Incest Baadshah ~ The Tales of Debauchery

[Werewolf]

Index​

Full Status and Cards​

Artworks​

Full Characters Guide​

Arcs​

Latest Update ➢ Update 198 ​

 

[Werewolf]

Update - 197 ~ Despondency ​

Ab tak...

Veer ko kuchh samajh aata ki tabhi-

"Although, Miss Ragini ki situation kaafi critical thi. But, doctor ne mujhe khabar de di hai."

'Ragini' naam sunn woh wapas se hosh me aaya.

"She's out of danger now."

Raahat bamushqil ek kshan ke liye hi thi.

"But there's only one problem. I'm sorry to say but — woh ab pehle ki tarah kabhi nahi chal payengi."

Aur, aspatal ko ek gehre sannaate ne dhak liya.

Ab aage...

Mukhya hall safed chaadron se dhaka hua tha. Pooja ki samagri aur phoolo ki mehek ek mishran me hawa me ghuli hui thi.

Beech me Manorath ji ka shav aise pada hua tha jaise maano wo bas kisi gehri neend me so rahe ho. Koi shikan nahi. Bas bejaan.

"Papaaaaaaa jiiiii!"

Brijesh rota hua unki chhaati se lipatne ki koshish kiya, magar Arun aur Shyaam ne use pakad kar peechhe kheench liya.

Karunesh, Pranjal aur Vivek bhi wahi the. Teeno ke sirr neeche jhuke hue the. Hairani ki baat yeh thi ki Karunesh ki aankhon me bhi aasu the.

Aur, kone me khadi Bhavna ki aankhein bhi namm thi. Manorath ji jaise bhi the, unhone kabhi bhi uska bura nahi chaaha tha. Isliye, humesha se hi uske mann me unke liye aadar aur sammaan hi tha. Unhe iss tarah se jaata dekh, aaj uska dil bhi chotil tha.

“Mummaaa-!”

Kavya sisakte hue apni maa, Sumitra se lipat gayi jiski khud ki aankhein aasuon se bheegi hui thi. Sumitra ne bhi kass ke use apne aalingan me bhar liya.

Shweta khud kuchh kehne laayak nahi thi. Bhale hi Manorath se uska rishta behad mazboot nahi tha par itne saal se ek chhat ke neeche hi wo sab ke saath rehti aayi thi. Kahi na kahi Manorath ji ki mrityu ka asar uss par bhi pada tha. Bhumika ki bhi haalat yahi thi — niraasha se paripoorn.

Purvi wahi thoda door baithi sab kuchh dekh rahi thi. Bauhe sikudi hui thi aur mann vichlit.

Shyaam, Gauri, aur Parijaat ki aurtein, ye sabhi gaanv ki aatma the. Uski reedh. Ve ekjut, maun khade the, toofan ke khilaf puraane pedo ki tarah dard ko sehte hue. Aane waali zimmedariyon ke liye poori tarah se taiyaar.

Suhana apni behan Sonia ke saath thi, dono ke ird-gird suit pehne unke bodyguards khade hue the. Apne haath baandhe, sunglasses pehne, Sonia ek kursi par wahi baahar baithi hui thi. Itna gamgeen mahaul dekh wo sehem si gayi thi.

Toh wahi, Suhana thoda kaanp rahi thi. Raat bhar ke jaagne se uski aankhein laal ho rakhi thi. Apne phone par nazre gadaaye wo sandesho ko padhti jaa rahi thi.

Usne andar hall me baithe Veer ko dekha. Uske honth khule, par fir thar-thara ke band ho gaye.

Kya use haq tha uske paas jaane ka? Aise waqt par? Wo wahi khadi yeh sochti rahi.

Idhar Kaera kuchh feet door khadi thi, uska bhai Karan kuchh logo se baat-cheet kar raha tha. Shuru se ant tak, Kaera ki nazrein ek hi shaks par tiki hui thi — Veer.

Woh uske paas jaana chaahti thi. Use galey se lagaana chaahti thi. Use samjhaana chaahti thi. Lekin, uske perr hilne me asamarth reh gaye.

Uski bhavnaaye jo haal hi me jaagrit hui thi — aaj ek aur nayi anubhooti se guzar rahi thi. Aaj wo wahi mehsoos kar paa rahi thi jo usne tab mehsoos kiya tha jab usne apni maa, Archana ko khoya tha.

Dukh. Peeda. Udaasi.

Wo saare bhoole gaye emotions waapas sateh par aa rahe the.

Aabha bhi ek jagah apna ghoonghat odhe dheere-dheere ro rahi thi. Manorath se uska lagaav nahi tha. Ye aansu kal raat jo bhayanak drishya hue aur jis tarah se sab kuchh ujda, uske liye the. Apne maalik ko iss tarah dekh uska dil andar hi andar dehel raha tha.

Sonali use apne se laga ke sambhaalne ki koshish kar rahi thi, kintu woh swayam hi bheetar se ghabrayi hui thi.

Magar, Veer ka kya-!?

Tej ne use dekha. Wo chup-chaap Manorath ke saamne baitha hua tha. Jaise maano uss se abhi bhi ye khabar nahi pachaayi jaa rahi thi. Par, wo uss se kuchh na boli. Balki, wo to nazrein hi nahi mila paa rahi thi.

Ek chhota sa kaam tha. Apne bhai ki gerr-maujoodgi me Yarnia ka udhghatan karna. Bas! Iss ek chhote se kaam ko karne me wo naqamyab thi. Na sirf hotel ko nuksaan pahucha, balki Yarnia ka sampoorn karyakram bhi barbaad ho gaya. Logo ki jaane chali gayi aur upar se humle me gharwalo ne bhi apni jaan gawa di.

Aur, ye sab kuchh hua — Naye saal ki lagne waali raat me. Naya saal unke liye khushiyaan nahi, balki barbaadiyaan leke aaya. To aise me Tej akhir kaise apne bhai se nazrein mila sakti thi?

Veer ke bagal se hi Arohi bhi thi. Honth thar-thara rahe the aur bechaari ka poora chehra aansuon se bheega hua tha.

Wo uski orr jhuki. Usne Veer ke kandhe par haath rakha-

Arohi : V-Veer!

Par, koi jawab nahi.

Bas — khamoshi.

Arohi ne uske haath ko apne haath me lete hue baandha aur ek baar fir se use jhunjhlaaya.

Arohi : V-Veeeer! *sniff*

Kintu, punah koi jawab nahi. Wo hila hi nahi. Ekdum sthir — bina koi palke jhapkaaye. Jaise samay sirf uske liye ruk gaya ho. Arohi ne ek baar aur koshish ki.

Arohi : Veeeeer! M-Mujhe aise darao mat, please. *sniff* Kuchh bolo. Veeeer?

Magar, abhi bhi koi pratikriya nahi.

---

Kuchh der pehle...

Yeh woh waqt tha jab Veer Juhi aur Pihu ko apne badan par laade Disembowler ki lair se baahar nikla tha.

Uski har saans fool rahi thi, drishti dhundhli pad rahi thi, lekin woh rukne ko taiyaar nahi tha.

Juhi uski chhaati se bandhi hui thi, uska kamzor shareer thakaan ke chalte neend me upar-neeche ho raha tha. To, wahi Pihu peechhe uski peeth par behosh thi.

Baah me bhayanak tez dard uthne ke bawajood Veer use thaam ke rakha hua tha — ekdum adig.

Pari ki awaaz tabhi uske dimaag me goonji.

[Master! Aapka haath. You need to rest right now. 'Limb Substitution' ki madad se kaafi hadd tak uss waqt haath position me aa gaya tha, lekin aapne-]

Pari shikayat kar rahi thi. Veer ka haath 'Limb Substitution' ke equip karte hi sahi dhang se position me aa chuka tha. Zaroorat thi toh bas kuchh dino ke araam ki, jiske chalte uska haath wapas se pehle ki tarah ho jaane waala tha.

Magar, usne kya kiya-!?

Disembowler se bhidte waqt, usne jhatke se liquid nitrogen ke cylinder ko kheencha tha, jiske parinam swaroop uska haath wapas se lachakte hue ukhad chuka tha.

Na keval dobara use jodne ke liye shareer ki urja ka istemal hua, balki haath ke ukhadte hi ek baar fir use bloodloss se guzarna pada.

Ab agar samay rehte haath ko araam nahi diya gaya, to ye samasya aur bhi gambheer mod le sakti thi. Aur, isliye Pari chintit thi. Kyunki, iss waqt bhi — Veer ka haath Pihu ko peechhe se thaame hue tha. Haath par zor pad raha tha.

Veer ne bamushqil hi koi pratikriya di. Uska dimag ek hi cheez par kendrit tha — kaise bhi karke dono bacchiyo ko surakshit unke apno tak pahuchaaya jaaye.

Woh waha se bhaaga. Pari ki baat par usne kuchh derr baad jawab diya.

'Yeah! I- I know, Pari. Lekin, mere paas rukne ka koi option nahi hai. I must move on.'

Sadke street lights aur aasmaan aatishbaziyo se jagmaga raha tha. Police ki jeeps sadko par daud rahi thi, adhikaari hatyaare aur laapata ladkiyon ki talaash me har kone, har gali ko chhaan rahe the.

Aur, unhi jeep me se ek jeep me — Trisha thi.

Uski aankhein sooji hui thi, dashboard ko pakde hue uske haath kaanp rahe the.

"Tez chalo!!!"

Usne driver ko aadesh diya, ghanto chillaane se uski ab awaaz bhi fatt rahi thi. Bahut lamba samay ho gaya tha. Bahut saare ghante guzar chuke the — koi suraag nahi, koi sanket nahi, koi ummeed nahi. Bebasi ka bojh ab use ghutan de raha tha, magar usne tootne se inkaar kar diya.

Woh iss tarah, iss samay nahi toot sakti thi. Apni beti ko dhundhne se pehle to hargiz nahi.

Rohan, uska pati bhi wahi kahi sadko par tha. Beti ki khoj me paagalo ki tarah sheher me bhaag raha tha. Parantu, ye sab vyarth jaane waala tha agar unhe unki beti na mili toh.

Fir, jeep ne ek mod liya.

Aur, koi waha par tha.

Sadak ke beech me ek akela shaks, khoon se lathpath. Uski shirt fati hui thi, chehra ghaavo aur khoon ke kaaran bamushqil se pehchaana jaa sakta tha.

Woh waha khada tha, haanf raha tha, kaanp raha tha — lekin, sirf wahi nahi tha.

Uske seene se kuchh bandha hua tha. Koi tha. Nahi! Sirf seene se hi nahi, peeth par bhi koi tha.

Trisha ke dil ki dhadkane maano wahi tham gayi.

"Rukooooo!" Veh chillaayi.

Jeep ghisatate hue achanak ruk gayi. Jaise hi usne darwaza khola, kaanpte haatho se usne turant bandook nikaali aur seedhe saamne khade shaks par nishaana saadh diya.

"Theher jao!"

Woh chillaayi. Uski awaaz teekhi thi, ghabrahat ke bawajood usne apne aap ko sthir rakha hua tha. Jeep ki headlights jaise hi uss shaks ke peechhe ladi nanhi si bacchi ke chehre par padi, to Trisha ki aankhein bhay ke maare fel gayi.

Pihu!

Uski aankhein khoon se saney uss shaks ke chehre par ghoomi aur fir apni bacchi par.

Kaun tha ye vyakti?

Aur, uski beti uski peeth par?

Upar se wo kahi se bhi dara hua nahi prateet ho raha tha.

Idhar, Veer ne Trisha ko dekh apni gati dheemi nahi ki, balki woh chalta raha — seedhe uski orr.

Trisha ki pakad trigger par mazboot ho gayi.

"Maine kaha ruk jao!"

Woh darr rahi thi. Kya yahi wo serial killer tha? Kya isi ne uski bacchi aur Juhi ko agwa kiya tha?

Kya kare woh? Kahi woh vyakti uski chetavni ka bura maan bacchiyo ko kuchh kar diya to? Kya use bandook neeche kar leni chahiye? Kya kare? Use kuchh nahi soojh raha tha.

Lekin, tabhi veh bola.

"Tumhari beti... Surakshit hai!"

'Huh?'

Uski awaaz halanki karkash thi, lekin usme koi darr nahi tha. Koi hich-kichaahat nahi. Keval nishchitata.

Trisha ki saansein atakne lagi. Uska dimaag kaam karna band kar raha tha.

Jaise hi Veer ne uske aur apne beech doori kam ki, jeep me baithe baaki police karmiyo ne turant hi qadam uthaaya, apne-apne hathyaar liye unn sabhi ne Veer par bandooke taan di. Unki ungliyaan bhi trigger par mandra rahi thi, thodi si bhi galat harqat par goliyaan chalaane ke liye ekdum taiyaar.

Lekin, Trisha abhi bhi Veer ko ghoor rahi thi. Usne apna haath ghabraate hue uthaaya.

