hai. So, Renshu do know a lot. Lekin, use bhi limited hi pata hai.

As mentioned that he too is clueless about the unknown caller guy.

(Between that 15 cm Sui is a strange weapon, no!? )...

You'll realise soon why he carries that. What's the story behind that weapon. Nothing is faaltu you know.

As Pari mentioned, Renshu has got some serious Survival, Medical and Identifying skills, and on top of that he has some kind of pigeon taming skill as well.

Yup. See! First of all he can light the fire easily using woods and all. Secondly, he treated Veer. Obviously woh complete treatment nahi tha lekin Veer ko danger se baahar laane ke liye kaafi tha. Considering Veer ki kya haalat thi, uske bawajood uski jaan khatre me nahi gayi. You can assume what kind of medical skills he has.

Lastly, the pigeon taming skill. Pari ne sab identify kar liya tha ek jhalak me.

Samudra ki gehraayi mein Veer ko bachaana, use do din, teen raat tak surakshit rakhna, wahin samudra ke neeche Veer ki marham - patti athva sabhi medications provide karna.. Renshu ke baare mein boht kuchh bataati hai ye cheezein. Saath hi wo Pilot jo Veer ko Island (Cruise) par lekar gaya, usne Renshu ko Oyabun arthat Boss kehkar sambodhit kiya, aur wahaan mentioned tha ki wo pehle bhi is tarah ke nazaare dekh chuka hai. Obviously, Renshu has his own story to tell as well..!!

Of course! Oyabun yaha ye bataata hai ki Renshu obviously koi Lackey nahi hai kisi ka. He's the boss. Par kiska boss? Aur kis cheez ka? Ye baad me disclose hoyega.

Renshu ne naa kewal wahaan gehre paani mein Veer ki jaan bachayi balki us se pehle bhi do baar, Crimson par goli chalakar Veer ki madad kar chuka tha wo. Aur obviously, bhale hi wo systems ka balance maintain karta ho, bhale hi wo Veer ke jaise system holders ki madad karta ho, parantu is sabke badle uski bhi koyi na koyi expectation hogi hi Veer se,joki I think Chinatown Arc mein saamne aa hi jaayegi.

Yes. Veer ne pehle hi puch liya tha. Kya chaahta hai woh badle me. And it's definite that he does wants something. He needs Veer. Veer zaahir hai favour pay karne jayega hi. Ab jidhar bhi bulawa aaye. Kintu, usme samay hai. Business arc bohut si rochak cheezein leke aayega.

Parantu yahaan dekhne laayak baat ye hai ki Renshu ko Veer ko lekar jaankari Shri shri shri X mahodaya ne di thi... Even a little glimpse of this man is enough to send chills down the spine. Let's not get into his reasons of informing Renshu about all this, kya faayeda dimaag ka dahi karke..?

Mene toh pehle hi keh diya tha ki abhi ju log pehle Crimson ko hi sambhal lo. Aage ke villians ke liye ready nahi ho.

Khair, Renshu ke baad ab yadi baat ki jaaye Ava madam ki to kehna mushkil hai ki Ava ki filhaal kahani mein kya position hai... Obviously Ava ki jagah yadi koyi bhi hota, I mean koyi bhi to saaf tha ki Veer use maaf karna to door, tapka chuka hota. But because she's Ava (Ava not Natalia), and because of her story and reasons as well, aaj nahi to kal Veer use maaf kar hi dega, ismein koyi shakh nahi... Death of Grace is going to be one of the reasons for this as well. Sarvpratham, Ava ke Pita ka hatyara aur koyi nahi balki Crimson hi tha. Is se badi saza kya hi hogi Ava ke liye ki jis shakhs ke saath milkar usne Veer ki hatya (almost) kar hi di thi, wahi uske pita ka hatyara aur ab shayad uski Maa ki mrityu ki bhi wajah ban gaya...

Pari keh chuki hai ki Veer has the kindest soul. Lekin, uske baad bhi Veer ne Ava ko maaf nahi kiya hai. (For now.)

Woh Grace Martin ki mrityu se niraash zaroor hai. Kyuki, woh Ava ko itna sab keh aaya tha aur baad me Ava ki maa hi chal basi. Toh use thoda apne behaviour par nirasha zaroor hai. Lekin, usne maafi nahi di hai Ava ko.

Because he knows that he can't be responsible for Grace's death. And he should never feel burdened about it. That's the reason why he was able to move on from there. He has matured.

One thing.. Mr. X made Crimson kill Jayesh. Why? Of course, Mr. X cannot see future, can he? I assume use pata hoga ki Jayesh, Ava (ek system holder) ka Pita hai, but still I don't know ki usne Crimson ke haathon Jayesh ki hatya kyun karwayi? Obviously, uski fetish rahi ho is tarah ki cheezein to alag baat hai, but I don't think ki wo aadmi bina kisi kaaran saans bhi leta hoga.

When this will be revealed, it will blow reader's minds. Uska level alag chal raha hai.

Khair, is beech ye bhi pata chala ki Ava ki past life bhi aasan nahi rahi thi. Fir chaahe wo apni saheliyon se bichhadna ho ya fir Jayesh ke saath casino mein huyi ghatnaon ka nateeja.. Parantu System ke aane se uski zindagi beshaq poori tarah se badal gayi. Siren Rose naamak skill ne naa kewal use shohrat ki bulandiyon par pahunchaya balki saath hi use us mukaam par bhi laa diya jahaan wo Trinity mein baaki dono se kahin bhi pichhe nahi... And I think shohrat se zyada ye zaroori hai!

Trinity is special. Koi bhi kisi se kam nahi hai. If you think Kaera is above all of them then Ava kuch aisa kar dikhayegi ki lagega she's the boss. Jab ye sochoge ki Ava is the queen of them toh Sonia kuch aisa kar dikhayegi ki fir lagega she's the leader among them.

They have their own qualities and faults as well.

Kaera, jiske baare me kuch kehne ki zaroorat nahi. She has everything. Still, she's incomplete in herself. She lack emotions.

Sonia, jiske paas Kaera ki hi tarah sab kuch hai. She got the beauty, she got the wealth. Yet, she's incomplete. She has inferiority complex. Hamesha khud ko kamtar samajhna. Which is why she loses all the time.

Ava, jiske paas sab kuch tha ek time pe. She has got nothing now. She has the system. But there's no purpose. She too is incomplete. Kiske liye system ka upyog kare? Kiske liye Paisa kamaaye? No one is left for her.

So, they all have all the talent they need. But they are incomplete. As it's been said that ~ money can't buy everything.

Iske saath hi ye bhi spasht ho gaya ki Ava ne Vegas ke us concert mein hi Veer par Death Flag laga diya tha. Aur uske baad kya hua wo kehne ki zarurat hi nahi. (The interplay here, even Ava looking at Veer in that concert wasn't random. Lmao.. This is peak interconnection! We bow! ).

Parantu Death Flag koyi Diamond Tier skill to thi nahi, isiliye ye kewal heartbeat jaanchkar hi vyakti ke jeevan athva mrityu ki jaankari pradaan karti thi. Pari ne isi ka faayeda uthaya aur Veer ki saansein kuchh waqt ke liye rok, Ava aur Death Flag ko gumraah kar diya.. I think this personality of Pari deserves special appreciation!

Apun ne toh pehle hi kaha tha ye wali Pari ki personality hatt ke hai. Ju maane hi nahi. Ab miss karoge use.

Khair, is sabke baad, finally Ava has started her journey of making amends with Veer. Pehle wo Tweet aur uske baad Crimson oar goli chala Veer ki sahayta karna. Bhale hi use Mission mila tha Veer ko assist karne ka par fir bhi she has at least started what she needs to do right now. Bhale hi Veer ne use keh diya ho ki from now on they're strangers, and has warned her not to cross paths with him ever again, but I don't think ki Chinatown Arc se zyada samay lagega dono ki fir mulakat hone mein. Aur ho sakta hai ki usi arc mein fir dono ke madhya cheezein normal hone lagen...

Dekho! Ava ko mission Mila tha. Veer ko assist karne ka. Agar woh chaahti toh aur bhi zyada hastakshep kar sakti thi Veer ke mission me. Veer ke rewards woh chura sakti thi. Lekin, usne aisa nahi kiya.

Usne bilkul aenn mauke par uski madad ki jab use zaroorat thi. She knew Veer must have got a mission. So, she never wanted to steal his rewards. Usne baad me Veer se confirmation ke liye pucha bhi tha ki Veer ko mission Mila tha kya? Halaki Veer ne jawab nahi diya. Lekin Ava ko idea lag gaya tha.

Between, I still have no soft spot or love for Ava, but ek to Hande ki pictures aur doosra, she's a central character and there's no point in hating her whilst knowing she'll be there with Veer all the time, no matter what... That's why I think it's okay to move on now... )

Ju ka 'btw' ki jagah harr baar between type ho raha hai.

Seedhe seedhe bolo na Hande ki tasveere madhosh kar deti hai isliye uss se nafrat nahi ho paa rahi. Armaan jaga deti hai Hande huh!?

Between Ava ke system ka naam Lily hai ye bhi pata chala aur saath hi Ava ne 15k points Death Flag ki range max karne mein laga diye. Pata nahi, kyun? Par jaise hi usne ye koya usi waqt Grace ki death, samajh nahi aaya... Kya wo pehle hi Grace par death flag laga chuki thi aur ab jaanchne ke liye uski range max ki? I don't know but I think yahin se Ava ke jeevan mein asli dukhon aur mushkilon ki shuruaat hone waali hai... Lessss goooo!

See! Death Flag is not like a 'bad person' type of skill. It's not like you must only use that skill to observe the enemy. It can also be used for your loved ones. To see their status that they are safe or not.

Ava ne range kyu Max ki? Woh Chinatown arc me pata chalega. Grace was already dead. Lekin, Ava ki skill range 1km ki hi thi. Aur Ushant me hone ke kaaran woh jaan hi nahi paayi.

Toh jaise hi usne Range max ki, she was able to know what happened with Grace there.

Idhar Suhana ka haal bhi poori tarah behaal hi hai. I think usne khud bhi nahi socha hoga ki Veer ki mrityu ki khabar uski ye haalat kar degi. But haan, iske baad jab use pata chale ki Veer jeevit hai aur wo Veer se mile, wo moment special hona chahiye. Ye request rahegi Werewolf man! The next meet-up between them should be.. should directly hit the heart..! You know what I mean!

According to me, I tried my very best. Hope pasand aaya hoga. Mene direct impact ko yaha nahi dikhaya hai. Basically, Suhana ne realise kar liya hai aur woh inn sab se bhaagegi hi. So, you must put restrictions between them. And that's what I have done there.

There's something between them. You can feel they have feelings for each other. You can feel the air around them. You want them to come close. They do get close. But Suhana then realises something. Aur yahi pe woh breaking factor bann jaata hai.

Ab jab bodh ho gaya hai. Toh baaho me kaise reh sakti hai woh? It's a tease for the readers. Lekin, abhi filhaal aise hi tease waale scenes chalenge. That's what makes everything at the end better.

Veer ki shirt ho ya uske saath bitaaye palon ko yaad karna, in sabhi cheezon ne Suhana ke kirdaar ko aur bhi khubsurti se prakash mein laa diya hai.

Use prakash me laane ke liye ye mujhe bhi toh yaad rakhna tha ki Veer ki shirt uske paas maujood hai. Phew! Tough work!

Wahin Ashita ab poori tarah samajh chuki hai ki Suhana ka uss naujavaan ladke se kya rishta hai, Suhana uske liye kya mehsoos karti hai, aur kyun uski mrityu ki khabar ne Suhana ka ye haal kar diya... I'm excited for the conversation between them regarding it, haalanki I think usmein abhi samay hai. Ashita won't start such a convo until Suhana gets back to normal. Par kuchh bhi kaho, Suhana is my most favourite female character in the story (outside Veer's family)...

Nope! She already stated it directly. Love is a serious matter. Agar Suhana bhrk tarah pyaar me pad gayi Veer ke. Toh uske liye jeena aur bhi msuhqil ho jayega. Woh aur stress legi, aur frustrate hoyegi aur zyada personality disorder badhne ke chances banenge.

Yes, this was not the right state jisme Suhana ko ye ehsaas karwaya gaya. Lekin, ye zaroori bhi tha. That's why Ashita was sorry for her. She had to tell her.

Kuchh waqt pehle shayad Sonia aur Suhana barabar hi pasand aa rahi thi mujhe parantu Sonia ko gaayab kar diya gaya hai kahani se, aur is anyaay ke khilaaf hum chup nahi rahenge... Well, I hope Business Arc will unfold a new side of Sonia (Finally!!!!)...

Sonia beech me aayi toh thi. Mene kaha hua hai ki Sonia has her own charm. There's a reason why she's a keeper.

Wahaan Vegas mein Divya bhi Veer ko lekar behad chintit thi. Afterall, jo hua uske aur Veer ke madhya, uske baad Veer ke liye uske mann ke bheetar ek alag jagah hona nischit hi tha. Will be interesting to see ki Divya ka aage chalkar kya role hoga story mein. I think uski aur Veer ki punah mulaakat to hogi hi, parantu kya Divya jald hi kahani se gaayab ho jaayehi ya uska kirdaar aage tak chalega, ye dekhna interesting rehne waala hai...

It will depend on the need. Divya ki kya zaroorat hai iss waqt Veer ko? Kis kaam ke liye? I don't think Veer needs her in any way for now. Am I right? Toh milan kaise hoga fir?

Idhar Teju & party ko bhi finally pata chal hi gaya ki Veer par kya charges lagaye gaye hain Vegas mein. As expected, kisi vyakti ne social media par Veer ki tasveer upload kar di thi. Parantu achha hua ki tab tak Veer hosh mein aakar waapas Paris laut chuka tha. Haalanki, Veer se baat hone ke baad bhi wo chaaron dare huye honge hi uski suraksha ko lekar, par jo haalat unki Veer ki maut ki khabara padhkar huyi thi, us sadme se to at least wo baahar aa hi gaye. Intezaar rahega agle update ka jab Veer in sabse milega. The world needs a long conversation between Veer & Tejal here...

It will happen. Lekin, use darshaya business arc me jayega. Tejal has so many questions. Veer must answer each and every one of them. Bhavna bhi Kam nahi hai. Sawaal to woh bhi karegi. Even Arohi bhi. Woh toh parakhne me behad aage hai. Veer ko jhooth ko yu pakad legi. Toh wahi Bhavna Veer ko khaali dekh ke hi bata degi ki woh jhooth bol raha hai ya sach.

Ab baat ki jaaye Carlos urf Crimson ki to ye pehla aisa villain tha jiske liye uski poori story sun ne ke baad bhi bura nahi laga... I'm referring to main villains here, obviously not to Jim/NW or Pitcher. Slogan aur Aatish ka ateet kaaran tha unke parivartan ka, ek aam insaan se ek apraadhi ban ne ka. Par Crimson pehle se hi apraadhi tha. Chori - chakari athva lootpaat, shuruaat se hi Crimson ka interest naa kewal adventure mein tha, balki crimes mein bhi tha. One might say ki at least wo kisi ki jaan nahi leta tha, but how far away was that? Even if we assume ki Jayden ke saath wo sab naa hota, even if Crimson ke paas system naa bhi aata, tab bhi in future aise choriyaan karte waqt pakde jaane par ye dono khud ko bachaane ke liye hatya karne se bhi parhez nahi karte... Yahi to hai jurm ka daldal, kisi bhi raaste se andar ghuso, sabne dhansna hota hi hai..

