Incest Baadshah ~ The Tales of Debauchery

[Werewolf]

Index​

Full Status and Cards​

Artworks​

Full Characters Guide​

Arcs​

Latest Update ➢ Update 189 ​

 

[Janu002]

Superb update

 

[Lord xingbie]

Update - 178 ~ The Collapse
[Note : Update kaafi bada hai. Itminaan se padhna.]​

Ab tak...

Ava jo Veer ko uthata dekh ek raahat ki saans li, usne apni katana ko hawa me feka jo Veer ke bagal se jaa ke zameen par khus gayi.

Ava : Take it... Veer!!!

Magar, Veer ke muh se uske baad jo bol nikle woh uske nahi the. Awaaz uski hi thi, parantu bol Pari ke the.

"I don't need any weapons...! I AM THE WEAPON!!!"

Ab aage...

“Aage badhte raho! Aage badhte raho!”

“Hume rukna nahi hai! Lord aur Miss Erica hamare liye itni kathnaiyo ka saamna kar rahe hai.”

“Chaukanna raho! Aur, Captain Feng ko follow karte raho!”

Order ke do senior sadasya Bo aur Ming baaki sabhi ko samjhane me lage hue the. Sab ke sab Jawan Feng ke peeche peeche uske nirdesh anusar chalte jaa rahe the. Kayi log ghayal awastha me the toh kayi saare ladne ke baad thakaan se joojh rahe the. Magar, kuch chuninda aise the jo apni jaan bhi gawa chuke the.

Unit 2 ka saamna sabhi ne poori nidarta se kiya tha. Par, Legion ke log marr mitne ke liye taiyaar baithe the. Ghamasan ladayi me kayi logo ne apni jaane gawayi aur kuch buri tarah chotil ho gaye. Apne logo ko marta dekh bhala Order kaha chup baithne waala tha? Renshu ke aadesh ke vipreet jaa ke akhir unhone bhi apne bhaiyo ki maut ka badla liya. Bina khoon kharaabe waali ladaayi ab maut ki jung bann chuki thi.

Prann toh liya tha ki kisi ki bhi jaan nahi lenge. Par, jab Legion ke logo ko jaan ki parvah hi nahi toh bhala Order bina pratishodh liye kaise shaant reh sakta tha? Na hi Renshu yaha maujood tha aur na hi Erica. Iss waqt agar Order ke members ko kisi ki shiddat se talash thi toh woh thi apne Lord ki jo unhe kahi bhi nazar nahi aa rahe the.

Bo : Na jaane Lord kaha chale gaye hai. Woh theek toh honge na?

Ming : Lord ko dhundhna hamari sabse pehli priority honi chahiye.

Captain Feng : Dekho! Humare aadmi ghayal hai. Agar, hum firse kisi ladayi me pade toh aur log ghayal honge. Ho sakta hai aur bhi log apni jaan gawa baithe. Aise me sabse pehle humara Renshu Sir ko dhundhna bahut zaroori hai. Kyuki, iss jangal ka kona-kona wahi acche se jaante hai. Tum me se koi hai jo iss jangal se parichit ho?

Bo (aage aate hue) : Mein Lord ke saath kayi baar andar tak gaya hu. Lekin, din ke samay me. Iss andhere me mujhe samajh nahi aa raha ki kaha jaana chahiye. Haan, magar disha ka anuman hai mujhe. Abhi jaha par hum hai, yaha se hume dakshin-poorv disha ki orr badhna chahiye.

Captain Feng : Dakshin-poorv…? Matlab South-east! Pakka? Kya tumhe poora bharosa hai? Yahi sahi disha hai?

Bo (nods) : Haan! Mere khayal se yahi honi chahiye! Mine ka raasta wahi hona chahiye.

Captain Feng : Mere khayal se nahi…! Agar, zara bhi choonk hui toh ho sakta hai ki hum unke kisi jaal me jaake phans jaaye aur sab ke sab maare jaaye.

Bo : Toh aur hum kar bhi kya sakte hai? Yaha khade bhi toh nahi reh sakte na?

Ming : Captain Feng! Mujhe lagta hai Bo theek keh raha hai. Lord ke saath ye kayi baar yaha aa chuka hai aur ise hum sab se zyada anubhav hai. Hum satark reh ke uss disha me aage badh sakte hai. Zyada se zyada kya hoga? Hume ek aur unit se bhidna padega? Yahi karne toh hum yaha aaye hai. Pehle hi humne apne kuch saathiyo ko kho diya hai. Toh fir ab darr kaisa?

Captain Feng (sighs) : Theek hai! Ladayi ab aar ya paar ki ho hi gayi hai toh yahi sahi. Tum…! Aage aao aur mere saath chalna. Baaki sabhi…! Humaare peeche rahenge.

Captain Feng ne Bo ko apne sang chalne ke liye kaha jo iss jangal se thoda bahut parichit tha. Baaki sabhi unke peeche peeche chalne lage. Magar, sabse peeche ke sadasyo me se chal rahi Divya ki vyakulta ab apni seema ko laangh chuki thi.

Divya (pants) : Y-Ye sab chal kya raha hai? Hum kaha jaa rahe hai? Na hi direction ka pata hai, na hamare group ko lead karne waale mil rahe hai, na hi mere friend ka ata pata hai aur upar se-

Usne apne haath me liye hue phone ki screen ko ek baar punah dekha jisme koi bhi network dikhayi nahi de raha tha.

Divya : ...upar se ye goddamn network bhi nahi mil raha hai.

Jawaan 3 (glances) : Ye toh lazmi hai, Miss. Iss ghane jangal me... bhala kaise aapko koi network mil sakta hai?

Divya : Shit!!! Agar, mujhe pehle pata hota toh mein kam se kam kuch zaroori gadgets hi le aati.

Jawaan 3 : Filhal aage badhne ke alawa humare paas koi chaara nahi.

Divya (frowns) : Hamare group ke logo me se kayi log maare gaye hai. Jaane chali gayi. Y-Ye chhoti moti baat nahi.

Jawaan 3 : Isliye to Renshu Sir ne aapse wapas jaane ke liye kaha tha. Yaha aapka koi kaam nahi hai. Fir kyu-!?

Divya : Mein FBCC se hu, Special Agent Divya. Aur, ye mera first assignment hai. Mujhe iss case ke baare me saare raaz jaanane hai. Aur-

Kehte hue uske bol wahi tham gaye. Woh sirf FBCC ke diye gaye assignment ki wajah se yaha nahi thi.

'-Aur mein jaanti hu ki Veer mujhse kuch chhipa raha hai. Woh sirf business karne yaha nahi aaya hai. Director ne bhi mujhe hint kiya tha. Veer ka aise bade bade cases me involved hona. Koi gehra raaz chhipa hai iske peeche-! B-But where is he?'

Apne mann me soch bina kuch aage kahe, woh jawaan ke saath aage badhne lagi. Uski bauhe chinta aur sanshay ke maare kasi hui thi. Iss case ki teh tak jaane se zyada woh Veer ko dhundhne ke liye zyada aatur thi.

Unhe chalte chalte kuch samay beet gaya. Ghane jangal me neeche beechi jhaadiyo ko alag kar woh jaise hi ek khule hisse me daakhil hue toh saamne ka manzar dekh unn sabhi ki aankhein bhay ke maare fel gayi.

"Looordddd!!!!"

"Loooordddd-!!!"

Pukaarte hue woh sabhi saamne ki orr bhaage. Saamne Renshu ped ke tane se lag kar zameen par baitha tha. Magar, unke bhay ka kaaran ye nahi tha.

Kaaran tha unke Lord ki yeh dasha. Renshu ke pait se labalab khoon baha hua tha. Uske pait ko dekh lag raha tha ki kisi ne use nukeele auzaar se cheer diya ho.

Bo : L-Loooorddd-!!!

Samast sadasya Renshu ke ird gird aate hue use gher liye. Bo aur Ming aage aate hue uske paas baithe aur use sahara dete hue uthaane ki koshish karne lage. Unn sabhi ki aankhon me darr toh tha hi par saath hi woh namm bhi padne lagi thi.

Ming : L-Lord-!! Y-Ye kya-!? Kaise? Aapko?

Renshu ne apni palke uthaate hue unn sab ko dekha. Uski saansein ukhdi ukhdi chal rahi thi. Woh samajh gaya ki uske Order ke sadasya uski ye haalat dekh bhaari chinta me aa chuke the. Usne apna daaya haath hawa me uthaaya aur unhe aashvasan dete hue kaha.

Renshu : M-Mein theek hu-!!! Tum sab ko chinta karne ki zaroorat nahi.

Captain Feng (frowns) : Aap theek hai? Apni haalat dekhiye. Ye jaanleva hamla tha. Kisne kiya ye?

Renshu : Chinta mat karo! Ye toh bas mamooli sa- urgh-!!!

Jaise hi usne uthna chaaha, uske pait ke ghaav na use saaf inkaar kar diya.

Bo : Loooorrdd!!

Renshu : Mujhe bas thoda samay lagega. Pareshan mat ho. Aur, pehle... Jald se jald iss par patti baandh do.

Captain Feng : Patti baandhne se kuch hoga, Sir? Jaisi aapki dasha hai aapko isi waqt hospital me le jaane ki zaroorat hai. Damn it!!! Kaash government ki taraf se kam se kam helicopter hi assign kiya gaya hota... Toh aaj... Toh aaj ye sab-

Uske swar me nirasha thi aur krodh bhi. Jaise wo aage ke anjaam ko jaanta tha. Use lag raha tha ki ab Renshu ki zindagi kuch ghanto ki hi mehman thi. Peeche khadi Divya bhi jab saamne aayi toh uske chehre par bhi wahi bhaav umad pade jo samast sadasyo ke chehro par the. Aur, uska anuman bhi Feng se mel khaane wala hi tha.

Divya (frowns) : Y-Ye ghaav...! Bahut bada hai. M-Mujhe nahi lagta ki ab...

Uske kehne ka matlab saaf tha. Aisa ghaav agar kisi bhi aam insaan par hota toh harr koi andaza laga sakta tha ki uska bhavishya kya hone waala tha.

Maut!

Aise ghane jangal me iss tarah ke ghaav se grasit hone ke baad zara bhi sambhavna nahi bachti ki woh insaan zinda wapas ghar laut paaye. Kyuki, lautne ke dauran samay hi itna guzar chuka hoga ki blood loss ke chalte aadmi apni jaan beech raste me hi gawa dega.

Parantu, Captain Feng, Divya aur baaki sabhi sadasya... Koi bhi ye nahi jaanta tha ki Renshu ke paas system tha. Woh koi maamooli vyakti nahi tha.

Renshu Divya aur Feng ko dekh halke se muskuraya aur bola.

Renshu : Mujhe aam insaano ki tarah mat samjho captain! Shaolin ka master hu mein aur Order ka Lord! Ye mamooli chot kuch bhi nahi.

Captain : …?

Divya : ...?

Idhar Bo apne Lord ki aagya ka paalan karte hue aage aaya aur Renshu ke ghaav ko saaf karte hue uske pait par chinese jadi-bootiyon se bani aushdhi ka lep laga kar patti baandhne laga. Ghaav dekh ke bechaare unn sabhi members ki haalat kharab ho rakhi thi. Kintu, Renshu ke chehre par zara bhi dard ke bhaav nahi jhalke.

Ek baar punah sabhi ke mann me unke Lord ke liye izzat aur badh gayi. Akhir kitne sehen-sheel vyakti the unke Lord. Renshu ki marham patti ho jaane ke baad, kuch derr sabhi ne wahi theherne ka faisla liya. Kuch neeche zameen par apne Lord ke ird gird baith gaye toh kuch ped ke tane se tik kar khade ho gaye. Kuch abhi bhi hathyaar liye chaukanne the toh kuch do-chaar ke samooh me apni-apni vartalaap me jut gaye.

Unhi me se Captain Feng ne apne chaaro orr nazre maarte hue ilaake ka jayza liya. Andhere ke chalte use zyada dur ka toh kuch nahi dikhayi diya par apne aas paas ka nazara wo bhali bhaanti dekh paa raha tha. Kayi saare hathyaar zameen par bikhre pade the. Kahi kahi zameen aisi thi jaise maano waha par koi bada visfot hua ho. Sookhe patte bhi ajeeb tareeqe se ast-vyast bikhre hue the. Yeh kisi ghamasan ladaayi ka sanket de raha tha.

Captain Feng : Yaha kuch hua tha. Hai na?

Uske sawaal par Renshu ek baar fir muskuraya. Captain Feng waqai captain kehlaane yogya tha.

Renshu (nods) : Hmm!

Captain Feng : Trap?

Renshu (nods) : Hmm!

Captain Feng (frowns) : Fir?

Renshu : Mujhe gher liya gaya tha. Ek prakar ka jaal tha jo mere liye bichhaya gaya tha. Mujhe maarne ke liye.

Bo (scowls) : Unki itni himmat??

Divya : A-Aur, aap? Aap uss trap se akele baahar nikal aaye?

Renshu : Mujhe nikalna hi tha. Ye mamooli cheezein mere patan ka kaaran nahi bann sakti.

Ming : Woh hamaare Lord hai, madam! Koi aam insaan nahi!

Divya (glances) : …

Captain Feng : Aap waqai theek toh ho na? Kyuki, woh chot-

Renshu : Ghabrao nahi! Meri jaan khatre me nahi hai. Ghaav gehra zaroor hai par mein ghar lautne me saksham hu. Haan, iss haalat me mein daud nahi sakta par chal zaroor sakta hu.

Bo : Ye aap kaisi baat kar rahe hai, Lord? Hamare rehte hue aap iss haalat me kaise chal sakte hai bhala? Hum sab kis liye hai? Hum aapka sahaara banenge.

Renshu : Nahi! Tum sab khud thake hue ho. Apni haalat dekho zara. Aur, wese bhi mujhe chalne me dikkat nahi hogi.

Bo : P-Par-

Renshu : ORDER!!!!

Uske thoda sakhti se kehte hi Bo ne apna sarr turant hi aagya maante hue jhuka liya.

Bo : Jaisa aap kahe, Lord!

Captain Feng (sighs) : Aap ko confident dekh mujhe thodi raahat mili. Par, shayad meri iss khabar se kahi aapka confidence gir na jaaye.

Renshu : Hmm???

Captain Feng (frowns) : Order ke 6 sadasya maare gaye.

Khabar sunte hi Renshu ka sarr neeche jhuk gaya aur apne bhaale par uski pakad mazboot ho gayi.

Captain Feng : Maine bahut koshish ki ise rokne ki magar... Magar, Legion ke log jaise thaan ke aaye the ki unhe jaan leni hi hai. Mein chaah ke bhi kuch kar na saka. M-Mujhe maaf karna-!

Renshu jaanta tha ki aisi ladayi me harr koi sahi salamat bach ke nikal aaye ye sambhav nahi tha. Mann hi mann woh pehle se hi iske liye taiyar tha. Parantu, fir bhi... apne aadmiyon ko khona nirasha janak hi tha. Use jaise fir kuch dhyaan aaya.

Renshu : Tumhari galti nahi-!!! Erica!!! Ye Erica ki zimmedari thi. Kaha hai woh? Erica???

Nazre daudate hue Renshu ne chaaro orr dekha par Erica ka koi naam-o-nishaan nahi tha. Captain Feng, Bo aur Ming teeno ek dusre ko asmanjas me dekhne lage. Koi kaise kahe ki unki laadli Erica unhe pehle hi rann-bhoomi me chorr kahi aur hi laapata ho chuki hai.

Bo : L-Lord-!!

Renshu : Huh?

Bo : Miss Erica humaare saath nahi hai.

Renshu (frowns) : Tumhare saath nahi hai matlab?

Bo : W-Wo-!! L-Lord woh-

Captain Feng : Miss Erica bina bataaye pehle hi kahi aur chali gayi.

Jab Renshu ne ye suna toh uski aankhein aashcharya ke maare fel gayi.

Renshu : Kya?

Captain Feng : Ji! Woh jaise hi hamare paas aayi thi toh unhone humse yahi kaha tha ki unhe bahut zaroori kaam hai aur unka waha pahuchna bahut zaroori hai. Uske baad wo kaha gayi hum me se kisi ko kuch nahi pata.

Renshu ne agle hi shan itni zorr se apna haath ped par maara ki ped ke tane ka kuch hissa ukhad ke neeche gir gaya. Waha maujood sabhi log darr ke maare ekdum shaant pad gaye.

Renshu (gusse me) : Eriiicaaaa!!!!! Erica!!!! Maine use samjhaya bhi tha ki Order ko lead karne ki zimmedari uske sarr hai. Aur, uske bawajood wo...! Tum me se kisi ne roka kyu nahi use?

Ming : Humne bahut koshish ki thi, Lord. Magar, woh hamari baatein sunane ko taiyaar hi nahi thi. Bahut hi chinta me aur jaldbaazi me lag rahi thi.

Renshu (frowns) : Maine samjhaya tha use ki abhi wo frontline missions ke liye taiyaar nahi hai. Tch!!!

[Renshu! Zara pucho ki woh kis disha me bhaagi thi.]

'Hmm!'

Renshu : Tumhe yaad hai wo kis disha me gayi thi?

Bo (nods) : Jaha se hum aaye the, Lord. Usi disha me wo wapas gayi thi.

Jawaab sunte hi Lloyd ki awaaz punah Renshu ke mann me goonji.

[Samajh gaya. Erica agar jaldbazi me hamare aadmiyon ko chorr ke bhaagi hai toh iska ek hi kaaran ho sakta hai, Renshu.]

'Veer-!?'

[Exactly! Blemish apply kiya hoga usne. Iska matlab wo wapas se lauti aur eastside ki orr gayi hogi jaha... Shit! Blemish se notification aana iska matlab Veer khatre me hoga. Aur, Erica wahi gayi hai.]

Ye gyaat hote hi Renshu ke badan me ek sihran daud gayi. Erica uska sab kuch thi. Agar, use kuch ho gaya toh-

'Nahi!'

[Agar, tum ghayal na hue hote toh hum isi waqt mine ke raaste ki orr badh sakte the.]

'Tsk-!!! Ye ghaav!'

Usne apni chot par haath ferr kuch derr pehle ki ghatna ko yaad kiya. Sab kuch uski mutthi me tha. Par, achanak se hi jaise uss anjaan system holder ne baazi palat di thi.

Kuch derr pehle...

Renshu jab unknown system holder ko giraane ke baad uski orr badha toh kahi se bhi wo anjaan naujavan koi bahut shaktishali vyakti prateet nahi ho raha tha.

Uski vyatha saaf batla rahi thi ki use kaafi ghaat pahuchi hai. Renshu uske samaksh aake bas chand qadam ki duri par khada hua aur bola.

Renshu : Maine pehle hi kaha tha ladke. Mujhse bhidna vyarth hai. Tum aaye toh apni marzi se the magar jaoge meri marzi se.

Lekin, woh anjaan system holder khamosh hi raha. Apni saanso ko durust karne me laga hua tha. Muh par kapda lipte hone ke kaaran Renshu ko uska chehra nazar nahi aaya. Apne bhaale ki nok ko uske gale ke saamne kar usne chetavni di.

Renshu : Ab jo mein sawal puchu, unke jawaab seedhe-seedhe ugal dena. Warna, ye bhaala tumhare sarr ko dhad se alag kar dega.

Kintu, wo naujavan ab bhi khamosh bana raha. Uski taraf se koi bhi pratikriya nahi hui.

Renshu (frowns) : Kisne bheja hai tumhe yaha?

Koi jawab nahi. Renshu ke maathe par silvatein aur gehri ho gayi.

Renshu : Tumhe sunayi nahi diya? Maine pucha ki kisne bheja hai tumhe yaha?

Magar, ladka toh jaise uski baato ko ek kaan se sunn dusre kaan se nikaalta jaa raha tha.

Renshu : Tum aise nahi maanoge...!

Gusse me aa ke Renshu ne apne bhaale ko haath me do baar ghumaya aur nishaana saadhate hue woh uss ladke ke kandhe me bhaala khosne hi waala tha jab-

"Hahahaha-!!!"

Woh ladka achanak hi dheere se hassne laga. Uske kandhe thahaako ke chalte upar neeche uchhalne lage.

'!!?'

Ye dekh Renshu wahi ruk gaya. Kya ye ladka pagal ho gaya tha? Iss haalat me bhi bhala woh kaise hass sakta tha?

Ladka dheere dheere apne haath upar kar khud ko nihattha dikhaate hue utha. Renshu ka nishaana ab bhi uske kandhe par jama hua tha.

Ladka : Mein haar gaya! I really surrender.

Akhir kaar, uske muh se kuch shabd nikle.

Renshu : Mujhe bakwas nahi sunani. Mere sawal ka jawab do. Tumhe yaha kisne bheja?

Ladka : Hmm! Agar, mein jawab de du toh kya tum mujhe yaha se jaane de doge?

Renshu : Woh depend karta hai ki tum sahi jawaab dete ho ya nahi!

Ladka : Hahahahahahaha!

Ek baar fir woh zorr zorr se hassne laga. Jaise maano uss par koi bhoot sawaar ho gaya ho.

Ladka : Agar, mein sahi jawab deta hu toh use tum galat thehra ke mujhe maar daaloge. Aur, agar galat deta hu toh bhi. Toh, fir mere jawab dene ka matlab hi kya? Hahahahaha!

Renshu (frowns) : Mein aisa nahi karunga. Tum jaise system holders ko jitna ho sake mein maarne se khud ko rokta hu.

Ladka : Tch! Tch! Tch! Nahi nahi nahi! Tumne yaha par galat baat keh di.

Renshu : !!!??

Ladka (grins) : TUM...! MUJHE MAAR HI NAHI SAKTE!

Khatra!!! Renshu ko jaise uske haav bhaav dekh ek bura andesha hua. Lloyd ki oonchi awaaz bhi uske mann me turant goonj gayi.

[Renshuuuu-!!! Dur hato-!!!]

Aankhein phaade Renshu ne na aav dekha na taav aur seedha apna bhaala uss ladke ke kandhe ki orr feka.

*Swoosh*

Magar, ladka jaise jaanta tha ki uske kandhe ki taraf bhaala aayega. Halka sa bagal me hote hue wo hamle se bacha aur bhaala seedhe ped me jaa ke dhans gaya.

*Thuck*

Usne agle hi shan apne kapdo me kahi se gol sa padarth nikaala aur ungliyon se use Renshu ke perro ki orr feka...! Aur, tabhi-

*Pufffff*

Halka dhua Renshu ke ird gird fel gaya.

'Smoke bomb!!?'

[Smoke bomb nahi. Uska chhota roop hai ye. Baahar niklo! Jaldi!!]

Renshu dhue me se baahar aane ke liye peeche ki orr ucchla. Magar, jaise hi usne chhalaang lagayi. Hawa me rehte hue use ek dhwani sunaayi di, jise sunn uska badan thanda pad gaya.

*Whish*




Aankhein bhay ke maare fel gayi. Ye awaaz aisi thi jaise maano kisi patle se wire ko haatho me leke kheencha gaya ho.

Aur, Renshu ka anumaan ekdum sahi tha. Uss ladke ne-

Apne haath se adrishya samaan wires ko kheencha. Agle hi pal zameen me khusi hui ek blade jo unn wires se bandhi thi woh Renshu ki taraf peeche se tez raftar se lagne ko aayi.

Magar, tabhi-

*Ding*

[Rapid Reaction]

Uski skill activate hui aur usne turant apne ped me khuse bhaale ko chain se zorr se jhatka deke kheencha.

*Kha-ching*

Bhaala itni raftar se uski orr aaya ki hawa me hi Renshu ne khud ke shareer ko tilt kar uss se bacha liya. Aur, woh bhaala seedhe jaake-

*Clang*

Peeche se aa rahi uss blade se takraya aur dono hathyaar hawa me zorr se bhidant ki wajah se gol ghum neeche gir gaye.

'Akhir, usne ye kab-!???'

Renshu hakka bakka tha. Bhala ye wires se lipti blade uss ladke ne kab zameen me khos di?

[That time...!]

Lloyd ne jaise turant hi use yaad dilaya. Renshu ke mann me kuch derr pehle hui vardaat chal-chitra bann daud gayi. Jab usne Mayhem ke lethal attack se uss ladke par hamla kiya tha tab woh ladka hawa me udte hue ped se jaa bhida tha.

Aur, yahi wo waqt tha jab uss ladke ne hawa me hi girne se pehle woh blade neeche khos di thi.

[He was waiting for us. What a scum!]

Ye gyaat hote hi Renshu ne apne daant gusse me mees liye.

Kintu, asli khatra toh ab tha-

*Whoosh*




Dhua halka sa chhata aur achanak hi woh ladka Renshu ke upar lapka. Uske haath me ek chaaku thi. Wire se bandhi blade ka woh hamla toh bas uska dhyaan bhatkaane ke liye tha. Asli vaar toh ye tha.

'Shit-!! A feint attack-!?'

[Renshhhuuuu-!!!]

Na hi uske paas bhaala tha aur na hi itna samay ki bhaale ko kheench liya jaaye. Rapid reaction ne activate hona chaha par jaise woh kisi kaaran-vash ho hi na paayi.

Aur, tabhi-

*Squelchhhhhh*

Hawa me khoon ke chheethe bikhar gaye. Ek dabi hui karaah Renshu ke muh se nikli. Aur, saath hi uss ladke ke hontho par kutil muskaan felti chali gayi. Chaaku Renshu ke pait ko cheerte hue andar ghus chuki thi.

[Renshu-!!!]

'Urgh-!!!'

Dard ko sehen karte hue usne ladke ko jakda par ladka jaise chaaku ko aur marodte hue uske pait se atadiyo ko baahar nikaalne ki firaq me tha.

Renshu ne fauran hi ek haath se uske haath ko roka aur dusre se usne ek zordaar hamla uske sarr par maarna chaaha. Magar, ladka chaaku ko uske pait me chhorte hue khud ko chhura kar peeche kood gaya.

Ladka : Khush-kismat ho tum jo mujhe pehle chot pahucha paaye. Warna, aaj tumhara ant yahi kar deta mein. Par...! Par, abhi ye possible nahi. Tum zaroor bach gaye. Lekin, tumhare dwara bheja gaya woh ladka ab tak junglee janvaro ka maans bann chuka hoga. Hahaha!

Renshu : H-Huh-!?

Ladka (grins) : Jaw Long ke paas Animal Kingdom hai, Li Renshu. Aur, black magic se ladi hui skills aur cards. Ab toh uss ladke ka maans noch-noch ke kha rahe honge janvar. Hahahaha-!!! Tarqeeb acchi lagayi thi tumne ek aur system holder ko bula ke use eastside me bhejne ki. Par-! Tum isme akele nahi the.

Renshu ne jaise hi Jaw Long ki skills aur cards ke baare me suna, uske badan me raungte khade ho gaye. Veer ke liye chinta uske andar samaayi.

Renshu (growls) : T-Tum-!! Kaun kaun hai iske peeche?

Ladka : Tum toh aise puch rahe ho jaise mein ye saare jawaab tumhe de dunga. Hahahaha! Fir milenge...! Li Renshu-! Of course... Agar, tum zinda rahe toh-! Goodbye!

Renshu : R-Ruko-!!! Urgh!!!

Magar, ladka waha se tezi me faraar ho gaya. Woh chaahta toh Renshu ko maar sakta tha lekin, use dur kahi se patto ke hilne ki awaaz pehle hi sunayi de chuki thi. Reinforcements apna raasta tay kar yaha aa rahe the. Majbooran use yaha se bhaagna hi pada.

Renshu apne pait me khusi chaaku ko jakde ped se lag ke neeche baith gaya. Sabse zaroori tha blood loss ko rokna. Usne chaaku ko nikaalte hue use feka. Aur, agle hi shan-

*Ding*

[Chi Perception]

Uski skills me se ek badi hi khubsurat aur upyog me aane waali skill. Aankhein band kar Renshu ne apni chot ko andhruni taur par mehsoos karna shuru kiya.

Chi ka arth hota tha urja. Chi perception use urja ko mehsoos karne ka nazariya uplabdh karwati thi. Woh apne pait ke andar hui haani ko apni urja ke zariye bareeki se jaanchne laga.

Usne ek gehri saans li...! Lloyd ne use chi perception bahut hi acche se sikhaya hua tha.

'Jaha dhyaan hota hai, waha urja hoti hai. Jaha urja hoti hai, waha uddeshya hota hai.'

Lloyd ke kahe gaye ye bol pehle use kadapi samajh nahi aate the. Magar, ab jaise woh isme maahir ho chuka tha.

Apne dhyaan ko usne apni chot par kendrit kiya. Uske mastishq se saari fizool baatein gayab ho chuki thi. Dimag me bas ek hi vichar ghoom raha tha. Aur, woh tha apni chot ko andhruni taur par mehsoos karna.

Jaha dhyaan hota hai, waha urja hoti hai. Chot par dhyaan lagaate hi use uss jagah apni urja mehsoos hone lagi. Woh urja ko apne mann ke hisaab se ek aakaar dene laga.

Jaha urja hoti hai, waha uddeshya hota hai. Apni urja ko mehsoos karte hi... Usne uss urja ko uske uddeshya me laga diya. Aur, uddeshya tha-

Khoon ko baahar behne se rokna. Aur, yahi thi ~ Chi perception. Jo na sirf aisi sthitiyo me balki aakraamak aur bachaav dono hi tareeqo ke liye bhi upyog ki jaa sakti thi.

Yahi sab hua tha inn guzre lamho me. Isi beeti vardaat ko yaad kar woh apni vichaaro se baahar aaya. Order ke sabhi log use chinta-janak bhaav liye ghoor rahe the.

Erica ke liye ab uski chinta atyadhik badh chuki thi. Khaas kar ye jaanane ke baad ki Jaw Long kin-kin prakaro ki shaktiyo ko apne paas rakhe hue tha.

Renshu : Captain! Hume jald se jald mine ke raaste ki orr badhna hoga.

Captain : M-Magar, aisi haalat me aap-?

Renshu : Samay bahut kam hai, captain! Meri beti kisi badi musibat me ho sakti hai. Mera waha pahuchna bahut zaroori hai.

Bo : Lord ke baare me chinta karne ki zaroorat nahi. Hum sab kis liye hai? Ming!! Lakdiyo ko ikhatta kar ek takhta taiyaar karwao. Hum Lord ko uss par bitha ke le jayenge.

Ming (nods) : Hmm!

Aur, Bo ke sujhaav par sabhi aadmi lakdiyo ko ikhatta kar ke ek takhte ko banaane me jut gaye.

Divya : Mera bhi ek sawaal hai.

Renshu : Hmm?

Divya (frowns) : Mera dost...! Veer kaha hai? Ye straight wala rasta Eastside ke raaste se kab milega? Agar, use kuch hua toh-

Renshu : Bas, thoda dur aur-! Hum mine ke kaafi nazdeek hai. Iske thoda baahar nikalte hi hum uss raaste par aa jayenge jaha se eastide judta hai. Aur, Veer sahi salamat hi hoga.

Divya badle me boli kuch nahi. Magar, uski bechaini uske chehre par saaf jhalak rahi thi. Toh wahi Renshu ne keh toh diya ki Veer sahi salamat hoga lekin, use khud andar hi andar nakaratmak vichaar khaaye jaa rahe the.

Renshu : Hamare log... Jinhone apni jaane gawayi. Woh sab kaha hai?

Bo (sarr jhukate hue) : Unhe wahi dafna diya humne, Lord. Hum unke shav ko saath leke nahi chal sakte the. Aur, unhe uss tarah waha chorr bhi nahi sakte the. Isliye, jo sabse sahi hume laga, humne wahi kiya.

Renshu (nods) : Tumne theek kiya. Aur, Legion ke logo ka kya jo maare gaye?

Bo : Unko bhi humne wahi dafna diya, Lord. Aap ne hi sikhaya tha. Jab tak hum zinda rehte hai tabhi tak ye dost dushman ki paribhasha hum par laagu hoti hai. Maut ke baad kya dushman aur kya dost. Sab ek samaan reh jaate hai. Isliye...!

Renshu (smiles) : Tumne kahi kuch galat nahi kiya. Mujhe tum sab par naaz hai.

Sabhi badle me muskuraye. Bhale hi kuch saathiyo ko unhone kho diya tha. Par, woh jazba aur woh ekta ab bhi unme kaayam thi. Aur, unn jaan gawaane waale logo ke balidaan ko woh yu hi vyarth nahi jaane dena chaahte the.

Bo : Mine hum hathya ke rahenge!

"Haaaaaaannn!!!!"

"Yeaaaahhhhhh!!!!"

"Order-!!!!"

"Zindabaaaaaaddd!!!!"

Renshu ne turant hi seeti bajaayi. Toh kahi se na jaane ek kabootar udti hui aasmaan se uske paas aake uske haath par baith gayi.

Renshu ne apne kapde me se ek chithhi nikaali aur use modte hue uske chhote chhote perr par baandh diya.

"Tumhe pata hai na kya karna hai?"

*Coo-hooo*

Woh jaise jawab me chehki. Aur, use apne haatho me lete hue Renshu ne use hawa me chorr diya. Woh pankh fadfadaate hue waha se ravana ho gayi.

Aur, isi tarah Renshu ko takhte par baitha ke woh sabhi fir mine ke raaste par chal diye.

***

Deep inside Eastside...

Jaha Renshu aur baaki sab Eastside ke raaste se judne ke liye nikal pade the wahi yaha idhar jangalo ki gehrayiyo me avishvaneeya drishya dekhne ko mil rahe the.

Pari ne Veer ke shareer par apna niyantran kar liya tha. Veer ke ird gird ki hawa bhaari ho chuki thi. Uske khatarnak aura ke chalte uske baal hawa me lehra rahe the aur jin teero ko fekte hue Jaw Long ne unn par insaano ki khopdi latkayi hui thi woh khopdiya bhi kit-kitate hue hawa me kampan maar rahi thi.

Sookhe patte kisi bheegi billi ki tarah thar-thar kaanp rahe the. Jaw Long khud do qadam peeche ko ho chuka tha. Toh wahi, Erica samet Ava dono ke muh hairat ke maare khule hue the.

[What- What is this?]

Lily ki awaaz Ava ke mann me goonj gayi. Magar, jab Lily ko khud nahi pata tha toh bhala Ava ke paas koi jawab kaise ho sakta tha. Yahi haal Genie aur Erica ka bhi tha. Woh bhauchakki si Veer ke iss naye vikral raudra roop ko dekh rahi thi.

Apne kaale jaadu ka upyog kar Jaw Long ne tamaam nakaratmak urjao se bhaint ki thi jinka aura kaala paaya jaata tha. Magar, usne aaj tak apne jeevan kaal me itna prachand black aura kisi ka bhi nahi dekha tha. Aura itna bheeshan tha ki Veer ke badan ke baahar tak wo lapte maar raha tha.

Aur, Jaw Long ke liye sabse asahejta waali baat thi Veer ki woh muskaan jo iss samay ajeeb tareeqe se uske hontho par feli hui thi.

Veer ne ek qadam apna aage badhaaya-

*Ba-dump*

Jaw Long ki dhadkane tez ho gayi.

Teer me latki hui khopdi ko Veer ne apne ek haath se baahar nikala aur aankhon ki putli waale chhed me apni ungli daal woh khopdi ko gol-gol ghumaane laga. Uske iss roop ko dekh Ava samet Erica ka badan kaanp utha.

Zorr se khopdi ko ghumaate hue usne woh kisi gulel ki tarah chorri jo seedhe Jaw Long ke sarr ki taraf sansanati hui aayi aur-

*Craaaassshhhhh*

Sahi samay par Jaw Long ne apne sarr ko baayi orr jhuka liya. Khopdi uske baalo ki lato se takrate hue jaa ke peeche ped se bhidi aur tukdo me toot ke bikhar gayi.

Insaan ki khopdi sabse mazboot haddiyo me se maani jaati hai. Kitna force lagta hoga ki khopdi ko tukdo me tod ke bikher diya jaaye?

Veer ki aankhein laal ho rakhi thi. Beowulf ON tha. Aur, uski agility, aur senses pehle se kayi guna badh chuke the.

Force = Mass x Acceleration

Veer ne uss khopdi ko itni zorr se feka tha ki uska acceleration hi itna tha jiske chalte uska force apne aap badh gaya. Nateeja? Uska tukdo me bikhar jaana.

Pichli baar woh Jaw Long se bhidte waqt Beowulf ka istemal kar hi nahi paaya tha kyuki Beowulf ki timing ka saara samay usne janvaro se bhaagne me laga diya tha. Magar, iss baar woh taiyaar tha.

Ava aur Erica ekdum stabdh thi. Unke hosh ude hue the. Aur, tabhi-

*Whooooooosshhhh*

Veer apni jagah se gaayab ho gaya-!!

Jaw Long : Tā hěn kuài (He's fast)

Dara hua vyakti... Hamesha apni maatra bhaasha me hi bolta hai. Bhale hi Jaw Long tribal bhaasha ki boli waala tha magar, janm toh uska china ki bhoomi me hi hua tha. Maatra bhaasha toh chinese hi thi.

Aur, iss waqt darr ke maare uska mastishq Mandarin Chinese bhaasha me hi vichaar karne par majboor ho gaya. Usne jaise hi Veer ki raftaar dekhi, uski haalat patli ho gayi. Use pata tak nahi chala ki Veer kab apni jagah se gaayab ho gaya.

Aur, akasmat hi-

*Whoosh*

Kisi glitch hoti hui image ki tarah Veer uske saamne prakat ho gaya. Bhay ke maare Jaw Long jaise hi peeche koodne ko hua-

'Shénme (What?)'

Veer ne apna perr itni kass ke uske perr ke upar rakha ki Jaw Long ka perr hi neeche zameen me dhans gaya. Veer jaise iss baar use kahi bhi bhaagne nahi dena chaahta tha.

Aur, agle hi shan-

Veer ka ek vaar seedhe Jaw Long ke gale ki orr aaya. Jaw Long ne jaise hi apna haath aage kar Veer ke vaar ko rokna chaaha-

Veer ke dusre haath ne uske haath ko maar peeche dhakel diya.

*Baaaammmm*

Aisa ek baar nahi, palak jhapakte hi harr baar hota gaya. Veer jaise jaan boojh ke Jaw Long se wahi hamle karwa raha tha jidhar woh unhe chaahta tha taaki woh unhe khud deflect kar sake.

[Th-This-!!!]

Lily ke honth thar-thara uthe.

'L-Lily-!!?'

[This is insane!!! Woh kaun si fighting style use kar raha hai? Woh jaan boojh ke aise hamle kar raha hai jis ke badle me Jaw Long wahi wahi vaar kar raha hai jaha Veer chaahta hai. It's like... It's like he's making Jaw Long to attack him for his own advantage.]

Veer ke moves ki speed itni zyaada thi ki woh Jaw Long ki capture karne ki capacity se baahar ho chuki thi. Aur, fir wahi hua jo hona tha.

*Thuck*

Ek vaar Jaw Long ke liver ke hisse me...! Uske binn aankho ke khaali maans waale eye socket dard ke maare fel gaye.

*Thuck*

Dusra vaar Jaw Long ke haath ko deflect karta hua uske fefdo ke upar. Laga maano ek shan ke liye uska dil hi rukk gaya ho.

*Thuck*

Teesra vaar uske gale ke bagal me. Dard aisa ki maano nass phatne ko aa jaaye.

*Thuck*

Aur, akhiri vaar seedhe uski chhaathi ke ekdum beecho-beech. Impact itna tagda ki Jaw Long ka bhari bharkam shareer hawa me udd gaya.

Uske shareer ke udte hi Veer ne wahi khusa ek bhaala upar hawa me feka aur tezz raftaar me woh Jaw Long ki taraf lapka...!

Dono aapas me moves exchange karne lage. Dono ke prahar aapas me bhid halki-halki shock waves paida kar rahe the jinke chalte fele patte udte hue bikharte jaa rahe the. Veer uss se ladte ladte use ped ke paas le jaane laga. Dono ek dusre ke haatho ko jakad bhayanak gusse me ek dusre ko ghoor rahe the. Aur, tabhi-

*Swoosh* *Swoosh* *Swoosh*

*Thuck*

"Aaaaarrrrrrrgghhhhh!!!!"

Jaw Long ki dard bhari cheenkh waha goonj gayi. Uska kandha ped se lage hue ek bhaale se khus chuka tha.

Ye wahi bhaala tha jo Veer ne kuch shan pehle upar hawa me feka tha. Jaw Long ki aura vision skill upgraded nahi thi. Woh non living things ko dekhne me asamarth tha.

Veer ne pehle hi bhaale ki trajectory ko calculate kar use hawa me fek diya tha. Aur, woh jaan boojh ke Jaw Long ko uss ped ke paas le jaata gaya. Kyuki... Bhaala yahi par girna tha. Aur, bhaala Jaw Long ko dikhna hi nahi tha.

Veer ne agle hi shan apni do ungliya uski binn aankhon waale khaali hisse me ghused di. Aur, punah-

"Aaaaarrrrrrrgghhhhh-!!!!!"

Ek khaufnak aur dard se bil-bilati cheenkh waha fel gayi. Ava aur Erica itna sehem gayi ki maano unke shareer se unki rooh hi nikal gayi. Aur, fir Veer ke bol Jaw Long ke kaano me pade. Jo asal me Veer ke nahi, Pari ke the.

"IF ONLY I HAD EVEN A TINY OUNCE OF MY POWER THAT I HAD BEFORE, I WOULD HAVE DESTROYED THIS INSIGNIFICANT, LITTLE PLANET OF YOURS IN A BLINK OF AN EYE, YOU LOWLY PIG...! YOU ALL ARE LIKE ANTS GROVELING IN THE DIRT WAITING ONLY TO BE CRUSHED UNDER THE FEET OF AN UNPARALLELED BEING... SUCH AS ME-!!!"

Aur, fauran hi Jaw Long ke system ko andesha ho gaya. Uski ghabrati hui awaaz uske mann me sunayi di.

[L-Long-!!! Bhaago! Bhaago yaha se warna maare jaoge. Ye ladka apne hosh me nahi hai. Iska system iske shareer ko control me kiye hue hai.]

Par, Jaw Long toh bechara dard se bilbila raha tha. Uski aankhon waale khaali hisse me Veer ki do ungliyaan ghusi hui thi. Veer ne apni ungliyon ko kisi machhli pakadne ke hook ki tarah maroda aur turant hi woh andar ke maans ko kheenchte hue baahar nikaalne laga.

"Haaaaarrrrrggghhhhhh-!!!!"

Erica itna ghabra gayi ki pichhle kiye gaye uske sarr par vaar ke chalte aur saamne manzar ko ghatate dekh woh bechari behosh hi ho gayi. Magar, Genie ne aenn waqt par uske behosh hone se theek pehle abhi abhi praapt hui 'Basic Seer Vision' activate kar di.

Jaw Long ke andhruni maans ko jaise Veer baahar kheench ke nikaalna chaah raha tha. Drishya itna bhayanak aur daravna tha ki aam insaan ise lagatar dekh hi nahi sakta tha. Agar, dekh le toh sakpaka ke reh jaaye.

Zorr laga ke Jaw Long ne apne kandhe ko bhaale ki qaid se mukt kiya aur Veer par hamla bolna chaaha par-

*Baaaaammmmmmm*

Ek laat uske nichle jabde par itni zorr se padi ki uska shareer hawa me kisi lakdi ki tarah gol gol ghoomte hue udd gaya. Usne hawa me hi santulan banana chaaha. Jaise hi ghoomne ke baad usne hawa me sthirta praapt ki-

Veer uske saamne tha!

'Huh!???'

Jaw Long ne bhay ke maare apne dono haath se cross banaate hue khud ko chhek liya. Lekin, Veer hawa me hi uske bagal se nikal gaya. Ye sab kuch bahut tezi me ho raha tha. 1 second tak Jaw Long ko kuch samajh nahi aaya ki Veer bina hamla kiye uske bagal se kyu nikal gaya. Kintu, agle hi pal-

*Baaaammmm* *Baaaaammmmmmm*

*Baaaaammmmmmm* *Baaaammmm*

*Baaaammmm* *Baaaaammmmmmm*

Uski chaathi 6 alag alag jagaho se pichak gayi.

*Blurgh*

Muh se khoon ke cheethe nikaalte hue woh neeche zameen par aa gira aur uth ke Veer ko bhaybheet hue dekha. Veer ne pehle hi uske badan par mukke barsa diye the. Gati itni tezz thi ki Jaw Long unhe dekh hi nahi paaya. Jo usne dekha woh toh bas hamle ke after effects the. Jagah jagah use itna dard ho raha tha ki ab ye dard uske liye ek baadha bann ke saamne aa raha tha.

Woh bhi akhir ek insaan hi tha. Na jaane kab se woh iss ladaayi me akela ladd raha tha. Itni chot pahuchne ke baad swabhavik tha ki kahi na kahi dard ab use zyada mehsoos hone laga tha.

Lekin, Veer toh aaj jaise poore aakramak roop me tha. Woh hawa ke jhonke ki tarah apni jagah se gayab hote hue uski orr aaya aur apni laat seedhe Jaw Long ke muh par par maarni chaahi.

Par, Jaw Long ne uski laat ko apne ek haath se pakad liya. Itni derr ke baad pehli baar Jaw Long ke chehre par ek muskaan aayi. Akhir kaar, usne Veer ko pakad hi liya.

Parantu, ye jaise uss bechare ka vaham tha. Kyuki-

*Ding*

[LIMBO]

Fir woh hua jise dekh khud Jaw Long ke raungte khade ho gaye. Veer apne perr ke jakde hone ke bawajood ulti disha me ghoom ke muda...!

Uska perr toh Jaw Long ke haatho me tha. Magar, shareer toh azaad tha. Apne bhaar ka istemal kar woh baayi orr poora ghoom gaya, jiske chalte-

*Crack* *Crack*

Uske ghutno se kuch kasht bhari awaazein aayi. Woh ghoom ke iss qadar aaya ki ab uski daayi laat padne ko taiyaar thi. Jaw Long hakka bakka reh gaya. Aur-

*Baaaaammmmmmm*

Kaam tamaam!!!

Nichle jabde par laat itni zorr se padi ki Jaw Long ka daant toh ukhda hi muh se khoon ki dhaar alag nikal gayi.

Uske girte hi Veer ne apni taang haath se pakdi aur-

*Crack* *Crack*

Apni haddiyo ko wapas se sahi sthaan par le aaya. Usne apne aap ko kasht pahuchaya tha. Ya yu kahe ki Pari uske shareer ke saath khel rahi thi.

Woh Jaw Long par fir aise lapki aur ghuso ki baarish kar uske thobde par itne hamle kiye ki lag raha tha woh uske sarr ko tarbooj ki tarah phod degi.

Idhar, Ava ne jab dekha ki Veer ka palda iss ladaayi me bhaari tha woh chenn ki raahat lete hue khud ki healing ke liye apne hosh kho baithi. Lily ne use kuch derr ke liye unconscious state me daal diya aur Healing Factor activate kar diya.

Magar, kehte hai na... Harr cheez jo shuru hoti hai woh khatam bhi hoti hai. Pari, jisne Veer ke badan par qabza kar rakha tha uska saath bas yahi tak tha.

"YOU MUST THANK ME, LATER KID-!!! DAMN IT!!! IT'S NOT ENOUGH!!! IF ONLY I HAD MORE-!!!!"

Aur, bolte bolte uski awaaz dheemi hoti chali gayi. Pari ki consciousness jaise hi gayi, Veer apne unconscious state se baahar aa gaya.

Hosh me aate hi usne paaya ki uska seena zorro se upar-neeche ho raha tha. Woh haaf raha tha. Aur, tabhi use bhayanak dard apne haath-perro me mehsoos hua.

'Ack-!!'

Pari uske shareer ka istemal kar max speed me jo bhaagi thi. Veer bhale hi Jaw Long se strength me peeche tha. Magar, uski agility iss waqt itni zyaada thi ki woh uska istemal kar apne vaar ki taaqat ko kayi guna badha paane me saksham tha.

Force = Mass x Acceleration

Yaha poora game Pari ne acceleration par khela tha. Aur, yahi kaaran tha ki kyu Veer ke haath aur perr atyadhik dukh rahe the. Indirectly, zaroorat se zyada strength ka istemal jo kar rahe the woh.

Veer ne jaise hi nazre utha ke saamne ladkhadate Jaw Long ko dekha toh uski aankhein phat ke chaar ho gayi.

Uske baal bikhre hue the. Khaali aankhon ke hisse se andar ka kuch maans latak raha tha jisme se khoon behta hua uske gaalo se hoke tapak raha tha. Uske haatho ki kuch ungliyaan vipreet disha me mudi hui thi. Aur, muh se bhi khoon beh raha tha.

'Wh-What happened!'

Veer ki kuch samajh na aaya. Aur, na hi Pari ne kuch jawab diya. Kyunki, woh pehle hi sleep mode me jaa chuki thi. Ab jo kuch tha, Veer ke haatho me hi tha.

Usne dekha ki Ava aur Erica dono hi aankhein band kar laiti hui thi. Dono jeevit thi. Shayad, heal hone ki koshish kar rahi thi. Usne ek raahat ki saans li.

'K-Kya ye... Ye maine kiya?'

Use vishvas nahi ho raha tha ki jis Jaw Long ne unn teen system holders ki khatiya khadi kar ke rakhi hui thi uski ye haalat bhi ho sakti thi.

'Akhir... Hua kya? Fuckkkk! Mujhe kuch yaad nahi aa raha.'

Usne dekha ki Jaw Long mushqil se apna santulan banaate hue bhaag raha tha. Use abhi bhi yahi lag raha tha ki Veer ke shareer ka niyantran uska system kar raha tha.

'Woh mujhse bhaag raha hai-!? Shit!!! I need to catch up.'

Veer utha aur jodo me dard hone ke bawajood woh apni poori koshish kar bhaaga. Jaw Long bhaagta hua mine ke raaste me pravesh karne laga. Aur, mine par woh pahuchne hi waala tha.

China ke liye Yunnan province ki sabse zaroori mines me se ek...! Aur, sabse badi mine, jisme radioactive elements bhi paaye jaate the.




