Incest Baadshah ~ The Tales of Debauchery

[Werewolf]

Index​

Full Status and Cards​

Artworks​

Full Characters Guide​

Arcs​

Latest Update ➢ Update 189 ​

 

[Bosskhatri]

Update - 4 ~ In the Hospital​

Ab tak...

Ladki peeche mud window se uss ladke ko dekh rahi thi, uska nichla honth daato tale zorr se daba hua tha ki maano khoon hi nikal aae. Aankho me halke aasu bhi aa chuke the.

"I'm sorry..." Usne mann me kaha.

Aur wo car palak jhapakte hi logo ki nazro se ojhal ho gayi.

Idhar accident dekh aas paas ke jo bhi log dukaan ke neeche baarish se bachne ke liye khade hue the wo daudte hue aae aur Veer ko uthaane lage.

Ab aage...

"Arre... Arre... Uthao... Uthao..."
"Jaldi... Jaldi..."
"Car wala madarchod bhaag gaya..."
"Uthwao bhailog..."

Aur waha maujood log forun hi Veer ke paas aake usse uthaane lage. Bina baarish ki parvaah kiye.
Yadi uske parivaar waale hote toh kya woh usse iss waqt uthaate?

Shayad haa? Ya shayad nahi!?

"Arre isse toh boht zyaada chot aayi hai, khoon beh raha hai kaafi, jaldi ambulance ko call karo koi..."

Waha khade ek aadmi ne chillaaya toh agle ne forun hi 108 dial karte hue ambulance bulwa lii.

Abhi wo log savdhaani se Veer ko utha hi rahe the ki itne me ussi mod se ek aur car aayi par bheed ke kaaran uss car ko rukna pada.

Car waale ne jab horn maari toh usse itni gaaliya padi ki usse na chaahte hue bhi rukna pada.

"Dhatttt behanchod!! Iski maa ki aankh..." Car waale ne steering pe zorr se haath maarte hue chillaaya.

Dusra aadmi : Ab kuch nahi ho sakta... Car ghuma lo...

Pehla aadmi : Boss ko pata chala toh woh hamaari gardan na udaa de...

Dusra aadmi : Mein Boss ko samjha dunga... Tum car ghuma lo...

Pehla aadmi : Thik hai.

Aur wo car reverse karke waha se nikal gaye.

Idhar log Veer ko utha ke ek shop ke neeche lita ke uski choto par rumaal ya kapda baandh ke jese tese khoon rokne ki koshish kar rahe the.

Kuch derr me hi ambulance aayi aur Veer ko leke hospital ki orr chali gayi.

***

Veer ke ghar me...

Sabhi log iss waqt Manorath ke kamre me maujood the. Manorath apne bistar par baitha hua tha toh wahi baaki sabhi khade hue usse hi dekh rahe the.

Manorath : Aaj tak prasaad ka aisa apmaan hamaare ghar me kisi ne bhi nahi kiya.

Pranjal : Dada jii! Veer ko waqai aisa nahi karna tha.

Kavya : Par... Dada jii! Wo toh... Unhone jaan bujh ke nahi kiya hoga...

Pranjal : Kavya? Ye tum kya keh rahi ho? Pehli baar maante hai ki uska perr fisal gaya aur wo vase toot gaya par dusri baar bhi?

Pranjal ki baat sunn bechaari Kavya kuch virodh hi na kar paayi aur sar jhuka lii.

Sumitra : Jeth jii... Aapko aise... Veer ko ghar se nahi nikaalna tha.

Brijesh : Mene jo bhi kiya hai boht soch samajh ke kiya hai. Mein ye kadam pehle hi uthaane waala tha par hamesha Papa jii ke kaaran ruk jaata tha. Lekin aaj toh usne hadd hi paar kar dii. Akhir uss kameeni ki kokh se jo paida hua hai, aisa hi hona tha... Mere toh ek bhi gud nahi hai usme...

Manorath : Wo jaisa bhi hai iss parivar ka hissa hai. Usse jaake wapas le aao. Abhi zyada dur nahi gaya hoga.

Brijesh : Bilkul bhi nahi Papa jii. Mene aapko pehle bhi bol ke rakha hai. Ki jis din ye apni hadd paar karega uss din mein isse ghar se nikaal dunga. Aur aaj yahi hua hai... Ab mein usse iss ghar me ghusne tak nahi dunga... Aap apna faisla sunaaiye Papa jii...

Manorath : Toh tum log usse wapas nahi laoge?

Brijesh : Bilkul bhi nahi...

Manorath : Toh fir mera bhi yahi faisla hai. Zameen aur jaydaad kisko milegi ye bhi tab hi nirnay hoga jab parivaar ka harr ek sadasya ghar me maujood hoga.

Brijesh : Papa jii!??

Vivek : Dada jii!? Ye aap...!?

Manorath ke faisle se maano sabko ek jhatka sa laga. Jiss pal ke liye wo sabhi bekaraar the ki akhir kisko zameen aur jaydaad dii jaegi wo pal toh aaya hi nahi. Ulta ab jab tak ghar me Veer nahi aa jaata tab tak faisla tal chuka tha.

Manorath ke paas dherr saari zameen thi jiski keemat crores me thi aur jaydaad bhi. Aur ye sab kuch ghar ke ussi sadasya ko milne waala tha jo Manorath ki aankho me iske liye sahi tha.

Uske 2 petrol pump bhi rahe jo usne apne beto ko de diye the. Ek petrol pump ka maalik jaha Brijesh tha toh wahi dusre ka maalik Karunesh.

Karunesh ne dimaag se paisa kamaate hue apne bete Vivek ki upar lagaya aur aaj Vivek ki khud ki ek automobiles ki company thi. Bhale hi worldwide nahi thi abhi par uska business zorro shoro se chal raha tha.

Karunesh ki badi beti Arohi aur choti beti Kavya, Veer ke hi college me thi aur wo dono bhi B.Tech kar rahi thi. Jaha Arohi aur Veer ki branch same thi ~ IT.

Wahi Kavya CS branch se belong karti thi.

Pranjal bhi same college me tha par wo B.com kar raha tha. Uski building alag thi par saari buildings saath me hi thi, jis kaaran wo break ke time Arohi aur Kavya se milne jaata rehta tha.

Karunesh ko apne bete betiyo ki koi chinta nahi thi.

Par Brijesh ka aisa nahi tha. Brijesh ko bhi ek petrol pump diya gaya tha Manorath dwaara. Usne bhi dimaag se apni ek luxury hotel khulwaayi jo sheher me kaafi mashoor thi. Jaha wo petrol pump sambhaalta tha toh wahi uski hotel uski dusri patni Shweta sambhaalti thi.

Shweta ke hi saath uski beti, Bhumika bhi uska saath deti thi.

Aur aaj yahi faisla liya jaane wala tha ki kisko zameen aur jaydaad milegi.

Par sab kuch dhara ka dhara reh gaya.

Manorath : Mera faisla saaf hai. Jao aur mujhe akela chorr do abhi.

Vivek : Par Dada jii...

Manorath : Mene kaha jao... Aur Brijesh... Yadi tum Veer ko wapas nahi laane waale toh mujhe uske baare me harr cheez batao... Iss waqt kaha hai woh... Kiske ghar theher raha hai? Wo mera pota hai. Mein jaan'na chaahta hu wo sahi salaamat hai ya nahi?

Brijesh : Thik...

Aur ghar ke mukhiya ki awaaz sunn sabhi bemann waha se nikal gaye.

Idhar kamre me aate hi Vivek Pranjal pe toot pada.

Vivek : Chote ye kya kar diya tune? Ye daav toh ulta hi pad gaya. Dada jii ne toh faisla hi taal diya. Ab jab tak wo Veer nahi aa jaata tab tak Dada jii koi faisla nahi sunaenge.

Pranjal : Bhaiya! Ab mujhe kya pata tha aisa ho jaega? Mene toh yahi socha tha aaj Veer ko Dada ji ki nazro me gira dunga toh Dada jii uska naam lenge hi nahi. Par mujhe nahi pata tha Tau jii usse ghar se baahar hi nikaal denge.

Ragini : Mene kaha tha ye kuch zyada hi ho gaya hai.

Pranjal : Aap log tension mat lo. Hum log kese bhi karke Dada jii ko mana lenge aur wo jald hi faisla le lenge. Filhaal ek musibat toh gayi.

Vivek : Hmm!! Par chote tune wo sab kiya kese?

Vivek ke sawaal karne par Pranjal ne muskuraate hue jeb se kuch nikaala aur unn dono ko dikhaya.

Pranjal : Haha! Bhaiya! Saara kamaal iska hai.

Vivek (hairaani me) : Ye toh... Ye toh... Ye toh tufoil hai chote...

Pranjal : Haha! Haa bhaiya! Aapke hi yaha se laaya hu.

Tufoil ek aisa slippery oil jisse automobiles me use kiya jaata hai. Na keval ye automobiles ke liye balki ye apni slipness ke liye bhi jaana jaata hai.

Pranjal : Ye mene floor par daal diya tha. Aur mein Veer ko wahi se le gaya jaha ye oil mene daala tha. Bas! Fir kya tha, uska geela joota jese hi uspe pada, Veer fisla aur vase seedha neeche... Hahaha!

Ragini : Par wo prasaad ka kya?