Crimson ko wesa rakha hi isliye gaya hai. Uska dukh dard darshaya hi nahi gaya hai utna. Crimson was a bad guy. Survival ke aur bhi tareeke the lekin usne chori chakaari hi chuni. So, it's understandable I wouldn't want my readers to feel sad about them. Aur isliye ateet ko uss narration se likha gaya.

Jabki, Aatish aur Slogan ke ateet ke narration me woh dukh dard dikhaya gaya hai. You can feel that they were wronged. They only wanted a happy life but got so much worse in return. Narration plays the important role here. Dialogues to baad me aate hai.

Khair, Crimson ke saamne hi uske iklaute dost Jayden ki hatya kar di gayi. Duniya satya mein boht vichitra hai. Naa jaane kahaan - kahaan aise mentally ill log rehte honge, jo in paagalpan se bhari fetishes ka shikaar hain... Jaise Jayden ki maut huyi, Crimson ne usi maut ke tarike ko apna trademark bana liya aur poora festival khud hi organise karne laga... Is beech Crimson ki mulakat huyi Mr. X se

Mene toh bas ek slim layer ko touch kiya hai you know. Duniya me aisi aisi fetishes rakhne waale log hai ki jinke baare me jaan ke humaare raungte tak khade ho jaye. Itna kuch hota hai asal duniya me. Ye toh bas ek chota sa namoona tha. Dark world ki ek choti si peshkash.

Let's talk about him first. Crimson ki mrityu ke baad Ava se message ke zariye usne jaan loya ki Veer ki jeet huyi, but he said, 'as expected'... Kya is expectation ka kaaran ye tha ki wo kahin na kahin jaanta tha ki Ava bhi Veer ki sahayta karegi, ya kahun ki Ava ko Veer ko assist karne ka mission milega..? Ya wo bhaanp chuka tha ki Crimson ka overconfidence use le doobega... Pehle Ava ko Slogan jeevit hai ya nahi ye dekhne ke liye bhejna aur ab ye... Mr. X ki harkaten abhi samajh se pare hain. But obviously, he's plotting, ya kahun ki he has been plotting some crazy ass stuff here. Jiski jaden boht hi gehri hain

I have told everyone. Don't think about Mr. X or masked man at all. Their purpose is unknown. Ucch darje ki planning hai jo abhi samajh nahi aayegi.

Khair, sawaal ye bhi hai ki Mr. X us system owner ka gaadi se peechha kyun kar raha tha Vegas mein? Kyon usne Crimson ke haathon use marwaya? Kyun usne aisi situation banayi ki Jayesh ki hatya bhi Crimson ke hi haathon ho...? Use Hindi aati thi, kya is se ye anuman lagana sahi rahega ki uske paas bhi system hai..? Something like a "Father of all systems"? Khair, usne wahin par Crimson se uska right hand man banne ko bhi kaha jiske liye I guess Crimson ne baad mein mana kar hi diya hoga. But highlight was, jab usne kaha ki "Koi hoga jo ise baad mein dekhega".. He knew that someone would kill Crimson and he'll have the skill to see the past of Crimson..? Ya uske kehne ka matlab tha ki uska chehra baad mein koyi aur dekhega, not Crimson...

Harr system ke paas features same rehte hai. System don't have much differences between them. Kayi baar hints di gayi hai kahani me.

Jaise... See! Ava kaise wait kar rahi thi Veer ka. Woh jaanti thi ki Crimson ka past dekh ke hi ye pata lag payega ki usne Jayesh ko maara hai ya nahi. If you will read that update again. There's a line which tells how she's awaiting for Veer's response. Toh ye spasht ho jaata hai ki use pata hai Veer ke paas past illustration hai.

That just means that uske paas bhi hai. Sabhi system me ye feature hai. Lekin, Crimson ko usne nahi maara tha. So, only Veer was able to see Crimson's past. Get it now?

Aur isliye woh wait kar rahi thi ki Veer confirm kare ki Crimson hi killer tha ya nahi. Jo ki Veer baad me karta hai.

And the reason now...! Why Veer got goosebumps. Jab usne ye suna-!

"kyuki koi hoga..! Jo ise dekhega!'

Masked man knew someone might see this. Kyuki Last illustration uske paas raha hoga. Sab system me hota hai. And hence, the reason why he wore the mask at the first place. Kyuki koi hoga...! Jo ise dekhega.

Did you get the goosebumps now?

Coming back to Crimson... Use us gaadi waale ko maarkar hi Vertigo ki praapti huyi thi aur isi kaaram se wo Veer ko bhi maarna chaahta tha. Obviously aur bhi kayi kaaran the uske paas, but ye bhi unmein se ek tha. Crimson stats mein Veer se aage tha, kuchh behad hi strong cards aur skills the uske paas, par teen cheezein kul milaakar uski maut ka kaaran bani. Firstly, uska overconfidence, usne Veer ko bohthi halke mein le liya. Doosra, Veer ka fights aur aisi situations ka experience. Veer ne kayi baar life & death situation experience ki hai aur yahi use baakiyon se alag banata hai. Teesra aur shayad sabse bada kaaran - Full Moon!!! Shayad Crimson anjaan tha ki Veer Beowulf jaisa aatank apne saath liye ghoom raha hai. Kuchh bhi kahi, Beowulf is a mental - mental card... Maybe one of the strongest we'll ever see in the story.

Mein ye kayi baar keh chuka hu ki Beowulf ek insane card hai.

Veer toh pehle hi Crimson se ladd paa raha the. Yes he was on his backfoot lekin aisa nahi tha ki Crimson single handedly Veer ko maarne me saksham tha. Fights hui hai lagataar. Veer stats me peeche pad raha tha. But he was able to put up a good fight. Iska matlab ye saaf tha ki woh stats me bas thoda hi peeche tha.

Toh kya hoga aise me jab Veer ke wahi stats double ho jaaye? Full moon me yahi hota hai. Beowulf agility, healing aur senses ko almost double kar deta hai. That's the reason why Crimson was not able to fight Veer underwater. Ek toh liquid friction. Upar se Veer ki doubled agility.

Beowulf ek behad hi khatarnak card hai. Use khatarnak kya banata hai? The reason why it can be deadly is because it's power changes according to the person's stats.

Agar Veer ki agility suppose 100 hai. Then Full moon ke chalte woh 200 pohuch jayegi.

But what if Veer increases his agility stat from 100 to 200?

Fir full moon me kya hoyega? It will reach 400. See the difference now? That's the reason why it can be a fatal card.

Finally let's talk about Veer! He's special, isn't he? Chaahe wo paani ki gehrayi mein us chotil awastha mein Renshu ko Crimson samajhkar uspar jhapatna ho ya fir wahaan balcony mein khade hokar Ava ki aur dekhna... Renshu felt ki Veer ke ird - gird kuchh alag hi aura tha... Aur mujhe kahin na kahin lagta hai ki Veer alag hai baaki system holders se, naa kewal apne saaf dil ke kaaran, balki kuchh aur bhi hai jo abhi shayad chhupa hua hai... Sarvpratham, Get To Ava mission fail hone ke kaaran Veer ko 2500 points ki penalty lagi... Parantu uske paas tab kewal 1692 points the isiliye I think wo debt mein add ho gaye honge... Lekin of course is samay ek ek point ki apni alag hi keemat hai. Mehngai badhti jaa rahi hai jaise - jaise system age badh raha hai

Ab toh firse upgrade ho gaya hai system. Fir mehngayi badhegi. Veer special kyu hai? Ye bhi finale arc me acche se reveal hoga.

Veer aur Ava dono ko hi Crimson ke ant se juda mission mila aur dono ke hi rewards mein question marks the, jiska kaaran ab saamne aa hi chuka hai. Crimson ki skills aur cards use maarne waalon mein bant gayi (not all, but kuchh skills aur cards). Veer Crimson ko maarne tab pahuncha jab Vruise par Grand Festival manaya jaa raha tha. Jahaan wo sabhi insaan roopi bhediye kinhi maasoom logon ko maarna chaah rahe the wahin Crimson ko mission mila hua tha un logon ko maarne ka. Parantu sadly, Crimson ka ye mission bhi Veer ki wajah se fail ho gaya. Crimson ne yahaan is ladaayi mein bhi teen baar Veer dwara chalaayi gayi goli ko dodge kar diya aur finally saamne aaya ki wo aisa kaise kar paa raha tha... Probability Manipulation is a mental card as well, I think it's right up there with Beowulf's Blessings...

It is indeed a very strong card. Ab samajh aaya ki kyu Crimson Hawkey ko dodge kar paa raha tha?

Aur ab ye bhi samajh aa Gaya hoga ki kyu woh teen baar hi harr baar dodge kar paa raha tha. Building me kyu Renshu ki goli use lagi? Because his 3 times were used after fighting Veer. Kyu woh Ushant me blade aur Renshu ki ek aur bullet dodge nahi kar paaya? Again, 3 times were used.

And lastly Ava ki bullet.

Parantu hamesha ki hi tarah is baar bhi teen goliyon ke baad uski lifeline samaapt ho gayi aur Ava dwara chalaayi gayi goli se wo bach nahi paaya. Is beech Crimson ne apna haath kyun kaata tha ye bhi pata chala. Kyonki uske paas Limb Substitution naam ka ek aur bhayavah card tha. Bc usne kisi aur ka haath kaatkar apne saath jod liya...

This is the true mental card you know. Basically, you are immune from the limb losses. You can fight without caring about your limbs. Since, there's a way to get them back.

yes. Crimson ne kisi ka haath ukhaad ke hi lagaya tha. Card ki khaas baat ye hai ki woh ek hafte ke andar uss haath ko bilkul wesa hi morph karke bana deta hai jaisa haath aapka hona chahiye. It doesn't matter ki chhuraaya hua haath alag size ka hai. Chota hai ya bada hai. Hafte ke andar morph kar ke woh actual size ka kar deta hai. Totally insane! Bas gender same hona chahiye aur 3 din ke andar hi replace karna hota hai. Warna kaam nahi karega fir woh.

Ye poora fight scene, har ek moment.. proper goosebumps!!! Chaahe wo Veer ka khud par hi Limbo istemaal karna ho ya fir Engine Room mein huyi tabaahi... Chaahe fir wo Cruise ka do hisson mein tootna ho ya fir un sabhi bhediye samaan logon ki maut... Bilkul waisi hi maut huyi un sabki jaisi wo log deserve karte the... Bhayavah!

Aur ek aur baar is kahani mein humen dekhne ko mila ki karmfal har ek ko, kabhi na kabhi to praapt hota hi hai... But obviously, yahi mission mila tha Crimson ko jiske fail hone se 10k points ki penalty use lagi and I think wahin wo haar gaya. Cuz I felt ki ye penalty lagne ke baad uska gussa uspar poori tarah se haawi ho gaya tha aur wo kewal Veer ko maarna chaahta tha, you can say ki uska dimaag shayad kaam karna hi band kar diya tha...

He was in rage. Rage me bhi antar hota hai. Veer ki rage alag hi kism ki hoti hai. Jaha woh rage me jaane ke baad aise state me chala jaata hai ki uska dimaag ulta aur tezzi me kaam karta hai. He will speak minimal and he will deal the maximum damage. Ye uska state ho jaata hai. But Crimson ke saath Aisa nahi tha. He was like a madman trying to kill Veer. That's all.

Iske saath hi do aur hathiyaar saamne aaye Crimson ke - Aquatic Breathing aur Shark Taming Skill... Kya kuchh nahi tha Crimson ke paas? Par fir bhi uski haar huyi... Another message - Yadi mantavya sahi naa ho to maayne nahi rakhta ki vyakti kitna shaktishaali hai, uska patan nischit hai

Yes.

But man, what was that underwater fight sequence!? My god!!! That shit was something else... Crimson ka paani mein saans lena, Veer ko underwater kheenchna taaki use fight mein upper hand mil jaaye, Sharks ka aana, un sabhi logon ka Sharks ka shikaar banna, and then Crimson tamed a shark... As I said Goosebumps.. proper goosebumps!!! Crimson dwara Aquatic Breathing ka istemaal kar H20 ka breakdown karna hi uski maut ka kaaran ban gaya. And as Pari said, Veer is indeed a fucking genius. Literally, Veer's rise has been enormous. The way he has evolved himself into someone who knows how to escape death from inches, is crazy. Easily the greatest protagonist I've read in recent times.

Veer is indeed one of my best works so far.

Rahul still has my heart )...

Rahul toh Dil ke qareeb waala kirdaar hai. But my absolute favourite is...! Aage aayega woh. There's time for him to arrive. Uss kahani ke saare updates chale Gaye mere. Kitna kuch prepare Kiya tha usle liye. Perfection se. Kitne behatreen dialogues ki list taiyaar thi. Kya kuch nahi tha man. Sab gone!

Engine se nikle Diesel ka istemaal kar Veer ne Crimson ko Carbon Dioxide aur Monoxide ke jaal mein aisa fasaya ki fir uski mrityu nischit hi thi. Paramtu Veer ke wo shabd... Jo usne us bench par kahe the unhe sarthak bhi to karna tha... Veer ne Crimson ko bilkul waisi hi maut di jaisa ki usne kaha tha... Naa kabhi kisine dekhi, aur naa suni... He's a man of his words!! Shark ke jabdon mein fans Crimson ke shareer ke do hisse hona was indeed chilling... Aur isi ke saath Veer ke is safar, Baadshah ban ne ke is safar se ek aur obstacle sada - sada ke liye hatt gaya

You won't see a plain story from my side. If it's written by me, then you know what's coming.

But what an insane arc it was! Maine shayad pehle bhi kaha tha, after Slogan & HOK, the story required something unbelievable kinda stuff to maintain it's run towards the skies.. And this arc absolutely delivered that! Crimson as an antagonist has been the best till now in the story and the glimpses of Mr. X and obviously that Psycho Doctor, have given a hint of what way the story is going to take us in near future... Par abhi ke liye as I said, Veer has taken down death, once again!!!

I already said that this arc is special. Because it introduces the readers to the new world of system holders. And this is where the shit gets real.

Saath hi jaisa ki aapne pehle hi bataya tha is arc ne system ke kuchh raaz bhi khole... Ya shayad boht se raaz khol diye... Sarvpratham, Veer aur Crimson ko system tab praapt hua jab dono hi life & death situation mein fanse huye the. Parantu kya Ava ke baare mein aisa kaha jaa sakta hai? Obviously wo aur uski family bhi tab pareshaani mein thi, but it wasn't a life & death situation. Isn't it? :Huh To aise mein System kab jaagrit hota hai host ke andar? Host ka chunaav kaise hota hai? Kya Mr. X hi systems ka rachayita hai? But If I remember correctly Pari, in the beginning said that she's from some other planet... :Hmm Wahin ye bhi spasht ho gaya ki system owners ek - doosre ko check nahi kar sakte, joki mere hisaab se achha hi hai. This way the face-off between Veer and other system holders will be more intense. Between, kya ab Veer Ava ki favourability bhi nahi jaan paayega?

System zaroori nahi ki usi ko mile jo marrne ki kagaar pe ho. Veer Ava ki favourability bilkul check kar sakta hai agar Ava ne camouflage ke zariye fake favourability set na ki ho.

Total 30 systems the, jinmein se 13 ki ab mrityu ho chuki hai (including Crimson). Arthat 17 hi ab bache hain... Veer, Renshu, Ava, Psycho Doctor... In chaaron ke paas system hai ye confirm hai, Mr. X ke baare mein kuchh kaha nahi jaa sakta parantu Renshu ki baat ki usne Veer ki sahayta ki taaki balance banaya jaa sake... 17 bache hain, if we assume ki usmein se 9 Crimson types hain aur baaki 8 wo jinki madad ko Renshu tatpar rehta hai... Tabhi uski baat taarkik lagti hai. Because if Crimson would've killed Veer, tab 10-7 ho jaata, that would've not been balanced for sure. Kitne system holders humen kahani mein dikhenge ye bhi ek sawaal hai, I doubt ki sabhi saamne aayenge but dekhte hain...

