- 13,765
- 98,366
- 259
Last edited:
Incest Baadshah ~ The Tales of Debauchery
- Thread starterWerewolf
- Start date
- 14,325,313
Surya_021
Active Member
- 1,219
- 3,306
- 158
Awesome Update BhaiHoli special
Update - 176 ~ Heavy Violence (2)
Ab tak...
PROBABILITY MANIPULATION!!!
Crimson dwara paapt kiya woh card pehli baar aaj activate hua. Veer ka perr apne aap andar ki namm mitti ke chalte fislan kha gaya. Uska sarr peeche hua, aur saanp dusri orr jaake jaake zameen se jaa bhida. Probability manipulation ne Veer ke upar hamla hone ki probability badal di thi.
Mauka na gawaate hue usne turant hi wall run kar upar chadh haath felaate hue gaddhe ke baahar ki zameen ko jakda. Aur usme se baahar nikal aaya.
'That was close-!!!'
Saansein abhi theek se durust hi ki thi ek awaaz ne uske raungte ek baar fir khade kar diye. Koi tezi se uski orr aa raha tha.
Ab aage...
Mahaul tang tha. Do insaan jo ek dusre se anjaan the woh aamne saamne ek dusre ka adanga bann ke khade hue the. Dono ek dusre ki taaqat ki kshamta ka aaklan kar rahe the.
[Something's off about him!!!]
'Hmm!'
Lloyd ki gambheer awaaz Renshu ke mann me goonji jis se woh poori tarah sehmat tha. Saamne khada ye naujavan...! Kuch ajeeb si anubhuti de raha tha.
Achanak se ek system holder ka prakat hona aur unn par hamla karna. Kuch andhruni taur par pak raha tha, jis se Renshu anibhigya tha.
Uske maathe par paseene ki boonde chhayi hui thi. Aankhein gambheer taur par uss agyaan naujavan system holder par tiki thi.
Uski instinct 'Enlightenment' use aagah kar rahi thi. Har mushqil mod pe 'Enlightenment' use raasta dikha deti thi. Woh dekh paa raha tha ki uske liye koi jaal bicchaya gaya tha. Usne khamosh khade uss system holder ko dekh bola~
"Apne iraade toh tum batane se rahe ladke...! Lekin, ek baat yaad rakhna! Iss maamle me dakhal andazi deke tumne apne aap ko Order ka dushman bana liya hai."
Parantu, veh ladka abhi bhi shaant hi bana raha. Renshu ke agle hamle ke liye khud ko taiyar karne laga. Kahi na kahi ye baat Renshu ko aur bhi zyada gussa dila gayi ki anjaan system holder uski baato ka jawab tak nahi de raha tha. Jaise maano samay vyateet karna chaah raha ho ya fir woh uski nazro me kuch tha hi nahi.
"Mein sahi tha. Tum kuch bhi ugalne waale nahi-! Theek hai fir!!! Tumhare muh se ek ek shabd mein khud ugalwaunga!!!! LLOYD!!!' Woh garja!!!
[Ready!!!]
Agle hi pal uske haav bhaav badal gaye. Nazre kisi sher ke maafiq uss system holder par tik gayi, mutthi apne bhaale par usne jamm ke kassi. Aur, woh uss system holder par aage badh jhapatne hi waala tha jab uss ladke ne apne peeche tange tarkash se ek teer nikala aur-
*Swoooossshhhh*
Teer seedhe Renshu ki aankh ki orr poori gati se aaya magar, usne use ek jhatke me apne haath se jakad liya. Aur-
*Crack*
Use do tukdo me baant diya. Uski aankhein ab apne shikaar par poori tarah se sthir thi.
"Galti meri hi thi, jo maine 'Mayhem' ka istemal pehle nahi kiya. Lekin, koi baat nahi. Uska bhugtan tumse ho jayega!" Woh itna bol-
*Whooooooosshhhh*
Apni jagah se ek jhatke me aage dauda. Uss unknown system holder ki aankhein shan bhar ke liye bhay ke maare fel gayi aur badle me woh bhi sarpat andar gehre jangal ki orr bhaaga. Ghode ki tez chaal ke bhaanti daudate hue woh Renshu se duri banane me qamyab tha.
[Woh humse tez hai, Renshu. Sambhal ke peecha karo.]
'Ek agile system holder!? Kahi...? Assassination type? Samajh gaya!'
[Behtar hoga agar use Order se jod le toh...!]
'Ye ab sambhav nahi!'
Jangal ke ghane pedo ke beech se guzarte hue ghapp andhere me do system holder lagatar bhaagte jaa rahe the. Unke perro ke neeche aate sookhe patte kuchal rahe the aur dono ke beech ek paryapt duri bani hui thi. Jo ki zahir tha kyuki woh naujavan Renshu se 'Agility' me aage tha.
*Ding*
['Trap Master' is in use.]
Daudate daudate hi Renshu ki gardan kisi chidiya ki tarah idhar udhar hote hue traps ki talashi me jut gayi.
*Whissshhh*
Uska bhaala hawa me udta hua jaake seedhe ek gupt rassi ke baandh pe jaake laga. Rassi tooti aur patthar giraane ka jaal wahi nasht ho gaya. Toh wahi patto ki parat se dhake hue kuch gehre gaddho ko usne patthar fek unka uddeshya bhi wahi mita diya.
Jaise jaise woh aage badh raha tha, raaste me aane waale sabhi jaalo ko nasht karta jaa raha tha. Isi raaste se uske aadmiyon me se koi bhi aage aa sakta tha. Unke liye jaal se mukt raasta taiyar karna uski ek zimmedari thi.
Idhar bhaagte bhaagte punah Lloyd ne use sachet kiya.
[He's luring you deep inside the forest.]
'Jaanta hu, Lloyd!'
[Be prepared for the worst. Aage kuch bhi ho sakta hai. Par, andar jaana bhi humari majboori hai.]
'Hmm!'
Anjaan system holder Renshu ko jaise kisi prakar ke jaal me fasaane ki taiyaari me tha. Andhere jangal me woh use na jaane kaha liye jaa raha tha. Dono hi tez raftar se bhaag rahe the. Tabhi, woh ladka achanak hi uchhalte hue peeche ko ghoom gaya. Dhanush ki pratyancha par teer chadha. Aur, ladke ne teer ko kass ke kheench ek baar me Renshu ki orr chhor diya.
*Swiiiiiiisssshhhhhh*
Renshu, jo theek uske peeche bhaag raha tha, uske tez qadam shan bhar ke liye dheeme pad gaye. Teer uski orr hawa ko cheerte hue aaya toh zaroor magar, woh uska nishana nahi tha jaise-! Balki, teer uske bagal se neeche zameen me jaa gira.
'Huh!?'
[Shit! Renshuuuu-!!!]
Aur, Lloyd ko awaaz dene me halki si derr ho gayi.
*Booooooooommmmmm*
Ek Dhamaka! Dhua vatavaran me fel gaya aur usme se gussail Renshu hawa me udta hua bahar nikla. Chhota lekin ek ghaatak visfot jo use buri tarah se ghayal kar sakta tha agar woh na hoti.
Rapid Reaction!!! Uske paas maujood behatreen skills me se ek. Ye aaj na hoti toh shayad woh buri tarah zakhmi ho sakta tha. Hatasha aur krodh se uski bauhe fadakne lagi. Dhamake ke chalte uske badan par dhue ke kaale dhabbe bhi pad chuke the.
'Ye toh-! Explosive arrows!?'
[Hmm! Asal zindagi me ye nahi hote. Lekin, inhe banaya jaa sakta hai. Mujhe yakeen hai ki uske paas inhe banane ki koi skill hai. Mujhe toh ye jaan ke bhi taajub nahi hoga agar uska dhanush bhi uske haatho se banaya gaya ho.]
'Let me do it! Check!!!'
*Ding*
[A self made adjustable bow.]
[Dekha? Mein sahi tha.]
'Ab kya?'
[Unn explosive arrows se sambhal ke rehna hoga hume. Maine uski pehchan kar li hai. Uske agli baar vaar karte hi mein tumhe satark kar dunga.]
'Good!'
Ladka mauka dekh punah bhaaga. Peeche peeche Renshu bhi gusse me aaya. Krodh toh sawaar tha uspe magar uss krodh ko usne apne sochne, samajhne aur nirnay lene ki kshamta par haawi hone nahi diya. Aur, isme sabse zyada madadgar thi uski instinct ~ Enlightenment!
Kintu, jis baat ka darr tha akhir wahi hua. Jangal ki gehraiyo me uss anjaan system holder ka peecha karte karte woh aa toh gaya. Magar, aate hi use samajh aa gaya ki maajra kya tha. Woh ladka uss se ek seemit doori bana ke khada ho gaya. Chaand ki raushni me uski halki halki chhavi nazar aa rahi thi. Aur fir-
Ek raushni!
Aag ki lau andhkar me achanak Renshu ke saamne khade ladke ke peeche se jagmaga uthi.
Mashaal! Aur, fir ek aur-! Aur, ek aur...! Aur, ek ek karke uske ird gird mashaalo ka samooh banta chala gaya. Renshu ki aankhein hairangi me chaudi ho gayi. Woh jaise jaise apni daayi orr mudta gaya, ek ek karke mashaale andhere me jalti gayi. Woh ghir chuka tha. Yahi woh jaal tha!
[Isliye, woh tumhe yaha laa raha tha. Ye Unit 2 nahi lag raha. Ye alag se aadmi iske dwara laaye gaye hai shayad.]
'Lloyd---!'
[I got it.]
*Ding*
['Mayhem' has been equipped.]
*Ding*
['Mayhem' is now in use.]
Achanak hi uske mann me ek lamba sa virtual bar bann ke aa gaya. Usne Kung fu ka stance liya aur zorr se gurraaya-
"Come-!!!!"
Aur, tabhi-
"Haaaaaaaaaa-!!!!!"
"Haaarrrrgggghhhhh!!!"
"Hamlaaaaaaa-!!!!"
Neeche sthit aadmi uss par daudate hue toot pade. Toh, wahi upar pedo par baithe aadmi uss par teero ki varsha kar diye.
*Swish* *Swish* *Swish* *Swish*
Aadmi uss system holder ke peeche andhere me se agal bagal se nikalte hue aate jaa rahe the aur woh chup chaap wahi khade sab kuch dekh raha tha. Ek ke baad ek teero se apna bachaav kar Renshu seedhe aadmiyon se bhidne me ulajh gaya. Aur, 'Mayhem' apna jalwa dikhane ke liye taiyar tha.
Pehle aadmi ke aate hi Renshu ne bagal me hote hue khud ko uske hathyar se bachaya, uska ek haath seedha aadmi ki gardan par jaa ke pada.
*Chakkkkk*
Dusra haath seedha kamar par jaa ke laga.
*Whakkkk*
Aur, akhiri vaar seedhe thuddi ki orr gaya-
*Bokkkkk*
Jis se veh aadmi hawa me udte hue muh se thook aur khoon nikaal door jaa gira. Aur, isi ke saath Renshu ke virtual bar me ek point jud gaya. Kintu, yeh hua kaise? Aur, kya tha ye virtual bar?
Uske arsenal me sabse behatreen cards me se ek ~ 'Mayhem'
Ye woh card tha jo aisi group fights ke liye hi banaya gaya tha. 'Wushu' ya saral shabdo me 'Kung fu' ke moves par hi ye card apni bhumika nibhata tha. Uske paas pehle se hi 'Wushu' skill thi jisme woh maahir tha.
Wushu ka istemal kar agar woh combo ender apne dushman pe land karta hai, toh dushman 1 second ke liye achet ho jayega. 1 second dekha jaaye toh vastavik roop me kam tha, lekin system holders ke liye wahi ek second poori ki poori ladaayi ka nateeja tay kar sakta tha. Par, shart yahi thi ki combo ender dushman ke shareer par utara jaaye.
Kintu, kya bas yahi tha? Hargiz nahi! 'Mayhem' system holder ko ek virtual bar provide karta tha. Harr ek dushman jo Renshu ke haatho dher hota jayega, uske badle me virtual bar me ek point chadhta jayega. Agar, bar 5 points tak pahucha toh agla hamla do guna lethal damage ka hoga.
Ye thi taqat 'Mayhem' ki. Renshu ne Unit 1 ko dher karne me iska istemal nahi kiya tha. Warna, uske paas ab tak na jaane kitne bars stack ho chuke hote. Yeh system holder uske liye koi khatra nahi hota fir. Magar, iss baar woh taiyaar tha. Woh khud bhi jaan ke hi andar jangal ki gehrayi me uska peechha karne aaya tha. Aur, unke iss ek aadmi ko dher karne ke baad use ek point mil chuka tha. Ab baari thi baakiyon ki.
Apne aadmi ko itni asaani se ghayal hota dekh baaki sabhi bhauchakke toh hue par unke qadam zara bhi nahi ruke.
"Aaarrrghhh!"
"Uummmphhhh-!!!"
"Urrrrghhh!!"
Fir bas, unki ghur ghurati awaazein uss ilaaqe me fel gayi. Ek ke baad ek sabhi Renshu ke kung fu moves ka shikar hote chale gaye aur use points par points bhi de gaye.
Parantu, woh system holder abhi bhi yuhi shaant khada hua tha. Renshu ko inn aam logo se khatra nahi tha. Woh yeh baat jaanta tha aur isliye ladte waqt uss ladke par bhi poori tarah se dhyaan rakhe hue tha.
*Klaaaang* *Claaaanggg*
Mashalo aur chaand ki raushni ke alawa hathyaro ki aapas me bhidne ki chingariyaan bhi ilaaqe me chamakne lagi. Renshu ka harr ek move itna sateek aur nishaane par tha ki tribe ke log keede makodo ki tarah dher hote jaa rahe the.
Uska bhaala chain ke saath aise ghum raha tha ki kuch aadmi bhaale ka shikaar hote toh kahi kuch chain ke lapete me aake dur fik jaate. Kuch ped se jaa bhidte toh kuch zameen par ghisatate hue lot jaate.
Unke perr ab kaapne lage the. Unhe apne Lord Jaw Long ki upar poora vishvas aur garv tha. Aur, aaj woh sab samajh paa rahe the ki Order ka Lord bhi koi aera gera nahi tha.
"D-Daanav! Y-Ye aadmi daanav hai!"
"H-Hamare hamle- hamare hamle uss tak pahuch hi nahi rahe!!!"
"Ye kaise ho sakta hai? *shivers* Hamara ek jhund pehle hi haar chuka hai. L-Lord-! Hume Lord tak khabar-"
Magar, uske shabd adhoore hi reh gaye. Renshu ke bhaale ki chain akasmat uski kamar par aake bandhi aur Renshu ne use ek jhatke me apni orr kheench liya. Woh aadmi udta hua uski orr aaya aur-
*Gwakh*
Apne gale ko uske bhaari bharkam haath me saunp diya. Ek haath se hi Renshu uss aadmi ko zameen se upar uthaaye hue tha. Yeh manzar dekh sabko khauf ke chalte saanp soongh gaya. Aur, fir Renshu ne bolna shuru kiya.
"Tum sab ko abhi bhi mauka diya jaa raha hai. Humne baahar kisi ko bhi jaan se nahi maara hai. Agar, tum apne logo ki chinta karte ho toh abhi bhi waqt hai. Jao...! Aur, unhe bacha lo. Kahi derr na ho jaaye."
Ye sunte hi tribe ke logo ko do jhatke lage. Pehla toh yeh ki Renshu unse unki hi tribal bhaasha me bol raha tha. Woh iss tathya se anibhigya the ki Renshu ek system holder tha aur use sabhi bhashaayein aati thi.
Toh wahi, dusri taraf unke taajub hone ka kaaran tha Renshu ke aadmiyon ke dwara unke aadmiyon ko bina jaan se maare chhor dena. Yaha unke Lord ne toh keh ke bheja tha ki yeh ladayi ab aar ya paar ki hai. Kya yahi baat Renshu ke logo par laagu nahi hoti? Bilkul hoti thi.
Fir, uske bawajood-!?
"Legion se kabhi bhi Order ki dushmani rahi hi nahi hai. Mein toh sirf sahi ke liye ladd raha hu. Mine ko apne qabze me karna... Yeh ek apradh hai. Mine rashtra ki sampatti hai. Uss par sirf kuch logo ka haq nahi ho sakta. Tum sab khud socho. Kya Order ne kabhi bina wajah Legion pe hamla kiya hai?"
Uski baatein jaise logo par prabhav daal rahi thi. Sab ke sab sankoch me nazar aane lage the.
"M-Mujhe lagta hai...! Shayad... W-Woh sahi hai!"
"Huh? Tum pagal ho gaye ho kya?"
"Nahi! Mujhe bhi lagta hai ki iss baat me sacchayi hai."
"M-Mera bhai-!! Mera bhai pehle jhund me tha. M-Mujhe jaana hoga. Use bachaane."
"Tum sab ab dagabazi karoge? Legion ko akela chorr kar bhaag rahe ho?"
"Bhaag nahi rahe hai. Par, ye baat sach hai ki hume apne logo ki chinta hai. Kya tumhe nahi hai?"
"Mujhe bhi hai par-"
"Toh mein jaa raha hu. Tumhe jo karna hai karo."
Unke jhund me se ek aadmi nikal ke Unit 1 ki orr bhaag gaya. Woh sirf akele nahi the yaha. Jagah jagah unki basti bani hui thi jangal me. Aur, unn gharo me unki patniya, bacche, budhe buzurg, unka parivar unka intezar kar raha tha.
Aaj agar woh sab yaha maare jaate hai toh kal ko unke parivar ki dekhbhal kaun karega? Sabhi ke mann me jaise yeh baat toh aayi magar ek sandeh bhi paida hua. Iske pehle ki baaki sab bhi uss aadmi ke peeche peeche jaate, unhi ke ek sadasya ne unhe rokte hue kaha.
Aadmi 1 : Zara ruko tum sab!!! Y-Ye ek chaal bhi toh ho sakti hai na?
Aadmi 2 : Sahi kaha. Kya pata ye hume fasaane ke liye ho? Kya pata hamare aadmiyon ko pehle hi inn logo ne maar diya ho aur iske aadmi hamara waha intezar kar rahe ho?
Aadmi 3 : Ekdum sahi kaha! Bhala hum kaise maan le ki tum jhooth nahi keh rahe?
Renshu ki bauhe pareshani me sikud gayi.
Renshu : Jhooth keh ke mera koi fayda nahi. Tum sab khud socho. Agar, mein chaahta toh tum sabhi ko abhi hi yahi maar sakta tha. Par, kya maine kisi ki bhi jaan li?
Uske itna kehte hi sabhi ko ek bada jhatka laga. Yeh baat satya thi. Jab se woh ladd rahe the tab se kisi bhi aadmi ne apni jaan nahi gawayi thi.
Renshu : Mein aur mera hathyar tum sabhi ko maarne me poori tarah se saksham hai. Kya tum sab iss baat se sehmati nahi rakhte?
Sab ke sab khamosh reh gaye. Kyuki, ek ek baat jo Renshu ugal raha tha usme poornta sacchayi thi. Ise nakara nahi jaa sakta tha.
Shuru se hi unhone kabhi yeh nahi socha tha ki uska saamna karna asaan hoga. Lekin, unhone yeh bhi nahi socha tha ki woh sthiti ko sambhal nahi payenge. Akhirkar, yaha har ek aatmvishvas se bhara hua yoddha tha. Magar, jis tarah Renshu ne unke aadmiyon ke saath khela, uske aage sandeh jaisa kuch reh hi nahi gaya tha. Ve sab haath khade karne par majboor the.
Aadmi 1 : Dekho! M-Mujhe nahi pata tum sach keh rahe ho ya jhooth. Par, agar waqai tumne hamare aadmiyon ki jaan nahi li hai toh... Ye baat hum sabhi yaad rakhenge.
Aadmi 2 (nods) : Hmm!
Aadmi 3 : Lekin, iska matlab ye nahi ki hum Order ke gulam ho gaye hai.
Renshu : Mera kaam sirf tumhare leader se hai. Khoon kharaba karna hota toh mein tumhe kab ka maar chuka hota. Order na kabhi inn siddhanto par chala hai aur na hi chalega.
Aadmi 2 : Aur, hum sabhi Legion ka hissa rahe hai. Hamara kartavya hai ki hum apne ghar ki rakhwali kare. Magar, ye baat bhi sach hai ki agar tum hume maarna chaahte toh sach me maar dete.
Aadmi 3 : Haan! Aur, isliye-
Kehte hue woh Renshu ke raaste se alag ho gaya. Woh akela nahi tha. Uske saath uske saathi jo pehle ladne ke liye taiyaar the woh bhi uske maarg se hat gaye.
Renshu : !!??
Unka ishara saaf tha. Veh sab Renshu ki madad toh nahi karne waale the magar apne haath khade karte hue unhone ek prakar se uski madad kar hi di. Renshu ne unhe dekh haami bhari. Aur, uske baad woh log ghayalo ko utha ke unke gharo ki orr chal diye.
Yeh jhund bhi jaise taise raaste se hatt gaya. Unke jaate hi Renshu ne wapas apni nazre jab saamne gadayi toh use ek bura abhaas hua. Woh ladka-! Woh waha nahi tha. Woh gayab tha!
'Shit!!!'
Aur, achanak-
[Renshu-!!!! Dodge!!!]
Lloyd ki awaaz sunn Renshu apni jagah se uchak gaya. Uske hatate hi sansanata hua ek teer zameen par aake gira aur-
*Booooooooommmmmm*
Ek aur dhamaka. Ye wahi explosive arrow tha. Iss baar Lloyd ne ek nazar me hi pehchan liya. Renshu abhi hawa me hi tha. Uske qadam zameen par utar hi rahe the jab uss ladke ke chehre par ek kutil muskan fel gayi.
Ek sihran Renshu ke badan me daud gayi. Hawa ko cheer ke kaatate hue aa rahi ek awaaz-
"-!!!!!"
*Swoosh* *Swoosh* *Swoosh*
Woh koodne ke baad jaha utar raha tha, usi disha me dhue ko cheerte hue ek aur teer uski orr aaya. Ek jaal!!! Apne aap uske haath ne harqat li aur apne bhaale ki chain ko jorr se kheencha. Chain kisi saanp ki tarah aake fauran hi uske haath me lipat gayi aur-
*Claaaaannngggg*
Teer chain se jaa bhid usme dhans gaya. Teer ko chain par se nikal usne use alag kiya.
'He's getting on my nerves.'
[Use the bar's power on him.]
'Hmm!'
Woh dauda. Lekin, iss baar ladka bhi uski orr dauda. Dono ek dusre ki taraf aane lage. Aur, jaise hi faasla kam hua ladka hawa me ucchalte hue ulta ho gaya. Renshu ko koi mauka hi na mila. Ladke ke uchhalte hi kuch chhoti chhoti nukeeli cheezein seedhe uski taraf aayi, jinse woh poori tarah se bach na saka.
*Khaccchhh* *Khaccchhh*
'Shit!!! Shurikens???'
Woh nukeele shuriken uske shareer me jagah jagah ghus gaye. Koodate waqt ladke ne ye pehle hi fek diye the. Koodate waqt??
'Ek minute!? Shitttt...!'
Iska matlab woh ladka ab... Uske kaano me tabhi peeche se ek awaaz padi,
"Never turn your back on your enemy."
[Renshuuuu-!!!!]
Lloyd cheenkha aur agle hi pal-
*Baaaaammmmmmm*
"Urgh!!"
Renshu dur hawa me udte hue jaa ke gira. Usne vaar ko apne dono haatho se chhek ke apne chehre ko toh bacha liya. Magar, haatho me jamm ke chot pahuch gayi. Ladke ke haath me lohe ki ek rod thi. Koi shaq nahi tha ki ise bhi usi ne banaya tha.
'This is getting troublesome!'
Haatho ko mal, Iss baar woh punah dauda. Ladka bhi uski orr aaya. Magar, iss baar Renshu hawa me chhalaang maara.
'Huh!?'
Ye dekhte hi ladke ke qadam beech raaste me tham gaye. Renshu ke ek haath me uska bhaala tha toh wahi dusre me uski chain. Usne ladke ki taraf hawa me hi apne bhaale ki nok se nishana lagaya aur bhar taqat se use ladke ki orr fek diya.
Ladka ghabraate hue turant hi back hand spring maarne ke liye peeche gulati maara... Aur, tabhi Renshu ke hontho par ek kapti muskan saj gayi.
Jo bhaala usne feka tha, ek jhatke me usne use apni orr wapas kheech liya. Aur, iss baar chain ko ghuma ke fek diya.
*Kha-ching*
Peeche gulati maar raha ladka saamne ke drishya se anibhigya tha. Uska chehra neeche ki orr jo tha. Usne jaise hi chain ki awaaz suni uski aankhein bhay ke maare chaudi ho gayi.
'A Feint Attack??? Sh-Shit!!!'
Use bachaav ka koi samay na mila. Chain tezi se aake uske perro par bandhi. Full force ke saath Renshu ne uss ladke ko chain se kass ke kheencha aur woh udta hua perro me chain se bandhe Renshu ki orr aaya aur-
*Pooooooooooooowwww*
Mayhem ka ek bar upyog ho gaya. 200% Lethal Damage. Ladke ke pait ki atadiya jaise baahar aane ko ho gayi, uske muh se dherr saara khoon nikla aur woh jaa ke seedha ek chhote ped se jaa bhida. Ped do tukdo me vibhajit ho gaya aur neeche gir gaya.
*Huff* *Huff*
Renshu apni saanso ko durust karte hue apne badan se shurikens ko nikalne laga. Ab iss ladayi me uska upper hand tha. Bhaale ko zameen par zorr se khoste hue usne apni nigaahein ladke par tikayi.
"Ab tum saari baatein ugloge!!"
***
Wahi idhar bahar ka mahaul bhi bigda hua tha. Erica jawano aur Order ke aadmiyon ko chorr ke jaa chuki thi. Aur, inn sabhi ko ab lead karne ki zimmedari uss jawaan pe thi jo Renshu aur Erica ke sang chal raha tha.
Jawaan 1 : Miss Erica na jaane aise andhere jangal me kaha akeli chali gayi hai.
Jawaan 2 : Kya hume unke peeche jaana chahiye?
Jawaan 1 : Hume pata hi nahi hai ki woh gayi kaha hai. Aise me unka peecha karna waqt ki barbadi hi hogi. Kahi hum anchaahe jaal ka shikaar na ho jaaye. Behtar hoga ki hum unke kahe anusar aage badhe aur Unit 2 se engage hoye. Aap sab kya kehte ho?
Jawaan 2 : Haan, mein sehmat hu.
Order ke log bhi uski baato se raazi the magar unhe Erica ki chinta bhi utni hi sata rahi thi.
Aadmi 1 : Mein kya kehta hu... Hum me se 2-4 log Miss Erica ko dhundhne ke liye chale jaate hai. Kya pata woh kahi kisi mushqil me fass jaaye? Aur, madad ka intezar kare? Aise me hamara ye farz banta hai ki hum unki madad ke liye pahuche.
Aadmi 2 : Tumne theek kaha. Suno! Jo bhi 3-4 log Miss Erica ko dhundhne jaane ke liye taiyaar hai woh aage aaye.
Uske kehte hi 15-20 aadmi ek saath aage aa gaye.
Aadmi 2 : Itne nahi. Sirf 4. Tum dono aur tum dono. Tum chaaro Miss Erica ko dhundhne jaoge. Jo bhi samaan abhi lena hai bag me rakh lo. Yaha se hum apne apne raaste ho jayenge.
Poorn taiyaari ke baad 4 log Erica ki khoj me uss disha me nikal gaye jis disha me woh bhaagi thi. Toh wahi, Jawaan samet baaki sabhi jangal ki aur bhi gehrayi me Unit 2 ka saamna karne ghus gaye.
Divya, uska escort Clark, security aur jawaan bhi sab saath me peeche chal rahe the. Pareshani agar kisi baat ki thi toh woh yahi thi ki Veer ke baare me ab tak use koi khabar pata nahi chali thi.
Divya : Mister Renshu kaha par hai?
Jawaan 3 : Mister Renshu aage unke kisi skilled fighter se fight me engaged hai. Unhone ye mauka hamare liye banaya hai. Yaha se Unit 2 ke saath bhidant hogi. Aap sab mere peeche hi rahiyega. Hume ladayi me nahi rehna hai. Unki nazro se dur rehna hai.
Divya (nods) : Hmm!
Usne haami bhari. Magar, chinta thi jo khaaye jaa rahi thi. Jaise jaise samay beet raha tha wese wese Divya aur bhi zyada bechain hoti jaa rahi thi. Kaaran sirf ek hi tha - Veer ki safety.
***
"Damn it! Damn it-!!! Kaha ho tum??"
Erica tez raftar se bhaag rahi thi. Gati ke chalte uske baal hawa me zorro se lehra rahe the. 'Nocturnal Shade' aur 'Dead Silence' dono hi activated the, jiske chalte use andhere me dekhne ki na hi koi taqleef ho rahi thi aur na hi uske qadmo ki awaaz sunayi pad rahi thi. Woh aise bhaag rahi thi jaise ek billi raaste par bhaagti ho. Koi awaaz nahi.
East side ke entrance se pravesh woh pehle hi kar chuki thi. Aur, Veer ki talashi me juti thi. Magar, abhi tak Veer ka koi bhi naam-o-nishaan nahi mil raha tha.
"Just, where are you-!?"
Aur, kuch duri tay karne ke baad hi uske qadam saamne ke drishya ko dekh tham gaye.
'What the-!?'
Uske saamne ek neher thi. Parantu, uske upar bana rassi aur lakdi ka pul kata hua neeche latak raha tha. Erica ne neeche jhaank ke dekha toh paaya ki pul ka thoda hissa neher ke andar bhi dooba hua tha. Usne wapas apni nazre saamne gadayi.
[Pul ko saamne ki orr se kisi ne kaata hai, Erica.]
'Tumne sahi kaha Genie. Aur, ye abhi kuch derr pehle hi kaata gaya hai. Shit-!!! Iska matlab Veer zaroor uss orr hai. Woh wapas kaise aayega?'
Woh pul ko dobara se sahi karne ke baare me soch hi rahi thi jab uski nazre unn magarmaccho par padi jo beecho beech ek adanga bann ke waha niyukt hue terr rahe the.
'Shittt-!!! Ye yaha kya kar rahe hai? Ek hi jagah par!? Aisa lag raha hai kisi ne inhe jaan boojh ke yaha par chhora ho.'
[Ab uss orr jaane ke do hi upaay hai. Ya toh tum inhe pehle yaha se kisi tarah distract kar ke hatao aur fir terr ke jao. Ya fir thodi dur side se chhalaang lagao aur fir terr ke uss orr jao. Upaay koi bhi ho, udhar terr ke pahuchne ke baad tumhe climb toh karna hi padega kyuki pul toot chuka hai.]
'I know! I know! Let's try the first method first.'
Erica ne neeche zameen se ek patthar uthaaya aur nishana lagaate hue zorr se neher me unn magarmachho se halka sa dur fek diya.
*Splash*
Magarmacch chaukanne hue, woh sabhi terrte hue uss orr gaye magar, do teen chakkar maarne ke baad wapas se apni jagah par aake jamm gaye.
'What the-!?'
[They are keeping a watch. Hume dusra method hi try karna padega. Let's go!]
'Urgh! Alright-!'
Na chaahte hue bhi Erica ko apna rukh badalna pada. Woh dayi orr aage badhi. Kuch duri par aane ke baad usne neeche dekha. Neher me halka halka bahaav tha. Lekin, ye bahaav zyada tezz nahi tha. Woh apne shareer ko behne se rok sakti thi. Agar, bahaav tezz hota toh woh behte hue unn magarmaccho ke paas pahuch jaati. Aur, fir waha se nikalna uske liye bhaari pad jaata. Shayad woh maari bhi jaa sakti thi.
'I can handle this much current.'
[Good! Then, dive in!]
Kapde pehen ke paani me koodna Erica ko zara bhi pasand nahi tha. Magar, woh janti thi ki Veer abhi mushqil me tha. Samay zaaya nahi kar sakti thi woh-
'You better thank me later, Mister-!!!'
Aur, mann me budbudate hue woh uss chhor se kood gayi.
Chhapaak ki awaaz ke saath woh neher me aake giri. Neher gehri thi aur chaudayi me badi bhi. Yeh sirf Lancang Mekong ki kayi tributaries me se ek thi jo jangal me se hoke guzarti thi. Agar, yeh swayam Lancang Mekong nadi hoti toh Erica ko ise paar karne ke baare me 10 baar sochna pad jaata.
Neher paar kar woh dusre chhor par aayi aur usne chattaan ko pakad upar chadhna shuru kar diya. Pattharo par apne haatho ki pakad mazboot banaate hue woh ahista ahista upar chadhti gayi jab tak ki ekdum upar na pahuch gayi.
*Huff* *Huff*
Upar aate hi usne ek rahat ki saans li. Uske poore kapde paani se bheeg chuke the. Halki thand ke chalte uska badan bhi ab kaanpna shuru ho chuka tha.
Genie ne turant hi 'Chameleon' ka upyog kar uske badan ka tapmaan sahi kiya tab jaa ke Erica ko thoda behtar mehsoos hua.
Aur, bina waqt barbad kiye woh punah aage badh gayi. Pul isi orr se kaata gaya tha iska matlab khatra iss orr hi tha. Isliye, woh sambhal ke apne qadam aage badha rahi thi. Kuch duri hi usne abhi tay ki thi ki tabhi use bhi-
'Huh!?'
Woh gandh aayi.
'Th-This-!'
[It's blood!]
Khoon me maujood lohe ki dhaans hawa me soonghte hi Erica ke badan me ruye khade ho gaye.
*Whooooosh*
Woh apni jagah se gayab hui aur ped par chadh gayi. Usne apne aas paas poore ilaaqe ka aaklan kiya lekin kahi bhi kuch bhi use nazar na aaya.
Ek ped se dusre ped ki daali me chhalaang maarte hue woh thoda aur aage badhi. Jaise jaise woh aage badh rahi thi, khoon ki mehek aur bhi prabal hoti jaa rahi thi.
'What the hell is this-!? Urgh!'
Aur, tabhi woh ek daali par aake ruk gayi. Neeche use saaf saaf khoon ki ek lambi rekha dikhayi di.
'Y-Ye-!?'
[Kisi blood trail ki tarah nazar aa rahi hai. Pata nahi kitni dur tak gayi hogi.]
'B-But ye hai kya?'
[Check it first.]
'Ah right! Check!'
*Ding*
[A trail of fresh human blood.]
'F-Fresh human blood? Genie?'
[Hmm! Zaroor uss Jaw Long ka hi kaam hoga ye.]
'Jaw Long?'
[Hmm! He must be using some kind of skill or a card.]
'P-Par ye kaisi skill hai jisme human blood ki zaroorat padti ho?'
[There are many of them!]
'Ahhhh!? But why?? Aur, agar ye human blood hai toh-!? Toh, unka kya jinka yeh blood hai? Are they alive?'
[I don't know. Remember, Erica! Aisi bahut si skills aur cards hote hai jo evil practices bhi apnaate hai.]
'Huh???'
[Zaroori nahi ki koi skill ya card hamesha accha hi ho. They can be bad too.]
'Hmm!'
Erica bechari chup chaap Genie ki baat sunti rahi. Use jaise ye jaan ke thes pahuchi thi ki system ka upyog insaan ke khoon se kuch karne ke liye bhi kiya jaa raha tha.
'Kya tum jaanti ho ki yeh kya hai, Genie?'
[Hmm! Mein pata laga sakti hu. Lekin, usme mujhe thoda samay lagega. Kyuki, khoon ka istemal karne waali laakho skills hai. Unme se ye kaun si ek hai iske baare me pata karne me mujhe samay toh lagega hi na?]
'Hmm! Okay! Thank you!'
[Sambhal ke aage badhna.]
'Umm! Kuch hoga toh nahi na? Mujhe kuch theek nahi lag raha.'
[Hum kuch nahi kar sakte. Hume iss trail ko cross karna hi hoga. If you want to save that guy... Then, there isn't any other option.]
'Okay! I see!'
Erica ne ped par ek daal se dusri daal par koodate hue aage badhna hi theek samjha. Neeche ka vatavaran use kuch theek malum nahi pad raha tha.
Aur, jaise hi usne trail ko paar kiya... Udhar andar Jaw Long ki bauhe prashn ke chalte upar ko ho gayi.
'We've entered!'
[Keep going!]
Erica mehsoos kar paa rahi thi ki yaha ka tapman kuch zyada hi thanda pad chuka tha. Geele hone ki wajah se use apna tapman banaye rakhne me dikkat aa rahi thi.
Bheetar pravesh karte hi use kuch ajeeb si awaazein sunayi padne lagi. Ye janglee janvaro ki awaazein thi. Erica ki dhadkane tezz ho gayi. Awaazein aur adhik bhayanak aur ugra hoti jaa rahi thi. Aur, jaise hi woh ek daal pe aake ruki.
'Nocturnal Shade' ki madad se usne dur ho rahi halchal ko gaur se dekha. Aur, jo usne dekha... Use dekh uske perr wahi kaanp gaye. Uska poora badan thar-tharaane laga. Woh itna ghabra gayi ki kampan ke chalte woh neeche girne ko hui magar, ped ko haath se thaam usne khud ko girne se bachaya aur daal pe hi thithurte hue baith gayi. Uski aankhein bhauchakke hone ke chalte feli hui thi. Aisa nazara usne aaj se pehle kabhi apni zindagi me nahi dekha tha.
Saamne-!!!
Saamne Veer ghayal awastha me bhaagta jaa raha tha aur uske peeche-!? Uske peeche poora ka poora jangal ka samrajya laga hua tha. Pedo par koodate bandaro ka samooh jo daali se latak latak ke furti me aage badh rahe the.
Neeche daudate lakadbagghe, bhediye, aur seengh waale hiran jo jhund me sirf Veer ko apne perro se kuchalne ke liye bhaag rahe the.
Upar hawa me udta baaj jo Veer ke upar kisi helicopter ki spotlight ki tarah use apni nigrani me rakha hua tha.
Aur, peeche bhaagta Black Panther, jo Veer ke maans ko apne nukeele daanto se phaadne ki firaaq me tha. Magar, khauf sirf inka hi nahi tha.
Khauf tha uss aadmi ka...! Jo inhe apne vash me kiye hua tha. Jaw Long-!!!
*Grooooowwwwwlll*
Ek aisi dahaad waha par goonji ki Erica ke poore badan me raungte khade ho gaye. Jaise hi usne Veer ke peeche apni nazro ko le jaate hue dekha toh maano uske badan se uski rooh hi nikal gayi.
Jangalo ke janvaro me se sabse ugra aur sabse ghatak ~ Baagh! Kintu, uske upar koi tha. Uss baagh ki sawari koi aur nahi balki Jaw Long kar raha tha.
Veh bhaari, peeli aankhon waala, dhaari-daar bhayankar janvar Jaw Long jaise vyakti ka wazan uthaane ke baad bhi itni tezz daud raha tha. Akhir, kitni kshamta thi usme?
Erica aayi toh Veer ko bachaane thi. Magar, drishya dekh woh itna bhaybheet ho gayi ki bechari ke perr wahi jawab de gaye.
'I- M-My legs...! G-Genie!!! Mere perr hilne ke naam nahi le rahe, Genie!!! M-My whole body is shivering.'
[Don't worry! Calm yourself!]
'N-No wonder-! *huff* No wonder his shirt was destroyed. *shivers* H-How can he???'
[???]
'H-How can he-!? Itna sab kuch hone ke baad bhi woh waha kyu hai, Genie? It's suicidal. *huff* Agar, woh waha aur raha toh maara jayega.'
[If he's running at that pace, then it means he's fine for now.]
'Y-Ye tum kya bakwas kar rahi ho Genie? *huff* Th-This is suicide! It's pure suicide. J-Just how long he has been running for?'
[Stay calm!]
'F-Fuck it-!!! Haha! H-He will die, Genie! *sniff* At this rate, he will die. *sniff* Is he stupid??? K-Kyuuu? He could have just-!!! Woh chaahta toh yaha aata hi nahi...! Even then-! *sniff* Why did he???'
[I can see now!]
'???'
[He's a man who stays true to his convictions.]
'Huh!!??'
Aur, aaj pehli baar Erica ko Veer ke uss dradh nishchay ka abhaas hua. Uss naujavan ko dekh jo aisi awastha me apne mann ko shaant banaye rakh aisi musibat se ladd raha tha, pehli baar aaj Erica ka dil kisi aur wajah se zorr se dhadka.
Veer ke punah woh bol uske mann me goonj gaye.
'You can't even imagine the chaos when 2 system holders fight each other without any restraint.'
'J-Just how many battles have he fought to achieve that level of confidence and such calmness?'
[I'm not gonna lie. I'm very impressed. Aisi paristhiti me agar khud tumhare dad hote toh mujhe nahi lagta ki woh itna shaant khud ko rakh paate.]
'!!!?'
[He might be having a very good system like me.]
'Huh-!!?'
[You are lucky... to have him on your side. Imagine the destruction he can bring if he was your enemy.]
Aisa vichaar karte hi Erica ke badan me ek sihran daud gayi. Veer agar unka dushman hota toh-!? Kya kar sakta tha woh? Woh sochna bhi nahi chaahti thi. Genie ki baat poornta sach thi. Woh sab kismat waale the jo Veer unki taraf tha.
'I-I want to help him! Lekin, mere perr kaanp rahe hai.'
[Zaroorat nahi. Jis halat me tum abhi ho uske liye ek musibat hi banogi. Khud ko shaant karo aur halaat ke hisaab se dhaalo khud ko. Use dekh ke lag raha hai ki uske paas kuch plan hai.]
'R-Really???'
[Hmm!]
'G-Genie-! Agar mein uski jagah hoti, toh shayad kab ka maari gayi hoti. Mujhe nahi lagta mein uss tarah himmat rakh ke unn janvaro se bhaagi hoti. Mere toh perr wahi jamm gaye hote. Balki, abhi bhi use dekh... Mere badan me raungte khade hue hai. Bas, soch rahi hu ki akhir uske paas kaise itni himmat aayi hogi? J-Jaw Long-!! Kisne socha tha ki uske paas aisa kuch hoga-!?'
[Abhi tum bas apne aap ko niyantran me lao. Agar, kuch anhoni ke asaar bane toh mein action lungi. I will help you. So, don't worry. For now we can watch.]
'Mmm-!!'
Woh bas Veer ke liye yaha se dua hi kar sakti thi. Iss sthiti me agar woh jaati toh Veer ke liye madad kam balki adanga zyada sabit hoti. Veer ne apni situation ko turant bhaanp ke khud ko adapt kar liya tha, magar harr kisi me ye capability nahi hoti thi.
'Fuck!! Fuck! Fuckkkk!!!'
Idhar Veer apna stamina gawata hua bhaage jaa raha tha. Ye janvar na jaane kab se uske peeche lage hue the.
'Kya tumhe kuch pata chala? For fuck sake aur kitna time lagega???'
[Urghhh! Shut the fuck up! Tumhe andaza bhi hai ki kitni saari skills hai blood se related? I had to go one by one to look for the one that motherfucker was using...!]
'Toh? Ab ye mat kehna ki kuch pata nahi laga. I've been stalling them for quite a long. Aur, ab mujhe nahi lagta ki mein unhe aur zyada chhaka sakta hu. Jaw Long-!!! Fucking hell-!! He's riding a tiger!!!'
[Fufufu~ Are you scared? Call me 'Mommy' and I will tell you everything.]
'Huh? Matlab tumne pata laga liya?'
[Of course! Mujhe pata lag gaya hai ki woh kya istemal kar raha hai.]
'Oh really? Toh? Kya?'
[First call me, 'Mommy!' Tabhi, kuch bataungi.]
'What the hell-!? You freakin-'
[Bata rahi hu. Don't spoil the mood now.]
'Be quick!!!'
[Woh blood trail... Definitely, woh human blood tha. Lekin, woh jaan boojh ke waha giraya gaya tha.]
'What? Jaan boojh ke?'
[Yes! It was this-]
*Ding*
[Legendary skill : Jemisha's Blood Ring.
Description : The skill allows the host to have limitless perception for a certain area. Pour the human blood and form a trail to create a circular ring of blood. If anyone enters the ring, the host will immediately come to know about them.
Note : There is no limit to the area covered by the blood ring. The bigger the ring, the bigger the area which can be perceived.]
'Th-This-!!'
Veer ne jaise hi skill ka description padha, toh uske hosh hi udd gaye.
'Fuck this-!! Toh ye baat thi. Isliye usko mere andar aane ka pata pehle se hi lag gaya tha.'
[That's right!]
Jemisha's Blood Ring ek legendary skill thi jo insaan ke khoon ka istemal karti thi. Khoon ko ek golakar ki rekha me kheencha jaata tha jiske baad usme pravesh karte hi system holder ko pata lag jaaya karta tha ki woh kaha par hai. Veer ke andar ghuste hi Jaw long ko pata lag chuka tha ki woh kaha par rekha ko paar kiya tha.
'Legendary skill-!!? Uske paas legendary skill hai?'
[Not one but two.]
Pari ne jaise hi ye kaha Veer ke perro tale jaise zameen khisak gayi.
'Wh-Wha-!?'
[Have a look at this.]
*Ding*
[Legendary skill : Shayna's Blood Ritual.
Description : Bestows a set of instructions to perform Shayna's Blood Ritual. A ritual meticulously written by the legendary entity Shayna herself. The host must have 'Shayna's Access' and 'Animal Kingdom' cards before performing the ritual.
Click 'here' to view the set of instructions.
Note : Ritual will only last for 25 minutes.]
'What the-!?'
Veer ko ab jaise baatein samajh aa rahi thi. Shayna's Blood Ritual woh ritual tha jisme kuch mayavi nirdesh diye gaye the. Veer ne jaise hi use 'click' kar kholna chaaha toh woh khula hi nahi. Balki, ek notification uske saamne prakat ho gaya.
*Ding*
[Only after claiming the skill you can view the instructions.]
'Toh ye baat hai. I see!'
[Ritual ki timing 25 minutes hai. Iska matlab woh janvar bas 25 minutes tak hi uss Jaw Long ke ishaaro par naachenge. Bas, 5 minute aur hold kar ke rakhna hoga.]
'Hmm!'
[Aur, rahi baat cards ki toh woh iska istemal kar raha hai.]
*Ding*
Card ko padhte hi Veer sab kuch samajh gaya.
'I see! Toh ek prakar se woh iski madad se unhe control kar raha tha?'
[Sirf iski madad se nahi. Use inn sab ko upyog me laane ke liye kayi cheezon ka istemal karna pada. Jemisha's blood ring hamare aane ki khabar dene ke liye istemal ki gayi thi.]
'I know!'
[Uske baad Shayna's Blood Ritual perform kiya gaya taaki janvaro ko niyantran me laaya jaa sake.]
'How powerful-!'
[Aur, uske baad unhe niyantran me banaye rakhne ke liye 'Animal Kingdom' card ka istemal kiya gaya. Isme koi shaq nahi ki usne abhi yahi equip kar rakha hoga. Itna sab karne ke liye usne apni 2 legendary skills aur do cards ka prayog kiya hai.]
