- 14,740
- 103,052
- 259
Last edited:
Incest Baadshah ~ The Tales of Debauchery
- Thread starterWerewolf
- Start date
- 15,191,794
Ab ye pagal hai kya Bala sab ki ability band kar ke khud unhe marta hai ab dekhna hoga veer kaise marta hai pagal ko kyu kinpagal veer ke bahut upar level ka haiUpdate - 194 ~ The Disembowler
Ab tak...
Neeche paani aedi tak bhara hua tha. Chhapaak ki awaaz ke saath Veer ki aankhein laal rang se chamak uthi.
Aur, udhar hi andar kahi... Uss paagal insaan ko Veer ke aane ka ehsaas ho gaya.
Woh haivani muskaan liye muskuraaya.
?? : Well... My food got delivered already. Ahahahahahaha!!! The main dish has come-!!! You will have to wait for a while, young ones. *Slurp* Ohhh!!! I'll come back soon. Don't worry!!! Ehehehehehehe!!! Yahahahahaha! Now... Shall we get started????
Ab aage...
Dhua... Aag... Khoon...
Barood ki gandh hawa me mandra rahi thi. Kabhi Hotel Prestige ki bhavya lobby — sunehre foolo ki sajavat se saji — ab ek yuddh kshetra me badal chuki thi. Toote hue kaanch, ukhda hua 'Yarnia' ka logo aur kuchh shav waha dale hue the.
Security guards farsh par pade the, unki uniforms gehre laal rang se ott-prot ho rakhi thi. VIPs apni security dwara waha se sahi salamat bach nikalne ke liye bhaag rahe the. Sabhi social media influencers, fashion enthusiasts, models waha se apni jaan bachaane ke liye faraar ho chuke the. Jitne mehmaan aaye the, unme se adhiktar peechhe ke darwaaze se bhaag chuke the. Arajakta badhti jaa rahi thi.
Aur, inn sab ke beecho-beech, Tej waha khadi hui thi — ekdum sthir.
Uska seena tezi se haafte hue upar-neeche ho raha tha. Woh abhi bhi Veer ke bol apne dimaag me sunn paa rahi thi — shaant, bharosemand, 'Yarnia' ki zimmedari use saunpte hue.
'Mein ye zimmedari aapko saunp raha hu, Teju di. Mujhe aap pe poora bharosa hai.'
Kintu, woh nakaam thi.
Yahi uska pal tha — yahi woh waqt tha. Woh kshan jab woh ek aisi behan bann ke dikha sakti thi jis par uska chhota bhai, Veer nirbhar ho sake. Woh behan jo uske saath kandhe se kandha mila ke khadi ho sake, mazboot aur atoot. Kamzor nahi. Asahaay nahi.
Fir bhi, akhir kya hua? Woh keval waha khadi bas sab kuchh ghatit hota dekhti reh gayi.
Woh ghumi, uski nazar neeche pade khoon se lathpath vyaktiyo par padi aur woh wahi jamm ke reh gayi.
Uske bagal se khadi Bhumika ka chehra bhi peela pad gaya, uske honth thar-tharaye par koi shabd baahar na aaye.
Iss taraf, Shweta ne kass ke Bhavna ki baah pakad li, uska samaanya ghamand kahi gaayab ho gaya — uski jagah sarasar, bhay aur aatank ne le li. Bhavna swayam, humesha ki tarah shaant, humesha ki tarah niyantran me, iss waqt jami khadi hui thi — uski aankhein kamre me neeche pade ek shareer par tiki hui thi.
Iss orr Arohi akad ke reh gayi thi, usne Kavya ki kalaayi ko itni kass kar pakda ki uski kalaayi safed ho kar reh gayi. Bechari Kavya ka muh sadme ke chalte khula reh gaya, uski humesha ki tarah chulbuli masoomiyat uske aas-paas ke narsanhaar se khatm ho gayi.
Arohi (shivers) : N-Nahi-!!! Nahi!!
Kavya (sobs) : D-Di!!? Didiiii-!!! Mummyyyyy-!!!!
Woh dono aage bhaagi. Magar, woh akeli nahi thi.
Parijaat ki aurtein.
Woh sab ek pal me aage aayi — ek saath, atoot nishtha aur maun krodh liye.
Suman (yells) : Saili... Aabha... Sonali...!!! Didi log ko baahar leke jao!! Abhi!!!!
Woh zor se chillaayi. Uska aadesh sunn teeno hi javaan ladkiyaan haami bhar baari-baari Tej, Arohi, Bhumika, sabhi ko ekatra kar woh unhe peechhe ke darwaze ki orr le jaane lagi.
Ishaara samajhte hi Varsha, Sudha, aur Mukta daudate hue Suman ke nazdeek aayi aur saath milke woh neeche pade vyakti ko uthaane lagi.
Suman (frowns) : Sudha!! Perr pakdo!! Araam se...!!! Mukta chalo!!! Udhar bhi-!!! Jaldi!!! Fatafat uthao.
Mukta ne wahi bichhe table clothes utha ke khoon behte hue ang par lapetna shuru kar diye.
Sudha : Didi, kh-khoon bahut...
Suman : Shhh!!!
Sudha ghabra rahi thi. Poori kamaan ab Suman sambhaal rahi thi. Dono vyaktiyo ko zameen par se uthaaya gaya.
Udhar bheetar pichhle darwaaze par Suhana poori tarah se bechain idhar se udhar tehel rahi thi.
Uske movements tez aur calculative the. Baahar lobby me golibaari ka ek aur daur chala jiske chalte wahi paas ki ek murti chaknachoor ho gayi.
Suhana : Exit secure rehni chahiye. VIPs jitne nikal rahe hai nikalne do, lekin mujhe Veer ki family jald se jald baahar sahi salamat chahiye.
Uncle Prakash (rushes) : Madam, situation abhi unstable hai aur-
Suhana (yells) : Mujhe pata hai...!!! Jitna kaha gaya hai utna kariye Uncle!!!
Uski oonchi awaaz sunn Uncle Prakash thoda jhep ke reh gaye. Woh tezi se mudi, usne hall me se Tej, Arohi, Kavya aur baakiyo ko aate dekha.
Suhana (nods) : Quick!! Jaldi!!
Tej ne use kuchh pal ghoora. Par, boli kuchh nahi. Unn sabki aankhon me aasu the. Sab barbaad ho chuka tha.
Tej (sobs) : V-Veer-!! *sniff*
'Kaha ho tum???'
Uske kandho ko thaamte hue Suhana ne use hosh me laaya.
Suhana : Snap out of it!!! Time nahi hai bilkul!!! Jaldi! Ambulance me jitne jann aa rahe hai utne baitho. Baaki log car me!! Uncle Prakash!! Car me sabhi ko bithwaiye.
Uncle Prakash : J-Ji madam!! Maine kuchh security guards andar bhej diye hai.
Suhana (nods) : Good!!
Uncle Prakash : P-Par, mein ek baar fir keh raha hu, madam. Aapko yaha rehne ki koi zaroorat nahi hai. Mein yaha hu aur sabhi ko sahi salamat pahucha dunga. Aap aur Sonia madam jaldi ghar jaiye. Agar, aap dono ko kuchh hua toh Sir pata nahi mera kya haal karenge. Isliye, jaiye-
Suhana : Kya kaha aapne??
Uncle Prakash thoda seham gaye. Yeh woh Suhana nahi thi jise woh jaante the — ek poori tarah professional businesswoman jisne kabhi kisi ladke ke liye iss qadar apni bhavnaaye vyakt nahi ki thi.
Lekin, Veer ne use badal diya tha.
Suhana : Aap chaahte hai ki mein yaha se bhaag jau? Aise time pe jab Veer ki family yaha khatre me hai??? Kya aapne dekha nahi ki abhi kya hua?
Uski awaaz waha goonj uthi. Uncle Prakash stabdh the. Unhone Suhana ko kabhi iss tarah se nahi dekha tha. Kabhi nahi.
Suhana : Jab tak mein unhe sahi salamat nahi pahucha deti, tab tak mein ghar nahi jaane waali.
Wahi kuchh dur khadi Sonia bhi uske nazdeek aayi.
Sonia : D-Di?? Y-Ye sab kya tha?? What just happened?? Gunshots... Bombing... Veer kaha hai?? What is going on??
Suhana : Sonu!!! Uncle aap Sonu ko leke jaiye yaha se.
Uncle Prakash : P-Par-
Suhana : Maine kaha na!!!
Sonia : What??? No way!!! Mein aapko akela chhor ke kahi nahi jaane waali.
Suhana : Sonu tum-
Sonia : Aapke orders Uncle par kaam kar sakte hai, di. Mujh par nahi. Aur, mein aapko bina yaha se liye kahi nahi jaane waali.
Suhana : Theek hai!! Toh, yahi peechhe hi rehna. Kisi ne planned attack karwaya hai. Koi 'Yarnia' ki launch ko target kar raha hai shayad? Ya fir koi kisi VIP ko maarne aaya tha??
Usne dekha ki andar se Suman kuchh aur aadmiyo ki madad dwara zakhmi parivar jann ko laa rahi thi. Ambulance se utre ladke bhi turant hi stretcher ki sahayata se unhe ambulance ke andar litaaye. Saath me parivar ke kuchh jann uss ambulance me sawaar ho gaye toh kuchh Suhana ki car me baith gaye. Aur, palak jhapakte hi woh sabhi waha se hospital ki orr ravana ho gaye.
Iss bhayanak drishya ka sadma agar kisi ko sabse gehra pada tha toh woh thi — Kaera, jo achanak hui iss ghatna se poori tarah se hil chuki thi. Uska badan kaanp raha tha. Kintu, uske bhay ka kaaran humla nahi tha.
Kaera (shivers) : B-Blood...!!!
Gaadha gehra laal khoon. Ye pehli baar nahi tha. Nidar, bejhijhak Kaera bhi akhir kisi cheez se darti thi aur woh tha — khoon. Uski sabse badi kamzori.
PTSD — ek mental health condition jo kisi atyant tanavpoorna ya bhayanak ghatna ke kaaran hoti thi — ya toh uska hissa hona, ya use spasht dekhna.
Woh pal...! Kaera ke puraane ghar par... Uss maali ki laash...!
Khoon... Slogan... Sab kuchh jaise use yaad aane laga. Puraani yaadein mastishk me mandraane lagi.
Uski saansein ukhadne lagi. Dil ki dhadkane achanak badh gayi.
*huff* *huff*
Mirror gallery... Uska agwa hona... Veer ka use bachaana... Uska ghaayal hona...
*huff* *huff* *huff*
Aur, achanak hi-
*Grasp*
Kaera : H-Huh!!?
Ek haath uske kandhe par aake use thaam liya. Woh mudi.
Kaera : K-Karan???
Karan, Kritika aur uske mata-pita ko baahar chhor ke aaya tha. Apni badi behan ki kamzori woh bhali bhaanti jaanta tha. Itne saalo baad use apni didi wapas mili thi. Woh dobara kaise use kho sakta tha?
Karan : Di!! Chaliye, mere saath. Yaha khatra hai.
Kaera : K-Karan!
Karan : Mein Raghu ke saath hospital jaa raha hu di. Veer ki family ke saath rahenge hum udhar. Aap Jassi ke saath ghar jaaiye. Ye jagah safe nahi.
Kaera : P-Par-
Ruchika : Karan Sir theek keh rahe hai, Miss. H-Hume jald se jald yaha se nikalna chahiye. Aap aisi condition me koi bhi rational decision nahi le payengi. It's better we let the men handle all of this.
Kaera : Par, V-Veer-!?
Karan (frowns) : Jab tak woh nahi aa jaata, yaha ki zimmedari meri bhi hai. Di! Aap ghar ki orr nikaliye.
Akhir kaar, Kaera ne haami bhari aur Jassi use waha se leke ravana ho gaya. Idhar Karan Raghu ke saath hospital ki orr ravana ho gaya.
Siren baje aur police ki kayi gaadiya waha ikhatta ho gayi. Ek ke baad ek police karmi apni-apni gun taane Hotel Prestige ko baahar se gher liye.
"Apne-apne hathiyaar fek do. Tum sab ko police ne chaaro orr se gher liya hai. Surrender kar do!!!"
Ek police officer ne announce karte hue kaha. Aur, golibaari waqai me tham gayi. Ahista-ahista police waale andar ki orr badhe. Balhaar ke aadmi bhi isme fas chuke the. Magar, woh jaante the ki jald hi unki bail karwaane ke liye madad aa hi jayegi.
Kuchh aur gaadiya aake dur ko ruki aur dhadalle se news reporters apne-apne cameraman ke saath waha coverage lene ke liye aa dhamke.
Jo jagah kuchh der pehle bade-bade VIPs se bhari hui thi, ab woh police aur media reporters se bhar chuki thi.
"Jaisa ki aap dekh sakte hai, hum iss waqt Hotel Prestige ke theek baahar se live hai. Khabar ke anusaar abhi yahi kaha jaa raha hai ki koi terrorist attack hua hai. Iss baat me kitni sacchaayi hai ye abhi dekhna baaki hai."
Ek mahila reporter ne Hotel se duri banaaye rakhte hue apna microphone pakad kar haafte hue sab varnan kiya.
"Goli-baari, bhayanak visfot, aur poori tarah se tabahi mach rakhi hai yaha. Yaha par 'Yarnia' ek clothing brand ka launch hone waala tha magar palak jhapakte hi sab kuchh tehes-nehes ho gaya."
Usne aage badhne ki koshish ki magar police ne use turant hi andar jaane se mana kar diya.
"Aap dekh sakte hai ki mujhe abhi bhi andar jaane nahi diya jaa raha hai. Aur... Aur, police ne shayad shooters ko daboch liya hai. Shooters ne surrender kar diya hai. Unhe police jeep me bitha ke le jaaya jaa raha hai."
Cameraman ne camera focus karte hue drishyo ko dikhaane ki koshish ki, lekin punah officers ne unhe andar ke drishyo ko dikhaane se mana kar diya.
Andar se shavo ko ambulance ke andar karwaya jaa raha tha. Aur, jaise hi ye sab hua, reporters microphone hathiyaar ki tarah liye police karmiyo ke paas pahuch gaye.
Reporter : Sir! Sir!! Humne abhi abhi dekha ki ambulance me kinhi logo ko le jaaya gaya. Kya hatya hui hai yaha?? Kitni sankhya hai?
Officer jo apni rifle liye wahi khada hua tha, usne jawab dene se pehle ek gehri saans li.
Officer : Dekhiye, iss samay hum koi bhi spasht sankhya jaari nahi kar sakte. Lekin, haan casualty hui hai. Situation ab control me hai aur jald hi official statement jaari kar diya jayega.
Reporter 2 : VIPs bhi yaha aaye the. Kya unme se kisi ko koi chot pahuchi hai??? Kya unhe koi muskan pahuchaya gaya hai??
Officer : Dekhiye, hum abhi bhi ghayal logo ka aaklan kar rahe hai. Jaha tak meri jankaari hai, sabhi VIPs sahi salamat aur surakshit evacuate karwa diye gaye hai. Lekin, hum abhi spasht roop se har kisi ka khulasa nahi kar sakte.
Lekin, media sirf police ke bayaano se santusht nahi thi. Asli sona toh gawaho ke paas tha.
Aur, tabhi peechhe ke gate se ek VIP nikal ke aaya. Uska pehnava poora ast-vyast ho rakha tha. Sadme ke chalte bechaare ka chehra peela pada hua tha. Patrakaro ki ek leher uski orr aise jhapti jaise maano shikaari khoon ki gandh soongh ke uss orr daud rahe ho.
Reporter : Sir!!! Sir!! Kya aap bata sakte hai ki andar kya hua???
Uss aadmi ne apna maatha pochha, uski saansein abhi bhi ukhdi hui thi. Jab usne apne vichaaro ko ikhatta karne ki koshish ki toh uske haath kaanpne lage.
VIP : Tabaahi...!!! Poora pagalpann!! Ek pal, hum sab celebrate kar rahe the. Agle hi pal... Ek zordar blast hua aur fir goliyaan chalne lagi. Har jagah!!! Ek do logo ko maine girte hue bhi dekha. *huff* *huff* Khoon hi khoon...!!!
Reporters aur jhuke, uske har shabd ko camera me qaid karne ki koshish kar rahe the.
Reporter 2 : Kya kya dekha aapne waha? Thoda aur vistaar se bata sakte hai??
VIP : L-Log chilla rahe the, har disha me bhaag rahe the. Maine dekha ki... Kayi saare aadmi guns liye lobby me achanak se ghuse aur goliyaan chalaane lage. Kuchh ko maine goliyaan lagte hue dekha. *huff* M-Mein apni jaan bachaane ke liye peechhe bhaag gaya fir.
Reporter 3 : Aapko kya lagta hai? Kaun ho sakta hai iss humle ke peechhe?
VIP : M-Mujhe kuchh nahi pata. Sab kuchh tezi se hua. Aur, hum bas bhaag rahe the.
Reporter 1 : Kya koi suraksha chook hui thi? Ye humlavar andar kaise aaye?
VIP (shivers) : M-Mujhe nahi pata. Mein toh bas ek guest tha, theek hai? Mujhe koi jankaari nahi hai ki woh log andar kaise aaye, kisne unhe andar kiya. Lekin, itna zaroor hai ki woh sab poore prepared the. Ye koi random hamla nahi tha.
Reporters ki bheed me ek sannaata chhha gaya.
Yeh koi random hamla nahi tha.
Patrakaro ne ek-dusre ko dekha. Woh jaanta the iss bayaan ka kitna wazan tha.
Reporter 1 : Aur, koi jankaari???
VIP : Ab sab police karegi. CCTV me zaroor unhe mil jayega. *huff* Mein ab aur jawab nahi de sakta. H-Hatiye!! M-Mujhe jaana hai.
Media ko ek kahani mil chuki thi. Palak jhapakte hi uss VIP ka bayaan poore news channels me prasarit ho gaya. Dekhte hi dekhte ye breaking news ab ek national news bann chuki thi.
Udhar ghar par Brijesh ne jaise hi samachar dekhe toh uska sarr chakra gaya. Woh bhay ke maare utha, aur bina koi pal gawaaye hotel ki orr bhaaga.
***
Hotel Prestige ke theek saamne uss khandahar waali imaarat ki chhat par Dexter ki laash dali hui thi.
Kuchh derr pehle woh bhaagne ki koshish kar raha tha jab achanak hi-
*Splurt*
"Urgh!!!"
Ek nukeeli blade aake uske seene ko cheer gayi.
Ek rear surprise attack.
Blade seedhe uske dil ko cheer ke baahar nikli thi. Use kuchh samajhne ka samay hi na mila. Na hi woh kuchh bol paaya aur na hi apne humlavar ko dekh paaya.
Aankhon ke saamne andhera chhaaya aur uska shareer zameen par girte hi thandi laash me badal gaya.
*Schling*
Blade ko nikaalte hue ek yuvti ne neeche padi Dexter ki laash ko ghoora. Uske mann me kya tha koi nahi jaanta tha.
Tabhi-
*Thud*
Neeche se aayi Ava ne dhadalle se darwaza khola. Saamne khadi yuvti ko dekh woh chaunki. Magar, bullet apna kaam kar rahi thi.
Ava sirf blood loss ki wajah se kamzor nahi hui thi. Uska kaaran tha — Poison.
Ek poison pallet jo bullet ki core me thi. Shareer ke andar jaate hi zeher ne apna kaam karna shuru kar diya tha. Yeh koi aisa-waisa zeher nahi tha.
Sarin (military designation GB) ek aisa nerve agent tha jo chemical warfare agents me sabse zehreela maana jaata tha. Na hi iska koi swaad hota tha aur na hi koi gandh. Sarin ke sampark me aate hi kuchh hi minto me ek insaan ki maut ho sakti thi.
Aur, isliye Ava itni zyada kamzor pad chuki thi. Uske andar Lily apni poori koshish kar ke zeher ko felne se rok rahi thi. Toh wahi, Healing Factor ki madad se Ava ka shareer naya khoon poori raftaar se banaata jaa raha tha taaki Red blood cells blood loss ki kami ko poora kar sake, white blood cells Sarin se ladte rehne ke baad immunity bana le. Aur, platelets ghaav ko bhar sake.
Ye ekmaatra poison bullet thi Dexter ke paas jo usne Tej ke upar chalaayi thi. Agar, aaj Ava waha na hoti toh Tej ki mrityu sunishchit thi.
Uske qadam ladkhadaye aur woh sarr ke bal peechhe girne hi waali thi jab uske saamne khadi yuvti palak jhapakte uski orr aayi aur use girne se bacha li.
Ava behoshi me chali gayi. Aur, tabhi-
"Shebaaaaaaa!!!!!"
*Keaaaaaarrrrrrrr*
Ek badi si aakriti upar aasmaan se neeche aayi. Dhamm se chhat par uske qadam padte hi poora chhat kampan kha ke reh gaya.
Upar hawa me ek baaj udta hua neeche aaya aur Dexter ke mrat shareer par jaa baitha. Apni nukeeli chonch se woh uske murda shareer ko noch ke ukhaadne laga aur use wahi kachha chabaane laga.
Uss yuvti ne Ava ko pakde hue bagal waali imaarat se chhalang laga kar aaye uss shaks ko dekha. Aur, fir bauhe kasste hue boli.
"It's a poison. Mujhe jald se jald treatment karna hoga."
Aur, ye koi aur nahi, Garofano hi thi. Aur, uske saamne khada woh shaks — Renshu.
'Yarnia' ka bhavya launch ho aur Veer unhe aamantran na de? Aisa kahi ho sakta tha? Woh sabhi abhi kuchh derr pehle hi India aaye the. Neeche se car se jab unhone Ava ko road cross kar bhaagte dekha toh unhe samajhne me derr na lagi ki kuchh gadbad thi.
Agle hi pal ek aur aakriti bagal waali imaarat se kood ke unki chhat par land ki.
Erica!!!
Erica : K-Kya hua? Urgh!! Sheba!!! Don't you dare eat human meat!!!
Woh uss par zorr se barsi. Magar, Sheba apni mundi hilaaye wapas se Dexter ke maans ko nochne me lag gaya. Renshu chhat ki edge tak gaya. Use neeche se saara manzar nazar aa raha tha.
Renshu : Police aa chuki hai. Yaha se nikalna padega.
Garofano : Laash ka kya??
Renshu : Rehne do. Waise bhi tumhe koi trace nahi kar payega. Tumne Erica ko chakma diya tha. Toh, ye police tumhare liye kya cheez hai?
Garofano : Hmph! Mujhe jagah chahiye. Treatment ke liye. Bullet nikaalni hogi. I think iske paas koi poison resistant skill ya card nahi hai. Aur, isliye... Ye behosh ho chuki hai. Andar system poison ko felne se rok raha hoga. I can give her an antiserum. That will make things better.
Uska aagman ekdum sahi samay par hua tha. Yohana's Scalpel, uska card — jiski madad se woh Ava ki surgery asaani se kar sakti thi.
'Freya!!! Full Status!!!'
*Ding*
Mastishq me turant hi full status ki do window uske saamne khul gayi.
Scroll me uske paas Antiserum tha. Fame points bhi uske paas kaafi maatra me the. Ava par antiserum ka istemal karne ke baad use jald se jald kuchh aur antiserum bana ke rakhne honge. Woh jaanti thi ki aane waale samay me kuchh bhi ho sakta hai. Taiyaari jitni zyada ho, utna behtar tha.
Renshu : Humari priority hai Veer se milna. Par, dekh ke lag nahi raha ki woh yaha par hai. Tumhare paas koi skill hai? Jis se Veer ka pata lagaya jaa sake?
Garofano : Nahi!!
Garofano ke paas aisi koi skill nahi thi. Renshu ne use kuchh pal ghoor ke dekha.
Garofano : What?? Iss tarah se dekhne ki zaroorat nahi hai. Mein sach keh rahi hu. Agar, hoti toh mein kab ka istemal kar chuki hoti.
Renshu (sighs) : Mere paas bhi nahi hai.
Iss baar Garofano ne use ghoor ke dekha. Renshu ne badle me koi jawab na diya.
Woh sab nahi jaante the ki Ava hi ekmaatra thi jiske paas Veer ko track karne ki koi skill thi — Death Flag!!!
Ava ne saari skills unhe nahi bataayi thi. Ye baat sirf aur sirf Veer jaanta tha ki agar koi use trace kar sakta tha, toh woh sirf Ava thi. Lekin, filhal woh behosh thi.
Erica chup-chaap chalte hue Ava ke nazdeek aayi. Jhukte hue usne Ava ko gaur se dekha. Ek pal ke liye use wo drishya yaad aa gaye jab Ava uske theek saamne ek deewar bann ke khadi hui thi, Jaw Long se bachaane ke liye.
Veer uski goad me ghayal pada hua tha aur Ava unn dono ko protect kar rahi thi.
Erica : Dad!!?
Woh achanak boli.
Renshu (glances) : Hmm?
Erica : Can we trust her???
Use apne pita ke bol yaad the. Ava ne hi Veer ko dhoka diya tha.
'Erica!!! Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'
Parantu, Jaw Long se bhidant ke baad Erica ke mann me Ava ki chhavi me parivartan aa chuka tha. Kya yeh waqai wahi ladki thi jisne Veer ko dhoka diya tha? Kya uss par bharosa kiya jaa sakta tha??
Renshu : Agar, abhi ki situation ke hisaab se dekhe. Toh, mujhe nahi lagta ki woh humare khilaaf hai. Woh bullet zaroor use kisi ko protect karte waqt lagi hogi. Toh hum ye anuman laga sakte hai ki woh humaare side hai. Filhal!!!
Erica : Par, aap hi ne kaha tha na ki kabhi Natalia Martin par bharosa mat karna!?
Renshu (nods) : Hmm! Kaha tha. Aur, uss baat ko abhi bhi mat bhoolna. Lekin, filhaal ke liye. Jaise halaat hai... Mujhe nahi lagta ki woh koi shadyantra rach rahi hai.
Erica : Mm! Okay!
[Oh, are you getting jealous my girl?]
'What?? Shut up, Genie!!! Mein kyu jealous houngi bhala?'
[Ye jaante hue ki yeh Ava Veer ke dil me apni jagah bana rahi hogi??? Hmm??]
'Shut up! Hmph! Aisa kuchh bhi nahi hai. Mujhe kya lena-dena unki love story se?'
[Fufu~ Well, I'll believe you. For now at least.]
Renshu (looks down) : Police yaha aa rahi hai. Erica!!!
Erica (nods) : Samajh gayi, dad!! Kaha par milna hai?
Renshu : Parking me...!
Aur, agle hi kshan-
*Whoosh*
Erica waha se gaayab ho gayi. Woh jaanti thi use kya karna tha.
'Veer!!! Kaha ho tum?'
[See? Mein sahi thi.]
'Ahhh!!! Genie!!! *blushes* Stop reading my mind.'
[Hehe!]
Nazro se bachte hue Erica andhere me Hotel Prestige ke nazdeek pahuchi. Uska yaha aane ka ek hi uddeshya tha-
'Basic Seer Vision!!!'
*Ding*
Skill activate hui aur chand pal pehle ki yaha hui sabhi ghatnaaye uske dimaag me drishya bann ke aane lagi.
Uske maathe par silvatein chhaa gayi. Dimag par zorr pad raha tha. Yeh pehli baar tha jab usne iss skill ka istemal kiya tha. Jaw Long se ladayi ke dauran Veer ko safeguard karne ka mission poora karne par use ye skill reward ke roop me praapt hui thi. Aur, aaj uska sahi upyog karne ka samay aa chuka tha.
***
Mumbai Police Headquarters,
Night - 9:30 PM ~
Trisha kaanp rahi thi. Kuchh hi palo me kya se kya ho gaya tha. Use apne andar ghutan si mehsoos ho rahi thi.
Uski beti, Pihu jaa chuki thi.
Apharan. Lekin, koi aam apharan nahi. Ye woh tha. Wahi killer jiska khauf poore raajya me fela hua tha.
Iss vichaar maatra se hi ki uski beti uss hatyaare dwara utha li gayi hai, Trisha ka badan jhatka kha kar reh gaya.
“Trisha!”
Ek dridh awaaz uske bhay ko cheerte hue kamre me aayi. Uska pati, Rohan andar ghusa aur uski aankhein apni patni par tik gayi. Trisha uski orr mudi. Uske honth thar-thara rahe the.
Trisha : R-Rohan!!! *sniff* M-Mujhe maaf kar do...!!! *sniff* Sab meri galti hai. Na mein apna dhyaan Pihu par se hataati, na woh baahar jaati aur- *sniff* Aur, na ye sab hota. *sniff* Sab meri galti hai. *hic*
Rohan ko sab kuchh gyaat tha. Aur, isliye usne poori police force uss serial killer ko pakadne me laga di thi. Udhar Hotel Prestige me alag humla ho chuka tha. Ek force waha bhi bhej di gayi thi.
Woh apni jagah par ruka. Uske haath ki mutthi kass gayi. Jis se poore raajya ke apradhi darte the, aaj woh khud hi apne aap ko kamzor mehsoos kar raha tha.
Kintu, woh apni kamzori nahi dikha sakta tha. Abhi toh hargiz nahi.
Police karmi uske aas-paas hi maujood the. Kuchh radio par baat kar rahe the, toh kuchh nigraani ki footage check kar rahe the. Phone baj rahe the, keyboards khad-bada rahe the, aur Rohan andar se poori tarah se toot ke apne aap ko mazboot dikhaane ki koshish kar raha tha.
Usne ek gehri saans chhori.
Rohan : Pihu ko kuchh nahi hoga. Mein use kuchh nahi hone dunga. Hum use waapas laa ke rahenge.
Uski awaaz dheemi thi. Kuchh zyada hi dheemi. Trisha ne zor se apna sarr hilaaya.
Trisha : *sniff* R-Rohan!! Woh koi aam kidnapper nahi tha. *sniff* Woh serial killer tha...!!! *sniff*
Woh uth ke uske paas aayi aur uski baah ko kass ke thaam li. Uske nakhoon Rohan ki baah me gadd gaye.
Trisha : Kahi woh... Kahi woh... *sniff*
Woh apna vaakya bhi poora na kar saki. Rohan ne use thaama. Uski pakad mazboot thi lekin kathor nahi.
Rohan : Meri taraf dekho, Trisha!!!
Trisha ne apni aasuo se bheegi palke uthaayi.
Rohan : Hum use dhoondh lenge.
Trisha ne apna nichla honth itni zorr se kaata ki lagbhag woh ghayal hone ko ho gaya.
Trisha : A-Aur, agar hum nahi dhoondh paaye toh? *sniff* Agar kahi derr ho gayi toh?? *sniff* Mein jeete jee marr jaungi, Rohan!!! *hic* Mein marr jaungi Pihu ke bina...
Humesha nidar aur shaant rehne waali Trisha aaj itni dari hui thi. Ye woh dar tha jab ek maa se uski aulaad bichhad jaati hai.
Iss raat pehli baar, aaj Rohan ke paas bhi koi jawaab nahi tha. Unke beech ek khamoshi chhaa gayi. Sirf Trisha ki subakne ki awaaz hi waha kamre me goonj rahi thi jo aas-paas ke shor se bhi chhup na saki.
Police station toh unke chaaro orr ki gatividhiyo se gulzar tha. Ye ek prakar se yuddh ki ghoshna thi. DGP ki beti ka apharan hua tha. Kisme itni aukaat thi ki raajya ke DGP ki beti ko hi agwa kar le?
Tabhi, ek junior police officer unki orr daudate hue aaya.
Policeman : Sir, sabhi units ko tainaat kar diya gaya hai. Humne bhaagne ke sabhi mumkin maarg — airports, railway stations, bus terminals ko band kar diya hai. Duty par maujood har officer high alert par hai.
Rohan (nods) : Mujhe har 5 minute ke andar update chahiye. Koi galti nahi, koi deri nahi!
Policeman : Ji sir!
Usne salaam kiya aur tezi se baahar nikal gaya.
Magar, Trisha ke mann me kuchh aur hi chal raha tha.
Trisha : Hum inn sab me time kyu barbaad kar rahe hai, Rohan??? Mujhe baahar hona chahiye... Mujhe humari Pihu ko dhoondhna chaahiye udhar jaa ke aur hum idhar-
Rohan : Aur, kaha dhoondogi tum use? Kya tumhare paas koi lead hai???
Trisha (yells) : Kahi bhi dhoondungi. Par, mein haath par haath dhare yaha kaise baith sakti hu. *sniff* W-Woh humari bacchi ko le gaya, Rohan!! Humari apni bacchi. Eklauti bacchi!!! *sniff* Mein marr jaungi-!!! *sniff* Mein nahi jee paungi agar use kuchh-
"TRISHAAAA!!!!"
Rohan ki awaaz poore station me goonj uthi. Ek pal ke liye sab kuchh ruk gaya.
Aas-paas ke police karmi unhe dekhe, lekin kisi ne hastakshep karne ki himmat nahi ki.
Rohan : I need you to think.
Trisha ka gussa fir ubaal maara.
Trisha (yells) : MEIN SOCH RAHI HU, THEEK HAI??? Aur, sochne ke baad bhi mere andar sirf aur sirf meri bacchi ki tasveer mujhe nazar aa rahi hai. Use kaisa mehsoos hua hoga uss waqt... Mujhse bichhadte waqt... Wo kitna darr rahi hogi... Kaha hogi... Wo humara intezar kar rahi hogi... Aur, mein yaha haath par haath dhare bas khadi hu...!!! *sniff*
Rohan : Tum ek maa ke saath-saath ek police officer bhi ho, Trisha. Agar, tumne apna niyantran khoya, agar tumne koi galat qadam uthaaya, toh ek baat yaad rakhna... Uski keemat humari Pihu ko chukaani padegi.
Aur, ye shabd kisi tamaache ki tarah uss par aake lage.
Trisha ladkhadayi, aur Rohan ne use dheere se thaam liya. Ek maun vaada. Woh ek maa thi. Haan. Lekin, saath hi ek police officer bhi. Woh kamzor nahi pad sakti thi.
Trisha : Tumne theek kaha, Rohan!! I'm sorry!! I'm so sorry!!
Usne Rohan ka haath kass ke thaam liya. Aur, fir officers ki orr mud ke woh boli.
Trisha : Mujhe ghatna ke dauran maujood har ek shaks thaane me chahiye. Uss Madhuri aur Pranjal ko bhi poochh-taachh ke liye yaha leke aao. Uss poore area ke escape routes block karwa do. Har mod, har gali par pehra hona chahiye. Gharo me ghuso aur poochh-taachh karo. Talashi lo. Jo bann sakta hai karo.
Rohan ne uska ye roop dekh, sehmati me sarr hilaaya. Aur, woh khud yaha ki kamaan Trisha ke haatho me saunp, Pihu ko dhoondhne ke liye waha se nikal gaya.
Magar, andar hi andar woh khud ghabraya hua tha.
Kyunki, iss se koi farq nahi padta ki unke haath me kitni power thi — abhi toh woh dono sirf ek mata-pita the jo praarthna kar rahe the ki unki bitiya sahi salamat aur jeevit ho.
***
Carewell Hospital...
Nidhi, aspatal me ek bistar par laiti hui thi. Uske sarr par pattiyaan bandhi hui thi. Chehre ka rang peela tha aur honth sookhe. Uske haath se ek IV line judi hui thi jo ek taral padaarth uske shareer me pahucha rahi thi.
Nidhi ke parivar-jann doctor ke ird-gird hi khade the.
Doctor : Dekhiye! Humne ek mild sedative unhe diya hai taaki unki sthiti aur na bigad jaaye. Sarr par chot lagte waqt ek mild concussion hua hai unhe. Neurological assessment ho gaya hai aur abhi tak internal bleeding ke aise koi bhi sanket nazar nahi aaye hai. Ye achhi baat hai. Lekin... Dehydration bahut zyada hua hai. Shareer me jo essential electrolytes hote hai woh kaafi kam ho chuke hai. Yahi kaaran hai ki woh itni kamzor hai.
Doctor ki baatein Nidhi ke mata-pita ko samajh aayi ho ya na aayi ho, magar Shreya poori tarah se sab samajh chuki thi.
Ramandeep : T-Toh humari bitiya theek toh hai na???
Doctor (nods) : Haan! Abhi toh theek hai. Dekhiye, woh kaafi stress me thi. Physically bhi aur mentally bhi. Uske baad dehydration, exhaustion aur fir sarr par chot aur concussion. Isliye, hydration level restore karne ke liye humne unhe ek intravenous saline solution diya hai. Dard ke liye ek analgesic aur woh abhi rest kar sake uske liye ek mild sedative. Abhi unhe agar kisi cheez ki sabse zyada zaroorat hai toh woh hai araam.
Shreya kone me chup-chaap baithi thi, uske ghutne uski chhaati tak khiche hue the. Uske chehre se lagatar aansu beh rahe the. Unn sab ki nanhi Juhi laapata thi aur ab uski badi behan aspatal me behosh padi hui thi.
Uski bhabhi, Dipti ne uske kandhe par apne kaanpte hue haath ko rakha. Lekin, saantvna dene ke liye use koi shabd nahi mile. Akhir, kya keh sakti thi woh?
Nidhi ki maa, Hema chhote se Dhruv ko liye apni goad me jhula rahi thi, magar aankhein apni bitiya Nidhi par tiki hui thi. Juhi ka gham sabko bahut chot pahucha raha tha.
Hema : Doctor sahab! *sniff* Hosh me aate hi woh firse bhaagne ki koshish karegi.
Doctor : Isliye toh sedative diya gaya hai na.
Nidhi ka bada bhai, Ishaan bhi wahi tha.
Ishaan : J-Juhi!! Mein Juhi ko dhoondhne jaa raha hu. Police apna kaam karegi, lekin hume unke bharose bas nahi rehna chahiye.
Ramandeep : Haan beta! Sambhal ke!! Ya mein bhi chalta hu.
Ishaan : Nahi papa! Kisi gents ka yaha rehna zaroori hai. Mein jaata hu.
Shreya : Bh-Bhaiya mein bhi chalungi aapke saath. *sniff*
Ishaan : Nahi, Shreya!!! Dipti-
Usne apni patni ki orr dekha. Dipti uska ishaara samajh gayi.
Dipti : Shreya! Inhe jaane do. Humara yaha rehna zyada zaroori hai.
Kehte hue usne Shreya ko apne gale se laga liya. Aur, Shreya bilakh-bilakh ke rone lagi.
Hema ki pakad Dhruv par kisi kaaran mazboot ho gayi. Jaise ab use surakshit rakhne ki koshish kar rahi ho ki kahi Dhruv bhi unke paas se-
Juhi ki anupasthiti unke liye ghaav samaan thi. Kuchh bhi ab pehle jaisa nahi tha.
***
The Underground Lair…
Chhapaak ki awaaz ke saath Veer underground lair me kooda. Gehre dum ghotne waale andhere ne use poori tarah nigal liya. Neeche aedi tak paani bhara hua tha. Lekin, ye baat uski hairat ka kaaran nahi thi. Hairat ka kaaran thi yeh jagah.
Tracer ki madad se woh yaha tak pahucha tha aur ab use sab samajh aa chuka tha ki Police ab tak iss hatyaare tak kyu nahi pahuch paa rahi thi.
Ye underground lair… darasal… ek shamshan ke neeche thi.
Raat ke andhere me achhe se achha aadmi shamshan ke andar pravesh karne se kaanp uthata hai. Isme koi shaq nahi tha ki iss hatyaare ne yeh jagah kyu chuni thi.
Par, Veer ko abhi aur bade-bade jhatke lagne baaki the.
Idhar uska aagman hote hi, lair ke kendra me maujood uss paagal hatyaare ko iska pata lag gaya. Uske muh se jeebh laar tapkaate hue baahar nikli.
“The time has come… Ehe… Ehehe!!!”
Aur, Veer ke idhar ek qadam aage lete hi-
*Ding*
[‘Tracer’ has been nullified.]
[Juhi’s location is no longer available.]
‘What???’
Uske badan me ek sihran daud gayi. Tracer me dikh rahi Juhi ki location aur map dono hi achanak se gaayab ho chuke the. Uska poora shareer tanavgrast ho gaya. Andar ki hawa ghani, namm aur gandh se bhari hui thi.
'W-What's going on???'
[Master! Tracer ko nullify kar diya gaya hai.]
Pari ki ghabrati hui awaaz uske andar goonji.
‘Pari!! Y-Ye kaise-!?’
[I don’t know, Master! Sambhal ke please! It’s now clear! Ye ek system holder hai. Usne kuchh use kiya hoga jiski wajah se Tracer nullify ho gaya. Shayad use pata tha ki aapne Juhi pe tracer lagaya hai.]
‘What??? Ye kaise ho sakta hai? Tracer ke baare me use kaise-?’
[Hum ek system holder se bhid rahe hai. Anything is possible, Master! Please, be careful!]
‘Hmm!!!’
Veer ne qadam aage badhaaye. Paani uske perro se bhid ke idhar-udhar chhalak raha tha jo underground lair ke sannaate me bhaari shor paida kar raha tha. Jaise-jaise woh aage jaa raha tha, andhera aur badhta jaa raha tha. Dekhna uske liye mushqil hota jaa raha tha.
Aur, use Jaw Long se bhidant ke waqt praapt hui uss skill ka dhyaan aaya.
Aura Vision.
Veer jaanta tha ki usne Aura Vision ko upgrade nahi kiya tha. Woh jeevit cheezon ka aura toh dekh sakta tha magar jin cheezo me jaan nahi thi unhe woh nahi dekh sakta tha.
‘Pari! Kitne points available hai??’
[15000!]
‘Aura Vision ko upgrade karne ke liye kitne chahiye???’
[5000]
‘Upgrade kar do!’
[Are you sure?]
‘Yeah! Mein risk nahi le sakta. Aur, deri bhi nahi kar sakta. Juhi andar hi hai. Mujhe jald se jald waha pahuchna hoga iske pehle ki-’
*Ding*
[Aura Vision has been upgraded to Max.]
[Aura Vision is now activated.]
Skill ke activate hote hi poora vatavaran uski nazar me ek grayscale me dhal gaya. Humans ke liye aura ka rang blue tha. Plants ko darshaane ke liye green. Animals, birds, insects aur organisms ke liye ye yellow tha. Negative energy ko bhaapne ke liye black aur nonliving things ke liye brown.
Par, itna hi nahi… Ye sabhi color alag-alag shades me the jiske chalte Veer cheezon me bareeki se antar dekh paane me saksham tha.
Vision ke badhne se Veer ne ek pal bhi zaaya nahi kiya.
‘Let’s go!!!’
*Whooooossshhhh*
Chhap-chhap kar paani uske daudne se chhalakta gaya. Lair kisi underground tunnel ki bhaanti prateet ho rahi thi. Usne apni raftaar thodi dheemi ki. Dheere-dheere jhijhakte hue woh aage badha, uske joote keechad jaisi dharti me dhans rahe the. Magar, thoda andar aate hi uske qadam wahi tham gaye.
‘What the-!!??’
Saamne ka nazara itna khaufnak tha ki Veer ke badan ke rue khade ho gaye.
‘Urgh-!’
Usne apni aasteen upar kar apni naak ko apni baah se dhak liya. Lekin, badbu uski twacha, uske kapdo, uske fefdo me ghus rahi thi. Aankhein bhay ke maare feli aur dil ki dhadkane tez ho gayi. Deewaro par laasho ki kataare lagi hui thi, kuchh fati hui boriyo me lipti neeche dali thi, kuchh ke chithde ho rakhe the, kuchh ke ang ajeebo-gareeb dhang se mude hue the.
Vibhinn jaanvaro ke kate hue dhad, maans ke tukde, haddiya, andhruni ango ke chithde aur na jaane kya kya. Khoon aur gande paani ki gandh poori hawa me fel rakhi thi — sadte maans, mal-mootra, aur mrityu ka ek mishran.
Keede unn sadte maans par mandra rahe the, makkhiyaan ka bada sa jhund bhook se bhin-bhina raha tha. Aur, unke pankh dum ghotne waali shaanti me goonj rahe the.
Veer ko akbakayi si mehsoos hui aur Juhi ke baare me sochte hi uska shareer thanda pad gaya. Kis tarah ka khooni tha ye? Kahi Juhi bhi-?
‘Nahi!!’
Usne apne perro ko hilne ke liye majboor kiya. Uska ek perr fati hui boriyo me se nikal rahi kisi laash ki atadiyo par pada.
'Fuck!!!'
Usne uss bhayankar drishya ko paar kiya. Ek kata hua haath uske jooto se takraaya, jo paani ke upar hi terr raha tha.
Gati badhaate gye woh udhar se nikalte hi punah dang reh gaya. Alag-alag dishao me alag-alag maarg jaa rahe the. Kaun sa raasta sahi tha?
‘This is bad…! Mere paas inn sab ka samay nahi hai!!’
Use yakeen nahi ho raha tha ki underground lair itni badi hogi. Akhir, iska nirmaan kisne kiya? Ye kisi bhool-bhulaiyaan se kam nahi thi.
Pari ne bina uske poochhe hi 'Path Tracker' on kar diya. Kam se kam woh apna raasta toh nahi bhoolega jaha se woh aaya tha.
Woh aage badh hi raha tha jab uski perro ki neeche kuchh daba-
*Click*
Khatra mehsoos karte hi Veer ki aankhein darr ke maare chaudi ho gayi. Iske pehle ki uska dimag kuchh samajh paata ki kya ho raha hai, uska shareer apne aap pratikriya kar diya.
[Master-!!!]
Woh akasmat peechhe ko kooda aur uske koodate hi-
*Schling* *Schling* *Schling*
Paani ke andar neeche se nukeele lohe ke spikes tezi se upar aaye. Unme zung lagi hui thi, sookha khoon unn par chipak ke jamm chuka tha. Ek saboot ki pehle bhi iss se kisi insaan ki maut hui hai.
Agar, woh sahi samay par na hatata, toh woh spikes uske shareer me dhans chuke hote. Usne apne aap ko uss jagah par imagine kiya. Paseene ki ek boond uske maathe par se fisal gayi.
Aur, jaise hi woh khada hua-
*Swoosh* *Swoosh* *Swoosh*
Bayi orr se ghoomne waali blades ki ek kataar udti hui uska sarr dhad se alag karne ke liye tezi se aayi.
'Shit!!!'
Samay rehte hi usne bamushqil apne shareer ko moda, tez dhaar uske blazer ke kapde ko chhu kar nikli aur uska kuchh bhaag fatt kar alag ho gaya.
'Fucking hell...!'
[Master, there are traps. Hume savdhaan rehna hoga.]
Veer ki saansein tez hui. Kahi koi floor plate, kahi koi trip wire, kahi koi chhipa hua trigger. Har qadam par koi na koi khatra tha. Jisne bhi iss jagah ko banaya tha, usne logo ko maarne ke liye hi ye design ki thi.
Yeh sirf ek underground lair nahi thi.
Yeh ek slaughter house tha.
Aura Vision se use non living things dikh toh rahi thi, par inn traps ko trigger karne waale upkaran saare paani ke neeche maujood the. Unhe dekhne ke liye, paani ke andar muh dubona padta, jo Veer hargiz nahi karne waala tha.
Pari ki chetavni par woh iss baar savdhani se aage badha.
'J-Juhi!! Be safe!!!'
Uski aankhein aur jaal talaash rahi thi. Lekin, jaise-jaise woh aage badhta gaya, zameen par gandagi ghani hoti chali gayi aur hawa bhaari hone lagi.
Aur, fir... Use sunayi diya.
*Splish*
Ek qadam.
Paani ka chhapakna.
Koi tha.
Veer wahi jamm gaya. Magar, uska poora shareer high alert par tha. Usne suna.
*Splish*
Ek aur qadam.
Daayi orr se.
Uska sarr dhwani ki disha ki orr muda, lekin — kuchh nahi. Dur-dur tak kuchh nahi tha.
'Huh???'
Tabhi-
*Splish*
Iss baar baayi orr se.
Woh fir ghooma, magar — koi bhi nahi.
Uski saansein aur tez ho gayi. Achanak, uski line of sight ke baahar kuchh harqat hui. Use apni hi dhadkano ki awaaz sunayi de rahi thi.
Usne apni mutthi kasi, knuckles poore safed pad gaye.
Aur, tabhi-
Ek fusfusahat.
Aur, fir ek dheemi pagalpan waali hasi use sunaayi di.
"Ehe...!!!"
Woh yaha aa chuka tha.
Sannaata ghutan bhara tha. Veer shaant tha, aisa lag raha tha maano underground lair uske chaaro orr saans le rahi thi. Chhayaaye idhar se udhar ho rahi thi, maano use dekh rahi ho, intezar kar rahi ho. Tabhi-
*Swish*
Ek blade hawa ko cheerte hue aayi. Sahi samay par Veer ne apna sarr jhukaaya. Hathiyar uske chehre se ek inch ki duri se hoke guzra. Uske paas maatra ek second hi tha khud ko hataane ke liye jab-
*Whoosh*
Ek aur humla.
Woh bacha. Usne apne aap ko moda, uski pasliyaan marud ke reh gayi. Ek ke baad ek humla uski orr aaya, magar koi bhi nazar nahi aaya.
'Tch! Where the hell is he-!??'
"Ehehehehe~"
Wahi hasi ek baar fir hawa me goonj gayi.
'Enough of this...!'
Uski aankhein saamne ke raaste par tik gayi. Aur, fir use ek aakriti nazar aayi.
Andhere se woh aakriti baahar nikal kar aayi. Veer ne use dekha.
Lamba, patla shaks. Safed lambe baal, baahar ko aati aankhon ki putliyaan. Uska dhasa hua chehra ek bhayanak muskurahat me badal gaya. Uski jeebh ajeeb tarah se baahar nikli aur usne apne fatey hue hontho ko chaata.
'Check!!!'
*Ding*
[No information available.]
Woh sahi tha.
'System holder...!!!'
Ye wahi tha. Jiska sketch police dwara banwaya gaya tha.
Veer : Tum-!!! Tum hi ho woh serial killer. *frowns* Juhi kidhar hai???
Uski awaaz dheemi magar khatarnak thi.
Uss aadmi ne apna sarr jhukaya. Aur, fir woh hasa... Itni zor se hasa ki uski haivani hasi waha goonjne lagi.
"Ahahahahahahaha!!!"
?? : Tum... Tum akhir aa gaye... Ehe!!! Mein tumhara hi intezar kar raha tha...!!!
Veer thitak ke reh gaya.
Veer (frowns) : Kya matlab-!?
Woh aadmi muskuraya, aur kareeb aane laga. Uski ungliyaan utsaah me hil rahi thi. Uski jeebh baahar nikli maano jaise ki saanp ki tarah hawa ka swaad le rahi ho.
?? : Tum yaha... meri wajah se aaye ho... Ehehehehe...
[He might be playing mind games, Master. Uski baaton me mat aaiye.]
?? : Ehe... M-Mein hi tumhe yaha leke aaya... Ye sab... Plan tha... Ehehehe...
Veer ki reedh me sihran daud gayi.
'N-No! What the fuck is he talking about?'
?? : Murders to hone hi the... Ehehe... Mere experiments ka hissa... hehe... Magar, sirf wahi nahi... Tumhe yaha laane ke liye... Ahahahaha...
Veer ki kuchh samajh nahi aa raha tha. Ye paagal aadmi kya bole jaa raha tha?? Nahi! Ye sach nahi tha. Uski mulaqat toh iss psycho se pehle kabhi hui hi nahi thi. Fir, bhala woh kyu use-!?
?? : Eh... Tum confused ho... Hai na?? Don't worry... Mein tumhe bata deta hu... Hehe...
Veer : ???
?? (mutters) : Lure Path!!!! Hehehehe-!!!
Sunte hi Veer ke andar maujood Pari kaanp ke reh gayi.
[N-No-!!!]
'Huh?? Pari? Kya hua? Lure Path? Kya hai ye???'
Pari ne uske sawaal par seedhe hi jankari prastut kar di.
*Ding*
[Legendary Scroll : Lure Path
Description : A scroll that allows the user to lure a specific person. The scroll will generate a path which must be followed in order to lure a person. User must imagine the person he/she wants to lure in and scroll will then act upon itself.
Note : Can even lure a system holder.]
Padhte hi Veer ke raungte khade ho gaye. Ek aisa scroll jiski sahayta se kisi bhi vyakti ko apni territory me laaya jaa sakta tha.
Pehle Madhuri ke pita, Prabhakar ki hatya... Aur, fir use mission milna... Pune se hoke Lonavla tak aana... Aur, fir Juhi... Iska matlab... Ye sab kuchh ek plan ka hissa tha!?
Veer ke bhaav dekh uss paagal insaan ki muskaan aur badh gayi. Insaan toh uska target the hi... Parantu, sabse bada target uska tha — Veer!!!
Lure Path.
Isi ki kaaran Veer ko woh mission mila.
Veer : N-Noo-!! M-Magar, tumne mujhe kyu...
?? (screams) : Kyunki tumhari wajah se... maine apna target khoya tha... *growls* Tumhari wajah se...
Veer : Wh-What!?
Woh gurraaya. Uski aankhon me bhayanak gussa nazar aa raha tha.
?? : Tumhari wajah se... Sab tumhari wajah se... I was so close to my experiment... Eh... B-But... You... You took my target away from me...
Veer : !!??
?? : You took him away from me...!!!
One year ago,
Clark County Prison,
Las Vegas...
Laalach aur paap ke iss sheher me dhero shaitaan baahar ghoom rahe the. Magar, asli raakshas toh yaha Vegas ki jail me band baithe the.
Aur, ek aadmi holding block ke sabse andhere kone me baitha tha. Safed baal, dhansi hui aankhein, haivani muskaan.
Uski ungliyaan jail ke bars par bandhi hui thi. Woh kisi bhooke jaanvar ki tarah kisi ka intezar kar raha tha.
Aur, tabhi-
Deeware kaanp gayi. Ek visfot ne sannaate ko cheer diya, jis se poori imaarat hil ke reh gayi. Sirens ki awaazein goonjne lagi.
Woh aa chuka tha.
Crimson!!!
Yahi woh waqt tha jab Crimson ne jail se Jim the Slippery ko chhudhwaya tha.
Usne baaki bhaag rahe apraadhiyo ki orr dekha tak nahi. Dhua chhat raha tha aur uski nazar kisi orr cheez par thi.
Aur, fir usne dekha.
Ek paagal insaan. Crimson ke ghoorte hi uss paagal insaan ke badan me ek utsaah ki leher daud gayi. Jaise maano ek shikaari dusre shikaari ko pehchaan raha ho. Woh sahi tha.
?? : Ehe... Tum bhi... Tum bhi hum me se ek ho??? Ehehehehe... Mere patients... Ehe... Mein aaya...!!!
Kehte hue woh waha se bhaag nikla. Magar, jaise jaise woh bhaag raha tha. Woh apne peechhe Crimson ke aane ka intezar kar raha tha.
Akhir, sab kuchh usi ne toh racha tha.
Lure Path...!!!!
Jim the Slippery ka jail me jaana koi ittefaaq nahi tha. Uss paagal ne Lure Path ka istemal kiya tha.
Crimson ki jankari use Vegas me reh kar lag chuki thi. Aur, uska target wahi tha.
Jim the slippery ko jail pahuchana, Pitcher aur Nightwalker jaise apraadhiyo ko sakreeya karna — Ye sab uss paagal ka hi toh kiya dhara tha.
Idhar, usne Lure Path chalaaya aur udhar Crimson ko-
*Ding*
[Mission : Assemble the criminals — Jim, the slippery, The Nightwalker, The Pitcher.]
Bechare Crimson ko ye pata tak nahi tha ki use mission uss paagal ke Lure Path istemal karne ki wajah se mila tha.
Use lag raha tha ki woh Mr. X ke khilaaf ladne ke liye ek criminal squad bana ke underworld me apni taaqat badhayega magar, use iss baat ki bilkul bhanak nahi thi ki woh khud ko uss paagal system holder ki thaali me paros ke de raha tha.
Sab kuchh uss paagal system holder ke shadiyantra ki mutabik jaa raha tha jab achanak beech me ek naya variable kood ke aa gaya-
Veer...!!!
Uss paagal ko laga tha ki ab Crimson uska peechha karega. Aur, fir woh Crimson ko apna bandhi bana lega. Yahi toh kaaran tha jo usne khud ko bhi salaakho ke peechhe rakha tha. Woh jaanta tha ki Crimson Jim the slippery ko chhuraane aayega hi aayega.
Parantu, aisa na hua...
Veer ke aa jaane se, Crimson ka dhyaan Mr. X ki orr jaa chuka tha. Aur, jaha Crimson ko uss paagal ka peechha karna chahiye tha, usne aisa kuchh bhi nahi kiya.
Balki, woh Jim the slippery ke peechhe bhaaga. Antatah!? Uss paagal system holder ki tarqeeb naqamyab ho gayi.
Aur, uske baad-?
Crimson ki maut — Veer ke haatho.
Aur, ab yahi Lure Path Veer ke liye istemal ho chuka tha. Jaha Veer samajh raha tha ki woh killer ke nazdeek pahuch raha hai, magar asliyat me toh killer hi use apne paas bula raha tha. Yahi tha legendary scroll — Lure Path.
Iska bodh Veer ko apne upar kisi bhaari patthar ki tarah mehsoos hua.
Ye haal hi me mare log... Ye pattern... Hatyaare ko dhundhne ka mission...
Ek trap.
Veer ladkhadaya. Uski saansein ukhdi.
Jis qadar se woh Veer ko qadam dar qadam aage badha raha tha, ye koi sanyog nahi tha. Ye ek luring path tha.
Aur, ab use ehsaas hua. Itne log jo maare gaye the. Woh kahi na kahi uski hi wajah se maare gaye the. Woh nirdosh log... Madhuri ke pita... Yaha tak ki nanhi Juhi ka apharan.
Veer : Y-You-!!!
Uski awaaz kaanp uthi. Iss baar dar se nahi, balki gusse se.
Veer : Y-You killed them. Unn nirdosho ko tumne... Tumne maar daala!? Mujhe yaha laane ke liye...!?
?? : Ehehehehe!!! They didn't die... They became immortal after being a part of my experiment... hehehe... Their names will go down in history... Hihi...
Veer ka shareer akad gaya.
'M-Meri wajah se... Woh log... Juhi... Meri wajah se...!'
[Master!!!]
Use ab tak samajh nahi aa raha tha ki ye paagal akhir uske peechhe kyu pada tha. Bhala kis target ki baat kar raha tha woh?
Veer : You said I took your target... Who was it???
?? : Oh!! You don't remember??? Ehehehe... Yaad karo... Yaad karo...
Veer : *frowns*
?? (growls) : CRIMSON!!!
Naam sunte hi Veer ki aankhein fati ki fati reh gayi. Isme koi shaq nahi tha ki usi ne Crimson ko maut ke ghaat utaara tha.
Veer (shivers) : H-How? T-Tum kyu-!?
?? : Enough talk! My patience is running out... Time to kill... Ehehehehe...!!!
[Master, be ready.]
?? : Here I come!!!
*Whoooooooooooshhh*
Kehte hue woh ek jhatke me gaayab hua.
Aur, tabhi underground lair ke kendra me ek laboratory ke andar bandhi jaddo-jehed ke baad akhir kar apne muh se kapda hataane me saksham thi.
Kapda hatata hi uski zor se cheenkh nikli-
"Mummmaaaaaaa-!!!!!"
Jo poori underground lair me goonj uthi.
'Juhi!!!'
Juhi ki awaaz sunte hi Veer ke badan me raungte khade ho gaye. Parantu-
*Ding*
['Beowulf's Blessings' has been activated.]
Uski aankhein laal rang me dhal gayi. Woh paagal uski orr lapka.
*Swoooooooossshhhhhh*
Pehla vaar.
*Dodge*
Dusra vaar.
*Dodge*
Teesra vaar.
*Dodge*
Chautha vaar. Seedhe uske pait ki orr-
*Dodge*
Magar,
'Huh???'
*Craaaaackkkkkk*
'What???'
Uss paagal aadmi ka lohe ka staff Veer ke dono haatho se banaye defence ko chakna choor kar diya.
Aur, vaar aake seedhe uske pait me pada.
"Blurgh!!!"
Iske pehle ki woh sambhal paata-
*Ding*
[A curse has been applied on the host.]
[Master!!! Run-!!!]
'Wh-What????'
Kintu, Veer ko bhaagne ka mauka hi na mila jab-
Wahi staff aake seedhe uske daaye gaal par pada. Veer ka shareer hawa me uchhla aur jaise hi woh land karne waale tha-
*Whoosh* *Whoosh* *Whoosh*
Paagal system holder ne apna staff zorr se uski orr fek diya.
'Sh-Shit!!!'
Hawa ko cheerte hue staff gol-gol ghoomte hue uske sarr ki orr aa raha tha. Samay nahi tha. Veer ne majbooran hawa me rehte hue apne dono haath se block kar apne sarr ko bachaaya aur-
*Thud*
"Urgh!!!"
Staff itni zorr se uske haatho me aake laga ki use dard kass ke mehsoos hua. Lekin, jaise woh paagal pehle se hi jaanta tha ki Veer haatho se hi staff ko block karega.
Veer jaise hi land kiya, utni derr me woh paagal Veer ke theek muh ke saamne tha-
?? : Surprise... Ehehehe...
'Fuck!!!'
*Baaaammmmmmm*
Ek aur vaar. Seedhe Veer ki kanpati ki orr... Jise Veer ne punah apne haatho se block kiya.
Woh peechhe ki orr kooda.
Kintu, tabhi-
*DONG*
Ek alag si dhwani use apne andar sunayi di. Nahi! Ye notification ki awaaz nahi thi.
Awaaz itni zorr se aayi thi ki Veer ka poora badan hil ke reh gaya tha.
Aur, agle hi pal-
[N-No!! Master!!!]
Use apne mann me saamne nazar aaya-
*Ding*
['Beowulf's Blessings' is broken.]
Veer ki aankhein bhay ke maare fel gayi. Woh ghabraate hue uss paagal ko dekh raha tha. Uske honth apne aap khule-
"Wh-Who are you-!!?"
Aur, dusri orr se dheere se ek jawaab aaya-
"They call me... THE DISEMBOWLER!!!"
.
.
.
.
.
.
.
.
Aaj ke liye itna hi guys.
This update consists of 8.8k words.
Target apna wahi hai. 250+
Pahucha diyo araam se. Agle update me mein sab finish kar dunga. Ye fight agle update me samapt ho jayegi. Jaisa ki maine kaha tha do updates lagenge hi lagenge. Mera aadhe se zyada time Disembowler ki skills aur cards banaane me gaya hai. So, you can see it already. Upar se Garofano ka full system alag. That's why it takes so much time. Anyways, ab milte hai agle bhaag me.