Are you taking Renshu's words seriously? Renshu ne agar uss hisaab se Veer ko bachaya hai then use ye bhi pata hona chahiye na ki baaki ke kaun se 8 bure log hai aur kaun 7 acche log hai?

Khair, Crimson ki mrityu ke baad Veer ko naa kewal 10k points mile balki aur bhi kayi behatreen rewards use praapt huye. Par abhi ke liye Veer ke paas kul 9192 points bache hain, I think abhi inhe use to nahi karega wo. Parantu, Aquatic Breathing naamak skill, Probability Manipulation aur Limb Substitution naamak cards ke milne se Veer ka level ab boht oopar jaa chuka hai... Crimson ke shayad sabse behatreen teen hathiyaar the ye, jo ab Veer ke paas hain... Undoubtedly, is poore prakran se Veer ko atyadhik laabh hua hai... Ava ko bhi Healing Factor naamak card praapt hua & I'm sure ye card bhi boht hi khaas hai... Iske pros shayad Chinatown Arc mein hi humen dekhne ko mil jaayenge!

Ava's card description already dikha diya gaya hai. If you can decipher it clearly then you know what there's in the card.

Wahin ab system bhi 9th Level par pahunch gaya hai aur dukh ki baat ye hai ki Pari ki ye personality ab dekhne nahi milegi. Obviously shayad future mein punah laute ye personality par abhi ke liye ek nayi personality humen dekhne milegi, let's see wo kya hogi..

New personality of Pari is again a surprise.

Sweetie bachkar bhaag nikli wahaan se aur ab bachi hai to kahani mein dobara dekhne ko milegi hi... Dekhte hain uski kya bhumika hogi aage chalkar, wo orphan hai aur kewal paison ke liye kaam karti hai, she might prove to do the same things for Veer as she did for Crimson, ya shayad kisi naye antagonist sang mil jaaye wo...

Woh paiso ke liye zaroor kaam karti hai. Bug she stays loyal to you as long as you're providing her money. Crimson ke marrne ke baad bhi usne Crimson ka kaam kiya. She was paid to do that. Warna woh nahi bhi karti toh kaun sa Crimson zinda hoke uss se badla lene wala tha. But she still did it.

It shows that she's loyal. She needs only money. Technically, dekha jaaye toh Sweetie me hi Grace ko maara hai. She sent the message, and that's why that fake nurse guy did his thing.

Khair, ab intezaar rahega agle update mein Veer - Tejal aur Veer - Arohi ki convo ka, Suhana ka bhi intezaar rahega jab use Veer ki khabar milegi, wahin next to next update mein Kaera Ji ke darshan bhi hone waale hain... Means, is roller - coaster ride ke baad in do updates aur Business arc ke chalte kuchh soothing moments humen dekhne milenge...

Business arc sirf love life pe based nahi rahega. It will be very interesting. Business rivals se niptega Veer. Badhiya arc rahega woh bhi.

Chaaron hi updates boht hi khubsurat the bhai. Pehle Maine socha ki Crimson waala sequence poora hone par review doonga par fir last second update ke baad samay hi nahi mila so finally ab review likh paaya... Zyada kuchh lehne ko hai nahi ab, because story ab uss mukaam par pahunch chuki hai jahaan tareef bhi bemaani si ho chuki hai... But kudos to you for all the efforts you've been putting in from so long, to finally make the story shine like the moon amongst all the stars...

Thanks a lot man. I think ye probably ab Tak ka biggest revo hai, jise mein personally dekh raha hu, padh raha hu aur reply bhi kar raha hu. Ise reply karne me hi mujhe 2 hrs lage hai.

Jab readers aise ho, iss qadar apni sameeksha rakhe, toh writer ka dil garden garden ho jaata hai. Motivation deta hu. Aur ju harr baar apne andaaz me harr tareeqe se kahani me ghus ke uske elements dhoondh ke unke baare me apne points rakhte ho. Ye sab padhte hue bada accha mehsoos hota hai.

Din bhar ki thakaan ke baad agar ek aad aisa revo dikh jaaye toh thakaan hi gaayab si ho jaati hai. So once again thanks a lot man for this huge revo.

Outstanding Updates Bhai & Waiting for Next...

Bas! Ab ek antim update bacha hai iss arc ka. Kaera waala. Uss update ke Bina abhi ye arc adhura hai. Uske baad hi ye poorn hoyega. Toh aise hi bane rehne ka. Keep supporting as usual man!

 

[Shanu]

Wonderful update Bhai

 

[Shekhu69]

Bahut badia Lajawab Jabardast update

 

[Tahirtahir111]

Boht Zabardast update

 

[Reza]

Superb update bro...
Waiting for next

 

[jess175]

Mega Update

Update - 149 ~ Reunion​

Ab tak…

Lily apni baat aage kehti ki tabhi Ava ke mann me ek notification aaya jise dekh woh wahi jamm ke reh gayi.

*Ding*

[Grace Martin is dead.]

'N-No!'

Ab aage…

Kaisa mehsoos hota hoga jab zindagi bhar insaan ko gham hi gham milte rahe? Jab aap apne logo ko tadapte dekho, akele pad jao, koi raasta na mile, koi raah na dikhe, koi haath badhaane ke liye aage na ho, koi sahara dene ke liye kandha na ho, koi zakhmo par marham lagane wala na ho, kuch samajh nahi aa raha ho ki kya karna hai, toh kya kare woh insaan aisi zindagi jee ke?

Kaise ubhre iss kasht se? Ava abhi kuch aisi hi sthiti me thi.

“Breaking News - Singer aur actress Natalia Martin, jinhe haal hi me ek kidnapping event se bachaya gaya tha, unki mata Grace Martin ka kal raat lagbhag 9 baje nidhan ho gaya.”

“Reports ke anusaar Grace Martin Paris ke hi hospital me bharti thi. Lagbhag dedh saal se woh coma me thi. Unhe harr sambhav ilaaj diya jaa raha tha. Lekin, kal raatri me unhone apni antim saansein li.”

“Breaking News - Hume abhi abhi khabar lagi hai ki inn sab ke peeche Hospital ki ek bohut badi galti thi. Pata laga hai ki Hospital ki security me kami paayi gayi. Jaanch ke anusaar ye saamne aaya hai ki kisi ne jaan boojh ke Grace ke medical equipments ke saath chhedh-chaadh ki thi jiske chalte Grace Martin apni jaan gawa baithi. Toh kya hai ye sab? Kya koi conspiracy? Ya Natalia Martin ke khilaaf ye koi saazish hai? Koi aapsi dushmani ya fir kisi prakaar ka badla?”

“Jaan’ne ke liye saath bane rahe. Hum aapke liye latest updates laate rahenge. France 24!”

Reporters ka jamawda laga hua tha. Cameras ki shutters ki awaaz aur journalists ke bol chaal se poore shamsaan me shor macha hua tha. Aur inhi sab ke beech-

Ava maun chup chaap baithi hui thi. Uski aankhon ke saamne uski maa Grace ka casket rakha hua tha. Grace, christianity ko belong karti thi. Aur, isliye uska antim sanskaar bhi usi dharm ke anusaar ho raha tha.

Casket ke andar death bed par laiti Grace iss duniya se ab jaa chuki thi. Dedh saal tak zindagi aur maut ke iss sangharsh me woh haar chuki thi. Lekin, fir bhi aisa lag raha tha jaise uske chehre par muskaan thi.

Jaise woh khush thi ki ab uske kaaran uski beti ko aur kasht nahi jhelna padega. Ava ne jiske liye itna sab kiya, ab wahi duniya se jaa chuka tha. Kaisa system? Kaise points? Sab kuch jaise dhara ka dhara reh gaya uske liye.

Ava ke liye toh praanvayu hi uski maa thi. Kaise jiyegi ab woh? Ye daulat, shauharat, paisa, rutba, tarakki. Kiske liye kamayegi ab woh? Kise dikhayegi ye safalta? Jab koi bacha hi nahi uski zindagi me.

Woh shoonya ho chuki thi. Andar se bhi aur baahar se bhi. Itne ant tak woh ladi, lekin haath kya laga? Kuch bhi nahi. Reporters apne news channel ko footage dilwaane me lage the toh wahi aam janta formality nibha rahi thi.

Natalia ke ird gird security bhaari maatra me janta ko uss se dur rakhe hue thi. Dekhte hi dekhte, Grace ke antim sanskaar ki vidhiyaan bhi shuru ho gayi. Aur Ava ke mann me kal ki ghatna flashback ke roop me chalne lagi.

Kal-! Kal use notification aaya tha Death flag ka. Usne Grace ko bhi mark kar ke rakha hua tha. Taaki, apni maa ki zindagi aur maut ki khabar use pal pal milti rahi. Usne kabhi jeevan me nahi socha tha ki system ke zariye use iss khabar ke baare me pata chalega.

Jab tak woh waha pohuchi, tab tak sab kuch samaapt ho chuka tha. Use pata chala ki raat me kisi ne jaan boojh ke uski Maa ke medical equipments hata diye the.

Security camera me check kiya toh pata laga ki koi aadmi tha jo nurse ki uniform me tha. Aur, usi ne iss vardaat ko anjaam diya tha.

Hospital waale bas haath jod Ava ke saamne khade reh gaye. Galti unki security me hui thi. Par, ye sab hua kaise? Aur kaun tha inn sab ke peeche?

Sweetie!!!

Ya yu kahe ki Crimson dwaara nirdesh par amal karne wali Sweetie. Ava ne snipers ko hatwa zaroor liya tha lekin Crimson ne apna ek aadmi hospital ke andar hi nurse ke roop me bheja hua tha.

Uska kaam sirf yahi tha. Grace Martin ke medical equipments hatana. Badi baat ye thi ki woh aadmi ek din nahi balki ussi din se uss hospital me kaam kar raha tha jis din se Crimson ne Grace Martin ko udhar dhoonda tha.

Ava ne baahri khatro ko toh dur kar diya tha. Lekin, hospital me pehle se kaam kar raha woh aadmi uski nazro se bach ke nikal gaya.

Crimson jaanta tha ki Ava use daga degi. Use dhoka degi. Aur, isliye usne woh aadmi pehle se waha lagwa diya tha. Baaki ka kaam toh Sweetie ne kar diya tha.

Cruise me Veer ke hamle se pehle hi Crimson ne Sweetie ko do baatein samjhaayi thi.

“Sweetie! Ho sakta hai mera ye plan bigad jaaye. Isliye, take this-!”

Usne ek chaavi hawa me uchhaalte hue Sweetie ki or feki. Ye motorboat ki chaavi thi.

“Agar kuch gadbad hoti hai, toh iss motor boat ke zariye yaha se nikal jaana. After all, I don’t want you to die here. Right? My Sweetie!?”

Sweetie ne kiya bhi wahi tha. Jab Cruise toot ke bikhar chuka tha toh woh wahi motorboat ke zariye waha se nikalne me qamyab thi.

Ek dusra kaam aur diya tha Crimson ne. Chaavi ke saath saath ek phone bhi Sweetie ke haatho me thamaya tha usne.

“Jab yaha se niklogi. Iska matlab yahi hoga ki plan me gadbadi ho gayi hai. Tab ek kaam aur karna hoga tumhe. Phone ke draft me ek message hai aur ek contact bhi. Uss message ko uss contact par bhej dena. That will be your last work. I can trust you, right?”

“S-Sure!”

“Good!”

Sweetie ka dusra kaam tha Crimson dwaara diye gaye phone se ek contact par message bhejna. Aur uss message me bas ek hi shabd likha hua tha~

KILL!

Jo ki seedha jaake hospital me maujood usi nurse waale behroopiye ko mila. Use toh pata hi tha kya karna hai. Woh baitha hi hua tha Grace ka kaam tamaam karne ke liye. Jald se jald andhere ke baad, raat me apna kaam kar woh waha se faraar ho gaya.

Ava chaah ke bhi apni bhadaas Hospital waalo par nahi nikaal paayi. Woh sab toh system ki duniya se pare the. Kya kar lete woh? Aur kaisi bhadaas? Ab toh use kuch mehsoos bhi nahi ho raha tha. Na gussa, na khushi, na gham, ek murde ki tarah ho gayi thi woh.

Jab inn sab khabro ka silsila chal hi raha tha, toh bhala Ushant ki khabar na mile channel waalo ko aisa kaise ho sakta tha? Itna bada kaand jo hua tha waha.

Ships aksar Island ki orr jaaya karti thi. Swabhavik tha ki yeh khabar sabko pata chalni hi thi.

"Breaking News~ Abhi abhi hume khabar mili hai ki Ushant Island me 50 se upar dead bodies ke tukde paaye gaye hai."

"Sutro se pata laga hai ki Ushant ki orr kisi badi aalishan cruise me 50 se adhik log sawaar the. Ek haadsa hua aur vishal-kaay cruise ko samundar le dooba."

"Haadse ki wajah ko lekar bareeki se jaanch padtaal jaari hai. Khoonkaar sharks ke chalte hi shavo ki ye dasha hui hai. Bodies ko identify karne ka kaam jaari hai. Pata lagte hi sabhi ke parijano ko soochit kiya jayega. Tab tak ke liye, bane rahiye France 24 ke saath."

Tamaam reporters aur news channels bas inhi do news ko dikhaane me lag gaye.

Ek toh Ava ki maa ka dehaant. Aur dusra Ushant.

Veer ke liye mushqile khatam nahi hui thi. Abhi bhi woh janta ki nazro me ek criminal hi tha.

Lekin, kehte hai na jab ek darwaza band hota hai toh dooja khulta hai.

Ava, jisne Veer ko fassaya tha. Ab wahi use iss daldal se nikaal rahi thi.

Dherr saare reporters ke beech mics aur cameras se ghiri hui woh kuch bolne ke liye taiyaar thi.

Reporter 1 : Miss Natalia! Aapki maa ke dehaant ke baare me jaan ke hum sabhi ko behad dukh hai. Par kya aap iske baare me kuch kehna chaahengi? Hospital ko lekar kuch? Jo unse choonk hui?

Ava ke chehre par koi bhaav nazar nahi aa rahe the. Grace ka antim sanskar ho chuka tha. Aur, use dafna ke woh wapas laut chuki thi.

'Speak to me' gaana jo usne khaas apni maa ke liye gaya tha. Sab dhare ke dhare reh gaye. Maa toh kuch bhi sunn na paayi. Na hi kuch jaan paayi. Atyant hi dukhad ant tha yeh.

Ava : Iss baare me mein koi charcha nahi karna chahungi.

Reporter 2 : Aapki baat sahi hai Miss Natalia. Parivar ke sadasyo ko khone ke baad insaan jaldi ubhar nahi paata. Isliye mera sawaal iss se sambandhit nahi hai. Mera sawal hai aapse ki Ushant me jo kuch bhi hua tha kya usko lekar aapko kuch yaad aaya? Koi jankari haath aage lagi aapke?

Ava : Yes! I remember now!

Muh se shabd nikalte hi, reporters sabhi aapas me ek dusre ki orr dekhne lage. Ek badi khabar unke haath lagne waali thi.

Ava : I remember each and every thing. Uske liye hi mein ye conference ke liye raazi hui hu.

Reporter 2 : Ye toh bohut acchi baat hai! Kya aap bata sakti hai kya yaad aaya hai aapko?