Jaw Long andha-dhundh bhaagte hue mine par pahucha...! Jangal se baahar aate hi vishalkaay mine ki sanrachna chaand ki raushni me Veer ki aankhon ke saamne aayi. Ek aadmi bhi yaha maujood nahi tha. Koi bhi pehra nahi de raha tha. Mine me andar jaane ke liye jagah jagah se kayi raaste the.

Parantu, main opening hi thi jaha se radioactive elements ki khoj ke liye jaaya jaa sakta tha. Baaki, openings jo thi woh non-radioactive elements ke liye banayi gayi thi.

Veer ne dekha ki Jaw Long ek non-radioactive elements ki opening me jaa ke ghus chuka tha.

'Tch-!! This motherfucker!!!'

Bina jhijke woh khud uss entrance me ghus gaya. Toh wahi-

"Badhte raho! Badhte raho!!!"

"Hum bas thodi hi dur hai ab!!!"

Renshu aur Order ke samast members bhi mine ke behad nazdeek aa chuke the.

Jaw Long aise bhaag raha tha jaise maano ek chuha billi ko dekh bhaagta hai. Uski haalat bahut buri ho chuki thi. Woh yahi samajh raha tha ki Veer abhi bhi Pari ke control me tha. Aur, Veer iska poora fayda utha raha tha.

Jaise hi woh andar ghus thodi gehrayi tak gaye. Jaw Long achanak hi ek patli si surang me ghus gaya jo ekdum neeche ki orr jaa rahi thi. Veer ne apna qadam aage badhaya par use hawa me hi rok liya.

'K-Kuch gadbad lag rahi hai. Why is he luring me inside that?'

Veer nahi jaanta tha ki jaha Jaw Long uska andar intezar kar ke use girana chaah raha tha woh iss mine ka bottle neck trap tha. Ek aisa gaddha jaha par insaan agar gira toh uski maut nishchit thi. Kyuki, woh gehra hi itna tha aur upar se Jaw Long agar uske upar koi patthar gira de toh aisi haalat me bachna namumkin tha.

Veer ne apne qadam peeche kar liye. Aur, tabhi-

'Huh-!!?'

Usne kuch check kiya. Jankari praapt hote hi usne apne agal bagal dekha. Ek lohe ki seedhi lagi hui thi jo upar ek hole se baahar nikalne ke liye thi. Ek emergency exit.

Veer turant ke turant uss par chadha aur baahar nikal usne andar jhaakte hue neeche khade Jaw Long ko dekha. Dono ne ek dusre ko dekha...!

Ek taraf jaha Jaw Long Veer ke baahar nikal jaane par asahaj mehsoos karne laga toh wahi Veer ke hontho par ek vijayi muskaan fel gayi.

"This is your end... Jaw Long!"

Usne apni jeb se kuch nikaalte hue seedhe Jaw Long ki orr haule se feka aur tez raftar ke saath woh peeche ko bhaaga. Agle hi pal-

*Booooooooommmmmm*



Ek tez dhamake ne waha janm liya. Dharti kaanp uthi aur halke bhookamp ke chalte Renshu aur uske aadmi shor sunte hi chinta me aa gaye.

"L-Lord!?"

"Ye kya tha??"

"Ruko nahi! Ruko nahi! Jaldi chalo!!!!"

Veer ki body hawa me aag ki lapto se baahar aate hue dur jaa giri.

*Blurgh*

Muh se dherr saara khoon nikla. Internal bleeding kaafi ho chuki thi. Use jald se jald araam ki zaroorat thi. Aur, ek doctor ki bhi-!

Tabhi-

*Ding*

['Mission : Be the saviour.' has been completed.]

[You have been rewarded 15,000 Points.]

*Ding*

[You have gained the card 'Berserk.']

*Ding*

[You have gained the scroll 'Bird Tamer.']

*Ding*

[You have gained the skill 'Aura Vision.']

[You have gained the skill 'Radio Protective.']

Notifications ki jaise jhadi lag gayi uske mann me. Jaw Long marr chuka tha. Par, sawaal tha kaise?

Aur, jawaab tha ~

Methane!!!

Mine me maujood methane gas kaafi bhaari maatra me maujood thi. Ek jwalansheel gas jiski na hi koi gandh hoti thi aur na hi koi rang. Jaw Long ko na hi methane ki koi gandh aayi aur na hi use aura vision me kuch nazar aaya. Gas bhi akhir- non living things me hi aati thi.

Kya hoga agar aisi sakri jwalansheel gas se bhari mine me ek jalta hua lighter fek diya jaaye?

Bhayanak visfot!!!

Jaw Long ki apni hi skill uske patan ka kaaran bann gayi. Use Veer ka feka gaya lighter dikha hi nahi. Veer ke mann me tamaam notifications pop hote jaa rahe the.

Kintu, ye nahi tha jinke liye woh utsuk tha. Use toh bas uss notification ko sunana tha.

*Ding*

[You have been rewarded with a new 'Slot'.]

Ye sunte hi Veer ki mutthi dridhta me kass gayi. Yahi woh cheez thi jo besh-keemti thi. Unn 15000 points se bhi zyada keemti.

Slot!!!

Jo card ko equip karwata tha. Ek slot me Veer card jab chaahe switch kar sakta tha. Par... Kya hoga jab slot hi do ho jaaye? Woh ab ek nahi... Do cards ko ek saath equip kar sakta tha. Dono me kisi bhi card ko jab chaahe shuffle kar unhe equip kar sakta tha. Maatra chhoti si ye cheez kitni taqatvar thi iss baat ka andaza Veer ko pehle hi mission ke rewards dekh ke pata lag gaya tha.

Woh abhi mann hi mann iss khushi se baahar aaya hi tha ki-

*Ding*

[The system has been upgraded to Level 10.]

*Ding*

[The system's internal feature 'Perk hunt' is available now.]

Naye feature ke baare me sunn Veer jigyaasa liye uske baare me dekhna chaahta tha par agle hi shan ek jaani pehchani aur use bhaavuk kar dene waali awaaz uske mann me goonj gayi.

[Maaaasttteerrr-!!!!!]

'Huh-!!??'

[Master-!!!]

'P-Pari???'

Nahi! Ye kaise ho sakta tha. Ye awaaz woh bhali bhaanti pehchanta tha. Harr Pari ki personality ki awaazo me antar hota tha. Aur, ye awaaz-

Usi Pari ki thi jo Crimson ki ladayi ke waqt uske saath thi. Jisne uske dil ko ruk use Crimson aur Ava ke shadiyantra se bahar nikaala tha. Jo atyadhik smart aur saath hi emotional thi. Jise usne itna miss kiya tha.

'P-Pari-! Tum? Kya waqai tum wahi ho?'

[You idiotic stupid bastard, Maaastteerr!!!]

'Huh???'

[Kyuuuuu??? Kyu kiya aapne aisa??]

'What?'

[Why did you give your points to her??]

'Huh? M-Mein-!!!'

[You idiot, Master!!! There was no need to give your points. I missed you so much, aapko pata bhi hai? Mujhe laga tha aap se acche se dobaara milungi. It will be our happy reunion. But no... Here you are in this mess.]

'Agar, mein nahi karta toh mein Ava aur Erica ko kaise bacha paata, Pari.'

[I was so scared when you lost your consciousness. Shit!!! That bitch-!!!! Tsk!!!]

'Huh?'

[Listen to me, Master. Ahinda se kabhi bhi kitni bhi dire situation kyu na ho. Aap kabhi bhi points ko iss tarah mujhe ya meri kisi bhi personality ko nahi denge. Okay?]

'Umm-!'

[Okay? Or not? Boliye!!!]

'H-Haan! Alright!'

[Pakka na?]

'Yeah!'

[Promise me!]

'What?'

[I said, promise me ki aap kabhi bhi iss tarah apne points system me invest nahi karenge.]

'Alright! I promise.'

Jab Veer ne vachan diya tab kahi jaa ke Pari ne ek raahat ki saans li.

'Lekin, bhala kyu?'

[Because... Points are not just points Master. I mean aapke liye woh sirf points ho sakte hai. Par, hamare liye they are like... Something greater than that...]

'Aur, tum mujhe ye nahi batane waali ki unki aur kya ahamiyat hai. Hai na?'

[It's not that I don't want to tell you. It's just that I'm unable to tell you right now. I cannot!]

'Ohh?'

[Kyuki, ye bol ke nahi bataya jaa sakta master. Aur, jo tareeqa hai uske liye abhi aap taiyaar nahi.]

'I see!'

[Par, woh sab chorriye. Look at you! Jagah jagah ghaav hai. I can feel it. Aap khade kaise ho iss waqt? It's so painful-!!!]

'I have to... Pari! Aur-'

Uski baatein beech me hi reh gayi jab-

*Keaaaarrrrrr*

Ek baaj hawa me udta hua aaya. Veer chaukanna ho gaya. Ye wahi baaj tha. Magar, jaise hi woh nazdeek aaya.

'???'

Woh Veer ke kandhe par aake apne panje jamaate hue baith gaya. Aur, taktaki laga ke use dekhne laga.

'Ohh-!!'

*Keaaaarrrrrr*

Uski teevra awaaz Veer ke kaano me padi.

"Tum Sheba ho!! Hai na?"

Veer ne uske gale par ungli halke haath se feri toh baaj ne apna gala upar kar diya. Jaise maano woh chaah raha tha ki use aur sehlaya jaaye.

"Hahaha! Maine kabhi itne paas se kisi baaj ko nahi dekha. Does that mean tum ab Jaw Long ko nahi balki, mujhe apna master maante ho?"

*Keaaaarrrrrr*

Baaj ne jaise Veer ki baaton ko samajh awaaz nikaali.

"Huh? He can understand me? Pari!"

[Bird Tamer scroll ke tehet ise apna paaltu banaya gaya hoga, Master. Choonki ab Jaw Long nahi hai aur Bird Tamer aapke paas hai. Zaahir hai ki woh ab aapko apna master samjhega. It's cute by the way... But deadly too.]

'Yeah-! Well, mujhe lagta hai ki-'

Veer ke bol ek baar fir adhure hi reh gaye kyuki ek naya notification uske mann me goonj gaya.

*Ding*

[Past illustration has been invoked.]

[Do you want to see 'Jaw Long's' past?]

Veer ne jawaab me kuch na kaha. Woh Sheba ko hawa me chorr apne ladkhadate shareer ko ghaseetate hue wahi paas me bane ek lakdi ke cabin me le jaane laga. Ye cabin ek chhote ghar ke barabar tha aur pehle government ka hua karta tha. Par, lag raha tha jaise mine par qabza karne ke baad yaha ke workers ko tribal logo ke dwara bhaga diya gaya tha.

Woh andar daakhil hua. Andar ekdum ghapp andhera tha. Filhal aur kisi ki nazro se bachne ke liye ye kaafi tha. Use shaant jagah chahiye thi Past Illustration dekhne ke liye. Iss se kayi saare saboot uske haath lag sakte the.

Aur, Veer notification ke sawaal par haami bhar Past Illustration ke ateet ke panno me doob gaya.

*Caw* *Caw*

Hawa me udte kauwe shor machaate hue jangal ke upar se nikle. Jangal ke gehre hisse me ek lakdi se bane ghar me Jaw Long apni gaddi par baitha hua tha.

Aur, uske saamne ek sundar si stree baithi hui thi jiska chehre uske sarr par maujood kaali hat se dhaka hua tha.

Jaw Long ne ek lakdi ke glass me sharaab daali aur use peete hue bola.

Jaw Long : Kaho! Kya baat karni hai?

Lady (smiles) : I have a deal for you. Ek simple deal.

Jaw Long : Hmm?

Lady : Mein tumhe wo pradan karwa sakti hu jiski tumhe abhi talaash hai.

Jaw Long : Mudde pe aao. Warna yahi kaat di jaogi. Farq nahi padta ki tum system holder ho. Mere ilaake me parinda bhi meri marzi se udaan bharta hai.

Lady (smiles) : I know everything! Tum Order par dhaava bol ke use apne under karna chaahte ho. Right?

Jaw Long (frowns) : ...

Lady : Lekin, ye toh sab ko pata hoga. Hai na? Toh ek aur cheez puchti hu. Tumhe iss waqt dherr saare insaano ki zaroorat hai. Hai na?

Iss baar Jaw Long ki aankhein uss aurat ke bolo par chaudi ho gayi.

Lady : Insaan jinki bali chadhaayi jaa sake. Jinhe kaale jaadu me upyog kar khud ko taqatvar banaya jaa sake.

Jaw Long : ...

Lady (smiles) : Ek yahi kaaran hai jo tum government ko andar ghusne aur talashi karne nahi dete. Hai na?

Jaw Long : ???

Lady (smiles) : Tumhare iss ghar ke neeche unn insaano ke kankaal jo chhipe hue hai jinhe tumne ab tak maara hua hai.

Ye sunte hi Jaw Long uss aurat ke gale ki orr lapka toh woh peeche uchakte hue uske prahar se bach nikli.

Lady (smiles) : Mein tumhari hi side hu. Mujh se dushmani tumhe bhaari pad sakti hai. Mein toh tumhare liye prastaav leke aayi hu.

Jaw Long : Bolna hai toh seedhe tareeke se bolo. Warna dafa ho jao.

Lady : Mein tumhe insaan provide kar sakti hu.

Jaw Long : Huh?

Lady : Insaan jinhe tum asaani se maar sakte ho aur koi unke baare me kuch puchega bhi nahi.

Jaw Long : Aur, badle me?

Lady (smiles) : Badle me mein chahti hu ki Legion Yunnan ki mine par qabza kare.

Jaw Long : Huh? Aur, uss se tumhe kya?

Lady (smiles) : Mujhe bas kuch chahiye jo mine me hai. Baaki, uske baad...! Poori ki poori mine tumhari.

Jaw Long : ...

Lady : Soch lo! Na sirf tum Order ko jald se jald apne haatho me le loge balki mine bhi tumhari apni ho chuki hogi.

Jaw Long : Mine me aisa kya hai jo tumhe chahiye?

Lady : Kuch hai. Kuch radioactive elements jo asaani se nahi mil sakte.

Jaw Long : Aur, unka kya karogi tum?

Lady (smiles) : Mein unka kuch bhi karu, uss se tumhe kya? Haan, par tumhare khilaaf kuch bhi nahi karungi. I can guarantee you.

Jaw Long (frowns) : Meri skills ke baare me tumhe kaise pata laga?

Lady (smiles) : Meri nazre harr uss zaroorat mand par tiki rehti hai jise meri madad ki talash hoti hai. Kyuki, badle me woh hi... meri madad ke kaam aate hai.

Jaw Long kuch derr sochta raha. Aur, fir haami bharte hue bola.

Jaw Long : Theek hai! Mein taiyaar hu. Par, zara bhi chhal karne ki koshish ki, toh chhalni kar diya jayega.

Lady (smiles) : Never! Never!

Woh lady apni jagah se uthi aur jaane lagi par tabhi wapas mudi aur-

Lady : Ek baat aur-

Kehte hue usne achanak hi apni jeb se ek pocket watch nikaali aur use pendulum ki tarah latka ke daaye baaye karte hue boli,

Lady : Koi hoga... Jo ye dekhega...! So, just to be safe... I must- *smiles*

Uski pocket watch achanak hi Veer ka dhyaan kheenchne lagi.

[Shitttt!!! Masterrrrr-!!! Turn it off!! Baahar aaiye!!!]

Pari ki ghabrahat bhari awaaz ne jaise Veer ko turant hi Past Illustration se baahar nikalne par majboor kar diya. Uski saansein tezz ho rakhi thi.

*huff* *huff*

'What was that-!??'

[She... She's dangerous!!! Woh-]

Parantu, Pari ko apne bol wahi thaamne pade jab Veer ke peeche se ek madhur awaaz uske kaano me padi.

"Ohh? I didn't think you would break free from my casting."

Ye awaaz-!!! Veer ke badan me ruye khade ho gaye. Uske maathe par chinta ki lakeere chhaa gayi. Aur tabhi,

*Click* *Clack*

*Click* *Clack*

Kisi ke jooto ki chalne ki awaaz use apne peeche se aayi. Nahi! Ye joote nahi the. Ye high heels ki awaaz thi. Veer ne apni baayi orr se mud sarr ghumaate hue peeche ko apni nazre daudaayi.

Andhere me se ek aakriti chalte hue aa rahi thi. Aakriti kisi stree ki lag rahi thi. Aur, jaise jaise woh qareeb aa rahi thi uski visheshtaaye aur bhi spasht hoti jaa rahi thi.

Chalne ki woh adaa, wo nazakat, uske baare me kaafi kuch bayaa kar rahi thi. Nazdeek aate hue dheere dheere ventilation se aati roshni uske chehre par bhi padti jaa rahi thi.

Uska ek haath bagal se rakhi table par tha jisme dhool ki parat jami hui thi. Jaise jaise wo aage badh rahi thi, uske saath saath uski ungli table par komalta ke saath fisalte hue aa rahi thi.

Aur jyo hi woh ekdum saamne aayi, ungli me jami dhool ko fookte hue roshni me uska chehra Veer ki nazro me aaya. Parantu, woh kaali hat se aadha dhaka hua tha. Keval uske honth hi dikhayi pad rahe the.




Veer ne jaise hi use dekha, uske raungte khade ho gaye. Ye wahi thi-!!! Jisko past Illustration me abhi usne dekha tha.

'Check!'

Usne ek pal bhi nahi gawaya uss stree ko check karne me. Aur-

*Ding*

[No information available.]

Jaisa usne socha tha bilkul wesa hi nikla. Ye wahi system owner thi! Veer ne inn kuch palo me hi sab kuch bhaanp lia.

Veer : Y-You-!!!?

Woh ajnabi stree muskurayi. Uski nigaahein abhi neeche hi tiki hui thi. Veer ke sawaal par usne apna sarr upar kiya aur uski palke haule-haule badi hi nazakat ke saath uthi aur nazre Veer se jaa ke tiki. Hontho par muskaan aur bhi adhik fel gayi. Woh apne daaye kaan ke paas baalo ki latt ki orr haath leke gayi aur unhe peeche ki.

Veer sachet tha. Saamne kaisa bhi saundarya kyu na ho, woh laparwahi nahi barat sakta tha. Harr surprise attack ke liye woh pehle hi khud ko prepare kar chuka tha.

Woh stree Veer ko neeche se upar tak ek antim baar dekhi aur fir boli,

"You really are such a surprise, Veer. Fufu~"

Veer (frowns) : State your business!

Lady (nods) : Bilkul! Jaisa ki tum dekh hi chuke ho. I’m one of the system owners. And, don't worry please! I'm not here to hurt you.

Veer : ???

Lady : By the way...! Let me introduce myself first. I'm Rebecca Elsher!

Veer : Rebecca?

Rebecca : Don't worry! Ye asli naam hai. I don't like to fake things like your cute lover. Fufu~

Veer ki bauhe kass uthi. Rebecca ka ishaara Ava ki taraf tha. Iska matlab woh jaanti thi ki Ava ne Nat naam rakh ke usko apne jaal me fasaaya tha? Bhala aur kya kya jaanti thi ye Rebecca?

Rebecca ke muh se naam nikalte hi idhar Pari ne uske naam ko poore Google par search kar liya lekin fir bhi kahi pe bhi uska naam nahi mila. Internet search par same naam ki alag Rebecca nazar aa rahi thi. Kintu, Rebecca Elsher nahi.

Veer bahar se toh khud ko sakht dikha raha tha magar andar hi andar woh chintit tha. Ghabrahat bhi thi. Woh kisi bhi waqt behosh hoke gir sakta tha. Thakaan aur dard itna zyada tha ki woh abhi keval apni dridhta ke chalte khada hua tha. Aur, aisi dasha me iss aurat se ladna matlab apne hi perr par kulhadi maarne jaisa tha. Ye aurat zaroorat se zyada hi uske baare me jaanti thi.

Veer (frowns) : So... You were behind all of this, huh?

Rebecca : Hmm? Nahi! Tum bina thos saboot pesh kiye ye sab kaise keh sakte ho, Veer?

Veer : I saw it!!!

Rebecca : Oh!? Isliye, toh mein yaha par hu.

Veer : Huh???

Ek jhatke me Rebecca ne apni pocket watch nikaali aur use pendulum ki tarah daaye baaye ghumaate hue woh Veer ko dekhi. Uske haav bhaav achanak hi badal gaye.




Rebecca : Now...! You will have to forget every-

Par, uske bol adhure reh gaye kyuki, Veer ek jhatke me uski orr lapka. Aur, ye jaldbazi me uski sabse badi bhool thi.

*Baaaaammmmmmm*

Ek titanium se bana hua cane uski chaathi par zorr se laga jo uske poore dhaanche ko hila ke rakh diya. Woh seedha hawa me udta hua dur jaa ke deewar se jaa bhida.

"Hum pahuch gaye!!! Hum pahuch gaye!!!"

Baahar se achanak aate shor ne Rebecca ko chaukanna kar diya.

"Tsk! You are very lucky, my dear!"

*Craaaassshhhhh*

Woh wahi lagi kaanch ki khidki ko todte hue waha se kood ke bhaagi.

"W-Wait-!!!!"

[Maaasterrrr-!!!]

Veer apna haath felaate hue uthne ki koshish karta raha magar, uska shareer pehle hi bahut load jhel chuka tha. Aur, ye jaise antim vaar tha. Kyuki, agle hi shan woh behosh ho gaya.

[Maaasttterrr-!!!!]

Mine ke ek hisse me bheeshan aag lag chuki thi. Methane gas poori tarah se jalti jaa rahi thi. Aur, wo tab tak jalne waali thi jab tak ki andar maujood saara oxygen samapt nahi ho jaata.

Renshu aur baaki sabhi ne jaise hi saamne ka manzar dekha toh unke perro tale zameen khisak gayi.

'Y-Ye kya???'

Renshu : Aag ko bujhaane ki koshish karo aur kar sakte ho toh-!!! Ming!!! Erica ko dhundhne ke liye kuch log leke jao. Bo-!!! Cabin check karo.

Usne ek ke baad ek aadesh diye aur tabhi-

*Chakk-chackk-chak-chak chak-a-chak-akk-chk-chk-chk*

Upar hawa me ek copter zameen se utha. Renshu ne dur se uske darwaaze par dekha toh uska reaction bhi wahi toh jo Veer ka tha.

Rebecca helicopter ke darwaaze se Renshu ko halki muskaan ke saath ghoor rahi thi. Uska aadha chehra uski hat se dhaka hua tha jo usne ek haath se thaam rakhi thi.

Toh wahi, uska dusra haath uske kandhe par tiki kisi stree ko thaame hue tha. Aur, jaisi hi uss stree par Renshu ko nazre padi-

Ek aur jhatka use laga. Woh Divya thi!!! Jo behoshi ki haalat me Rebecca ke kandho par ladi hui thi.

'Shit-!!!'

Aur, helicopter chalaane waala koi aur nahi-!!! Wahi unknown system holder tha.

"Until next time... Li Renshu-!!!"

Uske bol waha goonj gaye. Aur, helicopter waha se udaan bharta hua nikal gaya.

'Damn it!!!'

Renshu : Captain? Miss Divya ke liye jinhe tainaat kiya tha woh kaha hai?

Captain Feng : Woh hamare peeche hi toh the na? Woh- huh!!!?

Feng ne jab dekha toh paaya ki captain 3 dur dur tak kahi nazar nahi aa raha tha. Na hi Divya, aur na hi Divya ke sang aaye Clark aur uska security guard.

Captain Feng : Shit-!!! Kaha gaye woh sab?

Renshu : Pehle Erica ko dhundho!! Jaldi!!!

Captain Feng : J-Ji!!!

Aur, kuch hi palo me Bo apne kandho par Veer ko leke haazir tha. Toh wahi Ava Erica ko apni peeth par laad ke Renshu ke samaksh thi.

Renshu : Ericcaaa--!!!!

Renshu ne uthna chaaha magar dard ke chalte ek karaah uske muh se nikal gayi.

Ava : Woh rest kar rahi hai. Don't worry! She's fine!!!

Renshu : Aur, Jaw Long?

Ava : He's dead!

Renshu ko apne kaano par yakeen nahi hua. Woh jaanta tha ki Jaw Long kin shaktiyo ka maalik tha. Aise me uski hi territory me ghus ke use maar dena, bahut badi baat thi.

Ava : Veer killed him.

Renshu : Huh??

Usne Veer ko dekha jo behosh hue Bo ki peeth par lada hua tha.

'Veer ne Jaw Long ko maar diya-!?'

[He's very powerful. I must say. Kuch bhi ho jaaye, iss ladke ko apne paas se mat jaane dena.]

Renshu apne khayalo se baahar aaya aur sabhi ko lead karte hue le jaane laga. Mine me lagi aag sirf ek hi hisse me thi aur woh jald hi apne aap hi bujh jaane waali thi. Beshaq, thoda bahut nuksaan zaroor pahucha tha magar utna nahi ki elements ko haani pahuch sake.

Filhal, yaha se nikalna zyaada zaroori tha. Unhe yaha se wapas lautne me lagbhag aadhe din se bhi zyada samay lag gaya.

Jaise hi Renshu apne ghar ke mukhya hall me pravesh kiya. Andhere me chamakti do hari aankhein use dassne ki nigaah se ghoor rahi thi.

Renshu : You're here!!!

"Tumne itni guhaar laga ke bulaaya tha. Mujhe aana hi tha."

Andhere se nikalte hue woh baahar aayi. Ye aur koi nahi ~ Garofano hi thi.

Renshu ne jo chithhi bheji thi woh Garofano ke liye hi thi. Jald se jald woh yaha par aa gayi.

Ava ne jab Garofano ko dekha toh woh aashcharya me reh gayi. Ava Garofano ko saamne se pehli baar dekh rahi thi. Woh China tab hi aayi thi jab Garofano ka matter samapt ho chuka tha. Isliye, Veer aur Garofano ke beech ki chemistry ko woh dekh na paayi.

Garofano ne aage badh jaise hi Bo ki peeth se Veer ko apne dono haatho me uthaaya toh Ava ki aankhein hairaangi me fel gayi.

Andar se dil kachot utha. Kaun thi ye ladki? Veer ka iske saath kya rishta tha? Aur, iss tarah se kyu uthayi hui thi woh use?

Ava (panics) : V-Veer ko-

Renshu : It's okay!!!

Ava ne kuch kehna chaaha lekin, Renshu ne haath uthaate hue use aashvashan deke shaant kar diya. Majbooran use chup hona pada.

Garofano ne ek teekhi nazar se Ava ko dekha jaise maano udhar hi use daboch ke dass legi. Kintu, bina kuch kahe woh Veer ko andar ki orr le gayi.

Le jaate hue uski bauhe Veer ki dasha dekh sikudi hui thi.

'Look at you now! Maine tumse kaha tha na Veer. Renshu tumhe Jaw Long se ladne bhejega. Mat jaana...! Fir bhi tumne meri baat nahi maani.'

Veer ko ahista se bed par litaate hue Garofano ne uske gaal ko pyaar se sehlaaya. Aur, usne kamre ko andar se band kar liya.

***

Kuch derr baad...

Erica ki palke jhapki. Aankhein malte hue woh uthi. Usne dekha ki ye toh uska hi kamra tha.

'Mein ghar pe-!?'

[Yes! We won.]

'Uhh!? Kya hua tha?'

[Mujhe kaise pata hoga? I couldn't see anything. Apne dad se pucho.]

'Right-!!'

Woh uthate hue aage badhi. Hall me hi use khusur pusur ki awaazein aa rahi thi. Dead Silence aur Chameleon ko activate kar woh dabe paav hall me darwaze ke paas pahuchi toh use andar ki baatein sunayi di-

Garofano : Maine tumse kaha tha na ki Veer ko mushqil me nahi daalna.

Renshu : Hmph! Ye baat tumhaare muh se acchi nahi lagti. Tumhari wajah se hi Veer uss faaltu case me fasa tha.

Garofano : What? Faaltu case? Tumhe pata bhi hai woh mere liye kitna important tha? Mujhe ye saari formalities karne me itna samay lag gaya ki mein pichli 2 raato se theek se soyi bhi nahi hu. Aur, Veer...! Uski haalat dekhi hai tumne? Kya soch ke use eastside akela bheja tha tumne?

Renshu (sighs) : Mujhse waqai iss maamle me galti hui hai.

Garofano : Huh?

Renshu (frowns) : Unki taraf se do system holders aur the-!!!

Garofano (in shock) : Do???

Renshu (nods) : Haan! Ek anjaan naujavan tha jo mujhse bhida tha. Aur, ek koi aurat thi. Helicopter me...! Woh ant me hi nazar aayi. Miss Divya uske kandho par ladi hui thi.

Garofano (frowns) : Iska matlab woh Divya ko kidnap kar ke chale gaye? Shit!!! Veer ne agar ye suna toh woh gusse me aa jayega.

Renshu : Kuch pak raha hai andar hi andar. Bahut gehraayi me...! Mujhe nahi laga tha itna involvement hoga kisi ka. Lekin, mein galat tha. Veer ne past zaroor dekha hoga Jaw Long ka...! Woh aur jankari hume de sakta hai.

Garofano : Par, galti tumhari hi hai. Akhir, tum use uss danav aadmi se ladne akele kaise bhej sakte ho?

Renshu (smiles) : Simply because of one reason...!

Garofano : Huh??

"...Because, Veer is stronger than I am!!!"

Aur, ye bol sunte hi Garofano se leke baahar khadi Erica ke badan me raungte khade ho gaye.
.
.
.
.
.
.
.
.
.
Aaj ke liye itna hi guys.
This update consists of 11.6k words. Sabse bada update ab ye ho gaya hai. Maine koshish bahut ki likhte rehne ki par 2:30 baje meri jhapki lag chuki thi. So, sorry for that...! Ab mujhse zyada late jaga nahi jaata kyuki subah jaldi uthne ki aadat dali hui hai. Isliye, mein kehta hu timing ka mat pucho karo. Par nahi!! Sudharna nahi hai!
Anyways, ek update aur bacha hai arc ke closure ka. Uske baad ye arc khatam hai. So, likes pelne ka aur revos rakhne ka. Target same hai apna. 200! Also, agar mujhe laga toh iss arc me ek update aur badha dunga. But I don't think ki wo necessary hai filhal.
Dhanyavad!

ek dum faadu update bhai
jowlong aur veer bolu ya pari ek hi baat hai ki ladai to maza hi aa gaya
par ye nayi team kaun hai bhai jo in sabko nacha raha hai
jaha wo naya system holder ladka renshu ko fansa rha tha wahi ye rebecca veer ko
mujhe lagta hai ye divya ki boss hi hai, hai na
aur iska kuch alag hi team aur motive hai ye to aage hi pata chalega
aur idhar ladies section me to aur bhi kichdi hoone wala hai
jaha erica eva aur garfano me ab veer ko leke jhagda kahu ya masti hone wali hai
erica aur eva ne jo veer ka roop jungle me dekha hai wo kabhi nahi bhulne wale khaskar erica jo daar se behosh hi hoagyi
ab jawlong ki saare cards aur power bhi veer ke pass hai saath hi ek naya slot jo veer ko abhi tak kuch jyada hi powerful bana de rahe hai
over all a great episode
keep going

 

[111ramjain]

Nice update bro

 

[Sidd19]

Update - 178 ~ The Collapse
[Note : Update kaafi bada hai. Itminaan se padhna.]​

Ab tak...

Ava jo Veer ko uthata dekh ek raahat ki saans li, usne apni katana ko hawa me feka jo Veer ke bagal se jaa ke zameen par khus gayi.

Ava : Take it... Veer!!!

Magar, Veer ke muh se uske baad jo bol nikle woh uske nahi the. Awaaz uski hi thi, parantu bol Pari ke the.

"I don't need any weapons...! I AM THE WEAPON!!!"

Ab aage...

“Aage badhte raho! Aage badhte raho!”

“Hume rukna nahi hai! Lord aur Miss Erica hamare liye itni kathnaiyo ka saamna kar rahe hai.”

“Chaukanna raho! Aur, Captain Feng ko follow karte raho!”

Order ke do senior sadasya Bo aur Ming baaki sabhi ko samjhane me lage hue the. Sab ke sab Jawan Feng ke peeche peeche uske nirdesh anusar chalte jaa rahe the. Kayi log ghayal awastha me the toh kayi saare ladne ke baad thakaan se joojh rahe the. Magar, kuch chuninda aise the jo apni jaan bhi gawa chuke the.

Unit 2 ka saamna sabhi ne poori nidarta se kiya tha. Par, Legion ke log marr mitne ke liye taiyaar baithe the. Ghamasan ladayi me kayi logo ne apni jaane gawayi aur kuch buri tarah chotil ho gaye. Apne logo ko marta dekh bhala Order kaha chup baithne waala tha? Renshu ke aadesh ke vipreet jaa ke akhir unhone bhi apne bhaiyo ki maut ka badla liya. Bina khoon kharaabe waali ladaayi ab maut ki jung bann chuki thi.

Prann toh liya tha ki kisi ki bhi jaan nahi lenge. Par, jab Legion ke logo ko jaan ki parvah hi nahi toh bhala Order bina pratishodh liye kaise shaant reh sakta tha? Na hi Renshu yaha maujood tha aur na hi Erica. Iss waqt agar Order ke members ko kisi ki shiddat se talash thi toh woh thi apne Lord ki jo unhe kahi bhi nazar nahi aa rahe the.

Bo : Na jaane Lord kaha chale gaye hai. Woh theek toh honge na?

Ming : Lord ko dhundhna hamari sabse pehli priority honi chahiye.

Captain Feng : Dekho! Humare aadmi ghayal hai. Agar, hum firse kisi ladayi me pade toh aur log ghayal honge. Ho sakta hai aur bhi log apni jaan gawa baithe. Aise me sabse pehle humara Renshu Sir ko dhundhna bahut zaroori hai. Kyuki, iss jangal ka kona-kona wahi acche se jaante hai. Tum me se koi hai jo iss jangal se parichit ho?

Bo (aage aate hue) : Mein Lord ke saath kayi baar andar tak gaya hu. Lekin, din ke samay me. Iss andhere me mujhe samajh nahi aa raha ki kaha jaana chahiye. Haan, magar disha ka anuman hai mujhe. Abhi jaha par hum hai, yaha se hume dakshin-poorv disha ki orr badhna chahiye.

Captain Feng : Dakshin-poorv…? Matlab South-east! Pakka? Kya tumhe poora bharosa hai? Yahi sahi disha hai?

Bo (nods) : Haan! Mere khayal se yahi honi chahiye! Mine ka raasta wahi hona chahiye.

Captain Feng : Mere khayal se nahi…! Agar, zara bhi choonk hui toh ho sakta hai ki hum unke kisi jaal me jaake phans jaaye aur sab ke sab maare jaaye.

Bo : Toh aur hum kar bhi kya sakte hai? Yaha khade bhi toh nahi reh sakte na?

Ming : Captain Feng! Mujhe lagta hai Bo theek keh raha hai. Lord ke saath ye kayi baar yaha aa chuka hai aur ise hum sab se zyada anubhav hai. Hum satark reh ke uss disha me aage badh sakte hai. Zyada se zyada kya hoga? Hume ek aur unit se bhidna padega? Yahi karne toh hum yaha aaye hai. Pehle hi humne apne kuch saathiyo ko kho diya hai. Toh fir ab darr kaisa?

Captain Feng (sighs) : Theek hai! Ladayi ab aar ya paar ki ho hi gayi hai toh yahi sahi. Tum…! Aage aao aur mere saath chalna. Baaki sabhi…! Humaare peeche rahenge.

Captain Feng ne Bo ko apne sang chalne ke liye kaha jo iss jangal se thoda bahut parichit tha. Baaki sabhi unke peeche peeche chalne lage. Magar, sabse peeche ke sadasyo me se chal rahi Divya ki vyakulta ab apni seema ko laangh chuki thi.

Divya (pants) : Y-Ye sab chal kya raha hai? Hum kaha jaa rahe hai? Na hi direction ka pata hai, na hamare group ko lead karne waale mil rahe hai, na hi mere friend ka ata pata hai aur upar se-

Usne apne haath me liye hue phone ki screen ko ek baar punah dekha jisme koi bhi network dikhayi nahi de raha tha.

Divya : ...upar se ye goddamn network bhi nahi mil raha hai.

Jawaan 3 (glances) : Ye toh lazmi hai, Miss. Iss ghane jangal me... bhala kaise aapko koi network mil sakta hai?

Divya : Shit!!! Agar, mujhe pehle pata hota toh mein kam se kam kuch zaroori gadgets hi le aati.

Jawaan 3 : Filhal aage badhne ke alawa humare paas koi chaara nahi.

Divya (frowns) : Hamare group ke logo me se kayi log maare gaye hai. Jaane chali gayi. Y-Ye chhoti moti baat nahi.

Jawaan 3 : Isliye to Renshu Sir ne aapse wapas jaane ke liye kaha tha. Yaha aapka koi kaam nahi hai. Fir kyu-!?

Divya : Mein FBCC se hu, Special Agent Divya. Aur, ye mera first assignment hai. Mujhe iss case ke baare me saare raaz jaanane hai. Aur-

Kehte hue uske bol wahi tham gaye. Woh sirf FBCC ke diye gaye assignment ki wajah se yaha nahi thi.

'-Aur mein jaanti hu ki Veer mujhse kuch chhipa raha hai. Woh sirf business karne yaha nahi aaya hai. Director ne bhi mujhe hint kiya tha. Veer ka aise bade bade cases me involved hona. Koi gehra raaz chhipa hai iske peeche-! B-But where is he?'

Apne mann me soch bina kuch aage kahe, woh jawaan ke saath aage badhne lagi. Uski bauhe chinta aur sanshay ke maare kasi hui thi. Iss case ki teh tak jaane se zyada woh Veer ko dhundhne ke liye zyada aatur thi.

Unhe chalte chalte kuch samay beet gaya. Ghane jangal me neeche beechi jhaadiyo ko alag kar woh jaise hi ek khule hisse me daakhil hue toh saamne ka manzar dekh unn sabhi ki aankhein bhay ke maare fel gayi.

"Looordddd!!!!"

"Loooordddd-!!!"

Pukaarte hue woh sabhi saamne ki orr bhaage. Saamne Renshu ped ke tane se lag kar zameen par baitha tha. Magar, unke bhay ka kaaran ye nahi tha.

Kaaran tha unke Lord ki yeh dasha. Renshu ke pait se labalab khoon baha hua tha. Uske pait ko dekh lag raha tha ki kisi ne use nukeele auzaar se cheer diya ho.

Bo : L-Loooorddd-!!!

Samast sadasya Renshu ke ird gird aate hue use gher liye. Bo aur Ming aage aate hue uske paas baithe aur use sahara dete hue uthaane ki koshish karne lage. Unn sabhi ki aankhon me darr toh tha hi par saath hi woh namm bhi padne lagi thi.

Ming : L-Lord-!! Y-Ye kya-!? Kaise? Aapko?

Renshu ne apni palke uthaate hue unn sab ko dekha. Uski saansein ukhdi ukhdi chal rahi thi. Woh samajh gaya ki uske Order ke sadasya uski ye haalat dekh bhaari chinta me aa chuke the. Usne apna daaya haath hawa me uthaaya aur unhe aashvasan dete hue kaha.

Renshu : M-Mein theek hu-!!! Tum sab ko chinta karne ki zaroorat nahi.

Captain Feng (frowns) : Aap theek hai? Apni haalat dekhiye. Ye jaanleva hamla tha. Kisne kiya ye?

Renshu : Chinta mat karo! Ye toh bas mamooli sa- urgh-!!!

Jaise hi usne uthna chaaha, uske pait ke ghaav na use saaf inkaar kar diya.

Bo : Loooorrdd!!

Renshu : Mujhe bas thoda samay lagega. Pareshan mat ho. Aur, pehle... Jald se jald iss par patti baandh do.

Captain Feng : Patti baandhne se kuch hoga, Sir? Jaisi aapki dasha hai aapko isi waqt hospital me le jaane ki zaroorat hai. Damn it!!! Kaash government ki taraf se kam se kam helicopter hi assign kiya gaya hota... Toh aaj... Toh aaj ye sab-

Uske swar me nirasha thi aur krodh bhi. Jaise wo aage ke anjaam ko jaanta tha. Use lag raha tha ki ab Renshu ki zindagi kuch ghanto ki hi mehman thi. Peeche khadi Divya bhi jab saamne aayi toh uske chehre par bhi wahi bhaav umad pade jo samast sadasyo ke chehro par the. Aur, uska anuman bhi Feng se mel khaane wala hi tha.

Divya (frowns) : Y-Ye ghaav...! Bahut bada hai. M-Mujhe nahi lagta ki ab...

Uske kehne ka matlab saaf tha. Aisa ghaav agar kisi bhi aam insaan par hota toh harr koi andaza laga sakta tha ki uska bhavishya kya hone waala tha.

Maut!

Aise ghane jangal me iss tarah ke ghaav se grasit hone ke baad zara bhi sambhavna nahi bachti ki woh insaan zinda wapas ghar laut paaye. Kyuki, lautne ke dauran samay hi itna guzar chuka hoga ki blood loss ke chalte aadmi apni jaan beech raste me hi gawa dega.

Parantu, Captain Feng, Divya aur baaki sabhi sadasya... Koi bhi ye nahi jaanta tha ki Renshu ke paas system tha. Woh koi maamooli vyakti nahi tha.

Renshu Divya aur Feng ko dekh halke se muskuraya aur bola.

Renshu : Mujhe aam insaano ki tarah mat samjho captain! Shaolin ka master hu mein aur Order ka Lord! Ye mamooli chot kuch bhi nahi.

Captain : …?

Divya : ...?

Idhar Bo apne Lord ki aagya ka paalan karte hue aage aaya aur Renshu ke ghaav ko saaf karte hue uske pait par chinese jadi-bootiyon se bani aushdhi ka lep laga kar patti baandhne laga. Ghaav dekh ke bechaare unn sabhi members ki haalat kharab ho rakhi thi. Kintu, Renshu ke chehre par zara bhi dard ke bhaav nahi jhalke.

Ek baar punah sabhi ke mann me unke Lord ke liye izzat aur badh gayi. Akhir kitne sehen-sheel vyakti the unke Lord. Renshu ki marham patti ho jaane ke baad, kuch derr sabhi ne wahi theherne ka faisla liya. Kuch neeche zameen par apne Lord ke ird gird baith gaye toh kuch ped ke tane se tik kar khade ho gaye. Kuch abhi bhi hathyaar liye chaukanne the toh kuch do-chaar ke samooh me apni-apni vartalaap me jut gaye.

Unhi me se Captain Feng ne apne chaaro orr nazre maarte hue ilaake ka jayza liya. Andhere ke chalte use zyada dur ka toh kuch nahi dikhayi diya par apne aas paas ka nazara wo bhali bhaanti dekh paa raha tha. Kayi saare hathyaar zameen par bikhre pade the. Kahi kahi zameen aisi thi jaise maano waha par koi bada visfot hua ho. Sookhe patte bhi ajeeb tareeqe se ast-vyast bikhre hue the. Yeh kisi ghamasan ladaayi ka sanket de raha tha.

Captain Feng : Yaha kuch hua tha. Hai na?

Uske sawaal par Renshu ek baar fir muskuraya. Captain Feng waqai captain kehlaane yogya tha.

Renshu (nods) : Hmm!

Captain Feng : Trap?

Renshu (nods) : Hmm!

Captain Feng (frowns) : Fir?

Renshu : Mujhe gher liya gaya tha. Ek prakar ka jaal tha jo mere liye bichhaya gaya tha. Mujhe maarne ke liye.

Bo (scowls) : Unki itni himmat??

Divya : A-Aur, aap? Aap uss trap se akele baahar nikal aaye?

Renshu : Mujhe nikalna hi tha. Ye mamooli cheezein mere patan ka kaaran nahi bann sakti.

Ming : Woh hamaare Lord hai, madam! Koi aam insaan nahi!

Divya (glances) : …

Captain Feng : Aap waqai theek toh ho na? Kyuki, woh chot-

Renshu : Ghabrao nahi! Meri jaan khatre me nahi hai. Ghaav gehra zaroor hai par mein ghar lautne me saksham hu. Haan, iss haalat me mein daud nahi sakta par chal zaroor sakta hu.

Bo : Ye aap kaisi baat kar rahe hai, Lord? Hamare rehte hue aap iss haalat me kaise chal sakte hai bhala? Hum sab kis liye hai? Hum aapka sahaara banenge.

Renshu : Nahi! Tum sab khud thake hue ho. Apni haalat dekho zara. Aur, wese bhi mujhe chalne me dikkat nahi hogi.

Bo : P-Par-

Renshu : ORDER!!!!

Uske thoda sakhti se kehte hi Bo ne apna sarr turant hi aagya maante hue jhuka liya.

Bo : Jaisa aap kahe, Lord!

Captain Feng (sighs) : Aap ko confident dekh mujhe thodi raahat mili. Par, shayad meri iss khabar se kahi aapka confidence gir na jaaye.

Renshu : Hmm???

Captain Feng (frowns) : Order ke 6 sadasya maare gaye.

Khabar sunte hi Renshu ka sarr neeche jhuk gaya aur apne bhaale par uski pakad mazboot ho gayi.

Captain Feng : Maine bahut koshish ki ise rokne ki magar... Magar, Legion ke log jaise thaan ke aaye the ki unhe jaan leni hi hai. Mein chaah ke bhi kuch kar na saka. M-Mujhe maaf karna-!

Renshu jaanta tha ki aisi ladayi me harr koi sahi salamat bach ke nikal aaye ye sambhav nahi tha. Mann hi mann woh pehle se hi iske liye taiyar tha. Parantu, fir bhi... apne aadmiyon ko khona nirasha janak hi tha. Use jaise fir kuch dhyaan aaya.

Renshu : Tumhari galti nahi-!!! Erica!!! Ye Erica ki zimmedari thi. Kaha hai woh? Erica???

Nazre daudate hue Renshu ne chaaro orr dekha par Erica ka koi naam-o-nishaan nahi tha. Captain Feng, Bo aur Ming teeno ek dusre ko asmanjas me dekhne lage. Koi kaise kahe ki unki laadli Erica unhe pehle hi rann-bhoomi me chorr kahi aur hi laapata ho chuki hai.

Bo : L-Lord-!!

Renshu : Huh?

Bo : Miss Erica humaare saath nahi hai.

Renshu (frowns) : Tumhare saath nahi hai matlab?

Bo : W-Wo-!! L-Lord woh-

Captain Feng : Miss Erica bina bataaye pehle hi kahi aur chali gayi.

Jab Renshu ne ye suna toh uski aankhein aashcharya ke maare fel gayi.

Renshu : Kya?

Captain Feng : Ji! Woh jaise hi hamare paas aayi thi toh unhone humse yahi kaha tha ki unhe bahut zaroori kaam hai aur unka waha pahuchna bahut zaroori hai. Uske baad wo kaha gayi hum me se kisi ko kuch nahi pata.

Renshu ne agle hi shan itni zorr se apna haath ped par maara ki ped ke tane ka kuch hissa ukhad ke neeche gir gaya. Waha maujood sabhi log darr ke maare ekdum shaant pad gaye.

Renshu (gusse me) : Eriiicaaaa!!!!! Erica!!!! Maine use samjhaya bhi tha ki Order ko lead karne ki zimmedari uske sarr hai. Aur, uske bawajood wo...! Tum me se kisi ne roka kyu nahi use?

Ming : Humne bahut koshish ki thi, Lord. Magar, woh hamari baatein sunane ko taiyaar hi nahi thi. Bahut hi chinta me aur jaldbaazi me lag rahi thi.

Renshu (frowns) : Maine samjhaya tha use ki abhi wo frontline missions ke liye taiyaar nahi hai. Tch!!!

[Renshu! Zara pucho ki woh kis disha me bhaagi thi.]

'Hmm!'

Renshu : Tumhe yaad hai wo kis disha me gayi thi?

Bo (nods) : Jaha se hum aaye the, Lord. Usi disha me wo wapas gayi thi.

Jawaab sunte hi Lloyd ki awaaz punah Renshu ke mann me goonji.

[Samajh gaya. Erica agar jaldbazi me hamare aadmiyon ko chorr ke bhaagi hai toh iska ek hi kaaran ho sakta hai, Renshu.]

'Veer-!?'

[Exactly! Blemish apply kiya hoga usne. Iska matlab wo wapas se lauti aur eastside ki orr gayi hogi jaha... Shit! Blemish se notification aana iska matlab Veer khatre me hoga. Aur, Erica wahi gayi hai.]

Ye gyaat hote hi Renshu ke badan me ek sihran daud gayi. Erica uska sab kuch thi. Agar, use kuch ho gaya toh-

'Nahi!'

[Agar, tum ghayal na hue hote toh hum isi waqt mine ke raaste ki orr badh sakte the.]

'Tsk-!!! Ye ghaav!'

Usne apni chot par haath ferr kuch derr pehle ki ghatna ko yaad kiya. Sab kuch uski mutthi me tha. Par, achanak se hi jaise uss anjaan system holder ne baazi palat di thi.

Kuch derr pehle...

Renshu jab unknown system holder ko giraane ke baad uski orr badha toh kahi se bhi wo anjaan naujavan koi bahut shaktishali vyakti prateet nahi ho raha tha.

Uski vyatha saaf batla rahi thi ki use kaafi ghaat pahuchi hai. Renshu uske samaksh aake bas chand qadam ki duri par khada hua aur bola.

Renshu : Maine pehle hi kaha tha ladke. Mujhse bhidna vyarth hai. Tum aaye toh apni marzi se the magar jaoge meri marzi se.

Lekin, woh anjaan system holder khamosh hi raha. Apni saanso ko durust karne me laga hua tha. Muh par kapda lipte hone ke kaaran Renshu ko uska chehra nazar nahi aaya. Apne bhaale ki nok ko uske gale ke saamne kar usne chetavni di.

Renshu : Ab jo mein sawal puchu, unke jawaab seedhe-seedhe ugal dena. Warna, ye bhaala tumhare sarr ko dhad se alag kar dega.

Kintu, wo naujavan ab bhi khamosh bana raha. Uski taraf se koi bhi pratikriya nahi hui.

Renshu (frowns) : Kisne bheja hai tumhe yaha?

Koi jawab nahi. Renshu ke maathe par silvatein aur gehri ho gayi.