'2 cards? Dusra kaun sa card hai?'
[Shayna's Access. Shayna woh entity hai jo inn tantra vidyao me maahir hai.]
'Shayna? Who the fuck is Shayna?'
[I can't tell you.]
'Fuckkk!!!'
[Uske saath communication baithane ke liye Shayna's Access card ka hona zaroori hai. Aise samjho ki agar tum kisi aatma ki shaktiyo ka prayog karne ke liye uss se sampark karna chaahte ho, toh pehle uss aatma ka ek card hona zaroori hai. Kuch samajh aaya?]
'Samajh gaya!'
*Ding*
[This is her card.]
'I get it!'
[Good!]
*Booooooooommmmmm*
Magar, Veer zyada derr baato me lage reh ke unn janvaro se peechha nahi churra sakta tha. Ek aur dhamake ne use ye baat batla di.
[Bas 2 minute aur-!!!]
Veer ne bhaagte hue peeche mud ke dekha toh paaya ki ek baagh par baithe hue Jaw Long uski taraf hi aa raha tha. Uske haath me ek bada sa kulhada tha. Par, uski aankhein abhi bhi band thi.
'What the hell? Uski aankhein agar band hai-!! Toh, woh dekh kaise paa raha hai sab kuch?'
[It's his skill.]
'Kaun si??'
*Ding*
[Skill : Aura Vision.
Description : Allows the host to see the world even after losing the eyesight. Aura vision grants a grey scenery vision. Different living beings are shown in different colored auras.
Note : Non living things cannot be observed through Aura Vision.]
'Fuck this-!!! It's getting complicated. Akhir, aur kitni skills hai iske paas?'
Pari ne ekdum sateek aaklan kar ke diya tha. Jaw Long pehle hi Veer ke neele rang ke aura ko dur se dekh ke pehchan chuka tha ki koi insaan uski territory me ghus aaya hai.
Insaano ka aura neele rang se nazar aata tha toh wahi ped paudho ka hare rang se. Aur, janvaro ka peele rang se. Ye rang uske liye kaafi the aankh na hote hue bhi sab kuch dekhne ke liye.
[Oh shit-!!!]
'What?!?'
[I just realised...! Isliye, uski aankhein nahi hai buddhu!]
'Huh???'
[Arre, isliye woh aankhein band kiya hua hai. Ab tumhe samajh aaya ki kyu uski band aankhon se khoon beh raha tha? Kyuki, usne apni aankhein nikaal di thi.]
'What the-!?'
Veer ke badan me ek sihran daud gayi. Apni aankhein nikaal di? Kya matlab?
[Rituals pagal... Rituals...! Koi bhi ritual perform karne ke liye kuch balidan dena hota hai. Considering, ye dono skills legendary thi zahir hai usne koi na koi sacrifice diya hoga jisme usne khud ka koi ang ritual me chadhaya hoga. Now everything makes sense.]
'Wait! Toh iska matlab usne 2 rituals perform kiye. Aur, unn dono me usne apna ek ek balidan diya. Yaani ki... Uski ek ek aankh!?'
[Exactly!!!!]
'He's going to such lengths just to chase me down???'
[Use thodi pata tha ki tum aa jaoge. Usne ye sab toh Renshu ke liye prepare kar rakha tha. Humne uski mehnat par paani ferr diya. Sirf ek minute aur ab bas-!!!]
Ab harr baat sense bana rahi thi. Shukriya Pari ka jo usne samay rehte sab kuch khoj nikala tha. Veer janta tha ki use bas ek minute aur inse bhaagna tha aur fir ye sabhi niyantran se mukt ho jaane waale the.
[Also, woh unhe poori tarah control nahi kar raha hai. Bas, unhe tame kar raha hai. Hypnosis nahi hai yeh.]
'Got it!'
[25 seconds.]
Veer bhaagta gaya. Use saamne ek aur pul nazar aaya. Pul patla tha. Veer bina soche samjhe uss orr bhaaga aur idhar peeche se Black Panther theek uske peeche aate hue pul par dauda.
[20 seconds.]
Veer ke qadam tezz raftaar me pul par bhaag rahe the. Toh wahi Panther bhi Veer ki gati milaate hue uske qareeb aane laga. Pul dono ke bhaar se poori tarah se dol ke idhar udhar hone laga.
Aur, abhi Veer chhor tak pahuch paata ki tabhi uss chhor se ek bada sa ajgar pul par chadh uski orr tezz raftaar se reng ke aane laga.
'Shitttt-!!!'
Ek Deadlock!!!
[10 seconds.]
Ajgar achanak hi uski orr uchka. Toh wahi peeche se aa raha panther bhi uski orr lapka aur tabhi-
*Ding*
Panther ka perr lakdi ke pul ke ek takhte par padte hi andar ghus gaya. Probability manipulation ne ek baar fir uski jaan bacha li. Veer ne samay rehte hue khud ko baayi orr rassi par jhukaaya aur dono ajgar aur panther ek dusre se jaa bhide.
[5 seconds.]
Pul ki rassi par bhaar badha. Ek orr santulan hone laga... Pul baayi orr jhukne laga. Aur, derr na lagi jab Veer ke bhaar ke chalte pul poori tarah se baayi orr jhuk gaya.
'Fuckkkkk!!!'
Veer, panther aur ajgar samet seedhe dusri neher me jaa gira. Lancang Mekong ki ek aur tributary. Parantu, ye kaafi chhoti thi aur bahaav ekdum na ke barabar.
*Splaaaaaaaasssshhhh*
Neher me Veer chhapaak se gira. Aur, jaise hi Panther aur ajgar gire woh dono pehle toh khud ko kinare kar Veer ko dhundhe. Par agle hi shan-
*Ding*
[O seconds.]
[Shayna's Blood Ritual ki time limit khatam. They are no longer in control.]
Maano jaise janvaro ko bhi achanak se kuch ho gaya. Fir, Veer ne ek hairat angez drishya dekha. Jis Panther aur ajgar me thodi derr pehle itni ekta thi, jo use maarne ke liye ek dusre par dhyaan tak nahi de rahe the. Wahi ab ek dusre par jhapatta maarne par tule the.
Veer apni aankhon ko bas paani me se nikaalte hue sab kuch dekhta gaya. Panther ne ajgar ko apne jabdo me pakda aur use ghaseet ke le jaane laga.
Aur, derr na lagi jab woh use apne daanto ke beech fasa ke waha se le jaane me qamyab ho gaya.
Shayna's Blood Ritual ki time limit samapt ho chuki thi. Magar, asli ladayi ab shuru honi baaki thi. Abhi woh Aquatic Breathing ka upyog kar paani me saans lene hi wala tha jab Pari ne use mana kar diya-
[Wait!!]
'Hmm?'
[Check the water first.]
'Right! Check!!'
*Ding*
[Water body induced with an unknown venom.]
'Shittttt!!! Akhir ye banda kitni dur ki planning kar ke baitha hai?'
Woh saans le leta toh abhi ke abhi maara jaata. Pehle se hi Jaw Long ne uss hisse me apne kisi zeher ko gira ke neher ko dooshit kar rakha tha.
Aur tabhi, Veer ke kaano me ek dahaad sunaayi di. Jaw Long upar baagh par baithe use hi neeche ghoor ke dekh raha tha.
'Pari!!! Agar Animal Kingdom aur Shayna's Ritual ka asar khatam ho gaya hai toh fir woh baagh abhi bhi uske niyantran me kaise hai?'
[Woh uska paaltu bhi ho sakta hai.]
'Hmm!'
Jaw Long tabhi apne baagh par se utra. Aur, ek chhalaang me hi seedhe neeche ko kood neher me utar aaya.
*Splaaaaaaaasssshhhh*
Paani chhalakte hue upar uchhla aur boondo me bikharte hue neeche girne laga. Jaw Long apna kulhada liye wahi paani me khusi ek lakdi par chadh gaya. Uski aankhein aag baboola ho chuki thi.
Jagah jagah ped ki ye lakdiyaan aadhi kati hui paani ke andar ekdum neeche zameen me dhasi hui thi. Shayad pehle yaha ped hua karte the jinhe baad me kaat diya gaya tha aur neher ke paani ko nikaalne ke liye iss orr se raasta bana diya gaya.
Unhi ardh kati lakdiyo ka sahara lete hue Veer bhi unhi me se ek par chadh gaya. Ab muqabla tha barabri ka. Do system holder jo ek dusre se bhidne ke liye taiyaar the.
Veer 25 minute ki iss bhaag daud se thak chuka tha lekin abhi bhi usme itni taqat thi ki woh Jaw Long se yuddh kar sake.
Aur, fir shuru hua asli muqabla...
*Swoosh* *Swoosh*
Jaw Long ek lakdi se doosri par koodate hue Veer ki orr aaya.
"Come then-!!" Veer taiyaar tha.
Veer ke nazdeek waali lakdi par aate hi Jaw Long ne zorr se apna kulhada ghumaya jise Veer ne jhuk ke dodge kar liya.
Aur, woh koodate hue peeche ke ardh ped par jaa ke khada ho gaya.
'Violet ke dwara di gayi saari needles aur woh serum uss blast me wahi gir gayi. I only have one knife and one pocket knife.'
[Use the normal knife for emergency parrying.]
'Yeah-!!!'
Iss baar woh tezzi me ek lakde se dusre par phaandte hue aage badha aur uski laat seedhe Jaw Long ke pait par aayi.
'What-!?'
Lekin, ek haath se hi Jaw Long ne uski taang ko jakad liya. Achanak hi Veer ke jism me ek sihran daud gayi. Aisa laga jaise agar abhi woh waha se na hata toh uska perr wahi katt ke ukhaad diya jayega.
Aur, wahi hota...! Jaw Long ne apna kulhada hawa me upar kiya...! Veer ki aankhein woh dekhte hi fel gayi. Aur, kulhada neeche aane hi waala tha ki Veer ne apni dusri taang se seedhe Jaw Long ke perr ke ghutno ke bagal me vaar kiya.
*Thuck*
Santulan bigda... Ek side se Jaw Long jhukne par majboor ho gaya. Pakad dheeli hui aur Veer ko mauka mil gaya.
*Whooooooosshhhh*
Woh palak jhapakte uske changul se nikal peeche ke lakde par kooda. Aur koodate hi uske kaano me hawa me sansanati hui aati kisi cheez ki awaaz padi,
*Whoosh* *Whoosh* *Whoosh*
*Ding*
Apne aap uska shareer neeche jhuka aur jhukte hi Jaw Long ka kulhada uske sarr ke upar se bhayanak raftaar se nikal gaya. Uske sarr ke 8-10 baal chhalni hoke hawa me hi udd gaye. Agar, sahi samay par woh na jhukta toh unn kuch baalo ki jagah uska sarr waha hawa me udd raha hota.
Veer ne apni baah ko dekha. Goosebumps poore shareer par bikhre hue the. Aur, tabhi-
"Shebaaaaaaaa-!!!!!!"
Jaw Long dahaada!!!! Uska kulhada ab uske haatho me nahi tha. Aur, beshaq uske awaaz lagaate hi-
*Keeaaaaaaarrrrrrrr*
Sheba raat ke uss andhere me hawa me apne par felaye aasman me uske madad ke liye haazir ho gaya.
[See! I told you! That eagle is a pain in the ass.]
Sheba ke panjo me ek bhaala latak raha tha. Woh upar udte hue Jaw Long ke nazdeek aaya aur panje kholte hue usne bhaala chorr diya jo seedha neeche girte hue Jaw Long ke haatho me jaa gira.
Bhaale ko apne ird gird zorro se gol gol ghumaate hue Jaw Long punah Veer ki taraf lapka. Woh bhari bharkam shareer, aur kayi shero ke barabar taqat rakhne waala danav insaan iss baar Veer ki khaal ukhaadne ki firaaq me nazar aa raha tha.
[Careful-!!!]
*Whoosh*
Uske hamle shuru ho gaye. Bhaale ko woh itni taqat aur itni nipudta se chala raha tha ki uske praharo se neeche paani me tarange paida ho rahi thi.
Woh jaan gaya tha ki Veer ne paani ki ek boond bhi apne andar nahi li thi. Uski ek aur tactic barbad jaa chuki thi. Gussa uske sarr par savaar tha. Ya toh ab woh yaha se zinda bach ke nikalne waala tha ya fir Veer.
Woh garja-
"Haaaaaarrrrrrggghhhhhhh!!!!!"
Uski garaj sunn Veer ko hawa me kampan mehsoos hone laga. Jaw Long ne bhaala fir itni zorr se feka ki Veer ko aage ki rann-neeti banaane ka koi samay na mila.
*Swooosh*
Woh bhaala tezi se uske perro ki orr aaya toh Veer hawa me ek jhatke me ucchak gaya.
*Thuck*
Aur, bhaala seedhe lakde par jaa ke dhans gaya. Magar, jaise hi Veer uchka...! Use agle hi pal apne nirnay par glaani mehsoos hui. Kyuki-
*Poooooooowwwwww*
Zordaar laat seedhe aake uske pait par padi. Ek feint attack. Jaan boojh ke uske perro ki orr woh bhaala feka gaya tha. Taaki, woh hawa me uchke aur Jaw Long yahi soch pehle hi hawa me kood chuka tha.
Veer ka shareer hawa me uda... Jaise patthar ko paani ki sateh par tez gati me fekne se woh uske upar tappe khaate hue dur jaata tha. Waise hi Veer ka shareer bhi iss waqt neher ke paani ke upar tappe khaate hue dur jaa gira.
Gati dheeme padte hi uska shareer paani ki sateh ko chorr andar doob gaya. Veer ne aav dekha na taav aur seedhe kinaare ki orr terrte hue woh chhor ke liye bhaaga.
Jaw Long ko jaise hi uske iraado ka pata chala, toh bhala woh kaha peeche rehne waala tha. Veer ka peecha karte hue woh bhi neher chorr ke usme se baahar aa gaya.
Zameen par qadam padte hi Veer uss se ek duri banaane ke liye bhaaga. Woh dono jangal ki aur bhi gehrayi me aa chuke the aur yaha se mine ka raasta ab thoda hi bacha tha.
Beecho beech ek jagah par aate hi Veer palat ke Jaw Long se bhidne ke liye taiyaar ho gaya. Martial arts ka stance lete hi usne khud ko taiyaar kiya. Saamne se baagh ke samaan woh danav bhaagte hue aa raha tha.
Toh wahi upar thehri Erica ko achanak hi hawa me antar samajh aa gaya. Janvar ab ajeeb tareeqe se idhar udhar hote hue bhaag rahe the.
[Lagta hai woh sab control se baahar aa gaye hai ab.]
'Ohh! P-Par Veer kaha hai?'
Woh bechain hote hue idhar udhar nazre daudayi.
[We need to check it out. Tum ab theek ho?]
'H-Haan shayad-! I can move my legs now.'
[Good! We need to make a dash. Quick!]
'Y-Yes!'
Woh apni jagah se uthate hue Veer aur Jaw Long ki talaash me ek baar fir aage badhi.
Toh wahi Veer yaha neeche Jaw Long se yuddh me bhida hua tha. Bhaale se bachte hue Veer apne attack uss par land kar raha tha magar, koi bhi vaar aisa nahi kar paaya jis se Jaw Long ko ghaat pahuch sake.
Kintu, jaise usne koi tarqeeb soch rakhi thi. Ek dusre par vaar kar rahe jaise hi iss baar Jaw Long ka bhaala Veer ke seene ko chhalni karne ke liye aaya.
*Thuck*
Veer ne khud ko peeche kar liya. Bhaale ki nok zameen me ghusi aur agle hi shan-
"Haaarghhh!!!"
Veer ki laat ne bhaale ke lakde ke do tukde kar diye. Beech se tootate hi bhaala ab vyarth ho gaya.
Usne ladaayi iss mod par laa ke khadi kar di ki ab hand to hand combat ke alawa Jaw Long ke paas aur koi chaara na tha.
Dekh ke prateet ho raha tha ki uss baagh par bhi uska koi khaas niyantran nahi tha. Animal kingdom ke asar khatam hote hi woh baagh bhi kahi nazar nahi aa raha tha.
Aur, ab shuru hui thi asli combat. Jaw Long ka pehla prahaar Veer ki kamar ki orr badha.
Shareer ko peeche kar Veer ne khud ko bachaya. Uske hontho par muskaan feli...! Woh jaise hi aage badh hamla karne ka socha ki tabhi Jaw Long ka wahi haath wapas se uss par hamla karne ke liye tezi se aaya.
'Tch!!!'
Aur, iss baar-
*Swish*
Veer ne duck kar liya. Woh tezz raftaar se neeche jhuka. Uski aankhon ke saamne Jaw Long ka pait tha. Aur, uska mukka kass ke maarne ke liye taiyaar tha.
Magar, Jaw Long bhi jaise ye padh chuka tha. Woh ghoomte hue peeche hua aur Veer ka vaar vyarth chala gaya. Agle hi shan, Veer ko apne chehre par ek parchhayi chadhti nazar aayi.
Upar jaise hi dekha-
*Baaaaammmmmmm*
Jaw Long ka perr zameen par zorr se pada aur uss zameen ke parchhatte udd gaye. Ek halka gehra gaddha waha bann gaya. Agar, sahi samay par woh na hatata toh woh laat use kaafi haani pahucha sakti thi.
[What are you doing? Probability Manipulation teen baar istemal ho chuka hai. Ab 12 baje ke baad agla din lagne par hi uska istemal dobara kar paoge. Fight carefully!]
'Yeah yeah-!! I know-!!'
Dono ke mukke, haath aur laat ek dusre se bhidne lage. Taqat itni thi ki haath se haath bhidne par hi uss ilaaqe me awaazein paida hone lagi. Neeche pade patte unki harqat ki raftaar se udd ke bikharne lage. Toh wahi chhote ped paudhe unke praharo ki gati ki hawa se lehraane lage.
Combos ke baad combos woh dono ek dusre par maar rahe the. Magar, dono hi ek dusre ke combo ender ko poora hone nahi de rahe the. Veer ki pasli par Jaw Long ka mukka padte hi uske muh se ek karaah nikal gayi. Usne apne daant meeste hue uske haath ko thaama-
*Ding*
LIMBO!!!!
Par-
*Baaaaammmmmmm*
Ek laat seedhe aake uske seene par padi kyuki, Limbo ke asar lene se pehle hi Jaw Long ne apna haath chhina liya.
Veer ka shareer hawa me udta hua dur gaya. Jaw Long pehle se hi daud laga diya. Veer tamaam maujood pedo me se ek ped par jaa ke bhida aur uske bhidte hi-
*Baaaaammmmmmm*
"Urgh-!! Uck-!!"
Jaw Long ka tabadtod mukka uske pait par aake laga. Na jaane woh yaha kab prakat ho gaya. Aur, mukke aur pait ka sampark hote hi-
*Ding*
[Bone Reaper has been equipped.]
*Craaaaaaacccccckkk*
*Booooooooommmmmm*
Ped ke tukde beech se hue, Veer ka shareer ek nahi peeche maujood aur 2-3 pedo ko ek saath todte hue jaa gira. Ped ke baad ped bikhar kar ab gir rahe the. Ab ye ladayi ghatak ho rahi thi. Bone Reaper uski haadiyo ko toh bacha ke rakha tha. Magar, pait me koi haddi nahi hoti thi...
*Bluuurrghhhhhh*
Uske muh se khoon nikla. Pait aise dard kar raha tha maano kisi ne kass ke hathoda maar diya ho.
Ladkhadate qadam ko sambhalte hue jaise hi woh khada hua-
*Gwaaakhhhh*
Veer ki aankhein hairat me chaudi ho gayi. Jaw Long ne uske gale ko apne haath ki giraft me liya aur punah kass ke ek ped se bhed use hawa me utha diya.
"Argh-! Ack-!!!"
Aur, pehli baar Jaw Long ke bol uske kaano me pade.
"Tum...! Ek acche yoddha ho!!! Magar, mujhse behtar nahi!"
Kehte hue usne agle hi shan Veer ke shareer ko upar hawa me uchhaal diya. Veer ka badan ped ki daali ko tukdo me bikherte hue aur upar ko gaya. Neeche se Jaw Long khud bhi uchka. Dusri daali ka sahara lete hue woh aur upar uchka...!
Jaise hi hawa me woh Veer ke nazdeek aaya uski aankhon me khoon karne ka bhoot sawar ho gaya. Ghaatak prahar woh Veer pe barsaane hi waala tha ki Veer ne unn hamlo ko apne vaaro se block kar unhe rok liya.
Dono hawa me hi the aur neeche girne lage. Haath perr itni tezz raftaar se chal rahe the ki bas unki after images hi nazar aa rahi thi.
Par, ek laat itni tezz gati se Veer ki orr aayi. Hawa me iss se bacha nahi jaa sakta tha keval ise block hi kiya jaa sakta tha. Aur, Veer ne kiya bhi wahi-
Jaise hi usne apne dono haath perr modte hue khud ke sarr ko dhaaka, Jaw Long ki kick uski kohniyo par padi aur woh neeche dhadaam se gir, zameen ko ukhaadte hue dur tak jaata chala gaya. Zameen ke udhadte hi waha halka dhua uth gaya.
Jaw Long toh jaise bhooke bhediye ki tarah uss par dhaawa bol raha tha. Veer ki thakaan ne apna asar dikha diya tha. Agar, woh 25 minute ki bhaag daud na hui hoti toh abhi maajra kuch aur hota...
*huff* *huff*
Uski saansein ab ukhdi ukhdi aa rahi thi. Jagah jagah badan par chote pahuchi rakhi thi aur jagah jagah par gehre ghaav bhi bann chuke the. Khoon se lathpath uska shareer kisi bhi waqt ab neeche gir sakta tha.
'H-His weight is helping him in his blows.'
Paseene ke saath khoon uske chehre par bhi fela hua tha. Aankhein fadakte hue band hone ko bol rahi thi par uski dridhta unn palko ko khol ke rakhe hue thi. Baalo ki ek latt uski aankh ke saamne aake jhool gayi. Jaw Long saamne se uss par antim vaar karne aa raha tha.
Veer ka haath apni jebo ko tatolte hue hidden knife ko dhundha aur usne tezz raftaar se aa rahe Jaw Long ke nazdeek aane ka intezar kiya.
Jaise hi woh 4 qadam ki duri par aaya. Veer ne ek jhatke me woh knife uski orr fek di. Jaw Long iss hamle ke liye jaise taiyaar nahi tha. Woh achambhav me reh gaya aur knife seedhe jaake uske kandhe me ghus gayi.
Aur, idhar Veer ki ek theory sach saabit ho gayi.
'So, he doesn't have any sort of dodging skills...! I see!'
Veer ki theory toh saabit ho gayi. Magar, Jaw Long ka agla hamla itni zorr se pada ki Veer ke poora jism andar se leke baahar tak hil gaya.
Khoon hawa me ucchla aur uska shareer bhayanak gati se pedo ko cheerte hue kayi feet dur jaa gira.
Jaw Long uski mrityu ke samaan dheere dheere chalte hue uske nazdeek aane laga. Usne wahi khusa bhaala zameen par se ukhaad ke nikaala aur ahista ahista Veer ke paas aane laga.
Veer koi bhi harqat nahi kar raha tha. Probability Manipulation ka istemal ab woh nahi kar sakta tha. Limbo barbaad jaa chuki thi. Bone Reaper keval uski haddiyo ko hi bacha sakta tha. Andar ki maanspeshiyo aur aham ango ko nahi.
Beowulf's Blessings keval uske senses hi badhaata tha na ki uski taqat. Agar woh ek neend le leta toh kam se kam woh ladayi me kuch antar laa sakta tha. Magar-
Jaw Long uss se kuch qadam ki duri par khada ho gaya. Aur, bina deri kiye woh aage daudte hue hawa me ucchla par tabhi uski aankhein bhay ke maare fel gayi.
Uske haath apne aap uske chehre ke saamne aake use dhaak liye aur agle hi shan-
*Booooooooommmmm*
Uska bhaari bharkam shareer hawa me vipreet disha me atyant dur jaa ke gira. Prahar ki awaaz se Veer ne apna chehra kar upar dekha toh paaya ki-
Koi khada hua tha.
'*huff* K-Kaun-!? *huff*'
Koi tha...! Usne upar se neeche tak kaale kapde pehne hue the jo uski gori safed twacha ke ekdum vipreet the. Wahi lambe, seedhe, kaale ghane baal jo mand hawa me lehra rahe the. Uski chamak daar aankhein jo andhere me vishesh roop se chamak rahi thi. Aur, uske ird gird fela uska woh strong aura jo inn sabhi visheshtao ko baandh ke rakha tha.
Uska yeh swaroop Veer ke dil-o-dimag me ankit ho gaya. Nahi! Balki, ye aisa tha ki ise bhoolna hi namumkin tha.
Tabhi, Veer ka dil chehra dekhte hi zorr se dhadka...! Hairat me uski aankhein chaudi ho gayi.
'Y-You-!!!???'
Woh ladki bina Veer ko dekhe aage badhi ki tabhi Veer ne use peeche se pukaarte hue rok liya.
"W-Wait-!!!!"
Ladki ke qadam wahi tham gaye. Uski mutthi Zorro se kass gayi. Jaise maano woh yaha rukna nahi chaahti thi.
"I-It's you-!!! Wh-Why???"
Parantu, ladki kuch na boli. Woh punah jaise hi aage badhne ke liye hui-
"Avaaaaa-!!!!"
Iss baar fir uske qadam Veer ki pukaar par rukk gaye. Veer ki dhadkane tezz thi. Uske mann me kayi sawaal uthal puthal machaaye hue the. Magar, inka samay nahi tha.
"Wh-Why??? *huff* *huff* T-Tum yaha...? Kyu??!"
Uski awaaz me krodh, aashcharya aur peeda sab kuch tha. Par, Ava mudi aur usne jo jawaab diya... Unme bhi yahi bhaav the.
"Why? You ask me why?"
Woh palti... Veer ne uska chehra saamne se dekha toh uska muh khula ka khula reh gaya. Ava ki aankhon me aasu the...!
"Yaad karo Veer! Kya kaha tha tumne mujhse akhiri baar?"
Veer ne jaise hi uss baare me socha Ava utne me ek jhatke me hawa ke jhoke ki tarah apni jagah se gayab ho gayi.
"Avaaaaaaa-!!!!"
Veer ki pukaar ka koi fayda na hua. Woh Jaw Long ki disha ki orr jaa chuki thi. Magar, uske bol zaroor Veer ke mastishq me goonjte reh gaye.
'Yaad karo Veer! Kya kaha tha tumne mujhse akhiri baar?'
Veer ko yaad aaya. Akhiri baar usne Ava ko jo kuch kaha tha... Woh uss island par kaha tha jiske kinaare woh Crimson se ladd raha tha. Dhoka dene ki wajah se woh Ava se apne saare rishte naate tod chuka tha. Usne kaha tha ki-
'Tum apne raaste! Aur mein apne! Humare beech ab koi rishta nahi. And, don't you dare ever cross paths with me. You are on your own from now on.'
'And don't show me your face ever again.'
Magar, sirf itna hi nahi tha. Ava apni maa ko bachaane ke liye ye sab kari thi. Aur, isliye Island chorr kar jaane se pehle Veer ne ek vaakya aur kaha tha. Itni dheere ki sirf use hi sunaayi de sake. Lekin, Ava ne woh sunn liya tha.
Woh bol the-
'Go and protect your loved one now.'
.
.
.
.
.
.
.
.
.
Aaj ke liye itna hi guys.
Update consists of 11k words. Mere khayal se ye sabse bada update hai kahani ka. Also, aap sabhi ko Holi ki shubhkamnaye. Update late aane ke kayi saare kaaran hai jinke baare me mein baar baar baat nahi karunga. Achanak food poisoning ki wajah se bhi mera swastha beech me dagmaga gaya. Anyways, update 176 is here. Baaki, likes thokne aur revos rakhne ka. Target apna 200 hi hai. Pahucha do.
Happy Holi once again!
Dhanyavad.
- 13,765
- 98,366
- 259
Story lambi hai. 100-200 updates waali story nahi hai. I already know ki prefix me incest hai. After all, maine hi woh prefix lagaya hai.
Story late romance based hai. Mid me incest and all ye sab jaagrit hoga.And, who told you Tej, Bhumika, Arohi became the main characters?
Maine kisi bhi female ke baare me ye nahi bataya hai ki kaun si female lead actress hai. Maine kaha hua hai ki multiple lead actresses hai. Par unme se kaun hai, ye disclose nahi kiya hai.System ka raaz end me khulega. Poori story hi uss par based hai. Bits and parts me kuch hints milti rahengi system ki but poora raaz toh end me hi khulega. Ye bhi mein pehle hi bata chuka hu btw. Connectivity baithi Hui hai uss se agli story ki. Agar mein abhi disclose kar dunga toh story hi na khatam ho jayegi?
Rahi baat Sonia ki... Sonia ne kabhi Veer ke saath utna time spend nahi kiya ki woh hotel me Veer ke liye uchak ke deal chhor use bachane jaaye. Uska aim hi Kaera ko peeche karne ka hai. Deal chhorte hi Kaera uss se aur aage ho jaati. Veer ke saath time spend Kiya hota kaafi toh scene kuch aur hota. Hum sabhi jaante hai ki Sonia aur Veer zyada saath rahe nahi hai. Aur, yahi development aane waale arc me hona hai. Also, Sonia aur Veer ke beech kissing nahi Hui hai. You are wrong to say that... Iska matlab sahi se story read nahi ki hai.
(I'm talking about lip kiss)Nidhi ka role Disembowler arc me hai. Ye bhi mein pehle hi bata chuka hu. Problem new females introduce karwane me nahi hai.
Agar females introduce ho rahi hai toh males bhi introduce ho rahe hai. Problem hai unn readers ke saath jo new female ke aate hi khayali pulav pakaane lagte hai ye sochte hue ki ye bhi hero ki hi aashiq banegi. Problem waha aati hai.Kaera ka mission bhi bata chuka hu. Emotions aise ek baar me nahi jaagte. Dam dekha hai na? Paani waala dam. Use band kar ke rakho toh paani ka bahaav band ho jaata hai. Ye emotions ki tarah hai. Veer ne sirf dam khola hai. Magar, paani ko beh ke nikalne me neher ko wapas se paani se labalab bharne me samay toh lagega na. Kaera ab mehsoos kar sakti hai. Woh ab unn emotions ko mehsoos kar rahi hai jo pehle uske liye foreign the. Par ek hi din me saare emotions toh nahi feel kiye Jaa sakte na.
Dheere dheere use pata chal raha hai ki dard kya hota hai, pyaar kya hota hai... Jealousy kya hoti hai ye bhi woh jaan jayegi jald hi. Aur, aise hi dheere dheere jab woh sab samjhne lagegi. Tabhi mission succesful hoga.
Mujhe XF par kahani likhte 5 saal ho gaye hai. What do you think? Maine kaha tak ka soch rakha hoga?
Everything is planned and everything is sorted out.
Last edited:
realfriend
R@#F&D
- 259
- 383
- 78
A
Awesome update broHoli special
Update - 176 ~ Heavy Violence (2)
Ab tak...
PROBABILITY MANIPULATION!!!
Crimson dwara paapt kiya woh card pehli baar aaj activate hua. Veer ka perr apne aap andar ki namm mitti ke chalte fislan kha gaya. Uska sarr peeche hua, aur saanp dusri orr jaake jaake zameen se jaa bhida. Probability manipulation ne Veer ke upar hamla hone ki probability badal di thi.
Mauka na gawaate hue usne turant hi wall run kar upar chadh haath felaate hue gaddhe ke baahar ki zameen ko jakda. Aur usme se baahar nikal aaya.
'That was close-!!!'
Saansein abhi theek se durust hi ki thi ek awaaz ne uske raungte ek baar fir khade kar diye. Koi tezi se uski orr aa raha tha.
Ab aage...
Mahaul tang tha. Do insaan jo ek dusre se anjaan the woh aamne saamne ek dusre ka adanga bann ke khade hue the. Dono ek dusre ki taaqat ki kshamta ka aaklan kar rahe the.
[Something's off about him!!!]
'Hmm!'
Lloyd ki gambheer awaaz Renshu ke mann me goonji jis se woh poori tarah sehmat tha. Saamne khada ye naujavan...! Kuch ajeeb si anubhuti de raha tha.
Achanak se ek system holder ka prakat hona aur unn par hamla karna. Kuch andhruni taur par pak raha tha, jis se Renshu anibhigya tha.
Uske maathe par paseene ki boonde chhayi hui thi. Aankhein gambheer taur par uss agyaan naujavan system holder par tiki thi.
Uski instinct 'Enlightenment' use aagah kar rahi thi. Har mushqil mod pe 'Enlightenment' use raasta dikha deti thi. Woh dekh paa raha tha ki uske liye koi jaal bicchaya gaya tha. Usne khamosh khade uss system holder ko dekh bola~
"Apne iraade toh tum batane se rahe ladke...! Lekin, ek baat yaad rakhna! Iss maamle me dakhal andazi deke tumne apne aap ko Order ka dushman bana liya hai."
Parantu, veh ladka abhi bhi shaant hi bana raha. Renshu ke agle hamle ke liye khud ko taiyar karne laga. Kahi na kahi ye baat Renshu ko aur bhi zyada gussa dila gayi ki anjaan system holder uski baato ka jawab tak nahi de raha tha. Jaise maano samay vyateet karna chaah raha ho ya fir woh uski nazro me kuch tha hi nahi.
"Mein sahi tha. Tum kuch bhi ugalne waale nahi-! Theek hai fir!!! Tumhare muh se ek ek shabd mein khud ugalwaunga!!!! LLOYD!!!' Woh garja!!!
[Ready!!!]
Agle hi pal uske haav bhaav badal gaye. Nazre kisi sher ke maafiq uss system holder par tik gayi, mutthi apne bhaale par usne jamm ke kassi. Aur, woh uss system holder par aage badh jhapatne hi waala tha jab uss ladke ne apne peeche tange tarkash se ek teer nikala aur-
*Swoooossshhhh*
Teer seedhe Renshu ki aankh ki orr poori gati se aaya magar, usne use ek jhatke me apne haath se jakad liya. Aur-
*Crack*
Use do tukdo me baant diya. Uski aankhein ab apne shikaar par poori tarah se sthir thi.
"Galti meri hi thi, jo maine 'Mayhem' ka istemal pehle nahi kiya. Lekin, koi baat nahi. Uska bhugtan tumse ho jayega!" Woh itna bol-
*Whooooooosshhhh*
Apni jagah se ek jhatke me aage dauda. Uss unknown system holder ki aankhein shan bhar ke liye bhay ke maare fel gayi aur badle me woh bhi sarpat andar gehre jangal ki orr bhaaga. Ghode ki tez chaal ke bhaanti daudate hue woh Renshu se duri banane me qamyab tha.
[Woh humse tez hai, Renshu. Sambhal ke peecha karo.]
'Ek agile system holder!? Kahi...? Assassination type? Samajh gaya!'
[Behtar hoga agar use Order se jod le toh...!]
'Ye ab sambhav nahi!'
Jangal ke ghane pedo ke beech se guzarte hue ghapp andhere me do system holder lagatar bhaagte jaa rahe the. Unke perro ke neeche aate sookhe patte kuchal rahe the aur dono ke beech ek paryapt duri bani hui thi. Jo ki zahir tha kyuki woh naujavan Renshu se 'Agility' me aage tha.
*Ding*
['Trap Master' is in use.]
Daudate daudate hi Renshu ki gardan kisi chidiya ki tarah idhar udhar hote hue traps ki talashi me jut gayi.
*Whissshhh*
Uska bhaala hawa me udta hua jaake seedhe ek gupt rassi ke baandh pe jaake laga. Rassi tooti aur patthar giraane ka jaal wahi nasht ho gaya. Toh wahi patto ki parat se dhake hue kuch gehre gaddho ko usne patthar fek unka uddeshya bhi wahi mita diya.
Jaise jaise woh aage badh raha tha, raaste me aane waale sabhi jaalo ko nasht karta jaa raha tha. Isi raaste se uske aadmiyon me se koi bhi aage aa sakta tha. Unke liye jaal se mukt raasta taiyar karna uski ek zimmedari thi.
Idhar bhaagte bhaagte punah Lloyd ne use sachet kiya.
[He's luring you deep inside the forest.]
'Jaanta hu, Lloyd!'
[Be prepared for the worst. Aage kuch bhi ho sakta hai. Par, andar jaana bhi humari majboori hai.]
'Hmm!'
Anjaan system holder Renshu ko jaise kisi prakar ke jaal me fasaane ki taiyaari me tha. Andhere jangal me woh use na jaane kaha liye jaa raha tha. Dono hi tez raftar se bhaag rahe the. Tabhi, woh ladka achanak hi uchhalte hue peeche ko ghoom gaya. Dhanush ki pratyancha par teer chadha. Aur, ladke ne teer ko kass ke kheench ek baar me Renshu ki orr chhor diya.
*Swiiiiiiisssshhhhhh*
Renshu, jo theek uske peeche bhaag raha tha, uske tez qadam shan bhar ke liye dheeme pad gaye. Teer uski orr hawa ko cheerte hue aaya toh zaroor magar, woh uska nishana nahi tha jaise-! Balki, teer uske bagal se neeche zameen me jaa gira.
'Huh!?'
[Shit! Renshuuuu-!!!]
Aur, Lloyd ko awaaz dene me halki si derr ho gayi.
*Booooooooommmmmm*
Ek Dhamaka! Dhua vatavaran me fel gaya aur usme se gussail Renshu hawa me udta hua bahar nikla. Chhota lekin ek ghaatak visfot jo use buri tarah se ghayal kar sakta tha agar woh na hoti.
Rapid Reaction!!! Uske paas maujood behatreen skills me se ek. Ye aaj na hoti toh shayad woh buri tarah zakhmi ho sakta tha. Hatasha aur krodh se uski bauhe fadakne lagi. Dhamake ke chalte uske badan par dhue ke kaale dhabbe bhi pad chuke the.
'Ye toh-! Explosive arrows!?'
[Hmm! Asal zindagi me ye nahi hote. Lekin, inhe banaya jaa sakta hai. Mujhe yakeen hai ki uske paas inhe banane ki koi skill hai. Mujhe toh ye jaan ke bhi taajub nahi hoga agar uska dhanush bhi uske haatho se banaya gaya ho.]
'Let me do it! Check!!!'
*Ding*
[A self made adjustable bow.]
[Dekha? Mein sahi tha.]
'Ab kya?'
[Unn explosive arrows se sambhal ke rehna hoga hume. Maine uski pehchan kar li hai. Uske agli baar vaar karte hi mein tumhe satark kar dunga.]
'Good!'
Ladka mauka dekh punah bhaaga. Peeche peeche Renshu bhi gusse me aaya. Krodh toh sawaar tha uspe magar uss krodh ko usne apne sochne, samajhne aur nirnay lene ki kshamta par haawi hone nahi diya. Aur, isme sabse zyada madadgar thi uski instinct ~ Enlightenment!
Kintu, jis baat ka darr tha akhir wahi hua. Jangal ki gehraiyo me uss anjaan system holder ka peecha karte karte woh aa toh gaya. Magar, aate hi use samajh aa gaya ki maajra kya tha. Woh ladka uss se ek seemit doori bana ke khada ho gaya. Chaand ki raushni me uski halki halki chhavi nazar aa rahi thi. Aur fir-
Ek raushni!
Aag ki lau andhkar me achanak Renshu ke saamne khade ladke ke peeche se jagmaga uthi.
Mashaal! Aur, fir ek aur-! Aur, ek aur...! Aur, ek ek karke uske ird gird mashaalo ka samooh banta chala gaya. Renshu ki aankhein hairangi me chaudi ho gayi. Woh jaise jaise apni daayi orr mudta gaya, ek ek karke mashaale andhere me jalti gayi. Woh ghir chuka tha. Yahi woh jaal tha!
[Isliye, woh tumhe yaha laa raha tha. Ye Unit 2 nahi lag raha. Ye alag se aadmi iske dwara laaye gaye hai shayad.]
'Lloyd---!'
[I got it.]
*Ding*
['Mayhem' has been equipped.]
*Ding*
['Mayhem' is now in use.]
Achanak hi uske mann me ek lamba sa virtual bar bann ke aa gaya. Usne Kung fu ka stance liya aur zorr se gurraaya-
"Come-!!!!"
Aur, tabhi-
"Haaaaaaaaaa-!!!!!"
"Haaarrrrgggghhhhh!!!"
"Hamlaaaaaaa-!!!!"
Neeche sthit aadmi uss par daudate hue toot pade. Toh, wahi upar pedo par baithe aadmi uss par teero ki varsha kar diye.
*Swish* *Swish* *Swish* *Swish*
Aadmi uss system holder ke peeche andhere me se agal bagal se nikalte hue aate jaa rahe the aur woh chup chaap wahi khade sab kuch dekh raha tha. Ek ke baad ek teero se apna bachaav kar Renshu seedhe aadmiyon se bhidne me ulajh gaya. Aur, 'Mayhem' apna jalwa dikhane ke liye taiyar tha.
Pehle aadmi ke aate hi Renshu ne bagal me hote hue khud ko uske hathyar se bachaya, uska ek haath seedha aadmi ki gardan par jaa ke pada.
*Chakkkkk*
Dusra haath seedha kamar par jaa ke laga.
*Whakkkk*
Aur, akhiri vaar seedhe thuddi ki orr gaya-
*Bokkkkk*
Jis se veh aadmi hawa me udte hue muh se thook aur khoon nikaal door jaa gira. Aur, isi ke saath Renshu ke virtual bar me ek point jud gaya. Kintu, yeh hua kaise? Aur, kya tha ye virtual bar?
Uske arsenal me sabse behatreen cards me se ek ~ 'Mayhem'
Ye woh card tha jo aisi group fights ke liye hi banaya gaya tha. 'Wushu' ya saral shabdo me 'Kung fu' ke moves par hi ye card apni bhumika nibhata tha. Uske paas pehle se hi 'Wushu' skill thi jisme woh maahir tha.
Wushu ka istemal kar agar woh combo ender apne dushman pe land karta hai, toh dushman 1 second ke liye achet ho jayega. 1 second dekha jaaye toh vastavik roop me kam tha, lekin system holders ke liye wahi ek second poori ki poori ladaayi ka nateeja tay kar sakta tha. Par, shart yahi thi ki combo ender dushman ke shareer par utara jaaye.
Kintu, kya bas yahi tha? Hargiz nahi! 'Mayhem' system holder ko ek virtual bar provide karta tha. Harr ek dushman jo Renshu ke haatho dher hota jayega, uske badle me virtual bar me ek point chadhta jayega. Agar, bar 5 points tak pahucha toh agla hamla do guna lethal damage ka hoga.
Ye thi taqat 'Mayhem' ki. Renshu ne Unit 1 ko dher karne me iska istemal nahi kiya tha. Warna, uske paas ab tak na jaane kitne bars stack ho chuke hote. Yeh system holder uske liye koi khatra nahi hota fir. Magar, iss baar woh taiyaar tha. Woh khud bhi jaan ke hi andar jangal ki gehrayi me uska peechha karne aaya tha. Aur, unke iss ek aadmi ko dher karne ke baad use ek point mil chuka tha. Ab baari thi baakiyon ki.
Apne aadmi ko itni asaani se ghayal hota dekh baaki sabhi bhauchakke toh hue par unke qadam zara bhi nahi ruke.
"Aaarrrghhh!"
"Uummmphhhh-!!!"
"Urrrrghhh!!"
Fir bas, unki ghur ghurati awaazein uss ilaaqe me fel gayi. Ek ke baad ek sabhi Renshu ke kung fu moves ka shikar hote chale gaye aur use points par points bhi de gaye.
Parantu, woh system holder abhi bhi yuhi shaant khada hua tha. Renshu ko inn aam logo se khatra nahi tha. Woh yeh baat jaanta tha aur isliye ladte waqt uss ladke par bhi poori tarah se dhyaan rakhe hue tha.
*Klaaaang* *Claaaanggg*
Mashalo aur chaand ki raushni ke alawa hathyaro ki aapas me bhidne ki chingariyaan bhi ilaaqe me chamakne lagi. Renshu ka harr ek move itna sateek aur nishaane par tha ki tribe ke log keede makodo ki tarah dher hote jaa rahe the.
Uska bhaala chain ke saath aise ghum raha tha ki kuch aadmi bhaale ka shikaar hote toh kahi kuch chain ke lapete me aake dur fik jaate. Kuch ped se jaa bhidte toh kuch zameen par ghisatate hue lot jaate.
Unke perr ab kaapne lage the. Unhe apne Lord Jaw Long ki upar poora vishvas aur garv tha. Aur, aaj woh sab samajh paa rahe the ki Order ka Lord bhi koi aera gera nahi tha.
"D-Daanav! Y-Ye aadmi daanav hai!"
"H-Hamare hamle- hamare hamle uss tak pahuch hi nahi rahe!!!"
"Ye kaise ho sakta hai? *shivers* Hamara ek jhund pehle hi haar chuka hai. L-Lord-! Hume Lord tak khabar-"
Magar, uske shabd adhoore hi reh gaye. Renshu ke bhaale ki chain akasmat uski kamar par aake bandhi aur Renshu ne use ek jhatke me apni orr kheench liya. Woh aadmi udta hua uski orr aaya aur-
*Gwakh*
Apne gale ko uske bhaari bharkam haath me saunp diya. Ek haath se hi Renshu uss aadmi ko zameen se upar uthaaye hue tha. Yeh manzar dekh sabko khauf ke chalte saanp soongh gaya. Aur, fir Renshu ne bolna shuru kiya.
"Tum sab ko abhi bhi mauka diya jaa raha hai. Humne baahar kisi ko bhi jaan se nahi maara hai. Agar, tum apne logo ki chinta karte ho toh abhi bhi waqt hai. Jao...! Aur, unhe bacha lo. Kahi derr na ho jaaye."
Ye sunte hi tribe ke logo ko do jhatke lage. Pehla toh yeh ki Renshu unse unki hi tribal bhaasha me bol raha tha. Woh iss tathya se anibhigya the ki Renshu ek system holder tha aur use sabhi bhashaayein aati thi.
Toh wahi, dusri taraf unke taajub hone ka kaaran tha Renshu ke aadmiyon ke dwara unke aadmiyon ko bina jaan se maare chhor dena. Yaha unke Lord ne toh keh ke bheja tha ki yeh ladayi ab aar ya paar ki hai. Kya yahi baat Renshu ke logo par laagu nahi hoti? Bilkul hoti thi.
Fir, uske bawajood-!?
"Legion se kabhi bhi Order ki dushmani rahi hi nahi hai. Mein toh sirf sahi ke liye ladd raha hu. Mine ko apne qabze me karna... Yeh ek apradh hai. Mine rashtra ki sampatti hai. Uss par sirf kuch logo ka haq nahi ho sakta. Tum sab khud socho. Kya Order ne kabhi bina wajah Legion pe hamla kiya hai?"