Pranjal : Bhabhi! Wo bhi iska hi kamaal hai. Mene sleepers ke neeche bhi isse laga ke rakha hua tha.

Ragini (smiles) : Waah! Maan gaye tumhe bhi. Par wo chot ka kya jo Veer ko pehle se hi lagi hui thi?

Pranjal : Wo bhi mere kehne par hau tha Bhabhi. Mere kayi chelo me se ek hai wo Ajay. Mene usko keh ke rakha tha ki aaj pehla din hai toh koi bhi bahana bana ke aaj jamm ke thukaayi kar dena uss Veer ki... Aur usne yahi kiya hahahaha!

Vivek : Par chote, wo oil zameen par nazar kyu nahi aaya?

Pranjal : Kese aaega Bhaiya? Mene usse carpet ke ekdum bagal se giraaya tha hahaha!

Aur uske saath hi Vivek bhi hassne laga. Ragini muskuraate hue dono ko dekh rahi thi. Jaha ye jashn mana rahe the toh wahi koi aur tha jo iss waqt apni saaso se ladd raha tha.

***

Hospital...

Nurse : Iski haalat boht critical hai Doctor.

Doctor : I know... Humse jo bann padega hum karenge.

Nurse : Jii! But iski family...!? Iska mobile toh kaam hi nahi kar raha hai.

Doctor : Mene ward boy ko bola hai wo iske phone ki SIM apne phone me daalke iske ghar waalo ko call karega.

Nurse : Hmm!!

Aur Veer ka treatment shuru ho chuka tha.

Ward boy ne jab Veer ki SIM daal ke Brijesh ko call kiya toh Brijesh ne ye soch ke call nahi uthaya ki zaroor Veer ne paise maangne ke liye phone kiya hoga aur gusse me usne apna phone hi band kar diya.

Ward boy ne jab Sumitra ko call kiya toh call lag hi nahi raha tha. Kese lagta? Pranjal ne apni maa ke phone me Veer ka number block jo kar ke rakha tha.

Fir usne akhiri number jo ki Kavya ka tha usse call kiya.

Idhar iss waqt Kavya Arohi aur Pranjal ke saath hi baithi hui thi. Number dekhte hi Kavya soch me pad gayi.

'Veer Bhaiya mujhe kyu call kar rahe hai?? Phone utha lu? Thik hai utha leti hu.'

Par iske pehle ki wo phone utha paati, Pranjal ne uska phone chhina liya.

Pranjal : Zara dekho toh... Veer ab hamari Kavya ko phone laga raha hai. Kyu Kavya?

Kavya : Phone dijiye Bhaiya.

Pranjal : Nahi! Zaroor ab apni pyari behan se paise maangne ke liye phone kar raha hoga. Kyuki baahar ab usse paiso ki zaroorat toh padegi hi...

Aur usne forun hi phone kaat ke uska number hi block kar diya.

Pranjal : Ab tumhe disturbance nahi hoga behan hahaha!

Kavya : Hmm?

Pranjal : Accha wo sab chorro, chalo hum sab pizza mangwaate hai.

Kavya : Mera mann nahi hai Bhaiya aap hi khao. Aaj Veer Bhaiya ke saath itna sab kuch ho gaya aur aapko pizza ki padi hai?

Pranjal : Arre ye kya baat hui yaar. Kavya tum ab bhi usse apna bhai maanti ho? Wo bhai kehne laayak nahi hai Kavya. Kherr chorro! Arohi didi aap toh khaogi na?

Arohi : Nahi!

Pranjal : Thik hai toh mein hi mangwa leta hu...

Aur wo waha se chala jaata hai.

Kavya apna phone liye sochti rehti hai ki akhir Veer ne usse kyu call lagaya hoga. Wo sochti hai ki agli baar yadi phone aaya toh woh zaroor uthaegi. Par usse kya pata tha ki Pranjal ne Veer ka number hi block kar diya tha.

***

Idhar hospital me ek ward me ek ladki apni Maa ke paas baithi hui thi...

Ladki : Maa! Ab mein chalti hu... Tum dhyaan rakhna theek!

Aurat : Haa beta! Mujhe kya... Tumhaare Papa toh rahenge hi na mere saath. Ab tum jao... Raat ho rahi hai beta. Aur fir, Juhi akeli pados me zyada derr nahi reh paegi. Jaa beta...

Ladki : Jii Maa! Chalti hu. Tum dhyaan rakhna apna haa!? Koi bhi dikkat ho toh...

Aurat : Arre baba! Haa! Pata hai mujhe... Jaa ab tu...

Ladki : Thik!

Aur ladki apni Maa ke ward se baahar nikal aati hai.

Abhi wo aage badh ke nikalne hi wali thi ki usne dekha ki uski Maa ke bagal waale ward ke baahar doctor aur ward boy ke beech behas ho rahi thi jisse dekh wo rukk gayi.

Doctor : Dekho kese bhi karke iske parivaar walo ko inform karo.... Kese bhi karke...

Ward boy : Arre Sir! Kisi ne phone hi nahi uthaaya...

Doctor : Haa toh lagaate raho... Nahi toh fir police ko inform karo kyuki uske shareer pe maar peet ke bhi nishaan hai.

Inn dono ki behas chal rahi thi ki tabhi wo ladki jigyaasa purvak aage badhi aur usne ward me jhaank ke dekha, jab usne patient ka chehra dekha toh ekdum hi chaunk gayi aur uske muh se tezz swar me nikla, "Veeeeeeerr!????"

Doctor (palat'te hue) : Aap? Aap janti hai isse?

Ladki : Huh? Mein... Haa! Wo mera student hai. Mein usse pichle ek saal se jaanti hu.

Doctor : Bhagwaan ka shuqr hai chalo koi toh mila... Aapka shubh naam?

Ladki : Nidhi...

Doctor : Okay toh Nidhi jii... Aap idhar aaiye zara mere saath.

Kuch derr baad...

Nidhi Veer ke college me Maths padhaati thi. Aur iss saal wo Veer ki hi class ki classteacher thi.

Wo Veer ko jaanti bhi thi. Bhale hi Veer padhne me hoshiyaar nahi tha par Veer sabse shaant baccha tha uski class me. Aur ho bhi kyu na? Uske dost hi nahi the.

Aaj Nidhi apni Maa jinhe kal hi achanak minor heart attack aa gaya tha unhe hi dekhne ke liye hospital me aayi hui thi. Par ittefaaq se usse Veer bhi yahi mil gaya.

Veer ke liye saari kaagzi kaam Nidhi ne kiya aur yaha tak ki apne Pita jii se Nidhi ne Veer ke liye medical fees bhi advanced me kuch jama karwane ko keh diya.

Sab kuch itni jaldi hua ki Nidhi ki khud samajh me nahi aaya. Aur iss waqt wo ward ke darwaaze ki window glass se jhaakte hue Veer ko dekh rahi thi aur soch me padi hui thi.

'Ye achanak... Ye Veer haadse me kese...!? Aur iske Maa Baap phone kyu nahi utha rahe hai!? Kese Maa Baap hai? Mujhe kal jaake unse baat karni padegi.'

Nidhi ye soch hospital se nikal gayi.

Par uske jaate Veer ki haalat bigadna shuru ho gayi thi.

Nurse : Doctor...

Doctor : I know...

*Beep Beep Beep*

Uski heart beat bilkul band hone ki kagaar par aa chuki thi.

Ki tabhi achaanak se aisa kuch hua jiske chalte uski heartbeat waapas se normal ho gayi.

Doctor : Phew... He's out of danger now.

Aur kuch derr baad hi Doctors aur nurse Veer ki haalat stable roop me chorr ke baahar aa gaye.

Par kisi ko nahi pata tha...

Ki jab uski saasein jaane hi waali thi...

Tab uske andar ek awaaz gunji thi...

Jo kisi ko sunaayi nahi dii thi...

Aur wo awaaz ke bol the...

[System has been activated.]
.
.
.
.
.
.
.
.
.
.
Aaj ke liye itna hi guys!
Dhanyavaad!

Super nice update.

 

[Gumnaam singh]

Mujhe ek ad nhi ate hai yr ap log ko hin milte hai phle opera browser use krta tha usme bhut ata tha ab web3 ka browser brave browser hai or isme ek ad nhi ate hai

Nazar na lage brave ko

 

[Bosskhatri]

Update - 5 ~ System Activation​

Ab tak...

Par kisi ko nahi pata tha...

Ki jab uski saasein jaane hi waali thi...

Tab uske andar ek awaaz gunji thi...

Jo kisi ko sunaayi nahi dii thi...

Aur wo awaaz ke bol the...

[System has been activated.]

Ab aage...

Veer ke accident ke kuch ghanto baad hi jab Brijesh ka phone baja tha aur screen par Veer naam jab usne dekha tha toh pata nahi kyu Brijesh ne call nahi uthaaya.

Shayad kuch derr pehle usne khud hi apne bete ko dhakke maar ke ghar se baahar nikaala tha iss kaaran vash? Ya fir wo abhi Veer ke muh se koi bhi baat nahi sunn'na chaahta tha. Kuch tha jo usse rok raha tha Veer se baat karne ke liye.

Ki tabhi uske phone par firse call aaya par ye uske khud ke vyakti ka tha.

Brijesh : Hello?

Aadmi : Saahab! Veer jii ka car se accident hua hai. Abhi wo xxxxxxxxxx hospital me bharti hai.