Renshu : Tumhe sunayi nahi diya? Maine pucha ki kisne bheja hai tumhe yaha?

Magar, ladka toh jaise uski baato ko ek kaan se sunn dusre kaan se nikaalta jaa raha tha.

Renshu : Tum aise nahi maanoge...!

Gusse me aa ke Renshu ne apne bhaale ko haath me do baar ghumaya aur nishaana saadhate hue woh uss ladke ke kandhe me bhaala khosne hi waala tha jab-

"Hahahaha-!!!"

Woh ladka achanak hi dheere se hassne laga. Uske kandhe thahaako ke chalte upar neeche uchhalne lage.

'!!?'

Ye dekh Renshu wahi ruk gaya. Kya ye ladka pagal ho gaya tha? Iss haalat me bhi bhala woh kaise hass sakta tha?

Ladka dheere dheere apne haath upar kar khud ko nihattha dikhaate hue utha. Renshu ka nishaana ab bhi uske kandhe par jama hua tha.

Ladka : Mein haar gaya! I really surrender.

Akhir kaar, uske muh se kuch shabd nikle.

Renshu : Mujhe bakwas nahi sunani. Mere sawal ka jawab do. Tumhe yaha kisne bheja?

Ladka : Hmm! Agar, mein jawab de du toh kya tum mujhe yaha se jaane de doge?

Renshu : Woh depend karta hai ki tum sahi jawaab dete ho ya nahi!

Ladka : Hahahahahahaha!

Ek baar fir woh zorr zorr se hassne laga. Jaise maano uss par koi bhoot sawaar ho gaya ho.

Ladka : Agar, mein sahi jawab deta hu toh use tum galat thehra ke mujhe maar daaloge. Aur, agar galat deta hu toh bhi. Toh, fir mere jawab dene ka matlab hi kya? Hahahahaha!

Renshu (frowns) : Mein aisa nahi karunga. Tum jaise system holders ko jitna ho sake mein maarne se khud ko rokta hu.

Ladka : Tch! Tch! Tch! Nahi nahi nahi! Tumne yaha par galat baat keh di.

Renshu : !!!??

Ladka (grins) : TUM...! MUJHE MAAR HI NAHI SAKTE!

Khatra!!! Renshu ko jaise uske haav bhaav dekh ek bura andesha hua. Lloyd ki oonchi awaaz bhi uske mann me turant goonj gayi.

[Renshuuuu-!!! Dur hato-!!!]

Aankhein phaade Renshu ne na aav dekha na taav aur seedha apna bhaala uss ladke ke kandhe ki orr feka.

*Swoosh*

Magar, ladka jaise jaanta tha ki uske kandhe ki taraf bhaala aayega. Halka sa bagal me hote hue wo hamle se bacha aur bhaala seedhe ped me jaa ke dhans gaya.

*Thuck*

Usne agle hi shan apne kapdo me kahi se gol sa padarth nikaala aur ungliyon se use Renshu ke perro ki orr feka...! Aur, tabhi-

*Pufffff*

Halka dhua Renshu ke ird gird fel gaya.

'Smoke bomb!!?'

[Smoke bomb nahi. Uska chhota roop hai ye. Baahar niklo! Jaldi!!]

Renshu dhue me se baahar aane ke liye peeche ki orr ucchla. Magar, jaise hi usne chhalaang lagayi. Hawa me rehte hue use ek dhwani sunaayi di, jise sunn uska badan thanda pad gaya.

*Whish*




Aankhein bhay ke maare fel gayi. Ye awaaz aisi thi jaise maano kisi patle se wire ko haatho me leke kheencha gaya ho.

Aur, Renshu ka anumaan ekdum sahi tha. Uss ladke ne-

Apne haath se adrishya samaan wires ko kheencha. Agle hi pal zameen me khusi hui ek blade jo unn wires se bandhi thi woh Renshu ki taraf peeche se tez raftar se lagne ko aayi.

Magar, tabhi-

*Ding*

[Rapid Reaction]

Uski skill activate hui aur usne turant apne ped me khuse bhaale ko chain se zorr se jhatka deke kheencha.

*Kha-ching*

Bhaala itni raftar se uski orr aaya ki hawa me hi Renshu ne khud ke shareer ko tilt kar uss se bacha liya. Aur, woh bhaala seedhe jaake-

*Clang*

Peeche se aa rahi uss blade se takraya aur dono hathyaar hawa me zorr se bhidant ki wajah se gol ghum neeche gir gaye.

'Akhir, usne ye kab-!???'

Renshu hakka bakka tha. Bhala ye wires se lipti blade uss ladke ne kab zameen me khos di?

[That time...!]

Lloyd ne jaise turant hi use yaad dilaya. Renshu ke mann me kuch derr pehle hui vardaat chal-chitra bann daud gayi. Jab usne Mayhem ke lethal attack se uss ladke par hamla kiya tha tab woh ladka hawa me udte hue ped se jaa bhida tha.

Aur, yahi wo waqt tha jab uss ladke ne hawa me hi girne se pehle woh blade neeche khos di thi.

[He was waiting for us. What a scum!]

Ye gyaat hote hi Renshu ne apne daant gusse me mees liye.

Kintu, asli khatra toh ab tha-

*Whoosh*




Dhua halka sa chhata aur achanak hi woh ladka Renshu ke upar lapka. Uske haath me ek chaaku thi. Wire se bandhi blade ka woh hamla toh bas uska dhyaan bhatkaane ke liye tha. Asli vaar toh ye tha.

'Shit-!! A feint attack-!?'

[Renshhhuuuu-!!!]

Na hi uske paas bhaala tha aur na hi itna samay ki bhaale ko kheench liya jaaye. Rapid reaction ne activate hona chaha par jaise woh kisi kaaran-vash ho hi na paayi.

Aur, tabhi-

*Squelchhhhhh*

Hawa me khoon ke chheethe bikhar gaye. Ek dabi hui karaah Renshu ke muh se nikli. Aur, saath hi uss ladke ke hontho par kutil muskaan felti chali gayi. Chaaku Renshu ke pait ko cheerte hue andar ghus chuki thi.

[Renshu-!!!]

'Urgh-!!!'

Dard ko sehen karte hue usne ladke ko jakda par ladka jaise chaaku ko aur marodte hue uske pait se atadiyo ko baahar nikaalne ki firaq me tha.

Renshu ne fauran hi ek haath se uske haath ko roka aur dusre se usne ek zordaar hamla uske sarr par maarna chaaha. Magar, ladka chaaku ko uske pait me chhorte hue khud ko chhura kar peeche kood gaya.

Ladka : Khush-kismat ho tum jo mujhe pehle chot pahucha paaye. Warna, aaj tumhara ant yahi kar deta mein. Par...! Par, abhi ye possible nahi. Tum zaroor bach gaye. Lekin, tumhare dwara bheja gaya woh ladka ab tak junglee janvaro ka maans bann chuka hoga. Hahaha!

Renshu : H-Huh-!?

Ladka (grins) : Jaw Long ke paas Animal Kingdom hai, Li Renshu. Aur, black magic se ladi hui skills aur cards. Ab toh uss ladke ka maans noch-noch ke kha rahe honge janvar. Hahahaha-!!! Tarqeeb acchi lagayi thi tumne ek aur system holder ko bula ke use eastside me bhejne ki. Par-! Tum isme akele nahi the.

Renshu ne jaise hi Jaw Long ki skills aur cards ke baare me suna, uske badan me raungte khade ho gaye. Veer ke liye chinta uske andar samaayi.

Renshu (growls) : T-Tum-!! Kaun kaun hai iske peeche?

Ladka : Tum toh aise puch rahe ho jaise mein ye saare jawaab tumhe de dunga. Hahahaha! Fir milenge...! Li Renshu-! Of course... Agar, tum zinda rahe toh-! Goodbye!

Renshu : R-Ruko-!!! Urgh!!!

Magar, ladka waha se tezi me faraar ho gaya. Woh chaahta toh Renshu ko maar sakta tha lekin, use dur kahi se patto ke hilne ki awaaz pehle hi sunayi de chuki thi. Reinforcements apna raasta tay kar yaha aa rahe the. Majbooran use yaha se bhaagna hi pada.

Renshu apne pait me khusi chaaku ko jakde ped se lag ke neeche baith gaya. Sabse zaroori tha blood loss ko rokna. Usne chaaku ko nikaalte hue use feka. Aur, agle hi shan-

*Ding*

[Chi Perception]

Uski skills me se ek badi hi khubsurat aur upyog me aane waali skill. Aankhein band kar Renshu ne apni chot ko andhruni taur par mehsoos karna shuru kiya.

Chi ka arth hota tha urja. Chi perception use urja ko mehsoos karne ka nazariya uplabdh karwati thi. Woh apne pait ke andar hui haani ko apni urja ke zariye bareeki se jaanchne laga.

Usne ek gehri saans li...! Lloyd ne use chi perception bahut hi acche se sikhaya hua tha.

'Jaha dhyaan hota hai, waha urja hoti hai. Jaha urja hoti hai, waha uddeshya hota hai.'

Lloyd ke kahe gaye ye bol pehle use kadapi samajh nahi aate the. Magar, ab jaise woh isme maahir ho chuka tha.

Apne dhyaan ko usne apni chot par kendrit kiya. Uske mastishq se saari fizool baatein gayab ho chuki thi. Dimag me bas ek hi vichar ghoom raha tha. Aur, woh tha apni chot ko andhruni taur par mehsoos karna.

Jaha dhyaan hota hai, waha urja hoti hai. Chot par dhyaan lagaate hi use uss jagah apni urja mehsoos hone lagi. Woh urja ko apne mann ke hisaab se ek aakaar dene laga.

Jaha urja hoti hai, waha uddeshya hota hai. Apni urja ko mehsoos karte hi... Usne uss urja ko uske uddeshya me laga diya. Aur, uddeshya tha-

Khoon ko baahar behne se rokna. Aur, yahi thi ~ Chi perception. Jo na sirf aisi sthitiyo me balki aakraamak aur bachaav dono hi tareeqo ke liye bhi upyog ki jaa sakti thi.

Yahi sab hua tha inn guzre lamho me. Isi beeti vardaat ko yaad kar woh apni vichaaro se baahar aaya. Order ke sabhi log use chinta-janak bhaav liye ghoor rahe the.

Erica ke liye ab uski chinta atyadhik badh chuki thi. Khaas kar ye jaanane ke baad ki Jaw Long kin-kin prakaro ki shaktiyo ko apne paas rakhe hue tha.

Renshu : Captain! Hume jald se jald mine ke raaste ki orr badhna hoga.

Captain : M-Magar, aisi haalat me aap-?

Renshu : Samay bahut kam hai, captain! Meri beti kisi badi musibat me ho sakti hai. Mera waha pahuchna bahut zaroori hai.

Bo : Lord ke baare me chinta karne ki zaroorat nahi. Hum sab kis liye hai? Ming!! Lakdiyo ko ikhatta kar ek takhta taiyaar karwao. Hum Lord ko uss par bitha ke le jayenge.

Ming (nods) : Hmm!

Aur, Bo ke sujhaav par sabhi aadmi lakdiyo ko ikhatta kar ke ek takhte ko banaane me jut gaye.

Divya : Mera bhi ek sawaal hai.

Renshu : Hmm?

Divya (frowns) : Mera dost...! Veer kaha hai? Ye straight wala rasta Eastside ke raaste se kab milega? Agar, use kuch hua toh-

Renshu : Bas, thoda dur aur-! Hum mine ke kaafi nazdeek hai. Iske thoda baahar nikalte hi hum uss raaste par aa jayenge jaha se eastide judta hai. Aur, Veer sahi salamat hi hoga.

Divya badle me boli kuch nahi. Magar, uski bechaini uske chehre par saaf jhalak rahi thi. Toh wahi Renshu ne keh toh diya ki Veer sahi salamat hoga lekin, use khud andar hi andar nakaratmak vichaar khaaye jaa rahe the.

Renshu : Hamare log... Jinhone apni jaane gawayi. Woh sab kaha hai?

Bo (sarr jhukate hue) : Unhe wahi dafna diya humne, Lord. Hum unke shav ko saath leke nahi chal sakte the. Aur, unhe uss tarah waha chorr bhi nahi sakte the. Isliye, jo sabse sahi hume laga, humne wahi kiya.

Renshu (nods) : Tumne theek kiya. Aur, Legion ke logo ka kya jo maare gaye?

Bo : Unko bhi humne wahi dafna diya, Lord. Aap ne hi sikhaya tha. Jab tak hum zinda rehte hai tabhi tak ye dost dushman ki paribhasha hum par laagu hoti hai. Maut ke baad kya dushman aur kya dost. Sab ek samaan reh jaate hai. Isliye...!

Renshu (smiles) : Tumne kahi kuch galat nahi kiya. Mujhe tum sab par naaz hai.

Sabhi badle me muskuraye. Bhale hi kuch saathiyo ko unhone kho diya tha. Par, woh jazba aur woh ekta ab bhi unme kaayam thi. Aur, unn jaan gawaane waale logo ke balidaan ko woh yu hi vyarth nahi jaane dena chaahte the.

Bo : Mine hum hathya ke rahenge!

"Haaaaaaannn!!!!"

"Yeaaaahhhhhh!!!!"

"Order-!!!!"

"Zindabaaaaaaddd!!!!"

Renshu ne turant hi seeti bajaayi. Toh kahi se na jaane ek kabootar udti hui aasmaan se uske paas aake uske haath par baith gayi.

Renshu ne apne kapde me se ek chithhi nikaali aur use modte hue uske chhote chhote perr par baandh diya.

"Tumhe pata hai na kya karna hai?"

*Coo-hooo*

Woh jaise jawab me chehki. Aur, use apne haatho me lete hue Renshu ne use hawa me chorr diya. Woh pankh fadfadaate hue waha se ravana ho gayi.

Aur, isi tarah Renshu ko takhte par baitha ke woh sabhi fir mine ke raaste par chal diye.

***

Deep inside Eastside...

Jaha Renshu aur baaki sab Eastside ke raaste se judne ke liye nikal pade the wahi yaha idhar jangalo ki gehrayiyo me avishvaneeya drishya dekhne ko mil rahe the.

Pari ne Veer ke shareer par apna niyantran kar liya tha. Veer ke ird gird ki hawa bhaari ho chuki thi. Uske khatarnak aura ke chalte uske baal hawa me lehra rahe the aur jin teero ko fekte hue Jaw Long ne unn par insaano ki khopdi latkayi hui thi woh khopdiya bhi kit-kitate hue hawa me kampan maar rahi thi.

Sookhe patte kisi bheegi billi ki tarah thar-thar kaanp rahe the. Jaw Long khud do qadam peeche ko ho chuka tha. Toh wahi, Erica samet Ava dono ke muh hairat ke maare khule hue the.

[What- What is this?]

Lily ki awaaz Ava ke mann me goonj gayi. Magar, jab Lily ko khud nahi pata tha toh bhala Ava ke paas koi jawab kaise ho sakta tha. Yahi haal Genie aur Erica ka bhi tha. Woh bhauchakki si Veer ke iss naye vikral raudra roop ko dekh rahi thi.

Apne kaale jaadu ka upyog kar Jaw Long ne tamaam nakaratmak urjao se bhaint ki thi jinka aura kaala paaya jaata tha. Magar, usne aaj tak apne jeevan kaal me itna prachand black aura kisi ka bhi nahi dekha tha. Aura itna bheeshan tha ki Veer ke badan ke baahar tak wo lapte maar raha tha.

Aur, Jaw Long ke liye sabse asahejta waali baat thi Veer ki woh muskaan jo iss samay ajeeb tareeqe se uske hontho par feli hui thi.

Veer ne ek qadam apna aage badhaaya-

*Ba-dump*

Jaw Long ki dhadkane tez ho gayi.

Teer me latki hui khopdi ko Veer ne apne ek haath se baahar nikala aur aankhon ki putli waale chhed me apni ungli daal woh khopdi ko gol-gol ghumaane laga. Uske iss roop ko dekh Ava samet Erica ka badan kaanp utha.

Zorr se khopdi ko ghumaate hue usne woh kisi gulel ki tarah chorri jo seedhe Jaw Long ke sarr ki taraf sansanati hui aayi aur-

*Craaaassshhhhh*

Sahi samay par Jaw Long ne apne sarr ko baayi orr jhuka liya. Khopdi uske baalo ki lato se takrate hue jaa ke peeche ped se bhidi aur tukdo me toot ke bikhar gayi.

Insaan ki khopdi sabse mazboot haddiyo me se maani jaati hai. Kitna force lagta hoga ki khopdi ko tukdo me tod ke bikher diya jaaye?

Veer ki aankhein laal ho rakhi thi. Beowulf ON tha. Aur, uski agility, aur senses pehle se kayi guna badh chuke the.

Force = Mass x Acceleration

Veer ne uss khopdi ko itni zorr se feka tha ki uska acceleration hi itna tha jiske chalte uska force apne aap badh gaya. Nateeja? Uska tukdo me bikhar jaana.

Pichli baar woh Jaw Long se bhidte waqt Beowulf ka istemal kar hi nahi paaya tha kyuki Beowulf ki timing ka saara samay usne janvaro se bhaagne me laga diya tha. Magar, iss baar woh taiyaar tha.

Ava aur Erica ekdum stabdh thi. Unke hosh ude hue the. Aur, tabhi-

*Whooooooosshhhh*

Veer apni jagah se gaayab ho gaya-!!

Jaw Long : Tā hěn kuài (He's fast)

Dara hua vyakti... Hamesha apni maatra bhaasha me hi bolta hai. Bhale hi Jaw Long tribal bhaasha ki boli waala tha magar, janm toh uska china ki bhoomi me hi hua tha. Maatra bhaasha toh chinese hi thi.

Aur, iss waqt darr ke maare uska mastishq Mandarin Chinese bhaasha me hi vichaar karne par majboor ho gaya. Usne jaise hi Veer ki raftaar dekhi, uski haalat patli ho gayi. Use pata tak nahi chala ki Veer kab apni jagah se gaayab ho gaya.

Aur, akasmat hi-

*Whoosh*

Kisi glitch hoti hui image ki tarah Veer uske saamne prakat ho gaya. Bhay ke maare Jaw Long jaise hi peeche koodne ko hua-

'Shénme (What?)'

Veer ne apna perr itni kass ke uske perr ke upar rakha ki Jaw Long ka perr hi neeche zameen me dhans gaya. Veer jaise iss baar use kahi bhi bhaagne nahi dena chaahta tha.

Aur, agle hi shan-

Veer ka ek vaar seedhe Jaw Long ke gale ki orr aaya. Jaw Long ne jaise hi apna haath aage kar Veer ke vaar ko rokna chaaha-

Veer ke dusre haath ne uske haath ko maar peeche dhakel diya.

*Baaaammmm*

Aisa ek baar nahi, palak jhapakte hi harr baar hota gaya. Veer jaise jaan boojh ke Jaw Long se wahi hamle karwa raha tha jidhar woh unhe chaahta tha taaki woh unhe khud deflect kar sake.

[Th-This-!!!]

Lily ke honth thar-thara uthe.

'L-Lily-!!?'

[This is insane!!! Woh kaun si fighting style use kar raha hai? Woh jaan boojh ke aise hamle kar raha hai jis ke badle me Jaw Long wahi wahi vaar kar raha hai jaha Veer chaahta hai. It's like... It's like he's making Jaw Long to attack him for his own advantage.]

Veer ke moves ki speed itni zyaada thi ki woh Jaw Long ki capture karne ki capacity se baahar ho chuki thi. Aur, fir wahi hua jo hona tha.

*Thuck*

Ek vaar Jaw Long ke liver ke hisse me...! Uske binn aankho ke khaali maans waale eye socket dard ke maare fel gaye.

*Thuck*

Dusra vaar Jaw Long ke haath ko deflect karta hua uske fefdo ke upar. Laga maano ek shan ke liye uska dil hi rukk gaya ho.

*Thuck*

Teesra vaar uske gale ke bagal me. Dard aisa ki maano nass phatne ko aa jaaye.

*Thuck*

Aur, akhiri vaar seedhe uski chhaathi ke ekdum beecho-beech. Impact itna tagda ki Jaw Long ka bhari bharkam shareer hawa me udd gaya.

Uske shareer ke udte hi Veer ne wahi khusa ek bhaala upar hawa me feka aur tezz raftaar me woh Jaw Long ki taraf lapka...!

Dono aapas me moves exchange karne lage. Dono ke prahar aapas me bhid halki-halki shock waves paida kar rahe the jinke chalte fele patte udte hue bikharte jaa rahe the. Veer uss se ladte ladte use ped ke paas le jaane laga. Dono ek dusre ke haatho ko jakad bhayanak gusse me ek dusre ko ghoor rahe the. Aur, tabhi-

*Swoosh* *Swoosh* *Swoosh*

*Thuck*

"Aaaaarrrrrrrgghhhhh!!!!"

Jaw Long ki dard bhari cheenkh waha goonj gayi. Uska kandha ped se lage hue ek bhaale se khus chuka tha.

Ye wahi bhaala tha jo Veer ne kuch shan pehle upar hawa me feka tha. Jaw Long ki aura vision skill upgraded nahi thi. Woh non living things ko dekhne me asamarth tha.

Veer ne pehle hi bhaale ki trajectory ko calculate kar use hawa me fek diya tha. Aur, woh jaan boojh ke Jaw Long ko uss ped ke paas le jaata gaya. Kyuki... Bhaala yahi par girna tha. Aur, bhaala Jaw Long ko dikhna hi nahi tha.

Veer ne agle hi shan apni do ungliya uski binn aankhon waale khaali hisse me ghused di. Aur, punah-

"Aaaaarrrrrrrgghhhhh-!!!!!"

Ek khaufnak aur dard se bil-bilati cheenkh waha fel gayi. Ava aur Erica itna sehem gayi ki maano unke shareer se unki rooh hi nikal gayi. Aur, fir Veer ke bol Jaw Long ke kaano me pade. Jo asal me Veer ke nahi, Pari ke the.

"IF ONLY I HAD EVEN A TINY OUNCE OF MY POWER THAT I HAD BEFORE, I WOULD HAVE DESTROYED THIS INSIGNIFICANT, LITTLE PLANET OF YOURS IN A BLINK OF AN EYE, YOU LOWLY PIG...! YOU ALL ARE LIKE ANTS GROVELING IN THE DIRT WAITING ONLY TO BE CRUSHED UNDER THE FEET OF AN UNPARALLELED BEING... SUCH AS ME-!!!"

Aur, fauran hi Jaw Long ke system ko andesha ho gaya. Uski ghabrati hui awaaz uske mann me sunayi di.

[L-Long-!!! Bhaago! Bhaago yaha se warna maare jaoge. Ye ladka apne hosh me nahi hai. Iska system iske shareer ko control me kiye hue hai.]

Par, Jaw Long toh bechara dard se bilbila raha tha. Uski aankhon waale khaali hisse me Veer ki do ungliyaan ghusi hui thi. Veer ne apni ungliyon ko kisi machhli pakadne ke hook ki tarah maroda aur turant hi woh andar ke maans ko kheenchte hue baahar nikaalne laga.

"Haaaaarrrrrggghhhhhh-!!!!"

Erica itna ghabra gayi ki pichhle kiye gaye uske sarr par vaar ke chalte aur saamne manzar ko ghatate dekh woh bechari behosh hi ho gayi. Magar, Genie ne aenn waqt par uske behosh hone se theek pehle abhi abhi praapt hui 'Basic Seer Vision' activate kar di.

Jaw Long ke andhruni maans ko jaise Veer baahar kheench ke nikaalna chaah raha tha. Drishya itna bhayanak aur daravna tha ki aam insaan ise lagatar dekh hi nahi sakta tha. Agar, dekh le toh sakpaka ke reh jaaye.

Zorr laga ke Jaw Long ne apne kandhe ko bhaale ki qaid se mukt kiya aur Veer par hamla bolna chaaha par-

*Baaaaammmmmmm*

Ek laat uske nichle jabde par itni zorr se padi ki uska shareer hawa me kisi lakdi ki tarah gol gol ghoomte hue udd gaya. Usne hawa me hi santulan banana chaaha. Jaise hi ghoomne ke baad usne hawa me sthirta praapt ki-

Veer uske saamne tha!

'Huh!???'

Jaw Long ne bhay ke maare apne dono haath se cross banaate hue khud ko chhek liya. Lekin, Veer hawa me hi uske bagal se nikal gaya. Ye sab kuch bahut tezi me ho raha tha. 1 second tak Jaw Long ko kuch samajh nahi aaya ki Veer bina hamla kiye uske bagal se kyu nikal gaya. Kintu, agle hi pal-

*Baaaammmm* *Baaaaammmmmmm*

*Baaaaammmmmmm* *Baaaammmm*

*Baaaammmm* *Baaaaammmmmmm*

Uski chaathi 6 alag alag jagaho se pichak gayi.

*Blurgh*

Muh se khoon ke cheethe nikaalte hue woh neeche zameen par aa gira aur uth ke Veer ko bhaybheet hue dekha. Veer ne pehle hi uske badan par mukke barsa diye the. Gati itni tezz thi ki Jaw Long unhe dekh hi nahi paaya. Jo usne dekha woh toh bas hamle ke after effects the. Jagah jagah use itna dard ho raha tha ki ab ye dard uske liye ek baadha bann ke saamne aa raha tha.

Woh bhi akhir ek insaan hi tha. Na jaane kab se woh iss ladaayi me akela ladd raha tha. Itni chot pahuchne ke baad swabhavik tha ki kahi na kahi dard ab use zyada mehsoos hone laga tha.

Lekin, Veer toh aaj jaise poore aakramak roop me tha. Woh hawa ke jhonke ki tarah apni jagah se gayab hote hue uski orr aaya aur apni laat seedhe Jaw Long ke muh par par maarni chaahi.

Par, Jaw Long ne uski laat ko apne ek haath se pakad liya. Itni derr ke baad pehli baar Jaw Long ke chehre par ek muskaan aayi. Akhir kaar, usne Veer ko pakad hi liya.

Parantu, ye jaise uss bechare ka vaham tha. Kyuki-

*Ding*

[LIMBO]

Fir woh hua jise dekh khud Jaw Long ke raungte khade ho gaye. Veer apne perr ke jakde hone ke bawajood ulti disha me ghoom ke muda...!

Uska perr toh Jaw Long ke haatho me tha. Magar, shareer toh azaad tha. Apne bhaar ka istemal kar woh baayi orr poora ghoom gaya, jiske chalte-

*Crack* *Crack*

Uske ghutno se kuch kasht bhari awaazein aayi. Woh ghoom ke iss qadar aaya ki ab uski daayi laat padne ko taiyaar thi. Jaw Long hakka bakka reh gaya. Aur-

*Baaaaammmmmmm*

Kaam tamaam!!!

Nichle jabde par laat itni zorr se padi ki Jaw Long ka daant toh ukhda hi muh se khoon ki dhaar alag nikal gayi.

Uske girte hi Veer ne apni taang haath se pakdi aur-

*Crack* *Crack*

Apni haddiyo ko wapas se sahi sthaan par le aaya. Usne apne aap ko kasht pahuchaya tha. Ya yu kahe ki Pari uske shareer ke saath khel rahi thi.

Woh Jaw Long par fir aise lapki aur ghuso ki baarish kar uske thobde par itne hamle kiye ki lag raha tha woh uske sarr ko tarbooj ki tarah phod degi.

Idhar, Ava ne jab dekha ki Veer ka palda iss ladaayi me bhaari tha woh chenn ki raahat lete hue khud ki healing ke liye apne hosh kho baithi. Lily ne use kuch derr ke liye unconscious state me daal diya aur Healing Factor activate kar diya.

Magar, kehte hai na... Harr cheez jo shuru hoti hai woh khatam bhi hoti hai. Pari, jisne Veer ke badan par qabza kar rakha tha uska saath bas yahi tak tha.

"YOU MUST THANK ME, LATER KID-!!! DAMN IT!!! IT'S NOT ENOUGH!!! IF ONLY I HAD MORE-!!!!"

Aur, bolte bolte uski awaaz dheemi hoti chali gayi. Pari ki consciousness jaise hi gayi, Veer apne unconscious state se baahar aa gaya.

Hosh me aate hi usne paaya ki uska seena zorro se upar-neeche ho raha tha. Woh haaf raha tha. Aur, tabhi use bhayanak dard apne haath-perro me mehsoos hua.

'Ack-!!'

Pari uske shareer ka istemal kar max speed me jo bhaagi thi. Veer bhale hi Jaw Long se strength me peeche tha. Magar, uski agility iss waqt itni zyaada thi ki woh uska istemal kar apne vaar ki taaqat ko kayi guna badha paane me saksham tha.

Force = Mass x Acceleration

Yaha poora game Pari ne acceleration par khela tha. Aur, yahi kaaran tha ki kyu Veer ke haath aur perr atyadhik dukh rahe the. Indirectly, zaroorat se zyada strength ka istemal jo kar rahe the woh.

Veer ne jaise hi nazre utha ke saamne ladkhadate Jaw Long ko dekha toh uski aankhein phat ke chaar ho gayi.

Uske baal bikhre hue the. Khaali aankhon ke hisse se andar ka kuch maans latak raha tha jisme se khoon behta hua uske gaalo se hoke tapak raha tha. Uske haatho ki kuch ungliyaan vipreet disha me mudi hui thi. Aur, muh se bhi khoon beh raha tha.

'Wh-What happened!'

Veer ki kuch samajh na aaya. Aur, na hi Pari ne kuch jawab diya. Kyunki, woh pehle hi sleep mode me jaa chuki thi. Ab jo kuch tha, Veer ke haatho me hi tha.

Usne dekha ki Ava aur Erica dono hi aankhein band kar laiti hui thi. Dono jeevit thi. Shayad, heal hone ki koshish kar rahi thi. Usne ek raahat ki saans li.

'K-Kya ye... Ye maine kiya?'

Use vishvas nahi ho raha tha ki jis Jaw Long ne unn teen system holders ki khatiya khadi kar ke rakhi hui thi uski ye haalat bhi ho sakti thi.

'Akhir... Hua kya? Fuckkkk! Mujhe kuch yaad nahi aa raha.'

Usne dekha ki Jaw Long mushqil se apna santulan banaate hue bhaag raha tha. Use abhi bhi yahi lag raha tha ki Veer ke shareer ka niyantran uska system kar raha tha.

'Woh mujhse bhaag raha hai-!? Shit!!! I need to catch up.'

Veer utha aur jodo me dard hone ke bawajood woh apni poori koshish kar bhaaga. Jaw Long bhaagta hua mine ke raaste me pravesh karne laga. Aur, mine par woh pahuchne hi waala tha.

China ke liye Yunnan province ki sabse zaroori mines me se ek...! Aur, sabse badi mine, jisme radioactive elements bhi paaye jaate the.




Jaw Long andha-dhundh bhaagte hue mine par pahucha...! Jangal se baahar aate hi vishalkaay mine ki sanrachna chaand ki raushni me Veer ki aankhon ke saamne aayi. Ek aadmi bhi yaha maujood nahi tha. Koi bhi pehra nahi de raha tha. Mine me andar jaane ke liye jagah jagah se kayi raaste the.

Parantu, main opening hi thi jaha se radioactive elements ki khoj ke liye jaaya jaa sakta tha. Baaki, openings jo thi woh non-radioactive elements ke liye banayi gayi thi.

Veer ne dekha ki Jaw Long ek non-radioactive elements ki opening me jaa ke ghus chuka tha.

'Tch-!! This motherfucker!!!'

Bina jhijke woh khud uss entrance me ghus gaya. Toh wahi-

"Badhte raho! Badhte raho!!!"

"Hum bas thodi hi dur hai ab!!!"

Renshu aur Order ke samast members bhi mine ke behad nazdeek aa chuke the.

Jaw Long aise bhaag raha tha jaise maano ek chuha billi ko dekh bhaagta hai. Uski haalat bahut buri ho chuki thi. Woh yahi samajh raha tha ki Veer abhi bhi Pari ke control me tha. Aur, Veer iska poora fayda utha raha tha.

Jaise hi woh andar ghus thodi gehrayi tak gaye. Jaw Long achanak hi ek patli si surang me ghus gaya jo ekdum neeche ki orr jaa rahi thi. Veer ne apna qadam aage badhaya par use hawa me hi rok liya.

'K-Kuch gadbad lag rahi hai. Why is he luring me inside that?'

Veer nahi jaanta tha ki jaha Jaw Long uska andar intezar kar ke use girana chaah raha tha woh iss mine ka bottle neck trap tha. Ek aisa gaddha jaha par insaan agar gira toh uski maut nishchit thi. Kyuki, woh gehra hi itna tha aur upar se Jaw Long agar uske upar koi patthar gira de toh aisi haalat me bachna namumkin tha.

Veer ne apne qadam peeche kar liye. Aur, tabhi-

'Huh-!!?'

Usne kuch check kiya. Jankari praapt hote hi usne apne agal bagal dekha. Ek lohe ki seedhi lagi hui thi jo upar ek hole se baahar nikalne ke liye thi. Ek emergency exit.

Veer turant ke turant uss par chadha aur baahar nikal usne andar jhaakte hue neeche khade Jaw Long ko dekha. Dono ne ek dusre ko dekha...!

Ek taraf jaha Jaw Long Veer ke baahar nikal jaane par asahaj mehsoos karne laga toh wahi Veer ke hontho par ek vijayi muskaan fel gayi.

"This is your end... Jaw Long!"

Usne apni jeb se kuch nikaalte hue seedhe Jaw Long ki orr haule se feka aur tez raftar ke saath woh peeche ko bhaaga. Agle hi pal-

*Booooooooommmmmm*



Ek tez dhamake ne waha janm liya. Dharti kaanp uthi aur halke bhookamp ke chalte Renshu aur uske aadmi shor sunte hi chinta me aa gaye.

"L-Lord!?"

"Ye kya tha??"

"Ruko nahi! Ruko nahi! Jaldi chalo!!!!"

Veer ki body hawa me aag ki lapto se baahar aate hue dur jaa giri.

*Blurgh*

Muh se dherr saara khoon nikla. Internal bleeding kaafi ho chuki thi. Use jald se jald araam ki zaroorat thi. Aur, ek doctor ki bhi-!

Tabhi-

*Ding*

['Mission : Be the saviour.' has been completed.]

[You have been rewarded 15,000 Points.]

*Ding*

[You have gained the card 'Berserk.']

*Ding*

[You have gained the scroll 'Bird Tamer.']

*Ding*

[You have gained the skill 'Aura Vision.']

[You have gained the skill 'Radio Protective.']

Notifications ki jaise jhadi lag gayi uske mann me. Jaw Long marr chuka tha. Par, sawaal tha kaise?

Aur, jawaab tha ~

Methane!!!

Mine me maujood methane gas kaafi bhaari maatra me maujood thi. Ek jwalansheel gas jiski na hi koi gandh hoti thi aur na hi koi rang. Jaw Long ko na hi methane ki koi gandh aayi aur na hi use aura vision me kuch nazar aaya. Gas bhi akhir- non living things me hi aati thi.

Kya hoga agar aisi sakri jwalansheel gas se bhari mine me ek jalta hua lighter fek diya jaaye?

Bhayanak visfot!!!

Jaw Long ki apni hi skill uske patan ka kaaran bann gayi. Use Veer ka feka gaya lighter dikha hi nahi. Veer ke mann me tamaam notifications pop hote jaa rahe the.

Kintu, ye nahi tha jinke liye woh utsuk tha. Use toh bas uss notification ko sunana tha.

*Ding*

[You have been rewarded with a new 'Slot'.]

Ye sunte hi Veer ki mutthi dridhta me kass gayi. Yahi woh cheez thi jo besh-keemti thi. Unn 15000 points se bhi zyada keemti.

Slot!!!

Jo card ko equip karwata tha. Ek slot me Veer card jab chaahe switch kar sakta tha. Par... Kya hoga jab slot hi do ho jaaye? Woh ab ek nahi... Do cards ko ek saath equip kar sakta tha. Dono me kisi bhi card ko jab chaahe shuffle kar unhe equip kar sakta tha. Maatra chhoti si ye cheez kitni taqatvar thi iss baat ka andaza Veer ko pehle hi mission ke rewards dekh ke pata lag gaya tha.

Woh abhi mann hi mann iss khushi se baahar aaya hi tha ki-

*Ding*

[The system has been upgraded to Level 10.]

*Ding*

[The system's internal feature 'Perk hunt' is available now.]

Naye feature ke baare me sunn Veer jigyaasa liye uske baare me dekhna chaahta tha par agle hi shan ek jaani pehchani aur use bhaavuk kar dene waali awaaz uske mann me goonj gayi.

[Maaaasttteerrr-!!!!!]

'Huh-!!??'

[Master-!!!]

'P-Pari???'

Nahi! Ye kaise ho sakta tha. Ye awaaz woh bhali bhaanti pehchanta tha. Harr Pari ki personality ki awaazo me antar hota tha. Aur, ye awaaz-

Usi Pari ki thi jo Crimson ki ladayi ke waqt uske saath thi. Jisne uske dil ko ruk use Crimson aur Ava ke shadiyantra se bahar nikaala tha. Jo atyadhik smart aur saath hi emotional thi. Jise usne itna miss kiya tha.

'P-Pari-! Tum? Kya waqai tum wahi ho?'

[You idiotic stupid bastard, Maaastteerr!!!]

'Huh???'

[Kyuuuuu??? Kyu kiya aapne aisa??]

'What?'

[Why did you give your points to her??]

'Huh? M-Mein-!!!'

[You idiot, Master!!! There was no need to give your points. I missed you so much, aapko pata bhi hai? Mujhe laga tha aap se acche se dobaara milungi. It will be our happy reunion. But no... Here you are in this mess.]

'Agar, mein nahi karta toh mein Ava aur Erica ko kaise bacha paata, Pari.'

[I was so scared when you lost your consciousness. Shit!!! That bitch-!!!! Tsk!!!]

'Huh?'

[Listen to me, Master. Ahinda se kabhi bhi kitni bhi dire situation kyu na ho. Aap kabhi bhi points ko iss tarah mujhe ya meri kisi bhi personality ko nahi denge. Okay?]

'Umm-!'

[Okay? Or not? Boliye!!!]

'H-Haan! Alright!'

[Pakka na?]

'Yeah!'

[Promise me!]

'What?'

[I said, promise me ki aap kabhi bhi iss tarah apne points system me invest nahi karenge.]

'Alright! I promise.'

Jab Veer ne vachan diya tab kahi jaa ke Pari ne ek raahat ki saans li.

'Lekin, bhala kyu?'

[Because... Points are not just points Master. I mean aapke liye woh sirf points ho sakte hai. Par, hamare liye they are like... Something greater than that...]

'Aur, tum mujhe ye nahi batane waali ki unki aur kya ahamiyat hai. Hai na?'

[It's not that I don't want to tell you. It's just that I'm unable to tell you right now. I cannot!]

'Ohh?'

[Kyuki, ye bol ke nahi bataya jaa sakta master. Aur, jo tareeqa hai uske liye abhi aap taiyaar nahi.]

'I see!'

[Par, woh sab chorriye. Look at you! Jagah jagah ghaav hai. I can feel it. Aap khade kaise ho iss waqt? It's so painful-!!!]

'I have to... Pari! Aur-'

Uski baatein beech me hi reh gayi jab-

*Keaaaarrrrrr*

Ek baaj hawa me udta hua aaya. Veer chaukanna ho gaya. Ye wahi baaj tha. Magar, jaise hi woh nazdeek aaya.

'???'

Woh Veer ke kandhe par aake apne panje jamaate hue baith gaya. Aur, taktaki laga ke use dekhne laga.

'Ohh-!!'

*Keaaaarrrrrr*

Uski teevra awaaz Veer ke kaano me padi.

"Tum Sheba ho!! Hai na?"

Veer ne uske gale par ungli halke haath se feri toh baaj ne apna gala upar kar diya. Jaise maano woh chaah raha tha ki use aur sehlaya jaaye.

"Hahaha! Maine kabhi itne paas se kisi baaj ko nahi dekha. Does that mean tum ab Jaw Long ko nahi balki, mujhe apna master maante ho?"

*Keaaaarrrrrr*

Baaj ne jaise Veer ki baaton ko samajh awaaz nikaali.

"Huh? He can understand me? Pari!"

[Bird Tamer scroll ke tehet ise apna paaltu banaya gaya hoga, Master. Choonki ab Jaw Long nahi hai aur Bird Tamer aapke paas hai. Zaahir hai ki woh ab aapko apna master samjhega. It's cute by the way... But deadly too.]

'Yeah-! Well, mujhe lagta hai ki-'

Veer ke bol ek baar fir adhure hi reh gaye kyuki ek naya notification uske mann me goonj gaya.

*Ding*

[Past illustration has been invoked.]

[Do you want to see 'Jaw Long's' past?]

Veer ne jawaab me kuch na kaha. Woh Sheba ko hawa me chorr apne ladkhadate shareer ko ghaseetate hue wahi paas me bane ek lakdi ke cabin me le jaane laga. Ye cabin ek chhote ghar ke barabar tha aur pehle government ka hua karta tha. Par, lag raha tha jaise mine par qabza karne ke baad yaha ke workers ko tribal logo ke dwara bhaga diya gaya tha.

Woh andar daakhil hua. Andar ekdum ghapp andhera tha. Filhal aur kisi ki nazro se bachne ke liye ye kaafi tha. Use shaant jagah chahiye thi Past Illustration dekhne ke liye. Iss se kayi saare saboot uske haath lag sakte the.

Aur, Veer notification ke sawaal par haami bhar Past Illustration ke ateet ke panno me doob gaya.

*Caw* *Caw*

Hawa me udte kauwe shor machaate hue jangal ke upar se nikle. Jangal ke gehre hisse me ek lakdi se bane ghar me Jaw Long apni gaddi par baitha hua tha.

Aur, uske saamne ek sundar si stree baithi hui thi jiska chehre uske sarr par maujood kaali hat se dhaka hua tha.

Jaw Long ne ek lakdi ke glass me sharaab daali aur use peete hue bola.

Jaw Long : Kaho! Kya baat karni hai?

Lady (smiles) : I have a deal for you. Ek simple deal.

Jaw Long : Hmm?

Lady : Mein tumhe wo pradan karwa sakti hu jiski tumhe abhi talaash hai.

Jaw Long : Mudde pe aao. Warna yahi kaat di jaogi. Farq nahi padta ki tum system holder ho. Mere ilaake me parinda bhi meri marzi se udaan bharta hai.

Lady (smiles) : I know everything! Tum Order par dhaava bol ke use apne under karna chaahte ho. Right?

Jaw Long (frowns) : ...

Lady : Lekin, ye toh sab ko pata hoga. Hai na? Toh ek aur cheez puchti hu. Tumhe iss waqt dherr saare insaano ki zaroorat hai. Hai na?

Iss baar Jaw Long ki aankhein uss aurat ke bolo par chaudi ho gayi.

Lady : Insaan jinki bali chadhaayi jaa sake. Jinhe kaale jaadu me upyog kar khud ko taqatvar banaya jaa sake.

Jaw Long : ...

Lady (smiles) : Ek yahi kaaran hai jo tum government ko andar ghusne aur talashi karne nahi dete. Hai na?

Jaw Long : ???

Lady (smiles) : Tumhare iss ghar ke neeche unn insaano ke kankaal jo chhipe hue hai jinhe tumne ab tak maara hua hai.

Ye sunte hi Jaw Long uss aurat ke gale ki orr lapka toh woh peeche uchakte hue uske prahar se bach nikli.

Lady (smiles) : Mein tumhari hi side hu. Mujh se dushmani tumhe bhaari pad sakti hai. Mein toh tumhare liye prastaav leke aayi hu.

Jaw Long : Bolna hai toh seedhe tareeke se bolo. Warna dafa ho jao.

Lady : Mein tumhe insaan provide kar sakti hu.

Jaw Long : Huh?

Lady : Insaan jinhe tum asaani se maar sakte ho aur koi unke baare me kuch puchega bhi nahi.

Jaw Long : Aur, badle me?

Lady (smiles) : Badle me mein chahti hu ki Legion Yunnan ki mine par qabza kare.

Jaw Long : Huh? Aur, uss se tumhe kya?

Lady (smiles) : Mujhe bas kuch chahiye jo mine me hai. Baaki, uske baad...! Poori ki poori mine tumhari.

Jaw Long : ...

Lady : Soch lo! Na sirf tum Order ko jald se jald apne haatho me le loge balki mine bhi tumhari apni ho chuki hogi.

Jaw Long : Mine me aisa kya hai jo tumhe chahiye?

Lady : Kuch hai. Kuch radioactive elements jo asaani se nahi mil sakte.

Jaw Long : Aur, unka kya karogi tum?

Lady (smiles) : Mein unka kuch bhi karu, uss se tumhe kya? Haan, par tumhare khilaaf kuch bhi nahi karungi. I can guarantee you.

Jaw Long (frowns) : Meri skills ke baare me tumhe kaise pata laga?

Lady (smiles) : Meri nazre harr uss zaroorat mand par tiki rehti hai jise meri madad ki talash hoti hai. Kyuki, badle me woh hi... meri madad ke kaam aate hai.

Jaw Long kuch derr sochta raha. Aur, fir haami bharte hue bola.

Jaw Long : Theek hai! Mein taiyaar hu. Par, zara bhi chhal karne ki koshish ki, toh chhalni kar diya jayega.

Lady (smiles) : Never! Never!

Woh lady apni jagah se uthi aur jaane lagi par tabhi wapas mudi aur-

Lady : Ek baat aur-

Kehte hue usne achanak hi apni jeb se ek pocket watch nikaali aur use pendulum ki tarah latka ke daaye baaye karte hue boli,

Lady : Koi hoga... Jo ye dekhega...! So, just to be safe... I must- *smiles*

Uski pocket watch achanak hi Veer ka dhyaan kheenchne lagi.

[Shitttt!!! Masterrrrr-!!! Turn it off!! Baahar aaiye!!!]

Pari ki ghabrahat bhari awaaz ne jaise Veer ko turant hi Past Illustration se baahar nikalne par majboor kar diya. Uski saansein tezz ho rakhi thi.

*huff* *huff*

'What was that-!??'

[She... She's dangerous!!! Woh-]

Parantu, Pari ko apne bol wahi thaamne pade jab Veer ke peeche se ek madhur awaaz uske kaano me padi.

"Ohh? I didn't think you would break free from my casting."

Ye awaaz-!!! Veer ke badan me ruye khade ho gaye. Uske maathe par chinta ki lakeere chhaa gayi. Aur tabhi,

*Click* *Clack*

*Click* *Clack*

Kisi ke jooto ki chalne ki awaaz use apne peeche se aayi. Nahi! Ye joote nahi the. Ye high heels ki awaaz thi. Veer ne apni baayi orr se mud sarr ghumaate hue peeche ko apni nazre daudaayi.

Andhere me se ek aakriti chalte hue aa rahi thi. Aakriti kisi stree ki lag rahi thi. Aur, jaise jaise woh qareeb aa rahi thi uski visheshtaaye aur bhi spasht hoti jaa rahi thi.

Chalne ki woh adaa, wo nazakat, uske baare me kaafi kuch bayaa kar rahi thi. Nazdeek aate hue dheere dheere ventilation se aati roshni uske chehre par bhi padti jaa rahi thi.

Uska ek haath bagal se rakhi table par tha jisme dhool ki parat jami hui thi. Jaise jaise wo aage badh rahi thi, uske saath saath uski ungli table par komalta ke saath fisalte hue aa rahi thi.

Aur jyo hi woh ekdum saamne aayi, ungli me jami dhool ko fookte hue roshni me uska chehra Veer ki nazro me aaya. Parantu, woh kaali hat se aadha dhaka hua tha. Keval uske honth hi dikhayi pad rahe the.




Veer ne jaise hi use dekha, uske raungte khade ho gaye. Ye wahi thi-!!! Jisko past Illustration me abhi usne dekha tha.

'Check!'

Usne ek pal bhi nahi gawaya uss stree ko check karne me. Aur-

*Ding*

[No information available.]

Jaisa usne socha tha bilkul wesa hi nikla. Ye wahi system owner thi! Veer ne inn kuch palo me hi sab kuch bhaanp lia.

Veer : Y-You-!!!?

Woh ajnabi stree muskurayi. Uski nigaahein abhi neeche hi tiki hui thi. Veer ke sawaal par usne apna sarr upar kiya aur uski palke haule-haule badi hi nazakat ke saath uthi aur nazre Veer se jaa ke tiki. Hontho par muskaan aur bhi adhik fel gayi. Woh apne daaye kaan ke paas baalo ki latt ki orr haath leke gayi aur unhe peeche ki.

Veer sachet tha. Saamne kaisa bhi saundarya kyu na ho, woh laparwahi nahi barat sakta tha. Harr surprise attack ke liye woh pehle hi khud ko prepare kar chuka tha.

Woh stree Veer ko neeche se upar tak ek antim baar dekhi aur fir boli,

"You really are such a surprise, Veer. Fufu~"

Veer (frowns) : State your business!

Lady (nods) : Bilkul! Jaisa ki tum dekh hi chuke ho. I’m one of the system owners. And, don't worry please! I'm not here to hurt you.

Veer : ???

Lady : By the way...! Let me introduce myself first. I'm Rebecca Elsher!

Veer : Rebecca?

Rebecca : Don't worry! Ye asli naam hai. I don't like to fake things like your cute lover. Fufu~

Veer ki bauhe kass uthi. Rebecca ka ishaara Ava ki taraf tha. Iska matlab woh jaanti thi ki Ava ne Nat naam rakh ke usko apne jaal me fasaaya tha? Bhala aur kya kya jaanti thi ye Rebecca?

Rebecca ke muh se naam nikalte hi idhar Pari ne uske naam ko poore Google par search kar liya lekin fir bhi kahi pe bhi uska naam nahi mila. Internet search par same naam ki alag Rebecca nazar aa rahi thi. Kintu, Rebecca Elsher nahi.

Veer bahar se toh khud ko sakht dikha raha tha magar andar hi andar woh chintit tha. Ghabrahat bhi thi. Woh kisi bhi waqt behosh hoke gir sakta tha. Thakaan aur dard itna zyada tha ki woh abhi keval apni dridhta ke chalte khada hua tha. Aur, aisi dasha me iss aurat se ladna matlab apne hi perr par kulhadi maarne jaisa tha. Ye aurat zaroorat se zyada hi uske baare me jaanti thi.