Uski baatein jaise logo par prabhav daal rahi thi. Sab ke sab sankoch me nazar aane lage the.
"M-Mujhe lagta hai...! Shayad... W-Woh sahi hai!"
"Huh? Tum pagal ho gaye ho kya?"
"Nahi! Mujhe bhi lagta hai ki iss baat me sacchayi hai."
"M-Mera bhai-!! Mera bhai pehle jhund me tha. M-Mujhe jaana hoga. Use bachaane."
"Tum sab ab dagabazi karoge? Legion ko akela chorr kar bhaag rahe ho?"
"Bhaag nahi rahe hai. Par, ye baat sach hai ki hume apne logo ki chinta hai. Kya tumhe nahi hai?"
"Mujhe bhi hai par-"
"Toh mein jaa raha hu. Tumhe jo karna hai karo."
Unke jhund me se ek aadmi nikal ke Unit 1 ki orr bhaag gaya. Woh sirf akele nahi the yaha. Jagah jagah unki basti bani hui thi jangal me. Aur, unn gharo me unki patniya, bacche, budhe buzurg, unka parivar unka intezar kar raha tha.
Aaj agar woh sab yaha maare jaate hai toh kal ko unke parivar ki dekhbhal kaun karega? Sabhi ke mann me jaise yeh baat toh aayi magar ek sandeh bhi paida hua. Iske pehle ki baaki sab bhi uss aadmi ke peeche peeche jaate, unhi ke ek sadasya ne unhe rokte hue kaha.
Aadmi 1 : Zara ruko tum sab!!! Y-Ye ek chaal bhi toh ho sakti hai na?
Aadmi 2 : Sahi kaha. Kya pata ye hume fasaane ke liye ho? Kya pata hamare aadmiyon ko pehle hi inn logo ne maar diya ho aur iske aadmi hamara waha intezar kar rahe ho?
Aadmi 3 : Ekdum sahi kaha! Bhala hum kaise maan le ki tum jhooth nahi keh rahe?
Renshu ki bauhe pareshani me sikud gayi.
Renshu : Jhooth keh ke mera koi fayda nahi. Tum sab khud socho. Agar, mein chaahta toh tum sabhi ko abhi hi yahi maar sakta tha. Par, kya maine kisi ki bhi jaan li?
Uske itna kehte hi sabhi ko ek bada jhatka laga. Yeh baat satya thi. Jab se woh ladd rahe the tab se kisi bhi aadmi ne apni jaan nahi gawayi thi.
Renshu : Mein aur mera hathyar tum sabhi ko maarne me poori tarah se saksham hai. Kya tum sab iss baat se sehmati nahi rakhte?
Sab ke sab khamosh reh gaye. Kyuki, ek ek baat jo Renshu ugal raha tha usme poornta sacchayi thi. Ise nakara nahi jaa sakta tha.
Shuru se hi unhone kabhi yeh nahi socha tha ki uska saamna karna asaan hoga. Lekin, unhone yeh bhi nahi socha tha ki woh sthiti ko sambhal nahi payenge. Akhirkar, yaha har ek aatmvishvas se bhara hua yoddha tha. Magar, jis tarah Renshu ne unke aadmiyon ke saath khela, uske aage sandeh jaisa kuch reh hi nahi gaya tha. Ve sab haath khade karne par majboor the.
Aadmi 1 : Dekho! M-Mujhe nahi pata tum sach keh rahe ho ya jhooth. Par, agar waqai tumne hamare aadmiyon ki jaan nahi li hai toh... Ye baat hum sabhi yaad rakhenge.
Aadmi 2 (nods) : Hmm!
Aadmi 3 : Lekin, iska matlab ye nahi ki hum Order ke gulam ho gaye hai.
Renshu : Mera kaam sirf tumhare leader se hai. Khoon kharaba karna hota toh mein tumhe kab ka maar chuka hota. Order na kabhi inn siddhanto par chala hai aur na hi chalega.
Aadmi 2 : Aur, hum sabhi Legion ka hissa rahe hai. Hamara kartavya hai ki hum apne ghar ki rakhwali kare. Magar, ye baat bhi sach hai ki agar tum hume maarna chaahte toh sach me maar dete.
Aadmi 3 : Haan! Aur, isliye-
Kehte hue woh Renshu ke raaste se alag ho gaya. Woh akela nahi tha. Uske saath uske saathi jo pehle ladne ke liye taiyaar the woh bhi uske maarg se hat gaye.
Renshu : !!??
Unka ishara saaf tha. Veh sab Renshu ki madad toh nahi karne waale the magar apne haath khade karte hue unhone ek prakar se uski madad kar hi di. Renshu ne unhe dekh haami bhari. Aur, uske baad woh log ghayalo ko utha ke unke gharo ki orr chal diye.
Yeh jhund bhi jaise taise raaste se hatt gaya. Unke jaate hi Renshu ne wapas apni nazre jab saamne gadayi toh use ek bura abhaas hua. Woh ladka-! Woh waha nahi tha. Woh gayab tha!
'Shit!!!'
Aur, achanak-
[Renshu-!!!! Dodge!!!]
Lloyd ki awaaz sunn Renshu apni jagah se uchak gaya. Uske hatate hi sansanata hua ek teer zameen par aake gira aur-
*Booooooooommmmmm*
Ek aur dhamaka. Ye wahi explosive arrow tha. Iss baar Lloyd ne ek nazar me hi pehchan liya. Renshu abhi hawa me hi tha. Uske qadam zameen par utar hi rahe the jab uss ladke ke chehre par ek kutil muskan fel gayi.
Ek sihran Renshu ke badan me daud gayi. Hawa ko cheer ke kaatate hue aa rahi ek awaaz-
"-!!!!!"
*Swoosh* *Swoosh* *Swoosh*
Woh koodne ke baad jaha utar raha tha, usi disha me dhue ko cheerte hue ek aur teer uski orr aaya. Ek jaal!!! Apne aap uske haath ne harqat li aur apne bhaale ki chain ko jorr se kheencha. Chain kisi saanp ki tarah aake fauran hi uske haath me lipat gayi aur-
*Claaaaannngggg*
Teer chain se jaa bhid usme dhans gaya. Teer ko chain par se nikal usne use alag kiya.
'He's getting on my nerves.'
[Use the bar's power on him.]
'Hmm!'
Woh dauda. Lekin, iss baar ladka bhi uski orr dauda. Dono ek dusre ki taraf aane lage. Aur, jaise hi faasla kam hua ladka hawa me ucchalte hue ulta ho gaya. Renshu ko koi mauka hi na mila. Ladke ke uchhalte hi kuch chhoti chhoti nukeeli cheezein seedhe uski taraf aayi, jinse woh poori tarah se bach na saka.
*Khaccchhh* *Khaccchhh*
'Shit!!! Shurikens???'
Woh nukeele shuriken uske shareer me jagah jagah ghus gaye. Koodate waqt ladke ne ye pehle hi fek diye the. Koodate waqt??
'Ek minute!? Shitttt...!'
Iska matlab woh ladka ab... Uske kaano me tabhi peeche se ek awaaz padi,
"Never turn your back on your enemy."
[Renshuuuu-!!!!]
Lloyd cheenkha aur agle hi pal-
*Baaaaammmmmmm*
"Urgh!!"
Renshu dur hawa me udte hue jaa ke gira. Usne vaar ko apne dono haatho se chhek ke apne chehre ko toh bacha liya. Magar, haatho me jamm ke chot pahuch gayi. Ladke ke haath me lohe ki ek rod thi. Koi shaq nahi tha ki ise bhi usi ne banaya tha.
'This is getting troublesome!'
Haatho ko mal, Iss baar woh punah dauda. Ladka bhi uski orr aaya. Magar, iss baar Renshu hawa me chhalaang maara.
'Huh!?'
Ye dekhte hi ladke ke qadam beech raaste me tham gaye. Renshu ke ek haath me uska bhaala tha toh wahi dusre me uski chain. Usne ladke ki taraf hawa me hi apne bhaale ki nok se nishana lagaya aur bhar taqat se use ladke ki orr fek diya.
Ladka ghabraate hue turant hi back hand spring maarne ke liye peeche gulati maara... Aur, tabhi Renshu ke hontho par ek kapti muskan saj gayi.
Jo bhaala usne feka tha, ek jhatke me usne use apni orr wapas kheech liya. Aur, iss baar chain ko ghuma ke fek diya.
*Kha-ching*
Peeche gulati maar raha ladka saamne ke drishya se anibhigya tha. Uska chehra neeche ki orr jo tha. Usne jaise hi chain ki awaaz suni uski aankhein bhay ke maare chaudi ho gayi.
'A Feint Attack??? Sh-Shit!!!'
Use bachaav ka koi samay na mila. Chain tezi se aake uske perro par bandhi. Full force ke saath Renshu ne uss ladke ko chain se kass ke kheencha aur woh udta hua perro me chain se bandhe Renshu ki orr aaya aur-
*Pooooooooooooowwww*
Mayhem ka ek bar upyog ho gaya. 200% Lethal Damage. Ladke ke pait ki atadiya jaise baahar aane ko ho gayi, uske muh se dherr saara khoon nikla aur woh jaa ke seedha ek chhote ped se jaa bhida. Ped do tukdo me vibhajit ho gaya aur neeche gir gaya.
*Huff* *Huff*
Renshu apni saanso ko durust karte hue apne badan se shurikens ko nikalne laga. Ab iss ladayi me uska upper hand tha. Bhaale ko zameen par zorr se khoste hue usne apni nigaahein ladke par tikayi.
"Ab tum saari baatein ugloge!!"
***
Wahi idhar bahar ka mahaul bhi bigda hua tha. Erica jawano aur Order ke aadmiyon ko chorr ke jaa chuki thi. Aur, inn sabhi ko ab lead karne ki zimmedari uss jawaan pe thi jo Renshu aur Erica ke sang chal raha tha.
Jawaan 1 : Miss Erica na jaane aise andhere jangal me kaha akeli chali gayi hai.
Jawaan 2 : Kya hume unke peeche jaana chahiye?
Jawaan 1 : Hume pata hi nahi hai ki woh gayi kaha hai. Aise me unka peecha karna waqt ki barbadi hi hogi. Kahi hum anchaahe jaal ka shikaar na ho jaaye. Behtar hoga ki hum unke kahe anusar aage badhe aur Unit 2 se engage hoye. Aap sab kya kehte ho?
Jawaan 2 : Haan, mein sehmat hu.
Order ke log bhi uski baato se raazi the magar unhe Erica ki chinta bhi utni hi sata rahi thi.
Aadmi 1 : Mein kya kehta hu... Hum me se 2-4 log Miss Erica ko dhundhne ke liye chale jaate hai. Kya pata woh kahi kisi mushqil me fass jaaye? Aur, madad ka intezar kare? Aise me hamara ye farz banta hai ki hum unki madad ke liye pahuche.
Aadmi 2 : Tumne theek kaha. Suno! Jo bhi 3-4 log Miss Erica ko dhundhne jaane ke liye taiyaar hai woh aage aaye.
Uske kehte hi 15-20 aadmi ek saath aage aa gaye.
Aadmi 2 : Itne nahi. Sirf 4. Tum dono aur tum dono. Tum chaaro Miss Erica ko dhundhne jaoge. Jo bhi samaan abhi lena hai bag me rakh lo. Yaha se hum apne apne raaste ho jayenge.
Poorn taiyaari ke baad 4 log Erica ki khoj me uss disha me nikal gaye jis disha me woh bhaagi thi. Toh wahi, Jawaan samet baaki sabhi jangal ki aur bhi gehrayi me Unit 2 ka saamna karne ghus gaye.
Divya, uska escort Clark, security aur jawaan bhi sab saath me peeche chal rahe the. Pareshani agar kisi baat ki thi toh woh yahi thi ki Veer ke baare me ab tak use koi khabar pata nahi chali thi.
Divya : Mister Renshu kaha par hai?
Jawaan 3 : Mister Renshu aage unke kisi skilled fighter se fight me engaged hai. Unhone ye mauka hamare liye banaya hai. Yaha se Unit 2 ke saath bhidant hogi. Aap sab mere peeche hi rahiyega. Hume ladayi me nahi rehna hai. Unki nazro se dur rehna hai.
Divya (nods) : Hmm!
Usne haami bhari. Magar, chinta thi jo khaaye jaa rahi thi. Jaise jaise samay beet raha tha wese wese Divya aur bhi zyada bechain hoti jaa rahi thi. Kaaran sirf ek hi tha - Veer ki safety.
***
"Damn it! Damn it-!!! Kaha ho tum??"
Erica tez raftar se bhaag rahi thi. Gati ke chalte uske baal hawa me zorro se lehra rahe the. 'Nocturnal Shade' aur 'Dead Silence' dono hi activated the, jiske chalte use andhere me dekhne ki na hi koi taqleef ho rahi thi aur na hi uske qadmo ki awaaz sunayi pad rahi thi. Woh aise bhaag rahi thi jaise ek billi raaste par bhaagti ho. Koi awaaz nahi.
East side ke entrance se pravesh woh pehle hi kar chuki thi. Aur, Veer ki talashi me juti thi. Magar, abhi tak Veer ka koi bhi naam-o-nishaan nahi mil raha tha.
"Just, where are you-!?"
Aur, kuch duri tay karne ke baad hi uske qadam saamne ke drishya ko dekh tham gaye.
'What the-!?'
Uske saamne ek neher thi. Parantu, uske upar bana rassi aur lakdi ka pul kata hua neeche latak raha tha. Erica ne neeche jhaank ke dekha toh paaya ki pul ka thoda hissa neher ke andar bhi dooba hua tha. Usne wapas apni nazre saamne gadayi.
[Pul ko saamne ki orr se kisi ne kaata hai, Erica.]
'Tumne sahi kaha Genie. Aur, ye abhi kuch derr pehle hi kaata gaya hai. Shit-!!! Iska matlab Veer zaroor uss orr hai. Woh wapas kaise aayega?'
Woh pul ko dobara se sahi karne ke baare me soch hi rahi thi jab uski nazre unn magarmaccho par padi jo beecho beech ek adanga bann ke waha niyukt hue terr rahe the.
'Shittt-!!! Ye yaha kya kar rahe hai? Ek hi jagah par!? Aisa lag raha hai kisi ne inhe jaan boojh ke yaha par chhora ho.'
[Ab uss orr jaane ke do hi upaay hai. Ya toh tum inhe pehle yaha se kisi tarah distract kar ke hatao aur fir terr ke jao. Ya fir thodi dur side se chhalaang lagao aur fir terr ke uss orr jao. Upaay koi bhi ho, udhar terr ke pahuchne ke baad tumhe climb toh karna hi padega kyuki pul toot chuka hai.]
'I know! I know! Let's try the first method first.'
Erica ne neeche zameen se ek patthar uthaaya aur nishana lagaate hue zorr se neher me unn magarmachho se halka sa dur fek diya.
*Splash*
Magarmacch chaukanne hue, woh sabhi terrte hue uss orr gaye magar, do teen chakkar maarne ke baad wapas se apni jagah par aake jamm gaye.
'What the-!?'
[They are keeping a watch. Hume dusra method hi try karna padega. Let's go!]
'Urgh! Alright-!'
Na chaahte hue bhi Erica ko apna rukh badalna pada. Woh dayi orr aage badhi. Kuch duri par aane ke baad usne neeche dekha. Neher me halka halka bahaav tha. Lekin, ye bahaav zyada tezz nahi tha. Woh apne shareer ko behne se rok sakti thi. Agar, bahaav tezz hota toh woh behte hue unn magarmaccho ke paas pahuch jaati. Aur, fir waha se nikalna uske liye bhaari pad jaata. Shayad woh maari bhi jaa sakti thi.
'I can handle this much current.'
[Good! Then, dive in!]
Kapde pehen ke paani me koodna Erica ko zara bhi pasand nahi tha. Magar, woh janti thi ki Veer abhi mushqil me tha. Samay zaaya nahi kar sakti thi woh-
'You better thank me later, Mister-!!!'
Aur, mann me budbudate hue woh uss chhor se kood gayi.
Chhapaak ki awaaz ke saath woh neher me aake giri. Neher gehri thi aur chaudayi me badi bhi. Yeh sirf Lancang Mekong ki kayi tributaries me se ek thi jo jangal me se hoke guzarti thi. Agar, yeh swayam Lancang Mekong nadi hoti toh Erica ko ise paar karne ke baare me 10 baar sochna pad jaata.
Neher paar kar woh dusre chhor par aayi aur usne chattaan ko pakad upar chadhna shuru kar diya. Pattharo par apne haatho ki pakad mazboot banaate hue woh ahista ahista upar chadhti gayi jab tak ki ekdum upar na pahuch gayi.
*Huff* *Huff*
Upar aate hi usne ek rahat ki saans li. Uske poore kapde paani se bheeg chuke the. Halki thand ke chalte uska badan bhi ab kaanpna shuru ho chuka tha.
Genie ne turant hi 'Chameleon' ka upyog kar uske badan ka tapmaan sahi kiya tab jaa ke Erica ko thoda behtar mehsoos hua.
Aur, bina waqt barbad kiye woh punah aage badh gayi. Pul isi orr se kaata gaya tha iska matlab khatra iss orr hi tha. Isliye, woh sambhal ke apne qadam aage badha rahi thi. Kuch duri hi usne abhi tay ki thi ki tabhi use bhi-
'Huh!?'
Woh gandh aayi.
'Th-This-!'
[It's blood!]
Khoon me maujood lohe ki dhaans hawa me soonghte hi Erica ke badan me ruye khade ho gaye.
*Whooooosh*
Woh apni jagah se gayab hui aur ped par chadh gayi. Usne apne aas paas poore ilaaqe ka aaklan kiya lekin kahi bhi kuch bhi use nazar na aaya.
Ek ped se dusre ped ki daali me chhalaang maarte hue woh thoda aur aage badhi. Jaise jaise woh aage badh rahi thi, khoon ki mehek aur bhi prabal hoti jaa rahi thi.
'What the hell is this-!? Urgh!'
Aur, tabhi woh ek daali par aake ruk gayi. Neeche use saaf saaf khoon ki ek lambi rekha dikhayi di.
'Y-Ye-!?'
[Kisi blood trail ki tarah nazar aa rahi hai. Pata nahi kitni dur tak gayi hogi.]
'B-But ye hai kya?'
[Check it first.]
'Ah right! Check!'
*Ding*
[A trail of fresh human blood.]
'F-Fresh human blood? Genie?'
[Hmm! Zaroor uss Jaw Long ka hi kaam hoga ye.]
'Jaw Long?'
[Hmm! He must be using some kind of skill or a card.]
'P-Par ye kaisi skill hai jisme human blood ki zaroorat padti ho?'
[There are many of them!]
'Ahhhh!? But why?? Aur, agar ye human blood hai toh-!? Toh, unka kya jinka yeh blood hai? Are they alive?'
[I don't know. Remember, Erica! Aisi bahut si skills aur cards hote hai jo evil practices bhi apnaate hai.]
'Huh???'
[Zaroori nahi ki koi skill ya card hamesha accha hi ho. They can be bad too.]
'Hmm!'
Erica bechari chup chaap Genie ki baat sunti rahi. Use jaise ye jaan ke thes pahuchi thi ki system ka upyog insaan ke khoon se kuch karne ke liye bhi kiya jaa raha tha.
'Kya tum jaanti ho ki yeh kya hai, Genie?'
[Hmm! Mein pata laga sakti hu. Lekin, usme mujhe thoda samay lagega. Kyuki, khoon ka istemal karne waali laakho skills hai. Unme se ye kaun si ek hai iske baare me pata karne me mujhe samay toh lagega hi na?]
'Hmm! Okay! Thank you!'
[Sambhal ke aage badhna.]
'Umm! Kuch hoga toh nahi na? Mujhe kuch theek nahi lag raha.'
[Hum kuch nahi kar sakte. Hume iss trail ko cross karna hi hoga. If you want to save that guy... Then, there isn't any other option.]
'Okay! I see!'
Erica ne ped par ek daal se dusri daal par koodate hue aage badhna hi theek samjha. Neeche ka vatavaran use kuch theek malum nahi pad raha tha.
Aur, jaise hi usne trail ko paar kiya... Udhar andar Jaw Long ki bauhe prashn ke chalte upar ko ho gayi.
'We've entered!'
[Keep going!]
Erica mehsoos kar paa rahi thi ki yaha ka tapman kuch zyada hi thanda pad chuka tha. Geele hone ki wajah se use apna tapman banaye rakhne me dikkat aa rahi thi.
Bheetar pravesh karte hi use kuch ajeeb si awaazein sunayi padne lagi. Ye janglee janvaro ki awaazein thi. Erica ki dhadkane tezz ho gayi. Awaazein aur adhik bhayanak aur ugra hoti jaa rahi thi. Aur, jaise hi woh ek daal pe aake ruki.
'Nocturnal Shade' ki madad se usne dur ho rahi halchal ko gaur se dekha. Aur, jo usne dekha... Use dekh uske perr wahi kaanp gaye. Uska poora badan thar-tharaane laga. Woh itna ghabra gayi ki kampan ke chalte woh neeche girne ko hui magar, ped ko haath se thaam usne khud ko girne se bachaya aur daal pe hi thithurte hue baith gayi. Uski aankhein bhauchakke hone ke chalte feli hui thi. Aisa nazara usne aaj se pehle kabhi apni zindagi me nahi dekha tha.
Saamne-!!!
Saamne Veer ghayal awastha me bhaagta jaa raha tha aur uske peeche-!? Uske peeche poora ka poora jangal ka samrajya laga hua tha. Pedo par koodate bandaro ka samooh jo daali se latak latak ke furti me aage badh rahe the.
Neeche daudate lakadbagghe, bhediye, aur seengh waale hiran jo jhund me sirf Veer ko apne perro se kuchalne ke liye bhaag rahe the.
Upar hawa me udta baaj jo Veer ke upar kisi helicopter ki spotlight ki tarah use apni nigrani me rakha hua tha.
Aur, peeche bhaagta Black Panther, jo Veer ke maans ko apne nukeele daanto se phaadne ki firaaq me tha. Magar, khauf sirf inka hi nahi tha.
Khauf tha uss aadmi ka...! Jo inhe apne vash me kiye hua tha. Jaw Long-!!!
*Grooooowwwwwlll*
Ek aisi dahaad waha par goonji ki Erica ke poore badan me raungte khade ho gaye. Jaise hi usne Veer ke peeche apni nazro ko le jaate hue dekha toh maano uske badan se uski rooh hi nikal gayi.
Jangalo ke janvaro me se sabse ugra aur sabse ghatak ~ Baagh! Kintu, uske upar koi tha. Uss baagh ki sawari koi aur nahi balki Jaw Long kar raha tha.
Veh bhaari, peeli aankhon waala, dhaari-daar bhayankar janvar Jaw Long jaise vyakti ka wazan uthaane ke baad bhi itni tezz daud raha tha. Akhir, kitni kshamta thi usme?
Erica aayi toh Veer ko bachaane thi. Magar, drishya dekh woh itna bhaybheet ho gayi ki bechari ke perr wahi jawab de gaye.
'I- M-My legs...! G-Genie!!! Mere perr hilne ke naam nahi le rahe, Genie!!! M-My whole body is shivering.'
[Don't worry! Calm yourself!]
'N-No wonder-! *huff* No wonder his shirt was destroyed. *shivers* H-How can he???'
[???]
'H-How can he-!? Itna sab kuch hone ke baad bhi woh waha kyu hai, Genie? It's suicidal. *huff* Agar, woh waha aur raha toh maara jayega.'
[If he's running at that pace, then it means he's fine for now.]
'Y-Ye tum kya bakwas kar rahi ho Genie? *huff* Th-This is suicide! It's pure suicide. J-Just how long he has been running for?'
[Stay calm!]
'F-Fuck it-!!! Haha! H-He will die, Genie! *sniff* At this rate, he will die. *sniff* Is he stupid??? K-Kyuuu? He could have just-!!! Woh chaahta toh yaha aata hi nahi...! Even then-! *sniff* Why did he???'
[I can see now!]
'???'
[He's a man who stays true to his convictions.]
'Huh!!??'
Aur, aaj pehli baar Erica ko Veer ke uss dradh nishchay ka abhaas hua. Uss naujavan ko dekh jo aisi awastha me apne mann ko shaant banaye rakh aisi musibat se ladd raha tha, pehli baar aaj Erica ka dil kisi aur wajah se zorr se dhadka.
Veer ke punah woh bol uske mann me goonj gaye.
'You can't even imagine the chaos when 2 system holders fight each other without any restraint.'
'J-Just how many battles have he fought to achieve that level of confidence and such calmness?'
[I'm not gonna lie. I'm very impressed. Aisi paristhiti me agar khud tumhare dad hote toh mujhe nahi lagta ki woh itna shaant khud ko rakh paate.]
'!!!?'
[He might be having a very good system like me.]
'Huh-!!?'
[You are lucky... to have him on your side. Imagine the destruction he can bring if he was your enemy.]
Aisa vichaar karte hi Erica ke badan me ek sihran daud gayi. Veer agar unka dushman hota toh-!? Kya kar sakta tha woh? Woh sochna bhi nahi chaahti thi. Genie ki baat poornta sach thi. Woh sab kismat waale the jo Veer unki taraf tha.
'I-I want to help him! Lekin, mere perr kaanp rahe hai.'
[Zaroorat nahi. Jis halat me tum abhi ho uske liye ek musibat hi banogi. Khud ko shaant karo aur halaat ke hisaab se dhaalo khud ko. Use dekh ke lag raha hai ki uske paas kuch plan hai.]
'R-Really???'
[Hmm!]
'G-Genie-! Agar mein uski jagah hoti, toh shayad kab ka maari gayi hoti. Mujhe nahi lagta mein uss tarah himmat rakh ke unn janvaro se bhaagi hoti. Mere toh perr wahi jamm gaye hote. Balki, abhi bhi use dekh... Mere badan me raungte khade hue hai. Bas, soch rahi hu ki akhir uske paas kaise itni himmat aayi hogi? J-Jaw Long-!! Kisne socha tha ki uske paas aisa kuch hoga-!?'
[Abhi tum bas apne aap ko niyantran me lao. Agar, kuch anhoni ke asaar bane toh mein action lungi. I will help you. So, don't worry. For now we can watch.]
'Mmm-!!'
Woh bas Veer ke liye yaha se dua hi kar sakti thi. Iss sthiti me agar woh jaati toh Veer ke liye madad kam balki adanga zyada sabit hoti. Veer ne apni situation ko turant bhaanp ke khud ko adapt kar liya tha, magar harr kisi me ye capability nahi hoti thi.
'Fuck!! Fuck! Fuckkkk!!!'
Idhar Veer apna stamina gawata hua bhaage jaa raha tha. Ye janvar na jaane kab se uske peeche lage hue the.
'Kya tumhe kuch pata chala? For fuck sake aur kitna time lagega???'
[Urghhh! Shut the fuck up! Tumhe andaza bhi hai ki kitni saari skills hai blood se related? I had to go one by one to look for the one that motherfucker was using...!]
'Toh? Ab ye mat kehna ki kuch pata nahi laga. I've been stalling them for quite a long. Aur, ab mujhe nahi lagta ki mein unhe aur zyada chhaka sakta hu. Jaw Long-!!! Fucking hell-!! He's riding a tiger!!!'
[Fufufu~ Are you scared? Call me 'Mommy' and I will tell you everything.]
'Huh? Matlab tumne pata laga liya?'
[Of course! Mujhe pata lag gaya hai ki woh kya istemal kar raha hai.]
'Oh really? Toh? Kya?'
[First call me, 'Mommy!' Tabhi, kuch bataungi.]
'What the hell-!? You freakin-'
[Bata rahi hu. Don't spoil the mood now.]
'Be quick!!!'
[Woh blood trail... Definitely, woh human blood tha. Lekin, woh jaan boojh ke waha giraya gaya tha.]
'What? Jaan boojh ke?'
[Yes! It was this-]
*Ding*
[Legendary skill : Jemisha's Blood Ring.
Description : The skill allows the host to have limitless perception for a certain area. Pour the human blood and form a trail to create a circular ring of blood. If anyone enters the ring, the host will immediately come to know about them.
Note : There is no limit to the area covered by the blood ring. The bigger the ring, the bigger the area which can be perceived.]
'Th-This-!!'
Veer ne jaise hi skill ka description padha, toh uske hosh hi udd gaye.
'Fuck this-!! Toh ye baat thi. Isliye usko mere andar aane ka pata pehle se hi lag gaya tha.'
[That's right!]
Jemisha's Blood Ring ek legendary skill thi jo insaan ke khoon ka istemal karti thi. Khoon ko ek golakar ki rekha me kheencha jaata tha jiske baad usme pravesh karte hi system holder ko pata lag jaaya karta tha ki woh kaha par hai. Veer ke andar ghuste hi Jaw long ko pata lag chuka tha ki woh kaha par rekha ko paar kiya tha.
'Legendary skill-!!? Uske paas legendary skill hai?'
[Not one but two.]
Pari ne jaise hi ye kaha Veer ke perro tale jaise zameen khisak gayi.
'Wh-Wha-!?'
[Have a look at this.]
*Ding*
[Legendary skill : Shayna's Blood Ritual.
Description : Bestows a set of instructions to perform Shayna's Blood Ritual. A ritual meticulously written by the legendary entity Shayna herself. The host must have 'Shayna's Access' and 'Animal Kingdom' cards before performing the ritual.
Click 'here' to view the set of instructions.
Note : Ritual will only last for 25 minutes.]
'What the-!?'
Veer ko ab jaise baatein samajh aa rahi thi. Shayna's Blood Ritual woh ritual tha jisme kuch mayavi nirdesh diye gaye the. Veer ne jaise hi use 'click' kar kholna chaaha toh woh khula hi nahi. Balki, ek notification uske saamne prakat ho gaya.
*Ding*
[Only after claiming the skill you can view the instructions.]
'Toh ye baat hai. I see!'
[Ritual ki timing 25 minutes hai. Iska matlab woh janvar bas 25 minutes tak hi uss Jaw Long ke ishaaro par naachenge. Bas, 5 minute aur hold kar ke rakhna hoga.]
'Hmm!'
[Aur, rahi baat cards ki toh woh iska istemal kar raha hai.]
*Ding*
Card ko padhte hi Veer sab kuch samajh gaya.
'I see! Toh ek prakar se woh iski madad se unhe control kar raha tha?'
[Sirf iski madad se nahi. Use inn sab ko upyog me laane ke liye kayi cheezon ka istemal karna pada. Jemisha's blood ring hamare aane ki khabar dene ke liye istemal ki gayi thi.]
'I know!'
[Uske baad Shayna's Blood Ritual perform kiya gaya taaki janvaro ko niyantran me laaya jaa sake.]
'How powerful-!'
[Aur, uske baad unhe niyantran me banaye rakhne ke liye 'Animal Kingdom' card ka istemal kiya gaya. Isme koi shaq nahi ki usne abhi yahi equip kar rakha hoga. Itna sab karne ke liye usne apni 2 legendary skills aur do cards ka prayog kiya hai.]
'2 cards? Dusra kaun sa card hai?'
[Shayna's Access. Shayna woh entity hai jo inn tantra vidyao me maahir hai.]
'Shayna? Who the fuck is Shayna?'
[I can't tell you.]
'Fuckkk!!!'
[Uske saath communication baithane ke liye Shayna's Access card ka hona zaroori hai. Aise samjho ki agar tum kisi aatma ki shaktiyo ka prayog karne ke liye uss se sampark karna chaahte ho, toh pehle uss aatma ka ek card hona zaroori hai. Kuch samajh aaya?]
'Samajh gaya!'
*Ding*
[This is her card.]
'I get it!'
[Good!]
*Booooooooommmmmm*
Magar, Veer zyada derr baato me lage reh ke unn janvaro se peechha nahi churra sakta tha. Ek aur dhamake ne use ye baat batla di.
[Bas 2 minute aur-!!!]
Veer ne bhaagte hue peeche mud ke dekha toh paaya ki ek baagh par baithe hue Jaw Long uski taraf hi aa raha tha. Uske haath me ek bada sa kulhada tha. Par, uski aankhein abhi bhi band thi.
'What the hell? Uski aankhein agar band hai-!! Toh, woh dekh kaise paa raha hai sab kuch?'
[It's his skill.]
'Kaun si??'
*Ding*
[Skill : Aura Vision.
Description : Allows the host to see the world even after losing the eyesight. Aura vision grants a grey scenery vision. Different living beings are shown in different colored auras.
Note : Non living things cannot be observed through Aura Vision.]
'Fuck this-!!! It's getting complicated. Akhir, aur kitni skills hai iske paas?'
Pari ne ekdum sateek aaklan kar ke diya tha. Jaw Long pehle hi Veer ke neele rang ke aura ko dur se dekh ke pehchan chuka tha ki koi insaan uski territory me ghus aaya hai.
Insaano ka aura neele rang se nazar aata tha toh wahi ped paudho ka hare rang se. Aur, janvaro ka peele rang se. Ye rang uske liye kaafi the aankh na hote hue bhi sab kuch dekhne ke liye.
[Oh shit-!!!]
'What?!?'
[I just realised...! Isliye, uski aankhein nahi hai buddhu!]
'Huh???'
[Arre, isliye woh aankhein band kiya hua hai. Ab tumhe samajh aaya ki kyu uski band aankhon se khoon beh raha tha? Kyuki, usne apni aankhein nikaal di thi.]
'What the-!?'
Veer ke badan me ek sihran daud gayi. Apni aankhein nikaal di? Kya matlab?
[Rituals pagal... Rituals...! Koi bhi ritual perform karne ke liye kuch balidan dena hota hai. Considering, ye dono skills legendary thi zahir hai usne koi na koi sacrifice diya hoga jisme usne khud ka koi ang ritual me chadhaya hoga. Now everything makes sense.]
'Wait! Toh iska matlab usne 2 rituals perform kiye. Aur, unn dono me usne apna ek ek balidan diya. Yaani ki... Uski ek ek aankh!?'
[Exactly!!!!]
'He's going to such lengths just to chase me down???'
[Use thodi pata tha ki tum aa jaoge. Usne ye sab toh Renshu ke liye prepare kar rakha tha. Humne uski mehnat par paani ferr diya. Sirf ek minute aur ab bas-!!!]
Ab harr baat sense bana rahi thi. Shukriya Pari ka jo usne samay rehte sab kuch khoj nikala tha. Veer janta tha ki use bas ek minute aur inse bhaagna tha aur fir ye sabhi niyantran se mukt ho jaane waale the.
[Also, woh unhe poori tarah control nahi kar raha hai. Bas, unhe tame kar raha hai. Hypnosis nahi hai yeh.]
'Got it!'
[25 seconds.]
Veer bhaagta gaya. Use saamne ek aur pul nazar aaya. Pul patla tha. Veer bina soche samjhe uss orr bhaaga aur idhar peeche se Black Panther theek uske peeche aate hue pul par dauda.
[20 seconds.]
Veer ke qadam tezz raftaar me pul par bhaag rahe the. Toh wahi Panther bhi Veer ki gati milaate hue uske qareeb aane laga. Pul dono ke bhaar se poori tarah se dol ke idhar udhar hone laga.
Aur, abhi Veer chhor tak pahuch paata ki tabhi uss chhor se ek bada sa ajgar pul par chadh uski orr tezz raftaar se reng ke aane laga.
'Shitttt-!!!'
Ek Deadlock!!!
[10 seconds.]
Ajgar achanak hi uski orr uchka. Toh wahi peeche se aa raha panther bhi uski orr lapka aur tabhi-
*Ding*
Panther ka perr lakdi ke pul ke ek takhte par padte hi andar ghus gaya. Probability manipulation ne ek baar fir uski jaan bacha li. Veer ne samay rehte hue khud ko baayi orr rassi par jhukaaya aur dono ajgar aur panther ek dusre se jaa bhide.
[5 seconds.]
Pul ki rassi par bhaar badha. Ek orr santulan hone laga... Pul baayi orr jhukne laga. Aur, derr na lagi jab Veer ke bhaar ke chalte pul poori tarah se baayi orr jhuk gaya.
'Fuckkkkk!!!'
Veer, panther aur ajgar samet seedhe dusri neher me jaa gira. Lancang Mekong ki ek aur tributary. Parantu, ye kaafi chhoti thi aur bahaav ekdum na ke barabar.
*Splaaaaaaaasssshhhh*
Neher me Veer chhapaak se gira. Aur, jaise hi Panther aur ajgar gire woh dono pehle toh khud ko kinare kar Veer ko dhundhe. Par agle hi shan-
*Ding*
[O seconds.]
[Shayna's Blood Ritual ki time limit khatam. They are no longer in control.]
Maano jaise janvaro ko bhi achanak se kuch ho gaya. Fir, Veer ne ek hairat angez drishya dekha. Jis Panther aur ajgar me thodi derr pehle itni ekta thi, jo use maarne ke liye ek dusre par dhyaan tak nahi de rahe the. Wahi ab ek dusre par jhapatta maarne par tule the.
Veer apni aankhon ko bas paani me se nikaalte hue sab kuch dekhta gaya. Panther ne ajgar ko apne jabdo me pakda aur use ghaseet ke le jaane laga.
Aur, derr na lagi jab woh use apne daanto ke beech fasa ke waha se le jaane me qamyab ho gaya.
Shayna's Blood Ritual ki time limit samapt ho chuki thi. Magar, asli ladayi ab shuru honi baaki thi. Abhi woh Aquatic Breathing ka upyog kar paani me saans lene hi wala tha jab Pari ne use mana kar diya-
[Wait!!]
'Hmm?'
[Check the water first.]
'Right! Check!!'
*Ding*
[Water body induced with an unknown venom.]
'Shittttt!!! Akhir ye banda kitni dur ki planning kar ke baitha hai?'
Woh saans le leta toh abhi ke abhi maara jaata. Pehle se hi Jaw Long ne uss hisse me apne kisi zeher ko gira ke neher ko dooshit kar rakha tha.
Aur tabhi, Veer ke kaano me ek dahaad sunaayi di. Jaw Long upar baagh par baithe use hi neeche ghoor ke dekh raha tha.
'Pari!!! Agar Animal Kingdom aur Shayna's Ritual ka asar khatam ho gaya hai toh fir woh baagh abhi bhi uske niyantran me kaise hai?'
[Woh uska paaltu bhi ho sakta hai.]
'Hmm!'
Jaw Long tabhi apne baagh par se utra. Aur, ek chhalaang me hi seedhe neeche ko kood neher me utar aaya.
*Splaaaaaaaasssshhhh*
Paani chhalakte hue upar uchhla aur boondo me bikharte hue neeche girne laga. Jaw Long apna kulhada liye wahi paani me khusi ek lakdi par chadh gaya. Uski aankhein aag baboola ho chuki thi.
Jagah jagah ped ki ye lakdiyaan aadhi kati hui paani ke andar ekdum neeche zameen me dhasi hui thi. Shayad pehle yaha ped hua karte the jinhe baad me kaat diya gaya tha aur neher ke paani ko nikaalne ke liye iss orr se raasta bana diya gaya.
Unhi ardh kati lakdiyo ka sahara lete hue Veer bhi unhi me se ek par chadh gaya. Ab muqabla tha barabri ka. Do system holder jo ek dusre se bhidne ke liye taiyaar the.
Veer 25 minute ki iss bhaag daud se thak chuka tha lekin abhi bhi usme itni taqat thi ki woh Jaw Long se yuddh kar sake.
Aur, fir shuru hua asli muqabla...
*Swoosh* *Swoosh*
Jaw Long ek lakdi se doosri par koodate hue Veer ki orr aaya.
"Come then-!!" Veer taiyaar tha.
Veer ke nazdeek waali lakdi par aate hi Jaw Long ne zorr se apna kulhada ghumaya jise Veer ne jhuk ke dodge kar liya.
Aur, woh koodate hue peeche ke ardh ped par jaa ke khada ho gaya.
'Violet ke dwara di gayi saari needles aur woh serum uss blast me wahi gir gayi. I only have one knife and one pocket knife.'
[Use the normal knife for emergency parrying.]
'Yeah-!!!'
Iss baar woh tezzi me ek lakde se dusre par phaandte hue aage badha aur uski laat seedhe Jaw Long ke pait par aayi.
'What-!?'
Lekin, ek haath se hi Jaw Long ne uski taang ko jakad liya. Achanak hi Veer ke jism me ek sihran daud gayi. Aisa laga jaise agar abhi woh waha se na hata toh uska perr wahi katt ke ukhaad diya jayega.
Aur, wahi hota...! Jaw Long ne apna kulhada hawa me upar kiya...! Veer ki aankhein woh dekhte hi fel gayi. Aur, kulhada neeche aane hi waala tha ki Veer ne apni dusri taang se seedhe Jaw Long ke perr ke ghutno ke bagal me vaar kiya.
*Thuck*
Santulan bigda... Ek side se Jaw Long jhukne par majboor ho gaya. Pakad dheeli hui aur Veer ko mauka mil gaya.
*Whooooooosshhhh*
Woh palak jhapakte uske changul se nikal peeche ke lakde par kooda. Aur koodate hi uske kaano me hawa me sansanati hui aati kisi cheez ki awaaz padi,
*Whoosh* *Whoosh* *Whoosh*
*Ding*
Apne aap uska shareer neeche jhuka aur jhukte hi Jaw Long ka kulhada uske sarr ke upar se bhayanak raftaar se nikal gaya. Uske sarr ke 8-10 baal chhalni hoke hawa me hi udd gaye. Agar, sahi samay par woh na jhukta toh unn kuch baalo ki jagah uska sarr waha hawa me udd raha hota.
Veer ne apni baah ko dekha. Goosebumps poore shareer par bikhre hue the. Aur, tabhi-
"Shebaaaaaaaa-!!!!!!"
Jaw Long dahaada!!!! Uska kulhada ab uske haatho me nahi tha. Aur, beshaq uske awaaz lagaate hi-
*Keeaaaaaaarrrrrrrr*
Sheba raat ke uss andhere me hawa me apne par felaye aasman me uske madad ke liye haazir ho gaya.
[See! I told you! That eagle is a pain in the ass.]
Sheba ke panjo me ek bhaala latak raha tha. Woh upar udte hue Jaw Long ke nazdeek aaya aur panje kholte hue usne bhaala chorr diya jo seedha neeche girte hue Jaw Long ke haatho me jaa gira.
Bhaale ko apne ird gird zorro se gol gol ghumaate hue Jaw Long punah Veer ki taraf lapka. Woh bhari bharkam shareer, aur kayi shero ke barabar taqat rakhne waala danav insaan iss baar Veer ki khaal ukhaadne ki firaaq me nazar aa raha tha.
[Careful-!!!]
*Whoosh*
Uske hamle shuru ho gaye. Bhaale ko woh itni taqat aur itni nipudta se chala raha tha ki uske praharo se neeche paani me tarange paida ho rahi thi.
Woh jaan gaya tha ki Veer ne paani ki ek boond bhi apne andar nahi li thi. Uski ek aur tactic barbad jaa chuki thi. Gussa uske sarr par savaar tha. Ya toh ab woh yaha se zinda bach ke nikalne waala tha ya fir Veer.
Woh garja-
"Haaaaaarrrrrrggghhhhhhh!!!!!"
Uski garaj sunn Veer ko hawa me kampan mehsoos hone laga. Jaw Long ne bhaala fir itni zorr se feka ki Veer ko aage ki rann-neeti banaane ka koi samay na mila.
*Swooosh*
Woh bhaala tezi se uske perro ki orr aaya toh Veer hawa me ek jhatke me ucchak gaya.
*Thuck*
Aur, bhaala seedhe lakde par jaa ke dhans gaya. Magar, jaise hi Veer uchka...! Use agle hi pal apne nirnay par glaani mehsoos hui. Kyuki-
*Poooooooowwwwww*
Zordaar laat seedhe aake uske pait par padi. Ek feint attack. Jaan boojh ke uske perro ki orr woh bhaala feka gaya tha. Taaki, woh hawa me uchke aur Jaw Long yahi soch pehle hi hawa me kood chuka tha.
Veer ka shareer hawa me uda... Jaise patthar ko paani ki sateh par tez gati me fekne se woh uske upar tappe khaate hue dur jaata tha. Waise hi Veer ka shareer bhi iss waqt neher ke paani ke upar tappe khaate hue dur jaa gira.
Gati dheeme padte hi uska shareer paani ki sateh ko chorr andar doob gaya. Veer ne aav dekha na taav aur seedhe kinaare ki orr terrte hue woh chhor ke liye bhaaga.
Jaw Long ko jaise hi uske iraado ka pata chala, toh bhala woh kaha peeche rehne waala tha. Veer ka peecha karte hue woh bhi neher chorr ke usme se baahar aa gaya.
Zameen par qadam padte hi Veer uss se ek duri banaane ke liye bhaaga. Woh dono jangal ki aur bhi gehrayi me aa chuke the aur yaha se mine ka raasta ab thoda hi bacha tha.
Beecho beech ek jagah par aate hi Veer palat ke Jaw Long se bhidne ke liye taiyaar ho gaya. Martial arts ka stance lete hi usne khud ko taiyaar kiya. Saamne se baagh ke samaan woh danav bhaagte hue aa raha tha.
Toh wahi upar thehri Erica ko achanak hi hawa me antar samajh aa gaya. Janvar ab ajeeb tareeqe se idhar udhar hote hue bhaag rahe the.
[Lagta hai woh sab control se baahar aa gaye hai ab.]
'Ohh! P-Par Veer kaha hai?'
Woh bechain hote hue idhar udhar nazre daudayi.
[We need to check it out. Tum ab theek ho?]
'H-Haan shayad-! I can move my legs now.'
[Good! We need to make a dash. Quick!]
'Y-Yes!'
Woh apni jagah se uthate hue Veer aur Jaw Long ki talaash me ek baar fir aage badhi.
Toh wahi Veer yaha neeche Jaw Long se yuddh me bhida hua tha. Bhaale se bachte hue Veer apne attack uss par land kar raha tha magar, koi bhi vaar aisa nahi kar paaya jis se Jaw Long ko ghaat pahuch sake.
Kintu, jaise usne koi tarqeeb soch rakhi thi. Ek dusre par vaar kar rahe jaise hi iss baar Jaw Long ka bhaala Veer ke seene ko chhalni karne ke liye aaya.
*Thuck*
Veer ne khud ko peeche kar liya. Bhaale ki nok zameen me ghusi aur agle hi shan-
"Haaarghhh!!!"
Veer ki laat ne bhaale ke lakde ke do tukde kar diye. Beech se tootate hi bhaala ab vyarth ho gaya.
Usne ladaayi iss mod par laa ke khadi kar di ki ab hand to hand combat ke alawa Jaw Long ke paas aur koi chaara na tha.
Dekh ke prateet ho raha tha ki uss baagh par bhi uska koi khaas niyantran nahi tha. Animal kingdom ke asar khatam hote hi woh baagh bhi kahi nazar nahi aa raha tha.
Aur, ab shuru hui thi asli combat. Jaw Long ka pehla prahaar Veer ki kamar ki orr badha.