Ava (nods) : Hmm! DGSI se bohut badi galti hui hai.

Statement nikalte hi, TV dekh rahe DGSI ke saare team members ke maathe par paseene ki boonde jhalakne lagi.

Itni badi agency thi woh. Sare aam koi unpe aarop laga raha tha. Kintu, aarop sahi bhi tha. Janta ko kya muh dikhayenge ab woh? Tamaam sawaalo se saare team members joojh rahe the.

Aur inhi me unke Head Xavier athwa Chris, Terashima se leke Andre sab shaamil the.

Iss raat Ava ka ye interview bohut saare raazo par se parda hataane waala tha.

Terashima : Dekha? Dekha aap sab ne? Mene kaha tha na ki humse zaroor koi galti hui hai. Woh-! Woh ladka! Woh ladka criminal nahi tha.

Andre : This is bad. Pata nahi ab hum ise handle kaise karenge.

Chris : Miss Natalia ka poora interview hone ke baad hi kuch clues milenge. Dekhte hai hume koi trail milti hai ya nahi iss se.

Xavier apne staff ki baatein sunn zaroor rahe the lekin unka poora dhyaan TV par hi tha.

Reporter 1 : Kya matlab? DGSI se galti? Kaisi galti?

Ava : DGSI ne jise criminal ke roop me pesh kiya hai. Woh darasal koi criminal hai hi nahi balki woh toh ek sadharan ladka hai.

Ava ke harr uttar logo ke beech aur bhi zyada confusion paida kar rahe the. Ek ke baad ek jhatke lag rahe the unhe.

Idhar DSGI me bhi Ava ke statement ke baad sab spasht ho chuka tha.

Chris : Lo! Ho gaya kaam! Ab kya karna hai Sir?

Xavier (frowns) : Shh! Keep watching!

Reporter 2 : Ye aap kaise keh sakti hai? DGSI hamaare France ki badi security agencies me se ek hai. Woh itni badi galti kaise kar sakte hai?

Ava : Ye sawaal aap unse hi kyu nahi poochte? DGSI se bohut badi galti hui hai. Ek nirdosh ko unn logo ne maut ke muh me dhakela hai. Aur itna hi nahi, balki use criminal bhi ghoshit kar diya.

Reporter 1 : Aap aisa kaise keh sakti hai? Kya saboot hai aapke paas?

Ava : Saboot? Kya mera yeh kehna saboot nahi? Woh ladka-! Jise DGSI ne Criminal bana ke rakha hua hai. Woh toh meri jaan bachaane waha aaya tha. Aur asli criminal toh koi aur hi tha.

Reporter 2 : What?

Ava ke ye sab bolte hi waha logo ki khusur pusur shuru ho gayi. Agar asli criminal koi aur tha toh abhi tak DGSI kise pakad rahi thi?

Ava : Asli criminal toh ye tha-!

Ava ne agle hi pal apni mobile screen par Crimson ki ek tasveer dikha di. Chaaro orr shor fel gaya.

Aur udhar TV par sab dekh rahi DGSI ki team ke hosh hi udd gaye.

Terashima : Ye kaun hai? Mene ise pehle kabhi nahi dekha.

Chris : Lekin, Miss Natalia keh rahi hai toh baat sach hi hogi. Sir! Hume private me Miss Natalia se baat cheet karni hogi.

Xavier : Hmm!

Reporter 1 : Ye aadmi kaun hai? Kya aap bata sakti hai?

Ava : Yahi toh hai harr hamle ke peeche. Ushant se leke woh rocket launcher blast. Issi ne mujhe kidnap kiya tha.

Reporter 2 : Toh ye baat aapne pehle kyu nahi batayi? Hume sutro se pata chala hai ki jab woh ladka execute kiya gaya toh aap waha maujood thi. Toh tab aapne ye sab kyu nahi roka? Aur bataya kyu nahi?

Ava : Mein uss haalat me nahi thi. Aur, woh ladka ghayal tha. Khoon se sana hua tha. Mein use pehchaan na paayi. Jiska mujhe khed hai. Lekin, woh sahi salamat hai. Mujhe poora yakeen hai ki ye insaan jisne mujhe kidnap kiya tha, yahi harr problem ki jadd hai.

Crimson ki photo release hote hi public me nayi sansani si mach gayi.

Xavier : Chris! Miss Natalia se milne ke liye hum abhi nikal rahe hai.

Chris : Yes Sir!

Ava ne apne statements de diye the. Dekhte hi dekhte waha DGSI bhi pohuch gayi. Aur tamaam janta ke beech unhe dherr saare sawaalo se gher liya gaya.

Reporter 1 : Janta jaan'na chaahti hai ki kya Singer Natalia ne jo kuch bhi abhi kaha. Kya woh sach hai? Kya DGSI apne kaam me fail ho gayi hai?

Xavier : Dekhiye! Chhaan been jaari hai. Aur ye baat sach hai. Mujhe bataate hue khed ho raha hai ki hum sabhi ek masterplanka shikaar ho gaye the. Jiske chalte uss nirdosh ko apni jaan gawani padi. Aur asli mujrim hamari pakad se nikal ke bhaag gaya.

Xavier ne ye kaha hi tha ki poori janta waha ki bhadak uthi. Ye mazaak chal raha tha kya?

Ava : Woh ladka zinda hai. Sahi salamat hai.

Xavier : Huh?

Terashima : W-Woh zinda hai?

Ava (nods) : Hmm! xxxxxx hospital se mujhe call aaya tha. Kisi ne use bachaya tha aur hospital me admit karwa diya tha. Chunki woh mere liye waha aaya tha isliye hosh aane par usne mera hi naam liya aur hospital ne isliye fir mujhe call kiya. Wo recover kar chuka hai. Lekin, aam janta ke beech kaise aaye? Ek nirdosh par aap sabne itne warrants jo jaari kar rakhe hai.

Ava ne bade hi chalaaki se saari sachhaayi ko ghuma diya. Ye karna aavashyak bhi tha.

Xavier : Kya aap uss ladke se contact me ho?

Ava : Hmm? Bilkul! Woh meri jaan bachane ke liye aaya tha. Aur aap sabne asli mujrim ko chhor use hi execute kar diya?

Xavier (frowns) : Magar-! Woh uska chopper? Ushant me uska surrender na karna? Ye sab kya tha?

Ava : Uss baare me mein nahi jaanti. Lekin, itna zaroor jaanti hu ki woh nirdosh hai aur apne parivaar se milne ke liye betaab hai. Asli criminal ye screen par maujood insaan hai. Isne mujhe kidnap kiya tha. Yahi tha jo gangs ko orders de raha tha.

Xavier (nods) : Hum thoda aur spasht kar le aur uske baad saare warrants hata diye jayenge. Iske saath hi iss photo waale aadmi ki chhaan been bhi jaari ho jayegi. I hope that is fine with you?

Ava : Alright!

Samjhauta ho chuka tha. DGSI ko unki bhool ka ehsaas ho gaya tha. Higher authorities se bhi unn par pressure badh raha tha. Isliye, jald se jald saare arrest warrants ko aur Veer ki execution ki news ko saari media se hata diya gaya.

Balki, ulta uski bahaduri bhare karnaamo ki news chalne lagi. Samachaar me ye bataya jaane laga ki Veer naamak ladka Ava ki jaan bachaane ke liye itni dur tak gaya tha jaha woh kisi masterplan ka shikaar hoke ghayal ho gaya.

Crimson ki photo saari news media me release kar di gayi. Logo ko jab ye samajh aaya ki asli maajra kya tha toh unhe Veer ka samarthan karne me derr nahi lagi.

Ava ke fans wese hi uski baato par yakeen kar liye the. Dekhte hi dekhte saari janta Crimson ki maang karne lagi. Aur Veer ki veerta ko saraahne lagi.

Veer jo chhipe baithe saari news dekh raha tha use khud kayi nayi nayi baatein pata chal rahi thi.

'Ava's mom-!? She passed away?'

Woh bura bhala keh ke Ava ko Island par chhor ke aaya tha. Kahi na kahi Ava ki maa ki mrityu ka use bhi dukh tha.

Magar ye samay shok jataane ka nahi tha. Samay tha yaha se nikalne ka.

DGSI se uski baat ho chuki thi. Sab kuch Ava ne karwaya tha. DGSI abhi iss shaq me thi ki woh chopper kiska tha? Aur Veer itni jaldi recover kaise ho gaya? Saath hi uska surrender na karna.

Ye kuch sawaal the jo unhe sataa rahe the. Isliye, Veer se aamne saamne baat karne ki unhone thaani.

*Tococococococo*

Helicopter ke neeche aate hi, uske andar se Veer baahar aaya.

Sab kuch news me prakaashit kiya jaa raha tha.

Hotel me maujood Tejal, Bhavna, Arohi aur Manorath ne jab ye khabar dekhi toh jaise unki khushi ka thikana na raha. Itne dino baad woh sabhi use dekh rahe the. Unke bhaavo ko shabdo me bayaa karna mushqil tha.

Tejal : M-Mom!

Khabar dekhte hi Tej apni jagah se uth khadi hui.

Bhavna : Tej! Jaldi! Chalo!

Bhavna kisi hawa ke jhonke ki tarah saree pehne pehne hi room se baahar nikal gayi.

Tejal : R-Right! Wait! Mom!

Aur Tej uske peeche peeche daud ke chal di.

Arohi : Dada jii! Chaliye!

Manorath : Haan bhai haan! Chalo chalo!

Idhar Arohi ne Manorath ko kamre ke baahar nikaal, kamra lock kiya aur unhe apne sang laate hue neeche aa gayi.

Unn sabhi ki manzil Veer ki location hi thi jo unhe news se mil chuki thi. Cab book karte hi woh sabhi waha se chal diye.

Par wahi bas nahi the. Ek aur aalishaan hotel me maujood ek ladki gumsum si baithi hui thi. Aur, uske theek saamne ek aurat khadi thi.

Woh koi aur nahi, Ashita hi thi. Aur saamne baithi ladki ~



Suhana!

Ashita : Akhir kab tak hum iss tarah hotel me rahenge? Huh?

Suhana : Why are you here? I told you to leave me alone!

Ashita : Ye sab kya laga rakha hai Suhana? Tumhare husband ka phone pichle 2 dino me 12 baar aa chuka hai. Agar mein pick karungi to tumhari saari pol khul jayegi. Sabko lata lag jayega ki tumhe split personality disorder hai.

Suhana : Prakash Uncle hai uske liye.

Ashita : And thank god that he's here. Warna agar woh na ho toh pata nahi mein tumhe kaise handle karungi. Tumhare husband ko jawaab tab se wahi de rahe hai. Lekin, mujhe lagta nahi woh ab zyada derr tak hold kar payenge ye sab.

Suhana : H-He-! He will manage. I believe in him.

Suhana ki haalat dekh, Ashita ka dil paseej utha. Woh ahista se uske bagal se aake baithi aur uska haath thaam kuch sochi,

'Agar mene iss baat ko abhi nahi rakha, toh shayad aage jaake ye aur nuksan-dayak hogi. Suhana ko mujhe realise karwana hoga. I know ye sahi state nahi hai inn sab baato ko jaan'ne ka. Lekin, mein aur derr nahi kar sakti. I'm sorry Suhana.'

Ashita : Suhana!?

Suhana : …

Ashita : Suhana???

Suhana : Ungh??

Ashita : Mujhe tumse kuch zaroori baat karni hai.

Suhana : O-Ohh!

Ashita (sighs) : Suhana! Tumhe pyaar ho gaya hai!

Aur usne keh diya. Seedhe seedhe!

Suhana : Hmm?

Ashita : Mujhe nahi pata ye pyaar ka beej tumhare andar kab boya gaya lekin, beej ankurit ho chuka hai Suhana. Usne paudhe ka roop lena shuru kar diya hai. Aur, mujhe darr hai ki kahi ye bada sa vraksh na bann jaaye. Agar aisa hua toh fir ye reversible nahi hoga. Fir tum pyaar ke daldal me fass jaogi Suhana!

Woh sab kuch sahi keh rahi thi. Parantu, Suhana uss haalat me thi hi nahi jaha woh inn pechida baato ko samajh sake. Woh toh Ashita ko aise dekh rahi thi ki jaise maano raah chalte kisi paagal insaan ko dekh rahi ho.

Suhana ne Ashita ka maatha chhua aur fir use waqai chintit nazro se dekhi,

Suhana : Kaun sa ped? Kaisa paudha? Kaha ka beej? Ashita! Tumhari tabiyat theek hai na? Should I take you to a doctor? Don't worry! I won't charge you for that.

Ashita : Ohh! God!!! This fucking stupid-!!! Aarrrghhh! Mera sarr fatt jayega. Calm down! Calm down! Suhana abhi calmly nahi soch rahi. Yes! She's not like her usual self. Tumhe dheere dheere aage badhna padega. Yes! Phew! Okay! So, meri baat suno Suhana.

Suhana (nods) : Uhh-huh! Mein sunn rahi hu!

Ashita : No! You are not listening you fucking stupid-!!! Argh!! Mein firse frustrate ho gayi. Calm down! Calm down! Ashita! Phew!

Suhana (frowns) : Are you really okay?

Ashita (screams) : Yesss! I'm fucking okay! But you are not you idiot-! Urgh! Anyways! Meri baat suno! Tumhe uss ladke se pyaar ho gaya hai. Do you understand?? Are you getting what I'm saying????

Suhana : Huh?

Ashita : Tumhe uss Veer naam ke ladke se pyaar ho gaya hai. Lekin, use bhul jao kyuki woh ab iss duniya se-

Woh abhi apni baat poori kehti ki tabhi room ka darwaza dhadalle se khula aur Prakash Uncle andar aake tapaak se bol pade,

"W-Woh Veer zinda hai! Miss Suhana! News dekhiye!"

Ashita : Ehh?

Ashita jaha confused reh gayi toh wahi Suhana tezzi me apne bistar se uth baahar room me aayi aur uski nazre seedhe TV par jaake tik gayi.

Khabar Veer ki hi chal rahi thi. Uska woh chehra, logo ke beech ghire hona, security ka uske liye jagah banaana.

Woh sab kuch apni aankhon se dekh paa rahi thi. Na jaane kya hua use jo woh seedha baahar ko apni car ki orr bhaag nikli.

Ashita : S-Suhana??? Wait!!!

Prakash Uncle : Lagta hai Miss issi news channel waali location par gayi hai.

Ashita : Aur aap…!

Prakash Uncle : Hmm?

Ashita : Uncle aap ko kya zaroorat thi ekdum se kisi ke kamre me aane ki. Do ladies andar baat kar rahi thi aur aap ho ki-

Prakash Uncle : Arrey mein woh- mein toh soochna dene aaya tha bas.

Ashita : De di soochna? Nikal gayi na woh. Ab chaliye!

Prakash Uncle : Bilkul! Abhi car laaya.

Suhana ke theek peeche Prakash Uncle Ashita ko leke bhi usi pate par chal diye.

***

Idhar Veer chaaro taraf se ghira hua tha. Adhiktar janta uska samarthan kar rahi thi. Parantu, kuch abhi bhi the jo bataayi gayi baato ka asaani se yakeen nahi kar rahe the. Nayi sacchayi ka khandan karne me lage hue the.

Sawaalo par sawaal Veer se reporters puchte jaa rahe the. Kintu, woh ek ka bhi jawaab dene ke liye nahi ruka.

Veer ke liye security iss waqt behad high thi aur woh log apna kaam poori mehnat se kar rahe the. Na jaane kab uspe kaun hamla kar de. Maamla poori tarah se shaant nahi hua tha.