Dhanyavad.
Update - 194 ~ The Disembowler
Ab tak...
Neeche paani aedi tak bhara hua tha. Chhapaak ki awaaz ke saath Veer ki aankhein laal rang se chamak uthi.
Aur, udhar hi andar kahi... Uss paagal insaan ko Veer ke aane ka ehsaas ho gaya.
Woh haivani muskaan liye muskuraaya.
?? : Well... My food got delivered already. Ahahahahahaha!!! The main dish has come-!!! You will have to wait for a while, young ones. *Slurp* Ohhh!!! I'll come back soon. Don't worry!!! Ehehehehehehe!!! Yahahahahaha! Now... Shall we get started????
Ab aage...
Dhua... Aag... Khoon...
Barood ki gandh hawa me mandra rahi thi. Kabhi Hotel Prestige ki bhavya lobby — sunehre foolo ki sajavat se saji — ab ek yuddh kshetra me badal chuki thi. Toote hue kaanch, ukhda hua 'Yarnia' ka logo aur kuchh shav waha dale hue the.
Security guards farsh par pade the, unki uniforms gehre laal rang se ott-prot ho rakhi thi. VIPs apni security dwara waha se sahi salamat bach nikalne ke liye bhaag rahe the. Sabhi social media influencers, fashion enthusiasts, models waha se apni jaan bachaane ke liye faraar ho chuke the. Jitne mehmaan aaye the, unme se adhiktar peechhe ke darwaaze se bhaag chuke the. Arajakta badhti jaa rahi thi.
Aur, inn sab ke beecho-beech, Tej waha khadi hui thi — ekdum sthir.
Uska seena tezi se haafte hue upar-neeche ho raha tha. Woh abhi bhi Veer ke bol apne dimaag me sunn paa rahi thi — shaant, bharosemand, 'Yarnia' ki zimmedari use saunpte hue.
'Mein ye zimmedari aapko saunp raha hu, Teju di. Mujhe aap pe poora bharosa hai.'
Kintu, woh nakaam thi.
Yahi uska pal tha — yahi woh waqt tha. Woh kshan jab woh ek aisi behan bann ke dikha sakti thi jis par uska chhota bhai, Veer nirbhar ho sake. Woh behan jo uske saath kandhe se kandha mila ke khadi ho sake, mazboot aur atoot. Kamzor nahi. Asahaay nahi.
Fir bhi, akhir kya hua? Woh keval waha khadi bas sab kuchh ghatit hota dekhti reh gayi.
Woh ghumi, uski nazar neeche pade khoon se lathpath vyaktiyo par padi aur woh wahi jamm ke reh gayi.
Uske bagal se khadi Bhumika ka chehra bhi peela pad gaya, uske honth thar-tharaye par koi shabd baahar na aaye.
Iss taraf, Shweta ne kass ke Bhavna ki baah pakad li, uska samaanya ghamand kahi gaayab ho gaya — uski jagah sarasar, bhay aur aatank ne le li. Bhavna swayam, humesha ki tarah shaant, humesha ki tarah niyantran me, iss waqt jami khadi hui thi — uski aankhein kamre me neeche pade ek shareer par tiki hui thi.
Iss orr Arohi akad ke reh gayi thi, usne Kavya ki kalaayi ko itni kass kar pakda ki uski kalaayi safed ho kar reh gayi. Bechari Kavya ka muh sadme ke chalte khula reh gaya, uski humesha ki tarah chulbuli masoomiyat uske aas-paas ke narsanhaar se khatm ho gayi.
Arohi (shivers) : N-Nahi-!!! Nahi!!
Kavya (sobs) : D-Di!!? Didiiii-!!! Mummyyyyy-!!!!
Woh dono aage bhaagi. Magar, woh akeli nahi thi.
Parijaat ki aurtein.
Woh sab ek pal me aage aayi — ek saath, atoot nishtha aur maun krodh liye.
Suman (yells) : Saili... Aabha... Sonali...!!! Didi log ko baahar leke jao!! Abhi!!!!
Woh zor se chillaayi. Uska aadesh sunn teeno hi javaan ladkiyaan haami bhar baari-baari Tej, Arohi, Bhumika, sabhi ko ekatra kar woh unhe peechhe ke darwaze ki orr le jaane lagi.
Ishaara samajhte hi Varsha, Sudha, aur Mukta daudate hue Suman ke nazdeek aayi aur saath milke woh neeche pade vyakti ko uthaane lagi.
Suman (frowns) : Sudha!! Perr pakdo!! Araam se...!!! Mukta chalo!!! Udhar bhi-!!! Jaldi!!! Fatafat uthao.
Mukta ne wahi bichhe table clothes utha ke khoon behte hue ang par lapetna shuru kar diye.
Sudha : Didi, kh-khoon bahut...
Suman : Shhh!!!
Sudha ghabra rahi thi. Poori kamaan ab Suman sambhaal rahi thi. Dono vyaktiyo ko zameen par se uthaaya gaya.
Udhar bheetar pichhle darwaaze par Suhana poori tarah se bechain idhar se udhar tehel rahi thi.
Uske movements tez aur calculative the. Baahar lobby me golibaari ka ek aur daur chala jiske chalte wahi paas ki ek murti chaknachoor ho gayi.
Suhana : Exit secure rehni chahiye. VIPs jitne nikal rahe hai nikalne do, lekin mujhe Veer ki family jald se jald baahar sahi salamat chahiye.
Uncle Prakash (rushes) : Madam, situation abhi unstable hai aur-
Suhana (yells) : Mujhe pata hai...!!! Jitna kaha gaya hai utna kariye Uncle!!!
Uski oonchi awaaz sunn Uncle Prakash thoda jhep ke reh gaye. Woh tezi se mudi, usne hall me se Tej, Arohi, Kavya aur baakiyo ko aate dekha.
Suhana (nods) : Quick!! Jaldi!!
Tej ne use kuchh pal ghoora. Par, boli kuchh nahi. Unn sabki aankhon me aasu the. Sab barbaad ho chuka tha.
Tej (sobs) : V-Veer-!! *sniff*
'Kaha ho tum???'
Uske kandho ko thaamte hue Suhana ne use hosh me laaya.
Suhana : Snap out of it!!! Time nahi hai bilkul!!! Jaldi! Ambulance me jitne jann aa rahe hai utne baitho. Baaki log car me!! Uncle Prakash!! Car me sabhi ko bithwaiye.
Uncle Prakash : J-Ji madam!! Maine kuchh security guards andar bhej diye hai.
Suhana (nods) : Good!!
Uncle Prakash : P-Par, mein ek baar fir keh raha hu, madam. Aapko yaha rehne ki koi zaroorat nahi hai. Mein yaha hu aur sabhi ko sahi salamat pahucha dunga. Aap aur Sonia madam jaldi ghar jaiye. Agar, aap dono ko kuchh hua toh Sir pata nahi mera kya haal karenge. Isliye, jaiye-
Suhana : Kya kaha aapne??
Uncle Prakash thoda seham gaye. Yeh woh Suhana nahi thi jise woh jaante the — ek poori tarah professional businesswoman jisne kabhi kisi ladke ke liye iss qadar apni bhavnaaye vyakt nahi ki thi.
Lekin, Veer ne use badal diya tha.
Suhana : Aap chaahte hai ki mein yaha se bhaag jau? Aise time pe jab Veer ki family yaha khatre me hai??? Kya aapne dekha nahi ki abhi kya hua?
Uski awaaz waha goonj uthi. Uncle Prakash stabdh the. Unhone Suhana ko kabhi iss tarah se nahi dekha tha. Kabhi nahi.
Suhana : Jab tak mein unhe sahi salamat nahi pahucha deti, tab tak mein ghar nahi jaane waali.
Wahi kuchh dur khadi Sonia bhi uske nazdeek aayi.
Sonia : D-Di?? Y-Ye sab kya tha?? What just happened?? Gunshots... Bombing... Veer kaha hai?? What is going on??
Suhana : Sonu!!! Uncle aap Sonu ko leke jaiye yaha se.
Uncle Prakash : P-Par-
Suhana : Maine kaha na!!!
Sonia : What??? No way!!! Mein aapko akela chhor ke kahi nahi jaane waali.
Suhana : Sonu tum-
Sonia : Aapke orders Uncle par kaam kar sakte hai, di. Mujh par nahi. Aur, mein aapko bina yaha se liye kahi nahi jaane waali.
Suhana : Theek hai!! Toh, yahi peechhe hi rehna. Kisi ne planned attack karwaya hai. Koi 'Yarnia' ki launch ko target kar raha hai shayad? Ya fir koi kisi VIP ko maarne aaya tha??
Usne dekha ki andar se Suman kuchh aur aadmiyo ki madad dwara zakhmi parivar jann ko laa rahi thi. Ambulance se utre ladke bhi turant hi stretcher ki sahayata se unhe ambulance ke andar litaaye. Saath me parivar ke kuchh jann uss ambulance me sawaar ho gaye toh kuchh Suhana ki car me baith gaye. Aur, palak jhapakte hi woh sabhi waha se hospital ki orr ravana ho gaye.
Iss bhayanak drishya ka sadma agar kisi ko sabse gehra pada tha toh woh thi — Kaera, jo achanak hui iss ghatna se poori tarah se hil chuki thi. Uska badan kaanp raha tha. Kintu, uske bhay ka kaaran humla nahi tha.
Kaera (shivers) : B-Blood...!!!
Gaadha gehra laal khoon. Ye pehli baar nahi tha. Nidar, bejhijhak Kaera bhi akhir kisi cheez se darti thi aur woh tha — khoon. Uski sabse badi kamzori.
PTSD — ek mental health condition jo kisi atyant tanavpoorna ya bhayanak ghatna ke kaaran hoti thi — ya toh uska hissa hona, ya use spasht dekhna.
Woh pal...! Kaera ke puraane ghar par... Uss maali ki laash...!
Khoon... Slogan... Sab kuchh jaise use yaad aane laga. Puraani yaadein mastishk me mandraane lagi.
Uski saansein ukhadne lagi. Dil ki dhadkane achanak badh gayi.
*huff* *huff*
Mirror gallery... Uska agwa hona... Veer ka use bachaana... Uska ghaayal hona...
*huff* *huff* *huff*
Aur, achanak hi-
*Grasp*
Kaera : H-Huh!!?
Ek haath uske kandhe par aake use thaam liya. Woh mudi.
Kaera : K-Karan???
Karan, Kritika aur uske mata-pita ko baahar chhor ke aaya tha. Apni badi behan ki kamzori woh bhali bhaanti jaanta tha. Itne saalo baad use apni didi wapas mili thi. Woh dobara kaise use kho sakta tha?
Karan : Di!! Chaliye, mere saath. Yaha khatra hai.
Kaera : K-Karan!
Karan : Mein Raghu ke saath hospital jaa raha hu di. Veer ki family ke saath rahenge hum udhar. Aap Jassi ke saath ghar jaaiye. Ye jagah safe nahi.
Kaera : P-Par-
Ruchika : Karan Sir theek keh rahe hai, Miss. H-Hume jald se jald yaha se nikalna chahiye. Aap aisi condition me koi bhi rational decision nahi le payengi. It's better we let the men handle all of this.
Kaera : Par, V-Veer-!?
Karan (frowns) : Jab tak woh nahi aa jaata, yaha ki zimmedari meri bhi hai. Di! Aap ghar ki orr nikaliye.
Akhir kaar, Kaera ne haami bhari aur Jassi use waha se leke ravana ho gaya. Idhar Karan Raghu ke saath hospital ki orr ravana ho gaya.
Siren baje aur police ki kayi gaadiya waha ikhatta ho gayi. Ek ke baad ek police karmi apni-apni gun taane Hotel Prestige ko baahar se gher liye.
"Apne-apne hathiyaar fek do. Tum sab ko police ne chaaro orr se gher liya hai. Surrender kar do!!!"
Ek police officer ne announce karte hue kaha. Aur, golibaari waqai me tham gayi. Ahista-ahista police waale andar ki orr badhe. Balhaar ke aadmi bhi isme fas chuke the. Magar, woh jaante the ki jald hi unki bail karwaane ke liye madad aa hi jayegi.
Kuchh aur gaadiya aake dur ko ruki aur dhadalle se news reporters apne-apne cameraman ke saath waha coverage lene ke liye aa dhamke.
Jo jagah kuchh der pehle bade-bade VIPs se bhari hui thi, ab woh police aur media reporters se bhar chuki thi.
"Jaisa ki aap dekh sakte hai, hum iss waqt Hotel Prestige ke theek baahar se live hai. Khabar ke anusaar abhi yahi kaha jaa raha hai ki koi terrorist attack hua hai. Iss baat me kitni sacchaayi hai ye abhi dekhna baaki hai."
Ek mahila reporter ne Hotel se duri banaaye rakhte hue apna microphone pakad kar haafte hue sab varnan kiya.
"Goli-baari, bhayanak visfot, aur poori tarah se tabahi mach rakhi hai yaha. Yaha par 'Yarnia' ek clothing brand ka launch hone waala tha magar palak jhapakte hi sab kuchh tehes-nehes ho gaya."
Usne aage badhne ki koshish ki magar police ne use turant hi andar jaane se mana kar diya.
"Aap dekh sakte hai ki mujhe abhi bhi andar jaane nahi diya jaa raha hai. Aur... Aur, police ne shayad shooters ko daboch liya hai. Shooters ne surrender kar diya hai. Unhe police jeep me bitha ke le jaaya jaa raha hai."
Cameraman ne camera focus karte hue drishyo ko dikhaane ki koshish ki, lekin punah officers ne unhe andar ke drishyo ko dikhaane se mana kar diya.
Andar se shavo ko ambulance ke andar karwaya jaa raha tha. Aur, jaise hi ye sab hua, reporters microphone hathiyaar ki tarah liye police karmiyo ke paas pahuch gaye.
Reporter : Sir! Sir!! Humne abhi abhi dekha ki ambulance me kinhi logo ko le jaaya gaya. Kya hatya hui hai yaha?? Kitni sankhya hai?
Officer jo apni rifle liye wahi khada hua tha, usne jawab dene se pehle ek gehri saans li.
Officer : Dekhiye, iss samay hum koi bhi spasht sankhya jaari nahi kar sakte. Lekin, haan casualty hui hai. Situation ab control me hai aur jald hi official statement jaari kar diya jayega.
Reporter 2 : VIPs bhi yaha aaye the. Kya unme se kisi ko koi chot pahuchi hai??? Kya unhe koi muskan pahuchaya gaya hai??
Officer : Dekhiye, hum abhi bhi ghayal logo ka aaklan kar rahe hai. Jaha tak meri jankaari hai, sabhi VIPs sahi salamat aur surakshit evacuate karwa diye gaye hai. Lekin, hum abhi spasht roop se har kisi ka khulasa nahi kar sakte.
Lekin, media sirf police ke bayaano se santusht nahi thi. Asli sona toh gawaho ke paas tha.
Aur, tabhi peechhe ke gate se ek VIP nikal ke aaya. Uska pehnava poora ast-vyast ho rakha tha. Sadme ke chalte bechaare ka chehra peela pada hua tha. Patrakaro ki ek leher uski orr aise jhapti jaise maano shikaari khoon ki gandh soongh ke uss orr daud rahe ho.
Reporter : Sir!!! Sir!! Kya aap bata sakte hai ki andar kya hua???
Uss aadmi ne apna maatha pochha, uski saansein abhi bhi ukhdi hui thi. Jab usne apne vichaaro ko ikhatta karne ki koshish ki toh uske haath kaanpne lage.
VIP : Tabaahi...!!! Poora pagalpann!! Ek pal, hum sab celebrate kar rahe the. Agle hi pal... Ek zordar blast hua aur fir goliyaan chalne lagi. Har jagah!!! Ek do logo ko maine girte hue bhi dekha. *huff* *huff* Khoon hi khoon...!!!
Reporters aur jhuke, uske har shabd ko camera me qaid karne ki koshish kar rahe the.
Reporter 2 : Kya kya dekha aapne waha? Thoda aur vistaar se bata sakte hai??
VIP : L-Log chilla rahe the, har disha me bhaag rahe the. Maine dekha ki... Kayi saare aadmi guns liye lobby me achanak se ghuse aur goliyaan chalaane lage. Kuchh ko maine goliyaan lagte hue dekha. *huff* M-Mein apni jaan bachaane ke liye peechhe bhaag gaya fir.
Reporter 3 : Aapko kya lagta hai? Kaun ho sakta hai iss humle ke peechhe?
VIP : M-Mujhe kuchh nahi pata. Sab kuchh tezi se hua. Aur, hum bas bhaag rahe the.
Reporter 1 : Kya koi suraksha chook hui thi? Ye humlavar andar kaise aaye?
VIP (shivers) : M-Mujhe nahi pata. Mein toh bas ek guest tha, theek hai? Mujhe koi jankaari nahi hai ki woh log andar kaise aaye, kisne unhe andar kiya. Lekin, itna zaroor hai ki woh sab poore prepared the. Ye koi random hamla nahi tha.
Reporters ki bheed me ek sannaata chhha gaya.
Yeh koi random hamla nahi tha.
Patrakaro ne ek-dusre ko dekha. Woh jaanta the iss bayaan ka kitna wazan tha.
Reporter 1 : Aur, koi jankaari???
VIP : Ab sab police karegi. CCTV me zaroor unhe mil jayega. *huff* Mein ab aur jawab nahi de sakta. H-Hatiye!! M-Mujhe jaana hai.
Media ko ek kahani mil chuki thi. Palak jhapakte hi uss VIP ka bayaan poore news channels me prasarit ho gaya. Dekhte hi dekhte ye breaking news ab ek national news bann chuki thi.
Udhar ghar par Brijesh ne jaise hi samachar dekhe toh uska sarr chakra gaya. Woh bhay ke maare utha, aur bina koi pal gawaaye hotel ki orr bhaaga.
***
Hotel Prestige ke theek saamne uss khandahar waali imaarat ki chhat par Dexter ki laash dali hui thi.
Kuchh derr pehle woh bhaagne ki koshish kar raha tha jab achanak hi-
*Splurt*
"Urgh!!!"
Ek nukeeli blade aake uske seene ko cheer gayi.
Ek rear surprise attack.
Blade seedhe uske dil ko cheer ke baahar nikli thi. Use kuchh samajhne ka samay hi na mila. Na hi woh kuchh bol paaya aur na hi apne humlavar ko dekh paaya.
Aankhon ke saamne andhera chhaaya aur uska shareer zameen par girte hi thandi laash me badal gaya.
*Schling*
Blade ko nikaalte hue ek yuvti ne neeche padi Dexter ki laash ko ghoora. Uske mann me kya tha koi nahi jaanta tha.
Tabhi-
*Thud*
Neeche se aayi Ava ne dhadalle se darwaza khola. Saamne khadi yuvti ko dekh woh chaunki. Magar, bullet apna kaam kar rahi thi.
Ava sirf blood loss ki wajah se kamzor nahi hui thi. Uska kaaran tha — Poison.
Ek poison pallet jo bullet ki core me thi. Shareer ke andar jaate hi zeher ne apna kaam karna shuru kar diya tha. Yeh koi aisa-waisa zeher nahi tha.
Sarin (military designation GB) ek aisa nerve agent tha jo chemical warfare agents me sabse zehreela maana jaata tha. Na hi iska koi swaad hota tha aur na hi koi gandh. Sarin ke sampark me aate hi kuchh hi minto me ek insaan ki maut ho sakti thi.
Aur, isliye Ava itni zyada kamzor pad chuki thi. Uske andar Lily apni poori koshish kar ke zeher ko felne se rok rahi thi. Toh wahi, Healing Factor ki madad se Ava ka shareer naya khoon poori raftaar se banaata jaa raha tha taaki Red blood cells blood loss ki kami ko poora kar sake, white blood cells Sarin se ladte rehne ke baad immunity bana le. Aur, platelets ghaav ko bhar sake.
Ye ekmaatra poison bullet thi Dexter ke paas jo usne Tej ke upar chalaayi thi. Agar, aaj Ava waha na hoti toh Tej ki mrityu sunishchit thi.
Uske qadam ladkhadaye aur woh sarr ke bal peechhe girne hi waali thi jab uske saamne khadi yuvti palak jhapakte uski orr aayi aur use girne se bacha li.
Ava behoshi me chali gayi. Aur, tabhi-
"Shebaaaaaaa!!!!!"
*Keaaaaaarrrrrrrr*
Ek badi si aakriti upar aasmaan se neeche aayi. Dhamm se chhat par uske qadam padte hi poora chhat kampan kha ke reh gaya.
Upar hawa me ek baaj udta hua neeche aaya aur Dexter ke mrat shareer par jaa baitha. Apni nukeeli chonch se woh uske murda shareer ko noch ke ukhaadne laga aur use wahi kachha chabaane laga.
Uss yuvti ne Ava ko pakde hue bagal waali imaarat se chhalang laga kar aaye uss shaks ko dekha. Aur, fir bauhe kasste hue boli.
"It's a poison. Mujhe jald se jald treatment karna hoga."
Aur, ye koi aur nahi, Garofano hi thi. Aur, uske saamne khada woh shaks — Renshu.
'Yarnia' ka bhavya launch ho aur Veer unhe aamantran na de? Aisa kahi ho sakta tha? Woh sabhi abhi kuchh derr pehle hi India aaye the. Neeche se car se jab unhone Ava ko road cross kar bhaagte dekha toh unhe samajhne me derr na lagi ki kuchh gadbad thi.
Agle hi pal ek aur aakriti bagal waali imaarat se kood ke unki chhat par land ki.
Erica!!!
Erica : K-Kya hua? Urgh!! Sheba!!! Don't you dare eat human meat!!!
Woh uss par zorr se barsi. Magar, Sheba apni mundi hilaaye wapas se Dexter ke maans ko nochne me lag gaya. Renshu chhat ki edge tak gaya. Use neeche se saara manzar nazar aa raha tha.
Renshu : Police aa chuki hai. Yaha se nikalna padega.
Garofano : Laash ka kya??
Renshu : Rehne do. Waise bhi tumhe koi trace nahi kar payega. Tumne Erica ko chakma diya tha. Toh, ye police tumhare liye kya cheez hai?
Garofano : Hmph! Mujhe jagah chahiye. Treatment ke liye. Bullet nikaalni hogi. I think iske paas koi poison resistant skill ya card nahi hai. Aur, isliye... Ye behosh ho chuki hai. Andar system poison ko felne se rok raha hoga. I can give her an antiserum. That will make things better.
Uska aagman ekdum sahi samay par hua tha. Yohana's Scalpel, uska card — jiski madad se woh Ava ki surgery asaani se kar sakti thi.
'Freya!!! Full Status!!!'
*Ding*
Mastishq me turant hi full status ki do window uske saamne khul gayi.
Scroll me uske paas Antiserum tha. Fame points bhi uske paas kaafi maatra me the. Ava par antiserum ka istemal karne ke baad use jald se jald kuchh aur antiserum bana ke rakhne honge. Woh jaanti thi ki aane waale samay me kuchh bhi ho sakta hai. Taiyaari jitni zyada ho, utna behtar tha.
Renshu : Humari priority hai Veer se milna. Par, dekh ke lag nahi raha ki woh yaha par hai. Tumhare paas koi skill hai? Jis se Veer ka pata lagaya jaa sake?
Garofano : Nahi!!
Garofano ke paas aisi koi skill nahi thi. Renshu ne use kuchh pal ghoor ke dekha.
Garofano : What?? Iss tarah se dekhne ki zaroorat nahi hai. Mein sach keh rahi hu. Agar, hoti toh mein kab ka istemal kar chuki hoti.
Renshu (sighs) : Mere paas bhi nahi hai.
Iss baar Garofano ne use ghoor ke dekha. Renshu ne badle me koi jawab na diya.
Woh sab nahi jaante the ki Ava hi ekmaatra thi jiske paas Veer ko track karne ki koi skill thi — Death Flag!!!
Ava ne saari skills unhe nahi bataayi thi. Ye baat sirf aur sirf Veer jaanta tha ki agar koi use trace kar sakta tha, toh woh sirf Ava thi. Lekin, filhal woh behosh thi.
Erica chup-chaap chalte hue Ava ke nazdeek aayi. Jhukte hue usne Ava ko gaur se dekha. Ek pal ke liye use wo drishya yaad aa gaye jab Ava uske theek saamne ek deewar bann ke khadi hui thi, Jaw Long se bachaane ke liye.
Veer uski goad me ghayal pada hua tha aur Ava unn dono ko protect kar rahi thi.
Erica : Dad!!?
Woh achanak boli.
Renshu (glances) : Hmm?
Erica : Can we trust her???
Use apne pita ke bol yaad the. Ava ne hi Veer ko dhoka diya tha.
'Erica!!! Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'
Parantu, Jaw Long se bhidant ke baad Erica ke mann me Ava ki chhavi me parivartan aa chuka tha. Kya yeh waqai wahi ladki thi jisne Veer ko dhoka diya tha? Kya uss par bharosa kiya jaa sakta tha??
Renshu : Agar, abhi ki situation ke hisaab se dekhe. Toh, mujhe nahi lagta ki woh humare khilaaf hai. Woh bullet zaroor use kisi ko protect karte waqt lagi hogi. Toh hum ye anuman laga sakte hai ki woh humaare side hai. Filhal!!!
Erica : Par, aap hi ne kaha tha na ki kabhi Natalia Martin par bharosa mat karna!?
Renshu (nods) : Hmm! Kaha tha. Aur, uss baat ko abhi bhi mat bhoolna. Lekin, filhaal ke liye. Jaise halaat hai... Mujhe nahi lagta ki woh koi shadyantra rach rahi hai.
Erica : Mm! Okay!
[Oh, are you getting jealous my girl?]
'What?? Shut up, Genie!!! Mein kyu jealous houngi bhala?'
[Ye jaante hue ki yeh Ava Veer ke dil me apni jagah bana rahi hogi??? Hmm??]
'Shut up! Hmph! Aisa kuchh bhi nahi hai. Mujhe kya lena-dena unki love story se?'
[Fufu~ Well, I'll believe you. For now at least.]
Renshu (looks down) : Police yaha aa rahi hai. Erica!!!
Erica (nods) : Samajh gayi, dad!! Kaha par milna hai?
Renshu : Parking me...!
Aur, agle hi kshan-
*Whoosh*
Erica waha se gaayab ho gayi. Woh jaanti thi use kya karna tha.
'Veer!!! Kaha ho tum?'
[See? Mein sahi thi.]
'Ahhh!!! Genie!!! *blushes* Stop reading my mind.'
[Hehe!]
Nazro se bachte hue Erica andhere me Hotel Prestige ke nazdeek pahuchi. Uska yaha aane ka ek hi uddeshya tha-
'Basic Seer Vision!!!'
*Ding*
Skill activate hui aur chand pal pehle ki yaha hui sabhi ghatnaaye uske dimaag me drishya bann ke aane lagi.
Uske maathe par silvatein chhaa gayi. Dimag par zorr pad raha tha. Yeh pehli baar tha jab usne iss skill ka istemal kiya tha. Jaw Long se ladayi ke dauran Veer ko safeguard karne ka mission poora karne par use ye skill reward ke roop me praapt hui thi. Aur, aaj uska sahi upyog karne ka samay aa chuka tha.
***
Mumbai Police Headquarters,
Night - 9:30 PM ~
Trisha kaanp rahi thi. Kuchh hi palo me kya se kya ho gaya tha. Use apne andar ghutan si mehsoos ho rahi thi.
Uski beti, Pihu jaa chuki thi.
Apharan. Lekin, koi aam apharan nahi. Ye woh tha. Wahi killer jiska khauf poore raajya me fela hua tha.
Iss vichaar maatra se hi ki uski beti uss hatyaare dwara utha li gayi hai, Trisha ka badan jhatka kha kar reh gaya.
“Trisha!”
Ek dridh awaaz uske bhay ko cheerte hue kamre me aayi. Uska pati, Rohan andar ghusa aur uski aankhein apni patni par tik gayi. Trisha uski orr mudi. Uske honth thar-thara rahe the.
Trisha : R-Rohan!!! *sniff* M-Mujhe maaf kar do...!!! *sniff* Sab meri galti hai. Na mein apna dhyaan Pihu par se hataati, na woh baahar jaati aur- *sniff* Aur, na ye sab hota. *sniff* Sab meri galti hai. *hic*
Rohan ko sab kuchh gyaat tha. Aur, isliye usne poori police force uss serial killer ko pakadne me laga di thi. Udhar Hotel Prestige me alag humla ho chuka tha. Ek force waha bhi bhej di gayi thi.
Woh apni jagah par ruka. Uske haath ki mutthi kass gayi. Jis se poore raajya ke apradhi darte the, aaj woh khud hi apne aap ko kamzor mehsoos kar raha tha.
Kintu, woh apni kamzori nahi dikha sakta tha. Abhi toh hargiz nahi.
Police karmi uske aas-paas hi maujood the. Kuchh radio par baat kar rahe the, toh kuchh nigraani ki footage check kar rahe the. Phone baj rahe the, keyboards khad-bada rahe the, aur Rohan andar se poori tarah se toot ke apne aap ko mazboot dikhaane ki koshish kar raha tha.
Usne ek gehri saans chhori.
Rohan : Pihu ko kuchh nahi hoga. Mein use kuchh nahi hone dunga. Hum use waapas laa ke rahenge.
Uski awaaz dheemi thi. Kuchh zyada hi dheemi. Trisha ne zor se apna sarr hilaaya.
Trisha : *sniff* R-Rohan!! Woh koi aam kidnapper nahi tha. *sniff* Woh serial killer tha...!!! *sniff*
Woh uth ke uske paas aayi aur uski baah ko kass ke thaam li. Uske nakhoon Rohan ki baah me gadd gaye.
Trisha : Kahi woh... Kahi woh... *sniff*
Woh apna vaakya bhi poora na kar saki. Rohan ne use thaama. Uski pakad mazboot thi lekin kathor nahi.
Rohan : Meri taraf dekho, Trisha!!!
Trisha ne apni aasuo se bheegi palke uthaayi.
Rohan : Hum use dhoondh lenge.
Trisha ne apna nichla honth itni zorr se kaata ki lagbhag woh ghayal hone ko ho gaya.
Trisha : A-Aur, agar hum nahi dhoondh paaye toh? *sniff* Agar kahi derr ho gayi toh?? *sniff* Mein jeete jee marr jaungi, Rohan!!! *hic* Mein marr jaungi Pihu ke bina...
Humesha nidar aur shaant rehne waali Trisha aaj itni dari hui thi. Ye woh dar tha jab ek maa se uski aulaad bichhad jaati hai.
Iss raat pehli baar, aaj Rohan ke paas bhi koi jawaab nahi tha. Unke beech ek khamoshi chhaa gayi. Sirf Trisha ki subakne ki awaaz hi waha kamre me goonj rahi thi jo aas-paas ke shor se bhi chhup na saki.
Police station toh unke chaaro orr ki gatividhiyo se gulzar tha. Ye ek prakar se yuddh ki ghoshna thi. DGP ki beti ka apharan hua tha. Kisme itni aukaat thi ki raajya ke DGP ki beti ko hi agwa kar le?
Tabhi, ek junior police officer unki orr daudate hue aaya.
Policeman : Sir, sabhi units ko tainaat kar diya gaya hai. Humne bhaagne ke sabhi mumkin maarg — airports, railway stations, bus terminals ko band kar diya hai. Duty par maujood har officer high alert par hai.
Rohan (nods) : Mujhe har 5 minute ke andar update chahiye. Koi galti nahi, koi deri nahi!
Policeman : Ji sir!
Usne salaam kiya aur tezi se baahar nikal gaya.
Magar, Trisha ke mann me kuchh aur hi chal raha tha.
Trisha : Hum inn sab me time kyu barbaad kar rahe hai, Rohan??? Mujhe baahar hona chahiye... Mujhe humari Pihu ko dhoondhna chaahiye udhar jaa ke aur hum idhar-
Rohan : Aur, kaha dhoondogi tum use? Kya tumhare paas koi lead hai???
Trisha (yells) : Kahi bhi dhoondungi. Par, mein haath par haath dhare yaha kaise baith sakti hu. *sniff* W-Woh humari bacchi ko le gaya, Rohan!! Humari apni bacchi. Eklauti bacchi!!! *sniff* Mein marr jaungi-!!! *sniff* Mein nahi jee paungi agar use kuchh-
"TRISHAAAA!!!!"
Rohan ki awaaz poore station me goonj uthi. Ek pal ke liye sab kuchh ruk gaya.
Aas-paas ke police karmi unhe dekhe, lekin kisi ne hastakshep karne ki himmat nahi ki.
Rohan : I need you to think.
Trisha ka gussa fir ubaal maara.
Trisha (yells) : MEIN SOCH RAHI HU, THEEK HAI??? Aur, sochne ke baad bhi mere andar sirf aur sirf meri bacchi ki tasveer mujhe nazar aa rahi hai. Use kaisa mehsoos hua hoga uss waqt... Mujhse bichhadte waqt... Wo kitna darr rahi hogi... Kaha hogi... Wo humara intezar kar rahi hogi... Aur, mein yaha haath par haath dhare bas khadi hu...!!! *sniff*
Rohan : Tum ek maa ke saath-saath ek police officer bhi ho, Trisha. Agar, tumne apna niyantran khoya, agar tumne koi galat qadam uthaaya, toh ek baat yaad rakhna... Uski keemat humari Pihu ko chukaani padegi.
Aur, ye shabd kisi tamaache ki tarah uss par aake lage.
Trisha ladkhadayi, aur Rohan ne use dheere se thaam liya. Ek maun vaada. Woh ek maa thi. Haan. Lekin, saath hi ek police officer bhi. Woh kamzor nahi pad sakti thi.
Trisha : Tumne theek kaha, Rohan!! I'm sorry!! I'm so sorry!!
Usne Rohan ka haath kass ke thaam liya. Aur, fir officers ki orr mud ke woh boli.
Trisha : Mujhe ghatna ke dauran maujood har ek shaks thaane me chahiye. Uss Madhuri aur Pranjal ko bhi poochh-taachh ke liye yaha leke aao. Uss poore area ke escape routes block karwa do. Har mod, har gali par pehra hona chahiye. Gharo me ghuso aur poochh-taachh karo. Talashi lo. Jo bann sakta hai karo.
Rohan ne uska ye roop dekh, sehmati me sarr hilaaya. Aur, woh khud yaha ki kamaan Trisha ke haatho me saunp, Pihu ko dhoondhne ke liye waha se nikal gaya.
Magar, andar hi andar woh khud ghabraya hua tha.
Kyunki, iss se koi farq nahi padta ki unke haath me kitni power thi — abhi toh woh dono sirf ek mata-pita the jo praarthna kar rahe the ki unki bitiya sahi salamat aur jeevit ho.
***
Carewell Hospital...
Nidhi, aspatal me ek bistar par laiti hui thi. Uske sarr par pattiyaan bandhi hui thi. Chehre ka rang peela tha aur honth sookhe. Uske haath se ek IV line judi hui thi jo ek taral padaarth uske shareer me pahucha rahi thi.
Nidhi ke parivar-jann doctor ke ird-gird hi khade the.
Doctor : Dekhiye! Humne ek mild sedative unhe diya hai taaki unki sthiti aur na bigad jaaye. Sarr par chot lagte waqt ek mild concussion hua hai unhe. Neurological assessment ho gaya hai aur abhi tak internal bleeding ke aise koi bhi sanket nazar nahi aaye hai. Ye achhi baat hai. Lekin... Dehydration bahut zyada hua hai. Shareer me jo essential electrolytes hote hai woh kaafi kam ho chuke hai. Yahi kaaran hai ki woh itni kamzor hai.
Doctor ki baatein Nidhi ke mata-pita ko samajh aayi ho ya na aayi ho, magar Shreya poori tarah se sab samajh chuki thi.
Ramandeep : T-Toh humari bitiya theek toh hai na???
Doctor (nods) : Haan! Abhi toh theek hai. Dekhiye, woh kaafi stress me thi. Physically bhi aur mentally bhi. Uske baad dehydration, exhaustion aur fir sarr par chot aur concussion. Isliye, hydration level restore karne ke liye humne unhe ek intravenous saline solution diya hai. Dard ke liye ek analgesic aur woh abhi rest kar sake uske liye ek mild sedative. Abhi unhe agar kisi cheez ki sabse zyada zaroorat hai toh woh hai araam.
Shreya kone me chup-chaap baithi thi, uske ghutne uski chhaati tak khiche hue the. Uske chehre se lagatar aansu beh rahe the. Unn sab ki nanhi Juhi laapata thi aur ab uski badi behan aspatal me behosh padi hui thi.
Uski bhabhi, Dipti ne uske kandhe par apne kaanpte hue haath ko rakha. Lekin, saantvna dene ke liye use koi shabd nahi mile. Akhir, kya keh sakti thi woh?
Nidhi ki maa, Hema chhote se Dhruv ko liye apni goad me jhula rahi thi, magar aankhein apni bitiya Nidhi par tiki hui thi. Juhi ka gham sabko bahut chot pahucha raha tha.
Hema : Doctor sahab! *sniff* Hosh me aate hi woh firse bhaagne ki koshish karegi.
Doctor : Isliye toh sedative diya gaya hai na.
Nidhi ka bada bhai, Ishaan bhi wahi tha.
Ishaan : J-Juhi!! Mein Juhi ko dhoondhne jaa raha hu. Police apna kaam karegi, lekin hume unke bharose bas nahi rehna chahiye.
Ramandeep : Haan beta! Sambhal ke!! Ya mein bhi chalta hu.
Ishaan : Nahi papa! Kisi gents ka yaha rehna zaroori hai. Mein jaata hu.
Shreya : Bh-Bhaiya mein bhi chalungi aapke saath. *sniff*
Ishaan : Nahi, Shreya!!! Dipti-
Usne apni patni ki orr dekha. Dipti uska ishaara samajh gayi.
Dipti : Shreya! Inhe jaane do. Humara yaha rehna zyada zaroori hai.
Kehte hue usne Shreya ko apne gale se laga liya. Aur, Shreya bilakh-bilakh ke rone lagi.
Hema ki pakad Dhruv par kisi kaaran mazboot ho gayi. Jaise ab use surakshit rakhne ki koshish kar rahi ho ki kahi Dhruv bhi unke paas se-
Juhi ki anupasthiti unke liye ghaav samaan thi. Kuchh bhi ab pehle jaisa nahi tha.
***
The Underground Lair…
Chhapaak ki awaaz ke saath Veer underground lair me kooda. Gehre dum ghotne waale andhere ne use poori tarah nigal liya. Neeche aedi tak paani bhara hua tha. Lekin, ye baat uski hairat ka kaaran nahi thi. Hairat ka kaaran thi yeh jagah.
Tracer ki madad se woh yaha tak pahucha tha aur ab use sab samajh aa chuka tha ki Police ab tak iss hatyaare tak kyu nahi pahuch paa rahi thi.
Ye underground lair… darasal… ek shamshan ke neeche thi.
Raat ke andhere me achhe se achha aadmi shamshan ke andar pravesh karne se kaanp uthata hai. Isme koi shaq nahi tha ki iss hatyaare ne yeh jagah kyu chuni thi.
Par, Veer ko abhi aur bade-bade jhatke lagne baaki the.
Idhar uska aagman hote hi, lair ke kendra me maujood uss paagal hatyaare ko iska pata lag gaya. Uske muh se jeebh laar tapkaate hue baahar nikli.
“The time has come… Ehe… Ehehe!!!”
Aur, Veer ke idhar ek qadam aage lete hi-
*Ding*
[‘Tracer’ has been nullified.]
[Juhi’s location is no longer available.]
‘What???’
Uske badan me ek sihran daud gayi. Tracer me dikh rahi Juhi ki location aur map dono hi achanak se gaayab ho chuke the. Uska poora shareer tanavgrast ho gaya. Andar ki hawa ghani, namm aur gandh se bhari hui thi.
'W-What's going on???'
[Master! Tracer ko nullify kar diya gaya hai.]
Pari ki ghabrati hui awaaz uske andar goonji.
‘Pari!! Y-Ye kaise-!?’
[I don’t know, Master! Sambhal ke please! It’s now clear! Ye ek system holder hai. Usne kuchh use kiya hoga jiski wajah se Tracer nullify ho gaya. Shayad use pata tha ki aapne Juhi pe tracer lagaya hai.]
‘What??? Ye kaise ho sakta hai? Tracer ke baare me use kaise-?’
[Hum ek system holder se bhid rahe hai. Anything is possible, Master! Please, be careful!]
‘Hmm!!!’
Veer ne qadam aage badhaaye. Paani uske perro se bhid ke idhar-udhar chhalak raha tha jo underground lair ke sannaate me bhaari shor paida kar raha tha. Jaise-jaise woh aage jaa raha tha, andhera aur badhta jaa raha tha. Dekhna uske liye mushqil hota jaa raha tha.
Aur, use Jaw Long se bhidant ke waqt praapt hui uss skill ka dhyaan aaya.
Aura Vision.
Veer jaanta tha ki usne Aura Vision ko upgrade nahi kiya tha. Woh jeevit cheezon ka aura toh dekh sakta tha magar jin cheezo me jaan nahi thi unhe woh nahi dekh sakta tha.
‘Pari! Kitne points available hai??’
[15000!]
‘Aura Vision ko upgrade karne ke liye kitne chahiye???’
[5000]
‘Upgrade kar do!’
[Are you sure?]
‘Yeah! Mein risk nahi le sakta. Aur, deri bhi nahi kar sakta. Juhi andar hi hai. Mujhe jald se jald waha pahuchna hoga iske pehle ki-’
*Ding*
[Aura Vision has been upgraded to Max.]
[Aura Vision is now activated.]
Skill ke activate hote hi poora vatavaran uski nazar me ek grayscale me dhal gaya. Humans ke liye aura ka rang blue tha. Plants ko darshaane ke liye green. Animals, birds, insects aur organisms ke liye ye yellow tha. Negative energy ko bhaapne ke liye black aur nonliving things ke liye brown.
Par, itna hi nahi… Ye sabhi color alag-alag shades me the jiske chalte Veer cheezon me bareeki se antar dekh paane me saksham tha.
Vision ke badhne se Veer ne ek pal bhi zaaya nahi kiya.
‘Let’s go!!!’
*Whooooossshhhh*
Chhap-chhap kar paani uske daudne se chhalakta gaya. Lair kisi underground tunnel ki bhaanti prateet ho rahi thi. Usne apni raftaar thodi dheemi ki. Dheere-dheere jhijhakte hue woh aage badha, uske joote keechad jaisi dharti me dhans rahe the. Magar, thoda andar aate hi uske qadam wahi tham gaye.
‘What the-!!??’
Saamne ka nazara itna khaufnak tha ki Veer ke badan ke rue khade ho gaye.
‘Urgh-!’
Usne apni aasteen upar kar apni naak ko apni baah se dhak liya. Lekin, badbu uski twacha, uske kapdo, uske fefdo me ghus rahi thi. Aankhein bhay ke maare feli aur dil ki dhadkane tez ho gayi. Deewaro par laasho ki kataare lagi hui thi, kuchh fati hui boriyo me lipti neeche dali thi, kuchh ke chithde ho rakhe the, kuchh ke ang ajeebo-gareeb dhang se mude hue the.
Vibhinn jaanvaro ke kate hue dhad, maans ke tukde, haddiya, andhruni ango ke chithde aur na jaane kya kya. Khoon aur gande paani ki gandh poori hawa me fel rakhi thi — sadte maans, mal-mootra, aur mrityu ka ek mishran.
Keede unn sadte maans par mandra rahe the, makkhiyaan ka bada sa jhund bhook se bhin-bhina raha tha. Aur, unke pankh dum ghotne waali shaanti me goonj rahe the.
Veer ko akbakayi si mehsoos hui aur Juhi ke baare me sochte hi uska shareer thanda pad gaya. Kis tarah ka khooni tha ye? Kahi Juhi bhi-?
‘Nahi!!’
Usne apne perro ko hilne ke liye majboor kiya. Uska ek perr fati hui boriyo me se nikal rahi kisi laash ki atadiyo par pada.
'Fuck!!!'
Usne uss bhayankar drishya ko paar kiya. Ek kata hua haath uske jooto se takraaya, jo paani ke upar hi terr raha tha.
Gati badhaate gye woh udhar se nikalte hi punah dang reh gaya. Alag-alag dishao me alag-alag maarg jaa rahe the. Kaun sa raasta sahi tha?
‘This is bad…! Mere paas inn sab ka samay nahi hai!!’
Use yakeen nahi ho raha tha ki underground lair itni badi hogi. Akhir, iska nirmaan kisne kiya? Ye kisi bhool-bhulaiyaan se kam nahi thi.
Pari ne bina uske poochhe hi 'Path Tracker' on kar diya. Kam se kam woh apna raasta toh nahi bhoolega jaha se woh aaya tha.
Woh aage badh hi raha tha jab uski perro ki neeche kuchh daba-
*Click*
Khatra mehsoos karte hi Veer ki aankhein darr ke maare chaudi ho gayi. Iske pehle ki uska dimag kuchh samajh paata ki kya ho raha hai, uska shareer apne aap pratikriya kar diya.
[Master-!!!]
Woh akasmat peechhe ko kooda aur uske koodate hi-
*Schling* *Schling* *Schling*
Paani ke andar neeche se nukeele lohe ke spikes tezi se upar aaye. Unme zung lagi hui thi, sookha khoon unn par chipak ke jamm chuka tha. Ek saboot ki pehle bhi iss se kisi insaan ki maut hui hai.
Agar, woh sahi samay par na hatata, toh woh spikes uske shareer me dhans chuke hote. Usne apne aap ko uss jagah par imagine kiya. Paseene ki ek boond uske maathe par se fisal gayi.
Aur, jaise hi woh khada hua-
*Swoosh* *Swoosh* *Swoosh*
Bayi orr se ghoomne waali blades ki ek kataar udti hui uska sarr dhad se alag karne ke liye tezi se aayi.
'Shit!!!'
Samay rehte hi usne bamushqil apne shareer ko moda, tez dhaar uske blazer ke kapde ko chhu kar nikli aur uska kuchh bhaag fatt kar alag ho gaya.
'Fucking hell...!'
[Master, there are traps. Hume savdhaan rehna hoga.]
Veer ki saansein tez hui. Kahi koi floor plate, kahi koi trip wire, kahi koi chhipa hua trigger. Har qadam par koi na koi khatra tha. Jisne bhi iss jagah ko banaya tha, usne logo ko maarne ke liye hi ye design ki thi.
Yeh sirf ek underground lair nahi thi.
Yeh ek slaughter house tha.
Aura Vision se use non living things dikh toh rahi thi, par inn traps ko trigger karne waale upkaran saare paani ke neeche maujood the. Unhe dekhne ke liye, paani ke andar muh dubona padta, jo Veer hargiz nahi karne waala tha.
Pari ki chetavni par woh iss baar savdhani se aage badha.
'J-Juhi!! Be safe!!!'
Uski aankhein aur jaal talaash rahi thi. Lekin, jaise-jaise woh aage badhta gaya, zameen par gandagi ghani hoti chali gayi aur hawa bhaari hone lagi.
Aur, fir... Use sunayi diya.
*Splish*
Ek qadam.
Paani ka chhapakna.
Koi tha.
Veer wahi jamm gaya. Magar, uska poora shareer high alert par tha. Usne suna.
*Splish*
Ek aur qadam.
Daayi orr se.
Uska sarr dhwani ki disha ki orr muda, lekin — kuchh nahi. Dur-dur tak kuchh nahi tha.
'Huh???'
Tabhi-
*Splish*
Iss baar baayi orr se.
Woh fir ghooma, magar — koi bhi nahi.
Uski saansein aur tez ho gayi. Achanak, uski line of sight ke baahar kuchh harqat hui. Use apni hi dhadkano ki awaaz sunayi de rahi thi.
Usne apni mutthi kasi, knuckles poore safed pad gaye.
Aur, tabhi-
Ek fusfusahat.
Aur, fir ek dheemi pagalpan waali hasi use sunaayi di.
"Ehe...!!!"
Woh yaha aa chuka tha.
Sannaata ghutan bhara tha. Veer shaant tha, aisa lag raha tha maano underground lair uske chaaro orr saans le rahi thi. Chhayaaye idhar se udhar ho rahi thi, maano use dekh rahi ho, intezar kar rahi ho. Tabhi-
*Swish*
Ek blade hawa ko cheerte hue aayi. Sahi samay par Veer ne apna sarr jhukaaya. Hathiyar uske chehre se ek inch ki duri se hoke guzra. Uske paas maatra ek second hi tha khud ko hataane ke liye jab-
*Whoosh*
Ek aur humla.
Woh bacha. Usne apne aap ko moda, uski pasliyaan marud ke reh gayi. Ek ke baad ek humla uski orr aaya, magar koi bhi nazar nahi aaya.
'Tch! Where the hell is he-!??'
"Ehehehehe~"
Wahi hasi ek baar fir hawa me goonj gayi.
'Enough of this...!'
Uski aankhein saamne ke raaste par tik gayi. Aur, fir use ek aakriti nazar aayi.
Andhere se woh aakriti baahar nikal kar aayi. Veer ne use dekha.
Lamba, patla shaks. Safed lambe baal, baahar ko aati aankhon ki putliyaan. Uska dhasa hua chehra ek bhayanak muskurahat me badal gaya. Uski jeebh ajeeb tarah se baahar nikli aur usne apne fatey hue hontho ko chaata.
'Check!!!'
*Ding*
[No information available.]
Woh sahi tha.
'System holder...!!!'
Ye wahi tha. Jiska sketch police dwara banwaya gaya tha.
Veer : Tum-!!! Tum hi ho woh serial killer. *frowns* Juhi kidhar hai???
Uski awaaz dheemi magar khatarnak thi.
Uss aadmi ne apna sarr jhukaya. Aur, fir woh hasa... Itni zor se hasa ki uski haivani hasi waha goonjne lagi.
"Ahahahahahahaha!!!"
?? : Tum... Tum akhir aa gaye... Ehe!!! Mein tumhara hi intezar kar raha tha...!!!
Veer thitak ke reh gaya.
Veer (frowns) : Kya matlab-!?
Woh aadmi muskuraya, aur kareeb aane laga. Uski ungliyaan utsaah me hil rahi thi. Uski jeebh baahar nikli maano jaise ki saanp ki tarah hawa ka swaad le rahi ho.
?? : Tum yaha... meri wajah se aaye ho... Ehehehehe...
[He might be playing mind games, Master. Uski baaton me mat aaiye.]
?? : Ehe... M-Mein hi tumhe yaha leke aaya... Ye sab... Plan tha... Ehehehe...
Veer ki reedh me sihran daud gayi.
'N-No! What the fuck is he talking about?'
?? : Murders to hone hi the... Ehehe... Mere experiments ka hissa... hehe... Magar, sirf wahi nahi... Tumhe yaha laane ke liye... Ahahahaha...
Veer ki kuchh samajh nahi aa raha tha. Ye paagal aadmi kya bole jaa raha tha?? Nahi! Ye sach nahi tha. Uski mulaqat toh iss psycho se pehle kabhi hui hi nahi thi. Fir, bhala woh kyu use-!?
?? : Eh... Tum confused ho... Hai na?? Don't worry... Mein tumhe bata deta hu... Hehe...
Veer : ???
?? (mutters) : Lure Path!!!! Hehehehe-!!!
Sunte hi Veer ke andar maujood Pari kaanp ke reh gayi.
[N-No-!!!]
'Huh?? Pari? Kya hua? Lure Path? Kya hai ye???'
Pari ne uske sawaal par seedhe hi jankari prastut kar di.
*Ding*
[Legendary Scroll : Lure Path
Description : A scroll that allows the user to lure a specific person. The scroll will generate a path which must be followed in order to lure a person. User must imagine the person he/she wants to lure in and scroll will then act upon itself.
Note : Can even lure a system holder.]
Padhte hi Veer ke raungte khade ho gaye. Ek aisa scroll jiski sahayta se kisi bhi vyakti ko apni territory me laaya jaa sakta tha.
Pehle Madhuri ke pita, Prabhakar ki hatya... Aur, fir use mission milna... Pune se hoke Lonavla tak aana... Aur, fir Juhi... Iska matlab... Ye sab kuchh ek plan ka hissa tha!?
Veer ke bhaav dekh uss paagal insaan ki muskaan aur badh gayi. Insaan toh uska target the hi... Parantu, sabse bada target uska tha — Veer!!!
Lure Path.
Isi ki kaaran Veer ko woh mission mila.
Veer : N-Noo-!! M-Magar, tumne mujhe kyu...
?? (screams) : Kyunki tumhari wajah se... maine apna target khoya tha... *growls* Tumhari wajah se...
Veer : Wh-What!?
Woh gurraaya. Uski aankhon me bhayanak gussa nazar aa raha tha.
?? : Tumhari wajah se... Sab tumhari wajah se... I was so close to my experiment... Eh... B-But... You... You took my target away from me...
Veer : !!??
?? : You took him away from me...!!!
One year ago,
Clark County Prison,
Las Vegas...
Laalach aur paap ke iss sheher me dhero shaitaan baahar ghoom rahe the. Magar, asli raakshas toh yaha Vegas ki jail me band baithe the.
Aur, ek aadmi holding block ke sabse andhere kone me baitha tha. Safed baal, dhansi hui aankhein, haivani muskaan.
Uski ungliyaan jail ke bars par bandhi hui thi. Woh kisi bhooke jaanvar ki tarah kisi ka intezar kar raha tha.
Aur, tabhi-
Deeware kaanp gayi. Ek visfot ne sannaate ko cheer diya, jis se poori imaarat hil ke reh gayi. Sirens ki awaazein goonjne lagi.
Woh aa chuka tha.
Crimson!!!
Yahi woh waqt tha jab Crimson ne jail se Jim the Slippery ko chhudhwaya tha.
Usne baaki bhaag rahe apraadhiyo ki orr dekha tak nahi. Dhua chhat raha tha aur uski nazar kisi orr cheez par thi.
Aur, fir usne dekha.
Ek paagal insaan. Crimson ke ghoorte hi uss paagal insaan ke badan me ek utsaah ki leher daud gayi. Jaise maano ek shikaari dusre shikaari ko pehchaan raha ho. Woh sahi tha.
?? : Ehe... Tum bhi... Tum bhi hum me se ek ho??? Ehehehehe... Mere patients... Ehe... Mein aaya...!!!
Kehte hue woh waha se bhaag nikla. Magar, jaise jaise woh bhaag raha tha. Woh apne peechhe Crimson ke aane ka intezar kar raha tha.
Akhir, sab kuchh usi ne toh racha tha.
Lure Path...!!!!
Jim the Slippery ka jail me jaana koi ittefaaq nahi tha. Uss paagal ne Lure Path ka istemal kiya tha.
Crimson ki jankari use Vegas me reh kar lag chuki thi. Aur, uska target wahi tha.
Jim the slippery ko jail pahuchana, Pitcher aur Nightwalker jaise apraadhiyo ko sakreeya karna — Ye sab uss paagal ka hi toh kiya dhara tha.
Idhar, usne Lure Path chalaaya aur udhar Crimson ko-
*Ding*
[Mission : Assemble the criminals — Jim, the slippery, The Nightwalker, The Pitcher.]
Bechare Crimson ko ye pata tak nahi tha ki use mission uss paagal ke Lure Path istemal karne ki wajah se mila tha.
Use lag raha tha ki woh Mr. X ke khilaaf ladne ke liye ek criminal squad bana ke underworld me apni taaqat badhayega magar, use iss baat ki bilkul bhanak nahi thi ki woh khud ko uss paagal system holder ki thaali me paros ke de raha tha.
Sab kuchh uss paagal system holder ke shadiyantra ki mutabik jaa raha tha jab achanak beech me ek naya variable kood ke aa gaya-
Veer...!!!
Uss paagal ko laga tha ki ab Crimson uska peechha karega. Aur, fir woh Crimson ko apna bandhi bana lega. Yahi toh kaaran tha jo usne khud ko bhi salaakho ke peechhe rakha tha. Woh jaanta tha ki Crimson Jim the slippery ko chhuraane aayega hi aayega.
Parantu, aisa na hua...
Veer ke aa jaane se, Crimson ka dhyaan Mr. X ki orr jaa chuka tha. Aur, jaha Crimson ko uss paagal ka peechha karna chahiye tha, usne aisa kuchh bhi nahi kiya.
Balki, woh Jim the slippery ke peechhe bhaaga. Antatah!? Uss paagal system holder ki tarqeeb naqamyab ho gayi.
Aur, uske baad-?
Crimson ki maut — Veer ke haatho.
Aur, ab yahi Lure Path Veer ke liye istemal ho chuka tha. Jaha Veer samajh raha tha ki woh killer ke nazdeek pahuch raha hai, magar asliyat me toh killer hi use apne paas bula raha tha. Yahi tha legendary scroll — Lure Path.
Iska bodh Veer ko apne upar kisi bhaari patthar ki tarah mehsoos hua.
Ye haal hi me mare log... Ye pattern... Hatyaare ko dhundhne ka mission...
Ek trap.
Veer ladkhadaya. Uski saansein ukhdi.
Jis qadar se woh Veer ko qadam dar qadam aage badha raha tha, ye koi sanyog nahi tha. Ye ek luring path tha.
Aur, ab use ehsaas hua. Itne log jo maare gaye the. Woh kahi na kahi uski hi wajah se maare gaye the. Woh nirdosh log... Madhuri ke pita... Yaha tak ki nanhi Juhi ka apharan.
Veer : Y-You-!!!
Uski awaaz kaanp uthi. Iss baar dar se nahi, balki gusse se.
Veer : Y-You killed them. Unn nirdosho ko tumne... Tumne maar daala!? Mujhe yaha laane ke liye...!?
?? : Ehehehehe!!! They didn't die... They became immortal after being a part of my experiment... hehehe... Their names will go down in history... Hihi...
Veer ka shareer akad gaya.
'M-Meri wajah se... Woh log... Juhi... Meri wajah se...!'
[Master!!!]
Use ab tak samajh nahi aa raha tha ki ye paagal akhir uske peechhe kyu pada tha. Bhala kis target ki baat kar raha tha woh?
Veer : You said I took your target... Who was it???
?? : Oh!! You don't remember??? Ehehehe... Yaad karo... Yaad karo...
Veer : *frowns*
?? (growls) : CRIMSON!!!
Naam sunte hi Veer ki aankhein fati ki fati reh gayi. Isme koi shaq nahi tha ki usi ne Crimson ko maut ke ghaat utaara tha.
Veer (shivers) : H-How? T-Tum kyu-!?
?? : Enough talk! My patience is running out... Time to kill... Ehehehehe...!!!
[Master, be ready.]
?? : Here I come!!!
*Whoooooooooooshhh*
Kehte hue woh ek jhatke me gaayab hua.
Aur, tabhi underground lair ke kendra me ek laboratory ke andar bandhi jaddo-jehed ke baad akhir kar apne muh se kapda hataane me saksham thi.
Kapda hatata hi uski zor se cheenkh nikli-
"Mummmaaaaaaa-!!!!!"
Jo poori underground lair me goonj uthi.
'Juhi!!!'
Juhi ki awaaz sunte hi Veer ke badan me raungte khade ho gaye. Parantu-
*Ding*
['Beowulf's Blessings' has been activated.]
Uski aankhein laal rang me dhal gayi. Woh paagal uski orr lapka.
*Swoooooooossshhhhhh*
Pehla vaar.
*Dodge*
Dusra vaar.
*Dodge*
Teesra vaar.
*Dodge*
Chautha vaar. Seedhe uske pait ki orr-
*Dodge*
Magar,
'Huh???'
*Craaaaackkkkkk*
'What???'
Uss paagal aadmi ka lohe ka staff Veer ke dono haatho se banaye defence ko chakna choor kar diya.
Aur, vaar aake seedhe uske pait me pada.
"Blurgh!!!"
Iske pehle ki woh sambhal paata-
*Ding*
[A curse has been applied on the host.]
[Master!!! Run-!!!]
'Wh-What????'
Kintu, Veer ko bhaagne ka mauka hi na mila jab-
Wahi staff aake seedhe uske daaye gaal par pada. Veer ka shareer hawa me uchhla aur jaise hi woh land karne waale tha-
*Whoosh* *Whoosh* *Whoosh*
Paagal system holder ne apna staff zorr se uski orr fek diya.
'Sh-Shit!!!'
Hawa ko cheerte hue staff gol-gol ghoomte hue uske sarr ki orr aa raha tha. Samay nahi tha. Veer ne majbooran hawa me rehte hue apne dono haath se block kar apne sarr ko bachaaya aur-
*Thud*
"Urgh!!!"
Staff itni zorr se uske haatho me aake laga ki use dard kass ke mehsoos hua. Lekin, jaise woh paagal pehle se hi jaanta tha ki Veer haatho se hi staff ko block karega.
Veer jaise hi land kiya, utni derr me woh paagal Veer ke theek muh ke saamne tha-
?? : Surprise... Ehehehe...
'Fuck!!!'
*Baaaammmmmmm*
Ek aur vaar. Seedhe Veer ki kanpati ki orr... Jise Veer ne punah apne haatho se block kiya.
Woh peechhe ki orr kooda.
Kintu, tabhi-
*DONG*
Ek alag si dhwani use apne andar sunayi di. Nahi! Ye notification ki awaaz nahi thi.
Awaaz itni zorr se aayi thi ki Veer ka poora badan hil ke reh gaya tha.
Aur, agle hi pal-
[N-No!! Master!!!]
Use apne mann me saamne nazar aaya-
*Ding*
['Beowulf's Blessings' is broken.]
Veer ki aankhein bhay ke maare fel gayi. Woh ghabraate hue uss paagal ko dekh raha tha. Uske honth apne aap khule-
"Wh-Who are you-!!?"
Aur, dusri orr se dheere se ek jawaab aaya-
"They call me... THE DISEMBOWLER!!!"
.
.
.
.
.
.
.
.
Aaj ke liye itna hi guys.
This update consists of 8.8k words.
Target apna wahi hai. 250+
Pahucha diyo araam se. Agle update me mein sab finish kar dunga. Ye fight agle update me samapt ho jayegi. Jaisa ki maine kaha tha do updates lagenge hi lagenge. Mera aadhe se zyada time Disembowler ki skills aur cards banaane me gaya hai. So, you can see it already. Upar se Garofano ka full system alag. That's why it takes so much time. Anyways, ab milte hai agle bhaag me.
Dhanyavad.