Veer (frowns) : So... You were behind all of this, huh?

Rebecca : Hmm? Nahi! Tum bina thos saboot pesh kiye ye sab kaise keh sakte ho, Veer?

Veer : I saw it!!!

Rebecca : Oh!? Isliye, toh mein yaha par hu.

Veer : Huh???

Ek jhatke me Rebecca ne apni pocket watch nikaali aur use pendulum ki tarah daaye baaye ghumaate hue woh Veer ko dekhi. Uske haav bhaav achanak hi badal gaye.




Rebecca : Now...! You will have to forget every-

Par, uske bol adhure reh gaye kyuki, Veer ek jhatke me uski orr lapka. Aur, ye jaldbazi me uski sabse badi bhool thi.

*Baaaaammmmmmm*

Ek titanium se bana hua cane uski chaathi par zorr se laga jo uske poore dhaanche ko hila ke rakh diya. Woh seedha hawa me udta hua dur jaa ke deewar se jaa bhida.

"Hum pahuch gaye!!! Hum pahuch gaye!!!"

Baahar se achanak aate shor ne Rebecca ko chaukanna kar diya.

"Tsk! You are very lucky, my dear!"

*Craaaassshhhhh*

Woh wahi lagi kaanch ki khidki ko todte hue waha se kood ke bhaagi.

"W-Wait-!!!!"

[Maaasterrrr-!!!]

Veer apna haath felaate hue uthne ki koshish karta raha magar, uska shareer pehle hi bahut load jhel chuka tha. Aur, ye jaise antim vaar tha. Kyuki, agle hi shan woh behosh ho gaya.

[Maaasttterrr-!!!!]

Mine ke ek hisse me bheeshan aag lag chuki thi. Methane gas poori tarah se jalti jaa rahi thi. Aur, wo tab tak jalne waali thi jab tak ki andar maujood saara oxygen samapt nahi ho jaata.

Renshu aur baaki sabhi ne jaise hi saamne ka manzar dekha toh unke perro tale zameen khisak gayi.

'Y-Ye kya???'

Renshu : Aag ko bujhaane ki koshish karo aur kar sakte ho toh-!!! Ming!!! Erica ko dhundhne ke liye kuch log leke jao. Bo-!!! Cabin check karo.

Usne ek ke baad ek aadesh diye aur tabhi-

*Chakk-chackk-chak-chak chak-a-chak-akk-chk-chk-chk*

Upar hawa me ek copter zameen se utha. Renshu ne dur se uske darwaaze par dekha toh uska reaction bhi wahi toh jo Veer ka tha.

Rebecca helicopter ke darwaaze se Renshu ko halki muskaan ke saath ghoor rahi thi. Uska aadha chehra uski hat se dhaka hua tha jo usne ek haath se thaam rakhi thi.

Toh wahi, uska dusra haath uske kandhe par tiki kisi stree ko thaame hue tha. Aur, jaisi hi uss stree par Renshu ko nazre padi-

Ek aur jhatka use laga. Woh Divya thi!!! Jo behoshi ki haalat me Rebecca ke kandho par ladi hui thi.

'Shit-!!!'

Aur, helicopter chalaane waala koi aur nahi-!!! Wahi unknown system holder tha.

"Until next time... Li Renshu-!!!"

Uske bol waha goonj gaye. Aur, helicopter waha se udaan bharta hua nikal gaya.

'Damn it!!!'

Renshu : Captain? Miss Divya ke liye jinhe tainaat kiya tha woh kaha hai?

Captain Feng : Woh hamare peeche hi toh the na? Woh- huh!!!?

Feng ne jab dekha toh paaya ki captain 3 dur dur tak kahi nazar nahi aa raha tha. Na hi Divya, aur na hi Divya ke sang aaye Clark aur uska security guard.

Captain Feng : Shit-!!! Kaha gaye woh sab?

Renshu : Pehle Erica ko dhundho!! Jaldi!!!

Captain Feng : J-Ji!!!

Aur, kuch hi palo me Bo apne kandho par Veer ko leke haazir tha. Toh wahi Ava Erica ko apni peeth par laad ke Renshu ke samaksh thi.

Renshu : Ericcaaa--!!!!

Renshu ne uthna chaaha magar dard ke chalte ek karaah uske muh se nikal gayi.

Ava : Woh rest kar rahi hai. Don't worry! She's fine!!!

Renshu : Aur, Jaw Long?

Ava : He's dead!

Renshu ko apne kaano par yakeen nahi hua. Woh jaanta tha ki Jaw Long kin shaktiyo ka maalik tha. Aise me uski hi territory me ghus ke use maar dena, bahut badi baat thi.

Ava : Veer killed him.

Renshu : Huh??

Usne Veer ko dekha jo behosh hue Bo ki peeth par lada hua tha.

'Veer ne Jaw Long ko maar diya-!?'

[He's very powerful. I must say. Kuch bhi ho jaaye, iss ladke ko apne paas se mat jaane dena.]

Renshu apne khayalo se baahar aaya aur sabhi ko lead karte hue le jaane laga. Mine me lagi aag sirf ek hi hisse me thi aur woh jald hi apne aap hi bujh jaane waali thi. Beshaq, thoda bahut nuksaan zaroor pahucha tha magar utna nahi ki elements ko haani pahuch sake.

Filhal, yaha se nikalna zyaada zaroori tha. Unhe yaha se wapas lautne me lagbhag aadhe din se bhi zyada samay lag gaya.

Jaise hi Renshu apne ghar ke mukhya hall me pravesh kiya. Andhere me chamakti do hari aankhein use dassne ki nigaah se ghoor rahi thi.

Renshu : You're here!!!

"Tumne itni guhaar laga ke bulaaya tha. Mujhe aana hi tha."

Andhere se nikalte hue woh baahar aayi. Ye aur koi nahi ~ Garofano hi thi.

Renshu ne jo chithhi bheji thi woh Garofano ke liye hi thi. Jald se jald woh yaha par aa gayi.

Ava ne jab Garofano ko dekha toh woh aashcharya me reh gayi. Ava Garofano ko saamne se pehli baar dekh rahi thi. Woh China tab hi aayi thi jab Garofano ka matter samapt ho chuka tha. Isliye, Veer aur Garofano ke beech ki chemistry ko woh dekh na paayi.

Garofano ne aage badh jaise hi Bo ki peeth se Veer ko apne dono haatho me uthaaya toh Ava ki aankhein hairaangi me fel gayi.

Andar se dil kachot utha. Kaun thi ye ladki? Veer ka iske saath kya rishta tha? Aur, iss tarah se kyu uthayi hui thi woh use?

Ava (panics) : V-Veer ko-

Renshu : It's okay!!!

Ava ne kuch kehna chaaha lekin, Renshu ne haath uthaate hue use aashvashan deke shaant kar diya. Majbooran use chup hona pada.

Garofano ne ek teekhi nazar se Ava ko dekha jaise maano udhar hi use daboch ke dass legi. Kintu, bina kuch kahe woh Veer ko andar ki orr le gayi.

Le jaate hue uski bauhe Veer ki dasha dekh sikudi hui thi.

'Look at you now! Maine tumse kaha tha na Veer. Renshu tumhe Jaw Long se ladne bhejega. Mat jaana...! Fir bhi tumne meri baat nahi maani.'

Veer ko ahista se bed par litaate hue Garofano ne uske gaal ko pyaar se sehlaaya. Aur, usne kamre ko andar se band kar liya.

***

Kuch derr baad...

Erica ki palke jhapki. Aankhein malte hue woh uthi. Usne dekha ki ye toh uska hi kamra tha.

'Mein ghar pe-!?'

[Yes! We won.]

'Uhh!? Kya hua tha?'

[Mujhe kaise pata hoga? I couldn't see anything. Apne dad se pucho.]

'Right-!!'

Woh uthate hue aage badhi. Hall me hi use khusur pusur ki awaazein aa rahi thi. Dead Silence aur Chameleon ko activate kar woh dabe paav hall me darwaze ke paas pahuchi toh use andar ki baatein sunayi di-

Garofano : Maine tumse kaha tha na ki Veer ko mushqil me nahi daalna.

Renshu : Hmph! Ye baat tumhaare muh se acchi nahi lagti. Tumhari wajah se hi Veer uss faaltu case me fasa tha.

Garofano : What? Faaltu case? Tumhe pata bhi hai woh mere liye kitna important tha? Mujhe ye saari formalities karne me itna samay lag gaya ki mein pichli 2 raato se theek se soyi bhi nahi hu. Aur, Veer...! Uski haalat dekhi hai tumne? Kya soch ke use eastside akela bheja tha tumne?

Renshu (sighs) : Mujhse waqai iss maamle me galti hui hai.

Garofano : Huh?

Renshu (frowns) : Unki taraf se do system holders aur the-!!!

Garofano (in shock) : Do???

Renshu (nods) : Haan! Ek anjaan naujavan tha jo mujhse bhida tha. Aur, ek koi aurat thi. Helicopter me...! Woh ant me hi nazar aayi. Miss Divya uske kandho par ladi hui thi.

Garofano (frowns) : Iska matlab woh Divya ko kidnap kar ke chale gaye? Shit!!! Veer ne agar ye suna toh woh gusse me aa jayega.

Renshu : Kuch pak raha hai andar hi andar. Bahut gehraayi me...! Mujhe nahi laga tha itna involvement hoga kisi ka. Lekin, mein galat tha. Veer ne past zaroor dekha hoga Jaw Long ka...! Woh aur jankari hume de sakta hai.

Garofano : Par, galti tumhari hi hai. Akhir, tum use uss danav aadmi se ladne akele kaise bhej sakte ho?

Renshu (smiles) : Simply because of one reason...!

Garofano : Huh??

"...Because, Veer is stronger than I am!!!"

Aur, ye bol sunte hi Garofano se leke baahar khadi Erica ke badan me raungte khade ho gaye.
.
.
.
.
.
.
.
.
.
Aaj ke liye itna hi guys.
This update consists of 11.6k words. Sabse bada update ab ye ho gaya hai. Maine koshish bahut ki likhte rehne ki par 2:30 baje meri jhapki lag chuki thi. So, sorry for that...! Ab mujhse zyada late jaga nahi jaata kyuki subah jaldi uthne ki aadat dali hui hai. Isliye, mein kehta hu timing ka mat pucho karo. Par nahi!! Sudharna nahi hai!
Anyways, ek update aur bacha hai arc ke closure ka. Uske baad ye arc khatam hai. So, likes pelne ka aur revos rakhne ka. Target same hai apna. 200! Also, agar mujhe laga toh iss arc me ek update aur badha dunga. But I don't think ki wo necessary hai filhal.
Dhanyavad!

 

[Sidd19]

Bahut badiya update bhai

 

[Sidd19]

Mind blowing

 

[Huzaif]

Update - 178 ~ The Collapse
[Note : Update kaafi bada hai. Itminaan se padhna.]​

Ab tak...

Ava jo Veer ko uthata dekh ek raahat ki saans li, usne apni katana ko hawa me feka jo Veer ke bagal se jaa ke zameen par khus gayi.

Ava : Take it... Veer!!!

Magar, Veer ke muh se uske baad jo bol nikle woh uske nahi the. Awaaz uski hi thi, parantu bol Pari ke the.

"I don't need any weapons...! I AM THE WEAPON!!!"

Ab aage...

“Aage badhte raho! Aage badhte raho!”

“Hume rukna nahi hai! Lord aur Miss Erica hamare liye itni kathnaiyo ka saamna kar rahe hai.”

“Chaukanna raho! Aur, Captain Feng ko follow karte raho!”

Order ke do senior sadasya Bo aur Ming baaki sabhi ko samjhane me lage hue the. Sab ke sab Jawan Feng ke peeche peeche uske nirdesh anusar chalte jaa rahe the. Kayi log ghayal awastha me the toh kayi saare ladne ke baad thakaan se joojh rahe the. Magar, kuch chuninda aise the jo apni jaan bhi gawa chuke the.

Unit 2 ka saamna sabhi ne poori nidarta se kiya tha. Par, Legion ke log marr mitne ke liye taiyaar baithe the. Ghamasan ladayi me kayi logo ne apni jaane gawayi aur kuch buri tarah chotil ho gaye. Apne logo ko marta dekh bhala Order kaha chup baithne waala tha? Renshu ke aadesh ke vipreet jaa ke akhir unhone bhi apne bhaiyo ki maut ka badla liya. Bina khoon kharaabe waali ladaayi ab maut ki jung bann chuki thi.

Prann toh liya tha ki kisi ki bhi jaan nahi lenge. Par, jab Legion ke logo ko jaan ki parvah hi nahi toh bhala Order bina pratishodh liye kaise shaant reh sakta tha? Na hi Renshu yaha maujood tha aur na hi Erica. Iss waqt agar Order ke members ko kisi ki shiddat se talash thi toh woh thi apne Lord ki jo unhe kahi bhi nazar nahi aa rahe the.

Bo : Na jaane Lord kaha chale gaye hai. Woh theek toh honge na?

Ming : Lord ko dhundhna hamari sabse pehli priority honi chahiye.

Captain Feng : Dekho! Humare aadmi ghayal hai. Agar, hum firse kisi ladayi me pade toh aur log ghayal honge. Ho sakta hai aur bhi log apni jaan gawa baithe. Aise me sabse pehle humara Renshu Sir ko dhundhna bahut zaroori hai. Kyuki, iss jangal ka kona-kona wahi acche se jaante hai. Tum me se koi hai jo iss jangal se parichit ho?

Bo (aage aate hue) : Mein Lord ke saath kayi baar andar tak gaya hu. Lekin, din ke samay me. Iss andhere me mujhe samajh nahi aa raha ki kaha jaana chahiye. Haan, magar disha ka anuman hai mujhe. Abhi jaha par hum hai, yaha se hume dakshin-poorv disha ki orr badhna chahiye.

Captain Feng : Dakshin-poorv…? Matlab South-east! Pakka? Kya tumhe poora bharosa hai? Yahi sahi disha hai?

Bo (nods) : Haan! Mere khayal se yahi honi chahiye! Mine ka raasta wahi hona chahiye.

Captain Feng : Mere khayal se nahi…! Agar, zara bhi choonk hui toh ho sakta hai ki hum unke kisi jaal me jaake phans jaaye aur sab ke sab maare jaaye.

Bo : Toh aur hum kar bhi kya sakte hai? Yaha khade bhi toh nahi reh sakte na?

Ming : Captain Feng! Mujhe lagta hai Bo theek keh raha hai. Lord ke saath ye kayi baar yaha aa chuka hai aur ise hum sab se zyada anubhav hai. Hum satark reh ke uss disha me aage badh sakte hai. Zyada se zyada kya hoga? Hume ek aur unit se bhidna padega? Yahi karne toh hum yaha aaye hai. Pehle hi humne apne kuch saathiyo ko kho diya hai. Toh fir ab darr kaisa?

Captain Feng (sighs) : Theek hai! Ladayi ab aar ya paar ki ho hi gayi hai toh yahi sahi. Tum…! Aage aao aur mere saath chalna. Baaki sabhi…! Humaare peeche rahenge.

Captain Feng ne Bo ko apne sang chalne ke liye kaha jo iss jangal se thoda bahut parichit tha. Baaki sabhi unke peeche peeche chalne lage. Magar, sabse peeche ke sadasyo me se chal rahi Divya ki vyakulta ab apni seema ko laangh chuki thi.

Divya (pants) : Y-Ye sab chal kya raha hai? Hum kaha jaa rahe hai? Na hi direction ka pata hai, na hamare group ko lead karne waale mil rahe hai, na hi mere friend ka ata pata hai aur upar se-

Usne apne haath me liye hue phone ki screen ko ek baar punah dekha jisme koi bhi network dikhayi nahi de raha tha.

Divya : ...upar se ye goddamn network bhi nahi mil raha hai.

Jawaan 3 (glances) : Ye toh lazmi hai, Miss. Iss ghane jangal me... bhala kaise aapko koi network mil sakta hai?

Divya : Shit!!! Agar, mujhe pehle pata hota toh mein kam se kam kuch zaroori gadgets hi le aati.

Jawaan 3 : Filhal aage badhne ke alawa humare paas koi chaara nahi.

Divya (frowns) : Hamare group ke logo me se kayi log maare gaye hai. Jaane chali gayi. Y-Ye chhoti moti baat nahi.

Jawaan 3 : Isliye to Renshu Sir ne aapse wapas jaane ke liye kaha tha. Yaha aapka koi kaam nahi hai. Fir kyu-!?

Divya : Mein FBCC se hu, Special Agent Divya. Aur, ye mera first assignment hai. Mujhe iss case ke baare me saare raaz jaanane hai. Aur-

Kehte hue uske bol wahi tham gaye. Woh sirf FBCC ke diye gaye assignment ki wajah se yaha nahi thi.

'-Aur mein jaanti hu ki Veer mujhse kuch chhipa raha hai. Woh sirf business karne yaha nahi aaya hai. Director ne bhi mujhe hint kiya tha. Veer ka aise bade bade cases me involved hona. Koi gehra raaz chhipa hai iske peeche-! B-But where is he?'

Apne mann me soch bina kuch aage kahe, woh jawaan ke saath aage badhne lagi. Uski bauhe chinta aur sanshay ke maare kasi hui thi. Iss case ki teh tak jaane se zyada woh Veer ko dhundhne ke liye zyada aatur thi.

Unhe chalte chalte kuch samay beet gaya. Ghane jangal me neeche beechi jhaadiyo ko alag kar woh jaise hi ek khule hisse me daakhil hue toh saamne ka manzar dekh unn sabhi ki aankhein bhay ke maare fel gayi.

"Looordddd!!!!"

"Loooordddd-!!!"

Pukaarte hue woh sabhi saamne ki orr bhaage. Saamne Renshu ped ke tane se lag kar zameen par baitha tha. Magar, unke bhay ka kaaran ye nahi tha.

Kaaran tha unke Lord ki yeh dasha. Renshu ke pait se labalab khoon baha hua tha. Uske pait ko dekh lag raha tha ki kisi ne use nukeele auzaar se cheer diya ho.

Bo : L-Loooorddd-!!!

Samast sadasya Renshu ke ird gird aate hue use gher liye. Bo aur Ming aage aate hue uske paas baithe aur use sahara dete hue uthaane ki koshish karne lage. Unn sabhi ki aankhon me darr toh tha hi par saath hi woh namm bhi padne lagi thi.

Ming : L-Lord-!! Y-Ye kya-!? Kaise? Aapko?

Renshu ne apni palke uthaate hue unn sab ko dekha. Uski saansein ukhdi ukhdi chal rahi thi. Woh samajh gaya ki uske Order ke sadasya uski ye haalat dekh bhaari chinta me aa chuke the. Usne apna daaya haath hawa me uthaaya aur unhe aashvasan dete hue kaha.

Renshu : M-Mein theek hu-!!! Tum sab ko chinta karne ki zaroorat nahi.

Captain Feng (frowns) : Aap theek hai? Apni haalat dekhiye. Ye jaanleva hamla tha. Kisne kiya ye?

Renshu : Chinta mat karo! Ye toh bas mamooli sa- urgh-!!!

Jaise hi usne uthna chaaha, uske pait ke ghaav na use saaf inkaar kar diya.

Bo : Loooorrdd!!

Renshu : Mujhe bas thoda samay lagega. Pareshan mat ho. Aur, pehle... Jald se jald iss par patti baandh do.

Captain Feng : Patti baandhne se kuch hoga, Sir? Jaisi aapki dasha hai aapko isi waqt hospital me le jaane ki zaroorat hai. Damn it!!! Kaash government ki taraf se kam se kam helicopter hi assign kiya gaya hota... Toh aaj... Toh aaj ye sab-

Uske swar me nirasha thi aur krodh bhi. Jaise wo aage ke anjaam ko jaanta tha. Use lag raha tha ki ab Renshu ki zindagi kuch ghanto ki hi mehman thi. Peeche khadi Divya bhi jab saamne aayi toh uske chehre par bhi wahi bhaav umad pade jo samast sadasyo ke chehro par the. Aur, uska anuman bhi Feng se mel khaane wala hi tha.

Divya (frowns) : Y-Ye ghaav...! Bahut bada hai. M-Mujhe nahi lagta ki ab...

Uske kehne ka matlab saaf tha. Aisa ghaav agar kisi bhi aam insaan par hota toh harr koi andaza laga sakta tha ki uska bhavishya kya hone waala tha.

Maut!

Aise ghane jangal me iss tarah ke ghaav se grasit hone ke baad zara bhi sambhavna nahi bachti ki woh insaan zinda wapas ghar laut paaye. Kyuki, lautne ke dauran samay hi itna guzar chuka hoga ki blood loss ke chalte aadmi apni jaan beech raste me hi gawa dega.

Parantu, Captain Feng, Divya aur baaki sabhi sadasya... Koi bhi ye nahi jaanta tha ki Renshu ke paas system tha. Woh koi maamooli vyakti nahi tha.

Renshu Divya aur Feng ko dekh halke se muskuraya aur bola.

Renshu : Mujhe aam insaano ki tarah mat samjho captain! Shaolin ka master hu mein aur Order ka Lord! Ye mamooli chot kuch bhi nahi.

Captain : …?

Divya : ...?

Idhar Bo apne Lord ki aagya ka paalan karte hue aage aaya aur Renshu ke ghaav ko saaf karte hue uske pait par chinese jadi-bootiyon se bani aushdhi ka lep laga kar patti baandhne laga. Ghaav dekh ke bechaare unn sabhi members ki haalat kharab ho rakhi thi. Kintu, Renshu ke chehre par zara bhi dard ke bhaav nahi jhalke.

Ek baar punah sabhi ke mann me unke Lord ke liye izzat aur badh gayi. Akhir kitne sehen-sheel vyakti the unke Lord. Renshu ki marham patti ho jaane ke baad, kuch derr sabhi ne wahi theherne ka faisla liya. Kuch neeche zameen par apne Lord ke ird gird baith gaye toh kuch ped ke tane se tik kar khade ho gaye. Kuch abhi bhi hathyaar liye chaukanne the toh kuch do-chaar ke samooh me apni-apni vartalaap me jut gaye.

Unhi me se Captain Feng ne apne chaaro orr nazre maarte hue ilaake ka jayza liya. Andhere ke chalte use zyada dur ka toh kuch nahi dikhayi diya par apne aas paas ka nazara wo bhali bhaanti dekh paa raha tha. Kayi saare hathyaar zameen par bikhre pade the. Kahi kahi zameen aisi thi jaise maano waha par koi bada visfot hua ho. Sookhe patte bhi ajeeb tareeqe se ast-vyast bikhre hue the. Yeh kisi ghamasan ladaayi ka sanket de raha tha.

Captain Feng : Yaha kuch hua tha. Hai na?

Uske sawaal par Renshu ek baar fir muskuraya. Captain Feng waqai captain kehlaane yogya tha.

Renshu (nods) : Hmm!

Captain Feng : Trap?

Renshu (nods) : Hmm!

Captain Feng (frowns) : Fir?

Renshu : Mujhe gher liya gaya tha. Ek prakar ka jaal tha jo mere liye bichhaya gaya tha. Mujhe maarne ke liye.

Bo (scowls) : Unki itni himmat??

Divya : A-Aur, aap? Aap uss trap se akele baahar nikal aaye?

Renshu : Mujhe nikalna hi tha. Ye mamooli cheezein mere patan ka kaaran nahi bann sakti.

Ming : Woh hamaare Lord hai, madam! Koi aam insaan nahi!

Divya (glances) : …

Captain Feng : Aap waqai theek toh ho na? Kyuki, woh chot-

Renshu : Ghabrao nahi! Meri jaan khatre me nahi hai. Ghaav gehra zaroor hai par mein ghar lautne me saksham hu. Haan, iss haalat me mein daud nahi sakta par chal zaroor sakta hu.

Bo : Ye aap kaisi baat kar rahe hai, Lord? Hamare rehte hue aap iss haalat me kaise chal sakte hai bhala? Hum sab kis liye hai? Hum aapka sahaara banenge.

Renshu : Nahi! Tum sab khud thake hue ho. Apni haalat dekho zara. Aur, wese bhi mujhe chalne me dikkat nahi hogi.

Bo : P-Par-

Renshu : ORDER!!!!

Uske thoda sakhti se kehte hi Bo ne apna sarr turant hi aagya maante hue jhuka liya.

Bo : Jaisa aap kahe, Lord!

Captain Feng (sighs) : Aap ko confident dekh mujhe thodi raahat mili. Par, shayad meri iss khabar se kahi aapka confidence gir na jaaye.

Renshu : Hmm???

Captain Feng (frowns) : Order ke 6 sadasya maare gaye.

Khabar sunte hi Renshu ka sarr neeche jhuk gaya aur apne bhaale par uski pakad mazboot ho gayi.

Captain Feng : Maine bahut koshish ki ise rokne ki magar... Magar, Legion ke log jaise thaan ke aaye the ki unhe jaan leni hi hai. Mein chaah ke bhi kuch kar na saka. M-Mujhe maaf karna-!

Renshu jaanta tha ki aisi ladayi me harr koi sahi salamat bach ke nikal aaye ye sambhav nahi tha. Mann hi mann woh pehle se hi iske liye taiyar tha. Parantu, fir bhi... apne aadmiyon ko khona nirasha janak hi tha. Use jaise fir kuch dhyaan aaya.

Renshu : Tumhari galti nahi-!!! Erica!!! Ye Erica ki zimmedari thi. Kaha hai woh? Erica???

Nazre daudate hue Renshu ne chaaro orr dekha par Erica ka koi naam-o-nishaan nahi tha. Captain Feng, Bo aur Ming teeno ek dusre ko asmanjas me dekhne lage. Koi kaise kahe ki unki laadli Erica unhe pehle hi rann-bhoomi me chorr kahi aur hi laapata ho chuki hai.

Bo : L-Lord-!!

Renshu : Huh?

Bo : Miss Erica humaare saath nahi hai.

Renshu (frowns) : Tumhare saath nahi hai matlab?

Bo : W-Wo-!! L-Lord woh-

Captain Feng : Miss Erica bina bataaye pehle hi kahi aur chali gayi.

Jab Renshu ne ye suna toh uski aankhein aashcharya ke maare fel gayi.

Renshu : Kya?

Captain Feng : Ji! Woh jaise hi hamare paas aayi thi toh unhone humse yahi kaha tha ki unhe bahut zaroori kaam hai aur unka waha pahuchna bahut zaroori hai. Uske baad wo kaha gayi hum me se kisi ko kuch nahi pata.

Renshu ne agle hi shan itni zorr se apna haath ped par maara ki ped ke tane ka kuch hissa ukhad ke neeche gir gaya. Waha maujood sabhi log darr ke maare ekdum shaant pad gaye.

Renshu (gusse me) : Eriiicaaaa!!!!! Erica!!!! Maine use samjhaya bhi tha ki Order ko lead karne ki zimmedari uske sarr hai. Aur, uske bawajood wo...! Tum me se kisi ne roka kyu nahi use?

Ming : Humne bahut koshish ki thi, Lord. Magar, woh hamari baatein sunane ko taiyaar hi nahi thi. Bahut hi chinta me aur jaldbaazi me lag rahi thi.

Renshu (frowns) : Maine samjhaya tha use ki abhi wo frontline missions ke liye taiyaar nahi hai. Tch!!!

[Renshu! Zara pucho ki woh kis disha me bhaagi thi.]

'Hmm!'

Renshu : Tumhe yaad hai wo kis disha me gayi thi?

Bo (nods) : Jaha se hum aaye the, Lord. Usi disha me wo wapas gayi thi.

Jawaab sunte hi Lloyd ki awaaz punah Renshu ke mann me goonji.

[Samajh gaya. Erica agar jaldbazi me hamare aadmiyon ko chorr ke bhaagi hai toh iska ek hi kaaran ho sakta hai, Renshu.]

'Veer-!?'

[Exactly! Blemish apply kiya hoga usne. Iska matlab wo wapas se lauti aur eastside ki orr gayi hogi jaha... Shit! Blemish se notification aana iska matlab Veer khatre me hoga. Aur, Erica wahi gayi hai.]

Ye gyaat hote hi Renshu ke badan me ek sihran daud gayi. Erica uska sab kuch thi. Agar, use kuch ho gaya toh-

'Nahi!'

[Agar, tum ghayal na hue hote toh hum isi waqt mine ke raaste ki orr badh sakte the.]

'Tsk-!!! Ye ghaav!'

Usne apni chot par haath ferr kuch derr pehle ki ghatna ko yaad kiya. Sab kuch uski mutthi me tha. Par, achanak se hi jaise uss anjaan system holder ne baazi palat di thi.

Kuch derr pehle...

Renshu jab unknown system holder ko giraane ke baad uski orr badha toh kahi se bhi wo anjaan naujavan koi bahut shaktishali vyakti prateet nahi ho raha tha.

Uski vyatha saaf batla rahi thi ki use kaafi ghaat pahuchi hai. Renshu uske samaksh aake bas chand qadam ki duri par khada hua aur bola.

Renshu : Maine pehle hi kaha tha ladke. Mujhse bhidna vyarth hai. Tum aaye toh apni marzi se the magar jaoge meri marzi se.

Lekin, woh anjaan system holder khamosh hi raha. Apni saanso ko durust karne me laga hua tha. Muh par kapda lipte hone ke kaaran Renshu ko uska chehra nazar nahi aaya. Apne bhaale ki nok ko uske gale ke saamne kar usne chetavni di.

Renshu : Ab jo mein sawal puchu, unke jawaab seedhe-seedhe ugal dena. Warna, ye bhaala tumhare sarr ko dhad se alag kar dega.

Kintu, wo naujavan ab bhi khamosh bana raha. Uski taraf se koi bhi pratikriya nahi hui.

Renshu (frowns) : Kisne bheja hai tumhe yaha?

Koi jawab nahi. Renshu ke maathe par silvatein aur gehri ho gayi.

Renshu : Tumhe sunayi nahi diya? Maine pucha ki kisne bheja hai tumhe yaha?

Magar, ladka toh jaise uski baato ko ek kaan se sunn dusre kaan se nikaalta jaa raha tha.

Renshu : Tum aise nahi maanoge...!

Gusse me aa ke Renshu ne apne bhaale ko haath me do baar ghumaya aur nishaana saadhate hue woh uss ladke ke kandhe me bhaala khosne hi waala tha jab-

"Hahahaha-!!!"

Woh ladka achanak hi dheere se hassne laga. Uske kandhe thahaako ke chalte upar neeche uchhalne lage.

'!!?'

Ye dekh Renshu wahi ruk gaya. Kya ye ladka pagal ho gaya tha? Iss haalat me bhi bhala woh kaise hass sakta tha?

Ladka dheere dheere apne haath upar kar khud ko nihattha dikhaate hue utha. Renshu ka nishaana ab bhi uske kandhe par jama hua tha.

Ladka : Mein haar gaya! I really surrender.

Akhir kaar, uske muh se kuch shabd nikle.

Renshu : Mujhe bakwas nahi sunani. Mere sawal ka jawab do. Tumhe yaha kisne bheja?

Ladka : Hmm! Agar, mein jawab de du toh kya tum mujhe yaha se jaane de doge?

Renshu : Woh depend karta hai ki tum sahi jawaab dete ho ya nahi!

Ladka : Hahahahahahaha!

Ek baar fir woh zorr zorr se hassne laga. Jaise maano uss par koi bhoot sawaar ho gaya ho.

Ladka : Agar, mein sahi jawab deta hu toh use tum galat thehra ke mujhe maar daaloge. Aur, agar galat deta hu toh bhi. Toh, fir mere jawab dene ka matlab hi kya? Hahahahaha!

Renshu (frowns) : Mein aisa nahi karunga. Tum jaise system holders ko jitna ho sake mein maarne se khud ko rokta hu.

Ladka : Tch! Tch! Tch! Nahi nahi nahi! Tumne yaha par galat baat keh di.

Renshu : !!!??

Ladka (grins) : TUM...! MUJHE MAAR HI NAHI SAKTE!

Khatra!!! Renshu ko jaise uske haav bhaav dekh ek bura andesha hua. Lloyd ki oonchi awaaz bhi uske mann me turant goonj gayi.

[Renshuuuu-!!! Dur hato-!!!]

Aankhein phaade Renshu ne na aav dekha na taav aur seedha apna bhaala uss ladke ke kandhe ki orr feka.

*Swoosh*

Magar, ladka jaise jaanta tha ki uske kandhe ki taraf bhaala aayega. Halka sa bagal me hote hue wo hamle se bacha aur bhaala seedhe ped me jaa ke dhans gaya.

*Thuck*

Usne agle hi shan apne kapdo me kahi se gol sa padarth nikaala aur ungliyon se use Renshu ke perro ki orr feka...! Aur, tabhi-

*Pufffff*

Halka dhua Renshu ke ird gird fel gaya.

'Smoke bomb!!?'

[Smoke bomb nahi. Uska chhota roop hai ye. Baahar niklo! Jaldi!!]

Renshu dhue me se baahar aane ke liye peeche ki orr ucchla. Magar, jaise hi usne chhalaang lagayi. Hawa me rehte hue use ek dhwani sunaayi di, jise sunn uska badan thanda pad gaya.

*Whish*




Aankhein bhay ke maare fel gayi. Ye awaaz aisi thi jaise maano kisi patle se wire ko haatho me leke kheencha gaya ho.

Aur, Renshu ka anumaan ekdum sahi tha. Uss ladke ne-

Apne haath se adrishya samaan wires ko kheencha. Agle hi pal zameen me khusi hui ek blade jo unn wires se bandhi thi woh Renshu ki taraf peeche se tez raftar se lagne ko aayi.

Magar, tabhi-

*Ding*

[Rapid Reaction]

Uski skill activate hui aur usne turant apne ped me khuse bhaale ko chain se zorr se jhatka deke kheencha.

*Kha-ching*

Bhaala itni raftar se uski orr aaya ki hawa me hi Renshu ne khud ke shareer ko tilt kar uss se bacha liya. Aur, woh bhaala seedhe jaake-

*Clang*

Peeche se aa rahi uss blade se takraya aur dono hathyaar hawa me zorr se bhidant ki wajah se gol ghum neeche gir gaye.

'Akhir, usne ye kab-!???'

Renshu hakka bakka tha. Bhala ye wires se lipti blade uss ladke ne kab zameen me khos di?

[That time...!]

Lloyd ne jaise turant hi use yaad dilaya. Renshu ke mann me kuch derr pehle hui vardaat chal-chitra bann daud gayi. Jab usne Mayhem ke lethal attack se uss ladke par hamla kiya tha tab woh ladka hawa me udte hue ped se jaa bhida tha.

Aur, yahi wo waqt tha jab uss ladke ne hawa me hi girne se pehle woh blade neeche khos di thi.

[He was waiting for us. What a scum!]

Ye gyaat hote hi Renshu ne apne daant gusse me mees liye.

Kintu, asli khatra toh ab tha-

*Whoosh*




Dhua halka sa chhata aur achanak hi woh ladka Renshu ke upar lapka. Uske haath me ek chaaku thi. Wire se bandhi blade ka woh hamla toh bas uska dhyaan bhatkaane ke liye tha. Asli vaar toh ye tha.

'Shit-!! A feint attack-!?'

[Renshhhuuuu-!!!]

Na hi uske paas bhaala tha aur na hi itna samay ki bhaale ko kheench liya jaaye. Rapid reaction ne activate hona chaha par jaise woh kisi kaaran-vash ho hi na paayi.

Aur, tabhi-

*Squelchhhhhh*

Hawa me khoon ke chheethe bikhar gaye. Ek dabi hui karaah Renshu ke muh se nikli. Aur, saath hi uss ladke ke hontho par kutil muskaan felti chali gayi. Chaaku Renshu ke pait ko cheerte hue andar ghus chuki thi.

[Renshu-!!!]

'Urgh-!!!'

Dard ko sehen karte hue usne ladke ko jakda par ladka jaise chaaku ko aur marodte hue uske pait se atadiyo ko baahar nikaalne ki firaq me tha.

Renshu ne fauran hi ek haath se uske haath ko roka aur dusre se usne ek zordaar hamla uske sarr par maarna chaaha. Magar, ladka chaaku ko uske pait me chhorte hue khud ko chhura kar peeche kood gaya.

Ladka : Khush-kismat ho tum jo mujhe pehle chot pahucha paaye. Warna, aaj tumhara ant yahi kar deta mein. Par...! Par, abhi ye possible nahi. Tum zaroor bach gaye. Lekin, tumhare dwara bheja gaya woh ladka ab tak junglee janvaro ka maans bann chuka hoga. Hahaha!

Renshu : H-Huh-!?

Ladka (grins) : Jaw Long ke paas Animal Kingdom hai, Li Renshu. Aur, black magic se ladi hui skills aur cards. Ab toh uss ladke ka maans noch-noch ke kha rahe honge janvar. Hahahaha-!!! Tarqeeb acchi lagayi thi tumne ek aur system holder ko bula ke use eastside me bhejne ki. Par-! Tum isme akele nahi the.

Renshu ne jaise hi Jaw Long ki skills aur cards ke baare me suna, uske badan me raungte khade ho gaye. Veer ke liye chinta uske andar samaayi.

Renshu (growls) : T-Tum-!! Kaun kaun hai iske peeche?

Ladka : Tum toh aise puch rahe ho jaise mein ye saare jawaab tumhe de dunga. Hahahaha! Fir milenge...! Li Renshu-! Of course... Agar, tum zinda rahe toh-! Goodbye!

Renshu : R-Ruko-!!! Urgh!!!

Magar, ladka waha se tezi me faraar ho gaya. Woh chaahta toh Renshu ko maar sakta tha lekin, use dur kahi se patto ke hilne ki awaaz pehle hi sunayi de chuki thi. Reinforcements apna raasta tay kar yaha aa rahe the. Majbooran use yaha se bhaagna hi pada.

Renshu apne pait me khusi chaaku ko jakde ped se lag ke neeche baith gaya. Sabse zaroori tha blood loss ko rokna. Usne chaaku ko nikaalte hue use feka. Aur, agle hi shan-

*Ding*

[Chi Perception]

Uski skills me se ek badi hi khubsurat aur upyog me aane waali skill. Aankhein band kar Renshu ne apni chot ko andhruni taur par mehsoos karna shuru kiya.

Chi ka arth hota tha urja. Chi perception use urja ko mehsoos karne ka nazariya uplabdh karwati thi. Woh apne pait ke andar hui haani ko apni urja ke zariye bareeki se jaanchne laga.

Usne ek gehri saans li...! Lloyd ne use chi perception bahut hi acche se sikhaya hua tha.

'Jaha dhyaan hota hai, waha urja hoti hai. Jaha urja hoti hai, waha uddeshya hota hai.'

Lloyd ke kahe gaye ye bol pehle use kadapi samajh nahi aate the. Magar, ab jaise woh isme maahir ho chuka tha.

Apne dhyaan ko usne apni chot par kendrit kiya. Uske mastishq se saari fizool baatein gayab ho chuki thi. Dimag me bas ek hi vichar ghoom raha tha. Aur, woh tha apni chot ko andhruni taur par mehsoos karna.

Jaha dhyaan hota hai, waha urja hoti hai. Chot par dhyaan lagaate hi use uss jagah apni urja mehsoos hone lagi. Woh urja ko apne mann ke hisaab se ek aakaar dene laga.

Jaha urja hoti hai, waha uddeshya hota hai. Apni urja ko mehsoos karte hi... Usne uss urja ko uske uddeshya me laga diya. Aur, uddeshya tha-

Khoon ko baahar behne se rokna. Aur, yahi thi ~ Chi perception. Jo na sirf aisi sthitiyo me balki aakraamak aur bachaav dono hi tareeqo ke liye bhi upyog ki jaa sakti thi.

Yahi sab hua tha inn guzre lamho me. Isi beeti vardaat ko yaad kar woh apni vichaaro se baahar aaya. Order ke sabhi log use chinta-janak bhaav liye ghoor rahe the.

Erica ke liye ab uski chinta atyadhik badh chuki thi. Khaas kar ye jaanane ke baad ki Jaw Long kin-kin prakaro ki shaktiyo ko apne paas rakhe hue tha.

Renshu : Captain! Hume jald se jald mine ke raaste ki orr badhna hoga.

Captain : M-Magar, aisi haalat me aap-?

Renshu : Samay bahut kam hai, captain! Meri beti kisi badi musibat me ho sakti hai. Mera waha pahuchna bahut zaroori hai.

Bo : Lord ke baare me chinta karne ki zaroorat nahi. Hum sab kis liye hai? Ming!! Lakdiyo ko ikhatta kar ek takhta taiyaar karwao. Hum Lord ko uss par bitha ke le jayenge.

Ming (nods) : Hmm!

Aur, Bo ke sujhaav par sabhi aadmi lakdiyo ko ikhatta kar ke ek takhte ko banaane me jut gaye.

Divya : Mera bhi ek sawaal hai.

Renshu : Hmm?

Divya (frowns) : Mera dost...! Veer kaha hai? Ye straight wala rasta Eastside ke raaste se kab milega? Agar, use kuch hua toh-

Renshu : Bas, thoda dur aur-! Hum mine ke kaafi nazdeek hai. Iske thoda baahar nikalte hi hum uss raaste par aa jayenge jaha se eastide judta hai. Aur, Veer sahi salamat hi hoga.

Divya badle me boli kuch nahi. Magar, uski bechaini uske chehre par saaf jhalak rahi thi. Toh wahi Renshu ne keh toh diya ki Veer sahi salamat hoga lekin, use khud andar hi andar nakaratmak vichaar khaaye jaa rahe the.

Renshu : Hamare log... Jinhone apni jaane gawayi. Woh sab kaha hai?

Bo (sarr jhukate hue) : Unhe wahi dafna diya humne, Lord. Hum unke shav ko saath leke nahi chal sakte the. Aur, unhe uss tarah waha chorr bhi nahi sakte the. Isliye, jo sabse sahi hume laga, humne wahi kiya.

Renshu (nods) : Tumne theek kiya. Aur, Legion ke logo ka kya jo maare gaye?

Bo : Unko bhi humne wahi dafna diya, Lord. Aap ne hi sikhaya tha. Jab tak hum zinda rehte hai tabhi tak ye dost dushman ki paribhasha hum par laagu hoti hai. Maut ke baad kya dushman aur kya dost. Sab ek samaan reh jaate hai. Isliye...!

Renshu (smiles) : Tumne kahi kuch galat nahi kiya. Mujhe tum sab par naaz hai.

Sabhi badle me muskuraye. Bhale hi kuch saathiyo ko unhone kho diya tha. Par, woh jazba aur woh ekta ab bhi unme kaayam thi. Aur, unn jaan gawaane waale logo ke balidaan ko woh yu hi vyarth nahi jaane dena chaahte the.

Bo : Mine hum hathya ke rahenge!

"Haaaaaaannn!!!!"

"Yeaaaahhhhhh!!!!"

"Order-!!!!"

"Zindabaaaaaaddd!!!!"

Renshu ne turant hi seeti bajaayi. Toh kahi se na jaane ek kabootar udti hui aasmaan se uske paas aake uske haath par baith gayi.

Renshu ne apne kapde me se ek chithhi nikaali aur use modte hue uske chhote chhote perr par baandh diya.

"Tumhe pata hai na kya karna hai?"

*Coo-hooo*

Woh jaise jawab me chehki. Aur, use apne haatho me lete hue Renshu ne use hawa me chorr diya. Woh pankh fadfadaate hue waha se ravana ho gayi.

Aur, isi tarah Renshu ko takhte par baitha ke woh sabhi fir mine ke raaste par chal diye.

***

Deep inside Eastside...

Jaha Renshu aur baaki sab Eastside ke raaste se judne ke liye nikal pade the wahi yaha idhar jangalo ki gehrayiyo me avishvaneeya drishya dekhne ko mil rahe the.

Pari ne Veer ke shareer par apna niyantran kar liya tha. Veer ke ird gird ki hawa bhaari ho chuki thi. Uske khatarnak aura ke chalte uske baal hawa me lehra rahe the aur jin teero ko fekte hue Jaw Long ne unn par insaano ki khopdi latkayi hui thi woh khopdiya bhi kit-kitate hue hawa me kampan maar rahi thi.

Sookhe patte kisi bheegi billi ki tarah thar-thar kaanp rahe the. Jaw Long khud do qadam peeche ko ho chuka tha. Toh wahi, Erica samet Ava dono ke muh hairat ke maare khule hue the.

[What- What is this?]

Lily ki awaaz Ava ke mann me goonj gayi. Magar, jab Lily ko khud nahi pata tha toh bhala Ava ke paas koi jawab kaise ho sakta tha. Yahi haal Genie aur Erica ka bhi tha. Woh bhauchakki si Veer ke iss naye vikral raudra roop ko dekh rahi thi.

Apne kaale jaadu ka upyog kar Jaw Long ne tamaam nakaratmak urjao se bhaint ki thi jinka aura kaala paaya jaata tha. Magar, usne aaj tak apne jeevan kaal me itna prachand black aura kisi ka bhi nahi dekha tha. Aura itna bheeshan tha ki Veer ke badan ke baahar tak wo lapte maar raha tha.

Aur, Jaw Long ke liye sabse asahejta waali baat thi Veer ki woh muskaan jo iss samay ajeeb tareeqe se uske hontho par feli hui thi.

Veer ne ek qadam apna aage badhaaya-

*Ba-dump*

Jaw Long ki dhadkane tez ho gayi.

Teer me latki hui khopdi ko Veer ne apne ek haath se baahar nikala aur aankhon ki putli waale chhed me apni ungli daal woh khopdi ko gol-gol ghumaane laga. Uske iss roop ko dekh Ava samet Erica ka badan kaanp utha.

Zorr se khopdi ko ghumaate hue usne woh kisi gulel ki tarah chorri jo seedhe Jaw Long ke sarr ki taraf sansanati hui aayi aur-

*Craaaassshhhhh*

Sahi samay par Jaw Long ne apne sarr ko baayi orr jhuka liya. Khopdi uske baalo ki lato se takrate hue jaa ke peeche ped se bhidi aur tukdo me toot ke bikhar gayi.

Insaan ki khopdi sabse mazboot haddiyo me se maani jaati hai. Kitna force lagta hoga ki khopdi ko tukdo me tod ke bikher diya jaaye?

Veer ki aankhein laal ho rakhi thi. Beowulf ON tha. Aur, uski agility, aur senses pehle se kayi guna badh chuke the.

Force = Mass x Acceleration

Veer ne uss khopdi ko itni zorr se feka tha ki uska acceleration hi itna tha jiske chalte uska force apne aap badh gaya. Nateeja? Uska tukdo me bikhar jaana.

Pichli baar woh Jaw Long se bhidte waqt Beowulf ka istemal kar hi nahi paaya tha kyuki Beowulf ki timing ka saara samay usne janvaro se bhaagne me laga diya tha. Magar, iss baar woh taiyaar tha.

Ava aur Erica ekdum stabdh thi. Unke hosh ude hue the. Aur, tabhi-

*Whooooooosshhhh*

Veer apni jagah se gaayab ho gaya-!!

Jaw Long : Tā hěn kuài (He's fast)

Dara hua vyakti... Hamesha apni maatra bhaasha me hi bolta hai. Bhale hi Jaw Long tribal bhaasha ki boli waala tha magar, janm toh uska china ki bhoomi me hi hua tha. Maatra bhaasha toh chinese hi thi.

Aur, iss waqt darr ke maare uska mastishq Mandarin Chinese bhaasha me hi vichaar karne par majboor ho gaya. Usne jaise hi Veer ki raftaar dekhi, uski haalat patli ho gayi. Use pata tak nahi chala ki Veer kab apni jagah se gaayab ho gaya.

Aur, akasmat hi-

*Whoosh*

Kisi glitch hoti hui image ki tarah Veer uske saamne prakat ho gaya. Bhay ke maare Jaw Long jaise hi peeche koodne ko hua-

'Shénme (What?)'

Veer ne apna perr itni kass ke uske perr ke upar rakha ki Jaw Long ka perr hi neeche zameen me dhans gaya. Veer jaise iss baar use kahi bhi bhaagne nahi dena chaahta tha.

Aur, agle hi shan-

Veer ka ek vaar seedhe Jaw Long ke gale ki orr aaya. Jaw Long ne jaise hi apna haath aage kar Veer ke vaar ko rokna chaaha-

Veer ke dusre haath ne uske haath ko maar peeche dhakel diya.

*Baaaammmm*

Aisa ek baar nahi, palak jhapakte hi harr baar hota gaya. Veer jaise jaan boojh ke Jaw Long se wahi hamle karwa raha tha jidhar woh unhe chaahta tha taaki woh unhe khud deflect kar sake.

[Th-This-!!!]

Lily ke honth thar-thara uthe.

'L-Lily-!!?'

[This is insane!!! Woh kaun si fighting style use kar raha hai? Woh jaan boojh ke aise hamle kar raha hai jis ke badle me Jaw Long wahi wahi vaar kar raha hai jaha Veer chaahta hai. It's like... It's like he's making Jaw Long to attack him for his own advantage.]

Veer ke moves ki speed itni zyaada thi ki woh Jaw Long ki capture karne ki capacity se baahar ho chuki thi. Aur, fir wahi hua jo hona tha.

*Thuck*

Ek vaar Jaw Long ke liver ke hisse me...! Uske binn aankho ke khaali maans waale eye socket dard ke maare fel gaye.

*Thuck*

Dusra vaar Jaw Long ke haath ko deflect karta hua uske fefdo ke upar. Laga maano ek shan ke liye uska dil hi rukk gaya ho.

*Thuck*

Teesra vaar uske gale ke bagal me. Dard aisa ki maano nass phatne ko aa jaaye.

*Thuck*

Aur, akhiri vaar seedhe uski chhaathi ke ekdum beecho-beech. Impact itna tagda ki Jaw Long ka bhari bharkam shareer hawa me udd gaya.

Uske shareer ke udte hi Veer ne wahi khusa ek bhaala upar hawa me feka aur tezz raftaar me woh Jaw Long ki taraf lapka...!