Uske thoda aage badhte hi DGSI ki team uske saamne thi. Kisi jeeti jaagti hassti ke samaan prateet ho raha tha woh iss waqt.

DGSI ne uske aate hi apni kaaryavaahi shuru kar di. Terashima se leke sabhi upasthit the.

Aur ye jald hi siddh bhi ho gaya ki-

Veer!!! Criminal nahi tha.

Saare arrest warrants uss par se hatt gaye. Yaha tak ki DGSI ki orr se use maafi ke roop me kuch dhan raashi bhi uplabdh ho chuki thi.

Crimson aur Ushant ko leke tehqiqaat bhi shuru ho gayi. Aur, Veer ka jise sabse zyada intezaar tha. Woh pal bhi aa hi gaya.

"Veeeeeeeeeeerrrr!!!!"

Ek jaani pehchaani awaaz, jise sunn'ne ke liye woh kabse tadap raha tha. Jaha usne umeed hi chorr di thi ki woh ab ye awaaz kabhi nahi sunn payega.

Ye wahi awaaz thi.

Awaaz thi Bhavna ki! Uski maa ki!

Par awaaz ki goonj abhi khatam nahi hui thi jab ek aur awaaz waha uske kaano me goonj gayi,

"Veeeeeeerr!!"

Aur iss awaaz se bhi woh bhali bhaati parichit tha. Agar koi aam insaan hota, toh itne shor me inn awaazo ko sunn nahi paata. Magar, Veer ek system holder tha-! Uske senses aam insaano ke muqaable kahi zyada tha.

Ye awaaz thi Tejal ki!

Parantu, woh logo ke beech ghira hua tha. Nikle kaise inn logo ke beech se?

Jab woh inn soch vichaar me laga hua tha tabhi ek haath bheed me aage badha aur uski kalaayi ko thaama.

'Hmm?'

Jab tak woh kuch soch paata, ek zorr ke khichaav ne use bheed se ghaseetate hue baahar nikaala.

Logo ke gol ghere ko tod woh baahar nikal khichaav ke chalte ek ladki se jaa bhida. Bhidna bhi nahi kahenge. Ye toh milan tha.

Aankhein jab chaar hui toh Veer unn naino ko dekhte hi pehchaan gaya.

Arohi!!!

Dono kuch shano tak ek dusre ki aankhon me hi kho gaye. Paristhiti kitni hi jatil kyu na ho, Arohi hamesha unn sthitiyo me saralta se apna raasta khoj liya karti thi. Aaj bhi wahi hua.

Usne badi hi asaani se Veer ko bheed se baahar nikal liya tha. Woh baat alag thi ki ab ek naya ghera bann'ne jaa raha tha.

Arohi : V-Veer!

Veer : Arohi dii!?

Dono aage kuch keh paate ki tabhi Veer ke upar koi lapka. Security sachet hui magar unse derri ho gayi. Ucchalne wala shaks behad tezz tha.

Zorr ka jhatka Veer ko apni chhaathi pe mehsoos hua aur agle hi shan woh neeche zameen pe tha. Uske upar ek bhaar bhi tha.

Khushboo ne naak me jaise hi apni haazri lagayi. Veer sab samajh gaya.

Veer : Teju dii???

Tej uske upar use zorr se jakde hue thi. Shirt par uski pakad itni mazboot thi ki lag raha tha kahi shirt hi na faad de woh.

Tej uss badan se wahi khushboo lene ka prayaas kar rahi thi. Magar woh kahi maujood hi nahi thi. Kaise milti Veer ki wahi shareerik sugandh? Veer Crimson ko maar ke khoon aur samudra ke namkeen paani se sann'ne ke baad nayi shirt me aa chuka tha. Uski khaas sugandh toh ghar par hi padi hui thi. Wahi Suhana ke dwara diya gaya Las Vegas wala perfume.

Fir bhi, iss chhaathi se lagne maatr se Tej ki jaise saari chintaaye gayab ho gayi.

Woh dono ye bhul chuke the ki unhe saare news channels me darshaya jaa raha tha. Kuch derr yu hi uske upar chadhe rehne ke baad Tej ne haule se apna sarr uthaya aur use dekha,

Aankhein dekhte hi Veer bhaanp chuka tha ki ye khubsoorat aankhein kayi raato se uski talaash me pehra di hai. Naino ke neeche kam sone se woh kaalapann, Tej ki atalta ko toh darsha hi raha tha par saath hi kahi na kahi uski sundarta me bhi chaar chaand laga raha tha.

Ek ajeeb sa aakarshan tha ye.

Veer (smiles) : I'm okay!

Tej (nods) : Mmm~

Veer : Umm! Aap uthengi? Aas paas sab hume hi dekh rahe hai.

Tej : Dekhne do!

Veer : Teju dii!

Tej : ...

Veer : Teju dii! Please! Uthiye na! Jee bhar ke gale lag lena. Mene maa ki bhi awaaz suni. Kya unse nahi milne dogi aap?

Bhavna ka zikr aate hi iss baar Tej uske upar se uth gayi. Lekin, uthne se pehle woh apne Bhai ke gaal ko choomna nahi bhuli. Veer se uski pakad chhoothate hi use kisi aur ne apne aalingan me le liya.

Mazbooti me ye pakad uski apni pakad se bilkul bhi peeche nahi thi.

Veer apni maa, Bhavna ki baaho me tha.

Veer : Maa!

Bhavna ne pehle toh use kass ke jakde rakha. Uske baad turant hi sabse pehle uske shareer ka jayza liya. Aage peeche, upar neeche. Jab sab sunishchit ho gaya toh uska haath apne aap hi Veer ki shirt ke andar gaya aur uske pendant ko tatola.

Haath me pendant aate hi Bhavna ne ek raahat ki saans li. Uske baad apne bete ke haath ko upar kar usne uski kalaayi dekhi.

Veer ki kalaayi me woh kaala dhaaga abhi bhi bandha hua tha. Bhavna ne khud hi uske jaane se pehle ye baandha tha.

Kaale dhaage me darasal kuch bhi nahi tha. Woh koi jaaduyi dhaaga nahi tha. Lekin, Bhavna ka atal vishvaas tha usme. Aur, yeh kaafi tha uske liye.

Sab kuch jaanch lene ke baad fir usne apne bete ke mukh ko dekha. Wahi bhar nahi thi. Dur khadi Ava bhi sab kuch dekh rahi thi.

Jaha usne apni maa ko khoya tha toh wahi uski nazro ke saamne ek maa bete aapas me mil rahe the. Unke milan ko dekh, uske honth pal bhar ke liye upar ko uth gaye. Par unn aankhon me atyant dukhdayi peeda ki ek parat chadhi hui thi.

Ye pehli baar tha, jab saare cameras Veer ke upar focused the. Na ki khyaati praapt ki mahaan singer Natalia ke upar.

Aur, inhi shor sharaabe ke beech Ava ke qadam dheere dheere peeche ko chal diye. Woh janta ki nazro se kab gaayab ho gayi, kisi ko kuch pata hi nahi chala.

Idhar Bhavna Veer ko thaame use ghoorne me lagi thi.

Bhavna : Mein toh pehle din hi bhaanp gayi thi ki tu mujhse jhooth bol ke gaya hai.

Hamesha apne bete ko 'tum' keh ke pukaarne waali Bhavna ke muh se aaj apne aap hi 'tu' shabd nikal aaya.

Ye 'tu' shabd apnepann ko darshane ke liye tha. Bekaraari ko darshane ke liye tha. Jaise woh batlana chaah rahi thi ki uska baccha kidhar bhi kyu na chala jaaye, kitne hi meel dur kyu na bichad jaaye, rahega hamesha uske aanchal ki chhaav me hi.

Veer sirf uska tha. 'Tu' shabd saral maayno me yahi darsha raha tha. Woh jaanti thi ki uska laadla uss se jhooth bol ke gaya tha.

Veer : Aur mein bhi ye jaanta tha ki aap ye jaan gayi ho ki mein aap se jhooth bol raha hu.

Bhavna : Uske baad bhi tum jhooth bol ke gaye?

Veer badle me bas muskura diya.

Bhavna : Ek ek baat bataoge tum.

Veer (smiles) : Jaisi aapki aagya!

Bhavna ne punah use apne gale se laga liya.

*Badump* *Badump*

Uske seene se lage unn dhadkano ko sunn, apne aap hi uski aankhein bheeg uthi. Woh zinda tha. Sahi salamat tha. Iss se badi baat uske liye aur kuch nahi thi.

Bhavna ko sambhaalte hue Veer ne use Tej ke sahaare khada karwaya. Aur, Manorath ne bhi tabhi aage badh apne pote ko gale se laga liya.

Veer : Dada jii!? Aap yaha kyu aaye? Khamakha taqleef uthayi!

Manorath : Ab tu mera baap bann gaya? Hmm? Arre Bhai mera pota jab gaayab ho, uss se koi sampark nahi bann paa raha ho, toh sab ko chinta toh hoyegi hi na? Mein ghar pe kaise baith sakta hu?

Arohi : Jab se tumhara call lagna band hua tha. Tab se hi hum sab tension me the. Tumhe bohut se questions ke answers dene hai.

Veer (smiles) : Right!

Manorath : Chalo bhai! Ab jald se jald yaha se ghar chalo. Aur Arohi bitiya theek keh rahi hai. Prashno ki list taiyaar rakhi hai iss Tejal bitiya ne toh-!

Veer apne parivaar se bharat milaap me laga tha aur media ek ek pal record kar rahi thi. Saath hi DGSI waalo ka yakeen aur mazboot ho chuka tha ki Veer koi criminal nahi.

Bharat se uska parivaar aaya hua tha. Ye ek sharm ki baat thi unke liye ki baahar se aaye athiti ke saath unn sabne aisa vyavhaar kiya.

Veer ko laga tha ki usne sabhi log se mil liya. Lekin, use zara bhi andaza nahi tha ki use ye awaaz bhi yaha sunaayi degi.

"M-Move aside!!"

"J-Just a minute! Step aside-!!! P-Please!"

Awaaz sunte hi Veer ki dhadkane tezz ho gayi. Bauhe kass uthi. Uska sarr idhar udhar mud uss shaks ki talaash me lag gaya.

Woh ek jhatke me logo ke ghere se baahar nikla. Bhavna, Tej, Arohi aur Manorath sabhi use prashn bhari nazro se dekh rahe the.

Magar, Veer na ruka.

Logo ko idhar udhar kar woh jaise hi baahar nikla...




Waqt jaise tham gaya.

"Suhana!?"

Woh ye jaanta tha ki Suhana ne uski madad ke liye chopper bheja tha. Magar usne sapne me bhi ye umeed nahi ki thi woh khud yaha tak aayi thi.

Woh toh hospital me thi na? Uski chot ka kya? Tamaam sawaal Veer ke mann me use dekhte hi uth khade hue.

Par dono ke beech ek ajeeb si khamoshi chhaayi hui thi. Dono ke hi mukh adhkhule the. Aur iss chuppi ko Veer ne hi toda,

Veer : Miss Suhana!? Aap yaha?

Par Suhana jaise kisi aur hi duniya me jaa chuki thi. Veer se milne ki ajeeb si dhun use sawaar thi. Aur ab jab woh saamne tha toh use kuch samajh hi nahi aa raha tha ki kya kare. Woh bas chup-chaap yu hi khadi rahi. Aur fir turant hi...!

Uske aansu chhalak uthe.




*Click* *Click*

Cameras ki shutters ki awaaz jab uske kaano me zorr se padi toh use hosh aaya. Ye kya kar rahi thi woh? Use ehsaas hua ki woh khabar me aa rahi thi.

Na jaane kitne log ise dekh rahe honge. Yaha tak ki uska husband bhi dekh sakta tha ye sab. Woh kaise itni badi bhul kar gayi?

Iss baat ka bodh hote hi darr ke maare uske qadam peeche ho gaye. Woh jhatse mudi aur aage badhi hi thi ki-

*Badump*

Laga jaise dil ne ek dhadkan phaand li. Do mazboot haath uski kamar par bandhe use jakde hue the.

"W-Wait!"

Veer ki awaaz theek uske daaye kaan me padi. Suhana ki saansein tezz ho uthi.

Ye woh kya kar rahi thi? Nahi! Ye sab kaise ho gaya uss se? Woh baad me bhi toh mil sakti thi. Itni bekaraar kaise ho gayi woh? Milne ke liye itna bechain kyu thi woh?

Kuch samajh nahi aa raha tha uski. Jab ek message ne uske dimaag ke saare taaro ko jod sab spasht kar diya.

*Buzz*

Mobile vibrate hua. Suhana ne haath me pakda mobile kaanpte hue haatho se mod uski screen par message dekha.

Message Ashita ka tha.

Aur saaf saaf bas yahi likha hua tha~

"Dear! You have fallen in love with him."

Padhte hi Suhana ki aankhein achambhav ke maare fel gayi.

Veer ka haath tab tak uski peeth par komalta sa firr raha tha.

Veer : You recovered!? Tell me...! Kyu aayi aap yaha? Kyu kiya mere liye itna? Mujhe bohut saare sawaalo ke jawaab aap se-

Magar uski baatein adhuri reh gayi jab Suhana ne khud ko uski pakad se chhuraaya aur woh ghabraate hue daud ke waha se nikal gayi.




Veer : N-No!!! W-Wait! Miss Suhaaaana!!!?

Logo ne fir use gher liya. Suhana...! Uski nazro se ojhal ho gayi.

***

Crimson ke ant ke baad sab kuch shaant sa ho gaya tha. Veer aur anya ghar waapsi ke liye flight me baith chuke the.

Magar, Paris me idhar dur countryside ke pahaadi ilaake me ek choti par ek ladki, uchaayi se neeche dekh rahi thi.

Uske baal ahista ahista maddham hawa me lehra rahe the. Aankhon me bas niraasha hi thi. Sundar se mukh me kahi koi josh nahi, chehra kehne ko toh khubsoorat tha magar chamak jaise gaayab thi.

Agle hi pal uska perr choti ke chhor par aaya aur woh uski kagaar par khadi ho gayi.

[W-Wait!!! What are you doing?]

Uske mann me ek awaaz aayi. Par woh koi jawaab nahi de rahi thi.

[D-Dear! Stop it! What the hell are you doing? H-Hey don't scare me! Please!]

Woh awaaz vyakul thi. Ladki ne fir ahista se apne mann me uss awaaz ko jawaab diya.

'There's nothing left now! I must go as
well! Lily...!'

[W-Wait!! N-Noooooo!]

Aur usne apna perr aage badha diya.

[Noooooooooooooo!!!!!]
.
.
.
.
.
.
.
.
Aaj ke liye itna hi guys.
Mujhe nahi lagta iss se zyada pareshani mujhe kabhi kisi update ko likhne me gayi hogi. Ye update mujhe yaad rahega. Kitne kasht jhelne pade hai ise taiyaar karne me. Update ke post time dekh ke andaza laga sakte ho aap sab. Also, yes! My mobile is gone. Previous data bohut kuch jaa chuka hai. This update is actually around 6.1k words. Yes! Ye mega update hai. Toh Dil se like thok ke jaane ka. Target wahi hai apna. 150. Aur revos rakhne ka.
Dhanyavaad.