"Nahiiiiii!"

Woh chillaayi aur usne sabhi police karmiyo ko goli chalaane se rok diya.

Woh nahi jaanti thi ki usne aisa kyu kiya. Kya ye darr tha? Ya fir kuchh aur? Lekin, use itna zaroor samajh aaya ki bandook ko iss shaks par taanana iss sthiti ka hal nahi tha.

Veer ahista-ahista uske paas aaya. Aur, fir apne badan par gathaan bandhi, khoon se sani chaadar ko usne dheere se khola.

Pihu.

Uske nanhe se chehre par shaanti ke bhaav the. Na koi chot, na koi ghaav. Ekdum achhoot.

Trisha ki bandook uske kaanpte haatho se chhoot kar fisal gayi. Woh dhadalle se bina koi parvah kiye aage badhi-

"Madam!!!"

Police karmiyo ne use savdhan karne ki koshish ki, parantu Trisha ko apni bacchi ke siwa aur koi nazar na aaya.

Usne Pihu ko apne dono haatho me lete hue sambhaala aur apne seene se lagaaya aur apni beti ko galey se lagaate hi uski rulaayi chhoot gayi.

"Woh sirf behosh hai. Thaki hui hai. Aur, kuchh nahi. Use kuchh derr me hosh aa jaayega." Veer ne samjhaate hue kaha.

Trisha bilakhte hue apni beti ke chehre ko bas choomti chali gayi. Use saans bhi badi mushqil se aa rahi thi. Uski ungliyaan Pihu ke komal chehre par daud gayi.

Veer, jiska kaam abhi bhi aadha-adhoora tha, thoda sa Trisha se alag hua. Woh waha se nikalne ke liye hua.

"Ab mujhe Juhi ko ma'am ke paas le jaana hoga. Aur, tum..."

"Huh?" Trisha use hairat me dekhi.

"Jaldi! Shamshaan ke neeche. Akele nahi. Poori force leke jao. Jaldi! Warna woh- *huff*"

"K-Kya?" Trisha ne sarr uthaate hue use aashcharya me ghoora.

"Samay kam hai. J-Jaldi- *huff* Iske pehle ki derr ho jaaye."

Uske perr mushqil se seedhe khade ho paa rahe the. Woh jaanta tha ki Disembowler buri tarah ghaayal tha. Police ki full force use takedown kar sakti thi. SHB ka raaz khul paana bhi lagbhag namumkin tha kyunki, woh hawa ke sampark me aate hi oxidise ho jaata tha.

Aur to aur, police ko Disembowler jaise serial killer aur uske kaale karnaamo se avgat karaana bhi zaroori tha. Yahi soch ke usne ye nirnay liya.

Trisha kuchh soch-samajh nahi paa rahi thi. Lekin, uski sahej pravatti Veer ki baat maanane ke liye chillaa rahi thi.

Wahi iss orr, Veer ne apna muh fera. Usne Juhi ko kass kar pakda aur ek qadam aage badha jab-

"R-Ruko! K-Kaun ho tum? Kaha jaa rahe ho? Mein tumhe yaha se kahi nahi jaane dungi."

Veer ne koi jawab nahi diya.

Trisha ne dekha ki Veer ke harr qadam me thakavat thi, blood loss use har pal kamzor kar raha tha. Magar, iske bawajood — woh aage badhne ke liye tatpar tha.

"Nidhi ma'am... Juhi ko unke paas pahuchaana hoga."

'Nidhi' ka naam uske muh se sunte hi Trisha chaunk uthi. Aur, kuchh ghante pehle ki kuchh baatein use yaad aa gayi. Gift shop par Nidhi ke sang uski pehli mulaqat aur wo baatein—

'Meri beti ki dost ka janmdin hai. Aur, aapka-!?'

'Mere bhi... Mere student ne naya business shuru kiya hai. Uske launch ke liye event rakha hai.'

"T-Tum..." Trisha bhauchakki apna muh khole avaak Veer ko ghoori.

Yeh ladka.

Veer ke ek aur qadam aage lete hi police karmiyo ne uska raasta rok liya.

"Wahi ruk jao!" Unme se ek ne aadesh diya.

Veer ne mushqil se unn par koi nazar daali. Uska shareer bhalayi iss samay kamzor tha, lekin uska sankalp atal tha. Wo ab kisi bhi haalat me nahi ruk sakta tha.

Iske pehle ki police waale kuchh kar paate, Trisha ki awaaz ne unhe hairangi me daal diya.

"Jaane do use!" Woh ahista se boli.

Ve sab chaunkte hue uski orr mude.

"M-Madam?" Unme se ek hich-kichaaya. "M-Madam, aap ye kya keh rahi hai? Hum iss anjaan ko aise kaise jaane de sakte hai? Hum ise bilkul bhi-"

"Maine kaha na use jaane do!!!" Usne iss baar aur bhi dridhta se dohraaya.

Police karmiyo me sankoch bana raha, lekin Trisha apne nirnay par dagmagayi nahi.

Dheere-dheere wo sabhi ek taraf hatt gaye.

Agar, koi Nidhi ko jaanta tha, bacchiyo ko apne shareer par laad kar unhe bina chotil hue wapas leke aaya tha, to isme koi shaq nahi tha ki woh insaan koi serial killer nahi, balki ek shubhchintak tha.

Veer Trisha ke bagal se nikalte hue aage badha. Trisha ne ek akhiri sawaal uss se poochha—

"Kaun ho tum?"

Veer iss baar ruka. Woh peechhe muda. Uski nazar Trisha par tiki.

Ek pal ki khamoshi.

Aur, fir usne jawaab diya-

"Veer Singh!!!"

Trisha ke badan me sihran daud gayi. Veer bas itna bol, waha se chal diya.

Yeh naam. Inn beetein dino me woh iss naam se bhali bhaanti parichit thi. Yahi toh woh naam tha. Yahi wo insaan tha jiski use talaash thi. Wo aadmi jiske peechhe wo na jaane kab se padi hui thi.

Lekin, kabhi uss tak thos saboot ke saath pahuch na saki.

Aur, aaj wahi insaan-

Uski beti ko bacha ke uske paas laaya tha. Dimaag sawaalo ke bawandar me fassta jaa raha tha. Lekin, usne khud ko iss bawandar se baahar nikaala.

Abhi jo maayne rakhta tha — wo tha uski beti ka surakshit hona.

Usne apne mann me chal rahe toofan ko door karte hue, apna radio uthaaya.

"Rohan!!!"

Aur, bas... Wo punah toot ke reh gayi. Uss orr se Rohan ki bhi raahat ki saans lene ki awaaz use sunaayi di. Upar waale ko dhanyavad dete hue usne gaadi Trisha ke ilaake ki orr ghuma di.

Aur, aise hi Veer Pihu ko surakshit haatho me pahuchaate hue Nidhi ke paas pahucha tha.

Yahi woh waqt bhi tha jab Renshu aur Erica Disembowler ki lair me jaa kar, chhaan-been kar ke waha se nikal chuke the. Aur, unke nikalte hi police force ne poore shamshan ko under surveillance rakh liya tha.

Yahi woh waqt tha jab Renshu ne Erica ko ishaara kiya, Erica Veer ko Nidhi ke kamre se apne kandho par utha kar leke aayi. Wahi thi, jisne Nidhi aur Shreya dono ko neutralise kiya tha.

Renshu ne fir behosh Veer ko apne kandhe par uthaaya aur seedha Garofano ke paas le gaya.

Use car me hi Ava ke bagal se litaate hue usne Garofano ki orr dekha.

Behosh Veer aur Ava dono ek dusre ke bagal se laite hue the. Behoshi me bhi dono ke haath ek dusre se lage hue the.

Ek pal ke liye Garofano ki bauhe sikudi. Usne kuchh sochte hue Veer ka haath Ava ke haath se dur kar diya aur uske ghaavo ka ilaaj karne me jutt gayi.

Na sirf usne Veer ko apna ek vitality serum aur antiserum diya, balki uske ghaavo ka ilaaj kar uske haatho ko chains se azaad bhi kar diya.

Renshu, Erica aur Garofano, fir Veer ko leke hospital pahuche jaha parivar jann Veer ko iss awastha me dekh hakke-bakke reh gaye the.

Aur, fir Veer ka hosh aana aur use Manorath ki mrityu ki khabar ka praapt hona. Yahi sab toh hua tha.

Uske baad Garofano hospital se seedhe wapas car par pahuchi jaha Ava pehle se hi hosh me baithi hui thi.

Garofano : You are awake!

Ava : ...

Garofano : !!? Kuchh nahi kehna?

Ava : V-Veer! K-Kaha hai woh?

Garofano (smiles) : Kuchh derr pehle tumhare bagal se hi tha.

Ava : K-Kyaaaaa??

Wo hadbadaate hue idhar-udhar dekhi.

Ava : K-Kaha? Kaha hai woh? No! Wait!

Agle hi pal jaise use khud hi Veer ki location 'Death Flag' ke zariye maalum pad gayi.

Ava (mutters) : H-Hospital!

Garofano : Hmm! Uske dada ji nahi rahe. The other lady... What was her name again? Ragini! Hmm! Wo out of danger hai, lekin ab chal nahi sakti.

Ava ka sarr ye sunte hi neeche jhuk gaya. Usne apne dono perr mod apna chehra ghutno ke peechhe chhupa liya. Woh apne aap ko dosh de rahi thi. Use ek zimmedari di gayi thi. Aur, woh bhi wo theek se nahi nibha paayi.

Garofano (glances) : You don't have to feel bad about it. Although, mein waha nahi thi, aur mujhe nahi pata exactly kya hua tha lekin-

Ava : ???

Garofano : Erica ne sab kuchh bata diya hai. You took a bullet for someone else. Aur, agar tum nahi hoti- there was no way that girl would have survived that shot.

Ava : M-Mein- *sniff*

Garofano ne aage kuchh na kaha. Kuchh derr baad Ava ne uss se sawaal kiya.

Ava : Tumne aisa kyu kaha tha?

Garofano : Hmm? Kya?

Ava : Yahi ki... You are hiding your cards. Just like him.

Garofano : Woh? *smiles* Well, kya ye sach nahi? Tum apne cards chhipaaye hue ho. Just like him. Usne bhi mujhe apne saare cards ke baare me nahi bataaya. Hey! Now, I feel really bad you know.

Ava : ??

Garofano : Mein akeli hi hu jisne apne saare cards ke baare me tum sabko bataya hua hai. Aur, tum sab ho ki-

Ava : I don't feel the need to tell you.

Garofano : Wow! So, much for the help, right?

Ava : Kisi na kisi din mein ye favor chuka dungi. Cards ki details share karne ki koi zaroorat nahi mujhe.

Garofano : Chill, pretty girl. So cold, damn! *sighs* To kya mein wo favor abhi maang sakti hu?

Ava : Huh?

Garofano : Bolo?

Ava (nods) : Ask!

Garofano (grins) : Apne aap ko Veer se door kar do!

Ava (yells) : KABHI BHI NAHIIIIII-!!!

Wo itni zorr se chillaayi ki Garofano khud aashcharya me reh gayi. Ava ke gaal agle hi pal fir gulaabi ho chale. Aur, Garofano ke hontho par ek muskaan bikhar gayi. Woh bina kuchh kahe, waha se nikal gayi par jaate-jaate uske shabd Ava ke kaano tak pahuchne se na choonke.

"Tumhare favor chukaane ka intezar rahega, mujhe."

Kehte hue wo waha se chali gayi aur Ava pichhli ghatit vardaato ke baare me soch-vichaar kar leen ho gayi.

---

Veer's old house...

Antim sanskar ki taiyaari shuru ho chuki thi. Ghar ki mahilaaye, bagal se khadi ho kar sab dekh rahi thi. Aankhein laal thi aur sarr dhake hue.

Purush shaiyaa ki samagri ka prabandhan karne me lage hue the. Bhaar sirf Manorath ji ke shareer ka nahi uthaana tha, uske saath unki yaadon ka bhi bhaar juda hua tha.

Shaiyaa ko taiyaar karne ke liye baans ki lakdiyaan, rassiyaan aur safed kapda aa chuka tha.

Karunesh, Vivek aur Brijesh mil kar lakdiyaan baandhne ka kaam kar rahe the.

Ghar ke ird-gird aas-pados ki bheed-bhaad bhi jama ho chuki thi. Log aapas me charcha kar rahe the.

"Kaise? Ghatna kaise hui ye?"

"News me aaya to raha. Humla ho gaya na."

"Haan? Kaha?"

"Wai apna... Prestige hotel. Bahut bada humla tha."

"To humle me maare gaye?"

"Haan! Abhi poora clear nahi pata chala hai, par baaki log to yahi bata rahe ki humle me jaan chali gayi."

"Accha! Tch! Tch! Tch! Bechaare buzurg hoke aisi ghatna ka shikaar ho gaye."