Aur ye sunte hi Brijesh uth khada hua. Aur forun hi hospital ke liye jaane laga.

***

Agle din Kavya college me apni soch me ghum thi.

'Veer bhaiya ka call uske baad se aaya hi nahi. Kya karu? Call back karu? Iske pehle unhone kabhi mujhe call nahi kiya fir achanak kal kyu? Kahi koi dikkat toh nahi? Kal unke beech mein call na kar saki thi...'

Aur ye soch wo call lagaati hai par call nahi laga. Kese lagta? Ward boy ne Veer ki SIM waapas se uske phone me jo daal dii thi.

Ant me Kavya uske whtsapp par message daal deti hai ye puchne ki wo theek hai ya nahi?

Idhar Nidhi din me hi Veer ke ghar gayi thi taaki wo jaan sake ki kyu uske Maa Baap ne call nahi uthaaya tha.

Jab wo waha pohuchi aur jesa ravaiyaa usne dekha Brijesh, Shweta aur baaki ghar waalo ka Veer ke prati ye dekh ke usse itna gussa aaya ki wo khud ko control na kar saki.

Nidhi ek Maa bhi thi. Uski khud ki beti abhi choti thi aur aise me wo jaanti thi ki ek parent hona kya hota hai. Aise me jab usne Brijesh aur Shweta ka behaviour dekha toh bas wo bhadak uthi.

Nidhi : Kese Maa Baap ho aap log? Aapka Beta waha apni zindagi se ladd raha hai aur aap logo ko koi chinta hi nahi hai? Yaha tak ki aapne usse apne ghar se baahar hi nikaal diya!?

Brijesh : Dekhiye Madam! Veer ab iss parivaar ka hissa nahi hai. Rahi baat paise ki toh uske medical kharcho ki bharpayi mein kar chuka hu par iske baad ab wo jaane ki wo kaha rahega kese rahega... Aur aap hamare parivaarik maamlo se dur rahe toh hi accha hoga.

Nidhi : Bhul se bhi aise Maa Baap na de bhagwaan kisi ko...

Aur Nidhi apni namm aankhe liye waha se bhaag aayi. Usse Veer ke liye waqai boht bura lag raha tha. Kaha wo khud ko badqismat samajhti thi par ab Veer ko dekh usse mehsoos hua ki kam se kam usse Maa Baap ka pyaar toh mil raha tha par Veer ko toh wo bhi nahi mila...

Na jaane kya kya saha hoga uss bechaare ne ab tak?

Na jaane kese kese din bitaaye honge Veer ne unke beech rehke?

Idhar hospital me abhi shaam ke waqt Veer ko hosh aa chuka tha.

"Arrrghhh!" Ek karaah ke saath uski aankh khuli.

Aankho se dhundhlapan hata, saamne ka nazaara nazar aaya.

Usne dekha ki wo hospital me hai. Aankhein uski jal rahi thi. Usse sab kuch jese yaad aane laga...

Kya hua tha?

Haan! Aur kal ki saari vardaat flashback ki tarah uske dimaag me mandraane lagi.

Aur usne apna sar pakad liya...

Aankho se aasu behne lage...

Abhi wo soch hi raha tha ki itne me uske andar ek awaaz gunji jiske chalte uske raungte khade ho gaye.

[Sytem has been activated. You are now the owner of the system.]

Veer (ghabraate hue) : Huh? Kaun? Kaun hai?

Awaaz se maano Veer bechaara darr hi gaya. Usne apna sar idhar udhar hilaate hue dekha par wo awaaz kaha se aayi usse kuch bhi pata na chala.

[Name the System!!]

Veer (chillaate hue) : Kaun hai? Mein puchta hu kaun hai?

Aur firse ek awaaz uske dimaag me gunji...

[Analyzing Hindi language from owner's mind...

Processing...

Process completed.

Hindi Language has been recognised.]

Veer (chillaate hue) : Kaun hai? Saamne aao... Kiski awaaz hai ye jo mere sarr me gunj rahi hai...!?

Tabhi wahi awaaz firse uske mann me gunji...

Par iss baar uske bol alag bhaasha me the.

[Shaant! Mein System hu. Aur ab se tum mere master ho.]

Veer (darrte hue) : Kaun bol raha hai? Mujhe tum dikhayi kyu nahi de rahe?

[Mene kaha na Shaant! Mein ek system hu. Meri koi physical body nahi hai. Mein tumhare andar hu.]

Veer (ghabraate hue) : Me... Mere andar?

[Haa! Kya tumhe yaad hai kal tumhare saath kya hua tha? Tumhara accident hua tha. Aur tum marrte marrte bache ho tumhe pata hai? Yadi mene samay par madad na ki hoti toh tum zinda nahi bachte.]

Veer (chillaate hue) : Kesi madad? Tum mere andar kese ho? Baahar aao...

[Arre! Itni zorr se mat chillao. Andar mann me hi kaho jo kuch bhi kehna hai. Mein tumhaare mann, dil, dimag sab se judd chuki hu. Aur tumhare mann ki baat sunn sakti hu. Aise chillaoge toh log tumhe pagal samjhenge.]

Aur uss vichitr mann ki awaaz sunn Veer apne mann me hi baat karne laga.

Veer : Meri... Meri kuch samajh me nahi aa raha hai. Ye sab kya chal raha hai?

[I know! Abhi tumhe samajhne me time lagega. Bas itna samajh lo ki mein tumhe koi nuksaan nahi pohuchaane wali. Ulta mein tumhari madad ke liye yaha hu.]

Veer : Meri madad?

Veer ne kaapte hue pucha.

[Haa! Tumhari madad! Mein tumhari madad karungi. Hamesha tum apni kismat ko koste the na? Ab mein tumhara saath dungi aur tum apni kismat palat ke rakh doge.]

Veer : Wo... Wo kaise?

[Yahi toh mera kaam hai. Yadi mera istemaal sahi se kiya. Toh tum duniya par raaj kar sakte ho.]

Veer : Sach!?

[Ekdum sach.]

Veer : Toh kya tum ladki ho? Kyuki tumhari awaaz ladkiyo jesi hai.

[Nahi! Mein na hi ladki hu na hi ladka. Mein kisi bhi gender me apne aap ko dhaal sakti hu. Mene tumhaare mann me jhaank ke dekha toh pata chala tumhe ladkiya zyada pasand hai ladko ke muqaable isliye mene apni awaaz ladki ki rakhi hui hai.]

Veer (blush) : Huh? Obviously Mujhe ladkiya pasand hai. Ladke nahi. I'm not gay...

[Yadi kaho toh awaaz ladke ki rakh lu!?]

Veer : Huh? Nahi! Nahi! Aise hi theek hai.

[Hehehe~]

Veer : ..........

[Accha! Ab apni aankhein band karo aur mann me hi kaho ~ Status]

Veer (aankhein band karte hue) : Status!

Aur Veer ke itna kehte hi uske mann me ek window khul gayi,

[ Name - Veer
Age - 20
Status - Abandoned student.

Stats :
Strength - 3/100
Intelligence - 4/100
Agility - 3/100
Endurance - 7/100
Appearance - 6/100

Talents - 0
Points - 0 ]

Ye sab dekh ke Veer ke hosh hi udd gaye.

[Baap re Baap! Tumhara toh boht bura haal hai. Itne bekaar stats mene kabhi nahi dekhe apne life cycle me. Ye kya? Zero talents? Baap re!!! Tum reh kese liye itne din? Hmm? Endurance bas zyada hai tumhara. Arre haa! Itni maar khaoge toh ye toh zaahir si hi baat hai. Hehehe~]

Veer : Udaa lo... Tum bhi mera mazaak uda lo... Ab toh mujhe aadat pad gayi hai.

[Hey! Hey! Sorry! But ab tension mat lo. Mein hu na. Mein tumhe dekhna kaha se kaha pohucha dungi.]

Veer : Aur tum aisa kyu karogi? Kya milega tumhe aisa karke?

[Mera kaam hi yahi hai. Mera kaam hai logo ko sabse sarvashreshth banaana.]

Veer : Toh tumne mujhe hi kyu chuna?

[Mene chuna nahi. Jab mein yaha se guzri toh tum hi paas me the aur mein tumhare shareer me pravesh kar gayi. Apne aap ko Lucky keh sakte ho tum.]

Veer (shocked) : Yaha se guzri matlab?

[Uss baare me mein zyaada baat nahi kar sakti.]

Veer : Toh? Toh Doctor ko pata nahi chala? Ki tum mere andar ho?

[Hahaha~ Doctor kya... Tumhaari Prithvi me rehne waala koi bhi vyakti ye nahi bata sakta ki tumhaare andar mein maujood hu.]

Aur ek aur jhatka Veer ko. Ye kya bala ghuss gayi achanak se uske andar aake?

Veer : Aur tumhe Hindi kese aati hai??

[Arre buddhu abhi toh bataya, mein tumhare mann, dimaag aur dil se jud chuki hu. Aur abhi abhi toh seekhi tumhaare dimaag se hi. Isliye jitni Hindi tumhe aati hai utni hi mujhe bhi.]

Veer : O... Okay!

[Par tumhaare stats boht hi bekaar hai. Mujhe khud taras aa raha hai dekh ke. Tumhe jald se jald apne stats badhaane honge.]

Veer : Ye? Ye stats kya hai?