Bura laga ki itni pareshani ka saamna krna pada phone ki wajah se bhaya. My condolences

Emotional update Ava ke sath bhi achcha nahi hua akeli ho gyi bechaari she is beautiful person last mei toh saans hee atak gayi (wtf is she doing)
Suhana ki manosthiti dekhkar toh boht dukh hua kaha vo itni samajhdaar jo pagal si ho gyi ek kal aaye ladke ke liye she is above the trinity for me. Galti bhi kar di usne ab dekho iske consequences kya honge ya honge bhi?
Veer ke charges toh clear ho gye aur Ava ki madad uski achchayi dikhati hai.
Family se milna toh boht achcha laga unhe bhi pta lag gya hoga ki Veer ke sath kuch toh bura hua hai uski huliya bhi toh kharab hoga fight ke baad se. Sabne sawalo ke javab mangne ki baat ki hai. Tej ne toh dara hee diya ki ye kon nayi musibat aa gyi
Bhawna ka locket ko check krna( naam yaad nahi aa raha uska) ye dikhata hai ki usko bhi boht kuch pta hai uske baare mei ki. Tumne ek baar kaha tha ki locket manhoos hai nikalne ke baad banda mar jaata hai toh kya pta lucky bhi ho ki agar sath rahe toh marne bhi nhi dega.
Business arc mei Veer obviously business karega sab jante hai ki jisme Veer ki ruchi hai usme advertising bhi lagti hai aur abhi-abhi itni badi celebrity se vasta pada hai toh ye baat khaali toh nahi jaani chahiye baaki Aadam bhediya sir ki marzi
France mei boht se log maan gaye ki Veer begunah hai par abhi bhi kaafi log honge ki jinhe ye sab jhuth lag rha hoga aur ye lagana bhi chahiye bhai hadsa boht bada hua tha.
Bhaya Veer ke ghar jaane se pehle kisi ko bhul mat jana yaha par, pata nahi usne kya socha hoga Veer ke baare mei news wagers dekhkar Reply zarur kijiyega
Awesome story

 

[ASH@7]

Awesome update

 

[Arvind Sharma]

nice update but vary sad for ava and suhana

 

[dododo]

Mega Update

Update - 149 ~ Reunion​

Ab tak…

Lily apni baat aage kehti ki tabhi Ava ke mann me ek notification aaya jise dekh woh wahi jamm ke reh gayi.

*Ding*

[Grace Martin is dead.]

'N-No!'

Ab aage…

Kaisa mehsoos hota hoga jab zindagi bhar insaan ko gham hi gham milte rahe? Jab aap apne logo ko tadapte dekho, akele pad jao, koi raasta na mile, koi raah na dikhe, koi haath badhaane ke liye aage na ho, koi sahara dene ke liye kandha na ho, koi zakhmo par marham lagane wala na ho, kuch samajh nahi aa raha ho ki kya karna hai, toh kya kare woh insaan aisi zindagi jee ke?

Kaise ubhre iss kasht se? Ava abhi kuch aisi hi sthiti me thi.

“Breaking News - Singer aur actress Natalia Martin, jinhe haal hi me ek kidnapping event se bachaya gaya tha, unki mata Grace Martin ka kal raat lagbhag 9 baje nidhan ho gaya.”

“Reports ke anusaar Grace Martin Paris ke hi hospital me bharti thi. Lagbhag dedh saal se woh coma me thi. Unhe harr sambhav ilaaj diya jaa raha tha. Lekin, kal raatri me unhone apni antim saansein li.”

“Breaking News - Hume abhi abhi khabar lagi hai ki inn sab ke peeche Hospital ki ek bohut badi galti thi. Pata laga hai ki Hospital ki security me kami paayi gayi. Jaanch ke anusaar ye saamne aaya hai ki kisi ne jaan boojh ke Grace ke medical equipments ke saath chhedh-chaadh ki thi jiske chalte Grace Martin apni jaan gawa baithi. Toh kya hai ye sab? Kya koi conspiracy? Ya Natalia Martin ke khilaaf ye koi saazish hai? Koi aapsi dushmani ya fir kisi prakaar ka badla?”

“Jaan’ne ke liye saath bane rahe. Hum aapke liye latest updates laate rahenge. France 24!”

Reporters ka jamawda laga hua tha. Cameras ki shutters ki awaaz aur journalists ke bol chaal se poore shamsaan me shor macha hua tha. Aur inhi sab ke beech-

Ava maun chup chaap baithi hui thi. Uski aankhon ke saamne uski maa Grace ka casket rakha hua tha. Grace, christianity ko belong karti thi. Aur, isliye uska antim sanskaar bhi usi dharm ke anusaar ho raha tha.

Casket ke andar death bed par laiti Grace iss duniya se ab jaa chuki thi. Dedh saal tak zindagi aur maut ke iss sangharsh me woh haar chuki thi. Lekin, fir bhi aisa lag raha tha jaise uske chehre par muskaan thi.

Jaise woh khush thi ki ab uske kaaran uski beti ko aur kasht nahi jhelna padega. Ava ne jiske liye itna sab kiya, ab wahi duniya se jaa chuka tha. Kaisa system? Kaise points? Sab kuch jaise dhara ka dhara reh gaya uske liye.

Ava ke liye toh praanvayu hi uski maa thi. Kaise jiyegi ab woh? Ye daulat, shauharat, paisa, rutba, tarakki. Kiske liye kamayegi ab woh? Kise dikhayegi ye safalta? Jab koi bacha hi nahi uski zindagi me.

Woh shoonya ho chuki thi. Andar se bhi aur baahar se bhi. Itne ant tak woh ladi, lekin haath kya laga? Kuch bhi nahi. Reporters apne news channel ko footage dilwaane me lage the toh wahi aam janta formality nibha rahi thi.

Natalia ke ird gird security bhaari maatra me janta ko uss se dur rakhe hue thi. Dekhte hi dekhte, Grace ke antim sanskaar ki vidhiyaan bhi shuru ho gayi. Aur Ava ke mann me kal ki ghatna flashback ke roop me chalne lagi.

Kal-! Kal use notification aaya tha Death flag ka. Usne Grace ko bhi mark kar ke rakha hua tha. Taaki, apni maa ki zindagi aur maut ki khabar use pal pal milti rahi. Usne kabhi jeevan me nahi socha tha ki system ke zariye use iss khabar ke baare me pata chalega.

Jab tak woh waha pohuchi, tab tak sab kuch samaapt ho chuka tha. Use pata chala ki raat me kisi ne jaan boojh ke uski Maa ke medical equipments hata diye the.

Security camera me check kiya toh pata laga ki koi aadmi tha jo nurse ki uniform me tha. Aur, usi ne iss vardaat ko anjaam diya tha.

Hospital waale bas haath jod Ava ke saamne khade reh gaye. Galti unki security me hui thi. Par, ye sab hua kaise? Aur kaun tha inn sab ke peeche?

Sweetie!!!

Ya yu kahe ki Crimson dwaara nirdesh par amal karne wali Sweetie. Ava ne snipers ko hatwa zaroor liya tha lekin Crimson ne apna ek aadmi hospital ke andar hi nurse ke roop me bheja hua tha.

Uska kaam sirf yahi tha. Grace Martin ke medical equipments hatana. Badi baat ye thi ki woh aadmi ek din nahi balki ussi din se uss hospital me kaam kar raha tha jis din se Crimson ne Grace Martin ko udhar dhoonda tha.

Ava ne baahri khatro ko toh dur kar diya tha. Lekin, hospital me pehle se kaam kar raha woh aadmi uski nazro se bach ke nikal gaya.

Crimson jaanta tha ki Ava use daga degi. Use dhoka degi. Aur, isliye usne woh aadmi pehle se waha lagwa diya tha. Baaki ka kaam toh Sweetie ne kar diya tha.

Cruise me Veer ke hamle se pehle hi Crimson ne Sweetie ko do baatein samjhaayi thi.

“Sweetie! Ho sakta hai mera ye plan bigad jaaye. Isliye, take this-!”

Usne ek chaavi hawa me uchhaalte hue Sweetie ki or feki. Ye motorboat ki chaavi thi.

“Agar kuch gadbad hoti hai, toh iss motor boat ke zariye yaha se nikal jaana. After all, I don’t want you to die here. Right? My Sweetie!?”

Sweetie ne kiya bhi wahi tha. Jab Cruise toot ke bikhar chuka tha toh woh wahi motorboat ke zariye waha se nikalne me qamyab thi.

Ek dusra kaam aur diya tha Crimson ne. Chaavi ke saath saath ek phone bhi Sweetie ke haatho me thamaya tha usne.

“Jab yaha se niklogi. Iska matlab yahi hoga ki plan me gadbadi ho gayi hai. Tab ek kaam aur karna hoga tumhe. Phone ke draft me ek message hai aur ek contact bhi. Uss message ko uss contact par bhej dena. That will be your last work. I can trust you, right?”

“S-Sure!”

“Good!”

Sweetie ka dusra kaam tha Crimson dwaara diye gaye phone se ek contact par message bhejna. Aur uss message me bas ek hi shabd likha hua tha~

KILL!

Jo ki seedha jaake hospital me maujood usi nurse waale behroopiye ko mila. Use toh pata hi tha kya karna hai. Woh baitha hi hua tha Grace ka kaam tamaam karne ke liye. Jald se jald andhere ke baad, raat me apna kaam kar woh waha se faraar ho gaya.

Ava chaah ke bhi apni bhadaas Hospital waalo par nahi nikaal paayi. Woh sab toh system ki duniya se pare the. Kya kar lete woh? Aur kaisi bhadaas? Ab toh use kuch mehsoos bhi nahi ho raha tha. Na gussa, na khushi, na gham, ek murde ki tarah ho gayi thi woh.

Jab inn sab khabro ka silsila chal hi raha tha, toh bhala Ushant ki khabar na mile channel waalo ko aisa kaise ho sakta tha? Itna bada kaand jo hua tha waha.

Ships aksar Island ki orr jaaya karti thi. Swabhavik tha ki yeh khabar sabko pata chalni hi thi.

"Breaking News~ Abhi abhi hume khabar mili hai ki Ushant Island me 50 se upar dead bodies ke tukde paaye gaye hai."

"Sutro se pata laga hai ki Ushant ki orr kisi badi aalishan cruise me 50 se adhik log sawaar the. Ek haadsa hua aur vishal-kaay cruise ko samundar le dooba."

"Haadse ki wajah ko lekar bareeki se jaanch padtaal jaari hai. Khoonkaar sharks ke chalte hi shavo ki ye dasha hui hai. Bodies ko identify karne ka kaam jaari hai. Pata lagte hi sabhi ke parijano ko soochit kiya jayega. Tab tak ke liye, bane rahiye France 24 ke saath."

Tamaam reporters aur news channels bas inhi do news ko dikhaane me lag gaye.

Ek toh Ava ki maa ka dehaant. Aur dusra Ushant.

Veer ke liye mushqile khatam nahi hui thi. Abhi bhi woh janta ki nazro me ek criminal hi tha.

Lekin, kehte hai na jab ek darwaza band hota hai toh dooja khulta hai.

Ava, jisne Veer ko fassaya tha. Ab wahi use iss daldal se nikaal rahi thi.

Dherr saare reporters ke beech mics aur cameras se ghiri hui woh kuch bolne ke liye taiyaar thi.

Reporter 1 : Miss Natalia! Aapki maa ke dehaant ke baare me jaan ke hum sabhi ko behad dukh hai. Par kya aap iske baare me kuch kehna chaahengi? Hospital ko lekar kuch? Jo unse choonk hui?

Ava ke chehre par koi bhaav nazar nahi aa rahe the. Grace ka antim sanskar ho chuka tha. Aur, use dafna ke woh wapas laut chuki thi.

'Speak to me' gaana jo usne khaas apni maa ke liye gaya tha. Sab dhare ke dhare reh gaye. Maa toh kuch bhi sunn na paayi. Na hi kuch jaan paayi. Atyant hi dukhad ant tha yeh.

Ava : Iss baare me mein koi charcha nahi karna chahungi.

Reporter 2 : Aapki baat sahi hai Miss Natalia. Parivar ke sadasyo ko khone ke baad insaan jaldi ubhar nahi paata. Isliye mera sawaal iss se sambandhit nahi hai. Mera sawal hai aapse ki Ushant me jo kuch bhi hua tha kya usko lekar aapko kuch yaad aaya? Koi jankari haath aage lagi aapke?

Ava : Yes! I remember now!

Muh se shabd nikalte hi, reporters sabhi aapas me ek dusre ki orr dekhne lage. Ek badi khabar unke haath lagne waali thi.

Ava : I remember each and every thing. Uske liye hi mein ye conference ke liye raazi hui hu.

Reporter 2 : Ye toh bohut acchi baat hai! Kya aap bata sakti hai kya yaad aaya hai aapko?

Ava (nods) : Hmm! DGSI se bohut badi galti hui hai.

Statement nikalte hi, TV dekh rahe DGSI ke saare team members ke maathe par paseene ki boonde jhalakne lagi.

Itni badi agency thi woh. Sare aam koi unpe aarop laga raha tha. Kintu, aarop sahi bhi tha. Janta ko kya muh dikhayenge ab woh? Tamaam sawaalo se saare team members joojh rahe the.

Aur inhi me unke Head Xavier athwa Chris, Terashima se leke Andre sab shaamil the.

Iss raat Ava ka ye interview bohut saare raazo par se parda hataane waala tha.

Terashima : Dekha? Dekha aap sab ne? Mene kaha tha na ki humse zaroor koi galti hui hai. Woh-! Woh ladka! Woh ladka criminal nahi tha.

Andre : This is bad. Pata nahi ab hum ise handle kaise karenge.

Chris : Miss Natalia ka poora interview hone ke baad hi kuch clues milenge. Dekhte hai hume koi trail milti hai ya nahi iss se.

Xavier apne staff ki baatein sunn zaroor rahe the lekin unka poora dhyaan TV par hi tha.

Reporter 1 : Kya matlab? DGSI se galti? Kaisi galti?

Ava : DGSI ne jise criminal ke roop me pesh kiya hai. Woh darasal koi criminal hai hi nahi balki woh toh ek sadharan ladka hai.

Ava ke harr uttar logo ke beech aur bhi zyada confusion paida kar rahe the. Ek ke baad ek jhatke lag rahe the unhe.

Idhar DSGI me bhi Ava ke statement ke baad sab spasht ho chuka tha.

Chris : Lo! Ho gaya kaam! Ab kya karna hai Sir?

Xavier (frowns) : Shh! Keep watching!

Reporter 2 : Ye aap kaise keh sakti hai? DGSI hamaare France ki badi security agencies me se ek hai. Woh itni badi galti kaise kar sakte hai?

Ava : Ye sawaal aap unse hi kyu nahi poochte? DGSI se bohut badi galti hui hai. Ek nirdosh ko unn logo ne maut ke muh me dhakela hai. Aur itna hi nahi, balki use criminal bhi ghoshit kar diya.

Reporter 1 : Aap aisa kaise keh sakti hai? Kya saboot hai aapke paas?

Ava : Saboot? Kya mera yeh kehna saboot nahi? Woh ladka-! Jise DGSI ne Criminal bana ke rakha hua hai. Woh toh meri jaan bachaane waha aaya tha. Aur asli criminal toh koi aur hi tha.

Reporter 2 : What?

Ava ke ye sab bolte hi waha logo ki khusur pusur shuru ho gayi. Agar asli criminal koi aur tha toh abhi tak DGSI kise pakad rahi thi?

Ava : Asli criminal toh ye tha-!

Ava ne agle hi pal apni mobile screen par Crimson ki ek tasveer dikha di. Chaaro orr shor fel gaya.

Aur udhar TV par sab dekh rahi DGSI ki team ke hosh hi udd gaye.

Terashima : Ye kaun hai? Mene ise pehle kabhi nahi dekha.

Chris : Lekin, Miss Natalia keh rahi hai toh baat sach hi hogi. Sir! Hume private me Miss Natalia se baat cheet karni hogi.