"Kya kar sakte hai ab."

Veer Manorath ji ke perr ke paas hi baitha hua tha. Peeth jhuki, haath ghutno par tike hue, aur aankhein khaali.

Kavya aur Arohi use awaaz deti rahi, magar usne ek baar bhi nahi suna. Shyaam ne jab use paani ka glass diya tab bhi usne apni palkein tak nahi jhapkayi.

Uski nazrein sirf apne dada ji ke chehre par tiki hui thi. Aur, jaise hi Manorath ji ke shareer ko farsh se uthaaya gaya, Veer ki tandra bhang ho gayi.

'Huh?'

Usne mud ke dekha. Ek baar palak jhapki. Fir, dobaara.

Qadmo ki chehel-pehel, shorgul, sab kuchh ek saath uss par toot pada. Wo bina kuchh samjhe khada hua, dheere-dheere uske perr dada ji ke shav ki disha ki orr badhne lage.

Manorath ji ke shav ko baahar laa kar rakh diya gaya tha.

Rassi baandhte hue Brijesh ne sarr upar kar Veer ko dekha. Uske haath me bhi rassi thi.

Wo baans ke dhaanche ko aise dekh raha tha jaise maano wo koi suljhaane waali paheli ho. Kabhi uski nazrein apne haath me li hui rassi par tikti to kabhi baans ke dhaanche par.

Jeevan me pehli baar wo apne kisi qareebi ki maut me iss tarah se shaamil ho raha tha. Inn reeti-rivaaz me itna sammilit hone ka avsar use pehle kabhi praapt nahi hua tha.

Ek khamoshi kuchh derr chhaayi rahi.

Fir, aaj saalo me pehli baar-

"Ise iss tarah se baandho, Veer. Meri tarah...!"

Brijesh ne Veer se kaha. Awaaz naram thi. Na hi aagya se bhari hui aur na hi katu. Ekdum — vinamra.

Veer ne use dekha. Wo chup-chaap neeche baitha, apne pita ko dekhte hue usne rassi ko baandhna seekha, aur baans ki lakdiyo me wo rassi ki gathaane lagaane laga.

Ek pal ke liye — saara gussa, saare gile-shikve, sab kuchh ek taraf ho gaya. Dono baap-bete ke haath shaiyaa banaane me chal rahe the. Karunesh aur Vivek ne jab ye dekha to dono hi ahista se unn dono ke beech se alag ho gaye.

Ek ke baad ek gaanth.
Ek ke baad ek saans.
Saath-saath.

Kuchh door khadi, Bhavna ne jab yeh dekha to usne apne haath se apne muh ko dhak liya. Bagal se khadi, Purvi ne uske kandhe ko thaama.

Brijesh ko tabhi, apne pita ji ke akhir bol yaad aa gaye.

Wo Yarnia ke udhghatan me nahi gaya tha. Parantu, jab TV par samachar se use khabar lagi. Uske perr apne aap chal pade.

Use wo drishya yaad aaya. Wo pal jab uske pita ji use Hotel Prestige me chalne ke liye anurodh kar rahe the. Use nahi pata tha ki wo uska apne pita ke saath akhiri sanvaad hone waala tha —

---

"Toh tum nahi chaloge??"

"Jab mujhe bulaya hi nahi gaya toh bhala mein kaise jaa sakta hu, papa ji?"

"Murkh ho kya tum? Veer ne ek nyota bheja hai. Kya itni bhi samajh nahi tumhe ki ye sabke liye hai?"

"Aapko Veer ka phone aaya tha?"

"Haan!"

"Sumitra ko bhi aaya tha. Usne bataya mujhe. Lekin, mujhe nahi! Iska kya matlab hua? Kya aap samjhe nahi? Ya aap samajhna nahi chaahte?"

"Tum paagal ho sach me, Brijesh! Tumne jo kuchh bhi kiya hai uske baad bhala woh kaise tumse aake upat ke baat kar sakta hai? Jaise tum hich-kicha rahe ho waise hi toh woh bhi hich-kicha raha hoga na?"

"Kya waqai, papa ji? Mujhe nahi lagta! Balki, mujhe waha na paa kar use khushi hi hogi."

"Tum bawle ho gaye ho, Brijesh! Beta hai tumhara! Aur, tum baap ho uske. Ek baap apne bete ke sukh me uske nyota dene ka intezar nahi karta."

"Ye uss baap ke liye hai jo dukh me bhi apne bete ke saath khada rahe, jo mein nibha na saka. Mujhe waha paa ke sab uncomfortable ho jayenge. Rehne dijiye! Aap bhuliye mat ki Shweta aur... Bhavna bhi waha hongi. Aapke liye kehna asaan hai. Par, mere liye waha jaana itna asaan nahi."

"Tumhari dikkat kya hai tumhe pata hai Brijesh? Tum log kya sochenge iss baare me zyada sochte ho aur iss baare me kam ki kya karna chahiye. Arey bhai ye toh zahir si baat hai ki tumhare waha hone se baatein pehle ki tarah nahi hongi. Par, kya Veer ko iss se farq padega?"

"???"

"Nahi! Maayne ye rakhega ki uska baap jisne use ghar se baahar nikaal diya tha, aaj woh waha uske saamne uske liye khada hai."

"Nahi! Nahi papa ji! Ye toh wahi baat ho gayi ki sukh me sab kaam aate hai par dukh me-? Koi nahi! Mein ab maafi ke laayak nahi papa ji! Ab bahut bigaad liya maine apna aur baakiyo ka jeevan. Ab aur nahi-!"

"Tumne sahi kaha. Tum maafi ke laayak nahi! Lekin, maafi ke laayak koi bhi nahi hota, Brijesh!"

"???"

"Maafi ke laayak koi nahi hota. Use ye kamaana padta hai. Uss laayak banana padta hai ki vyakti aap ko maaf kar sake. Aur, tumhara waha pahuchna maafi maangne ka pehla qadam hoga."

"N-Nahi, papa ji! M-Mein-"

"Tum iss liye nahi jaana chaahte kyunki tumhe lagta hai ki woh log kya sochenge? Tum unse aankh se aankh milaane par ghabra rahe ho. Par, yahi toh pehla padaav hai, Brijesh. Chalo! Ghabrao nahi! Ek baar samay haath se nikal gaya toh dobaara nahi aata."

"Papa ji, samajhiye baat ko-"

"Tumhe pata hai? Kabhi-kabhi ek baap apne bacche ko jo sabse bada tohfa de sakta hai woh kya hai? Woh hai uski - maujoodgi! Agar, Veer ka phone nahi aaya toh kya hua? Woh toh chhota hai, par tum toh bade ho na? Pehel toh tumhe hi karni hogi na? Bhale hi tumhe kaisa bhi mehsoos ho par chalo, kyunki iss sthiti me andar se har baccha yahi chaahega ki uske pita saamne aaye. Veer bhi-!"

"M-Mein... Mein sochunga, Papa ji! Par, aaj mujhe apni mann-maani kar lene dijiye! Jaiye aap! Samay ho raha hai!"

Manorath ke lakh manaane par bhi jab Brijesh na maana toh woh narazgi me waha se jaane lage. Unke qadam darwaze ki dehleez par aake ruke.

"Meri seekh yaad rakhna Brijesh! Samay ek baar haath se nikal gaya, toh dobaara nahi aata."

Aur, woh waha se nikal gaye.

---

Akhiri lapte ek ajeeb si shaanti ke saath naach rahi thi — dheemi, aur bhasm karne waali.

Veer jalti hui chita se kuchh hi feet door khada hua tha. Manorath ji ka shav agni me sama chuka tha. Hawa ne rukh badla aur dhue ko ek taraf uda diya, apne saath na keval raakh, balki unki kahaniyaan, gyaan, aur uss vyakti ki antim garmjoshi bhi le gaya jisne kabhi Veer ko uska ekmaatra surakshit aashray diya tha.

Uski mutthiyaan bandhi rahi. Saansein kamzor. Aur, aankhein — bina moonde ek jagah sthir.

Mann shaant tha. Bahut derr tak. Jab tak ki-

[Master...]

Pari ki awaaz na goonj gayi.

Kintu, koi pratikriya nahi.

Uski aankhein abhi bhi aag ki lapto par tiki hui thi, maano jaise uske sawaalo ka jawaab ye laptein hi dene waali thi.

Lekin, Pari kahi nahi gayi.

[Master... I'm here.]

Veh jhijhki. Fir, aage boli. Uski awaaz dheemi thi, ek asamaanya komalta se bhari hui. Aur, fir kuchh sochte hue usne-

*Ding*

['Mission : A Knight's Stand' failed.]

System ki window ne Veer ki chetna me roop liya. Usme se aani waali neeli raushni tim-tima rahi thi. Iss baar, Veer ne dhyaan diya.

*Ding*

[The host was not able to get rid of the Disembowler.]

[The host did succeed in rescuing Juhi and Pihu.]

[The host also succeeded in keeping the experiment’s secret a secret from the general public.]

[The host will not be penalized for the secret being publicized.]

[The host will not be placed under police surveillance.]

[The mission failed because not all the conditions were fulfilled.]

[Mission failure penalty applied.]

[Penalty : Loss of loved ones.]

[Rewards have been granted.]

*Ding*

[You have been rewarded 20,000 Points.]

[You have been rewarded 5000 Fame Points.]

[Since the mission wasn’t completed, Perk Hunt will not be activated. Hence, no perks can be selected.]

Khamoshi.

Veer ne unn notifications ko suna. Magar, uska dhyaan abhi bhi kahi aur hi tha.

Usne ek gehri saans li. Aur, fir-

'M-Maine unhe kho diya, Pari. Mein unhe bacha nahi saka. Mere karan wo-'

Wo ek qadam aage badha. Aankhein ekdum laal.

'Maine maut ko dekha hai. Mere inn haatho ne logo ko maut bhi di hai. P-Par, kabhi bhi... kabhi bhi maine iss tarah mehsoos nahi kiya. Ye mujhe andar se jala raha hai, Pari.'

[...]

'Wo sirf mere dada ji nahi the. Wo mera ghar the. Uss puraane ghar se agar koi mujhe jod ke rakhe hue tha to woh wahi the... W-Wahi...!'

Uski mutthiyaan dheeli pad gayi.

'I was too late, Pari. Too weak. Too distracted. Aur, ab mere paas kuchh bacha hai toh woh hai — ye dhua, ye raakh, aur ye... glaani. Asahaneeya glaani.'

'Agar, mein aur taqatvar hota, hoshiyar hota, toh shayad mein-'

[Maaasterrrr, Nooooo-!]

'???'

[Master! Aapne wo kiya jo aur koi nahi kar sakta tha. Aapne uss Disembowler se do bacchiyon ki jaan bachaayi. Aapne SHB ke rehesya ko duniyaa ke saamne aane se roka.]

'M-Mein-'

[Aap unprepared the. Aap uski territory me the. Aur, fir bhi aapne haar nahi maani. Kya aapko lagta hai aap kamzor ho???]

Uski awaaz kaanp uthi. Aur, fir-

Dusri baar. Veer ko apne mann me wahi anubhooti mehsoos hui.

Aansu. Lekin, uske nahi. Pari ke.

'Pari, tum-'

Pari ki chetna se uski chetna me ek udaasi ki jhalak.

[Aap bhool kyu jaate ho ki mein wo sab kuchh mehsoos kar sakti hu jo aap karte ho. *sniff* Aapki har dhadkan... Mujhe goonjti hui sunaayi deti hai. Har aansu jo aap girne nahi dete... Unhe mein andar se mehsoos karti hu.]

'!!?'

[You didn't fail him, Master. You carried his name through fire. Through war. Through hell.]

'Pari!'

[Aur, ab bhi aap mazbooti se khade hue ho. Tab bhi jab aap andar se toot rahe ho. They can't see it. But I can. I can feel it.]

Veer wahi chita ke paas dhool bhari zameen par apne ghutno ke bal gir pada.

*Sniff*

Usne apni chhaati ko kass ke jakda. Dard se nahi, balki apne andar bachi hui cheezon ko sambhaalne ki ek betaab koshish me.

Usne ghutate hue kaha,

'P-Par, unhone mujhpe vishvas kiya tha, Pari. Kitne bharose se wo aaye honge aur unke saath- Ek akhiri baar mein unhe dekh tak na saka. I-'

[Aap humesha unke pasandeeda rahoge, Master. Humesha.]

Ek lambi khamoshi chhaa gayi. Veer ke aansu akhirkar gir pade.

'Itna dard kyu ho raha hai, Pari? *sniff*'

[Kyunki, aap unse itna pyaar karte the jitna aap khud nahi jaante the, Master.]

'!!!'

[And love, Master… is the only thing in this world more powerful than death.]

Woh muda. Uske peechhe ki aag ek antim baar bhadak uthi aur fir dheere-dheere feeki padne lagi.