Shareer ko peeche kar Veer ne khud ko bachaya. Uske hontho par muskaan feli...! Woh jaise hi aage badh hamla karne ka socha ki tabhi Jaw Long ka wahi haath wapas se uss par hamla karne ke liye tezi se aaya.
'Tch!!!'
Aur, iss baar-
*Swish*
Veer ne duck kar liya. Woh tezz raftaar se neeche jhuka. Uski aankhon ke saamne Jaw Long ka pait tha. Aur, uska mukka kass ke maarne ke liye taiyaar tha.
Magar, Jaw Long bhi jaise ye padh chuka tha. Woh ghoomte hue peeche hua aur Veer ka vaar vyarth chala gaya. Agle hi shan, Veer ko apne chehre par ek parchhayi chadhti nazar aayi.
Upar jaise hi dekha-
*Baaaaammmmmmm*
Jaw Long ka perr zameen par zorr se pada aur uss zameen ke parchhatte udd gaye. Ek halka gehra gaddha waha bann gaya. Agar, sahi samay par woh na hatata toh woh laat use kaafi haani pahucha sakti thi.
[What are you doing? Probability Manipulation teen baar istemal ho chuka hai. Ab 12 baje ke baad agla din lagne par hi uska istemal dobara kar paoge. Fight carefully!]
'Yeah yeah-!! I know-!!'
Dono ke mukke, haath aur laat ek dusre se bhidne lage. Taqat itni thi ki haath se haath bhidne par hi uss ilaaqe me awaazein paida hone lagi. Neeche pade patte unki harqat ki raftaar se udd ke bikharne lage. Toh wahi chhote ped paudhe unke praharo ki gati ki hawa se lehraane lage.
Combos ke baad combos woh dono ek dusre par maar rahe the. Magar, dono hi ek dusre ke combo ender ko poora hone nahi de rahe the. Veer ki pasli par Jaw Long ka mukka padte hi uske muh se ek karaah nikal gayi. Usne apne daant meeste hue uske haath ko thaama-
*Ding*
LIMBO!!!!
Par-
*Baaaaammmmmmm*
Ek laat seedhe aake uske seene par padi kyuki, Limbo ke asar lene se pehle hi Jaw Long ne apna haath chhina liya.
Veer ka shareer hawa me udta hua dur gaya. Jaw Long pehle se hi daud laga diya. Veer tamaam maujood pedo me se ek ped par jaa ke bhida aur uske bhidte hi-
*Baaaaammmmmmm*
"Urgh-!! Uck-!!"
Jaw Long ka tabadtod mukka uske pait par aake laga. Na jaane woh yaha kab prakat ho gaya. Aur, mukke aur pait ka sampark hote hi-
*Ding*
[Bone Reaper has been equipped.]
*Craaaaaaacccccckkk*
*Booooooooommmmmm*
Ped ke tukde beech se hue, Veer ka shareer ek nahi peeche maujood aur 2-3 pedo ko ek saath todte hue jaa gira. Ped ke baad ped bikhar kar ab gir rahe the. Ab ye ladayi ghatak ho rahi thi. Bone Reaper uski haadiyo ko toh bacha ke rakha tha. Magar, pait me koi haddi nahi hoti thi...
*Bluuurrghhhhhh*
Uske muh se khoon nikla. Pait aise dard kar raha tha maano kisi ne kass ke hathoda maar diya ho.
Ladkhadate qadam ko sambhalte hue jaise hi woh khada hua-
*Gwaaakhhhh*
Veer ki aankhein hairat me chaudi ho gayi. Jaw Long ne uske gale ko apne haath ki giraft me liya aur punah kass ke ek ped se bhed use hawa me utha diya.
"Argh-! Ack-!!!"
Aur, pehli baar Jaw Long ke bol uske kaano me pade.
"Tum...! Ek acche yoddha ho!!! Magar, mujhse behtar nahi!"
Kehte hue usne agle hi shan Veer ke shareer ko upar hawa me uchhaal diya. Veer ka badan ped ki daali ko tukdo me bikherte hue aur upar ko gaya. Neeche se Jaw Long khud bhi uchka. Dusri daali ka sahara lete hue woh aur upar uchka...!
Jaise hi hawa me woh Veer ke nazdeek aaya uski aankhon me khoon karne ka bhoot sawar ho gaya. Ghaatak prahar woh Veer pe barsaane hi waala tha ki Veer ne unn hamlo ko apne vaaro se block kar unhe rok liya.
Dono hawa me hi the aur neeche girne lage. Haath perr itni tezz raftaar se chal rahe the ki bas unki after images hi nazar aa rahi thi.
Par, ek laat itni tezz gati se Veer ki orr aayi. Hawa me iss se bacha nahi jaa sakta tha keval ise block hi kiya jaa sakta tha. Aur, Veer ne kiya bhi wahi-
Jaise hi usne apne dono haath perr modte hue khud ke sarr ko dhaaka, Jaw Long ki kick uski kohniyo par padi aur woh neeche dhadaam se gir, zameen ko ukhaadte hue dur tak jaata chala gaya. Zameen ke udhadte hi waha halka dhua uth gaya.
Jaw Long toh jaise bhooke bhediye ki tarah uss par dhaawa bol raha tha. Veer ki thakaan ne apna asar dikha diya tha. Agar, woh 25 minute ki bhaag daud na hui hoti toh abhi maajra kuch aur hota...
*huff* *huff*
Uski saansein ab ukhdi ukhdi aa rahi thi. Jagah jagah badan par chote pahuchi rakhi thi aur jagah jagah par gehre ghaav bhi bann chuke the. Khoon se lathpath uska shareer kisi bhi waqt ab neeche gir sakta tha.
'H-His weight is helping him in his blows.'
Paseene ke saath khoon uske chehre par bhi fela hua tha. Aankhein fadakte hue band hone ko bol rahi thi par uski dridhta unn palko ko khol ke rakhe hue thi. Baalo ki ek latt uski aankh ke saamne aake jhool gayi. Jaw Long saamne se uss par antim vaar karne aa raha tha.
Veer ka haath apni jebo ko tatolte hue hidden knife ko dhundha aur usne tezz raftaar se aa rahe Jaw Long ke nazdeek aane ka intezar kiya.
Jaise hi woh 4 qadam ki duri par aaya. Veer ne ek jhatke me woh knife uski orr fek di. Jaw Long iss hamle ke liye jaise taiyaar nahi tha. Woh achambhav me reh gaya aur knife seedhe jaake uske kandhe me ghus gayi.
Aur, idhar Veer ki ek theory sach saabit ho gayi.
'So, he doesn't have any sort of dodging skills...! I see!'
Veer ki theory toh saabit ho gayi. Magar, Jaw Long ka agla hamla itni zorr se pada ki Veer ke poora jism andar se leke baahar tak hil gaya.
Khoon hawa me ucchla aur uska shareer bhayanak gati se pedo ko cheerte hue kayi feet dur jaa gira.
Jaw Long uski mrityu ke samaan dheere dheere chalte hue uske nazdeek aane laga. Usne wahi khusa bhaala zameen par se ukhaad ke nikaala aur ahista ahista Veer ke paas aane laga.
Veer koi bhi harqat nahi kar raha tha. Probability Manipulation ka istemal ab woh nahi kar sakta tha. Limbo barbaad jaa chuki thi. Bone Reaper keval uski haddiyo ko hi bacha sakta tha. Andar ki maanspeshiyo aur aham ango ko nahi.
Beowulf's Blessings keval uske senses hi badhaata tha na ki uski taqat. Agar woh ek neend le leta toh kam se kam woh ladayi me kuch antar laa sakta tha. Magar-
Jaw Long uss se kuch qadam ki duri par khada ho gaya. Aur, bina deri kiye woh aage daudte hue hawa me ucchla par tabhi uski aankhein bhay ke maare fel gayi.
Uske haath apne aap uske chehre ke saamne aake use dhaak liye aur agle hi shan-
*Booooooooommmmm*
Uska bhaari bharkam shareer hawa me vipreet disha me atyant dur jaa ke gira. Prahar ki awaaz se Veer ne apna chehra kar upar dekha toh paaya ki-
Koi khada hua tha.
'*huff* K-Kaun-!? *huff*'
Koi tha...! Usne upar se neeche tak kaale kapde pehne hue the jo uski gori safed twacha ke ekdum vipreet the. Wahi lambe, seedhe, kaale ghane baal jo mand hawa me lehra rahe the. Uski chamak daar aankhein jo andhere me vishesh roop se chamak rahi thi. Aur, uske ird gird fela uska woh strong aura jo inn sabhi visheshtao ko baandh ke rakha tha.
Uska yeh swaroop Veer ke dil-o-dimag me ankit ho gaya. Nahi! Balki, ye aisa tha ki ise bhoolna hi namumkin tha.
Tabhi, Veer ka dil chehra dekhte hi zorr se dhadka...! Hairat me uski aankhein chaudi ho gayi.
'Y-You-!!!???'
Woh ladki bina Veer ko dekhe aage badhi ki tabhi Veer ne use peeche se pukaarte hue rok liya.
"W-Wait-!!!!"
Ladki ke qadam wahi tham gaye. Uski mutthi Zorro se kass gayi. Jaise maano woh yaha rukna nahi chaahti thi.
"I-It's you-!!! Wh-Why???"
Parantu, ladki kuch na boli. Woh punah jaise hi aage badhne ke liye hui-
"Avaaaaa-!!!!"
Iss baar fir uske qadam Veer ki pukaar par rukk gaye. Veer ki dhadkane tezz thi. Uske mann me kayi sawaal uthal puthal machaaye hue the. Magar, inka samay nahi tha.
"Wh-Why??? *huff* *huff* T-Tum yaha...? Kyu??!"
Uski awaaz me krodh, aashcharya aur peeda sab kuch tha. Par, Ava mudi aur usne jo jawaab diya... Unme bhi yahi bhaav the.
"Why? You ask me why?"
Woh palti... Veer ne uska chehra saamne se dekha toh uska muh khula ka khula reh gaya. Ava ki aankhon me aasu the...!
"Yaad karo Veer! Kya kaha tha tumne mujhse akhiri baar?"
Veer ne jaise hi uss baare me socha Ava utne me ek jhatke me hawa ke jhoke ki tarah apni jagah se gayab ho gayi.
"Avaaaaaaa-!!!!"
Veer ki pukaar ka koi fayda na hua. Woh Jaw Long ki disha ki orr jaa chuki thi. Magar, uske bol zaroor Veer ke mastishq me goonjte reh gaye.
'Yaad karo Veer! Kya kaha tha tumne mujhse akhiri baar?'
Veer ko yaad aaya. Akhiri baar usne Ava ko jo kuch kaha tha... Woh uss island par kaha tha jiske kinaare woh Crimson se ladd raha tha. Dhoka dene ki wajah se woh Ava se apne saare rishte naate tod chuka tha. Usne kaha tha ki-
'Tum apne raaste! Aur mein apne! Humare beech ab koi rishta nahi. And, don't you dare ever cross paths with me. You are on your own from now on.'
'And don't show me your face ever again.'
Magar, sirf itna hi nahi tha. Ava apni maa ko bachaane ke liye ye sab kari thi. Aur, isliye Island chorr kar jaane se pehle Veer ne ek vaakya aur kaha tha. Itni dheere ki sirf use hi sunaayi de sake. Lekin, Ava ne woh sunn liya tha.
Woh bol the-
'Go and protect your loved one now.'
.
.
.
.
.
.
.
.
.
Aaj ke liye itna hi guys.
Update consists of 11k words. Mere khayal se ye sabse bada update hai kahani ka. Also, aap sabhi ko Holi ki shubhkamnaye. Update late aane ke kayi saare kaaran hai jinke baare me mein baar baar baat nahi karunga. Achanak food poisoning ki wajah se bhi mera swastha beech me dagmaga gaya. Anyways, update 176 is here. Baaki, likes thokne aur revos rakhne ka. Target apna 200 hi hai. Pahucha do.
Happy Holi once again!
Dhanyavad.
Bilal jan
My Attitude your problem 🖕 Your attitude my foot
- 15,666
- 39,467
- 258
Zabardast updateMega Update
Update - 175 ~ Heavy Violence (1)
[Note : Update bahut bada hai. Itminan se padhna.]
Ab tak...
Aur, Renshu ke agle hi ishaare par sab ke sab jangal me pravesh kar diye. Woh sabji straight way me ghus chuke the. Toh wahi Veer East side ke liye ravana ho chuka tha.
Aage jo kuch bhi hone wala tha woh bhayanak hi hone waala tha.
'Let's do this, Pari!'
[Fufu~ I was waiting to see you in action.]
Ab aage...
Raatri ka pahar lag chuka tha. Jangal andhkar me lay ho gaya tha. Aur, prakrati sannaate me doobi hui thi. Aasmaan me chamakte chaand ki raushni toh thi magar woh raushni ghane jangal me chhaaye andhkaar ko bhed na saki.
Renshu samet sabhi jangal ke liye seedhe raaste se pravesh kar chuke the. Uske sang Erica sabse aage chal rahi thi aur baaki sabhi aadmi unke peeche. Divya apne security guard aur escort Clark ke saath ekdum peeche thi taaki agar buri sthiti me unhe lautne ki zaroorat pade toh woh bina kisi pareshani ke laut sake. Toh wahi army ke 6 jawaan bhi Renshu aur Erica ke sang theek unse lag ke chal rahe the. Aane waale khatre ke liye poori tarah satark.
Lakshya toh sabko gyaat tha kintu, kayi logo ka aatmvishvas abhi se dol raha tha.
"I-Itna andhera hai. K-Kya raat me aana zaroori tha? Hum din me bhi toh ye kar sakte the na?"
"Pata nahi! Par, kya hum lad bhi payenge unse? Unn sabhi logo ko ilaaqe ka gyaan hai. Jabki hume kuch bhi nahi pata. Upar se ye andhera."
"S-Sahi kaha!"
"Par ye hamari akhiri ladaayi hai. Order ke liye hume ye karna hi padega."
"Jaan hai toh jahan hai. Agar, mein zinda hi nahi rahunga toh kaisi jeet? Jab mein bhavishya hi dekh nahi paunga toh kya inn sab ka kuch matlab bhi reh jaata hai?"
"Tumne theek kaha."
"M-Maine suna hai ki Long Tribe ke log jaadu tone me bhi maahir hai. A-Agar unhone hamare upar k-kuch kar diya toh-!?"
"Woh toh humse bheed me bhi zyada honge. Poori tribe hai unki. Jabki hum bas kuch chand log hi hai."
"Sh-Shayad ye ladayi hum haar na jaaye!?"
Renshu aur Erica ko sab kuch aage sunayi de raha tha. Jaha Renshu shaant tha toh wahi Erica ke maathe ki nass phatne ko aa chuki thi. Andar jangal me ghuse abhi kuch pal hi hue the aur unke aadmi aisi baatein kar rahe the jaise jung haar gaye ho. Zaahir hai aise me Erica ko gussa aana jayaz tha.
Aisa bhi nahi tha ki woh bina kisi taiyaari ke saath aaye the. Teen mashaal leke woh chal rahe the. Adhik mashaalo se woh tribe ke logo ka anavashyak dhyaan aakarshit nahi karna chaahte the. Kuch aadmi apni peeth par bags laade hue the jinme first aid kit se leke kuch khaane peene ka zaroori samaan aur davaiyaan bhi maujood thi. Haatho me unke hathiyaar bhi the jinhe chalana woh bakhubi jaante the.
Upar se sheher se mangayi gayi kuch torch aur maathe par lagaane waali lights bhi unke paas maujood thi. Renshu aur Erica pehle se hi head torch apne maathe par lagaaye hue the. Bas, unhe abhi jalaaye nahi the. Abhi iski aavashyakta nahi thi. Seedhe raaste aane me yahi ek dikkat thi ki yaha par andhera zyada hota tha. Yaha ke ped aapas me ek dusre se itne chipke hue the ki chaand ki raushni yaha zyada antar nahi daal paati thi.
Jabki Veer ke maamle me aisa nahi tha. Eastside ka jangal iss tarah tha ki waha pe koi mashal ya torch light ki zaroorat nahi thi. Pedo ke beech duri ka itna antar tha ki chaand ki raushni se bakhubi sab kuch nazar aa jaata tha.
Idhar filhal Erica jo apne aadmiyon ke aatmvishvas ko dolta dekh rahi thi uss se ab aur bardasht na ho saka.
Erica : D-Dad-!?
Usne apne bagal se chal rahe apne pita ko dekha. Woh jo kehna chaahti thi woh Renshu pehle hi samajh chuka tha. Isliye, woh chalte hue wahi par ruk gaya. Uske rukte hi peeche chal rahe aadmi bhi fauran ruk gaye.
Renshu palta aur usne apne sabhi aadmiyon ko dekha. Kareeban 100 aadmi uske saath honge. Woh jaanta tha ki ye maatra tribe ke logo se bhidne ke liye kaafi kam thi. Woh log na jaane andar kitne honge. Kareeb kareeb 300 se adhik? Ya shayad 500 se bhi zyada!? Use aakde ka andaaza nahi tha. Parantu, woh jaanta tha ki tribe me atyadhik log zaroor the. Unke aadmiyon se 4 se 5 guna zyada. Aise me uska aur Erica ka yaha rehna behad aavashyak tha.
Magar, Divya aur aadmiyon ke saamne apni poori skills ka istemal khule-aam nahi kiya jaa sakta tha. Renshu ne uske liye bhi ek tarqeeb soch rakhi thi. Ek kaaran yahi tha ki usne kyu raatri me ghus paith karna uchit samjha. Andhere ki aadh me woh aur Erica woh sab kar sakte the jo ek aam insaan kabhi nahi kar paata.
Renshu ne apne aadmiyon ko dekha aur gambheer awaaz me unse kaha,
Renshu : Mein janta hu ki ye ladayi hamari ab tak ki sabse kathin ladayi hone waali hai. Mein ye bhi janta hu ki hum me se kayi log ghayal hoyenge, toh kuch ho sakta hai apni jaan bhi gawa de. Par, mein yaha se peeche nahi hatt sakta. Agar, ab bhi tum sab me se kisi ko yaha aane ke liye pachhtava ho raha hai toh woh abhi ke abhi yaha se laut sakta hai. Mein use kuch bhi nahi kahunga. Aur, na hi uss se koi berr rakhunga.
Uske itna kehte hi waha par ek khamoshi chhaa gayi. Inn sabhi aadmiyon ka koi parivar nahi tha. Jo anaath ho chuke the, apna parivar kho chuke the Renshu ne unhe hi apne saath rakha hua tha.
Jab se woh Renshu ke saath jude the tab se Order aur uske sadasya hi unka parivar the. Renshu unhe unki maasik tankhwa deta, unhe kaam saunpta, martial arts sikhata, yaha tak ki unke rehne aur khaane peene ka kharcha bhi wahi uthata tha.
Ye log bhi uska utna hi parivar the jitna ki woh unka. Magar, inhi aadmiyon me se kuch aadmi aise the jo Renshu ke upkaar ko bhali bhaanti samajhte the. Unhone turant apne hathiyaar ko kass ke pakda aur aapas me garajte hue bole,
"Kya ho gaya hai tum sab ko? Kya bhool gaye woh chenn ki zindagi? Jab Lord ne hume aasra diya tha...!? Hamare liye itna kuch kiya. Aur, jab unka saath dene ki baari aayi toh tum log muh chhipa ke bhaagna chaahte ho? Thuu hai tum par."
"Sahi kaha. Jab tak aish thi tab tak Lord ke peeche peeche ghoomte the. Ab jab musibat saamne aayi toh Lord ko chorr ke apna araam aur fayda dekhna chaahte ho?"
"Ise kehte hai jis thaali me khaana, usi me chhed karna. Hmph!"
"Koi aapke saath aaye chaahe na aaye, Lord. Mein aapka saath ant tak dunga."
"Mein bhi!!!"
"Mein bhi!!!"
"Aur mein bhi!"
Isi tarah dher saare aadmi Renshu ka kandha banane ke liye taiyaar hone lage. Jo pehle shanka jata rahe the woh bhi ab glaani ke chalte khud par gambheer vichar karne par majboor ho gaye.
Renshu ne ek halki muskan ke saath unhe dekh haami bhari. Usne jitne aadmi rakhe the, sabhi parakh ke rakhe the. Ye woh log the jo wafadari nibhana bakhubi jaante the.
Ant me hua bhi wahi. Ek bhi aadmi laut ke wapas nahi gaya. Peeche khadi Divya bhi saamne ho rahe hungaame ko dekh vichlit thi. Par, ant bhala toh sab bhala. Sabhi me wapas se ekta aa chuki thi.
Renshu : Mujhe jaan ke khushi hui ki tum sab mere liye itne wafadar ho. Naseeb se hi tum jaise log kisi ko milte hai. Tum sab mera parivar ho. Aur, ye mera vaada hai ki jitna ho sakega mein poori koshish karunga ki hum sab ke sab sahi salamat wapas laut sake.
Erica ke chehre par muskaan dekh aur Renshu ki baat sunn, aadmi pehle se aur bhi adhik josh me ab nazar aa rahe the. Aur, ab samay tha asli pareeksha ka.
Renshu : Jaise jaise hum aage badhenge, khatra badhta jayega. Mere ishaare par sachet ho jaana. Bina mashaal liye hum andar pravesh nahi kar sakte. Aur, andar jaate hi unhe hamari mashaalo ki raushni dikhni hi hai. Ye bhi ho sakta hai ki woh hamare liye pehle se hi taiyaar khade ho.
Aadmi : A-Aise me hum bhidenge kaise unse?
Renshu : Accha sawaal hai. Uske liye maine ek tarqeeb soch rakhi hai. Erica?
Erica : Y-Yes Dad?
Renshu : Agar tum Long Tribe ki sadasya hoti aur hum sab tumhare ilaaqe me ghus paith kar ke hamla kar rahe hote toh tum sabse pehle kya karti?
Erica : Agar mujhe pata hota ki aap sab hamla kar rahe ho toh mein pehle hi jaal biccha ke rakhti. Mujhe pata hota ki aap sab kaha se aane waale ho. Andhere ka fayda utha ke mein pehle hi apne aadmiyon ko chaaro orr bikher deti taaki aapke andar aate hi chaaro orr se aapko ghera jaa sake.
Erica ka jawab sunte hi sabhi hairat me reh gaye. Toh wahi Renshu muskuraya,
Renshu : Dekha tum sab ne? Hume ye maan ke chalna chahiye ki woh hamare aane ke baare me jaante hai. Toh aise me hum bhi wahi karenge jo woh kar rahe hai.
Aadmi : K-Kya?
Renshu : Hum bhi bikhar ke hi andar ghusenge. Unhone jo gola bana ke hume gherne ki tarqeeb banayi hai. Use counter karne ka ek hi tareeqa hai. Hume unse bada gola bana ke ghusna hoga aur unhe gherna hoga.
Aadmi : P-Par kya ye sambhav hai? Woh maatra me bahut zyada honge Lord. Aise me woh jo golaayi bana ke hume gherenge... Woh humse bada hi hoga na?
Renshu : Sab ke sab shuruat me hi nahi khade honge. Ye moorkhta hogi. Unhone pehle hi ye decide kar rakha hoga ki kis jagah par kitne aadmi utaarne hai.
Aadmi : O-Ohh!
Renshu : Jaise hi entrance ke ghere ko hum khatam karenge, hum firse gola bana ke hi aage badhenge. Aur gole se mera matlab hai ardh gola. Do do aadmi ek saath rahenge aur har aadmiyon ke beech itna gap hoga ki andhere me woh ek dusre ko dekh na sake, par madad ki zaroorat par samay par unke paas pahuch sake.
Aadmi : Agar ank me kahe toh?
Renshu : Ank me kahe toh kareeb kareeb 15 meter.
Aadmi : Matlab 2 aadmi ek jagah rahenge aur fir unse 15 meter chorr ke baaki do aadmi?
Renshu (nods) : Haan! Aur, ek mehatvpoorn baat. Entrance ke nazdeek aate hi apni apni shields apne chehre ke saamne rakh ke chalna.
Aadmi : K-Kyu?
Aadmi confused tha. Unke paas thos lakdi ki bani ek ek shield bhi thi. Parantu, chehre ke saamne kyu rakhna?
Renshu : Wese toh jitna hume dikhega utna hi unhe dikhega. Par, fir bhi... Unke paas teer kamaan bhi honge. Ek bhi teer agar chorra gaya, toh woh itni raftar se aake kab tumhari jaan le jayega tumhe pata bhi nahi chalega. Isliye, khud ki suraksha ke liye behtar hai ki hum pehle se hi saari taiyaari ke saath andar ghuse.
Aadmi : S-Samajh gaye, Lord.
Renshu (glances) : Aur, Miss Divya aap...!
Divya : H-Huh!?
Renshu : Mein abhi bhi aapse kehta hu. Andar jaane ki aapko koi zaroorat nahi hai. Jaan ka khatra bahut rahega. Aap chaahe toh abhi bhi-
Divya : N-Nahi! Ye mein sirf apne assignment ke liye nahi kar rahi. M-Mujhe bhi jaanana hai ki Long Tribe ne akhir aisa kyu kiya? Aapne kaha ki unhone gerr kanooni roop se mine par qabza kiya hai. Mujhe sab kuch janana hai. Aur, ho sakega toh mein isme apna yogdan jitna ho sakega utna dungi. S-So, please-
Renshu (nods) : As you wish! Aap mere peeche chalte rahiyega. Aur, 3 jawano ko mein aapke saath hi rakhunga. Aur... Erica???
Erica : I know Dad! Tch!
Woh punah muh fulaate hue apni nazre ferr li. Woh samajh gayi thi ki uske pita kya kehna chaah rahe the. Yahi ki use Divya ka dhyaan bhi rakhna hoga. Akhir, Divya Veer ki khaas thi. Aur, upar se woh insaan jo FBCC ki ek agent thi. Ek aisi mahila jiska iss maamle se koi lena dena hi nahi tha. Uski jaan jaana matlab apne upar nayi musibat sarr mol lena.
Renshu : Then...! Let's go!!!
Sabhi aage chal pade. Renshu ko Divya se koi dikkat nahi thi. Woh jaanta tha ki FBCC crimes ko observe karti hai aur jitna ho sake utna unhe prevent karti hai. Aise me Divya agar yaha rehti bhi hai toh zyada se zyada information hi ikhatta karegi. Isme use koi dikkat nahi thi.
Woh sabhi chalte jaa rahe the aur jangal ki gehraiyo me ghuste jaa rahe the. Jaise jaise woh andar jaa rahe the khamoshi aur bhi badhti jaa rahi thi. Ye ek sanket tha ki Long Tribe ke ilaaqe me woh jald hi pravesh karne waale the.
Ek ghanta ho chuka tha unhe chalte hue, beech beech me unhone ruk ke saansein durust ki parantu, araam nahi farmaya jaa sakta tha.
Renshu : Erica...!
Erica infiltration me maahir thi. Stealth uski taaqat thi. Magar, ek pita hone ke naate Renshu Erica ke prati bahut hi protective tha. Kuch kahe bina hi ye baap beti ek dusre ki baat samajh jaate the. Abhi Renshu ne bas uska naam hi liya tha ki Erica bhaanp gayi use kya karna tha.
Erica : Leave it to me. And, don't worry. I can handle this easily.
Usne asani se keh toh diya, magar Renshu apni beti ko inn khatro me nahi daalna chahta tha. Uski majboori thi jo uss se ye kaam karwa raha tha.
*Whoosh*
Erica ek jhatke me apni jagah se gayab hui aur andhere me unn sab se aage nikal gayi. Long Tribe ke ilaaqe ki entrance par woh sab padhaar chuke the.
Lakdi ka ek sign post laga hua tha. Use paar karte hi Tribe ka ilaqa lag jaana tha. Sabhi aadmiyon ki dhadkane ab pehle se tez ho chuki thi. Vyakulta unhe apne ghere me le rahi thi.
Ped ke peeche chhipi Erica apne jooto ko utaar ke yaha aayi thi. 'Dead Silence' sirf Garofano ke paas nahi thi. Erica ke paas bhi woh skill maujood thi. Balki, uske paas stealth skills ki bharmar thi.
'Genie!!?'
[Yes?]
'Show me my full status!'
[As you wish!]
*Ding*
Mann me awaaz aate hi Erica ke saamne uska full status maujood ho gaya.
'Activate the Nocturnal Shade, Genie!'
*Ding*
[Nocturnal Shade has been activated.]
Uske activate hote hi Erica ko andhere me sab kuch saaf dikhayi dene laga. Nocturnal Shade woh scroll tha jo host ke dwara activate kiya jaa sakta tha. Andhere me insaan saaf saaf dekh sakta tha bilkul unn jeevo ki tarah jo nocturnal jeev the jaise ki ullu, chamgadad, bhediya se leke aur bhi tamaam praani.
'If only... If only I could master Tai chi, Bagua Zhang and Xingyiquan. Then, I wouldn't have been hiding here by now.'
[Don't worry! Unhe master karne ke liye hume asli ladayi me bhaag lena hoga. Just keep going...!]
'Hmm!'
Usne ped ke peeche se jhaanka aur aage ka jayza liya.
'One... Two... Three... Five... Seven... Eleven... Fourteen... Sixteen... Nineteen... Twenty two... Twenty four... Twenty six...!!!'
[They are hiding quite well!]
'Mere paas kitne points bache hai abhi, Genie?'
[Tum khud kyu nahi dekh leti?]
Genie ke itna kehte hi Erica ke saamne uske full status ki dusri window haazir thi.
'Oh no!! Sirf 800 points!?'
[You used your points to buy 'Blemish' after all.]
'Par, 'Blemish' uss waqt lena zaroori thi. Mujhe unn invitation cards pe jo lagani thi. Urgh! I need more combat skills and cards.'
[Well, quest hunt is there for you. Ek draw ke '500' points. Do you wanna test your luck?]
'No! Thanks! I'll save my points.'
[As you wish!]
'Dead Silence' ne jaha uske chalne ki aahat ko poori tarah se mita ke rakha tha toh wahi-
[Skill name : Chameleon
Description : Hides the presence of the host by controlling the breathing patterns. Blends the body temperature according to the environment. Also, allows the host to hear heartbeats of others from a distance.]
Uski saanso, aur dhadkano ko 'Chameleon' iss hadd tak kam kar chuka tha ki Erica ko apni hi dhadkane mehsoos karne ke liye seene par haath lagana padta. Saath hi saath uske badan ka paara bhi vatavaran ke hisaab se dhal chuka tha. Yahi woh skill thi jiski madad se woh Divya ki dhadkano ko beete dino sunn paayi thi.
Woh dabe paav waha se lauti. Use Renshu aur baaki sabhi tak pahuchne me kuch der lag gayi. Sabhi ne mashaale bujha rakhi thi. Aahat paate hi woh sab chaukanne ho gaye par jab dekha ki woh koi aur nahi, Erica hai toh unki jaan me jaan aayi.
Renshu : Kuch pata chala?
Erica (nods) : Total 26 log maujood hai.
Renshu : Hmm!
Erica : Kuch ped ke peeche chhipe hai toh kuch pedo ke upar hai aur jaal biccha ke rakhe hai. Khaas kar net waala jaal. Toh upri hamlo se hume chaukanna rehna padega.
Aadmi : Ahh! M-Miss Erica ne itne andhere me ye sab kaise pata laga liya?
Erica : Hmph! I have some equipments with me.
Aadmi : O-Ohh!
Jawan 1 : Sir! Aage hume jaane dijiye. Aap sab peeche hi chaliye. Hamare paas night vision goggles hai. Aur, mera aapse ek sawaal hai.
Renshu : Hmm? Kaisa sawal?
Jawan 1 : Kya hume tribe ke logo ko jaan se maarna hai?
Renshu : Mujhse jitna ho sakega mein utna avoid karunga ki unhe jaan se na maara jaaye. Sirf behosh kiya jaa sake.
Jawan 1 (nods) : Jaisa ki maine socha tha, aap bilkul wese hi hai. Aur, mujhe khushi hui ki maine yaha aane ke liye khud ko niyukt kiya. Darasal, maine aapke baare me bahut suna hai.
Renshu : Ohh?
Jawan 1 : Mein dekhna chahta tha ki Li Renshu Order ke Lord akhir kaise vyakti hai? Unhe parakhna chahta tha.
Renshu (smiles) : Toh? Kya tum parakh paane me qamyab hue?
Jawan 1 (smiles) : Ji! Aur, mujhe ab aage kuch nahi kehna. Aap bas hume bataiye ki kya karna hai.
Renshu : Mein jaanta hu ki aap sab apni iccha se aaye hai aur tribe ke khilaf awaaz uthane ke liye taiyaar hai. Par...
Jawaan 1 : Par?
Renshu : Par, government nahi chaahegi ki Army ke logo ke dwara mein tribe ke logo ko haani pahuchau. Agar, unhe iss baat ki khabar lagi toh ho sakta hai ki aap sab ki naukri bhi-
Jawaan 1 (smiles) : Iss baat ki aap chinta mat kariye. Humne sab soch rakha hai. Aap bas bataiye ki karna kya hai. Hum ilaaqe se parichit nahi hai. Aapko iss shetra ka zyada gyaan hai. Aap bas batate chaliye, hum wese hi aage badhte jayenge. Tactical invasion me hum maahir hai.
Renshu (nods) : Theek hai!
Renshu ne haami bhari. Ye jawaan hoshiyaar tha. Woh Renshu ke vyaktitv ko parakh raha tha. Agar, Renshu keh deta ki Tribe ke logo ka khatma karna hai toh ho sakta tha ki ye jawan baaki sabhi jawano ko leke yaha se chala jaata. Magar, jitna yeh jawan hoshiyar tha uss se kayi guna Renshu samajhdar tha.
Ab samay zaaya karne ke liye nahi tha. Ek baar me seedha hamla bolna tha. Erica ne pehle hi Renshu ko location de di thi. Aur, Renshu ne apne aadmi bhi iss tarah bikher diye the ki agar tribe ke log unn par hamla karte bhi hai toh unka hamla zaaya hi jaane wala tha.
Renshu : Let's go!!!
*Whoosh*
Sabhi dhadalle se aage badhe. Renshu jawaano ke sang aage tha. Erica uske bagal se. Jawaan aage aate hi apne night vision goggles ka istemal kar pedo ke upar baithe tribe ke logo ko dekh liye. Unn par nishana saadha aur-
*Bang*
Ek goli bandook ke nozzle se nikalti hui seedhe ek tribe ke aadmi ki jaangh par jaa ke lagi.
"Aaaaaaarrrrgghhhh!!!"
Woh cheenkha...! Achanak se ye na jaane kya hua uski samajh me na aaya. Par apni jaangh par use kisi prakar ki garmahat mehsoos hone lagi. Khoon...! Ped ki daal par se uska santulan bigda aur-
*Thud*
Woh seedha neeche jaa gira. Isme koi shaq nahi tha ki itni uchaayi se girne ke baad uski kuch haddiya toh toot hi gayi hongi.
"Huh??"
"K-Kaun??"
"Hamla...! Hum par hamla hua hai!!!"
"Krrrriiiiiiii krrrriiiiiiiii"
Chaaro orr ekdum se afra tafri mach gayi. Ajeeb si awaaz me woh zorr se chillaane lage. Ye sanket tha. Tribe ki code language...! Unhone apne dur tainaat baaki aadmiyon ko sanket de diya tha ki unn par hamla hua hai.
"Aagi jalao!!! Aagi jalao!!!"
Nazdeek baitha ek aadmi jo haath me lakdi liye hue tha usne turant hi maachis jalayi aur lakdi par bandhe kapde par aag de di. Turant hi lakdi neeche kar usne fir baaki rakhi lakdiyo par aag laga di.
*Crackle* *Crackle*
Ek jhatke me hi unn lakdiyo par aag lag gayi. Shayad pehle se tel ya kisi anya cheez se bhigo ke rakhi gayi thi. Aag jalte hi raushni fel uthi. Aur, aas paas ka saara nazara dikhne laga.
Jaise hi tribe ke logo ne dekha ki itne saare logo ne unn par hamla kar diya hai unki haalat kharab ho gayi. Akhir, woh yaha par unhe gherne ke liye jaal biccha ke rakhe the. Unn par ulta vaar kaise ho gaya?
Tribe ke iss unit ko jo lead kar raha tha usne turant hi upar baithe aadmi ko dekha jo jaal giraane ke liye zimmedar tha. Par...!
Waha dekh ek aur jhatka use laga. Wahi aadmi toh goli khaa ke neeche gira tha. Dard se karahte hue woh behosh ho chuka tha.
Unit leader (growls) : T-Tum sab-!!! Lord sahi the. Tum sab agle 3 dino me kabhi bhi hamla kar sakte ho. Woh sahi the-!! Tumne apni hi maut ko bulaya hai. Haha! Tum sab andar toh aa gaye ho... Par, yaha se ek bhi zinda wapas nahi jayega. Hamlaaaaaa-!!!!!
Woh zorr se garja. Aur, tribe ke log uske chillaate hi Renshu aur uske logo par toot pade.
"Haaaaaaaarrrgghhhh!!!"
*Whoosh* *Whoosh* *Whoosh*
Upar pedo par jo baithe the unhone apne teer chorr diye. Hawa ko cheerte hue kuch teer apne lakshya se bhatak gaye par kuch...!
"Aaaaaaarrrrrghhhhhh!!!"
"Aaaaaaaa-!!!"
"Urrrrghhhh!!!"
Seedhe jaake Renshu ke aadmiyon ko jaa lage. Shield ke chalte unke mehatvpoorn ang toh bach gaye par chot toh akhir chot hoti thi.
Erica ne dekha ki tribe ke logo ka pehnava ajeeb hi tha. Woh aadhe kapdo me the aur unke badan par tarah tarah ke rang pute hue the. Woh unse bhidne ke liye taiyaar thi.
*Bang* *Bang* *Bang*
Toh wahi, Jawano ne jaan bachaane ke liye apna kaam shuru kar diya. Harr taraf shor mach utha. Jo jangal kuch derr pehle ekdum shaant tha waha ab cheenkhe goonj uthi. Goliyo aur hathiyaro ke bhidne ki awaaz ne uss shaanti ko poori tarah se bhang kar diya.
Lahu ke chheethe hawa me udne lage aur Renshu andhere me bhaagte hue apne bhaale se khatro ko hataata jaa raha tha.
*Whoosh*
Uska bhaala bhayanak tez raftar me udta hua ek ped par baithe aadmi ki taang me jaa ghusa. Aadmi bheeshan dard me cheenkha, aur tabhi-
*Ka-ching*
Renshu ne apne bhaale ko kheench liya. Uska bhaala koi aam bhaala nahi tha. Bhaale ke chhor se ek lambi lohe ki chain bandhi hui thi. Aur, woh chain Renshu ke daaye haath me lipti thi.
Woh zorr se bhaale ko fekta, chain uske haath se khulte hue lambi fel jaati aur bhaale ke sang chali jaati. Aur, apne lakshya ko bhed bhaale ko Renshu wapas chain ke zariye use kheench leta. Ek khatarnak aur jaanleva hathiyar.
"Ericcaaaaaaaa-!!!!"
Usne zorr se awaaz lagaayi.
"On my way-!!!"
Erica ne peeche se jawab diya. Dono ka bas itna hi kehna tha. Aur, fir dono baap beti-
*Whoosh* *Whoosh*
Tez raftaar me bhaagte hue aadmiyon ko giraate gaye. Erica ke haatho me ek knife thi. Ye aam insaan uske liye kuch bhi nahi the. Uski gati inn sabhi se zyada thi.
*Splatter* *Splutter*
Khoon felta gaya. Jitna ho sakta tha Renshu aur Erica ne bas logo ko ghayal hi kiya tha. Toh wahi Renshu ke aadmi one to one combat me bhid gaye.
"Chorrna nahi inhe aaj-!!!"
"Inhi ki wajah se hum yaha fase hai aur hamare lord bhi."
"Order zindabad!!!"
Peeche khadi Divya jo sab dekh rahi thi woh ekdum stabdh thi. Use theek se sab kuch nazar nahi aa raha tha par ek anumaan laga chuki thi woh.
Divya (panics) : Wh-What's happening?
Jawaan 3 : Miss! Aap mere peeche rahiye. Kabhi bhi yaha par koi-
Uska itna kehna hi tha ki andhere me se ek tribe ka aadmi khoon se sani chaaku liye achanak se uske gale ki orr lapka.
Divya (screams) : Aaaaaahhhhhhhh-!!!
*Swoosh*
Chaaku jawaan ke gale se ek inch ki duri se hawa ko cheerte hue nikal gayi. Jawaan ne samay par apni gardan peeche kar li. Ek jhatke me usne tribe ke aadmi ke perr ko maar uska santulan toda aur bandook ke chorr se uske sarr par vaar kar use wahi behosh kar diya.
Jawaan 3 : Phew! That was close-!
Clark : It's too risky-!
Jawaan 3 : Abhi bhi samay hai. Agar aap chaahe toh-
Divya : N-Nahi! M-Mein yaha se peeche nahi hatt sakti.
Jawaan 3 : Theek hai! Waise, inn sab ke baad hamare senior bhi aapse baat karenge.
Divya : K-Kis liye?
Jawaan 3 : Aam taur par government baahri madad nahi leti hai. Par, iss baar FBCC involved hai. Hamare Senior bas aapse kuch puch-taach hi karenge. Aur, kuch nahi.
Divya : Ohh! Koi baat nahi. Mein harr tarah ke sawaalo ke liye taiyaar hu.
Jawaan 3 (smiles) : Agar aisa hai toh acchi baat hai. Aaiye! Sambhal ke aage badhiye.
Divya (nods) : Umm!
Woh jawaano ke saath aage badhti gayi. Par, mann kahi aur bhi bhatka hua tha.
'V-Veer-!? Tum theek toh ho na? Ab tak akhir woh hamare saath mila kyu nahi? Akhir eastside aur straight way aapas me kab judte hai? Mujhe iski jankari leni padegi.'
Divya : S-Suniye!
Jawaan 3 (glances) : Hmm?
Divya : Kya aapko andaza hai ki eastside se ye ilaaqa aapas me kab judta hai?
Jawaan 3 : Mein yaha first time aaya hu, Miss. Iss sawal ka jawab aapko Renshu Sir hi de sakte hai.
Divya : What? Agar government ne aap sab ko bheja toh unhe unko hi bhejna chahiye tha na jo iss region se familiar ho?
Jawaan 3 (smiles) : Government toh chaahti hi nahi ki army iss maamle me involved hoye, Miss.
Divya : Ah!?
Jawaan 3 : Renshu Sir ne maang rakhi thi ki army ki taraf se unhe madad chahiye. Tab jaake government ne 6 army personnel ko bhejne ka tay kiya.
Divya : Toh iska matlab-
Jawaan 3 (nods) : Jo army personnel iss region se familiar hai unko yaha aane se hi mana kar diya gaya. In fact, government ka indirectly yahi kehna tha ki hum army ke logo ko iss matter se dur hi rehna chahiye.
Divya : Fir?
Jawaan 3 : Magar, Renshu Sir ki maang tab tak hamare unit tak pahuch chuki thi. Toh yaha aane waale hum 6 ke 6 log apni marzi se aaye hai.
Divya : Ah!
Jawaan 3 : Ye hamari khud ki iccha thi. Hum sab ka yahi manana hai ki government jo kar rahi hai woh bahut galat hai. Renshu Sir ne China ke liye bahut kuch kiya hai aur unke pita ne bhi. Mere pita ji ki madad bhi unhone hi ki thi. Mein ek tarah se unka karzdar hu. Aur, ye mera farz banta hai ki aise waqt me mein unki madad karu.
Divya : That's such a resolve-! Aam taur par aadmi aisi situation me apne ko safe rakhta hai.
Jawaan 3 : Agar mein aisa sochta toh kabhi army ka hissa nahi bann paata, Miss. *smiles* Aaiye-!!! Lagta hai aage ki squad ne Tribe ke unit 1 ko neutralize kar diya hai.
Divya : Hmm! Huh? Ek minute! Hamare log tribe ke logo ka treatment kar rahe hai?
Jawaan 3 : Jaan lena hamara maqsad nahi hai. Mine haasil karna hamara maqsad hai. Isliye, jitna ho sakega hum utna maarne se khud ko rokenge. Renshu Sir yahi kar rahe hai. Ek kaaran ye bhi hai ki hum kyu unke saath ab tak yaha ruke hue hai.
Divya (nods) : I see now!
Jawaan 3 : Of course! Sirf first aid se inka kaam nahi hone waala. Magar, inki jaan nahi jayegi. Inke aadmi jald hi inhe lene aa jayenge. Ab hume aage badhna chahiye.
Divya : Okay!
Jawaan 3 : Kya mein puch sakta hu ki aapko eastside ke baare me kyu jaanana hai?
Divya : Mera khaas dost, uss raaste se andar gaya hai. Renshu Sir ka kehna tha ki uss ilaaqe me tribe ke log nahi rehte.
Jawaan 3 (nods) : Hmm! Ye baat sahi hai. But does your friend have a death wish?
Divya : Huh?
Jawaan 3 : Bhale hi tribe ke log waha nahi rehte magar unhone zaroor apne kuch aadmi toh waha tainat kar hi rakhe honge. Udhar akele jaana matlab khud ki jaan unke haatho me de dena.
Divya (panics) : Ahh!?? N-No-!!
Jawaan 3 : He shouldn't have gone there.
Divya (frowns) : Th-That's-!!
Zaahir hai jitna sanvaad hua woh angrezi me hi hua tha. Na hi army personnel ko Hindi aati thi aur na hi Divya ko Chinese. Magar, iss baat-cheet se Divya ki bechaini zaroor badh chuki thi. Usne Veer ki hifazat ko leke mann me kaamna ki aur aage badh gayi. Kahi na kahi use ek agyaan bharose ki anubhuti thi apne andar ki Veer sahi salamat nikal ke aayega.
Tribe ke keval 26 log hi iss pehle unit me the. Jaisa ki anuman lagaya jaa sakta tha. Jald hi sab ke sab ghayal hoke zameen par the. Unko ek first aid treatment dene ke baad Renshu samet sabhi aage badh gaye.
Unka agla padaav tha ~ Unit 2.
Kintu, unit 2 pehle hi unit 1 ke sanket ke kaaran sachet ho chuka tha. Matlab, pichli tactic yaha kaam nahi aane waali thi.
Renshu aage savdhani se apne qadam badha raha tha.
'Lloyd!'
[Hmm?]
'Full status!'
[Hmm!]
*Ding*
'Turn the window.'
'Sirf 1200 points! Itne me kuch nahi hoga.'
[Toh? Tumhe aur kis cheez ki zaroorat hai bhala? You are already powerful. You have Shaolin's way and Mayhem with you. Mujhe nahi lagta ki hume inse ladne ke liye kuch extra chahiye.]
'Pata nahi...! Mujhe bas ek buri anubhuti ho rahi hai. Kisi khatre ki...!'
[Oh!?]
Unit 1 ko Renshu ke log paar kar chuke the. Magar, Unit 2 unke liye taiyaar khada tha.
Renshu ne apne qadam roke aur mudte hue woh apne aadmiyon se bola.