[Ye tumhari asli shamtaaye hai. Tumhari strength 3 hai yaani ki jo taaqat hai tumhare andar usse yadi number se darshaaya jae toh woh 3 hai. Intelligence matlab tumhari buddhi, agility tumhari furti, endurance tumhari sehan-sheelta aur appearance tumhare physical features yaani ki chehra body haath perr ye sab.]

Veer : Aur mein inhe badha sakta hu? Toh mere asli shareer me badlaav aaenge?

[Haa!]

Veer (shocked) : Baap re! Aise me toh mein fir...

[Tabhi toh kaha ki ab mein tumhari kismat palat ke rakh dungi.]

Veer : Par wo points kese badhenge?

[Missions karke. Samay samay par tumhe missions milenge aur jese jese tum unhe complete karoge tumhe points milenge. Unn points se tum apne stats badha paoge aur saath hi saath nayi skills khareed paoge. Saath hi saath jitni uplabdhiya aur naam kamaoge tumhe points milte rahenge.]

Veer : Mein kuch samjha nahi...

[Hmm! Tumhara intelligence kam hai na isliye abhi sab kuch tumhare bheje ke upar se jaega. Bas itna samajh lo. Jese jese tum missions poore karte jaoge, mera level aur saath hi saath tumhaara level badhta jaega. Jiske chalte aur bhi anokhi skills unlock hoti jaengi. Dhyaan rahe! Yadi mission ko time limit me poora nahi kiya gaya. Toh tum hamesha hamesha ke liye mujhe kho doge.]

Veer : O... Okay!!

[Hmm! Ek aur akhiri baat. Kabhi bhi... Kabhi bhi ghamand mat karna. Jis din tumhe ghamand aana shuru hua, uss din se hi tumhara ant bhi shuru ho jaega.]

System ki baat sunn Veer ke raungte khade ho gaye. Apna thook nigalte hue usne firse kaha.

Veer : Mujhe ab bhi yakeen nahi ho raha ki duniya me aisi bhi koi cheez hoti hai.

[Duniya me aisi koi cheez nahi hai. Saari duniya me mein hi ek hu jo tumhare andar iss waqt maujood hu. Mein iss planet se nahi hu. Aur planet ke baahar kesi kesi cheeze maujood hai ye tum insaan soch bhi nahi sakte.]

Veer : .........

Iske pehle ki Veer kuch aage keh paata, Nidhi uske ward me aa gayi.

Darwaaze ki aahat se jab Veer ne palat ke dekha toh apni ma'am ko dekh kar chaunk gaya.

Veer : Ma'am!?

Nidhi : Ohh God!! Finally... Tumhe hosh aa gaya.

Aur Nidhi tezz kadmo ke saath aage aayi aur Veer ka haath thaam lii...

Veer (shocked) : Nidhi Ma'am aap yaha!?

Nidhi ne fir saari baat usse bata dii. Jab usse pata chala ki Brijesh ne uska call nahi uthaaya tha toh uske chehre par dard bhari muskuraahat aa gayi. Nidhi usse bechain bhari nazro se dekh rahi thi.

Veer : Aapne mere liye medical fees dii!?

Nidhi : Mene toh sirf advance diya tha baad me tumhaare Dad ne saari pay kii.

Kehte hue usne Veer ka haath ek baar fir thaam liya.

Nidhi (bauhe sikodte hue) : Tumhe... Tumhe bura lag raha hoga na? Tumhare Maa Baap tumhe dekhne tak nahi aaye. Jese maano unhe koi parvaah hi nahi hai tumhari.

Veer (smiles) : Isme koi nayi baat nahi hai Ma'am. Ye sab toh roz ka hai. I'm not surprised. Haha~

Uski wo fake hassi dekh pata nahi kyu, par Nidhi ko apne dil me atyant hi dard mehsoos hua. Aur usne Veer ka haath aur zorr se bheench liya.

Tabhi Veer ke andar firse awaaz gunji,

[Apne mann me kaho 'Check' aur fir iss aurat ki taraf dekho.]

System ki baat sunn Veer ne wesa hi kiya aur jese hi usne check kehte hue Nidhi ko dekha toh uske hosh hi udd gaye.

Nidhi ke sar ke upar hawa me ek window mandraa rahi thi jisme kuch shabd likhe hue the ~

[ Name - Nidhi
Age - 30
Status - Divorce pending.

Bio - Nidhi ki ek beti hai jiska naam hai Juhi. Saath hi ek beta hai jisse wo apne saath rakhna chaahti hai par uske Pati Rajat ne usse apne paas rakha hua hai. Rajat se uska rishta kharaab chal raha hai jiske chalte Nidhi akeli apni beti ke saath ek ghar me rent dete hue rehti hai kyuki wo apne mata pita par bojh nahi bann na chaahti. Uski Maa ko do din pehle hi dil ka daura pada tha aur wo bhi issi hospital me bharti hai. Nidhi ki life boht hi dukh aur pareshaniyo se bhari hui hai.

Favourability - 20
Relationship - Student - Teacher ]

Ye sab kuch Veer ko Nidhi ke sar ke upar nazar aa raha tha.

Veer (ghabraate hue) : Ye... Ye aapke sar pe...

Nidhi : Huh? Kya hua? Mere sar pe!?

[Arre Buddhu! Ye sirf tum dekh sakte ho? Baaki koi nahi.]

Veer : Nahi! Ma'am! Wo mein aise hi...

'Itna toh mein ek saal me nahi jaan paaya Ma'am ke baare me jitna abhi jaan gaya. Kya kamaal cheez hai ye.'

Usne mann me socha.

'System? Ye favourability 20 ka kya matlab hai?'

[Iska matlab hai ki wo tumhaare baare me kya sochti hai. Ek prakaar se uske mann me tumhare liye jo bhaav hai usko darshaata hai.]

'Toh ye 20 matlab?'

[Matlab ki abhi wo tumhare liye sirf 20 favourability rakhti hai. Jese jese tumhara aur uska relation accha hoega ye badhta jaega. Yadi ye 80 ke upar hai matlab ki koi tumhe chaahta hai. Yadi ye 90 ke upar hai matlab ki koi tumhe dil se pyaar karta hai. Aur yadi 100 hai matlab ki dil-o-jaan se pyaar karne waala vyakti.]

'Samjha!'

Nidhi : Veer? Kaha kho gaye?

Jab Nidhi ne chutki bajaate hue apna haath uske saamne hilaaya toh Veer jese apne khayaalo se baahar aaya.

Veer : Haa! Wo mein... Ma'am...

Nidhi (haath thaamte hue) : Just forget about everything Veer! Aur kuch mat socho. Bas tumhe jald se jald thik hona hai. Okay? And don't think tumhara koi nahi hai. I'm with you okay? Abhi tum rest karo ab. Mein ab kal shaam ko hi aaungi. Aaj mene wese hi leave lii thi. Roz nahi le sakti.

Veer : Jii ma'am! Thank you!

Nidhi : Thank you kesa isme...?? *Smiles* Take care okay?

Veer : Hmmm!

Aur Nidhi uske ward se chali gayi. Veer keval Nidhi ko jaate hue dekhta raha.

Nidhi 30 saal ki ek aisi husn ki mallika prateet hoti thi ki maano keher hi dhaa de. Par limited paiso aur din bhar ki mehnat aur thakaan ke chalte jaise uska husn poora khil ke nahi jhalak paa raha tha. Kyuki wo dhyaan hi nahi de paati thi apne upar.

Ye dekh Veer ko waqai taras aa raha tha uss par. Uski khud ki Maa yaha admit thi par uske bawajood Nidhi ne uski madad ki aur uske liye advance me paise bhi bharwae. Wahi dusri orr uske gharwale jo saari sampatti se sampann hai unhone ek shan bhi nahi socha ki wo jee raha hai ya marr raha hai.

*Ding*

Aur achaanak hi uske dimaag me ghanti baji aur uske saamne ek window khuli.

[Mission : Solve Nidhi's problem.
Reward : ?? points
Time limit : 1 year ]

'Huh? Mission?'

[Haa! Mission mil chuka hai tumhe.]

'Nidhi Ma'am ki problem? Konsi problem?'

[Ye toh tumhe khud dekhna padega.]

'O... Okay!'

[Ab tumhara safar shuru ho chuka hai. Ya toh tum yahi ke yahi reh jaoge ya meri madad paa ke ek Badshaah banoge. Toh bolo? Kesa jeevan chahiye? Ek aam aadmi ki tarah jesa ki tum abhi jee rahe the ya fir ek Badshaah ka?]

Sawaal sunn ke Veer ne socha hi nahi. Usse pata tha usse kya jawaab dena hai.

Veer (smiles) : Ek Baadshah!!!!
.
.
.
.
.
.
.
.
.
.
Aaj ke liye itna hi guys!
Dhanyavaad!

Nice update.

 

[Boos1390]

 

[Bosskhatri]

Update - 6 ~ A New Home​

Ab tak...

[Ab tumhara safar shuru ho chuka hai. Ya toh tum yahi ke yahi reh jaoge ya meri madad paa ke ek Badshaah banoge. Toh bolo? Kesa jeevan chahiye? Ek aam aadmi ki tarah jesa ki tum abhi jee rahe the ya fir ek Badshaah ka?]

Sawaal sunn ke Veer ne socha hi nahi. Usse pata tha usse kya jawaab dena hai.