Aur, aaj mann ki gehraayi me, jaha aam taur par notifications aur pari ke bol goonjte rehte the, ek durlabh tarah ki khamoshi chhaa gayi — khaalipann se nahi, balki do chetnao se, jo ek saath shok mana rahi thi.

***

Antim sanskar samapt hua hi tha, aag abhi bujh hi rahi thi, jab-

Baahar ek alag tarah ki aag ne apna janm le liya.

Veer, apne parivar sang jaise hi mukti dham se baahar nikla, toh uska swagat khamoshi se nahi, balki shor se hua.

Ek toofan.

Cameras chamak uthe. Microphones kinhi bhaale ki tarah aage badhe. Awaazein — unme se hazaaron — jwaar ki leher ki tarah aake uske kaano me takraayi.

"Mister, Veer Singh! Kya Hotel Prestige ki tragedy aapki zimmedari thi?"

"Humle ke dauran aap kaha the? Aapko kahi dekha hi nahi gaya."

"Aapki nigraani me bekasoor security guards maare gaye. Iska dosh kis par hai?"

"Kya aap ye soch rahe hai kya ki fame hone se aap inn sab se bach sakte hai?"

"Kya aap aaj raat so bhi paayenge? Ye jaante hue ki aapki sampatti ki suraksha karte hue nirdosh log maare gaye?"

"Jawab dijiye, Mister Veer!"

"Tune mere bhai ko maar daala, haram khor!! Mein tujhe chhorunga nahi!"

"Khooni!! Khooni ho tum!"

"Tumhare hotel ne mere pita ji ko zinda kha liya."

"Kya hoga humaara?"

Mratak security guards ke parivar ke kuchh sadasya bhi journalists ki bheed me ghus gaye. Wo barricades ko dukh, gusse aur aakrosh me paar kar gaye.

Unme se ek Veer par lagbhag jhapatne hi waala tha, lekin kuchh dayaalu ajnabiyon ne use rok liya.

Veer wahi khada raha. Uska shareer jamm sa gaya. Isliye, nahi ki woh darr gaya tha, balki isliye kyunki Hotel Prestige ka samachar ab vistaar se use sunane mil raha tha.

Wo jaanta tha humla hua tha. Hospital me hosh aane ke baad, Arohi ne use zaroori khabar de di thi. Yahi ki Hotel Prestige me humla hua tha. Golibaari. Jisme uske dada ji chal base.

Manorath ji ki maut bloodloss aur pain se hi hui thi. Sniper ki bullet koi aam bullet nahi hoti thi. Aur, na hi sniper koi aam bandook thi.

Manorath ji ke kandhe par bullet lagi thi. Jab tak ve hospital pahuche, unka ilaaj shuru hua, tab tak unhone dum tod diya tha.

Veer yeh jaanta tha. Magar, ye sab kya tha? Security guards ki jaan jaana? Arohi ne uske bhale ke liye poori sachaayi nahi bataayi thi.

Uski aankhein chaudi ho gayi. Glaani, sadma, aur kuchh agyaat anubhutiyaan uske andar toofan ki tarah ghoomne lagi.

Aur, fir-

Bheed ke beech se.

"VEEEEEEER!!!"

Ek awaaz. Ek cheenkh. Ek pukaar — iss araajakta ko cheerti hui.

Tej. Wo aayi.

Uske baal bikhre hue the. Chehra aasuon se bheega hua tha. Bheed uske liye alag nahi hui — lekin, usne sangharsh kar ke apna raasta banaaya.

Logo ki kohniyaan use lagi, dhakke lage, cameras use lage, woh lagbhag girte-girte bachi, lekin ruki nahi.

Wo bhaagi. Tezi se. Jaise uska dil fatne ko aa gaya ho-

Aur, tamaam bheed ko alag karte hue wo uske paas pahuchi. Waha khadi ho gayi — Veer aur saari duniyaa ke madhya.

Wo haanf rahi thi. Uske baal, paseene se geele ho chuke uske gaalo se chipke hue the.

Tej (screams) : BAS KAROOOOO!!!!

Shor kam ho gaya. Awaazein shaant pad gayi.

Tej ne mud kar media ka saamne kiya, uske kandhe kaanp rahe the, lekin uski awaaz bheed ke shor se bhi zyada tez thi.

Tej : Aap logo ko jawaab chaahiye na??? Mein dungi jawaab! Kyunki, hotel prestige ko sambhaalne waale Mister Veer nahi. Mein thi.

Ek virham. Ek sannaata sa chhaa gaya.

Tej (shaking but firm) : Mein Tejal Singh. Mister Veer Singh ki badi behan. Mein hi in charge thi. Mein hi thi jo new year eve ko sambhaal rahi thi.

Journalists : !!?

Tej : Aur, mein... Mein hu doshi. Haan, mein galat hu. Maine khatre par dhyaan nahi diya. Mein galat hu jo guests par dhyaan de rahi thi aur hazar saalo me kabhi ye khayal mujhe nahi aane waala tha ki koi sarfira uss waqt humari hotel ke andar bomb fek sakta hai.

Journalists : *mutters*

Tej (eyes flaring) : Haan, mein galat hu. Par, kya aap me se kisi ko aisi ummeed ho sakti thi? Kya aapko ummeed thi ki celebration ki raat me bandook liye naqab-posh gunde logo par goliyaan barsaane lagenge?

Kisi ne jawaab nahi diya. Microphones dheere-dheere neeche ho gaye. Kuchh cameras bhi neeche jhuk gaye.

Tej : Mein ise rok nahi saki. Mein iska anumaan bhi nahi laga saki...! Lekin, mein ise jitna ho sakta hai, utna theek karne ki koshish karungi. Har parivar jisne kisi ko khoya hai, mein unse milungi. Jo kuchh bhi bann padega, wo mein karungi. Wo sab humari hotel ke sadasya the.

Door khadi, Bhumika ki aankhon me ye sab dekh aansu umad aaye. Hotel uski thi. Magar, kavach bann ke Tej unhe inn sab se bacha rahi thi.

'T-Tejal, tum-!!'

Ho na ho, aaj Bhumika ke mann se Tejal ko leke saare berr samapt ho chuke the.

Tej : Madad, chaahe aarthik ho, ya kaisi bhi. Mein sab karungi. Guzre hue logo ko waapas nahi laaya jaa sakta. M-Mein jaanti hu ki ye sab ek jaan ke badle kisi kaam ke nahi-! M-Magar, fir bhi-! Mein har wo koshish karungi, jo cheezein theek kar sakti hai.

Journalists : *nods*

Tej : But don't you dare... DON'T YOU DARE come after him.

Wo ek pal ke liye mudi. Veer ko dekhi, jo aashcharya me use hi ghoor raha tha. Aur, fir waapas bheed ka saamna karne me lag gayi.

Tej : Usne bhi aaj kisi ko khoya hai. Maine bhi. Humaare poore parivar ne. Aap sab akele nahi ho. Humaare parivaar ka kya? H-Humaare nuksaan ki bharpaayi kaun karega? *sniff* Huh? Jawaab do!!!

*Silence*

Tej : Sirf, isliye ki mera bhai chup hai, use kamzor samajhna aur kisi dushman ki tarah treat karna band karo! *sniff* Sirf, isliye ki wo famous hai. Sirf isliye ki wo umr me adhiktar logo se chhota hai. Aur, sirf isliye kyunki aap sab mann marzi muh chala sakte ho...! BAND KAR DO!!

*Silence*

Veer ka haath utha. Aur, dheere se usne apna haath — kaanpte hue — Tej ke kandhe par rakh diya.

Woh chaunki. Fir, palti.

Unki aankhein mili.

Koi shabd nahi.

Sirf wo bandhan. Unke beech ka — ankaha aur achal.

Veer (mutters) : Thank you! Teju di!

Aur, wo bechaari toot gayi. Uske gaalo se aasu behte hue girne lage, magar honth muskura uthe.

Uss ek pal, Veer ko ehsaas ho gaya ki-

Yeh... Yeh ek badi behan thi.

Sansaar agar talwaar liye tha to woh kavach thi.

Khud ki awaaz na ho to woh uski awaaz thi.

Doobta hua toofan me ho to woh uska kinaara thi.

Aur, girte hue ko ek haath ka sahaara.

Veer ne apni ungliyaan Tej ki ungliyon ke ird-gird lapeti. Use kass kar pakda. Aur, fir use door le jaane laga. Bheed, shor aur sawaalo se door.

Ek bhai. Ek behan. Ek dard. Ek vaada.

Tej ne na sirf fir saari vardaat ka vishleshan diya, balki apni chintaaye aur aane waale jokhim ke baare me bhi vyakt kiya.

Jiski wajah se, Veer ko ek aur shaks ka dhyaan aaya. Akhir, wo use akela chhor ke kaise aa sakta tha?

***

Baahar sheher abhi bhi araajakta me tha. Lekin, Veer ki manzil filhal ek hi thi — hospital.

Tej ke bataane par wo ek shabd bhi nahi bola. Bas, mukti dham se car uthaata hua seedhe yaha chala aaya.

Kaise naye saal ka jashn narsanhaar me badal gaya.

Kaise naqab-posh bandook-dhaariyo ne Hotel Prestige me pravesh kiya.

Kaise ek sniper ki goli, jo darasal Kavya ke liye thi — Ragini ko jaa kar lagi.

Veer ki saans ukhdi-ukhdi aa rahi thi. Woh bas bhaagta raha. Bheed ke beech se. Dukh ke beech se. Pagalpann ke beech se.

Uske joote farsh par shor macha rahe the, pattiyaan uski pasliyon par dabi hui thi, jo abhi bhi khoon se sani hui thi.

"Ragini...!"

Wo ICU me daakhil hua. Nurses ko dhakka dete hue aage badha — jab tak ki ek doctor ne use rok na diya.

Doctor : Sir! Rukiye, ek minute. Ragini ji abhi-abhi surgery se baahar aayi hai. Aur, hum unhe jald hi shift bhi kar denge. Tab tak ke liye please aap baahar hi rahiye.

Veer : R-Ragini...!

Veer ki haalat dekh, doctor haami bhar aage aaya.

Doctor : Dekhiye! Woh theek hai. Gambheer khatre se woh baahar hai, lekin-

Veer : !!?

Lekin, kya? Veer jaanta tha. Magar, dobara sunana nahi chaahta tha.

Usne Ragini ko dekha. Wo wahi laiti hui thi. Haatho me alag-alag naliyaan lagi hui thi. Ek perr thoda upar utha hua tha aur jatil surgical braces se bandha hua tha.

Uski saansein kamzor thi, lekin wo jeevit thi. Yahi! Uske paas.

Veer uske nazdeek aaya. Har qadam pehle se adhik bhaari. Uska haath bistar ki steel ki railing ko chhua aur Ragini ke chehre ko dekha.

Uske honth sookhe hue the. Maathe par halki si jhurriyaan jo shikan ko darsha rahi thi.

Doctor chalte hue Veer ke paas aaya.

Doctor : Mujhe sab pata chala. Dekhiye, mein jaanta hu ye kaafi mushqil hai. Par, aap sabko ye hazam karna padega.

Veer ne doctor ko na dekha. Wo bas Ragini ko dekhta raha.

Doctor : Ragini ji ko sniper round se nikli high velocity bullet ne chotil kiya tha. Goli ne femur ko chaknachoor kar diya aur tibial nerve bhi damage ho chuki hai. Aap samajh rahe hai na?

Veer : ???

Doctor : Humne femur ko reconstruct karne ke liye rods aur bone grafts ka istemal kiya hai. Lekin, nerve damage irreversible hai.

Veer : M-Matlab...

Doctor : Matlab, ye ki- unka perr to theek hai, lekin wo firse nahi chal payengi. Kam se kam, pehle ki tarah to nahi.

*Silence*

Doctor (continuing) : Intensive rehab ke chalte unhe thodi mobility mil sakti hai. Lekin, neuromuscular ka jo ek coordination hota hai, woh jaa chuka hai. Brain se signals nichle ang tak pehle ki tarah nahi pahuchenge.

Veer : ...

Doctor : Dekhiye, humne wo sab kiya jo hum kar sakte the. Fracture ko stabilise kiya, nerve pressure ko decompress kiya, haemorrhage ko roka. Par, aghaat bahut gehra tha, Mister Veer. Bahut sateek. Isliye- *sighs* Anyways, this is the best outcome.

Shabd Veer ke dimaag me mandraane lage. Laga jaise woh abhi yahi ladkhada ke gir jayega.

Ragini pehle jaise nahi chal paayegi. Kabhi bhi nahi.

Doctor to chala gaya, magar Veer wahi ghutno ke bal Ragini ke bagal se baith gaya. Uska haath ahista se aage badha.

Komalta se usne Ragini ke baalon ka ek dheela latka hua latt kaan ke peechhe kiya. Ungliyaan Ragini ki twacha se sparsh hote hi kaanp rahi thi.