Renshu : Pichli baar humne unhe surprise attack se apne ghere me le liya tha. Ab ye mumkin nahi. Woh sabhi jaante hai ki hum yahi se unki orr abhi aa rahe hai.
Jawaan 1 : Toh iss baar kaise aage badhna hai, Sir? Ek sniper hamare paas maujood hai. Agar aap chaahe toh hum distance se hi unhe-
Renshu : Jaan hi toh nahi leni hai. Sniper ki bullet jo nuksan pahuchati hai woh aap aur mein dono jaante hai. Ek prakar se woh jaan lena hi hua. Hume unhe nirast karna hai, zyada se zyada ghaayal... Uske aage nahi.
Jawaan 1 : Par, ab jab avoid nahi kiya jaa sakta toh kuch toh karna hi hoga na?
Renshu (nods) : Hmm!
Jawaan 2 : Toh ab?
Renshu : Mein unke adde se familiar hu. Mein aur Erica andar jayenge. Aap sab yahi rukenge. Hum jitna ho sakega utna chhip ke vaar kar unhe neutralize karenge.
Jawaan 1 : Sirf aap do log? Nahi! Ye toh suicide hi hui. Upar se aap apni beti ko le jaa rahe hai? Nahi nahi!
Renshu : Meri beti koi aam ladki nahi hai. Bachpan se maine use martial arts sikhaya hai. Woh tribe ke logo se bhidne ke liye taiyar hai. Aap chinta mat kariye. Mere rehte kisi ko kuch nahi hoga. Bas, meri baat ko follow kijiye. Agar mein andar se chillaa ke ishara du, toh aap sab seedhe andar aa jaana aur hamla kar dena.
Jawaan 1 : Fine! Theek hai! Par behtar hoga ki aap kuch aur log saath me le jaaye. Mein aur baaki 2 jawaan chalne ke liye-
Renshu : Nahi! Aap sab andar ke shetra se parichit nahi. Ye baahri ilaaqe se alag hai. Baahri ilaaqa zyada khula hua tha. Yaha andar ped zyada hai. Yaani ki traps bhi bahut honge. Mein trap ko dismantle karne me maahir hu. Yaha se mujhe aur Erica ko sambhaalne do. Aur aap sabhi ishaare ke liye taiyaar rehna.
Jawaan 1 (nods) : Th-Theek hai!
Renshu : Ericcaaa-!!!
Erica : Got it!!!
*Whoosh*
Woh dono daudte hue seedhe andhere me andar ghus gaye jabki baaki sabhi wahi ruke rahe. Ab waqt aa chuka tha. Woh logo ki nazro me nahi the. Ab woh apni poori taaqat ka istemal kar sakte the.
Sarpat bhaagte hue woh mukhya raaste se hi unn par hamla karne waale the. Aage kareeb 100 se adhik log tainaat the aur idhar sirf do log unn par hamla bolne waale the.
Renshu tezi se bhaagta jaa raha tha. Uske bhaagne ke chalte neeche zameen par bikhre sookhe patte kuchalte jaa rahe the aur awaaz paida kar rahe the. Toh wahi, Erica ki daud Dead Silence ke chalte itni shaant thi ki lag raha tha woh jaise maano hawa me daud rahi ho.
*Ding*
[Trap Master is in use.]
Renshu ka scroll 'Trap Master' activate hua, jagah jagah bichhaye gaye traps use apne aap nazar aane lage. Adhiktar traps me rassiyo ka istemal hua tha.
*Kha-chak*
Woh saare traps ki rassiyo ko savdhani se kaatata gaya, jaal giraane ke liye pathharo ka upyog kiya gaya tha. Par, woh patthar bhi rassiyo se hi bandhe hue the. Renshu ne ek ek rassi kaat ke sabhi traps ko nasht kar diya tha.
Renshu : It's time to attack, Erica!
Erica (nods) : Hmm!
Ped par baithe chaukanne tribal logo ko Renshu ke qadmo ki awaaz sunayi de gayi.
"Koi aa raha hai!!! Hamlaaaa-!!!"
Andhera harr taraf tha. Unhe bhi kuch nazar nahi aa raha tha. Aur, andhere me hi unn sab ne-
*Swoosh* *Swoosh* *Swoosh*
Teero ki baarish kar di.
*Ding*
[Rapid Reaction!!!]
Renshu ke skillset me se ek kamal ki skill. Teer hawa me uski orr aate hi fraction of seconds me uski gardan apne aap hi mud gayi aur teer uske gale ke bagal se nikal gaya.
Bhale hi uske paas Erica ki tarah andhere me dekhne ke liye koi skill nahi thi. Par, uske reactions aur senses itne tez the ki use andhere se koi dikkat nahi hone waali thi.
Renshu ka bhaala unke perro par jaa jaa ke unhe pedo se kheech ke gira raha tha. Bas cheenkhein hi feli hui thi. Woh dono itne tez the ki tribe ke log unki raftar ko pakad hi nahi paa rahe the.
Jaha Renshu upar ke sankato ko mita raha tha toh wahi Erica neeche tainat aadmiyon ko girati jaa rahi thi.
Tai chi, Bagua Zhang, Xingyiquan! Teeno Chinese foundational martial arts thi. Erica ne inhe maahir nahi kiya tha. Use kabhi mauka hi nahi mila tha inka asal ladayi me istemal karne ka. Woh aaj khul ke apni inn arts ko nikhaar rahi thi.
Ek ek kar ke sabhi aadmi neeche girte jaa rahe the.
Renshu aage badh ek aur aadmi ko tapkane hi waala tha jab achanak se-
*Whoosh*
'Huh!?'
Uski aankhein hairat me fel gayi. Ek teer itni tezi se uski aankh ki putli ki orr aaya ki Renshu ne ek jhatke me khud ke shareer ko neeche jhuka liya.
*Thud*
Uske jhukte hi woh teer peeche ped me jaa ke dhas gaya.
Renshu ne jaise hi saamne dekha, toh ek aur jhatka use laga. Saamne ek ladka khada hua tha. Uske haatho me teer kamaan tha. Uske chehre par ek kaala kapda bandha hua tha.
Par, chaukaane waali baat ye nahi thi. Chaukaane waali baat thi-
*Ding*
[No information available.]
'What!???'
[Toh iss khatre ki baat kar rahe the tum?]
Lloyd ki awaaz uske mann me goonji. Ek System holder!! Magar, Jaw Long ke alawa yaha aur koi system holder nahi tha. Iska matlab saaf tha-
Renshu (frowns) : Mein sahi tha. Mujhe laga hi tha ki koi aur involved hai isme. Kaun ho tum??
Erica ke qadam bhi tham chuke the. Woh stabdh hoke cover leke sab kuch dekh rahi thi. Pehli baar woh kisi anya system holder ko dekh rahi thi jo unke khilaf khada hua tha.
System holder ne Renshu ke sawaal ka koi jawab na diya. Woh akasmat itni tez raftar me aage badha ki dono Erica aur Renshu ki aankhein phati ki phati reh gayi,
Erica (screams) : Daaaaadddd!!!!
*Whoosh*
Ek chaaku seedha Renshu ki atadiyo ko cheerne ke liye uske pait me ghusne ko aayi.
*Claaaaangggg*
Chaaku se chaaku takrayi aur andhere me chingari chamak uthi. Renshu ne sahi waqt par apni hidden knife nikal li thi warna-
Renshu (growls) : Y-You-!!!
Uss anjaan ladke ne koi mauka nahi diya. Seedhe apni laat utha ke woh Renshu ki chin ki orr le gaya.
*Swoosh*
Renshu ne apni gardan jaise hi peeche ki-
*Kha-chak*
"Urgh!!!"
Achanak se uss ladke ke joote se lagi ek khufiya blade hawa me khuli aur Renshu ki chin ko halka sa cheerte hue nikal gayi.
"Daaaaaaaddddd!!!!"
Erica peeche se bhaybheet hoke chillaayi. Aur, agle hi shan-
*Ding*
[Shaolin's way has been equipped.]
[Shaolin's way is now activated.]
Renshu ke haav bhaav badal gaye. Uske chehre par gambheerta aa gayi. Uska aura aakramak ho gaya. Uski hatheli khuli aur teevra gati ke saath ek palm strike uss ladke ke pait ki orr badhi.
Magar, jaise ladka turant ke turant bhaanp gaya tha ki ye strike uske liye khatra hai. Woh hawa ki raftar se turant peeche ho gaya. Aur, wapas se apne sthaan par jaa ke khada ho gaya.
Renshu ki palm strike hawa me hi vyarth ho gayi. Parantu, ladke ko duri banane pe majboor karne me qamyaab thi.
*Drip*
Khoon uski chin se nikalta hua zameen par gira. Erica bhauchakki thi. Aisa pehle kabhi nahi hua tha. Kabhi bhi usne apne pita ke shareer se khoon nikalte nahi dekha tha. Woh jaan gayi thi ki woh anjan ladka kitna bada khatra tha. Aur, aaj pehli baar ab uske andar asli darr paida hua. Jaan jaane ka darr. Kisi ko khone ka darr. Uska badan kaanpne laga.
[Don't worry! Your dad is strong. Believe in him!]
Genie ki awaaz ne use thoda sambhala.
Idhar, Renshu bina Erica ki taraf dekhe hi zorr se chillaaya.
Renshu : Ericaaa!!! Nikal jao yaha se. Abhi ke abhi. Hamare aadmiyon ko tum hi lead karogi. Tum aage badho. Mujhe yaha rukna padega.
Erica (shouts) : Wh-What!!? No waayyy!! Mein aapko akela chorr ke kahi nahi jaungi, Dad!
Renshu (gusse me) : Ericaaaaaa!!! Tumhe meri baat samajh nahi aa rahi???
Woh anjaan ladka yaha khade hone nahi aaya tha. Jaise hi Erica ki taraf uska dhyaan gaya, uski aankhein baaj ki tarah Erica ke upar tik gayi.
Renshu ne jaise hi ladke ke stance ko padha, uski aankhein chaudi ho gayi.
'Killing intent!!! Shitttt-!!!'
Aur, agle hi shan-
*Whooooooosshhhh*
Woh ladka apni jagah se gayab hua, seedhe Erica ki orr lapka. Erica apni orr aate uss anjaan ladke ko dekh ghabra uthi. Magar, jaise hi ladka uske qareeb pahucha.
*Swish*
Ek jaanleva hathiyaar ki nok uske gaal ke bagal se hoke guzri, sahi samay par ladke ne khud ko peeche kar liya.
Renshu ka bhaala, Erica aur uss ladke ke beech kisi deewar ko kheenchta hua bhayanak raftaar se aaya aur uss ladke ko peeche hatne par majboor kar diya.
Bhaale ko wapas se kheench Renshu Erica ke saamne aake khada ho gaya.
Renshu : Go now!
Erica (panics) : N-No-!! I- I can't!! Mein aapko yaha akela chorr ke kaise jaa sakti hu, Dad?
Renshu : Iss ladayi me tum hissa nahi le sakti. Hamare aadmi waha akele hai. Unhe lead karne ke liye tumhara waha hona zaroori hai. Unhe savdhani se aage badhati jao. Mein jald hi tum sabko join kar lunga.
Erica (desperately) : N-Nahi-!! Nahi! Nahi mein kahi nahi jaungi. Mein aapke saath idhar hi rahungi-
Renshu (shouts) : Ericaaaaaaa-!!!!
Apne pita ki dahaad sunn, Erica ka badan kaanp gaya.
Renshu : Maine kaha na jao! Mujhe ab dobara na kehna pada.
Erica ka sarr gusse aur majboori me neeche jhuk gaya. Nichla honth daanto tale iss tarah daba ki laga jaise maano khoon hi nikal aayega.
Woh jaanti thi ki use iss ladayi se kyu hataya jaa raha tha. Kyuki, woh kamzor thi. Uske pita ko uski chinta thi.
Renshu : Jao!!!!
Apne pita ki awaaz punah sunte hi Erica apne daant meeste hue wapas se bina palte hi daud padi. Dil bhaari tha, bechain tha. Khud par woh krodhit thi. Apne se naraz thi. Genie uske dil ke bhaavo ko bhali bhaanti samajh rahi thi. Magar, iss samay yaha se peeche hatna hi uchit tha.
'If only... *sniff* If only I would have been strong...! Ye sab kuch kabhi nahi hota. *sniff* I-'
[Don't pressure yourself. Tumhare Dad ko uss level tak pahuchne tak bhi samay laga hai. Bhulo mat ki kabhi woh bhi kamzor the.]
'Still...! Aakhir unhe aur mujhe dono ko saath me hi system mila tha. Th-Then why??? Kyuuu??? Mein itni kamzor kyu hu??'
Achanak se use kuch yaad aaya. Veer ki kahi gayi woh baat use hit kari.
'Ghar me baith ke spar karne se experience gain nahi hota madam. Jab ek system holder tumhari jaan ke peeche pada ho aur tum uski, tab jaa ke experience praapt hota hai. Aur, tab pata chalta hai ki hum kitne kamzor hai.'
'You can't even imagine the chaos when 2 system holders fight each other without any restraint. You lost because you have no experience.'
'I've been through hell a lot of times...! You don't even know what the real danger means. Do you know why you lost?'
'Because you are weak!!!!'
Chaahe kitna hi kyu woh iss sacchayi se bhaag le par woh apne aap se jhooth nahi bol sakti thi. Woh jaanti thi ye baat sach thi.
Apni nirasha ko dur kar, woh saunpe gaye kaam ki orr apna dhyaan le gayi.
'I won't disappoint you this time, Dad!'
Woh bhaagti jaa rahi thi aur abhi dridhta theek se baandhi nahi thi ki akasmat ek aur bada jhatka use laga.
*Ding*
[Blemish marked object 1 is disturbed.
State : Torn and burnt.]
*Ding*
[Blemish marked object 2 is disturbed.
State : Dusty but intact.]
Uske qadam wahi tham gaye. Aankhein dehshat me fel gayi, taangein kaapne lagi aur badan par ruye khade ho gaye.
Uski aankhon se na chaahte hue bhi darr ke maare aasu chhalak uthe. Sab jaise rait ki tarah uske haatho se fisal raha tha.
'N-No-!!'
Uski saansein itni tez ho gayi ki Genie ko wapas se 'Chameleon' ka sahara leke unhe niyantran me karna pada.
'I-It can't be-!!! Wh-What's happening!?'
[Looks like he's in trouble.]
Ye wahi objects ke notifications the jin par Erica ne Blemish mark kiya tha. Woh bhaagi. Andhere se nikalte hue woh jaise hi Renshu ke aadmiyon ke saamne aayi sabhi sawalo ke hamle uss par daagne lage.
"M-Miss Erica?"
"A-Abhi tak koi ishaara nahi aaya? Sab theek hai na?"
"Agar aap yaha hai toh Lord-!?"
Erica (glances) : S-Sir!!! *huff* *huff*
Jawaan 1 : Jii miss! Kahiye!
Erica : Saare logo ki zimmedari ab aapke upar hai. Dad andar unke ek strong martial artist se bhide hue hai. Yaha se aage Unit 2 tak logo ko aapko hi le jaana padega.
Jawaan 1 : Huh?
Erica : Ghabrane ki zaroorat nahi. Saare traps dismantle kar diye gaye hai. Unit 2 tak bina pareshani ke aap sab jaa sakte ho. Usme bhi zyada log nahi bache hai. Bas...! Uske aage mat jaana jab tak Dad khud na le jaaye toh...
Jawaan 1 : Oh!
Erica : M-Mujhe jald se jald kahi jaana hai. Mera waha pahuchna bahut zaroori hai.
Jawaan 1 : Kya? E-Ek minute, meri baat suniye.
*Whoosh*
Par, Erica hawa ke maafiq waha se ravana ho gayi. Peeche se jawaan use chillata reh gaya kintu, Erica jaa chuki thi. Aapas me sabhi log confused hi reh gaye.
'Damn it!!! Damn it!!! Stupid... Idiot... Where the hell are you!?? Tsk-!!!'
Uske qadam eastside ke liye badh gaye. Dil dhak dhak kar raha tha. Na jaane aage kya hone waala tha.
'I'm sorry, Dad! But I want to make my own decision this time!'
***
A few moments earlier...
Xishuangbanna's Eastside route...
Jab Renshu aur baaki jangal me kaafi andar pravesh kar chuke the tab Veer eastside ke mukhya mod par pahucha tha. Signpost use laga hua dikh chuka tha. Ab yaha se jangal me andar ghusna tha.
Jangal atyant khamosh tha. Upar se andhera, aur ghane ped manzar ko aur bhi daravna bana rahe the.
'Pari!'
[Hmm?]
'Path Tracker on kar do.'
[Already on kar diya hai. Can you survive this? Fufu~]
'You want to see me getting killed?'
[Aahaha! Once you die, I'll cease to exist as well. However, I do want to see you getting wrecked.]
'Hmph!'
*Scrunch* *Scrunch*
Veer ne jangal ke andar qadam rakha. Zameen par bikhre patte uske jooto ke neeche kuchal gaye. Usne Garofano ke dwara di gayi wahi kaali shirt pehen rakhi thi. Saath hi neeche jeans aur shirt ke upar ek halka patla sa shrug.
Iss shrug ki andhruni jebo me Garofano ki kuch sui bhi uske paas maujood thi. Paralysis ka woh serum jo khud Garofano ne banaya tha. Aur, saath hi wahi zeher jis se Mr. Nicholson ki hatya ki gayi thi. Sab kuch sheeshi me Veer rakh ke laaya tha. Aapatkal sthiti ke liye do knife, aur ek lighter bhi tha uske paas.
Kandho par bag bhi tanga hua tha jisme kuch khaane ke sookhe padarth aur first aid kit maujood thi.
Kami thi toh ek bade hathiyaar ki. Veer ne soch liya tha ki iske baad woh ek hathiyaar apne liye lega aur uska istemal karna bhi seekhega. Renshu ki baat use ekdum theek lagi thi. Apne upar jitni layers chadhate jaoge utna hi behtar hoga.
'Pari! Show me my full status!'
*Ding*
'Hmm? A new design?'
[Like it?]
'Yeah!'
Yaha aane se pehle hi usne apne stats badha liye the. Parantu, woh jaanta tha ki iska asar abhi nahi hoyega. Stats screen par toh badh gaye the par asal me nahi badhe the. Unhe asal me badhne ke liye use neend ki zaroorat thi.
Ye sab kuch raat ki neend me hi hota tha. System Veer ki muscles ke fibres ko todta aur unhe repair karta. Taaki, hosh me Veer ko taqleef na ho. Aur, aise hi uska physique behtar hota tha. Uske shareer me antar laaya jaata tha.
Kintu, Veer ne neend nahi li thi. Jab tak woh neend nahi le leta tab tak points asal me nahi badhne waale the. Usne apne bache hue points ko dekha.
'Musibat me ye kaam aa sakte hai. Shayad quest hunt se mujhe koi legendary card mil jaaye.'
[Ek draw ke '500' points.]
'Haan haan pata hai!'
[Fufu~ I was just reminding you.]
Woh andar ghusta gaya. Chap-chap kar ke uske qadam uss ghanghor sannaate me cheer rahe the. Jaise jaise woh jangal ki gehraiyo me ghusta jaa raha the wese wese Veer ki bauhe sikudti jaa rahi thi. Kuch theek nahi lag raha tha.
Aur, akhir kaar use woh pul nazar aa hi gaya. Yahi woh bridge tha jise paar karne ke baad Long Tribe ka shetra lagta tha. Veer ne dekha ki lakdi ka lamba sa bana hua pul tha aur neeche se nadi ki ek dhaara beh rahi thi.
'Andar jaate hi tumhe Lancang Mekong ki nadi bhi milegi. Woh nadi kayi jagah alag alag nehro me batati hai. Toh tumhe andar jangal me kayi saare pul dekhne ko mil jayenge.'
'Sabse pehla pul jo padega, woh sabse bada pul hoga. Wahi hai main entrance. Use cross karte hi tum Jaw Long ki territory me ghus chuke hoge. Waha se satark ho jaana.'
Renshu ki kahi gayi baat uske mann me goonji. Pul waqai lamba tha. Dhaara ke upar bana hua tha. Nadi ka bahaav bahut zyada nahi tha par paani sthir bhi nahi tha. Jisko tairna na aata ho woh iss bahaav me doob sakta tha.
Veer ne apne daaye baaye harr jagah pehle dekha. Shetra ka aaklan kiya aur tabhi woh aage badha.
*Chrrrrrrr* *Chrrrrrr*
Pul par chalte hue lakdi ke ye puraane takhte charar marar ki awaaz kar rahe the.
'Check!'
*Ding*
[A normal wooden bridge. Looks fragile however, it's sturdy.]
Nishchint hone ke baad Veer ahista ahista pul ko paar kiya. Aur, pul ke dusre chhor par aate hi use vatavaran me badlaav mehsoos ho gaya.
Badan par ruye khade ho gaye. Aisa laga jaise achanak se woh Shimla ki vaadiyo me aa gaya ho. Taapman baahar se kamtar maalum pad raha tha.
'Something is wrong!'
*Ding*
[Beowulf's Blessings has been activated.]
Woh savdhani se aage badhne laga. Beowulf's Blessings ke chalte use ab kaafi saaf saaf nazar aa raha tha. Senses kayi guna badh chuke the.
Badqismati thi jo full moon nahi tha. Saanson par niyantran rakh woh ekdum chaukanna hoke dheere dheere badhta gaya.
Aur, tabhi-
'Huh!?'
Use ek gandh aayi. Uski naak pehle se kayi guna sanvedansheel ho chuki thi.
'Th-This smell-!!!'
Hawa me tairti woh 'lohe' dhaatu ki gandh. Woh kabhi bhi isko leke galat nahi ho sakta tha. Uske badan me ek sihran daud gayi.
'Khoon-!!!!'
Pari bhi iss baar shaant thi. Woh paristhiti ki gambheerta ko samajh rahi thi.
Veer dabe paav aage badha. Jaise jaise woh aage jaa raha tha khoon ki gandh aur bhi prabal hoti jaa rahi thi.
Uska haath apne aap jeb me chhipi chaaku ki orr chala gaya. Nazre bagh ki tarah ekdum paini aur satark. Aur, tabhi uski nazre aage neeche zameen par gayi.
'Huh!!!?'
Woh do teen qadam laanghte hue tezi me uss orr gaya. Jaise hi usne neeche dekha toh paaya ki-
Zameen geeli thi. Zameen par uss geele padaarth ki ek lambi rekha khichi hui thi. Veer ne apne baayi orr dekha. Woh rekha khichti hui bahut dur tak gayi thi. Aur, yahi drishya daayi orr bhi tha. Usne jaise hi use check kiya, uske badan me raungte khade ho gaye.
'Check!'
*Ding*
[Fresh human blood.]
'Th-This-!!!'
Woh baayi orr aage badha. Khoon ki rekha dono orr itni dur tak gayi thi ki Veer ko uska ant hi nazar nahi aa raha tha.
'This blood...!'
[Mein bhi soch rahi hu kuch. I agree. Kuch gadbad toh hai. However, we need to cross this. It's inevitable.]
Veer ne haami bhari. Aur, usne uss khoon ki rekha ko laangh liya. Woh hamle ke liye taiyar tha. Magar, kuch bhi nahi hua.
'Hmm?'
Sab kuch pehle jaisa hi tha. Lekin, usne apni savdhani nahi khoyi. Kaafi derr se woh chal raha tha. Ant me use dur ek bada sa patthar beecho beech sthit dikhayi diya.
'That is...'
[Stay alert!]
Woh patthar ke nazdeek aaya. Woh chal hi raha tha jab kuch mehsoos kar uske qadam wahi tham gaye.
Achanak, uss vishal patthar ke peeche se ek badi si aakriti chaand ki raushni me dheere dheere uske saamne aane lagi. Jaise jaise woh aakriti raushni me aati jaa rahi thi, wese wese uska aakaar badhta jaa raha tha.
Veer ke maathe par lakeere chhaayi. Upar se neeche tak usne saamne aa rahi aakriti ko jaancha. Koi shaq nahi tha. Yeh wahi tha.
Tribe ka leader!!!
Jaw Long!!!
'Check!'
*Ding*
[No information available.]
Sab kuch samaksh tha. Aur adhik aaklan karne ki zaroorat nahi thi. Taapmaan thanda tha par fir bhi paseene ki ek boond Veer ke gaal se fisalte hue neeche giri.
Raushni me uss daanav jaise insaan ko dekhte hi Veer ke badan par maujood ek ek baal khade ho chuke the. Ye toh uski kalpana ke bhi baahar ka tha. Tamaam logo se bhidne ka anubhav tha use par uske saamne khada yeh aadmi...! Yeh aadmi ek badi dikkat tha.
Li Renshu se bhi badi kadd-kaathi, vishaal-kaay raudra roop, ghane peeth tak latakte bhoore baal jinki dherr saari jataaye bikhri hui thi, aur vichitr swaroop ke badan par bane tattoos ka maalik. Ye tha Jaw Long.
Magar, ye sab nahi tha jisne Veer ko hairat me liya. Uski hairangi ka kaaran kuch aur tha. Uss aadmi ki aankhein...! Woh aankhein...! Woh aankhein poori tarah se band thi. Par, unn band aankhon ke neeche se khoon ki dhaara uske gaalo se behte hue sookh chuke khoon ki chhaap chorri hui thi.
*Gulp*
Thook nigal, Veer ne saamne khade vishal aadmi ko gambheerta se dekha.
'Wh-What is this? Iska matlab woh khoon ki rekha-!? N-Nahi! Woh rekha toh itni lambi thi. Woh khoon iska nahi ho sakta...! Th-Then what was that?'
Veer ko laga ki woh khoon ki rekha Jaw Long ke khoon ki thi. Kyuki, uski aankhon se behte hue khoon ke daag uske chehre par saaf jhalak rahe the. Par, itna khoon ek insaan ka nahi ho sakta tha.
Shayad Jaw Long ne bhi Veer ko yaha expect nahi kiya tha. Woh Li Renshu se bhidne ke liye yaha par tainat tha. Magar, aisa kuch bhi nahi hua.
Zaahir hai itni derr me usne bhi Veer ko check kar liya tha. Veer uske liye raaste me aayi ek adhchan tha.
[Careful!!!]
Pari ne ahaat kiya. Lekin, Veer ke paas Pari se shabdo ka aadan pradaan karne ka samay nahi tha. Iss waqt uska poora dhyaan Jaw Long kheeche hue tha.
Aur, tabhi-
*Swish*
Akasmat kuch Veer ke gale ki orr neeche zameen se nikalte hue lapka. Veer ka shareer apne aap peeche ko hua, aur kareeb teen back hand spring maarte hue woh peeche dur jaake fighting stance me aa gaya. Zara si derr agar hoti toh uske gale par vaar ho gaya hota.
Veer ki aankhein uss hamla karne waali cheez par padte hi, hairangi me fel gayi.
*Hisssssss*
'Wh-What-!???'
Ek Ajgar!!!
Iske pehle ki woh sambhal paata tabhi use ek aur awaaz sunayi di.
*Grrrrrrrrrrrr*
Pedo ki aadh me se kuch nikal ke aaya. Ek sihran Veer ke reedh ki haddi tak fel gayi.
Black Panther!!!
[Shitttttt!!!!]
Aur, pehli baar Pari ke chillaane ki awaaz use apne mann me sunaayi di.
'H-How-!!???'
Pehli baar aaj Veer ke bhi iss tarah paseene chooth rahe the. Ye khauf... Ye dehshat woh apne charam par mehsoos kar raha tha.
Inn do jhatko se woh abhi theek se ubhra nahi tha ki tabhi-
Jangal ke andhere me use do do tim-timati chamak dikhayi dene lagi.
Aur, fir jaise jaise woh apni gardan modta gaya ek ke baad ek andhere me use kayi chamak nazar aane lagi. Aur, system toh maano jaise behekne laga.
*Ding*
[A herd of antlers.]
*Ding*
[A band of coyotes.]
*Ding*
[A bunch of wolves.]
*Ding*
[A few hyenas.]
Veer hakka bakka reh gaya. Aur, agar ye bhi uske manobal ko giraane ke liye kaafi nahi tha. Toh antim ek aur prahar Jaw Long ne kar diya.
"Shebaaaaaa-!!!!!!!"
Uski dahaad uss poore jangal ke ilaaqe me goonj gayi. Hawa jaise achanak se bhaari ho gayi. Aur, tabhi akaash me-
*Keeeeeaaaaarrrrrrrrr*
Veer ne upar dekha. Ek baaj udta hua aaya aur seedhe Jaw Long ke bagal se khusi ek ardh kate ped ki lakdi ke upar apne panje gaadte hue baith gaya. Uski andhkar me chamakti aankhein Veer ke upar hi tiki thi.
[Sh-Shitttt!!! That eagle- That eagle is bad news!!!!]
Veer ke daant aapas me mise hue the. Pari ki agle hi shan uske mann me itni zorr se awaaz aayi ki use sunn uska badan kaanp gaya.
[IF YOU DON'T WANT TO FUCKING DIE HERE, THEN RUN!!!!]
[FUCKING RUNNNNNN!!!!]
Perr peeche sarka. Aur, agle hi pal-
'Fuck-!!!!!'
*Whoosh*
Veer vipreet disha me bhaaga. This was pure suicide. Uske perr sarpat bhaagne lage. Magar, uske harqat karte hi peeche se aisi teevra karkash awaazein jangal me feli ki Veer ki dhadkane unhe sunn tezz ho gayi. Laga jaise maut nazdeek thi.
Woh apni poori raftaar se bhaagne laga. Aur, idhar uske peeche poora ka poora janglee janvaro ka samraajya uske peeche jhapat pada.
Veer peeche mud ke bhi nahi dekhna chaahta tha. Ek aisa khaufnak drashya tha jise dekh acche se achhe insaan kya bade se bade system holder ko saanp soongh jaata.
Veer ke perr itni tezi se daud rahe the ki unki aakriti dhundhli ho chuki thi. Aur, isi jaldbazi me tabhi-
*Step*
Bhaagte hue uska agla qadam jaise hi zameen par pada. Zameen halki si andar dhans gayi.
'Huh?'
Uski aankhein bhay me chaudi ho gayi. Uss ek shan ke liye waqt jaise dheema ho gaya. Kintu, tab tak bahut derr ho chuki thi. Beowulf activate hone ke bawajood-
*Booooooooommmmmm*
Ek zordar dhamake ne janm liya. Aas paas ke ped dhamake se ukhad ke bikhar gaye. Bheeshan dhua kuch derr ke liye waha chhaa gaya.
Veer ka shareer hawa me udte hue gulaati kha ke kayi feet dur jaa gira aur ghisatate hue ped ke nichle hisse se jaa takraya.
*Thud*
Maathe par chot lagi. Aur, khoon behne laga. Uske kapde ke chithde udd chuke the. Uska shrug phat ke aadha uske shareer se alag ho chuka tha. Shirt bhi kayi jagah se phat chuki thi. Garofano ke dwara di gayi saari sui, woh serum, woh poison... Sab kuch dhamake me tabah ho gaya.
*Cough* *Cough*
Agar, Beowulf activate na hota toh woh wahi ghayal hoke behosh ho chuka hota.
Magar, ye samay saansein durust karne ka nahi tha. Dhamake se janvar thoda katra zaroor gaye the, magar Veer ko punah dekh woh uski orr fir daud pade.
'Fuckkkkk!!! *Cough* This-!!!'
[RUNNN!!!!]
Woh uth khada hua aur firse dauda.
'Fucking hell Pari-!!! Jaw Long ke paas explosives ki supply kaise hai???'
[I'm thinking...! Shitttt!!!]
'Ab kyaaaaa???'
[It might be... That skill...]
'Wh-What???'
[Explo Artisan!!! Zaroor, yahi hai.]
*Ding*
[Skill name : Explo Artisan.
Description : Grants the user skills and knowledge about creating explosives.]
Description padhte hi Veer ke muh se gaali apne aap baahar nikal aayi.
'Fucckkk!!!'
Woh chotil awastha me daudta gaya aur tabhi-
[Fucking Goddamn! Look on your left-]
Usne apni baayi aur dekha. Panther uski raftar se raftar mila ke uski seedh me daud raha tha. Par, tabhi Pari ki awaaz darr ke maare ek aur baar goonji,
[Fuck!!! On your right! Dodge it!!]
Jaise hi Veer ne apne daayi orr dekha-
*Hiss*
Ek saanp apna fann felaate hue uske muh par jhapta.
'Shitttt!!!!'
*Swoooooshh*
Veer ne khudke shareer ko aage jhukate hue ek front flip maari. Saanp ka hamla hawa me hi vyarth ho gaya.
Ab Veer ko samajh aa raha tha. Ab sab kuch bhali bhaanti samajh aa raha tha use. Ye aatm-hatya thi. Yaha aana hi apni maut ko bulawa dena tha.
Kyu army kuch kar nahi paa rahi thi? Kyu Renshu jaisa system holder andar ghus ke kuch kar nahi paa raha tha.
'It all makes sense now!!! It all makes sense. Damn ittt!!!'
Jaw Long apni territory ka Raja tha. Jitna janvar khatra nahi the, uss se zyada yeh aadmi tha. Ab Veer ki samajh aa chuka tha ki kyu sarkar darr ke dubak ke baithi thi. Kyu army kuch kar nahi paa rahi thi. Kyu ladayi lene me woh darr rahe the.
Jaw Long ka yaha aatank tha!!!
Ek makkhi bhi uski ijazat ke bina yaha udd nahi sakti thi.
Veer vipreet disha me bhaag toh raha tha par jaise hi woh pul ke qareeb pahucha. Ghabrahat ke maare uska dil baith gaya.
Pul toot chuka tha. Iska matlab-
[Koi pul ko kaat ke gaya hai.]
Pul dusre chhor par latak raha tha jaha se woh kuch derr pehle aaya tha.
'Fuckkk fuckkk fuckkk!!!'
Na woh ruk sakta tha na hi ab yaha se bhaag sakta tha. Kyuki, nadi me neeche-
Magarmacch Veer ke liye hi jaise intezar kar rahe the. Usko apna ahaar banane ke liye taras rahe the. Majbooran Veer ko apna rukh badalna pada.
'Fuck this!!! Ye mere zehen me pehle kyu nahi aaya-!!!? Damn it!!'
Use tabhi ek hila dene waala vichar aaya. Jangal me woh aaya tha. Toh, janvar toh hone hi the. Ye usne pehle kyu nahi socha?
Isme Veer ki galti nahi thi. Agar, woh janvaro ke baare me soch bhi leta, parantu ye kisi ne bhi apeksha nahi kari hogi ki Jaw Long ke paas aisa kuch tha jis se woh janglee janvaro ka sahara le sakta tha.
'Why are these fucking animals following him??? Darn it!'
[Stop screaming-!!! Mein bhi wahi soch rahi hu. There's some connection. That blood trail... Shit!!! Uske paas kuch hai jiske chalte ye janvar uske ishaaro par naach rahe hai. Give me some time!!!]
'What to do now?'
[Stall them until then!!!]
'Shitttt!!'
Usne bhaagna jaari rakha. Sthiti battar hoti jaa rahi thi. This was all a setup. Ek ambush!!! Jo ki Renshu ke liye sajayi gayi thi par iss gaddhe me girna waala Veer bann gaya.
Woh mann se haara nahi tha. Magar, virodh me ladne ke liye use kuch soojh hi nahi raha tha. Jab tak ye janvar uske peeche the, tab tak woh kuch nahi kar sakta tha.
Bhaagte bhaagte uska perr punah ek aisi jagah pada jaha nahi padna chahiye tha. Ret ke neeche hi kuch chhipa tha.
Veer ne jaise hi dekha-
*Sling*
Rassi ka phanda uske perr me bandh gaya aur agle hi shan woh khicha chala gaya.
'Fuccckkkk!!!'
Uska shareer upar ped par khichta jaa raha tha. Ek trap!!!! Usne turant hi rassi ko dekha aur-
*Ding*
HAWKEYE!!!
Hidden knife rassi ko cheerte hue kaat gayi. Woh neeche gira. Parantu, jaise hi uska shareer zameen ke sampark me aaya-
Veer ka shareer neeche hi jaata chala gaya. Another trap!!!! Upar patto se bikheri gayi woh-
Ek pit thi!!!
'Goddamn it!!!!'
Ek gaddha!!! Veer ke usme girte hi, usne apni utaar toh perro par hi ki parantu,
*Hissss*
'N-No-!!!!'
Andar ek sarp pehle se hi maujood tha. Ek poora full fledged aur well thought trap. Bachne ka samay nahi tha. Veer ke reflexes iss baar dheeme pad gaye. Saanp lapka...!
Aur, tabhi-
*Ding*
PROBABILITY MANIPULATION!!!
Crimson dwara paapt kiya woh card pehli baar aaj activate hua. Veer ka perr apne aap andar ki namm mitti ke chalte fislan kha gaya. Uska sarr peeche hua, aur saanp dusri orr jaake jaake zameen se jaa bhida. Probability manipulation ne Veer ke upar hamla hone ki probability badal di thi.
Mauka na gawaate hue usne turant hi wall run kar upar chadh haath felaate hue gaddhe ke baahar ki zameen ko jakda. Aur usme se baahar nikal aaya.
'That was close-!!!'
Saansein abhi theek se durust hi ki thi ek awaaz ne uske raungte ek baar fir khade kar diye. Koi tezi se uski orr aa raha tha.
.
.
.
.
.
.
.
.
.
Aaj ke liye itna hi guys.
I know cliffhanger par update samapt hua hai. Par, aisa hi hai. This update consists of 10.5k words. Aane waale updates sab aise hi cliffhanger par samapt hoyenge toh taiyaar rehna. I also know ki mein ek hafte late hu. But you can already see ki kitna kuch prepare kiya gaya hai. Sirf itna hi nahi hai. Aane waale updates ke liye bhi maine sab prepare kar liya hai. Isliye, itna waqt laga. And, yes those sketches are hand-drawn by me. Tumhara Bhai ek zamaane me school aur college me famous artist tha. Uss qala ko kaam aur waqt ke abhaav ke chalte kayi saal pehle chorr diya tha. Sirf ju logo ke liye use wapas se baahar nikala hai. I hope ju ko pasand aaye honge. Baaki, rahi baat target ki toh iss baar seedhe 200 hai. Pahucha do. Bolna na pade mujhe. Bahut samay diya hai maine. Tagde revos ka intezar rahega.
Dhanyavad!
Shashank Sharma
New Member
- 38
- 63
- 18
Damakedar update bhai Mja aa gayaHoli special
Update - 176 ~ Heavy Violence (2)
Ab tak...
PROBABILITY MANIPULATION!!!
Crimson dwara paapt kiya woh card pehli baar aaj activate hua. Veer ka perr apne aap andar ki namm mitti ke chalte fislan kha gaya. Uska sarr peeche hua, aur saanp dusri orr jaake jaake zameen se jaa bhida. Probability manipulation ne Veer ke upar hamla hone ki probability badal di thi.
Mauka na gawaate hue usne turant hi wall run kar upar chadh haath felaate hue gaddhe ke baahar ki zameen ko jakda. Aur usme se baahar nikal aaya.
'That was close-!!!'
Saansein abhi theek se durust hi ki thi ek awaaz ne uske raungte ek baar fir khade kar diye. Koi tezi se uski orr aa raha tha.
Ab aage...
Mahaul tang tha. Do insaan jo ek dusre se anjaan the woh aamne saamne ek dusre ka adanga bann ke khade hue the. Dono ek dusre ki taaqat ki kshamta ka aaklan kar rahe the.
[Something's off about him!!!]
'Hmm!'
Lloyd ki gambheer awaaz Renshu ke mann me goonji jis se woh poori tarah sehmat tha. Saamne khada ye naujavan...! Kuch ajeeb si anubhuti de raha tha.
Achanak se ek system holder ka prakat hona aur unn par hamla karna. Kuch andhruni taur par pak raha tha, jis se Renshu anibhigya tha.
Uske maathe par paseene ki boonde chhayi hui thi. Aankhein gambheer taur par uss agyaan naujavan system holder par tiki thi.
Uski instinct 'Enlightenment' use aagah kar rahi thi. Har mushqil mod pe 'Enlightenment' use raasta dikha deti thi. Woh dekh paa raha tha ki uske liye koi jaal bicchaya gaya tha. Usne khamosh khade uss system holder ko dekh bola~
"Apne iraade toh tum batane se rahe ladke...! Lekin, ek baat yaad rakhna! Iss maamle me dakhal andazi deke tumne apne aap ko Order ka dushman bana liya hai."
Parantu, veh ladka abhi bhi shaant hi bana raha. Renshu ke agle hamle ke liye khud ko taiyar karne laga. Kahi na kahi ye baat Renshu ko aur bhi zyada gussa dila gayi ki anjaan system holder uski baato ka jawab tak nahi de raha tha. Jaise maano samay vyateet karna chaah raha ho ya fir woh uski nazro me kuch tha hi nahi.
"Mein sahi tha. Tum kuch bhi ugalne waale nahi-! Theek hai fir!!! Tumhare muh se ek ek shabd mein khud ugalwaunga!!!! LLOYD!!!' Woh garja!!!
[Ready!!!]
Agle hi pal uske haav bhaav badal gaye. Nazre kisi sher ke maafiq uss system holder par tik gayi, mutthi apne bhaale par usne jamm ke kassi. Aur, woh uss system holder par aage badh jhapatne hi waala tha jab uss ladke ne apne peeche tange tarkash se ek teer nikala aur-
*Swoooossshhhh*
Teer seedhe Renshu ki aankh ki orr poori gati se aaya magar, usne use ek jhatke me apne haath se jakad liya. Aur-
*Crack*
Use do tukdo me baant diya. Uski aankhein ab apne shikaar par poori tarah se sthir thi.
"Galti meri hi thi, jo maine 'Mayhem' ka istemal pehle nahi kiya. Lekin, koi baat nahi. Uska bhugtan tumse ho jayega!" Woh itna bol-
*Whooooooosshhhh*
Apni jagah se ek jhatke me aage dauda. Uss unknown system holder ki aankhein shan bhar ke liye bhay ke maare fel gayi aur badle me woh bhi sarpat andar gehre jangal ki orr bhaaga. Ghode ki tez chaal ke bhaanti daudate hue woh Renshu se duri banane me qamyab tha.
[Woh humse tez hai, Renshu. Sambhal ke peecha karo.]
'Ek agile system holder!? Kahi...? Assassination type? Samajh gaya!'
[Behtar hoga agar use Order se jod le toh...!]
'Ye ab sambhav nahi!'
Jangal ke ghane pedo ke beech se guzarte hue ghapp andhere me do system holder lagatar bhaagte jaa rahe the. Unke perro ke neeche aate sookhe patte kuchal rahe the aur dono ke beech ek paryapt duri bani hui thi. Jo ki zahir tha kyuki woh naujavan Renshu se 'Agility' me aage tha.
*Ding*
['Trap Master' is in use.]
Daudate daudate hi Renshu ki gardan kisi chidiya ki tarah idhar udhar hote hue traps ki talashi me jut gayi.
*Whissshhh*
Uska bhaala hawa me udta hua jaake seedhe ek gupt rassi ke baandh pe jaake laga. Rassi tooti aur patthar giraane ka jaal wahi nasht ho gaya. Toh wahi patto ki parat se dhake hue kuch gehre gaddho ko usne patthar fek unka uddeshya bhi wahi mita diya.
Jaise jaise woh aage badh raha tha, raaste me aane waale sabhi jaalo ko nasht karta jaa raha tha. Isi raaste se uske aadmiyon me se koi bhi aage aa sakta tha. Unke liye jaal se mukt raasta taiyar karna uski ek zimmedari thi.
Idhar bhaagte bhaagte punah Lloyd ne use sachet kiya.
[He's luring you deep inside the forest.]
'Jaanta hu, Lloyd!'
[Be prepared for the worst. Aage kuch bhi ho sakta hai. Par, andar jaana bhi humari majboori hai.]
'Hmm!'
Anjaan system holder Renshu ko jaise kisi prakar ke jaal me fasaane ki taiyaari me tha. Andhere jangal me woh use na jaane kaha liye jaa raha tha. Dono hi tez raftar se bhaag rahe the. Tabhi, woh ladka achanak hi uchhalte hue peeche ko ghoom gaya. Dhanush ki pratyancha par teer chadha. Aur, ladke ne teer ko kass ke kheench ek baar me Renshu ki orr chhor diya.
*Swiiiiiiisssshhhhhh*
Renshu, jo theek uske peeche bhaag raha tha, uske tez qadam shan bhar ke liye dheeme pad gaye. Teer uski orr hawa ko cheerte hue aaya toh zaroor magar, woh uska nishana nahi tha jaise-! Balki, teer uske bagal se neeche zameen me jaa gira.
'Huh!?'
[Shit! Renshuuuu-!!!]
Aur, Lloyd ko awaaz dene me halki si derr ho gayi.
*Booooooooommmmmm*
Ek Dhamaka! Dhua vatavaran me fel gaya aur usme se gussail Renshu hawa me udta hua bahar nikla. Chhota lekin ek ghaatak visfot jo use buri tarah se ghayal kar sakta tha agar woh na hoti.
Rapid Reaction!!! Uske paas maujood behatreen skills me se ek. Ye aaj na hoti toh shayad woh buri tarah zakhmi ho sakta tha. Hatasha aur krodh se uski bauhe fadakne lagi. Dhamake ke chalte uske badan par dhue ke kaale dhabbe bhi pad chuke the.
'Ye toh-! Explosive arrows!?'
[Hmm! Asal zindagi me ye nahi hote. Lekin, inhe banaya jaa sakta hai. Mujhe yakeen hai ki uske paas inhe banane ki koi skill hai. Mujhe toh ye jaan ke bhi taajub nahi hoga agar uska dhanush bhi uske haatho se banaya gaya ho.]
'Let me do it! Check!!!'
*Ding*
[A self made adjustable bow.]
[Dekha? Mein sahi tha.]
'Ab kya?'
[Unn explosive arrows se sambhal ke rehna hoga hume. Maine uski pehchan kar li hai. Uske agli baar vaar karte hi mein tumhe satark kar dunga.]
'Good!'
Ladka mauka dekh punah bhaaga. Peeche peeche Renshu bhi gusse me aaya. Krodh toh sawaar tha uspe magar uss krodh ko usne apne sochne, samajhne aur nirnay lene ki kshamta par haawi hone nahi diya. Aur, isme sabse zyada madadgar thi uski instinct ~ Enlightenment!
Kintu, jis baat ka darr tha akhir wahi hua. Jangal ki gehraiyo me uss anjaan system holder ka peecha karte karte woh aa toh gaya. Magar, aate hi use samajh aa gaya ki maajra kya tha. Woh ladka uss se ek seemit doori bana ke khada ho gaya. Chaand ki raushni me uski halki halki chhavi nazar aa rahi thi. Aur fir-
Ek raushni!
Aag ki lau andhkar me achanak Renshu ke saamne khade ladke ke peeche se jagmaga uthi.