Dono aapas me moves exchange karne lage. Dono ke prahar aapas me bhid halki-halki shock waves paida kar rahe the jinke chalte fele patte udte hue bikharte jaa rahe the. Veer uss se ladte ladte use ped ke paas le jaane laga. Dono ek dusre ke haatho ko jakad bhayanak gusse me ek dusre ko ghoor rahe the. Aur, tabhi-

*Swoosh* *Swoosh* *Swoosh*

*Thuck*

"Aaaaarrrrrrrgghhhhh!!!!"

Jaw Long ki dard bhari cheenkh waha goonj gayi. Uska kandha ped se lage hue ek bhaale se khus chuka tha.

Ye wahi bhaala tha jo Veer ne kuch shan pehle upar hawa me feka tha. Jaw Long ki aura vision skill upgraded nahi thi. Woh non living things ko dekhne me asamarth tha.

Veer ne pehle hi bhaale ki trajectory ko calculate kar use hawa me fek diya tha. Aur, woh jaan boojh ke Jaw Long ko uss ped ke paas le jaata gaya. Kyuki... Bhaala yahi par girna tha. Aur, bhaala Jaw Long ko dikhna hi nahi tha.

Veer ne agle hi shan apni do ungliya uski binn aankhon waale khaali hisse me ghused di. Aur, punah-

"Aaaaarrrrrrrgghhhhh-!!!!!"

Ek khaufnak aur dard se bil-bilati cheenkh waha fel gayi. Ava aur Erica itna sehem gayi ki maano unke shareer se unki rooh hi nikal gayi. Aur, fir Veer ke bol Jaw Long ke kaano me pade. Jo asal me Veer ke nahi, Pari ke the.

"IF ONLY I HAD EVEN A TINY OUNCE OF MY POWER THAT I HAD BEFORE, I WOULD HAVE DESTROYED THIS INSIGNIFICANT, LITTLE PLANET OF YOURS IN A BLINK OF AN EYE, YOU LOWLY PIG...! YOU ALL ARE LIKE ANTS GROVELING IN THE DIRT WAITING ONLY TO BE CRUSHED UNDER THE FEET OF AN UNPARALLELED BEING... SUCH AS ME-!!!"

Aur, fauran hi Jaw Long ke system ko andesha ho gaya. Uski ghabrati hui awaaz uske mann me sunayi di.

[L-Long-!!! Bhaago! Bhaago yaha se warna maare jaoge. Ye ladka apne hosh me nahi hai. Iska system iske shareer ko control me kiye hue hai.]

Par, Jaw Long toh bechara dard se bilbila raha tha. Uski aankhon waale khaali hisse me Veer ki do ungliyaan ghusi hui thi. Veer ne apni ungliyon ko kisi machhli pakadne ke hook ki tarah maroda aur turant hi woh andar ke maans ko kheenchte hue baahar nikaalne laga.

"Haaaaarrrrrggghhhhhh-!!!!"

Erica itna ghabra gayi ki pichhle kiye gaye uske sarr par vaar ke chalte aur saamne manzar ko ghatate dekh woh bechari behosh hi ho gayi. Magar, Genie ne aenn waqt par uske behosh hone se theek pehle abhi abhi praapt hui 'Basic Seer Vision' activate kar di.

Jaw Long ke andhruni maans ko jaise Veer baahar kheench ke nikaalna chaah raha tha. Drishya itna bhayanak aur daravna tha ki aam insaan ise lagatar dekh hi nahi sakta tha. Agar, dekh le toh sakpaka ke reh jaaye.

Zorr laga ke Jaw Long ne apne kandhe ko bhaale ki qaid se mukt kiya aur Veer par hamla bolna chaaha par-

*Baaaaammmmmmm*

Ek laat uske nichle jabde par itni zorr se padi ki uska shareer hawa me kisi lakdi ki tarah gol gol ghoomte hue udd gaya. Usne hawa me hi santulan banana chaaha. Jaise hi ghoomne ke baad usne hawa me sthirta praapt ki-

Veer uske saamne tha!

'Huh!???'

Jaw Long ne bhay ke maare apne dono haath se cross banaate hue khud ko chhek liya. Lekin, Veer hawa me hi uske bagal se nikal gaya. Ye sab kuch bahut tezi me ho raha tha. 1 second tak Jaw Long ko kuch samajh nahi aaya ki Veer bina hamla kiye uske bagal se kyu nikal gaya. Kintu, agle hi pal-

*Baaaammmm* *Baaaaammmmmmm*

*Baaaaammmmmmm* *Baaaammmm*

*Baaaammmm* *Baaaaammmmmmm*

Uski chaathi 6 alag alag jagaho se pichak gayi.

*Blurgh*

Muh se khoon ke cheethe nikaalte hue woh neeche zameen par aa gira aur uth ke Veer ko bhaybheet hue dekha. Veer ne pehle hi uske badan par mukke barsa diye the. Gati itni tezz thi ki Jaw Long unhe dekh hi nahi paaya. Jo usne dekha woh toh bas hamle ke after effects the. Jagah jagah use itna dard ho raha tha ki ab ye dard uske liye ek baadha bann ke saamne aa raha tha.

Woh bhi akhir ek insaan hi tha. Na jaane kab se woh iss ladaayi me akela ladd raha tha. Itni chot pahuchne ke baad swabhavik tha ki kahi na kahi dard ab use zyada mehsoos hone laga tha.

Lekin, Veer toh aaj jaise poore aakramak roop me tha. Woh hawa ke jhonke ki tarah apni jagah se gayab hote hue uski orr aaya aur apni laat seedhe Jaw Long ke muh par par maarni chaahi.

Par, Jaw Long ne uski laat ko apne ek haath se pakad liya. Itni derr ke baad pehli baar Jaw Long ke chehre par ek muskaan aayi. Akhir kaar, usne Veer ko pakad hi liya.

Parantu, ye jaise uss bechare ka vaham tha. Kyuki-

*Ding*

[LIMBO]

Fir woh hua jise dekh khud Jaw Long ke raungte khade ho gaye. Veer apne perr ke jakde hone ke bawajood ulti disha me ghoom ke muda...!

Uska perr toh Jaw Long ke haatho me tha. Magar, shareer toh azaad tha. Apne bhaar ka istemal kar woh baayi orr poora ghoom gaya, jiske chalte-

*Crack* *Crack*

Uske ghutno se kuch kasht bhari awaazein aayi. Woh ghoom ke iss qadar aaya ki ab uski daayi laat padne ko taiyaar thi. Jaw Long hakka bakka reh gaya. Aur-

*Baaaaammmmmmm*

Kaam tamaam!!!

Nichle jabde par laat itni zorr se padi ki Jaw Long ka daant toh ukhda hi muh se khoon ki dhaar alag nikal gayi.

Uske girte hi Veer ne apni taang haath se pakdi aur-

*Crack* *Crack*

Apni haddiyo ko wapas se sahi sthaan par le aaya. Usne apne aap ko kasht pahuchaya tha. Ya yu kahe ki Pari uske shareer ke saath khel rahi thi.

Woh Jaw Long par fir aise lapki aur ghuso ki baarish kar uske thobde par itne hamle kiye ki lag raha tha woh uske sarr ko tarbooj ki tarah phod degi.

Idhar, Ava ne jab dekha ki Veer ka palda iss ladaayi me bhaari tha woh chenn ki raahat lete hue khud ki healing ke liye apne hosh kho baithi. Lily ne use kuch derr ke liye unconscious state me daal diya aur Healing Factor activate kar diya.

Magar, kehte hai na... Harr cheez jo shuru hoti hai woh khatam bhi hoti hai. Pari, jisne Veer ke badan par qabza kar rakha tha uska saath bas yahi tak tha.

"YOU MUST THANK ME, LATER KID-!!! DAMN IT!!! IT'S NOT ENOUGH!!! IF ONLY I HAD MORE-!!!!"

Aur, bolte bolte uski awaaz dheemi hoti chali gayi. Pari ki consciousness jaise hi gayi, Veer apne unconscious state se baahar aa gaya.

Hosh me aate hi usne paaya ki uska seena zorro se upar-neeche ho raha tha. Woh haaf raha tha. Aur, tabhi use bhayanak dard apne haath-perro me mehsoos hua.

'Ack-!!'

Pari uske shareer ka istemal kar max speed me jo bhaagi thi. Veer bhale hi Jaw Long se strength me peeche tha. Magar, uski agility iss waqt itni zyaada thi ki woh uska istemal kar apne vaar ki taaqat ko kayi guna badha paane me saksham tha.

Force = Mass x Acceleration

Yaha poora game Pari ne acceleration par khela tha. Aur, yahi kaaran tha ki kyu Veer ke haath aur perr atyadhik dukh rahe the. Indirectly, zaroorat se zyada strength ka istemal jo kar rahe the woh.

Veer ne jaise hi nazre utha ke saamne ladkhadate Jaw Long ko dekha toh uski aankhein phat ke chaar ho gayi.

Uske baal bikhre hue the. Khaali aankhon ke hisse se andar ka kuch maans latak raha tha jisme se khoon behta hua uske gaalo se hoke tapak raha tha. Uske haatho ki kuch ungliyaan vipreet disha me mudi hui thi. Aur, muh se bhi khoon beh raha tha.

'Wh-What happened!'

Veer ki kuch samajh na aaya. Aur, na hi Pari ne kuch jawab diya. Kyunki, woh pehle hi sleep mode me jaa chuki thi. Ab jo kuch tha, Veer ke haatho me hi tha.

Usne dekha ki Ava aur Erica dono hi aankhein band kar laiti hui thi. Dono jeevit thi. Shayad, heal hone ki koshish kar rahi thi. Usne ek raahat ki saans li.

'K-Kya ye... Ye maine kiya?'

Use vishvas nahi ho raha tha ki jis Jaw Long ne unn teen system holders ki khatiya khadi kar ke rakhi hui thi uski ye haalat bhi ho sakti thi.

'Akhir... Hua kya? Fuckkkk! Mujhe kuch yaad nahi aa raha.'

Usne dekha ki Jaw Long mushqil se apna santulan banaate hue bhaag raha tha. Use abhi bhi yahi lag raha tha ki Veer ke shareer ka niyantran uska system kar raha tha.

'Woh mujhse bhaag raha hai-!? Shit!!! I need to catch up.'

Veer utha aur jodo me dard hone ke bawajood woh apni poori koshish kar bhaaga. Jaw Long bhaagta hua mine ke raaste me pravesh karne laga. Aur, mine par woh pahuchne hi waala tha.

China ke liye Yunnan province ki sabse zaroori mines me se ek...! Aur, sabse badi mine, jisme radioactive elements bhi paaye jaate the.




Jaw Long andha-dhundh bhaagte hue mine par pahucha...! Jangal se baahar aate hi vishalkaay mine ki sanrachna chaand ki raushni me Veer ki aankhon ke saamne aayi. Ek aadmi bhi yaha maujood nahi tha. Koi bhi pehra nahi de raha tha. Mine me andar jaane ke liye jagah jagah se kayi raaste the.

Parantu, main opening hi thi jaha se radioactive elements ki khoj ke liye jaaya jaa sakta tha. Baaki, openings jo thi woh non-radioactive elements ke liye banayi gayi thi.

Veer ne dekha ki Jaw Long ek non-radioactive elements ki opening me jaa ke ghus chuka tha.

'Tch-!! This motherfucker!!!'

Bina jhijke woh khud uss entrance me ghus gaya. Toh wahi-

"Badhte raho! Badhte raho!!!"

"Hum bas thodi hi dur hai ab!!!"

Renshu aur Order ke samast members bhi mine ke behad nazdeek aa chuke the.

Jaw Long aise bhaag raha tha jaise maano ek chuha billi ko dekh bhaagta hai. Uski haalat bahut buri ho chuki thi. Woh yahi samajh raha tha ki Veer abhi bhi Pari ke control me tha. Aur, Veer iska poora fayda utha raha tha.

Jaise hi woh andar ghus thodi gehrayi tak gaye. Jaw Long achanak hi ek patli si surang me ghus gaya jo ekdum neeche ki orr jaa rahi thi. Veer ne apna qadam aage badhaya par use hawa me hi rok liya.

'K-Kuch gadbad lag rahi hai. Why is he luring me inside that?'

Veer nahi jaanta tha ki jaha Jaw Long uska andar intezar kar ke use girana chaah raha tha woh iss mine ka bottle neck trap tha. Ek aisa gaddha jaha par insaan agar gira toh uski maut nishchit thi. Kyuki, woh gehra hi itna tha aur upar se Jaw Long agar uske upar koi patthar gira de toh aisi haalat me bachna namumkin tha.

Veer ne apne qadam peeche kar liye. Aur, tabhi-

'Huh-!!?'

Usne kuch check kiya. Jankari praapt hote hi usne apne agal bagal dekha. Ek lohe ki seedhi lagi hui thi jo upar ek hole se baahar nikalne ke liye thi. Ek emergency exit.

Veer turant ke turant uss par chadha aur baahar nikal usne andar jhaakte hue neeche khade Jaw Long ko dekha. Dono ne ek dusre ko dekha...!

Ek taraf jaha Jaw Long Veer ke baahar nikal jaane par asahaj mehsoos karne laga toh wahi Veer ke hontho par ek vijayi muskaan fel gayi.

"This is your end... Jaw Long!"

Usne apni jeb se kuch nikaalte hue seedhe Jaw Long ki orr haule se feka aur tez raftar ke saath woh peeche ko bhaaga. Agle hi pal-

*Booooooooommmmmm*



Ek tez dhamake ne waha janm liya. Dharti kaanp uthi aur halke bhookamp ke chalte Renshu aur uske aadmi shor sunte hi chinta me aa gaye.

"L-Lord!?"

"Ye kya tha??"

"Ruko nahi! Ruko nahi! Jaldi chalo!!!!"

Veer ki body hawa me aag ki lapto se baahar aate hue dur jaa giri.

*Blurgh*

Muh se dherr saara khoon nikla. Internal bleeding kaafi ho chuki thi. Use jald se jald araam ki zaroorat thi. Aur, ek doctor ki bhi-!

Tabhi-

*Ding*

['Mission : Be the saviour.' has been completed.]

[You have been rewarded 15,000 Points.]

*Ding*

[You have gained the card 'Berserk.']

*Ding*

[You have gained the scroll 'Bird Tamer.']

*Ding*

[You have gained the skill 'Aura Vision.']

[You have gained the skill 'Radio Protective.']

Notifications ki jaise jhadi lag gayi uske mann me. Jaw Long marr chuka tha. Par, sawaal tha kaise?

Aur, jawaab tha ~

Methane!!!

Mine me maujood methane gas kaafi bhaari maatra me maujood thi. Ek jwalansheel gas jiski na hi koi gandh hoti thi aur na hi koi rang. Jaw Long ko na hi methane ki koi gandh aayi aur na hi use aura vision me kuch nazar aaya. Gas bhi akhir- non living things me hi aati thi.

Kya hoga agar aisi sakri jwalansheel gas se bhari mine me ek jalta hua lighter fek diya jaaye?

Bhayanak visfot!!!

Jaw Long ki apni hi skill uske patan ka kaaran bann gayi. Use Veer ka feka gaya lighter dikha hi nahi. Veer ke mann me tamaam notifications pop hote jaa rahe the.

Kintu, ye nahi tha jinke liye woh utsuk tha. Use toh bas uss notification ko sunana tha.

*Ding*

[You have been rewarded with a new 'Slot'.]

Ye sunte hi Veer ki mutthi dridhta me kass gayi. Yahi woh cheez thi jo besh-keemti thi. Unn 15000 points se bhi zyada keemti.

Slot!!!

Jo card ko equip karwata tha. Ek slot me Veer card jab chaahe switch kar sakta tha. Par... Kya hoga jab slot hi do ho jaaye? Woh ab ek nahi... Do cards ko ek saath equip kar sakta tha. Dono me kisi bhi card ko jab chaahe shuffle kar unhe equip kar sakta tha. Maatra chhoti si ye cheez kitni taqatvar thi iss baat ka andaza Veer ko pehle hi mission ke rewards dekh ke pata lag gaya tha.

Woh abhi mann hi mann iss khushi se baahar aaya hi tha ki-

*Ding*

[The system has been upgraded to Level 10.]

*Ding*

[The system's internal feature 'Perk hunt' is available now.]

Naye feature ke baare me sunn Veer jigyaasa liye uske baare me dekhna chaahta tha par agle hi shan ek jaani pehchani aur use bhaavuk kar dene waali awaaz uske mann me goonj gayi.

[Maaaasttteerrr-!!!!!]

'Huh-!!??'

[Master-!!!]

'P-Pari???'

Nahi! Ye kaise ho sakta tha. Ye awaaz woh bhali bhaanti pehchanta tha. Harr Pari ki personality ki awaazo me antar hota tha. Aur, ye awaaz-

Usi Pari ki thi jo Crimson ki ladayi ke waqt uske saath thi. Jisne uske dil ko ruk use Crimson aur Ava ke shadiyantra se bahar nikaala tha. Jo atyadhik smart aur saath hi emotional thi. Jise usne itna miss kiya tha.

'P-Pari-! Tum? Kya waqai tum wahi ho?'

[You idiotic stupid bastard, Maaastteerr!!!]

'Huh???'

[Kyuuuuu??? Kyu kiya aapne aisa??]

'What?'

[Why did you give your points to her??]

'Huh? M-Mein-!!!'

[You idiot, Master!!! There was no need to give your points. I missed you so much, aapko pata bhi hai? Mujhe laga tha aap se acche se dobaara milungi. It will be our happy reunion. But no... Here you are in this mess.]

'Agar, mein nahi karta toh mein Ava aur Erica ko kaise bacha paata, Pari.'

[I was so scared when you lost your consciousness. Shit!!! That bitch-!!!! Tsk!!!]

'Huh?'

[Listen to me, Master. Ahinda se kabhi bhi kitni bhi dire situation kyu na ho. Aap kabhi bhi points ko iss tarah mujhe ya meri kisi bhi personality ko nahi denge. Okay?]

'Umm-!'

[Okay? Or not? Boliye!!!]

'H-Haan! Alright!'

[Pakka na?]

'Yeah!'

[Promise me!]

'What?'

[I said, promise me ki aap kabhi bhi iss tarah apne points system me invest nahi karenge.]

'Alright! I promise.'

Jab Veer ne vachan diya tab kahi jaa ke Pari ne ek raahat ki saans li.

'Lekin, bhala kyu?'

[Because... Points are not just points Master. I mean aapke liye woh sirf points ho sakte hai. Par, hamare liye they are like... Something greater than that...]

'Aur, tum mujhe ye nahi batane waali ki unki aur kya ahamiyat hai. Hai na?'

[It's not that I don't want to tell you. It's just that I'm unable to tell you right now. I cannot!]

'Ohh?'

[Kyuki, ye bol ke nahi bataya jaa sakta master. Aur, jo tareeqa hai uske liye abhi aap taiyaar nahi.]

'I see!'

[Par, woh sab chorriye. Look at you! Jagah jagah ghaav hai. I can feel it. Aap khade kaise ho iss waqt? It's so painful-!!!]

'I have to... Pari! Aur-'

Uski baatein beech me hi reh gayi jab-

*Keaaaarrrrrr*

Ek baaj hawa me udta hua aaya. Veer chaukanna ho gaya. Ye wahi baaj tha. Magar, jaise hi woh nazdeek aaya.

'???'

Woh Veer ke kandhe par aake apne panje jamaate hue baith gaya. Aur, taktaki laga ke use dekhne laga.

'Ohh-!!'

*Keaaaarrrrrr*

Uski teevra awaaz Veer ke kaano me padi.

"Tum Sheba ho!! Hai na?"

Veer ne uske gale par ungli halke haath se feri toh baaj ne apna gala upar kar diya. Jaise maano woh chaah raha tha ki use aur sehlaya jaaye.

"Hahaha! Maine kabhi itne paas se kisi baaj ko nahi dekha. Does that mean tum ab Jaw Long ko nahi balki, mujhe apna master maante ho?"

*Keaaaarrrrrr*

Baaj ne jaise Veer ki baaton ko samajh awaaz nikaali.

"Huh? He can understand me? Pari!"

[Bird Tamer scroll ke tehet ise apna paaltu banaya gaya hoga, Master. Choonki ab Jaw Long nahi hai aur Bird Tamer aapke paas hai. Zaahir hai ki woh ab aapko apna master samjhega. It's cute by the way... But deadly too.]

'Yeah-! Well, mujhe lagta hai ki-'

Veer ke bol ek baar fir adhure hi reh gaye kyuki ek naya notification uske mann me goonj gaya.

*Ding*

[Past illustration has been invoked.]

[Do you want to see 'Jaw Long's' past?]

Veer ne jawaab me kuch na kaha. Woh Sheba ko hawa me chorr apne ladkhadate shareer ko ghaseetate hue wahi paas me bane ek lakdi ke cabin me le jaane laga. Ye cabin ek chhote ghar ke barabar tha aur pehle government ka hua karta tha. Par, lag raha tha jaise mine par qabza karne ke baad yaha ke workers ko tribal logo ke dwara bhaga diya gaya tha.

Woh andar daakhil hua. Andar ekdum ghapp andhera tha. Filhal aur kisi ki nazro se bachne ke liye ye kaafi tha. Use shaant jagah chahiye thi Past Illustration dekhne ke liye. Iss se kayi saare saboot uske haath lag sakte the.

Aur, Veer notification ke sawaal par haami bhar Past Illustration ke ateet ke panno me doob gaya.

*Caw* *Caw*

Hawa me udte kauwe shor machaate hue jangal ke upar se nikle. Jangal ke gehre hisse me ek lakdi se bane ghar me Jaw Long apni gaddi par baitha hua tha.

Aur, uske saamne ek sundar si stree baithi hui thi jiska chehre uske sarr par maujood kaali hat se dhaka hua tha.

Jaw Long ne ek lakdi ke glass me sharaab daali aur use peete hue bola.

Jaw Long : Kaho! Kya baat karni hai?

Lady (smiles) : I have a deal for you. Ek simple deal.

Jaw Long : Hmm?

Lady : Mein tumhe wo pradan karwa sakti hu jiski tumhe abhi talaash hai.

Jaw Long : Mudde pe aao. Warna yahi kaat di jaogi. Farq nahi padta ki tum system holder ho. Mere ilaake me parinda bhi meri marzi se udaan bharta hai.

Lady (smiles) : I know everything! Tum Order par dhaava bol ke use apne under karna chaahte ho. Right?

Jaw Long (frowns) : ...

Lady : Lekin, ye toh sab ko pata hoga. Hai na? Toh ek aur cheez puchti hu. Tumhe iss waqt dherr saare insaano ki zaroorat hai. Hai na?

Iss baar Jaw Long ki aankhein uss aurat ke bolo par chaudi ho gayi.

Lady : Insaan jinki bali chadhaayi jaa sake. Jinhe kaale jaadu me upyog kar khud ko taqatvar banaya jaa sake.

Jaw Long : ...

Lady (smiles) : Ek yahi kaaran hai jo tum government ko andar ghusne aur talashi karne nahi dete. Hai na?

Jaw Long : ???

Lady (smiles) : Tumhare iss ghar ke neeche unn insaano ke kankaal jo chhipe hue hai jinhe tumne ab tak maara hua hai.

Ye sunte hi Jaw Long uss aurat ke gale ki orr lapka toh woh peeche uchakte hue uske prahar se bach nikli.

Lady (smiles) : Mein tumhari hi side hu. Mujh se dushmani tumhe bhaari pad sakti hai. Mein toh tumhare liye prastaav leke aayi hu.

Jaw Long : Bolna hai toh seedhe tareeke se bolo. Warna dafa ho jao.

Lady : Mein tumhe insaan provide kar sakti hu.

Jaw Long : Huh?

Lady : Insaan jinhe tum asaani se maar sakte ho aur koi unke baare me kuch puchega bhi nahi.

Jaw Long : Aur, badle me?

Lady (smiles) : Badle me mein chahti hu ki Legion Yunnan ki mine par qabza kare.

Jaw Long : Huh? Aur, uss se tumhe kya?

Lady (smiles) : Mujhe bas kuch chahiye jo mine me hai. Baaki, uske baad...! Poori ki poori mine tumhari.

Jaw Long : ...

Lady : Soch lo! Na sirf tum Order ko jald se jald apne haatho me le loge balki mine bhi tumhari apni ho chuki hogi.

Jaw Long : Mine me aisa kya hai jo tumhe chahiye?

Lady : Kuch hai. Kuch radioactive elements jo asaani se nahi mil sakte.

Jaw Long : Aur, unka kya karogi tum?

Lady (smiles) : Mein unka kuch bhi karu, uss se tumhe kya? Haan, par tumhare khilaaf kuch bhi nahi karungi. I can guarantee you.

Jaw Long (frowns) : Meri skills ke baare me tumhe kaise pata laga?

Lady (smiles) : Meri nazre harr uss zaroorat mand par tiki rehti hai jise meri madad ki talash hoti hai. Kyuki, badle me woh hi... meri madad ke kaam aate hai.

Jaw Long kuch derr sochta raha. Aur, fir haami bharte hue bola.

Jaw Long : Theek hai! Mein taiyaar hu. Par, zara bhi chhal karne ki koshish ki, toh chhalni kar diya jayega.

Lady (smiles) : Never! Never!

Woh lady apni jagah se uthi aur jaane lagi par tabhi wapas mudi aur-

Lady : Ek baat aur-

Kehte hue usne achanak hi apni jeb se ek pocket watch nikaali aur use pendulum ki tarah latka ke daaye baaye karte hue boli,

Lady : Koi hoga... Jo ye dekhega...! So, just to be safe... I must- *smiles*

Uski pocket watch achanak hi Veer ka dhyaan kheenchne lagi.

[Shitttt!!! Masterrrrr-!!! Turn it off!! Baahar aaiye!!!]

Pari ki ghabrahat bhari awaaz ne jaise Veer ko turant hi Past Illustration se baahar nikalne par majboor kar diya. Uski saansein tezz ho rakhi thi.

*huff* *huff*

'What was that-!??'

[She... She's dangerous!!! Woh-]

Parantu, Pari ko apne bol wahi thaamne pade jab Veer ke peeche se ek madhur awaaz uske kaano me padi.

"Ohh? I didn't think you would break free from my casting."

Ye awaaz-!!! Veer ke badan me ruye khade ho gaye. Uske maathe par chinta ki lakeere chhaa gayi. Aur tabhi,

*Click* *Clack*

*Click* *Clack*

Kisi ke jooto ki chalne ki awaaz use apne peeche se aayi. Nahi! Ye joote nahi the. Ye high heels ki awaaz thi. Veer ne apni baayi orr se mud sarr ghumaate hue peeche ko apni nazre daudaayi.

Andhere me se ek aakriti chalte hue aa rahi thi. Aakriti kisi stree ki lag rahi thi. Aur, jaise jaise woh qareeb aa rahi thi uski visheshtaaye aur bhi spasht hoti jaa rahi thi.

Chalne ki woh adaa, wo nazakat, uske baare me kaafi kuch bayaa kar rahi thi. Nazdeek aate hue dheere dheere ventilation se aati roshni uske chehre par bhi padti jaa rahi thi.

Uska ek haath bagal se rakhi table par tha jisme dhool ki parat jami hui thi. Jaise jaise wo aage badh rahi thi, uske saath saath uski ungli table par komalta ke saath fisalte hue aa rahi thi.

Aur jyo hi woh ekdum saamne aayi, ungli me jami dhool ko fookte hue roshni me uska chehra Veer ki nazro me aaya. Parantu, woh kaali hat se aadha dhaka hua tha. Keval uske honth hi dikhayi pad rahe the.




Veer ne jaise hi use dekha, uske raungte khade ho gaye. Ye wahi thi-!!! Jisko past Illustration me abhi usne dekha tha.

'Check!'

Usne ek pal bhi nahi gawaya uss stree ko check karne me. Aur-

*Ding*

[No information available.]

Jaisa usne socha tha bilkul wesa hi nikla. Ye wahi system owner thi! Veer ne inn kuch palo me hi sab kuch bhaanp lia.

Veer : Y-You-!!!?

Woh ajnabi stree muskurayi. Uski nigaahein abhi neeche hi tiki hui thi. Veer ke sawaal par usne apna sarr upar kiya aur uski palke haule-haule badi hi nazakat ke saath uthi aur nazre Veer se jaa ke tiki. Hontho par muskaan aur bhi adhik fel gayi. Woh apne daaye kaan ke paas baalo ki latt ki orr haath leke gayi aur unhe peeche ki.

Veer sachet tha. Saamne kaisa bhi saundarya kyu na ho, woh laparwahi nahi barat sakta tha. Harr surprise attack ke liye woh pehle hi khud ko prepare kar chuka tha.

Woh stree Veer ko neeche se upar tak ek antim baar dekhi aur fir boli,

"You really are such a surprise, Veer. Fufu~"

Veer (frowns) : State your business!

Lady (nods) : Bilkul! Jaisa ki tum dekh hi chuke ho. I’m one of the system owners. And, don't worry please! I'm not here to hurt you.

Veer : ???

Lady : By the way...! Let me introduce myself first. I'm Rebecca Elsher!

Veer : Rebecca?

Rebecca : Don't worry! Ye asli naam hai. I don't like to fake things like your cute lover. Fufu~

Veer ki bauhe kass uthi. Rebecca ka ishaara Ava ki taraf tha. Iska matlab woh jaanti thi ki Ava ne Nat naam rakh ke usko apne jaal me fasaaya tha? Bhala aur kya kya jaanti thi ye Rebecca?

Rebecca ke muh se naam nikalte hi idhar Pari ne uske naam ko poore Google par search kar liya lekin fir bhi kahi pe bhi uska naam nahi mila. Internet search par same naam ki alag Rebecca nazar aa rahi thi. Kintu, Rebecca Elsher nahi.

Veer bahar se toh khud ko sakht dikha raha tha magar andar hi andar woh chintit tha. Ghabrahat bhi thi. Woh kisi bhi waqt behosh hoke gir sakta tha. Thakaan aur dard itna zyada tha ki woh abhi keval apni dridhta ke chalte khada hua tha. Aur, aisi dasha me iss aurat se ladna matlab apne hi perr par kulhadi maarne jaisa tha. Ye aurat zaroorat se zyada hi uske baare me jaanti thi.

Veer (frowns) : So... You were behind all of this, huh?

Rebecca : Hmm? Nahi! Tum bina thos saboot pesh kiye ye sab kaise keh sakte ho, Veer?

Veer : I saw it!!!

Rebecca : Oh!? Isliye, toh mein yaha par hu.

Veer : Huh???

Ek jhatke me Rebecca ne apni pocket watch nikaali aur use pendulum ki tarah daaye baaye ghumaate hue woh Veer ko dekhi. Uske haav bhaav achanak hi badal gaye.




Rebecca : Now...! You will have to forget every-

Par, uske bol adhure reh gaye kyuki, Veer ek jhatke me uski orr lapka. Aur, ye jaldbazi me uski sabse badi bhool thi.

*Baaaaammmmmmm*

Ek titanium se bana hua cane uski chaathi par zorr se laga jo uske poore dhaanche ko hila ke rakh diya. Woh seedha hawa me udta hua dur jaa ke deewar se jaa bhida.

"Hum pahuch gaye!!! Hum pahuch gaye!!!"

Baahar se achanak aate shor ne Rebecca ko chaukanna kar diya.

"Tsk! You are very lucky, my dear!"

*Craaaassshhhhh*

Woh wahi lagi kaanch ki khidki ko todte hue waha se kood ke bhaagi.

"W-Wait-!!!!"

[Maaasterrrr-!!!]

Veer apna haath felaate hue uthne ki koshish karta raha magar, uska shareer pehle hi bahut load jhel chuka tha. Aur, ye jaise antim vaar tha. Kyuki, agle hi shan woh behosh ho gaya.

[Maaasttterrr-!!!!]

Mine ke ek hisse me bheeshan aag lag chuki thi. Methane gas poori tarah se jalti jaa rahi thi. Aur, wo tab tak jalne waali thi jab tak ki andar maujood saara oxygen samapt nahi ho jaata.

Renshu aur baaki sabhi ne jaise hi saamne ka manzar dekha toh unke perro tale zameen khisak gayi.

'Y-Ye kya???'

Renshu : Aag ko bujhaane ki koshish karo aur kar sakte ho toh-!!! Ming!!! Erica ko dhundhne ke liye kuch log leke jao. Bo-!!! Cabin check karo.

Usne ek ke baad ek aadesh diye aur tabhi-

*Chakk-chackk-chak-chak chak-a-chak-akk-chk-chk-chk*

Upar hawa me ek copter zameen se utha. Renshu ne dur se uske darwaaze par dekha toh uska reaction bhi wahi toh jo Veer ka tha.

Rebecca helicopter ke darwaaze se Renshu ko halki muskaan ke saath ghoor rahi thi. Uska aadha chehra uski hat se dhaka hua tha jo usne ek haath se thaam rakhi thi.

Toh wahi, uska dusra haath uske kandhe par tiki kisi stree ko thaame hue tha. Aur, jaisi hi uss stree par Renshu ko nazre padi-

Ek aur jhatka use laga. Woh Divya thi!!! Jo behoshi ki haalat me Rebecca ke kandho par ladi hui thi.

'Shit-!!!'

Aur, helicopter chalaane waala koi aur nahi-!!! Wahi unknown system holder tha.

"Until next time... Li Renshu-!!!"

Uske bol waha goonj gaye. Aur, helicopter waha se udaan bharta hua nikal gaya.

'Damn it!!!'

Renshu : Captain? Miss Divya ke liye jinhe tainaat kiya tha woh kaha hai?

Captain Feng : Woh hamare peeche hi toh the na? Woh- huh!!!?

Feng ne jab dekha toh paaya ki captain 3 dur dur tak kahi nazar nahi aa raha tha. Na hi Divya, aur na hi Divya ke sang aaye Clark aur uska security guard.

Captain Feng : Shit-!!! Kaha gaye woh sab?

Renshu : Pehle Erica ko dhundho!! Jaldi!!!

Captain Feng : J-Ji!!!

Aur, kuch hi palo me Bo apne kandho par Veer ko leke haazir tha. Toh wahi Ava Erica ko apni peeth par laad ke Renshu ke samaksh thi.

Renshu : Ericcaaa--!!!!

Renshu ne uthna chaaha magar dard ke chalte ek karaah uske muh se nikal gayi.

Ava : Woh rest kar rahi hai. Don't worry! She's fine!!!

Renshu : Aur, Jaw Long?

Ava : He's dead!

Renshu ko apne kaano par yakeen nahi hua. Woh jaanta tha ki Jaw Long kin shaktiyo ka maalik tha. Aise me uski hi territory me ghus ke use maar dena, bahut badi baat thi.

Ava : Veer killed him.

Renshu : Huh??

Usne Veer ko dekha jo behosh hue Bo ki peeth par lada hua tha.

'Veer ne Jaw Long ko maar diya-!?'

[He's very powerful. I must say. Kuch bhi ho jaaye, iss ladke ko apne paas se mat jaane dena.]

Renshu apne khayalo se baahar aaya aur sabhi ko lead karte hue le jaane laga. Mine me lagi aag sirf ek hi hisse me thi aur woh jald hi apne aap hi bujh jaane waali thi. Beshaq, thoda bahut nuksaan zaroor pahucha tha magar utna nahi ki elements ko haani pahuch sake.

Filhal, yaha se nikalna zyaada zaroori tha. Unhe yaha se wapas lautne me lagbhag aadhe din se bhi zyada samay lag gaya.

Jaise hi Renshu apne ghar ke mukhya hall me pravesh kiya. Andhere me chamakti do hari aankhein use dassne ki nigaah se ghoor rahi thi.

Renshu : You're here!!!

"Tumne itni guhaar laga ke bulaaya tha. Mujhe aana hi tha."

Andhere se nikalte hue woh baahar aayi. Ye aur koi nahi ~ Garofano hi thi.

Renshu ne jo chithhi bheji thi woh Garofano ke liye hi thi. Jald se jald woh yaha par aa gayi.

Ava ne jab Garofano ko dekha toh woh aashcharya me reh gayi. Ava Garofano ko saamne se pehli baar dekh rahi thi. Woh China tab hi aayi thi jab Garofano ka matter samapt ho chuka tha. Isliye, Veer aur Garofano ke beech ki chemistry ko woh dekh na paayi.

Garofano ne aage badh jaise hi Bo ki peeth se Veer ko apne dono haatho me uthaaya toh Ava ki aankhein hairaangi me fel gayi.

Andar se dil kachot utha. Kaun thi ye ladki? Veer ka iske saath kya rishta tha? Aur, iss tarah se kyu uthayi hui thi woh use?

Ava (panics) : V-Veer ko-

Renshu : It's okay!!!

Ava ne kuch kehna chaaha lekin, Renshu ne haath uthaate hue use aashvashan deke shaant kar diya. Majbooran use chup hona pada.

Garofano ne ek teekhi nazar se Ava ko dekha jaise maano udhar hi use daboch ke dass legi. Kintu, bina kuch kahe woh Veer ko andar ki orr le gayi.

Le jaate hue uski bauhe Veer ki dasha dekh sikudi hui thi.

'Look at you now! Maine tumse kaha tha na Veer. Renshu tumhe Jaw Long se ladne bhejega. Mat jaana...! Fir bhi tumne meri baat nahi maani.'

Veer ko ahista se bed par litaate hue Garofano ne uske gaal ko pyaar se sehlaaya. Aur, usne kamre ko andar se band kar liya.

***

Kuch derr baad...

Erica ki palke jhapki. Aankhein malte hue woh uthi. Usne dekha ki ye toh uska hi kamra tha.

'Mein ghar pe-!?'

[Yes! We won.]

'Uhh!? Kya hua tha?'

[Mujhe kaise pata hoga? I couldn't see anything. Apne dad se pucho.]

'Right-!!'

Woh uthate hue aage badhi. Hall me hi use khusur pusur ki awaazein aa rahi thi. Dead Silence aur Chameleon ko activate kar woh dabe paav hall me darwaze ke paas pahuchi toh use andar ki baatein sunayi di-

Garofano : Maine tumse kaha tha na ki Veer ko mushqil me nahi daalna.

Renshu : Hmph! Ye baat tumhaare muh se acchi nahi lagti. Tumhari wajah se hi Veer uss faaltu case me fasa tha.

Garofano : What? Faaltu case? Tumhe pata bhi hai woh mere liye kitna important tha? Mujhe ye saari formalities karne me itna samay lag gaya ki mein pichli 2 raato se theek se soyi bhi nahi hu. Aur, Veer...! Uski haalat dekhi hai tumne? Kya soch ke use eastside akela bheja tha tumne?

Renshu (sighs) : Mujhse waqai iss maamle me galti hui hai.

Garofano : Huh?

Renshu (frowns) : Unki taraf se do system holders aur the-!!!

Garofano (in shock) : Do???

Renshu (nods) : Haan! Ek anjaan naujavan tha jo mujhse bhida tha. Aur, ek koi aurat thi. Helicopter me...! Woh ant me hi nazar aayi. Miss Divya uske kandho par ladi hui thi.

Garofano (frowns) : Iska matlab woh Divya ko kidnap kar ke chale gaye? Shit!!! Veer ne agar ye suna toh woh gusse me aa jayega.

Renshu : Kuch pak raha hai andar hi andar. Bahut gehraayi me...! Mujhe nahi laga tha itna involvement hoga kisi ka. Lekin, mein galat tha. Veer ne past zaroor dekha hoga Jaw Long ka...! Woh aur jankari hume de sakta hai.

Garofano : Par, galti tumhari hi hai. Akhir, tum use uss danav aadmi se ladne akele kaise bhej sakte ho?

Renshu (smiles) : Simply because of one reason...!

Garofano : Huh??

"...Because, Veer is stronger than I am!!!"

Aur, ye bol sunte hi Garofano se leke baahar khadi Erica ke badan me raungte khade ho gaye.
.
.
.
.
.
.
.
.
.
Aaj ke liye itna hi guys.
This update consists of 11.6k words. Sabse bada update ab ye ho gaya hai. Maine koshish bahut ki likhte rehne ki par 2:30 baje meri jhapki lag chuki thi. So, sorry for that...! Ab mujhse zyada late jaga nahi jaata kyuki subah jaldi uthne ki aadat dali hui hai. Isliye, mein kehta hu timing ka mat pucho karo. Par nahi!! Sudharna nahi hai!
Anyways, ek update aur bacha hai arc ke closure ka. Uske baad ye arc khatam hai. So, likes pelne ka aur revos rakhne ka. Target same hai apna. 200! Also, agar mujhe laga toh iss arc me ek update aur badha dunga. But I don't think ki wo necessary hai filhal.
Dhanyavad!

 

[Huzaif]

Superb update

Update - 178 ~ The Collapse
[Note : Update kaafi bada hai. Itminaan se padhna.]​

Ab tak...

Ava jo Veer ko uthata dekh ek raahat ki saans li, usne apni katana ko hawa me feka jo Veer ke bagal se jaa ke zameen par khus gayi.

Ava : Take it... Veer!!!

Magar, Veer ke muh se uske baad jo bol nikle woh uske nahi the. Awaaz uski hi thi, parantu bol Pari ke the.

"I don't need any weapons...! I AM THE WEAPON!!!"

Ab aage...

“Aage badhte raho! Aage badhte raho!”

“Hume rukna nahi hai! Lord aur Miss Erica hamare liye itni kathnaiyo ka saamna kar rahe hai.”

“Chaukanna raho! Aur, Captain Feng ko follow karte raho!”

Order ke do senior sadasya Bo aur Ming baaki sabhi ko samjhane me lage hue the. Sab ke sab Jawan Feng ke peeche peeche uske nirdesh anusar chalte jaa rahe the. Kayi log ghayal awastha me the toh kayi saare ladne ke baad thakaan se joojh rahe the. Magar, kuch chuninda aise the jo apni jaan bhi gawa chuke the.

Unit 2 ka saamna sabhi ne poori nidarta se kiya tha. Par, Legion ke log marr mitne ke liye taiyaar baithe the. Ghamasan ladayi me kayi logo ne apni jaane gawayi aur kuch buri tarah chotil ho gaye. Apne logo ko marta dekh bhala Order kaha chup baithne waala tha? Renshu ke aadesh ke vipreet jaa ke akhir unhone bhi apne bhaiyo ki maut ka badla liya. Bina khoon kharaabe waali ladaayi ab maut ki jung bann chuki thi.

Prann toh liya tha ki kisi ki bhi jaan nahi lenge. Par, jab Legion ke logo ko jaan ki parvah hi nahi toh bhala Order bina pratishodh liye kaise shaant reh sakta tha? Na hi Renshu yaha maujood tha aur na hi Erica. Iss waqt agar Order ke members ko kisi ki shiddat se talash thi toh woh thi apne Lord ki jo unhe kahi bhi nazar nahi aa rahe the.

Bo : Na jaane Lord kaha chale gaye hai. Woh theek toh honge na?

Ming : Lord ko dhundhna hamari sabse pehli priority honi chahiye.

Captain Feng : Dekho! Humare aadmi ghayal hai. Agar, hum firse kisi ladayi me pade toh aur log ghayal honge. Ho sakta hai aur bhi log apni jaan gawa baithe. Aise me sabse pehle humara Renshu Sir ko dhundhna bahut zaroori hai. Kyuki, iss jangal ka kona-kona wahi acche se jaante hai. Tum me se koi hai jo iss jangal se parichit ho?

Bo (aage aate hue) : Mein Lord ke saath kayi baar andar tak gaya hu. Lekin, din ke samay me. Iss andhere me mujhe samajh nahi aa raha ki kaha jaana chahiye. Haan, magar disha ka anuman hai mujhe. Abhi jaha par hum hai, yaha se hume dakshin-poorv disha ki orr badhna chahiye.

Captain Feng : Dakshin-poorv…? Matlab South-east! Pakka? Kya tumhe poora bharosa hai? Yahi sahi disha hai?

Bo (nods) : Haan! Mere khayal se yahi honi chahiye! Mine ka raasta wahi hona chahiye.

Captain Feng : Mere khayal se nahi…! Agar, zara bhi choonk hui toh ho sakta hai ki hum unke kisi jaal me jaake phans jaaye aur sab ke sab maare jaaye.

Bo : Toh aur hum kar bhi kya sakte hai? Yaha khade bhi toh nahi reh sakte na?

Ming : Captain Feng! Mujhe lagta hai Bo theek keh raha hai. Lord ke saath ye kayi baar yaha aa chuka hai aur ise hum sab se zyada anubhav hai. Hum satark reh ke uss disha me aage badh sakte hai. Zyada se zyada kya hoga? Hume ek aur unit se bhidna padega? Yahi karne toh hum yaha aaye hai. Pehle hi humne apne kuch saathiyo ko kho diya hai. Toh fir ab darr kaisa?

Captain Feng (sighs) : Theek hai! Ladayi ab aar ya paar ki ho hi gayi hai toh yahi sahi. Tum…! Aage aao aur mere saath chalna. Baaki sabhi…! Humaare peeche rahenge.

Captain Feng ne Bo ko apne sang chalne ke liye kaha jo iss jangal se thoda bahut parichit tha. Baaki sabhi unke peeche peeche chalne lage. Magar, sabse peeche ke sadasyo me se chal rahi Divya ki vyakulta ab apni seema ko laangh chuki thi.

Divya (pants) : Y-Ye sab chal kya raha hai? Hum kaha jaa rahe hai? Na hi direction ka pata hai, na hamare group ko lead karne waale mil rahe hai, na hi mere friend ka ata pata hai aur upar se-

Usne apne haath me liye hue phone ki screen ko ek baar punah dekha jisme koi bhi network dikhayi nahi de raha tha.

Divya : ...upar se ye goddamn network bhi nahi mil raha hai.

Jawaan 3 (glances) : Ye toh lazmi hai, Miss. Iss ghane jangal me... bhala kaise aapko koi network mil sakta hai?

Divya : Shit!!! Agar, mujhe pehle pata hota toh mein kam se kam kuch zaroori gadgets hi le aati.

Jawaan 3 : Filhal aage badhne ke alawa humare paas koi chaara nahi.

Divya (frowns) : Hamare group ke logo me se kayi log maare gaye hai. Jaane chali gayi. Y-Ye chhoti moti baat nahi.

Jawaan 3 : Isliye to Renshu Sir ne aapse wapas jaane ke liye kaha tha. Yaha aapka koi kaam nahi hai. Fir kyu-!?

Divya : Mein FBCC se hu, Special Agent Divya. Aur, ye mera first assignment hai. Mujhe iss case ke baare me saare raaz jaanane hai. Aur-

Kehte hue uske bol wahi tham gaye. Woh sirf FBCC ke diye gaye assignment ki wajah se yaha nahi thi.

'-Aur mein jaanti hu ki Veer mujhse kuch chhipa raha hai. Woh sirf business karne yaha nahi aaya hai. Director ne bhi mujhe hint kiya tha. Veer ka aise bade bade cases me involved hona. Koi gehra raaz chhipa hai iske peeche-! B-But where is he?'

Apne mann me soch bina kuch aage kahe, woh jawaan ke saath aage badhne lagi. Uski bauhe chinta aur sanshay ke maare kasi hui thi. Iss case ki teh tak jaane se zyada woh Veer ko dhundhne ke liye zyada aatur thi.

Unhe chalte chalte kuch samay beet gaya. Ghane jangal me neeche beechi jhaadiyo ko alag kar woh jaise hi ek khule hisse me daakhil hue toh saamne ka manzar dekh unn sabhi ki aankhein bhay ke maare fel gayi.

"Looordddd!!!!"

"Loooordddd-!!!"

Pukaarte hue woh sabhi saamne ki orr bhaage. Saamne Renshu ped ke tane se lag kar zameen par baitha tha. Magar, unke bhay ka kaaran ye nahi tha.

Kaaran tha unke Lord ki yeh dasha. Renshu ke pait se labalab khoon baha hua tha. Uske pait ko dekh lag raha tha ki kisi ne use nukeele auzaar se cheer diya ho.

Bo : L-Loooorddd-!!!

Samast sadasya Renshu ke ird gird aate hue use gher liye. Bo aur Ming aage aate hue uske paas baithe aur use sahara dete hue uthaane ki koshish karne lage. Unn sabhi ki aankhon me darr toh tha hi par saath hi woh namm bhi padne lagi thi.

Ming : L-Lord-!! Y-Ye kya-!? Kaise? Aapko?

Renshu ne apni palke uthaate hue unn sab ko dekha. Uski saansein ukhdi ukhdi chal rahi thi. Woh samajh gaya ki uske Order ke sadasya uski ye haalat dekh bhaari chinta me aa chuke the. Usne apna daaya haath hawa me uthaaya aur unhe aashvasan dete hue kaha.

Renshu : M-Mein theek hu-!!! Tum sab ko chinta karne ki zaroorat nahi.

Captain Feng (frowns) : Aap theek hai? Apni haalat dekhiye. Ye jaanleva hamla tha. Kisne kiya ye?

Renshu : Chinta mat karo! Ye toh bas mamooli sa- urgh-!!!

Jaise hi usne uthna chaaha, uske pait ke ghaav na use saaf inkaar kar diya.

Bo : Loooorrdd!!

Renshu : Mujhe bas thoda samay lagega. Pareshan mat ho. Aur, pehle... Jald se jald iss par patti baandh do.

Captain Feng : Patti baandhne se kuch hoga, Sir? Jaisi aapki dasha hai aapko isi waqt hospital me le jaane ki zaroorat hai. Damn it!!! Kaash government ki taraf se kam se kam helicopter hi assign kiya gaya hota... Toh aaj... Toh aaj ye sab-

Uske swar me nirasha thi aur krodh bhi. Jaise wo aage ke anjaam ko jaanta tha. Use lag raha tha ki ab Renshu ki zindagi kuch ghanto ki hi mehman thi. Peeche khadi Divya bhi jab saamne aayi toh uske chehre par bhi wahi bhaav umad pade jo samast sadasyo ke chehro par the. Aur, uska anuman bhi Feng se mel khaane wala hi tha.

Divya (frowns) : Y-Ye ghaav...! Bahut bada hai. M-Mujhe nahi lagta ki ab...