Aur, fir uske jaane bina-

Uske aansu punah binn marzi beh chale.

'Kyu???'

'Mein tumhe kabhi sahi jawab na de saka.'

Ragini ne use panaah di thi jab uske paas koi thikaana nahi tha. Jab woh khud ke liye muskura nahi sakta tha tab woh uske liye muskuraati thi. Usne uski raksha ki, uss se pyaar kiya. Apne poore astitva ke saath.

Usne kabhi kuchh nahi maanga — siwae uske dil ke.

Par, Veer humesha use intezar karwaata raha. Aur, aaj woh yaha iss haal me laiti thi. Chotil. Tooti hui. Apahij. Uski wajah se.

Veer ne uska haath thaama.

'Tumne mujhe kya kuchh nahi diya, Ragini. Pyaar, Panaah, Khushiyaan. Tumne mujhe apna tann, mann, dhan sab kuchh luta diya. Aur, badle me maine tumhe kya diya? Sirf, mera maun jawaab.'

Usne apna haath, uske maathe par rakha.

'Mein... tumhe deserve nahi karta, Ragini.'

Woh jhuka. Aur, uske maathe ko usne dheere se choom liya.

'But, I'll earn you now.'

'Mein yahi rahunga. Ab kahi nahi bhaagunga. Ab aur koi chuppi nahi.'

'I'll be your legs... Your strength... Your everything.'

'Bas jaag jao. Please... Ragini! Jaag jao.'

Akhiri guhaar par uski awaaz andar hi andar toot gayi. Aaj pehli baar, use andar se mazbooti mehsoos nahi hui. Ek system holder jaisa mehsoos nahi hua. Bas, ek sadharan aadmi. Jo duniyaa se pareshan ho chuka tha.

Woh khada hua. Usne apne aansu pochhe. Ragini ke sote chehre par ek akhiri nazar daali. Fir, muda...

Aur, darwaaze ki orr chal diya.

Jaane se pehle — usne peechhe mud kar dekha.

'I promise, Ragini. When you wake up... You won't find me missing again.'

Aur, wo chala gaya.

ICU se baahar aate hi uski nazar ek aur ward me padi, jaha Suman laiti hui so rahi thi. Uske haath me bandage lagi hui thi. Veer ko samajhne me derr na lagi ki Suman hi thi — jisne Ragini ko khoon diya tha.

***

Aspataal se neeche aate waqt, Veer ke mann me Tej ke bol goonj rahe the.

"Mein shayad nahi bachti, Veer- A-Agar woh na hoti. Wo lady. Mask pehni hui. Pata nahi kaun thi. Usne mujhe dhakela aur fir- wo apna pait pakad ke dard se karaah rahi thi. Lekin, iss se pehle ki mein use pakad paati wo hotel ke baahar bhaag gayi. Kasam se...! Agar, wo na hoti to shayad aaj mein yaha tumhare saamne nahi hoti, Veeru."

A masked woman?

Veer samajh chuka tha.

Ava.

Uske dimag ke chalne se pehle hi uske perr chal diye. Hospital ki parking ke paas — mukhya dwaar ke theek baahar.

Do jaani pehchaani aakritiya ek kaali badi si SUV ke paas khadi thi.

Renshu aur Erica.

Erica ne use sabse pehle dekha.

'V-Veer!'

Woh ladka jisne Jaw Long ke maidaan me ghus ke poore yuddh ko apne paksh me kar liya tha.

Wahi Veer jis se dobaara milne ke liye wo itna lalcha rahi thi. Woh uske saamne tha.

Par, Veer kuchh bhi kehne ke liye nahi ruka. Renshu ne use dekh saath chalne ka ishaara kiya. Woh aage badha.

Ava car me peechhe ki foldable seat par baithi hui thi. Wo baahar hi dekh rahi thi jab kisi ke aane ka use ehsaas hua. Uska sarr uss disha ki orr muda aur-

Woh waha tha.

Veer.

Ava ki saans atak gayi. Uska badan kaanp gaya.

Veer ne hi use zimmedari saunpi thi. Hotel Prestige aur parivar ko surakshit rakhne ki.

Aur, wo vifal rahi.

Veer ke dada ji jaa chuke the. Hotel par humla hua. Ragini ghaayal hui. Sab kuchh bikhar gaya.

Ava ka dil baith gaya.

Glaani ka bhaar itna badh gaya ki veh khud ko rok na paayi. Aasu behne lage. Pehle to chupke se... Fir lagatar.

Ava : M-Mein... V-Veer...

Usne uthne ki koshish ki-

Ava : I-I'm... I'm sorry, Veer. I-

Parantu, iske pehle ki woh aur kuchh bolti, Veer aage ki aur dauda. Aur, usne Ava ko apni baahon me bhar liya.

Kass kar. Poori tarah se.

Uski mazboot pakad se Ava ke ghaav dabb gaye, woh halka sa karaah uthi.

Lekin, ye dard kuchh bhi nahi tha. Tab nahi jab woh uski baahon me thi.

Tab nahi, jab woh apne aap se use apne aalingan me bhar raha tha. Fir, bhale hi uski chot kyu na dukhe, aise hazaro dard uthaane ke liye khushi-khushi raazi thi woh.

Ava ne apna chehra uske seene me daba liya. Uske haath dheere-dheere Veer ki shirt ke peechhe kass gaye. Uski awaaz siskiyon me badal gayi.

Ava (barely breathing) : V-Veer, mein-

Veer (softly) : I know...

Ava : ??

Veer : Tumne Teju di ko bachaaya. Tumne wo bullet apne upar li. Mujhe sab pata hai.

Ava jamm ke reh gayi. Uske aasu behna dheeme ho gaye.

Ava (confused) : B-But, I failed... Tumhare dada ji...

Veer : Nahi!

Ava : Huh!!?

Veer : You fulfilled your duty, Ava. Bhale hi tum na maano. Par, mein maan gaya hu.

Woh stabdh thi.

Veer (smiles) : Thank you, Ava!

Ava : Ahh!!!?

Aur, Veer ne use apne gale se laga liya. Ava ke aasu jhar-jhar kar behne lage.

Kuchh qadam door, ye drishya dekh kar Garofano ka haath mutthi me simat gaya. Uske honth ek patli rekha samaan dabb gaye. Woh aalingan... Jis tarah se Veer ne Ava ko pakad rakha tha.

Usne Garofano ke andar kuchh jala kar rakh diya.

Woh mudi aur bina kuchh kahe waha se door chali gayi.

Renshu : Huh? Kya hua tumhe?

Erica ka haal bhi kuchh aisa hi tha. Use ehsaas hua ki sirf wahi nahi thi. Ek ajeeb sa dard uske seene me utha aur woh bhi Garofano ki taraf chal di.

Renshu : Huh? Erica???

***

SUV ke baahar Veer dheere se aaya.

Ava andar hi thi. Laal aankhein liye use dekh rahi thi. Woh hug abhi bhi uske mann me ghoom rahi thi, saath hi Veer ke seene ki garmahat.

Veer ka sarr jhuka hua tha, aankhein uske kaale baalon ke parde ke peechhe chhipi hui thi.

Woh aage badha — Erica ya Garofano ki orr nahi, balki Renshu ki orr.

Koi greetings nahi. Koi emotions nahi.

Bas... Sannaata.

Uske ird-gird ka aura badla hua tha. Thanda. Mapa hua. Ab dard nahi jhalak raha tha. Ek toofan ke pehle ki shaanti.

Garofano ne sabse pehle notice kiya. Veer ki ungliyon ki halki si thar-tharahat. Erica ne uske baad dekha — Veer ke chalne ka ek alag dhang.

Veer ruka. Renshu se bas ek qadam ki doori par.

Veer (without raising head) : Renshu! Tumhare paas kitni aur kaun-kaun si skills hai?

'Huh?'

Prashn aise aaya jaise maano shaant jheel me kisi ne bahut bada patthar fek diya ho. Renshu ki bauhe sikud gayi.

Hawa ke chalte Veer ke kapde aise fadfada rahe the jaise maano koi khamosh toofan paida hone ka intezar kar raha tha.

'Ye Veer... Iss tarah ka sawaal kyu kar raha hai achanak se?'

[Apni skills, kisi aur ko bataana. Ye khatarnak hai, Renshu.]

'Lloyd!'

[Kya hoga agar wo hume dhoka dede?]

'Mujhe nahi lagta.'

Veer ne dheere se apna sarr uthaaya. Ab uski aankhon me dard nahi jhalak raha tha. Kuchh aur hi tha. Koi uddeshya.

Veer : Aura Vision, Hawkeye, advanced martial arts, limbo, basic enemy tracker, detoxification, copycat, radio protective, aquatic breathing, tracer. Ye meri kuchh important skills hai. The rest are pretty much useless.

'Huh?'

Renshu ne apni aankhein sikodi. Skills kaafi thi. Sab ki sab ek se badh ke ek. Aur, Veer ne use iske baare me aise bata diya jaise maano woh mausam ka haal-chaal bata raha ho.

Kuchh badla hua tha. Ye Veer ko kya ho gaya tha achanak se?

Renshu ne ek aah bhari.

Renshu (nods) : Theek hai. To suno. Lance of Blaze, Prime Venture Specialist, Rapid Reaction, Commando, Strong Core, Chi Perception, Wushu, Toxin Sleuth, Pigeon Whisperer. Ye hai meri kuchh important skills.

Veer : Are you sure?

Renshu : Kya matlab?

Veer : Kya bas itni hi hai?

Renshu (nods) : Haan! Zaroori waali yahi hai.

Veer : Koi legendary skill nahi?

Renshu : Nahi!

Ek sannaata chhaa gaya.

Aur, fir bina kisi chetaavni ke-

*Whoooooooooooshhh*

'???'

Bijli ki raftaar se ek tez roundhouse kick, Renshu ke chehre ki orr aayi.

Agle hi pal, Renshu ki Rapid Reaction activate hui aur uska shareer sahaj roop se peechhe ki orr jhuk gaya. Veer ki laat ki hawa uski naak pe paas se guzri.

Peechhe khadi Erica ye dekh dang reh gayi. Uske muh se ek ghuti hui cheenkh nikli. Kya tha ye? Kya hua?

Wo dono abhi toh baatein kar rahe the. Fir achanak se ye kya?

Garofano ki aankhon me hari chamak bikhri. Usne ek qadam aage badhaaya.

Idhar, Veer ka perr wapas se zameen par land hua aur land hote hi-

*Ding*

HAWKEYE

Usne apni aedi ke jhatke se ek patthar ko seedha Renshu ki aankh ki orr uchhaal diya.

Renshu ne ek jhatke me apna haath aage kar uss patthar ko pakda. Magar, aankh ki orr aa rahe uss patthar ne ek blind spot bana diya.

Baayi orr se, Veer ka ek mukka tezi se aaya. Lagbhag adrishya.

Renshu ne use pakadne ke liye haath badhaaya.

Lekin,

'Huh?'

Wo nahi aaya.

'Nahi!'

Renshu ki aankhein chaudi ho gayi. Wo ek feint attack tha. Asli humla-

Daayi orr se aa raha mukka. Par, derr ho chuki thi.

Lekin, iske pehle ki Veer apna blow land kar paata, uski kalaayi kisi ne kass kar thaam li.

Garofano.

Garofano (yells) : VEER!!! KYA HO GAYA HAI, TUMHE?

Veer ne dheere se apna sarr ghumaya. Pehli baar usne use dekha. Garofano ne dekha ki uski aankhon me krodh tha.

Veer (yells) : Puchho Renshu se Violet. Isne mujhe bataaya tha. Kitne system holders zinda bache hue hai. Aur, sansaar me total kitne the. Isne mujhe bataaya tha...! Total 30 the. Aur, uss waqt 18! Jaw Long aur Crimson ke jaane ke baad ab shayad 16.

Garofano : ???

Veer : Par, mujhe ye batao...! Kaun si skills system holders ki ginti kar ke deti hai? Iske paas aisi koi si bhi skill nahi hai, Violet.

Garofano ka chehra peela pad gaya. Use bhi iska ehsaas hua. Woh tezi se Renshu ki orr mudi.

Erica vichlit unke paas bhaagte hue aayi.

Erica (panicked) : Rukoooo! Bas, ruk jaaaoo!! Pleeaasee!! Aap dono kyu ladd rahe ho? K-Kya hua??? Dad-!!!

Bechaari ki awaaz fatt rahi thi. Lekin, unme se koi bhi nahi hila. Garofano ne abhi bhi Veer ke haath ko jakda hua tha. Toh wahi, Renshu sthir khada hua tha.

Veer ke haath ne dheere dheere apni mazbooti dheeli ki.

Veer (yells) : JAWAAB DO, RENSHU!

Ek bhaari virham.

Renshu ne ek gehri saans li.

Renshu : Mere paas aisi koi skill nahi hai jo ye kar sakti hai.