Mashaal! Aur, fir ek aur-! Aur, ek aur...! Aur, ek ek karke uske ird gird mashaalo ka samooh banta chala gaya. Renshu ki aankhein hairangi me chaudi ho gayi. Woh jaise jaise apni daayi orr mudta gaya, ek ek karke mashaale andhere me jalti gayi. Woh ghir chuka tha. Yahi woh jaal tha!
[Isliye, woh tumhe yaha laa raha tha. Ye Unit 2 nahi lag raha. Ye alag se aadmi iske dwara laaye gaye hai shayad.]
'Lloyd---!'
[I got it.]
*Ding*
['Mayhem' has been equipped.]
*Ding*
['Mayhem' is now in use.]
Achanak hi uske mann me ek lamba sa virtual bar bann ke aa gaya. Usne Kung fu ka stance liya aur zorr se gurraaya-
"Come-!!!!"
Aur, tabhi-
"Haaaaaaaaaa-!!!!!"
"Haaarrrrgggghhhhh!!!"
"Hamlaaaaaaa-!!!!"
Neeche sthit aadmi uss par daudate hue toot pade. Toh, wahi upar pedo par baithe aadmi uss par teero ki varsha kar diye.
*Swish* *Swish* *Swish* *Swish*
Aadmi uss system holder ke peeche andhere me se agal bagal se nikalte hue aate jaa rahe the aur woh chup chaap wahi khade sab kuch dekh raha tha. Ek ke baad ek teero se apna bachaav kar Renshu seedhe aadmiyon se bhidne me ulajh gaya. Aur, 'Mayhem' apna jalwa dikhane ke liye taiyar tha.
Pehle aadmi ke aate hi Renshu ne bagal me hote hue khud ko uske hathyar se bachaya, uska ek haath seedha aadmi ki gardan par jaa ke pada.
*Chakkkkk*
Dusra haath seedha kamar par jaa ke laga.
*Whakkkk*
Aur, akhiri vaar seedhe thuddi ki orr gaya-
*Bokkkkk*
Jis se veh aadmi hawa me udte hue muh se thook aur khoon nikaal door jaa gira. Aur, isi ke saath Renshu ke virtual bar me ek point jud gaya. Kintu, yeh hua kaise? Aur, kya tha ye virtual bar?
Uske arsenal me sabse behatreen cards me se ek ~ 'Mayhem'
Ye woh card tha jo aisi group fights ke liye hi banaya gaya tha. 'Wushu' ya saral shabdo me 'Kung fu' ke moves par hi ye card apni bhumika nibhata tha. Uske paas pehle se hi 'Wushu' skill thi jisme woh maahir tha.
Wushu ka istemal kar agar woh combo ender apne dushman pe land karta hai, toh dushman 1 second ke liye achet ho jayega. 1 second dekha jaaye toh vastavik roop me kam tha, lekin system holders ke liye wahi ek second poori ki poori ladaayi ka nateeja tay kar sakta tha. Par, shart yahi thi ki combo ender dushman ke shareer par utara jaaye.
Kintu, kya bas yahi tha? Hargiz nahi! 'Mayhem' system holder ko ek virtual bar provide karta tha. Harr ek dushman jo Renshu ke haatho dher hota jayega, uske badle me virtual bar me ek point chadhta jayega. Agar, bar 5 points tak pahucha toh agla hamla do guna lethal damage ka hoga.
Ye thi taqat 'Mayhem' ki. Renshu ne Unit 1 ko dher karne me iska istemal nahi kiya tha. Warna, uske paas ab tak na jaane kitne bars stack ho chuke hote. Yeh system holder uske liye koi khatra nahi hota fir. Magar, iss baar woh taiyaar tha. Woh khud bhi jaan ke hi andar jangal ki gehrayi me uska peechha karne aaya tha. Aur, unke iss ek aadmi ko dher karne ke baad use ek point mil chuka tha. Ab baari thi baakiyon ki.
Apne aadmi ko itni asaani se ghayal hota dekh baaki sabhi bhauchakke toh hue par unke qadam zara bhi nahi ruke.
"Aaarrrghhh!"
"Uummmphhhh-!!!"
"Urrrrghhh!!"
Fir bas, unki ghur ghurati awaazein uss ilaaqe me fel gayi. Ek ke baad ek sabhi Renshu ke kung fu moves ka shikar hote chale gaye aur use points par points bhi de gaye.
Parantu, woh system holder abhi bhi yuhi shaant khada hua tha. Renshu ko inn aam logo se khatra nahi tha. Woh yeh baat jaanta tha aur isliye ladte waqt uss ladke par bhi poori tarah se dhyaan rakhe hue tha.
*Klaaaang* *Claaaanggg*
Mashalo aur chaand ki raushni ke alawa hathyaro ki aapas me bhidne ki chingariyaan bhi ilaaqe me chamakne lagi. Renshu ka harr ek move itna sateek aur nishaane par tha ki tribe ke log keede makodo ki tarah dher hote jaa rahe the.
Uska bhaala chain ke saath aise ghum raha tha ki kuch aadmi bhaale ka shikaar hote toh kahi kuch chain ke lapete me aake dur fik jaate. Kuch ped se jaa bhidte toh kuch zameen par ghisatate hue lot jaate.
Unke perr ab kaapne lage the. Unhe apne Lord Jaw Long ki upar poora vishvas aur garv tha. Aur, aaj woh sab samajh paa rahe the ki Order ka Lord bhi koi aera gera nahi tha.
"D-Daanav! Y-Ye aadmi daanav hai!"
"H-Hamare hamle- hamare hamle uss tak pahuch hi nahi rahe!!!"
"Ye kaise ho sakta hai? *shivers* Hamara ek jhund pehle hi haar chuka hai. L-Lord-! Hume Lord tak khabar-"
Magar, uske shabd adhoore hi reh gaye. Renshu ke bhaale ki chain akasmat uski kamar par aake bandhi aur Renshu ne use ek jhatke me apni orr kheench liya. Woh aadmi udta hua uski orr aaya aur-
*Gwakh*
Apne gale ko uske bhaari bharkam haath me saunp diya. Ek haath se hi Renshu uss aadmi ko zameen se upar uthaaye hue tha. Yeh manzar dekh sabko khauf ke chalte saanp soongh gaya. Aur, fir Renshu ne bolna shuru kiya.
"Tum sab ko abhi bhi mauka diya jaa raha hai. Humne baahar kisi ko bhi jaan se nahi maara hai. Agar, tum apne logo ki chinta karte ho toh abhi bhi waqt hai. Jao...! Aur, unhe bacha lo. Kahi derr na ho jaaye."
Ye sunte hi tribe ke logo ko do jhatke lage. Pehla toh yeh ki Renshu unse unki hi tribal bhaasha me bol raha tha. Woh iss tathya se anibhigya the ki Renshu ek system holder tha aur use sabhi bhashaayein aati thi.
Toh wahi, dusri taraf unke taajub hone ka kaaran tha Renshu ke aadmiyon ke dwara unke aadmiyon ko bina jaan se maare chhor dena. Yaha unke Lord ne toh keh ke bheja tha ki yeh ladayi ab aar ya paar ki hai. Kya yahi baat Renshu ke logo par laagu nahi hoti? Bilkul hoti thi.
Fir, uske bawajood-!?
"Legion se kabhi bhi Order ki dushmani rahi hi nahi hai. Mein toh sirf sahi ke liye ladd raha hu. Mine ko apne qabze me karna... Yeh ek apradh hai. Mine rashtra ki sampatti hai. Uss par sirf kuch logo ka haq nahi ho sakta. Tum sab khud socho. Kya Order ne kabhi bina wajah Legion pe hamla kiya hai?"
Uski baatein jaise logo par prabhav daal rahi thi. Sab ke sab sankoch me nazar aane lage the.
"M-Mujhe lagta hai...! Shayad... W-Woh sahi hai!"
"Huh? Tum pagal ho gaye ho kya?"
"Nahi! Mujhe bhi lagta hai ki iss baat me sacchayi hai."
"M-Mera bhai-!! Mera bhai pehle jhund me tha. M-Mujhe jaana hoga. Use bachaane."
"Tum sab ab dagabazi karoge? Legion ko akela chorr kar bhaag rahe ho?"
"Bhaag nahi rahe hai. Par, ye baat sach hai ki hume apne logo ki chinta hai. Kya tumhe nahi hai?"
"Mujhe bhi hai par-"
"Toh mein jaa raha hu. Tumhe jo karna hai karo."
Unke jhund me se ek aadmi nikal ke Unit 1 ki orr bhaag gaya. Woh sirf akele nahi the yaha. Jagah jagah unki basti bani hui thi jangal me. Aur, unn gharo me unki patniya, bacche, budhe buzurg, unka parivar unka intezar kar raha tha.
Aaj agar woh sab yaha maare jaate hai toh kal ko unke parivar ki dekhbhal kaun karega? Sabhi ke mann me jaise yeh baat toh aayi magar ek sandeh bhi paida hua. Iske pehle ki baaki sab bhi uss aadmi ke peeche peeche jaate, unhi ke ek sadasya ne unhe rokte hue kaha.
Aadmi 1 : Zara ruko tum sab!!! Y-Ye ek chaal bhi toh ho sakti hai na?
Aadmi 2 : Sahi kaha. Kya pata ye hume fasaane ke liye ho? Kya pata hamare aadmiyon ko pehle hi inn logo ne maar diya ho aur iske aadmi hamara waha intezar kar rahe ho?
Aadmi 3 : Ekdum sahi kaha! Bhala hum kaise maan le ki tum jhooth nahi keh rahe?
Renshu ki bauhe pareshani me sikud gayi.
Renshu : Jhooth keh ke mera koi fayda nahi. Tum sab khud socho. Agar, mein chaahta toh tum sabhi ko abhi hi yahi maar sakta tha. Par, kya maine kisi ki bhi jaan li?
Uske itna kehte hi sabhi ko ek bada jhatka laga. Yeh baat satya thi. Jab se woh ladd rahe the tab se kisi bhi aadmi ne apni jaan nahi gawayi thi.
Renshu : Mein aur mera hathyar tum sabhi ko maarne me poori tarah se saksham hai. Kya tum sab iss baat se sehmati nahi rakhte?
Sab ke sab khamosh reh gaye. Kyuki, ek ek baat jo Renshu ugal raha tha usme poornta sacchayi thi. Ise nakara nahi jaa sakta tha.
Shuru se hi unhone kabhi yeh nahi socha tha ki uska saamna karna asaan hoga. Lekin, unhone yeh bhi nahi socha tha ki woh sthiti ko sambhal nahi payenge. Akhirkar, yaha har ek aatmvishvas se bhara hua yoddha tha. Magar, jis tarah Renshu ne unke aadmiyon ke saath khela, uske aage sandeh jaisa kuch reh hi nahi gaya tha. Ve sab haath khade karne par majboor the.
Aadmi 1 : Dekho! M-Mujhe nahi pata tum sach keh rahe ho ya jhooth. Par, agar waqai tumne hamare aadmiyon ki jaan nahi li hai toh... Ye baat hum sabhi yaad rakhenge.
Aadmi 2 (nods) : Hmm!
Aadmi 3 : Lekin, iska matlab ye nahi ki hum Order ke gulam ho gaye hai.
Renshu : Mera kaam sirf tumhare leader se hai. Khoon kharaba karna hota toh mein tumhe kab ka maar chuka hota. Order na kabhi inn siddhanto par chala hai aur na hi chalega.
Aadmi 2 : Aur, hum sabhi Legion ka hissa rahe hai. Hamara kartavya hai ki hum apne ghar ki rakhwali kare. Magar, ye baat bhi sach hai ki agar tum hume maarna chaahte toh sach me maar dete.
Aadmi 3 : Haan! Aur, isliye-
Kehte hue woh Renshu ke raaste se alag ho gaya. Woh akela nahi tha. Uske saath uske saathi jo pehle ladne ke liye taiyaar the woh bhi uske maarg se hat gaye.
Renshu : !!??
Unka ishara saaf tha. Veh sab Renshu ki madad toh nahi karne waale the magar apne haath khade karte hue unhone ek prakar se uski madad kar hi di. Renshu ne unhe dekh haami bhari. Aur, uske baad woh log ghayalo ko utha ke unke gharo ki orr chal diye.
Yeh jhund bhi jaise taise raaste se hatt gaya. Unke jaate hi Renshu ne wapas apni nazre jab saamne gadayi toh use ek bura abhaas hua. Woh ladka-! Woh waha nahi tha. Woh gayab tha!
'Shit!!!'
Aur, achanak-
[Renshu-!!!! Dodge!!!]
Lloyd ki awaaz sunn Renshu apni jagah se uchak gaya. Uske hatate hi sansanata hua ek teer zameen par aake gira aur-
*Booooooooommmmmm*
Ek aur dhamaka. Ye wahi explosive arrow tha. Iss baar Lloyd ne ek nazar me hi pehchan liya. Renshu abhi hawa me hi tha. Uske qadam zameen par utar hi rahe the jab uss ladke ke chehre par ek kutil muskan fel gayi.
Ek sihran Renshu ke badan me daud gayi. Hawa ko cheer ke kaatate hue aa rahi ek awaaz-
"-!!!!!"
*Swoosh* *Swoosh* *Swoosh*
Woh koodne ke baad jaha utar raha tha, usi disha me dhue ko cheerte hue ek aur teer uski orr aaya. Ek jaal!!! Apne aap uske haath ne harqat li aur apne bhaale ki chain ko jorr se kheencha. Chain kisi saanp ki tarah aake fauran hi uske haath me lipat gayi aur-
*Claaaaannngggg*
Teer chain se jaa bhid usme dhans gaya. Teer ko chain par se nikal usne use alag kiya.
'He's getting on my nerves.'
[Use the bar's power on him.]
'Hmm!'
Woh dauda. Lekin, iss baar ladka bhi uski orr dauda. Dono ek dusre ki taraf aane lage. Aur, jaise hi faasla kam hua ladka hawa me ucchalte hue ulta ho gaya. Renshu ko koi mauka hi na mila. Ladke ke uchhalte hi kuch chhoti chhoti nukeeli cheezein seedhe uski taraf aayi, jinse woh poori tarah se bach na saka.
*Khaccchhh* *Khaccchhh*
'Shit!!! Shurikens???'
Woh nukeele shuriken uske shareer me jagah jagah ghus gaye. Koodate waqt ladke ne ye pehle hi fek diye the. Koodate waqt??
'Ek minute!? Shitttt...!'
Iska matlab woh ladka ab... Uske kaano me tabhi peeche se ek awaaz padi,
"Never turn your back on your enemy."
[Renshuuuu-!!!!]
Lloyd cheenkha aur agle hi pal-
*Baaaaammmmmmm*
"Urgh!!"
Renshu dur hawa me udte hue jaa ke gira. Usne vaar ko apne dono haatho se chhek ke apne chehre ko toh bacha liya. Magar, haatho me jamm ke chot pahuch gayi. Ladke ke haath me lohe ki ek rod thi. Koi shaq nahi tha ki ise bhi usi ne banaya tha.
'This is getting troublesome!'
Haatho ko mal, Iss baar woh punah dauda. Ladka bhi uski orr aaya. Magar, iss baar Renshu hawa me chhalaang maara.
'Huh!?'
Ye dekhte hi ladke ke qadam beech raaste me tham gaye. Renshu ke ek haath me uska bhaala tha toh wahi dusre me uski chain. Usne ladke ki taraf hawa me hi apne bhaale ki nok se nishana lagaya aur bhar taqat se use ladke ki orr fek diya.
Ladka ghabraate hue turant hi back hand spring maarne ke liye peeche gulati maara... Aur, tabhi Renshu ke hontho par ek kapti muskan saj gayi.
Jo bhaala usne feka tha, ek jhatke me usne use apni orr wapas kheech liya. Aur, iss baar chain ko ghuma ke fek diya.
*Kha-ching*
Peeche gulati maar raha ladka saamne ke drishya se anibhigya tha. Uska chehra neeche ki orr jo tha. Usne jaise hi chain ki awaaz suni uski aankhein bhay ke maare chaudi ho gayi.
'A Feint Attack??? Sh-Shit!!!'
Use bachaav ka koi samay na mila. Chain tezi se aake uske perro par bandhi. Full force ke saath Renshu ne uss ladke ko chain se kass ke kheencha aur woh udta hua perro me chain se bandhe Renshu ki orr aaya aur-
*Pooooooooooooowwww*
Mayhem ka ek bar upyog ho gaya. 200% Lethal Damage. Ladke ke pait ki atadiya jaise baahar aane ko ho gayi, uske muh se dherr saara khoon nikla aur woh jaa ke seedha ek chhote ped se jaa bhida. Ped do tukdo me vibhajit ho gaya aur neeche gir gaya.
*Huff* *Huff*
Renshu apni saanso ko durust karte hue apne badan se shurikens ko nikalne laga. Ab iss ladayi me uska upper hand tha. Bhaale ko zameen par zorr se khoste hue usne apni nigaahein ladke par tikayi.
"Ab tum saari baatein ugloge!!"
***
Wahi idhar bahar ka mahaul bhi bigda hua tha. Erica jawano aur Order ke aadmiyon ko chorr ke jaa chuki thi. Aur, inn sabhi ko ab lead karne ki zimmedari uss jawaan pe thi jo Renshu aur Erica ke sang chal raha tha.
Jawaan 1 : Miss Erica na jaane aise andhere jangal me kaha akeli chali gayi hai.
Jawaan 2 : Kya hume unke peeche jaana chahiye?
Jawaan 1 : Hume pata hi nahi hai ki woh gayi kaha hai. Aise me unka peecha karna waqt ki barbadi hi hogi. Kahi hum anchaahe jaal ka shikaar na ho jaaye. Behtar hoga ki hum unke kahe anusar aage badhe aur Unit 2 se engage hoye. Aap sab kya kehte ho?
Jawaan 2 : Haan, mein sehmat hu.
Order ke log bhi uski baato se raazi the magar unhe Erica ki chinta bhi utni hi sata rahi thi.
Aadmi 1 : Mein kya kehta hu... Hum me se 2-4 log Miss Erica ko dhundhne ke liye chale jaate hai. Kya pata woh kahi kisi mushqil me fass jaaye? Aur, madad ka intezar kare? Aise me hamara ye farz banta hai ki hum unki madad ke liye pahuche.
Aadmi 2 : Tumne theek kaha. Suno! Jo bhi 3-4 log Miss Erica ko dhundhne jaane ke liye taiyaar hai woh aage aaye.
Uske kehte hi 15-20 aadmi ek saath aage aa gaye.
Aadmi 2 : Itne nahi. Sirf 4. Tum dono aur tum dono. Tum chaaro Miss Erica ko dhundhne jaoge. Jo bhi samaan abhi lena hai bag me rakh lo. Yaha se hum apne apne raaste ho jayenge.
Poorn taiyaari ke baad 4 log Erica ki khoj me uss disha me nikal gaye jis disha me woh bhaagi thi. Toh wahi, Jawaan samet baaki sabhi jangal ki aur bhi gehrayi me Unit 2 ka saamna karne ghus gaye.
Divya, uska escort Clark, security aur jawaan bhi sab saath me peeche chal rahe the. Pareshani agar kisi baat ki thi toh woh yahi thi ki Veer ke baare me ab tak use koi khabar pata nahi chali thi.
Divya : Mister Renshu kaha par hai?
Jawaan 3 : Mister Renshu aage unke kisi skilled fighter se fight me engaged hai. Unhone ye mauka hamare liye banaya hai. Yaha se Unit 2 ke saath bhidant hogi. Aap sab mere peeche hi rahiyega. Hume ladayi me nahi rehna hai. Unki nazro se dur rehna hai.
Divya (nods) : Hmm!
Usne haami bhari. Magar, chinta thi jo khaaye jaa rahi thi. Jaise jaise samay beet raha tha wese wese Divya aur bhi zyada bechain hoti jaa rahi thi. Kaaran sirf ek hi tha - Veer ki safety.
***
"Damn it! Damn it-!!! Kaha ho tum??"
Erica tez raftar se bhaag rahi thi. Gati ke chalte uske baal hawa me zorro se lehra rahe the. 'Nocturnal Shade' aur 'Dead Silence' dono hi activated the, jiske chalte use andhere me dekhne ki na hi koi taqleef ho rahi thi aur na hi uske qadmo ki awaaz sunayi pad rahi thi. Woh aise bhaag rahi thi jaise ek billi raaste par bhaagti ho. Koi awaaz nahi.
East side ke entrance se pravesh woh pehle hi kar chuki thi. Aur, Veer ki talashi me juti thi. Magar, abhi tak Veer ka koi bhi naam-o-nishaan nahi mil raha tha.
"Just, where are you-!?"
Aur, kuch duri tay karne ke baad hi uske qadam saamne ke drishya ko dekh tham gaye.
'What the-!?'
Uske saamne ek neher thi. Parantu, uske upar bana rassi aur lakdi ka pul kata hua neeche latak raha tha. Erica ne neeche jhaank ke dekha toh paaya ki pul ka thoda hissa neher ke andar bhi dooba hua tha. Usne wapas apni nazre saamne gadayi.
[Pul ko saamne ki orr se kisi ne kaata hai, Erica.]
'Tumne sahi kaha Genie. Aur, ye abhi kuch derr pehle hi kaata gaya hai. Shit-!!! Iska matlab Veer zaroor uss orr hai. Woh wapas kaise aayega?'
Woh pul ko dobara se sahi karne ke baare me soch hi rahi thi jab uski nazre unn magarmaccho par padi jo beecho beech ek adanga bann ke waha niyukt hue terr rahe the.
'Shittt-!!! Ye yaha kya kar rahe hai? Ek hi jagah par!? Aisa lag raha hai kisi ne inhe jaan boojh ke yaha par chhora ho.'
[Ab uss orr jaane ke do hi upaay hai. Ya toh tum inhe pehle yaha se kisi tarah distract kar ke hatao aur fir terr ke jao. Ya fir thodi dur side se chhalaang lagao aur fir terr ke uss orr jao. Upaay koi bhi ho, udhar terr ke pahuchne ke baad tumhe climb toh karna hi padega kyuki pul toot chuka hai.]
'I know! I know! Let's try the first method first.'
Erica ne neeche zameen se ek patthar uthaaya aur nishana lagaate hue zorr se neher me unn magarmachho se halka sa dur fek diya.
*Splash*
Magarmacch chaukanne hue, woh sabhi terrte hue uss orr gaye magar, do teen chakkar maarne ke baad wapas se apni jagah par aake jamm gaye.
'What the-!?'
[They are keeping a watch. Hume dusra method hi try karna padega. Let's go!]
'Urgh! Alright-!'
Na chaahte hue bhi Erica ko apna rukh badalna pada. Woh dayi orr aage badhi. Kuch duri par aane ke baad usne neeche dekha. Neher me halka halka bahaav tha. Lekin, ye bahaav zyada tezz nahi tha. Woh apne shareer ko behne se rok sakti thi. Agar, bahaav tezz hota toh woh behte hue unn magarmaccho ke paas pahuch jaati. Aur, fir waha se nikalna uske liye bhaari pad jaata. Shayad woh maari bhi jaa sakti thi.
'I can handle this much current.'
[Good! Then, dive in!]
Kapde pehen ke paani me koodna Erica ko zara bhi pasand nahi tha. Magar, woh janti thi ki Veer abhi mushqil me tha. Samay zaaya nahi kar sakti thi woh-
'You better thank me later, Mister-!!!'
Aur, mann me budbudate hue woh uss chhor se kood gayi.
Chhapaak ki awaaz ke saath woh neher me aake giri. Neher gehri thi aur chaudayi me badi bhi. Yeh sirf Lancang Mekong ki kayi tributaries me se ek thi jo jangal me se hoke guzarti thi. Agar, yeh swayam Lancang Mekong nadi hoti toh Erica ko ise paar karne ke baare me 10 baar sochna pad jaata.
Neher paar kar woh dusre chhor par aayi aur usne chattaan ko pakad upar chadhna shuru kar diya. Pattharo par apne haatho ki pakad mazboot banaate hue woh ahista ahista upar chadhti gayi jab tak ki ekdum upar na pahuch gayi.
*Huff* *Huff*
Upar aate hi usne ek rahat ki saans li. Uske poore kapde paani se bheeg chuke the. Halki thand ke chalte uska badan bhi ab kaanpna shuru ho chuka tha.
Genie ne turant hi 'Chameleon' ka upyog kar uske badan ka tapmaan sahi kiya tab jaa ke Erica ko thoda behtar mehsoos hua.
Aur, bina waqt barbad kiye woh punah aage badh gayi. Pul isi orr se kaata gaya tha iska matlab khatra iss orr hi tha. Isliye, woh sambhal ke apne qadam aage badha rahi thi. Kuch duri hi usne abhi tay ki thi ki tabhi use bhi-
'Huh!?'
Woh gandh aayi.
'Th-This-!'
[It's blood!]
Khoon me maujood lohe ki dhaans hawa me soonghte hi Erica ke badan me ruye khade ho gaye.
*Whooooosh*
Woh apni jagah se gayab hui aur ped par chadh gayi. Usne apne aas paas poore ilaaqe ka aaklan kiya lekin kahi bhi kuch bhi use nazar na aaya.
Ek ped se dusre ped ki daali me chhalaang maarte hue woh thoda aur aage badhi. Jaise jaise woh aage badh rahi thi, khoon ki mehek aur bhi prabal hoti jaa rahi thi.
'What the hell is this-!? Urgh!'
Aur, tabhi woh ek daali par aake ruk gayi. Neeche use saaf saaf khoon ki ek lambi rekha dikhayi di.
'Y-Ye-!?'
[Kisi blood trail ki tarah nazar aa rahi hai. Pata nahi kitni dur tak gayi hogi.]
'B-But ye hai kya?'
[Check it first.]
'Ah right! Check!'
*Ding*
[A trail of fresh human blood.]
'F-Fresh human blood? Genie?'
[Hmm! Zaroor uss Jaw Long ka hi kaam hoga ye.]
'Jaw Long?'
[Hmm! He must be using some kind of skill or a card.]
'P-Par ye kaisi skill hai jisme human blood ki zaroorat padti ho?'
[There are many of them!]
'Ahhhh!? But why?? Aur, agar ye human blood hai toh-!? Toh, unka kya jinka yeh blood hai? Are they alive?'
[I don't know. Remember, Erica! Aisi bahut si skills aur cards hote hai jo evil practices bhi apnaate hai.]
'Huh???'
[Zaroori nahi ki koi skill ya card hamesha accha hi ho. They can be bad too.]
'Hmm!'
Erica bechari chup chaap Genie ki baat sunti rahi. Use jaise ye jaan ke thes pahuchi thi ki system ka upyog insaan ke khoon se kuch karne ke liye bhi kiya jaa raha tha.
'Kya tum jaanti ho ki yeh kya hai, Genie?'
[Hmm! Mein pata laga sakti hu. Lekin, usme mujhe thoda samay lagega. Kyuki, khoon ka istemal karne waali laakho skills hai. Unme se ye kaun si ek hai iske baare me pata karne me mujhe samay toh lagega hi na?]
'Hmm! Okay! Thank you!'
[Sambhal ke aage badhna.]
'Umm! Kuch hoga toh nahi na? Mujhe kuch theek nahi lag raha.'
[Hum kuch nahi kar sakte. Hume iss trail ko cross karna hi hoga. If you want to save that guy... Then, there isn't any other option.]
'Okay! I see!'
Erica ne ped par ek daal se dusri daal par koodate hue aage badhna hi theek samjha. Neeche ka vatavaran use kuch theek malum nahi pad raha tha.
Aur, jaise hi usne trail ko paar kiya... Udhar andar Jaw Long ki bauhe prashn ke chalte upar ko ho gayi.
'We've entered!'
[Keep going!]
Erica mehsoos kar paa rahi thi ki yaha ka tapman kuch zyada hi thanda pad chuka tha. Geele hone ki wajah se use apna tapman banaye rakhne me dikkat aa rahi thi.
Bheetar pravesh karte hi use kuch ajeeb si awaazein sunayi padne lagi. Ye janglee janvaro ki awaazein thi. Erica ki dhadkane tezz ho gayi. Awaazein aur adhik bhayanak aur ugra hoti jaa rahi thi. Aur, jaise hi woh ek daal pe aake ruki.
'Nocturnal Shade' ki madad se usne dur ho rahi halchal ko gaur se dekha. Aur, jo usne dekha... Use dekh uske perr wahi kaanp gaye. Uska poora badan thar-tharaane laga. Woh itna ghabra gayi ki kampan ke chalte woh neeche girne ko hui magar, ped ko haath se thaam usne khud ko girne se bachaya aur daal pe hi thithurte hue baith gayi. Uski aankhein bhauchakke hone ke chalte feli hui thi. Aisa nazara usne aaj se pehle kabhi apni zindagi me nahi dekha tha.
Saamne-!!!
Saamne Veer ghayal awastha me bhaagta jaa raha tha aur uske peeche-!? Uske peeche poora ka poora jangal ka samrajya laga hua tha. Pedo par koodate bandaro ka samooh jo daali se latak latak ke furti me aage badh rahe the.
Neeche daudate lakadbagghe, bhediye, aur seengh waale hiran jo jhund me sirf Veer ko apne perro se kuchalne ke liye bhaag rahe the.
Upar hawa me udta baaj jo Veer ke upar kisi helicopter ki spotlight ki tarah use apni nigrani me rakha hua tha.
Aur, peeche bhaagta Black Panther, jo Veer ke maans ko apne nukeele daanto se phaadne ki firaaq me tha. Magar, khauf sirf inka hi nahi tha.
Khauf tha uss aadmi ka...! Jo inhe apne vash me kiye hua tha. Jaw Long-!!!
*Grooooowwwwwlll*
Ek aisi dahaad waha par goonji ki Erica ke poore badan me raungte khade ho gaye. Jaise hi usne Veer ke peeche apni nazro ko le jaate hue dekha toh maano uske badan se uski rooh hi nikal gayi.
Jangalo ke janvaro me se sabse ugra aur sabse ghatak ~ Baagh! Kintu, uske upar koi tha. Uss baagh ki sawari koi aur nahi balki Jaw Long kar raha tha.
Veh bhaari, peeli aankhon waala, dhaari-daar bhayankar janvar Jaw Long jaise vyakti ka wazan uthaane ke baad bhi itni tezz daud raha tha. Akhir, kitni kshamta thi usme?
Erica aayi toh Veer ko bachaane thi. Magar, drishya dekh woh itna bhaybheet ho gayi ki bechari ke perr wahi jawab de gaye.
'I- M-My legs...! G-Genie!!! Mere perr hilne ke naam nahi le rahe, Genie!!! M-My whole body is shivering.'
[Don't worry! Calm yourself!]
'N-No wonder-! *huff* No wonder his shirt was destroyed. *shivers* H-How can he???'
[???]
'H-How can he-!? Itna sab kuch hone ke baad bhi woh waha kyu hai, Genie? It's suicidal. *huff* Agar, woh waha aur raha toh maara jayega.'
[If he's running at that pace, then it means he's fine for now.]
'Y-Ye tum kya bakwas kar rahi ho Genie? *huff* Th-This is suicide! It's pure suicide. J-Just how long he has been running for?'
[Stay calm!]
'F-Fuck it-!!! Haha! H-He will die, Genie! *sniff* At this rate, he will die. *sniff* Is he stupid??? K-Kyuuu? He could have just-!!! Woh chaahta toh yaha aata hi nahi...! Even then-! *sniff* Why did he???'
[I can see now!]
'???'
[He's a man who stays true to his convictions.]
'Huh!!??'
Aur, aaj pehli baar Erica ko Veer ke uss dradh nishchay ka abhaas hua. Uss naujavan ko dekh jo aisi awastha me apne mann ko shaant banaye rakh aisi musibat se ladd raha tha, pehli baar aaj Erica ka dil kisi aur wajah se zorr se dhadka.
Veer ke punah woh bol uske mann me goonj gaye.
'You can't even imagine the chaos when 2 system holders fight each other without any restraint.'
'J-Just how many battles have he fought to achieve that level of confidence and such calmness?'
[I'm not gonna lie. I'm very impressed. Aisi paristhiti me agar khud tumhare dad hote toh mujhe nahi lagta ki woh itna shaant khud ko rakh paate.]
'!!!?'
[He might be having a very good system like me.]
'Huh-!!?'
[You are lucky... to have him on your side. Imagine the destruction he can bring if he was your enemy.]
Aisa vichaar karte hi Erica ke badan me ek sihran daud gayi. Veer agar unka dushman hota toh-!? Kya kar sakta tha woh? Woh sochna bhi nahi chaahti thi. Genie ki baat poornta sach thi. Woh sab kismat waale the jo Veer unki taraf tha.
'I-I want to help him! Lekin, mere perr kaanp rahe hai.'
[Zaroorat nahi. Jis halat me tum abhi ho uske liye ek musibat hi banogi. Khud ko shaant karo aur halaat ke hisaab se dhaalo khud ko. Use dekh ke lag raha hai ki uske paas kuch plan hai.]
'R-Really???'
[Hmm!]
'G-Genie-! Agar mein uski jagah hoti, toh shayad kab ka maari gayi hoti. Mujhe nahi lagta mein uss tarah himmat rakh ke unn janvaro se bhaagi hoti. Mere toh perr wahi jamm gaye hote. Balki, abhi bhi use dekh... Mere badan me raungte khade hue hai. Bas, soch rahi hu ki akhir uske paas kaise itni himmat aayi hogi? J-Jaw Long-!! Kisne socha tha ki uske paas aisa kuch hoga-!?'
[Abhi tum bas apne aap ko niyantran me lao. Agar, kuch anhoni ke asaar bane toh mein action lungi. I will help you. So, don't worry. For now we can watch.]
'Mmm-!!'
Woh bas Veer ke liye yaha se dua hi kar sakti thi. Iss sthiti me agar woh jaati toh Veer ke liye madad kam balki adanga zyada sabit hoti. Veer ne apni situation ko turant bhaanp ke khud ko adapt kar liya tha, magar harr kisi me ye capability nahi hoti thi.
'Fuck!! Fuck! Fuckkkk!!!'
Idhar Veer apna stamina gawata hua bhaage jaa raha tha. Ye janvar na jaane kab se uske peeche lage hue the.
'Kya tumhe kuch pata chala? For fuck sake aur kitna time lagega???'
[Urghhh! Shut the fuck up! Tumhe andaza bhi hai ki kitni saari skills hai blood se related? I had to go one by one to look for the one that motherfucker was using...!]
'Toh? Ab ye mat kehna ki kuch pata nahi laga. I've been stalling them for quite a long. Aur, ab mujhe nahi lagta ki mein unhe aur zyada chhaka sakta hu. Jaw Long-!!! Fucking hell-!! He's riding a tiger!!!'
[Fufufu~ Are you scared? Call me 'Mommy' and I will tell you everything.]
'Huh? Matlab tumne pata laga liya?'
[Of course! Mujhe pata lag gaya hai ki woh kya istemal kar raha hai.]
'Oh really? Toh? Kya?'
[First call me, 'Mommy!' Tabhi, kuch bataungi.]
'What the hell-!? You freakin-'
[Bata rahi hu. Don't spoil the mood now.]
'Be quick!!!'
[Woh blood trail... Definitely, woh human blood tha. Lekin, woh jaan boojh ke waha giraya gaya tha.]
'What? Jaan boojh ke?'
[Yes! It was this-]
*Ding*
[Legendary skill : Jemisha's Blood Ring.
Description : The skill allows the host to have limitless perception for a certain area. Pour the human blood and form a trail to create a circular ring of blood. If anyone enters the ring, the host will immediately come to know about them.
Note : There is no limit to the area covered by the blood ring. The bigger the ring, the bigger the area which can be perceived.]
'Th-This-!!'
Veer ne jaise hi skill ka description padha, toh uske hosh hi udd gaye.
'Fuck this-!! Toh ye baat thi. Isliye usko mere andar aane ka pata pehle se hi lag gaya tha.'
[That's right!]
Jemisha's Blood Ring ek legendary skill thi jo insaan ke khoon ka istemal karti thi. Khoon ko ek golakar ki rekha me kheencha jaata tha jiske baad usme pravesh karte hi system holder ko pata lag jaaya karta tha ki woh kaha par hai. Veer ke andar ghuste hi Jaw long ko pata lag chuka tha ki woh kaha par rekha ko paar kiya tha.
'Legendary skill-!!? Uske paas legendary skill hai?'
[Not one but two.]
Pari ne jaise hi ye kaha Veer ke perro tale jaise zameen khisak gayi.
'Wh-Wha-!?'
[Have a look at this.]
*Ding*
[Legendary skill : Shayna's Blood Ritual.
Description : Bestows a set of instructions to perform Shayna's Blood Ritual. A ritual meticulously written by the legendary entity Shayna herself. The host must have 'Shayna's Access' and 'Animal Kingdom' cards before performing the ritual.
Click 'here' to view the set of instructions.
Note : Ritual will only last for 25 minutes.]
'What the-!?'
Veer ko ab jaise baatein samajh aa rahi thi. Shayna's Blood Ritual woh ritual tha jisme kuch mayavi nirdesh diye gaye the. Veer ne jaise hi use 'click' kar kholna chaaha toh woh khula hi nahi. Balki, ek notification uske saamne prakat ho gaya.
*Ding*
[Only after claiming the skill you can view the instructions.]
'Toh ye baat hai. I see!'
[Ritual ki timing 25 minutes hai. Iska matlab woh janvar bas 25 minutes tak hi uss Jaw Long ke ishaaro par naachenge. Bas, 5 minute aur hold kar ke rakhna hoga.]
'Hmm!'
[Aur, rahi baat cards ki toh woh iska istemal kar raha hai.]
*Ding*
Card ko padhte hi Veer sab kuch samajh gaya.
'I see! Toh ek prakar se woh iski madad se unhe control kar raha tha?'
[Sirf iski madad se nahi. Use inn sab ko upyog me laane ke liye kayi cheezon ka istemal karna pada. Jemisha's blood ring hamare aane ki khabar dene ke liye istemal ki gayi thi.]
'I know!'
[Uske baad Shayna's Blood Ritual perform kiya gaya taaki janvaro ko niyantran me laaya jaa sake.]
'How powerful-!'
[Aur, uske baad unhe niyantran me banaye rakhne ke liye 'Animal Kingdom' card ka istemal kiya gaya. Isme koi shaq nahi ki usne abhi yahi equip kar rakha hoga. Itna sab karne ke liye usne apni 2 legendary skills aur do cards ka prayog kiya hai.]
'2 cards? Dusra kaun sa card hai?'
[Shayna's Access. Shayna woh entity hai jo inn tantra vidyao me maahir hai.]
'Shayna? Who the fuck is Shayna?'
[I can't tell you.]
'Fuckkk!!!'
[Uske saath communication baithane ke liye Shayna's Access card ka hona zaroori hai. Aise samjho ki agar tum kisi aatma ki shaktiyo ka prayog karne ke liye uss se sampark karna chaahte ho, toh pehle uss aatma ka ek card hona zaroori hai. Kuch samajh aaya?]
'Samajh gaya!'
*Ding*
[This is her card.]
'I get it!'
[Good!]
*Booooooooommmmmm*
Magar, Veer zyada derr baato me lage reh ke unn janvaro se peechha nahi churra sakta tha. Ek aur dhamake ne use ye baat batla di.
[Bas 2 minute aur-!!!]
Veer ne bhaagte hue peeche mud ke dekha toh paaya ki ek baagh par baithe hue Jaw Long uski taraf hi aa raha tha. Uske haath me ek bada sa kulhada tha. Par, uski aankhein abhi bhi band thi.
'What the hell? Uski aankhein agar band hai-!! Toh, woh dekh kaise paa raha hai sab kuch?'
[It's his skill.]
'Kaun si??'
*Ding*
[Skill : Aura Vision.
Description : Allows the host to see the world even after losing the eyesight. Aura vision grants a grey scenery vision. Different living beings are shown in different colored auras.
Note : Non living things cannot be observed through Aura Vision.]
'Fuck this-!!! It's getting complicated. Akhir, aur kitni skills hai iske paas?'
Pari ne ekdum sateek aaklan kar ke diya tha. Jaw Long pehle hi Veer ke neele rang ke aura ko dur se dekh ke pehchan chuka tha ki koi insaan uski territory me ghus aaya hai.
Insaano ka aura neele rang se nazar aata tha toh wahi ped paudho ka hare rang se. Aur, janvaro ka peele rang se. Ye rang uske liye kaafi the aankh na hote hue bhi sab kuch dekhne ke liye.
[Oh shit-!!!]
'What?!?'
[I just realised...! Isliye, uski aankhein nahi hai buddhu!]
'Huh???'
[Arre, isliye woh aankhein band kiya hua hai. Ab tumhe samajh aaya ki kyu uski band aankhon se khoon beh raha tha? Kyuki, usne apni aankhein nikaal di thi.]
'What the-!?'
Veer ke badan me ek sihran daud gayi. Apni aankhein nikaal di? Kya matlab?
[Rituals pagal... Rituals...! Koi bhi ritual perform karne ke liye kuch balidan dena hota hai. Considering, ye dono skills legendary thi zahir hai usne koi na koi sacrifice diya hoga jisme usne khud ka koi ang ritual me chadhaya hoga. Now everything makes sense.]
'Wait! Toh iska matlab usne 2 rituals perform kiye. Aur, unn dono me usne apna ek ek balidan diya. Yaani ki... Uski ek ek aankh!?'
[Exactly!!!!]
'He's going to such lengths just to chase me down???'
[Use thodi pata tha ki tum aa jaoge. Usne ye sab toh Renshu ke liye prepare kar rakha tha. Humne uski mehnat par paani ferr diya. Sirf ek minute aur ab bas-!!!]
Ab harr baat sense bana rahi thi. Shukriya Pari ka jo usne samay rehte sab kuch khoj nikala tha. Veer janta tha ki use bas ek minute aur inse bhaagna tha aur fir ye sabhi niyantran se mukt ho jaane waale the.
[Also, woh unhe poori tarah control nahi kar raha hai. Bas, unhe tame kar raha hai. Hypnosis nahi hai yeh.]
'Got it!'
[25 seconds.]
Veer bhaagta gaya. Use saamne ek aur pul nazar aaya. Pul patla tha. Veer bina soche samjhe uss orr bhaaga aur idhar peeche se Black Panther theek uske peeche aate hue pul par dauda.
[20 seconds.]
Veer ke qadam tezz raftaar me pul par bhaag rahe the. Toh wahi Panther bhi Veer ki gati milaate hue uske qareeb aane laga. Pul dono ke bhaar se poori tarah se dol ke idhar udhar hone laga.
Aur, abhi Veer chhor tak pahuch paata ki tabhi uss chhor se ek bada sa ajgar pul par chadh uski orr tezz raftaar se reng ke aane laga.
'Shitttt-!!!'
Ek Deadlock!!!
[10 seconds.]
Ajgar achanak hi uski orr uchka. Toh wahi peeche se aa raha panther bhi uski orr lapka aur tabhi-
*Ding*
Panther ka perr lakdi ke pul ke ek takhte par padte hi andar ghus gaya. Probability manipulation ne ek baar fir uski jaan bacha li. Veer ne samay rehte hue khud ko baayi orr rassi par jhukaaya aur dono ajgar aur panther ek dusre se jaa bhide.
[5 seconds.]
Pul ki rassi par bhaar badha. Ek orr santulan hone laga... Pul baayi orr jhukne laga. Aur, derr na lagi jab Veer ke bhaar ke chalte pul poori tarah se baayi orr jhuk gaya.
'Fuckkkkk!!!'
Veer, panther aur ajgar samet seedhe dusri neher me jaa gira. Lancang Mekong ki ek aur tributary. Parantu, ye kaafi chhoti thi aur bahaav ekdum na ke barabar.
*Splaaaaaaaasssshhhh*
Neher me Veer chhapaak se gira. Aur, jaise hi Panther aur ajgar gire woh dono pehle toh khud ko kinare kar Veer ko dhundhe. Par agle hi shan-
*Ding*
[O seconds.]
[Shayna's Blood Ritual ki time limit khatam. They are no longer in control.]
Maano jaise janvaro ko bhi achanak se kuch ho gaya. Fir, Veer ne ek hairat angez drishya dekha. Jis Panther aur ajgar me thodi derr pehle itni ekta thi, jo use maarne ke liye ek dusre par dhyaan tak nahi de rahe the. Wahi ab ek dusre par jhapatta maarne par tule the.
Veer apni aankhon ko bas paani me se nikaalte hue sab kuch dekhta gaya. Panther ne ajgar ko apne jabdo me pakda aur use ghaseet ke le jaane laga.
Aur, derr na lagi jab woh use apne daanto ke beech fasa ke waha se le jaane me qamyab ho gaya.
Shayna's Blood Ritual ki time limit samapt ho chuki thi. Magar, asli ladayi ab shuru honi baaki thi. Abhi woh Aquatic Breathing ka upyog kar paani me saans lene hi wala tha jab Pari ne use mana kar diya-
[Wait!!]
'Hmm?'
[Check the water first.]
'Right! Check!!'
*Ding*
[Water body induced with an unknown venom.]
'Shittttt!!! Akhir ye banda kitni dur ki planning kar ke baitha hai?'
Woh saans le leta toh abhi ke abhi maara jaata. Pehle se hi Jaw Long ne uss hisse me apne kisi zeher ko gira ke neher ko dooshit kar rakha tha.
Aur tabhi, Veer ke kaano me ek dahaad sunaayi di. Jaw Long upar baagh par baithe use hi neeche ghoor ke dekh raha tha.
'Pari!!! Agar Animal Kingdom aur Shayna's Ritual ka asar khatam ho gaya hai toh fir woh baagh abhi bhi uske niyantran me kaise hai?'
[Woh uska paaltu bhi ho sakta hai.]
'Hmm!'
Jaw Long tabhi apne baagh par se utra. Aur, ek chhalaang me hi seedhe neeche ko kood neher me utar aaya.
*Splaaaaaaaasssshhhh*
Paani chhalakte hue upar uchhla aur boondo me bikharte hue neeche girne laga. Jaw Long apna kulhada liye wahi paani me khusi ek lakdi par chadh gaya. Uski aankhein aag baboola ho chuki thi.
Jagah jagah ped ki ye lakdiyaan aadhi kati hui paani ke andar ekdum neeche zameen me dhasi hui thi. Shayad pehle yaha ped hua karte the jinhe baad me kaat diya gaya tha aur neher ke paani ko nikaalne ke liye iss orr se raasta bana diya gaya.
Unhi ardh kati lakdiyo ka sahara lete hue Veer bhi unhi me se ek par chadh gaya. Ab muqabla tha barabri ka. Do system holder jo ek dusre se bhidne ke liye taiyaar the.
Veer 25 minute ki iss bhaag daud se thak chuka tha lekin abhi bhi usme itni taqat thi ki woh Jaw Long se yuddh kar sake.
Aur, fir shuru hua asli muqabla...
*Swoosh* *Swoosh*
Jaw Long ek lakdi se doosri par koodate hue Veer ki orr aaya.
"Come then-!!" Veer taiyaar tha.
Veer ke nazdeek waali lakdi par aate hi Jaw Long ne zorr se apna kulhada ghumaya jise Veer ne jhuk ke dodge kar liya.