Uske kehne ka matlab saaf tha. Aisa ghaav agar kisi bhi aam insaan par hota toh harr koi andaza laga sakta tha ki uska bhavishya kya hone waala tha.

Maut!

Aise ghane jangal me iss tarah ke ghaav se grasit hone ke baad zara bhi sambhavna nahi bachti ki woh insaan zinda wapas ghar laut paaye. Kyuki, lautne ke dauran samay hi itna guzar chuka hoga ki blood loss ke chalte aadmi apni jaan beech raste me hi gawa dega.

Parantu, Captain Feng, Divya aur baaki sabhi sadasya... Koi bhi ye nahi jaanta tha ki Renshu ke paas system tha. Woh koi maamooli vyakti nahi tha.

Renshu Divya aur Feng ko dekh halke se muskuraya aur bola.

Renshu : Mujhe aam insaano ki tarah mat samjho captain! Shaolin ka master hu mein aur Order ka Lord! Ye mamooli chot kuch bhi nahi.

Captain : …?

Divya : ...?

Idhar Bo apne Lord ki aagya ka paalan karte hue aage aaya aur Renshu ke ghaav ko saaf karte hue uske pait par chinese jadi-bootiyon se bani aushdhi ka lep laga kar patti baandhne laga. Ghaav dekh ke bechaare unn sabhi members ki haalat kharab ho rakhi thi. Kintu, Renshu ke chehre par zara bhi dard ke bhaav nahi jhalke.

Ek baar punah sabhi ke mann me unke Lord ke liye izzat aur badh gayi. Akhir kitne sehen-sheel vyakti the unke Lord. Renshu ki marham patti ho jaane ke baad, kuch derr sabhi ne wahi theherne ka faisla liya. Kuch neeche zameen par apne Lord ke ird gird baith gaye toh kuch ped ke tane se tik kar khade ho gaye. Kuch abhi bhi hathyaar liye chaukanne the toh kuch do-chaar ke samooh me apni-apni vartalaap me jut gaye.

Unhi me se Captain Feng ne apne chaaro orr nazre maarte hue ilaake ka jayza liya. Andhere ke chalte use zyada dur ka toh kuch nahi dikhayi diya par apne aas paas ka nazara wo bhali bhaanti dekh paa raha tha. Kayi saare hathyaar zameen par bikhre pade the. Kahi kahi zameen aisi thi jaise maano waha par koi bada visfot hua ho. Sookhe patte bhi ajeeb tareeqe se ast-vyast bikhre hue the. Yeh kisi ghamasan ladaayi ka sanket de raha tha.

Captain Feng : Yaha kuch hua tha. Hai na?

Uske sawaal par Renshu ek baar fir muskuraya. Captain Feng waqai captain kehlaane yogya tha.

Renshu (nods) : Hmm!

Captain Feng : Trap?

Renshu (nods) : Hmm!

Captain Feng (frowns) : Fir?

Renshu : Mujhe gher liya gaya tha. Ek prakar ka jaal tha jo mere liye bichhaya gaya tha. Mujhe maarne ke liye.

Bo (scowls) : Unki itni himmat??

Divya : A-Aur, aap? Aap uss trap se akele baahar nikal aaye?

Renshu : Mujhe nikalna hi tha. Ye mamooli cheezein mere patan ka kaaran nahi bann sakti.

Ming : Woh hamaare Lord hai, madam! Koi aam insaan nahi!

Divya (glances) : …

Captain Feng : Aap waqai theek toh ho na? Kyuki, woh chot-

Renshu : Ghabrao nahi! Meri jaan khatre me nahi hai. Ghaav gehra zaroor hai par mein ghar lautne me saksham hu. Haan, iss haalat me mein daud nahi sakta par chal zaroor sakta hu.

Bo : Ye aap kaisi baat kar rahe hai, Lord? Hamare rehte hue aap iss haalat me kaise chal sakte hai bhala? Hum sab kis liye hai? Hum aapka sahaara banenge.

Renshu : Nahi! Tum sab khud thake hue ho. Apni haalat dekho zara. Aur, wese bhi mujhe chalne me dikkat nahi hogi.

Bo : P-Par-

Renshu : ORDER!!!!

Uske thoda sakhti se kehte hi Bo ne apna sarr turant hi aagya maante hue jhuka liya.

Bo : Jaisa aap kahe, Lord!

Captain Feng (sighs) : Aap ko confident dekh mujhe thodi raahat mili. Par, shayad meri iss khabar se kahi aapka confidence gir na jaaye.

Renshu : Hmm???

Captain Feng (frowns) : Order ke 6 sadasya maare gaye.

Khabar sunte hi Renshu ka sarr neeche jhuk gaya aur apne bhaale par uski pakad mazboot ho gayi.

Captain Feng : Maine bahut koshish ki ise rokne ki magar... Magar, Legion ke log jaise thaan ke aaye the ki unhe jaan leni hi hai. Mein chaah ke bhi kuch kar na saka. M-Mujhe maaf karna-!

Renshu jaanta tha ki aisi ladayi me harr koi sahi salamat bach ke nikal aaye ye sambhav nahi tha. Mann hi mann woh pehle se hi iske liye taiyar tha. Parantu, fir bhi... apne aadmiyon ko khona nirasha janak hi tha. Use jaise fir kuch dhyaan aaya.

Renshu : Tumhari galti nahi-!!! Erica!!! Ye Erica ki zimmedari thi. Kaha hai woh? Erica???

Nazre daudate hue Renshu ne chaaro orr dekha par Erica ka koi naam-o-nishaan nahi tha. Captain Feng, Bo aur Ming teeno ek dusre ko asmanjas me dekhne lage. Koi kaise kahe ki unki laadli Erica unhe pehle hi rann-bhoomi me chorr kahi aur hi laapata ho chuki hai.

Bo : L-Lord-!!

Renshu : Huh?

Bo : Miss Erica humaare saath nahi hai.

Renshu (frowns) : Tumhare saath nahi hai matlab?

Bo : W-Wo-!! L-Lord woh-

Captain Feng : Miss Erica bina bataaye pehle hi kahi aur chali gayi.

Jab Renshu ne ye suna toh uski aankhein aashcharya ke maare fel gayi.

Renshu : Kya?

Captain Feng : Ji! Woh jaise hi hamare paas aayi thi toh unhone humse yahi kaha tha ki unhe bahut zaroori kaam hai aur unka waha pahuchna bahut zaroori hai. Uske baad wo kaha gayi hum me se kisi ko kuch nahi pata.

Renshu ne agle hi shan itni zorr se apna haath ped par maara ki ped ke tane ka kuch hissa ukhad ke neeche gir gaya. Waha maujood sabhi log darr ke maare ekdum shaant pad gaye.

Renshu (gusse me) : Eriiicaaaa!!!!! Erica!!!! Maine use samjhaya bhi tha ki Order ko lead karne ki zimmedari uske sarr hai. Aur, uske bawajood wo...! Tum me se kisi ne roka kyu nahi use?

Ming : Humne bahut koshish ki thi, Lord. Magar, woh hamari baatein sunane ko taiyaar hi nahi thi. Bahut hi chinta me aur jaldbaazi me lag rahi thi.

Renshu (frowns) : Maine samjhaya tha use ki abhi wo frontline missions ke liye taiyaar nahi hai. Tch!!!

[Renshu! Zara pucho ki woh kis disha me bhaagi thi.]

'Hmm!'

Renshu : Tumhe yaad hai wo kis disha me gayi thi?

Bo (nods) : Jaha se hum aaye the, Lord. Usi disha me wo wapas gayi thi.

Jawaab sunte hi Lloyd ki awaaz punah Renshu ke mann me goonji.

[Samajh gaya. Erica agar jaldbazi me hamare aadmiyon ko chorr ke bhaagi hai toh iska ek hi kaaran ho sakta hai, Renshu.]

'Veer-!?'

[Exactly! Blemish apply kiya hoga usne. Iska matlab wo wapas se lauti aur eastside ki orr gayi hogi jaha... Shit! Blemish se notification aana iska matlab Veer khatre me hoga. Aur, Erica wahi gayi hai.]

Ye gyaat hote hi Renshu ke badan me ek sihran daud gayi. Erica uska sab kuch thi. Agar, use kuch ho gaya toh-

'Nahi!'

[Agar, tum ghayal na hue hote toh hum isi waqt mine ke raaste ki orr badh sakte the.]

'Tsk-!!! Ye ghaav!'

Usne apni chot par haath ferr kuch derr pehle ki ghatna ko yaad kiya. Sab kuch uski mutthi me tha. Par, achanak se hi jaise uss anjaan system holder ne baazi palat di thi.

Kuch derr pehle...

Renshu jab unknown system holder ko giraane ke baad uski orr badha toh kahi se bhi wo anjaan naujavan koi bahut shaktishali vyakti prateet nahi ho raha tha.

Uski vyatha saaf batla rahi thi ki use kaafi ghaat pahuchi hai. Renshu uske samaksh aake bas chand qadam ki duri par khada hua aur bola.

Renshu : Maine pehle hi kaha tha ladke. Mujhse bhidna vyarth hai. Tum aaye toh apni marzi se the magar jaoge meri marzi se.

Lekin, woh anjaan system holder khamosh hi raha. Apni saanso ko durust karne me laga hua tha. Muh par kapda lipte hone ke kaaran Renshu ko uska chehra nazar nahi aaya. Apne bhaale ki nok ko uske gale ke saamne kar usne chetavni di.

Renshu : Ab jo mein sawal puchu, unke jawaab seedhe-seedhe ugal dena. Warna, ye bhaala tumhare sarr ko dhad se alag kar dega.

Kintu, wo naujavan ab bhi khamosh bana raha. Uski taraf se koi bhi pratikriya nahi hui.

Renshu (frowns) : Kisne bheja hai tumhe yaha?

Koi jawab nahi. Renshu ke maathe par silvatein aur gehri ho gayi.

Renshu : Tumhe sunayi nahi diya? Maine pucha ki kisne bheja hai tumhe yaha?

Magar, ladka toh jaise uski baato ko ek kaan se sunn dusre kaan se nikaalta jaa raha tha.

Renshu : Tum aise nahi maanoge...!

Gusse me aa ke Renshu ne apne bhaale ko haath me do baar ghumaya aur nishaana saadhate hue woh uss ladke ke kandhe me bhaala khosne hi waala tha jab-

"Hahahaha-!!!"

Woh ladka achanak hi dheere se hassne laga. Uske kandhe thahaako ke chalte upar neeche uchhalne lage.

'!!?'

Ye dekh Renshu wahi ruk gaya. Kya ye ladka pagal ho gaya tha? Iss haalat me bhi bhala woh kaise hass sakta tha?

Ladka dheere dheere apne haath upar kar khud ko nihattha dikhaate hue utha. Renshu ka nishaana ab bhi uske kandhe par jama hua tha.

Ladka : Mein haar gaya! I really surrender.

Akhir kaar, uske muh se kuch shabd nikle.

Renshu : Mujhe bakwas nahi sunani. Mere sawal ka jawab do. Tumhe yaha kisne bheja?

Ladka : Hmm! Agar, mein jawab de du toh kya tum mujhe yaha se jaane de doge?

Renshu : Woh depend karta hai ki tum sahi jawaab dete ho ya nahi!

Ladka : Hahahahahahaha!

Ek baar fir woh zorr zorr se hassne laga. Jaise maano uss par koi bhoot sawaar ho gaya ho.

Ladka : Agar, mein sahi jawab deta hu toh use tum galat thehra ke mujhe maar daaloge. Aur, agar galat deta hu toh bhi. Toh, fir mere jawab dene ka matlab hi kya? Hahahahaha!

Renshu (frowns) : Mein aisa nahi karunga. Tum jaise system holders ko jitna ho sake mein maarne se khud ko rokta hu.

Ladka : Tch! Tch! Tch! Nahi nahi nahi! Tumne yaha par galat baat keh di.

Renshu : !!!??

Ladka (grins) : TUM...! MUJHE MAAR HI NAHI SAKTE!

Khatra!!! Renshu ko jaise uske haav bhaav dekh ek bura andesha hua. Lloyd ki oonchi awaaz bhi uske mann me turant goonj gayi.

[Renshuuuu-!!! Dur hato-!!!]

Aankhein phaade Renshu ne na aav dekha na taav aur seedha apna bhaala uss ladke ke kandhe ki orr feka.

*Swoosh*

Magar, ladka jaise jaanta tha ki uske kandhe ki taraf bhaala aayega. Halka sa bagal me hote hue wo hamle se bacha aur bhaala seedhe ped me jaa ke dhans gaya.

*Thuck*

Usne agle hi shan apne kapdo me kahi se gol sa padarth nikaala aur ungliyon se use Renshu ke perro ki orr feka...! Aur, tabhi-

*Pufffff*

Halka dhua Renshu ke ird gird fel gaya.

'Smoke bomb!!?'

[Smoke bomb nahi. Uska chhota roop hai ye. Baahar niklo! Jaldi!!]

Renshu dhue me se baahar aane ke liye peeche ki orr ucchla. Magar, jaise hi usne chhalaang lagayi. Hawa me rehte hue use ek dhwani sunaayi di, jise sunn uska badan thanda pad gaya.

*Whish*




Aankhein bhay ke maare fel gayi. Ye awaaz aisi thi jaise maano kisi patle se wire ko haatho me leke kheencha gaya ho.

Aur, Renshu ka anumaan ekdum sahi tha. Uss ladke ne-

Apne haath se adrishya samaan wires ko kheencha. Agle hi pal zameen me khusi hui ek blade jo unn wires se bandhi thi woh Renshu ki taraf peeche se tez raftar se lagne ko aayi.

Magar, tabhi-

*Ding*

[Rapid Reaction]

Uski skill activate hui aur usne turant apne ped me khuse bhaale ko chain se zorr se jhatka deke kheencha.

*Kha-ching*

Bhaala itni raftar se uski orr aaya ki hawa me hi Renshu ne khud ke shareer ko tilt kar uss se bacha liya. Aur, woh bhaala seedhe jaake-

*Clang*

Peeche se aa rahi uss blade se takraya aur dono hathyaar hawa me zorr se bhidant ki wajah se gol ghum neeche gir gaye.

'Akhir, usne ye kab-!???'

Renshu hakka bakka tha. Bhala ye wires se lipti blade uss ladke ne kab zameen me khos di?

[That time...!]

Lloyd ne jaise turant hi use yaad dilaya. Renshu ke mann me kuch derr pehle hui vardaat chal-chitra bann daud gayi. Jab usne Mayhem ke lethal attack se uss ladke par hamla kiya tha tab woh ladka hawa me udte hue ped se jaa bhida tha.

Aur, yahi wo waqt tha jab uss ladke ne hawa me hi girne se pehle woh blade neeche khos di thi.

[He was waiting for us. What a scum!]

Ye gyaat hote hi Renshu ne apne daant gusse me mees liye.

Kintu, asli khatra toh ab tha-

*Whoosh*




Dhua halka sa chhata aur achanak hi woh ladka Renshu ke upar lapka. Uske haath me ek chaaku thi. Wire se bandhi blade ka woh hamla toh bas uska dhyaan bhatkaane ke liye tha. Asli vaar toh ye tha.

'Shit-!! A feint attack-!?'

[Renshhhuuuu-!!!]

Na hi uske paas bhaala tha aur na hi itna samay ki bhaale ko kheench liya jaaye. Rapid reaction ne activate hona chaha par jaise woh kisi kaaran-vash ho hi na paayi.

Aur, tabhi-

*Squelchhhhhh*

Hawa me khoon ke chheethe bikhar gaye. Ek dabi hui karaah Renshu ke muh se nikli. Aur, saath hi uss ladke ke hontho par kutil muskaan felti chali gayi. Chaaku Renshu ke pait ko cheerte hue andar ghus chuki thi.

[Renshu-!!!]

'Urgh-!!!'

Dard ko sehen karte hue usne ladke ko jakda par ladka jaise chaaku ko aur marodte hue uske pait se atadiyo ko baahar nikaalne ki firaq me tha.

Renshu ne fauran hi ek haath se uske haath ko roka aur dusre se usne ek zordaar hamla uske sarr par maarna chaaha. Magar, ladka chaaku ko uske pait me chhorte hue khud ko chhura kar peeche kood gaya.

Ladka : Khush-kismat ho tum jo mujhe pehle chot pahucha paaye. Warna, aaj tumhara ant yahi kar deta mein. Par...! Par, abhi ye possible nahi. Tum zaroor bach gaye. Lekin, tumhare dwara bheja gaya woh ladka ab tak junglee janvaro ka maans bann chuka hoga. Hahaha!

Renshu : H-Huh-!?

Ladka (grins) : Jaw Long ke paas Animal Kingdom hai, Li Renshu. Aur, black magic se ladi hui skills aur cards. Ab toh uss ladke ka maans noch-noch ke kha rahe honge janvar. Hahahaha-!!! Tarqeeb acchi lagayi thi tumne ek aur system holder ko bula ke use eastside me bhejne ki. Par-! Tum isme akele nahi the.

Renshu ne jaise hi Jaw Long ki skills aur cards ke baare me suna, uske badan me raungte khade ho gaye. Veer ke liye chinta uske andar samaayi.

Renshu (growls) : T-Tum-!! Kaun kaun hai iske peeche?

Ladka : Tum toh aise puch rahe ho jaise mein ye saare jawaab tumhe de dunga. Hahahaha! Fir milenge...! Li Renshu-! Of course... Agar, tum zinda rahe toh-! Goodbye!

Renshu : R-Ruko-!!! Urgh!!!

Magar, ladka waha se tezi me faraar ho gaya. Woh chaahta toh Renshu ko maar sakta tha lekin, use dur kahi se patto ke hilne ki awaaz pehle hi sunayi de chuki thi. Reinforcements apna raasta tay kar yaha aa rahe the. Majbooran use yaha se bhaagna hi pada.

Renshu apne pait me khusi chaaku ko jakde ped se lag ke neeche baith gaya. Sabse zaroori tha blood loss ko rokna. Usne chaaku ko nikaalte hue use feka. Aur, agle hi shan-

*Ding*

[Chi Perception]

Uski skills me se ek badi hi khubsurat aur upyog me aane waali skill. Aankhein band kar Renshu ne apni chot ko andhruni taur par mehsoos karna shuru kiya.

Chi ka arth hota tha urja. Chi perception use urja ko mehsoos karne ka nazariya uplabdh karwati thi. Woh apne pait ke andar hui haani ko apni urja ke zariye bareeki se jaanchne laga.

Usne ek gehri saans li...! Lloyd ne use chi perception bahut hi acche se sikhaya hua tha.

'Jaha dhyaan hota hai, waha urja hoti hai. Jaha urja hoti hai, waha uddeshya hota hai.'

Lloyd ke kahe gaye ye bol pehle use kadapi samajh nahi aate the. Magar, ab jaise woh isme maahir ho chuka tha.

Apne dhyaan ko usne apni chot par kendrit kiya. Uske mastishq se saari fizool baatein gayab ho chuki thi. Dimag me bas ek hi vichar ghoom raha tha. Aur, woh tha apni chot ko andhruni taur par mehsoos karna.

Jaha dhyaan hota hai, waha urja hoti hai. Chot par dhyaan lagaate hi use uss jagah apni urja mehsoos hone lagi. Woh urja ko apne mann ke hisaab se ek aakaar dene laga.

Jaha urja hoti hai, waha uddeshya hota hai. Apni urja ko mehsoos karte hi... Usne uss urja ko uske uddeshya me laga diya. Aur, uddeshya tha-

Khoon ko baahar behne se rokna. Aur, yahi thi ~ Chi perception. Jo na sirf aisi sthitiyo me balki aakraamak aur bachaav dono hi tareeqo ke liye bhi upyog ki jaa sakti thi.

Yahi sab hua tha inn guzre lamho me. Isi beeti vardaat ko yaad kar woh apni vichaaro se baahar aaya. Order ke sabhi log use chinta-janak bhaav liye ghoor rahe the.

Erica ke liye ab uski chinta atyadhik badh chuki thi. Khaas kar ye jaanane ke baad ki Jaw Long kin-kin prakaro ki shaktiyo ko apne paas rakhe hue tha.

Renshu : Captain! Hume jald se jald mine ke raaste ki orr badhna hoga.

Captain : M-Magar, aisi haalat me aap-?

Renshu : Samay bahut kam hai, captain! Meri beti kisi badi musibat me ho sakti hai. Mera waha pahuchna bahut zaroori hai.

Bo : Lord ke baare me chinta karne ki zaroorat nahi. Hum sab kis liye hai? Ming!! Lakdiyo ko ikhatta kar ek takhta taiyaar karwao. Hum Lord ko uss par bitha ke le jayenge.

Ming (nods) : Hmm!

Aur, Bo ke sujhaav par sabhi aadmi lakdiyo ko ikhatta kar ke ek takhte ko banaane me jut gaye.

Divya : Mera bhi ek sawaal hai.

Renshu : Hmm?

Divya (frowns) : Mera dost...! Veer kaha hai? Ye straight wala rasta Eastside ke raaste se kab milega? Agar, use kuch hua toh-

Renshu : Bas, thoda dur aur-! Hum mine ke kaafi nazdeek hai. Iske thoda baahar nikalte hi hum uss raaste par aa jayenge jaha se eastide judta hai. Aur, Veer sahi salamat hi hoga.

Divya badle me boli kuch nahi. Magar, uski bechaini uske chehre par saaf jhalak rahi thi. Toh wahi Renshu ne keh toh diya ki Veer sahi salamat hoga lekin, use khud andar hi andar nakaratmak vichaar khaaye jaa rahe the.

Renshu : Hamare log... Jinhone apni jaane gawayi. Woh sab kaha hai?

Bo (sarr jhukate hue) : Unhe wahi dafna diya humne, Lord. Hum unke shav ko saath leke nahi chal sakte the. Aur, unhe uss tarah waha chorr bhi nahi sakte the. Isliye, jo sabse sahi hume laga, humne wahi kiya.

Renshu (nods) : Tumne theek kiya. Aur, Legion ke logo ka kya jo maare gaye?

Bo : Unko bhi humne wahi dafna diya, Lord. Aap ne hi sikhaya tha. Jab tak hum zinda rehte hai tabhi tak ye dost dushman ki paribhasha hum par laagu hoti hai. Maut ke baad kya dushman aur kya dost. Sab ek samaan reh jaate hai. Isliye...!

Renshu (smiles) : Tumne kahi kuch galat nahi kiya. Mujhe tum sab par naaz hai.

Sabhi badle me muskuraye. Bhale hi kuch saathiyo ko unhone kho diya tha. Par, woh jazba aur woh ekta ab bhi unme kaayam thi. Aur, unn jaan gawaane waale logo ke balidaan ko woh yu hi vyarth nahi jaane dena chaahte the.

Bo : Mine hum hathya ke rahenge!

"Haaaaaaannn!!!!"

"Yeaaaahhhhhh!!!!"

"Order-!!!!"

"Zindabaaaaaaddd!!!!"

Renshu ne turant hi seeti bajaayi. Toh kahi se na jaane ek kabootar udti hui aasmaan se uske paas aake uske haath par baith gayi.

Renshu ne apne kapde me se ek chithhi nikaali aur use modte hue uske chhote chhote perr par baandh diya.

"Tumhe pata hai na kya karna hai?"

*Coo-hooo*

Woh jaise jawab me chehki. Aur, use apne haatho me lete hue Renshu ne use hawa me chorr diya. Woh pankh fadfadaate hue waha se ravana ho gayi.

Aur, isi tarah Renshu ko takhte par baitha ke woh sabhi fir mine ke raaste par chal diye.

***

Deep inside Eastside...

Jaha Renshu aur baaki sab Eastside ke raaste se judne ke liye nikal pade the wahi yaha idhar jangalo ki gehrayiyo me avishvaneeya drishya dekhne ko mil rahe the.

Pari ne Veer ke shareer par apna niyantran kar liya tha. Veer ke ird gird ki hawa bhaari ho chuki thi. Uske khatarnak aura ke chalte uske baal hawa me lehra rahe the aur jin teero ko fekte hue Jaw Long ne unn par insaano ki khopdi latkayi hui thi woh khopdiya bhi kit-kitate hue hawa me kampan maar rahi thi.

Sookhe patte kisi bheegi billi ki tarah thar-thar kaanp rahe the. Jaw Long khud do qadam peeche ko ho chuka tha. Toh wahi, Erica samet Ava dono ke muh hairat ke maare khule hue the.

[What- What is this?]

Lily ki awaaz Ava ke mann me goonj gayi. Magar, jab Lily ko khud nahi pata tha toh bhala Ava ke paas koi jawab kaise ho sakta tha. Yahi haal Genie aur Erica ka bhi tha. Woh bhauchakki si Veer ke iss naye vikral raudra roop ko dekh rahi thi.

Apne kaale jaadu ka upyog kar Jaw Long ne tamaam nakaratmak urjao se bhaint ki thi jinka aura kaala paaya jaata tha. Magar, usne aaj tak apne jeevan kaal me itna prachand black aura kisi ka bhi nahi dekha tha. Aura itna bheeshan tha ki Veer ke badan ke baahar tak wo lapte maar raha tha.

Aur, Jaw Long ke liye sabse asahejta waali baat thi Veer ki woh muskaan jo iss samay ajeeb tareeqe se uske hontho par feli hui thi.

Veer ne ek qadam apna aage badhaaya-

*Ba-dump*

Jaw Long ki dhadkane tez ho gayi.

Teer me latki hui khopdi ko Veer ne apne ek haath se baahar nikala aur aankhon ki putli waale chhed me apni ungli daal woh khopdi ko gol-gol ghumaane laga. Uske iss roop ko dekh Ava samet Erica ka badan kaanp utha.

Zorr se khopdi ko ghumaate hue usne woh kisi gulel ki tarah chorri jo seedhe Jaw Long ke sarr ki taraf sansanati hui aayi aur-

*Craaaassshhhhh*

Sahi samay par Jaw Long ne apne sarr ko baayi orr jhuka liya. Khopdi uske baalo ki lato se takrate hue jaa ke peeche ped se bhidi aur tukdo me toot ke bikhar gayi.

Insaan ki khopdi sabse mazboot haddiyo me se maani jaati hai. Kitna force lagta hoga ki khopdi ko tukdo me tod ke bikher diya jaaye?

Veer ki aankhein laal ho rakhi thi. Beowulf ON tha. Aur, uski agility, aur senses pehle se kayi guna badh chuke the.

Force = Mass x Acceleration

Veer ne uss khopdi ko itni zorr se feka tha ki uska acceleration hi itna tha jiske chalte uska force apne aap badh gaya. Nateeja? Uska tukdo me bikhar jaana.

Pichli baar woh Jaw Long se bhidte waqt Beowulf ka istemal kar hi nahi paaya tha kyuki Beowulf ki timing ka saara samay usne janvaro se bhaagne me laga diya tha. Magar, iss baar woh taiyaar tha.

Ava aur Erica ekdum stabdh thi. Unke hosh ude hue the. Aur, tabhi-

*Whooooooosshhhh*

Veer apni jagah se gaayab ho gaya-!!

Jaw Long : Tā hěn kuài (He's fast)

Dara hua vyakti... Hamesha apni maatra bhaasha me hi bolta hai. Bhale hi Jaw Long tribal bhaasha ki boli waala tha magar, janm toh uska china ki bhoomi me hi hua tha. Maatra bhaasha toh chinese hi thi.

Aur, iss waqt darr ke maare uska mastishq Mandarin Chinese bhaasha me hi vichaar karne par majboor ho gaya. Usne jaise hi Veer ki raftaar dekhi, uski haalat patli ho gayi. Use pata tak nahi chala ki Veer kab apni jagah se gaayab ho gaya.

Aur, akasmat hi-

*Whoosh*

Kisi glitch hoti hui image ki tarah Veer uske saamne prakat ho gaya. Bhay ke maare Jaw Long jaise hi peeche koodne ko hua-

'Shénme (What?)'

Veer ne apna perr itni kass ke uske perr ke upar rakha ki Jaw Long ka perr hi neeche zameen me dhans gaya. Veer jaise iss baar use kahi bhi bhaagne nahi dena chaahta tha.

Aur, agle hi shan-

Veer ka ek vaar seedhe Jaw Long ke gale ki orr aaya. Jaw Long ne jaise hi apna haath aage kar Veer ke vaar ko rokna chaaha-

Veer ke dusre haath ne uske haath ko maar peeche dhakel diya.

*Baaaammmm*

Aisa ek baar nahi, palak jhapakte hi harr baar hota gaya. Veer jaise jaan boojh ke Jaw Long se wahi hamle karwa raha tha jidhar woh unhe chaahta tha taaki woh unhe khud deflect kar sake.

[Th-This-!!!]

Lily ke honth thar-thara uthe.

'L-Lily-!!?'

[This is insane!!! Woh kaun si fighting style use kar raha hai? Woh jaan boojh ke aise hamle kar raha hai jis ke badle me Jaw Long wahi wahi vaar kar raha hai jaha Veer chaahta hai. It's like... It's like he's making Jaw Long to attack him for his own advantage.]

Veer ke moves ki speed itni zyaada thi ki woh Jaw Long ki capture karne ki capacity se baahar ho chuki thi. Aur, fir wahi hua jo hona tha.

*Thuck*

Ek vaar Jaw Long ke liver ke hisse me...! Uske binn aankho ke khaali maans waale eye socket dard ke maare fel gaye.

*Thuck*

Dusra vaar Jaw Long ke haath ko deflect karta hua uske fefdo ke upar. Laga maano ek shan ke liye uska dil hi rukk gaya ho.

*Thuck*

Teesra vaar uske gale ke bagal me. Dard aisa ki maano nass phatne ko aa jaaye.

*Thuck*

Aur, akhiri vaar seedhe uski chhaathi ke ekdum beecho-beech. Impact itna tagda ki Jaw Long ka bhari bharkam shareer hawa me udd gaya.

Uske shareer ke udte hi Veer ne wahi khusa ek bhaala upar hawa me feka aur tezz raftaar me woh Jaw Long ki taraf lapka...!

Dono aapas me moves exchange karne lage. Dono ke prahar aapas me bhid halki-halki shock waves paida kar rahe the jinke chalte fele patte udte hue bikharte jaa rahe the. Veer uss se ladte ladte use ped ke paas le jaane laga. Dono ek dusre ke haatho ko jakad bhayanak gusse me ek dusre ko ghoor rahe the. Aur, tabhi-

*Swoosh* *Swoosh* *Swoosh*

*Thuck*

"Aaaaarrrrrrrgghhhhh!!!!"

Jaw Long ki dard bhari cheenkh waha goonj gayi. Uska kandha ped se lage hue ek bhaale se khus chuka tha.

Ye wahi bhaala tha jo Veer ne kuch shan pehle upar hawa me feka tha. Jaw Long ki aura vision skill upgraded nahi thi. Woh non living things ko dekhne me asamarth tha.

Veer ne pehle hi bhaale ki trajectory ko calculate kar use hawa me fek diya tha. Aur, woh jaan boojh ke Jaw Long ko uss ped ke paas le jaata gaya. Kyuki... Bhaala yahi par girna tha. Aur, bhaala Jaw Long ko dikhna hi nahi tha.

Veer ne agle hi shan apni do ungliya uski binn aankhon waale khaali hisse me ghused di. Aur, punah-

"Aaaaarrrrrrrgghhhhh-!!!!!"

Ek khaufnak aur dard se bil-bilati cheenkh waha fel gayi. Ava aur Erica itna sehem gayi ki maano unke shareer se unki rooh hi nikal gayi. Aur, fir Veer ke bol Jaw Long ke kaano me pade. Jo asal me Veer ke nahi, Pari ke the.

"IF ONLY I HAD EVEN A TINY OUNCE OF MY POWER THAT I HAD BEFORE, I WOULD HAVE DESTROYED THIS INSIGNIFICANT, LITTLE PLANET OF YOURS IN A BLINK OF AN EYE, YOU LOWLY PIG...! YOU ALL ARE LIKE ANTS GROVELING IN THE DIRT WAITING ONLY TO BE CRUSHED UNDER THE FEET OF AN UNPARALLELED BEING... SUCH AS ME-!!!"

Aur, fauran hi Jaw Long ke system ko andesha ho gaya. Uski ghabrati hui awaaz uske mann me sunayi di.

[L-Long-!!! Bhaago! Bhaago yaha se warna maare jaoge. Ye ladka apne hosh me nahi hai. Iska system iske shareer ko control me kiye hue hai.]

Par, Jaw Long toh bechara dard se bilbila raha tha. Uski aankhon waale khaali hisse me Veer ki do ungliyaan ghusi hui thi. Veer ne apni ungliyon ko kisi machhli pakadne ke hook ki tarah maroda aur turant hi woh andar ke maans ko kheenchte hue baahar nikaalne laga.

"Haaaaarrrrrggghhhhhh-!!!!"

Erica itna ghabra gayi ki pichhle kiye gaye uske sarr par vaar ke chalte aur saamne manzar ko ghatate dekh woh bechari behosh hi ho gayi. Magar, Genie ne aenn waqt par uske behosh hone se theek pehle abhi abhi praapt hui 'Basic Seer Vision' activate kar di.

Jaw Long ke andhruni maans ko jaise Veer baahar kheench ke nikaalna chaah raha tha. Drishya itna bhayanak aur daravna tha ki aam insaan ise lagatar dekh hi nahi sakta tha. Agar, dekh le toh sakpaka ke reh jaaye.

Zorr laga ke Jaw Long ne apne kandhe ko bhaale ki qaid se mukt kiya aur Veer par hamla bolna chaaha par-

*Baaaaammmmmmm*

Ek laat uske nichle jabde par itni zorr se padi ki uska shareer hawa me kisi lakdi ki tarah gol gol ghoomte hue udd gaya. Usne hawa me hi santulan banana chaaha. Jaise hi ghoomne ke baad usne hawa me sthirta praapt ki-

Veer uske saamne tha!

'Huh!???'

Jaw Long ne bhay ke maare apne dono haath se cross banaate hue khud ko chhek liya. Lekin, Veer hawa me hi uske bagal se nikal gaya. Ye sab kuch bahut tezi me ho raha tha. 1 second tak Jaw Long ko kuch samajh nahi aaya ki Veer bina hamla kiye uske bagal se kyu nikal gaya. Kintu, agle hi pal-

*Baaaammmm* *Baaaaammmmmmm*

*Baaaaammmmmmm* *Baaaammmm*

*Baaaammmm* *Baaaaammmmmmm*

Uski chaathi 6 alag alag jagaho se pichak gayi.

*Blurgh*

Muh se khoon ke cheethe nikaalte hue woh neeche zameen par aa gira aur uth ke Veer ko bhaybheet hue dekha. Veer ne pehle hi uske badan par mukke barsa diye the. Gati itni tezz thi ki Jaw Long unhe dekh hi nahi paaya. Jo usne dekha woh toh bas hamle ke after effects the. Jagah jagah use itna dard ho raha tha ki ab ye dard uske liye ek baadha bann ke saamne aa raha tha.

Woh bhi akhir ek insaan hi tha. Na jaane kab se woh iss ladaayi me akela ladd raha tha. Itni chot pahuchne ke baad swabhavik tha ki kahi na kahi dard ab use zyada mehsoos hone laga tha.

Lekin, Veer toh aaj jaise poore aakramak roop me tha. Woh hawa ke jhonke ki tarah apni jagah se gayab hote hue uski orr aaya aur apni laat seedhe Jaw Long ke muh par par maarni chaahi.

Par, Jaw Long ne uski laat ko apne ek haath se pakad liya. Itni derr ke baad pehli baar Jaw Long ke chehre par ek muskaan aayi. Akhir kaar, usne Veer ko pakad hi liya.

Parantu, ye jaise uss bechare ka vaham tha. Kyuki-

*Ding*

[LIMBO]

Fir woh hua jise dekh khud Jaw Long ke raungte khade ho gaye. Veer apne perr ke jakde hone ke bawajood ulti disha me ghoom ke muda...!

Uska perr toh Jaw Long ke haatho me tha. Magar, shareer toh azaad tha. Apne bhaar ka istemal kar woh baayi orr poora ghoom gaya, jiske chalte-

*Crack* *Crack*

Uske ghutno se kuch kasht bhari awaazein aayi. Woh ghoom ke iss qadar aaya ki ab uski daayi laat padne ko taiyaar thi. Jaw Long hakka bakka reh gaya. Aur-

*Baaaaammmmmmm*

Kaam tamaam!!!

Nichle jabde par laat itni zorr se padi ki Jaw Long ka daant toh ukhda hi muh se khoon ki dhaar alag nikal gayi.

Uske girte hi Veer ne apni taang haath se pakdi aur-

*Crack* *Crack*

Apni haddiyo ko wapas se sahi sthaan par le aaya. Usne apne aap ko kasht pahuchaya tha. Ya yu kahe ki Pari uske shareer ke saath khel rahi thi.

Woh Jaw Long par fir aise lapki aur ghuso ki baarish kar uske thobde par itne hamle kiye ki lag raha tha woh uske sarr ko tarbooj ki tarah phod degi.

Idhar, Ava ne jab dekha ki Veer ka palda iss ladaayi me bhaari tha woh chenn ki raahat lete hue khud ki healing ke liye apne hosh kho baithi. Lily ne use kuch derr ke liye unconscious state me daal diya aur Healing Factor activate kar diya.

Magar, kehte hai na... Harr cheez jo shuru hoti hai woh khatam bhi hoti hai. Pari, jisne Veer ke badan par qabza kar rakha tha uska saath bas yahi tak tha.

"YOU MUST THANK ME, LATER KID-!!! DAMN IT!!! IT'S NOT ENOUGH!!! IF ONLY I HAD MORE-!!!!"

Aur, bolte bolte uski awaaz dheemi hoti chali gayi. Pari ki consciousness jaise hi gayi, Veer apne unconscious state se baahar aa gaya.

Hosh me aate hi usne paaya ki uska seena zorro se upar-neeche ho raha tha. Woh haaf raha tha. Aur, tabhi use bhayanak dard apne haath-perro me mehsoos hua.

'Ack-!!'

Pari uske shareer ka istemal kar max speed me jo bhaagi thi. Veer bhale hi Jaw Long se strength me peeche tha. Magar, uski agility iss waqt itni zyaada thi ki woh uska istemal kar apne vaar ki taaqat ko kayi guna badha paane me saksham tha.

Force = Mass x Acceleration

Yaha poora game Pari ne acceleration par khela tha. Aur, yahi kaaran tha ki kyu Veer ke haath aur perr atyadhik dukh rahe the. Indirectly, zaroorat se zyada strength ka istemal jo kar rahe the woh.

Veer ne jaise hi nazre utha ke saamne ladkhadate Jaw Long ko dekha toh uski aankhein phat ke chaar ho gayi.

Uske baal bikhre hue the. Khaali aankhon ke hisse se andar ka kuch maans latak raha tha jisme se khoon behta hua uske gaalo se hoke tapak raha tha. Uske haatho ki kuch ungliyaan vipreet disha me mudi hui thi. Aur, muh se bhi khoon beh raha tha.

'Wh-What happened!'

Veer ki kuch samajh na aaya. Aur, na hi Pari ne kuch jawab diya. Kyunki, woh pehle hi sleep mode me jaa chuki thi. Ab jo kuch tha, Veer ke haatho me hi tha.

Usne dekha ki Ava aur Erica dono hi aankhein band kar laiti hui thi. Dono jeevit thi. Shayad, heal hone ki koshish kar rahi thi. Usne ek raahat ki saans li.

'K-Kya ye... Ye maine kiya?'

Use vishvas nahi ho raha tha ki jis Jaw Long ne unn teen system holders ki khatiya khadi kar ke rakhi hui thi uski ye haalat bhi ho sakti thi.

'Akhir... Hua kya? Fuckkkk! Mujhe kuch yaad nahi aa raha.'

Usne dekha ki Jaw Long mushqil se apna santulan banaate hue bhaag raha tha. Use abhi bhi yahi lag raha tha ki Veer ke shareer ka niyantran uska system kar raha tha.

'Woh mujhse bhaag raha hai-!? Shit!!! I need to catch up.'

Veer utha aur jodo me dard hone ke bawajood woh apni poori koshish kar bhaaga. Jaw Long bhaagta hua mine ke raaste me pravesh karne laga. Aur, mine par woh pahuchne hi waala tha.

China ke liye Yunnan province ki sabse zaroori mines me se ek...! Aur, sabse badi mine, jisme radioactive elements bhi paaye jaate the.




Jaw Long andha-dhundh bhaagte hue mine par pahucha...! Jangal se baahar aate hi vishalkaay mine ki sanrachna chaand ki raushni me Veer ki aankhon ke saamne aayi. Ek aadmi bhi yaha maujood nahi tha. Koi bhi pehra nahi de raha tha. Mine me andar jaane ke liye jagah jagah se kayi raaste the.

Parantu, main opening hi thi jaha se radioactive elements ki khoj ke liye jaaya jaa sakta tha. Baaki, openings jo thi woh non-radioactive elements ke liye banayi gayi thi.

Veer ne dekha ki Jaw Long ek non-radioactive elements ki opening me jaa ke ghus chuka tha.

'Tch-!! This motherfucker!!!'

Bina jhijke woh khud uss entrance me ghus gaya. Toh wahi-

"Badhte raho! Badhte raho!!!"

"Hum bas thodi hi dur hai ab!!!"

Renshu aur Order ke samast members bhi mine ke behad nazdeek aa chuke the.

Jaw Long aise bhaag raha tha jaise maano ek chuha billi ko dekh bhaagta hai. Uski haalat bahut buri ho chuki thi. Woh yahi samajh raha tha ki Veer abhi bhi Pari ke control me tha. Aur, Veer iska poora fayda utha raha tha.

Jaise hi woh andar ghus thodi gehrayi tak gaye. Jaw Long achanak hi ek patli si surang me ghus gaya jo ekdum neeche ki orr jaa rahi thi. Veer ne apna qadam aage badhaya par use hawa me hi rok liya.

'K-Kuch gadbad lag rahi hai. Why is he luring me inside that?'

Veer nahi jaanta tha ki jaha Jaw Long uska andar intezar kar ke use girana chaah raha tha woh iss mine ka bottle neck trap tha. Ek aisa gaddha jaha par insaan agar gira toh uski maut nishchit thi. Kyuki, woh gehra hi itna tha aur upar se Jaw Long agar uske upar koi patthar gira de toh aisi haalat me bachna namumkin tha.

Veer ne apne qadam peeche kar liye. Aur, tabhi-

'Huh-!!?'

Usne kuch check kiya. Jankari praapt hote hi usne apne agal bagal dekha. Ek lohe ki seedhi lagi hui thi jo upar ek hole se baahar nikalne ke liye thi. Ek emergency exit.

Veer turant ke turant uss par chadha aur baahar nikal usne andar jhaakte hue neeche khade Jaw Long ko dekha. Dono ne ek dusre ko dekha...!

Ek taraf jaha Jaw Long Veer ke baahar nikal jaane par asahaj mehsoos karne laga toh wahi Veer ke hontho par ek vijayi muskaan fel gayi.

"This is your end... Jaw Long!"

Usne apni jeb se kuch nikaalte hue seedhe Jaw Long ki orr haule se feka aur tez raftar ke saath woh peeche ko bhaaga. Agle hi pal-

*Booooooooommmmmm*



Ek tez dhamake ne waha janm liya. Dharti kaanp uthi aur halke bhookamp ke chalte Renshu aur uske aadmi shor sunte hi chinta me aa gaye.

"L-Lord!?"

"Ye kya tha??"

"Ruko nahi! Ruko nahi! Jaldi chalo!!!!"

Veer ki body hawa me aag ki lapto se baahar aate hue dur jaa giri.

*Blurgh*

Muh se dherr saara khoon nikla. Internal bleeding kaafi ho chuki thi. Use jald se jald araam ki zaroorat thi. Aur, ek doctor ki bhi-!

Tabhi-

*Ding*

['Mission : Be the saviour.' has been completed.]

[You have been rewarded 15,000 Points.]

*Ding*

[You have gained the card 'Berserk.']

*Ding*

[You have gained the scroll 'Bird Tamer.']

*Ding*

[You have gained the skill 'Aura Vision.']

[You have gained the skill 'Radio Protective.']

Notifications ki jaise jhadi lag gayi uske mann me. Jaw Long marr chuka tha. Par, sawaal tha kaise?

Aur, jawaab tha ~

Methane!!!

Mine me maujood methane gas kaafi bhaari maatra me maujood thi. Ek jwalansheel gas jiski na hi koi gandh hoti thi aur na hi koi rang. Jaw Long ko na hi methane ki koi gandh aayi aur na hi use aura vision me kuch nazar aaya. Gas bhi akhir- non living things me hi aati thi.

Kya hoga agar aisi sakri jwalansheel gas se bhari mine me ek jalta hua lighter fek diya jaaye?

Bhayanak visfot!!!

Jaw Long ki apni hi skill uske patan ka kaaran bann gayi. Use Veer ka feka gaya lighter dikha hi nahi. Veer ke mann me tamaam notifications pop hote jaa rahe the.

Kintu, ye nahi tha jinke liye woh utsuk tha. Use toh bas uss notification ko sunana tha.

*Ding*

[You have been rewarded with a new 'Slot'.]

Ye sunte hi Veer ki mutthi dridhta me kass gayi. Yahi woh cheez thi jo besh-keemti thi. Unn 15000 points se bhi zyada keemti.

Slot!!!

Jo card ko equip karwata tha. Ek slot me Veer card jab chaahe switch kar sakta tha. Par... Kya hoga jab slot hi do ho jaaye? Woh ab ek nahi... Do cards ko ek saath equip kar sakta tha. Dono me kisi bhi card ko jab chaahe shuffle kar unhe equip kar sakta tha. Maatra chhoti si ye cheez kitni taqatvar thi iss baat ka andaza Veer ko pehle hi mission ke rewards dekh ke pata lag gaya tha.

Woh abhi mann hi mann iss khushi se baahar aaya hi tha ki-

*Ding*

[The system has been upgraded to Level 10.]

*Ding*

[The system's internal feature 'Perk hunt' is available now.]

Naye feature ke baare me sunn Veer jigyaasa liye uske baare me dekhna chaahta tha par agle hi shan ek jaani pehchani aur use bhaavuk kar dene waali awaaz uske mann me goonj gayi.

[Maaaasttteerrr-!!!!!]

'Huh-!!??'

[Master-!!!]

'P-Pari???'

Nahi! Ye kaise ho sakta tha. Ye awaaz woh bhali bhaanti pehchanta tha. Harr Pari ki personality ki awaazo me antar hota tha. Aur, ye awaaz-

Usi Pari ki thi jo Crimson ki ladayi ke waqt uske saath thi. Jisne uske dil ko ruk use Crimson aur Ava ke shadiyantra se bahar nikaala tha. Jo atyadhik smart aur saath hi emotional thi. Jise usne itna miss kiya tha.

'P-Pari-! Tum? Kya waqai tum wahi ho?'

[You idiotic stupid bastard, Maaastteerr!!!]

'Huh???'

[Kyuuuuu??? Kyu kiya aapne aisa??]

'What?'

[Why did you give your points to her??]

'Huh? M-Mein-!!!'

[You idiot, Master!!! There was no need to give your points. I missed you so much, aapko pata bhi hai? Mujhe laga tha aap se acche se dobaara milungi. It will be our happy reunion. But no... Here you are in this mess.]

'Agar, mein nahi karta toh mein Ava aur Erica ko kaise bacha paata, Pari.'

[I was so scared when you lost your consciousness. Shit!!! That bitch-!!!! Tsk!!!]

'Huh?'

[Listen to me, Master. Ahinda se kabhi bhi kitni bhi dire situation kyu na ho. Aap kabhi bhi points ko iss tarah mujhe ya meri kisi bhi personality ko nahi denge. Okay?]

'Umm-!'

[Okay? Or not? Boliye!!!]

'H-Haan! Alright!'

[Pakka na?]

'Yeah!'

[Promise me!]

'What?'

[I said, promise me ki aap kabhi bhi iss tarah apne points system me invest nahi karenge.]

'Alright! I promise.'

Jab Veer ne vachan diya tab kahi jaa ke Pari ne ek raahat ki saans li.

'Lekin, bhala kyu?'

[Because... Points are not just points Master. I mean aapke liye woh sirf points ho sakte hai. Par, hamare liye they are like... Something greater than that...]

'Aur, tum mujhe ye nahi batane waali ki unki aur kya ahamiyat hai. Hai na?'

[It's not that I don't want to tell you. It's just that I'm unable to tell you right now. I cannot!]

'Ohh?'

[Kyuki, ye bol ke nahi bataya jaa sakta master. Aur, jo tareeqa hai uske liye abhi aap taiyaar nahi.]

'I see!'

[Par, woh sab chorriye. Look at you! Jagah jagah ghaav hai. I can feel it. Aap khade kaise ho iss waqt? It's so painful-!!!]

'I have to... Pari! Aur-'

Uski baatein beech me hi reh gayi jab-

*Keaaaarrrrrr*

Ek baaj hawa me udta hua aaya. Veer chaukanna ho gaya. Ye wahi baaj tha. Magar, jaise hi woh nazdeek aaya.

'???'

Woh Veer ke kandhe par aake apne panje jamaate hue baith gaya. Aur, taktaki laga ke use dekhne laga.

'Ohh-!!'

*Keaaaarrrrrr*

Uski teevra awaaz Veer ke kaano me padi.

"Tum Sheba ho!! Hai na?"

Veer ne uske gale par ungli halke haath se feri toh baaj ne apna gala upar kar diya. Jaise maano woh chaah raha tha ki use aur sehlaya jaaye.

"Hahaha! Maine kabhi itne paas se kisi baaj ko nahi dekha. Does that mean tum ab Jaw Long ko nahi balki, mujhe apna master maante ho?"

*Keaaaarrrrrr*

Baaj ne jaise Veer ki baaton ko samajh awaaz nikaali.

"Huh? He can understand me? Pari!"

[Bird Tamer scroll ke tehet ise apna paaltu banaya gaya hoga, Master. Choonki ab Jaw Long nahi hai aur Bird Tamer aapke paas hai. Zaahir hai ki woh ab aapko apna master samjhega. It's cute by the way... But deadly too.]

'Yeah-! Well, mujhe lagta hai ki-'

Veer ke bol ek baar fir adhure hi reh gaye kyuki ek naya notification uske mann me goonj gaya.