Sab wahi jamm ke reh gaye. Siwae, Erica ke. Jisne nazrein glaani ke chalte ferr li.

Garofano : T-To, fir... kaise?

Renshu ke honth sikude. Usne ek pal ke liye apni aankhein band kar li. Fir, unhe firse khol kuchh soch vichaar kar bas ek hi shabd bola.

Ek aisa shabd jisne unke aas-paas ki duniyaa ko thaam kar rakh diya.

Garofano : Bolo bhi!!!

Renshu : ...

Garofano : ???

Renshu : X!

Hawa jaise rukne ko ho gayi. Garofano ka jabda sakht ho gaya. Veer... bas ghoorta raha.

Ab gusse se nahi. Balki, sandeh se.
.
.
.
.
.
.
.
.
.
.
Aaj ke liye itna hi guys.
This update consists of 9.2k words. Jo kuchh bikhra hua tha, use sameta jayega. Ek ek karke saare puzzles ke pieces ko lagaya jayega. Kuchh leftovers rahenge jinhe aage ke arcs me lagaya jayega. Lekin, kaafi hadd tak clarity mil jayegi iss arc me. Post Disembowler shuru ho chuka hai. Next update bhi isi month ke end me aa jayega. Target mein ab halka sa ghata raha hu, because I know inme zyada kuchh action nahi hai aur na hi ye peak updates hai. So, target is 280 for now. Baaki, keep supporting.
Dhanyavad.

 

[Werewolf]

editing main itna time kabhi ni liya aaj tak wolfy bhai ne

Light gul hui gayi thi itni raat me
Phone me 1% battery tha. Band hui gawa. Fir jab aayi tab laga ke on kiya, fir post kiya.

 

[Werewolf]

Dhansu update bhai
Lai bhaari

Awesome update,

Superb n fantastic update bro,

Uff ye update kya hi bolu
Muje thoda andaza tha ki yaa to veer ki chachi ya dada inme se koi marega but ab dekhna hai ki Veer syndicate se badla kese leta hai aur ab to love story bhi aage badhegi uski
Trisha ka bhi character dekhne ko milega ki vo Veer ke sath kya karti hai
Aur dhanjay uski gaand thodi vistar mai marna wolf bro

Ekdum faadu jaanmaru update dhamakedar update wolfy bhai . Last me thoda kharab laga yaar . Nidhi wala scene thoda aur bhi dalte bhai likin koi na agla update jaldi hi dena bhai
Aise kaise nidhi ke pass se veer achanak se yaha gya !
Nidhi aur juhi kaha hai ! Shreya kaha gyi ( nidhi aur veer ke baho me dekh kya karegi Shreya )
1. Kaera kya kar rhi hai ? Veer ka pta to usko bhi chal hi gya hoga
2. Suhana kaha hai ?

3. Veer ka agla kadam kya hoga ?

Shayad thoda kam shabdo me flashback dikhate to kuchh scene aur dekh yaa read kar pate. Bhai


Baaki update bahut achha laga

Waiting for next update

Bhai bahut shandar finally nidhi ko realised ho hi gya pr ragini ka sath bura hua bhai tum ending main aisa suspens dal hi deta ho ki phir besabri se intezaar karna pade

Awesome , super update bro

Amazing update bro

Heartmelting,Heartbreaking and Heart attack update tha Werewolf . Juhi and Pihu were saved and are in safe hands now.........Ava ko bhi hosh aa gya ,Healing Factor is damn good literally beast card bro is card ko Veer ke paas hona chahiye tha....
Its second time Erica ka badan kaanp gya Veer ki fight dekh kar....Is baar Renshu bhi shocked lage ... Nidhi and Veer,bhai pighal gya yaar kya hi likhu ....Flashback mein Nidhi ka POV dekhne ko mila sath hi wo din jab Veer ko Pari mili...Purani yaadein taaza ho gayi....Finallllllly Nidhi ne apni feelings ko accept kiya ....Veer ki wo haalat dekh kar aur uski baaho mein Juhi ko dekh jo emotions Nidhi ke man mein uthe uske saamne koi bhi bandishe nahi tik paayegi....
Pihu to chali gayi par usne lair ka haal baakiyon ko bataya to kya hoga?bhale hi wo bachhi hai phir bhi usne us had tak chize dekhi hai jo koi nahi jaanta....Shreya ka mixed emotions wala state next level ...Shiv ko uski behan apni baahon mein liye hue hai usko jalan bhi ho rahi hai ab to dekhna hoga aage kya scene banta hai indono ka.....
Erica Nidhi ko Behonsh karke Veer ko le gayi ,..Shreya ? Manorath ji nahi rahe par hum Readers to thehre nihayati besharam unse attachment hi nahi to kya dukh hoga ....agar unke badle Suman tab na dekhte forum pe hi Werewolf ke putle jala dete ye sab.....but really thoda to feel hua ki koi character ab aage nahi dikhega....Us moment mein Manorath ji ke purane saare scenes mind mein scroll hogye...Veer shuruat se hi apne Dadaji ke kaafi kareeb raha hai use hi sabse jyada feel hoga....Ava is time khud mein hi Guilt mein dubi hogi...Aakhir Veer ne use ek jimmedari di thi par wo use na nibha payi....Ragini ka sunke bhi bura laga bhai par ek feeling ye bhi hai ki Veer unhe dubara pehle jaisa theek kar hi dega....Suman ka appearance kaha hai guru family mein sab ka dikhaya Suman kaha gayi.?.....
And now its time , we want a brutual Humiliation and a mass killing of those who were behind this.....Dexter to aasan maut mar gya par Rajat, Casa bella mein jo ruka hai na( kya naam tha... yaad nahi aa raha ..chhodo waise bhi ab uske jaane ka hi time hai ) ha to indono aur uske pantaro ka wo haal karna hai ki sukoon aa jaye Manorath ji ko ...wese Damian abhi tak shadow mein hi raha par uska bhi jikra aa hi jayega....So a Demand is stated ....Brutual killing is needed...
Update was so good bro waiting for next....

Bahut hi lajawab update

Emotionally update
Unbelievable

Bhai kya kand kardiya Ragini ko apahij hi kar diya our sabse pahle Tej our kavya nam aya par aarohi ka nhi to aysa laga ki aarohi ko to kuch nhi huva ..!!

Vakahi bahut hi brilliant

Nidhi nay apna prem suikar kurleya lakin mission failed kasay huwa dono buchay buch gay or woo durenda bhi mara gaya pher baat kuch sumjh nahi aarahi or pari kun sleep mode may hay is waqt tuu veer koo sukht zarurart thee us kee pata nahi kya huu gaa let see good update

Very emotional update Werewolf bhai

Happy birthday bro
And jabardast update bro

u r amazing writer.... sachi main truly i appreciate your writing skills .... u know how to make people feel n memorize your thoughts.... like story in real time ..... feelings and emotions in real time .... hats off to u bhai ... God bless you
.

update ki baat kare to nidhi n uski hidden. bonding ab khul ke bahar aayegi ... ab dekhna hoga veer ka decision...

yarnia ka ... launch ho barbad aage kya karna hai ...

ragini ka ... shayad usko kabhi nahi chod payega dil se bhi n emotional bhi

juhi ne usko papa kaha to waha bhi rista bahut majbut ho chuka hai

Manohar ki death gehra asar chodegi ... uske gusse par ... uske ander

wo gaanv waapis jayega kya badla lene

rajat se kya salook karega ... rajat ka malum bhi chalega ya nahi

mr. x ki planning thi yarnia pe aatack .. usi ne bomb diya tha rajat ko ... kya veer ko malum chalega

in last .... pihu ko kaha chora usne .. n pihu ke mom dad ka kya .. unke reaction...

aur bhi bht se sawaal hai thrilling

जबरदस्त

अप्रतिम लेख संपादित किया है

Va
Kahi उमदा likha hai

Werewolf me kya fix kar diya bhai?

Shandar update bro...

Sahi kaha aap ne yeh update justify kar deta hai ke kyun nidhi ne veer ko apney ghar me rakha tha kyun us ki itni madad ki thi...

To wo manorath hain jin ko veer ne khoya hai aur ragini chalny se gayi...

Abhi to veer ko bohat kuch pata lagna hai ke kia kia hua tha yarina ke sath..

Aur tarisha bhi veer se milny to aye gi kyun ke us ne pihu ko bhi bachaya hai..

Baykar update aadha to past Mai guzar diya
Jis ki koi zarurat Bhi nahi thi
Bhai update nahi Dena tha to nhi daity

Nice update
Ragini ko kya Ava theek kar sakti hai ?

Nice update bro

lovely update. juhi ko bacha liya .Erica renshu bhi aa gaye hai madad karne par Erica ne nidhi ko behosh kiya uske baad kya hua iski baare me kuch nahi bataya .
Kaise veer dusre hospital me aaya .
manohar ki maut ho gayi sunkar bura laga par ragini pehle jaisi chal nahi sakti ,usko kaha par goli lagi jo uski aisi halat ho gayi ,,,,

Waise veer ke paas koi skill hogi hi jisse wo ragini ko theek kar sake ya phir ava ,garofano ki madad se kuch ho jaaye ..

nidhi aur veer ka past achcha tha ,kaise veer akela rehta tha ,koi dost nahi ,,nidhi ne usko motivate kiya padhkar maja aa gaya ,aur ab wo veer ke pyar ko accept bhi kar li .

Werewolf nice update....o din yad aa gaye jab veer ke pass system nahi thi kaise usse ghar me beijjat kiya jata kaise pranjal usako satata aur ye sab ka boz utha ke o clg me aaj jata sab ankho ke samane aa gaya..... Finally Nidhi be accept kar diya..Juhi and Pihu safe hai....Manohar ji ab nahi rahe bechare...and ragini apahij ho gayi but ab veer ko usaski bhi jimmedari nibhani padegi....shayad ab usse bhi veer ki wife banane ka moka mile vaise ab to clear ho gaya hai aur aapane bhi hint de he di hai ki veer ki ek se jyada wife hongi.

After tragedy k imotions se bhara hua jise 1 purn episode kah sakte h
is episode me veer aur nidhi ki connection ki gahrai samjhne ko mili ki kyo nidhi ka veer k jivan me sarv pratham sthan hona chahiye
dil me santushti pahuchane wala episode

Ek no mast mazedaar update brother.

nice update

Nice update bro

Bahut hi badhiya update diya hai Werewolf bhai....
Nice and beautiful update....

Ok Dada ji nahi rahe or ab Ragini bhi hamesha ke liye wheel chair par ,OK matlab chalo dadaji to old age the par prestige par humla kar ke kya vo bach jayga or is pagal se bhidne ke liye mujhe lagta hai vo America wale dono system holder ki requirement hogi abhi ke liye Veer ki life hil chuki hai

Mind blowing update bro and most beautiful part is Nidhi and veer flashback

Toh manorath ji the wah jo ab nahi rahe
Hospital scene ko jab read kar raha pehli tej,kavya, Aarohi,shweta, bhavna , aur brijesh aur other ka jikar hua toh laga Werewolf sir ne ragini ko bhi gayab kar diya but she is alive.
Ragini ko apahij kar diya gaya hai

So sad manorath ji nahi rahe reader ke attachment itna nahi honge unse but veer ka attachment bohat hai .

Iss update ka major portion nidhi ke liye dedicated tha aaj wo apne aap se haar gayi wo bhi jaldi hi veer ko propose kar hi dengi.

Ava ne bhi erica aur reshu ko bataya ki veer kahan hai, wo behosh thi par phir bhi uth kar batadiya ki wah underground liar aur shamshan ke pass hoga uski healing capacity achi hai aur uske cards ke karan.

Erica,renshu aur gorofona ke bich jo tussle hai wo bhi dekhne ko mila

Aadesh ne bhi mouke ka fayda uthaya hai wo bhi apni image aur achi banana chahta hai

Shreya ke bhi emotions describe kiye irshya, khusi juhi ke milne ki,

dekna honga ki veer manorath ji kaatil ke sath kya karte hai, golu ke samay veer badi mushkil se depression se bahaar aaya tha ab dekhna hoga ki jab usse pata chale ga ki uske enemies ki wajah se uske dadaji aur ragini aur uski family ko suffer karna padha

Dexter toh mara gaya, but rajat aur wo kya naam village wale ka beta wo bhi tha isme veer inko toh bakshega nahi bohat buri mout marenge ye log

Puhi ne jo bhi dekha hoga Shayad veer ne kuch toh plan kiya hoga uska

Isme jo bhi flashback Nidhi aur veer ke dikhye woh jaruri hote hai ki veer aur nidhi itne close kaise hogaye the.

Ava ko bhi bahut dukh hua hoga ki veer ke ek family members ko wah nahi bacha payi but usne tej aur ek aur ko bachaya the

agar tej ya kisi aur female character ko kuch hua hota toh discussion mein ek adh toh thread open ho jana tha ki Werewolf ne aisa kyu kiya jinda karo jinda karo ke trend chalte.