Aur, woh koodate hue peeche ke ardh ped par jaa ke khada ho gaya.
'Violet ke dwara di gayi saari needles aur woh serum uss blast me wahi gir gayi. I only have one knife and one pocket knife.'
[Use the normal knife for emergency parrying.]
'Yeah-!!!'
Iss baar woh tezzi me ek lakde se dusre par phaandte hue aage badha aur uski laat seedhe Jaw Long ke pait par aayi.
'What-!?'
Lekin, ek haath se hi Jaw Long ne uski taang ko jakad liya. Achanak hi Veer ke jism me ek sihran daud gayi. Aisa laga jaise agar abhi woh waha se na hata toh uska perr wahi katt ke ukhaad diya jayega.
Aur, wahi hota...! Jaw Long ne apna kulhada hawa me upar kiya...! Veer ki aankhein woh dekhte hi fel gayi. Aur, kulhada neeche aane hi waala tha ki Veer ne apni dusri taang se seedhe Jaw Long ke perr ke ghutno ke bagal me vaar kiya.
*Thuck*
Santulan bigda... Ek side se Jaw Long jhukne par majboor ho gaya. Pakad dheeli hui aur Veer ko mauka mil gaya.
*Whooooooosshhhh*
Woh palak jhapakte uske changul se nikal peeche ke lakde par kooda. Aur koodate hi uske kaano me hawa me sansanati hui aati kisi cheez ki awaaz padi,
*Whoosh* *Whoosh* *Whoosh*
*Ding*
Apne aap uska shareer neeche jhuka aur jhukte hi Jaw Long ka kulhada uske sarr ke upar se bhayanak raftaar se nikal gaya. Uske sarr ke 8-10 baal chhalni hoke hawa me hi udd gaye. Agar, sahi samay par woh na jhukta toh unn kuch baalo ki jagah uska sarr waha hawa me udd raha hota.
Veer ne apni baah ko dekha. Goosebumps poore shareer par bikhre hue the. Aur, tabhi-
"Shebaaaaaaaa-!!!!!!"
Jaw Long dahaada!!!! Uska kulhada ab uske haatho me nahi tha. Aur, beshaq uske awaaz lagaate hi-
*Keeaaaaaaarrrrrrrr*
Sheba raat ke uss andhere me hawa me apne par felaye aasman me uske madad ke liye haazir ho gaya.
[See! I told you! That eagle is a pain in the ass.]
Sheba ke panjo me ek bhaala latak raha tha. Woh upar udte hue Jaw Long ke nazdeek aaya aur panje kholte hue usne bhaala chorr diya jo seedha neeche girte hue Jaw Long ke haatho me jaa gira.
Bhaale ko apne ird gird zorro se gol gol ghumaate hue Jaw Long punah Veer ki taraf lapka. Woh bhari bharkam shareer, aur kayi shero ke barabar taqat rakhne waala danav insaan iss baar Veer ki khaal ukhaadne ki firaaq me nazar aa raha tha.
[Careful-!!!]
*Whoosh*
Uske hamle shuru ho gaye. Bhaale ko woh itni taqat aur itni nipudta se chala raha tha ki uske praharo se neeche paani me tarange paida ho rahi thi.
Woh jaan gaya tha ki Veer ne paani ki ek boond bhi apne andar nahi li thi. Uski ek aur tactic barbad jaa chuki thi. Gussa uske sarr par savaar tha. Ya toh ab woh yaha se zinda bach ke nikalne waala tha ya fir Veer.
Woh garja-
"Haaaaaarrrrrrggghhhhhhh!!!!!"
Uski garaj sunn Veer ko hawa me kampan mehsoos hone laga. Jaw Long ne bhaala fir itni zorr se feka ki Veer ko aage ki rann-neeti banaane ka koi samay na mila.
*Swooosh*
Woh bhaala tezi se uske perro ki orr aaya toh Veer hawa me ek jhatke me ucchak gaya.
*Thuck*
Aur, bhaala seedhe lakde par jaa ke dhans gaya. Magar, jaise hi Veer uchka...! Use agle hi pal apne nirnay par glaani mehsoos hui. Kyuki-
*Poooooooowwwwww*
Zordaar laat seedhe aake uske pait par padi. Ek feint attack. Jaan boojh ke uske perro ki orr woh bhaala feka gaya tha. Taaki, woh hawa me uchke aur Jaw Long yahi soch pehle hi hawa me kood chuka tha.
Veer ka shareer hawa me uda... Jaise patthar ko paani ki sateh par tez gati me fekne se woh uske upar tappe khaate hue dur jaata tha. Waise hi Veer ka shareer bhi iss waqt neher ke paani ke upar tappe khaate hue dur jaa gira.
Gati dheeme padte hi uska shareer paani ki sateh ko chorr andar doob gaya. Veer ne aav dekha na taav aur seedhe kinaare ki orr terrte hue woh chhor ke liye bhaaga.
Jaw Long ko jaise hi uske iraado ka pata chala, toh bhala woh kaha peeche rehne waala tha. Veer ka peecha karte hue woh bhi neher chorr ke usme se baahar aa gaya.
Zameen par qadam padte hi Veer uss se ek duri banaane ke liye bhaaga. Woh dono jangal ki aur bhi gehrayi me aa chuke the aur yaha se mine ka raasta ab thoda hi bacha tha.
Beecho beech ek jagah par aate hi Veer palat ke Jaw Long se bhidne ke liye taiyaar ho gaya. Martial arts ka stance lete hi usne khud ko taiyaar kiya. Saamne se baagh ke samaan woh danav bhaagte hue aa raha tha.
Toh wahi upar thehri Erica ko achanak hi hawa me antar samajh aa gaya. Janvar ab ajeeb tareeqe se idhar udhar hote hue bhaag rahe the.
[Lagta hai woh sab control se baahar aa gaye hai ab.]
'Ohh! P-Par Veer kaha hai?'
Woh bechain hote hue idhar udhar nazre daudayi.
[We need to check it out. Tum ab theek ho?]
'H-Haan shayad-! I can move my legs now.'
[Good! We need to make a dash. Quick!]
'Y-Yes!'
Woh apni jagah se uthate hue Veer aur Jaw Long ki talaash me ek baar fir aage badhi.
Toh wahi Veer yaha neeche Jaw Long se yuddh me bhida hua tha. Bhaale se bachte hue Veer apne attack uss par land kar raha tha magar, koi bhi vaar aisa nahi kar paaya jis se Jaw Long ko ghaat pahuch sake.
Kintu, jaise usne koi tarqeeb soch rakhi thi. Ek dusre par vaar kar rahe jaise hi iss baar Jaw Long ka bhaala Veer ke seene ko chhalni karne ke liye aaya.
*Thuck*
Veer ne khud ko peeche kar liya. Bhaale ki nok zameen me ghusi aur agle hi shan-
"Haaarghhh!!!"
Veer ki laat ne bhaale ke lakde ke do tukde kar diye. Beech se tootate hi bhaala ab vyarth ho gaya.
Usne ladaayi iss mod par laa ke khadi kar di ki ab hand to hand combat ke alawa Jaw Long ke paas aur koi chaara na tha.
Dekh ke prateet ho raha tha ki uss baagh par bhi uska koi khaas niyantran nahi tha. Animal kingdom ke asar khatam hote hi woh baagh bhi kahi nazar nahi aa raha tha.
Aur, ab shuru hui thi asli combat. Jaw Long ka pehla prahaar Veer ki kamar ki orr badha.
Shareer ko peeche kar Veer ne khud ko bachaya. Uske hontho par muskaan feli...! Woh jaise hi aage badh hamla karne ka socha ki tabhi Jaw Long ka wahi haath wapas se uss par hamla karne ke liye tezi se aaya.
'Tch!!!'
Aur, iss baar-
*Swish*
Veer ne duck kar liya. Woh tezz raftaar se neeche jhuka. Uski aankhon ke saamne Jaw Long ka pait tha. Aur, uska mukka kass ke maarne ke liye taiyaar tha.
Magar, Jaw Long bhi jaise ye padh chuka tha. Woh ghoomte hue peeche hua aur Veer ka vaar vyarth chala gaya. Agle hi shan, Veer ko apne chehre par ek parchhayi chadhti nazar aayi.
Upar jaise hi dekha-
*Baaaaammmmmmm*
Jaw Long ka perr zameen par zorr se pada aur uss zameen ke parchhatte udd gaye. Ek halka gehra gaddha waha bann gaya. Agar, sahi samay par woh na hatata toh woh laat use kaafi haani pahucha sakti thi.
[What are you doing? Probability Manipulation teen baar istemal ho chuka hai. Ab 12 baje ke baad agla din lagne par hi uska istemal dobara kar paoge. Fight carefully!]
'Yeah yeah-!! I know-!!'
Dono ke mukke, haath aur laat ek dusre se bhidne lage. Taqat itni thi ki haath se haath bhidne par hi uss ilaaqe me awaazein paida hone lagi. Neeche pade patte unki harqat ki raftaar se udd ke bikharne lage. Toh wahi chhote ped paudhe unke praharo ki gati ki hawa se lehraane lage.
Combos ke baad combos woh dono ek dusre par maar rahe the. Magar, dono hi ek dusre ke combo ender ko poora hone nahi de rahe the. Veer ki pasli par Jaw Long ka mukka padte hi uske muh se ek karaah nikal gayi. Usne apne daant meeste hue uske haath ko thaama-
*Ding*
LIMBO!!!!
Par-
*Baaaaammmmmmm*
Ek laat seedhe aake uske seene par padi kyuki, Limbo ke asar lene se pehle hi Jaw Long ne apna haath chhina liya.
Veer ka shareer hawa me udta hua dur gaya. Jaw Long pehle se hi daud laga diya. Veer tamaam maujood pedo me se ek ped par jaa ke bhida aur uske bhidte hi-
*Baaaaammmmmmm*
"Urgh-!! Uck-!!"
Jaw Long ka tabadtod mukka uske pait par aake laga. Na jaane woh yaha kab prakat ho gaya. Aur, mukke aur pait ka sampark hote hi-
*Ding*
[Bone Reaper has been equipped.]
*Craaaaaaacccccckkk*
*Booooooooommmmmm*
Ped ke tukde beech se hue, Veer ka shareer ek nahi peeche maujood aur 2-3 pedo ko ek saath todte hue jaa gira. Ped ke baad ped bikhar kar ab gir rahe the. Ab ye ladayi ghatak ho rahi thi. Bone Reaper uski haadiyo ko toh bacha ke rakha tha. Magar, pait me koi haddi nahi hoti thi...
*Bluuurrghhhhhh*
Uske muh se khoon nikla. Pait aise dard kar raha tha maano kisi ne kass ke hathoda maar diya ho.
Ladkhadate qadam ko sambhalte hue jaise hi woh khada hua-
*Gwaaakhhhh*
Veer ki aankhein hairat me chaudi ho gayi. Jaw Long ne uske gale ko apne haath ki giraft me liya aur punah kass ke ek ped se bhed use hawa me utha diya.
"Argh-! Ack-!!!"
Aur, pehli baar Jaw Long ke bol uske kaano me pade.
"Tum...! Ek acche yoddha ho!!! Magar, mujhse behtar nahi!"
Kehte hue usne agle hi shan Veer ke shareer ko upar hawa me uchhaal diya. Veer ka badan ped ki daali ko tukdo me bikherte hue aur upar ko gaya. Neeche se Jaw Long khud bhi uchka. Dusri daali ka sahara lete hue woh aur upar uchka...!
Jaise hi hawa me woh Veer ke nazdeek aaya uski aankhon me khoon karne ka bhoot sawar ho gaya. Ghaatak prahar woh Veer pe barsaane hi waala tha ki Veer ne unn hamlo ko apne vaaro se block kar unhe rok liya.
Dono hawa me hi the aur neeche girne lage. Haath perr itni tezz raftaar se chal rahe the ki bas unki after images hi nazar aa rahi thi.
Par, ek laat itni tezz gati se Veer ki orr aayi. Hawa me iss se bacha nahi jaa sakta tha keval ise block hi kiya jaa sakta tha. Aur, Veer ne kiya bhi wahi-
Jaise hi usne apne dono haath perr modte hue khud ke sarr ko dhaaka, Jaw Long ki kick uski kohniyo par padi aur woh neeche dhadaam se gir, zameen ko ukhaadte hue dur tak jaata chala gaya. Zameen ke udhadte hi waha halka dhua uth gaya.
Jaw Long toh jaise bhooke bhediye ki tarah uss par dhaawa bol raha tha. Veer ki thakaan ne apna asar dikha diya tha. Agar, woh 25 minute ki bhaag daud na hui hoti toh abhi maajra kuch aur hota...
*huff* *huff*
Uski saansein ab ukhdi ukhdi aa rahi thi. Jagah jagah badan par chote pahuchi rakhi thi aur jagah jagah par gehre ghaav bhi bann chuke the. Khoon se lathpath uska shareer kisi bhi waqt ab neeche gir sakta tha.
'H-His weight is helping him in his blows.'
Paseene ke saath khoon uske chehre par bhi fela hua tha. Aankhein fadakte hue band hone ko bol rahi thi par uski dridhta unn palko ko khol ke rakhe hue thi. Baalo ki ek latt uski aankh ke saamne aake jhool gayi. Jaw Long saamne se uss par antim vaar karne aa raha tha.
Veer ka haath apni jebo ko tatolte hue hidden knife ko dhundha aur usne tezz raftaar se aa rahe Jaw Long ke nazdeek aane ka intezar kiya.
Jaise hi woh 4 qadam ki duri par aaya. Veer ne ek jhatke me woh knife uski orr fek di. Jaw Long iss hamle ke liye jaise taiyaar nahi tha. Woh achambhav me reh gaya aur knife seedhe jaake uske kandhe me ghus gayi.
Aur, idhar Veer ki ek theory sach saabit ho gayi.
'So, he doesn't have any sort of dodging skills...! I see!'
Veer ki theory toh saabit ho gayi. Magar, Jaw Long ka agla hamla itni zorr se pada ki Veer ke poora jism andar se leke baahar tak hil gaya.
Khoon hawa me ucchla aur uska shareer bhayanak gati se pedo ko cheerte hue kayi feet dur jaa gira.
Jaw Long uski mrityu ke samaan dheere dheere chalte hue uske nazdeek aane laga. Usne wahi khusa bhaala zameen par se ukhaad ke nikaala aur ahista ahista Veer ke paas aane laga.
Veer koi bhi harqat nahi kar raha tha. Probability Manipulation ka istemal ab woh nahi kar sakta tha. Limbo barbaad jaa chuki thi. Bone Reaper keval uski haddiyo ko hi bacha sakta tha. Andar ki maanspeshiyo aur aham ango ko nahi.
Beowulf's Blessings keval uske senses hi badhaata tha na ki uski taqat. Agar woh ek neend le leta toh kam se kam woh ladayi me kuch antar laa sakta tha. Magar-
Jaw Long uss se kuch qadam ki duri par khada ho gaya. Aur, bina deri kiye woh aage daudte hue hawa me ucchla par tabhi uski aankhein bhay ke maare fel gayi.
Uske haath apne aap uske chehre ke saamne aake use dhaak liye aur agle hi shan-
*Booooooooommmmm*
Uska bhaari bharkam shareer hawa me vipreet disha me atyant dur jaa ke gira. Prahar ki awaaz se Veer ne apna chehra kar upar dekha toh paaya ki-
Koi khada hua tha.
'*huff* K-Kaun-!? *huff*'
Koi tha...! Usne upar se neeche tak kaale kapde pehne hue the jo uski gori safed twacha ke ekdum vipreet the. Wahi lambe, seedhe, kaale ghane baal jo mand hawa me lehra rahe the. Uski chamak daar aankhein jo andhere me vishesh roop se chamak rahi thi. Aur, uske ird gird fela uska woh strong aura jo inn sabhi visheshtao ko baandh ke rakha tha.
Uska yeh swaroop Veer ke dil-o-dimag me ankit ho gaya. Nahi! Balki, ye aisa tha ki ise bhoolna hi namumkin tha.
Tabhi, Veer ka dil chehra dekhte hi zorr se dhadka...! Hairat me uski aankhein chaudi ho gayi.
'Y-You-!!!???'
Woh ladki bina Veer ko dekhe aage badhi ki tabhi Veer ne use peeche se pukaarte hue rok liya.
"W-Wait-!!!!"
Ladki ke qadam wahi tham gaye. Uski mutthi Zorro se kass gayi. Jaise maano woh yaha rukna nahi chaahti thi.
"I-It's you-!!! Wh-Why???"
Parantu, ladki kuch na boli. Woh punah jaise hi aage badhne ke liye hui-
"Avaaaaa-!!!!"
Iss baar fir uske qadam Veer ki pukaar par rukk gaye. Veer ki dhadkane tezz thi. Uske mann me kayi sawaal uthal puthal machaaye hue the. Magar, inka samay nahi tha.
"Wh-Why??? *huff* *huff* T-Tum yaha...? Kyu??!"
Uski awaaz me krodh, aashcharya aur peeda sab kuch tha. Par, Ava mudi aur usne jo jawaab diya... Unme bhi yahi bhaav the.
"Why? You ask me why?"
Woh palti... Veer ne uska chehra saamne se dekha toh uska muh khula ka khula reh gaya. Ava ki aankhon me aasu the...!
"Yaad karo Veer! Kya kaha tha tumne mujhse akhiri baar?"
Veer ne jaise hi uss baare me socha Ava utne me ek jhatke me hawa ke jhoke ki tarah apni jagah se gayab ho gayi.
"Avaaaaaaa-!!!!"
Veer ki pukaar ka koi fayda na hua. Woh Jaw Long ki disha ki orr jaa chuki thi. Magar, uske bol zaroor Veer ke mastishq me goonjte reh gaye.
'Yaad karo Veer! Kya kaha tha tumne mujhse akhiri baar?'
Veer ko yaad aaya. Akhiri baar usne Ava ko jo kuch kaha tha... Woh uss island par kaha tha jiske kinaare woh Crimson se ladd raha tha. Dhoka dene ki wajah se woh Ava se apne saare rishte naate tod chuka tha. Usne kaha tha ki-
'Tum apne raaste! Aur mein apne! Humare beech ab koi rishta nahi. And, don't you dare ever cross paths with me. You are on your own from now on.'
'And don't show me your face ever again.'
Magar, sirf itna hi nahi tha. Ava apni maa ko bachaane ke liye ye sab kari thi. Aur, isliye Island chorr kar jaane se pehle Veer ne ek vaakya aur kaha tha. Itni dheere ki sirf use hi sunaayi de sake. Lekin, Ava ne woh sunn liya tha.
Woh bol the-
'Go and protect your loved one now.'
.
.
.
.
.
.
.
.
.
Aaj ke liye itna hi guys.
Update consists of 11k words. Mere khayal se ye sabse bada update hai kahani ka. Also, aap sabhi ko Holi ki shubhkamnaye. Update late aane ke kayi saare kaaran hai jinke baare me mein baar baar baat nahi karunga. Achanak food poisoning ki wajah se bhi mera swastha beech me dagmaga gaya. Anyways, update 176 is here. Baaki, likes thokne aur revos rakhne ka. Target apna 200 hi hai. Pahucha do.
Happy Holi once again!
Dhanyavad.
Rajesh
Well-Known Member
- 3,521
- 7,965
- 158
Wakai me shandaar update hai bhai maza aa gayaHoli special
Update - 176 ~ Heavy Violence (2)
Ab tak...
PROBABILITY MANIPULATION!!!
Crimson dwara paapt kiya woh card pehli baar aaj activate hua. Veer ka perr apne aap andar ki namm mitti ke chalte fislan kha gaya. Uska sarr peeche hua, aur saanp dusri orr jaake jaake zameen se jaa bhida. Probability manipulation ne Veer ke upar hamla hone ki probability badal di thi.
Mauka na gawaate hue usne turant hi wall run kar upar chadh haath felaate hue gaddhe ke baahar ki zameen ko jakda. Aur usme se baahar nikal aaya.
'That was close-!!!'
Saansein abhi theek se durust hi ki thi ek awaaz ne uske raungte ek baar fir khade kar diye. Koi tezi se uski orr aa raha tha.
Ab aage...
Mahaul tang tha. Do insaan jo ek dusre se anjaan the woh aamne saamne ek dusre ka adanga bann ke khade hue the. Dono ek dusre ki taaqat ki kshamta ka aaklan kar rahe the.
[Something's off about him!!!]
'Hmm!'
Lloyd ki gambheer awaaz Renshu ke mann me goonji jis se woh poori tarah sehmat tha. Saamne khada ye naujavan...! Kuch ajeeb si anubhuti de raha tha.
Achanak se ek system holder ka prakat hona aur unn par hamla karna. Kuch andhruni taur par pak raha tha, jis se Renshu anibhigya tha.
Uske maathe par paseene ki boonde chhayi hui thi. Aankhein gambheer taur par uss agyaan naujavan system holder par tiki thi.
Uski instinct 'Enlightenment' use aagah kar rahi thi. Har mushqil mod pe 'Enlightenment' use raasta dikha deti thi. Woh dekh paa raha tha ki uske liye koi jaal bicchaya gaya tha. Usne khamosh khade uss system holder ko dekh bola~
"Apne iraade toh tum batane se rahe ladke...! Lekin, ek baat yaad rakhna! Iss maamle me dakhal andazi deke tumne apne aap ko Order ka dushman bana liya hai."
Parantu, veh ladka abhi bhi shaant hi bana raha. Renshu ke agle hamle ke liye khud ko taiyar karne laga. Kahi na kahi ye baat Renshu ko aur bhi zyada gussa dila gayi ki anjaan system holder uski baato ka jawab tak nahi de raha tha. Jaise maano samay vyateet karna chaah raha ho ya fir woh uski nazro me kuch tha hi nahi.
"Mein sahi tha. Tum kuch bhi ugalne waale nahi-! Theek hai fir!!! Tumhare muh se ek ek shabd mein khud ugalwaunga!!!! LLOYD!!!' Woh garja!!!
[Ready!!!]
Agle hi pal uske haav bhaav badal gaye. Nazre kisi sher ke maafiq uss system holder par tik gayi, mutthi apne bhaale par usne jamm ke kassi. Aur, woh uss system holder par aage badh jhapatne hi waala tha jab uss ladke ne apne peeche tange tarkash se ek teer nikala aur-
*Swoooossshhhh*
Teer seedhe Renshu ki aankh ki orr poori gati se aaya magar, usne use ek jhatke me apne haath se jakad liya. Aur-
*Crack*
Use do tukdo me baant diya. Uski aankhein ab apne shikaar par poori tarah se sthir thi.
"Galti meri hi thi, jo maine 'Mayhem' ka istemal pehle nahi kiya. Lekin, koi baat nahi. Uska bhugtan tumse ho jayega!" Woh itna bol-
*Whooooooosshhhh*
Apni jagah se ek jhatke me aage dauda. Uss unknown system holder ki aankhein shan bhar ke liye bhay ke maare fel gayi aur badle me woh bhi sarpat andar gehre jangal ki orr bhaaga. Ghode ki tez chaal ke bhaanti daudate hue woh Renshu se duri banane me qamyab tha.
[Woh humse tez hai, Renshu. Sambhal ke peecha karo.]
'Ek agile system holder!? Kahi...? Assassination type? Samajh gaya!'
[Behtar hoga agar use Order se jod le toh...!]
'Ye ab sambhav nahi!'
Jangal ke ghane pedo ke beech se guzarte hue ghapp andhere me do system holder lagatar bhaagte jaa rahe the. Unke perro ke neeche aate sookhe patte kuchal rahe the aur dono ke beech ek paryapt duri bani hui thi. Jo ki zahir tha kyuki woh naujavan Renshu se 'Agility' me aage tha.
*Ding*
['Trap Master' is in use.]
Daudate daudate hi Renshu ki gardan kisi chidiya ki tarah idhar udhar hote hue traps ki talashi me jut gayi.
*Whissshhh*
Uska bhaala hawa me udta hua jaake seedhe ek gupt rassi ke baandh pe jaake laga. Rassi tooti aur patthar giraane ka jaal wahi nasht ho gaya. Toh wahi patto ki parat se dhake hue kuch gehre gaddho ko usne patthar fek unka uddeshya bhi wahi mita diya.
Jaise jaise woh aage badh raha tha, raaste me aane waale sabhi jaalo ko nasht karta jaa raha tha. Isi raaste se uske aadmiyon me se koi bhi aage aa sakta tha. Unke liye jaal se mukt raasta taiyar karna uski ek zimmedari thi.
Idhar bhaagte bhaagte punah Lloyd ne use sachet kiya.
[He's luring you deep inside the forest.]
'Jaanta hu, Lloyd!'
[Be prepared for the worst. Aage kuch bhi ho sakta hai. Par, andar jaana bhi humari majboori hai.]
'Hmm!'
Anjaan system holder Renshu ko jaise kisi prakar ke jaal me fasaane ki taiyaari me tha. Andhere jangal me woh use na jaane kaha liye jaa raha tha. Dono hi tez raftar se bhaag rahe the. Tabhi, woh ladka achanak hi uchhalte hue peeche ko ghoom gaya. Dhanush ki pratyancha par teer chadha. Aur, ladke ne teer ko kass ke kheench ek baar me Renshu ki orr chhor diya.
*Swiiiiiiisssshhhhhh*
Renshu, jo theek uske peeche bhaag raha tha, uske tez qadam shan bhar ke liye dheeme pad gaye. Teer uski orr hawa ko cheerte hue aaya toh zaroor magar, woh uska nishana nahi tha jaise-! Balki, teer uske bagal se neeche zameen me jaa gira.
'Huh!?'
[Shit! Renshuuuu-!!!]
Aur, Lloyd ko awaaz dene me halki si derr ho gayi.
*Booooooooommmmmm*
Ek Dhamaka! Dhua vatavaran me fel gaya aur usme se gussail Renshu hawa me udta hua bahar nikla. Chhota lekin ek ghaatak visfot jo use buri tarah se ghayal kar sakta tha agar woh na hoti.
Rapid Reaction!!! Uske paas maujood behatreen skills me se ek. Ye aaj na hoti toh shayad woh buri tarah zakhmi ho sakta tha. Hatasha aur krodh se uski bauhe fadakne lagi. Dhamake ke chalte uske badan par dhue ke kaale dhabbe bhi pad chuke the.
'Ye toh-! Explosive arrows!?'
[Hmm! Asal zindagi me ye nahi hote. Lekin, inhe banaya jaa sakta hai. Mujhe yakeen hai ki uske paas inhe banane ki koi skill hai. Mujhe toh ye jaan ke bhi taajub nahi hoga agar uska dhanush bhi uske haatho se banaya gaya ho.]
'Let me do it! Check!!!'
*Ding*
[A self made adjustable bow.]
[Dekha? Mein sahi tha.]
'Ab kya?'
[Unn explosive arrows se sambhal ke rehna hoga hume. Maine uski pehchan kar li hai. Uske agli baar vaar karte hi mein tumhe satark kar dunga.]
'Good!'
Ladka mauka dekh punah bhaaga. Peeche peeche Renshu bhi gusse me aaya. Krodh toh sawaar tha uspe magar uss krodh ko usne apne sochne, samajhne aur nirnay lene ki kshamta par haawi hone nahi diya. Aur, isme sabse zyada madadgar thi uski instinct ~ Enlightenment!
Kintu, jis baat ka darr tha akhir wahi hua. Jangal ki gehraiyo me uss anjaan system holder ka peecha karte karte woh aa toh gaya. Magar, aate hi use samajh aa gaya ki maajra kya tha. Woh ladka uss se ek seemit doori bana ke khada ho gaya. Chaand ki raushni me uski halki halki chhavi nazar aa rahi thi. Aur fir-
Ek raushni!
Aag ki lau andhkar me achanak Renshu ke saamne khade ladke ke peeche se jagmaga uthi.
Mashaal! Aur, fir ek aur-! Aur, ek aur...! Aur, ek ek karke uske ird gird mashaalo ka samooh banta chala gaya. Renshu ki aankhein hairangi me chaudi ho gayi. Woh jaise jaise apni daayi orr mudta gaya, ek ek karke mashaale andhere me jalti gayi. Woh ghir chuka tha. Yahi woh jaal tha!
[Isliye, woh tumhe yaha laa raha tha. Ye Unit 2 nahi lag raha. Ye alag se aadmi iske dwara laaye gaye hai shayad.]
'Lloyd---!'
[I got it.]
*Ding*
['Mayhem' has been equipped.]
*Ding*
['Mayhem' is now in use.]
Achanak hi uske mann me ek lamba sa virtual bar bann ke aa gaya. Usne Kung fu ka stance liya aur zorr se gurraaya-
"Come-!!!!"
Aur, tabhi-
"Haaaaaaaaaa-!!!!!"
"Haaarrrrgggghhhhh!!!"
"Hamlaaaaaaa-!!!!"
Neeche sthit aadmi uss par daudate hue toot pade. Toh, wahi upar pedo par baithe aadmi uss par teero ki varsha kar diye.
*Swish* *Swish* *Swish* *Swish*
Aadmi uss system holder ke peeche andhere me se agal bagal se nikalte hue aate jaa rahe the aur woh chup chaap wahi khade sab kuch dekh raha tha. Ek ke baad ek teero se apna bachaav kar Renshu seedhe aadmiyon se bhidne me ulajh gaya. Aur, 'Mayhem' apna jalwa dikhane ke liye taiyar tha.
Pehle aadmi ke aate hi Renshu ne bagal me hote hue khud ko uske hathyar se bachaya, uska ek haath seedha aadmi ki gardan par jaa ke pada.
*Chakkkkk*
Dusra haath seedha kamar par jaa ke laga.
*Whakkkk*
Aur, akhiri vaar seedhe thuddi ki orr gaya-
*Bokkkkk*
Jis se veh aadmi hawa me udte hue muh se thook aur khoon nikaal door jaa gira. Aur, isi ke saath Renshu ke virtual bar me ek point jud gaya. Kintu, yeh hua kaise? Aur, kya tha ye virtual bar?
Uske arsenal me sabse behatreen cards me se ek ~ 'Mayhem'
Ye woh card tha jo aisi group fights ke liye hi banaya gaya tha. 'Wushu' ya saral shabdo me 'Kung fu' ke moves par hi ye card apni bhumika nibhata tha. Uske paas pehle se hi 'Wushu' skill thi jisme woh maahir tha.
Wushu ka istemal kar agar woh combo ender apne dushman pe land karta hai, toh dushman 1 second ke liye achet ho jayega. 1 second dekha jaaye toh vastavik roop me kam tha, lekin system holders ke liye wahi ek second poori ki poori ladaayi ka nateeja tay kar sakta tha. Par, shart yahi thi ki combo ender dushman ke shareer par utara jaaye.
Kintu, kya bas yahi tha? Hargiz nahi! 'Mayhem' system holder ko ek virtual bar provide karta tha. Harr ek dushman jo Renshu ke haatho dher hota jayega, uske badle me virtual bar me ek point chadhta jayega. Agar, bar 5 points tak pahucha toh agla hamla do guna lethal damage ka hoga.
Ye thi taqat 'Mayhem' ki. Renshu ne Unit 1 ko dher karne me iska istemal nahi kiya tha. Warna, uske paas ab tak na jaane kitne bars stack ho chuke hote. Yeh system holder uske liye koi khatra nahi hota fir. Magar, iss baar woh taiyaar tha. Woh khud bhi jaan ke hi andar jangal ki gehrayi me uska peechha karne aaya tha. Aur, unke iss ek aadmi ko dher karne ke baad use ek point mil chuka tha. Ab baari thi baakiyon ki.
Apne aadmi ko itni asaani se ghayal hota dekh baaki sabhi bhauchakke toh hue par unke qadam zara bhi nahi ruke.
"Aaarrrghhh!"
"Uummmphhhh-!!!"
"Urrrrghhh!!"
Fir bas, unki ghur ghurati awaazein uss ilaaqe me fel gayi. Ek ke baad ek sabhi Renshu ke kung fu moves ka shikar hote chale gaye aur use points par points bhi de gaye.
Parantu, woh system holder abhi bhi yuhi shaant khada hua tha. Renshu ko inn aam logo se khatra nahi tha. Woh yeh baat jaanta tha aur isliye ladte waqt uss ladke par bhi poori tarah se dhyaan rakhe hue tha.
*Klaaaang* *Claaaanggg*
Mashalo aur chaand ki raushni ke alawa hathyaro ki aapas me bhidne ki chingariyaan bhi ilaaqe me chamakne lagi. Renshu ka harr ek move itna sateek aur nishaane par tha ki tribe ke log keede makodo ki tarah dher hote jaa rahe the.
Uska bhaala chain ke saath aise ghum raha tha ki kuch aadmi bhaale ka shikaar hote toh kahi kuch chain ke lapete me aake dur fik jaate. Kuch ped se jaa bhidte toh kuch zameen par ghisatate hue lot jaate.
Unke perr ab kaapne lage the. Unhe apne Lord Jaw Long ki upar poora vishvas aur garv tha. Aur, aaj woh sab samajh paa rahe the ki Order ka Lord bhi koi aera gera nahi tha.
"D-Daanav! Y-Ye aadmi daanav hai!"
"H-Hamare hamle- hamare hamle uss tak pahuch hi nahi rahe!!!"
"Ye kaise ho sakta hai? *shivers* Hamara ek jhund pehle hi haar chuka hai. L-Lord-! Hume Lord tak khabar-"
Magar, uske shabd adhoore hi reh gaye. Renshu ke bhaale ki chain akasmat uski kamar par aake bandhi aur Renshu ne use ek jhatke me apni orr kheench liya. Woh aadmi udta hua uski orr aaya aur-
*Gwakh*
Apne gale ko uske bhaari bharkam haath me saunp diya. Ek haath se hi Renshu uss aadmi ko zameen se upar uthaaye hue tha. Yeh manzar dekh sabko khauf ke chalte saanp soongh gaya. Aur, fir Renshu ne bolna shuru kiya.
"Tum sab ko abhi bhi mauka diya jaa raha hai. Humne baahar kisi ko bhi jaan se nahi maara hai. Agar, tum apne logo ki chinta karte ho toh abhi bhi waqt hai. Jao...! Aur, unhe bacha lo. Kahi derr na ho jaaye."
Ye sunte hi tribe ke logo ko do jhatke lage. Pehla toh yeh ki Renshu unse unki hi tribal bhaasha me bol raha tha. Woh iss tathya se anibhigya the ki Renshu ek system holder tha aur use sabhi bhashaayein aati thi.
Toh wahi, dusri taraf unke taajub hone ka kaaran tha Renshu ke aadmiyon ke dwara unke aadmiyon ko bina jaan se maare chhor dena. Yaha unke Lord ne toh keh ke bheja tha ki yeh ladayi ab aar ya paar ki hai. Kya yahi baat Renshu ke logo par laagu nahi hoti? Bilkul hoti thi.
Fir, uske bawajood-!?
"Legion se kabhi bhi Order ki dushmani rahi hi nahi hai. Mein toh sirf sahi ke liye ladd raha hu. Mine ko apne qabze me karna... Yeh ek apradh hai. Mine rashtra ki sampatti hai. Uss par sirf kuch logo ka haq nahi ho sakta. Tum sab khud socho. Kya Order ne kabhi bina wajah Legion pe hamla kiya hai?"
Uski baatein jaise logo par prabhav daal rahi thi. Sab ke sab sankoch me nazar aane lage the.
"M-Mujhe lagta hai...! Shayad... W-Woh sahi hai!"
"Huh? Tum pagal ho gaye ho kya?"
"Nahi! Mujhe bhi lagta hai ki iss baat me sacchayi hai."
"M-Mera bhai-!! Mera bhai pehle jhund me tha. M-Mujhe jaana hoga. Use bachaane."
"Tum sab ab dagabazi karoge? Legion ko akela chorr kar bhaag rahe ho?"
"Bhaag nahi rahe hai. Par, ye baat sach hai ki hume apne logo ki chinta hai. Kya tumhe nahi hai?"
"Mujhe bhi hai par-"
"Toh mein jaa raha hu. Tumhe jo karna hai karo."
Unke jhund me se ek aadmi nikal ke Unit 1 ki orr bhaag gaya. Woh sirf akele nahi the yaha. Jagah jagah unki basti bani hui thi jangal me. Aur, unn gharo me unki patniya, bacche, budhe buzurg, unka parivar unka intezar kar raha tha.
Aaj agar woh sab yaha maare jaate hai toh kal ko unke parivar ki dekhbhal kaun karega? Sabhi ke mann me jaise yeh baat toh aayi magar ek sandeh bhi paida hua. Iske pehle ki baaki sab bhi uss aadmi ke peeche peeche jaate, unhi ke ek sadasya ne unhe rokte hue kaha.
Aadmi 1 : Zara ruko tum sab!!! Y-Ye ek chaal bhi toh ho sakti hai na?
Aadmi 2 : Sahi kaha. Kya pata ye hume fasaane ke liye ho? Kya pata hamare aadmiyon ko pehle hi inn logo ne maar diya ho aur iske aadmi hamara waha intezar kar rahe ho?
Aadmi 3 : Ekdum sahi kaha! Bhala hum kaise maan le ki tum jhooth nahi keh rahe?
Renshu ki bauhe pareshani me sikud gayi.
Renshu : Jhooth keh ke mera koi fayda nahi. Tum sab khud socho. Agar, mein chaahta toh tum sabhi ko abhi hi yahi maar sakta tha. Par, kya maine kisi ki bhi jaan li?
Uske itna kehte hi sabhi ko ek bada jhatka laga. Yeh baat satya thi. Jab se woh ladd rahe the tab se kisi bhi aadmi ne apni jaan nahi gawayi thi.
Renshu : Mein aur mera hathyar tum sabhi ko maarne me poori tarah se saksham hai. Kya tum sab iss baat se sehmati nahi rakhte?
Sab ke sab khamosh reh gaye. Kyuki, ek ek baat jo Renshu ugal raha tha usme poornta sacchayi thi. Ise nakara nahi jaa sakta tha.
Shuru se hi unhone kabhi yeh nahi socha tha ki uska saamna karna asaan hoga. Lekin, unhone yeh bhi nahi socha tha ki woh sthiti ko sambhal nahi payenge. Akhirkar, yaha har ek aatmvishvas se bhara hua yoddha tha. Magar, jis tarah Renshu ne unke aadmiyon ke saath khela, uske aage sandeh jaisa kuch reh hi nahi gaya tha. Ve sab haath khade karne par majboor the.
Aadmi 1 : Dekho! M-Mujhe nahi pata tum sach keh rahe ho ya jhooth. Par, agar waqai tumne hamare aadmiyon ki jaan nahi li hai toh... Ye baat hum sabhi yaad rakhenge.
Aadmi 2 (nods) : Hmm!
Aadmi 3 : Lekin, iska matlab ye nahi ki hum Order ke gulam ho gaye hai.
Renshu : Mera kaam sirf tumhare leader se hai. Khoon kharaba karna hota toh mein tumhe kab ka maar chuka hota. Order na kabhi inn siddhanto par chala hai aur na hi chalega.
Aadmi 2 : Aur, hum sabhi Legion ka hissa rahe hai. Hamara kartavya hai ki hum apne ghar ki rakhwali kare. Magar, ye baat bhi sach hai ki agar tum hume maarna chaahte toh sach me maar dete.
Aadmi 3 : Haan! Aur, isliye-
Kehte hue woh Renshu ke raaste se alag ho gaya. Woh akela nahi tha. Uske saath uske saathi jo pehle ladne ke liye taiyaar the woh bhi uske maarg se hat gaye.
Renshu : !!??
Unka ishara saaf tha. Veh sab Renshu ki madad toh nahi karne waale the magar apne haath khade karte hue unhone ek prakar se uski madad kar hi di. Renshu ne unhe dekh haami bhari. Aur, uske baad woh log ghayalo ko utha ke unke gharo ki orr chal diye.
Yeh jhund bhi jaise taise raaste se hatt gaya. Unke jaate hi Renshu ne wapas apni nazre jab saamne gadayi toh use ek bura abhaas hua. Woh ladka-! Woh waha nahi tha. Woh gayab tha!
'Shit!!!'
Aur, achanak-
[Renshu-!!!! Dodge!!!]
Lloyd ki awaaz sunn Renshu apni jagah se uchak gaya. Uske hatate hi sansanata hua ek teer zameen par aake gira aur-
*Booooooooommmmmm*
Ek aur dhamaka. Ye wahi explosive arrow tha. Iss baar Lloyd ne ek nazar me hi pehchan liya. Renshu abhi hawa me hi tha. Uske qadam zameen par utar hi rahe the jab uss ladke ke chehre par ek kutil muskan fel gayi.
Ek sihran Renshu ke badan me daud gayi. Hawa ko cheer ke kaatate hue aa rahi ek awaaz-
"-!!!!!"
*Swoosh* *Swoosh* *Swoosh*
Woh koodne ke baad jaha utar raha tha, usi disha me dhue ko cheerte hue ek aur teer uski orr aaya. Ek jaal!!! Apne aap uske haath ne harqat li aur apne bhaale ki chain ko jorr se kheencha. Chain kisi saanp ki tarah aake fauran hi uske haath me lipat gayi aur-
*Claaaaannngggg*
Teer chain se jaa bhid usme dhans gaya. Teer ko chain par se nikal usne use alag kiya.
'He's getting on my nerves.'
[Use the bar's power on him.]
'Hmm!'
Woh dauda. Lekin, iss baar ladka bhi uski orr dauda. Dono ek dusre ki taraf aane lage. Aur, jaise hi faasla kam hua ladka hawa me ucchalte hue ulta ho gaya. Renshu ko koi mauka hi na mila. Ladke ke uchhalte hi kuch chhoti chhoti nukeeli cheezein seedhe uski taraf aayi, jinse woh poori tarah se bach na saka.
*Khaccchhh* *Khaccchhh*
'Shit!!! Shurikens???'
Woh nukeele shuriken uske shareer me jagah jagah ghus gaye. Koodate waqt ladke ne ye pehle hi fek diye the. Koodate waqt??
'Ek minute!? Shitttt...!'
Iska matlab woh ladka ab... Uske kaano me tabhi peeche se ek awaaz padi,
"Never turn your back on your enemy."
[Renshuuuu-!!!!]
Lloyd cheenkha aur agle hi pal-
*Baaaaammmmmmm*
"Urgh!!"
Renshu dur hawa me udte hue jaa ke gira. Usne vaar ko apne dono haatho se chhek ke apne chehre ko toh bacha liya. Magar, haatho me jamm ke chot pahuch gayi. Ladke ke haath me lohe ki ek rod thi. Koi shaq nahi tha ki ise bhi usi ne banaya tha.
'This is getting troublesome!'
Haatho ko mal, Iss baar woh punah dauda. Ladka bhi uski orr aaya. Magar, iss baar Renshu hawa me chhalaang maara.
'Huh!?'
Ye dekhte hi ladke ke qadam beech raaste me tham gaye. Renshu ke ek haath me uska bhaala tha toh wahi dusre me uski chain. Usne ladke ki taraf hawa me hi apne bhaale ki nok se nishana lagaya aur bhar taqat se use ladke ki orr fek diya.
Ladka ghabraate hue turant hi back hand spring maarne ke liye peeche gulati maara... Aur, tabhi Renshu ke hontho par ek kapti muskan saj gayi.
Jo bhaala usne feka tha, ek jhatke me usne use apni orr wapas kheech liya. Aur, iss baar chain ko ghuma ke fek diya.
*Kha-ching*
Peeche gulati maar raha ladka saamne ke drishya se anibhigya tha. Uska chehra neeche ki orr jo tha. Usne jaise hi chain ki awaaz suni uski aankhein bhay ke maare chaudi ho gayi.
'A Feint Attack??? Sh-Shit!!!'
Use bachaav ka koi samay na mila. Chain tezi se aake uske perro par bandhi. Full force ke saath Renshu ne uss ladke ko chain se kass ke kheencha aur woh udta hua perro me chain se bandhe Renshu ki orr aaya aur-
*Pooooooooooooowwww*
Mayhem ka ek bar upyog ho gaya. 200% Lethal Damage. Ladke ke pait ki atadiya jaise baahar aane ko ho gayi, uske muh se dherr saara khoon nikla aur woh jaa ke seedha ek chhote ped se jaa bhida. Ped do tukdo me vibhajit ho gaya aur neeche gir gaya.
*Huff* *Huff*
Renshu apni saanso ko durust karte hue apne badan se shurikens ko nikalne laga. Ab iss ladayi me uska upper hand tha. Bhaale ko zameen par zorr se khoste hue usne apni nigaahein ladke par tikayi.
"Ab tum saari baatein ugloge!!"
***
Wahi idhar bahar ka mahaul bhi bigda hua tha. Erica jawano aur Order ke aadmiyon ko chorr ke jaa chuki thi. Aur, inn sabhi ko ab lead karne ki zimmedari uss jawaan pe thi jo Renshu aur Erica ke sang chal raha tha.
Jawaan 1 : Miss Erica na jaane aise andhere jangal me kaha akeli chali gayi hai.
Jawaan 2 : Kya hume unke peeche jaana chahiye?
Jawaan 1 : Hume pata hi nahi hai ki woh gayi kaha hai. Aise me unka peecha karna waqt ki barbadi hi hogi. Kahi hum anchaahe jaal ka shikaar na ho jaaye. Behtar hoga ki hum unke kahe anusar aage badhe aur Unit 2 se engage hoye. Aap sab kya kehte ho?
Jawaan 2 : Haan, mein sehmat hu.
Order ke log bhi uski baato se raazi the magar unhe Erica ki chinta bhi utni hi sata rahi thi.
Aadmi 1 : Mein kya kehta hu... Hum me se 2-4 log Miss Erica ko dhundhne ke liye chale jaate hai. Kya pata woh kahi kisi mushqil me fass jaaye? Aur, madad ka intezar kare? Aise me hamara ye farz banta hai ki hum unki madad ke liye pahuche.
Aadmi 2 : Tumne theek kaha. Suno! Jo bhi 3-4 log Miss Erica ko dhundhne jaane ke liye taiyaar hai woh aage aaye.
Uske kehte hi 15-20 aadmi ek saath aage aa gaye.
Aadmi 2 : Itne nahi. Sirf 4. Tum dono aur tum dono. Tum chaaro Miss Erica ko dhundhne jaoge. Jo bhi samaan abhi lena hai bag me rakh lo. Yaha se hum apne apne raaste ho jayenge.
Poorn taiyaari ke baad 4 log Erica ki khoj me uss disha me nikal gaye jis disha me woh bhaagi thi. Toh wahi, Jawaan samet baaki sabhi jangal ki aur bhi gehrayi me Unit 2 ka saamna karne ghus gaye.
Divya, uska escort Clark, security aur jawaan bhi sab saath me peeche chal rahe the. Pareshani agar kisi baat ki thi toh woh yahi thi ki Veer ke baare me ab tak use koi khabar pata nahi chali thi.
Divya : Mister Renshu kaha par hai?
Jawaan 3 : Mister Renshu aage unke kisi skilled fighter se fight me engaged hai. Unhone ye mauka hamare liye banaya hai. Yaha se Unit 2 ke saath bhidant hogi. Aap sab mere peeche hi rahiyega. Hume ladayi me nahi rehna hai. Unki nazro se dur rehna hai.