Veer (smiles) : Ek Baadshah!!!!

Ab aage...

Kaafi din yu guzar chuke the. Aur aaj Veer ko hospital se leave milne waali thi. Aisa ek bhi din nahi tha jis din Nidhi usse dekhne na aayi ho. Aur aisa ek bhi din nahi tha jis din galti se bhi uske gharwalo me se koi usse dekhne aaya ho.

Kitni ajeeb baat thi.

Par thi toh sacchi baat.

Ghar me asal me Brijesh ne kuch nahi bataya tha. Veer ke accident ki baat keval Brijesh aur uski sauteli maa Shweta ko hi pata thi.

Jab Manorath ne Veer ke baare me dubaara pucha toh Brijesh ne jhuth bol ye keh diya ki Veer apne dost ke ghar me thehra hua hai.

Par aisa toh bilkul bhi nahi tha. Kyuki uska koi dost hi nahi tha.

Yaha inn kuch dino me Veer ne System ke baare me badi hi bareeki se jaana.

Usse pata chala ki jese jese wo missions complete karega ya uplabdhiya haasil karega ya izzat kamaega, apna fame badhaega wese wese usse Experience milega.

Aur yahi Experience jab ikhatta hota jaega wese wese hi uske System ka level badhta jaega.

System se usse free me 10 points bhi mile the jo System ne usse uske owner bann'ne ke liye gift ke roop me diye the. Aur Veer ab issi soch me tha ki kis stat me wo points add kare.

'Mein strength me add karta hu. Sahi rahega na?'

[Mein tumhe suggest karungi ki pehle tum apna ye bheja sahi karo. Ahem! Yaani ki apna intelligence badhao.]

'Hmph! Toh fir abhi mein add nahi karna chaahta.'

[Are you sure? Dhyaan rahe! Tum jo bhi changes karoge apne stats me wo raat bhar lenge change hone me. Matlab yadi tum apni strength abhi badhaate ho toh wo abhi nahi badhegi. Tumhe uska result agle din dekhne ko milega.]

'I see!! Hmm! Toh ek kaam karo. 7 points meri strength me daalo. 2 mere intelligence me aur 1 mere appearance me.'

[Are you sure!?]

'Haan!'

[Well okay!]

Aur tabhi ek ghanti baji...

*Ding*

[7 points have been added to strength.
2 points have been added to intelligence.
1 point has been added to appearance.]

Aur uske baad hi Veer ke stats badal chuke the. Par uska effect agli subah se usse dekhne ko milne wala tha.

Stats :
Strength - 10/100
Intelligence - 6/100
Agility - 3/100
Endurance - 7/100
Appearance - 7/100

'Good!! Wese... System!?'

[Hmm!??]

'Tumne kaha tha ki tumne meri jaan bachaayi? Kya tum ek marre hue vyakti ko bhi zinda kar sakti ho?!'

[Nahi! Mene sirf apni urja ka istemaal kiya tha. Yahi kaaran hai ki mein ek din tak shut down thi. Aur tum khud bhi behosh the isliye tumhe pata nahi chala.]

'Wow! Toh aise me toh tum mujhe harr waqt khatro se bacha sakti ho hai na?'

[Bilkul bhi nahi! Aisa sochna bhi mat. Wo urja keval ek baar hi istemaal karne ke liye praapt thi mujhe.]

'Ohh mujhe aur batao na iss baare me.'

[Pehle mera level badhao. Abhi tumhe inn baato ko jaan'ne ka haq nahi hai.]

'Okay!'

[Aur haa! Mujhse zyaada baatein mat kiya karo. Jab zaroori ho keval tabhi...]

'Kyu?'

[Kyuki bolte waqt mujhe energy chaahiye. Aur ye energy mein tumhaare hi shareer se leti hu.]

'Fuck!!! Aur tum mujhe ye ab bata rahi ho!? Tabhi mein sochu mujhe itni thakaan kyu mehsoos hoti thi.'

[ ]

***

Ab shaam ka time ho chuka tha aur Veer ko hospital se discharge kar diya gaya tha.

Abhi wo wahi ek bench par baitha hua tha ki Nidhi saare kaagzi kaam karte hue uske paas aayi aur bagal se baith gayi.

Nidhi


Nidhi : Veer!? Saari formalities ho chuki hai. Ab tumhe hospital se chhutkaara mila.

Nidhi ne muskuraate hue kaha.

Veer : Thank you Ma'am! Mein zindagi bhar aapka abhaari rahunga.

Nidhi : Ye tum kesi baatein kar rahe ho Veer? Ek teacher hone ke naate ye toh meri duty hai ki mein apne student ki help karu.

Veer : Fir bhi Ma'am! Aaj kal toh ghar ke apne saath nahi dete aur aapne sirf meri teacher hone ke naate itna kiya. Uske liye thanks toh banta hi hai na?

Iss baar Veer ne smile karte hue kaha. Par uski smile dekh ek baar fir Nidhi ki bauhe sikudi aur usse andar hi andar ek ajeeb sa dard hua.

Nidhi : Ab... Ab tum kaha jaoge Veer? Tumhare gharwale toh...

Veer : Hmm? Mujhe nahi pata Ma'am. Dekhta hu. Kuch na kuch kar hi lunga.

Nidhi : Nahi! Par aise kaha jaoge tum? Tumhe abhi bhi rest ki zaroorat hai. Kaha rahoge? Kya khaoge? Aur college ka kya?

Veer : College? Mujhe kuch nahi pata Ma'am. Jo bhi hoega, dekha jaega.

Wo itna keh ke waha se utha hi tha ki Nidhi ne uska haath thaam liya.

Nidhi : Nahi! Mein tumhe aise jaane nahi de sakti. Bilkul bhi nahi! Kaha jaoge aur tum? Kaha bhatkoge aisi haalat me? Tum... Tum mere saath chalo.

Veer (shocked) : Huh?

Nidhi : Haa! Aaj se... Aaj se tum mere saath rahoge.

Kitni hi asaani se keh dii Nidhi ne ye baat.

Aur kitni hi asaani se Brijesh ne wo baat kahi thi ~ "Nikal jao iss ghar se."

Dono me kitna antar tha.

Aur kismat ka khel toh dekho. Ki uske ghar se usse yu nikaal diya gaya tha aur aaj Nidhi jo ki sirf uski teacher thi wo yu usse apne ghar le jaane taiyaar thi.

Aur yahi dekh ke Veer ki aankho me aasu aa gaye. Usne Nidhi ka status dekha tha. Wo jaanta tha ki Nidhi khud kitna kasht bhara jeevan vyateet kar rahi thi.

Par iske bawajood usne Veer ko apne ghar par rehne ke liye keh diya.

Veer (namm aankho se) : Nahi! Ma'am! Ye aap... Ye aap kya keh rahi ho? Mein aapko pehle hi boht kasht de chuka hu, ab aur mujhe mushqil me mat daaliye ma'am.

Nidhi : Chup raho ekdum! Aur chalo mere saath.

Veer : Ma'am...

Nidhi : Mene kaha na chup raho. Aaj se tum mere saath hi rahoge. Aur aage ek shabd nahi kahoge tum.

Usne apna haath Veer ke hontho par rakh diya. Nidhi ke komal haatho ka sparsh apne hontho pe paate hi Veer wahi khada ka khada reh gaya. Jab Nidhi ko bhi dhyaan aaya ki usne ekdum se kya kiya usne forun hi apna haath peeche le liya aur uska haath pakad ke usse le jaane lagi.

Veer ke laakho manaane ke baad bhi Nidhi ne uski ek na suni aur usse laake apni scooty par peeche baitha diya.

Nidhi : Acche se pakad ke baithna okay?

Uske bolte hi Veer ke haath Nidhi ki patli kamar pe lipat gaye. Ek pal ke liye toh Nidhi ko bhi ek jhatka sa laga jese hi Veer ke haath uski kamar par bandhe.

Wo iss waqt navy blue saree aur kaala blouse pehni hui thi. Aur peeche se uske aadhe nagn kandhe saaf nazar aa rahe the jo harr pal Veer ko madhosh kar rahe the. Wo khule baal aur wo nasheeli aankhein jo kisi bhi waqt aadmi ko apna deewana bana de.

Thandi hawao se dono ka shareer thanda zaroor ho raha tha par saath hi saath ek ajeeb sii garmi bhi thi jo dono ke hi shareer me iss waqt kahi dabi hui thi.

'Check' Veer ne mann me Nidhi ko peeche se hi dekhte hue kaha toh forun hi Nidhi ke sar ke upar wahi window firse khul gayi.

Sab kuch same hi tha pehle ki tarah siwae ek cheez ke. Aur wo thi...

[Favourability - 30]

Nidhi ki favourability Veer ke prati 10 points se badh gayi thi. Aur kyu na badhti? Wo roz Veer se milne shaam ke waqt aaya karti thi. Roz roz yadi aap kisi se bhi baat karo, aapko thoda boht interest unme aa hi jaata hai. Aisa hi haal kuch Nidhi ka bhi tha.

Veer uska student tha aur iss se pehle kabhi bhi Nidhi ne aise apne kisi bhi student se mulaqaat nahi ki thi. Na hi itni baatein kari thi. Aur toh aur wo ab Veer ko apne ghar le jaa rahi thi. Toh bhala dono ke beech friendship gehri kese nahi hoti?