*Ding*

[Past illustration has been invoked.]

[Do you want to see 'Jaw Long's' past?]

Veer ne jawaab me kuch na kaha. Woh Sheba ko hawa me chorr apne ladkhadate shareer ko ghaseetate hue wahi paas me bane ek lakdi ke cabin me le jaane laga. Ye cabin ek chhote ghar ke barabar tha aur pehle government ka hua karta tha. Par, lag raha tha jaise mine par qabza karne ke baad yaha ke workers ko tribal logo ke dwara bhaga diya gaya tha.

Woh andar daakhil hua. Andar ekdum ghapp andhera tha. Filhal aur kisi ki nazro se bachne ke liye ye kaafi tha. Use shaant jagah chahiye thi Past Illustration dekhne ke liye. Iss se kayi saare saboot uske haath lag sakte the.

Aur, Veer notification ke sawaal par haami bhar Past Illustration ke ateet ke panno me doob gaya.

*Caw* *Caw*

Hawa me udte kauwe shor machaate hue jangal ke upar se nikle. Jangal ke gehre hisse me ek lakdi se bane ghar me Jaw Long apni gaddi par baitha hua tha.

Aur, uske saamne ek sundar si stree baithi hui thi jiska chehre uske sarr par maujood kaali hat se dhaka hua tha.

Jaw Long ne ek lakdi ke glass me sharaab daali aur use peete hue bola.

Jaw Long : Kaho! Kya baat karni hai?

Lady (smiles) : I have a deal for you. Ek simple deal.

Jaw Long : Hmm?

Lady : Mein tumhe wo pradan karwa sakti hu jiski tumhe abhi talaash hai.

Jaw Long : Mudde pe aao. Warna yahi kaat di jaogi. Farq nahi padta ki tum system holder ho. Mere ilaake me parinda bhi meri marzi se udaan bharta hai.

Lady (smiles) : I know everything! Tum Order par dhaava bol ke use apne under karna chaahte ho. Right?

Jaw Long (frowns) : ...

Lady : Lekin, ye toh sab ko pata hoga. Hai na? Toh ek aur cheez puchti hu. Tumhe iss waqt dherr saare insaano ki zaroorat hai. Hai na?

Iss baar Jaw Long ki aankhein uss aurat ke bolo par chaudi ho gayi.

Lady : Insaan jinki bali chadhaayi jaa sake. Jinhe kaale jaadu me upyog kar khud ko taqatvar banaya jaa sake.

Jaw Long : ...

Lady (smiles) : Ek yahi kaaran hai jo tum government ko andar ghusne aur talashi karne nahi dete. Hai na?

Jaw Long : ???

Lady (smiles) : Tumhare iss ghar ke neeche unn insaano ke kankaal jo chhipe hue hai jinhe tumne ab tak maara hua hai.

Ye sunte hi Jaw Long uss aurat ke gale ki orr lapka toh woh peeche uchakte hue uske prahar se bach nikli.

Lady (smiles) : Mein tumhari hi side hu. Mujh se dushmani tumhe bhaari pad sakti hai. Mein toh tumhare liye prastaav leke aayi hu.

Jaw Long : Bolna hai toh seedhe tareeke se bolo. Warna dafa ho jao.

Lady : Mein tumhe insaan provide kar sakti hu.

Jaw Long : Huh?

Lady : Insaan jinhe tum asaani se maar sakte ho aur koi unke baare me kuch puchega bhi nahi.

Jaw Long : Aur, badle me?

Lady (smiles) : Badle me mein chahti hu ki Legion Yunnan ki mine par qabza kare.

Jaw Long : Huh? Aur, uss se tumhe kya?

Lady (smiles) : Mujhe bas kuch chahiye jo mine me hai. Baaki, uske baad...! Poori ki poori mine tumhari.

Jaw Long : ...

Lady : Soch lo! Na sirf tum Order ko jald se jald apne haatho me le loge balki mine bhi tumhari apni ho chuki hogi.

Jaw Long : Mine me aisa kya hai jo tumhe chahiye?

Lady : Kuch hai. Kuch radioactive elements jo asaani se nahi mil sakte.

Jaw Long : Aur, unka kya karogi tum?

Lady (smiles) : Mein unka kuch bhi karu, uss se tumhe kya? Haan, par tumhare khilaaf kuch bhi nahi karungi. I can guarantee you.

Jaw Long (frowns) : Meri skills ke baare me tumhe kaise pata laga?

Lady (smiles) : Meri nazre harr uss zaroorat mand par tiki rehti hai jise meri madad ki talash hoti hai. Kyuki, badle me woh hi... meri madad ke kaam aate hai.

Jaw Long kuch derr sochta raha. Aur, fir haami bharte hue bola.

Jaw Long : Theek hai! Mein taiyaar hu. Par, zara bhi chhal karne ki koshish ki, toh chhalni kar diya jayega.

Lady (smiles) : Never! Never!

Woh lady apni jagah se uthi aur jaane lagi par tabhi wapas mudi aur-

Lady : Ek baat aur-

Kehte hue usne achanak hi apni jeb se ek pocket watch nikaali aur use pendulum ki tarah latka ke daaye baaye karte hue boli,

Lady : Koi hoga... Jo ye dekhega...! So, just to be safe... I must- *smiles*

Uski pocket watch achanak hi Veer ka dhyaan kheenchne lagi.

[Shitttt!!! Masterrrrr-!!! Turn it off!! Baahar aaiye!!!]

Pari ki ghabrahat bhari awaaz ne jaise Veer ko turant hi Past Illustration se baahar nikalne par majboor kar diya. Uski saansein tezz ho rakhi thi.

*huff* *huff*

'What was that-!??'

[She... She's dangerous!!! Woh-]

Parantu, Pari ko apne bol wahi thaamne pade jab Veer ke peeche se ek madhur awaaz uske kaano me padi.

"Ohh? I didn't think you would break free from my casting."

Ye awaaz-!!! Veer ke badan me ruye khade ho gaye. Uske maathe par chinta ki lakeere chhaa gayi. Aur tabhi,

*Click* *Clack*

*Click* *Clack*

Kisi ke jooto ki chalne ki awaaz use apne peeche se aayi. Nahi! Ye joote nahi the. Ye high heels ki awaaz thi. Veer ne apni baayi orr se mud sarr ghumaate hue peeche ko apni nazre daudaayi.

Andhere me se ek aakriti chalte hue aa rahi thi. Aakriti kisi stree ki lag rahi thi. Aur, jaise jaise woh qareeb aa rahi thi uski visheshtaaye aur bhi spasht hoti jaa rahi thi.

Chalne ki woh adaa, wo nazakat, uske baare me kaafi kuch bayaa kar rahi thi. Nazdeek aate hue dheere dheere ventilation se aati roshni uske chehre par bhi padti jaa rahi thi.

Uska ek haath bagal se rakhi table par tha jisme dhool ki parat jami hui thi. Jaise jaise wo aage badh rahi thi, uske saath saath uski ungli table par komalta ke saath fisalte hue aa rahi thi.

Aur jyo hi woh ekdum saamne aayi, ungli me jami dhool ko fookte hue roshni me uska chehra Veer ki nazro me aaya. Parantu, woh kaali hat se aadha dhaka hua tha. Keval uske honth hi dikhayi pad rahe the.




Veer ne jaise hi use dekha, uske raungte khade ho gaye. Ye wahi thi-!!! Jisko past Illustration me abhi usne dekha tha.

'Check!'

Usne ek pal bhi nahi gawaya uss stree ko check karne me. Aur-

*Ding*

[No information available.]

Jaisa usne socha tha bilkul wesa hi nikla. Ye wahi system owner thi! Veer ne inn kuch palo me hi sab kuch bhaanp lia.

Veer : Y-You-!!!?

Woh ajnabi stree muskurayi. Uski nigaahein abhi neeche hi tiki hui thi. Veer ke sawaal par usne apna sarr upar kiya aur uski palke haule-haule badi hi nazakat ke saath uthi aur nazre Veer se jaa ke tiki. Hontho par muskaan aur bhi adhik fel gayi. Woh apne daaye kaan ke paas baalo ki latt ki orr haath leke gayi aur unhe peeche ki.

Veer sachet tha. Saamne kaisa bhi saundarya kyu na ho, woh laparwahi nahi barat sakta tha. Harr surprise attack ke liye woh pehle hi khud ko prepare kar chuka tha.

Woh stree Veer ko neeche se upar tak ek antim baar dekhi aur fir boli,

"You really are such a surprise, Veer. Fufu~"

Veer (frowns) : State your business!

Lady (nods) : Bilkul! Jaisa ki tum dekh hi chuke ho. I’m one of the system owners. And, don't worry please! I'm not here to hurt you.

Veer : ???

Lady : By the way...! Let me introduce myself first. I'm Rebecca Elsher!

Veer : Rebecca?

Rebecca : Don't worry! Ye asli naam hai. I don't like to fake things like your cute lover. Fufu~

Veer ki bauhe kass uthi. Rebecca ka ishaara Ava ki taraf tha. Iska matlab woh jaanti thi ki Ava ne Nat naam rakh ke usko apne jaal me fasaaya tha? Bhala aur kya kya jaanti thi ye Rebecca?

Rebecca ke muh se naam nikalte hi idhar Pari ne uske naam ko poore Google par search kar liya lekin fir bhi kahi pe bhi uska naam nahi mila. Internet search par same naam ki alag Rebecca nazar aa rahi thi. Kintu, Rebecca Elsher nahi.

Veer bahar se toh khud ko sakht dikha raha tha magar andar hi andar woh chintit tha. Ghabrahat bhi thi. Woh kisi bhi waqt behosh hoke gir sakta tha. Thakaan aur dard itna zyada tha ki woh abhi keval apni dridhta ke chalte khada hua tha. Aur, aisi dasha me iss aurat se ladna matlab apne hi perr par kulhadi maarne jaisa tha. Ye aurat zaroorat se zyada hi uske baare me jaanti thi.

Veer (frowns) : So... You were behind all of this, huh?

Rebecca : Hmm? Nahi! Tum bina thos saboot pesh kiye ye sab kaise keh sakte ho, Veer?

Veer : I saw it!!!

Rebecca : Oh!? Isliye, toh mein yaha par hu.

Veer : Huh???

Ek jhatke me Rebecca ne apni pocket watch nikaali aur use pendulum ki tarah daaye baaye ghumaate hue woh Veer ko dekhi. Uske haav bhaav achanak hi badal gaye.




Rebecca : Now...! You will have to forget every-

Par, uske bol adhure reh gaye kyuki, Veer ek jhatke me uski orr lapka. Aur, ye jaldbazi me uski sabse badi bhool thi.

*Baaaaammmmmmm*

Ek titanium se bana hua cane uski chaathi par zorr se laga jo uske poore dhaanche ko hila ke rakh diya. Woh seedha hawa me udta hua dur jaa ke deewar se jaa bhida.

"Hum pahuch gaye!!! Hum pahuch gaye!!!"

Baahar se achanak aate shor ne Rebecca ko chaukanna kar diya.

"Tsk! You are very lucky, my dear!"

*Craaaassshhhhh*

Woh wahi lagi kaanch ki khidki ko todte hue waha se kood ke bhaagi.

"W-Wait-!!!!"

[Maaasterrrr-!!!]

Veer apna haath felaate hue uthne ki koshish karta raha magar, uska shareer pehle hi bahut load jhel chuka tha. Aur, ye jaise antim vaar tha. Kyuki, agle hi shan woh behosh ho gaya.

[Maaasttterrr-!!!!]

Mine ke ek hisse me bheeshan aag lag chuki thi. Methane gas poori tarah se jalti jaa rahi thi. Aur, wo tab tak jalne waali thi jab tak ki andar maujood saara oxygen samapt nahi ho jaata.

Renshu aur baaki sabhi ne jaise hi saamne ka manzar dekha toh unke perro tale zameen khisak gayi.

'Y-Ye kya???'

Renshu : Aag ko bujhaane ki koshish karo aur kar sakte ho toh-!!! Ming!!! Erica ko dhundhne ke liye kuch log leke jao. Bo-!!! Cabin check karo.

Usne ek ke baad ek aadesh diye aur tabhi-

*Chakk-chackk-chak-chak chak-a-chak-akk-chk-chk-chk*

Upar hawa me ek copter zameen se utha. Renshu ne dur se uske darwaaze par dekha toh uska reaction bhi wahi toh jo Veer ka tha.

Rebecca helicopter ke darwaaze se Renshu ko halki muskaan ke saath ghoor rahi thi. Uska aadha chehra uski hat se dhaka hua tha jo usne ek haath se thaam rakhi thi.

Toh wahi, uska dusra haath uske kandhe par tiki kisi stree ko thaame hue tha. Aur, jaisi hi uss stree par Renshu ko nazre padi-

Ek aur jhatka use laga. Woh Divya thi!!! Jo behoshi ki haalat me Rebecca ke kandho par ladi hui thi.

'Shit-!!!'

Aur, helicopter chalaane waala koi aur nahi-!!! Wahi unknown system holder tha.

"Until next time... Li Renshu-!!!"

Uske bol waha goonj gaye. Aur, helicopter waha se udaan bharta hua nikal gaya.

'Damn it!!!'

Renshu : Captain? Miss Divya ke liye jinhe tainaat kiya tha woh kaha hai?

Captain Feng : Woh hamare peeche hi toh the na? Woh- huh!!!?

Feng ne jab dekha toh paaya ki captain 3 dur dur tak kahi nazar nahi aa raha tha. Na hi Divya, aur na hi Divya ke sang aaye Clark aur uska security guard.

Captain Feng : Shit-!!! Kaha gaye woh sab?

Renshu : Pehle Erica ko dhundho!! Jaldi!!!

Captain Feng : J-Ji!!!

Aur, kuch hi palo me Bo apne kandho par Veer ko leke haazir tha. Toh wahi Ava Erica ko apni peeth par laad ke Renshu ke samaksh thi.

Renshu : Ericcaaa--!!!!

Renshu ne uthna chaaha magar dard ke chalte ek karaah uske muh se nikal gayi.

Ava : Woh rest kar rahi hai. Don't worry! She's fine!!!

Renshu : Aur, Jaw Long?

Ava : He's dead!

Renshu ko apne kaano par yakeen nahi hua. Woh jaanta tha ki Jaw Long kin shaktiyo ka maalik tha. Aise me uski hi territory me ghus ke use maar dena, bahut badi baat thi.

Ava : Veer killed him.

Renshu : Huh??

Usne Veer ko dekha jo behosh hue Bo ki peeth par lada hua tha.

'Veer ne Jaw Long ko maar diya-!?'

[He's very powerful. I must say. Kuch bhi ho jaaye, iss ladke ko apne paas se mat jaane dena.]

Renshu apne khayalo se baahar aaya aur sabhi ko lead karte hue le jaane laga. Mine me lagi aag sirf ek hi hisse me thi aur woh jald hi apne aap hi bujh jaane waali thi. Beshaq, thoda bahut nuksaan zaroor pahucha tha magar utna nahi ki elements ko haani pahuch sake.

Filhal, yaha se nikalna zyaada zaroori tha. Unhe yaha se wapas lautne me lagbhag aadhe din se bhi zyada samay lag gaya.

Jaise hi Renshu apne ghar ke mukhya hall me pravesh kiya. Andhere me chamakti do hari aankhein use dassne ki nigaah se ghoor rahi thi.

Renshu : You're here!!!

"Tumne itni guhaar laga ke bulaaya tha. Mujhe aana hi tha."

Andhere se nikalte hue woh baahar aayi. Ye aur koi nahi ~ Garofano hi thi.

Renshu ne jo chithhi bheji thi woh Garofano ke liye hi thi. Jald se jald woh yaha par aa gayi.

Ava ne jab Garofano ko dekha toh woh aashcharya me reh gayi. Ava Garofano ko saamne se pehli baar dekh rahi thi. Woh China tab hi aayi thi jab Garofano ka matter samapt ho chuka tha. Isliye, Veer aur Garofano ke beech ki chemistry ko woh dekh na paayi.

Garofano ne aage badh jaise hi Bo ki peeth se Veer ko apne dono haatho me uthaaya toh Ava ki aankhein hairaangi me fel gayi.

Andar se dil kachot utha. Kaun thi ye ladki? Veer ka iske saath kya rishta tha? Aur, iss tarah se kyu uthayi hui thi woh use?

Ava (panics) : V-Veer ko-

Renshu : It's okay!!!

Ava ne kuch kehna chaaha lekin, Renshu ne haath uthaate hue use aashvashan deke shaant kar diya. Majbooran use chup hona pada.

Garofano ne ek teekhi nazar se Ava ko dekha jaise maano udhar hi use daboch ke dass legi. Kintu, bina kuch kahe woh Veer ko andar ki orr le gayi.

Le jaate hue uski bauhe Veer ki dasha dekh sikudi hui thi.

'Look at you now! Maine tumse kaha tha na Veer. Renshu tumhe Jaw Long se ladne bhejega. Mat jaana...! Fir bhi tumne meri baat nahi maani.'

Veer ko ahista se bed par litaate hue Garofano ne uske gaal ko pyaar se sehlaaya. Aur, usne kamre ko andar se band kar liya.

***

Kuch derr baad...

Erica ki palke jhapki. Aankhein malte hue woh uthi. Usne dekha ki ye toh uska hi kamra tha.

'Mein ghar pe-!?'

[Yes! We won.]

'Uhh!? Kya hua tha?'

[Mujhe kaise pata hoga? I couldn't see anything. Apne dad se pucho.]

'Right-!!'

Woh uthate hue aage badhi. Hall me hi use khusur pusur ki awaazein aa rahi thi. Dead Silence aur Chameleon ko activate kar woh dabe paav hall me darwaze ke paas pahuchi toh use andar ki baatein sunayi di-

Garofano : Maine tumse kaha tha na ki Veer ko mushqil me nahi daalna.

Renshu : Hmph! Ye baat tumhaare muh se acchi nahi lagti. Tumhari wajah se hi Veer uss faaltu case me fasa tha.

Garofano : What? Faaltu case? Tumhe pata bhi hai woh mere liye kitna important tha? Mujhe ye saari formalities karne me itna samay lag gaya ki mein pichli 2 raato se theek se soyi bhi nahi hu. Aur, Veer...! Uski haalat dekhi hai tumne? Kya soch ke use eastside akela bheja tha tumne?

Renshu (sighs) : Mujhse waqai iss maamle me galti hui hai.

Garofano : Huh?

Renshu (frowns) : Unki taraf se do system holders aur the-!!!

Garofano (in shock) : Do???

Renshu (nods) : Haan! Ek anjaan naujavan tha jo mujhse bhida tha. Aur, ek koi aurat thi. Helicopter me...! Woh ant me hi nazar aayi. Miss Divya uske kandho par ladi hui thi.

Garofano (frowns) : Iska matlab woh Divya ko kidnap kar ke chale gaye? Shit!!! Veer ne agar ye suna toh woh gusse me aa jayega.

Renshu : Kuch pak raha hai andar hi andar. Bahut gehraayi me...! Mujhe nahi laga tha itna involvement hoga kisi ka. Lekin, mein galat tha. Veer ne past zaroor dekha hoga Jaw Long ka...! Woh aur jankari hume de sakta hai.

Garofano : Par, galti tumhari hi hai. Akhir, tum use uss danav aadmi se ladne akele kaise bhej sakte ho?

Renshu (smiles) : Simply because of one reason...!

Garofano : Huh??

"...Because, Veer is stronger than I am!!!"

Aur, ye bol sunte hi Garofano se leke baahar khadi Erica ke badan me raungte khade ho gaye.
.
.
.
.
.
.
.
.
.
Aaj ke liye itna hi guys.
This update consists of 11.6k words. Sabse bada update ab ye ho gaya hai. Maine koshish bahut ki likhte rehne ki par 2:30 baje meri jhapki lag chuki thi. So, sorry for that...! Ab mujhse zyada late jaga nahi jaata kyuki subah jaldi uthne ki aadat dali hui hai. Isliye, mein kehta hu timing ka mat pucho karo. Par nahi!! Sudharna nahi hai!
Anyways, ek update aur bacha hai arc ke closure ka. Uske baad ye arc khatam hai. So, likes pelne ka aur revos rakhne ka. Target same hai apna. 200! Also, agar mujhe laga toh iss arc me ek update aur badha dunga. But I don't think ki wo necessary hai filhal.
Dhanyavad!

 

[bantoo]

MIND-BLOWING UPDATE

 

[Bhupinder Singh]

Update - 178 ~ The Collapse
[Note : Update kaafi bada hai. Itminaan se padhna.]​

Ab tak...

Ava jo Veer ko uthata dekh ek raahat ki saans li, usne apni katana ko hawa me feka jo Veer ke bagal se jaa ke zameen par khus gayi.

Ava : Take it... Veer!!!

Magar, Veer ke muh se uske baad jo bol nikle woh uske nahi the. Awaaz uski hi thi, parantu bol Pari ke the.

"I don't need any weapons...! I AM THE WEAPON!!!"

Ab aage...

“Aage badhte raho! Aage badhte raho!”

“Hume rukna nahi hai! Lord aur Miss Erica hamare liye itni kathnaiyo ka saamna kar rahe hai.”

“Chaukanna raho! Aur, Captain Feng ko follow karte raho!”

Order ke do senior sadasya Bo aur Ming baaki sabhi ko samjhane me lage hue the. Sab ke sab Jawan Feng ke peeche peeche uske nirdesh anusar chalte jaa rahe the. Kayi log ghayal awastha me the toh kayi saare ladne ke baad thakaan se joojh rahe the. Magar, kuch chuninda aise the jo apni jaan bhi gawa chuke the.

Unit 2 ka saamna sabhi ne poori nidarta se kiya tha. Par, Legion ke log marr mitne ke liye taiyaar baithe the. Ghamasan ladayi me kayi logo ne apni jaane gawayi aur kuch buri tarah chotil ho gaye. Apne logo ko marta dekh bhala Order kaha chup baithne waala tha? Renshu ke aadesh ke vipreet jaa ke akhir unhone bhi apne bhaiyo ki maut ka badla liya. Bina khoon kharaabe waali ladaayi ab maut ki jung bann chuki thi.

Prann toh liya tha ki kisi ki bhi jaan nahi lenge. Par, jab Legion ke logo ko jaan ki parvah hi nahi toh bhala Order bina pratishodh liye kaise shaant reh sakta tha? Na hi Renshu yaha maujood tha aur na hi Erica. Iss waqt agar Order ke members ko kisi ki shiddat se talash thi toh woh thi apne Lord ki jo unhe kahi bhi nazar nahi aa rahe the.

Bo : Na jaane Lord kaha chale gaye hai. Woh theek toh honge na?

Ming : Lord ko dhundhna hamari sabse pehli priority honi chahiye.

Captain Feng : Dekho! Humare aadmi ghayal hai. Agar, hum firse kisi ladayi me pade toh aur log ghayal honge. Ho sakta hai aur bhi log apni jaan gawa baithe. Aise me sabse pehle humara Renshu Sir ko dhundhna bahut zaroori hai. Kyuki, iss jangal ka kona-kona wahi acche se jaante hai. Tum me se koi hai jo iss jangal se parichit ho?

Bo (aage aate hue) : Mein Lord ke saath kayi baar andar tak gaya hu. Lekin, din ke samay me. Iss andhere me mujhe samajh nahi aa raha ki kaha jaana chahiye. Haan, magar disha ka anuman hai mujhe. Abhi jaha par hum hai, yaha se hume dakshin-poorv disha ki orr badhna chahiye.

Captain Feng : Dakshin-poorv…? Matlab South-east! Pakka? Kya tumhe poora bharosa hai? Yahi sahi disha hai?

Bo (nods) : Haan! Mere khayal se yahi honi chahiye! Mine ka raasta wahi hona chahiye.

Captain Feng : Mere khayal se nahi…! Agar, zara bhi choonk hui toh ho sakta hai ki hum unke kisi jaal me jaake phans jaaye aur sab ke sab maare jaaye.

Bo : Toh aur hum kar bhi kya sakte hai? Yaha khade bhi toh nahi reh sakte na?

Ming : Captain Feng! Mujhe lagta hai Bo theek keh raha hai. Lord ke saath ye kayi baar yaha aa chuka hai aur ise hum sab se zyada anubhav hai. Hum satark reh ke uss disha me aage badh sakte hai. Zyada se zyada kya hoga? Hume ek aur unit se bhidna padega? Yahi karne toh hum yaha aaye hai. Pehle hi humne apne kuch saathiyo ko kho diya hai. Toh fir ab darr kaisa?

Captain Feng (sighs) : Theek hai! Ladayi ab aar ya paar ki ho hi gayi hai toh yahi sahi. Tum…! Aage aao aur mere saath chalna. Baaki sabhi…! Humaare peeche rahenge.

Captain Feng ne Bo ko apne sang chalne ke liye kaha jo iss jangal se thoda bahut parichit tha. Baaki sabhi unke peeche peeche chalne lage. Magar, sabse peeche ke sadasyo me se chal rahi Divya ki vyakulta ab apni seema ko laangh chuki thi.

Divya (pants) : Y-Ye sab chal kya raha hai? Hum kaha jaa rahe hai? Na hi direction ka pata hai, na hamare group ko lead karne waale mil rahe hai, na hi mere friend ka ata pata hai aur upar se-

Usne apne haath me liye hue phone ki screen ko ek baar punah dekha jisme koi bhi network dikhayi nahi de raha tha.

Divya : ...upar se ye goddamn network bhi nahi mil raha hai.

Jawaan 3 (glances) : Ye toh lazmi hai, Miss. Iss ghane jangal me... bhala kaise aapko koi network mil sakta hai?

Divya : Shit!!! Agar, mujhe pehle pata hota toh mein kam se kam kuch zaroori gadgets hi le aati.

Jawaan 3 : Filhal aage badhne ke alawa humare paas koi chaara nahi.

Divya (frowns) : Hamare group ke logo me se kayi log maare gaye hai. Jaane chali gayi. Y-Ye chhoti moti baat nahi.

Jawaan 3 : Isliye to Renshu Sir ne aapse wapas jaane ke liye kaha tha. Yaha aapka koi kaam nahi hai. Fir kyu-!?

Divya : Mein FBCC se hu, Special Agent Divya. Aur, ye mera first assignment hai. Mujhe iss case ke baare me saare raaz jaanane hai. Aur-

Kehte hue uske bol wahi tham gaye. Woh sirf FBCC ke diye gaye assignment ki wajah se yaha nahi thi.

'-Aur mein jaanti hu ki Veer mujhse kuch chhipa raha hai. Woh sirf business karne yaha nahi aaya hai. Director ne bhi mujhe hint kiya tha. Veer ka aise bade bade cases me involved hona. Koi gehra raaz chhipa hai iske peeche-! B-But where is he?'

Apne mann me soch bina kuch aage kahe, woh jawaan ke saath aage badhne lagi. Uski bauhe chinta aur sanshay ke maare kasi hui thi. Iss case ki teh tak jaane se zyada woh Veer ko dhundhne ke liye zyada aatur thi.

Unhe chalte chalte kuch samay beet gaya. Ghane jangal me neeche beechi jhaadiyo ko alag kar woh jaise hi ek khule hisse me daakhil hue toh saamne ka manzar dekh unn sabhi ki aankhein bhay ke maare fel gayi.

"Looordddd!!!!"

"Loooordddd-!!!"

Pukaarte hue woh sabhi saamne ki orr bhaage. Saamne Renshu ped ke tane se lag kar zameen par baitha tha. Magar, unke bhay ka kaaran ye nahi tha.

Kaaran tha unke Lord ki yeh dasha. Renshu ke pait se labalab khoon baha hua tha. Uske pait ko dekh lag raha tha ki kisi ne use nukeele auzaar se cheer diya ho.

Bo : L-Loooorddd-!!!

Samast sadasya Renshu ke ird gird aate hue use gher liye. Bo aur Ming aage aate hue uske paas baithe aur use sahara dete hue uthaane ki koshish karne lage. Unn sabhi ki aankhon me darr toh tha hi par saath hi woh namm bhi padne lagi thi.

Ming : L-Lord-!! Y-Ye kya-!? Kaise? Aapko?

Renshu ne apni palke uthaate hue unn sab ko dekha. Uski saansein ukhdi ukhdi chal rahi thi. Woh samajh gaya ki uske Order ke sadasya uski ye haalat dekh bhaari chinta me aa chuke the. Usne apna daaya haath hawa me uthaaya aur unhe aashvasan dete hue kaha.

Renshu : M-Mein theek hu-!!! Tum sab ko chinta karne ki zaroorat nahi.

Captain Feng (frowns) : Aap theek hai? Apni haalat dekhiye. Ye jaanleva hamla tha. Kisne kiya ye?

Renshu : Chinta mat karo! Ye toh bas mamooli sa- urgh-!!!

Jaise hi usne uthna chaaha, uske pait ke ghaav na use saaf inkaar kar diya.

Bo : Loooorrdd!!

Renshu : Mujhe bas thoda samay lagega. Pareshan mat ho. Aur, pehle... Jald se jald iss par patti baandh do.

Captain Feng : Patti baandhne se kuch hoga, Sir? Jaisi aapki dasha hai aapko isi waqt hospital me le jaane ki zaroorat hai. Damn it!!! Kaash government ki taraf se kam se kam helicopter hi assign kiya gaya hota... Toh aaj... Toh aaj ye sab-

Uske swar me nirasha thi aur krodh bhi. Jaise wo aage ke anjaam ko jaanta tha. Use lag raha tha ki ab Renshu ki zindagi kuch ghanto ki hi mehman thi. Peeche khadi Divya bhi jab saamne aayi toh uske chehre par bhi wahi bhaav umad pade jo samast sadasyo ke chehro par the. Aur, uska anuman bhi Feng se mel khaane wala hi tha.

Divya (frowns) : Y-Ye ghaav...! Bahut bada hai. M-Mujhe nahi lagta ki ab...

Uske kehne ka matlab saaf tha. Aisa ghaav agar kisi bhi aam insaan par hota toh harr koi andaza laga sakta tha ki uska bhavishya kya hone waala tha.

Maut!

Aise ghane jangal me iss tarah ke ghaav se grasit hone ke baad zara bhi sambhavna nahi bachti ki woh insaan zinda wapas ghar laut paaye. Kyuki, lautne ke dauran samay hi itna guzar chuka hoga ki blood loss ke chalte aadmi apni jaan beech raste me hi gawa dega.

Parantu, Captain Feng, Divya aur baaki sabhi sadasya... Koi bhi ye nahi jaanta tha ki Renshu ke paas system tha. Woh koi maamooli vyakti nahi tha.

Renshu Divya aur Feng ko dekh halke se muskuraya aur bola.

Renshu : Mujhe aam insaano ki tarah mat samjho captain! Shaolin ka master hu mein aur Order ka Lord! Ye mamooli chot kuch bhi nahi.

Captain : …?

Divya : ...?

Idhar Bo apne Lord ki aagya ka paalan karte hue aage aaya aur Renshu ke ghaav ko saaf karte hue uske pait par chinese jadi-bootiyon se bani aushdhi ka lep laga kar patti baandhne laga. Ghaav dekh ke bechaare unn sabhi members ki haalat kharab ho rakhi thi. Kintu, Renshu ke chehre par zara bhi dard ke bhaav nahi jhalke.

Ek baar punah sabhi ke mann me unke Lord ke liye izzat aur badh gayi. Akhir kitne sehen-sheel vyakti the unke Lord. Renshu ki marham patti ho jaane ke baad, kuch derr sabhi ne wahi theherne ka faisla liya. Kuch neeche zameen par apne Lord ke ird gird baith gaye toh kuch ped ke tane se tik kar khade ho gaye. Kuch abhi bhi hathyaar liye chaukanne the toh kuch do-chaar ke samooh me apni-apni vartalaap me jut gaye.

Unhi me se Captain Feng ne apne chaaro orr nazre maarte hue ilaake ka jayza liya. Andhere ke chalte use zyada dur ka toh kuch nahi dikhayi diya par apne aas paas ka nazara wo bhali bhaanti dekh paa raha tha. Kayi saare hathyaar zameen par bikhre pade the. Kahi kahi zameen aisi thi jaise maano waha par koi bada visfot hua ho. Sookhe patte bhi ajeeb tareeqe se ast-vyast bikhre hue the. Yeh kisi ghamasan ladaayi ka sanket de raha tha.

Captain Feng : Yaha kuch hua tha. Hai na?

Uske sawaal par Renshu ek baar fir muskuraya. Captain Feng waqai captain kehlaane yogya tha.

Renshu (nods) : Hmm!

Captain Feng : Trap?

Renshu (nods) : Hmm!

Captain Feng (frowns) : Fir?

Renshu : Mujhe gher liya gaya tha. Ek prakar ka jaal tha jo mere liye bichhaya gaya tha. Mujhe maarne ke liye.

Bo (scowls) : Unki itni himmat??

Divya : A-Aur, aap? Aap uss trap se akele baahar nikal aaye?

Renshu : Mujhe nikalna hi tha. Ye mamooli cheezein mere patan ka kaaran nahi bann sakti.

Ming : Woh hamaare Lord hai, madam! Koi aam insaan nahi!

Divya (glances) : …

Captain Feng : Aap waqai theek toh ho na? Kyuki, woh chot-

Renshu : Ghabrao nahi! Meri jaan khatre me nahi hai. Ghaav gehra zaroor hai par mein ghar lautne me saksham hu. Haan, iss haalat me mein daud nahi sakta par chal zaroor sakta hu.

Bo : Ye aap kaisi baat kar rahe hai, Lord? Hamare rehte hue aap iss haalat me kaise chal sakte hai bhala? Hum sab kis liye hai? Hum aapka sahaara banenge.

Renshu : Nahi! Tum sab khud thake hue ho. Apni haalat dekho zara. Aur, wese bhi mujhe chalne me dikkat nahi hogi.

Bo : P-Par-

Renshu : ORDER!!!!

Uske thoda sakhti se kehte hi Bo ne apna sarr turant hi aagya maante hue jhuka liya.

Bo : Jaisa aap kahe, Lord!

Captain Feng (sighs) : Aap ko confident dekh mujhe thodi raahat mili. Par, shayad meri iss khabar se kahi aapka confidence gir na jaaye.

Renshu : Hmm???

Captain Feng (frowns) : Order ke 6 sadasya maare gaye.

Khabar sunte hi Renshu ka sarr neeche jhuk gaya aur apne bhaale par uski pakad mazboot ho gayi.

Captain Feng : Maine bahut koshish ki ise rokne ki magar... Magar, Legion ke log jaise thaan ke aaye the ki unhe jaan leni hi hai. Mein chaah ke bhi kuch kar na saka. M-Mujhe maaf karna-!

Renshu jaanta tha ki aisi ladayi me harr koi sahi salamat bach ke nikal aaye ye sambhav nahi tha. Mann hi mann woh pehle se hi iske liye taiyar tha. Parantu, fir bhi... apne aadmiyon ko khona nirasha janak hi tha. Use jaise fir kuch dhyaan aaya.

Renshu : Tumhari galti nahi-!!! Erica!!! Ye Erica ki zimmedari thi. Kaha hai woh? Erica???

Nazre daudate hue Renshu ne chaaro orr dekha par Erica ka koi naam-o-nishaan nahi tha. Captain Feng, Bo aur Ming teeno ek dusre ko asmanjas me dekhne lage. Koi kaise kahe ki unki laadli Erica unhe pehle hi rann-bhoomi me chorr kahi aur hi laapata ho chuki hai.

Bo : L-Lord-!!

Renshu : Huh?

Bo : Miss Erica humaare saath nahi hai.

Renshu (frowns) : Tumhare saath nahi hai matlab?

Bo : W-Wo-!! L-Lord woh-

Captain Feng : Miss Erica bina bataaye pehle hi kahi aur chali gayi.

Jab Renshu ne ye suna toh uski aankhein aashcharya ke maare fel gayi.

Renshu : Kya?

Captain Feng : Ji! Woh jaise hi hamare paas aayi thi toh unhone humse yahi kaha tha ki unhe bahut zaroori kaam hai aur unka waha pahuchna bahut zaroori hai. Uske baad wo kaha gayi hum me se kisi ko kuch nahi pata.

Renshu ne agle hi shan itni zorr se apna haath ped par maara ki ped ke tane ka kuch hissa ukhad ke neeche gir gaya. Waha maujood sabhi log darr ke maare ekdum shaant pad gaye.

Renshu (gusse me) : Eriiicaaaa!!!!! Erica!!!! Maine use samjhaya bhi tha ki Order ko lead karne ki zimmedari uske sarr hai. Aur, uske bawajood wo...! Tum me se kisi ne roka kyu nahi use?

Ming : Humne bahut koshish ki thi, Lord. Magar, woh hamari baatein sunane ko taiyaar hi nahi thi. Bahut hi chinta me aur jaldbaazi me lag rahi thi.

Renshu (frowns) : Maine samjhaya tha use ki abhi wo frontline missions ke liye taiyaar nahi hai. Tch!!!

[Renshu! Zara pucho ki woh kis disha me bhaagi thi.]

'Hmm!'

Renshu : Tumhe yaad hai wo kis disha me gayi thi?

Bo (nods) : Jaha se hum aaye the, Lord. Usi disha me wo wapas gayi thi.

Jawaab sunte hi Lloyd ki awaaz punah Renshu ke mann me goonji.

[Samajh gaya. Erica agar jaldbazi me hamare aadmiyon ko chorr ke bhaagi hai toh iska ek hi kaaran ho sakta hai, Renshu.]

'Veer-!?'

[Exactly! Blemish apply kiya hoga usne. Iska matlab wo wapas se lauti aur eastside ki orr gayi hogi jaha... Shit! Blemish se notification aana iska matlab Veer khatre me hoga. Aur, Erica wahi gayi hai.]

Ye gyaat hote hi Renshu ke badan me ek sihran daud gayi. Erica uska sab kuch thi. Agar, use kuch ho gaya toh-

'Nahi!'

[Agar, tum ghayal na hue hote toh hum isi waqt mine ke raaste ki orr badh sakte the.]

'Tsk-!!! Ye ghaav!'

Usne apni chot par haath ferr kuch derr pehle ki ghatna ko yaad kiya. Sab kuch uski mutthi me tha. Par, achanak se hi jaise uss anjaan system holder ne baazi palat di thi.

Kuch derr pehle...

Renshu jab unknown system holder ko giraane ke baad uski orr badha toh kahi se bhi wo anjaan naujavan koi bahut shaktishali vyakti prateet nahi ho raha tha.

Uski vyatha saaf batla rahi thi ki use kaafi ghaat pahuchi hai. Renshu uske samaksh aake bas chand qadam ki duri par khada hua aur bola.

Renshu : Maine pehle hi kaha tha ladke. Mujhse bhidna vyarth hai. Tum aaye toh apni marzi se the magar jaoge meri marzi se.

Lekin, woh anjaan system holder khamosh hi raha. Apni saanso ko durust karne me laga hua tha. Muh par kapda lipte hone ke kaaran Renshu ko uska chehra nazar nahi aaya. Apne bhaale ki nok ko uske gale ke saamne kar usne chetavni di.

Renshu : Ab jo mein sawal puchu, unke jawaab seedhe-seedhe ugal dena. Warna, ye bhaala tumhare sarr ko dhad se alag kar dega.

Kintu, wo naujavan ab bhi khamosh bana raha. Uski taraf se koi bhi pratikriya nahi hui.

Renshu (frowns) : Kisne bheja hai tumhe yaha?

Koi jawab nahi. Renshu ke maathe par silvatein aur gehri ho gayi.

Renshu : Tumhe sunayi nahi diya? Maine pucha ki kisne bheja hai tumhe yaha?

Magar, ladka toh jaise uski baato ko ek kaan se sunn dusre kaan se nikaalta jaa raha tha.

Renshu : Tum aise nahi maanoge...!

Gusse me aa ke Renshu ne apne bhaale ko haath me do baar ghumaya aur nishaana saadhate hue woh uss ladke ke kandhe me bhaala khosne hi waala tha jab-

"Hahahaha-!!!"

Woh ladka achanak hi dheere se hassne laga. Uske kandhe thahaako ke chalte upar neeche uchhalne lage.

'!!?'

Ye dekh Renshu wahi ruk gaya. Kya ye ladka pagal ho gaya tha? Iss haalat me bhi bhala woh kaise hass sakta tha?

Ladka dheere dheere apne haath upar kar khud ko nihattha dikhaate hue utha. Renshu ka nishaana ab bhi uske kandhe par jama hua tha.

Ladka : Mein haar gaya! I really surrender.

Akhir kaar, uske muh se kuch shabd nikle.

Renshu : Mujhe bakwas nahi sunani. Mere sawal ka jawab do. Tumhe yaha kisne bheja?

Ladka : Hmm! Agar, mein jawab de du toh kya tum mujhe yaha se jaane de doge?

Renshu : Woh depend karta hai ki tum sahi jawaab dete ho ya nahi!

Ladka : Hahahahahahaha!

Ek baar fir woh zorr zorr se hassne laga. Jaise maano uss par koi bhoot sawaar ho gaya ho.

Ladka : Agar, mein sahi jawab deta hu toh use tum galat thehra ke mujhe maar daaloge. Aur, agar galat deta hu toh bhi. Toh, fir mere jawab dene ka matlab hi kya? Hahahahaha!

Renshu (frowns) : Mein aisa nahi karunga. Tum jaise system holders ko jitna ho sake mein maarne se khud ko rokta hu.

Ladka : Tch! Tch! Tch! Nahi nahi nahi! Tumne yaha par galat baat keh di.

Renshu : !!!??

Ladka (grins) : TUM...! MUJHE MAAR HI NAHI SAKTE!

Khatra!!! Renshu ko jaise uske haav bhaav dekh ek bura andesha hua. Lloyd ki oonchi awaaz bhi uske mann me turant goonj gayi.

[Renshuuuu-!!! Dur hato-!!!]

Aankhein phaade Renshu ne na aav dekha na taav aur seedha apna bhaala uss ladke ke kandhe ki orr feka.

*Swoosh*

Magar, ladka jaise jaanta tha ki uske kandhe ki taraf bhaala aayega. Halka sa bagal me hote hue wo hamle se bacha aur bhaala seedhe ped me jaa ke dhans gaya.

*Thuck*

Usne agle hi shan apne kapdo me kahi se gol sa padarth nikaala aur ungliyon se use Renshu ke perro ki orr feka...! Aur, tabhi-

*Pufffff*

Halka dhua Renshu ke ird gird fel gaya.

'Smoke bomb!!?'

[Smoke bomb nahi. Uska chhota roop hai ye. Baahar niklo! Jaldi!!]

Renshu dhue me se baahar aane ke liye peeche ki orr ucchla. Magar, jaise hi usne chhalaang lagayi. Hawa me rehte hue use ek dhwani sunaayi di, jise sunn uska badan thanda pad gaya.

*Whish*




Aankhein bhay ke maare fel gayi. Ye awaaz aisi thi jaise maano kisi patle se wire ko haatho me leke kheencha gaya ho.

Aur, Renshu ka anumaan ekdum sahi tha. Uss ladke ne-

Apne haath se adrishya samaan wires ko kheencha. Agle hi pal zameen me khusi hui ek blade jo unn wires se bandhi thi woh Renshu ki taraf peeche se tez raftar se lagne ko aayi.

Magar, tabhi-

*Ding*

[Rapid Reaction]

Uski skill activate hui aur usne turant apne ped me khuse bhaale ko chain se zorr se jhatka deke kheencha.

*Kha-ching*

Bhaala itni raftar se uski orr aaya ki hawa me hi Renshu ne khud ke shareer ko tilt kar uss se bacha liya. Aur, woh bhaala seedhe jaake-

*Clang*

Peeche se aa rahi uss blade se takraya aur dono hathyaar hawa me zorr se bhidant ki wajah se gol ghum neeche gir gaye.

'Akhir, usne ye kab-!???'

Renshu hakka bakka tha. Bhala ye wires se lipti blade uss ladke ne kab zameen me khos di?

[That time...!]

Lloyd ne jaise turant hi use yaad dilaya. Renshu ke mann me kuch derr pehle hui vardaat chal-chitra bann daud gayi. Jab usne Mayhem ke lethal attack se uss ladke par hamla kiya tha tab woh ladka hawa me udte hue ped se jaa bhida tha.

Aur, yahi wo waqt tha jab uss ladke ne hawa me hi girne se pehle woh blade neeche khos di thi.

[He was waiting for us. What a scum!]

Ye gyaat hote hi Renshu ne apne daant gusse me mees liye.

Kintu, asli khatra toh ab tha-

*Whoosh*




Dhua halka sa chhata aur achanak hi woh ladka Renshu ke upar lapka. Uske haath me ek chaaku thi. Wire se bandhi blade ka woh hamla toh bas uska dhyaan bhatkaane ke liye tha. Asli vaar toh ye tha.

'Shit-!! A feint attack-!?'

[Renshhhuuuu-!!!]

Na hi uske paas bhaala tha aur na hi itna samay ki bhaale ko kheench liya jaaye. Rapid reaction ne activate hona chaha par jaise woh kisi kaaran-vash ho hi na paayi.

Aur, tabhi-

*Squelchhhhhh*

Hawa me khoon ke chheethe bikhar gaye. Ek dabi hui karaah Renshu ke muh se nikli. Aur, saath hi uss ladke ke hontho par kutil muskaan felti chali gayi. Chaaku Renshu ke pait ko cheerte hue andar ghus chuki thi.

[Renshu-!!!]

'Urgh-!!!'

Dard ko sehen karte hue usne ladke ko jakda par ladka jaise chaaku ko aur marodte hue uske pait se atadiyo ko baahar nikaalne ki firaq me tha.

Renshu ne fauran hi ek haath se uske haath ko roka aur dusre se usne ek zordaar hamla uske sarr par maarna chaaha. Magar, ladka chaaku ko uske pait me chhorte hue khud ko chhura kar peeche kood gaya.

Ladka : Khush-kismat ho tum jo mujhe pehle chot pahucha paaye. Warna, aaj tumhara ant yahi kar deta mein. Par...! Par, abhi ye possible nahi. Tum zaroor bach gaye. Lekin, tumhare dwara bheja gaya woh ladka ab tak junglee janvaro ka maans bann chuka hoga. Hahaha!

Renshu : H-Huh-!?

Ladka (grins) : Jaw Long ke paas Animal Kingdom hai, Li Renshu. Aur, black magic se ladi hui skills aur cards. Ab toh uss ladke ka maans noch-noch ke kha rahe honge janvar. Hahahaha-!!! Tarqeeb acchi lagayi thi tumne ek aur system holder ko bula ke use eastside me bhejne ki. Par-! Tum isme akele nahi the.

Renshu ne jaise hi Jaw Long ki skills aur cards ke baare me suna, uske badan me raungte khade ho gaye. Veer ke liye chinta uske andar samaayi.

Renshu (growls) : T-Tum-!! Kaun kaun hai iske peeche?

Ladka : Tum toh aise puch rahe ho jaise mein ye saare jawaab tumhe de dunga. Hahahaha! Fir milenge...! Li Renshu-! Of course... Agar, tum zinda rahe toh-! Goodbye!

Renshu : R-Ruko-!!! Urgh!!!

Magar, ladka waha se tezi me faraar ho gaya. Woh chaahta toh Renshu ko maar sakta tha lekin, use dur kahi se patto ke hilne ki awaaz pehle hi sunayi de chuki thi. Reinforcements apna raasta tay kar yaha aa rahe the. Majbooran use yaha se bhaagna hi pada.

Renshu apne pait me khusi chaaku ko jakde ped se lag ke neeche baith gaya. Sabse zaroori tha blood loss ko rokna. Usne chaaku ko nikaalte hue use feka. Aur, agle hi shan-

*Ding*

[Chi Perception]

Uski skills me se ek badi hi khubsurat aur upyog me aane waali skill. Aankhein band kar Renshu ne apni chot ko andhruni taur par mehsoos karna shuru kiya.

Chi ka arth hota tha urja. Chi perception use urja ko mehsoos karne ka nazariya uplabdh karwati thi. Woh apne pait ke andar hui haani ko apni urja ke zariye bareeki se jaanchne laga.

Usne ek gehri saans li...! Lloyd ne use chi perception bahut hi acche se sikhaya hua tha.

'Jaha dhyaan hota hai, waha urja hoti hai. Jaha urja hoti hai, waha uddeshya hota hai.'

Lloyd ke kahe gaye ye bol pehle use kadapi samajh nahi aate the. Magar, ab jaise woh isme maahir ho chuka tha.

Apne dhyaan ko usne apni chot par kendrit kiya. Uske mastishq se saari fizool baatein gayab ho chuki thi. Dimag me bas ek hi vichar ghoom raha tha. Aur, woh tha apni chot ko andhruni taur par mehsoos karna.

Jaha dhyaan hota hai, waha urja hoti hai. Chot par dhyaan lagaate hi use uss jagah apni urja mehsoos hone lagi. Woh urja ko apne mann ke hisaab se ek aakaar dene laga.

Jaha urja hoti hai, waha uddeshya hota hai. Apni urja ko mehsoos karte hi... Usne uss urja ko uske uddeshya me laga diya. Aur, uddeshya tha-

Khoon ko baahar behne se rokna. Aur, yahi thi ~ Chi perception. Jo na sirf aisi sthitiyo me balki aakraamak aur bachaav dono hi tareeqo ke liye bhi upyog ki jaa sakti thi.

Yahi sab hua tha inn guzre lamho me. Isi beeti vardaat ko yaad kar woh apni vichaaro se baahar aaya. Order ke sabhi log use chinta-janak bhaav liye ghoor rahe the.

Erica ke liye ab uski chinta atyadhik badh chuki thi. Khaas kar ye jaanane ke baad ki Jaw Long kin-kin prakaro ki shaktiyo ko apne paas rakhe hue tha.

Renshu : Captain! Hume jald se jald mine ke raaste ki orr badhna hoga.

Captain : M-Magar, aisi haalat me aap-?

Renshu : Samay bahut kam hai, captain! Meri beti kisi badi musibat me ho sakti hai. Mera waha pahuchna bahut zaroori hai.