Divya (nods) : Hmm!
Usne haami bhari. Magar, chinta thi jo khaaye jaa rahi thi. Jaise jaise samay beet raha tha wese wese Divya aur bhi zyada bechain hoti jaa rahi thi. Kaaran sirf ek hi tha - Veer ki safety.
***
"Damn it! Damn it-!!! Kaha ho tum??"
Erica tez raftar se bhaag rahi thi. Gati ke chalte uske baal hawa me zorro se lehra rahe the. 'Nocturnal Shade' aur 'Dead Silence' dono hi activated the, jiske chalte use andhere me dekhne ki na hi koi taqleef ho rahi thi aur na hi uske qadmo ki awaaz sunayi pad rahi thi. Woh aise bhaag rahi thi jaise ek billi raaste par bhaagti ho. Koi awaaz nahi.
East side ke entrance se pravesh woh pehle hi kar chuki thi. Aur, Veer ki talashi me juti thi. Magar, abhi tak Veer ka koi bhi naam-o-nishaan nahi mil raha tha.
"Just, where are you-!?"
Aur, kuch duri tay karne ke baad hi uske qadam saamne ke drishya ko dekh tham gaye.
'What the-!?'
Uske saamne ek neher thi. Parantu, uske upar bana rassi aur lakdi ka pul kata hua neeche latak raha tha. Erica ne neeche jhaank ke dekha toh paaya ki pul ka thoda hissa neher ke andar bhi dooba hua tha. Usne wapas apni nazre saamne gadayi.
[Pul ko saamne ki orr se kisi ne kaata hai, Erica.]
'Tumne sahi kaha Genie. Aur, ye abhi kuch derr pehle hi kaata gaya hai. Shit-!!! Iska matlab Veer zaroor uss orr hai. Woh wapas kaise aayega?'
Woh pul ko dobara se sahi karne ke baare me soch hi rahi thi jab uski nazre unn magarmaccho par padi jo beecho beech ek adanga bann ke waha niyukt hue terr rahe the.
'Shittt-!!! Ye yaha kya kar rahe hai? Ek hi jagah par!? Aisa lag raha hai kisi ne inhe jaan boojh ke yaha par chhora ho.'
[Ab uss orr jaane ke do hi upaay hai. Ya toh tum inhe pehle yaha se kisi tarah distract kar ke hatao aur fir terr ke jao. Ya fir thodi dur side se chhalaang lagao aur fir terr ke uss orr jao. Upaay koi bhi ho, udhar terr ke pahuchne ke baad tumhe climb toh karna hi padega kyuki pul toot chuka hai.]
'I know! I know! Let's try the first method first.'
Erica ne neeche zameen se ek patthar uthaaya aur nishana lagaate hue zorr se neher me unn magarmachho se halka sa dur fek diya.
*Splash*
Magarmacch chaukanne hue, woh sabhi terrte hue uss orr gaye magar, do teen chakkar maarne ke baad wapas se apni jagah par aake jamm gaye.
'What the-!?'
[They are keeping a watch. Hume dusra method hi try karna padega. Let's go!]
'Urgh! Alright-!'
Na chaahte hue bhi Erica ko apna rukh badalna pada. Woh dayi orr aage badhi. Kuch duri par aane ke baad usne neeche dekha. Neher me halka halka bahaav tha. Lekin, ye bahaav zyada tezz nahi tha. Woh apne shareer ko behne se rok sakti thi. Agar, bahaav tezz hota toh woh behte hue unn magarmaccho ke paas pahuch jaati. Aur, fir waha se nikalna uske liye bhaari pad jaata. Shayad woh maari bhi jaa sakti thi.
'I can handle this much current.'
[Good! Then, dive in!]
Kapde pehen ke paani me koodna Erica ko zara bhi pasand nahi tha. Magar, woh janti thi ki Veer abhi mushqil me tha. Samay zaaya nahi kar sakti thi woh-
'You better thank me later, Mister-!!!'
Aur, mann me budbudate hue woh uss chhor se kood gayi.
Chhapaak ki awaaz ke saath woh neher me aake giri. Neher gehri thi aur chaudayi me badi bhi. Yeh sirf Lancang Mekong ki kayi tributaries me se ek thi jo jangal me se hoke guzarti thi. Agar, yeh swayam Lancang Mekong nadi hoti toh Erica ko ise paar karne ke baare me 10 baar sochna pad jaata.
Neher paar kar woh dusre chhor par aayi aur usne chattaan ko pakad upar chadhna shuru kar diya. Pattharo par apne haatho ki pakad mazboot banaate hue woh ahista ahista upar chadhti gayi jab tak ki ekdum upar na pahuch gayi.
*Huff* *Huff*
Upar aate hi usne ek rahat ki saans li. Uske poore kapde paani se bheeg chuke the. Halki thand ke chalte uska badan bhi ab kaanpna shuru ho chuka tha.
Genie ne turant hi 'Chameleon' ka upyog kar uske badan ka tapmaan sahi kiya tab jaa ke Erica ko thoda behtar mehsoos hua.
Aur, bina waqt barbad kiye woh punah aage badh gayi. Pul isi orr se kaata gaya tha iska matlab khatra iss orr hi tha. Isliye, woh sambhal ke apne qadam aage badha rahi thi. Kuch duri hi usne abhi tay ki thi ki tabhi use bhi-
'Huh!?'
Woh gandh aayi.
'Th-This-!'
[It's blood!]
Khoon me maujood lohe ki dhaans hawa me soonghte hi Erica ke badan me ruye khade ho gaye.
*Whooooosh*
Woh apni jagah se gayab hui aur ped par chadh gayi. Usne apne aas paas poore ilaaqe ka aaklan kiya lekin kahi bhi kuch bhi use nazar na aaya.
Ek ped se dusre ped ki daali me chhalaang maarte hue woh thoda aur aage badhi. Jaise jaise woh aage badh rahi thi, khoon ki mehek aur bhi prabal hoti jaa rahi thi.
'What the hell is this-!? Urgh!'
Aur, tabhi woh ek daali par aake ruk gayi. Neeche use saaf saaf khoon ki ek lambi rekha dikhayi di.
'Y-Ye-!?'
[Kisi blood trail ki tarah nazar aa rahi hai. Pata nahi kitni dur tak gayi hogi.]
'B-But ye hai kya?'
[Check it first.]
'Ah right! Check!'
*Ding*
[A trail of fresh human blood.]
'F-Fresh human blood? Genie?'
[Hmm! Zaroor uss Jaw Long ka hi kaam hoga ye.]
'Jaw Long?'
[Hmm! He must be using some kind of skill or a card.]
'P-Par ye kaisi skill hai jisme human blood ki zaroorat padti ho?'
[There are many of them!]
'Ahhhh!? But why?? Aur, agar ye human blood hai toh-!? Toh, unka kya jinka yeh blood hai? Are they alive?'
[I don't know. Remember, Erica! Aisi bahut si skills aur cards hote hai jo evil practices bhi apnaate hai.]
'Huh???'
[Zaroori nahi ki koi skill ya card hamesha accha hi ho. They can be bad too.]
'Hmm!'
Erica bechari chup chaap Genie ki baat sunti rahi. Use jaise ye jaan ke thes pahuchi thi ki system ka upyog insaan ke khoon se kuch karne ke liye bhi kiya jaa raha tha.
'Kya tum jaanti ho ki yeh kya hai, Genie?'
[Hmm! Mein pata laga sakti hu. Lekin, usme mujhe thoda samay lagega. Kyuki, khoon ka istemal karne waali laakho skills hai. Unme se ye kaun si ek hai iske baare me pata karne me mujhe samay toh lagega hi na?]
'Hmm! Okay! Thank you!'
[Sambhal ke aage badhna.]
'Umm! Kuch hoga toh nahi na? Mujhe kuch theek nahi lag raha.'
[Hum kuch nahi kar sakte. Hume iss trail ko cross karna hi hoga. If you want to save that guy... Then, there isn't any other option.]
'Okay! I see!'
Erica ne ped par ek daal se dusri daal par koodate hue aage badhna hi theek samjha. Neeche ka vatavaran use kuch theek malum nahi pad raha tha.
Aur, jaise hi usne trail ko paar kiya... Udhar andar Jaw Long ki bauhe prashn ke chalte upar ko ho gayi.
'We've entered!'
[Keep going!]
Erica mehsoos kar paa rahi thi ki yaha ka tapman kuch zyada hi thanda pad chuka tha. Geele hone ki wajah se use apna tapman banaye rakhne me dikkat aa rahi thi.
Bheetar pravesh karte hi use kuch ajeeb si awaazein sunayi padne lagi. Ye janglee janvaro ki awaazein thi. Erica ki dhadkane tezz ho gayi. Awaazein aur adhik bhayanak aur ugra hoti jaa rahi thi. Aur, jaise hi woh ek daal pe aake ruki.
'Nocturnal Shade' ki madad se usne dur ho rahi halchal ko gaur se dekha. Aur, jo usne dekha... Use dekh uske perr wahi kaanp gaye. Uska poora badan thar-tharaane laga. Woh itna ghabra gayi ki kampan ke chalte woh neeche girne ko hui magar, ped ko haath se thaam usne khud ko girne se bachaya aur daal pe hi thithurte hue baith gayi. Uski aankhein bhauchakke hone ke chalte feli hui thi. Aisa nazara usne aaj se pehle kabhi apni zindagi me nahi dekha tha.
Saamne-!!!
Saamne Veer ghayal awastha me bhaagta jaa raha tha aur uske peeche-!? Uske peeche poora ka poora jangal ka samrajya laga hua tha. Pedo par koodate bandaro ka samooh jo daali se latak latak ke furti me aage badh rahe the.
Neeche daudate lakadbagghe, bhediye, aur seengh waale hiran jo jhund me sirf Veer ko apne perro se kuchalne ke liye bhaag rahe the.
Upar hawa me udta baaj jo Veer ke upar kisi helicopter ki spotlight ki tarah use apni nigrani me rakha hua tha.
Aur, peeche bhaagta Black Panther, jo Veer ke maans ko apne nukeele daanto se phaadne ki firaaq me tha. Magar, khauf sirf inka hi nahi tha.
Khauf tha uss aadmi ka...! Jo inhe apne vash me kiye hua tha. Jaw Long-!!!
*Grooooowwwwwlll*
Ek aisi dahaad waha par goonji ki Erica ke poore badan me raungte khade ho gaye. Jaise hi usne Veer ke peeche apni nazro ko le jaate hue dekha toh maano uske badan se uski rooh hi nikal gayi.
Jangalo ke janvaro me se sabse ugra aur sabse ghatak ~ Baagh! Kintu, uske upar koi tha. Uss baagh ki sawari koi aur nahi balki Jaw Long kar raha tha.
Veh bhaari, peeli aankhon waala, dhaari-daar bhayankar janvar Jaw Long jaise vyakti ka wazan uthaane ke baad bhi itni tezz daud raha tha. Akhir, kitni kshamta thi usme?
Erica aayi toh Veer ko bachaane thi. Magar, drishya dekh woh itna bhaybheet ho gayi ki bechari ke perr wahi jawab de gaye.
'I- M-My legs...! G-Genie!!! Mere perr hilne ke naam nahi le rahe, Genie!!! M-My whole body is shivering.'
[Don't worry! Calm yourself!]
'N-No wonder-! *huff* No wonder his shirt was destroyed. *shivers* H-How can he???'
[???]
'H-How can he-!? Itna sab kuch hone ke baad bhi woh waha kyu hai, Genie? It's suicidal. *huff* Agar, woh waha aur raha toh maara jayega.'
[If he's running at that pace, then it means he's fine for now.]
'Y-Ye tum kya bakwas kar rahi ho Genie? *huff* Th-This is suicide! It's pure suicide. J-Just how long he has been running for?'
[Stay calm!]
'F-Fuck it-!!! Haha! H-He will die, Genie! *sniff* At this rate, he will die. *sniff* Is he stupid??? K-Kyuuu? He could have just-!!! Woh chaahta toh yaha aata hi nahi...! Even then-! *sniff* Why did he???'
[I can see now!]
'???'
[He's a man who stays true to his convictions.]
'Huh!!??'
Aur, aaj pehli baar Erica ko Veer ke uss dradh nishchay ka abhaas hua. Uss naujavan ko dekh jo aisi awastha me apne mann ko shaant banaye rakh aisi musibat se ladd raha tha, pehli baar aaj Erica ka dil kisi aur wajah se zorr se dhadka.
Veer ke punah woh bol uske mann me goonj gaye.
'You can't even imagine the chaos when 2 system holders fight each other without any restraint.'
'J-Just how many battles have he fought to achieve that level of confidence and such calmness?'
[I'm not gonna lie. I'm very impressed. Aisi paristhiti me agar khud tumhare dad hote toh mujhe nahi lagta ki woh itna shaant khud ko rakh paate.]
'!!!?'
[He might be having a very good system like me.]
'Huh-!!?'
[You are lucky... to have him on your side. Imagine the destruction he can bring if he was your enemy.]
Aisa vichaar karte hi Erica ke badan me ek sihran daud gayi. Veer agar unka dushman hota toh-!? Kya kar sakta tha woh? Woh sochna bhi nahi chaahti thi. Genie ki baat poornta sach thi. Woh sab kismat waale the jo Veer unki taraf tha.
'I-I want to help him! Lekin, mere perr kaanp rahe hai.'
[Zaroorat nahi. Jis halat me tum abhi ho uske liye ek musibat hi banogi. Khud ko shaant karo aur halaat ke hisaab se dhaalo khud ko. Use dekh ke lag raha hai ki uske paas kuch plan hai.]
'R-Really???'
[Hmm!]
'G-Genie-! Agar mein uski jagah hoti, toh shayad kab ka maari gayi hoti. Mujhe nahi lagta mein uss tarah himmat rakh ke unn janvaro se bhaagi hoti. Mere toh perr wahi jamm gaye hote. Balki, abhi bhi use dekh... Mere badan me raungte khade hue hai. Bas, soch rahi hu ki akhir uske paas kaise itni himmat aayi hogi? J-Jaw Long-!! Kisne socha tha ki uske paas aisa kuch hoga-!?'
[Abhi tum bas apne aap ko niyantran me lao. Agar, kuch anhoni ke asaar bane toh mein action lungi. I will help you. So, don't worry. For now we can watch.]
'Mmm-!!'
Woh bas Veer ke liye yaha se dua hi kar sakti thi. Iss sthiti me agar woh jaati toh Veer ke liye madad kam balki adanga zyada sabit hoti. Veer ne apni situation ko turant bhaanp ke khud ko adapt kar liya tha, magar harr kisi me ye capability nahi hoti thi.
'Fuck!! Fuck! Fuckkkk!!!'
Idhar Veer apna stamina gawata hua bhaage jaa raha tha. Ye janvar na jaane kab se uske peeche lage hue the.
'Kya tumhe kuch pata chala? For fuck sake aur kitna time lagega???'
[Urghhh! Shut the fuck up! Tumhe andaza bhi hai ki kitni saari skills hai blood se related? I had to go one by one to look for the one that motherfucker was using...!]
'Toh? Ab ye mat kehna ki kuch pata nahi laga. I've been stalling them for quite a long. Aur, ab mujhe nahi lagta ki mein unhe aur zyada chhaka sakta hu. Jaw Long-!!! Fucking hell-!! He's riding a tiger!!!'
[Fufufu~ Are you scared? Call me 'Mommy' and I will tell you everything.]
'Huh? Matlab tumne pata laga liya?'
[Of course! Mujhe pata lag gaya hai ki woh kya istemal kar raha hai.]
'Oh really? Toh? Kya?'
[First call me, 'Mommy!' Tabhi, kuch bataungi.]
'What the hell-!? You freakin-'
[Bata rahi hu. Don't spoil the mood now.]
'Be quick!!!'
[Woh blood trail... Definitely, woh human blood tha. Lekin, woh jaan boojh ke waha giraya gaya tha.]
'What? Jaan boojh ke?'
[Yes! It was this-]
*Ding*
[Legendary skill : Jemisha's Blood Ring.
Description : The skill allows the host to have limitless perception for a certain area. Pour the human blood and form a trail to create a circular ring of blood. If anyone enters the ring, the host will immediately come to know about them.
Note : There is no limit to the area covered by the blood ring. The bigger the ring, the bigger the area which can be perceived.]
'Th-This-!!'
Veer ne jaise hi skill ka description padha, toh uske hosh hi udd gaye.
'Fuck this-!! Toh ye baat thi. Isliye usko mere andar aane ka pata pehle se hi lag gaya tha.'
[That's right!]
Jemisha's Blood Ring ek legendary skill thi jo insaan ke khoon ka istemal karti thi. Khoon ko ek golakar ki rekha me kheencha jaata tha jiske baad usme pravesh karte hi system holder ko pata lag jaaya karta tha ki woh kaha par hai. Veer ke andar ghuste hi Jaw long ko pata lag chuka tha ki woh kaha par rekha ko paar kiya tha.
'Legendary skill-!!? Uske paas legendary skill hai?'
[Not one but two.]
Pari ne jaise hi ye kaha Veer ke perro tale jaise zameen khisak gayi.
'Wh-Wha-!?'
[Have a look at this.]
*Ding*
[Legendary skill : Shayna's Blood Ritual.
Description : Bestows a set of instructions to perform Shayna's Blood Ritual. A ritual meticulously written by the legendary entity Shayna herself. The host must have 'Shayna's Access' and 'Animal Kingdom' cards before performing the ritual.
Click 'here' to view the set of instructions.
Note : Ritual will only last for 25 minutes.]
'What the-!?'
Veer ko ab jaise baatein samajh aa rahi thi. Shayna's Blood Ritual woh ritual tha jisme kuch mayavi nirdesh diye gaye the. Veer ne jaise hi use 'click' kar kholna chaaha toh woh khula hi nahi. Balki, ek notification uske saamne prakat ho gaya.
*Ding*
[Only after claiming the skill you can view the instructions.]
'Toh ye baat hai. I see!'
[Ritual ki timing 25 minutes hai. Iska matlab woh janvar bas 25 minutes tak hi uss Jaw Long ke ishaaro par naachenge. Bas, 5 minute aur hold kar ke rakhna hoga.]
'Hmm!'
[Aur, rahi baat cards ki toh woh iska istemal kar raha hai.]
*Ding*
Card ko padhte hi Veer sab kuch samajh gaya.
'I see! Toh ek prakar se woh iski madad se unhe control kar raha tha?'
[Sirf iski madad se nahi. Use inn sab ko upyog me laane ke liye kayi cheezon ka istemal karna pada. Jemisha's blood ring hamare aane ki khabar dene ke liye istemal ki gayi thi.]
'I know!'
[Uske baad Shayna's Blood Ritual perform kiya gaya taaki janvaro ko niyantran me laaya jaa sake.]
'How powerful-!'
[Aur, uske baad unhe niyantran me banaye rakhne ke liye 'Animal Kingdom' card ka istemal kiya gaya. Isme koi shaq nahi ki usne abhi yahi equip kar rakha hoga. Itna sab karne ke liye usne apni 2 legendary skills aur do cards ka prayog kiya hai.]
'2 cards? Dusra kaun sa card hai?'
[Shayna's Access. Shayna woh entity hai jo inn tantra vidyao me maahir hai.]
'Shayna? Who the fuck is Shayna?'
[I can't tell you.]
'Fuckkk!!!'
[Uske saath communication baithane ke liye Shayna's Access card ka hona zaroori hai. Aise samjho ki agar tum kisi aatma ki shaktiyo ka prayog karne ke liye uss se sampark karna chaahte ho, toh pehle uss aatma ka ek card hona zaroori hai. Kuch samajh aaya?]
'Samajh gaya!'
*Ding*
[This is her card.]
'I get it!'
[Good!]
*Booooooooommmmmm*
Magar, Veer zyada derr baato me lage reh ke unn janvaro se peechha nahi churra sakta tha. Ek aur dhamake ne use ye baat batla di.
[Bas 2 minute aur-!!!]
Veer ne bhaagte hue peeche mud ke dekha toh paaya ki ek baagh par baithe hue Jaw Long uski taraf hi aa raha tha. Uske haath me ek bada sa kulhada tha. Par, uski aankhein abhi bhi band thi.
'What the hell? Uski aankhein agar band hai-!! Toh, woh dekh kaise paa raha hai sab kuch?'
[It's his skill.]
'Kaun si??'
*Ding*
[Skill : Aura Vision.
Description : Allows the host to see the world even after losing the eyesight. Aura vision grants a grey scenery vision. Different living beings are shown in different colored auras.
Note : Non living things cannot be observed through Aura Vision.]
'Fuck this-!!! It's getting complicated. Akhir, aur kitni skills hai iske paas?'
Pari ne ekdum sateek aaklan kar ke diya tha. Jaw Long pehle hi Veer ke neele rang ke aura ko dur se dekh ke pehchan chuka tha ki koi insaan uski territory me ghus aaya hai.
Insaano ka aura neele rang se nazar aata tha toh wahi ped paudho ka hare rang se. Aur, janvaro ka peele rang se. Ye rang uske liye kaafi the aankh na hote hue bhi sab kuch dekhne ke liye.
[Oh shit-!!!]
'What?!?'
[I just realised...! Isliye, uski aankhein nahi hai buddhu!]
'Huh???'
[Arre, isliye woh aankhein band kiya hua hai. Ab tumhe samajh aaya ki kyu uski band aankhon se khoon beh raha tha? Kyuki, usne apni aankhein nikaal di thi.]
'What the-!?'
Veer ke badan me ek sihran daud gayi. Apni aankhein nikaal di? Kya matlab?
[Rituals pagal... Rituals...! Koi bhi ritual perform karne ke liye kuch balidan dena hota hai. Considering, ye dono skills legendary thi zahir hai usne koi na koi sacrifice diya hoga jisme usne khud ka koi ang ritual me chadhaya hoga. Now everything makes sense.]
'Wait! Toh iska matlab usne 2 rituals perform kiye. Aur, unn dono me usne apna ek ek balidan diya. Yaani ki... Uski ek ek aankh!?'
[Exactly!!!!]
'He's going to such lengths just to chase me down???'
[Use thodi pata tha ki tum aa jaoge. Usne ye sab toh Renshu ke liye prepare kar rakha tha. Humne uski mehnat par paani ferr diya. Sirf ek minute aur ab bas-!!!]
Ab harr baat sense bana rahi thi. Shukriya Pari ka jo usne samay rehte sab kuch khoj nikala tha. Veer janta tha ki use bas ek minute aur inse bhaagna tha aur fir ye sabhi niyantran se mukt ho jaane waale the.
[Also, woh unhe poori tarah control nahi kar raha hai. Bas, unhe tame kar raha hai. Hypnosis nahi hai yeh.]
'Got it!'
[25 seconds.]
Veer bhaagta gaya. Use saamne ek aur pul nazar aaya. Pul patla tha. Veer bina soche samjhe uss orr bhaaga aur idhar peeche se Black Panther theek uske peeche aate hue pul par dauda.
[20 seconds.]
Veer ke qadam tezz raftaar me pul par bhaag rahe the. Toh wahi Panther bhi Veer ki gati milaate hue uske qareeb aane laga. Pul dono ke bhaar se poori tarah se dol ke idhar udhar hone laga.
Aur, abhi Veer chhor tak pahuch paata ki tabhi uss chhor se ek bada sa ajgar pul par chadh uski orr tezz raftaar se reng ke aane laga.
'Shitttt-!!!'
Ek Deadlock!!!
[10 seconds.]
Ajgar achanak hi uski orr uchka. Toh wahi peeche se aa raha panther bhi uski orr lapka aur tabhi-
*Ding*
Panther ka perr lakdi ke pul ke ek takhte par padte hi andar ghus gaya. Probability manipulation ne ek baar fir uski jaan bacha li. Veer ne samay rehte hue khud ko baayi orr rassi par jhukaaya aur dono ajgar aur panther ek dusre se jaa bhide.
[5 seconds.]
Pul ki rassi par bhaar badha. Ek orr santulan hone laga... Pul baayi orr jhukne laga. Aur, derr na lagi jab Veer ke bhaar ke chalte pul poori tarah se baayi orr jhuk gaya.
'Fuckkkkk!!!'
Veer, panther aur ajgar samet seedhe dusri neher me jaa gira. Lancang Mekong ki ek aur tributary. Parantu, ye kaafi chhoti thi aur bahaav ekdum na ke barabar.
*Splaaaaaaaasssshhhh*
Neher me Veer chhapaak se gira. Aur, jaise hi Panther aur ajgar gire woh dono pehle toh khud ko kinare kar Veer ko dhundhe. Par agle hi shan-
*Ding*
[O seconds.]
[Shayna's Blood Ritual ki time limit khatam. They are no longer in control.]
Maano jaise janvaro ko bhi achanak se kuch ho gaya. Fir, Veer ne ek hairat angez drishya dekha. Jis Panther aur ajgar me thodi derr pehle itni ekta thi, jo use maarne ke liye ek dusre par dhyaan tak nahi de rahe the. Wahi ab ek dusre par jhapatta maarne par tule the.
Veer apni aankhon ko bas paani me se nikaalte hue sab kuch dekhta gaya. Panther ne ajgar ko apne jabdo me pakda aur use ghaseet ke le jaane laga.
Aur, derr na lagi jab woh use apne daanto ke beech fasa ke waha se le jaane me qamyab ho gaya.
Shayna's Blood Ritual ki time limit samapt ho chuki thi. Magar, asli ladayi ab shuru honi baaki thi. Abhi woh Aquatic Breathing ka upyog kar paani me saans lene hi wala tha jab Pari ne use mana kar diya-
[Wait!!]
'Hmm?'
[Check the water first.]
'Right! Check!!'
*Ding*
[Water body induced with an unknown venom.]
'Shittttt!!! Akhir ye banda kitni dur ki planning kar ke baitha hai?'
Woh saans le leta toh abhi ke abhi maara jaata. Pehle se hi Jaw Long ne uss hisse me apne kisi zeher ko gira ke neher ko dooshit kar rakha tha.
Aur tabhi, Veer ke kaano me ek dahaad sunaayi di. Jaw Long upar baagh par baithe use hi neeche ghoor ke dekh raha tha.
'Pari!!! Agar Animal Kingdom aur Shayna's Ritual ka asar khatam ho gaya hai toh fir woh baagh abhi bhi uske niyantran me kaise hai?'
[Woh uska paaltu bhi ho sakta hai.]
'Hmm!'
Jaw Long tabhi apne baagh par se utra. Aur, ek chhalaang me hi seedhe neeche ko kood neher me utar aaya.
*Splaaaaaaaasssshhhh*
Paani chhalakte hue upar uchhla aur boondo me bikharte hue neeche girne laga. Jaw Long apna kulhada liye wahi paani me khusi ek lakdi par chadh gaya. Uski aankhein aag baboola ho chuki thi.
Jagah jagah ped ki ye lakdiyaan aadhi kati hui paani ke andar ekdum neeche zameen me dhasi hui thi. Shayad pehle yaha ped hua karte the jinhe baad me kaat diya gaya tha aur neher ke paani ko nikaalne ke liye iss orr se raasta bana diya gaya.
Unhi ardh kati lakdiyo ka sahara lete hue Veer bhi unhi me se ek par chadh gaya. Ab muqabla tha barabri ka. Do system holder jo ek dusre se bhidne ke liye taiyaar the.
Veer 25 minute ki iss bhaag daud se thak chuka tha lekin abhi bhi usme itni taqat thi ki woh Jaw Long se yuddh kar sake.
Aur, fir shuru hua asli muqabla...
*Swoosh* *Swoosh*
Jaw Long ek lakdi se doosri par koodate hue Veer ki orr aaya.
"Come then-!!" Veer taiyaar tha.
Veer ke nazdeek waali lakdi par aate hi Jaw Long ne zorr se apna kulhada ghumaya jise Veer ne jhuk ke dodge kar liya.
Aur, woh koodate hue peeche ke ardh ped par jaa ke khada ho gaya.
'Violet ke dwara di gayi saari needles aur woh serum uss blast me wahi gir gayi. I only have one knife and one pocket knife.'
[Use the normal knife for emergency parrying.]
'Yeah-!!!'
Iss baar woh tezzi me ek lakde se dusre par phaandte hue aage badha aur uski laat seedhe Jaw Long ke pait par aayi.
'What-!?'
Lekin, ek haath se hi Jaw Long ne uski taang ko jakad liya. Achanak hi Veer ke jism me ek sihran daud gayi. Aisa laga jaise agar abhi woh waha se na hata toh uska perr wahi katt ke ukhaad diya jayega.
Aur, wahi hota...! Jaw Long ne apna kulhada hawa me upar kiya...! Veer ki aankhein woh dekhte hi fel gayi. Aur, kulhada neeche aane hi waala tha ki Veer ne apni dusri taang se seedhe Jaw Long ke perr ke ghutno ke bagal me vaar kiya.
*Thuck*
Santulan bigda... Ek side se Jaw Long jhukne par majboor ho gaya. Pakad dheeli hui aur Veer ko mauka mil gaya.
*Whooooooosshhhh*
Woh palak jhapakte uske changul se nikal peeche ke lakde par kooda. Aur koodate hi uske kaano me hawa me sansanati hui aati kisi cheez ki awaaz padi,
*Whoosh* *Whoosh* *Whoosh*
*Ding*
Apne aap uska shareer neeche jhuka aur jhukte hi Jaw Long ka kulhada uske sarr ke upar se bhayanak raftaar se nikal gaya. Uske sarr ke 8-10 baal chhalni hoke hawa me hi udd gaye. Agar, sahi samay par woh na jhukta toh unn kuch baalo ki jagah uska sarr waha hawa me udd raha hota.
Veer ne apni baah ko dekha. Goosebumps poore shareer par bikhre hue the. Aur, tabhi-
"Shebaaaaaaaa-!!!!!!"
Jaw Long dahaada!!!! Uska kulhada ab uske haatho me nahi tha. Aur, beshaq uske awaaz lagaate hi-
*Keeaaaaaaarrrrrrrr*
Sheba raat ke uss andhere me hawa me apne par felaye aasman me uske madad ke liye haazir ho gaya.
[See! I told you! That eagle is a pain in the ass.]
Sheba ke panjo me ek bhaala latak raha tha. Woh upar udte hue Jaw Long ke nazdeek aaya aur panje kholte hue usne bhaala chorr diya jo seedha neeche girte hue Jaw Long ke haatho me jaa gira.
Bhaale ko apne ird gird zorro se gol gol ghumaate hue Jaw Long punah Veer ki taraf lapka. Woh bhari bharkam shareer, aur kayi shero ke barabar taqat rakhne waala danav insaan iss baar Veer ki khaal ukhaadne ki firaaq me nazar aa raha tha.
[Careful-!!!]
*Whoosh*
Uske hamle shuru ho gaye. Bhaale ko woh itni taqat aur itni nipudta se chala raha tha ki uske praharo se neeche paani me tarange paida ho rahi thi.
Woh jaan gaya tha ki Veer ne paani ki ek boond bhi apne andar nahi li thi. Uski ek aur tactic barbad jaa chuki thi. Gussa uske sarr par savaar tha. Ya toh ab woh yaha se zinda bach ke nikalne waala tha ya fir Veer.
Woh garja-
"Haaaaaarrrrrrggghhhhhhh!!!!!"
Uski garaj sunn Veer ko hawa me kampan mehsoos hone laga. Jaw Long ne bhaala fir itni zorr se feka ki Veer ko aage ki rann-neeti banaane ka koi samay na mila.
*Swooosh*
Woh bhaala tezi se uske perro ki orr aaya toh Veer hawa me ek jhatke me ucchak gaya.
*Thuck*
Aur, bhaala seedhe lakde par jaa ke dhans gaya. Magar, jaise hi Veer uchka...! Use agle hi pal apne nirnay par glaani mehsoos hui. Kyuki-
*Poooooooowwwwww*
Zordaar laat seedhe aake uske pait par padi. Ek feint attack. Jaan boojh ke uske perro ki orr woh bhaala feka gaya tha. Taaki, woh hawa me uchke aur Jaw Long yahi soch pehle hi hawa me kood chuka tha.
Veer ka shareer hawa me uda... Jaise patthar ko paani ki sateh par tez gati me fekne se woh uske upar tappe khaate hue dur jaata tha. Waise hi Veer ka shareer bhi iss waqt neher ke paani ke upar tappe khaate hue dur jaa gira.
Gati dheeme padte hi uska shareer paani ki sateh ko chorr andar doob gaya. Veer ne aav dekha na taav aur seedhe kinaare ki orr terrte hue woh chhor ke liye bhaaga.
Jaw Long ko jaise hi uske iraado ka pata chala, toh bhala woh kaha peeche rehne waala tha. Veer ka peecha karte hue woh bhi neher chorr ke usme se baahar aa gaya.
Zameen par qadam padte hi Veer uss se ek duri banaane ke liye bhaaga. Woh dono jangal ki aur bhi gehrayi me aa chuke the aur yaha se mine ka raasta ab thoda hi bacha tha.
Beecho beech ek jagah par aate hi Veer palat ke Jaw Long se bhidne ke liye taiyaar ho gaya. Martial arts ka stance lete hi usne khud ko taiyaar kiya. Saamne se baagh ke samaan woh danav bhaagte hue aa raha tha.
Toh wahi upar thehri Erica ko achanak hi hawa me antar samajh aa gaya. Janvar ab ajeeb tareeqe se idhar udhar hote hue bhaag rahe the.
[Lagta hai woh sab control se baahar aa gaye hai ab.]
'Ohh! P-Par Veer kaha hai?'
Woh bechain hote hue idhar udhar nazre daudayi.
[We need to check it out. Tum ab theek ho?]
'H-Haan shayad-! I can move my legs now.'
[Good! We need to make a dash. Quick!]
'Y-Yes!'
Woh apni jagah se uthate hue Veer aur Jaw Long ki talaash me ek baar fir aage badhi.
Toh wahi Veer yaha neeche Jaw Long se yuddh me bhida hua tha. Bhaale se bachte hue Veer apne attack uss par land kar raha tha magar, koi bhi vaar aisa nahi kar paaya jis se Jaw Long ko ghaat pahuch sake.
Kintu, jaise usne koi tarqeeb soch rakhi thi. Ek dusre par vaar kar rahe jaise hi iss baar Jaw Long ka bhaala Veer ke seene ko chhalni karne ke liye aaya.
*Thuck*
Veer ne khud ko peeche kar liya. Bhaale ki nok zameen me ghusi aur agle hi shan-
"Haaarghhh!!!"
Veer ki laat ne bhaale ke lakde ke do tukde kar diye. Beech se tootate hi bhaala ab vyarth ho gaya.
Usne ladaayi iss mod par laa ke khadi kar di ki ab hand to hand combat ke alawa Jaw Long ke paas aur koi chaara na tha.
Dekh ke prateet ho raha tha ki uss baagh par bhi uska koi khaas niyantran nahi tha. Animal kingdom ke asar khatam hote hi woh baagh bhi kahi nazar nahi aa raha tha.
Aur, ab shuru hui thi asli combat. Jaw Long ka pehla prahaar Veer ki kamar ki orr badha.
Shareer ko peeche kar Veer ne khud ko bachaya. Uske hontho par muskaan feli...! Woh jaise hi aage badh hamla karne ka socha ki tabhi Jaw Long ka wahi haath wapas se uss par hamla karne ke liye tezi se aaya.
'Tch!!!'
Aur, iss baar-
*Swish*
Veer ne duck kar liya. Woh tezz raftaar se neeche jhuka. Uski aankhon ke saamne Jaw Long ka pait tha. Aur, uska mukka kass ke maarne ke liye taiyaar tha.
Magar, Jaw Long bhi jaise ye padh chuka tha. Woh ghoomte hue peeche hua aur Veer ka vaar vyarth chala gaya. Agle hi shan, Veer ko apne chehre par ek parchhayi chadhti nazar aayi.
Upar jaise hi dekha-
*Baaaaammmmmmm*
Jaw Long ka perr zameen par zorr se pada aur uss zameen ke parchhatte udd gaye. Ek halka gehra gaddha waha bann gaya. Agar, sahi samay par woh na hatata toh woh laat use kaafi haani pahucha sakti thi.
[What are you doing? Probability Manipulation teen baar istemal ho chuka hai. Ab 12 baje ke baad agla din lagne par hi uska istemal dobara kar paoge. Fight carefully!]
'Yeah yeah-!! I know-!!'
Dono ke mukke, haath aur laat ek dusre se bhidne lage. Taqat itni thi ki haath se haath bhidne par hi uss ilaaqe me awaazein paida hone lagi. Neeche pade patte unki harqat ki raftaar se udd ke bikharne lage. Toh wahi chhote ped paudhe unke praharo ki gati ki hawa se lehraane lage.
Combos ke baad combos woh dono ek dusre par maar rahe the. Magar, dono hi ek dusre ke combo ender ko poora hone nahi de rahe the. Veer ki pasli par Jaw Long ka mukka padte hi uske muh se ek karaah nikal gayi. Usne apne daant meeste hue uske haath ko thaama-
*Ding*
LIMBO!!!!
Par-
*Baaaaammmmmmm*
Ek laat seedhe aake uske seene par padi kyuki, Limbo ke asar lene se pehle hi Jaw Long ne apna haath chhina liya.
Veer ka shareer hawa me udta hua dur gaya. Jaw Long pehle se hi daud laga diya. Veer tamaam maujood pedo me se ek ped par jaa ke bhida aur uske bhidte hi-
*Baaaaammmmmmm*
"Urgh-!! Uck-!!"
Jaw Long ka tabadtod mukka uske pait par aake laga. Na jaane woh yaha kab prakat ho gaya. Aur, mukke aur pait ka sampark hote hi-
*Ding*
[Bone Reaper has been equipped.]
*Craaaaaaacccccckkk*
*Booooooooommmmmm*
Ped ke tukde beech se hue, Veer ka shareer ek nahi peeche maujood aur 2-3 pedo ko ek saath todte hue jaa gira. Ped ke baad ped bikhar kar ab gir rahe the. Ab ye ladayi ghatak ho rahi thi. Bone Reaper uski haadiyo ko toh bacha ke rakha tha. Magar, pait me koi haddi nahi hoti thi...
*Bluuurrghhhhhh*
Uske muh se khoon nikla. Pait aise dard kar raha tha maano kisi ne kass ke hathoda maar diya ho.
Ladkhadate qadam ko sambhalte hue jaise hi woh khada hua-
*Gwaaakhhhh*
Veer ki aankhein hairat me chaudi ho gayi. Jaw Long ne uske gale ko apne haath ki giraft me liya aur punah kass ke ek ped se bhed use hawa me utha diya.
"Argh-! Ack-!!!"
Aur, pehli baar Jaw Long ke bol uske kaano me pade.
"Tum...! Ek acche yoddha ho!!! Magar, mujhse behtar nahi!"
Kehte hue usne agle hi shan Veer ke shareer ko upar hawa me uchhaal diya. Veer ka badan ped ki daali ko tukdo me bikherte hue aur upar ko gaya. Neeche se Jaw Long khud bhi uchka. Dusri daali ka sahara lete hue woh aur upar uchka...!
Jaise hi hawa me woh Veer ke nazdeek aaya uski aankhon me khoon karne ka bhoot sawar ho gaya. Ghaatak prahar woh Veer pe barsaane hi waala tha ki Veer ne unn hamlo ko apne vaaro se block kar unhe rok liya.
Dono hawa me hi the aur neeche girne lage. Haath perr itni tezz raftaar se chal rahe the ki bas unki after images hi nazar aa rahi thi.
Par, ek laat itni tezz gati se Veer ki orr aayi. Hawa me iss se bacha nahi jaa sakta tha keval ise block hi kiya jaa sakta tha. Aur, Veer ne kiya bhi wahi-
Jaise hi usne apne dono haath perr modte hue khud ke sarr ko dhaaka, Jaw Long ki kick uski kohniyo par padi aur woh neeche dhadaam se gir, zameen ko ukhaadte hue dur tak jaata chala gaya. Zameen ke udhadte hi waha halka dhua uth gaya.
Jaw Long toh jaise bhooke bhediye ki tarah uss par dhaawa bol raha tha. Veer ki thakaan ne apna asar dikha diya tha. Agar, woh 25 minute ki bhaag daud na hui hoti toh abhi maajra kuch aur hota...
*huff* *huff*
Uski saansein ab ukhdi ukhdi aa rahi thi. Jagah jagah badan par chote pahuchi rakhi thi aur jagah jagah par gehre ghaav bhi bann chuke the. Khoon se lathpath uska shareer kisi bhi waqt ab neeche gir sakta tha.
'H-His weight is helping him in his blows.'
Paseene ke saath khoon uske chehre par bhi fela hua tha. Aankhein fadakte hue band hone ko bol rahi thi par uski dridhta unn palko ko khol ke rakhe hue thi. Baalo ki ek latt uski aankh ke saamne aake jhool gayi. Jaw Long saamne se uss par antim vaar karne aa raha tha.
Veer ka haath apni jebo ko tatolte hue hidden knife ko dhundha aur usne tezz raftaar se aa rahe Jaw Long ke nazdeek aane ka intezar kiya.
Jaise hi woh 4 qadam ki duri par aaya. Veer ne ek jhatke me woh knife uski orr fek di. Jaw Long iss hamle ke liye jaise taiyaar nahi tha. Woh achambhav me reh gaya aur knife seedhe jaake uske kandhe me ghus gayi.
Aur, idhar Veer ki ek theory sach saabit ho gayi.
'So, he doesn't have any sort of dodging skills...! I see!'
Veer ki theory toh saabit ho gayi. Magar, Jaw Long ka agla hamla itni zorr se pada ki Veer ke poora jism andar se leke baahar tak hil gaya.
Khoon hawa me ucchla aur uska shareer bhayanak gati se pedo ko cheerte hue kayi feet dur jaa gira.
Jaw Long uski mrityu ke samaan dheere dheere chalte hue uske nazdeek aane laga. Usne wahi khusa bhaala zameen par se ukhaad ke nikaala aur ahista ahista Veer ke paas aane laga.
Veer koi bhi harqat nahi kar raha tha. Probability Manipulation ka istemal ab woh nahi kar sakta tha. Limbo barbaad jaa chuki thi. Bone Reaper keval uski haddiyo ko hi bacha sakta tha. Andar ki maanspeshiyo aur aham ango ko nahi.
Beowulf's Blessings keval uske senses hi badhaata tha na ki uski taqat. Agar woh ek neend le leta toh kam se kam woh ladayi me kuch antar laa sakta tha. Magar-
Jaw Long uss se kuch qadam ki duri par khada ho gaya. Aur, bina deri kiye woh aage daudte hue hawa me ucchla par tabhi uski aankhein bhay ke maare fel gayi.
Uske haath apne aap uske chehre ke saamne aake use dhaak liye aur agle hi shan-
*Booooooooommmmm*
Uska bhaari bharkam shareer hawa me vipreet disha me atyant dur jaa ke gira. Prahar ki awaaz se Veer ne apna chehra kar upar dekha toh paaya ki-
Koi khada hua tha.
'*huff* K-Kaun-!? *huff*'
Koi tha...! Usne upar se neeche tak kaale kapde pehne hue the jo uski gori safed twacha ke ekdum vipreet the. Wahi lambe, seedhe, kaale ghane baal jo mand hawa me lehra rahe the. Uski chamak daar aankhein jo andhere me vishesh roop se chamak rahi thi. Aur, uske ird gird fela uska woh strong aura jo inn sabhi visheshtao ko baandh ke rakha tha.
Uska yeh swaroop Veer ke dil-o-dimag me ankit ho gaya. Nahi! Balki, ye aisa tha ki ise bhoolna hi namumkin tha.
Tabhi, Veer ka dil chehra dekhte hi zorr se dhadka...! Hairat me uski aankhein chaudi ho gayi.
'Y-You-!!!???'
Woh ladki bina Veer ko dekhe aage badhi ki tabhi Veer ne use peeche se pukaarte hue rok liya.
"W-Wait-!!!!"
Ladki ke qadam wahi tham gaye. Uski mutthi Zorro se kass gayi. Jaise maano woh yaha rukna nahi chaahti thi.
"I-It's you-!!! Wh-Why???"
Parantu, ladki kuch na boli. Woh punah jaise hi aage badhne ke liye hui-
"Avaaaaa-!!!!"
Iss baar fir uske qadam Veer ki pukaar par rukk gaye. Veer ki dhadkane tezz thi. Uske mann me kayi sawaal uthal puthal machaaye hue the. Magar, inka samay nahi tha.
"Wh-Why??? *huff* *huff* T-Tum yaha...? Kyu??!"
Uski awaaz me krodh, aashcharya aur peeda sab kuch tha. Par, Ava mudi aur usne jo jawaab diya... Unme bhi yahi bhaav the.
"Why? You ask me why?"
Woh palti... Veer ne uska chehra saamne se dekha toh uska muh khula ka khula reh gaya. Ava ki aankhon me aasu the...!
"Yaad karo Veer! Kya kaha tha tumne mujhse akhiri baar?"
Veer ne jaise hi uss baare me socha Ava utne me ek jhatke me hawa ke jhoke ki tarah apni jagah se gayab ho gayi.
"Avaaaaaaa-!!!!"
Veer ki pukaar ka koi fayda na hua. Woh Jaw Long ki disha ki orr jaa chuki thi. Magar, uske bol zaroor Veer ke mastishq me goonjte reh gaye.
'Yaad karo Veer! Kya kaha tha tumne mujhse akhiri baar?'
Veer ko yaad aaya. Akhiri baar usne Ava ko jo kuch kaha tha... Woh uss island par kaha tha jiske kinaare woh Crimson se ladd raha tha. Dhoka dene ki wajah se woh Ava se apne saare rishte naate tod chuka tha. Usne kaha tha ki-
'Tum apne raaste! Aur mein apne! Humare beech ab koi rishta nahi. And, don't you dare ever cross paths with me. You are on your own from now on.'
'And don't show me your face ever again.'
Magar, sirf itna hi nahi tha. Ava apni maa ko bachaane ke liye ye sab kari thi. Aur, isliye Island chorr kar jaane se pehle Veer ne ek vaakya aur kaha tha. Itni dheere ki sirf use hi sunaayi de sake. Lekin, Ava ne woh sunn liya tha.
Woh bol the-
'Go and protect your loved one now.'
.
.
.
.
.
.
.
.
.
Aaj ke liye itna hi guys.
Update consists of 11k words. Mere khayal se ye sabse bada update hai kahani ka. Also, aap sabhi ko Holi ki shubhkamnaye. Update late aane ke kayi saare kaaran hai jinke baare me mein baar baar baat nahi karunga. Achanak food poisoning ki wajah se bhi mera swastha beech me dagmaga gaya. Anyways, update 176 is here. Baaki, likes thokne aur revos rakhne ka. Target apna 200 hi hai. Pahucha do.
Happy Holi once again!
Dhanyavad.
Par Ava yaha achanak se kaha se prakat ho gayi mujhe laga tha Erica hogi
Fuckingkiller23
Member
- 344
- 886
- 93