Overall update agar jyada aur bada hota toh itna sab digest nahi hota.
aap update week end par hi diya karo ek ghante se uper mein update read Kiya aur 45. Minutes se review likh raha hu



Werewolf waise aapne mere is thread ke mere first comment ka reply nahi diya wo bada review tha puri story leke usme bohat kuch likha tha .

Behtareen Update

Wonderful but emotional update bro

zaberdast update, boht seni seens badi mehnt ki hai writer ne. keep it up

Kaun tha woh jo hint hint kar raha tha.... Who was saying "baki sab ne dil se nahi padhi"... Haa bhai woh to naa mari jo hint tujhe mila tha.

Wanna say something

RIP dadaji

Badhia update zabardast

Accha update hai

Shandar update bro

Dh

Dhansu update

Bhot achha tha bhai past bhi bhot acha connect kiya per humari bhookha badh gyi hai.... Kripya agla update jaldi de ishwar aapki kalam ko or strength de..

Bahut hi badhiya update diya hai Werewolf bhai....
Nice and beautiful update....

Finally Nidhi ne accept kar liya veer ka love
Fantastic update
Werewolf bhai
Aapki story ka koi jawab nahi , Lajawab hai
Aisi story aap hi apni thought se likh sakte hain koi dusra nahi

Gajab

Bhai jab bhi update dete ho g faad dete ho maja aa gaya mujhe ek pal laga koi heroine nipat jayegi per aapne to last mai rahat de di

Ekdum emotional bhai bahut hi baytarin

जोरदार शानदार

Veer ne pihu ko kiske pas choda jiske pas choda unka veer ko dekhke kya reaction tha vo nhi aya update me

Brilliant idea

Superb bhai muze lagai tha Dadaji ko hi mrutu prapt hui hai but Ragini ko apahij krdiye

Ragini

Nice update

Sabse pahle to thanks
Aapne Nidhi ko kuch nahi hone diya.
Aur Nidhi aur Veer ki journey jo dikhayi.

And bas itna hi kahunga ki bahut hi jyada emotional kar diya aaj aapne.
Bahut hi khubsoorat update tha.

Intezar rahega aise hi emotional update ka.

Nice update

Again fantastic update and nidhi scene is really heart touching …

Zabardast update

Nice update...

Lajawaab and thrilling update tha, Bhai , danyavaad . So, Veer has lost his most beloved grandfather and Ragini lost her legs forever --- as a result of his partial failure in his mission - loss of loved ones. Or maybe even much more - unless we go through the upcoming update / no. 197 - let's wait and see. Happy to go through some old flashback of Veer through Nidhi afterwhich Nidhi realised her actual feelings towards Veer, which is a happy turning point for herself and Veer. Let's await and see what else our writerbhai has for us in store in his tantalising upcoming update that we anxiously, excitedly and eagerly await with bated breath. Thank you, again, dear bro for giving us a marvelous update. Warm regards .

Bhai nice update or clarity bhi mili but i think past bhooooot lamba khencha mujhy tha ky ye update at least usky sahi honye tk or kafi raaz kholny tk chly ga. Lykin ap writer ho ap zyada acha janty ho.

Very exciting abhi bhi bahut chize suspense me hai

Superb excellent

आपरेशन ' डिसेम्बाउलर ' पुरी तरह सक्सेसफूल न होने की वजह से वीर को अपने एक प्रियजन को खोना पड़ा ।
वीर के पुज्य दादा मनोरथ जी अब इस संसार मे नही रहे ।
सिस्टम के टास्क अनुसार डिसेम्बाउलर की मौत न होने पर वीर को अपने एक आत्मीय को खोना ही था और शायद इस असफल मिशन के लिए सिस्टम ने मनोरथ जी का चुनाव किया ।
मनोरथ जी परिवार के सबसे बुजुर्ग व्यक्ति थे । वीर के शैशवकाल और स्कूली जीवन मे इस परिवार के वह एकलौते सदस्य थे जो वीर की परवाह करते थे । इसके अलावा वह एक ऐसी शख्सियत भी थे जिन्होने पुरे परिवार को सदैव एक सूत्र मे बांधने का प्रयास किया ।
वो निस्संदेह एक देवतुल्य इंसान थे । इनकी मृत्यु पर मै हार्दिक संवेदना व्यक्त करता हूं ।
मौत परिवार के किसी भी सदस्य की हो , भले ही वह बुजुर्ग ही क्यों न हो , दुखद और अफसोसजनक ही होती है , और अगर वह व्यक्ति एक नेक इंसान हो तो दुख और भी अधिक हो जाती है ।

मनोरथ जी की मृत्यु और इस मृत्यु का कनेक्शन सिस्टम द्वारा दिए गए टास्क एंड पेनाल्टी से होना एक गंभीर सवाल पैदा कर रहा है । ऐसा प्रतीत हो रहा है जैसे सिस्टम ईश्वर का रोल अदा कर रहा है , जैसे विधाता का रोल निभा रहा है । मौत एक ऐसी सच्चाई है जो सिर्फ ईश्वर ही जानता है कि अमुक व्यक्ति की मौत कब होगी , कैसे होगी और उस मौत का कारण क्या होगा ।
किसी साइंस या किसी सिस्टम के वश का नही कि वह इस तरीके से किसी की मौत की भविष्यवाणी कर दे । और इस तरह का दंडात्मक टास्क मौत ! यह बहुत बड़ी मिस्ट्री पैदा कर रहा है ।

खैर , कारण जो भी हो पर एक तरह से यह ठीक ही हुआ कि वीर को अपने उन प्रियजन को नही खोना पड़ा जो अभी कम उम्र के ही थे ।

रागिनी भाभी के साथ हुई हादसा अवश्य चिंताजनक है ।
डॉक्टर के अनुसार वह अब कभी चल नही सकती । रागिनी भाभी की वास्तविक मेडिकल कंडीशन के बारे पुरा अपडेट नही आया है । उनके पांव पर पैरालिसिस अटेक आया है या पांव शरीर से अलग कर दी गई है , यह जानने के बाद ही हम अपनी राय रख सकते है ।
लेकिन मै ईश्वर से यह अवश्य प्रार्थना करना चाहूंगा कि वह फिर से पुरी तरह अपने पांव पर खड़ी हो जाएं ।



निधि की इमोशंस पहली बार दिल से निकल कर जुबान तक पहुंची । ऐसा लगा जैसे वर्षों से दबी हुई ज्वालामुखिय इमोशंस फुटकर लावे के रूप मे बिखर गई ।
निधि और वीर के दरम्यान बहुत बड़ी सामाजिक बंधने थी । वो वीर की शिक्षक थी , उम्र मे काफी बड़ी थी , तलाकशुदा औरत थी , दो बच्चों की मां थी , मायके पक्ष मे एक लम्बा परिवार था । इस स्थिति मे किसी भी औरत के लिए दूसरा प्रेम संबंध बनाना या शादी करना आसान नही होता ।
निधि की प्राण उसके बच्चों मे बसती है और बच्चों , खासकर जूही का प्राण वीर मे बसता है । जिस भयावह सिचुएशन से वीर ने जूही के प्राण की रक्षा करी , सकुशल निधि के सुरक्षित हाथों मे सौंपा उस से निधि क्या कोई भी औरत वीर के एहसान तले आजीवन दबी रहती ।
निधि के दिलो-दिमाग से घने मेघ छंट तो गए है पर वीर के साथ वो किस प्रकार का रिलेशनशिप बिल्ड करती है यह देखना है ।

इकतीस दिसंबर की रात एक दुखद हादशे एवं साजिश की रात थी । बहुत लोग मारे गए , होटल तबाह हो गया , रागिनी भाभी की दशा नाजुक हो गई और मनोरथ साहब स्वर्ग सिधार गए । इस विपदाग्रस्त स्थिति मे वीर के सिस्टम होल्डर्स दोस्तों ने जरूरत अनुसार अच्छा काम किया । पर मै यहां सिर्फ एवा मार्टिन की बात करना चाहता हूं । एवा को लगता है कि उसने अपनी जिम्मेदारी ठीक से नही निभाई जो बिल्कुल ही गलत है ।
एवा ने तेजल की तरह बढ़ रही मौत का रूख अपनी ओर किया । वो मरते मरते बची । होश मे आते ही शारीरिक कंडीशन खराब होने के बावजूद भी खुद की नही वीर के परिवार की चिंता करी ।
इस से बढ़कर कोई भी अपनी निष्ठा का प्रदर्शन कैसे कर सकता है ! यह लड़की वाकई मे अद्भुत है ।

खुबसूरत अपडेट वेयरवोल्फ भाई ।
जगमग जगमग अपडेट ।

Great update. Jaisa ki pehle hi kaha tha, Disembowler Arc me Nidhi ka bada role rahega jo is update me dikh gaya. Sach me logon ki memory bahut choti hoti hai, badi se badi ghatna ko jaldi bhula dete hain jab tak ki kud weh usase prabhavit nahi ho. Guard ki behan ka drishya chota lekin bahut bhavuk tha.

Aadesh ne is ghatna ko apne favour me khub cash kar liya. Mere khayal se uska involvement isme keval Dhananjay ko support karna tha. Rajat shayad Damian ke uksane par Veer se badla lena chahta tha aur Dexter to kisi Syndicate ka sadasya tha, apni purani haar ka badla lene aaya tha. Ho sakta hai Syndicate ki yeh kahani yahan par khatam na ho.

Ava ko Garofano ke Surgery (Yohana's Scalpel) aur Ava ke khud ke Healing (Healing Factor) Cards ne jaldi recover kara diya aur usne Veer ki location bata di. 'Basic Seer Vision!' se Erica ko Lair me kya ghata, pata lag gaya lekin ahem baat yeh hai ki weh usme ghus gaye.

<Yaha se woh khaali haath nahi laut sakte the.>
<Majbooran, Erica ko bhi neeche koodna hi pada. Na jaane neeche kaun se rehesya khulne ke liye unka intezar kar rahe the.>

Renshu aur Erica kahin wahan se SHB to nahi le aayein.

Erica aur Garofano ki nok-jhok kafi interesting thi. Abhi Nidhi ko dekh kar yeh jalan to bahut logon me aane wali hai. Shreya ka reaction to ek chota sa example hai.

Nidhi ka Veer ko hospital se apne ghar lana ek chance nahi tha. Unka ek-dusre ke nazdeek aana to kayi mahine pehle se shuru ho gaya tha. Yeh pura scene bahut sundar aur emotional tha. Great writing skills. Kuch ansh -

<Kal ki hi tarah aaj bhi woh sab se dur kone me akela baitha hua tha,>
<Pata nahi kyu par use iss qadar dekh Nidhi ko ek samaanta si mehsoos hui.>
<Usne itni saralta se kaha, maano jaise use aadat ho gayi ho bhulaaye jaane ki.>
<Iski bajaaye, woh bas uske bagal se baith gayi.>
<Varsho me pehli baar, Veer ko laga ki koi tha... Jo uski parvah kar raha tha.>
<Veer ne hichkichaate hue apni pen aur kass ke pakad li.>
<Lekin, agli hi subah, Veer ko apni desk ke neeche ek bandage kit rakhi mili — ek chhote se note ke saath.
'Take care of yourself. Some people care about you — even if you don't believe it yet.'>
<'Arey waah! Bahut khoob. Par, Veer-!? Mujhe nahi lagta ki meri naak itni badi hai. Hai na?'>
<Veer bhi badle me muskura diya. Shayad ye pehli baar tha jab Nidhi ne use muskurate hue dekha tha.>
<Aur, iss baar-
Veer naraaz na reh saka. Woh sharmaate hue muskuraya aur apna muh ferr liya.>

Waise to pura Flashback itna bhavuk tha, kaise dheere-dheere Nidhi ne Veer ki banayi huyi deewaron ko dhaha diya aur uske close aati gayi, padh kar anand aa gaya. A pure unadultrated love was blossoming.

Veer ko lagta hai Garofano Nidhi ki baahon se ilaaz karne ke liye le gayi. Uske blood ko agar doctors ne le liya, toh System ko secret rakhne me kathinayi ho jayegi. Pehle bhi ek baar aisa ho chuka hai, lekin usme Veer ki recovery dekh kar doctor aashcharya me padh gayi thi, lekin isase pehle weh kuch samajh pati, yaad nahi kuch ho gaya tha. Yahan par bhi Garofano ne uske ghaavon ko theek tarah se sill kar patti laga di hogi.

Ab aate hain, marne walon par. Manorath ka to guess kar liya tha lekin Ragini bechari is puri kahani me sabse jyada suffer kari hai. Ab apahjit ki jindagi kaise jiyegi. Kya Veer ya Garofano usko theek kar payenge. Mere khayal se nahi, aur jis tarah se ab Veer Ragini ki care karega, dekhne layak hoga. Lagta hai ki abhi tak to kahani me sab accha-accha hi ho raha tha, lekin ab samay aa gaya hai ki Veer ki jindagi me haar bhi shamil hone wali hai.