Bo : Lord ke baare me chinta karne ki zaroorat nahi. Hum sab kis liye hai? Ming!! Lakdiyo ko ikhatta kar ek takhta taiyaar karwao. Hum Lord ko uss par bitha ke le jayenge.

Ming (nods) : Hmm!

Aur, Bo ke sujhaav par sabhi aadmi lakdiyo ko ikhatta kar ke ek takhte ko banaane me jut gaye.

Divya : Mera bhi ek sawaal hai.

Renshu : Hmm?

Divya (frowns) : Mera dost...! Veer kaha hai? Ye straight wala rasta Eastside ke raaste se kab milega? Agar, use kuch hua toh-

Renshu : Bas, thoda dur aur-! Hum mine ke kaafi nazdeek hai. Iske thoda baahar nikalte hi hum uss raaste par aa jayenge jaha se eastide judta hai. Aur, Veer sahi salamat hi hoga.

Divya badle me boli kuch nahi. Magar, uski bechaini uske chehre par saaf jhalak rahi thi. Toh wahi Renshu ne keh toh diya ki Veer sahi salamat hoga lekin, use khud andar hi andar nakaratmak vichaar khaaye jaa rahe the.

Renshu : Hamare log... Jinhone apni jaane gawayi. Woh sab kaha hai?

Bo (sarr jhukate hue) : Unhe wahi dafna diya humne, Lord. Hum unke shav ko saath leke nahi chal sakte the. Aur, unhe uss tarah waha chorr bhi nahi sakte the. Isliye, jo sabse sahi hume laga, humne wahi kiya.

Renshu (nods) : Tumne theek kiya. Aur, Legion ke logo ka kya jo maare gaye?

Bo : Unko bhi humne wahi dafna diya, Lord. Aap ne hi sikhaya tha. Jab tak hum zinda rehte hai tabhi tak ye dost dushman ki paribhasha hum par laagu hoti hai. Maut ke baad kya dushman aur kya dost. Sab ek samaan reh jaate hai. Isliye...!

Renshu (smiles) : Tumne kahi kuch galat nahi kiya. Mujhe tum sab par naaz hai.

Sabhi badle me muskuraye. Bhale hi kuch saathiyo ko unhone kho diya tha. Par, woh jazba aur woh ekta ab bhi unme kaayam thi. Aur, unn jaan gawaane waale logo ke balidaan ko woh yu hi vyarth nahi jaane dena chaahte the.

Bo : Mine hum hathya ke rahenge!

"Haaaaaaannn!!!!"

"Yeaaaahhhhhh!!!!"

"Order-!!!!"

"Zindabaaaaaaddd!!!!"

Renshu ne turant hi seeti bajaayi. Toh kahi se na jaane ek kabootar udti hui aasmaan se uske paas aake uske haath par baith gayi.

Renshu ne apne kapde me se ek chithhi nikaali aur use modte hue uske chhote chhote perr par baandh diya.

"Tumhe pata hai na kya karna hai?"

*Coo-hooo*

Woh jaise jawab me chehki. Aur, use apne haatho me lete hue Renshu ne use hawa me chorr diya. Woh pankh fadfadaate hue waha se ravana ho gayi.

Aur, isi tarah Renshu ko takhte par baitha ke woh sabhi fir mine ke raaste par chal diye.

***

Deep inside Eastside...

Jaha Renshu aur baaki sab Eastside ke raaste se judne ke liye nikal pade the wahi yaha idhar jangalo ki gehrayiyo me avishvaneeya drishya dekhne ko mil rahe the.

Pari ne Veer ke shareer par apna niyantran kar liya tha. Veer ke ird gird ki hawa bhaari ho chuki thi. Uske khatarnak aura ke chalte uske baal hawa me lehra rahe the aur jin teero ko fekte hue Jaw Long ne unn par insaano ki khopdi latkayi hui thi woh khopdiya bhi kit-kitate hue hawa me kampan maar rahi thi.

Sookhe patte kisi bheegi billi ki tarah thar-thar kaanp rahe the. Jaw Long khud do qadam peeche ko ho chuka tha. Toh wahi, Erica samet Ava dono ke muh hairat ke maare khule hue the.

[What- What is this?]

Lily ki awaaz Ava ke mann me goonj gayi. Magar, jab Lily ko khud nahi pata tha toh bhala Ava ke paas koi jawab kaise ho sakta tha. Yahi haal Genie aur Erica ka bhi tha. Woh bhauchakki si Veer ke iss naye vikral raudra roop ko dekh rahi thi.

Apne kaale jaadu ka upyog kar Jaw Long ne tamaam nakaratmak urjao se bhaint ki thi jinka aura kaala paaya jaata tha. Magar, usne aaj tak apne jeevan kaal me itna prachand black aura kisi ka bhi nahi dekha tha. Aura itna bheeshan tha ki Veer ke badan ke baahar tak wo lapte maar raha tha.

Aur, Jaw Long ke liye sabse asahejta waali baat thi Veer ki woh muskaan jo iss samay ajeeb tareeqe se uske hontho par feli hui thi.

Veer ne ek qadam apna aage badhaaya-

*Ba-dump*

Jaw Long ki dhadkane tez ho gayi.

Teer me latki hui khopdi ko Veer ne apne ek haath se baahar nikala aur aankhon ki putli waale chhed me apni ungli daal woh khopdi ko gol-gol ghumaane laga. Uske iss roop ko dekh Ava samet Erica ka badan kaanp utha.

Zorr se khopdi ko ghumaate hue usne woh kisi gulel ki tarah chorri jo seedhe Jaw Long ke sarr ki taraf sansanati hui aayi aur-

*Craaaassshhhhh*

Sahi samay par Jaw Long ne apne sarr ko baayi orr jhuka liya. Khopdi uske baalo ki lato se takrate hue jaa ke peeche ped se bhidi aur tukdo me toot ke bikhar gayi.

Insaan ki khopdi sabse mazboot haddiyo me se maani jaati hai. Kitna force lagta hoga ki khopdi ko tukdo me tod ke bikher diya jaaye?

Veer ki aankhein laal ho rakhi thi. Beowulf ON tha. Aur, uski agility, aur senses pehle se kayi guna badh chuke the.

Force = Mass x Acceleration

Veer ne uss khopdi ko itni zorr se feka tha ki uska acceleration hi itna tha jiske chalte uska force apne aap badh gaya. Nateeja? Uska tukdo me bikhar jaana.

Pichli baar woh Jaw Long se bhidte waqt Beowulf ka istemal kar hi nahi paaya tha kyuki Beowulf ki timing ka saara samay usne janvaro se bhaagne me laga diya tha. Magar, iss baar woh taiyaar tha.

Ava aur Erica ekdum stabdh thi. Unke hosh ude hue the. Aur, tabhi-

*Whooooooosshhhh*

Veer apni jagah se gaayab ho gaya-!!

Jaw Long : Tā hěn kuài (He's fast)

Dara hua vyakti... Hamesha apni maatra bhaasha me hi bolta hai. Bhale hi Jaw Long tribal bhaasha ki boli waala tha magar, janm toh uska china ki bhoomi me hi hua tha. Maatra bhaasha toh chinese hi thi.

Aur, iss waqt darr ke maare uska mastishq Mandarin Chinese bhaasha me hi vichaar karne par majboor ho gaya. Usne jaise hi Veer ki raftaar dekhi, uski haalat patli ho gayi. Use pata tak nahi chala ki Veer kab apni jagah se gaayab ho gaya.

Aur, akasmat hi-

*Whoosh*

Kisi glitch hoti hui image ki tarah Veer uske saamne prakat ho gaya. Bhay ke maare Jaw Long jaise hi peeche koodne ko hua-

'Shénme (What?)'

Veer ne apna perr itni kass ke uske perr ke upar rakha ki Jaw Long ka perr hi neeche zameen me dhans gaya. Veer jaise iss baar use kahi bhi bhaagne nahi dena chaahta tha.

Aur, agle hi shan-

Veer ka ek vaar seedhe Jaw Long ke gale ki orr aaya. Jaw Long ne jaise hi apna haath aage kar Veer ke vaar ko rokna chaaha-

Veer ke dusre haath ne uske haath ko maar peeche dhakel diya.

*Baaaammmm*

Aisa ek baar nahi, palak jhapakte hi harr baar hota gaya. Veer jaise jaan boojh ke Jaw Long se wahi hamle karwa raha tha jidhar woh unhe chaahta tha taaki woh unhe khud deflect kar sake.

[Th-This-!!!]

Lily ke honth thar-thara uthe.

'L-Lily-!!?'

[This is insane!!! Woh kaun si fighting style use kar raha hai? Woh jaan boojh ke aise hamle kar raha hai jis ke badle me Jaw Long wahi wahi vaar kar raha hai jaha Veer chaahta hai. It's like... It's like he's making Jaw Long to attack him for his own advantage.]

Veer ke moves ki speed itni zyaada thi ki woh Jaw Long ki capture karne ki capacity se baahar ho chuki thi. Aur, fir wahi hua jo hona tha.

*Thuck*

Ek vaar Jaw Long ke liver ke hisse me...! Uske binn aankho ke khaali maans waale eye socket dard ke maare fel gaye.

*Thuck*

Dusra vaar Jaw Long ke haath ko deflect karta hua uske fefdo ke upar. Laga maano ek shan ke liye uska dil hi rukk gaya ho.

*Thuck*

Teesra vaar uske gale ke bagal me. Dard aisa ki maano nass phatne ko aa jaaye.

*Thuck*

Aur, akhiri vaar seedhe uski chhaathi ke ekdum beecho-beech. Impact itna tagda ki Jaw Long ka bhari bharkam shareer hawa me udd gaya.

Uske shareer ke udte hi Veer ne wahi khusa ek bhaala upar hawa me feka aur tezz raftaar me woh Jaw Long ki taraf lapka...!

Dono aapas me moves exchange karne lage. Dono ke prahar aapas me bhid halki-halki shock waves paida kar rahe the jinke chalte fele patte udte hue bikharte jaa rahe the. Veer uss se ladte ladte use ped ke paas le jaane laga. Dono ek dusre ke haatho ko jakad bhayanak gusse me ek dusre ko ghoor rahe the. Aur, tabhi-

*Swoosh* *Swoosh* *Swoosh*

*Thuck*

"Aaaaarrrrrrrgghhhhh!!!!"

Jaw Long ki dard bhari cheenkh waha goonj gayi. Uska kandha ped se lage hue ek bhaale se khus chuka tha.

Ye wahi bhaala tha jo Veer ne kuch shan pehle upar hawa me feka tha. Jaw Long ki aura vision skill upgraded nahi thi. Woh non living things ko dekhne me asamarth tha.

Veer ne pehle hi bhaale ki trajectory ko calculate kar use hawa me fek diya tha. Aur, woh jaan boojh ke Jaw Long ko uss ped ke paas le jaata gaya. Kyuki... Bhaala yahi par girna tha. Aur, bhaala Jaw Long ko dikhna hi nahi tha.

Veer ne agle hi shan apni do ungliya uski binn aankhon waale khaali hisse me ghused di. Aur, punah-

"Aaaaarrrrrrrgghhhhh-!!!!!"

Ek khaufnak aur dard se bil-bilati cheenkh waha fel gayi. Ava aur Erica itna sehem gayi ki maano unke shareer se unki rooh hi nikal gayi. Aur, fir Veer ke bol Jaw Long ke kaano me pade. Jo asal me Veer ke nahi, Pari ke the.

"IF ONLY I HAD EVEN A TINY OUNCE OF MY POWER THAT I HAD BEFORE, I WOULD HAVE DESTROYED THIS INSIGNIFICANT, LITTLE PLANET OF YOURS IN A BLINK OF AN EYE, YOU LOWLY PIG...! YOU ALL ARE LIKE ANTS GROVELING IN THE DIRT WAITING ONLY TO BE CRUSHED UNDER THE FEET OF AN UNPARALLELED BEING... SUCH AS ME-!!!"

Aur, fauran hi Jaw Long ke system ko andesha ho gaya. Uski ghabrati hui awaaz uske mann me sunayi di.

[L-Long-!!! Bhaago! Bhaago yaha se warna maare jaoge. Ye ladka apne hosh me nahi hai. Iska system iske shareer ko control me kiye hue hai.]

Par, Jaw Long toh bechara dard se bilbila raha tha. Uski aankhon waale khaali hisse me Veer ki do ungliyaan ghusi hui thi. Veer ne apni ungliyon ko kisi machhli pakadne ke hook ki tarah maroda aur turant hi woh andar ke maans ko kheenchte hue baahar nikaalne laga.

"Haaaaarrrrrggghhhhhh-!!!!"

Erica itna ghabra gayi ki pichhle kiye gaye uske sarr par vaar ke chalte aur saamne manzar ko ghatate dekh woh bechari behosh hi ho gayi. Magar, Genie ne aenn waqt par uske behosh hone se theek pehle abhi abhi praapt hui 'Basic Seer Vision' activate kar di.

Jaw Long ke andhruni maans ko jaise Veer baahar kheench ke nikaalna chaah raha tha. Drishya itna bhayanak aur daravna tha ki aam insaan ise lagatar dekh hi nahi sakta tha. Agar, dekh le toh sakpaka ke reh jaaye.

Zorr laga ke Jaw Long ne apne kandhe ko bhaale ki qaid se mukt kiya aur Veer par hamla bolna chaaha par-

*Baaaaammmmmmm*

Ek laat uske nichle jabde par itni zorr se padi ki uska shareer hawa me kisi lakdi ki tarah gol gol ghoomte hue udd gaya. Usne hawa me hi santulan banana chaaha. Jaise hi ghoomne ke baad usne hawa me sthirta praapt ki-

Veer uske saamne tha!

'Huh!???'

Jaw Long ne bhay ke maare apne dono haath se cross banaate hue khud ko chhek liya. Lekin, Veer hawa me hi uske bagal se nikal gaya. Ye sab kuch bahut tezi me ho raha tha. 1 second tak Jaw Long ko kuch samajh nahi aaya ki Veer bina hamla kiye uske bagal se kyu nikal gaya. Kintu, agle hi pal-

*Baaaammmm* *Baaaaammmmmmm*

*Baaaaammmmmmm* *Baaaammmm*

*Baaaammmm* *Baaaaammmmmmm*

Uski chaathi 6 alag alag jagaho se pichak gayi.

*Blurgh*

Muh se khoon ke cheethe nikaalte hue woh neeche zameen par aa gira aur uth ke Veer ko bhaybheet hue dekha. Veer ne pehle hi uske badan par mukke barsa diye the. Gati itni tezz thi ki Jaw Long unhe dekh hi nahi paaya. Jo usne dekha woh toh bas hamle ke after effects the. Jagah jagah use itna dard ho raha tha ki ab ye dard uske liye ek baadha bann ke saamne aa raha tha.

Woh bhi akhir ek insaan hi tha. Na jaane kab se woh iss ladaayi me akela ladd raha tha. Itni chot pahuchne ke baad swabhavik tha ki kahi na kahi dard ab use zyada mehsoos hone laga tha.

Lekin, Veer toh aaj jaise poore aakramak roop me tha. Woh hawa ke jhonke ki tarah apni jagah se gayab hote hue uski orr aaya aur apni laat seedhe Jaw Long ke muh par par maarni chaahi.

Par, Jaw Long ne uski laat ko apne ek haath se pakad liya. Itni derr ke baad pehli baar Jaw Long ke chehre par ek muskaan aayi. Akhir kaar, usne Veer ko pakad hi liya.

Parantu, ye jaise uss bechare ka vaham tha. Kyuki-

*Ding*

[LIMBO]

Fir woh hua jise dekh khud Jaw Long ke raungte khade ho gaye. Veer apne perr ke jakde hone ke bawajood ulti disha me ghoom ke muda...!

Uska perr toh Jaw Long ke haatho me tha. Magar, shareer toh azaad tha. Apne bhaar ka istemal kar woh baayi orr poora ghoom gaya, jiske chalte-

*Crack* *Crack*

Uske ghutno se kuch kasht bhari awaazein aayi. Woh ghoom ke iss qadar aaya ki ab uski daayi laat padne ko taiyaar thi. Jaw Long hakka bakka reh gaya. Aur-

*Baaaaammmmmmm*

Kaam tamaam!!!

Nichle jabde par laat itni zorr se padi ki Jaw Long ka daant toh ukhda hi muh se khoon ki dhaar alag nikal gayi.

Uske girte hi Veer ne apni taang haath se pakdi aur-

*Crack* *Crack*

Apni haddiyo ko wapas se sahi sthaan par le aaya. Usne apne aap ko kasht pahuchaya tha. Ya yu kahe ki Pari uske shareer ke saath khel rahi thi.

Woh Jaw Long par fir aise lapki aur ghuso ki baarish kar uske thobde par itne hamle kiye ki lag raha tha woh uske sarr ko tarbooj ki tarah phod degi.

Idhar, Ava ne jab dekha ki Veer ka palda iss ladaayi me bhaari tha woh chenn ki raahat lete hue khud ki healing ke liye apne hosh kho baithi. Lily ne use kuch derr ke liye unconscious state me daal diya aur Healing Factor activate kar diya.

Magar, kehte hai na... Harr cheez jo shuru hoti hai woh khatam bhi hoti hai. Pari, jisne Veer ke badan par qabza kar rakha tha uska saath bas yahi tak tha.

"YOU MUST THANK ME, LATER KID-!!! DAMN IT!!! IT'S NOT ENOUGH!!! IF ONLY I HAD MORE-!!!!"

Aur, bolte bolte uski awaaz dheemi hoti chali gayi. Pari ki consciousness jaise hi gayi, Veer apne unconscious state se baahar aa gaya.

Hosh me aate hi usne paaya ki uska seena zorro se upar-neeche ho raha tha. Woh haaf raha tha. Aur, tabhi use bhayanak dard apne haath-perro me mehsoos hua.

'Ack-!!'

Pari uske shareer ka istemal kar max speed me jo bhaagi thi. Veer bhale hi Jaw Long se strength me peeche tha. Magar, uski agility iss waqt itni zyaada thi ki woh uska istemal kar apne vaar ki taaqat ko kayi guna badha paane me saksham tha.

Force = Mass x Acceleration

Yaha poora game Pari ne acceleration par khela tha. Aur, yahi kaaran tha ki kyu Veer ke haath aur perr atyadhik dukh rahe the. Indirectly, zaroorat se zyada strength ka istemal jo kar rahe the woh.

Veer ne jaise hi nazre utha ke saamne ladkhadate Jaw Long ko dekha toh uski aankhein phat ke chaar ho gayi.

Uske baal bikhre hue the. Khaali aankhon ke hisse se andar ka kuch maans latak raha tha jisme se khoon behta hua uske gaalo se hoke tapak raha tha. Uske haatho ki kuch ungliyaan vipreet disha me mudi hui thi. Aur, muh se bhi khoon beh raha tha.

'Wh-What happened!'

Veer ki kuch samajh na aaya. Aur, na hi Pari ne kuch jawab diya. Kyunki, woh pehle hi sleep mode me jaa chuki thi. Ab jo kuch tha, Veer ke haatho me hi tha.

Usne dekha ki Ava aur Erica dono hi aankhein band kar laiti hui thi. Dono jeevit thi. Shayad, heal hone ki koshish kar rahi thi. Usne ek raahat ki saans li.

'K-Kya ye... Ye maine kiya?'

Use vishvas nahi ho raha tha ki jis Jaw Long ne unn teen system holders ki khatiya khadi kar ke rakhi hui thi uski ye haalat bhi ho sakti thi.

'Akhir... Hua kya? Fuckkkk! Mujhe kuch yaad nahi aa raha.'

Usne dekha ki Jaw Long mushqil se apna santulan banaate hue bhaag raha tha. Use abhi bhi yahi lag raha tha ki Veer ke shareer ka niyantran uska system kar raha tha.

'Woh mujhse bhaag raha hai-!? Shit!!! I need to catch up.'

Veer utha aur jodo me dard hone ke bawajood woh apni poori koshish kar bhaaga. Jaw Long bhaagta hua mine ke raaste me pravesh karne laga. Aur, mine par woh pahuchne hi waala tha.

China ke liye Yunnan province ki sabse zaroori mines me se ek...! Aur, sabse badi mine, jisme radioactive elements bhi paaye jaate the.




Jaw Long andha-dhundh bhaagte hue mine par pahucha...! Jangal se baahar aate hi vishalkaay mine ki sanrachna chaand ki raushni me Veer ki aankhon ke saamne aayi. Ek aadmi bhi yaha maujood nahi tha. Koi bhi pehra nahi de raha tha. Mine me andar jaane ke liye jagah jagah se kayi raaste the.

Parantu, main opening hi thi jaha se radioactive elements ki khoj ke liye jaaya jaa sakta tha. Baaki, openings jo thi woh non-radioactive elements ke liye banayi gayi thi.

Veer ne dekha ki Jaw Long ek non-radioactive elements ki opening me jaa ke ghus chuka tha.

'Tch-!! This motherfucker!!!'

Bina jhijke woh khud uss entrance me ghus gaya. Toh wahi-

"Badhte raho! Badhte raho!!!"

"Hum bas thodi hi dur hai ab!!!"

Renshu aur Order ke samast members bhi mine ke behad nazdeek aa chuke the.

Jaw Long aise bhaag raha tha jaise maano ek chuha billi ko dekh bhaagta hai. Uski haalat bahut buri ho chuki thi. Woh yahi samajh raha tha ki Veer abhi bhi Pari ke control me tha. Aur, Veer iska poora fayda utha raha tha.

Jaise hi woh andar ghus thodi gehrayi tak gaye. Jaw Long achanak hi ek patli si surang me ghus gaya jo ekdum neeche ki orr jaa rahi thi. Veer ne apna qadam aage badhaya par use hawa me hi rok liya.

'K-Kuch gadbad lag rahi hai. Why is he luring me inside that?'

Veer nahi jaanta tha ki jaha Jaw Long uska andar intezar kar ke use girana chaah raha tha woh iss mine ka bottle neck trap tha. Ek aisa gaddha jaha par insaan agar gira toh uski maut nishchit thi. Kyuki, woh gehra hi itna tha aur upar se Jaw Long agar uske upar koi patthar gira de toh aisi haalat me bachna namumkin tha.

Veer ne apne qadam peeche kar liye. Aur, tabhi-

'Huh-!!?'

Usne kuch check kiya. Jankari praapt hote hi usne apne agal bagal dekha. Ek lohe ki seedhi lagi hui thi jo upar ek hole se baahar nikalne ke liye thi. Ek emergency exit.

Veer turant ke turant uss par chadha aur baahar nikal usne andar jhaakte hue neeche khade Jaw Long ko dekha. Dono ne ek dusre ko dekha...!

Ek taraf jaha Jaw Long Veer ke baahar nikal jaane par asahaj mehsoos karne laga toh wahi Veer ke hontho par ek vijayi muskaan fel gayi.

"This is your end... Jaw Long!"

Usne apni jeb se kuch nikaalte hue seedhe Jaw Long ki orr haule se feka aur tez raftar ke saath woh peeche ko bhaaga. Agle hi pal-

*Booooooooommmmmm*



Ek tez dhamake ne waha janm liya. Dharti kaanp uthi aur halke bhookamp ke chalte Renshu aur uske aadmi shor sunte hi chinta me aa gaye.

"L-Lord!?"

"Ye kya tha??"

"Ruko nahi! Ruko nahi! Jaldi chalo!!!!"

Veer ki body hawa me aag ki lapto se baahar aate hue dur jaa giri.

*Blurgh*

Muh se dherr saara khoon nikla. Internal bleeding kaafi ho chuki thi. Use jald se jald araam ki zaroorat thi. Aur, ek doctor ki bhi-!

Tabhi-

*Ding*

['Mission : Be the saviour.' has been completed.]

[You have been rewarded 15,000 Points.]

*Ding*

[You have gained the card 'Berserk.']

*Ding*

[You have gained the scroll 'Bird Tamer.']

*Ding*

[You have gained the skill 'Aura Vision.']

[You have gained the skill 'Radio Protective.']

Notifications ki jaise jhadi lag gayi uske mann me. Jaw Long marr chuka tha. Par, sawaal tha kaise?

Aur, jawaab tha ~

Methane!!!

Mine me maujood methane gas kaafi bhaari maatra me maujood thi. Ek jwalansheel gas jiski na hi koi gandh hoti thi aur na hi koi rang. Jaw Long ko na hi methane ki koi gandh aayi aur na hi use aura vision me kuch nazar aaya. Gas bhi akhir- non living things me hi aati thi.

Kya hoga agar aisi sakri jwalansheel gas se bhari mine me ek jalta hua lighter fek diya jaaye?

Bhayanak visfot!!!

Jaw Long ki apni hi skill uske patan ka kaaran bann gayi. Use Veer ka feka gaya lighter dikha hi nahi. Veer ke mann me tamaam notifications pop hote jaa rahe the.

Kintu, ye nahi tha jinke liye woh utsuk tha. Use toh bas uss notification ko sunana tha.

*Ding*

[You have been rewarded with a new 'Slot'.]

Ye sunte hi Veer ki mutthi dridhta me kass gayi. Yahi woh cheez thi jo besh-keemti thi. Unn 15000 points se bhi zyada keemti.

Slot!!!

Jo card ko equip karwata tha. Ek slot me Veer card jab chaahe switch kar sakta tha. Par... Kya hoga jab slot hi do ho jaaye? Woh ab ek nahi... Do cards ko ek saath equip kar sakta tha. Dono me kisi bhi card ko jab chaahe shuffle kar unhe equip kar sakta tha. Maatra chhoti si ye cheez kitni taqatvar thi iss baat ka andaza Veer ko pehle hi mission ke rewards dekh ke pata lag gaya tha.

Woh abhi mann hi mann iss khushi se baahar aaya hi tha ki-

*Ding*

[The system has been upgraded to Level 10.]

*Ding*

[The system's internal feature 'Perk hunt' is available now.]

Naye feature ke baare me sunn Veer jigyaasa liye uske baare me dekhna chaahta tha par agle hi shan ek jaani pehchani aur use bhaavuk kar dene waali awaaz uske mann me goonj gayi.

[Maaaasttteerrr-!!!!!]

'Huh-!!??'

[Master-!!!]

'P-Pari???'

Nahi! Ye kaise ho sakta tha. Ye awaaz woh bhali bhaanti pehchanta tha. Harr Pari ki personality ki awaazo me antar hota tha. Aur, ye awaaz-

Usi Pari ki thi jo Crimson ki ladayi ke waqt uske saath thi. Jisne uske dil ko ruk use Crimson aur Ava ke shadiyantra se bahar nikaala tha. Jo atyadhik smart aur saath hi emotional thi. Jise usne itna miss kiya tha.

'P-Pari-! Tum? Kya waqai tum wahi ho?'

[You idiotic stupid bastard, Maaastteerr!!!]

'Huh???'

[Kyuuuuu??? Kyu kiya aapne aisa??]

'What?'

[Why did you give your points to her??]

'Huh? M-Mein-!!!'

[You idiot, Master!!! There was no need to give your points. I missed you so much, aapko pata bhi hai? Mujhe laga tha aap se acche se dobaara milungi. It will be our happy reunion. But no... Here you are in this mess.]

'Agar, mein nahi karta toh mein Ava aur Erica ko kaise bacha paata, Pari.'

[I was so scared when you lost your consciousness. Shit!!! That bitch-!!!! Tsk!!!]

'Huh?'

[Listen to me, Master. Ahinda se kabhi bhi kitni bhi dire situation kyu na ho. Aap kabhi bhi points ko iss tarah mujhe ya meri kisi bhi personality ko nahi denge. Okay?]

'Umm-!'

[Okay? Or not? Boliye!!!]

'H-Haan! Alright!'

[Pakka na?]

'Yeah!'

[Promise me!]

'What?'

[I said, promise me ki aap kabhi bhi iss tarah apne points system me invest nahi karenge.]

'Alright! I promise.'

Jab Veer ne vachan diya tab kahi jaa ke Pari ne ek raahat ki saans li.

'Lekin, bhala kyu?'

[Because... Points are not just points Master. I mean aapke liye woh sirf points ho sakte hai. Par, hamare liye they are like... Something greater than that...]

'Aur, tum mujhe ye nahi batane waali ki unki aur kya ahamiyat hai. Hai na?'

[It's not that I don't want to tell you. It's just that I'm unable to tell you right now. I cannot!]

'Ohh?'

[Kyuki, ye bol ke nahi bataya jaa sakta master. Aur, jo tareeqa hai uske liye abhi aap taiyaar nahi.]

'I see!'

[Par, woh sab chorriye. Look at you! Jagah jagah ghaav hai. I can feel it. Aap khade kaise ho iss waqt? It's so painful-!!!]

'I have to... Pari! Aur-'

Uski baatein beech me hi reh gayi jab-

*Keaaaarrrrrr*

Ek baaj hawa me udta hua aaya. Veer chaukanna ho gaya. Ye wahi baaj tha. Magar, jaise hi woh nazdeek aaya.

'???'

Woh Veer ke kandhe par aake apne panje jamaate hue baith gaya. Aur, taktaki laga ke use dekhne laga.

'Ohh-!!'

*Keaaaarrrrrr*

Uski teevra awaaz Veer ke kaano me padi.

"Tum Sheba ho!! Hai na?"

Veer ne uske gale par ungli halke haath se feri toh baaj ne apna gala upar kar diya. Jaise maano woh chaah raha tha ki use aur sehlaya jaaye.

"Hahaha! Maine kabhi itne paas se kisi baaj ko nahi dekha. Does that mean tum ab Jaw Long ko nahi balki, mujhe apna master maante ho?"

*Keaaaarrrrrr*

Baaj ne jaise Veer ki baaton ko samajh awaaz nikaali.

"Huh? He can understand me? Pari!"

[Bird Tamer scroll ke tehet ise apna paaltu banaya gaya hoga, Master. Choonki ab Jaw Long nahi hai aur Bird Tamer aapke paas hai. Zaahir hai ki woh ab aapko apna master samjhega. It's cute by the way... But deadly too.]

'Yeah-! Well, mujhe lagta hai ki-'

Veer ke bol ek baar fir adhure hi reh gaye kyuki ek naya notification uske mann me goonj gaya.

*Ding*

[Past illustration has been invoked.]

[Do you want to see 'Jaw Long's' past?]

Veer ne jawaab me kuch na kaha. Woh Sheba ko hawa me chorr apne ladkhadate shareer ko ghaseetate hue wahi paas me bane ek lakdi ke cabin me le jaane laga. Ye cabin ek chhote ghar ke barabar tha aur pehle government ka hua karta tha. Par, lag raha tha jaise mine par qabza karne ke baad yaha ke workers ko tribal logo ke dwara bhaga diya gaya tha.

Woh andar daakhil hua. Andar ekdum ghapp andhera tha. Filhal aur kisi ki nazro se bachne ke liye ye kaafi tha. Use shaant jagah chahiye thi Past Illustration dekhne ke liye. Iss se kayi saare saboot uske haath lag sakte the.

Aur, Veer notification ke sawaal par haami bhar Past Illustration ke ateet ke panno me doob gaya.

*Caw* *Caw*

Hawa me udte kauwe shor machaate hue jangal ke upar se nikle. Jangal ke gehre hisse me ek lakdi se bane ghar me Jaw Long apni gaddi par baitha hua tha.

Aur, uske saamne ek sundar si stree baithi hui thi jiska chehre uske sarr par maujood kaali hat se dhaka hua tha.

Jaw Long ne ek lakdi ke glass me sharaab daali aur use peete hue bola.

Jaw Long : Kaho! Kya baat karni hai?

Lady (smiles) : I have a deal for you. Ek simple deal.

Jaw Long : Hmm?

Lady : Mein tumhe wo pradan karwa sakti hu jiski tumhe abhi talaash hai.

Jaw Long : Mudde pe aao. Warna yahi kaat di jaogi. Farq nahi padta ki tum system holder ho. Mere ilaake me parinda bhi meri marzi se udaan bharta hai.

Lady (smiles) : I know everything! Tum Order par dhaava bol ke use apne under karna chaahte ho. Right?

Jaw Long (frowns) : ...

Lady : Lekin, ye toh sab ko pata hoga. Hai na? Toh ek aur cheez puchti hu. Tumhe iss waqt dherr saare insaano ki zaroorat hai. Hai na?

Iss baar Jaw Long ki aankhein uss aurat ke bolo par chaudi ho gayi.

Lady : Insaan jinki bali chadhaayi jaa sake. Jinhe kaale jaadu me upyog kar khud ko taqatvar banaya jaa sake.

Jaw Long : ...

Lady (smiles) : Ek yahi kaaran hai jo tum government ko andar ghusne aur talashi karne nahi dete. Hai na?

Jaw Long : ???

Lady (smiles) : Tumhare iss ghar ke neeche unn insaano ke kankaal jo chhipe hue hai jinhe tumne ab tak maara hua hai.

Ye sunte hi Jaw Long uss aurat ke gale ki orr lapka toh woh peeche uchakte hue uske prahar se bach nikli.

Lady (smiles) : Mein tumhari hi side hu. Mujh se dushmani tumhe bhaari pad sakti hai. Mein toh tumhare liye prastaav leke aayi hu.

Jaw Long : Bolna hai toh seedhe tareeke se bolo. Warna dafa ho jao.

Lady : Mein tumhe insaan provide kar sakti hu.

Jaw Long : Huh?

Lady : Insaan jinhe tum asaani se maar sakte ho aur koi unke baare me kuch puchega bhi nahi.

Jaw Long : Aur, badle me?

Lady (smiles) : Badle me mein chahti hu ki Legion Yunnan ki mine par qabza kare.

Jaw Long : Huh? Aur, uss se tumhe kya?

Lady (smiles) : Mujhe bas kuch chahiye jo mine me hai. Baaki, uske baad...! Poori ki poori mine tumhari.

Jaw Long : ...

Lady : Soch lo! Na sirf tum Order ko jald se jald apne haatho me le loge balki mine bhi tumhari apni ho chuki hogi.

Jaw Long : Mine me aisa kya hai jo tumhe chahiye?

Lady : Kuch hai. Kuch radioactive elements jo asaani se nahi mil sakte.

Jaw Long : Aur, unka kya karogi tum?

Lady (smiles) : Mein unka kuch bhi karu, uss se tumhe kya? Haan, par tumhare khilaaf kuch bhi nahi karungi. I can guarantee you.

Jaw Long (frowns) : Meri skills ke baare me tumhe kaise pata laga?

Lady (smiles) : Meri nazre harr uss zaroorat mand par tiki rehti hai jise meri madad ki talash hoti hai. Kyuki, badle me woh hi... meri madad ke kaam aate hai.

Jaw Long kuch derr sochta raha. Aur, fir haami bharte hue bola.

Jaw Long : Theek hai! Mein taiyaar hu. Par, zara bhi chhal karne ki koshish ki, toh chhalni kar diya jayega.

Lady (smiles) : Never! Never!

Woh lady apni jagah se uthi aur jaane lagi par tabhi wapas mudi aur-

Lady : Ek baat aur-

Kehte hue usne achanak hi apni jeb se ek pocket watch nikaali aur use pendulum ki tarah latka ke daaye baaye karte hue boli,

Lady : Koi hoga... Jo ye dekhega...! So, just to be safe... I must- *smiles*

Uski pocket watch achanak hi Veer ka dhyaan kheenchne lagi.

[Shitttt!!! Masterrrrr-!!! Turn it off!! Baahar aaiye!!!]

Pari ki ghabrahat bhari awaaz ne jaise Veer ko turant hi Past Illustration se baahar nikalne par majboor kar diya. Uski saansein tezz ho rakhi thi.

*huff* *huff*

'What was that-!??'

[She... She's dangerous!!! Woh-]

Parantu, Pari ko apne bol wahi thaamne pade jab Veer ke peeche se ek madhur awaaz uske kaano me padi.

"Ohh? I didn't think you would break free from my casting."

Ye awaaz-!!! Veer ke badan me ruye khade ho gaye. Uske maathe par chinta ki lakeere chhaa gayi. Aur tabhi,

*Click* *Clack*

*Click* *Clack*

Kisi ke jooto ki chalne ki awaaz use apne peeche se aayi. Nahi! Ye joote nahi the. Ye high heels ki awaaz thi. Veer ne apni baayi orr se mud sarr ghumaate hue peeche ko apni nazre daudaayi.

Andhere me se ek aakriti chalte hue aa rahi thi. Aakriti kisi stree ki lag rahi thi. Aur, jaise jaise woh qareeb aa rahi thi uski visheshtaaye aur bhi spasht hoti jaa rahi thi.

Chalne ki woh adaa, wo nazakat, uske baare me kaafi kuch bayaa kar rahi thi. Nazdeek aate hue dheere dheere ventilation se aati roshni uske chehre par bhi padti jaa rahi thi.

Uska ek haath bagal se rakhi table par tha jisme dhool ki parat jami hui thi. Jaise jaise wo aage badh rahi thi, uske saath saath uski ungli table par komalta ke saath fisalte hue aa rahi thi.

Aur jyo hi woh ekdum saamne aayi, ungli me jami dhool ko fookte hue roshni me uska chehra Veer ki nazro me aaya. Parantu, woh kaali hat se aadha dhaka hua tha. Keval uske honth hi dikhayi pad rahe the.




Veer ne jaise hi use dekha, uske raungte khade ho gaye. Ye wahi thi-!!! Jisko past Illustration me abhi usne dekha tha.

'Check!'

Usne ek pal bhi nahi gawaya uss stree ko check karne me. Aur-

*Ding*

[No information available.]

Jaisa usne socha tha bilkul wesa hi nikla. Ye wahi system owner thi! Veer ne inn kuch palo me hi sab kuch bhaanp lia.

Veer : Y-You-!!!?

Woh ajnabi stree muskurayi. Uski nigaahein abhi neeche hi tiki hui thi. Veer ke sawaal par usne apna sarr upar kiya aur uski palke haule-haule badi hi nazakat ke saath uthi aur nazre Veer se jaa ke tiki. Hontho par muskaan aur bhi adhik fel gayi. Woh apne daaye kaan ke paas baalo ki latt ki orr haath leke gayi aur unhe peeche ki.

Veer sachet tha. Saamne kaisa bhi saundarya kyu na ho, woh laparwahi nahi barat sakta tha. Harr surprise attack ke liye woh pehle hi khud ko prepare kar chuka tha.

Woh stree Veer ko neeche se upar tak ek antim baar dekhi aur fir boli,

"You really are such a surprise, Veer. Fufu~"

Veer (frowns) : State your business!

Lady (nods) : Bilkul! Jaisa ki tum dekh hi chuke ho. I’m one of the system owners. And, don't worry please! I'm not here to hurt you.

Veer : ???

Lady : By the way...! Let me introduce myself first. I'm Rebecca Elsher!

Veer : Rebecca?

Rebecca : Don't worry! Ye asli naam hai. I don't like to fake things like your cute lover. Fufu~

Veer ki bauhe kass uthi. Rebecca ka ishaara Ava ki taraf tha. Iska matlab woh jaanti thi ki Ava ne Nat naam rakh ke usko apne jaal me fasaaya tha? Bhala aur kya kya jaanti thi ye Rebecca?

Rebecca ke muh se naam nikalte hi idhar Pari ne uske naam ko poore Google par search kar liya lekin fir bhi kahi pe bhi uska naam nahi mila. Internet search par same naam ki alag Rebecca nazar aa rahi thi. Kintu, Rebecca Elsher nahi.

Veer bahar se toh khud ko sakht dikha raha tha magar andar hi andar woh chintit tha. Ghabrahat bhi thi. Woh kisi bhi waqt behosh hoke gir sakta tha. Thakaan aur dard itna zyada tha ki woh abhi keval apni dridhta ke chalte khada hua tha. Aur, aisi dasha me iss aurat se ladna matlab apne hi perr par kulhadi maarne jaisa tha. Ye aurat zaroorat se zyada hi uske baare me jaanti thi.

Veer (frowns) : So... You were behind all of this, huh?

Rebecca : Hmm? Nahi! Tum bina thos saboot pesh kiye ye sab kaise keh sakte ho, Veer?

Veer : I saw it!!!

Rebecca : Oh!? Isliye, toh mein yaha par hu.

Veer : Huh???

Ek jhatke me Rebecca ne apni pocket watch nikaali aur use pendulum ki tarah daaye baaye ghumaate hue woh Veer ko dekhi. Uske haav bhaav achanak hi badal gaye.




Rebecca : Now...! You will have to forget every-

Par, uske bol adhure reh gaye kyuki, Veer ek jhatke me uski orr lapka. Aur, ye jaldbazi me uski sabse badi bhool thi.

*Baaaaammmmmmm*

Ek titanium se bana hua cane uski chaathi par zorr se laga jo uske poore dhaanche ko hila ke rakh diya. Woh seedha hawa me udta hua dur jaa ke deewar se jaa bhida.

"Hum pahuch gaye!!! Hum pahuch gaye!!!"

Baahar se achanak aate shor ne Rebecca ko chaukanna kar diya.

"Tsk! You are very lucky, my dear!"

*Craaaassshhhhh*

Woh wahi lagi kaanch ki khidki ko todte hue waha se kood ke bhaagi.

"W-Wait-!!!!"

[Maaasterrrr-!!!]

Veer apna haath felaate hue uthne ki koshish karta raha magar, uska shareer pehle hi bahut load jhel chuka tha. Aur, ye jaise antim vaar tha. Kyuki, agle hi shan woh behosh ho gaya.

[Maaasttterrr-!!!!]

Mine ke ek hisse me bheeshan aag lag chuki thi. Methane gas poori tarah se jalti jaa rahi thi. Aur, wo tab tak jalne waali thi jab tak ki andar maujood saara oxygen samapt nahi ho jaata.

Renshu aur baaki sabhi ne jaise hi saamne ka manzar dekha toh unke perro tale zameen khisak gayi.

'Y-Ye kya???'

Renshu : Aag ko bujhaane ki koshish karo aur kar sakte ho toh-!!! Ming!!! Erica ko dhundhne ke liye kuch log leke jao. Bo-!!! Cabin check karo.

Usne ek ke baad ek aadesh diye aur tabhi-

*Chakk-chackk-chak-chak chak-a-chak-akk-chk-chk-chk*

Upar hawa me ek copter zameen se utha. Renshu ne dur se uske darwaaze par dekha toh uska reaction bhi wahi toh jo Veer ka tha.

Rebecca helicopter ke darwaaze se Renshu ko halki muskaan ke saath ghoor rahi thi. Uska aadha chehra uski hat se dhaka hua tha jo usne ek haath se thaam rakhi thi.

Toh wahi, uska dusra haath uske kandhe par tiki kisi stree ko thaame hue tha. Aur, jaisi hi uss stree par Renshu ko nazre padi-

Ek aur jhatka use laga. Woh Divya thi!!! Jo behoshi ki haalat me Rebecca ke kandho par ladi hui thi.

'Shit-!!!'

Aur, helicopter chalaane waala koi aur nahi-!!! Wahi unknown system holder tha.

"Until next time... Li Renshu-!!!"

Uske bol waha goonj gaye. Aur, helicopter waha se udaan bharta hua nikal gaya.

'Damn it!!!'

Renshu : Captain? Miss Divya ke liye jinhe tainaat kiya tha woh kaha hai?

Captain Feng : Woh hamare peeche hi toh the na? Woh- huh!!!?

Feng ne jab dekha toh paaya ki captain 3 dur dur tak kahi nazar nahi aa raha tha. Na hi Divya, aur na hi Divya ke sang aaye Clark aur uska security guard.

Captain Feng : Shit-!!! Kaha gaye woh sab?

Renshu : Pehle Erica ko dhundho!! Jaldi!!!

Captain Feng : J-Ji!!!

Aur, kuch hi palo me Bo apne kandho par Veer ko leke haazir tha. Toh wahi Ava Erica ko apni peeth par laad ke Renshu ke samaksh thi.

Renshu : Ericcaaa--!!!!

Renshu ne uthna chaaha magar dard ke chalte ek karaah uske muh se nikal gayi.

Ava : Woh rest kar rahi hai. Don't worry! She's fine!!!

Renshu : Aur, Jaw Long?

Ava : He's dead!

Renshu ko apne kaano par yakeen nahi hua. Woh jaanta tha ki Jaw Long kin shaktiyo ka maalik tha. Aise me uski hi territory me ghus ke use maar dena, bahut badi baat thi.

Ava : Veer killed him.

Renshu : Huh??

Usne Veer ko dekha jo behosh hue Bo ki peeth par lada hua tha.

'Veer ne Jaw Long ko maar diya-!?'

[He's very powerful. I must say. Kuch bhi ho jaaye, iss ladke ko apne paas se mat jaane dena.]

Renshu apne khayalo se baahar aaya aur sabhi ko lead karte hue le jaane laga. Mine me lagi aag sirf ek hi hisse me thi aur woh jald hi apne aap hi bujh jaane waali thi. Beshaq, thoda bahut nuksaan zaroor pahucha tha magar utna nahi ki elements ko haani pahuch sake.

Filhal, yaha se nikalna zyaada zaroori tha. Unhe yaha se wapas lautne me lagbhag aadhe din se bhi zyada samay lag gaya.

Jaise hi Renshu apne ghar ke mukhya hall me pravesh kiya. Andhere me chamakti do hari aankhein use dassne ki nigaah se ghoor rahi thi.

Renshu : You're here!!!

"Tumne itni guhaar laga ke bulaaya tha. Mujhe aana hi tha."

Andhere se nikalte hue woh baahar aayi. Ye aur koi nahi ~ Garofano hi thi.

Renshu ne jo chithhi bheji thi woh Garofano ke liye hi thi. Jald se jald woh yaha par aa gayi.

Ava ne jab Garofano ko dekha toh woh aashcharya me reh gayi. Ava Garofano ko saamne se pehli baar dekh rahi thi. Woh China tab hi aayi thi jab Garofano ka matter samapt ho chuka tha. Isliye, Veer aur Garofano ke beech ki chemistry ko woh dekh na paayi.

Garofano ne aage badh jaise hi Bo ki peeth se Veer ko apne dono haatho me uthaaya toh Ava ki aankhein hairaangi me fel gayi.

Andar se dil kachot utha. Kaun thi ye ladki? Veer ka iske saath kya rishta tha? Aur, iss tarah se kyu uthayi hui thi woh use?

Ava (panics) : V-Veer ko-

Renshu : It's okay!!!

Ava ne kuch kehna chaaha lekin, Renshu ne haath uthaate hue use aashvashan deke shaant kar diya. Majbooran use chup hona pada.

Garofano ne ek teekhi nazar se Ava ko dekha jaise maano udhar hi use daboch ke dass legi. Kintu, bina kuch kahe woh Veer ko andar ki orr le gayi.

Le jaate hue uski bauhe Veer ki dasha dekh sikudi hui thi.

'Look at you now! Maine tumse kaha tha na Veer. Renshu tumhe Jaw Long se ladne bhejega. Mat jaana...! Fir bhi tumne meri baat nahi maani.'

Veer ko ahista se bed par litaate hue Garofano ne uske gaal ko pyaar se sehlaaya. Aur, usne kamre ko andar se band kar liya.

***

Kuch derr baad...

Erica ki palke jhapki. Aankhein malte hue woh uthi. Usne dekha ki ye toh uska hi kamra tha.

'Mein ghar pe-!?'

[Yes! We won.]

'Uhh!? Kya hua tha?'

[Mujhe kaise pata hoga? I couldn't see anything. Apne dad se pucho.]

'Right-!!'

Woh uthate hue aage badhi. Hall me hi use khusur pusur ki awaazein aa rahi thi. Dead Silence aur Chameleon ko activate kar woh dabe paav hall me darwaze ke paas pahuchi toh use andar ki baatein sunayi di-

Garofano : Maine tumse kaha tha na ki Veer ko mushqil me nahi daalna.

Renshu : Hmph! Ye baat tumhaare muh se acchi nahi lagti. Tumhari wajah se hi Veer uss faaltu case me fasa tha.

Garofano : What? Faaltu case? Tumhe pata bhi hai woh mere liye kitna important tha? Mujhe ye saari formalities karne me itna samay lag gaya ki mein pichli 2 raato se theek se soyi bhi nahi hu. Aur, Veer...! Uski haalat dekhi hai tumne? Kya soch ke use eastside akela bheja tha tumne?

Renshu (sighs) : Mujhse waqai iss maamle me galti hui hai.

Garofano : Huh?

Renshu (frowns) : Unki taraf se do system holders aur the-!!!

Garofano (in shock) : Do???

Renshu (nods) : Haan! Ek anjaan naujavan tha jo mujhse bhida tha. Aur, ek koi aurat thi. Helicopter me...! Woh ant me hi nazar aayi. Miss Divya uske kandho par ladi hui thi.

Garofano (frowns) : Iska matlab woh Divya ko kidnap kar ke chale gaye? Shit!!! Veer ne agar ye suna toh woh gusse me aa jayega.

Renshu : Kuch pak raha hai andar hi andar. Bahut gehraayi me...! Mujhe nahi laga tha itna involvement hoga kisi ka. Lekin, mein galat tha. Veer ne past zaroor dekha hoga Jaw Long ka...! Woh aur jankari hume de sakta hai.

Garofano : Par, galti tumhari hi hai. Akhir, tum use uss danav aadmi se ladne akele kaise bhej sakte ho?

Renshu (smiles) : Simply because of one reason...!

Garofano : Huh??

"...Because, Veer is stronger than I am!!!"

Aur, ye bol sunte hi Garofano se leke baahar khadi Erica ke badan me raungte khade ho gaye.
.
.
.
.
.
.
.
.
.
Aaj ke liye itna hi guys.
This update consists of 11.6k words. Sabse bada update ab ye ho gaya hai. Maine koshish bahut ki likhte rehne ki par 2:30 baje meri jhapki lag chuki thi. So, sorry for that...! Ab mujhse zyada late jaga nahi jaata kyuki subah jaldi uthne ki aadat dali hui hai. Isliye, mein kehta hu timing ka mat pucho karo. Par nahi!! Sudharna nahi hai!
Anyways, ek update aur bacha hai arc ke closure ka. Uske baad ye arc khatam hai. So, likes pelne ka aur revos rakhne ka. Target same hai apna. 200! Also, agar mujhe laga toh iss arc me ek update aur badha dunga. But I don't think ki wo necessary hai filhal.
Dhanyavad!

Superb update