Next update esi month me do yaar ye bahut chota update tha but mast tha fighting portion bhi kam tha but okUpdate - 194 ~ The Disembowler
Ab tak...
Neeche paani aedi tak bhara hua tha. Chhapaak ki awaaz ke saath Veer ki aankhein laal rang se chamak uthi.
Aur, udhar hi andar kahi... Uss paagal insaan ko Veer ke aane ka ehsaas ho gaya.
Woh haivani muskaan liye muskuraaya.
?? : Well... My food got delivered already. Ahahahahahaha!!! The main dish has come-!!! You will have to wait for a while, young ones. *Slurp* Ohhh!!! I'll come back soon. Don't worry!!! Ehehehehehehe!!! Yahahahahaha! Now... Shall we get started????
Ab aage...
Dhua... Aag... Khoon...
Barood ki gandh hawa me mandra rahi thi. Kabhi Hotel Prestige ki bhavya lobby — sunehre foolo ki sajavat se saji — ab ek yuddh kshetra me badal chuki thi. Toote hue kaanch, ukhda hua 'Yarnia' ka logo aur kuchh shav waha dale hue the.
Security guards farsh par pade the, unki uniforms gehre laal rang se ott-prot ho rakhi thi. VIPs apni security dwara waha se sahi salamat bach nikalne ke liye bhaag rahe the. Sabhi social media influencers, fashion enthusiasts, models waha se apni jaan bachaane ke liye faraar ho chuke the. Jitne mehmaan aaye the, unme se adhiktar peechhe ke darwaaze se bhaag chuke the. Arajakta badhti jaa rahi thi.
Aur, inn sab ke beecho-beech, Tej waha khadi hui thi — ekdum sthir.
Uska seena tezi se haafte hue upar-neeche ho raha tha. Woh abhi bhi Veer ke bol apne dimaag me sunn paa rahi thi — shaant, bharosemand, 'Yarnia' ki zimmedari use saunpte hue.
'Mein ye zimmedari aapko saunp raha hu, Teju di. Mujhe aap pe poora bharosa hai.'
Kintu, woh nakaam thi.
Yahi uska pal tha — yahi woh waqt tha. Woh kshan jab woh ek aisi behan bann ke dikha sakti thi jis par uska chhota bhai, Veer nirbhar ho sake. Woh behan jo uske saath kandhe se kandha mila ke khadi ho sake, mazboot aur atoot. Kamzor nahi. Asahaay nahi.
Fir bhi, akhir kya hua? Woh keval waha khadi bas sab kuchh ghatit hota dekhti reh gayi.
Woh ghumi, uski nazar neeche pade khoon se lathpath vyaktiyo par padi aur woh wahi jamm ke reh gayi.
Uske bagal se khadi Bhumika ka chehra bhi peela pad gaya, uske honth thar-tharaye par koi shabd baahar na aaye.
Iss taraf, Shweta ne kass ke Bhavna ki baah pakad li, uska samaanya ghamand kahi gaayab ho gaya — uski jagah sarasar, bhay aur aatank ne le li. Bhavna swayam, humesha ki tarah shaant, humesha ki tarah niyantran me, iss waqt jami khadi hui thi — uski aankhein kamre me neeche pade ek shareer par tiki hui thi.
Iss orr Arohi akad ke reh gayi thi, usne Kavya ki kalaayi ko itni kass kar pakda ki uski kalaayi safed ho kar reh gayi. Bechari Kavya ka muh sadme ke chalte khula reh gaya, uski humesha ki tarah chulbuli masoomiyat uske aas-paas ke narsanhaar se khatm ho gayi.
Arohi (shivers) : N-Nahi-!!! Nahi!!
Kavya (sobs) : D-Di!!? Didiiii-!!! Mummyyyyy-!!!!
Woh dono aage bhaagi. Magar, woh akeli nahi thi.
Parijaat ki aurtein.
Woh sab ek pal me aage aayi — ek saath, atoot nishtha aur maun krodh liye.
Suman (yells) : Saili... Aabha... Sonali...!!! Didi log ko baahar leke jao!! Abhi!!!!
Woh zor se chillaayi. Uska aadesh sunn teeno hi javaan ladkiyaan haami bhar baari-baari Tej, Arohi, Bhumika, sabhi ko ekatra kar woh unhe peechhe ke darwaze ki orr le jaane lagi.
Ishaara samajhte hi Varsha, Sudha, aur Mukta daudate hue Suman ke nazdeek aayi aur saath milke woh neeche pade vyakti ko uthaane lagi.
Suman (frowns) : Sudha!! Perr pakdo!! Araam se...!!! Mukta chalo!!! Udhar bhi-!!! Jaldi!!! Fatafat uthao.
Mukta ne wahi bichhe table clothes utha ke khoon behte hue ang par lapetna shuru kar diye.
Sudha : Didi, kh-khoon bahut...
Suman : Shhh!!!
Sudha ghabra rahi thi. Poori kamaan ab Suman sambhaal rahi thi. Dono vyaktiyo ko zameen par se uthaaya gaya.
Udhar bheetar pichhle darwaaze par Suhana poori tarah se bechain idhar se udhar tehel rahi thi.
Uske movements tez aur calculative the. Baahar lobby me golibaari ka ek aur daur chala jiske chalte wahi paas ki ek murti chaknachoor ho gayi.
Suhana : Exit secure rehni chahiye. VIPs jitne nikal rahe hai nikalne do, lekin mujhe Veer ki family jald se jald baahar sahi salamat chahiye.
Uncle Prakash (rushes) : Madam, situation abhi unstable hai aur-
Suhana (yells) : Mujhe pata hai...!!! Jitna kaha gaya hai utna kariye Uncle!!!
Uski oonchi awaaz sunn Uncle Prakash thoda jhep ke reh gaye. Woh tezi se mudi, usne hall me se Tej, Arohi, Kavya aur baakiyo ko aate dekha.
Suhana (nods) : Quick!! Jaldi!!
Tej ne use kuchh pal ghoora. Par, boli kuchh nahi. Unn sabki aankhon me aasu the. Sab barbaad ho chuka tha.
Tej (sobs) : V-Veer-!! *sniff*
'Kaha ho tum???'
Uske kandho ko thaamte hue Suhana ne use hosh me laaya.
Suhana : Snap out of it!!! Time nahi hai bilkul!!! Jaldi! Ambulance me jitne jann aa rahe hai utne baitho. Baaki log car me!! Uncle Prakash!! Car me sabhi ko bithwaiye.
Uncle Prakash : J-Ji madam!! Maine kuchh security guards andar bhej diye hai.
Suhana (nods) : Good!!
Uncle Prakash : P-Par, mein ek baar fir keh raha hu, madam. Aapko yaha rehne ki koi zaroorat nahi hai. Mein yaha hu aur sabhi ko sahi salamat pahucha dunga. Aap aur Sonia madam jaldi ghar jaiye. Agar, aap dono ko kuchh hua toh Sir pata nahi mera kya haal karenge. Isliye, jaiye-
Suhana : Kya kaha aapne??
Uncle Prakash thoda seham gaye. Yeh woh Suhana nahi thi jise woh jaante the — ek poori tarah professional businesswoman jisne kabhi kisi ladke ke liye iss qadar apni bhavnaaye vyakt nahi ki thi.
Lekin, Veer ne use badal diya tha.
Suhana : Aap chaahte hai ki mein yaha se bhaag jau? Aise time pe jab Veer ki family yaha khatre me hai??? Kya aapne dekha nahi ki abhi kya hua?
Uski awaaz waha goonj uthi. Uncle Prakash stabdh the. Unhone Suhana ko kabhi iss tarah se nahi dekha tha. Kabhi nahi.
Suhana : Jab tak mein unhe sahi salamat nahi pahucha deti, tab tak mein ghar nahi jaane waali.
Wahi kuchh dur khadi Sonia bhi uske nazdeek aayi.
Sonia : D-Di?? Y-Ye sab kya tha?? What just happened?? Gunshots... Bombing... Veer kaha hai?? What is going on??
Suhana : Sonu!!! Uncle aap Sonu ko leke jaiye yaha se.
Uncle Prakash : P-Par-
Suhana : Maine kaha na!!!
Sonia : What??? No way!!! Mein aapko akela chhor ke kahi nahi jaane waali.
Suhana : Sonu tum-
Sonia : Aapke orders Uncle par kaam kar sakte hai, di. Mujh par nahi. Aur, mein aapko bina yaha se liye kahi nahi jaane waali.
Suhana : Theek hai!! Toh, yahi peechhe hi rehna. Kisi ne planned attack karwaya hai. Koi 'Yarnia' ki launch ko target kar raha hai shayad? Ya fir koi kisi VIP ko maarne aaya tha??
Usne dekha ki andar se Suman kuchh aur aadmiyo ki madad dwara zakhmi parivar jann ko laa rahi thi. Ambulance se utre ladke bhi turant hi stretcher ki sahayata se unhe ambulance ke andar litaaye. Saath me parivar ke kuchh jann uss ambulance me sawaar ho gaye toh kuchh Suhana ki car me baith gaye. Aur, palak jhapakte hi woh sabhi waha se hospital ki orr ravana ho gaye.
Iss bhayanak drishya ka sadma agar kisi ko sabse gehra pada tha toh woh thi — Kaera, jo achanak hui iss ghatna se poori tarah se hil chuki thi. Uska badan kaanp raha tha. Kintu, uske bhay ka kaaran humla nahi tha.
Kaera (shivers) : B-Blood...!!!
Gaadha gehra laal khoon. Ye pehli baar nahi tha. Nidar, bejhijhak Kaera bhi akhir kisi cheez se darti thi aur woh tha — khoon. Uski sabse badi kamzori.
PTSD — ek mental health condition jo kisi atyant tanavpoorna ya bhayanak ghatna ke kaaran hoti thi — ya toh uska hissa hona, ya use spasht dekhna.
Woh pal...! Kaera ke puraane ghar par... Uss maali ki laash...!
Khoon... Slogan... Sab kuchh jaise use yaad aane laga. Puraani yaadein mastishk me mandraane lagi.
Uski saansein ukhadne lagi. Dil ki dhadkane achanak badh gayi.
*huff* *huff*
Mirror gallery... Uska agwa hona... Veer ka use bachaana... Uska ghaayal hona...
*huff* *huff* *huff*
Aur, achanak hi-
*Grasp*
Kaera : H-Huh!!?
Ek haath uske kandhe par aake use thaam liya. Woh mudi.
Kaera : K-Karan???
Karan, Kritika aur uske mata-pita ko baahar chhor ke aaya tha. Apni badi behan ki kamzori woh bhali bhaanti jaanta tha. Itne saalo baad use apni didi wapas mili thi. Woh dobara kaise use kho sakta tha?
Karan : Di!! Chaliye, mere saath. Yaha khatra hai.
Kaera : K-Karan!
Karan : Mein Raghu ke saath hospital jaa raha hu di. Veer ki family ke saath rahenge hum udhar. Aap Jassi ke saath ghar jaaiye. Ye jagah safe nahi.
Kaera : P-Par-
Ruchika : Karan Sir theek keh rahe hai, Miss. H-Hume jald se jald yaha se nikalna chahiye. Aap aisi condition me koi bhi rational decision nahi le payengi. It's better we let the men handle all of this.
Kaera : Par, V-Veer-!?
Karan (frowns) : Jab tak woh nahi aa jaata, yaha ki zimmedari meri bhi hai. Di! Aap ghar ki orr nikaliye.
Akhir kaar, Kaera ne haami bhari aur Jassi use waha se leke ravana ho gaya. Idhar Karan Raghu ke saath hospital ki orr ravana ho gaya.
Siren baje aur police ki kayi gaadiya waha ikhatta ho gayi. Ek ke baad ek police karmi apni-apni gun taane Hotel Prestige ko baahar se gher liye.
"Apne-apne hathiyaar fek do. Tum sab ko police ne chaaro orr se gher liya hai. Surrender kar do!!!"
Ek police officer ne announce karte hue kaha. Aur, golibaari waqai me tham gayi. Ahista-ahista police waale andar ki orr badhe. Balhaar ke aadmi bhi isme fas chuke the. Magar, woh jaante the ki jald hi unki bail karwaane ke liye madad aa hi jayegi.
Kuchh aur gaadiya aake dur ko ruki aur dhadalle se news reporters apne-apne cameraman ke saath waha coverage lene ke liye aa dhamke.
Jo jagah kuchh der pehle bade-bade VIPs se bhari hui thi, ab woh police aur media reporters se bhar chuki thi.
"Jaisa ki aap dekh sakte hai, hum iss waqt Hotel Prestige ke theek baahar se live hai. Khabar ke anusaar abhi yahi kaha jaa raha hai ki koi terrorist attack hua hai. Iss baat me kitni sacchaayi hai ye abhi dekhna baaki hai."
Ek mahila reporter ne Hotel se duri banaaye rakhte hue apna microphone pakad kar haafte hue sab varnan kiya.
"Goli-baari, bhayanak visfot, aur poori tarah se tabahi mach rakhi hai yaha. Yaha par 'Yarnia' ek clothing brand ka launch hone waala tha magar palak jhapakte hi sab kuchh tehes-nehes ho gaya."
Usne aage badhne ki koshish ki magar police ne use turant hi andar jaane se mana kar diya.
"Aap dekh sakte hai ki mujhe abhi bhi andar jaane nahi diya jaa raha hai. Aur... Aur, police ne shayad shooters ko daboch liya hai. Shooters ne surrender kar diya hai. Unhe police jeep me bitha ke le jaaya jaa raha hai."
Cameraman ne camera focus karte hue drishyo ko dikhaane ki koshish ki, lekin punah officers ne unhe andar ke drishyo ko dikhaane se mana kar diya.
Andar se shavo ko ambulance ke andar karwaya jaa raha tha. Aur, jaise hi ye sab hua, reporters microphone hathiyaar ki tarah liye police karmiyo ke paas pahuch gaye.
Reporter : Sir! Sir!! Humne abhi abhi dekha ki ambulance me kinhi logo ko le jaaya gaya. Kya hatya hui hai yaha?? Kitni sankhya hai?
Officer jo apni rifle liye wahi khada hua tha, usne jawab dene se pehle ek gehri saans li.
Officer : Dekhiye, iss samay hum koi bhi spasht sankhya jaari nahi kar sakte. Lekin, haan casualty hui hai. Situation ab control me hai aur jald hi official statement jaari kar diya jayega.
Reporter 2 : VIPs bhi yaha aaye the. Kya unme se kisi ko koi chot pahuchi hai??? Kya unhe koi muskan pahuchaya gaya hai??
Officer : Dekhiye, hum abhi bhi ghayal logo ka aaklan kar rahe hai. Jaha tak meri jankaari hai, sabhi VIPs sahi salamat aur surakshit evacuate karwa diye gaye hai. Lekin, hum abhi spasht roop se har kisi ka khulasa nahi kar sakte.
Lekin, media sirf police ke bayaano se santusht nahi thi. Asli sona toh gawaho ke paas tha.
Aur, tabhi peechhe ke gate se ek VIP nikal ke aaya. Uska pehnava poora ast-vyast ho rakha tha. Sadme ke chalte bechaare ka chehra peela pada hua tha. Patrakaro ki ek leher uski orr aise jhapti jaise maano shikaari khoon ki gandh soongh ke uss orr daud rahe ho.
Reporter : Sir!!! Sir!! Kya aap bata sakte hai ki andar kya hua???
Uss aadmi ne apna maatha pochha, uski saansein abhi bhi ukhdi hui thi. Jab usne apne vichaaro ko ikhatta karne ki koshish ki toh uske haath kaanpne lage.
VIP : Tabaahi...!!! Poora pagalpann!! Ek pal, hum sab celebrate kar rahe the. Agle hi pal... Ek zordar blast hua aur fir goliyaan chalne lagi. Har jagah!!! Ek do logo ko maine girte hue bhi dekha. *huff* *huff* Khoon hi khoon...!!!
Reporters aur jhuke, uske har shabd ko camera me qaid karne ki koshish kar rahe the.
Reporter 2 : Kya kya dekha aapne waha? Thoda aur vistaar se bata sakte hai??
VIP : L-Log chilla rahe the, har disha me bhaag rahe the. Maine dekha ki... Kayi saare aadmi guns liye lobby me achanak se ghuse aur goliyaan chalaane lage. Kuchh ko maine goliyaan lagte hue dekha. *huff* M-Mein apni jaan bachaane ke liye peechhe bhaag gaya fir.
Reporter 3 : Aapko kya lagta hai? Kaun ho sakta hai iss humle ke peechhe?
VIP : M-Mujhe kuchh nahi pata. Sab kuchh tezi se hua. Aur, hum bas bhaag rahe the.
Reporter 1 : Kya koi suraksha chook hui thi? Ye humlavar andar kaise aaye?
VIP (shivers) : M-Mujhe nahi pata. Mein toh bas ek guest tha, theek hai? Mujhe koi jankaari nahi hai ki woh log andar kaise aaye, kisne unhe andar kiya. Lekin, itna zaroor hai ki woh sab poore prepared the. Ye koi random hamla nahi tha.
Reporters ki bheed me ek sannaata chhha gaya.
Yeh koi random hamla nahi tha.
Patrakaro ne ek-dusre ko dekha. Woh jaanta the iss bayaan ka kitna wazan tha.
Reporter 1 : Aur, koi jankaari???
VIP : Ab sab police karegi. CCTV me zaroor unhe mil jayega. *huff* Mein ab aur jawab nahi de sakta. H-Hatiye!! M-Mujhe jaana hai.
Media ko ek kahani mil chuki thi. Palak jhapakte hi uss VIP ka bayaan poore news channels me prasarit ho gaya. Dekhte hi dekhte ye breaking news ab ek national news bann chuki thi.
Udhar ghar par Brijesh ne jaise hi samachar dekhe toh uska sarr chakra gaya. Woh bhay ke maare utha, aur bina koi pal gawaaye hotel ki orr bhaaga.
***
Hotel Prestige ke theek saamne uss khandahar waali imaarat ki chhat par Dexter ki laash dali hui thi.
Kuchh derr pehle woh bhaagne ki koshish kar raha tha jab achanak hi-
*Splurt*
"Urgh!!!"
Ek nukeeli blade aake uske seene ko cheer gayi.
Ek rear surprise attack.
Blade seedhe uske dil ko cheer ke baahar nikli thi. Use kuchh samajhne ka samay hi na mila. Na hi woh kuchh bol paaya aur na hi apne humlavar ko dekh paaya.
Aankhon ke saamne andhera chhaaya aur uska shareer zameen par girte hi thandi laash me badal gaya.
*Schling*
Blade ko nikaalte hue ek yuvti ne neeche padi Dexter ki laash ko ghoora. Uske mann me kya tha koi nahi jaanta tha.
Tabhi-
*Thud*
Neeche se aayi Ava ne dhadalle se darwaza khola. Saamne khadi yuvti ko dekh woh chaunki. Magar, bullet apna kaam kar rahi thi.
Ava sirf blood loss ki wajah se kamzor nahi hui thi. Uska kaaran tha — Poison.
Ek poison pallet jo bullet ki core me thi. Shareer ke andar jaate hi zeher ne apna kaam karna shuru kar diya tha. Yeh koi aisa-waisa zeher nahi tha.
Sarin (military designation GB) ek aisa nerve agent tha jo chemical warfare agents me sabse zehreela maana jaata tha. Na hi iska koi swaad hota tha aur na hi koi gandh. Sarin ke sampark me aate hi kuchh hi minto me ek insaan ki maut ho sakti thi.
Aur, isliye Ava itni zyada kamzor pad chuki thi. Uske andar Lily apni poori koshish kar ke zeher ko felne se rok rahi thi. Toh wahi, Healing Factor ki madad se Ava ka shareer naya khoon poori raftaar se banaata jaa raha tha taaki Red blood cells blood loss ki kami ko poora kar sake, white blood cells Sarin se ladte rehne ke baad immunity bana le. Aur, platelets ghaav ko bhar sake.
Ye ekmaatra poison bullet thi Dexter ke paas jo usne Tej ke upar chalaayi thi. Agar, aaj Ava waha na hoti toh Tej ki mrityu sunishchit thi.
Uske qadam ladkhadaye aur woh sarr ke bal peechhe girne hi waali thi jab uske saamne khadi yuvti palak jhapakte uski orr aayi aur use girne se bacha li.
Ava behoshi me chali gayi. Aur, tabhi-
"Shebaaaaaaa!!!!!"
*Keaaaaaarrrrrrrr*
Ek badi si aakriti upar aasmaan se neeche aayi. Dhamm se chhat par uske qadam padte hi poora chhat kampan kha ke reh gaya.
Upar hawa me ek baaj udta hua neeche aaya aur Dexter ke mrat shareer par jaa baitha. Apni nukeeli chonch se woh uske murda shareer ko noch ke ukhaadne laga aur use wahi kachha chabaane laga.
Uss yuvti ne Ava ko pakde hue bagal waali imaarat se chhalang laga kar aaye uss shaks ko dekha. Aur, fir bauhe kasste hue boli.
"It's a poison. Mujhe jald se jald treatment karna hoga."
Aur, ye koi aur nahi, Garofano hi thi. Aur, uske saamne khada woh shaks — Renshu.
'Yarnia' ka bhavya launch ho aur Veer unhe aamantran na de? Aisa kahi ho sakta tha? Woh sabhi abhi kuchh derr pehle hi India aaye the. Neeche se car se jab unhone Ava ko road cross kar bhaagte dekha toh unhe samajhne me derr na lagi ki kuchh gadbad thi.
Agle hi pal ek aur aakriti bagal waali imaarat se kood ke unki chhat par land ki.
Erica!!!
Erica : K-Kya hua? Urgh!! Sheba!!! Don't you dare eat human meat!!!
Woh uss par zorr se barsi. Magar, Sheba apni mundi hilaaye wapas se Dexter ke maans ko nochne me lag gaya. Renshu chhat ki edge tak gaya. Use neeche se saara manzar nazar aa raha tha.
Renshu : Police aa chuki hai. Yaha se nikalna padega.
Garofano : Laash ka kya??
Renshu : Rehne do. Waise bhi tumhe koi trace nahi kar payega. Tumne Erica ko chakma diya tha. Toh, ye police tumhare liye kya cheez hai?
Garofano : Hmph! Mujhe jagah chahiye. Treatment ke liye. Bullet nikaalni hogi. I think iske paas koi poison resistant skill ya card nahi hai. Aur, isliye... Ye behosh ho chuki hai. Andar system poison ko felne se rok raha hoga. I can give her an antiserum. That will make things better.
Uska aagman ekdum sahi samay par hua tha. Yohana's Scalpel, uska card — jiski madad se woh Ava ki surgery asaani se kar sakti thi.
'Freya!!! Full Status!!!'
*Ding*
Mastishq me turant hi full status ki do window uske saamne khul gayi.
Scroll me uske paas Antiserum tha. Fame points bhi uske paas kaafi maatra me the. Ava par antiserum ka istemal karne ke baad use jald se jald kuchh aur antiserum bana ke rakhne honge. Woh jaanti thi ki aane waale samay me kuchh bhi ho sakta hai. Taiyaari jitni zyada ho, utna behtar tha.
Renshu : Humari priority hai Veer se milna. Par, dekh ke lag nahi raha ki woh yaha par hai. Tumhare paas koi skill hai? Jis se Veer ka pata lagaya jaa sake?
Garofano : Nahi!!
Garofano ke paas aisi koi skill nahi thi. Renshu ne use kuchh pal ghoor ke dekha.
Garofano : What?? Iss tarah se dekhne ki zaroorat nahi hai. Mein sach keh rahi hu. Agar, hoti toh mein kab ka istemal kar chuki hoti.
Renshu (sighs) : Mere paas bhi nahi hai.
Iss baar Garofano ne use ghoor ke dekha. Renshu ne badle me koi jawab na diya.
Woh sab nahi jaante the ki Ava hi ekmaatra thi jiske paas Veer ko track karne ki koi skill thi — Death Flag!!!
Ava ne saari skills unhe nahi bataayi thi. Ye baat sirf aur sirf Veer jaanta tha ki agar koi use trace kar sakta tha, toh woh sirf Ava thi. Lekin, filhal woh behosh thi.
Erica chup-chaap chalte hue Ava ke nazdeek aayi. Jhukte hue usne Ava ko gaur se dekha. Ek pal ke liye use wo drishya yaad aa gaye jab Ava uske theek saamne ek deewar bann ke khadi hui thi, Jaw Long se bachaane ke liye.
Veer uski goad me ghayal pada hua tha aur Ava unn dono ko protect kar rahi thi.
Erica : Dad!!?
Woh achanak boli.
Renshu (glances) : Hmm?
Erica : Can we trust her???
Use apne pita ke bol yaad the. Ava ne hi Veer ko dhoka diya tha.
'Erica!!! Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'
Parantu, Jaw Long se bhidant ke baad Erica ke mann me Ava ki chhavi me parivartan aa chuka tha. Kya yeh waqai wahi ladki thi jisne Veer ko dhoka diya tha? Kya uss par bharosa kiya jaa sakta tha??
Renshu : Agar, abhi ki situation ke hisaab se dekhe. Toh, mujhe nahi lagta ki woh humare khilaaf hai. Woh bullet zaroor use kisi ko protect karte waqt lagi hogi. Toh hum ye anuman laga sakte hai ki woh humaare side hai. Filhal!!!
Erica : Par, aap hi ne kaha tha na ki kabhi Natalia Martin par bharosa mat karna!?
Renshu (nods) : Hmm! Kaha tha. Aur, uss baat ko abhi bhi mat bhoolna. Lekin, filhaal ke liye. Jaise halaat hai... Mujhe nahi lagta ki woh koi shadyantra rach rahi hai.
Erica : Mm! Okay!
[Oh, are you getting jealous my girl?]
'What?? Shut up, Genie!!! Mein kyu jealous houngi bhala?'
[Ye jaante hue ki yeh Ava Veer ke dil me apni jagah bana rahi hogi??? Hmm??]
'Shut up! Hmph! Aisa kuchh bhi nahi hai. Mujhe kya lena-dena unki love story se?'
[Fufu~ Well, I'll believe you. For now at least.]
Renshu (looks down) : Police yaha aa rahi hai. Erica!!!
Erica (nods) : Samajh gayi, dad!! Kaha par milna hai?
Renshu : Parking me...!
Aur, agle hi kshan-
*Whoosh*
Erica waha se gaayab ho gayi. Woh jaanti thi use kya karna tha.
'Veer!!! Kaha ho tum?'
[See? Mein sahi thi.]
'Ahhh!!! Genie!!! *blushes* Stop reading my mind.'
[Hehe!]
Nazro se bachte hue Erica andhere me Hotel Prestige ke nazdeek pahuchi. Uska yaha aane ka ek hi uddeshya tha-
'Basic Seer Vision!!!'
*Ding*
Skill activate hui aur chand pal pehle ki yaha hui sabhi ghatnaaye uske dimaag me drishya bann ke aane lagi.
Uske maathe par silvatein chhaa gayi. Dimag par zorr pad raha tha. Yeh pehli baar tha jab usne iss skill ka istemal kiya tha. Jaw Long se ladayi ke dauran Veer ko safeguard karne ka mission poora karne par use ye skill reward ke roop me praapt hui thi. Aur, aaj uska sahi upyog karne ka samay aa chuka tha.
***
Mumbai Police Headquarters,
Night - 9:30 PM ~
Trisha kaanp rahi thi. Kuchh hi palo me kya se kya ho gaya tha. Use apne andar ghutan si mehsoos ho rahi thi.
Uski beti, Pihu jaa chuki thi.
Apharan. Lekin, koi aam apharan nahi. Ye woh tha. Wahi killer jiska khauf poore raajya me fela hua tha.
Iss vichaar maatra se hi ki uski beti uss hatyaare dwara utha li gayi hai, Trisha ka badan jhatka kha kar reh gaya.
“Trisha!”
Ek dridh awaaz uske bhay ko cheerte hue kamre me aayi. Uska pati, Rohan andar ghusa aur uski aankhein apni patni par tik gayi. Trisha uski orr mudi. Uske honth thar-thara rahe the.
Trisha : R-Rohan!!! *sniff* M-Mujhe maaf kar do...!!! *sniff* Sab meri galti hai. Na mein apna dhyaan Pihu par se hataati, na woh baahar jaati aur- *sniff* Aur, na ye sab hota. *sniff* Sab meri galti hai. *hic*
Rohan ko sab kuchh gyaat tha. Aur, isliye usne poori police force uss serial killer ko pakadne me laga di thi. Udhar Hotel Prestige me alag humla ho chuka tha. Ek force waha bhi bhej di gayi thi.
Woh apni jagah par ruka. Uske haath ki mutthi kass gayi. Jis se poore raajya ke apradhi darte the, aaj woh khud hi apne aap ko kamzor mehsoos kar raha tha.
Kintu, woh apni kamzori nahi dikha sakta tha. Abhi toh hargiz nahi.
Police karmi uske aas-paas hi maujood the. Kuchh radio par baat kar rahe the, toh kuchh nigraani ki footage check kar rahe the. Phone baj rahe the, keyboards khad-bada rahe the, aur Rohan andar se poori tarah se toot ke apne aap ko mazboot dikhaane ki koshish kar raha tha.
Usne ek gehri saans chhori.
Rohan : Pihu ko kuchh nahi hoga. Mein use kuchh nahi hone dunga. Hum use waapas laa ke rahenge.
Uski awaaz dheemi thi. Kuchh zyada hi dheemi. Trisha ne zor se apna sarr hilaaya.
Trisha : *sniff* R-Rohan!! Woh koi aam kidnapper nahi tha. *sniff* Woh serial killer tha...!!! *sniff*
Woh uth ke uske paas aayi aur uski baah ko kass ke thaam li. Uske nakhoon Rohan ki baah me gadd gaye.
Trisha : Kahi woh... Kahi woh... *sniff*
Woh apna vaakya bhi poora na kar saki. Rohan ne use thaama. Uski pakad mazboot thi lekin kathor nahi.
Rohan : Meri taraf dekho, Trisha!!!
Trisha ne apni aasuo se bheegi palke uthaayi.
Rohan : Hum use dhoondh lenge.
Trisha ne apna nichla honth itni zorr se kaata ki lagbhag woh ghayal hone ko ho gaya.
Trisha : A-Aur, agar hum nahi dhoondh paaye toh? *sniff* Agar kahi derr ho gayi toh?? *sniff* Mein jeete jee marr jaungi, Rohan!!! *hic* Mein marr jaungi Pihu ke bina...
Humesha nidar aur shaant rehne waali Trisha aaj itni dari hui thi. Ye woh dar tha jab ek maa se uski aulaad bichhad jaati hai.
Iss raat pehli baar, aaj Rohan ke paas bhi koi jawaab nahi tha. Unke beech ek khamoshi chhaa gayi. Sirf Trisha ki subakne ki awaaz hi waha kamre me goonj rahi thi jo aas-paas ke shor se bhi chhup na saki.
Police station toh unke chaaro orr ki gatividhiyo se gulzar tha. Ye ek prakar se yuddh ki ghoshna thi. DGP ki beti ka apharan hua tha. Kisme itni aukaat thi ki raajya ke DGP ki beti ko hi agwa kar le?
Tabhi, ek junior police officer unki orr daudate hue aaya.
Policeman : Sir, sabhi units ko tainaat kar diya gaya hai. Humne bhaagne ke sabhi mumkin maarg — airports, railway stations, bus terminals ko band kar diya hai. Duty par maujood har officer high alert par hai.
Rohan (nods) : Mujhe har 5 minute ke andar update chahiye. Koi galti nahi, koi deri nahi!
Policeman : Ji sir!
Usne salaam kiya aur tezi se baahar nikal gaya.
Magar, Trisha ke mann me kuchh aur hi chal raha tha.
Trisha : Hum inn sab me time kyu barbaad kar rahe hai, Rohan??? Mujhe baahar hona chahiye... Mujhe humari Pihu ko dhoondhna chaahiye udhar jaa ke aur hum idhar-
Rohan : Aur, kaha dhoondogi tum use? Kya tumhare paas koi lead hai???
Trisha (yells) : Kahi bhi dhoondungi. Par, mein haath par haath dhare yaha kaise baith sakti hu. *sniff* W-Woh humari bacchi ko le gaya, Rohan!! Humari apni bacchi. Eklauti bacchi!!! *sniff* Mein marr jaungi-!!! *sniff* Mein nahi jee paungi agar use kuchh-
"TRISHAAAA!!!!"
Rohan ki awaaz poore station me goonj uthi. Ek pal ke liye sab kuchh ruk gaya.
Aas-paas ke police karmi unhe dekhe, lekin kisi ne hastakshep karne ki himmat nahi ki.
Rohan : I need you to think.
Trisha ka gussa fir ubaal maara.
Trisha (yells) : MEIN SOCH RAHI HU, THEEK HAI??? Aur, sochne ke baad bhi mere andar sirf aur sirf meri bacchi ki tasveer mujhe nazar aa rahi hai. Use kaisa mehsoos hua hoga uss waqt... Mujhse bichhadte waqt... Wo kitna darr rahi hogi... Kaha hogi... Wo humara intezar kar rahi hogi... Aur, mein yaha haath par haath dhare bas khadi hu...!!! *sniff*
Rohan : Tum ek maa ke saath-saath ek police officer bhi ho, Trisha. Agar, tumne apna niyantran khoya, agar tumne koi galat qadam uthaaya, toh ek baat yaad rakhna... Uski keemat humari Pihu ko chukaani padegi.
Aur, ye shabd kisi tamaache ki tarah uss par aake lage.
Trisha ladkhadayi, aur Rohan ne use dheere se thaam liya. Ek maun vaada. Woh ek maa thi. Haan. Lekin, saath hi ek police officer bhi. Woh kamzor nahi pad sakti thi.
Trisha : Tumne theek kaha, Rohan!! I'm sorry!! I'm so sorry!!
Usne Rohan ka haath kass ke thaam liya. Aur, fir officers ki orr mud ke woh boli.
Trisha : Mujhe ghatna ke dauran maujood har ek shaks thaane me chahiye. Uss Madhuri aur Pranjal ko bhi poochh-taachh ke liye yaha leke aao. Uss poore area ke escape routes block karwa do. Har mod, har gali par pehra hona chahiye. Gharo me ghuso aur poochh-taachh karo. Talashi lo. Jo bann sakta hai karo.
Rohan ne uska ye roop dekh, sehmati me sarr hilaaya. Aur, woh khud yaha ki kamaan Trisha ke haatho me saunp, Pihu ko dhoondhne ke liye waha se nikal gaya.
Magar, andar hi andar woh khud ghabraya hua tha.
Kyunki, iss se koi farq nahi padta ki unke haath me kitni power thi — abhi toh woh dono sirf ek mata-pita the jo praarthna kar rahe the ki unki bitiya sahi salamat aur jeevit ho.
***
Carewell Hospital...
Nidhi, aspatal me ek bistar par laiti hui thi. Uske sarr par pattiyaan bandhi hui thi. Chehre ka rang peela tha aur honth sookhe. Uske haath se ek IV line judi hui thi jo ek taral padaarth uske shareer me pahucha rahi thi.
Nidhi ke parivar-jann doctor ke ird-gird hi khade the.
Doctor : Dekhiye! Humne ek mild sedative unhe diya hai taaki unki sthiti aur na bigad jaaye. Sarr par chot lagte waqt ek mild concussion hua hai unhe. Neurological assessment ho gaya hai aur abhi tak internal bleeding ke aise koi bhi sanket nazar nahi aaye hai. Ye achhi baat hai. Lekin... Dehydration bahut zyada hua hai. Shareer me jo essential electrolytes hote hai woh kaafi kam ho chuke hai. Yahi kaaran hai ki woh itni kamzor hai.
Doctor ki baatein Nidhi ke mata-pita ko samajh aayi ho ya na aayi ho, magar Shreya poori tarah se sab samajh chuki thi.
Ramandeep : T-Toh humari bitiya theek toh hai na???
Doctor (nods) : Haan! Abhi toh theek hai. Dekhiye, woh kaafi stress me thi. Physically bhi aur mentally bhi. Uske baad dehydration, exhaustion aur fir sarr par chot aur concussion. Isliye, hydration level restore karne ke liye humne unhe ek intravenous saline solution diya hai. Dard ke liye ek analgesic aur woh abhi rest kar sake uske liye ek mild sedative. Abhi unhe agar kisi cheez ki sabse zyada zaroorat hai toh woh hai araam.
Shreya kone me chup-chaap baithi thi, uske ghutne uski chhaati tak khiche hue the. Uske chehre se lagatar aansu beh rahe the. Unn sab ki nanhi Juhi laapata thi aur ab uski badi behan aspatal me behosh padi hui thi.
Uski bhabhi, Dipti ne uske kandhe par apne kaanpte hue haath ko rakha. Lekin, saantvna dene ke liye use koi shabd nahi mile. Akhir, kya keh sakti thi woh?
Nidhi ki maa, Hema chhote se Dhruv ko liye apni goad me jhula rahi thi, magar aankhein apni bitiya Nidhi par tiki hui thi. Juhi ka gham sabko bahut chot pahucha raha tha.
Hema : Doctor sahab! *sniff* Hosh me aate hi woh firse bhaagne ki koshish karegi.
Doctor : Isliye toh sedative diya gaya hai na.
Nidhi ka bada bhai, Ishaan bhi wahi tha.
Ishaan : J-Juhi!! Mein Juhi ko dhoondhne jaa raha hu. Police apna kaam karegi, lekin hume unke bharose bas nahi rehna chahiye.
Ramandeep : Haan beta! Sambhal ke!! Ya mein bhi chalta hu.
Ishaan : Nahi papa! Kisi gents ka yaha rehna zaroori hai. Mein jaata hu.
Shreya : Bh-Bhaiya mein bhi chalungi aapke saath. *sniff*
Ishaan : Nahi, Shreya!!! Dipti-
Usne apni patni ki orr dekha. Dipti uska ishaara samajh gayi.
Dipti : Shreya! Inhe jaane do. Humara yaha rehna zyada zaroori hai.
Kehte hue usne Shreya ko apne gale se laga liya. Aur, Shreya bilakh-bilakh ke rone lagi.
Hema ki pakad Dhruv par kisi kaaran mazboot ho gayi. Jaise ab use surakshit rakhne ki koshish kar rahi ho ki kahi Dhruv bhi unke paas se-
Juhi ki anupasthiti unke liye ghaav samaan thi. Kuchh bhi ab pehle jaisa nahi tha.
***
The Underground Lair…
Chhapaak ki awaaz ke saath Veer underground lair me kooda. Gehre dum ghotne waale andhere ne use poori tarah nigal liya. Neeche aedi tak paani bhara hua tha. Lekin, ye baat uski hairat ka kaaran nahi thi. Hairat ka kaaran thi yeh jagah.
Tracer ki madad se woh yaha tak pahucha tha aur ab use sab samajh aa chuka tha ki Police ab tak iss hatyaare tak kyu nahi pahuch paa rahi thi.
Ye underground lair… darasal… ek shamshan ke neeche thi.
Raat ke andhere me achhe se achha aadmi shamshan ke andar pravesh karne se kaanp uthata hai. Isme koi shaq nahi tha ki iss hatyaare ne yeh jagah kyu chuni thi.
Par, Veer ko abhi aur bade-bade jhatke lagne baaki the.
Idhar uska aagman hote hi, lair ke kendra me maujood uss paagal hatyaare ko iska pata lag gaya. Uske muh se jeebh laar tapkaate hue baahar nikli.
“The time has come… Ehe… Ehehe!!!”
Aur, Veer ke idhar ek qadam aage lete hi-
*Ding*
[‘Tracer’ has been nullified.]
[Juhi’s location is no longer available.]
‘What???’
Uske badan me ek sihran daud gayi. Tracer me dikh rahi Juhi ki location aur map dono hi achanak se gaayab ho chuke the. Uska poora shareer tanavgrast ho gaya. Andar ki hawa ghani, namm aur gandh se bhari hui thi.
'W-What's going on???'
[Master! Tracer ko nullify kar diya gaya hai.]
Pari ki ghabrati hui awaaz uske andar goonji.
‘Pari!! Y-Ye kaise-!?’
[I don’t know, Master! Sambhal ke please! It’s now clear! Ye ek system holder hai. Usne kuchh use kiya hoga jiski wajah se Tracer nullify ho gaya. Shayad use pata tha ki aapne Juhi pe tracer lagaya hai.]
‘What??? Ye kaise ho sakta hai? Tracer ke baare me use kaise-?’
[Hum ek system holder se bhid rahe hai. Anything is possible, Master! Please, be careful!]
‘Hmm!!!’
Veer ne qadam aage badhaaye. Paani uske perro se bhid ke idhar-udhar chhalak raha tha jo underground lair ke sannaate me bhaari shor paida kar raha tha. Jaise-jaise woh aage jaa raha tha, andhera aur badhta jaa raha tha. Dekhna uske liye mushqil hota jaa raha tha.
Aur, use Jaw Long se bhidant ke waqt praapt hui uss skill ka dhyaan aaya.
Aura Vision.
Veer jaanta tha ki usne Aura Vision ko upgrade nahi kiya tha. Woh jeevit cheezon ka aura toh dekh sakta tha magar jin cheezo me jaan nahi thi unhe woh nahi dekh sakta tha.
‘Pari! Kitne points available hai??’
[15000!]
‘Aura Vision ko upgrade karne ke liye kitne chahiye???’
[5000]
‘Upgrade kar do!’
[Are you sure?]
‘Yeah! Mein risk nahi le sakta. Aur, deri bhi nahi kar sakta. Juhi andar hi hai. Mujhe jald se jald waha pahuchna hoga iske pehle ki-’
*Ding*
[Aura Vision has been upgraded to Max.]
[Aura Vision is now activated.]
Skill ke activate hote hi poora vatavaran uski nazar me ek grayscale me dhal gaya. Humans ke liye aura ka rang blue tha. Plants ko darshaane ke liye green. Animals, birds, insects aur organisms ke liye ye yellow tha. Negative energy ko bhaapne ke liye black aur nonliving things ke liye brown.
Par, itna hi nahi… Ye sabhi color alag-alag shades me the jiske chalte Veer cheezon me bareeki se antar dekh paane me saksham tha.
Vision ke badhne se Veer ne ek pal bhi zaaya nahi kiya.
‘Let’s go!!!’
*Whooooossshhhh*
Chhap-chhap kar paani uske daudne se chhalakta gaya. Lair kisi underground tunnel ki bhaanti prateet ho rahi thi. Usne apni raftaar thodi dheemi ki. Dheere-dheere jhijhakte hue woh aage badha, uske joote keechad jaisi dharti me dhans rahe the. Magar, thoda andar aate hi uske qadam wahi tham gaye.
‘What the-!!??’
Saamne ka nazara itna khaufnak tha ki Veer ke badan ke rue khade ho gaye.
‘Urgh-!’
Usne apni aasteen upar kar apni naak ko apni baah se dhak liya. Lekin, badbu uski twacha, uske kapdo, uske fefdo me ghus rahi thi. Aankhein bhay ke maare feli aur dil ki dhadkane tez ho gayi. Deewaro par laasho ki kataare lagi hui thi, kuchh fati hui boriyo me lipti neeche dali thi, kuchh ke chithde ho rakhe the, kuchh ke ang ajeebo-gareeb dhang se mude hue the.
Vibhinn jaanvaro ke kate hue dhad, maans ke tukde, haddiya, andhruni ango ke chithde aur na jaane kya kya. Khoon aur gande paani ki gandh poori hawa me fel rakhi thi — sadte maans, mal-mootra, aur mrityu ka ek mishran.
Keede unn sadte maans par mandra rahe the, makkhiyaan ka bada sa jhund bhook se bhin-bhina raha tha. Aur, unke pankh dum ghotne waali shaanti me goonj rahe the.
Veer ko akbakayi si mehsoos hui aur Juhi ke baare me sochte hi uska shareer thanda pad gaya. Kis tarah ka khooni tha ye? Kahi Juhi bhi-?
‘Nahi!!’
Usne apne perro ko hilne ke liye majboor kiya. Uska ek perr fati hui boriyo me se nikal rahi kisi laash ki atadiyo par pada.
'Fuck!!!'
Usne uss bhayankar drishya ko paar kiya. Ek kata hua haath uske jooto se takraaya, jo paani ke upar hi terr raha tha.
Gati badhaate gye woh udhar se nikalte hi punah dang reh gaya. Alag-alag dishao me alag-alag maarg jaa rahe the. Kaun sa raasta sahi tha?
‘This is bad…! Mere paas inn sab ka samay nahi hai!!’
Use yakeen nahi ho raha tha ki underground lair itni badi hogi. Akhir, iska nirmaan kisne kiya? Ye kisi bhool-bhulaiyaan se kam nahi thi.
Pari ne bina uske poochhe hi 'Path Tracker' on kar diya. Kam se kam woh apna raasta toh nahi bhoolega jaha se woh aaya tha.
Woh aage badh hi raha tha jab uski perro ki neeche kuchh daba-
*Click*
Khatra mehsoos karte hi Veer ki aankhein darr ke maare chaudi ho gayi. Iske pehle ki uska dimag kuchh samajh paata ki kya ho raha hai, uska shareer apne aap pratikriya kar diya.
[Master-!!!]
Woh akasmat peechhe ko kooda aur uske koodate hi-
*Schling* *Schling* *Schling*
Paani ke andar neeche se nukeele lohe ke spikes tezi se upar aaye. Unme zung lagi hui thi, sookha khoon unn par chipak ke jamm chuka tha. Ek saboot ki pehle bhi iss se kisi insaan ki maut hui hai.
Agar, woh sahi samay par na hatata, toh woh spikes uske shareer me dhans chuke hote. Usne apne aap ko uss jagah par imagine kiya. Paseene ki ek boond uske maathe par se fisal gayi.
Aur, jaise hi woh khada hua-
*Swoosh* *Swoosh* *Swoosh*
Bayi orr se ghoomne waali blades ki ek kataar udti hui uska sarr dhad se alag karne ke liye tezi se aayi.
'Shit!!!'
Samay rehte hi usne bamushqil apne shareer ko moda, tez dhaar uske blazer ke kapde ko chhu kar nikli aur uska kuchh bhaag fatt kar alag ho gaya.
'Fucking hell...!'
[Master, there are traps. Hume savdhaan rehna hoga.]
Veer ki saansein tez hui. Kahi koi floor plate, kahi koi trip wire, kahi koi chhipa hua trigger. Har qadam par koi na koi khatra tha. Jisne bhi iss jagah ko banaya tha, usne logo ko maarne ke liye hi ye design ki thi.
Yeh sirf ek underground lair nahi thi.
Yeh ek slaughter house tha.
Aura Vision se use non living things dikh toh rahi thi, par inn traps ko trigger karne waale upkaran saare paani ke neeche maujood the. Unhe dekhne ke liye, paani ke andar muh dubona padta, jo Veer hargiz nahi karne waala tha.
Pari ki chetavni par woh iss baar savdhani se aage badha.
'J-Juhi!! Be safe!!!'
Uski aankhein aur jaal talaash rahi thi. Lekin, jaise-jaise woh aage badhta gaya, zameen par gandagi ghani hoti chali gayi aur hawa bhaari hone lagi.
Aur, fir... Use sunayi diya.
*Splish*
Ek qadam.
Paani ka chhapakna.
Koi tha.
Veer wahi jamm gaya. Magar, uska poora shareer high alert par tha. Usne suna.
*Splish*
Ek aur qadam.
Daayi orr se.
Uska sarr dhwani ki disha ki orr muda, lekin — kuchh nahi. Dur-dur tak kuchh nahi tha.
'Huh???'
Tabhi-
*Splish*
Iss baar baayi orr se.
Woh fir ghooma, magar — koi bhi nahi.
Uski saansein aur tez ho gayi. Achanak, uski line of sight ke baahar kuchh harqat hui. Use apni hi dhadkano ki awaaz sunayi de rahi thi.
Usne apni mutthi kasi, knuckles poore safed pad gaye.
Aur, tabhi-
Ek fusfusahat.
Aur, fir ek dheemi pagalpan waali hasi use sunaayi di.
"Ehe...!!!"
Woh yaha aa chuka tha.
Sannaata ghutan bhara tha. Veer shaant tha, aisa lag raha tha maano underground lair uske chaaro orr saans le rahi thi. Chhayaaye idhar se udhar ho rahi thi, maano use dekh rahi ho, intezar kar rahi ho. Tabhi-
*Swish*
Ek blade hawa ko cheerte hue aayi. Sahi samay par Veer ne apna sarr jhukaaya. Hathiyar uske chehre se ek inch ki duri se hoke guzra. Uske paas maatra ek second hi tha khud ko hataane ke liye jab-
*Whoosh*
Ek aur humla.
Woh bacha. Usne apne aap ko moda, uski pasliyaan marud ke reh gayi. Ek ke baad ek humla uski orr aaya, magar koi bhi nazar nahi aaya.
'Tch! Where the hell is he-!??'
"Ehehehehe~"
Wahi hasi ek baar fir hawa me goonj gayi.
'Enough of this...!'
Uski aankhein saamne ke raaste par tik gayi. Aur, fir use ek aakriti nazar aayi.
Andhere se woh aakriti baahar nikal kar aayi. Veer ne use dekha.
Lamba, patla shaks. Safed lambe baal, baahar ko aati aankhon ki putliyaan. Uska dhasa hua chehra ek bhayanak muskurahat me badal gaya. Uski jeebh ajeeb tarah se baahar nikli aur usne apne fatey hue hontho ko chaata.
'Check!!!'
*Ding*
[No information available.]
Woh sahi tha.
'System holder...!!!'
Ye wahi tha. Jiska sketch police dwara banwaya gaya tha.
Veer : Tum-!!! Tum hi ho woh serial killer. *frowns* Juhi kidhar hai???
Uski awaaz dheemi magar khatarnak thi.
Uss aadmi ne apna sarr jhukaya. Aur, fir woh hasa... Itni zor se hasa ki uski haivani hasi waha goonjne lagi.
"Ahahahahahahaha!!!"
?? : Tum... Tum akhir aa gaye... Ehe!!! Mein tumhara hi intezar kar raha tha...!!!
Veer thitak ke reh gaya.
Veer (frowns) : Kya matlab-!?
Woh aadmi muskuraya, aur kareeb aane laga. Uski ungliyaan utsaah me hil rahi thi. Uski jeebh baahar nikli maano jaise ki saanp ki tarah hawa ka swaad le rahi ho.
?? : Tum yaha... meri wajah se aaye ho... Ehehehehe...
[He might be playing mind games, Master. Uski baaton me mat aaiye.]
?? : Ehe... M-Mein hi tumhe yaha leke aaya... Ye sab... Plan tha... Ehehehe...
Veer ki reedh me sihran daud gayi.
'N-No! What the fuck is he talking about?'
?? : Murders to hone hi the... Ehehe... Mere experiments ka hissa... hehe... Magar, sirf wahi nahi... Tumhe yaha laane ke liye... Ahahahaha...
Veer ki kuchh samajh nahi aa raha tha. Ye paagal aadmi kya bole jaa raha tha?? Nahi! Ye sach nahi tha. Uski mulaqat toh iss psycho se pehle kabhi hui hi nahi thi. Fir, bhala woh kyu use-!?
?? : Eh... Tum confused ho... Hai na?? Don't worry... Mein tumhe bata deta hu... Hehe...
Veer : ???
?? (mutters) : Lure Path!!!! Hehehehe-!!!
Sunte hi Veer ke andar maujood Pari kaanp ke reh gayi.
[N-No-!!!]
'Huh?? Pari? Kya hua? Lure Path? Kya hai ye???'
Pari ne uske sawaal par seedhe hi jankari prastut kar di.
*Ding*
[Legendary Scroll : Lure Path
Description : A scroll that allows the user to lure a specific person. The scroll will generate a path which must be followed in order to lure a person. User must imagine the person he/she wants to lure in and scroll will then act upon itself.
Note : Can even lure a system holder.]
Padhte hi Veer ke raungte khade ho gaye. Ek aisa scroll jiski sahayta se kisi bhi vyakti ko apni territory me laaya jaa sakta tha.
Pehle Madhuri ke pita, Prabhakar ki hatya... Aur, fir use mission milna... Pune se hoke Lonavla tak aana... Aur, fir Juhi... Iska matlab... Ye sab kuchh ek plan ka hissa tha!?
Veer ke bhaav dekh uss paagal insaan ki muskaan aur badh gayi. Insaan toh uska target the hi... Parantu, sabse bada target uska tha — Veer!!!
Lure Path.
Isi ki kaaran Veer ko woh mission mila.
Veer : N-Noo-!! M-Magar, tumne mujhe kyu...
?? (screams) : Kyunki tumhari wajah se... maine apna target khoya tha... *growls* Tumhari wajah se...
Veer : Wh-What!?
Woh gurraaya. Uski aankhon me bhayanak gussa nazar aa raha tha.
?? : Tumhari wajah se... Sab tumhari wajah se... I was so close to my experiment... Eh... B-But... You... You took my target away from me...
Veer : !!??
?? : You took him away from me...!!!
One year ago,
Clark County Prison,
Las Vegas...
Laalach aur paap ke iss sheher me dhero shaitaan baahar ghoom rahe the. Magar, asli raakshas toh yaha Vegas ki jail me band baithe the.
Aur, ek aadmi holding block ke sabse andhere kone me baitha tha. Safed baal, dhansi hui aankhein, haivani muskaan.
Uski ungliyaan jail ke bars par bandhi hui thi. Woh kisi bhooke jaanvar ki tarah kisi ka intezar kar raha tha.
Aur, tabhi-
Deeware kaanp gayi. Ek visfot ne sannaate ko cheer diya, jis se poori imaarat hil ke reh gayi. Sirens ki awaazein goonjne lagi.
Woh aa chuka tha.
Crimson!!!
Yahi woh waqt tha jab Crimson ne jail se Jim the Slippery ko chhudhwaya tha.
Usne baaki bhaag rahe apraadhiyo ki orr dekha tak nahi. Dhua chhat raha tha aur uski nazar kisi orr cheez par thi.
Aur, fir usne dekha.
Ek paagal insaan. Crimson ke ghoorte hi uss paagal insaan ke badan me ek utsaah ki leher daud gayi. Jaise maano ek shikaari dusre shikaari ko pehchaan raha ho. Woh sahi tha.
?? : Ehe... Tum bhi... Tum bhi hum me se ek ho??? Ehehehehe... Mere patients... Ehe... Mein aaya...!!!
Kehte hue woh waha se bhaag nikla. Magar, jaise jaise woh bhaag raha tha. Woh apne peechhe Crimson ke aane ka intezar kar raha tha.
Akhir, sab kuchh usi ne toh racha tha.
Lure Path...!!!!
Jim the Slippery ka jail me jaana koi ittefaaq nahi tha. Uss paagal ne Lure Path ka istemal kiya tha.
Crimson ki jankari use Vegas me reh kar lag chuki thi. Aur, uska target wahi tha.
Jim the slippery ko jail pahuchana, Pitcher aur Nightwalker jaise apraadhiyo ko sakreeya karna — Ye sab uss paagal ka hi toh kiya dhara tha.
Idhar, usne Lure Path chalaaya aur udhar Crimson ko-
*Ding*
[Mission : Assemble the criminals — Jim, the slippery, The Nightwalker, The Pitcher.]
Bechare Crimson ko ye pata tak nahi tha ki use mission uss paagal ke Lure Path istemal karne ki wajah se mila tha.
Use lag raha tha ki woh Mr. X ke khilaaf ladne ke liye ek criminal squad bana ke underworld me apni taaqat badhayega magar, use iss baat ki bilkul bhanak nahi thi ki woh khud ko uss paagal system holder ki thaali me paros ke de raha tha.
Sab kuchh uss paagal system holder ke shadiyantra ki mutabik jaa raha tha jab achanak beech me ek naya variable kood ke aa gaya-
Veer...!!!
Uss paagal ko laga tha ki ab Crimson uska peechha karega. Aur, fir woh Crimson ko apna bandhi bana lega. Yahi toh kaaran tha jo usne khud ko bhi salaakho ke peechhe rakha tha. Woh jaanta tha ki Crimson Jim the slippery ko chhuraane aayega hi aayega.
Parantu, aisa na hua...
Veer ke aa jaane se, Crimson ka dhyaan Mr. X ki orr jaa chuka tha. Aur, jaha Crimson ko uss paagal ka peechha karna chahiye tha, usne aisa kuchh bhi nahi kiya.
Balki, woh Jim the slippery ke peechhe bhaaga. Antatah!? Uss paagal system holder ki tarqeeb naqamyab ho gayi.
Aur, uske baad-?
Crimson ki maut — Veer ke haatho.
Aur, ab yahi Lure Path Veer ke liye istemal ho chuka tha. Jaha Veer samajh raha tha ki woh killer ke nazdeek pahuch raha hai, magar asliyat me toh killer hi use apne paas bula raha tha. Yahi tha legendary scroll — Lure Path.
Iska bodh Veer ko apne upar kisi bhaari patthar ki tarah mehsoos hua.
Ye haal hi me mare log... Ye pattern... Hatyaare ko dhundhne ka mission...
Ek trap.
Veer ladkhadaya. Uski saansein ukhdi.
Jis qadar se woh Veer ko qadam dar qadam aage badha raha tha, ye koi sanyog nahi tha. Ye ek luring path tha.
Aur, ab use ehsaas hua. Itne log jo maare gaye the. Woh kahi na kahi uski hi wajah se maare gaye the. Woh nirdosh log... Madhuri ke pita... Yaha tak ki nanhi Juhi ka apharan.
Veer : Y-You-!!!
Uski awaaz kaanp uthi. Iss baar dar se nahi, balki gusse se.
Veer : Y-You killed them. Unn nirdosho ko tumne... Tumne maar daala!? Mujhe yaha laane ke liye...!?
?? : Ehehehehe!!! They didn't die... They became immortal after being a part of my experiment... hehehe... Their names will go down in history... Hihi...
Veer ka shareer akad gaya.
'M-Meri wajah se... Woh log... Juhi... Meri wajah se...!'
[Master!!!]
Use ab tak samajh nahi aa raha tha ki ye paagal akhir uske peechhe kyu pada tha. Bhala kis target ki baat kar raha tha woh?
Veer : You said I took your target... Who was it???
?? : Oh!! You don't remember??? Ehehehe... Yaad karo... Yaad karo...
Veer : *frowns*
?? (growls) : CRIMSON!!!
Naam sunte hi Veer ki aankhein fati ki fati reh gayi. Isme koi shaq nahi tha ki usi ne Crimson ko maut ke ghaat utaara tha.
Veer (shivers) : H-How? T-Tum kyu-!?
?? : Enough talk! My patience is running out... Time to kill... Ehehehehe...!!!
[Master, be ready.]
?? : Here I come!!!
*Whoooooooooooshhh*
Kehte hue woh ek jhatke me gaayab hua.
Aur, tabhi underground lair ke kendra me ek laboratory ke andar bandhi jaddo-jehed ke baad akhir kar apne muh se kapda hataane me saksham thi.
Kapda hatata hi uski zor se cheenkh nikli-
"Mummmaaaaaaa-!!!!!"
Jo poori underground lair me goonj uthi.
'Juhi!!!'
Juhi ki awaaz sunte hi Veer ke badan me raungte khade ho gaye. Parantu-
*Ding*
['Beowulf's Blessings' has been activated.]
Uski aankhein laal rang me dhal gayi. Woh paagal uski orr lapka.
*Swoooooooossshhhhhh*
Pehla vaar.
*Dodge*
Dusra vaar.
*Dodge*
Teesra vaar.
*Dodge*
Chautha vaar. Seedhe uske pait ki orr-
*Dodge*
Magar,
'Huh???'
*Craaaaackkkkkk*
'What???'
Uss paagal aadmi ka lohe ka staff Veer ke dono haatho se banaye defence ko chakna choor kar diya.
Aur, vaar aake seedhe uske pait me pada.
"Blurgh!!!"
Iske pehle ki woh sambhal paata-
*Ding*
[A curse has been applied on the host.]
[Master!!! Run-!!!]
'Wh-What????'
Kintu, Veer ko bhaagne ka mauka hi na mila jab-
Wahi staff aake seedhe uske daaye gaal par pada. Veer ka shareer hawa me uchhla aur jaise hi woh land karne waale tha-
*Whoosh* *Whoosh* *Whoosh*
Paagal system holder ne apna staff zorr se uski orr fek diya.
'Sh-Shit!!!'
Hawa ko cheerte hue staff gol-gol ghoomte hue uske sarr ki orr aa raha tha. Samay nahi tha. Veer ne majbooran hawa me rehte hue apne dono haath se block kar apne sarr ko bachaaya aur-
*Thud*
"Urgh!!!"
Staff itni zorr se uske haatho me aake laga ki use dard kass ke mehsoos hua. Lekin, jaise woh paagal pehle se hi jaanta tha ki Veer haatho se hi staff ko block karega.
Veer jaise hi land kiya, utni derr me woh paagal Veer ke theek muh ke saamne tha-
?? : Surprise... Ehehehe...
'Fuck!!!'
*Baaaammmmmmm*
Ek aur vaar. Seedhe Veer ki kanpati ki orr... Jise Veer ne punah apne haatho se block kiya.
Woh peechhe ki orr kooda.
Kintu, tabhi-
*DONG*
Ek alag si dhwani use apne andar sunayi di. Nahi! Ye notification ki awaaz nahi thi.
Awaaz itni zorr se aayi thi ki Veer ka poora badan hil ke reh gaya tha.
Aur, agle hi pal-
[N-No!! Master!!!]
Use apne mann me saamne nazar aaya-
*Ding*
['Beowulf's Blessings' is broken.]
Veer ki aankhein bhay ke maare fel gayi. Woh ghabraate hue uss paagal ko dekh raha tha. Uske honth apne aap khule-
"Wh-Who are you-!!?"
Aur, dusri orr se dheere se ek jawaab aaya-
"They call me... THE DISEMBOWLER!!!"
.
.
.
.
.
.
.
.
Aaj ke liye itna hi guys.
This update consists of 8.8k words.
Target apna wahi hai. 250+
Pahucha diyo araam se. Agle update me mein sab finish kar dunga. Ye fight agle update me samapt ho jayegi. Jaisa ki maine kaha tha do updates lagenge hi lagenge. Mera aadhe se zyada time Disembowler ki skills aur cards banaane me gaya hai. So, you can see it already. Upar se Garofano ka full system alag. That's why it takes so much time. Anyways, ab milte hai agle bhaag me.
Dhanyavad.
Superb bhai 1 number zabardastUpdate - 194 ~ The Disembowler
Ab tak...