Xavier : Hmm!

Reporter 1 : Ye aadmi kaun hai? Kya aap bata sakti hai?

Ava : Yahi toh hai harr hamle ke peeche. Ushant se leke woh rocket launcher blast. Issi ne mujhe kidnap kiya tha.

Reporter 2 : Toh ye baat aapne pehle kyu nahi batayi? Hume sutro se pata chala hai ki jab woh ladka execute kiya gaya toh aap waha maujood thi. Toh tab aapne ye sab kyu nahi roka? Aur bataya kyu nahi?

Ava : Mein uss haalat me nahi thi. Aur, woh ladka ghayal tha. Khoon se sana hua tha. Mein use pehchaan na paayi. Jiska mujhe khed hai. Lekin, woh sahi salamat hai. Mujhe poora yakeen hai ki ye insaan jisne mujhe kidnap kiya tha, yahi harr problem ki jadd hai.

Crimson ki photo release hote hi public me nayi sansani si mach gayi.

Xavier : Chris! Miss Natalia se milne ke liye hum abhi nikal rahe hai.

Chris : Yes Sir!

Ava ne apne statements de diye the. Dekhte hi dekhte waha DGSI bhi pohuch gayi. Aur tamaam janta ke beech unhe dherr saare sawaalo se gher liya gaya.

Reporter 1 : Janta jaan'na chaahti hai ki kya Singer Natalia ne jo kuch bhi abhi kaha. Kya woh sach hai? Kya DGSI apne kaam me fail ho gayi hai?

Xavier : Dekhiye! Chhaan been jaari hai. Aur ye baat sach hai. Mujhe bataate hue khed ho raha hai ki hum sabhi ek masterplanka shikaar ho gaye the. Jiske chalte uss nirdosh ko apni jaan gawani padi. Aur asli mujrim hamari pakad se nikal ke bhaag gaya.

Xavier ne ye kaha hi tha ki poori janta waha ki bhadak uthi. Ye mazaak chal raha tha kya?

Ava : Woh ladka zinda hai. Sahi salamat hai.

Xavier : Huh?

Terashima : W-Woh zinda hai?

Ava (nods) : Hmm! xxxxxx hospital se mujhe call aaya tha. Kisi ne use bachaya tha aur hospital me admit karwa diya tha. Chunki woh mere liye waha aaya tha isliye hosh aane par usne mera hi naam liya aur hospital ne isliye fir mujhe call kiya. Wo recover kar chuka hai. Lekin, aam janta ke beech kaise aaye? Ek nirdosh par aap sabne itne warrants jo jaari kar rakhe hai.

Ava ne bade hi chalaaki se saari sachhaayi ko ghuma diya. Ye karna aavashyak bhi tha.

Xavier : Kya aap uss ladke se contact me ho?

Ava : Hmm? Bilkul! Woh meri jaan bachane ke liye aaya tha. Aur aap sabne asli mujrim ko chhor use hi execute kar diya?

Xavier (frowns) : Magar-! Woh uska chopper? Ushant me uska surrender na karna? Ye sab kya tha?

Ava : Uss baare me mein nahi jaanti. Lekin, itna zaroor jaanti hu ki woh nirdosh hai aur apne parivaar se milne ke liye betaab hai. Asli criminal ye screen par maujood insaan hai. Isne mujhe kidnap kiya tha. Yahi tha jo gangs ko orders de raha tha.

Xavier (nods) : Hum thoda aur spasht kar le aur uske baad saare warrants hata diye jayenge. Iske saath hi iss photo waale aadmi ki chhaan been bhi jaari ho jayegi. I hope that is fine with you?

Ava : Alright!

Samjhauta ho chuka tha. DGSI ko unki bhool ka ehsaas ho gaya tha. Higher authorities se bhi unn par pressure badh raha tha. Isliye, jald se jald saare arrest warrants ko aur Veer ki execution ki news ko saari media se hata diya gaya.

Balki, ulta uski bahaduri bhare karnaamo ki news chalne lagi. Samachaar me ye bataya jaane laga ki Veer naamak ladka Ava ki jaan bachaane ke liye itni dur tak gaya tha jaha woh kisi masterplan ka shikaar hoke ghayal ho gaya.

Crimson ki photo saari news media me release kar di gayi. Logo ko jab ye samajh aaya ki asli maajra kya tha toh unhe Veer ka samarthan karne me derr nahi lagi.

Ava ke fans wese hi uski baato par yakeen kar liye the. Dekhte hi dekhte saari janta Crimson ki maang karne lagi. Aur Veer ki veerta ko saraahne lagi.

Veer jo chhipe baithe saari news dekh raha tha use khud kayi nayi nayi baatein pata chal rahi thi.

'Ava's mom-!? She passed away?'

Woh bura bhala keh ke Ava ko Island par chhor ke aaya tha. Kahi na kahi Ava ki maa ki mrityu ka use bhi dukh tha.

Magar ye samay shok jataane ka nahi tha. Samay tha yaha se nikalne ka.

DGSI se uski baat ho chuki thi. Sab kuch Ava ne karwaya tha. DGSI abhi iss shaq me thi ki woh chopper kiska tha? Aur Veer itni jaldi recover kaise ho gaya? Saath hi uska surrender na karna.

Ye kuch sawaal the jo unhe sataa rahe the. Isliye, Veer se aamne saamne baat karne ki unhone thaani.

*Tococococococo*

Helicopter ke neeche aate hi, uske andar se Veer baahar aaya.

Sab kuch news me prakaashit kiya jaa raha tha.

Hotel me maujood Tejal, Bhavna, Arohi aur Manorath ne jab ye khabar dekhi toh jaise unki khushi ka thikana na raha. Itne dino baad woh sabhi use dekh rahe the. Unke bhaavo ko shabdo me bayaa karna mushqil tha.

Tejal : M-Mom!

Khabar dekhte hi Tej apni jagah se uth khadi hui.

Bhavna : Tej! Jaldi! Chalo!

Bhavna kisi hawa ke jhonke ki tarah saree pehne pehne hi room se baahar nikal gayi.

Tejal : R-Right! Wait! Mom!

Aur Tej uske peeche peeche daud ke chal di.

Arohi : Dada jii! Chaliye!

Manorath : Haan bhai haan! Chalo chalo!

Idhar Arohi ne Manorath ko kamre ke baahar nikaal, kamra lock kiya aur unhe apne sang laate hue neeche aa gayi.

Unn sabhi ki manzil Veer ki location hi thi jo unhe news se mil chuki thi. Cab book karte hi woh sabhi waha se chal diye.

Par wahi bas nahi the. Ek aur aalishaan hotel me maujood ek ladki gumsum si baithi hui thi. Aur, uske theek saamne ek aurat khadi thi.

Woh koi aur nahi, Ashita hi thi. Aur saamne baithi ladki ~



Suhana!

Ashita : Akhir kab tak hum iss tarah hotel me rahenge? Huh?

Suhana : Why are you here? I told you to leave me alone!

Ashita : Ye sab kya laga rakha hai Suhana? Tumhare husband ka phone pichle 2 dino me 12 baar aa chuka hai. Agar mein pick karungi to tumhari saari pol khul jayegi. Sabko lata lag jayega ki tumhe split personality disorder hai.

Suhana : Prakash Uncle hai uske liye.

Ashita : And thank god that he's here. Warna agar woh na ho toh pata nahi mein tumhe kaise handle karungi. Tumhare husband ko jawaab tab se wahi de rahe hai. Lekin, mujhe lagta nahi woh ab zyada derr tak hold kar payenge ye sab.

Suhana : H-He-! He will manage. I believe in him.

Suhana ki haalat dekh, Ashita ka dil paseej utha. Woh ahista se uske bagal se aake baithi aur uska haath thaam kuch sochi,

'Agar mene iss baat ko abhi nahi rakha, toh shayad aage jaake ye aur nuksan-dayak hogi. Suhana ko mujhe realise karwana hoga. I know ye sahi state nahi hai inn sab baato ko jaan'ne ka. Lekin, mein aur derr nahi kar sakti. I'm sorry Suhana.'

Ashita : Suhana!?

Suhana : …

Ashita : Suhana???

Suhana : Ungh??

Ashita : Mujhe tumse kuch zaroori baat karni hai.

Suhana : O-Ohh!

Ashita (sighs) : Suhana! Tumhe pyaar ho gaya hai!

Aur usne keh diya. Seedhe seedhe!

Suhana : Hmm?

Ashita : Mujhe nahi pata ye pyaar ka beej tumhare andar kab boya gaya lekin, beej ankurit ho chuka hai Suhana. Usne paudhe ka roop lena shuru kar diya hai. Aur, mujhe darr hai ki kahi ye bada sa vraksh na bann jaaye. Agar aisa hua toh fir ye reversible nahi hoga. Fir tum pyaar ke daldal me fass jaogi Suhana!

Woh sab kuch sahi keh rahi thi. Parantu, Suhana uss haalat me thi hi nahi jaha woh inn pechida baato ko samajh sake. Woh toh Ashita ko aise dekh rahi thi ki jaise maano raah chalte kisi paagal insaan ko dekh rahi ho.

Suhana ne Ashita ka maatha chhua aur fir use waqai chintit nazro se dekhi,

Suhana : Kaun sa ped? Kaisa paudha? Kaha ka beej? Ashita! Tumhari tabiyat theek hai na? Should I take you to a doctor? Don't worry! I won't charge you for that.

Ashita : Ohh! God!!! This fucking stupid-!!! Aarrrghhh! Mera sarr fatt jayega. Calm down! Calm down! Suhana abhi calmly nahi soch rahi. Yes! She's not like her usual self. Tumhe dheere dheere aage badhna padega. Yes! Phew! Okay! So, meri baat suno Suhana.

Suhana (nods) : Uhh-huh! Mein sunn rahi hu!

Ashita : No! You are not listening you fucking stupid-!!! Argh!! Mein firse frustrate ho gayi. Calm down! Calm down! Ashita! Phew!

Suhana (frowns) : Are you really okay?

Ashita (screams) : Yesss! I'm fucking okay! But you are not you idiot-! Urgh! Anyways! Meri baat suno! Tumhe uss ladke se pyaar ho gaya hai. Do you understand?? Are you getting what I'm saying????

Suhana : Huh?

Ashita : Tumhe uss Veer naam ke ladke se pyaar ho gaya hai. Lekin, use bhul jao kyuki woh ab iss duniya se-

Woh abhi apni baat poori kehti ki tabhi room ka darwaza dhadalle se khula aur Prakash Uncle andar aake tapaak se bol pade,

"W-Woh Veer zinda hai! Miss Suhana! News dekhiye!"

Ashita : Ehh?

Ashita jaha confused reh gayi toh wahi Suhana tezzi me apne bistar se uth baahar room me aayi aur uski nazre seedhe TV par jaake tik gayi.

Khabar Veer ki hi chal rahi thi. Uska woh chehra, logo ke beech ghire hona, security ka uske liye jagah banaana.

Woh sab kuch apni aankhon se dekh paa rahi thi. Na jaane kya hua use jo woh seedha baahar ko apni car ki orr bhaag nikli.

Ashita : S-Suhana??? Wait!!!

Prakash Uncle : Lagta hai Miss issi news channel waali location par gayi hai.

Ashita : Aur aap…!

Prakash Uncle : Hmm?

Ashita : Uncle aap ko kya zaroorat thi ekdum se kisi ke kamre me aane ki. Do ladies andar baat kar rahi thi aur aap ho ki-

Prakash Uncle : Arrey mein woh- mein toh soochna dene aaya tha bas.

Ashita : De di soochna? Nikal gayi na woh. Ab chaliye!

Prakash Uncle : Bilkul! Abhi car laaya.

Suhana ke theek peeche Prakash Uncle Ashita ko leke bhi usi pate par chal diye.

***

Idhar Veer chaaro taraf se ghira hua tha. Adhiktar janta uska samarthan kar rahi thi. Parantu, kuch abhi bhi the jo bataayi gayi baato ka asaani se yakeen nahi kar rahe the. Nayi sacchayi ka khandan karne me lage hue the.

Sawaalo par sawaal Veer se reporters puchte jaa rahe the. Kintu, woh ek ka bhi jawaab dene ke liye nahi ruka.

Veer ke liye security iss waqt behad high thi aur woh log apna kaam poori mehnat se kar rahe the. Na jaane kab uspe kaun hamla kar de. Maamla poori tarah se shaant nahi hua tha.

Uske thoda aage badhte hi DGSI ki team uske saamne thi. Kisi jeeti jaagti hassti ke samaan prateet ho raha tha woh iss waqt.

DGSI ne uske aate hi apni kaaryavaahi shuru kar di. Terashima se leke sabhi upasthit the.

Aur ye jald hi siddh bhi ho gaya ki-

Veer!!! Criminal nahi tha.

Saare arrest warrants uss par se hatt gaye. Yaha tak ki DGSI ki orr se use maafi ke roop me kuch dhan raashi bhi uplabdh ho chuki thi.

Crimson aur Ushant ko leke tehqiqaat bhi shuru ho gayi. Aur, Veer ka jise sabse zyada intezaar tha. Woh pal bhi aa hi gaya.

"Veeeeeeeeeeerrrr!!!!"

Ek jaani pehchaani awaaz, jise sunn'ne ke liye woh kabse tadap raha tha. Jaha usne umeed hi chorr di thi ki woh ab ye awaaz kabhi nahi sunn payega.

Ye wahi awaaz thi.

Awaaz thi Bhavna ki! Uski maa ki!

Par awaaz ki goonj abhi khatam nahi hui thi jab ek aur awaaz waha uske kaano me goonj gayi,

"Veeeeeeerr!!"

Aur iss awaaz se bhi woh bhali bhaati parichit tha. Agar koi aam insaan hota, toh itne shor me inn awaazo ko sunn nahi paata. Magar, Veer ek system holder tha-! Uske senses aam insaano ke muqaable kahi zyada tha.

Ye awaaz thi Tejal ki!

Parantu, woh logo ke beech ghira hua tha. Nikle kaise inn logo ke beech se?

Jab woh inn soch vichaar me laga hua tha tabhi ek haath bheed me aage badha aur uski kalaayi ko thaama.

'Hmm?'

Jab tak woh kuch soch paata, ek zorr ke khichaav ne use bheed se ghaseetate hue baahar nikaala.

Logo ke gol ghere ko tod woh baahar nikal khichaav ke chalte ek ladki se jaa bhida. Bhidna bhi nahi kahenge. Ye toh milan tha.

Aankhein jab chaar hui toh Veer unn naino ko dekhte hi pehchaan gaya.

Arohi!!!

Dono kuch shano tak ek dusre ki aankhon me hi kho gaye. Paristhiti kitni hi jatil kyu na ho, Arohi hamesha unn sthitiyo me saralta se apna raasta khoj liya karti thi. Aaj bhi wahi hua.

Usne badi hi asaani se Veer ko bheed se baahar nikal liya tha. Woh baat alag thi ki ab ek naya ghera bann'ne jaa raha tha.

Arohi : V-Veer!

Veer : Arohi dii!?

Dono aage kuch keh paate ki tabhi Veer ke upar koi lapka. Security sachet hui magar unse derri ho gayi. Ucchalne wala shaks behad tezz tha.

Zorr ka jhatka Veer ko apni chhaathi pe mehsoos hua aur agle hi shan woh neeche zameen pe tha. Uske upar ek bhaar bhi tha.

Khushboo ne naak me jaise hi apni haazri lagayi. Veer sab samajh gaya.

Veer : Teju dii???

Tej uske upar use zorr se jakde hue thi. Shirt par uski pakad itni mazboot thi ki lag raha tha kahi shirt hi na faad de woh.