Veer ke mann me Nidhi ke prati jo respect thi wo ab kayi guna badh chuki thi.

Kitni hi asaani se usne Veer ko apne ghar rehne ko keh diya. Veer jaanta tha ki wo akeli apni beti ke saath rent se rehti hai uske bawajood Nidhi ne uspar iss hadd tak bharosa kar liya ki wo uske saath reh le. Usne ek baar bhi nahi socha ki Veer ko apne ghar par rakhna theek hai ya nahi? Usne ye nahi socha ki uske ghar ki owner kese react karegi ye dekh ke?

Aur isliye Veer ki nazro me Nidhi kisi devi se kam nahi thi.

Veer kass ke uski patli kamar ko apne dono haatho se thaame hue tha. Aur Nidhi bhi Veer ke haatho ko bhali bhaati feel kar paa rahi thi. Na chaahte hue bhi uski dhadkan normal se thodi tezz ho chuki thi.

Iss se pehle keval uske husband ne hi usse aise touch kiya tha. Aur usse hue bhi 2 saal ho chuke the. Aur aaj wahi feeling wo mehsoos kar rahi thi.

Par farq ye tha ki uski kamar ko thaamne waala iss waqt uska husband nahi balki uska student Veer tha. Jo ki uss se 10 saal chota tha.

Aur yahi baat Nidhi ko sata rahi thi. Wo nahi chaahti thi ki Veer jo ki uske chote bhai jesa hai uske touch se wo aisa mehsoos kare. Par inn sab ke bawajood uski dhadkane slow hone ka naam hi nahi le rahi thi.

2 saalo se ye pehli baar tha jab usne kisi mard ko itni paas se mehsoos kiya tha. Aur usse nahi pata tha ki ek ajeeb sii anubhooti ne uske andar janm le liya hai.

Kuch hi derr me jab ghar aaya, Nidhi ne usse dhyaan se utarwaaya aur gaadi park kii.

Wo ek flat me rent se rehti thi. Uska flat 2nd floor par tha. Veer ko lift me le jaate hue wo 2nd floor par pohuchi aur jese hi apne flat ke paas aayi toh chaunk gayi.

Flat ka taala khula hua tha. Usne forun hi bell bajaayi toh kuch seconds me hi darwaaza khul gaya.

Aur andar se uski beti jo ki abhi abhi school jaana shuru kii thi wo daudte hue aayi aur uske perro se lipat gayi, "Mummmmmyyyyy... Mummy aa gayi!"

Hairaan hote hue Nidhi soch me pad gayi. Wo toh flat me taala laga ke apni beti Juhi ko bagal waale flat yaani ki pados me chorr ke gayi thi. Fir ye sab kya tha?

Ki tabhi andar se ek aur shaks baahar aaya. Aur usse dekh Nidhi ke chehre pe hairaani, fir confusion, aur fir khushi jhalakne lagi.

Ek sundar sii ladki aage badhte hue uske gale se lag gayi, "Diiii!!"

Nidhi (gale lagte hue) : Shreya tu? Yaha?

Shreya


Shreya : Kyu?! Nahi aa sakti?

Nidhi : Mera matlab wo nahi tha tu jaanti hai.

Shreya : I know! And yes! Mein yaha. Hehe~ Aur ab se mein yahi rahungi aapke saath.

Nidhi (hairaani me) : Kyaaaa?

Shreya : Haa! Itna shocked kyu ho? Aap nahi chaahti kya ki mein yaha rahu?

Nidhi : Nahi! Mein bas ye soch rahi hu ki achanak se tum yaha.

Shreya : Hmm! Kyuki Maa papa ne khud kaha hai.

Veer khade khade itna toh jaan gaya tha ki saamne khadi ladki Nidhi Ma'am ki choti behan thi. Fir bhi usne check karna hi sahi samjha.

Veer (mann me) : Check!

Aur Shreya ke sar ke upar tabhi wahi window khul gayi aur uspe likhe shabd Veer ko nazar aane lage.

[ Name - Shreya
Age - 24
Status - Maiden in search for true love.

Bio - Shreya Nidhi ki sagi choti behan hai. Uska mann padhayi me shuru se hi nahi lagta tha aur isliye aaj wo ek youtuber hai. YouTube pe stream karte hue games khelna aur vlogs banaana usse pasand hai. Abhi zyaada subscribers na hone ke kaaran wo zyaada busy nahi rehti. Apni behan Nidhi se boht zyaada pyaar karti hai. Uska sapna hai ek boht badi youtuber bann'na. Sacche pyaar ki talaash me hai. Par koi mila nahi hai abhi. Shreya love at first sight par believe karti hai.

Favourability - 0
Relationship - Strangers.]

Shreya ke baare me jaante hi Veer thoda hairaan tha. Usse dekh ke koi nahi keh sakta tha ki wo ek youtuber thi.

'Hmm! Interesting... Interesting!'

[Sapne dekhna chorr do master!]

'Huh? Kyu??'

[Nahi degi!]

'What the..!?'

[Master aapne dekha na? Wo love at first sight par believe rakhti hai. Pehli nazar me pyaar. Aur aapko abhi dekh ke koi bhi ladki aapke pyaar me nahi padne waali.]

Iske pehle ki Veer System ko jawaab de paata. Shreya ki awaaz uske kaano me padi.

Shreya : Ye kaun hai?!

Nidhi : Ye hai Veer! Mera student.

Shreya : Ohh! Toh? Tuition shuru kar dii kya aapne?

Nidhi : Nahi! Aaj se ye mere saath hi rahega.

Pal bhar ke liye maano sannaata sa chha gaya aur tabhi Shreya ekdum se chillaayi,

Shreya : Whaaaaaaaatttt??

Nidhi : Haaa!

Shreya : Kya kaha aapne? Ye... Ye aapke saath rahega?

Nidhi : Hmm! Lambi kahani hai.

Shreya : Wait! What? But kyu? Aap aise kese kisi ko bhi apne ghar me...!?

Nidhi : Sshhh! Andar chalo pehle.

Andar le jaate hue Nidhi ne Shreya ko Veer ke baare me sab kuch bata diya, jisse sunn Shreya ka dil bhi thoda paseej gaya aur wo Veer ko rakhne ke liye taiyaar ho gayi. Abhi Nidhi washroom gayi hui thi ki tabhi Shreya uske paas aayi...

Shreya : Dekho! Hum tumhe yaha rakh rahe hai kyuki meri dii badi hi bholi hai aur sabki madad karti hai. Aur hum tumhe yaha rakhne ke liye taiyaar hai. Par meri dii ke baare me koi bhi galat khayaal mat laana samjhe? Hmph! I'm watching you...

Aur wo do ungli Veer ki aankho ki taraf karte hue mud ke apni gaand matkaate hue andar chali gayi.
.
.
.
.
.
.
.
.
.
.
Aaj ke liye itna hi guys!
Dhanyavaad!
Like zaroor kijiyega yadi pasand aaye. Next update se story me action aur masala aana shuru hoega.

Wah.
Ye story to bahut hi badiya hai .

 

[Yashu7979]

Bhai r u alright na???

 

[Yashu7979]

.

 

[Razz1387]

Ab to Nazar laga ke chodege sab well I use it to and have been reading this story from long time I generally come on Sunday only coz then I get updates

Nazar na lage brave ko

 

[Yashu7979]

Wolfi Yaar tussi bahut jhut bolte ho... Mene 120 update ke baad har baar ye notice Kiya ki ju har baar time dekar us time par update nhi diye ho. Har baar late update Dene ka nya excuse diye ho... Kbhi ye kabhi vo... I know problem har insan ki zindagi me ati he to ju bhi esse alag nhi ho... But sochne wali baat ye ki 100 update se pehle ju ke koi excuse nhi the update time to time aa rhe the...

1 update ke bich 2 din ka fix gape tha... But abb ? Update 90 jun 2022 ke first me aya tha tb se lekar ab tk 68 update aye yani approx 6 din me ek update ! Story me plot ke husab se ye minimum 500 update ke aaspas ja sakti he jaisa ki ju pe story ke bich kahi pr ye bat mension ki thi ab jyada kitne bhi ho sakte.... Es hisab se jab tak kahani puri ho jayegi tb tk hamare bacche tk ho jayenge... Our pta nhi kuch reader swarg bhi sidhar sakte he because jisne Janam liya he vo marega to avashya hi ... Ab unki ye ecchha to rehh jayega ki kahani ka ant kaisa rehega... Ab ju aisa karke kuch readers ki ecchao ka the end kar rhe ho...

Khair mera ye sab btakar ju ko criticise karne ka irada to katai nhi he... We know tha ki kahani likhna ki first priority nhi he our na hi second /third but har update ko delay karke Jo ju excuse dete ho vo thode hajam nhi he... I know unme se most of excuse was right... Ye common he ki Etne lambe samay tk likhte rehne se mann uub jata he ye jayaj bhi he eske liye ju ek accha khasa lamba break le lo taki readers log intezar na kre.... Aisa bhi nhi he ki ju ki story pr readers kamm he... Agar kuch behtreen reviewers kuch samay ke liye active rehna band kr de to use base pr kahani ko slow kr dena baki readers ke sath na insafi hogi...