Neeche paani aedi tak bhara hua tha. Chhapaak ki awaaz ke saath Veer ki aankhein laal rang se chamak uthi.
Aur, udhar hi andar kahi... Uss paagal insaan ko Veer ke aane ka ehsaas ho gaya.
Woh haivani muskaan liye muskuraaya.
?? : Well... My food got delivered already. Ahahahahahaha!!! The main dish has come-!!! You will have to wait for a while, young ones. *Slurp* Ohhh!!! I'll come back soon. Don't worry!!! Ehehehehehehe!!! Yahahahahaha! Now... Shall we get started????
Ab aage...
Dhua... Aag... Khoon...
Barood ki gandh hawa me mandra rahi thi. Kabhi Hotel Prestige ki bhavya lobby — sunehre foolo ki sajavat se saji — ab ek yuddh kshetra me badal chuki thi. Toote hue kaanch, ukhda hua 'Yarnia' ka logo aur kuchh shav waha dale hue the.
Security guards farsh par pade the, unki uniforms gehre laal rang se ott-prot ho rakhi thi. VIPs apni security dwara waha se sahi salamat bach nikalne ke liye bhaag rahe the. Sabhi social media influencers, fashion enthusiasts, models waha se apni jaan bachaane ke liye faraar ho chuke the. Jitne mehmaan aaye the, unme se adhiktar peechhe ke darwaaze se bhaag chuke the. Arajakta badhti jaa rahi thi.
Aur, inn sab ke beecho-beech, Tej waha khadi hui thi — ekdum sthir.
Uska seena tezi se haafte hue upar-neeche ho raha tha. Woh abhi bhi Veer ke bol apne dimaag me sunn paa rahi thi — shaant, bharosemand, 'Yarnia' ki zimmedari use saunpte hue.
'Mein ye zimmedari aapko saunp raha hu, Teju di. Mujhe aap pe poora bharosa hai.'
Kintu, woh nakaam thi.
Yahi uska pal tha — yahi woh waqt tha. Woh kshan jab woh ek aisi behan bann ke dikha sakti thi jis par uska chhota bhai, Veer nirbhar ho sake. Woh behan jo uske saath kandhe se kandha mila ke khadi ho sake, mazboot aur atoot. Kamzor nahi. Asahaay nahi.
Fir bhi, akhir kya hua? Woh keval waha khadi bas sab kuchh ghatit hota dekhti reh gayi.
Woh ghumi, uski nazar neeche pade khoon se lathpath vyaktiyo par padi aur woh wahi jamm ke reh gayi.
Uske bagal se khadi Bhumika ka chehra bhi peela pad gaya, uske honth thar-tharaye par koi shabd baahar na aaye.
Iss taraf, Shweta ne kass ke Bhavna ki baah pakad li, uska samaanya ghamand kahi gaayab ho gaya — uski jagah sarasar, bhay aur aatank ne le li. Bhavna swayam, humesha ki tarah shaant, humesha ki tarah niyantran me, iss waqt jami khadi hui thi — uski aankhein kamre me neeche pade ek shareer par tiki hui thi.
Iss orr Arohi akad ke reh gayi thi, usne Kavya ki kalaayi ko itni kass kar pakda ki uski kalaayi safed ho kar reh gayi. Bechari Kavya ka muh sadme ke chalte khula reh gaya, uski humesha ki tarah chulbuli masoomiyat uske aas-paas ke narsanhaar se khatm ho gayi.
Arohi (shivers) : N-Nahi-!!! Nahi!!
Kavya (sobs) : D-Di!!? Didiiii-!!! Mummyyyyy-!!!!
Woh dono aage bhaagi. Magar, woh akeli nahi thi.
Parijaat ki aurtein.
Woh sab ek pal me aage aayi — ek saath, atoot nishtha aur maun krodh liye.
Suman (yells) : Saili... Aabha... Sonali...!!! Didi log ko baahar leke jao!! Abhi!!!!
Woh zor se chillaayi. Uska aadesh sunn teeno hi javaan ladkiyaan haami bhar baari-baari Tej, Arohi, Bhumika, sabhi ko ekatra kar woh unhe peechhe ke darwaze ki orr le jaane lagi.
Ishaara samajhte hi Varsha, Sudha, aur Mukta daudate hue Suman ke nazdeek aayi aur saath milke woh neeche pade vyakti ko uthaane lagi.
Suman (frowns) : Sudha!! Perr pakdo!! Araam se...!!! Mukta chalo!!! Udhar bhi-!!! Jaldi!!! Fatafat uthao.
Mukta ne wahi bichhe table clothes utha ke khoon behte hue ang par lapetna shuru kar diye.
Sudha : Didi, kh-khoon bahut...
Suman : Shhh!!!
Sudha ghabra rahi thi. Poori kamaan ab Suman sambhaal rahi thi. Dono vyaktiyo ko zameen par se uthaaya gaya.
Udhar bheetar pichhle darwaaze par Suhana poori tarah se bechain idhar se udhar tehel rahi thi.
Uske movements tez aur calculative the. Baahar lobby me golibaari ka ek aur daur chala jiske chalte wahi paas ki ek murti chaknachoor ho gayi.
Suhana : Exit secure rehni chahiye. VIPs jitne nikal rahe hai nikalne do, lekin mujhe Veer ki family jald se jald baahar sahi salamat chahiye.
Uncle Prakash (rushes) : Madam, situation abhi unstable hai aur-
Suhana (yells) : Mujhe pata hai...!!! Jitna kaha gaya hai utna kariye Uncle!!!
Uski oonchi awaaz sunn Uncle Prakash thoda jhep ke reh gaye. Woh tezi se mudi, usne hall me se Tej, Arohi, Kavya aur baakiyo ko aate dekha.
Suhana (nods) : Quick!! Jaldi!!
Tej ne use kuchh pal ghoora. Par, boli kuchh nahi. Unn sabki aankhon me aasu the. Sab barbaad ho chuka tha.
Tej (sobs) : V-Veer-!! *sniff*
'Kaha ho tum???'
Uske kandho ko thaamte hue Suhana ne use hosh me laaya.
Suhana : Snap out of it!!! Time nahi hai bilkul!!! Jaldi! Ambulance me jitne jann aa rahe hai utne baitho. Baaki log car me!! Uncle Prakash!! Car me sabhi ko bithwaiye.
Uncle Prakash : J-Ji madam!! Maine kuchh security guards andar bhej diye hai.
Suhana (nods) : Good!!
Uncle Prakash : P-Par, mein ek baar fir keh raha hu, madam. Aapko yaha rehne ki koi zaroorat nahi hai. Mein yaha hu aur sabhi ko sahi salamat pahucha dunga. Aap aur Sonia madam jaldi ghar jaiye. Agar, aap dono ko kuchh hua toh Sir pata nahi mera kya haal karenge. Isliye, jaiye-
Suhana : Kya kaha aapne??
Uncle Prakash thoda seham gaye. Yeh woh Suhana nahi thi jise woh jaante the — ek poori tarah professional businesswoman jisne kabhi kisi ladke ke liye iss qadar apni bhavnaaye vyakt nahi ki thi.
Lekin, Veer ne use badal diya tha.
Suhana : Aap chaahte hai ki mein yaha se bhaag jau? Aise time pe jab Veer ki family yaha khatre me hai??? Kya aapne dekha nahi ki abhi kya hua?
Uski awaaz waha goonj uthi. Uncle Prakash stabdh the. Unhone Suhana ko kabhi iss tarah se nahi dekha tha. Kabhi nahi.
Suhana : Jab tak mein unhe sahi salamat nahi pahucha deti, tab tak mein ghar nahi jaane waali.
Wahi kuchh dur khadi Sonia bhi uske nazdeek aayi.
Sonia : D-Di?? Y-Ye sab kya tha?? What just happened?? Gunshots... Bombing... Veer kaha hai?? What is going on??
Suhana : Sonu!!! Uncle aap Sonu ko leke jaiye yaha se.
Uncle Prakash : P-Par-
Suhana : Maine kaha na!!!
Sonia : What??? No way!!! Mein aapko akela chhor ke kahi nahi jaane waali.
Suhana : Sonu tum-
Sonia : Aapke orders Uncle par kaam kar sakte hai, di. Mujh par nahi. Aur, mein aapko bina yaha se liye kahi nahi jaane waali.
Suhana : Theek hai!! Toh, yahi peechhe hi rehna. Kisi ne planned attack karwaya hai. Koi 'Yarnia' ki launch ko target kar raha hai shayad? Ya fir koi kisi VIP ko maarne aaya tha??
Usne dekha ki andar se Suman kuchh aur aadmiyo ki madad dwara zakhmi parivar jann ko laa rahi thi. Ambulance se utre ladke bhi turant hi stretcher ki sahayata se unhe ambulance ke andar litaaye. Saath me parivar ke kuchh jann uss ambulance me sawaar ho gaye toh kuchh Suhana ki car me baith gaye. Aur, palak jhapakte hi woh sabhi waha se hospital ki orr ravana ho gaye.
Iss bhayanak drishya ka sadma agar kisi ko sabse gehra pada tha toh woh thi — Kaera, jo achanak hui iss ghatna se poori tarah se hil chuki thi. Uska badan kaanp raha tha. Kintu, uske bhay ka kaaran humla nahi tha.
Kaera (shivers) : B-Blood...!!!
Gaadha gehra laal khoon. Ye pehli baar nahi tha. Nidar, bejhijhak Kaera bhi akhir kisi cheez se darti thi aur woh tha — khoon. Uski sabse badi kamzori.
PTSD — ek mental health condition jo kisi atyant tanavpoorna ya bhayanak ghatna ke kaaran hoti thi — ya toh uska hissa hona, ya use spasht dekhna.
Woh pal...! Kaera ke puraane ghar par... Uss maali ki laash...!
Khoon... Slogan... Sab kuchh jaise use yaad aane laga. Puraani yaadein mastishk me mandraane lagi.
Uski saansein ukhadne lagi. Dil ki dhadkane achanak badh gayi.
*huff* *huff*
Mirror gallery... Uska agwa hona... Veer ka use bachaana... Uska ghaayal hona...
*huff* *huff* *huff*
Aur, achanak hi-
*Grasp*
Kaera : H-Huh!!?
Ek haath uske kandhe par aake use thaam liya. Woh mudi.
Kaera : K-Karan???
Karan, Kritika aur uske mata-pita ko baahar chhor ke aaya tha. Apni badi behan ki kamzori woh bhali bhaanti jaanta tha. Itne saalo baad use apni didi wapas mili thi. Woh dobara kaise use kho sakta tha?
Karan : Di!! Chaliye, mere saath. Yaha khatra hai.
Kaera : K-Karan!
Karan : Mein Raghu ke saath hospital jaa raha hu di. Veer ki family ke saath rahenge hum udhar. Aap Jassi ke saath ghar jaaiye. Ye jagah safe nahi.
Kaera : P-Par-
Ruchika : Karan Sir theek keh rahe hai, Miss. H-Hume jald se jald yaha se nikalna chahiye. Aap aisi condition me koi bhi rational decision nahi le payengi. It's better we let the men handle all of this.
Kaera : Par, V-Veer-!?
Karan (frowns) : Jab tak woh nahi aa jaata, yaha ki zimmedari meri bhi hai. Di! Aap ghar ki orr nikaliye.
Akhir kaar, Kaera ne haami bhari aur Jassi use waha se leke ravana ho gaya. Idhar Karan Raghu ke saath hospital ki orr ravana ho gaya.
Siren baje aur police ki kayi gaadiya waha ikhatta ho gayi. Ek ke baad ek police karmi apni-apni gun taane Hotel Prestige ko baahar se gher liye.
"Apne-apne hathiyaar fek do. Tum sab ko police ne chaaro orr se gher liya hai. Surrender kar do!!!"
Ek police officer ne announce karte hue kaha. Aur, golibaari waqai me tham gayi. Ahista-ahista police waale andar ki orr badhe. Balhaar ke aadmi bhi isme fas chuke the. Magar, woh jaante the ki jald hi unki bail karwaane ke liye madad aa hi jayegi.
Kuchh aur gaadiya aake dur ko ruki aur dhadalle se news reporters apne-apne cameraman ke saath waha coverage lene ke liye aa dhamke.
Jo jagah kuchh der pehle bade-bade VIPs se bhari hui thi, ab woh police aur media reporters se bhar chuki thi.
"Jaisa ki aap dekh sakte hai, hum iss waqt Hotel Prestige ke theek baahar se live hai. Khabar ke anusaar abhi yahi kaha jaa raha hai ki koi terrorist attack hua hai. Iss baat me kitni sacchaayi hai ye abhi dekhna baaki hai."
Ek mahila reporter ne Hotel se duri banaaye rakhte hue apna microphone pakad kar haafte hue sab varnan kiya.
"Goli-baari, bhayanak visfot, aur poori tarah se tabahi mach rakhi hai yaha. Yaha par 'Yarnia' ek clothing brand ka launch hone waala tha magar palak jhapakte hi sab kuchh tehes-nehes ho gaya."
Usne aage badhne ki koshish ki magar police ne use turant hi andar jaane se mana kar diya.
"Aap dekh sakte hai ki mujhe abhi bhi andar jaane nahi diya jaa raha hai. Aur... Aur, police ne shayad shooters ko daboch liya hai. Shooters ne surrender kar diya hai. Unhe police jeep me bitha ke le jaaya jaa raha hai."
Cameraman ne camera focus karte hue drishyo ko dikhaane ki koshish ki, lekin punah officers ne unhe andar ke drishyo ko dikhaane se mana kar diya.
Andar se shavo ko ambulance ke andar karwaya jaa raha tha. Aur, jaise hi ye sab hua, reporters microphone hathiyaar ki tarah liye police karmiyo ke paas pahuch gaye.
Reporter : Sir! Sir!! Humne abhi abhi dekha ki ambulance me kinhi logo ko le jaaya gaya. Kya hatya hui hai yaha?? Kitni sankhya hai?
Officer jo apni rifle liye wahi khada hua tha, usne jawab dene se pehle ek gehri saans li.
Officer : Dekhiye, iss samay hum koi bhi spasht sankhya jaari nahi kar sakte. Lekin, haan casualty hui hai. Situation ab control me hai aur jald hi official statement jaari kar diya jayega.
Reporter 2 : VIPs bhi yaha aaye the. Kya unme se kisi ko koi chot pahuchi hai??? Kya unhe koi muskan pahuchaya gaya hai??
Officer : Dekhiye, hum abhi bhi ghayal logo ka aaklan kar rahe hai. Jaha tak meri jankaari hai, sabhi VIPs sahi salamat aur surakshit evacuate karwa diye gaye hai. Lekin, hum abhi spasht roop se har kisi ka khulasa nahi kar sakte.
Lekin, media sirf police ke bayaano se santusht nahi thi. Asli sona toh gawaho ke paas tha.
Aur, tabhi peechhe ke gate se ek VIP nikal ke aaya. Uska pehnava poora ast-vyast ho rakha tha. Sadme ke chalte bechaare ka chehra peela pada hua tha. Patrakaro ki ek leher uski orr aise jhapti jaise maano shikaari khoon ki gandh soongh ke uss orr daud rahe ho.
Reporter : Sir!!! Sir!! Kya aap bata sakte hai ki andar kya hua???
Uss aadmi ne apna maatha pochha, uski saansein abhi bhi ukhdi hui thi. Jab usne apne vichaaro ko ikhatta karne ki koshish ki toh uske haath kaanpne lage.
VIP : Tabaahi...!!! Poora pagalpann!! Ek pal, hum sab celebrate kar rahe the. Agle hi pal... Ek zordar blast hua aur fir goliyaan chalne lagi. Har jagah!!! Ek do logo ko maine girte hue bhi dekha. *huff* *huff* Khoon hi khoon...!!!
Reporters aur jhuke, uske har shabd ko camera me qaid karne ki koshish kar rahe the.
Reporter 2 : Kya kya dekha aapne waha? Thoda aur vistaar se bata sakte hai??
VIP : L-Log chilla rahe the, har disha me bhaag rahe the. Maine dekha ki... Kayi saare aadmi guns liye lobby me achanak se ghuse aur goliyaan chalaane lage. Kuchh ko maine goliyaan lagte hue dekha. *huff* M-Mein apni jaan bachaane ke liye peechhe bhaag gaya fir.
Reporter 3 : Aapko kya lagta hai? Kaun ho sakta hai iss humle ke peechhe?
VIP : M-Mujhe kuchh nahi pata. Sab kuchh tezi se hua. Aur, hum bas bhaag rahe the.
Reporter 1 : Kya koi suraksha chook hui thi? Ye humlavar andar kaise aaye?
VIP (shivers) : M-Mujhe nahi pata. Mein toh bas ek guest tha, theek hai? Mujhe koi jankaari nahi hai ki woh log andar kaise aaye, kisne unhe andar kiya. Lekin, itna zaroor hai ki woh sab poore prepared the. Ye koi random hamla nahi tha.
Reporters ki bheed me ek sannaata chhha gaya.
Yeh koi random hamla nahi tha.
Patrakaro ne ek-dusre ko dekha. Woh jaanta the iss bayaan ka kitna wazan tha.
Reporter 1 : Aur, koi jankaari???
VIP : Ab sab police karegi. CCTV me zaroor unhe mil jayega. *huff* Mein ab aur jawab nahi de sakta. H-Hatiye!! M-Mujhe jaana hai.
Media ko ek kahani mil chuki thi. Palak jhapakte hi uss VIP ka bayaan poore news channels me prasarit ho gaya. Dekhte hi dekhte ye breaking news ab ek national news bann chuki thi.
Udhar ghar par Brijesh ne jaise hi samachar dekhe toh uska sarr chakra gaya. Woh bhay ke maare utha, aur bina koi pal gawaaye hotel ki orr bhaaga.
***
Hotel Prestige ke theek saamne uss khandahar waali imaarat ki chhat par Dexter ki laash dali hui thi.
Kuchh derr pehle woh bhaagne ki koshish kar raha tha jab achanak hi-
*Splurt*
"Urgh!!!"
Ek nukeeli blade aake uske seene ko cheer gayi.
Ek rear surprise attack.
Blade seedhe uske dil ko cheer ke baahar nikli thi. Use kuchh samajhne ka samay hi na mila. Na hi woh kuchh bol paaya aur na hi apne humlavar ko dekh paaya.
Aankhon ke saamne andhera chhaaya aur uska shareer zameen par girte hi thandi laash me badal gaya.
*Schling*
Blade ko nikaalte hue ek yuvti ne neeche padi Dexter ki laash ko ghoora. Uske mann me kya tha koi nahi jaanta tha.
Tabhi-
*Thud*
Neeche se aayi Ava ne dhadalle se darwaza khola. Saamne khadi yuvti ko dekh woh chaunki. Magar, bullet apna kaam kar rahi thi.
Ava sirf blood loss ki wajah se kamzor nahi hui thi. Uska kaaran tha — Poison.
Ek poison pallet jo bullet ki core me thi. Shareer ke andar jaate hi zeher ne apna kaam karna shuru kar diya tha. Yeh koi aisa-waisa zeher nahi tha.
Sarin (military designation GB) ek aisa nerve agent tha jo chemical warfare agents me sabse zehreela maana jaata tha. Na hi iska koi swaad hota tha aur na hi koi gandh. Sarin ke sampark me aate hi kuchh hi minto me ek insaan ki maut ho sakti thi.
Aur, isliye Ava itni zyada kamzor pad chuki thi. Uske andar Lily apni poori koshish kar ke zeher ko felne se rok rahi thi. Toh wahi, Healing Factor ki madad se Ava ka shareer naya khoon poori raftaar se banaata jaa raha tha taaki Red blood cells blood loss ki kami ko poora kar sake, white blood cells Sarin se ladte rehne ke baad immunity bana le. Aur, platelets ghaav ko bhar sake.
Ye ekmaatra poison bullet thi Dexter ke paas jo usne Tej ke upar chalaayi thi. Agar, aaj Ava waha na hoti toh Tej ki mrityu sunishchit thi.
Uske qadam ladkhadaye aur woh sarr ke bal peechhe girne hi waali thi jab uske saamne khadi yuvti palak jhapakte uski orr aayi aur use girne se bacha li.
Ava behoshi me chali gayi. Aur, tabhi-
"Shebaaaaaaa!!!!!"
*Keaaaaaarrrrrrrr*
Ek badi si aakriti upar aasmaan se neeche aayi. Dhamm se chhat par uske qadam padte hi poora chhat kampan kha ke reh gaya.
Upar hawa me ek baaj udta hua neeche aaya aur Dexter ke mrat shareer par jaa baitha. Apni nukeeli chonch se woh uske murda shareer ko noch ke ukhaadne laga aur use wahi kachha chabaane laga.
Uss yuvti ne Ava ko pakde hue bagal waali imaarat se chhalang laga kar aaye uss shaks ko dekha. Aur, fir bauhe kasste hue boli.
"It's a poison. Mujhe jald se jald treatment karna hoga."
Aur, ye koi aur nahi, Garofano hi thi. Aur, uske saamne khada woh shaks — Renshu.
'Yarnia' ka bhavya launch ho aur Veer unhe aamantran na de? Aisa kahi ho sakta tha? Woh sabhi abhi kuchh derr pehle hi India aaye the. Neeche se car se jab unhone Ava ko road cross kar bhaagte dekha toh unhe samajhne me derr na lagi ki kuchh gadbad thi.
Agle hi pal ek aur aakriti bagal waali imaarat se kood ke unki chhat par land ki.
Erica!!!
Erica : K-Kya hua? Urgh!! Sheba!!! Don't you dare eat human meat!!!
Woh uss par zorr se barsi. Magar, Sheba apni mundi hilaaye wapas se Dexter ke maans ko nochne me lag gaya. Renshu chhat ki edge tak gaya. Use neeche se saara manzar nazar aa raha tha.
Renshu : Police aa chuki hai. Yaha se nikalna padega.
Garofano : Laash ka kya??
Renshu : Rehne do. Waise bhi tumhe koi trace nahi kar payega. Tumne Erica ko chakma diya tha. Toh, ye police tumhare liye kya cheez hai?
Garofano : Hmph! Mujhe jagah chahiye. Treatment ke liye. Bullet nikaalni hogi. I think iske paas koi poison resistant skill ya card nahi hai. Aur, isliye... Ye behosh ho chuki hai. Andar system poison ko felne se rok raha hoga. I can give her an antiserum. That will make things better.
Uska aagman ekdum sahi samay par hua tha. Yohana's Scalpel, uska card — jiski madad se woh Ava ki surgery asaani se kar sakti thi.
'Freya!!! Full Status!!!'
*Ding*
Mastishq me turant hi full status ki do window uske saamne khul gayi.
Scroll me uske paas Antiserum tha. Fame points bhi uske paas kaafi maatra me the. Ava par antiserum ka istemal karne ke baad use jald se jald kuchh aur antiserum bana ke rakhne honge. Woh jaanti thi ki aane waale samay me kuchh bhi ho sakta hai. Taiyaari jitni zyada ho, utna behtar tha.
Renshu : Humari priority hai Veer se milna. Par, dekh ke lag nahi raha ki woh yaha par hai. Tumhare paas koi skill hai? Jis se Veer ka pata lagaya jaa sake?
Garofano : Nahi!!
Garofano ke paas aisi koi skill nahi thi. Renshu ne use kuchh pal ghoor ke dekha.
Garofano : What?? Iss tarah se dekhne ki zaroorat nahi hai. Mein sach keh rahi hu. Agar, hoti toh mein kab ka istemal kar chuki hoti.
Renshu (sighs) : Mere paas bhi nahi hai.
Iss baar Garofano ne use ghoor ke dekha. Renshu ne badle me koi jawab na diya.
Woh sab nahi jaante the ki Ava hi ekmaatra thi jiske paas Veer ko track karne ki koi skill thi — Death Flag!!!
Ava ne saari skills unhe nahi bataayi thi. Ye baat sirf aur sirf Veer jaanta tha ki agar koi use trace kar sakta tha, toh woh sirf Ava thi. Lekin, filhal woh behosh thi.
Erica chup-chaap chalte hue Ava ke nazdeek aayi. Jhukte hue usne Ava ko gaur se dekha. Ek pal ke liye use wo drishya yaad aa gaye jab Ava uske theek saamne ek deewar bann ke khadi hui thi, Jaw Long se bachaane ke liye.
Veer uski goad me ghayal pada hua tha aur Ava unn dono ko protect kar rahi thi.
Erica : Dad!!?
Woh achanak boli.
Renshu (glances) : Hmm?
Erica : Can we trust her???
Use apne pita ke bol yaad the. Ava ne hi Veer ko dhoka diya tha.
'Erica!!! Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'
Parantu, Jaw Long se bhidant ke baad Erica ke mann me Ava ki chhavi me parivartan aa chuka tha. Kya yeh waqai wahi ladki thi jisne Veer ko dhoka diya tha? Kya uss par bharosa kiya jaa sakta tha??
Renshu : Agar, abhi ki situation ke hisaab se dekhe. Toh, mujhe nahi lagta ki woh humare khilaaf hai. Woh bullet zaroor use kisi ko protect karte waqt lagi hogi. Toh hum ye anuman laga sakte hai ki woh humaare side hai. Filhal!!!
Erica : Par, aap hi ne kaha tha na ki kabhi Natalia Martin par bharosa mat karna!?
Renshu (nods) : Hmm! Kaha tha. Aur, uss baat ko abhi bhi mat bhoolna. Lekin, filhaal ke liye. Jaise halaat hai... Mujhe nahi lagta ki woh koi shadyantra rach rahi hai.
Erica : Mm! Okay!
[Oh, are you getting jealous my girl?]
'What?? Shut up, Genie!!! Mein kyu jealous houngi bhala?'
[Ye jaante hue ki yeh Ava Veer ke dil me apni jagah bana rahi hogi??? Hmm??]
'Shut up! Hmph! Aisa kuchh bhi nahi hai. Mujhe kya lena-dena unki love story se?'
[Fufu~ Well, I'll believe you. For now at least.]
Renshu (looks down) : Police yaha aa rahi hai. Erica!!!
Erica (nods) : Samajh gayi, dad!! Kaha par milna hai?
Renshu : Parking me...!
Aur, agle hi kshan-
*Whoosh*
Erica waha se gaayab ho gayi. Woh jaanti thi use kya karna tha.
'Veer!!! Kaha ho tum?'
[See? Mein sahi thi.]
'Ahhh!!! Genie!!! *blushes* Stop reading my mind.'
[Hehe!]
Nazro se bachte hue Erica andhere me Hotel Prestige ke nazdeek pahuchi. Uska yaha aane ka ek hi uddeshya tha-
'Basic Seer Vision!!!'
*Ding*
Skill activate hui aur chand pal pehle ki yaha hui sabhi ghatnaaye uske dimaag me drishya bann ke aane lagi.
Uske maathe par silvatein chhaa gayi. Dimag par zorr pad raha tha. Yeh pehli baar tha jab usne iss skill ka istemal kiya tha. Jaw Long se ladayi ke dauran Veer ko safeguard karne ka mission poora karne par use ye skill reward ke roop me praapt hui thi. Aur, aaj uska sahi upyog karne ka samay aa chuka tha.
***
Mumbai Police Headquarters,
Night - 9:30 PM ~
Trisha kaanp rahi thi. Kuchh hi palo me kya se kya ho gaya tha. Use apne andar ghutan si mehsoos ho rahi thi.
Uski beti, Pihu jaa chuki thi.
Apharan. Lekin, koi aam apharan nahi. Ye woh tha. Wahi killer jiska khauf poore raajya me fela hua tha.
Iss vichaar maatra se hi ki uski beti uss hatyaare dwara utha li gayi hai, Trisha ka badan jhatka kha kar reh gaya.
“Trisha!”
Ek dridh awaaz uske bhay ko cheerte hue kamre me aayi. Uska pati, Rohan andar ghusa aur uski aankhein apni patni par tik gayi. Trisha uski orr mudi. Uske honth thar-thara rahe the.
Trisha : R-Rohan!!! *sniff* M-Mujhe maaf kar do...!!! *sniff* Sab meri galti hai. Na mein apna dhyaan Pihu par se hataati, na woh baahar jaati aur- *sniff* Aur, na ye sab hota. *sniff* Sab meri galti hai. *hic*
Rohan ko sab kuchh gyaat tha. Aur, isliye usne poori police force uss serial killer ko pakadne me laga di thi. Udhar Hotel Prestige me alag humla ho chuka tha. Ek force waha bhi bhej di gayi thi.
Woh apni jagah par ruka. Uske haath ki mutthi kass gayi. Jis se poore raajya ke apradhi darte the, aaj woh khud hi apne aap ko kamzor mehsoos kar raha tha.
Kintu, woh apni kamzori nahi dikha sakta tha. Abhi toh hargiz nahi.
Police karmi uske aas-paas hi maujood the. Kuchh radio par baat kar rahe the, toh kuchh nigraani ki footage check kar rahe the. Phone baj rahe the, keyboards khad-bada rahe the, aur Rohan andar se poori tarah se toot ke apne aap ko mazboot dikhaane ki koshish kar raha tha.
Usne ek gehri saans chhori.
Rohan : Pihu ko kuchh nahi hoga. Mein use kuchh nahi hone dunga. Hum use waapas laa ke rahenge.
Uski awaaz dheemi thi. Kuchh zyada hi dheemi. Trisha ne zor se apna sarr hilaaya.
Trisha : *sniff* R-Rohan!! Woh koi aam kidnapper nahi tha. *sniff* Woh serial killer tha...!!! *sniff*
Woh uth ke uske paas aayi aur uski baah ko kass ke thaam li. Uske nakhoon Rohan ki baah me gadd gaye.
Trisha : Kahi woh... Kahi woh... *sniff*
Woh apna vaakya bhi poora na kar saki. Rohan ne use thaama. Uski pakad mazboot thi lekin kathor nahi.
Rohan : Meri taraf dekho, Trisha!!!
Trisha ne apni aasuo se bheegi palke uthaayi.
Rohan : Hum use dhoondh lenge.
Trisha ne apna nichla honth itni zorr se kaata ki lagbhag woh ghayal hone ko ho gaya.
Trisha : A-Aur, agar hum nahi dhoondh paaye toh? *sniff* Agar kahi derr ho gayi toh?? *sniff* Mein jeete jee marr jaungi, Rohan!!! *hic* Mein marr jaungi Pihu ke bina...
Humesha nidar aur shaant rehne waali Trisha aaj itni dari hui thi. Ye woh dar tha jab ek maa se uski aulaad bichhad jaati hai.
Iss raat pehli baar, aaj Rohan ke paas bhi koi jawaab nahi tha. Unke beech ek khamoshi chhaa gayi. Sirf Trisha ki subakne ki awaaz hi waha kamre me goonj rahi thi jo aas-paas ke shor se bhi chhup na saki.
Police station toh unke chaaro orr ki gatividhiyo se gulzar tha. Ye ek prakar se yuddh ki ghoshna thi. DGP ki beti ka apharan hua tha. Kisme itni aukaat thi ki raajya ke DGP ki beti ko hi agwa kar le?
Tabhi, ek junior police officer unki orr daudate hue aaya.
Policeman : Sir, sabhi units ko tainaat kar diya gaya hai. Humne bhaagne ke sabhi mumkin maarg — airports, railway stations, bus terminals ko band kar diya hai. Duty par maujood har officer high alert par hai.
Rohan (nods) : Mujhe har 5 minute ke andar update chahiye. Koi galti nahi, koi deri nahi!
Policeman : Ji sir!
Usne salaam kiya aur tezi se baahar nikal gaya.
Magar, Trisha ke mann me kuchh aur hi chal raha tha.
Trisha : Hum inn sab me time kyu barbaad kar rahe hai, Rohan??? Mujhe baahar hona chahiye... Mujhe humari Pihu ko dhoondhna chaahiye udhar jaa ke aur hum idhar-
Rohan : Aur, kaha dhoondogi tum use? Kya tumhare paas koi lead hai???
Trisha (yells) : Kahi bhi dhoondungi. Par, mein haath par haath dhare yaha kaise baith sakti hu. *sniff* W-Woh humari bacchi ko le gaya, Rohan!! Humari apni bacchi. Eklauti bacchi!!! *sniff* Mein marr jaungi-!!! *sniff* Mein nahi jee paungi agar use kuchh-
"TRISHAAAA!!!!"
Rohan ki awaaz poore station me goonj uthi. Ek pal ke liye sab kuchh ruk gaya.
Aas-paas ke police karmi unhe dekhe, lekin kisi ne hastakshep karne ki himmat nahi ki.
Rohan : I need you to think.
Trisha ka gussa fir ubaal maara.
Trisha (yells) : MEIN SOCH RAHI HU, THEEK HAI??? Aur, sochne ke baad bhi mere andar sirf aur sirf meri bacchi ki tasveer mujhe nazar aa rahi hai. Use kaisa mehsoos hua hoga uss waqt... Mujhse bichhadte waqt... Wo kitna darr rahi hogi... Kaha hogi... Wo humara intezar kar rahi hogi... Aur, mein yaha haath par haath dhare bas khadi hu...!!! *sniff*
Rohan : Tum ek maa ke saath-saath ek police officer bhi ho, Trisha. Agar, tumne apna niyantran khoya, agar tumne koi galat qadam uthaaya, toh ek baat yaad rakhna... Uski keemat humari Pihu ko chukaani padegi.
Aur, ye shabd kisi tamaache ki tarah uss par aake lage.
Trisha ladkhadayi, aur Rohan ne use dheere se thaam liya. Ek maun vaada. Woh ek maa thi. Haan. Lekin, saath hi ek police officer bhi. Woh kamzor nahi pad sakti thi.
Trisha : Tumne theek kaha, Rohan!! I'm sorry!! I'm so sorry!!
Usne Rohan ka haath kass ke thaam liya. Aur, fir officers ki orr mud ke woh boli.
Trisha : Mujhe ghatna ke dauran maujood har ek shaks thaane me chahiye. Uss Madhuri aur Pranjal ko bhi poochh-taachh ke liye yaha leke aao. Uss poore area ke escape routes block karwa do. Har mod, har gali par pehra hona chahiye. Gharo me ghuso aur poochh-taachh karo. Talashi lo. Jo bann sakta hai karo.
Rohan ne uska ye roop dekh, sehmati me sarr hilaaya. Aur, woh khud yaha ki kamaan Trisha ke haatho me saunp, Pihu ko dhoondhne ke liye waha se nikal gaya.
Magar, andar hi andar woh khud ghabraya hua tha.
Kyunki, iss se koi farq nahi padta ki unke haath me kitni power thi — abhi toh woh dono sirf ek mata-pita the jo praarthna kar rahe the ki unki bitiya sahi salamat aur jeevit ho.
***
Carewell Hospital...
Nidhi, aspatal me ek bistar par laiti hui thi. Uske sarr par pattiyaan bandhi hui thi. Chehre ka rang peela tha aur honth sookhe. Uske haath se ek IV line judi hui thi jo ek taral padaarth uske shareer me pahucha rahi thi.
Nidhi ke parivar-jann doctor ke ird-gird hi khade the.
Doctor : Dekhiye! Humne ek mild sedative unhe diya hai taaki unki sthiti aur na bigad jaaye. Sarr par chot lagte waqt ek mild concussion hua hai unhe. Neurological assessment ho gaya hai aur abhi tak internal bleeding ke aise koi bhi sanket nazar nahi aaye hai. Ye achhi baat hai. Lekin... Dehydration bahut zyada hua hai. Shareer me jo essential electrolytes hote hai woh kaafi kam ho chuke hai. Yahi kaaran hai ki woh itni kamzor hai.
Doctor ki baatein Nidhi ke mata-pita ko samajh aayi ho ya na aayi ho, magar Shreya poori tarah se sab samajh chuki thi.
Ramandeep : T-Toh humari bitiya theek toh hai na???
Doctor (nods) : Haan! Abhi toh theek hai. Dekhiye, woh kaafi stress me thi. Physically bhi aur mentally bhi. Uske baad dehydration, exhaustion aur fir sarr par chot aur concussion. Isliye, hydration level restore karne ke liye humne unhe ek intravenous saline solution diya hai. Dard ke liye ek analgesic aur woh abhi rest kar sake uske liye ek mild sedative. Abhi unhe agar kisi cheez ki sabse zyada zaroorat hai toh woh hai araam.
Shreya kone me chup-chaap baithi thi, uske ghutne uski chhaati tak khiche hue the. Uske chehre se lagatar aansu beh rahe the. Unn sab ki nanhi Juhi laapata thi aur ab uski badi behan aspatal me behosh padi hui thi.
Uski bhabhi, Dipti ne uske kandhe par apne kaanpte hue haath ko rakha. Lekin, saantvna dene ke liye use koi shabd nahi mile. Akhir, kya keh sakti thi woh?
Nidhi ki maa, Hema chhote se Dhruv ko liye apni goad me jhula rahi thi, magar aankhein apni bitiya Nidhi par tiki hui thi. Juhi ka gham sabko bahut chot pahucha raha tha.
Hema : Doctor sahab! *sniff* Hosh me aate hi woh firse bhaagne ki koshish karegi.
Doctor : Isliye toh sedative diya gaya hai na.
Nidhi ka bada bhai, Ishaan bhi wahi tha.
Ishaan : J-Juhi!! Mein Juhi ko dhoondhne jaa raha hu. Police apna kaam karegi, lekin hume unke bharose bas nahi rehna chahiye.
Ramandeep : Haan beta! Sambhal ke!! Ya mein bhi chalta hu.
Ishaan : Nahi papa! Kisi gents ka yaha rehna zaroori hai. Mein jaata hu.
Shreya : Bh-Bhaiya mein bhi chalungi aapke saath. *sniff*
Ishaan : Nahi, Shreya!!! Dipti-
Usne apni patni ki orr dekha. Dipti uska ishaara samajh gayi.
Dipti : Shreya! Inhe jaane do. Humara yaha rehna zyada zaroori hai.
Kehte hue usne Shreya ko apne gale se laga liya. Aur, Shreya bilakh-bilakh ke rone lagi.
Hema ki pakad Dhruv par kisi kaaran mazboot ho gayi. Jaise ab use surakshit rakhne ki koshish kar rahi ho ki kahi Dhruv bhi unke paas se-
Juhi ki anupasthiti unke liye ghaav samaan thi. Kuchh bhi ab pehle jaisa nahi tha.
***
The Underground Lair…
Chhapaak ki awaaz ke saath Veer underground lair me kooda. Gehre dum ghotne waale andhere ne use poori tarah nigal liya. Neeche aedi tak paani bhara hua tha. Lekin, ye baat uski hairat ka kaaran nahi thi. Hairat ka kaaran thi yeh jagah.
Tracer ki madad se woh yaha tak pahucha tha aur ab use sab samajh aa chuka tha ki Police ab tak iss hatyaare tak kyu nahi pahuch paa rahi thi.
Ye underground lair… darasal… ek shamshan ke neeche thi.
Raat ke andhere me achhe se achha aadmi shamshan ke andar pravesh karne se kaanp uthata hai. Isme koi shaq nahi tha ki iss hatyaare ne yeh jagah kyu chuni thi.
Par, Veer ko abhi aur bade-bade jhatke lagne baaki the.
Idhar uska aagman hote hi, lair ke kendra me maujood uss paagal hatyaare ko iska pata lag gaya. Uske muh se jeebh laar tapkaate hue baahar nikli.
“The time has come… Ehe… Ehehe!!!”
Aur, Veer ke idhar ek qadam aage lete hi-
*Ding*
[‘Tracer’ has been nullified.]
[Juhi’s location is no longer available.]
‘What???’
Uske badan me ek sihran daud gayi. Tracer me dikh rahi Juhi ki location aur map dono hi achanak se gaayab ho chuke the. Uska poora shareer tanavgrast ho gaya. Andar ki hawa ghani, namm aur gandh se bhari hui thi.
'W-What's going on???'
[Master! Tracer ko nullify kar diya gaya hai.]
Pari ki ghabrati hui awaaz uske andar goonji.
‘Pari!! Y-Ye kaise-!?’
[I don’t know, Master! Sambhal ke please! It’s now clear! Ye ek system holder hai. Usne kuchh use kiya hoga jiski wajah se Tracer nullify ho gaya. Shayad use pata tha ki aapne Juhi pe tracer lagaya hai.]
‘What??? Ye kaise ho sakta hai? Tracer ke baare me use kaise-?’
[Hum ek system holder se bhid rahe hai. Anything is possible, Master! Please, be careful!]
‘Hmm!!!’
Veer ne qadam aage badhaaye. Paani uske perro se bhid ke idhar-udhar chhalak raha tha jo underground lair ke sannaate me bhaari shor paida kar raha tha. Jaise-jaise woh aage jaa raha tha, andhera aur badhta jaa raha tha. Dekhna uske liye mushqil hota jaa raha tha.
Aur, use Jaw Long se bhidant ke waqt praapt hui uss skill ka dhyaan aaya.
Aura Vision.
Veer jaanta tha ki usne Aura Vision ko upgrade nahi kiya tha. Woh jeevit cheezon ka aura toh dekh sakta tha magar jin cheezo me jaan nahi thi unhe woh nahi dekh sakta tha.
‘Pari! Kitne points available hai??’
[15000!]
‘Aura Vision ko upgrade karne ke liye kitne chahiye???’
[5000]
‘Upgrade kar do!’
[Are you sure?]
‘Yeah! Mein risk nahi le sakta. Aur, deri bhi nahi kar sakta. Juhi andar hi hai. Mujhe jald se jald waha pahuchna hoga iske pehle ki-’
*Ding*
[Aura Vision has been upgraded to Max.]
[Aura Vision is now activated.]
Skill ke activate hote hi poora vatavaran uski nazar me ek grayscale me dhal gaya. Humans ke liye aura ka rang blue tha. Plants ko darshaane ke liye green. Animals, birds, insects aur organisms ke liye ye yellow tha. Negative energy ko bhaapne ke liye black aur nonliving things ke liye brown.
Par, itna hi nahi… Ye sabhi color alag-alag shades me the jiske chalte Veer cheezon me bareeki se antar dekh paane me saksham tha.
Vision ke badhne se Veer ne ek pal bhi zaaya nahi kiya.
‘Let’s go!!!’
*Whooooossshhhh*
Chhap-chhap kar paani uske daudne se chhalakta gaya. Lair kisi underground tunnel ki bhaanti prateet ho rahi thi. Usne apni raftaar thodi dheemi ki. Dheere-dheere jhijhakte hue woh aage badha, uske joote keechad jaisi dharti me dhans rahe the. Magar, thoda andar aate hi uske qadam wahi tham gaye.
‘What the-!!??’
Saamne ka nazara itna khaufnak tha ki Veer ke badan ke rue khade ho gaye.
‘Urgh-!’
Usne apni aasteen upar kar apni naak ko apni baah se dhak liya. Lekin, badbu uski twacha, uske kapdo, uske fefdo me ghus rahi thi. Aankhein bhay ke maare feli aur dil ki dhadkane tez ho gayi. Deewaro par laasho ki kataare lagi hui thi, kuchh fati hui boriyo me lipti neeche dali thi, kuchh ke chithde ho rakhe the, kuchh ke ang ajeebo-gareeb dhang se mude hue the.
Vibhinn jaanvaro ke kate hue dhad, maans ke tukde, haddiya, andhruni ango ke chithde aur na jaane kya kya. Khoon aur gande paani ki gandh poori hawa me fel rakhi thi — sadte maans, mal-mootra, aur mrityu ka ek mishran.
Keede unn sadte maans par mandra rahe the, makkhiyaan ka bada sa jhund bhook se bhin-bhina raha tha. Aur, unke pankh dum ghotne waali shaanti me goonj rahe the.
Veer ko akbakayi si mehsoos hui aur Juhi ke baare me sochte hi uska shareer thanda pad gaya. Kis tarah ka khooni tha ye? Kahi Juhi bhi-?
‘Nahi!!’
Usne apne perro ko hilne ke liye majboor kiya. Uska ek perr fati hui boriyo me se nikal rahi kisi laash ki atadiyo par pada.
'Fuck!!!'
Usne uss bhayankar drishya ko paar kiya. Ek kata hua haath uske jooto se takraaya, jo paani ke upar hi terr raha tha.
Gati badhaate gye woh udhar se nikalte hi punah dang reh gaya. Alag-alag dishao me alag-alag maarg jaa rahe the. Kaun sa raasta sahi tha?
‘This is bad…! Mere paas inn sab ka samay nahi hai!!’
Use yakeen nahi ho raha tha ki underground lair itni badi hogi. Akhir, iska nirmaan kisne kiya? Ye kisi bhool-bhulaiyaan se kam nahi thi.
Pari ne bina uske poochhe hi 'Path Tracker' on kar diya. Kam se kam woh apna raasta toh nahi bhoolega jaha se woh aaya tha.
Woh aage badh hi raha tha jab uski perro ki neeche kuchh daba-
*Click*
Khatra mehsoos karte hi Veer ki aankhein darr ke maare chaudi ho gayi. Iske pehle ki uska dimag kuchh samajh paata ki kya ho raha hai, uska shareer apne aap pratikriya kar diya.
[Master-!!!]
Woh akasmat peechhe ko kooda aur uske koodate hi-
*Schling* *Schling* *Schling*
Paani ke andar neeche se nukeele lohe ke spikes tezi se upar aaye. Unme zung lagi hui thi, sookha khoon unn par chipak ke jamm chuka tha. Ek saboot ki pehle bhi iss se kisi insaan ki maut hui hai.
Agar, woh sahi samay par na hatata, toh woh spikes uske shareer me dhans chuke hote. Usne apne aap ko uss jagah par imagine kiya. Paseene ki ek boond uske maathe par se fisal gayi.
Aur, jaise hi woh khada hua-
*Swoosh* *Swoosh* *Swoosh*
Bayi orr se ghoomne waali blades ki ek kataar udti hui uska sarr dhad se alag karne ke liye tezi se aayi.
'Shit!!!'
Samay rehte hi usne bamushqil apne shareer ko moda, tez dhaar uske blazer ke kapde ko chhu kar nikli aur uska kuchh bhaag fatt kar alag ho gaya.
'Fucking hell...!'
[Master, there are traps. Hume savdhaan rehna hoga.]
Veer ki saansein tez hui. Kahi koi floor plate, kahi koi trip wire, kahi koi chhipa hua trigger. Har qadam par koi na koi khatra tha. Jisne bhi iss jagah ko banaya tha, usne logo ko maarne ke liye hi ye design ki thi.
Yeh sirf ek underground lair nahi thi.
Yeh ek slaughter house tha.
Aura Vision se use non living things dikh toh rahi thi, par inn traps ko trigger karne waale upkaran saare paani ke neeche maujood the. Unhe dekhne ke liye, paani ke andar muh dubona padta, jo Veer hargiz nahi karne waala tha.
Pari ki chetavni par woh iss baar savdhani se aage badha.
'J-Juhi!! Be safe!!!'
Uski aankhein aur jaal talaash rahi thi. Lekin, jaise-jaise woh aage badhta gaya, zameen par gandagi ghani hoti chali gayi aur hawa bhaari hone lagi.
Aur, fir... Use sunayi diya.
*Splish*
Ek qadam.
Paani ka chhapakna.
Koi tha.
Veer wahi jamm gaya. Magar, uska poora shareer high alert par tha. Usne suna.
*Splish*
Ek aur qadam.
Daayi orr se.
Uska sarr dhwani ki disha ki orr muda, lekin — kuchh nahi. Dur-dur tak kuchh nahi tha.
'Huh???'
Tabhi-
*Splish*
Iss baar baayi orr se.
Woh fir ghooma, magar — koi bhi nahi.
Uski saansein aur tez ho gayi. Achanak, uski line of sight ke baahar kuchh harqat hui. Use apni hi dhadkano ki awaaz sunayi de rahi thi.
Usne apni mutthi kasi, knuckles poore safed pad gaye.
Aur, tabhi-
Ek fusfusahat.
Aur, fir ek dheemi pagalpan waali hasi use sunaayi di.
"Ehe...!!!"
Woh yaha aa chuka tha.
Sannaata ghutan bhara tha. Veer shaant tha, aisa lag raha tha maano underground lair uske chaaro orr saans le rahi thi. Chhayaaye idhar se udhar ho rahi thi, maano use dekh rahi ho, intezar kar rahi ho. Tabhi-
*Swish*
Ek blade hawa ko cheerte hue aayi. Sahi samay par Veer ne apna sarr jhukaaya. Hathiyar uske chehre se ek inch ki duri se hoke guzra. Uske paas maatra ek second hi tha khud ko hataane ke liye jab-
*Whoosh*
Ek aur humla.
Woh bacha. Usne apne aap ko moda, uski pasliyaan marud ke reh gayi. Ek ke baad ek humla uski orr aaya, magar koi bhi nazar nahi aaya.
'Tch! Where the hell is he-!??'
"Ehehehehe~"
Wahi hasi ek baar fir hawa me goonj gayi.
'Enough of this...!'
Uski aankhein saamne ke raaste par tik gayi. Aur, fir use ek aakriti nazar aayi.
Andhere se woh aakriti baahar nikal kar aayi. Veer ne use dekha.
Lamba, patla shaks. Safed lambe baal, baahar ko aati aankhon ki putliyaan. Uska dhasa hua chehra ek bhayanak muskurahat me badal gaya. Uski jeebh ajeeb tarah se baahar nikli aur usne apne fatey hue hontho ko chaata.
'Check!!!'
*Ding*
[No information available.]
Woh sahi tha.
'System holder...!!!'
Ye wahi tha. Jiska sketch police dwara banwaya gaya tha.
Veer : Tum-!!! Tum hi ho woh serial killer. *frowns* Juhi kidhar hai???
Uski awaaz dheemi magar khatarnak thi.
Uss aadmi ne apna sarr jhukaya. Aur, fir woh hasa... Itni zor se hasa ki uski haivani hasi waha goonjne lagi.
"Ahahahahahahaha!!!"
?? : Tum... Tum akhir aa gaye... Ehe!!! Mein tumhara hi intezar kar raha tha...!!!
Veer thitak ke reh gaya.
Veer (frowns) : Kya matlab-!?
Woh aadmi muskuraya, aur kareeb aane laga. Uski ungliyaan utsaah me hil rahi thi. Uski jeebh baahar nikli maano jaise ki saanp ki tarah hawa ka swaad le rahi ho.
?? : Tum yaha... meri wajah se aaye ho... Ehehehehe...
[He might be playing mind games, Master. Uski baaton me mat aaiye.]
?? : Ehe... M-Mein hi tumhe yaha leke aaya... Ye sab... Plan tha... Ehehehe...
Veer ki reedh me sihran daud gayi.
'N-No! What the fuck is he talking about?'
?? : Murders to hone hi the... Ehehe... Mere experiments ka hissa... hehe... Magar, sirf wahi nahi... Tumhe yaha laane ke liye... Ahahahaha...
Veer ki kuchh samajh nahi aa raha tha. Ye paagal aadmi kya bole jaa raha tha?? Nahi! Ye sach nahi tha. Uski mulaqat toh iss psycho se pehle kabhi hui hi nahi thi. Fir, bhala woh kyu use-!?
?? : Eh... Tum confused ho... Hai na?? Don't worry... Mein tumhe bata deta hu... Hehe...
Veer : ???
?? (mutters) : Lure Path!!!! Hehehehe-!!!
Sunte hi Veer ke andar maujood Pari kaanp ke reh gayi.
[N-No-!!!]
'Huh?? Pari? Kya hua? Lure Path? Kya hai ye???'
Pari ne uske sawaal par seedhe hi jankari prastut kar di.
*Ding*
[Legendary Scroll : Lure Path
Description : A scroll that allows the user to lure a specific person. The scroll will generate a path which must be followed in order to lure a person. User must imagine the person he/she wants to lure in and scroll will then act upon itself.
Note : Can even lure a system holder.]
Padhte hi Veer ke raungte khade ho gaye. Ek aisa scroll jiski sahayta se kisi bhi vyakti ko apni territory me laaya jaa sakta tha.
Pehle Madhuri ke pita, Prabhakar ki hatya... Aur, fir use mission milna... Pune se hoke Lonavla tak aana... Aur, fir Juhi... Iska matlab... Ye sab kuchh ek plan ka hissa tha!?
Veer ke bhaav dekh uss paagal insaan ki muskaan aur badh gayi. Insaan toh uska target the hi... Parantu, sabse bada target uska tha — Veer!!!
Lure Path.
Isi ki kaaran Veer ko woh mission mila.
Veer : N-Noo-!! M-Magar, tumne mujhe kyu...
?? (screams) : Kyunki tumhari wajah se... maine apna target khoya tha... *growls* Tumhari wajah se...
Veer : Wh-What!?
Woh gurraaya. Uski aankhon me bhayanak gussa nazar aa raha tha.
?? : Tumhari wajah se... Sab tumhari wajah se... I was so close to my experiment... Eh... B-But... You... You took my target away from me...
Veer : !!??
?? : You took him away from me...!!!
One year ago,
Clark County Prison,
Las Vegas...
Laalach aur paap ke iss sheher me dhero shaitaan baahar ghoom rahe the. Magar, asli raakshas toh yaha Vegas ki jail me band baithe the.
Aur, ek aadmi holding block ke sabse andhere kone me baitha tha. Safed baal, dhansi hui aankhein, haivani muskaan.
Uski ungliyaan jail ke bars par bandhi hui thi. Woh kisi bhooke jaanvar ki tarah kisi ka intezar kar raha tha.
Aur, tabhi-
Deeware kaanp gayi. Ek visfot ne sannaate ko cheer diya, jis se poori imaarat hil ke reh gayi. Sirens ki awaazein goonjne lagi.
Woh aa chuka tha.
Crimson!!!
Yahi woh waqt tha jab Crimson ne jail se Jim the Slippery ko chhudhwaya tha.
Usne baaki bhaag rahe apraadhiyo ki orr dekha tak nahi. Dhua chhat raha tha aur uski nazar kisi orr cheez par thi.
Aur, fir usne dekha.
Ek paagal insaan. Crimson ke ghoorte hi uss paagal insaan ke badan me ek utsaah ki leher daud gayi. Jaise maano ek shikaari dusre shikaari ko pehchaan raha ho. Woh sahi tha.
?? : Ehe... Tum bhi... Tum bhi hum me se ek ho??? Ehehehehe... Mere patients... Ehe... Mein aaya...!!!
Kehte hue woh waha se bhaag nikla. Magar, jaise jaise woh bhaag raha tha. Woh apne peechhe Crimson ke aane ka intezar kar raha tha.
Akhir, sab kuchh usi ne toh racha tha.
Lure Path...!!!!
Jim the Slippery ka jail me jaana koi ittefaaq nahi tha. Uss paagal ne Lure Path ka istemal kiya tha.
Crimson ki jankari use Vegas me reh kar lag chuki thi. Aur, uska target wahi tha.
Jim the slippery ko jail pahuchana, Pitcher aur Nightwalker jaise apraadhiyo ko sakreeya karna — Ye sab uss paagal ka hi toh kiya dhara tha.
Idhar, usne Lure Path chalaaya aur udhar Crimson ko-
*Ding*
[Mission : Assemble the criminals — Jim, the slippery, The Nightwalker, The Pitcher.]
Bechare Crimson ko ye pata tak nahi tha ki use mission uss paagal ke Lure Path istemal karne ki wajah se mila tha.
Use lag raha tha ki woh Mr. X ke khilaaf ladne ke liye ek criminal squad bana ke underworld me apni taaqat badhayega magar, use iss baat ki bilkul bhanak nahi thi ki woh khud ko uss paagal system holder ki thaali me paros ke de raha tha.
Sab kuchh uss paagal system holder ke shadiyantra ki mutabik jaa raha tha jab achanak beech me ek naya variable kood ke aa gaya-
Veer...!!!
Uss paagal ko laga tha ki ab Crimson uska peechha karega. Aur, fir woh Crimson ko apna bandhi bana lega. Yahi toh kaaran tha jo usne khud ko bhi salaakho ke peechhe rakha tha. Woh jaanta tha ki Crimson Jim the slippery ko chhuraane aayega hi aayega.
Parantu, aisa na hua...
Veer ke aa jaane se, Crimson ka dhyaan Mr. X ki orr jaa chuka tha. Aur, jaha Crimson ko uss paagal ka peechha karna chahiye tha, usne aisa kuchh bhi nahi kiya.
Balki, woh Jim the slippery ke peechhe bhaaga. Antatah!? Uss paagal system holder ki tarqeeb naqamyab ho gayi.
Aur, uske baad-?
Crimson ki maut — Veer ke haatho.
Aur, ab yahi Lure Path Veer ke liye istemal ho chuka tha. Jaha Veer samajh raha tha ki woh killer ke nazdeek pahuch raha hai, magar asliyat me toh killer hi use apne paas bula raha tha. Yahi tha legendary scroll — Lure Path.
Iska bodh Veer ko apne upar kisi bhaari patthar ki tarah mehsoos hua.
Ye haal hi me mare log... Ye pattern... Hatyaare ko dhundhne ka mission...
Ek trap.
Veer ladkhadaya. Uski saansein ukhdi.
Jis qadar se woh Veer ko qadam dar qadam aage badha raha tha, ye koi sanyog nahi tha. Ye ek luring path tha.
Aur, ab use ehsaas hua. Itne log jo maare gaye the. Woh kahi na kahi uski hi wajah se maare gaye the. Woh nirdosh log... Madhuri ke pita... Yaha tak ki nanhi Juhi ka apharan.
Veer : Y-You-!!!
Uski awaaz kaanp uthi. Iss baar dar se nahi, balki gusse se.
Veer : Y-You killed them. Unn nirdosho ko tumne... Tumne maar daala!? Mujhe yaha laane ke liye...!?
?? : Ehehehehe!!! They didn't die... They became immortal after being a part of my experiment... hehehe... Their names will go down in history... Hihi...
Veer ka shareer akad gaya.
'M-Meri wajah se... Woh log... Juhi... Meri wajah se...!'
[Master!!!]
Use ab tak samajh nahi aa raha tha ki ye paagal akhir uske peechhe kyu pada tha. Bhala kis target ki baat kar raha tha woh?
Veer : You said I took your target... Who was it???
?? : Oh!! You don't remember??? Ehehehe... Yaad karo... Yaad karo...
Veer : *frowns*
?? (growls) : CRIMSON!!!
Naam sunte hi Veer ki aankhein fati ki fati reh gayi. Isme koi shaq nahi tha ki usi ne Crimson ko maut ke ghaat utaara tha.
Veer (shivers) : H-How? T-Tum kyu-!?
?? : Enough talk! My patience is running out... Time to kill... Ehehehehe...!!!
[Master, be ready.]
?? : Here I come!!!
*Whoooooooooooshhh*
Kehte hue woh ek jhatke me gaayab hua.
Aur, tabhi underground lair ke kendra me ek laboratory ke andar bandhi jaddo-jehed ke baad akhir kar apne muh se kapda hataane me saksham thi.
Kapda hatata hi uski zor se cheenkh nikli-
"Mummmaaaaaaa-!!!!!"
Jo poori underground lair me goonj uthi.
'Juhi!!!'
Juhi ki awaaz sunte hi Veer ke badan me raungte khade ho gaye. Parantu-
*Ding*
['Beowulf's Blessings' has been activated.]
Uski aankhein laal rang me dhal gayi. Woh paagal uski orr lapka.
*Swoooooooossshhhhhh*
Pehla vaar.
*Dodge*
Dusra vaar.
*Dodge*
Teesra vaar.
*Dodge*
Chautha vaar. Seedhe uske pait ki orr-
*Dodge*
Magar,
'Huh???'
*Craaaaackkkkkk*
'What???'
Uss paagal aadmi ka lohe ka staff Veer ke dono haatho se banaye defence ko chakna choor kar diya.
Aur, vaar aake seedhe uske pait me pada.
"Blurgh!!!"
Iske pehle ki woh sambhal paata-
*Ding*
[A curse has been applied on the host.]
[Master!!! Run-!!!]
'Wh-What????'
Kintu, Veer ko bhaagne ka mauka hi na mila jab-
Wahi staff aake seedhe uske daaye gaal par pada. Veer ka shareer hawa me uchhla aur jaise hi woh land karne waale tha-
*Whoosh* *Whoosh* *Whoosh*
Paagal system holder ne apna staff zorr se uski orr fek diya.
'Sh-Shit!!!'
Hawa ko cheerte hue staff gol-gol ghoomte hue uske sarr ki orr aa raha tha. Samay nahi tha. Veer ne majbooran hawa me rehte hue apne dono haath se block kar apne sarr ko bachaaya aur-
*Thud*
"Urgh!!!"
Staff itni zorr se uske haatho me aake laga ki use dard kass ke mehsoos hua. Lekin, jaise woh paagal pehle se hi jaanta tha ki Veer haatho se hi staff ko block karega.
Veer jaise hi land kiya, utni derr me woh paagal Veer ke theek muh ke saamne tha-
?? : Surprise... Ehehehe...
'Fuck!!!'
*Baaaammmmmmm*
Ek aur vaar. Seedhe Veer ki kanpati ki orr... Jise Veer ne punah apne haatho se block kiya.
Woh peechhe ki orr kooda.
Kintu, tabhi-
*DONG*
Ek alag si dhwani use apne andar sunayi di. Nahi! Ye notification ki awaaz nahi thi.
Awaaz itni zorr se aayi thi ki Veer ka poora badan hil ke reh gaya tha.
Aur, agle hi pal-
[N-No!! Master!!!]
Use apne mann me saamne nazar aaya-
*Ding*
['Beowulf's Blessings' is broken.]
Veer ki aankhein bhay ke maare fel gayi. Woh ghabraate hue uss paagal ko dekh raha tha. Uske honth apne aap khule-
"Wh-Who are you-!!?"
Aur, dusri orr se dheere se ek jawaab aaya-
"They call me... THE DISEMBOWLER!!!"
.
.
.
.
.
.
.
.
Aaj ke liye itna hi guys.
This update consists of 8.8k words.
Target apna wahi hai. 250+
Pahucha diyo araam se. Agle update me mein sab finish kar dunga. Ye fight agle update me samapt ho jayegi. Jaisa ki maine kaha tha do updates lagenge hi lagenge. Mera aadhe se zyada time Disembowler ki skills aur cards banaane me gaya hai. So, you can see it already. Upar se Garofano ka full system alag. That's why it takes so much time. Anyways, ab milte hai agle bhaag me.
Dhanyavad.
Update - 194 ~ The Disembowler
Ab tak...
Neeche paani aedi tak bhara hua tha. Chhapaak ki awaaz ke saath Veer ki aankhein laal rang se chamak uthi.
Aur, udhar hi andar kahi... Uss paagal insaan ko Veer ke aane ka ehsaas ho gaya.