Tej uss badan se wahi khushboo lene ka prayaas kar rahi thi. Magar woh kahi maujood hi nahi thi. Kaise milti Veer ki wahi shareerik sugandh? Veer Crimson ko maar ke khoon aur samudra ke namkeen paani se sann'ne ke baad nayi shirt me aa chuka tha. Uski khaas sugandh toh ghar par hi padi hui thi. Wahi Suhana ke dwara diya gaya Las Vegas wala perfume.

Fir bhi, iss chhaathi se lagne maatr se Tej ki jaise saari chintaaye gayab ho gayi.

Woh dono ye bhul chuke the ki unhe saare news channels me darshaya jaa raha tha. Kuch derr yu hi uske upar chadhe rehne ke baad Tej ne haule se apna sarr uthaya aur use dekha,

Aankhein dekhte hi Veer bhaanp chuka tha ki ye khubsoorat aankhein kayi raato se uski talaash me pehra di hai. Naino ke neeche kam sone se woh kaalapann, Tej ki atalta ko toh darsha hi raha tha par saath hi kahi na kahi uski sundarta me bhi chaar chaand laga raha tha.

Ek ajeeb sa aakarshan tha ye.

Veer (smiles) : I'm okay!

Tej (nods) : Mmm~

Veer : Umm! Aap uthengi? Aas paas sab hume hi dekh rahe hai.

Tej : Dekhne do!

Veer : Teju dii!

Tej : ...

Veer : Teju dii! Please! Uthiye na! Jee bhar ke gale lag lena. Mene maa ki bhi awaaz suni. Kya unse nahi milne dogi aap?

Bhavna ka zikr aate hi iss baar Tej uske upar se uth gayi. Lekin, uthne se pehle woh apne Bhai ke gaal ko choomna nahi bhuli. Veer se uski pakad chhoothate hi use kisi aur ne apne aalingan me le liya.

Mazbooti me ye pakad uski apni pakad se bilkul bhi peeche nahi thi.

Veer apni maa, Bhavna ki baaho me tha.

Veer : Maa!

Bhavna ne pehle toh use kass ke jakde rakha. Uske baad turant hi sabse pehle uske shareer ka jayza liya. Aage peeche, upar neeche. Jab sab sunishchit ho gaya toh uska haath apne aap hi Veer ki shirt ke andar gaya aur uske pendant ko tatola.

Haath me pendant aate hi Bhavna ne ek raahat ki saans li. Uske baad apne bete ke haath ko upar kar usne uski kalaayi dekhi.

Veer ki kalaayi me woh kaala dhaaga abhi bhi bandha hua tha. Bhavna ne khud hi uske jaane se pehle ye baandha tha.

Kaale dhaage me darasal kuch bhi nahi tha. Woh koi jaaduyi dhaaga nahi tha. Lekin, Bhavna ka atal vishvaas tha usme. Aur, yeh kaafi tha uske liye.

Sab kuch jaanch lene ke baad fir usne apne bete ke mukh ko dekha. Wahi bhar nahi thi. Dur khadi Ava bhi sab kuch dekh rahi thi.

Jaha usne apni maa ko khoya tha toh wahi uski nazro ke saamne ek maa bete aapas me mil rahe the. Unke milan ko dekh, uske honth pal bhar ke liye upar ko uth gaye. Par unn aankhon me atyant dukhdayi peeda ki ek parat chadhi hui thi.

Ye pehli baar tha, jab saare cameras Veer ke upar focused the. Na ki khyaati praapt ki mahaan singer Natalia ke upar.

Aur, inhi shor sharaabe ke beech Ava ke qadam dheere dheere peeche ko chal diye. Woh janta ki nazro se kab gaayab ho gayi, kisi ko kuch pata hi nahi chala.

Idhar Bhavna Veer ko thaame use ghoorne me lagi thi.

Bhavna : Mein toh pehle din hi bhaanp gayi thi ki tu mujhse jhooth bol ke gaya hai.

Hamesha apne bete ko 'tum' keh ke pukaarne waali Bhavna ke muh se aaj apne aap hi 'tu' shabd nikal aaya.

Ye 'tu' shabd apnepann ko darshane ke liye tha. Bekaraari ko darshane ke liye tha. Jaise woh batlana chaah rahi thi ki uska baccha kidhar bhi kyu na chala jaaye, kitne hi meel dur kyu na bichad jaaye, rahega hamesha uske aanchal ki chhaav me hi.

Veer sirf uska tha. 'Tu' shabd saral maayno me yahi darsha raha tha. Woh jaanti thi ki uska laadla uss se jhooth bol ke gaya tha.

Veer : Aur mein bhi ye jaanta tha ki aap ye jaan gayi ho ki mein aap se jhooth bol raha hu.

Bhavna : Uske baad bhi tum jhooth bol ke gaye?

Veer badle me bas muskura diya.

Bhavna : Ek ek baat bataoge tum.

Veer (smiles) : Jaisi aapki aagya!

Bhavna ne punah use apne gale se laga liya.

*Badump* *Badump*

Uske seene se lage unn dhadkano ko sunn, apne aap hi uski aankhein bheeg uthi. Woh zinda tha. Sahi salamat tha. Iss se badi baat uske liye aur kuch nahi thi.

Bhavna ko sambhaalte hue Veer ne use Tej ke sahaare khada karwaya. Aur, Manorath ne bhi tabhi aage badh apne pote ko gale se laga liya.

Veer : Dada jii!? Aap yaha kyu aaye? Khamakha taqleef uthayi!

Manorath : Ab tu mera baap bann gaya? Hmm? Arre Bhai mera pota jab gaayab ho, uss se koi sampark nahi bann paa raha ho, toh sab ko chinta toh hoyegi hi na? Mein ghar pe kaise baith sakta hu?

Arohi : Jab se tumhara call lagna band hua tha. Tab se hi hum sab tension me the. Tumhe bohut se questions ke answers dene hai.

Veer (smiles) : Right!

Manorath : Chalo bhai! Ab jald se jald yaha se ghar chalo. Aur Arohi bitiya theek keh rahi hai. Prashno ki list taiyaar rakhi hai iss Tejal bitiya ne toh-!

Veer apne parivaar se bharat milaap me laga tha aur media ek ek pal record kar rahi thi. Saath hi DGSI waalo ka yakeen aur mazboot ho chuka tha ki Veer koi criminal nahi.

Bharat se uska parivaar aaya hua tha. Ye ek sharm ki baat thi unke liye ki baahar se aaye athiti ke saath unn sabne aisa vyavhaar kiya.

Veer ko laga tha ki usne sabhi log se mil liya. Lekin, use zara bhi andaza nahi tha ki use ye awaaz bhi yaha sunaayi degi.

"M-Move aside!!"

"J-Just a minute! Step aside-!!! P-Please!"

Awaaz sunte hi Veer ki dhadkane tezz ho gayi. Bauhe kass uthi. Uska sarr idhar udhar mud uss shaks ki talaash me lag gaya.

Woh ek jhatke me logo ke ghere se baahar nikla. Bhavna, Tej, Arohi aur Manorath sabhi use prashn bhari nazro se dekh rahe the.

Magar, Veer na ruka.

Logo ko idhar udhar kar woh jaise hi baahar nikla...




Waqt jaise tham gaya.

"Suhana!?"

Woh ye jaanta tha ki Suhana ne uski madad ke liye chopper bheja tha. Magar usne sapne me bhi ye umeed nahi ki thi woh khud yaha tak aayi thi.

Woh toh hospital me thi na? Uski chot ka kya? Tamaam sawaal Veer ke mann me use dekhte hi uth khade hue.

Par dono ke beech ek ajeeb si khamoshi chhaayi hui thi. Dono ke hi mukh adhkhule the. Aur iss chuppi ko Veer ne hi toda,

Veer : Miss Suhana!? Aap yaha?

Par Suhana jaise kisi aur hi duniya me jaa chuki thi. Veer se milne ki ajeeb si dhun use sawaar thi. Aur ab jab woh saamne tha toh use kuch samajh hi nahi aa raha tha ki kya kare. Woh bas chup-chaap yu hi khadi rahi. Aur fir turant hi...!

Uske aansu chhalak uthe.




*Click* *Click*

Cameras ki shutters ki awaaz jab uske kaano me zorr se padi toh use hosh aaya. Ye kya kar rahi thi woh? Use ehsaas hua ki woh khabar me aa rahi thi.

Na jaane kitne log ise dekh rahe honge. Yaha tak ki uska husband bhi dekh sakta tha ye sab. Woh kaise itni badi bhul kar gayi?

Iss baat ka bodh hote hi darr ke maare uske qadam peeche ho gaye. Woh jhatse mudi aur aage badhi hi thi ki-

*Badump*

Laga jaise dil ne ek dhadkan phaand li. Do mazboot haath uski kamar par bandhe use jakde hue the.

"W-Wait!"

Veer ki awaaz theek uske daaye kaan me padi. Suhana ki saansein tezz ho uthi.

Ye woh kya kar rahi thi? Nahi! Ye sab kaise ho gaya uss se? Woh baad me bhi toh mil sakti thi. Itni bekaraar kaise ho gayi woh? Milne ke liye itna bechain kyu thi woh?

Kuch samajh nahi aa raha tha uski. Jab ek message ne uske dimaag ke saare taaro ko jod sab spasht kar diya.

*Buzz*

Mobile vibrate hua. Suhana ne haath me pakda mobile kaanpte hue haatho se mod uski screen par message dekha.

Message Ashita ka tha.

Aur saaf saaf bas yahi likha hua tha~

"Dear! You have fallen in love with him."

Padhte hi Suhana ki aankhein achambhav ke maare fel gayi.

Veer ka haath tab tak uski peeth par komalta sa firr raha tha.

Veer : You recovered!? Tell me...! Kyu aayi aap yaha? Kyu kiya mere liye itna? Mujhe bohut saare sawaalo ke jawaab aap se-

Magar uski baatein adhuri reh gayi jab Suhana ne khud ko uski pakad se chhuraaya aur woh ghabraate hue daud ke waha se nikal gayi.




Veer : N-No!!! W-Wait! Miss Suhaaaana!!!?

Logo ne fir use gher liya. Suhana...! Uski nazro se ojhal ho gayi.

***

Crimson ke ant ke baad sab kuch shaant sa ho gaya tha. Veer aur anya ghar waapsi ke liye flight me baith chuke the.

Magar, Paris me idhar dur countryside ke pahaadi ilaake me ek choti par ek ladki, uchaayi se neeche dekh rahi thi.

Uske baal ahista ahista maddham hawa me lehra rahe the. Aankhon me bas niraasha hi thi. Sundar se mukh me kahi koi josh nahi, chehra kehne ko toh khubsoorat tha magar chamak jaise gaayab thi.

Agle hi pal uska perr choti ke chhor par aaya aur woh uski kagaar par khadi ho gayi.

[W-Wait!!! What are you doing?]

Uske mann me ek awaaz aayi. Par woh koi jawaab nahi de rahi thi.

[D-Dear! Stop it! What the hell are you doing? H-Hey don't scare me! Please!]

Woh awaaz vyakul thi. Ladki ne fir ahista se apne mann me uss awaaz ko jawaab diya.

'There's nothing left now! I must go as
well! Lily...!'

[W-Wait!! N-Noooooo!]

Aur usne apna perr aage badha diya.

[Noooooooooooooo!!!!!]
.
.
.
.
.
.
.
.
Aaj ke liye itna hi guys.
Mujhe nahi lagta iss se zyada pareshani mujhe kabhi kisi update ko likhne me gayi hogi. Ye update mujhe yaad rahega. Kitne kasht jhelne pade hai ise taiyaar karne me. Update ke post time dekh ke andaza laga sakte ho aap sab. Also, yes! My mobile is gone. Previous data bohut kuch jaa chuka hai. This update is actually around 6.1k words. Yes! Ye mega update hai. Toh Dil se like thok ke jaane ka. Target wahi hai apna. 150. Aur revos rakhne ka.
Dhanyavaad.

Another excellent update. Ava ki manosthiti, Veer ka apni family se milna, Suhana se milna aur fir Ava ka apni jimdagi se nirash hona, bahut khubi se likha hai.

Kaisa mehsoos hota hoga jab zindagi bhar insaan ko gham hi gham milte rahe? Jab aap apne logo ko tadapte dekho, akele pad jao, koi raasta na mile, koi raah na dikhe, koi haath badhaane ke liye aage na ho, koi sahara dene ke liye kandha na ho, koi zakhmo par marham lagane wala na ho, kuch samajh nahi aa raha ho ki kya karna hai, toh kya kare woh insaan aisi zindagi jee ke?

Ava's mental state aptly described.

Ava ke liye toh praanvayu hi uski maa thi.

Yes, maa to maa hoti hai.

Woh shoonya ho chuki thi. Andar se bhi aur baahar se bhi.

Ava is still in a state of shock. Shi time hai, ab usko apne bachpan ki saheliyon ki sabse jyada jarurat hai.

Ava, jisne Veer ko fassaya tha. Ab wahi use iss daldal se nikaal rahi thi.

I think, this may change Veer's opinion about Ava.

Bhavna kisi hawa ke jhonke ki tarah saree pehne pehne hi room se baahar nikal gayi.

Har ek sadsya ke baare me kya khoob likha hai.

Idhar Arohi ne Manorath ko kamre ke baahar nikaal, kamra lock kiya aur unhe apne sang laate hue neeche aa gayi.

As always, Arohi is most practical, taking care of everybody.

Woh sab kuch apni aankhon se dekh paa rahi thi. Na jaane kya hua use jo woh seedha baahar ko apni car ki orr bhaag nikli.

Suhana ka yeh reaction to hona hi tha.

Ye wahi awaaz thi.

Awaaz thi Bhavna ki! Uski maa ki!

Excellent narration.

Jab tak woh kuch soch paata, ek zorr ke khichaav ne use bheed se ghaseetate hue baahar nikaala.

Arohi, Arohi, always intelligent, practical, I love this character.

Zorr ka jhatka Veer ko apni chhaathi pe mehsoos hua aur agle hi shan woh neeche zameen pe tha. Uske upar ek bhaar bhi tha.

Aankhein dekhte hi Veer bhaanp chuka tha ki ye khubsoorat aankhein kayi raato se uski talaash me pehra di hai.
Tejal ka bhi kya milan dikhaya hai.

Bhavna ne pehle toh use kass ke jakde rakha. Uske baad turant hi sabse pehle uske shareer ka jayza liya. Aage peeche, upar neeche. Jab sab sunishchit ho gaya toh uska haath apne aap hi Veer ki shirt ke andar gaya aur uske pendant ko tatola.

Maa to aisi hi hoti hai, sabse pehle jaamch-padtaal ker le ki uska beta theek hai ki nahin. Pendant ka bhi koi to raaj hai. Bas ek hint mila tha jab raj purohit ne apne baadshah ko kaha tha ki ise apne se alag nahin hone dijiye.

Veer : Dada jii!? Aap yaha kyu aaye? Khamakha taqleef uthayi!

Dadaji ki presence hi unka Veer ke liye pyar batati hai.

Par dono ke beech ek ajeeb si khamoshi chhaayi hui thi. Dono ke hi mukh adhkhule the. Aur iss chuppi ko Veer ne hi toda,

Veer : Miss Suhana!? Aap yaha?

hmmm...

"Dear! You have fallen in love with him."

One simple line, sab kuch bata deti hai. Ab to Suhana ko bhi apni feelings Veer ke liye manani padengi.

'There's nothing left now! I must go as
well! Lily...!'

So sad, let's see how Ava is saved.