Jana to mene dekha jitna ju ki story ko pyar end support mila utna sayad aaj din tk kisi adult platform ki stories ko nhi Mila... Our ye sab ju deserve bhi krte ho akhir Etna behtreen our different story jo likh rhe ho... Baki ju ne yha ya kisi other platform pr dekha hi hoga ki ek behtreen kahani hone ke bavjud writers ko support nhi milta es vajah se ya to vo kahani bich me drope kr dete he ya kuch kahaniya apne anjam tk bhi pahuchti he... Nowadays readers logich ka new writers ke upper bharosa nhi rha because vo ye dharna bna chuke he (kuch hadd tk sahi bhi he ) ki ye writer bhi bakich writers ke mafik estory bich me drope kr dega... Khair ye bat out of syllabus ho gaii he.


Agar ju ka likhne me interest kamm ho gya he ya personal problem jyada bdh gaii he ya workload jyada badh gya he to roj roj ke excuse Dene se accha he ki ek accha khasa break le lo... Taki readers and ju mentaly rup se free ho jaye... And jab lge ki story ko vapas restart kr dena chahiye to us time vapas vhi story ke starting vali energy ke sath restart kr dena... Baki to bs ummid matra he ki update pehle ke mafik schedule ke according ate rhe our kuch urgent word / problem aa jaye tb break compalsary banta he... In last meri kuch bate appatijanak lge to you tube ads samaj kr skeep/ignore kr dena ka

Baki apan apki our apke parivar Jann ki acchi sehat ke liye Param pita Parmatma se kamna karte he

bhai everyone have there own problems but it doesn't means werewolf bhai haven't punctual for their updates...i know last some updates doesn't came their deciding time..you also rememberd, this is not a paid site everyone have there personal life so don't criticized him for late update

 

[Bosskhatri]

Update - 7 ~ Busted​

Ab tak...

Shreya : Dekho! Hum tumhe yaha rakh rahe hai kyuki meri dii badi hi bholi hai aur sabki madad karti hai. Aur hum tumhe yaha rakhne ke liye taiyaar hai. Par meri dii ke baare me koi bhi galat khayaal mat laana samjhe? Hmph! I'm watching you...

Aur wo do ungli Veer ki aankho ki taraf karte hue mud ke apni gaand matkaate hue andar chali gayi.

Ab aage...

Ek bade se bunglow me iss waqt ek bade se room me ek behad hi khubsoorat ladki apni comfortable chair par baithi hui thi. Aur kuch zaroori kaagzi kaam kar rahi thi. Ghar itna aalishaan tha ki pucho mat.

Tabhi uske room ka darwaza khula aur andar ek middle aged aadmi ne aakar uske saamne ek file rakhi aur bola,

Aadmi : Madam! Ye rahi file.

Ladki : Jii!

Aadmi : Wo... Madam!

Ladki : Hmm?

Aadmi : Wo... xxxxxxxx company hamaare saath deal karna chaahti hai. Ek bar firse mujhe unka call aaya tha.

Ladki (lambi saas lete hue) : Mene kitni baar aapko kaha hai ki unhe mana kar dijiye par aap ulta unko latka rahe ho? Mujhe nahi karni koi bhi deal unke saath.

Aadmi : Par madam isme galat kya hai? Ek acchi company hai aur ulta hume hi fayda hai. Aap bhala ye deal kyu nahi karna chaahti? Buraayi kya hai?

Ladki : Aap jaante hai na? Mein meeting ke waqt iss company ke maalik se mili thi. And, I can tell he's not trustworthy.

Aadmi : Par mujhe toh unka ravaiyya ekdum pasand aaya. Mujhe nahi lagta ki...

Ladki : Aap nahi jaante. Mein bhala kabhi galat hui hu?

Aadmi : Nahi! Par...

Ladki : Then bharosa rakhiye! Aur uss kaam ka kya jo mene aapko saupa tha!?

Aadmi : Jii... Wo mein... Jald hi details pata lag jaengi madam.

Ladki : Itna sa kaam karne me itna time lag raha hai?

Aadmi : Sheher bada hai madam. Thoda sa time lagega. Aur ab iss kaam ke liye mein CBI me toh nahi jaunga na? Par aap nishchint rahiye. Jald ho jaega.

Ladki : Hmm!

Aur wo aadmi baahar nikal gaya. Idhar wo ladki apne anguthe ko zorr se apne daato tale dabaate hue kisi soch me pad gayi. Na jaane kya soch rahi thi wo iss waqt. Par uske chehre par aasha, jigyaasa aur tanaav ke mile jule bhaav utpann ho rahe the.

***

Nidhi ka ghar...

Veer ko apne ghar me laate hi sabse pehle Nidhi ne apne kapde badle aur usne apni saree utaar ke ek red night gown daal liya. Wo bhali bhaati jaanti thi ki ab wo akeli nahi hai, ek naujavan ladka bhi uske saath uske ghar me rehne waala hai par iske bawajood usne gown pehna. Jese usse vishvaash tha ki Veer koi bhi utt pataang harqat nahi karega.

Uski choti behan bhi yahi maujood thi. Yadi Nidhi chaahti toh iss waqt safety ke darr se wo Veer ko ye keh ke apne ghar se nikaal sakti thi ki ab uski choti behan aa gayi hai toh jagah nahi hai ghar me theherne ki, ya ye keh sakti thi ki ab uski behan aayi hui hai aur aise me wo Veer ko apne saath nahi rakh sakti. Wo kuch bhi keh sakti thi.

Par Nidhi bilkul bhi peeche na hati. Aur usse itna toh vishwaash tha ki Veer koi bhi galat harqat nahi karega uske saath.

Iss waqt red gown me wo qayaamat lag rahi thi. Poori aag ka shola. Veer toh bas yahi soch raha tha ki kitna bada murkh hoga Nidhi ka pati jo aisi aurat ko apne haath se jaane de raha tha.

Baahar nikalte hue Nidhi ne Veer ko nahaane ke liye kaha, kyuki itne dino se wo hospital me tha aur aise me zaahir sii baat thi ki usse ek bath ki sakht zaroorat thi. Par dikkat thi underwear aur kapdo ki. Veer toh khaali haath ghar se nikla tha. Bhala ab chaddi kaha se lae wo? Na uske paas extra kapde the, na hi wo koi Doraemon tha.

Hospital me jo kapde usse mile the wahi wo iss waqt pehna hua tha. Kyuki uski college ki dress toh khoon se pehle hi kharaab ho chuki thi. Aur abhi wo issi duwidha me tha ki kya kiya jaaye,

Veer : Umm... Ma'am mein naha toh lu but wo...

Kehte waqt uska chehra halka laal pad gaya toh Nidhi ne confused hote hue pucha.

Nidhi : Kya dikkat hai Veer?

Veer : Wo... Mere kapde? Aur underwear!? Mere paas nahi hai...

Bolte hi wo blush karne laga. Akhir usne bol bhi kese diya ye? Mann me wo khud se hi sawaal kar raha tha.

Aur ye sunn Nidhi ke bol bhi thoda ladkhada gaye,

Nidhi : Ohh! Haa! Arre... Wo... Mein bhi na... Mein ek kaam karti hu... Veer! Tum nahao... Mein shopping mart jaati hu... Aur udhar se le aaungi... Kuch kapde bhi le aaungi daily use ke liye.

Uski baat sunn pal bhar ke liye Veer ekdum maun ho gaya.

'Did she really said that? Ma'am mere liye kapde aur underwear lene jaa rahi hai?'

Aur ye sochte hi uske shareer me ek ajeeb si halchal hui andar hi andar.

Veer : Ma'am ye aap kya keh rahi ho? Aap rehne dijiye... Mein manage kar lunga...

Nidhi : Arre kya manage kar loge? Dobaara se wahi pehnoge kya? Tum ye bucket me kapde utaar ke rakh dena, mein washing machine me dho dungi.

Aur itna kehte hi wo mud ke jaane lagti hai ki tabhi usse yaad aata hai ki usne size toh pucha hi nahi.

Nidhi : Wo!! Tumhara size Veer? Kapdo ka?

Veer : Ma'am t shirt mujhe M size ki fit aati hai. Baaki...

Nidhi : Okay! Aur neeche ke liye mein lower le aaungi thik?

Veer : Jiii!

Wo fir se mud ke jaane waali thi ki tabhi usse firse kuch yaad aaya aur wo sochte hi uske gaal ekdum surkh laal pad gaye.

Wo palti aur Veer ko dekh badi hi dheemi awaaz me boli,

Nidhi (blush) : Wo... Wo... Tumhari... Underwear ka size?

Ye sawaal sunte hi Veer khud stabdh sa khada raha.
Ab bataana toh padega hi...

Usne apna thook nigalte hue sharmaate hue bataaya,

Veer (blush) : Ma'am... Wo... Mera... 85 hai...

Nidhi (blush) : 8... 85!?

Veer (blush) : 85 cm.

Nidhi (blush) : O... Okay!

Aur Nidhi tezz kadmo ke saath baahar nikal ke bhaag gayi. Veer ne ek raahat ki saas lete hue bathroom me pravesh kiya. Pehli baar koi ladki uske liye ye sab cheeze khareed rahi thi. Bada hi ajeeb sa lag raha tha usse.

Kuch derr baad...

Nidhi shopping kar ke aa chuki thi aur Veer ke liye wo kuch kapde khareed ke le aayi thi saath hi saath uske undergarments bhi. Poori tarah se jab Veer taiyaar hoke baahar aaya toh dekha ki Nidhi ke haath furti me kitchen ke kaamo me lage hue the.