Woh haivani muskaan liye muskuraaya.
?? : Well... My food got delivered already. Ahahahahahaha!!! The main dish has come-!!! You will have to wait for a while, young ones. *Slurp* Ohhh!!! I'll come back soon. Don't worry!!! Ehehehehehehe!!! Yahahahahaha! Now... Shall we get started????
Ab aage...
Dhua... Aag... Khoon...
Barood ki gandh hawa me mandra rahi thi. Kabhi Hotel Prestige ki bhavya lobby — sunehre foolo ki sajavat se saji — ab ek yuddh kshetra me badal chuki thi. Toote hue kaanch, ukhda hua 'Yarnia' ka logo aur kuchh shav waha dale hue the.
Security guards farsh par pade the, unki uniforms gehre laal rang se ott-prot ho rakhi thi. VIPs apni security dwara waha se sahi salamat bach nikalne ke liye bhaag rahe the. Sabhi social media influencers, fashion enthusiasts, models waha se apni jaan bachaane ke liye faraar ho chuke the. Jitne mehmaan aaye the, unme se adhiktar peechhe ke darwaaze se bhaag chuke the. Arajakta badhti jaa rahi thi.
Aur, inn sab ke beecho-beech, Tej waha khadi hui thi — ekdum sthir.
Uska seena tezi se haafte hue upar-neeche ho raha tha. Woh abhi bhi Veer ke bol apne dimaag me sunn paa rahi thi — shaant, bharosemand, 'Yarnia' ki zimmedari use saunpte hue.
'Mein ye zimmedari aapko saunp raha hu, Teju di. Mujhe aap pe poora bharosa hai.'
Kintu, woh nakaam thi.
Yahi uska pal tha — yahi woh waqt tha. Woh kshan jab woh ek aisi behan bann ke dikha sakti thi jis par uska chhota bhai, Veer nirbhar ho sake. Woh behan jo uske saath kandhe se kandha mila ke khadi ho sake, mazboot aur atoot. Kamzor nahi. Asahaay nahi.
Fir bhi, akhir kya hua? Woh keval waha khadi bas sab kuchh ghatit hota dekhti reh gayi.
Woh ghumi, uski nazar neeche pade khoon se lathpath vyaktiyo par padi aur woh wahi jamm ke reh gayi.
Uske bagal se khadi Bhumika ka chehra bhi peela pad gaya, uske honth thar-tharaye par koi shabd baahar na aaye.
Iss taraf, Shweta ne kass ke Bhavna ki baah pakad li, uska samaanya ghamand kahi gaayab ho gaya — uski jagah sarasar, bhay aur aatank ne le li. Bhavna swayam, humesha ki tarah shaant, humesha ki tarah niyantran me, iss waqt jami khadi hui thi — uski aankhein kamre me neeche pade ek shareer par tiki hui thi.
Iss orr Arohi akad ke reh gayi thi, usne Kavya ki kalaayi ko itni kass kar pakda ki uski kalaayi safed ho kar reh gayi. Bechari Kavya ka muh sadme ke chalte khula reh gaya, uski humesha ki tarah chulbuli masoomiyat uske aas-paas ke narsanhaar se khatm ho gayi.
Arohi (shivers) : N-Nahi-!!! Nahi!!
Kavya (sobs) : D-Di!!? Didiiii-!!! Mummyyyyy-!!!!
Woh dono aage bhaagi. Magar, woh akeli nahi thi.
Parijaat ki aurtein.
Woh sab ek pal me aage aayi — ek saath, atoot nishtha aur maun krodh liye.
Suman (yells) : Saili... Aabha... Sonali...!!! Didi log ko baahar leke jao!! Abhi!!!!
Woh zor se chillaayi. Uska aadesh sunn teeno hi javaan ladkiyaan haami bhar baari-baari Tej, Arohi, Bhumika, sabhi ko ekatra kar woh unhe peechhe ke darwaze ki orr le jaane lagi.
Ishaara samajhte hi Varsha, Sudha, aur Mukta daudate hue Suman ke nazdeek aayi aur saath milke woh neeche pade vyakti ko uthaane lagi.
Suman (frowns) : Sudha!! Perr pakdo!! Araam se...!!! Mukta chalo!!! Udhar bhi-!!! Jaldi!!! Fatafat uthao.
Mukta ne wahi bichhe table clothes utha ke khoon behte hue ang par lapetna shuru kar diye.
Sudha : Didi, kh-khoon bahut...
Suman : Shhh!!!
Sudha ghabra rahi thi. Poori kamaan ab Suman sambhaal rahi thi. Dono vyaktiyo ko zameen par se uthaaya gaya.
Udhar bheetar pichhle darwaaze par Suhana poori tarah se bechain idhar se udhar tehel rahi thi.
Uske movements tez aur calculative the. Baahar lobby me golibaari ka ek aur daur chala jiske chalte wahi paas ki ek murti chaknachoor ho gayi.
Suhana : Exit secure rehni chahiye. VIPs jitne nikal rahe hai nikalne do, lekin mujhe Veer ki family jald se jald baahar sahi salamat chahiye.
Uncle Prakash (rushes) : Madam, situation abhi unstable hai aur-
Suhana (yells) : Mujhe pata hai...!!! Jitna kaha gaya hai utna kariye Uncle!!!
Uski oonchi awaaz sunn Uncle Prakash thoda jhep ke reh gaye. Woh tezi se mudi, usne hall me se Tej, Arohi, Kavya aur baakiyo ko aate dekha.
Suhana (nods) : Quick!! Jaldi!!
Tej ne use kuchh pal ghoora. Par, boli kuchh nahi. Unn sabki aankhon me aasu the. Sab barbaad ho chuka tha.
Tej (sobs) : V-Veer-!! *sniff*
'Kaha ho tum???'
Uske kandho ko thaamte hue Suhana ne use hosh me laaya.
Suhana : Snap out of it!!! Time nahi hai bilkul!!! Jaldi! Ambulance me jitne jann aa rahe hai utne baitho. Baaki log car me!! Uncle Prakash!! Car me sabhi ko bithwaiye.
Uncle Prakash : J-Ji madam!! Maine kuchh security guards andar bhej diye hai.
Suhana (nods) : Good!!
Uncle Prakash : P-Par, mein ek baar fir keh raha hu, madam. Aapko yaha rehne ki koi zaroorat nahi hai. Mein yaha hu aur sabhi ko sahi salamat pahucha dunga. Aap aur Sonia madam jaldi ghar jaiye. Agar, aap dono ko kuchh hua toh Sir pata nahi mera kya haal karenge. Isliye, jaiye-
Suhana : Kya kaha aapne??
Uncle Prakash thoda seham gaye. Yeh woh Suhana nahi thi jise woh jaante the — ek poori tarah professional businesswoman jisne kabhi kisi ladke ke liye iss qadar apni bhavnaaye vyakt nahi ki thi.
Lekin, Veer ne use badal diya tha.
Suhana : Aap chaahte hai ki mein yaha se bhaag jau? Aise time pe jab Veer ki family yaha khatre me hai??? Kya aapne dekha nahi ki abhi kya hua?
Uski awaaz waha goonj uthi. Uncle Prakash stabdh the. Unhone Suhana ko kabhi iss tarah se nahi dekha tha. Kabhi nahi.
Suhana : Jab tak mein unhe sahi salamat nahi pahucha deti, tab tak mein ghar nahi jaane waali.
Wahi kuchh dur khadi Sonia bhi uske nazdeek aayi.
Sonia : D-Di?? Y-Ye sab kya tha?? What just happened?? Gunshots... Bombing... Veer kaha hai?? What is going on??
Suhana : Sonu!!! Uncle aap Sonu ko leke jaiye yaha se.
Uncle Prakash : P-Par-
Suhana : Maine kaha na!!!
Sonia : What??? No way!!! Mein aapko akela chhor ke kahi nahi jaane waali.
Suhana : Sonu tum-
Sonia : Aapke orders Uncle par kaam kar sakte hai, di. Mujh par nahi. Aur, mein aapko bina yaha se liye kahi nahi jaane waali.
Suhana : Theek hai!! Toh, yahi peechhe hi rehna. Kisi ne planned attack karwaya hai. Koi 'Yarnia' ki launch ko target kar raha hai shayad? Ya fir koi kisi VIP ko maarne aaya tha??
Usne dekha ki andar se Suman kuchh aur aadmiyo ki madad dwara zakhmi parivar jann ko laa rahi thi. Ambulance se utre ladke bhi turant hi stretcher ki sahayata se unhe ambulance ke andar litaaye. Saath me parivar ke kuchh jann uss ambulance me sawaar ho gaye toh kuchh Suhana ki car me baith gaye. Aur, palak jhapakte hi woh sabhi waha se hospital ki orr ravana ho gaye.
Iss bhayanak drishya ka sadma agar kisi ko sabse gehra pada tha toh woh thi — Kaera, jo achanak hui iss ghatna se poori tarah se hil chuki thi. Uska badan kaanp raha tha. Kintu, uske bhay ka kaaran humla nahi tha.
Kaera (shivers) : B-Blood...!!!
Gaadha gehra laal khoon. Ye pehli baar nahi tha. Nidar, bejhijhak Kaera bhi akhir kisi cheez se darti thi aur woh tha — khoon. Uski sabse badi kamzori.
PTSD — ek mental health condition jo kisi atyant tanavpoorna ya bhayanak ghatna ke kaaran hoti thi — ya toh uska hissa hona, ya use spasht dekhna.
Woh pal...! Kaera ke puraane ghar par... Uss maali ki laash...!
Khoon... Slogan... Sab kuchh jaise use yaad aane laga. Puraani yaadein mastishk me mandraane lagi.
Uski saansein ukhadne lagi. Dil ki dhadkane achanak badh gayi.
*huff* *huff*
Mirror gallery... Uska agwa hona... Veer ka use bachaana... Uska ghaayal hona...
*huff* *huff* *huff*
Aur, achanak hi-
*Grasp*
Kaera : H-Huh!!?
Ek haath uske kandhe par aake use thaam liya. Woh mudi.
Kaera : K-Karan???
Karan, Kritika aur uske mata-pita ko baahar chhor ke aaya tha. Apni badi behan ki kamzori woh bhali bhaanti jaanta tha. Itne saalo baad use apni didi wapas mili thi. Woh dobara kaise use kho sakta tha?
Karan : Di!! Chaliye, mere saath. Yaha khatra hai.
Kaera : K-Karan!
Karan : Mein Raghu ke saath hospital jaa raha hu di. Veer ki family ke saath rahenge hum udhar. Aap Jassi ke saath ghar jaaiye. Ye jagah safe nahi.
Kaera : P-Par-
Ruchika : Karan Sir theek keh rahe hai, Miss. H-Hume jald se jald yaha se nikalna chahiye. Aap aisi condition me koi bhi rational decision nahi le payengi. It's better we let the men handle all of this.
Kaera : Par, V-Veer-!?
Karan (frowns) : Jab tak woh nahi aa jaata, yaha ki zimmedari meri bhi hai. Di! Aap ghar ki orr nikaliye.
Akhir kaar, Kaera ne haami bhari aur Jassi use waha se leke ravana ho gaya. Idhar Karan Raghu ke saath hospital ki orr ravana ho gaya.
Siren baje aur police ki kayi gaadiya waha ikhatta ho gayi. Ek ke baad ek police karmi apni-apni gun taane Hotel Prestige ko baahar se gher liye.
"Apne-apne hathiyaar fek do. Tum sab ko police ne chaaro orr se gher liya hai. Surrender kar do!!!"
Ek police officer ne announce karte hue kaha. Aur, golibaari waqai me tham gayi. Ahista-ahista police waale andar ki orr badhe. Balhaar ke aadmi bhi isme fas chuke the. Magar, woh jaante the ki jald hi unki bail karwaane ke liye madad aa hi jayegi.
Kuchh aur gaadiya aake dur ko ruki aur dhadalle se news reporters apne-apne cameraman ke saath waha coverage lene ke liye aa dhamke.
Jo jagah kuchh der pehle bade-bade VIPs se bhari hui thi, ab woh police aur media reporters se bhar chuki thi.
"Jaisa ki aap dekh sakte hai, hum iss waqt Hotel Prestige ke theek baahar se live hai. Khabar ke anusaar abhi yahi kaha jaa raha hai ki koi terrorist attack hua hai. Iss baat me kitni sacchaayi hai ye abhi dekhna baaki hai."
Ek mahila reporter ne Hotel se duri banaaye rakhte hue apna microphone pakad kar haafte hue sab varnan kiya.
"Goli-baari, bhayanak visfot, aur poori tarah se tabahi mach rakhi hai yaha. Yaha par 'Yarnia' ek clothing brand ka launch hone waala tha magar palak jhapakte hi sab kuchh tehes-nehes ho gaya."
Usne aage badhne ki koshish ki magar police ne use turant hi andar jaane se mana kar diya.
"Aap dekh sakte hai ki mujhe abhi bhi andar jaane nahi diya jaa raha hai. Aur... Aur, police ne shayad shooters ko daboch liya hai. Shooters ne surrender kar diya hai. Unhe police jeep me bitha ke le jaaya jaa raha hai."
Cameraman ne camera focus karte hue drishyo ko dikhaane ki koshish ki, lekin punah officers ne unhe andar ke drishyo ko dikhaane se mana kar diya.
Andar se shavo ko ambulance ke andar karwaya jaa raha tha. Aur, jaise hi ye sab hua, reporters microphone hathiyaar ki tarah liye police karmiyo ke paas pahuch gaye.
Reporter : Sir! Sir!! Humne abhi abhi dekha ki ambulance me kinhi logo ko le jaaya gaya. Kya hatya hui hai yaha?? Kitni sankhya hai?
Officer jo apni rifle liye wahi khada hua tha, usne jawab dene se pehle ek gehri saans li.
Officer : Dekhiye, iss samay hum koi bhi spasht sankhya jaari nahi kar sakte. Lekin, haan casualty hui hai. Situation ab control me hai aur jald hi official statement jaari kar diya jayega.
Reporter 2 : VIPs bhi yaha aaye the. Kya unme se kisi ko koi chot pahuchi hai??? Kya unhe koi muskan pahuchaya gaya hai??
Officer : Dekhiye, hum abhi bhi ghayal logo ka aaklan kar rahe hai. Jaha tak meri jankaari hai, sabhi VIPs sahi salamat aur surakshit evacuate karwa diye gaye hai. Lekin, hum abhi spasht roop se har kisi ka khulasa nahi kar sakte.
Lekin, media sirf police ke bayaano se santusht nahi thi. Asli sona toh gawaho ke paas tha.
Aur, tabhi peechhe ke gate se ek VIP nikal ke aaya. Uska pehnava poora ast-vyast ho rakha tha. Sadme ke chalte bechaare ka chehra peela pada hua tha. Patrakaro ki ek leher uski orr aise jhapti jaise maano shikaari khoon ki gandh soongh ke uss orr daud rahe ho.
Reporter : Sir!!! Sir!! Kya aap bata sakte hai ki andar kya hua???
Uss aadmi ne apna maatha pochha, uski saansein abhi bhi ukhdi hui thi. Jab usne apne vichaaro ko ikhatta karne ki koshish ki toh uske haath kaanpne lage.
VIP : Tabaahi...!!! Poora pagalpann!! Ek pal, hum sab celebrate kar rahe the. Agle hi pal... Ek zordar blast hua aur fir goliyaan chalne lagi. Har jagah!!! Ek do logo ko maine girte hue bhi dekha. *huff* *huff* Khoon hi khoon...!!!
Reporters aur jhuke, uske har shabd ko camera me qaid karne ki koshish kar rahe the.
Reporter 2 : Kya kya dekha aapne waha? Thoda aur vistaar se bata sakte hai??
VIP : L-Log chilla rahe the, har disha me bhaag rahe the. Maine dekha ki... Kayi saare aadmi guns liye lobby me achanak se ghuse aur goliyaan chalaane lage. Kuchh ko maine goliyaan lagte hue dekha. *huff* M-Mein apni jaan bachaane ke liye peechhe bhaag gaya fir.
Reporter 3 : Aapko kya lagta hai? Kaun ho sakta hai iss humle ke peechhe?
VIP : M-Mujhe kuchh nahi pata. Sab kuchh tezi se hua. Aur, hum bas bhaag rahe the.
Reporter 1 : Kya koi suraksha chook hui thi? Ye humlavar andar kaise aaye?
VIP (shivers) : M-Mujhe nahi pata. Mein toh bas ek guest tha, theek hai? Mujhe koi jankaari nahi hai ki woh log andar kaise aaye, kisne unhe andar kiya. Lekin, itna zaroor hai ki woh sab poore prepared the. Ye koi random hamla nahi tha.
Reporters ki bheed me ek sannaata chhha gaya.
Yeh koi random hamla nahi tha.
Patrakaro ne ek-dusre ko dekha. Woh jaanta the iss bayaan ka kitna wazan tha.
Reporter 1 : Aur, koi jankaari???
VIP : Ab sab police karegi. CCTV me zaroor unhe mil jayega. *huff* Mein ab aur jawab nahi de sakta. H-Hatiye!! M-Mujhe jaana hai.
Media ko ek kahani mil chuki thi. Palak jhapakte hi uss VIP ka bayaan poore news channels me prasarit ho gaya. Dekhte hi dekhte ye breaking news ab ek national news bann chuki thi.
Udhar ghar par Brijesh ne jaise hi samachar dekhe toh uska sarr chakra gaya. Woh bhay ke maare utha, aur bina koi pal gawaaye hotel ki orr bhaaga.
***
Hotel Prestige ke theek saamne uss khandahar waali imaarat ki chhat par Dexter ki laash dali hui thi.
Kuchh derr pehle woh bhaagne ki koshish kar raha tha jab achanak hi-
*Splurt*
"Urgh!!!"
Ek nukeeli blade aake uske seene ko cheer gayi.
Ek rear surprise attack.
Blade seedhe uske dil ko cheer ke baahar nikli thi. Use kuchh samajhne ka samay hi na mila. Na hi woh kuchh bol paaya aur na hi apne humlavar ko dekh paaya.
Aankhon ke saamne andhera chhaaya aur uska shareer zameen par girte hi thandi laash me badal gaya.
*Schling*
Blade ko nikaalte hue ek yuvti ne neeche padi Dexter ki laash ko ghoora. Uske mann me kya tha koi nahi jaanta tha.
Tabhi-
*Thud*
Neeche se aayi Ava ne dhadalle se darwaza khola. Saamne khadi yuvti ko dekh woh chaunki. Magar, bullet apna kaam kar rahi thi.
Ava sirf blood loss ki wajah se kamzor nahi hui thi. Uska kaaran tha — Poison.
Ek poison pallet jo bullet ki core me thi. Shareer ke andar jaate hi zeher ne apna kaam karna shuru kar diya tha. Yeh koi aisa-waisa zeher nahi tha.
Sarin (military designation GB) ek aisa nerve agent tha jo chemical warfare agents me sabse zehreela maana jaata tha. Na hi iska koi swaad hota tha aur na hi koi gandh. Sarin ke sampark me aate hi kuchh hi minto me ek insaan ki maut ho sakti thi.
Aur, isliye Ava itni zyada kamzor pad chuki thi. Uske andar Lily apni poori koshish kar ke zeher ko felne se rok rahi thi. Toh wahi, Healing Factor ki madad se Ava ka shareer naya khoon poori raftaar se banaata jaa raha tha taaki Red blood cells blood loss ki kami ko poora kar sake, white blood cells Sarin se ladte rehne ke baad immunity bana le. Aur, platelets ghaav ko bhar sake.
Ye ekmaatra poison bullet thi Dexter ke paas jo usne Tej ke upar chalaayi thi. Agar, aaj Ava waha na hoti toh Tej ki mrityu sunishchit thi.
Uske qadam ladkhadaye aur woh sarr ke bal peechhe girne hi waali thi jab uske saamne khadi yuvti palak jhapakte uski orr aayi aur use girne se bacha li.
Ava behoshi me chali gayi. Aur, tabhi-
"Shebaaaaaaa!!!!!"
*Keaaaaaarrrrrrrr*
Ek badi si aakriti upar aasmaan se neeche aayi. Dhamm se chhat par uske qadam padte hi poora chhat kampan kha ke reh gaya.
Upar hawa me ek baaj udta hua neeche aaya aur Dexter ke mrat shareer par jaa baitha. Apni nukeeli chonch se woh uske murda shareer ko noch ke ukhaadne laga aur use wahi kachha chabaane laga.
Uss yuvti ne Ava ko pakde hue bagal waali imaarat se chhalang laga kar aaye uss shaks ko dekha. Aur, fir bauhe kasste hue boli.
"It's a poison. Mujhe jald se jald treatment karna hoga."
Aur, ye koi aur nahi, Garofano hi thi. Aur, uske saamne khada woh shaks — Renshu.
'Yarnia' ka bhavya launch ho aur Veer unhe aamantran na de? Aisa kahi ho sakta tha? Woh sabhi abhi kuchh derr pehle hi India aaye the. Neeche se car se jab unhone Ava ko road cross kar bhaagte dekha toh unhe samajhne me derr na lagi ki kuchh gadbad thi.
Agle hi pal ek aur aakriti bagal waali imaarat se kood ke unki chhat par land ki.
Erica!!!
Erica : K-Kya hua? Urgh!! Sheba!!! Don't you dare eat human meat!!!
Woh uss par zorr se barsi. Magar, Sheba apni mundi hilaaye wapas se Dexter ke maans ko nochne me lag gaya. Renshu chhat ki edge tak gaya. Use neeche se saara manzar nazar aa raha tha.
Renshu : Police aa chuki hai. Yaha se nikalna padega.
Garofano : Laash ka kya??
Renshu : Rehne do. Waise bhi tumhe koi trace nahi kar payega. Tumne Erica ko chakma diya tha. Toh, ye police tumhare liye kya cheez hai?
Garofano : Hmph! Mujhe jagah chahiye. Treatment ke liye. Bullet nikaalni hogi. I think iske paas koi poison resistant skill ya card nahi hai. Aur, isliye... Ye behosh ho chuki hai. Andar system poison ko felne se rok raha hoga. I can give her an antiserum. That will make things better.
Uska aagman ekdum sahi samay par hua tha. Yohana's Scalpel, uska card — jiski madad se woh Ava ki surgery asaani se kar sakti thi.
'Freya!!! Full Status!!!'
*Ding*
Mastishq me turant hi full status ki do window uske saamne khul gayi.
Scroll me uske paas Antiserum tha. Fame points bhi uske paas kaafi maatra me the. Ava par antiserum ka istemal karne ke baad use jald se jald kuchh aur antiserum bana ke rakhne honge. Woh jaanti thi ki aane waale samay me kuchh bhi ho sakta hai. Taiyaari jitni zyada ho, utna behtar tha.
Renshu : Humari priority hai Veer se milna. Par, dekh ke lag nahi raha ki woh yaha par hai. Tumhare paas koi skill hai? Jis se Veer ka pata lagaya jaa sake?
Garofano : Nahi!!
Garofano ke paas aisi koi skill nahi thi. Renshu ne use kuchh pal ghoor ke dekha.
Garofano : What?? Iss tarah se dekhne ki zaroorat nahi hai. Mein sach keh rahi hu. Agar, hoti toh mein kab ka istemal kar chuki hoti.
Renshu (sighs) : Mere paas bhi nahi hai.
Iss baar Garofano ne use ghoor ke dekha. Renshu ne badle me koi jawab na diya.
Woh sab nahi jaante the ki Ava hi ekmaatra thi jiske paas Veer ko track karne ki koi skill thi — Death Flag!!!
Ava ne saari skills unhe nahi bataayi thi. Ye baat sirf aur sirf Veer jaanta tha ki agar koi use trace kar sakta tha, toh woh sirf Ava thi. Lekin, filhal woh behosh thi.
Erica chup-chaap chalte hue Ava ke nazdeek aayi. Jhukte hue usne Ava ko gaur se dekha. Ek pal ke liye use wo drishya yaad aa gaye jab Ava uske theek saamne ek deewar bann ke khadi hui thi, Jaw Long se bachaane ke liye.
Veer uski goad me ghayal pada hua tha aur Ava unn dono ko protect kar rahi thi.
Erica : Dad!!?
Woh achanak boli.
Renshu (glances) : Hmm?
Erica : Can we trust her???
Use apne pita ke bol yaad the. Ava ne hi Veer ko dhoka diya tha.
'Erica!!! Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'
Parantu, Jaw Long se bhidant ke baad Erica ke mann me Ava ki chhavi me parivartan aa chuka tha. Kya yeh waqai wahi ladki thi jisne Veer ko dhoka diya tha? Kya uss par bharosa kiya jaa sakta tha??
Renshu : Agar, abhi ki situation ke hisaab se dekhe. Toh, mujhe nahi lagta ki woh humare khilaaf hai. Woh bullet zaroor use kisi ko protect karte waqt lagi hogi. Toh hum ye anuman laga sakte hai ki woh humaare side hai. Filhal!!!
Erica : Par, aap hi ne kaha tha na ki kabhi Natalia Martin par bharosa mat karna!?
Renshu (nods) : Hmm! Kaha tha. Aur, uss baat ko abhi bhi mat bhoolna. Lekin, filhaal ke liye. Jaise halaat hai... Mujhe nahi lagta ki woh koi shadyantra rach rahi hai.
Erica : Mm! Okay!
[Oh, are you getting jealous my girl?]
'What?? Shut up, Genie!!! Mein kyu jealous houngi bhala?'
[Ye jaante hue ki yeh Ava Veer ke dil me apni jagah bana rahi hogi??? Hmm??]
'Shut up! Hmph! Aisa kuchh bhi nahi hai. Mujhe kya lena-dena unki love story se?'
[Fufu~ Well, I'll believe you. For now at least.]
Renshu (looks down) : Police yaha aa rahi hai. Erica!!!
Erica (nods) : Samajh gayi, dad!! Kaha par milna hai?
Renshu : Parking me...!
Aur, agle hi kshan-
*Whoosh*
Erica waha se gaayab ho gayi. Woh jaanti thi use kya karna tha.
'Veer!!! Kaha ho tum?'
[See? Mein sahi thi.]
'Ahhh!!! Genie!!! *blushes* Stop reading my mind.'
[Hehe!]
Nazro se bachte hue Erica andhere me Hotel Prestige ke nazdeek pahuchi. Uska yaha aane ka ek hi uddeshya tha-
'Basic Seer Vision!!!'
*Ding*
Skill activate hui aur chand pal pehle ki yaha hui sabhi ghatnaaye uske dimaag me drishya bann ke aane lagi.
Uske maathe par silvatein chhaa gayi. Dimag par zorr pad raha tha. Yeh pehli baar tha jab usne iss skill ka istemal kiya tha. Jaw Long se ladayi ke dauran Veer ko safeguard karne ka mission poora karne par use ye skill reward ke roop me praapt hui thi. Aur, aaj uska sahi upyog karne ka samay aa chuka tha.
***
Mumbai Police Headquarters,
Night - 9:30 PM ~
Trisha kaanp rahi thi. Kuchh hi palo me kya se kya ho gaya tha. Use apne andar ghutan si mehsoos ho rahi thi.
Uski beti, Pihu jaa chuki thi.
Apharan. Lekin, koi aam apharan nahi. Ye woh tha. Wahi killer jiska khauf poore raajya me fela hua tha.
Iss vichaar maatra se hi ki uski beti uss hatyaare dwara utha li gayi hai, Trisha ka badan jhatka kha kar reh gaya.
“Trisha!”
Ek dridh awaaz uske bhay ko cheerte hue kamre me aayi. Uska pati, Rohan andar ghusa aur uski aankhein apni patni par tik gayi. Trisha uski orr mudi. Uske honth thar-thara rahe the.
Trisha : R-Rohan!!! *sniff* M-Mujhe maaf kar do...!!! *sniff* Sab meri galti hai. Na mein apna dhyaan Pihu par se hataati, na woh baahar jaati aur- *sniff* Aur, na ye sab hota. *sniff* Sab meri galti hai. *hic*
Rohan ko sab kuchh gyaat tha. Aur, isliye usne poori police force uss serial killer ko pakadne me laga di thi. Udhar Hotel Prestige me alag humla ho chuka tha. Ek force waha bhi bhej di gayi thi.
Woh apni jagah par ruka. Uske haath ki mutthi kass gayi. Jis se poore raajya ke apradhi darte the, aaj woh khud hi apne aap ko kamzor mehsoos kar raha tha.
Kintu, woh apni kamzori nahi dikha sakta tha. Abhi toh hargiz nahi.
Police karmi uske aas-paas hi maujood the. Kuchh radio par baat kar rahe the, toh kuchh nigraani ki footage check kar rahe the. Phone baj rahe the, keyboards khad-bada rahe the, aur Rohan andar se poori tarah se toot ke apne aap ko mazboot dikhaane ki koshish kar raha tha.
Usne ek gehri saans chhori.
Rohan : Pihu ko kuchh nahi hoga. Mein use kuchh nahi hone dunga. Hum use waapas laa ke rahenge.
Uski awaaz dheemi thi. Kuchh zyada hi dheemi. Trisha ne zor se apna sarr hilaaya.
Trisha : *sniff* R-Rohan!! Woh koi aam kidnapper nahi tha. *sniff* Woh serial killer tha...!!! *sniff*
Woh uth ke uske paas aayi aur uski baah ko kass ke thaam li. Uske nakhoon Rohan ki baah me gadd gaye.
Trisha : Kahi woh... Kahi woh... *sniff*
Woh apna vaakya bhi poora na kar saki. Rohan ne use thaama. Uski pakad mazboot thi lekin kathor nahi.
Rohan : Meri taraf dekho, Trisha!!!
Trisha ne apni aasuo se bheegi palke uthaayi.
Rohan : Hum use dhoondh lenge.
Trisha ne apna nichla honth itni zorr se kaata ki lagbhag woh ghayal hone ko ho gaya.
Trisha : A-Aur, agar hum nahi dhoondh paaye toh? *sniff* Agar kahi derr ho gayi toh?? *sniff* Mein jeete jee marr jaungi, Rohan!!! *hic* Mein marr jaungi Pihu ke bina...
Humesha nidar aur shaant rehne waali Trisha aaj itni dari hui thi. Ye woh dar tha jab ek maa se uski aulaad bichhad jaati hai.
Iss raat pehli baar, aaj Rohan ke paas bhi koi jawaab nahi tha. Unke beech ek khamoshi chhaa gayi. Sirf Trisha ki subakne ki awaaz hi waha kamre me goonj rahi thi jo aas-paas ke shor se bhi chhup na saki.
Police station toh unke chaaro orr ki gatividhiyo se gulzar tha. Ye ek prakar se yuddh ki ghoshna thi. DGP ki beti ka apharan hua tha. Kisme itni aukaat thi ki raajya ke DGP ki beti ko hi agwa kar le?
Tabhi, ek junior police officer unki orr daudate hue aaya.
Policeman : Sir, sabhi units ko tainaat kar diya gaya hai. Humne bhaagne ke sabhi mumkin maarg — airports, railway stations, bus terminals ko band kar diya hai. Duty par maujood har officer high alert par hai.
Rohan (nods) : Mujhe har 5 minute ke andar update chahiye. Koi galti nahi, koi deri nahi!
Policeman : Ji sir!
Usne salaam kiya aur tezi se baahar nikal gaya.
Magar, Trisha ke mann me kuchh aur hi chal raha tha.
Trisha : Hum inn sab me time kyu barbaad kar rahe hai, Rohan??? Mujhe baahar hona chahiye... Mujhe humari Pihu ko dhoondhna chaahiye udhar jaa ke aur hum idhar-
Rohan : Aur, kaha dhoondogi tum use? Kya tumhare paas koi lead hai???
Trisha (yells) : Kahi bhi dhoondungi. Par, mein haath par haath dhare yaha kaise baith sakti hu. *sniff* W-Woh humari bacchi ko le gaya, Rohan!! Humari apni bacchi. Eklauti bacchi!!! *sniff* Mein marr jaungi-!!! *sniff* Mein nahi jee paungi agar use kuchh-
"TRISHAAAA!!!!"
Rohan ki awaaz poore station me goonj uthi. Ek pal ke liye sab kuchh ruk gaya.
Aas-paas ke police karmi unhe dekhe, lekin kisi ne hastakshep karne ki himmat nahi ki.
Rohan : I need you to think.
Trisha ka gussa fir ubaal maara.
Trisha (yells) : MEIN SOCH RAHI HU, THEEK HAI??? Aur, sochne ke baad bhi mere andar sirf aur sirf meri bacchi ki tasveer mujhe nazar aa rahi hai. Use kaisa mehsoos hua hoga uss waqt... Mujhse bichhadte waqt... Wo kitna darr rahi hogi... Kaha hogi... Wo humara intezar kar rahi hogi... Aur, mein yaha haath par haath dhare bas khadi hu...!!! *sniff*
Rohan : Tum ek maa ke saath-saath ek police officer bhi ho, Trisha. Agar, tumne apna niyantran khoya, agar tumne koi galat qadam uthaaya, toh ek baat yaad rakhna... Uski keemat humari Pihu ko chukaani padegi.
Aur, ye shabd kisi tamaache ki tarah uss par aake lage.
Trisha ladkhadayi, aur Rohan ne use dheere se thaam liya. Ek maun vaada. Woh ek maa thi. Haan. Lekin, saath hi ek police officer bhi. Woh kamzor nahi pad sakti thi.
Trisha : Tumne theek kaha, Rohan!! I'm sorry!! I'm so sorry!!
Usne Rohan ka haath kass ke thaam liya. Aur, fir officers ki orr mud ke woh boli.
Trisha : Mujhe ghatna ke dauran maujood har ek shaks thaane me chahiye. Uss Madhuri aur Pranjal ko bhi poochh-taachh ke liye yaha leke aao. Uss poore area ke escape routes block karwa do. Har mod, har gali par pehra hona chahiye. Gharo me ghuso aur poochh-taachh karo. Talashi lo. Jo bann sakta hai karo.
Rohan ne uska ye roop dekh, sehmati me sarr hilaaya. Aur, woh khud yaha ki kamaan Trisha ke haatho me saunp, Pihu ko dhoondhne ke liye waha se nikal gaya.
Magar, andar hi andar woh khud ghabraya hua tha.
Kyunki, iss se koi farq nahi padta ki unke haath me kitni power thi — abhi toh woh dono sirf ek mata-pita the jo praarthna kar rahe the ki unki bitiya sahi salamat aur jeevit ho.
***
Carewell Hospital...
Nidhi, aspatal me ek bistar par laiti hui thi. Uske sarr par pattiyaan bandhi hui thi. Chehre ka rang peela tha aur honth sookhe. Uske haath se ek IV line judi hui thi jo ek taral padaarth uske shareer me pahucha rahi thi.
Nidhi ke parivar-jann doctor ke ird-gird hi khade the.
Doctor : Dekhiye! Humne ek mild sedative unhe diya hai taaki unki sthiti aur na bigad jaaye. Sarr par chot lagte waqt ek mild concussion hua hai unhe. Neurological assessment ho gaya hai aur abhi tak internal bleeding ke aise koi bhi sanket nazar nahi aaye hai. Ye achhi baat hai. Lekin... Dehydration bahut zyada hua hai. Shareer me jo essential electrolytes hote hai woh kaafi kam ho chuke hai. Yahi kaaran hai ki woh itni kamzor hai.
Doctor ki baatein Nidhi ke mata-pita ko samajh aayi ho ya na aayi ho, magar Shreya poori tarah se sab samajh chuki thi.
Ramandeep : T-Toh humari bitiya theek toh hai na???
Doctor (nods) : Haan! Abhi toh theek hai. Dekhiye, woh kaafi stress me thi. Physically bhi aur mentally bhi. Uske baad dehydration, exhaustion aur fir sarr par chot aur concussion. Isliye, hydration level restore karne ke liye humne unhe ek intravenous saline solution diya hai. Dard ke liye ek analgesic aur woh abhi rest kar sake uske liye ek mild sedative. Abhi unhe agar kisi cheez ki sabse zyada zaroorat hai toh woh hai araam.
Shreya kone me chup-chaap baithi thi, uske ghutne uski chhaati tak khiche hue the. Uske chehre se lagatar aansu beh rahe the. Unn sab ki nanhi Juhi laapata thi aur ab uski badi behan aspatal me behosh padi hui thi.
Uski bhabhi, Dipti ne uske kandhe par apne kaanpte hue haath ko rakha. Lekin, saantvna dene ke liye use koi shabd nahi mile. Akhir, kya keh sakti thi woh?
Nidhi ki maa, Hema chhote se Dhruv ko liye apni goad me jhula rahi thi, magar aankhein apni bitiya Nidhi par tiki hui thi. Juhi ka gham sabko bahut chot pahucha raha tha.
Hema : Doctor sahab! *sniff* Hosh me aate hi woh firse bhaagne ki koshish karegi.
Doctor : Isliye toh sedative diya gaya hai na.
Nidhi ka bada bhai, Ishaan bhi wahi tha.
Ishaan : J-Juhi!! Mein Juhi ko dhoondhne jaa raha hu. Police apna kaam karegi, lekin hume unke bharose bas nahi rehna chahiye.
Ramandeep : Haan beta! Sambhal ke!! Ya mein bhi chalta hu.
Ishaan : Nahi papa! Kisi gents ka yaha rehna zaroori hai. Mein jaata hu.
Shreya : Bh-Bhaiya mein bhi chalungi aapke saath. *sniff*
Ishaan : Nahi, Shreya!!! Dipti-
Usne apni patni ki orr dekha. Dipti uska ishaara samajh gayi.
Dipti : Shreya! Inhe jaane do. Humara yaha rehna zyada zaroori hai.
Kehte hue usne Shreya ko apne gale se laga liya. Aur, Shreya bilakh-bilakh ke rone lagi.
Hema ki pakad Dhruv par kisi kaaran mazboot ho gayi. Jaise ab use surakshit rakhne ki koshish kar rahi ho ki kahi Dhruv bhi unke paas se-
Juhi ki anupasthiti unke liye ghaav samaan thi. Kuchh bhi ab pehle jaisa nahi tha.
***
The Underground Lair…
Chhapaak ki awaaz ke saath Veer underground lair me kooda. Gehre dum ghotne waale andhere ne use poori tarah nigal liya. Neeche aedi tak paani bhara hua tha. Lekin, ye baat uski hairat ka kaaran nahi thi. Hairat ka kaaran thi yeh jagah.
Tracer ki madad se woh yaha tak pahucha tha aur ab use sab samajh aa chuka tha ki Police ab tak iss hatyaare tak kyu nahi pahuch paa rahi thi.
Ye underground lair… darasal… ek shamshan ke neeche thi.
Raat ke andhere me achhe se achha aadmi shamshan ke andar pravesh karne se kaanp uthata hai. Isme koi shaq nahi tha ki iss hatyaare ne yeh jagah kyu chuni thi.
Par, Veer ko abhi aur bade-bade jhatke lagne baaki the.
Idhar uska aagman hote hi, lair ke kendra me maujood uss paagal hatyaare ko iska pata lag gaya. Uske muh se jeebh laar tapkaate hue baahar nikli.
“The time has come… Ehe… Ehehe!!!”
Aur, Veer ke idhar ek qadam aage lete hi-
*Ding*
[‘Tracer’ has been nullified.]
[Juhi’s location is no longer available.]
‘What???’
Uske badan me ek sihran daud gayi. Tracer me dikh rahi Juhi ki location aur map dono hi achanak se gaayab ho chuke the. Uska poora shareer tanavgrast ho gaya. Andar ki hawa ghani, namm aur gandh se bhari hui thi.
'W-What's going on???'
[Master! Tracer ko nullify kar diya gaya hai.]
Pari ki ghabrati hui awaaz uske andar goonji.
‘Pari!! Y-Ye kaise-!?’
[I don’t know, Master! Sambhal ke please! It’s now clear! Ye ek system holder hai. Usne kuchh use kiya hoga jiski wajah se Tracer nullify ho gaya. Shayad use pata tha ki aapne Juhi pe tracer lagaya hai.]
‘What??? Ye kaise ho sakta hai? Tracer ke baare me use kaise-?’
[Hum ek system holder se bhid rahe hai. Anything is possible, Master! Please, be careful!]
‘Hmm!!!’
Veer ne qadam aage badhaaye. Paani uske perro se bhid ke idhar-udhar chhalak raha tha jo underground lair ke sannaate me bhaari shor paida kar raha tha. Jaise-jaise woh aage jaa raha tha, andhera aur badhta jaa raha tha. Dekhna uske liye mushqil hota jaa raha tha.
Aur, use Jaw Long se bhidant ke waqt praapt hui uss skill ka dhyaan aaya.
Aura Vision.
Veer jaanta tha ki usne Aura Vision ko upgrade nahi kiya tha. Woh jeevit cheezon ka aura toh dekh sakta tha magar jin cheezo me jaan nahi thi unhe woh nahi dekh sakta tha.
‘Pari! Kitne points available hai??’
[15000!]
‘Aura Vision ko upgrade karne ke liye kitne chahiye???’
[5000]
‘Upgrade kar do!’
[Are you sure?]
‘Yeah! Mein risk nahi le sakta. Aur, deri bhi nahi kar sakta. Juhi andar hi hai. Mujhe jald se jald waha pahuchna hoga iske pehle ki-’
*Ding*
[Aura Vision has been upgraded to Max.]
[Aura Vision is now activated.]
Skill ke activate hote hi poora vatavaran uski nazar me ek grayscale me dhal gaya. Humans ke liye aura ka rang blue tha. Plants ko darshaane ke liye green. Animals, birds, insects aur organisms ke liye ye yellow tha. Negative energy ko bhaapne ke liye black aur nonliving things ke liye brown.
Par, itna hi nahi… Ye sabhi color alag-alag shades me the jiske chalte Veer cheezon me bareeki se antar dekh paane me saksham tha.
Vision ke badhne se Veer ne ek pal bhi zaaya nahi kiya.
‘Let’s go!!!’
*Whooooossshhhh*
Chhap-chhap kar paani uske daudne se chhalakta gaya. Lair kisi underground tunnel ki bhaanti prateet ho rahi thi. Usne apni raftaar thodi dheemi ki. Dheere-dheere jhijhakte hue woh aage badha, uske joote keechad jaisi dharti me dhans rahe the. Magar, thoda andar aate hi uske qadam wahi tham gaye.
‘What the-!!??’
Saamne ka nazara itna khaufnak tha ki Veer ke badan ke rue khade ho gaye.
‘Urgh-!’
Usne apni aasteen upar kar apni naak ko apni baah se dhak liya. Lekin, badbu uski twacha, uske kapdo, uske fefdo me ghus rahi thi. Aankhein bhay ke maare feli aur dil ki dhadkane tez ho gayi. Deewaro par laasho ki kataare lagi hui thi, kuchh fati hui boriyo me lipti neeche dali thi, kuchh ke chithde ho rakhe the, kuchh ke ang ajeebo-gareeb dhang se mude hue the.
Vibhinn jaanvaro ke kate hue dhad, maans ke tukde, haddiya, andhruni ango ke chithde aur na jaane kya kya. Khoon aur gande paani ki gandh poori hawa me fel rakhi thi — sadte maans, mal-mootra, aur mrityu ka ek mishran.
Keede unn sadte maans par mandra rahe the, makkhiyaan ka bada sa jhund bhook se bhin-bhina raha tha. Aur, unke pankh dum ghotne waali shaanti me goonj rahe the.
Veer ko akbakayi si mehsoos hui aur Juhi ke baare me sochte hi uska shareer thanda pad gaya. Kis tarah ka khooni tha ye? Kahi Juhi bhi-?
‘Nahi!!’
Usne apne perro ko hilne ke liye majboor kiya. Uska ek perr fati hui boriyo me se nikal rahi kisi laash ki atadiyo par pada.
'Fuck!!!'
Usne uss bhayankar drishya ko paar kiya. Ek kata hua haath uske jooto se takraaya, jo paani ke upar hi terr raha tha.
Gati badhaate gye woh udhar se nikalte hi punah dang reh gaya. Alag-alag dishao me alag-alag maarg jaa rahe the. Kaun sa raasta sahi tha?
‘This is bad…! Mere paas inn sab ka samay nahi hai!!’
Use yakeen nahi ho raha tha ki underground lair itni badi hogi. Akhir, iska nirmaan kisne kiya? Ye kisi bhool-bhulaiyaan se kam nahi thi.
Pari ne bina uske poochhe hi 'Path Tracker' on kar diya. Kam se kam woh apna raasta toh nahi bhoolega jaha se woh aaya tha.
Woh aage badh hi raha tha jab uski perro ki neeche kuchh daba-
*Click*
Khatra mehsoos karte hi Veer ki aankhein darr ke maare chaudi ho gayi. Iske pehle ki uska dimag kuchh samajh paata ki kya ho raha hai, uska shareer apne aap pratikriya kar diya.
[Master-!!!]
Woh akasmat peechhe ko kooda aur uske koodate hi-
*Schling* *Schling* *Schling*
Paani ke andar neeche se nukeele lohe ke spikes tezi se upar aaye. Unme zung lagi hui thi, sookha khoon unn par chipak ke jamm chuka tha. Ek saboot ki pehle bhi iss se kisi insaan ki maut hui hai.
Agar, woh sahi samay par na hatata, toh woh spikes uske shareer me dhans chuke hote. Usne apne aap ko uss jagah par imagine kiya. Paseene ki ek boond uske maathe par se fisal gayi.
Aur, jaise hi woh khada hua-
*Swoosh* *Swoosh* *Swoosh*
Bayi orr se ghoomne waali blades ki ek kataar udti hui uska sarr dhad se alag karne ke liye tezi se aayi.
'Shit!!!'
Samay rehte hi usne bamushqil apne shareer ko moda, tez dhaar uske blazer ke kapde ko chhu kar nikli aur uska kuchh bhaag fatt kar alag ho gaya.
'Fucking hell...!'
[Master, there are traps. Hume savdhaan rehna hoga.]
Veer ki saansein tez hui. Kahi koi floor plate, kahi koi trip wire, kahi koi chhipa hua trigger. Har qadam par koi na koi khatra tha. Jisne bhi iss jagah ko banaya tha, usne logo ko maarne ke liye hi ye design ki thi.
Yeh sirf ek underground lair nahi thi.
Yeh ek slaughter house tha.
Aura Vision se use non living things dikh toh rahi thi, par inn traps ko trigger karne waale upkaran saare paani ke neeche maujood the. Unhe dekhne ke liye, paani ke andar muh dubona padta, jo Veer hargiz nahi karne waala tha.
Pari ki chetavni par woh iss baar savdhani se aage badha.
'J-Juhi!! Be safe!!!'
Uski aankhein aur jaal talaash rahi thi. Lekin, jaise-jaise woh aage badhta gaya, zameen par gandagi ghani hoti chali gayi aur hawa bhaari hone lagi.
Aur, fir... Use sunayi diya.
*Splish*
Ek qadam.
Paani ka chhapakna.
Koi tha.
Veer wahi jamm gaya. Magar, uska poora shareer high alert par tha. Usne suna.
*Splish*
Ek aur qadam.
Daayi orr se.
Uska sarr dhwani ki disha ki orr muda, lekin — kuchh nahi. Dur-dur tak kuchh nahi tha.
'Huh???'
Tabhi-
*Splish*
Iss baar baayi orr se.
Woh fir ghooma, magar — koi bhi nahi.
Uski saansein aur tez ho gayi. Achanak, uski line of sight ke baahar kuchh harqat hui. Use apni hi dhadkano ki awaaz sunayi de rahi thi.
Usne apni mutthi kasi, knuckles poore safed pad gaye.
Aur, tabhi-
Ek fusfusahat.
Aur, fir ek dheemi pagalpan waali hasi use sunaayi di.
"Ehe...!!!"
Woh yaha aa chuka tha.
Sannaata ghutan bhara tha. Veer shaant tha, aisa lag raha tha maano underground lair uske chaaro orr saans le rahi thi. Chhayaaye idhar se udhar ho rahi thi, maano use dekh rahi ho, intezar kar rahi ho. Tabhi-
*Swish*
Ek blade hawa ko cheerte hue aayi. Sahi samay par Veer ne apna sarr jhukaaya. Hathiyar uske chehre se ek inch ki duri se hoke guzra. Uske paas maatra ek second hi tha khud ko hataane ke liye jab-
*Whoosh*
Ek aur humla.
Woh bacha. Usne apne aap ko moda, uski pasliyaan marud ke reh gayi. Ek ke baad ek humla uski orr aaya, magar koi bhi nazar nahi aaya.
'Tch! Where the hell is he-!??'
"Ehehehehe~"
Wahi hasi ek baar fir hawa me goonj gayi.
'Enough of this...!'
Uski aankhein saamne ke raaste par tik gayi. Aur, fir use ek aakriti nazar aayi.
Andhere se woh aakriti baahar nikal kar aayi. Veer ne use dekha.
Lamba, patla shaks. Safed lambe baal, baahar ko aati aankhon ki putliyaan. Uska dhasa hua chehra ek bhayanak muskurahat me badal gaya. Uski jeebh ajeeb tarah se baahar nikli aur usne apne fatey hue hontho ko chaata.
'Check!!!'
*Ding*
[No information available.]
Woh sahi tha.
'System holder...!!!'
Ye wahi tha. Jiska sketch police dwara banwaya gaya tha.
Veer : Tum-!!! Tum hi ho woh serial killer. *frowns* Juhi kidhar hai???
Uski awaaz dheemi magar khatarnak thi.
Uss aadmi ne apna sarr jhukaya. Aur, fir woh hasa... Itni zor se hasa ki uski haivani hasi waha goonjne lagi.
"Ahahahahahahaha!!!"
?? : Tum... Tum akhir aa gaye... Ehe!!! Mein tumhara hi intezar kar raha tha...!!!
Veer thitak ke reh gaya.
Veer (frowns) : Kya matlab-!?
Woh aadmi muskuraya, aur kareeb aane laga. Uski ungliyaan utsaah me hil rahi thi. Uski jeebh baahar nikli maano jaise ki saanp ki tarah hawa ka swaad le rahi ho.
?? : Tum yaha... meri wajah se aaye ho... Ehehehehe...
[He might be playing mind games, Master. Uski baaton me mat aaiye.]
?? : Ehe... M-Mein hi tumhe yaha leke aaya... Ye sab... Plan tha... Ehehehe...
Veer ki reedh me sihran daud gayi.
'N-No! What the fuck is he talking about?'
?? : Murders to hone hi the... Ehehe... Mere experiments ka hissa... hehe... Magar, sirf wahi nahi... Tumhe yaha laane ke liye... Ahahahaha...
Veer ki kuchh samajh nahi aa raha tha. Ye paagal aadmi kya bole jaa raha tha?? Nahi! Ye sach nahi tha. Uski mulaqat toh iss psycho se pehle kabhi hui hi nahi thi. Fir, bhala woh kyu use-!?
?? : Eh... Tum confused ho... Hai na?? Don't worry... Mein tumhe bata deta hu... Hehe...
Veer : ???
?? (mutters) : Lure Path!!!! Hehehehe-!!!
Sunte hi Veer ke andar maujood Pari kaanp ke reh gayi.
[N-No-!!!]
'Huh?? Pari? Kya hua? Lure Path? Kya hai ye???'
Pari ne uske sawaal par seedhe hi jankari prastut kar di.
*Ding*
[Legendary Scroll : Lure Path
Description : A scroll that allows the user to lure a specific person. The scroll will generate a path which must be followed in order to lure a person. User must imagine the person he/she wants to lure in and scroll will then act upon itself.
Note : Can even lure a system holder.]
Padhte hi Veer ke raungte khade ho gaye. Ek aisa scroll jiski sahayta se kisi bhi vyakti ko apni territory me laaya jaa sakta tha.
Pehle Madhuri ke pita, Prabhakar ki hatya... Aur, fir use mission milna... Pune se hoke Lonavla tak aana... Aur, fir Juhi... Iska matlab... Ye sab kuchh ek plan ka hissa tha!?
Veer ke bhaav dekh uss paagal insaan ki muskaan aur badh gayi. Insaan toh uska target the hi... Parantu, sabse bada target uska tha — Veer!!!
Lure Path.
Isi ki kaaran Veer ko woh mission mila.
Veer : N-Noo-!! M-Magar, tumne mujhe kyu...
?? (screams) : Kyunki tumhari wajah se... maine apna target khoya tha... *growls* Tumhari wajah se...
Veer : Wh-What!?
Woh gurraaya. Uski aankhon me bhayanak gussa nazar aa raha tha.
?? : Tumhari wajah se... Sab tumhari wajah se... I was so close to my experiment... Eh... B-But... You... You took my target away from me...
Veer : !!??
?? : You took him away from me...!!!
One year ago,
Clark County Prison,
Las Vegas...
Laalach aur paap ke iss sheher me dhero shaitaan baahar ghoom rahe the. Magar, asli raakshas toh yaha Vegas ki jail me band baithe the.
Aur, ek aadmi holding block ke sabse andhere kone me baitha tha. Safed baal, dhansi hui aankhein, haivani muskaan.
Uski ungliyaan jail ke bars par bandhi hui thi. Woh kisi bhooke jaanvar ki tarah kisi ka intezar kar raha tha.
Aur, tabhi-
Deeware kaanp gayi. Ek visfot ne sannaate ko cheer diya, jis se poori imaarat hil ke reh gayi. Sirens ki awaazein goonjne lagi.
Woh aa chuka tha.
Crimson!!!
Yahi woh waqt tha jab Crimson ne jail se Jim the Slippery ko chhudhwaya tha.
Usne baaki bhaag rahe apraadhiyo ki orr dekha tak nahi. Dhua chhat raha tha aur uski nazar kisi orr cheez par thi.
Aur, fir usne dekha.
Ek paagal insaan. Crimson ke ghoorte hi uss paagal insaan ke badan me ek utsaah ki leher daud gayi. Jaise maano ek shikaari dusre shikaari ko pehchaan raha ho. Woh sahi tha.
?? : Ehe... Tum bhi... Tum bhi hum me se ek ho??? Ehehehehe... Mere patients... Ehe... Mein aaya...!!!
Kehte hue woh waha se bhaag nikla. Magar, jaise jaise woh bhaag raha tha. Woh apne peechhe Crimson ke aane ka intezar kar raha tha.
Akhir, sab kuchh usi ne toh racha tha.
Lure Path...!!!!
Jim the Slippery ka jail me jaana koi ittefaaq nahi tha. Uss paagal ne Lure Path ka istemal kiya tha.
Crimson ki jankari use Vegas me reh kar lag chuki thi. Aur, uska target wahi tha.
Jim the slippery ko jail pahuchana, Pitcher aur Nightwalker jaise apraadhiyo ko sakreeya karna — Ye sab uss paagal ka hi toh kiya dhara tha.
Idhar, usne Lure Path chalaaya aur udhar Crimson ko-
*Ding*
[Mission : Assemble the criminals — Jim, the slippery, The Nightwalker, The Pitcher.]
Bechare Crimson ko ye pata tak nahi tha ki use mission uss paagal ke Lure Path istemal karne ki wajah se mila tha.
Use lag raha tha ki woh Mr. X ke khilaaf ladne ke liye ek criminal squad bana ke underworld me apni taaqat badhayega magar, use iss baat ki bilkul bhanak nahi thi ki woh khud ko uss paagal system holder ki thaali me paros ke de raha tha.
Sab kuchh uss paagal system holder ke shadiyantra ki mutabik jaa raha tha jab achanak beech me ek naya variable kood ke aa gaya-
Veer...!!!
Uss paagal ko laga tha ki ab Crimson uska peechha karega. Aur, fir woh Crimson ko apna bandhi bana lega. Yahi toh kaaran tha jo usne khud ko bhi salaakho ke peechhe rakha tha. Woh jaanta tha ki Crimson Jim the slippery ko chhuraane aayega hi aayega.
Parantu, aisa na hua...
Veer ke aa jaane se, Crimson ka dhyaan Mr. X ki orr jaa chuka tha. Aur, jaha Crimson ko uss paagal ka peechha karna chahiye tha, usne aisa kuchh bhi nahi kiya.
Balki, woh Jim the slippery ke peechhe bhaaga. Antatah!? Uss paagal system holder ki tarqeeb naqamyab ho gayi.
Aur, uske baad-?
Crimson ki maut — Veer ke haatho.
Aur, ab yahi Lure Path Veer ke liye istemal ho chuka tha. Jaha Veer samajh raha tha ki woh killer ke nazdeek pahuch raha hai, magar asliyat me toh killer hi use apne paas bula raha tha. Yahi tha legendary scroll — Lure Path.
Iska bodh Veer ko apne upar kisi bhaari patthar ki tarah mehsoos hua.
Ye haal hi me mare log... Ye pattern... Hatyaare ko dhundhne ka mission...
Ek trap.
Veer ladkhadaya. Uski saansein ukhdi.
Jis qadar se woh Veer ko qadam dar qadam aage badha raha tha, ye koi sanyog nahi tha. Ye ek luring path tha.
Aur, ab use ehsaas hua. Itne log jo maare gaye the. Woh kahi na kahi uski hi wajah se maare gaye the. Woh nirdosh log... Madhuri ke pita... Yaha tak ki nanhi Juhi ka apharan.
Veer : Y-You-!!!
Uski awaaz kaanp uthi. Iss baar dar se nahi, balki gusse se.
Veer : Y-You killed them. Unn nirdosho ko tumne... Tumne maar daala!? Mujhe yaha laane ke liye...!?
?? : Ehehehehe!!! They didn't die... They became immortal after being a part of my experiment... hehehe... Their names will go down in history... Hihi...
Veer ka shareer akad gaya.
'M-Meri wajah se... Woh log... Juhi... Meri wajah se...!'
[Master!!!]
Use ab tak samajh nahi aa raha tha ki ye paagal akhir uske peechhe kyu pada tha. Bhala kis target ki baat kar raha tha woh?
Veer : You said I took your target... Who was it???
?? : Oh!! You don't remember??? Ehehehe... Yaad karo... Yaad karo...
Veer : *frowns*
?? (growls) : CRIMSON!!!
Naam sunte hi Veer ki aankhein fati ki fati reh gayi. Isme koi shaq nahi tha ki usi ne Crimson ko maut ke ghaat utaara tha.
Veer (shivers) : H-How? T-Tum kyu-!?
?? : Enough talk! My patience is running out... Time to kill... Ehehehehe...!!!
[Master, be ready.]
?? : Here I come!!!
*Whoooooooooooshhh*
Kehte hue woh ek jhatke me gaayab hua.
Aur, tabhi underground lair ke kendra me ek laboratory ke andar bandhi jaddo-jehed ke baad akhir kar apne muh se kapda hataane me saksham thi.
Kapda hatata hi uski zor se cheenkh nikli-
"Mummmaaaaaaa-!!!!!"
Jo poori underground lair me goonj uthi.
'Juhi!!!'
Juhi ki awaaz sunte hi Veer ke badan me raungte khade ho gaye. Parantu-
*Ding*
['Beowulf's Blessings' has been activated.]
Uski aankhein laal rang me dhal gayi. Woh paagal uski orr lapka.
*Swoooooooossshhhhhh*
Pehla vaar.
*Dodge*
Dusra vaar.
*Dodge*
Teesra vaar.
*Dodge*
Chautha vaar. Seedhe uske pait ki orr-
*Dodge*
Magar,
'Huh???'
*Craaaaackkkkkk*
'What???'
Uss paagal aadmi ka lohe ka staff Veer ke dono haatho se banaye defence ko chakna choor kar diya.
Aur, vaar aake seedhe uske pait me pada.
"Blurgh!!!"
Iske pehle ki woh sambhal paata-
*Ding*
[A curse has been applied on the host.]
[Master!!! Run-!!!]
'Wh-What????'
Kintu, Veer ko bhaagne ka mauka hi na mila jab-
Wahi staff aake seedhe uske daaye gaal par pada. Veer ka shareer hawa me uchhla aur jaise hi woh land karne waale tha-
*Whoosh* *Whoosh* *Whoosh*
Paagal system holder ne apna staff zorr se uski orr fek diya.
'Sh-Shit!!!'
Hawa ko cheerte hue staff gol-gol ghoomte hue uske sarr ki orr aa raha tha. Samay nahi tha. Veer ne majbooran hawa me rehte hue apne dono haath se block kar apne sarr ko bachaaya aur-
*Thud*
"Urgh!!!"
Staff itni zorr se uske haatho me aake laga ki use dard kass ke mehsoos hua. Lekin, jaise woh paagal pehle se hi jaanta tha ki Veer haatho se hi staff ko block karega.
Veer jaise hi land kiya, utni derr me woh paagal Veer ke theek muh ke saamne tha-
?? : Surprise... Ehehehe...
'Fuck!!!'
*Baaaammmmmmm*
Ek aur vaar. Seedhe Veer ki kanpati ki orr... Jise Veer ne punah apne haatho se block kiya.
Woh peechhe ki orr kooda.
Kintu, tabhi-
*DONG*
Ek alag si dhwani use apne andar sunayi di. Nahi! Ye notification ki awaaz nahi thi.
Awaaz itni zorr se aayi thi ki Veer ka poora badan hil ke reh gaya tha.
Aur, agle hi pal-
[N-No!! Master!!!]
Use apne mann me saamne nazar aaya-
*Ding*
['Beowulf's Blessings' is broken.]
Veer ki aankhein bhay ke maare fel gayi. Woh ghabraate hue uss paagal ko dekh raha tha. Uske honth apne aap khule-
"Wh-Who are you-!!?"
Aur, dusri orr se dheere se ek jawaab aaya-
"They call me... THE DISEMBOWLER!!!"
.
.
.
.
.
.
.
.
Aaj ke liye itna hi guys.
This update consists of 8.8k words.
Target apna wahi hai. 250+
Pahucha diyo araam se. Agle update me mein sab finish kar dunga. Ye fight agle update me samapt ho jayegi. Jaisa ki maine kaha tha do updates lagenge hi lagenge. Mera aadhe se zyada time Disembowler ki skills aur cards banaane me gaya hai. So, you can see it already. Upar se Garofano ka full system alag. That's why it takes so much time. Anyways, ab milte hai agle bhaag me.
Dhanyavad.
Update acha tha but bhai jo level mentane kiya hai tumne use thoda Mel nhi kar saka but superbUpdate - 194 ~ The Disembowler
Ab tak...
Neeche paani aedi tak bhara hua tha. Chhapaak ki awaaz ke saath Veer ki aankhein laal rang se chamak uthi.
Aur, udhar hi andar kahi... Uss paagal insaan ko Veer ke aane ka ehsaas ho gaya.
Woh haivani muskaan liye muskuraaya.
?? : Well... My food got delivered already. Ahahahahahaha!!! The main dish has come-!!! You will have to wait for a while, young ones. *Slurp* Ohhh!!! I'll come back soon. Don't worry!!! Ehehehehehehe!!! Yahahahahaha! Now... Shall we get started????
Ab aage...
Dhua... Aag... Khoon...
Barood ki gandh hawa me mandra rahi thi. Kabhi Hotel Prestige ki bhavya lobby — sunehre foolo ki sajavat se saji — ab ek yuddh kshetra me badal chuki thi. Toote hue kaanch, ukhda hua 'Yarnia' ka logo aur kuchh shav waha dale hue the.
Security guards farsh par pade the, unki uniforms gehre laal rang se ott-prot ho rakhi thi. VIPs apni security dwara waha se sahi salamat bach nikalne ke liye bhaag rahe the. Sabhi social media influencers, fashion enthusiasts, models waha se apni jaan bachaane ke liye faraar ho chuke the. Jitne mehmaan aaye the, unme se adhiktar peechhe ke darwaaze se bhaag chuke the. Arajakta badhti jaa rahi thi.
Aur, inn sab ke beecho-beech, Tej waha khadi hui thi — ekdum sthir.
Uska seena tezi se haafte hue upar-neeche ho raha tha. Woh abhi bhi Veer ke bol apne dimaag me sunn paa rahi thi — shaant, bharosemand, 'Yarnia' ki zimmedari use saunpte hue.
'Mein ye zimmedari aapko saunp raha hu, Teju di. Mujhe aap pe poora bharosa hai.'
Kintu, woh nakaam thi.
Yahi uska pal tha — yahi woh waqt tha. Woh kshan jab woh ek aisi behan bann ke dikha sakti thi jis par uska chhota bhai, Veer nirbhar ho sake. Woh behan jo uske saath kandhe se kandha mila ke khadi ho sake, mazboot aur atoot. Kamzor nahi. Asahaay nahi.
Fir bhi, akhir kya hua? Woh keval waha khadi bas sab kuchh ghatit hota dekhti reh gayi.
Woh ghumi, uski nazar neeche pade khoon se lathpath vyaktiyo par padi aur woh wahi jamm ke reh gayi.
Uske bagal se khadi Bhumika ka chehra bhi peela pad gaya, uske honth thar-tharaye par koi shabd baahar na aaye.
Iss taraf, Shweta ne kass ke Bhavna ki baah pakad li, uska samaanya ghamand kahi gaayab ho gaya — uski jagah sarasar, bhay aur aatank ne le li. Bhavna swayam, humesha ki tarah shaant, humesha ki tarah niyantran me, iss waqt jami khadi hui thi — uski aankhein kamre me neeche pade ek shareer par tiki hui thi.
Iss orr Arohi akad ke reh gayi thi, usne Kavya ki kalaayi ko itni kass kar pakda ki uski kalaayi safed ho kar reh gayi. Bechari Kavya ka muh sadme ke chalte khula reh gaya, uski humesha ki tarah chulbuli masoomiyat uske aas-paas ke narsanhaar se khatm ho gayi.
Arohi (shivers) : N-Nahi-!!! Nahi!!
Kavya (sobs) : D-Di!!? Didiiii-!!! Mummyyyyy-!!!!
Woh dono aage bhaagi. Magar, woh akeli nahi thi.
Parijaat ki aurtein.
Woh sab ek pal me aage aayi — ek saath, atoot nishtha aur maun krodh liye.
Suman (yells) : Saili... Aabha... Sonali...!!! Didi log ko baahar leke jao!! Abhi!!!!
Woh zor se chillaayi. Uska aadesh sunn teeno hi javaan ladkiyaan haami bhar baari-baari Tej, Arohi, Bhumika, sabhi ko ekatra kar woh unhe peechhe ke darwaze ki orr le jaane lagi.
Ishaara samajhte hi Varsha, Sudha, aur Mukta daudate hue Suman ke nazdeek aayi aur saath milke woh neeche pade vyakti ko uthaane lagi.
Suman (frowns) : Sudha!! Perr pakdo!! Araam se...!!! Mukta chalo!!! Udhar bhi-!!! Jaldi!!! Fatafat uthao.
Mukta ne wahi bichhe table clothes utha ke khoon behte hue ang par lapetna shuru kar diye.
Sudha : Didi, kh-khoon bahut...
Suman : Shhh!!!
Sudha ghabra rahi thi. Poori kamaan ab Suman sambhaal rahi thi. Dono vyaktiyo ko zameen par se uthaaya gaya.
Udhar bheetar pichhle darwaaze par Suhana poori tarah se bechain idhar se udhar tehel rahi thi.
Uske movements tez aur calculative the. Baahar lobby me golibaari ka ek aur daur chala jiske chalte wahi paas ki ek murti chaknachoor ho gayi.
Suhana : Exit secure rehni chahiye. VIPs jitne nikal rahe hai nikalne do, lekin mujhe Veer ki family jald se jald baahar sahi salamat chahiye.
Uncle Prakash (rushes) : Madam, situation abhi unstable hai aur-
Suhana (yells) : Mujhe pata hai...!!! Jitna kaha gaya hai utna kariye Uncle!!!
Uski oonchi awaaz sunn Uncle Prakash thoda jhep ke reh gaye. Woh tezi se mudi, usne hall me se Tej, Arohi, Kavya aur baakiyo ko aate dekha.
Suhana (nods) : Quick!! Jaldi!!
Tej ne use kuchh pal ghoora. Par, boli kuchh nahi. Unn sabki aankhon me aasu the. Sab barbaad ho chuka tha.
Tej (sobs) : V-Veer-!! *sniff*
'Kaha ho tum???'
Uske kandho ko thaamte hue Suhana ne use hosh me laaya.
Suhana : Snap out of it!!! Time nahi hai bilkul!!! Jaldi! Ambulance me jitne jann aa rahe hai utne baitho. Baaki log car me!! Uncle Prakash!! Car me sabhi ko bithwaiye.
Uncle Prakash : J-Ji madam!! Maine kuchh security guards andar bhej diye hai.
Suhana (nods) : Good!!
Uncle Prakash : P-Par, mein ek baar fir keh raha hu, madam. Aapko yaha rehne ki koi zaroorat nahi hai. Mein yaha hu aur sabhi ko sahi salamat pahucha dunga. Aap aur Sonia madam jaldi ghar jaiye. Agar, aap dono ko kuchh hua toh Sir pata nahi mera kya haal karenge. Isliye, jaiye-
Suhana : Kya kaha aapne??
Uncle Prakash thoda seham gaye. Yeh woh Suhana nahi thi jise woh jaante the — ek poori tarah professional businesswoman jisne kabhi kisi ladke ke liye iss qadar apni bhavnaaye vyakt nahi ki thi.
Lekin, Veer ne use badal diya tha.
Suhana : Aap chaahte hai ki mein yaha se bhaag jau? Aise time pe jab Veer ki family yaha khatre me hai??? Kya aapne dekha nahi ki abhi kya hua?
Uski awaaz waha goonj uthi. Uncle Prakash stabdh the. Unhone Suhana ko kabhi iss tarah se nahi dekha tha. Kabhi nahi.
Suhana : Jab tak mein unhe sahi salamat nahi pahucha deti, tab tak mein ghar nahi jaane waali.
Wahi kuchh dur khadi Sonia bhi uske nazdeek aayi.
Sonia : D-Di?? Y-Ye sab kya tha?? What just happened?? Gunshots... Bombing... Veer kaha hai?? What is going on??
Suhana : Sonu!!! Uncle aap Sonu ko leke jaiye yaha se.
Uncle Prakash : P-Par-
Suhana : Maine kaha na!!!
Sonia : What??? No way!!! Mein aapko akela chhor ke kahi nahi jaane waali.
Suhana : Sonu tum-
Sonia : Aapke orders Uncle par kaam kar sakte hai, di. Mujh par nahi. Aur, mein aapko bina yaha se liye kahi nahi jaane waali.
Suhana : Theek hai!! Toh, yahi peechhe hi rehna. Kisi ne planned attack karwaya hai. Koi 'Yarnia' ki launch ko target kar raha hai shayad? Ya fir koi kisi VIP ko maarne aaya tha??
Usne dekha ki andar se Suman kuchh aur aadmiyo ki madad dwara zakhmi parivar jann ko laa rahi thi. Ambulance se utre ladke bhi turant hi stretcher ki sahayata se unhe ambulance ke andar litaaye. Saath me parivar ke kuchh jann uss ambulance me sawaar ho gaye toh kuchh Suhana ki car me baith gaye. Aur, palak jhapakte hi woh sabhi waha se hospital ki orr ravana ho gaye.
Iss bhayanak drishya ka sadma agar kisi ko sabse gehra pada tha toh woh thi — Kaera, jo achanak hui iss ghatna se poori tarah se hil chuki thi. Uska badan kaanp raha tha. Kintu, uske bhay ka kaaran humla nahi tha.
Kaera (shivers) : B-Blood...!!!
Gaadha gehra laal khoon. Ye pehli baar nahi tha. Nidar, bejhijhak Kaera bhi akhir kisi cheez se darti thi aur woh tha — khoon. Uski sabse badi kamzori.
PTSD — ek mental health condition jo kisi atyant tanavpoorna ya bhayanak ghatna ke kaaran hoti thi — ya toh uska hissa hona, ya use spasht dekhna.
Woh pal...! Kaera ke puraane ghar par... Uss maali ki laash...!
Khoon... Slogan... Sab kuchh jaise use yaad aane laga. Puraani yaadein mastishk me mandraane lagi.
Uski saansein ukhadne lagi. Dil ki dhadkane achanak badh gayi.
*huff* *huff*
Mirror gallery... Uska agwa hona... Veer ka use bachaana... Uska ghaayal hona...
*huff* *huff* *huff*
Aur, achanak hi-
*Grasp*
Kaera : H-Huh!!?
Ek haath uske kandhe par aake use thaam liya. Woh mudi.
Kaera : K-Karan???
Karan, Kritika aur uske mata-pita ko baahar chhor ke aaya tha. Apni badi behan ki kamzori woh bhali bhaanti jaanta tha. Itne saalo baad use apni didi wapas mili thi. Woh dobara kaise use kho sakta tha?
Karan : Di!! Chaliye, mere saath. Yaha khatra hai.
Kaera : K-Karan!
Karan : Mein Raghu ke saath hospital jaa raha hu di. Veer ki family ke saath rahenge hum udhar. Aap Jassi ke saath ghar jaaiye. Ye jagah safe nahi.
Kaera : P-Par-
Ruchika : Karan Sir theek keh rahe hai, Miss. H-Hume jald se jald yaha se nikalna chahiye. Aap aisi condition me koi bhi rational decision nahi le payengi. It's better we let the men handle all of this.
Kaera : Par, V-Veer-!?
Karan (frowns) : Jab tak woh nahi aa jaata, yaha ki zimmedari meri bhi hai. Di! Aap ghar ki orr nikaliye.
Akhir kaar, Kaera ne haami bhari aur Jassi use waha se leke ravana ho gaya. Idhar Karan Raghu ke saath hospital ki orr ravana ho gaya.
Siren baje aur police ki kayi gaadiya waha ikhatta ho gayi. Ek ke baad ek police karmi apni-apni gun taane Hotel Prestige ko baahar se gher liye.
"Apne-apne hathiyaar fek do. Tum sab ko police ne chaaro orr se gher liya hai. Surrender kar do!!!"
Ek police officer ne announce karte hue kaha. Aur, golibaari waqai me tham gayi. Ahista-ahista police waale andar ki orr badhe. Balhaar ke aadmi bhi isme fas chuke the. Magar, woh jaante the ki jald hi unki bail karwaane ke liye madad aa hi jayegi.
Kuchh aur gaadiya aake dur ko ruki aur dhadalle se news reporters apne-apne cameraman ke saath waha coverage lene ke liye aa dhamke.
Jo jagah kuchh der pehle bade-bade VIPs se bhari hui thi, ab woh police aur media reporters se bhar chuki thi.
"Jaisa ki aap dekh sakte hai, hum iss waqt Hotel Prestige ke theek baahar se live hai. Khabar ke anusaar abhi yahi kaha jaa raha hai ki koi terrorist attack hua hai. Iss baat me kitni sacchaayi hai ye abhi dekhna baaki hai."
Ek mahila reporter ne Hotel se duri banaaye rakhte hue apna microphone pakad kar haafte hue sab varnan kiya.
"Goli-baari, bhayanak visfot, aur poori tarah se tabahi mach rakhi hai yaha. Yaha par 'Yarnia' ek clothing brand ka launch hone waala tha magar palak jhapakte hi sab kuchh tehes-nehes ho gaya."
Usne aage badhne ki koshish ki magar police ne use turant hi andar jaane se mana kar diya.
"Aap dekh sakte hai ki mujhe abhi bhi andar jaane nahi diya jaa raha hai. Aur... Aur, police ne shayad shooters ko daboch liya hai. Shooters ne surrender kar diya hai. Unhe police jeep me bitha ke le jaaya jaa raha hai."
Cameraman ne camera focus karte hue drishyo ko dikhaane ki koshish ki, lekin punah officers ne unhe andar ke drishyo ko dikhaane se mana kar diya.
Andar se shavo ko ambulance ke andar karwaya jaa raha tha. Aur, jaise hi ye sab hua, reporters microphone hathiyaar ki tarah liye police karmiyo ke paas pahuch gaye.
Reporter : Sir! Sir!! Humne abhi abhi dekha ki ambulance me kinhi logo ko le jaaya gaya. Kya hatya hui hai yaha?? Kitni sankhya hai?
Officer jo apni rifle liye wahi khada hua tha, usne jawab dene se pehle ek gehri saans li.
Officer : Dekhiye, iss samay hum koi bhi spasht sankhya jaari nahi kar sakte. Lekin, haan casualty hui hai. Situation ab control me hai aur jald hi official statement jaari kar diya jayega.
Reporter 2 : VIPs bhi yaha aaye the. Kya unme se kisi ko koi chot pahuchi hai??? Kya unhe koi muskan pahuchaya gaya hai??
Officer : Dekhiye, hum abhi bhi ghayal logo ka aaklan kar rahe hai. Jaha tak meri jankaari hai, sabhi VIPs sahi salamat aur surakshit evacuate karwa diye gaye hai. Lekin, hum abhi spasht roop se har kisi ka khulasa nahi kar sakte.
Lekin, media sirf police ke bayaano se santusht nahi thi. Asli sona toh gawaho ke paas tha.
Aur, tabhi peechhe ke gate se ek VIP nikal ke aaya. Uska pehnava poora ast-vyast ho rakha tha. Sadme ke chalte bechaare ka chehra peela pada hua tha. Patrakaro ki ek leher uski orr aise jhapti jaise maano shikaari khoon ki gandh soongh ke uss orr daud rahe ho.
Reporter : Sir!!! Sir!! Kya aap bata sakte hai ki andar kya hua???
Uss aadmi ne apna maatha pochha, uski saansein abhi bhi ukhdi hui thi. Jab usne apne vichaaro ko ikhatta karne ki koshish ki toh uske haath kaanpne lage.
VIP : Tabaahi...!!! Poora pagalpann!! Ek pal, hum sab celebrate kar rahe the. Agle hi pal... Ek zordar blast hua aur fir goliyaan chalne lagi. Har jagah!!! Ek do logo ko maine girte hue bhi dekha. *huff* *huff* Khoon hi khoon...!!!
Reporters aur jhuke, uske har shabd ko camera me qaid karne ki koshish kar rahe the.
Reporter 2 : Kya kya dekha aapne waha? Thoda aur vistaar se bata sakte hai??
VIP : L-Log chilla rahe the, har disha me bhaag rahe the. Maine dekha ki... Kayi saare aadmi guns liye lobby me achanak se ghuse aur goliyaan chalaane lage. Kuchh ko maine goliyaan lagte hue dekha. *huff* M-Mein apni jaan bachaane ke liye peechhe bhaag gaya fir.
Reporter 3 : Aapko kya lagta hai? Kaun ho sakta hai iss humle ke peechhe?
VIP : M-Mujhe kuchh nahi pata. Sab kuchh tezi se hua. Aur, hum bas bhaag rahe the.
Reporter 1 : Kya koi suraksha chook hui thi? Ye humlavar andar kaise aaye?
VIP (shivers) : M-Mujhe nahi pata. Mein toh bas ek guest tha, theek hai? Mujhe koi jankaari nahi hai ki woh log andar kaise aaye, kisne unhe andar kiya. Lekin, itna zaroor hai ki woh sab poore prepared the. Ye koi random hamla nahi tha.
Reporters ki bheed me ek sannaata chhha gaya.
Yeh koi random hamla nahi tha.
Patrakaro ne ek-dusre ko dekha. Woh jaanta the iss bayaan ka kitna wazan tha.
Reporter 1 : Aur, koi jankaari???
VIP : Ab sab police karegi. CCTV me zaroor unhe mil jayega. *huff* Mein ab aur jawab nahi de sakta. H-Hatiye!! M-Mujhe jaana hai.
Media ko ek kahani mil chuki thi. Palak jhapakte hi uss VIP ka bayaan poore news channels me prasarit ho gaya. Dekhte hi dekhte ye breaking news ab ek national news bann chuki thi.
Udhar ghar par Brijesh ne jaise hi samachar dekhe toh uska sarr chakra gaya. Woh bhay ke maare utha, aur bina koi pal gawaaye hotel ki orr bhaaga.
***
Hotel Prestige ke theek saamne uss khandahar waali imaarat ki chhat par Dexter ki laash dali hui thi.
Kuchh derr pehle woh bhaagne ki koshish kar raha tha jab achanak hi-
*Splurt*
"Urgh!!!"
Ek nukeeli blade aake uske seene ko cheer gayi.
Ek rear surprise attack.
Blade seedhe uske dil ko cheer ke baahar nikli thi. Use kuchh samajhne ka samay hi na mila. Na hi woh kuchh bol paaya aur na hi apne humlavar ko dekh paaya.
Aankhon ke saamne andhera chhaaya aur uska shareer zameen par girte hi thandi laash me badal gaya.
*Schling*
Blade ko nikaalte hue ek yuvti ne neeche padi Dexter ki laash ko ghoora. Uske mann me kya tha koi nahi jaanta tha.
Tabhi-
*Thud*
Neeche se aayi Ava ne dhadalle se darwaza khola. Saamne khadi yuvti ko dekh woh chaunki. Magar, bullet apna kaam kar rahi thi.
Ava sirf blood loss ki wajah se kamzor nahi hui thi. Uska kaaran tha — Poison.
Ek poison pallet jo bullet ki core me thi. Shareer ke andar jaate hi zeher ne apna kaam karna shuru kar diya tha. Yeh koi aisa-waisa zeher nahi tha.
Sarin (military designation GB) ek aisa nerve agent tha jo chemical warfare agents me sabse zehreela maana jaata tha. Na hi iska koi swaad hota tha aur na hi koi gandh. Sarin ke sampark me aate hi kuchh hi minto me ek insaan ki maut ho sakti thi.
Aur, isliye Ava itni zyada kamzor pad chuki thi. Uske andar Lily apni poori koshish kar ke zeher ko felne se rok rahi thi. Toh wahi, Healing Factor ki madad se Ava ka shareer naya khoon poori raftaar se banaata jaa raha tha taaki Red blood cells blood loss ki kami ko poora kar sake, white blood cells Sarin se ladte rehne ke baad immunity bana le. Aur, platelets ghaav ko bhar sake.
Ye ekmaatra poison bullet thi Dexter ke paas jo usne Tej ke upar chalaayi thi. Agar, aaj Ava waha na hoti toh Tej ki mrityu sunishchit thi.
Uske qadam ladkhadaye aur woh sarr ke bal peechhe girne hi waali thi jab uske saamne khadi yuvti palak jhapakte uski orr aayi aur use girne se bacha li.
Ava behoshi me chali gayi. Aur, tabhi-
"Shebaaaaaaa!!!!!"
*Keaaaaaarrrrrrrr*
Ek badi si aakriti upar aasmaan se neeche aayi. Dhamm se chhat par uske qadam padte hi poora chhat kampan kha ke reh gaya.
Upar hawa me ek baaj udta hua neeche aaya aur Dexter ke mrat shareer par jaa baitha. Apni nukeeli chonch se woh uske murda shareer ko noch ke ukhaadne laga aur use wahi kachha chabaane laga.
Uss yuvti ne Ava ko pakde hue bagal waali imaarat se chhalang laga kar aaye uss shaks ko dekha. Aur, fir bauhe kasste hue boli.
"It's a poison. Mujhe jald se jald treatment karna hoga."
Aur, ye koi aur nahi, Garofano hi thi. Aur, uske saamne khada woh shaks — Renshu.
'Yarnia' ka bhavya launch ho aur Veer unhe aamantran na de? Aisa kahi ho sakta tha? Woh sabhi abhi kuchh derr pehle hi India aaye the. Neeche se car se jab unhone Ava ko road cross kar bhaagte dekha toh unhe samajhne me derr na lagi ki kuchh gadbad thi.
Agle hi pal ek aur aakriti bagal waali imaarat se kood ke unki chhat par land ki.
Erica!!!
Erica : K-Kya hua? Urgh!! Sheba!!! Don't you dare eat human meat!!!
Woh uss par zorr se barsi. Magar, Sheba apni mundi hilaaye wapas se Dexter ke maans ko nochne me lag gaya. Renshu chhat ki edge tak gaya. Use neeche se saara manzar nazar aa raha tha.
Renshu : Police aa chuki hai. Yaha se nikalna padega.
Garofano : Laash ka kya??
Renshu : Rehne do. Waise bhi tumhe koi trace nahi kar payega. Tumne Erica ko chakma diya tha. Toh, ye police tumhare liye kya cheez hai?
Garofano : Hmph! Mujhe jagah chahiye. Treatment ke liye. Bullet nikaalni hogi. I think iske paas koi poison resistant skill ya card nahi hai. Aur, isliye... Ye behosh ho chuki hai. Andar system poison ko felne se rok raha hoga. I can give her an antiserum. That will make things better.
Uska aagman ekdum sahi samay par hua tha. Yohana's Scalpel, uska card — jiski madad se woh Ava ki surgery asaani se kar sakti thi.
'Freya!!! Full Status!!!'
*Ding*
Mastishq me turant hi full status ki do window uske saamne khul gayi.
Scroll me uske paas Antiserum tha. Fame points bhi uske paas kaafi maatra me the. Ava par antiserum ka istemal karne ke baad use jald se jald kuchh aur antiserum bana ke rakhne honge. Woh jaanti thi ki aane waale samay me kuchh bhi ho sakta hai. Taiyaari jitni zyada ho, utna behtar tha.
Renshu : Humari priority hai Veer se milna. Par, dekh ke lag nahi raha ki woh yaha par hai. Tumhare paas koi skill hai? Jis se Veer ka pata lagaya jaa sake?
Garofano : Nahi!!
Garofano ke paas aisi koi skill nahi thi. Renshu ne use kuchh pal ghoor ke dekha.
Garofano : What?? Iss tarah se dekhne ki zaroorat nahi hai. Mein sach keh rahi hu. Agar, hoti toh mein kab ka istemal kar chuki hoti.
Renshu (sighs) : Mere paas bhi nahi hai.
Iss baar Garofano ne use ghoor ke dekha. Renshu ne badle me koi jawab na diya.
Woh sab nahi jaante the ki Ava hi ekmaatra thi jiske paas Veer ko track karne ki koi skill thi — Death Flag!!!
Ava ne saari skills unhe nahi bataayi thi. Ye baat sirf aur sirf Veer jaanta tha ki agar koi use trace kar sakta tha, toh woh sirf Ava thi. Lekin, filhal woh behosh thi.
Erica chup-chaap chalte hue Ava ke nazdeek aayi. Jhukte hue usne Ava ko gaur se dekha. Ek pal ke liye use wo drishya yaad aa gaye jab Ava uske theek saamne ek deewar bann ke khadi hui thi, Jaw Long se bachaane ke liye.
Veer uski goad me ghayal pada hua tha aur Ava unn dono ko protect kar rahi thi.
Erica : Dad!!?
Woh achanak boli.
Renshu (glances) : Hmm?
Erica : Can we trust her???
Use apne pita ke bol yaad the. Ava ne hi Veer ko dhoka diya tha.
'Erica!!! Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'
Parantu, Jaw Long se bhidant ke baad Erica ke mann me Ava ki chhavi me parivartan aa chuka tha. Kya yeh waqai wahi ladki thi jisne Veer ko dhoka diya tha? Kya uss par bharosa kiya jaa sakta tha??
Renshu : Agar, abhi ki situation ke hisaab se dekhe. Toh, mujhe nahi lagta ki woh humare khilaaf hai. Woh bullet zaroor use kisi ko protect karte waqt lagi hogi. Toh hum ye anuman laga sakte hai ki woh humaare side hai. Filhal!!!
Erica : Par, aap hi ne kaha tha na ki kabhi Natalia Martin par bharosa mat karna!?
Renshu (nods) : Hmm! Kaha tha. Aur, uss baat ko abhi bhi mat bhoolna. Lekin, filhaal ke liye. Jaise halaat hai... Mujhe nahi lagta ki woh koi shadyantra rach rahi hai.
Erica : Mm! Okay!
[Oh, are you getting jealous my girl?]
'What?? Shut up, Genie!!! Mein kyu jealous houngi bhala?'
[Ye jaante hue ki yeh Ava Veer ke dil me apni jagah bana rahi hogi??? Hmm??]
'Shut up! Hmph! Aisa kuchh bhi nahi hai. Mujhe kya lena-dena unki love story se?'
[Fufu~ Well, I'll believe you. For now at least.]
Renshu (looks down) : Police yaha aa rahi hai. Erica!!!
Erica (nods) : Samajh gayi, dad!! Kaha par milna hai?
Renshu : Parking me...!
Aur, agle hi kshan-
*Whoosh*
Erica waha se gaayab ho gayi. Woh jaanti thi use kya karna tha.
'Veer!!! Kaha ho tum?'
[See? Mein sahi thi.]
'Ahhh!!! Genie!!! *blushes* Stop reading my mind.'
[Hehe!]
Nazro se bachte hue Erica andhere me Hotel Prestige ke nazdeek pahuchi. Uska yaha aane ka ek hi uddeshya tha-
'Basic Seer Vision!!!'
*Ding*
Skill activate hui aur chand pal pehle ki yaha hui sabhi ghatnaaye uske dimaag me drishya bann ke aane lagi.
Uske maathe par silvatein chhaa gayi. Dimag par zorr pad raha tha. Yeh pehli baar tha jab usne iss skill ka istemal kiya tha. Jaw Long se ladayi ke dauran Veer ko safeguard karne ka mission poora karne par use ye skill reward ke roop me praapt hui thi. Aur, aaj uska sahi upyog karne ka samay aa chuka tha.
***
Mumbai Police Headquarters,
Night - 9:30 PM ~
Trisha kaanp rahi thi. Kuchh hi palo me kya se kya ho gaya tha. Use apne andar ghutan si mehsoos ho rahi thi.
Uski beti, Pihu jaa chuki thi.
Apharan. Lekin, koi aam apharan nahi. Ye woh tha. Wahi killer jiska khauf poore raajya me fela hua tha.
Iss vichaar maatra se hi ki uski beti uss hatyaare dwara utha li gayi hai, Trisha ka badan jhatka kha kar reh gaya.
“Trisha!”
Ek dridh awaaz uske bhay ko cheerte hue kamre me aayi. Uska pati, Rohan andar ghusa aur uski aankhein apni patni par tik gayi. Trisha uski orr mudi. Uske honth thar-thara rahe the.
Trisha : R-Rohan!!! *sniff* M-Mujhe maaf kar do...!!! *sniff* Sab meri galti hai. Na mein apna dhyaan Pihu par se hataati, na woh baahar jaati aur- *sniff* Aur, na ye sab hota. *sniff* Sab meri galti hai. *hic*
Rohan ko sab kuchh gyaat tha. Aur, isliye usne poori police force uss serial killer ko pakadne me laga di thi. Udhar Hotel Prestige me alag humla ho chuka tha. Ek force waha bhi bhej di gayi thi.
Woh apni jagah par ruka. Uske haath ki mutthi kass gayi. Jis se poore raajya ke apradhi darte the, aaj woh khud hi apne aap ko kamzor mehsoos kar raha tha.
Kintu, woh apni kamzori nahi dikha sakta tha. Abhi toh hargiz nahi.
Police karmi uske aas-paas hi maujood the. Kuchh radio par baat kar rahe the, toh kuchh nigraani ki footage check kar rahe the. Phone baj rahe the, keyboards khad-bada rahe the, aur Rohan andar se poori tarah se toot ke apne aap ko mazboot dikhaane ki koshish kar raha tha.
Usne ek gehri saans chhori.
Rohan : Pihu ko kuchh nahi hoga. Mein use kuchh nahi hone dunga. Hum use waapas laa ke rahenge.
Uski awaaz dheemi thi. Kuchh zyada hi dheemi. Trisha ne zor se apna sarr hilaaya.
Trisha : *sniff* R-Rohan!! Woh koi aam kidnapper nahi tha. *sniff* Woh serial killer tha...!!! *sniff*
Woh uth ke uske paas aayi aur uski baah ko kass ke thaam li. Uske nakhoon Rohan ki baah me gadd gaye.
Trisha : Kahi woh... Kahi woh... *sniff*
Woh apna vaakya bhi poora na kar saki. Rohan ne use thaama. Uski pakad mazboot thi lekin kathor nahi.
Rohan : Meri taraf dekho, Trisha!!!
Trisha ne apni aasuo se bheegi palke uthaayi.
Rohan : Hum use dhoondh lenge.
Trisha ne apna nichla honth itni zorr se kaata ki lagbhag woh ghayal hone ko ho gaya.
Trisha : A-Aur, agar hum nahi dhoondh paaye toh? *sniff* Agar kahi derr ho gayi toh?? *sniff* Mein jeete jee marr jaungi, Rohan!!! *hic* Mein marr jaungi Pihu ke bina...
Humesha nidar aur shaant rehne waali Trisha aaj itni dari hui thi. Ye woh dar tha jab ek maa se uski aulaad bichhad jaati hai.
Iss raat pehli baar, aaj Rohan ke paas bhi koi jawaab nahi tha. Unke beech ek khamoshi chhaa gayi. Sirf Trisha ki subakne ki awaaz hi waha kamre me goonj rahi thi jo aas-paas ke shor se bhi chhup na saki.
Police station toh unke chaaro orr ki gatividhiyo se gulzar tha. Ye ek prakar se yuddh ki ghoshna thi. DGP ki beti ka apharan hua tha. Kisme itni aukaat thi ki raajya ke DGP ki beti ko hi agwa kar le?
Tabhi, ek junior police officer unki orr daudate hue aaya.
Policeman : Sir, sabhi units ko tainaat kar diya gaya hai. Humne bhaagne ke sabhi mumkin maarg — airports, railway stations, bus terminals ko band kar diya hai. Duty par maujood har officer high alert par hai.
Rohan (nods) : Mujhe har 5 minute ke andar update chahiye. Koi galti nahi, koi deri nahi!
Policeman : Ji sir!
Usne salaam kiya aur tezi se baahar nikal gaya.
Magar, Trisha ke mann me kuchh aur hi chal raha tha.
Trisha : Hum inn sab me time kyu barbaad kar rahe hai, Rohan??? Mujhe baahar hona chahiye... Mujhe humari Pihu ko dhoondhna chaahiye udhar jaa ke aur hum idhar-
Rohan : Aur, kaha dhoondogi tum use? Kya tumhare paas koi lead hai???
Trisha (yells) : Kahi bhi dhoondungi. Par, mein haath par haath dhare yaha kaise baith sakti hu. *sniff* W-Woh humari bacchi ko le gaya, Rohan!! Humari apni bacchi. Eklauti bacchi!!! *sniff* Mein marr jaungi-!!! *sniff* Mein nahi jee paungi agar use kuchh-
"TRISHAAAA!!!!"
Rohan ki awaaz poore station me goonj uthi. Ek pal ke liye sab kuchh ruk gaya.
Aas-paas ke police karmi unhe dekhe, lekin kisi ne hastakshep karne ki himmat nahi ki.
Rohan : I need you to think.
Trisha ka gussa fir ubaal maara.
Trisha (yells) : MEIN SOCH RAHI HU, THEEK HAI??? Aur, sochne ke baad bhi mere andar sirf aur sirf meri bacchi ki tasveer mujhe nazar aa rahi hai. Use kaisa mehsoos hua hoga uss waqt... Mujhse bichhadte waqt... Wo kitna darr rahi hogi... Kaha hogi... Wo humara intezar kar rahi hogi... Aur, mein yaha haath par haath dhare bas khadi hu...!!! *sniff*
Rohan : Tum ek maa ke saath-saath ek police officer bhi ho, Trisha. Agar, tumne apna niyantran khoya, agar tumne koi galat qadam uthaaya, toh ek baat yaad rakhna... Uski keemat humari Pihu ko chukaani padegi.
Aur, ye shabd kisi tamaache ki tarah uss par aake lage.
Trisha ladkhadayi, aur Rohan ne use dheere se thaam liya. Ek maun vaada. Woh ek maa thi. Haan. Lekin, saath hi ek police officer bhi. Woh kamzor nahi pad sakti thi.
Trisha : Tumne theek kaha, Rohan!! I'm sorry!! I'm so sorry!!
Usne Rohan ka haath kass ke thaam liya. Aur, fir officers ki orr mud ke woh boli.
Trisha : Mujhe ghatna ke dauran maujood har ek shaks thaane me chahiye. Uss Madhuri aur Pranjal ko bhi poochh-taachh ke liye yaha leke aao. Uss poore area ke escape routes block karwa do. Har mod, har gali par pehra hona chahiye. Gharo me ghuso aur poochh-taachh karo. Talashi lo. Jo bann sakta hai karo.
Rohan ne uska ye roop dekh, sehmati me sarr hilaaya. Aur, woh khud yaha ki kamaan Trisha ke haatho me saunp, Pihu ko dhoondhne ke liye waha se nikal gaya.
Magar, andar hi andar woh khud ghabraya hua tha.
Kyunki, iss se koi farq nahi padta ki unke haath me kitni power thi — abhi toh woh dono sirf ek mata-pita the jo praarthna kar rahe the ki unki bitiya sahi salamat aur jeevit ho.
***
Carewell Hospital...
Nidhi, aspatal me ek bistar par laiti hui thi. Uske sarr par pattiyaan bandhi hui thi. Chehre ka rang peela tha aur honth sookhe. Uske haath se ek IV line judi hui thi jo ek taral padaarth uske shareer me pahucha rahi thi.
Nidhi ke parivar-jann doctor ke ird-gird hi khade the.
Doctor : Dekhiye! Humne ek mild sedative unhe diya hai taaki unki sthiti aur na bigad jaaye. Sarr par chot lagte waqt ek mild concussion hua hai unhe. Neurological assessment ho gaya hai aur abhi tak internal bleeding ke aise koi bhi sanket nazar nahi aaye hai. Ye achhi baat hai. Lekin... Dehydration bahut zyada hua hai. Shareer me jo essential electrolytes hote hai woh kaafi kam ho chuke hai. Yahi kaaran hai ki woh itni kamzor hai.
Doctor ki baatein Nidhi ke mata-pita ko samajh aayi ho ya na aayi ho, magar Shreya poori tarah se sab samajh chuki thi.
Ramandeep : T-Toh humari bitiya theek toh hai na???
Doctor (nods) : Haan! Abhi toh theek hai. Dekhiye, woh kaafi stress me thi. Physically bhi aur mentally bhi. Uske baad dehydration, exhaustion aur fir sarr par chot aur concussion. Isliye, hydration level restore karne ke liye humne unhe ek intravenous saline solution diya hai. Dard ke liye ek analgesic aur woh abhi rest kar sake uske liye ek mild sedative. Abhi unhe agar kisi cheez ki sabse zyada zaroorat hai toh woh hai araam.
Shreya kone me chup-chaap baithi thi, uske ghutne uski chhaati tak khiche hue the. Uske chehre se lagatar aansu beh rahe the. Unn sab ki nanhi Juhi laapata thi aur ab uski badi behan aspatal me behosh padi hui thi.
Uski bhabhi, Dipti ne uske kandhe par apne kaanpte hue haath ko rakha. Lekin, saantvna dene ke liye use koi shabd nahi mile. Akhir, kya keh sakti thi woh?
Nidhi ki maa, Hema chhote se Dhruv ko liye apni goad me jhula rahi thi, magar aankhein apni bitiya Nidhi par tiki hui thi. Juhi ka gham sabko bahut chot pahucha raha tha.
Hema : Doctor sahab! *sniff* Hosh me aate hi woh firse bhaagne ki koshish karegi.
Doctor : Isliye toh sedative diya gaya hai na.
Nidhi ka bada bhai, Ishaan bhi wahi tha.
Ishaan : J-Juhi!! Mein Juhi ko dhoondhne jaa raha hu. Police apna kaam karegi, lekin hume unke bharose bas nahi rehna chahiye.
Ramandeep : Haan beta! Sambhal ke!! Ya mein bhi chalta hu.
Ishaan : Nahi papa! Kisi gents ka yaha rehna zaroori hai. Mein jaata hu.
Shreya : Bh-Bhaiya mein bhi chalungi aapke saath. *sniff*
Ishaan : Nahi, Shreya!!! Dipti-
Usne apni patni ki orr dekha. Dipti uska ishaara samajh gayi.
Dipti : Shreya! Inhe jaane do. Humara yaha rehna zyada zaroori hai.
Kehte hue usne Shreya ko apne gale se laga liya. Aur, Shreya bilakh-bilakh ke rone lagi.
Hema ki pakad Dhruv par kisi kaaran mazboot ho gayi. Jaise ab use surakshit rakhne ki koshish kar rahi ho ki kahi Dhruv bhi unke paas se-
Juhi ki anupasthiti unke liye ghaav samaan thi. Kuchh bhi ab pehle jaisa nahi tha.
***
The Underground Lair…
Chhapaak ki awaaz ke saath Veer underground lair me kooda. Gehre dum ghotne waale andhere ne use poori tarah nigal liya. Neeche aedi tak paani bhara hua tha. Lekin, ye baat uski hairat ka kaaran nahi thi. Hairat ka kaaran thi yeh jagah.
Tracer ki madad se woh yaha tak pahucha tha aur ab use sab samajh aa chuka tha ki Police ab tak iss hatyaare tak kyu nahi pahuch paa rahi thi.
Ye underground lair… darasal… ek shamshan ke neeche thi.
Raat ke andhere me achhe se achha aadmi shamshan ke andar pravesh karne se kaanp uthata hai. Isme koi shaq nahi tha ki iss hatyaare ne yeh jagah kyu chuni thi.
Par, Veer ko abhi aur bade-bade jhatke lagne baaki the.
Idhar uska aagman hote hi, lair ke kendra me maujood uss paagal hatyaare ko iska pata lag gaya. Uske muh se jeebh laar tapkaate hue baahar nikli.
“The time has come… Ehe… Ehehe!!!”
Aur, Veer ke idhar ek qadam aage lete hi-
*Ding*
[‘Tracer’ has been nullified.]
[Juhi’s location is no longer available.]
‘What???’
Uske badan me ek sihran daud gayi. Tracer me dikh rahi Juhi ki location aur map dono hi achanak se gaayab ho chuke the. Uska poora shareer tanavgrast ho gaya. Andar ki hawa ghani, namm aur gandh se bhari hui thi.
'W-What's going on???'
[Master! Tracer ko nullify kar diya gaya hai.]
Pari ki ghabrati hui awaaz uske andar goonji.
‘Pari!! Y-Ye kaise-!?’
[I don’t know, Master! Sambhal ke please! It’s now clear! Ye ek system holder hai. Usne kuchh use kiya hoga jiski wajah se Tracer nullify ho gaya. Shayad use pata tha ki aapne Juhi pe tracer lagaya hai.]
‘What??? Ye kaise ho sakta hai? Tracer ke baare me use kaise-?’
[Hum ek system holder se bhid rahe hai. Anything is possible, Master! Please, be careful!]
‘Hmm!!!’
Veer ne qadam aage badhaaye. Paani uske perro se bhid ke idhar-udhar chhalak raha tha jo underground lair ke sannaate me bhaari shor paida kar raha tha. Jaise-jaise woh aage jaa raha tha, andhera aur badhta jaa raha tha. Dekhna uske liye mushqil hota jaa raha tha.
Aur, use Jaw Long se bhidant ke waqt praapt hui uss skill ka dhyaan aaya.
Aura Vision.
Veer jaanta tha ki usne Aura Vision ko upgrade nahi kiya tha. Woh jeevit cheezon ka aura toh dekh sakta tha magar jin cheezo me jaan nahi thi unhe woh nahi dekh sakta tha.
‘Pari! Kitne points available hai??’
[15000!]
‘Aura Vision ko upgrade karne ke liye kitne chahiye???’
[5000]
‘Upgrade kar do!’
[Are you sure?]
‘Yeah! Mein risk nahi le sakta. Aur, deri bhi nahi kar sakta. Juhi andar hi hai. Mujhe jald se jald waha pahuchna hoga iske pehle ki-’
*Ding*
[Aura Vision has been upgraded to Max.]
[Aura Vision is now activated.]
Skill ke activate hote hi poora vatavaran uski nazar me ek grayscale me dhal gaya. Humans ke liye aura ka rang blue tha. Plants ko darshaane ke liye green. Animals, birds, insects aur organisms ke liye ye yellow tha. Negative energy ko bhaapne ke liye black aur nonliving things ke liye brown.
Par, itna hi nahi… Ye sabhi color alag-alag shades me the jiske chalte Veer cheezon me bareeki se antar dekh paane me saksham tha.
Vision ke badhne se Veer ne ek pal bhi zaaya nahi kiya.
‘Let’s go!!!’
*Whooooossshhhh*
Chhap-chhap kar paani uske daudne se chhalakta gaya. Lair kisi underground tunnel ki bhaanti prateet ho rahi thi. Usne apni raftaar thodi dheemi ki. Dheere-dheere jhijhakte hue woh aage badha, uske joote keechad jaisi dharti me dhans rahe the. Magar, thoda andar aate hi uske qadam wahi tham gaye.
‘What the-!!??’
Saamne ka nazara itna khaufnak tha ki Veer ke badan ke rue khade ho gaye.
‘Urgh-!’
Usne apni aasteen upar kar apni naak ko apni baah se dhak liya. Lekin, badbu uski twacha, uske kapdo, uske fefdo me ghus rahi thi. Aankhein bhay ke maare feli aur dil ki dhadkane tez ho gayi. Deewaro par laasho ki kataare lagi hui thi, kuchh fati hui boriyo me lipti neeche dali thi, kuchh ke chithde ho rakhe the, kuchh ke ang ajeebo-gareeb dhang se mude hue the.
Vibhinn jaanvaro ke kate hue dhad, maans ke tukde, haddiya, andhruni ango ke chithde aur na jaane kya kya. Khoon aur gande paani ki gandh poori hawa me fel rakhi thi — sadte maans, mal-mootra, aur mrityu ka ek mishran.
Keede unn sadte maans par mandra rahe the, makkhiyaan ka bada sa jhund bhook se bhin-bhina raha tha. Aur, unke pankh dum ghotne waali shaanti me goonj rahe the.
Veer ko akbakayi si mehsoos hui aur Juhi ke baare me sochte hi uska shareer thanda pad gaya. Kis tarah ka khooni tha ye? Kahi Juhi bhi-?
‘Nahi!!’
Usne apne perro ko hilne ke liye majboor kiya. Uska ek perr fati hui boriyo me se nikal rahi kisi laash ki atadiyo par pada.
'Fuck!!!'
Usne uss bhayankar drishya ko paar kiya. Ek kata hua haath uske jooto se takraaya, jo paani ke upar hi terr raha tha.
Gati badhaate gye woh udhar se nikalte hi punah dang reh gaya. Alag-alag dishao me alag-alag maarg jaa rahe the. Kaun sa raasta sahi tha?
‘This is bad…! Mere paas inn sab ka samay nahi hai!!’
Use yakeen nahi ho raha tha ki underground lair itni badi hogi. Akhir, iska nirmaan kisne kiya? Ye kisi bhool-bhulaiyaan se kam nahi thi.
Pari ne bina uske poochhe hi 'Path Tracker' on kar diya. Kam se kam woh apna raasta toh nahi bhoolega jaha se woh aaya tha.
Woh aage badh hi raha tha jab uski perro ki neeche kuchh daba-
*Click*
Khatra mehsoos karte hi Veer ki aankhein darr ke maare chaudi ho gayi. Iske pehle ki uska dimag kuchh samajh paata ki kya ho raha hai, uska shareer apne aap pratikriya kar diya.
[Master-!!!]
Woh akasmat peechhe ko kooda aur uske koodate hi-
*Schling* *Schling* *Schling*
Paani ke andar neeche se nukeele lohe ke spikes tezi se upar aaye. Unme zung lagi hui thi, sookha khoon unn par chipak ke jamm chuka tha. Ek saboot ki pehle bhi iss se kisi insaan ki maut hui hai.
Agar, woh sahi samay par na hatata, toh woh spikes uske shareer me dhans chuke hote. Usne apne aap ko uss jagah par imagine kiya. Paseene ki ek boond uske maathe par se fisal gayi.
Aur, jaise hi woh khada hua-
*Swoosh* *Swoosh* *Swoosh*
Bayi orr se ghoomne waali blades ki ek kataar udti hui uska sarr dhad se alag karne ke liye tezi se aayi.
'Shit!!!'
Samay rehte hi usne bamushqil apne shareer ko moda, tez dhaar uske blazer ke kapde ko chhu kar nikli aur uska kuchh bhaag fatt kar alag ho gaya.
'Fucking hell...!'
[Master, there are traps. Hume savdhaan rehna hoga.]
Veer ki saansein tez hui. Kahi koi floor plate, kahi koi trip wire, kahi koi chhipa hua trigger. Har qadam par koi na koi khatra tha. Jisne bhi iss jagah ko banaya tha, usne logo ko maarne ke liye hi ye design ki thi.
Yeh sirf ek underground lair nahi thi.
Yeh ek slaughter house tha.
Aura Vision se use non living things dikh toh rahi thi, par inn traps ko trigger karne waale upkaran saare paani ke neeche maujood the. Unhe dekhne ke liye, paani ke andar muh dubona padta, jo Veer hargiz nahi karne waala tha.
Pari ki chetavni par woh iss baar savdhani se aage badha.
'J-Juhi!! Be safe!!!'
Uski aankhein aur jaal talaash rahi thi. Lekin, jaise-jaise woh aage badhta gaya, zameen par gandagi ghani hoti chali gayi aur hawa bhaari hone lagi.
Aur, fir... Use sunayi diya.
*Splish*
Ek qadam.
Paani ka chhapakna.
Koi tha.
Veer wahi jamm gaya. Magar, uska poora shareer high alert par tha. Usne suna.
*Splish*
Ek aur qadam.
Daayi orr se.
Uska sarr dhwani ki disha ki orr muda, lekin — kuchh nahi. Dur-dur tak kuchh nahi tha.
'Huh???'
Tabhi-
*Splish*
Iss baar baayi orr se.
Woh fir ghooma, magar — koi bhi nahi.
Uski saansein aur tez ho gayi. Achanak, uski line of sight ke baahar kuchh harqat hui. Use apni hi dhadkano ki awaaz sunayi de rahi thi.
Usne apni mutthi kasi, knuckles poore safed pad gaye.
Aur, tabhi-
Ek fusfusahat.
Aur, fir ek dheemi pagalpan waali hasi use sunaayi di.
"Ehe...!!!"
Woh yaha aa chuka tha.
Sannaata ghutan bhara tha. Veer shaant tha, aisa lag raha tha maano underground lair uske chaaro orr saans le rahi thi. Chhayaaye idhar se udhar ho rahi thi, maano use dekh rahi ho, intezar kar rahi ho. Tabhi-
*Swish*
Ek blade hawa ko cheerte hue aayi. Sahi samay par Veer ne apna sarr jhukaaya. Hathiyar uske chehre se ek inch ki duri se hoke guzra. Uske paas maatra ek second hi tha khud ko hataane ke liye jab-
*Whoosh*
Ek aur humla.
Woh bacha. Usne apne aap ko moda, uski pasliyaan marud ke reh gayi. Ek ke baad ek humla uski orr aaya, magar koi bhi nazar nahi aaya.
'Tch! Where the hell is he-!??'
"Ehehehehe~"
Wahi hasi ek baar fir hawa me goonj gayi.
'Enough of this...!'
Uski aankhein saamne ke raaste par tik gayi. Aur, fir use ek aakriti nazar aayi.
Andhere se woh aakriti baahar nikal kar aayi. Veer ne use dekha.
Lamba, patla shaks. Safed lambe baal, baahar ko aati aankhon ki putliyaan. Uska dhasa hua chehra ek bhayanak muskurahat me badal gaya. Uski jeebh ajeeb tarah se baahar nikli aur usne apne fatey hue hontho ko chaata.
'Check!!!'
*Ding*
[No information available.]
Woh sahi tha.
'System holder...!!!'
Ye wahi tha. Jiska sketch police dwara banwaya gaya tha.
Veer : Tum-!!! Tum hi ho woh serial killer. *frowns* Juhi kidhar hai???
Uski awaaz dheemi magar khatarnak thi.
Uss aadmi ne apna sarr jhukaya. Aur, fir woh hasa... Itni zor se hasa ki uski haivani hasi waha goonjne lagi.
"Ahahahahahahaha!!!"
?? : Tum... Tum akhir aa gaye... Ehe!!! Mein tumhara hi intezar kar raha tha...!!!
Veer thitak ke reh gaya.
Veer (frowns) : Kya matlab-!?
Woh aadmi muskuraya, aur kareeb aane laga. Uski ungliyaan utsaah me hil rahi thi. Uski jeebh baahar nikli maano jaise ki saanp ki tarah hawa ka swaad le rahi ho.
?? : Tum yaha... meri wajah se aaye ho... Ehehehehe...
[He might be playing mind games, Master. Uski baaton me mat aaiye.]
?? : Ehe... M-Mein hi tumhe yaha leke aaya... Ye sab... Plan tha... Ehehehe...
Veer ki reedh me sihran daud gayi.
'N-No! What the fuck is he talking about?'
?? : Murders to hone hi the... Ehehe... Mere experiments ka hissa... hehe... Magar, sirf wahi nahi... Tumhe yaha laane ke liye... Ahahahaha...
Veer ki kuchh samajh nahi aa raha tha. Ye paagal aadmi kya bole jaa raha tha?? Nahi! Ye sach nahi tha. Uski mulaqat toh iss psycho se pehle kabhi hui hi nahi thi. Fir, bhala woh kyu use-!?
?? : Eh... Tum confused ho... Hai na?? Don't worry... Mein tumhe bata deta hu... Hehe...
Veer : ???
?? (mutters) : Lure Path!!!! Hehehehe-!!!
Sunte hi Veer ke andar maujood Pari kaanp ke reh gayi.
[N-No-!!!]
'Huh?? Pari? Kya hua? Lure Path? Kya hai ye???'
Pari ne uske sawaal par seedhe hi jankari prastut kar di.
*Ding*
[Legendary Scroll : Lure Path
Description : A scroll that allows the user to lure a specific person. The scroll will generate a path which must be followed in order to lure a person. User must imagine the person he/she wants to lure in and scroll will then act upon itself.
Note : Can even lure a system holder.]
Padhte hi Veer ke raungte khade ho gaye. Ek aisa scroll jiski sahayta se kisi bhi vyakti ko apni territory me laaya jaa sakta tha.
Pehle Madhuri ke pita, Prabhakar ki hatya... Aur, fir use mission milna... Pune se hoke Lonavla tak aana... Aur, fir Juhi... Iska matlab... Ye sab kuchh ek plan ka hissa tha!?
Veer ke bhaav dekh uss paagal insaan ki muskaan aur badh gayi. Insaan toh uska target the hi... Parantu, sabse bada target uska tha — Veer!!!
Lure Path.
Isi ki kaaran Veer ko woh mission mila.
Veer : N-Noo-!! M-Magar, tumne mujhe kyu...
?? (screams) : Kyunki tumhari wajah se... maine apna target khoya tha... *growls* Tumhari wajah se...
Veer : Wh-What!?
Woh gurraaya. Uski aankhon me bhayanak gussa nazar aa raha tha.
?? : Tumhari wajah se... Sab tumhari wajah se... I was so close to my experiment... Eh... B-But... You... You took my target away from me...
Veer : !!??
?? : You took him away from me...!!!
One year ago,
Clark County Prison,
Las Vegas...
Laalach aur paap ke iss sheher me dhero shaitaan baahar ghoom rahe the. Magar, asli raakshas toh yaha Vegas ki jail me band baithe the.
Aur, ek aadmi holding block ke sabse andhere kone me baitha tha. Safed baal, dhansi hui aankhein, haivani muskaan.
Uski ungliyaan jail ke bars par bandhi hui thi. Woh kisi bhooke jaanvar ki tarah kisi ka intezar kar raha tha.
Aur, tabhi-
Deeware kaanp gayi. Ek visfot ne sannaate ko cheer diya, jis se poori imaarat hil ke reh gayi. Sirens ki awaazein goonjne lagi.
Woh aa chuka tha.
Crimson!!!
Yahi woh waqt tha jab Crimson ne jail se Jim the Slippery ko chhudhwaya tha.
Usne baaki bhaag rahe apraadhiyo ki orr dekha tak nahi. Dhua chhat raha tha aur uski nazar kisi orr cheez par thi.
Aur, fir usne dekha.
Ek paagal insaan. Crimson ke ghoorte hi uss paagal insaan ke badan me ek utsaah ki leher daud gayi. Jaise maano ek shikaari dusre shikaari ko pehchaan raha ho. Woh sahi tha.
?? : Ehe... Tum bhi... Tum bhi hum me se ek ho??? Ehehehehe... Mere patients... Ehe... Mein aaya...!!!
Kehte hue woh waha se bhaag nikla. Magar, jaise jaise woh bhaag raha tha. Woh apne peechhe Crimson ke aane ka intezar kar raha tha.
Akhir, sab kuchh usi ne toh racha tha.
Lure Path...!!!!
Jim the Slippery ka jail me jaana koi ittefaaq nahi tha. Uss paagal ne Lure Path ka istemal kiya tha.
Crimson ki jankari use Vegas me reh kar lag chuki thi. Aur, uska target wahi tha.
Jim the slippery ko jail pahuchana, Pitcher aur Nightwalker jaise apraadhiyo ko sakreeya karna — Ye sab uss paagal ka hi toh kiya dhara tha.
Idhar, usne Lure Path chalaaya aur udhar Crimson ko-
*Ding*
[Mission : Assemble the criminals — Jim, the slippery, The Nightwalker, The Pitcher.]
Bechare Crimson ko ye pata tak nahi tha ki use mission uss paagal ke Lure Path istemal karne ki wajah se mila tha.
Use lag raha tha ki woh Mr. X ke khilaaf ladne ke liye ek criminal squad bana ke underworld me apni taaqat badhayega magar, use iss baat ki bilkul bhanak nahi thi ki woh khud ko uss paagal system holder ki thaali me paros ke de raha tha.
Sab kuchh uss paagal system holder ke shadiyantra ki mutabik jaa raha tha jab achanak beech me ek naya variable kood ke aa gaya-
Veer...!!!
Uss paagal ko laga tha ki ab Crimson uska peechha karega. Aur, fir woh Crimson ko apna bandhi bana lega. Yahi toh kaaran tha jo usne khud ko bhi salaakho ke peechhe rakha tha. Woh jaanta tha ki Crimson Jim the slippery ko chhuraane aayega hi aayega.
Parantu, aisa na hua...
Veer ke aa jaane se, Crimson ka dhyaan Mr. X ki orr jaa chuka tha. Aur, jaha Crimson ko uss paagal ka peechha karna chahiye tha, usne aisa kuchh bhi nahi kiya.
Balki, woh Jim the slippery ke peechhe bhaaga. Antatah!? Uss paagal system holder ki tarqeeb naqamyab ho gayi.
Aur, uske baad-?
Crimson ki maut — Veer ke haatho.
Aur, ab yahi Lure Path Veer ke liye istemal ho chuka tha. Jaha Veer samajh raha tha ki woh killer ke nazdeek pahuch raha hai, magar asliyat me toh killer hi use apne paas bula raha tha. Yahi tha legendary scroll — Lure Path.
Iska bodh Veer ko apne upar kisi bhaari patthar ki tarah mehsoos hua.
Ye haal hi me mare log... Ye pattern... Hatyaare ko dhundhne ka mission...
Ek trap.
Veer ladkhadaya. Uski saansein ukhdi.
Jis qadar se woh Veer ko qadam dar qadam aage badha raha tha, ye koi sanyog nahi tha. Ye ek luring path tha.
Aur, ab use ehsaas hua. Itne log jo maare gaye the. Woh kahi na kahi uski hi wajah se maare gaye the. Woh nirdosh log... Madhuri ke pita... Yaha tak ki nanhi Juhi ka apharan.
Veer : Y-You-!!!
Uski awaaz kaanp uthi. Iss baar dar se nahi, balki gusse se.
Veer : Y-You killed them. Unn nirdosho ko tumne... Tumne maar daala!? Mujhe yaha laane ke liye...!?
?? : Ehehehehe!!! They didn't die... They became immortal after being a part of my experiment... hehehe... Their names will go down in history... Hihi...
Veer ka shareer akad gaya.
'M-Meri wajah se... Woh log... Juhi... Meri wajah se...!'
[Master!!!]
Use ab tak samajh nahi aa raha tha ki ye paagal akhir uske peechhe kyu pada tha. Bhala kis target ki baat kar raha tha woh?
Veer : You said I took your target... Who was it???
?? : Oh!! You don't remember??? Ehehehe... Yaad karo... Yaad karo...
Veer : *frowns*
?? (growls) : CRIMSON!!!
Naam sunte hi Veer ki aankhein fati ki fati reh gayi. Isme koi shaq nahi tha ki usi ne Crimson ko maut ke ghaat utaara tha.
Veer (shivers) : H-How? T-Tum kyu-!?
?? : Enough talk! My patience is running out... Time to kill... Ehehehehe...!!!
[Master, be ready.]
?? : Here I come!!!
*Whoooooooooooshhh*
Kehte hue woh ek jhatke me gaayab hua.
Aur, tabhi underground lair ke kendra me ek laboratory ke andar bandhi jaddo-jehed ke baad akhir kar apne muh se kapda hataane me saksham thi.
Kapda hatata hi uski zor se cheenkh nikli-
"Mummmaaaaaaa-!!!!!"
Jo poori underground lair me goonj uthi.
'Juhi!!!'
Juhi ki awaaz sunte hi Veer ke badan me raungte khade ho gaye. Parantu-
*Ding*
['Beowulf's Blessings' has been activated.]
Uski aankhein laal rang me dhal gayi. Woh paagal uski orr lapka.
*Swoooooooossshhhhhh*
Pehla vaar.
*Dodge*
Dusra vaar.
*Dodge*
Teesra vaar.
*Dodge*
Chautha vaar. Seedhe uske pait ki orr-
*Dodge*
Magar,
'Huh???'
*Craaaaackkkkkk*
'What???'
Uss paagal aadmi ka lohe ka staff Veer ke dono haatho se banaye defence ko chakna choor kar diya.
Aur, vaar aake seedhe uske pait me pada.
"Blurgh!!!"
Iske pehle ki woh sambhal paata-
*Ding*
[A curse has been applied on the host.]
[Master!!! Run-!!!]
'Wh-What????'
Kintu, Veer ko bhaagne ka mauka hi na mila jab-
Wahi staff aake seedhe uske daaye gaal par pada. Veer ka shareer hawa me uchhla aur jaise hi woh land karne waale tha-
*Whoosh* *Whoosh* *Whoosh*
Paagal system holder ne apna staff zorr se uski orr fek diya.
'Sh-Shit!!!'
Hawa ko cheerte hue staff gol-gol ghoomte hue uske sarr ki orr aa raha tha. Samay nahi tha. Veer ne majbooran hawa me rehte hue apne dono haath se block kar apne sarr ko bachaaya aur-
*Thud*
"Urgh!!!"
Staff itni zorr se uske haatho me aake laga ki use dard kass ke mehsoos hua. Lekin, jaise woh paagal pehle se hi jaanta tha ki Veer haatho se hi staff ko block karega.
Veer jaise hi land kiya, utni derr me woh paagal Veer ke theek muh ke saamne tha-
?? : Surprise... Ehehehe...
'Fuck!!!'
*Baaaammmmmmm*
Ek aur vaar. Seedhe Veer ki kanpati ki orr... Jise Veer ne punah apne haatho se block kiya.
Woh peechhe ki orr kooda.
Kintu, tabhi-
*DONG*
Ek alag si dhwani use apne andar sunayi di. Nahi! Ye notification ki awaaz nahi thi.
Awaaz itni zorr se aayi thi ki Veer ka poora badan hil ke reh gaya tha.
Aur, agle hi pal-
[N-No!! Master!!!]
Use apne mann me saamne nazar aaya-
*Ding*
['Beowulf's Blessings' is broken.]
Veer ki aankhein bhay ke maare fel gayi. Woh ghabraate hue uss paagal ko dekh raha tha. Uske honth apne aap khule-
"Wh-Who are you-!!?"
Aur, dusri orr se dheere se ek jawaab aaya-
"They call me... THE DISEMBOWLER!!!"
.
.
.
.
.
.
.
.
Aaj ke liye itna hi guys.
This update consists of 8.8k words.
Target apna wahi hai. 250+
Pahucha diyo araam se. Agle update me mein sab finish kar dunga. Ye fight agle update me samapt ho jayegi. Jaisa ki maine kaha tha do updates lagenge hi lagenge. Mera aadhe se zyada time Disembowler ki skills aur cards banaane me gaya hai. So, you can see it already. Upar se Garofano ka full system alag. That's why it takes so much time. Anyways, ab milte hai agle bhaag me.
Dhanyavad.
Update - 194 ~ The Disembowler
Ab tak...
Neeche paani aedi tak bhara hua tha. Chhapaak ki awaaz ke saath Veer ki aankhein laal rang se chamak uthi.
Aur, udhar hi andar kahi... Uss paagal insaan ko Veer ke aane ka ehsaas ho gaya.
Woh haivani muskaan liye muskuraaya.
?? : Well... My food got delivered already. Ahahahahahaha!!! The main dish has come-!!! You will have to wait for a while, young ones. *Slurp* Ohhh!!! I'll come back soon. Don't worry!!! Ehehehehehehe!!! Yahahahahaha! Now... Shall we get started????