Nidhi khud iss waqt bada hi sharma rahi thi. Iss se pehle usne apne pati tak ki bhi kabhi underwear na khareedi thi. Aur aaj wo pehli baar kisi mard ke liye underwear khareedne gayi thi aur wo bhi uske apne hi student ki.

Paas aate hue Veer kitchen me hi side ke platform se tik ke khada ho gaya aur Nidhi ko dekhne laga jo iss waqt roti belne me busy thi.

Veer ki aahat paa ke hi usne ek baar Veer ko mud ke dekha uske baad waapas se roti belni lagi aur dheere dheere khud hi baat karne lagi,

Nidhi : Fatafat roti sek deti hu aur Veer mene ye fry daal aur mix veg sabzi bana dii hai. Tum kha loge na? Dekho toh... Aaj pehla din hai aur mein kuch bhi special na bana paayi. Kal pakka kuch special banaungi. Tumhe kya pasand hai Veer? Jo tum bologe kal wahi banega... Aaj na jaldi me thi aur hospital se aate aate kaafi thak gayi... Thoda rest karungi na toh kal ekdum fresh mehsoos karungi... Fir kal hum sabhi eksaath special dinner karenge... Landlady ko bhi inform karna hai ki ab se tum mere saath rahoge... Yadi wo rent badhaati hai toh badha de... Wo dekh lungi mein... Uski tension mat lena tum haa?

Itna sab kuch wo bolti jaa rahi thi, uske haath itni speed me chal rahe the ki jitni baar wo roti belti uski chuudiyo ki khanak utni hi baar aur tezz shor karti. Roti belne ke kaaran uske haath ek rythm me hil rahe the aur ussi rythm se uske kaano me lagi hui baali bhi hil rahi thi.

Nidhi ko jese hi ehsaas hua ki usne itna sab bola par Veer ne koi pratikriya nahi dii toh wo palti aur Veer ko dekhi.

Aur usne dekha ki Veer keval apne haath baandhe platform se tike usse hi nihaar raha tha. Usse apne prati aise dekh uske gaalo par halki laali chhaa gayi.

Nidhi (blush) : Aise... Aise kya dekh rahe ho Veer!?

Veer : Dekh raha hu ki aap kitni mehnat karti ho Ma'am.

Nidhi (smiles) : Mehnat toh karni hi padti hai sabko. Tabhi toh zindagi chalti hai.

Veer (smiles) : Hmm!

Aur wo waapas se apne kaam me lag gayi par kuch derr baad hi uske kaano me Veer ki awaaz padi,
"Aapne itna sab kuch kyu kiya mere liye ma'am?"

Aur ye sawaal sunte hi Nidhi jiske haath abhi roti belne me lage hue the wo achanak hi ruk gaye.

Usne palat ke Veer ko dekha aur bolne hi waali thi ki firse Veer ki awaaz ne usse rok diya.

Veer : Mein jaanta hu ki aap yahi kahengi ki ye aapka ek teacher hone ke naate farz tha. Par aapne mere liye ek farz se kahi zyaada kiya hai Ma'am. Aur abhi bhi kar rahi ho. Ye sab kapde, ye mera yaha rehna, hospital me wo advanced fees, mujhe roz dekhne aana, haalchaal puchna, Kyu???

Veer ki baat sunn Nidhi ne ek gehri saas lii aur boli,

Nidhi : Kyuki mein jaanti hu tum kesa feel kar rahe ho Veer. Mein jaanti hu akelapan kesa hota hai. Kesa hota hai ghar se baahar nikalna. Kesa mehsoos hota hai. Isliye mein ye sab kar rahi hu. Aur... Bhale hi college me hamaari zyaada baat nahi hui Veer. But meri nazar apne harr ek student par rehti hai. Mujhe pata hai ki kon kesa hai. Mein jaanti thi ki tumhara koi dost nahi hai. Aur aise me tum kaha jaate? Mene wahi kiya jo mujhe sahi laga.

Veer : Aur ye jaante hue bhi ki aap ek ladke ko apne ghar laa rahi ho, ye jaante hue bhi ki aapki landlady aur aas pados ke log kya sochenge iss baare me? Ye jaante hue bhi ki aapki behan bhi yahi rehti hai aapke saath aur iske bawajood aap ek anjaan ladke ko yu rehne de rahi hai apne ghar me?

Nidhi (smiles) : Yes! Because I believe you!

Aur itna sunte hi Veer ka shareer sihar utha.

Veer : Kyuuu???

Nidhi : Tumhe kya lagta hai Veer? Tumhe kya lagta hai ki I don't know? Kya mujhe nahi pata ki log mujhe kin nazro se dekhte hai? Ghar se college, college se ghar, itne logo ki nazar mujhpe padti hai. Kuch jaan pehchaan ke toh kuch anjaan. Tumhe kya lagta hai ki mujhe nahi pata wo kin nazro se mujhe ghurte hai? Kya chalta hai unke mann me? Yaha tak ki college ke students jo na jaane kitne saal chote hai umr me...

Kehte waqt uske honth thar thara rahe the aur Veer ne notice kiya ki uski aankhein halki bheeg chuki thi.

Nidhi : I know.... I know everything Veer! I know everything.

Usne zorr se kass ke apne gown ka ek hissa bheench liya aur nazre neeche kar lii. Aaj pehli baar Veer ko khud kisi ke liye itna bura lag raha tha. Uska khud ka dil tadap raha tha Nidhi ki aisi haalat dekh.

Nidhi : But tum...

Usne nazre uthaate hue dubaara bolna shuru kiya. Aur iss waqt Veer bhali bhaati dekh sakta tha unn aasuo ko jo Nidhi ki palko par saje hue the.

Nidhi : Tumhari aankhein kabhi bhi nahi bhatki... And that's why... I believe you!

Nidhi ke bol sunte hi Veer ke shareer ke roye khade ho gaye.

Wo samajh chuka tha Nidhi kya baat bata rahi thi. Yahi ki kese log usse taadte hai aur khaa jaane waali nazro se ghurte hai. Yaha tak ki college ke students bhi jo usse aise ghurte the ki maano kabhi bhi uspe toot padenge. Par Veer ne aajtak kabhi bhi Nidhi ko wesi nazro se nahi dekha tha.

Jab jab Nidhi uss se baat karti, ya toh wo nazre jhuka ke baat karta tha ya fir uske chehre me dekhte hue. Naa ki uske shareer pe nazar maarte hue. Aur ye baat Nidhi bhali bhaati jaanti thi. Logo ki nazro aur unke iraado se wo harr tarah se parichit thi. Yahi kaaran tha ki usse Veer pe vishwaash tha. Uske iraado aur uski aankho par usse vishwaash tha.

"Dekho toh... Mein bhi na... Kya boring baato ko lekar baith gayi. Aur tum ye mat sochna bilkul bhi Veer ki tumhe ab kaam nahi karna padega. Boht kaam karwaungi tumse samjhe!?"

Nidhi ne apne aasu ko halke haath se pochte hue ek smile ke saath mazaakiya dhang me kaha, toh Veer bhi badle me muskura diya,

Veer : Aapka hukum sar aankho par ma'am.

Abhi usne bola hi tha ki tabhi Nidhi ki ungli dhoke se garam garam Daal se bhare pan par lag gayi aur uske muh se ek aah nikal gayi...

"Aaahhhh!!! Ssss.... Ouch!!!"

Aur agle hi pal Veer ne aage badh Nidhi ki jali hui ungli apne muh me bhar lii...

*Sannaata*

Ab bhar toh liii ungli muh me josh josh me...

Par ab Veer ko khayaal aaya ki usne kya kar diya.
Yadi iss waqt koi gaana Veer ki situation ko describe kar sakta tha toh woh tha~
Laude lag gaye...

Idhar Nidhi hakki bakki sii khadi Veer ko dekh rahi thi. Uski aankho me achambhav saaf nazar aa raha tha. Uska muh halka khul chuka tha.

Veer ki zubaan aur andar se muh ka garam taapmaan wo bhali bhaati apni ungli par mehsoos kar paa rahi thi. Jalan aur dard toh jese wo bhul hi chuki thi.

Dono ek dusre ki aankho me aankhe daal dekh rahe the.

Ki tabhi...

"Tururu tururu tururu ruru ruru... Aaah! Ye shaam ko late nahaane me maza hi aa jaata hai."

Shreya fridge me se orange juice ki bottle se juice peete peete kitchen me aa gayi... Aur usne jo saamne dekha...

*Phhhhhhuuuuuuuuuuuu*

Saara ka saara juice uske muh se nikal ke neeche zameen par jaa gira. Uski aankhein aisi phaili hui thi maano jese bechaari ne bhoot dekh liya ho. Muh khula ka khula...

Veer uski badi behan ki ungli apne muh me daale hue khada tha. Ab bas teeno ek dusre ko dekh rahe the aur ek khaamoshi sii chhaa gayi.

Veer : ....

Nidhi : ......

Shreya : .....

[]
.
.
.
.
.
.
.
.
.
.
Aaj ke liye itna hi guys!
Sorry! Iss update se action start hone wala tha story pace pakadti but mujhe laga ek ye update zaroori tha. Ab next update se Veer apne stats badhane niklega. Like zaroor karna pasand aaye toh.
Dhanyavaad!

Super .