Ab aage...
Dhua... Aag... Khoon...
Barood ki gandh hawa me mandra rahi thi. Kabhi Hotel Prestige ki bhavya lobby — sunehre foolo ki sajavat se saji — ab ek yuddh kshetra me badal chuki thi. Toote hue kaanch, ukhda hua 'Yarnia' ka logo aur kuchh shav waha dale hue the.
Security guards farsh par pade the, unki uniforms gehre laal rang se ott-prot ho rakhi thi. VIPs apni security dwara waha se sahi salamat bach nikalne ke liye bhaag rahe the. Sabhi social media influencers, fashion enthusiasts, models waha se apni jaan bachaane ke liye faraar ho chuke the. Jitne mehmaan aaye the, unme se adhiktar peechhe ke darwaaze se bhaag chuke the. Arajakta badhti jaa rahi thi.
Aur, inn sab ke beecho-beech, Tej waha khadi hui thi — ekdum sthir.
Uska seena tezi se haafte hue upar-neeche ho raha tha. Woh abhi bhi Veer ke bol apne dimaag me sunn paa rahi thi — shaant, bharosemand, 'Yarnia' ki zimmedari use saunpte hue.
'Mein ye zimmedari aapko saunp raha hu, Teju di. Mujhe aap pe poora bharosa hai.'
Kintu, woh nakaam thi.
Yahi uska pal tha — yahi woh waqt tha. Woh kshan jab woh ek aisi behan bann ke dikha sakti thi jis par uska chhota bhai, Veer nirbhar ho sake. Woh behan jo uske saath kandhe se kandha mila ke khadi ho sake, mazboot aur atoot. Kamzor nahi. Asahaay nahi.
Fir bhi, akhir kya hua? Woh keval waha khadi bas sab kuchh ghatit hota dekhti reh gayi.
Woh ghumi, uski nazar neeche pade khoon se lathpath vyaktiyo par padi aur woh wahi jamm ke reh gayi.
Uske bagal se khadi Bhumika ka chehra bhi peela pad gaya, uske honth thar-tharaye par koi shabd baahar na aaye.
Iss taraf, Shweta ne kass ke Bhavna ki baah pakad li, uska samaanya ghamand kahi gaayab ho gaya — uski jagah sarasar, bhay aur aatank ne le li. Bhavna swayam, humesha ki tarah shaant, humesha ki tarah niyantran me, iss waqt jami khadi hui thi — uski aankhein kamre me neeche pade ek shareer par tiki hui thi.
Iss orr Arohi akad ke reh gayi thi, usne Kavya ki kalaayi ko itni kass kar pakda ki uski kalaayi safed ho kar reh gayi. Bechari Kavya ka muh sadme ke chalte khula reh gaya, uski humesha ki tarah chulbuli masoomiyat uske aas-paas ke narsanhaar se khatm ho gayi.
Arohi (shivers) : N-Nahi-!!! Nahi!!
Kavya (sobs) : D-Di!!? Didiiii-!!! Mummyyyyy-!!!!
Woh dono aage bhaagi. Magar, woh akeli nahi thi.
Parijaat ki aurtein.
Woh sab ek pal me aage aayi — ek saath, atoot nishtha aur maun krodh liye.
Suman (yells) : Saili... Aabha... Sonali...!!! Didi log ko baahar leke jao!! Abhi!!!!
Woh zor se chillaayi. Uska aadesh sunn teeno hi javaan ladkiyaan haami bhar baari-baari Tej, Arohi, Bhumika, sabhi ko ekatra kar woh unhe peechhe ke darwaze ki orr le jaane lagi.
Ishaara samajhte hi Varsha, Sudha, aur Mukta daudate hue Suman ke nazdeek aayi aur saath milke woh neeche pade vyakti ko uthaane lagi.
Suman (frowns) : Sudha!! Perr pakdo!! Araam se...!!! Mukta chalo!!! Udhar bhi-!!! Jaldi!!! Fatafat uthao.
Mukta ne wahi bichhe table clothes utha ke khoon behte hue ang par lapetna shuru kar diye.
Sudha : Didi, kh-khoon bahut...
Suman : Shhh!!!
Sudha ghabra rahi thi. Poori kamaan ab Suman sambhaal rahi thi. Dono vyaktiyo ko zameen par se uthaaya gaya.
Udhar bheetar pichhle darwaaze par Suhana poori tarah se bechain idhar se udhar tehel rahi thi.
Uske movements tez aur calculative the. Baahar lobby me golibaari ka ek aur daur chala jiske chalte wahi paas ki ek murti chaknachoor ho gayi.
Suhana : Exit secure rehni chahiye. VIPs jitne nikal rahe hai nikalne do, lekin mujhe Veer ki family jald se jald baahar sahi salamat chahiye.
Uncle Prakash (rushes) : Madam, situation abhi unstable hai aur-
Suhana (yells) : Mujhe pata hai...!!! Jitna kaha gaya hai utna kariye Uncle!!!
Uski oonchi awaaz sunn Uncle Prakash thoda jhep ke reh gaye. Woh tezi se mudi, usne hall me se Tej, Arohi, Kavya aur baakiyo ko aate dekha.
Suhana (nods) : Quick!! Jaldi!!
Tej ne use kuchh pal ghoora. Par, boli kuchh nahi. Unn sabki aankhon me aasu the. Sab barbaad ho chuka tha.
Tej (sobs) : V-Veer-!! *sniff*
'Kaha ho tum???'
Uske kandho ko thaamte hue Suhana ne use hosh me laaya.
Suhana : Snap out of it!!! Time nahi hai bilkul!!! Jaldi! Ambulance me jitne jann aa rahe hai utne baitho. Baaki log car me!! Uncle Prakash!! Car me sabhi ko bithwaiye.
Uncle Prakash : J-Ji madam!! Maine kuchh security guards andar bhej diye hai.
Suhana (nods) : Good!!
Uncle Prakash : P-Par, mein ek baar fir keh raha hu, madam. Aapko yaha rehne ki koi zaroorat nahi hai. Mein yaha hu aur sabhi ko sahi salamat pahucha dunga. Aap aur Sonia madam jaldi ghar jaiye. Agar, aap dono ko kuchh hua toh Sir pata nahi mera kya haal karenge. Isliye, jaiye-
Suhana : Kya kaha aapne??
Uncle Prakash thoda seham gaye. Yeh woh Suhana nahi thi jise woh jaante the — ek poori tarah professional businesswoman jisne kabhi kisi ladke ke liye iss qadar apni bhavnaaye vyakt nahi ki thi.
Lekin, Veer ne use badal diya tha.
Suhana : Aap chaahte hai ki mein yaha se bhaag jau? Aise time pe jab Veer ki family yaha khatre me hai??? Kya aapne dekha nahi ki abhi kya hua?
Uski awaaz waha goonj uthi. Uncle Prakash stabdh the. Unhone Suhana ko kabhi iss tarah se nahi dekha tha. Kabhi nahi.
Suhana : Jab tak mein unhe sahi salamat nahi pahucha deti, tab tak mein ghar nahi jaane waali.
Wahi kuchh dur khadi Sonia bhi uske nazdeek aayi.
Sonia : D-Di?? Y-Ye sab kya tha?? What just happened?? Gunshots... Bombing... Veer kaha hai?? What is going on??
Suhana : Sonu!!! Uncle aap Sonu ko leke jaiye yaha se.
Uncle Prakash : P-Par-
Suhana : Maine kaha na!!!
Sonia : What??? No way!!! Mein aapko akela chhor ke kahi nahi jaane waali.
Suhana : Sonu tum-
Sonia : Aapke orders Uncle par kaam kar sakte hai, di. Mujh par nahi. Aur, mein aapko bina yaha se liye kahi nahi jaane waali.
Suhana : Theek hai!! Toh, yahi peechhe hi rehna. Kisi ne planned attack karwaya hai. Koi 'Yarnia' ki launch ko target kar raha hai shayad? Ya fir koi kisi VIP ko maarne aaya tha??
Usne dekha ki andar se Suman kuchh aur aadmiyo ki madad dwara zakhmi parivar jann ko laa rahi thi. Ambulance se utre ladke bhi turant hi stretcher ki sahayata se unhe ambulance ke andar litaaye. Saath me parivar ke kuchh jann uss ambulance me sawaar ho gaye toh kuchh Suhana ki car me baith gaye. Aur, palak jhapakte hi woh sabhi waha se hospital ki orr ravana ho gaye.
Iss bhayanak drishya ka sadma agar kisi ko sabse gehra pada tha toh woh thi — Kaera, jo achanak hui iss ghatna se poori tarah se hil chuki thi. Uska badan kaanp raha tha. Kintu, uske bhay ka kaaran humla nahi tha.
Kaera (shivers) : B-Blood...!!!
Gaadha gehra laal khoon. Ye pehli baar nahi tha. Nidar, bejhijhak Kaera bhi akhir kisi cheez se darti thi aur woh tha — khoon. Uski sabse badi kamzori.
PTSD — ek mental health condition jo kisi atyant tanavpoorna ya bhayanak ghatna ke kaaran hoti thi — ya toh uska hissa hona, ya use spasht dekhna.
Woh pal...! Kaera ke puraane ghar par... Uss maali ki laash...!
Khoon... Slogan... Sab kuchh jaise use yaad aane laga. Puraani yaadein mastishk me mandraane lagi.
Uski saansein ukhadne lagi. Dil ki dhadkane achanak badh gayi.
*huff* *huff*
Mirror gallery... Uska agwa hona... Veer ka use bachaana... Uska ghaayal hona...
*huff* *huff* *huff*
Aur, achanak hi-
*Grasp*
Kaera : H-Huh!!?
Ek haath uske kandhe par aake use thaam liya. Woh mudi.
Kaera : K-Karan???
Karan, Kritika aur uske mata-pita ko baahar chhor ke aaya tha. Apni badi behan ki kamzori woh bhali bhaanti jaanta tha. Itne saalo baad use apni didi wapas mili thi. Woh dobara kaise use kho sakta tha?
Karan : Di!! Chaliye, mere saath. Yaha khatra hai.
Kaera : K-Karan!
Karan : Mein Raghu ke saath hospital jaa raha hu di. Veer ki family ke saath rahenge hum udhar. Aap Jassi ke saath ghar jaaiye. Ye jagah safe nahi.
Kaera : P-Par-
Ruchika : Karan Sir theek keh rahe hai, Miss. H-Hume jald se jald yaha se nikalna chahiye. Aap aisi condition me koi bhi rational decision nahi le payengi. It's better we let the men handle all of this.
Kaera : Par, V-Veer-!?
Karan (frowns) : Jab tak woh nahi aa jaata, yaha ki zimmedari meri bhi hai. Di! Aap ghar ki orr nikaliye.
Akhir kaar, Kaera ne haami bhari aur Jassi use waha se leke ravana ho gaya. Idhar Karan Raghu ke saath hospital ki orr ravana ho gaya.
Siren baje aur police ki kayi gaadiya waha ikhatta ho gayi. Ek ke baad ek police karmi apni-apni gun taane Hotel Prestige ko baahar se gher liye.
"Apne-apne hathiyaar fek do. Tum sab ko police ne chaaro orr se gher liya hai. Surrender kar do!!!"
Ek police officer ne announce karte hue kaha. Aur, golibaari waqai me tham gayi. Ahista-ahista police waale andar ki orr badhe. Balhaar ke aadmi bhi isme fas chuke the. Magar, woh jaante the ki jald hi unki bail karwaane ke liye madad aa hi jayegi.
Kuchh aur gaadiya aake dur ko ruki aur dhadalle se news reporters apne-apne cameraman ke saath waha coverage lene ke liye aa dhamke.
Jo jagah kuchh der pehle bade-bade VIPs se bhari hui thi, ab woh police aur media reporters se bhar chuki thi.
"Jaisa ki aap dekh sakte hai, hum iss waqt Hotel Prestige ke theek baahar se live hai. Khabar ke anusaar abhi yahi kaha jaa raha hai ki koi terrorist attack hua hai. Iss baat me kitni sacchaayi hai ye abhi dekhna baaki hai."
Ek mahila reporter ne Hotel se duri banaaye rakhte hue apna microphone pakad kar haafte hue sab varnan kiya.
"Goli-baari, bhayanak visfot, aur poori tarah se tabahi mach rakhi hai yaha. Yaha par 'Yarnia' ek clothing brand ka launch hone waala tha magar palak jhapakte hi sab kuchh tehes-nehes ho gaya."
Usne aage badhne ki koshish ki magar police ne use turant hi andar jaane se mana kar diya.
"Aap dekh sakte hai ki mujhe abhi bhi andar jaane nahi diya jaa raha hai. Aur... Aur, police ne shayad shooters ko daboch liya hai. Shooters ne surrender kar diya hai. Unhe police jeep me bitha ke le jaaya jaa raha hai."
Cameraman ne camera focus karte hue drishyo ko dikhaane ki koshish ki, lekin punah officers ne unhe andar ke drishyo ko dikhaane se mana kar diya.
Andar se shavo ko ambulance ke andar karwaya jaa raha tha. Aur, jaise hi ye sab hua, reporters microphone hathiyaar ki tarah liye police karmiyo ke paas pahuch gaye.
Reporter : Sir! Sir!! Humne abhi abhi dekha ki ambulance me kinhi logo ko le jaaya gaya. Kya hatya hui hai yaha?? Kitni sankhya hai?
Officer jo apni rifle liye wahi khada hua tha, usne jawab dene se pehle ek gehri saans li.
Officer : Dekhiye, iss samay hum koi bhi spasht sankhya jaari nahi kar sakte. Lekin, haan casualty hui hai. Situation ab control me hai aur jald hi official statement jaari kar diya jayega.
Reporter 2 : VIPs bhi yaha aaye the. Kya unme se kisi ko koi chot pahuchi hai??? Kya unhe koi muskan pahuchaya gaya hai??
Officer : Dekhiye, hum abhi bhi ghayal logo ka aaklan kar rahe hai. Jaha tak meri jankaari hai, sabhi VIPs sahi salamat aur surakshit evacuate karwa diye gaye hai. Lekin, hum abhi spasht roop se har kisi ka khulasa nahi kar sakte.
Lekin, media sirf police ke bayaano se santusht nahi thi. Asli sona toh gawaho ke paas tha.
Aur, tabhi peechhe ke gate se ek VIP nikal ke aaya. Uska pehnava poora ast-vyast ho rakha tha. Sadme ke chalte bechaare ka chehra peela pada hua tha. Patrakaro ki ek leher uski orr aise jhapti jaise maano shikaari khoon ki gandh soongh ke uss orr daud rahe ho.
Reporter : Sir!!! Sir!! Kya aap bata sakte hai ki andar kya hua???
Uss aadmi ne apna maatha pochha, uski saansein abhi bhi ukhdi hui thi. Jab usne apne vichaaro ko ikhatta karne ki koshish ki toh uske haath kaanpne lage.
VIP : Tabaahi...!!! Poora pagalpann!! Ek pal, hum sab celebrate kar rahe the. Agle hi pal... Ek zordar blast hua aur fir goliyaan chalne lagi. Har jagah!!! Ek do logo ko maine girte hue bhi dekha. *huff* *huff* Khoon hi khoon...!!!
Reporters aur jhuke, uske har shabd ko camera me qaid karne ki koshish kar rahe the.
Reporter 2 : Kya kya dekha aapne waha? Thoda aur vistaar se bata sakte hai??
VIP : L-Log chilla rahe the, har disha me bhaag rahe the. Maine dekha ki... Kayi saare aadmi guns liye lobby me achanak se ghuse aur goliyaan chalaane lage. Kuchh ko maine goliyaan lagte hue dekha. *huff* M-Mein apni jaan bachaane ke liye peechhe bhaag gaya fir.
Reporter 3 : Aapko kya lagta hai? Kaun ho sakta hai iss humle ke peechhe?
VIP : M-Mujhe kuchh nahi pata. Sab kuchh tezi se hua. Aur, hum bas bhaag rahe the.
Reporter 1 : Kya koi suraksha chook hui thi? Ye humlavar andar kaise aaye?
VIP (shivers) : M-Mujhe nahi pata. Mein toh bas ek guest tha, theek hai? Mujhe koi jankaari nahi hai ki woh log andar kaise aaye, kisne unhe andar kiya. Lekin, itna zaroor hai ki woh sab poore prepared the. Ye koi random hamla nahi tha.
Reporters ki bheed me ek sannaata chhha gaya.
Yeh koi random hamla nahi tha.
Patrakaro ne ek-dusre ko dekha. Woh jaanta the iss bayaan ka kitna wazan tha.
Reporter 1 : Aur, koi jankaari???
VIP : Ab sab police karegi. CCTV me zaroor unhe mil jayega. *huff* Mein ab aur jawab nahi de sakta. H-Hatiye!! M-Mujhe jaana hai.
Media ko ek kahani mil chuki thi. Palak jhapakte hi uss VIP ka bayaan poore news channels me prasarit ho gaya. Dekhte hi dekhte ye breaking news ab ek national news bann chuki thi.
Udhar ghar par Brijesh ne jaise hi samachar dekhe toh uska sarr chakra gaya. Woh bhay ke maare utha, aur bina koi pal gawaaye hotel ki orr bhaaga.
***
Hotel Prestige ke theek saamne uss khandahar waali imaarat ki chhat par Dexter ki laash dali hui thi.
Kuchh derr pehle woh bhaagne ki koshish kar raha tha jab achanak hi-
*Splurt*
"Urgh!!!"
Ek nukeeli blade aake uske seene ko cheer gayi.
Ek rear surprise attack.
Blade seedhe uske dil ko cheer ke baahar nikli thi. Use kuchh samajhne ka samay hi na mila. Na hi woh kuchh bol paaya aur na hi apne humlavar ko dekh paaya.
Aankhon ke saamne andhera chhaaya aur uska shareer zameen par girte hi thandi laash me badal gaya.
*Schling*
Blade ko nikaalte hue ek yuvti ne neeche padi Dexter ki laash ko ghoora. Uske mann me kya tha koi nahi jaanta tha.
Tabhi-
*Thud*
Neeche se aayi Ava ne dhadalle se darwaza khola. Saamne khadi yuvti ko dekh woh chaunki. Magar, bullet apna kaam kar rahi thi.
Ava sirf blood loss ki wajah se kamzor nahi hui thi. Uska kaaran tha — Poison.
Ek poison pallet jo bullet ki core me thi. Shareer ke andar jaate hi zeher ne apna kaam karna shuru kar diya tha. Yeh koi aisa-waisa zeher nahi tha.
Sarin (military designation GB) ek aisa nerve agent tha jo chemical warfare agents me sabse zehreela maana jaata tha. Na hi iska koi swaad hota tha aur na hi koi gandh. Sarin ke sampark me aate hi kuchh hi minto me ek insaan ki maut ho sakti thi.
Aur, isliye Ava itni zyada kamzor pad chuki thi. Uske andar Lily apni poori koshish kar ke zeher ko felne se rok rahi thi. Toh wahi, Healing Factor ki madad se Ava ka shareer naya khoon poori raftaar se banaata jaa raha tha taaki Red blood cells blood loss ki kami ko poora kar sake, white blood cells Sarin se ladte rehne ke baad immunity bana le. Aur, platelets ghaav ko bhar sake.
Ye ekmaatra poison bullet thi Dexter ke paas jo usne Tej ke upar chalaayi thi. Agar, aaj Ava waha na hoti toh Tej ki mrityu sunishchit thi.
Uske qadam ladkhadaye aur woh sarr ke bal peechhe girne hi waali thi jab uske saamne khadi yuvti palak jhapakte uski orr aayi aur use girne se bacha li.
Ava behoshi me chali gayi. Aur, tabhi-
"Shebaaaaaaa!!!!!"
*Keaaaaaarrrrrrrr*
Ek badi si aakriti upar aasmaan se neeche aayi. Dhamm se chhat par uske qadam padte hi poora chhat kampan kha ke reh gaya.
Upar hawa me ek baaj udta hua neeche aaya aur Dexter ke mrat shareer par jaa baitha. Apni nukeeli chonch se woh uske murda shareer ko noch ke ukhaadne laga aur use wahi kachha chabaane laga.
Uss yuvti ne Ava ko pakde hue bagal waali imaarat se chhalang laga kar aaye uss shaks ko dekha. Aur, fir bauhe kasste hue boli.
"It's a poison. Mujhe jald se jald treatment karna hoga."
Aur, ye koi aur nahi, Garofano hi thi. Aur, uske saamne khada woh shaks — Renshu.
'Yarnia' ka bhavya launch ho aur Veer unhe aamantran na de? Aisa kahi ho sakta tha? Woh sabhi abhi kuchh derr pehle hi India aaye the. Neeche se car se jab unhone Ava ko road cross kar bhaagte dekha toh unhe samajhne me derr na lagi ki kuchh gadbad thi.
Agle hi pal ek aur aakriti bagal waali imaarat se kood ke unki chhat par land ki.
Erica!!!
Erica : K-Kya hua? Urgh!! Sheba!!! Don't you dare eat human meat!!!
Woh uss par zorr se barsi. Magar, Sheba apni mundi hilaaye wapas se Dexter ke maans ko nochne me lag gaya. Renshu chhat ki edge tak gaya. Use neeche se saara manzar nazar aa raha tha.
Renshu : Police aa chuki hai. Yaha se nikalna padega.
Garofano : Laash ka kya??
Renshu : Rehne do. Waise bhi tumhe koi trace nahi kar payega. Tumne Erica ko chakma diya tha. Toh, ye police tumhare liye kya cheez hai?
Garofano : Hmph! Mujhe jagah chahiye. Treatment ke liye. Bullet nikaalni hogi. I think iske paas koi poison resistant skill ya card nahi hai. Aur, isliye... Ye behosh ho chuki hai. Andar system poison ko felne se rok raha hoga. I can give her an antiserum. That will make things better.
Uska aagman ekdum sahi samay par hua tha. Yohana's Scalpel, uska card — jiski madad se woh Ava ki surgery asaani se kar sakti thi.
'Freya!!! Full Status!!!'
*Ding*
Mastishq me turant hi full status ki do window uske saamne khul gayi.
Scroll me uske paas Antiserum tha. Fame points bhi uske paas kaafi maatra me the. Ava par antiserum ka istemal karne ke baad use jald se jald kuchh aur antiserum bana ke rakhne honge. Woh jaanti thi ki aane waale samay me kuchh bhi ho sakta hai. Taiyaari jitni zyada ho, utna behtar tha.
Renshu : Humari priority hai Veer se milna. Par, dekh ke lag nahi raha ki woh yaha par hai. Tumhare paas koi skill hai? Jis se Veer ka pata lagaya jaa sake?
Garofano : Nahi!!
Garofano ke paas aisi koi skill nahi thi. Renshu ne use kuchh pal ghoor ke dekha.
Garofano : What?? Iss tarah se dekhne ki zaroorat nahi hai. Mein sach keh rahi hu. Agar, hoti toh mein kab ka istemal kar chuki hoti.
Renshu (sighs) : Mere paas bhi nahi hai.
Iss baar Garofano ne use ghoor ke dekha. Renshu ne badle me koi jawab na diya.
Woh sab nahi jaante the ki Ava hi ekmaatra thi jiske paas Veer ko track karne ki koi skill thi — Death Flag!!!
Ava ne saari skills unhe nahi bataayi thi. Ye baat sirf aur sirf Veer jaanta tha ki agar koi use trace kar sakta tha, toh woh sirf Ava thi. Lekin, filhal woh behosh thi.
Erica chup-chaap chalte hue Ava ke nazdeek aayi. Jhukte hue usne Ava ko gaur se dekha. Ek pal ke liye use wo drishya yaad aa gaye jab Ava uske theek saamne ek deewar bann ke khadi hui thi, Jaw Long se bachaane ke liye.
Veer uski goad me ghayal pada hua tha aur Ava unn dono ko protect kar rahi thi.
Erica : Dad!!?
Woh achanak boli.
Renshu (glances) : Hmm?
Erica : Can we trust her???
Use apne pita ke bol yaad the. Ava ne hi Veer ko dhoka diya tha.
'Erica!!! Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'
Parantu, Jaw Long se bhidant ke baad Erica ke mann me Ava ki chhavi me parivartan aa chuka tha. Kya yeh waqai wahi ladki thi jisne Veer ko dhoka diya tha? Kya uss par bharosa kiya jaa sakta tha??
Renshu : Agar, abhi ki situation ke hisaab se dekhe. Toh, mujhe nahi lagta ki woh humare khilaaf hai. Woh bullet zaroor use kisi ko protect karte waqt lagi hogi. Toh hum ye anuman laga sakte hai ki woh humaare side hai. Filhal!!!
Erica : Par, aap hi ne kaha tha na ki kabhi Natalia Martin par bharosa mat karna!?
Renshu (nods) : Hmm! Kaha tha. Aur, uss baat ko abhi bhi mat bhoolna. Lekin, filhaal ke liye. Jaise halaat hai... Mujhe nahi lagta ki woh koi shadyantra rach rahi hai.
Erica : Mm! Okay!
[Oh, are you getting jealous my girl?]
'What?? Shut up, Genie!!! Mein kyu jealous houngi bhala?'
[Ye jaante hue ki yeh Ava Veer ke dil me apni jagah bana rahi hogi??? Hmm??]
'Shut up! Hmph! Aisa kuchh bhi nahi hai. Mujhe kya lena-dena unki love story se?'
[Fufu~ Well, I'll believe you. For now at least.]
Renshu (looks down) : Police yaha aa rahi hai. Erica!!!
Erica (nods) : Samajh gayi, dad!! Kaha par milna hai?
Renshu : Parking me...!
Aur, agle hi kshan-
*Whoosh*
Erica waha se gaayab ho gayi. Woh jaanti thi use kya karna tha.
'Veer!!! Kaha ho tum?'
[See? Mein sahi thi.]
'Ahhh!!! Genie!!! *blushes* Stop reading my mind.'
[Hehe!]
Nazro se bachte hue Erica andhere me Hotel Prestige ke nazdeek pahuchi. Uska yaha aane ka ek hi uddeshya tha-
'Basic Seer Vision!!!'
*Ding*
Skill activate hui aur chand pal pehle ki yaha hui sabhi ghatnaaye uske dimaag me drishya bann ke aane lagi.
Uske maathe par silvatein chhaa gayi. Dimag par zorr pad raha tha. Yeh pehli baar tha jab usne iss skill ka istemal kiya tha. Jaw Long se ladayi ke dauran Veer ko safeguard karne ka mission poora karne par use ye skill reward ke roop me praapt hui thi. Aur, aaj uska sahi upyog karne ka samay aa chuka tha.
***
Mumbai Police Headquarters,
Night - 9:30 PM ~
Trisha kaanp rahi thi. Kuchh hi palo me kya se kya ho gaya tha. Use apne andar ghutan si mehsoos ho rahi thi.
Uski beti, Pihu jaa chuki thi.
Apharan. Lekin, koi aam apharan nahi. Ye woh tha. Wahi killer jiska khauf poore raajya me fela hua tha.
Iss vichaar maatra se hi ki uski beti uss hatyaare dwara utha li gayi hai, Trisha ka badan jhatka kha kar reh gaya.
“Trisha!”
Ek dridh awaaz uske bhay ko cheerte hue kamre me aayi. Uska pati, Rohan andar ghusa aur uski aankhein apni patni par tik gayi. Trisha uski orr mudi. Uske honth thar-thara rahe the.
Trisha : R-Rohan!!! *sniff* M-Mujhe maaf kar do...!!! *sniff* Sab meri galti hai. Na mein apna dhyaan Pihu par se hataati, na woh baahar jaati aur- *sniff* Aur, na ye sab hota. *sniff* Sab meri galti hai. *hic*
Rohan ko sab kuchh gyaat tha. Aur, isliye usne poori police force uss serial killer ko pakadne me laga di thi. Udhar Hotel Prestige me alag humla ho chuka tha. Ek force waha bhi bhej di gayi thi.
Woh apni jagah par ruka. Uske haath ki mutthi kass gayi. Jis se poore raajya ke apradhi darte the, aaj woh khud hi apne aap ko kamzor mehsoos kar raha tha.
Kintu, woh apni kamzori nahi dikha sakta tha. Abhi toh hargiz nahi.
Police karmi uske aas-paas hi maujood the. Kuchh radio par baat kar rahe the, toh kuchh nigraani ki footage check kar rahe the. Phone baj rahe the, keyboards khad-bada rahe the, aur Rohan andar se poori tarah se toot ke apne aap ko mazboot dikhaane ki koshish kar raha tha.
Usne ek gehri saans chhori.
Rohan : Pihu ko kuchh nahi hoga. Mein use kuchh nahi hone dunga. Hum use waapas laa ke rahenge.
Uski awaaz dheemi thi. Kuchh zyada hi dheemi. Trisha ne zor se apna sarr hilaaya.
Trisha : *sniff* R-Rohan!! Woh koi aam kidnapper nahi tha. *sniff* Woh serial killer tha...!!! *sniff*
Woh uth ke uske paas aayi aur uski baah ko kass ke thaam li. Uske nakhoon Rohan ki baah me gadd gaye.
Trisha : Kahi woh... Kahi woh... *sniff*
Woh apna vaakya bhi poora na kar saki. Rohan ne use thaama. Uski pakad mazboot thi lekin kathor nahi.
Rohan : Meri taraf dekho, Trisha!!!
Trisha ne apni aasuo se bheegi palke uthaayi.
Rohan : Hum use dhoondh lenge.
Trisha ne apna nichla honth itni zorr se kaata ki lagbhag woh ghayal hone ko ho gaya.
Trisha : A-Aur, agar hum nahi dhoondh paaye toh? *sniff* Agar kahi derr ho gayi toh?? *sniff* Mein jeete jee marr jaungi, Rohan!!! *hic* Mein marr jaungi Pihu ke bina...
Humesha nidar aur shaant rehne waali Trisha aaj itni dari hui thi. Ye woh dar tha jab ek maa se uski aulaad bichhad jaati hai.
Iss raat pehli baar, aaj Rohan ke paas bhi koi jawaab nahi tha. Unke beech ek khamoshi chhaa gayi. Sirf Trisha ki subakne ki awaaz hi waha kamre me goonj rahi thi jo aas-paas ke shor se bhi chhup na saki.
Police station toh unke chaaro orr ki gatividhiyo se gulzar tha. Ye ek prakar se yuddh ki ghoshna thi. DGP ki beti ka apharan hua tha. Kisme itni aukaat thi ki raajya ke DGP ki beti ko hi agwa kar le?
Tabhi, ek junior police officer unki orr daudate hue aaya.
Policeman : Sir, sabhi units ko tainaat kar diya gaya hai. Humne bhaagne ke sabhi mumkin maarg — airports, railway stations, bus terminals ko band kar diya hai. Duty par maujood har officer high alert par hai.
Rohan (nods) : Mujhe har 5 minute ke andar update chahiye. Koi galti nahi, koi deri nahi!
Policeman : Ji sir!
Usne salaam kiya aur tezi se baahar nikal gaya.
Magar, Trisha ke mann me kuchh aur hi chal raha tha.
Trisha : Hum inn sab me time kyu barbaad kar rahe hai, Rohan??? Mujhe baahar hona chahiye... Mujhe humari Pihu ko dhoondhna chaahiye udhar jaa ke aur hum idhar-
Rohan : Aur, kaha dhoondogi tum use? Kya tumhare paas koi lead hai???
Trisha (yells) : Kahi bhi dhoondungi. Par, mein haath par haath dhare yaha kaise baith sakti hu. *sniff* W-Woh humari bacchi ko le gaya, Rohan!! Humari apni bacchi. Eklauti bacchi!!! *sniff* Mein marr jaungi-!!! *sniff* Mein nahi jee paungi agar use kuchh-
"TRISHAAAA!!!!"
Rohan ki awaaz poore station me goonj uthi. Ek pal ke liye sab kuchh ruk gaya.
Aas-paas ke police karmi unhe dekhe, lekin kisi ne hastakshep karne ki himmat nahi ki.
Rohan : I need you to think.
Trisha ka gussa fir ubaal maara.
Trisha (yells) : MEIN SOCH RAHI HU, THEEK HAI??? Aur, sochne ke baad bhi mere andar sirf aur sirf meri bacchi ki tasveer mujhe nazar aa rahi hai. Use kaisa mehsoos hua hoga uss waqt... Mujhse bichhadte waqt... Wo kitna darr rahi hogi... Kaha hogi... Wo humara intezar kar rahi hogi... Aur, mein yaha haath par haath dhare bas khadi hu...!!! *sniff*
Rohan : Tum ek maa ke saath-saath ek police officer bhi ho, Trisha. Agar, tumne apna niyantran khoya, agar tumne koi galat qadam uthaaya, toh ek baat yaad rakhna... Uski keemat humari Pihu ko chukaani padegi.
Aur, ye shabd kisi tamaache ki tarah uss par aake lage.
Trisha ladkhadayi, aur Rohan ne use dheere se thaam liya. Ek maun vaada. Woh ek maa thi. Haan. Lekin, saath hi ek police officer bhi. Woh kamzor nahi pad sakti thi.
Trisha : Tumne theek kaha, Rohan!! I'm sorry!! I'm so sorry!!
Usne Rohan ka haath kass ke thaam liya. Aur, fir officers ki orr mud ke woh boli.
Trisha : Mujhe ghatna ke dauran maujood har ek shaks thaane me chahiye. Uss Madhuri aur Pranjal ko bhi poochh-taachh ke liye yaha leke aao. Uss poore area ke escape routes block karwa do. Har mod, har gali par pehra hona chahiye. Gharo me ghuso aur poochh-taachh karo. Talashi lo. Jo bann sakta hai karo.
Rohan ne uska ye roop dekh, sehmati me sarr hilaaya. Aur, woh khud yaha ki kamaan Trisha ke haatho me saunp, Pihu ko dhoondhne ke liye waha se nikal gaya.
Magar, andar hi andar woh khud ghabraya hua tha.
Kyunki, iss se koi farq nahi padta ki unke haath me kitni power thi — abhi toh woh dono sirf ek mata-pita the jo praarthna kar rahe the ki unki bitiya sahi salamat aur jeevit ho.
***
Carewell Hospital...
Nidhi, aspatal me ek bistar par laiti hui thi. Uske sarr par pattiyaan bandhi hui thi. Chehre ka rang peela tha aur honth sookhe. Uske haath se ek IV line judi hui thi jo ek taral padaarth uske shareer me pahucha rahi thi.
Nidhi ke parivar-jann doctor ke ird-gird hi khade the.
Doctor : Dekhiye! Humne ek mild sedative unhe diya hai taaki unki sthiti aur na bigad jaaye. Sarr par chot lagte waqt ek mild concussion hua hai unhe. Neurological assessment ho gaya hai aur abhi tak internal bleeding ke aise koi bhi sanket nazar nahi aaye hai. Ye achhi baat hai. Lekin... Dehydration bahut zyada hua hai. Shareer me jo essential electrolytes hote hai woh kaafi kam ho chuke hai. Yahi kaaran hai ki woh itni kamzor hai.
Doctor ki baatein Nidhi ke mata-pita ko samajh aayi ho ya na aayi ho, magar Shreya poori tarah se sab samajh chuki thi.
Ramandeep : T-Toh humari bitiya theek toh hai na???
Doctor (nods) : Haan! Abhi toh theek hai. Dekhiye, woh kaafi stress me thi. Physically bhi aur mentally bhi. Uske baad dehydration, exhaustion aur fir sarr par chot aur concussion. Isliye, hydration level restore karne ke liye humne unhe ek intravenous saline solution diya hai. Dard ke liye ek analgesic aur woh abhi rest kar sake uske liye ek mild sedative. Abhi unhe agar kisi cheez ki sabse zyada zaroorat hai toh woh hai araam.
Shreya kone me chup-chaap baithi thi, uske ghutne uski chhaati tak khiche hue the. Uske chehre se lagatar aansu beh rahe the. Unn sab ki nanhi Juhi laapata thi aur ab uski badi behan aspatal me behosh padi hui thi.
Uski bhabhi, Dipti ne uske kandhe par apne kaanpte hue haath ko rakha. Lekin, saantvna dene ke liye use koi shabd nahi mile. Akhir, kya keh sakti thi woh?
Nidhi ki maa, Hema chhote se Dhruv ko liye apni goad me jhula rahi thi, magar aankhein apni bitiya Nidhi par tiki hui thi. Juhi ka gham sabko bahut chot pahucha raha tha.
Hema : Doctor sahab! *sniff* Hosh me aate hi woh firse bhaagne ki koshish karegi.
Doctor : Isliye toh sedative diya gaya hai na.
Nidhi ka bada bhai, Ishaan bhi wahi tha.
Ishaan : J-Juhi!! Mein Juhi ko dhoondhne jaa raha hu. Police apna kaam karegi, lekin hume unke bharose bas nahi rehna chahiye.
Ramandeep : Haan beta! Sambhal ke!! Ya mein bhi chalta hu.
Ishaan : Nahi papa! Kisi gents ka yaha rehna zaroori hai. Mein jaata hu.
Shreya : Bh-Bhaiya mein bhi chalungi aapke saath. *sniff*
Ishaan : Nahi, Shreya!!! Dipti-
Usne apni patni ki orr dekha. Dipti uska ishaara samajh gayi.
Dipti : Shreya! Inhe jaane do. Humara yaha rehna zyada zaroori hai.
Kehte hue usne Shreya ko apne gale se laga liya. Aur, Shreya bilakh-bilakh ke rone lagi.
Hema ki pakad Dhruv par kisi kaaran mazboot ho gayi. Jaise ab use surakshit rakhne ki koshish kar rahi ho ki kahi Dhruv bhi unke paas se-
Juhi ki anupasthiti unke liye ghaav samaan thi. Kuchh bhi ab pehle jaisa nahi tha.
***
The Underground Lair…
Chhapaak ki awaaz ke saath Veer underground lair me kooda. Gehre dum ghotne waale andhere ne use poori tarah nigal liya. Neeche aedi tak paani bhara hua tha. Lekin, ye baat uski hairat ka kaaran nahi thi. Hairat ka kaaran thi yeh jagah.
Tracer ki madad se woh yaha tak pahucha tha aur ab use sab samajh aa chuka tha ki Police ab tak iss hatyaare tak kyu nahi pahuch paa rahi thi.
Ye underground lair… darasal… ek shamshan ke neeche thi.
Raat ke andhere me achhe se achha aadmi shamshan ke andar pravesh karne se kaanp uthata hai. Isme koi shaq nahi tha ki iss hatyaare ne yeh jagah kyu chuni thi.
Par, Veer ko abhi aur bade-bade jhatke lagne baaki the.
Idhar uska aagman hote hi, lair ke kendra me maujood uss paagal hatyaare ko iska pata lag gaya. Uske muh se jeebh laar tapkaate hue baahar nikli.
“The time has come… Ehe… Ehehe!!!”
Aur, Veer ke idhar ek qadam aage lete hi-
*Ding*
[‘Tracer’ has been nullified.]
[Juhi’s location is no longer available.]
‘What???’
Uske badan me ek sihran daud gayi. Tracer me dikh rahi Juhi ki location aur map dono hi achanak se gaayab ho chuke the. Uska poora shareer tanavgrast ho gaya. Andar ki hawa ghani, namm aur gandh se bhari hui thi.
'W-What's going on???'
[Master! Tracer ko nullify kar diya gaya hai.]
Pari ki ghabrati hui awaaz uske andar goonji.
‘Pari!! Y-Ye kaise-!?’
[I don’t know, Master! Sambhal ke please! It’s now clear! Ye ek system holder hai. Usne kuchh use kiya hoga jiski wajah se Tracer nullify ho gaya. Shayad use pata tha ki aapne Juhi pe tracer lagaya hai.]
‘What??? Ye kaise ho sakta hai? Tracer ke baare me use kaise-?’
[Hum ek system holder se bhid rahe hai. Anything is possible, Master! Please, be careful!]
‘Hmm!!!’
Veer ne qadam aage badhaaye. Paani uske perro se bhid ke idhar-udhar chhalak raha tha jo underground lair ke sannaate me bhaari shor paida kar raha tha. Jaise-jaise woh aage jaa raha tha, andhera aur badhta jaa raha tha. Dekhna uske liye mushqil hota jaa raha tha.
Aur, use Jaw Long se bhidant ke waqt praapt hui uss skill ka dhyaan aaya.
Aura Vision.
Veer jaanta tha ki usne Aura Vision ko upgrade nahi kiya tha. Woh jeevit cheezon ka aura toh dekh sakta tha magar jin cheezo me jaan nahi thi unhe woh nahi dekh sakta tha.
‘Pari! Kitne points available hai??’
[15000!]
‘Aura Vision ko upgrade karne ke liye kitne chahiye???’
[5000]
‘Upgrade kar do!’
[Are you sure?]
‘Yeah! Mein risk nahi le sakta. Aur, deri bhi nahi kar sakta. Juhi andar hi hai. Mujhe jald se jald waha pahuchna hoga iske pehle ki-’
*Ding*
[Aura Vision has been upgraded to Max.]
[Aura Vision is now activated.]
Skill ke activate hote hi poora vatavaran uski nazar me ek grayscale me dhal gaya. Humans ke liye aura ka rang blue tha. Plants ko darshaane ke liye green. Animals, birds, insects aur organisms ke liye ye yellow tha. Negative energy ko bhaapne ke liye black aur nonliving things ke liye brown.
Par, itna hi nahi… Ye sabhi color alag-alag shades me the jiske chalte Veer cheezon me bareeki se antar dekh paane me saksham tha.
Vision ke badhne se Veer ne ek pal bhi zaaya nahi kiya.
‘Let’s go!!!’
*Whooooossshhhh*
Chhap-chhap kar paani uske daudne se chhalakta gaya. Lair kisi underground tunnel ki bhaanti prateet ho rahi thi. Usne apni raftaar thodi dheemi ki. Dheere-dheere jhijhakte hue woh aage badha, uske joote keechad jaisi dharti me dhans rahe the. Magar, thoda andar aate hi uske qadam wahi tham gaye.
‘What the-!!??’
Saamne ka nazara itna khaufnak tha ki Veer ke badan ke rue khade ho gaye.
‘Urgh-!’
Usne apni aasteen upar kar apni naak ko apni baah se dhak liya. Lekin, badbu uski twacha, uske kapdo, uske fefdo me ghus rahi thi. Aankhein bhay ke maare feli aur dil ki dhadkane tez ho gayi. Deewaro par laasho ki kataare lagi hui thi, kuchh fati hui boriyo me lipti neeche dali thi, kuchh ke chithde ho rakhe the, kuchh ke ang ajeebo-gareeb dhang se mude hue the.
Vibhinn jaanvaro ke kate hue dhad, maans ke tukde, haddiya, andhruni ango ke chithde aur na jaane kya kya. Khoon aur gande paani ki gandh poori hawa me fel rakhi thi — sadte maans, mal-mootra, aur mrityu ka ek mishran.
Keede unn sadte maans par mandra rahe the, makkhiyaan ka bada sa jhund bhook se bhin-bhina raha tha. Aur, unke pankh dum ghotne waali shaanti me goonj rahe the.
Veer ko akbakayi si mehsoos hui aur Juhi ke baare me sochte hi uska shareer thanda pad gaya. Kis tarah ka khooni tha ye? Kahi Juhi bhi-?
‘Nahi!!’
Usne apne perro ko hilne ke liye majboor kiya. Uska ek perr fati hui boriyo me se nikal rahi kisi laash ki atadiyo par pada.
'Fuck!!!'
Usne uss bhayankar drishya ko paar kiya. Ek kata hua haath uske jooto se takraaya, jo paani ke upar hi terr raha tha.
Gati badhaate gye woh udhar se nikalte hi punah dang reh gaya. Alag-alag dishao me alag-alag maarg jaa rahe the. Kaun sa raasta sahi tha?
‘This is bad…! Mere paas inn sab ka samay nahi hai!!’
Use yakeen nahi ho raha tha ki underground lair itni badi hogi. Akhir, iska nirmaan kisne kiya? Ye kisi bhool-bhulaiyaan se kam nahi thi.
Pari ne bina uske poochhe hi 'Path Tracker' on kar diya. Kam se kam woh apna raasta toh nahi bhoolega jaha se woh aaya tha.
Woh aage badh hi raha tha jab uski perro ki neeche kuchh daba-
*Click*
Khatra mehsoos karte hi Veer ki aankhein darr ke maare chaudi ho gayi. Iske pehle ki uska dimag kuchh samajh paata ki kya ho raha hai, uska shareer apne aap pratikriya kar diya.
[Master-!!!]
Woh akasmat peechhe ko kooda aur uske koodate hi-
*Schling* *Schling* *Schling*
Paani ke andar neeche se nukeele lohe ke spikes tezi se upar aaye. Unme zung lagi hui thi, sookha khoon unn par chipak ke jamm chuka tha. Ek saboot ki pehle bhi iss se kisi insaan ki maut hui hai.
Agar, woh sahi samay par na hatata, toh woh spikes uske shareer me dhans chuke hote. Usne apne aap ko uss jagah par imagine kiya. Paseene ki ek boond uske maathe par se fisal gayi.
Aur, jaise hi woh khada hua-
*Swoosh* *Swoosh* *Swoosh*
Bayi orr se ghoomne waali blades ki ek kataar udti hui uska sarr dhad se alag karne ke liye tezi se aayi.
'Shit!!!'
Samay rehte hi usne bamushqil apne shareer ko moda, tez dhaar uske blazer ke kapde ko chhu kar nikli aur uska kuchh bhaag fatt kar alag ho gaya.
'Fucking hell...!'
[Master, there are traps. Hume savdhaan rehna hoga.]
Veer ki saansein tez hui. Kahi koi floor plate, kahi koi trip wire, kahi koi chhipa hua trigger. Har qadam par koi na koi khatra tha. Jisne bhi iss jagah ko banaya tha, usne logo ko maarne ke liye hi ye design ki thi.
Yeh sirf ek underground lair nahi thi.
Yeh ek slaughter house tha.
Aura Vision se use non living things dikh toh rahi thi, par inn traps ko trigger karne waale upkaran saare paani ke neeche maujood the. Unhe dekhne ke liye, paani ke andar muh dubona padta, jo Veer hargiz nahi karne waala tha.
Pari ki chetavni par woh iss baar savdhani se aage badha.
'J-Juhi!! Be safe!!!'
Uski aankhein aur jaal talaash rahi thi. Lekin, jaise-jaise woh aage badhta gaya, zameen par gandagi ghani hoti chali gayi aur hawa bhaari hone lagi.
Aur, fir... Use sunayi diya.
*Splish*
Ek qadam.
Paani ka chhapakna.
Koi tha.
Veer wahi jamm gaya. Magar, uska poora shareer high alert par tha. Usne suna.
*Splish*
Ek aur qadam.
Daayi orr se.
Uska sarr dhwani ki disha ki orr muda, lekin — kuchh nahi. Dur-dur tak kuchh nahi tha.
'Huh???'
Tabhi-
*Splish*
Iss baar baayi orr se.
Woh fir ghooma, magar — koi bhi nahi.
Uski saansein aur tez ho gayi. Achanak, uski line of sight ke baahar kuchh harqat hui. Use apni hi dhadkano ki awaaz sunayi de rahi thi.
Usne apni mutthi kasi, knuckles poore safed pad gaye.
Aur, tabhi-
Ek fusfusahat.
Aur, fir ek dheemi pagalpan waali hasi use sunaayi di.
"Ehe...!!!"
Woh yaha aa chuka tha.
Sannaata ghutan bhara tha. Veer shaant tha, aisa lag raha tha maano underground lair uske chaaro orr saans le rahi thi. Chhayaaye idhar se udhar ho rahi thi, maano use dekh rahi ho, intezar kar rahi ho. Tabhi-
*Swish*
Ek blade hawa ko cheerte hue aayi. Sahi samay par Veer ne apna sarr jhukaaya. Hathiyar uske chehre se ek inch ki duri se hoke guzra. Uske paas maatra ek second hi tha khud ko hataane ke liye jab-
*Whoosh*
Ek aur humla.
Woh bacha. Usne apne aap ko moda, uski pasliyaan marud ke reh gayi. Ek ke baad ek humla uski orr aaya, magar koi bhi nazar nahi aaya.
'Tch! Where the hell is he-!??'
"Ehehehehe~"
Wahi hasi ek baar fir hawa me goonj gayi.
'Enough of this...!'
Uski aankhein saamne ke raaste par tik gayi. Aur, fir use ek aakriti nazar aayi.
Andhere se woh aakriti baahar nikal kar aayi. Veer ne use dekha.
Lamba, patla shaks. Safed lambe baal, baahar ko aati aankhon ki putliyaan. Uska dhasa hua chehra ek bhayanak muskurahat me badal gaya. Uski jeebh ajeeb tarah se baahar nikli aur usne apne fatey hue hontho ko chaata.
'Check!!!'
*Ding*
[No information available.]
Woh sahi tha.
'System holder...!!!'
Ye wahi tha. Jiska sketch police dwara banwaya gaya tha.
Veer : Tum-!!! Tum hi ho woh serial killer. *frowns* Juhi kidhar hai???
Uski awaaz dheemi magar khatarnak thi.
Uss aadmi ne apna sarr jhukaya. Aur, fir woh hasa... Itni zor se hasa ki uski haivani hasi waha goonjne lagi.
"Ahahahahahahaha!!!"
?? : Tum... Tum akhir aa gaye... Ehe!!! Mein tumhara hi intezar kar raha tha...!!!
Veer thitak ke reh gaya.
Veer (frowns) : Kya matlab-!?
Woh aadmi muskuraya, aur kareeb aane laga. Uski ungliyaan utsaah me hil rahi thi. Uski jeebh baahar nikli maano jaise ki saanp ki tarah hawa ka swaad le rahi ho.
?? : Tum yaha... meri wajah se aaye ho... Ehehehehe...
[He might be playing mind games, Master. Uski baaton me mat aaiye.]
?? : Ehe... M-Mein hi tumhe yaha leke aaya... Ye sab... Plan tha... Ehehehe...
Veer ki reedh me sihran daud gayi.
'N-No! What the fuck is he talking about?'
?? : Murders to hone hi the... Ehehe... Mere experiments ka hissa... hehe... Magar, sirf wahi nahi... Tumhe yaha laane ke liye... Ahahahaha...
Veer ki kuchh samajh nahi aa raha tha. Ye paagal aadmi kya bole jaa raha tha?? Nahi! Ye sach nahi tha. Uski mulaqat toh iss psycho se pehle kabhi hui hi nahi thi. Fir, bhala woh kyu use-!?
?? : Eh... Tum confused ho... Hai na?? Don't worry... Mein tumhe bata deta hu... Hehe...
Veer : ???
?? (mutters) : Lure Path!!!! Hehehehe-!!!
Sunte hi Veer ke andar maujood Pari kaanp ke reh gayi.
[N-No-!!!]
'Huh?? Pari? Kya hua? Lure Path? Kya hai ye???'
Pari ne uske sawaal par seedhe hi jankari prastut kar di.
*Ding*
[Legendary Scroll : Lure Path
Description : A scroll that allows the user to lure a specific person. The scroll will generate a path which must be followed in order to lure a person. User must imagine the person he/she wants to lure in and scroll will then act upon itself.
Note : Can even lure a system holder.]
Padhte hi Veer ke raungte khade ho gaye. Ek aisa scroll jiski sahayta se kisi bhi vyakti ko apni territory me laaya jaa sakta tha.
Pehle Madhuri ke pita, Prabhakar ki hatya... Aur, fir use mission milna... Pune se hoke Lonavla tak aana... Aur, fir Juhi... Iska matlab... Ye sab kuchh ek plan ka hissa tha!?
Veer ke bhaav dekh uss paagal insaan ki muskaan aur badh gayi. Insaan toh uska target the hi... Parantu, sabse bada target uska tha — Veer!!!
Lure Path.
Isi ki kaaran Veer ko woh mission mila.
Veer : N-Noo-!! M-Magar, tumne mujhe kyu...
?? (screams) : Kyunki tumhari wajah se... maine apna target khoya tha... *growls* Tumhari wajah se...
Veer : Wh-What!?
Woh gurraaya. Uski aankhon me bhayanak gussa nazar aa raha tha.
?? : Tumhari wajah se... Sab tumhari wajah se... I was so close to my experiment... Eh... B-But... You... You took my target away from me...
Veer : !!??
?? : You took him away from me...!!!
One year ago,
Clark County Prison,
Las Vegas...
Laalach aur paap ke iss sheher me dhero shaitaan baahar ghoom rahe the. Magar, asli raakshas toh yaha Vegas ki jail me band baithe the.
Aur, ek aadmi holding block ke sabse andhere kone me baitha tha. Safed baal, dhansi hui aankhein, haivani muskaan.
Uski ungliyaan jail ke bars par bandhi hui thi. Woh kisi bhooke jaanvar ki tarah kisi ka intezar kar raha tha.
Aur, tabhi-
Deeware kaanp gayi. Ek visfot ne sannaate ko cheer diya, jis se poori imaarat hil ke reh gayi. Sirens ki awaazein goonjne lagi.
Woh aa chuka tha.
Crimson!!!
Yahi woh waqt tha jab Crimson ne jail se Jim the Slippery ko chhudhwaya tha.
Usne baaki bhaag rahe apraadhiyo ki orr dekha tak nahi. Dhua chhat raha tha aur uski nazar kisi orr cheez par thi.
Aur, fir usne dekha.
Ek paagal insaan. Crimson ke ghoorte hi uss paagal insaan ke badan me ek utsaah ki leher daud gayi. Jaise maano ek shikaari dusre shikaari ko pehchaan raha ho. Woh sahi tha.
?? : Ehe... Tum bhi... Tum bhi hum me se ek ho??? Ehehehehe... Mere patients... Ehe... Mein aaya...!!!
Kehte hue woh waha se bhaag nikla. Magar, jaise jaise woh bhaag raha tha. Woh apne peechhe Crimson ke aane ka intezar kar raha tha.
Akhir, sab kuchh usi ne toh racha tha.
Lure Path...!!!!
Jim the Slippery ka jail me jaana koi ittefaaq nahi tha. Uss paagal ne Lure Path ka istemal kiya tha.
Crimson ki jankari use Vegas me reh kar lag chuki thi. Aur, uska target wahi tha.
Jim the slippery ko jail pahuchana, Pitcher aur Nightwalker jaise apraadhiyo ko sakreeya karna — Ye sab uss paagal ka hi toh kiya dhara tha.
Idhar, usne Lure Path chalaaya aur udhar Crimson ko-
*Ding*
[Mission : Assemble the criminals — Jim, the slippery, The Nightwalker, The Pitcher.]
Bechare Crimson ko ye pata tak nahi tha ki use mission uss paagal ke Lure Path istemal karne ki wajah se mila tha.
Use lag raha tha ki woh Mr. X ke khilaaf ladne ke liye ek criminal squad bana ke underworld me apni taaqat badhayega magar, use iss baat ki bilkul bhanak nahi thi ki woh khud ko uss paagal system holder ki thaali me paros ke de raha tha.
Sab kuchh uss paagal system holder ke shadiyantra ki mutabik jaa raha tha jab achanak beech me ek naya variable kood ke aa gaya-
Veer...!!!
Uss paagal ko laga tha ki ab Crimson uska peechha karega. Aur, fir woh Crimson ko apna bandhi bana lega. Yahi toh kaaran tha jo usne khud ko bhi salaakho ke peechhe rakha tha. Woh jaanta tha ki Crimson Jim the slippery ko chhuraane aayega hi aayega.
Parantu, aisa na hua...
Veer ke aa jaane se, Crimson ka dhyaan Mr. X ki orr jaa chuka tha. Aur, jaha Crimson ko uss paagal ka peechha karna chahiye tha, usne aisa kuchh bhi nahi kiya.
Balki, woh Jim the slippery ke peechhe bhaaga. Antatah!? Uss paagal system holder ki tarqeeb naqamyab ho gayi.
Aur, uske baad-?
Crimson ki maut — Veer ke haatho.
Aur, ab yahi Lure Path Veer ke liye istemal ho chuka tha. Jaha Veer samajh raha tha ki woh killer ke nazdeek pahuch raha hai, magar asliyat me toh killer hi use apne paas bula raha tha. Yahi tha legendary scroll — Lure Path.
Iska bodh Veer ko apne upar kisi bhaari patthar ki tarah mehsoos hua.
Ye haal hi me mare log... Ye pattern... Hatyaare ko dhundhne ka mission...
Ek trap.
Veer ladkhadaya. Uski saansein ukhdi.
Jis qadar se woh Veer ko qadam dar qadam aage badha raha tha, ye koi sanyog nahi tha. Ye ek luring path tha.
Aur, ab use ehsaas hua. Itne log jo maare gaye the. Woh kahi na kahi uski hi wajah se maare gaye the. Woh nirdosh log... Madhuri ke pita... Yaha tak ki nanhi Juhi ka apharan.
Veer : Y-You-!!!
Uski awaaz kaanp uthi. Iss baar dar se nahi, balki gusse se.
Veer : Y-You killed them. Unn nirdosho ko tumne... Tumne maar daala!? Mujhe yaha laane ke liye...!?
?? : Ehehehehe!!! They didn't die... They became immortal after being a part of my experiment... hehehe... Their names will go down in history... Hihi...
Veer ka shareer akad gaya.
'M-Meri wajah se... Woh log... Juhi... Meri wajah se...!'
[Master!!!]
Use ab tak samajh nahi aa raha tha ki ye paagal akhir uske peechhe kyu pada tha. Bhala kis target ki baat kar raha tha woh?
Veer : You said I took your target... Who was it???
?? : Oh!! You don't remember??? Ehehehe... Yaad karo... Yaad karo...
Veer : *frowns*
?? (growls) : CRIMSON!!!
Naam sunte hi Veer ki aankhein fati ki fati reh gayi. Isme koi shaq nahi tha ki usi ne Crimson ko maut ke ghaat utaara tha.
Veer (shivers) : H-How? T-Tum kyu-!?
?? : Enough talk! My patience is running out... Time to kill... Ehehehehe...!!!
[Master, be ready.]
?? : Here I come!!!
*Whoooooooooooshhh*
Kehte hue woh ek jhatke me gaayab hua.
Aur, tabhi underground lair ke kendra me ek laboratory ke andar bandhi jaddo-jehed ke baad akhir kar apne muh se kapda hataane me saksham thi.
Kapda hatata hi uski zor se cheenkh nikli-
"Mummmaaaaaaa-!!!!!"
Jo poori underground lair me goonj uthi.
'Juhi!!!'
Juhi ki awaaz sunte hi Veer ke badan me raungte khade ho gaye. Parantu-
*Ding*
['Beowulf's Blessings' has been activated.]
Uski aankhein laal rang me dhal gayi. Woh paagal uski orr lapka.
*Swoooooooossshhhhhh*
Pehla vaar.
*Dodge*
Dusra vaar.
*Dodge*
Teesra vaar.
*Dodge*
Chautha vaar. Seedhe uske pait ki orr-
*Dodge*
Magar,
'Huh???'
*Craaaaackkkkkk*
'What???'
Uss paagal aadmi ka lohe ka staff Veer ke dono haatho se banaye defence ko chakna choor kar diya.
Aur, vaar aake seedhe uske pait me pada.
"Blurgh!!!"
Iske pehle ki woh sambhal paata-
*Ding*
[A curse has been applied on the host.]
[Master!!! Run-!!!]
'Wh-What????'
Kintu, Veer ko bhaagne ka mauka hi na mila jab-
Wahi staff aake seedhe uske daaye gaal par pada. Veer ka shareer hawa me uchhla aur jaise hi woh land karne waale tha-
*Whoosh* *Whoosh* *Whoosh*
Paagal system holder ne apna staff zorr se uski orr fek diya.
'Sh-Shit!!!'
Hawa ko cheerte hue staff gol-gol ghoomte hue uske sarr ki orr aa raha tha. Samay nahi tha. Veer ne majbooran hawa me rehte hue apne dono haath se block kar apne sarr ko bachaaya aur-
*Thud*
"Urgh!!!"
Staff itni zorr se uske haatho me aake laga ki use dard kass ke mehsoos hua. Lekin, jaise woh paagal pehle se hi jaanta tha ki Veer haatho se hi staff ko block karega.
Veer jaise hi land kiya, utni derr me woh paagal Veer ke theek muh ke saamne tha-
?? : Surprise... Ehehehe...
'Fuck!!!'
*Baaaammmmmmm*
Ek aur vaar. Seedhe Veer ki kanpati ki orr... Jise Veer ne punah apne haatho se block kiya.
Woh peechhe ki orr kooda.
Kintu, tabhi-
*DONG*
Ek alag si dhwani use apne andar sunayi di. Nahi! Ye notification ki awaaz nahi thi.
Awaaz itni zorr se aayi thi ki Veer ka poora badan hil ke reh gaya tha.
Aur, agle hi pal-
[N-No!! Master!!!]
Use apne mann me saamne nazar aaya-
*Ding*
['Beowulf's Blessings' is broken.]
Veer ki aankhein bhay ke maare fel gayi. Woh ghabraate hue uss paagal ko dekh raha tha. Uske honth apne aap khule-
"Wh-Who are you-!!?"
Aur, dusri orr se dheere se ek jawaab aaya-
"They call me... THE DISEMBOWLER!!!"
.
.
.
.
.
.
.
.
Aaj ke liye itna hi guys.
This update consists of 8.8k words.
Target apna wahi hai. 250+
Pahucha diyo araam se. Agle update me mein sab finish kar dunga. Ye fight agle update me samapt ho jayegi. Jaisa ki maine kaha tha do updates lagenge hi lagenge. Mera aadhe se zyada time Disembowler ki skills aur cards banaane me gaya hai. So, you can see it already. Upar se Garofano ka full system alag. That's why it takes so much time. Anyways, ab milte hai agle bhaag me.
Dhanyavad.
Dhasuuu update bro maza agaya next update jaldi doUpdate - 194 ~ The Disembowler
Ab tak...
Neeche paani aedi tak bhara hua tha. Chhapaak ki awaaz ke saath Veer ki aankhein laal rang se chamak uthi.
Aur, udhar hi andar kahi... Uss paagal insaan ko Veer ke aane ka ehsaas ho gaya.
Woh haivani muskaan liye muskuraaya.
?? : Well... My food got delivered already. Ahahahahahaha!!! The main dish has come-!!! You will have to wait for a while, young ones. *Slurp* Ohhh!!! I'll come back soon. Don't worry!!! Ehehehehehehe!!! Yahahahahaha! Now... Shall we get started????
Ab aage...
Dhua... Aag... Khoon...
Barood ki gandh hawa me mandra rahi thi. Kabhi Hotel Prestige ki bhavya lobby — sunehre foolo ki sajavat se saji — ab ek yuddh kshetra me badal chuki thi. Toote hue kaanch, ukhda hua 'Yarnia' ka logo aur kuchh shav waha dale hue the.
Security guards farsh par pade the, unki uniforms gehre laal rang se ott-prot ho rakhi thi. VIPs apni security dwara waha se sahi salamat bach nikalne ke liye bhaag rahe the. Sabhi social media influencers, fashion enthusiasts, models waha se apni jaan bachaane ke liye faraar ho chuke the. Jitne mehmaan aaye the, unme se adhiktar peechhe ke darwaaze se bhaag chuke the. Arajakta badhti jaa rahi thi.
Aur, inn sab ke beecho-beech, Tej waha khadi hui thi — ekdum sthir.
Uska seena tezi se haafte hue upar-neeche ho raha tha. Woh abhi bhi Veer ke bol apne dimaag me sunn paa rahi thi — shaant, bharosemand, 'Yarnia' ki zimmedari use saunpte hue.
'Mein ye zimmedari aapko saunp raha hu, Teju di. Mujhe aap pe poora bharosa hai.'
Kintu, woh nakaam thi.
Yahi uska pal tha — yahi woh waqt tha. Woh kshan jab woh ek aisi behan bann ke dikha sakti thi jis par uska chhota bhai, Veer nirbhar ho sake. Woh behan jo uske saath kandhe se kandha mila ke khadi ho sake, mazboot aur atoot. Kamzor nahi. Asahaay nahi.
Fir bhi, akhir kya hua? Woh keval waha khadi bas sab kuchh ghatit hota dekhti reh gayi.
Woh ghumi, uski nazar neeche pade khoon se lathpath vyaktiyo par padi aur woh wahi jamm ke reh gayi.
Uske bagal se khadi Bhumika ka chehra bhi peela pad gaya, uske honth thar-tharaye par koi shabd baahar na aaye.
Iss taraf, Shweta ne kass ke Bhavna ki baah pakad li, uska samaanya ghamand kahi gaayab ho gaya — uski jagah sarasar, bhay aur aatank ne le li. Bhavna swayam, humesha ki tarah shaant, humesha ki tarah niyantran me, iss waqt jami khadi hui thi — uski aankhein kamre me neeche pade ek shareer par tiki hui thi.
Iss orr Arohi akad ke reh gayi thi, usne Kavya ki kalaayi ko itni kass kar pakda ki uski kalaayi safed ho kar reh gayi. Bechari Kavya ka muh sadme ke chalte khula reh gaya, uski humesha ki tarah chulbuli masoomiyat uske aas-paas ke narsanhaar se khatm ho gayi.
Arohi (shivers) : N-Nahi-!!! Nahi!!
Kavya (sobs) : D-Di!!? Didiiii-!!! Mummyyyyy-!!!!
Woh dono aage bhaagi. Magar, woh akeli nahi thi.
Parijaat ki aurtein.
Woh sab ek pal me aage aayi — ek saath, atoot nishtha aur maun krodh liye.
Suman (yells) : Saili... Aabha... Sonali...!!! Didi log ko baahar leke jao!! Abhi!!!!
Woh zor se chillaayi. Uska aadesh sunn teeno hi javaan ladkiyaan haami bhar baari-baari Tej, Arohi, Bhumika, sabhi ko ekatra kar woh unhe peechhe ke darwaze ki orr le jaane lagi.
Ishaara samajhte hi Varsha, Sudha, aur Mukta daudate hue Suman ke nazdeek aayi aur saath milke woh neeche pade vyakti ko uthaane lagi.
Suman (frowns) : Sudha!! Perr pakdo!! Araam se...!!! Mukta chalo!!! Udhar bhi-!!! Jaldi!!! Fatafat uthao.
Mukta ne wahi bichhe table clothes utha ke khoon behte hue ang par lapetna shuru kar diye.
Sudha : Didi, kh-khoon bahut...
Suman : Shhh!!!
Sudha ghabra rahi thi. Poori kamaan ab Suman sambhaal rahi thi. Dono vyaktiyo ko zameen par se uthaaya gaya.
Udhar bheetar pichhle darwaaze par Suhana poori tarah se bechain idhar se udhar tehel rahi thi.
Uske movements tez aur calculative the. Baahar lobby me golibaari ka ek aur daur chala jiske chalte wahi paas ki ek murti chaknachoor ho gayi.
Suhana : Exit secure rehni chahiye. VIPs jitne nikal rahe hai nikalne do, lekin mujhe Veer ki family jald se jald baahar sahi salamat chahiye.
Uncle Prakash (rushes) : Madam, situation abhi unstable hai aur-
Suhana (yells) : Mujhe pata hai...!!! Jitna kaha gaya hai utna kariye Uncle!!!
Uski oonchi awaaz sunn Uncle Prakash thoda jhep ke reh gaye. Woh tezi se mudi, usne hall me se Tej, Arohi, Kavya aur baakiyo ko aate dekha.
Suhana (nods) : Quick!! Jaldi!!
Tej ne use kuchh pal ghoora. Par, boli kuchh nahi. Unn sabki aankhon me aasu the. Sab barbaad ho chuka tha.
Tej (sobs) : V-Veer-!! *sniff*
'Kaha ho tum???'
Uske kandho ko thaamte hue Suhana ne use hosh me laaya.
Suhana : Snap out of it!!! Time nahi hai bilkul!!! Jaldi! Ambulance me jitne jann aa rahe hai utne baitho. Baaki log car me!! Uncle Prakash!! Car me sabhi ko bithwaiye.
Uncle Prakash : J-Ji madam!! Maine kuchh security guards andar bhej diye hai.
Suhana (nods) : Good!!
Uncle Prakash : P-Par, mein ek baar fir keh raha hu, madam. Aapko yaha rehne ki koi zaroorat nahi hai. Mein yaha hu aur sabhi ko sahi salamat pahucha dunga. Aap aur Sonia madam jaldi ghar jaiye. Agar, aap dono ko kuchh hua toh Sir pata nahi mera kya haal karenge. Isliye, jaiye-
Suhana : Kya kaha aapne??
Uncle Prakash thoda seham gaye. Yeh woh Suhana nahi thi jise woh jaante the — ek poori tarah professional businesswoman jisne kabhi kisi ladke ke liye iss qadar apni bhavnaaye vyakt nahi ki thi.
Lekin, Veer ne use badal diya tha.
Suhana : Aap chaahte hai ki mein yaha se bhaag jau? Aise time pe jab Veer ki family yaha khatre me hai??? Kya aapne dekha nahi ki abhi kya hua?
Uski awaaz waha goonj uthi. Uncle Prakash stabdh the. Unhone Suhana ko kabhi iss tarah se nahi dekha tha. Kabhi nahi.
Suhana : Jab tak mein unhe sahi salamat nahi pahucha deti, tab tak mein ghar nahi jaane waali.
Wahi kuchh dur khadi Sonia bhi uske nazdeek aayi.
Sonia : D-Di?? Y-Ye sab kya tha?? What just happened?? Gunshots... Bombing... Veer kaha hai?? What is going on??
Suhana : Sonu!!! Uncle aap Sonu ko leke jaiye yaha se.
Uncle Prakash : P-Par-
Suhana : Maine kaha na!!!
Sonia : What??? No way!!! Mein aapko akela chhor ke kahi nahi jaane waali.
Suhana : Sonu tum-
Sonia : Aapke orders Uncle par kaam kar sakte hai, di. Mujh par nahi. Aur, mein aapko bina yaha se liye kahi nahi jaane waali.
Suhana : Theek hai!! Toh, yahi peechhe hi rehna. Kisi ne planned attack karwaya hai. Koi 'Yarnia' ki launch ko target kar raha hai shayad? Ya fir koi kisi VIP ko maarne aaya tha??
Usne dekha ki andar se Suman kuchh aur aadmiyo ki madad dwara zakhmi parivar jann ko laa rahi thi. Ambulance se utre ladke bhi turant hi stretcher ki sahayata se unhe ambulance ke andar litaaye. Saath me parivar ke kuchh jann uss ambulance me sawaar ho gaye toh kuchh Suhana ki car me baith gaye. Aur, palak jhapakte hi woh sabhi waha se hospital ki orr ravana ho gaye.
Iss bhayanak drishya ka sadma agar kisi ko sabse gehra pada tha toh woh thi — Kaera, jo achanak hui iss ghatna se poori tarah se hil chuki thi. Uska badan kaanp raha tha. Kintu, uske bhay ka kaaran humla nahi tha.
Kaera (shivers) : B-Blood...!!!
Gaadha gehra laal khoon. Ye pehli baar nahi tha. Nidar, bejhijhak Kaera bhi akhir kisi cheez se darti thi aur woh tha — khoon. Uski sabse badi kamzori.
PTSD — ek mental health condition jo kisi atyant tanavpoorna ya bhayanak ghatna ke kaaran hoti thi — ya toh uska hissa hona, ya use spasht dekhna.
Woh pal...! Kaera ke puraane ghar par... Uss maali ki laash...!
Khoon... Slogan... Sab kuchh jaise use yaad aane laga. Puraani yaadein mastishk me mandraane lagi.
Uski saansein ukhadne lagi. Dil ki dhadkane achanak badh gayi.
*huff* *huff*
Mirror gallery... Uska agwa hona... Veer ka use bachaana... Uska ghaayal hona...
*huff* *huff* *huff*
Aur, achanak hi-
*Grasp*
Kaera : H-Huh!!?
Ek haath uske kandhe par aake use thaam liya. Woh mudi.
Kaera : K-Karan???
Karan, Kritika aur uske mata-pita ko baahar chhor ke aaya tha. Apni badi behan ki kamzori woh bhali bhaanti jaanta tha. Itne saalo baad use apni didi wapas mili thi. Woh dobara kaise use kho sakta tha?
Karan : Di!! Chaliye, mere saath. Yaha khatra hai.
Kaera : K-Karan!
Karan : Mein Raghu ke saath hospital jaa raha hu di. Veer ki family ke saath rahenge hum udhar. Aap Jassi ke saath ghar jaaiye. Ye jagah safe nahi.
Kaera : P-Par-
Ruchika : Karan Sir theek keh rahe hai, Miss. H-Hume jald se jald yaha se nikalna chahiye. Aap aisi condition me koi bhi rational decision nahi le payengi. It's better we let the men handle all of this.
Kaera : Par, V-Veer-!?
Karan (frowns) : Jab tak woh nahi aa jaata, yaha ki zimmedari meri bhi hai. Di! Aap ghar ki orr nikaliye.
Akhir kaar, Kaera ne haami bhari aur Jassi use waha se leke ravana ho gaya. Idhar Karan Raghu ke saath hospital ki orr ravana ho gaya.
Siren baje aur police ki kayi gaadiya waha ikhatta ho gayi. Ek ke baad ek police karmi apni-apni gun taane Hotel Prestige ko baahar se gher liye.
"Apne-apne hathiyaar fek do. Tum sab ko police ne chaaro orr se gher liya hai. Surrender kar do!!!"
Ek police officer ne announce karte hue kaha. Aur, golibaari waqai me tham gayi. Ahista-ahista police waale andar ki orr badhe. Balhaar ke aadmi bhi isme fas chuke the. Magar, woh jaante the ki jald hi unki bail karwaane ke liye madad aa hi jayegi.
Kuchh aur gaadiya aake dur ko ruki aur dhadalle se news reporters apne-apne cameraman ke saath waha coverage lene ke liye aa dhamke.
Jo jagah kuchh der pehle bade-bade VIPs se bhari hui thi, ab woh police aur media reporters se bhar chuki thi.
"Jaisa ki aap dekh sakte hai, hum iss waqt Hotel Prestige ke theek baahar se live hai. Khabar ke anusaar abhi yahi kaha jaa raha hai ki koi terrorist attack hua hai. Iss baat me kitni sacchaayi hai ye abhi dekhna baaki hai."
Ek mahila reporter ne Hotel se duri banaaye rakhte hue apna microphone pakad kar haafte hue sab varnan kiya.
"Goli-baari, bhayanak visfot, aur poori tarah se tabahi mach rakhi hai yaha. Yaha par 'Yarnia' ek clothing brand ka launch hone waala tha magar palak jhapakte hi sab kuchh tehes-nehes ho gaya."
Usne aage badhne ki koshish ki magar police ne use turant hi andar jaane se mana kar diya.
"Aap dekh sakte hai ki mujhe abhi bhi andar jaane nahi diya jaa raha hai. Aur... Aur, police ne shayad shooters ko daboch liya hai. Shooters ne surrender kar diya hai. Unhe police jeep me bitha ke le jaaya jaa raha hai."
Cameraman ne camera focus karte hue drishyo ko dikhaane ki koshish ki, lekin punah officers ne unhe andar ke drishyo ko dikhaane se mana kar diya.
Andar se shavo ko ambulance ke andar karwaya jaa raha tha. Aur, jaise hi ye sab hua, reporters microphone hathiyaar ki tarah liye police karmiyo ke paas pahuch gaye.
Reporter : Sir! Sir!! Humne abhi abhi dekha ki ambulance me kinhi logo ko le jaaya gaya. Kya hatya hui hai yaha?? Kitni sankhya hai?
Officer jo apni rifle liye wahi khada hua tha, usne jawab dene se pehle ek gehri saans li.
Officer : Dekhiye, iss samay hum koi bhi spasht sankhya jaari nahi kar sakte. Lekin, haan casualty hui hai. Situation ab control me hai aur jald hi official statement jaari kar diya jayega.
Reporter 2 : VIPs bhi yaha aaye the. Kya unme se kisi ko koi chot pahuchi hai??? Kya unhe koi muskan pahuchaya gaya hai??
Officer : Dekhiye, hum abhi bhi ghayal logo ka aaklan kar rahe hai. Jaha tak meri jankaari hai, sabhi VIPs sahi salamat aur surakshit evacuate karwa diye gaye hai. Lekin, hum abhi spasht roop se har kisi ka khulasa nahi kar sakte.
Lekin, media sirf police ke bayaano se santusht nahi thi. Asli sona toh gawaho ke paas tha.
Aur, tabhi peechhe ke gate se ek VIP nikal ke aaya. Uska pehnava poora ast-vyast ho rakha tha. Sadme ke chalte bechaare ka chehra peela pada hua tha. Patrakaro ki ek leher uski orr aise jhapti jaise maano shikaari khoon ki gandh soongh ke uss orr daud rahe ho.
Reporter : Sir!!! Sir!! Kya aap bata sakte hai ki andar kya hua???
Uss aadmi ne apna maatha pochha, uski saansein abhi bhi ukhdi hui thi. Jab usne apne vichaaro ko ikhatta karne ki koshish ki toh uske haath kaanpne lage.
VIP : Tabaahi...!!! Poora pagalpann!! Ek pal, hum sab celebrate kar rahe the. Agle hi pal... Ek zordar blast hua aur fir goliyaan chalne lagi. Har jagah!!! Ek do logo ko maine girte hue bhi dekha. *huff* *huff* Khoon hi khoon...!!!
Reporters aur jhuke, uske har shabd ko camera me qaid karne ki koshish kar rahe the.
Reporter 2 : Kya kya dekha aapne waha? Thoda aur vistaar se bata sakte hai??
VIP : L-Log chilla rahe the, har disha me bhaag rahe the. Maine dekha ki... Kayi saare aadmi guns liye lobby me achanak se ghuse aur goliyaan chalaane lage. Kuchh ko maine goliyaan lagte hue dekha. *huff* M-Mein apni jaan bachaane ke liye peechhe bhaag gaya fir.
Reporter 3 : Aapko kya lagta hai? Kaun ho sakta hai iss humle ke peechhe?
VIP : M-Mujhe kuchh nahi pata. Sab kuchh tezi se hua. Aur, hum bas bhaag rahe the.
Reporter 1 : Kya koi suraksha chook hui thi? Ye humlavar andar kaise aaye?
VIP (shivers) : M-Mujhe nahi pata. Mein toh bas ek guest tha, theek hai? Mujhe koi jankaari nahi hai ki woh log andar kaise aaye, kisne unhe andar kiya. Lekin, itna zaroor hai ki woh sab poore prepared the. Ye koi random hamla nahi tha.
Reporters ki bheed me ek sannaata chhha gaya.
Yeh koi random hamla nahi tha.
Patrakaro ne ek-dusre ko dekha. Woh jaanta the iss bayaan ka kitna wazan tha.
Reporter 1 : Aur, koi jankaari???
VIP : Ab sab police karegi. CCTV me zaroor unhe mil jayega. *huff* Mein ab aur jawab nahi de sakta. H-Hatiye!! M-Mujhe jaana hai.
Media ko ek kahani mil chuki thi. Palak jhapakte hi uss VIP ka bayaan poore news channels me prasarit ho gaya. Dekhte hi dekhte ye breaking news ab ek national news bann chuki thi.
Udhar ghar par Brijesh ne jaise hi samachar dekhe toh uska sarr chakra gaya. Woh bhay ke maare utha, aur bina koi pal gawaaye hotel ki orr bhaaga.
***
Hotel Prestige ke theek saamne uss khandahar waali imaarat ki chhat par Dexter ki laash dali hui thi.
Kuchh derr pehle woh bhaagne ki koshish kar raha tha jab achanak hi-
*Splurt*
"Urgh!!!"
Ek nukeeli blade aake uske seene ko cheer gayi.
Ek rear surprise attack.
Blade seedhe uske dil ko cheer ke baahar nikli thi. Use kuchh samajhne ka samay hi na mila. Na hi woh kuchh bol paaya aur na hi apne humlavar ko dekh paaya.
Aankhon ke saamne andhera chhaaya aur uska shareer zameen par girte hi thandi laash me badal gaya.
*Schling*
Blade ko nikaalte hue ek yuvti ne neeche padi Dexter ki laash ko ghoora. Uske mann me kya tha koi nahi jaanta tha.
Tabhi-
*Thud*
Neeche se aayi Ava ne dhadalle se darwaza khola. Saamne khadi yuvti ko dekh woh chaunki. Magar, bullet apna kaam kar rahi thi.
Ava sirf blood loss ki wajah se kamzor nahi hui thi. Uska kaaran tha — Poison.
Ek poison pallet jo bullet ki core me thi. Shareer ke andar jaate hi zeher ne apna kaam karna shuru kar diya tha. Yeh koi aisa-waisa zeher nahi tha.
Sarin (military designation GB) ek aisa nerve agent tha jo chemical warfare agents me sabse zehreela maana jaata tha. Na hi iska koi swaad hota tha aur na hi koi gandh. Sarin ke sampark me aate hi kuchh hi minto me ek insaan ki maut ho sakti thi.
Aur, isliye Ava itni zyada kamzor pad chuki thi. Uske andar Lily apni poori koshish kar ke zeher ko felne se rok rahi thi. Toh wahi, Healing Factor ki madad se Ava ka shareer naya khoon poori raftaar se banaata jaa raha tha taaki Red blood cells blood loss ki kami ko poora kar sake, white blood cells Sarin se ladte rehne ke baad immunity bana le. Aur, platelets ghaav ko bhar sake.
Ye ekmaatra poison bullet thi Dexter ke paas jo usne Tej ke upar chalaayi thi. Agar, aaj Ava waha na hoti toh Tej ki mrityu sunishchit thi.
Uske qadam ladkhadaye aur woh sarr ke bal peechhe girne hi waali thi jab uske saamne khadi yuvti palak jhapakte uski orr aayi aur use girne se bacha li.
Ava behoshi me chali gayi. Aur, tabhi-
"Shebaaaaaaa!!!!!"
*Keaaaaaarrrrrrrr*
Ek badi si aakriti upar aasmaan se neeche aayi. Dhamm se chhat par uske qadam padte hi poora chhat kampan kha ke reh gaya.
Upar hawa me ek baaj udta hua neeche aaya aur Dexter ke mrat shareer par jaa baitha. Apni nukeeli chonch se woh uske murda shareer ko noch ke ukhaadne laga aur use wahi kachha chabaane laga.
Uss yuvti ne Ava ko pakde hue bagal waali imaarat se chhalang laga kar aaye uss shaks ko dekha. Aur, fir bauhe kasste hue boli.
"It's a poison. Mujhe jald se jald treatment karna hoga."
Aur, ye koi aur nahi, Garofano hi thi. Aur, uske saamne khada woh shaks — Renshu.
'Yarnia' ka bhavya launch ho aur Veer unhe aamantran na de? Aisa kahi ho sakta tha? Woh sabhi abhi kuchh derr pehle hi India aaye the. Neeche se car se jab unhone Ava ko road cross kar bhaagte dekha toh unhe samajhne me derr na lagi ki kuchh gadbad thi.
Agle hi pal ek aur aakriti bagal waali imaarat se kood ke unki chhat par land ki.
Erica!!!
Erica : K-Kya hua? Urgh!! Sheba!!! Don't you dare eat human meat!!!
Woh uss par zorr se barsi. Magar, Sheba apni mundi hilaaye wapas se Dexter ke maans ko nochne me lag gaya. Renshu chhat ki edge tak gaya. Use neeche se saara manzar nazar aa raha tha.
Renshu : Police aa chuki hai. Yaha se nikalna padega.
Garofano : Laash ka kya??
Renshu : Rehne do. Waise bhi tumhe koi trace nahi kar payega. Tumne Erica ko chakma diya tha. Toh, ye police tumhare liye kya cheez hai?
Garofano : Hmph! Mujhe jagah chahiye. Treatment ke liye. Bullet nikaalni hogi. I think iske paas koi poison resistant skill ya card nahi hai. Aur, isliye... Ye behosh ho chuki hai. Andar system poison ko felne se rok raha hoga. I can give her an antiserum. That will make things better.
Uska aagman ekdum sahi samay par hua tha. Yohana's Scalpel, uska card — jiski madad se woh Ava ki surgery asaani se kar sakti thi.
'Freya!!! Full Status!!!'
*Ding*
Mastishq me turant hi full status ki do window uske saamne khul gayi.
Scroll me uske paas Antiserum tha. Fame points bhi uske paas kaafi maatra me the. Ava par antiserum ka istemal karne ke baad use jald se jald kuchh aur antiserum bana ke rakhne honge. Woh jaanti thi ki aane waale samay me kuchh bhi ho sakta hai. Taiyaari jitni zyada ho, utna behtar tha.
Renshu : Humari priority hai Veer se milna. Par, dekh ke lag nahi raha ki woh yaha par hai. Tumhare paas koi skill hai? Jis se Veer ka pata lagaya jaa sake?
Garofano : Nahi!!
Garofano ke paas aisi koi skill nahi thi. Renshu ne use kuchh pal ghoor ke dekha.
Garofano : What?? Iss tarah se dekhne ki zaroorat nahi hai. Mein sach keh rahi hu. Agar, hoti toh mein kab ka istemal kar chuki hoti.
Renshu (sighs) : Mere paas bhi nahi hai.
Iss baar Garofano ne use ghoor ke dekha. Renshu ne badle me koi jawab na diya.
Woh sab nahi jaante the ki Ava hi ekmaatra thi jiske paas Veer ko track karne ki koi skill thi — Death Flag!!!
Ava ne saari skills unhe nahi bataayi thi. Ye baat sirf aur sirf Veer jaanta tha ki agar koi use trace kar sakta tha, toh woh sirf Ava thi. Lekin, filhal woh behosh thi.
Erica chup-chaap chalte hue Ava ke nazdeek aayi. Jhukte hue usne Ava ko gaur se dekha. Ek pal ke liye use wo drishya yaad aa gaye jab Ava uske theek saamne ek deewar bann ke khadi hui thi, Jaw Long se bachaane ke liye.
Veer uski goad me ghayal pada hua tha aur Ava unn dono ko protect kar rahi thi.
Erica : Dad!!?
Woh achanak boli.
Renshu (glances) : Hmm?
Erica : Can we trust her???
Use apne pita ke bol yaad the. Ava ne hi Veer ko dhoka diya tha.
'Erica!!! Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'
Parantu, Jaw Long se bhidant ke baad Erica ke mann me Ava ki chhavi me parivartan aa chuka tha. Kya yeh waqai wahi ladki thi jisne Veer ko dhoka diya tha? Kya uss par bharosa kiya jaa sakta tha??
Renshu : Agar, abhi ki situation ke hisaab se dekhe. Toh, mujhe nahi lagta ki woh humare khilaaf hai. Woh bullet zaroor use kisi ko protect karte waqt lagi hogi. Toh hum ye anuman laga sakte hai ki woh humaare side hai. Filhal!!!
Erica : Par, aap hi ne kaha tha na ki kabhi Natalia Martin par bharosa mat karna!?
Renshu (nods) : Hmm! Kaha tha. Aur, uss baat ko abhi bhi mat bhoolna. Lekin, filhaal ke liye. Jaise halaat hai... Mujhe nahi lagta ki woh koi shadyantra rach rahi hai.
Erica : Mm! Okay!
[Oh, are you getting jealous my girl?]
'What?? Shut up, Genie!!! Mein kyu jealous houngi bhala?'
[Ye jaante hue ki yeh Ava Veer ke dil me apni jagah bana rahi hogi??? Hmm??]
'Shut up! Hmph! Aisa kuchh bhi nahi hai. Mujhe kya lena-dena unki love story se?'
[Fufu~ Well, I'll believe you. For now at least.]
Renshu (looks down) : Police yaha aa rahi hai. Erica!!!
Erica (nods) : Samajh gayi, dad!! Kaha par milna hai?
Renshu : Parking me...!
Aur, agle hi kshan-
*Whoosh*
Erica waha se gaayab ho gayi. Woh jaanti thi use kya karna tha.
'Veer!!! Kaha ho tum?'
[See? Mein sahi thi.]
'Ahhh!!! Genie!!! *blushes* Stop reading my mind.'
[Hehe!]
Nazro se bachte hue Erica andhere me Hotel Prestige ke nazdeek pahuchi. Uska yaha aane ka ek hi uddeshya tha-
'Basic Seer Vision!!!'
*Ding*
Skill activate hui aur chand pal pehle ki yaha hui sabhi ghatnaaye uske dimaag me drishya bann ke aane lagi.
Uske maathe par silvatein chhaa gayi. Dimag par zorr pad raha tha. Yeh pehli baar tha jab usne iss skill ka istemal kiya tha. Jaw Long se ladayi ke dauran Veer ko safeguard karne ka mission poora karne par use ye skill reward ke roop me praapt hui thi. Aur, aaj uska sahi upyog karne ka samay aa chuka tha.
***
Mumbai Police Headquarters,
Night - 9:30 PM ~
Trisha kaanp rahi thi. Kuchh hi palo me kya se kya ho gaya tha. Use apne andar ghutan si mehsoos ho rahi thi.
Uski beti, Pihu jaa chuki thi.
Apharan. Lekin, koi aam apharan nahi. Ye woh tha. Wahi killer jiska khauf poore raajya me fela hua tha.
Iss vichaar maatra se hi ki uski beti uss hatyaare dwara utha li gayi hai, Trisha ka badan jhatka kha kar reh gaya.
“Trisha!”
Ek dridh awaaz uske bhay ko cheerte hue kamre me aayi. Uska pati, Rohan andar ghusa aur uski aankhein apni patni par tik gayi. Trisha uski orr mudi. Uske honth thar-thara rahe the.
Trisha : R-Rohan!!! *sniff* M-Mujhe maaf kar do...!!! *sniff* Sab meri galti hai. Na mein apna dhyaan Pihu par se hataati, na woh baahar jaati aur- *sniff* Aur, na ye sab hota. *sniff* Sab meri galti hai. *hic*
Rohan ko sab kuchh gyaat tha. Aur, isliye usne poori police force uss serial killer ko pakadne me laga di thi. Udhar Hotel Prestige me alag humla ho chuka tha. Ek force waha bhi bhej di gayi thi.
Woh apni jagah par ruka. Uske haath ki mutthi kass gayi. Jis se poore raajya ke apradhi darte the, aaj woh khud hi apne aap ko kamzor mehsoos kar raha tha.
Kintu, woh apni kamzori nahi dikha sakta tha. Abhi toh hargiz nahi.
Police karmi uske aas-paas hi maujood the. Kuchh radio par baat kar rahe the, toh kuchh nigraani ki footage check kar rahe the. Phone baj rahe the, keyboards khad-bada rahe the, aur Rohan andar se poori tarah se toot ke apne aap ko mazboot dikhaane ki koshish kar raha tha.
Usne ek gehri saans chhori.
Rohan : Pihu ko kuchh nahi hoga. Mein use kuchh nahi hone dunga. Hum use waapas laa ke rahenge.
Uski awaaz dheemi thi. Kuchh zyada hi dheemi. Trisha ne zor se apna sarr hilaaya.
Trisha : *sniff* R-Rohan!! Woh koi aam kidnapper nahi tha. *sniff* Woh serial killer tha...!!! *sniff*
Woh uth ke uske paas aayi aur uski baah ko kass ke thaam li. Uske nakhoon Rohan ki baah me gadd gaye.
Trisha : Kahi woh... Kahi woh... *sniff*
Woh apna vaakya bhi poora na kar saki. Rohan ne use thaama. Uski pakad mazboot thi lekin kathor nahi.
Rohan : Meri taraf dekho, Trisha!!!
Trisha ne apni aasuo se bheegi palke uthaayi.
Rohan : Hum use dhoondh lenge.
Trisha ne apna nichla honth itni zorr se kaata ki lagbhag woh ghayal hone ko ho gaya.
Trisha : A-Aur, agar hum nahi dhoondh paaye toh? *sniff* Agar kahi derr ho gayi toh?? *sniff* Mein jeete jee marr jaungi, Rohan!!! *hic* Mein marr jaungi Pihu ke bina...
Humesha nidar aur shaant rehne waali Trisha aaj itni dari hui thi. Ye woh dar tha jab ek maa se uski aulaad bichhad jaati hai.
Iss raat pehli baar, aaj Rohan ke paas bhi koi jawaab nahi tha. Unke beech ek khamoshi chhaa gayi. Sirf Trisha ki subakne ki awaaz hi waha kamre me goonj rahi thi jo aas-paas ke shor se bhi chhup na saki.
Police station toh unke chaaro orr ki gatividhiyo se gulzar tha. Ye ek prakar se yuddh ki ghoshna thi. DGP ki beti ka apharan hua tha. Kisme itni aukaat thi ki raajya ke DGP ki beti ko hi agwa kar le?
Tabhi, ek junior police officer unki orr daudate hue aaya.
Policeman : Sir, sabhi units ko tainaat kar diya gaya hai. Humne bhaagne ke sabhi mumkin maarg — airports, railway stations, bus terminals ko band kar diya hai. Duty par maujood har officer high alert par hai.
Rohan (nods) : Mujhe har 5 minute ke andar update chahiye. Koi galti nahi, koi deri nahi!
Policeman : Ji sir!
Usne salaam kiya aur tezi se baahar nikal gaya.
Magar, Trisha ke mann me kuchh aur hi chal raha tha.
Trisha : Hum inn sab me time kyu barbaad kar rahe hai, Rohan??? Mujhe baahar hona chahiye... Mujhe humari Pihu ko dhoondhna chaahiye udhar jaa ke aur hum idhar-
Rohan : Aur, kaha dhoondogi tum use? Kya tumhare paas koi lead hai???
Trisha (yells) : Kahi bhi dhoondungi. Par, mein haath par haath dhare yaha kaise baith sakti hu. *sniff* W-Woh humari bacchi ko le gaya, Rohan!! Humari apni bacchi. Eklauti bacchi!!! *sniff* Mein marr jaungi-!!! *sniff* Mein nahi jee paungi agar use kuchh-
"TRISHAAAA!!!!"
Rohan ki awaaz poore station me goonj uthi. Ek pal ke liye sab kuchh ruk gaya.
Aas-paas ke police karmi unhe dekhe, lekin kisi ne hastakshep karne ki himmat nahi ki.
Rohan : I need you to think.
Trisha ka gussa fir ubaal maara.
Trisha (yells) : MEIN SOCH RAHI HU, THEEK HAI??? Aur, sochne ke baad bhi mere andar sirf aur sirf meri bacchi ki tasveer mujhe nazar aa rahi hai. Use kaisa mehsoos hua hoga uss waqt... Mujhse bichhadte waqt... Wo kitna darr rahi hogi... Kaha hogi... Wo humara intezar kar rahi hogi... Aur, mein yaha haath par haath dhare bas khadi hu...!!! *sniff*
Rohan : Tum ek maa ke saath-saath ek police officer bhi ho, Trisha. Agar, tumne apna niyantran khoya, agar tumne koi galat qadam uthaaya, toh ek baat yaad rakhna... Uski keemat humari Pihu ko chukaani padegi.
Aur, ye shabd kisi tamaache ki tarah uss par aake lage.
Trisha ladkhadayi, aur Rohan ne use dheere se thaam liya. Ek maun vaada. Woh ek maa thi. Haan. Lekin, saath hi ek police officer bhi. Woh kamzor nahi pad sakti thi.
Trisha : Tumne theek kaha, Rohan!! I'm sorry!! I'm so sorry!!
Usne Rohan ka haath kass ke thaam liya. Aur, fir officers ki orr mud ke woh boli.
Trisha : Mujhe ghatna ke dauran maujood har ek shaks thaane me chahiye. Uss Madhuri aur Pranjal ko bhi poochh-taachh ke liye yaha leke aao. Uss poore area ke escape routes block karwa do. Har mod, har gali par pehra hona chahiye. Gharo me ghuso aur poochh-taachh karo. Talashi lo. Jo bann sakta hai karo.
Rohan ne uska ye roop dekh, sehmati me sarr hilaaya. Aur, woh khud yaha ki kamaan Trisha ke haatho me saunp, Pihu ko dhoondhne ke liye waha se nikal gaya.
Magar, andar hi andar woh khud ghabraya hua tha.
Kyunki, iss se koi farq nahi padta ki unke haath me kitni power thi — abhi toh woh dono sirf ek mata-pita the jo praarthna kar rahe the ki unki bitiya sahi salamat aur jeevit ho.
***
Carewell Hospital...
Nidhi, aspatal me ek bistar par laiti hui thi. Uske sarr par pattiyaan bandhi hui thi. Chehre ka rang peela tha aur honth sookhe. Uske haath se ek IV line judi hui thi jo ek taral padaarth uske shareer me pahucha rahi thi.
Nidhi ke parivar-jann doctor ke ird-gird hi khade the.
Doctor : Dekhiye! Humne ek mild sedative unhe diya hai taaki unki sthiti aur na bigad jaaye. Sarr par chot lagte waqt ek mild concussion hua hai unhe. Neurological assessment ho gaya hai aur abhi tak internal bleeding ke aise koi bhi sanket nazar nahi aaye hai. Ye achhi baat hai. Lekin... Dehydration bahut zyada hua hai. Shareer me jo essential electrolytes hote hai woh kaafi kam ho chuke hai. Yahi kaaran hai ki woh itni kamzor hai.
Doctor ki baatein Nidhi ke mata-pita ko samajh aayi ho ya na aayi ho, magar Shreya poori tarah se sab samajh chuki thi.
Ramandeep : T-Toh humari bitiya theek toh hai na???
Doctor (nods) : Haan! Abhi toh theek hai. Dekhiye, woh kaafi stress me thi. Physically bhi aur mentally bhi. Uske baad dehydration, exhaustion aur fir sarr par chot aur concussion. Isliye, hydration level restore karne ke liye humne unhe ek intravenous saline solution diya hai. Dard ke liye ek analgesic aur woh abhi rest kar sake uske liye ek mild sedative. Abhi unhe agar kisi cheez ki sabse zyada zaroorat hai toh woh hai araam.
Shreya kone me chup-chaap baithi thi, uske ghutne uski chhaati tak khiche hue the. Uske chehre se lagatar aansu beh rahe the. Unn sab ki nanhi Juhi laapata thi aur ab uski badi behan aspatal me behosh padi hui thi.
Uski bhabhi, Dipti ne uske kandhe par apne kaanpte hue haath ko rakha. Lekin, saantvna dene ke liye use koi shabd nahi mile. Akhir, kya keh sakti thi woh?
Nidhi ki maa, Hema chhote se Dhruv ko liye apni goad me jhula rahi thi, magar aankhein apni bitiya Nidhi par tiki hui thi. Juhi ka gham sabko bahut chot pahucha raha tha.
Hema : Doctor sahab! *sniff* Hosh me aate hi woh firse bhaagne ki koshish karegi.
Doctor : Isliye toh sedative diya gaya hai na.
Nidhi ka bada bhai, Ishaan bhi wahi tha.
Ishaan : J-Juhi!! Mein Juhi ko dhoondhne jaa raha hu. Police apna kaam karegi, lekin hume unke bharose bas nahi rehna chahiye.
Ramandeep : Haan beta! Sambhal ke!! Ya mein bhi chalta hu.
Ishaan : Nahi papa! Kisi gents ka yaha rehna zaroori hai. Mein jaata hu.
Shreya : Bh-Bhaiya mein bhi chalungi aapke saath. *sniff*
Ishaan : Nahi, Shreya!!! Dipti-
Usne apni patni ki orr dekha. Dipti uska ishaara samajh gayi.
Dipti : Shreya! Inhe jaane do. Humara yaha rehna zyada zaroori hai.
Kehte hue usne Shreya ko apne gale se laga liya. Aur, Shreya bilakh-bilakh ke rone lagi.
Hema ki pakad Dhruv par kisi kaaran mazboot ho gayi. Jaise ab use surakshit rakhne ki koshish kar rahi ho ki kahi Dhruv bhi unke paas se-
Juhi ki anupasthiti unke liye ghaav samaan thi. Kuchh bhi ab pehle jaisa nahi tha.
***
The Underground Lair…
Chhapaak ki awaaz ke saath Veer underground lair me kooda. Gehre dum ghotne waale andhere ne use poori tarah nigal liya. Neeche aedi tak paani bhara hua tha. Lekin, ye baat uski hairat ka kaaran nahi thi. Hairat ka kaaran thi yeh jagah.
Tracer ki madad se woh yaha tak pahucha tha aur ab use sab samajh aa chuka tha ki Police ab tak iss hatyaare tak kyu nahi pahuch paa rahi thi.
Ye underground lair… darasal… ek shamshan ke neeche thi.
Raat ke andhere me achhe se achha aadmi shamshan ke andar pravesh karne se kaanp uthata hai. Isme koi shaq nahi tha ki iss hatyaare ne yeh jagah kyu chuni thi.
Par, Veer ko abhi aur bade-bade jhatke lagne baaki the.
Idhar uska aagman hote hi, lair ke kendra me maujood uss paagal hatyaare ko iska pata lag gaya. Uske muh se jeebh laar tapkaate hue baahar nikli.
“The time has come… Ehe… Ehehe!!!”
Aur, Veer ke idhar ek qadam aage lete hi-
*Ding*
[‘Tracer’ has been nullified.]
[Juhi’s location is no longer available.]
‘What???’
Uske badan me ek sihran daud gayi. Tracer me dikh rahi Juhi ki location aur map dono hi achanak se gaayab ho chuke the. Uska poora shareer tanavgrast ho gaya. Andar ki hawa ghani, namm aur gandh se bhari hui thi.
'W-What's going on???'
[Master! Tracer ko nullify kar diya gaya hai.]
Pari ki ghabrati hui awaaz uske andar goonji.
‘Pari!! Y-Ye kaise-!?’
[I don’t know, Master! Sambhal ke please! It’s now clear! Ye ek system holder hai. Usne kuchh use kiya hoga jiski wajah se Tracer nullify ho gaya. Shayad use pata tha ki aapne Juhi pe tracer lagaya hai.]
‘What??? Ye kaise ho sakta hai? Tracer ke baare me use kaise-?’
[Hum ek system holder se bhid rahe hai. Anything is possible, Master! Please, be careful!]
‘Hmm!!!’
Veer ne qadam aage badhaaye. Paani uske perro se bhid ke idhar-udhar chhalak raha tha jo underground lair ke sannaate me bhaari shor paida kar raha tha. Jaise-jaise woh aage jaa raha tha, andhera aur badhta jaa raha tha. Dekhna uske liye mushqil hota jaa raha tha.
Aur, use Jaw Long se bhidant ke waqt praapt hui uss skill ka dhyaan aaya.
Aura Vision.
Veer jaanta tha ki usne Aura Vision ko upgrade nahi kiya tha. Woh jeevit cheezon ka aura toh dekh sakta tha magar jin cheezo me jaan nahi thi unhe woh nahi dekh sakta tha.
‘Pari! Kitne points available hai??’
[15000!]
‘Aura Vision ko upgrade karne ke liye kitne chahiye???’
[5000]
‘Upgrade kar do!’
[Are you sure?]
‘Yeah! Mein risk nahi le sakta. Aur, deri bhi nahi kar sakta. Juhi andar hi hai. Mujhe jald se jald waha pahuchna hoga iske pehle ki-’
*Ding*
[Aura Vision has been upgraded to Max.]
[Aura Vision is now activated.]
Skill ke activate hote hi poora vatavaran uski nazar me ek grayscale me dhal gaya. Humans ke liye aura ka rang blue tha. Plants ko darshaane ke liye green. Animals, birds, insects aur organisms ke liye ye yellow tha. Negative energy ko bhaapne ke liye black aur nonliving things ke liye brown.
Par, itna hi nahi… Ye sabhi color alag-alag shades me the jiske chalte Veer cheezon me bareeki se antar dekh paane me saksham tha.
Vision ke badhne se Veer ne ek pal bhi zaaya nahi kiya.
‘Let’s go!!!’
*Whooooossshhhh*
Chhap-chhap kar paani uske daudne se chhalakta gaya. Lair kisi underground tunnel ki bhaanti prateet ho rahi thi. Usne apni raftaar thodi dheemi ki. Dheere-dheere jhijhakte hue woh aage badha, uske joote keechad jaisi dharti me dhans rahe the. Magar, thoda andar aate hi uske qadam wahi tham gaye.
‘What the-!!??’
Saamne ka nazara itna khaufnak tha ki Veer ke badan ke rue khade ho gaye.
‘Urgh-!’
Usne apni aasteen upar kar apni naak ko apni baah se dhak liya. Lekin, badbu uski twacha, uske kapdo, uske fefdo me ghus rahi thi. Aankhein bhay ke maare feli aur dil ki dhadkane tez ho gayi. Deewaro par laasho ki kataare lagi hui thi, kuchh fati hui boriyo me lipti neeche dali thi, kuchh ke chithde ho rakhe the, kuchh ke ang ajeebo-gareeb dhang se mude hue the.
Vibhinn jaanvaro ke kate hue dhad, maans ke tukde, haddiya, andhruni ango ke chithde aur na jaane kya kya. Khoon aur gande paani ki gandh poori hawa me fel rakhi thi — sadte maans, mal-mootra, aur mrityu ka ek mishran.
Keede unn sadte maans par mandra rahe the, makkhiyaan ka bada sa jhund bhook se bhin-bhina raha tha. Aur, unke pankh dum ghotne waali shaanti me goonj rahe the.
Veer ko akbakayi si mehsoos hui aur Juhi ke baare me sochte hi uska shareer thanda pad gaya. Kis tarah ka khooni tha ye? Kahi Juhi bhi-?
‘Nahi!!’
Usne apne perro ko hilne ke liye majboor kiya. Uska ek perr fati hui boriyo me se nikal rahi kisi laash ki atadiyo par pada.
'Fuck!!!'
Usne uss bhayankar drishya ko paar kiya. Ek kata hua haath uske jooto se takraaya, jo paani ke upar hi terr raha tha.
Gati badhaate gye woh udhar se nikalte hi punah dang reh gaya. Alag-alag dishao me alag-alag maarg jaa rahe the. Kaun sa raasta sahi tha?
‘This is bad…! Mere paas inn sab ka samay nahi hai!!’
Use yakeen nahi ho raha tha ki underground lair itni badi hogi. Akhir, iska nirmaan kisne kiya? Ye kisi bhool-bhulaiyaan se kam nahi thi.
Pari ne bina uske poochhe hi 'Path Tracker' on kar diya. Kam se kam woh apna raasta toh nahi bhoolega jaha se woh aaya tha.
Woh aage badh hi raha tha jab uski perro ki neeche kuchh daba-
*Click*
Khatra mehsoos karte hi Veer ki aankhein darr ke maare chaudi ho gayi. Iske pehle ki uska dimag kuchh samajh paata ki kya ho raha hai, uska shareer apne aap pratikriya kar diya.
[Master-!!!]
Woh akasmat peechhe ko kooda aur uske koodate hi-
*Schling* *Schling* *Schling*
Paani ke andar neeche se nukeele lohe ke spikes tezi se upar aaye. Unme zung lagi hui thi, sookha khoon unn par chipak ke jamm chuka tha. Ek saboot ki pehle bhi iss se kisi insaan ki maut hui hai.
Agar, woh sahi samay par na hatata, toh woh spikes uske shareer me dhans chuke hote. Usne apne aap ko uss jagah par imagine kiya. Paseene ki ek boond uske maathe par se fisal gayi.
Aur, jaise hi woh khada hua-
*Swoosh* *Swoosh* *Swoosh*
Bayi orr se ghoomne waali blades ki ek kataar udti hui uska sarr dhad se alag karne ke liye tezi se aayi.
'Shit!!!'
Samay rehte hi usne bamushqil apne shareer ko moda, tez dhaar uske blazer ke kapde ko chhu kar nikli aur uska kuchh bhaag fatt kar alag ho gaya.
'Fucking hell...!'
[Master, there are traps. Hume savdhaan rehna hoga.]
Veer ki saansein tez hui. Kahi koi floor plate, kahi koi trip wire, kahi koi chhipa hua trigger. Har qadam par koi na koi khatra tha. Jisne bhi iss jagah ko banaya tha, usne logo ko maarne ke liye hi ye design ki thi.
Yeh sirf ek underground lair nahi thi.
Yeh ek slaughter house tha.
Aura Vision se use non living things dikh toh rahi thi, par inn traps ko trigger karne waale upkaran saare paani ke neeche maujood the. Unhe dekhne ke liye, paani ke andar muh dubona padta, jo Veer hargiz nahi karne waala tha.
Pari ki chetavni par woh iss baar savdhani se aage badha.
'J-Juhi!! Be safe!!!'
Uski aankhein aur jaal talaash rahi thi. Lekin, jaise-jaise woh aage badhta gaya, zameen par gandagi ghani hoti chali gayi aur hawa bhaari hone lagi.
Aur, fir... Use sunayi diya.
*Splish*
Ek qadam.
Paani ka chhapakna.
Koi tha.
Veer wahi jamm gaya. Magar, uska poora shareer high alert par tha. Usne suna.
*Splish*
Ek aur qadam.
Daayi orr se.
Uska sarr dhwani ki disha ki orr muda, lekin — kuchh nahi. Dur-dur tak kuchh nahi tha.
'Huh???'
Tabhi-
*Splish*
Iss baar baayi orr se.
Woh fir ghooma, magar — koi bhi nahi.
Uski saansein aur tez ho gayi. Achanak, uski line of sight ke baahar kuchh harqat hui. Use apni hi dhadkano ki awaaz sunayi de rahi thi.
Usne apni mutthi kasi, knuckles poore safed pad gaye.
Aur, tabhi-
Ek fusfusahat.
Aur, fir ek dheemi pagalpan waali hasi use sunaayi di.
"Ehe...!!!"
Woh yaha aa chuka tha.
Sannaata ghutan bhara tha. Veer shaant tha, aisa lag raha tha maano underground lair uske chaaro orr saans le rahi thi. Chhayaaye idhar se udhar ho rahi thi, maano use dekh rahi ho, intezar kar rahi ho. Tabhi-
*Swish*
Ek blade hawa ko cheerte hue aayi. Sahi samay par Veer ne apna sarr jhukaaya. Hathiyar uske chehre se ek inch ki duri se hoke guzra. Uske paas maatra ek second hi tha khud ko hataane ke liye jab-
*Whoosh*
Ek aur humla.
Woh bacha. Usne apne aap ko moda, uski pasliyaan marud ke reh gayi. Ek ke baad ek humla uski orr aaya, magar koi bhi nazar nahi aaya.
'Tch! Where the hell is he-!??'
"Ehehehehe~"
Wahi hasi ek baar fir hawa me goonj gayi.
'Enough of this...!'
Uski aankhein saamne ke raaste par tik gayi. Aur, fir use ek aakriti nazar aayi.
Andhere se woh aakriti baahar nikal kar aayi. Veer ne use dekha.
Lamba, patla shaks. Safed lambe baal, baahar ko aati aankhon ki putliyaan. Uska dhasa hua chehra ek bhayanak muskurahat me badal gaya. Uski jeebh ajeeb tarah se baahar nikli aur usne apne fatey hue hontho ko chaata.
'Check!!!'
*Ding*
[No information available.]
Woh sahi tha.
'System holder...!!!'
Ye wahi tha. Jiska sketch police dwara banwaya gaya tha.
Veer : Tum-!!! Tum hi ho woh serial killer. *frowns* Juhi kidhar hai???
Uski awaaz dheemi magar khatarnak thi.
Uss aadmi ne apna sarr jhukaya. Aur, fir woh hasa... Itni zor se hasa ki uski haivani hasi waha goonjne lagi.
"Ahahahahahahaha!!!"
?? : Tum... Tum akhir aa gaye... Ehe!!! Mein tumhara hi intezar kar raha tha...!!!
Veer thitak ke reh gaya.
Veer (frowns) : Kya matlab-!?
Woh aadmi muskuraya, aur kareeb aane laga. Uski ungliyaan utsaah me hil rahi thi. Uski jeebh baahar nikli maano jaise ki saanp ki tarah hawa ka swaad le rahi ho.
?? : Tum yaha... meri wajah se aaye ho... Ehehehehe...
[He might be playing mind games, Master. Uski baaton me mat aaiye.]
?? : Ehe... M-Mein hi tumhe yaha leke aaya... Ye sab... Plan tha... Ehehehe...
Veer ki reedh me sihran daud gayi.
'N-No! What the fuck is he talking about?'
?? : Murders to hone hi the... Ehehe... Mere experiments ka hissa... hehe... Magar, sirf wahi nahi... Tumhe yaha laane ke liye... Ahahahaha...
Veer ki kuchh samajh nahi aa raha tha. Ye paagal aadmi kya bole jaa raha tha?? Nahi! Ye sach nahi tha. Uski mulaqat toh iss psycho se pehle kabhi hui hi nahi thi. Fir, bhala woh kyu use-!?
?? : Eh... Tum confused ho... Hai na?? Don't worry... Mein tumhe bata deta hu... Hehe...
Veer : ???
?? (mutters) : Lure Path!!!! Hehehehe-!!!
Sunte hi Veer ke andar maujood Pari kaanp ke reh gayi.
[N-No-!!!]
'Huh?? Pari? Kya hua? Lure Path? Kya hai ye???'
Pari ne uske sawaal par seedhe hi jankari prastut kar di.
*Ding*
[Legendary Scroll : Lure Path
Description : A scroll that allows the user to lure a specific person. The scroll will generate a path which must be followed in order to lure a person. User must imagine the person he/she wants to lure in and scroll will then act upon itself.
Note : Can even lure a system holder.]
Padhte hi Veer ke raungte khade ho gaye. Ek aisa scroll jiski sahayta se kisi bhi vyakti ko apni territory me laaya jaa sakta tha.
Pehle Madhuri ke pita, Prabhakar ki hatya... Aur, fir use mission milna... Pune se hoke Lonavla tak aana... Aur, fir Juhi... Iska matlab... Ye sab kuchh ek plan ka hissa tha!?
Veer ke bhaav dekh uss paagal insaan ki muskaan aur badh gayi. Insaan toh uska target the hi... Parantu, sabse bada target uska tha — Veer!!!
Lure Path.
Isi ki kaaran Veer ko woh mission mila.
Veer : N-Noo-!! M-Magar, tumne mujhe kyu...
?? (screams) : Kyunki tumhari wajah se... maine apna target khoya tha... *growls* Tumhari wajah se...
Veer : Wh-What!?
Woh gurraaya. Uski aankhon me bhayanak gussa nazar aa raha tha.
?? : Tumhari wajah se... Sab tumhari wajah se... I was so close to my experiment... Eh... B-But... You... You took my target away from me...
Veer : !!??
?? : You took him away from me...!!!
One year ago,
Clark County Prison,
Las Vegas...
Laalach aur paap ke iss sheher me dhero shaitaan baahar ghoom rahe the. Magar, asli raakshas toh yaha Vegas ki jail me band baithe the.
Aur, ek aadmi holding block ke sabse andhere kone me baitha tha. Safed baal, dhansi hui aankhein, haivani muskaan.
Uski ungliyaan jail ke bars par bandhi hui thi. Woh kisi bhooke jaanvar ki tarah kisi ka intezar kar raha tha.
Aur, tabhi-
Deeware kaanp gayi. Ek visfot ne sannaate ko cheer diya, jis se poori imaarat hil ke reh gayi. Sirens ki awaazein goonjne lagi.
Woh aa chuka tha.
Crimson!!!
Yahi woh waqt tha jab Crimson ne jail se Jim the Slippery ko chhudhwaya tha.
Usne baaki bhaag rahe apraadhiyo ki orr dekha tak nahi. Dhua chhat raha tha aur uski nazar kisi orr cheez par thi.
Aur, fir usne dekha.
Ek paagal insaan. Crimson ke ghoorte hi uss paagal insaan ke badan me ek utsaah ki leher daud gayi. Jaise maano ek shikaari dusre shikaari ko pehchaan raha ho. Woh sahi tha.
?? : Ehe... Tum bhi... Tum bhi hum me se ek ho??? Ehehehehe... Mere patients... Ehe... Mein aaya...!!!
Kehte hue woh waha se bhaag nikla. Magar, jaise jaise woh bhaag raha tha. Woh apne peechhe Crimson ke aane ka intezar kar raha tha.
Akhir, sab kuchh usi ne toh racha tha.
Lure Path...!!!!
Jim the Slippery ka jail me jaana koi ittefaaq nahi tha. Uss paagal ne Lure Path ka istemal kiya tha.
Crimson ki jankari use Vegas me reh kar lag chuki thi. Aur, uska target wahi tha.
Jim the slippery ko jail pahuchana, Pitcher aur Nightwalker jaise apraadhiyo ko sakreeya karna — Ye sab uss paagal ka hi toh kiya dhara tha.
Idhar, usne Lure Path chalaaya aur udhar Crimson ko-
*Ding*
[Mission : Assemble the criminals — Jim, the slippery, The Nightwalker, The Pitcher.]
Bechare Crimson ko ye pata tak nahi tha ki use mission uss paagal ke Lure Path istemal karne ki wajah se mila tha.
Use lag raha tha ki woh Mr. X ke khilaaf ladne ke liye ek criminal squad bana ke underworld me apni taaqat badhayega magar, use iss baat ki bilkul bhanak nahi thi ki woh khud ko uss paagal system holder ki thaali me paros ke de raha tha.
Sab kuchh uss paagal system holder ke shadiyantra ki mutabik jaa raha tha jab achanak beech me ek naya variable kood ke aa gaya-
Veer...!!!
Uss paagal ko laga tha ki ab Crimson uska peechha karega. Aur, fir woh Crimson ko apna bandhi bana lega. Yahi toh kaaran tha jo usne khud ko bhi salaakho ke peechhe rakha tha. Woh jaanta tha ki Crimson Jim the slippery ko chhuraane aayega hi aayega.
Parantu, aisa na hua...
Veer ke aa jaane se, Crimson ka dhyaan Mr. X ki orr jaa chuka tha. Aur, jaha Crimson ko uss paagal ka peechha karna chahiye tha, usne aisa kuchh bhi nahi kiya.
Balki, woh Jim the slippery ke peechhe bhaaga. Antatah!? Uss paagal system holder ki tarqeeb naqamyab ho gayi.
Aur, uske baad-?
Crimson ki maut — Veer ke haatho.
Aur, ab yahi Lure Path Veer ke liye istemal ho chuka tha. Jaha Veer samajh raha tha ki woh killer ke nazdeek pahuch raha hai, magar asliyat me toh killer hi use apne paas bula raha tha. Yahi tha legendary scroll — Lure Path.
Iska bodh Veer ko apne upar kisi bhaari patthar ki tarah mehsoos hua.
Ye haal hi me mare log... Ye pattern... Hatyaare ko dhundhne ka mission...
Ek trap.
Veer ladkhadaya. Uski saansein ukhdi.
Jis qadar se woh Veer ko qadam dar qadam aage badha raha tha, ye koi sanyog nahi tha. Ye ek luring path tha.
Aur, ab use ehsaas hua. Itne log jo maare gaye the. Woh kahi na kahi uski hi wajah se maare gaye the. Woh nirdosh log... Madhuri ke pita... Yaha tak ki nanhi Juhi ka apharan.
Veer : Y-You-!!!
Uski awaaz kaanp uthi. Iss baar dar se nahi, balki gusse se.
Veer : Y-You killed them. Unn nirdosho ko tumne... Tumne maar daala!? Mujhe yaha laane ke liye...!?
?? : Ehehehehe!!! They didn't die... They became immortal after being a part of my experiment... hehehe... Their names will go down in history... Hihi...
Veer ka shareer akad gaya.
'M-Meri wajah se... Woh log... Juhi... Meri wajah se...!'
[Master!!!]
Use ab tak samajh nahi aa raha tha ki ye paagal akhir uske peechhe kyu pada tha. Bhala kis target ki baat kar raha tha woh?
Veer : You said I took your target... Who was it???
?? : Oh!! You don't remember??? Ehehehe... Yaad karo... Yaad karo...
Veer : *frowns*
?? (growls) : CRIMSON!!!
Naam sunte hi Veer ki aankhein fati ki fati reh gayi. Isme koi shaq nahi tha ki usi ne Crimson ko maut ke ghaat utaara tha.
Veer (shivers) : H-How? T-Tum kyu-!?
?? : Enough talk! My patience is running out... Time to kill... Ehehehehe...!!!
[Master, be ready.]
?? : Here I come!!!
*Whoooooooooooshhh*
Kehte hue woh ek jhatke me gaayab hua.
Aur, tabhi underground lair ke kendra me ek laboratory ke andar bandhi jaddo-jehed ke baad akhir kar apne muh se kapda hataane me saksham thi.
Kapda hatata hi uski zor se cheenkh nikli-
"Mummmaaaaaaa-!!!!!"
Jo poori underground lair me goonj uthi.
'Juhi!!!'
Juhi ki awaaz sunte hi Veer ke badan me raungte khade ho gaye. Parantu-
*Ding*
['Beowulf's Blessings' has been activated.]
Uski aankhein laal rang me dhal gayi. Woh paagal uski orr lapka.
*Swoooooooossshhhhhh*
Pehla vaar.
*Dodge*
Dusra vaar.
*Dodge*
Teesra vaar.
*Dodge*
Chautha vaar. Seedhe uske pait ki orr-
*Dodge*
Magar,
'Huh???'
*Craaaaackkkkkk*
'What???'
Uss paagal aadmi ka lohe ka staff Veer ke dono haatho se banaye defence ko chakna choor kar diya.
Aur, vaar aake seedhe uske pait me pada.
"Blurgh!!!"
Iske pehle ki woh sambhal paata-
*Ding*
[A curse has been applied on the host.]
[Master!!! Run-!!!]
'Wh-What????'
Kintu, Veer ko bhaagne ka mauka hi na mila jab-
Wahi staff aake seedhe uske daaye gaal par pada. Veer ka shareer hawa me uchhla aur jaise hi woh land karne waale tha-
*Whoosh* *Whoosh* *Whoosh*
Paagal system holder ne apna staff zorr se uski orr fek diya.
'Sh-Shit!!!'
Hawa ko cheerte hue staff gol-gol ghoomte hue uske sarr ki orr aa raha tha. Samay nahi tha. Veer ne majbooran hawa me rehte hue apne dono haath se block kar apne sarr ko bachaaya aur-
*Thud*
"Urgh!!!"
Staff itni zorr se uske haatho me aake laga ki use dard kass ke mehsoos hua. Lekin, jaise woh paagal pehle se hi jaanta tha ki Veer haatho se hi staff ko block karega.
Veer jaise hi land kiya, utni derr me woh paagal Veer ke theek muh ke saamne tha-
?? : Surprise... Ehehehe...
'Fuck!!!'
*Baaaammmmmmm*
Ek aur vaar. Seedhe Veer ki kanpati ki orr... Jise Veer ne punah apne haatho se block kiya.
Woh peechhe ki orr kooda.
Kintu, tabhi-
*DONG*
Ek alag si dhwani use apne andar sunayi di. Nahi! Ye notification ki awaaz nahi thi.
Awaaz itni zorr se aayi thi ki Veer ka poora badan hil ke reh gaya tha.
Aur, agle hi pal-
[N-No!! Master!!!]
Use apne mann me saamne nazar aaya-
*Ding*
['Beowulf's Blessings' is broken.]
Veer ki aankhein bhay ke maare fel gayi. Woh ghabraate hue uss paagal ko dekh raha tha. Uske honth apne aap khule-
"Wh-Who are you-!!?"
Aur, dusri orr se dheere se ek jawaab aaya-
"They call me... THE DISEMBOWLER!!!"
.
.
.
.
.
.
.
.
Aaj ke liye itna hi guys.
This update consists of 8.8k words.
Target apna wahi hai. 250+
Pahucha diyo araam se. Agle update me mein sab finish kar dunga. Ye fight agle update me samapt ho jayegi. Jaisa ki maine kaha tha do updates lagenge hi lagenge. Mera aadhe se zyada time Disembowler ki skills aur cards banaane me gaya hai. So, you can see it already. Upar se Garofano ka full system alag. That's why it takes so much time. Anyways, ab milte hai agle bhaag me.
Dhanyavad.
Shandar update bro...
Yeh kia tha...jo socha bhi nahi tha wo hua...
Aur yeh kia beowulf blessing broken yeh card gaya veer ke hath se??
Yehi to kaam ka card tha...
Achi baat yeh hai ke renshu aur baki sub bhi same city me hain...
May be wo veer ki help karny aajain...
Aur veer ko to abhi apni family ki halat ka to pata hi nahi...
Interesting bhai bohat interesting..
Ab dekhty hain veer juhi ko bacha paye ga yaa nahi
Yeh kia tha...jo socha bhi nahi tha wo hua...
Aur yeh kia beowulf blessing broken yeh card gaya veer ke hath se??
Yehi to kaam ka card tha...
Achi baat yeh hai ke renshu aur baki sub bhi same city me hain...
May be wo veer ki help karny aajain...
Aur veer ko to abhi apni family ki halat ka to pata hi nahi...
Interesting bhai bohat interesting..
Ab dekhty hain veer juhi ko bacha paye ga yaa nahi