<Pihu ko woh pehle hi surakshit haatho me de aaya tha. Bachi thi toh sirf uski apni Juhi.>

Pihu ka kuch pata nahi chala ki Veer usko kiske paas chhod kar aaya. Kya wahan par Trisha aur Rohan bhi the aur unhone Veer ki dasha nahi dekhi hogi. Ab unka reaction kaisa hoga.

Sabse badi baat hai ki Disembowler ka kya hua. Kya Veer usko tag nahi laga sakta ya Ava usko Death Flag laga de. Par Ava ne to usko dekha hi nahi hai, weh nahi laga payegi aur Veer bhi ya to vyakti ko saamne se dekh kar ya uski tasweer dekh kar hi tag laga payega.

Anyways, a Great Update.

Superb update

Nidhi or Veer k bich jo bond banne ka flash back tha woh khubsurati se darshaya gaya hai


Manorath nhi rahe yeh penalty ki wajah se hua or sath mein Ragini k niche ka hissa bekar ho gaya


Veer Juhi or Pihu ko bachane mein tho kamyab ho gaya lekin Disembowler ko maar nhi paya or khud bhi kafi zada chot kha gaya


Nidhi k ander jo daba hu pyar or feeling thi Veer nikal k samne aayi or shayad ab woh isko show bhi kare Veer k sath


Wahi Renusha /Erica/Garofano/Ava sab Veer k liye chitit dekhe khas kar Ava or in logo ne shayad Veer ko heel bhi kiya or hospital pahuchaya

Shb or Disembowler k bare ab Veer k alawa Renusha or Erica bhi jante hai woh kitna khatarnak hai yeh inn dono k expectations k pata chal raha tha


Wahi Adesh ko kafi khushi hoyi hotel prestige mein hamla hone se

Bahut hi accha update tha guru ji.

Bahut hi जबरदस्त मजेदार शानदार

Kafi umda update hai kafi emotional kafi chize clear ho gai hai

Bahetarin likha hai bhai

Brilliant jabardast

Excellent mind blowing

Bohat shandar update bro Maza a gya but update thora emotional Tha par ab next update revenge wala hona choy intzar rahy Ga next update Ka,

Kuch bate clear hoga kuch baki hai ki pihu ko ko veer ne kisko sopa Veer ka treatment kisne kiya garofano ya dr ne

Veer our Nidhi ka flashback mast tha our hospital me sirf 3 hi system holder the ava nhi thi our Suman ka bhi jikar nhi huva

Mind blowing Fantastic and exciting story.
Wonderful and beautiful writings!

Bahut hi shaandar the stroy

Nice update

Aw
Awesome update bro maza aa gaya hai

Superb Fantastic Update Bhai

Bhtreen update

S

Superb update and awesome story

Shandar update

Vaise dekha jaaye Veer ko sirf Nidhi and juhi hi saccha pyaar karti hai

Aur baki Jo ladkiyan Hai vah sabhi Veer se attract hai, apne pachtava glaani ke tale veer se pyar hua, Magar asali Veer se un logon Ka pyar nahin tha.

Aur shayad Keara and Suhana Ko Jab pyaar hoga unhen saccha wala hi pyar Hoga.


Aur ek baat thi Suhana aur Divya ne Jis ladke ko mara tha kya vah ladka future updates Mein najar aaega? Mujhe Aisa kyon lag raha hai ki vah ladka abhi bhi Jinda Hai.

जबरदस्त

-:Typing error .....sach kaha Night mein wo hi padh raha tha uske baad aapka update then ye type kiya to thoda mistake ho gya ..... waise aur bhi kuch comments mein mene same chiz notice kiya tha.....

Ye Update Se Ek Baat Cleaver Tarike Se Bataya Ja Raha Hai Ki Heroine To Nidhi Hi Hai Wase Ki Ki Back Story Ke Bare Me Jaanan Jaruri Nahi Hai Aur Story Me Is Related Koi Question Nahi Tha Fir Bhi App Ne Back Story Batayi Jis Se Samaj Aa Raha Hai Ki Story Me Nidhi Ka Kya Important Hai Is Story Ki Main Heroine Nidhi Hi Hai Ye 100% Sure Hu Aur Bhi Kai Jagah Par Is Ka Hint Diya Gaya Hai Kul Mila Kar Bhai Ye Update Ek Behtarin Update Tha Aur Pad Kar Maaza Aaya
Ek Baat Aur Hero Koi Aur CloseOne Us Ki Sister Ya Bhabhi Ki Death Huwi Hoti To Kahani Me Aag Lag Jati Maza Aata Aur Q Ki Hero Ko Aur Dard Hota To Wo Aur Strong Ban Kar Aata
Is Update Me Kuch Chij Boring Bhi Thi Flash Back Ko Aur Chota Kiya Ja Sakta Hai
Overall 7.5/10 Ka Ye Update Hai
Rahi baat Last Update 195 Ki
Wo Update Bawal Tha Actions Seen Love The Maaza aaya Is Update Me Jo Mazza Aaya Tha Ye Update Padate Huwe Yesa Lag Raha Tha Ki Update Khatam Na Ho Itna Maza Aa Raha Tha Aur Mai Kya Hi Batau Super Super Super Mindblowing Excellent Extraordinary One
Overall 9/10 Ka Update Tha

Aaila apun ko yaad Kiya Kya Kese Ne

Wolfi bhai Mai Sahi tha Mai ragini ko he Socha tha but Usky bus legs Gye Apny dadu ko parlok pohcha diya ab meko thodi andaza tha Ke Aap 2 logo ko target karke Bethe ho Maine Ek ko miss kr diya tha it's my fualt

Iska jawaab tôh sirf Werewolf Bhai he de sakte hain jiska hamein bhi Pratiksha rahega , bhai. Dhanyavad .

Wese wolfi bro mujhe lagta hai manorath ki death veer ko jakjoregi or yaha use pata chalega ki wo jitna bhi inteligent ho but status ko time to time badhana padega use


Wese ab lagta hai veer apne points ko status main invest karega or yaha hume mission ke saare notifications nahi dikhaye gaye I hope veer ko kuchh points or mile jisse wo apni intelligence, strength badha sake

Agar meri maano to inteligence 200 , strength 190, endurance 200, itne se badhado tab hi agle system holder se pange le sakte hai agar ye pasand Naa aaye dusra option bhi hai wese to veer ke pass more then enough cards and skills hai but iska matlab ye nahi ki quest hunt khelna chor de bro har ek legendary card bahot effective hota hai or ek comment ka reply padha tha maine aapka jisme aapne kaha tha ki mr. x wo bala hai jisse ladne keliye sbhi ko hi apne apne arsenal ki har ek skills ,card ,scrolls ka upyog karna hoga

And ab jab story main legendary skills ka bhi kaafi zikra hone laga hai to ekad skill humare protagonist ke pass bhi mangti hai apun ko or I hope ki wo koi close combat skill ho

Brother ek request hai ki hume orr bhi system holder ke full status dekhne ko mile agar possible hoto time to aap meri taraf se jitna cahiye lelo kyu ki aapka product worth the hype hota hai bas ye hi ek request tmhai aapse

Wonderful update bhai

To isi khushi me ek update ho jayye

Saala mind ka bhurta bnn gya lolz.
Bht mast update wonderful

Story bahut badiya chal rhi bhai par Update thoda jaldi jaldi dene ki koshish karo Please bahut maza aa tha hai story me

Nice update

Brilliant

Superb bhai 2 3 batoki clarity nhi hui hai abhi veer ka treatment jaha Nidhi thi vaha que nhi ki our pihu ko kon le gaya

Bahut hi emotional hai update veer our Nidhi ka flashback kafi jordar bhai maza agaya

मैने इस स्टोरी के 185 अपडेट तक पड़े है उसके बाद मे रोज देख रहा हूं कितने अपडेट आ गए.
ताकि मे बाद मे एक साथ बहुत से अपडेट पड़ सकू और कहानी को अच्छे से समझ सकू.
मुझे इंतजार है जल्दी से 200 अपडेट पुरे हो ताकी मे आगे पड़ सकू.
आप की कहानी लाजबाब है मेरी फर्स्ट फेवरेट
कहानी आपकी है और सेकंड कहानी (राज थे फैमली हीरो है)
बस आप से एक ही अनुरोध है आप कहानी पूरी जरूर करना चाहे कितना ही टाइम लग जाये.
धन्यवाद

No word mind blowing bhai

Nice and beautiful

Once again very nice bohat acha likha aapne.
Lakin mission TU pora ho gya tha aur howa b mehnat se tha TU failed kyun howa mission kyunk diseblower TU mara gya na?
Agar nae mara Tu Kiya next b aye ga?
Agar mara gya TU mission fail kyun howa us k Kuch cards milny chahiye thy

Bahut hi mast tha update awesome

जबरदस्त शानदार

Super

Kya hi jabardast update hai bhai ekdum heart touching update

To nidhi ne finally Veer ke liye apne pyar ko accept kar liya hai vo seen hi aesa tha ki koi bhi bandishe nahi tik sakti

Nidhi ke flashback se hame pata chalta hai kis tarah nidhi ne us samay Veer ka sath diya tha or uske akele pan ko todha kam kiya tha


Ava ki healing ability bhot hi mast hai use itne gahre gaav or jahar se kuch minute me hi hosh aa gaya

To yarnia ke launch event me Veer ke dadaji Manorath ji mare gaye or ragini bhi critical condition me thi lekin ab vah bahar hai lekin vah ab chal nahi payegi

Agle update ki pratiksha rahegi

Great

Fantastic looks good

जबरा एक दम

झक्कास एक दम

Har naya update pichle update se bhi best hota hai of you

very great job done my friend

Very good

Ava hospital me nhi aai ye bhi ek saval hai

Superb bhai

Mind blowing

Congrats , dear bro. Hope you top the list in the near future. God bless. Regards .

Super

Bahut hi pyar update

Target completed
299 Likes so far

Keep it up bro

as usual …… u Rocks.

Bahut hi superb

Ju ko matlab tumko
Yehi hai bhai.....kyu ye word sirf yehi thread paar maine dekha hai

Target completed

Wolfy bhai update kab tak aayega bta dena bhai

Too much awesome bro

अपडेट मस्त था भाई जैसा कि पहले से ही उम्मीद थी मनोरथ जी नहीं रहे लेकिन डॉक्टर का यह कहना कि रागिनी अब पहले की तरह नहीं चल सकती है से क्या मतलब क्या उसके पांव में गोली लगी थी और वह काट दिया गया है
वीर के टीम पार्टनर भी वक्त रहते पहुंच गए हैं और वीर को निधि के हॉस्पिटल से दूसरे हॉस्पिटल तक पहुंचा भी दिया।
इधर आदेश अपने घटिया पन से कभी बाज नहीं आ सकता है।

आप का दिया हुआ लाइक टारगेट लगभग पूरा हो चुका अब प्रतीक्षा है अगले अपडेट की।

Jabardast update

यहां दादा जी चले गए हीरो के,

भाभी अपाहिज हो गई डॉक्टर के कहे अनुसार,

अब आगे परिवार के क्या रिएक्ट होगे, वो अगले भाग में मिलेगे

Nice update

Werewolf , ju bahut dino se ek baat dimag m chal rhi h ye itna badka badka writer log bhi mutthi marta hoga ya nhi or agr maarta h toh itna fadu story likhne ka idea kese aajata h jese ki ye story chal rhi h Wolfie bhai all*h ksm h apko sahi sahi bataana ek hafte m kitni br lg jaati h

Werewolf what is this behavior??. Ragini ji ke sath aisa nahi krna chahiye tha. And honestly Manorath ka Demise unexpected tha . Agar mission adha complete hua hai toh aadhe rewards bhi toh mil sakte hai naa . update kafi emotional tha and when I said emotional mera matlab Manorath ke marne se nahi tha balki veer ke past se tha. Because of that now we know depth of Nidhi and Veers relation.
Amazing update as always. at last Thank you for this Entertaining Update.

Brother agla update kab tak aayega

jab hotel me haadsa hua to ye nahi bataya ki kisko goli lagi ..isliye shayad sab confuse the ki kaun marega ..aur 100% reader fail ho gaye guess karne me ..
manorath ko kisine socha hi nahi ,sab behan ya baaki aurto ko hi guess karte reh gaye ..

bhut he shandar aur imotion se bra update dia app ne
Thanks

Ji nahi sir.. jadatar readers ne Manohar or sumitra marenge yahi guess kiya tha kyuki unka zada role tha nahi lead mai currently story ke hisab se..

sumitraa ka role ayega abhhi aane vali story mai saayad. Kyuki writer ne usse maara nahi abhi tak.

waiting For next uPdate

Waiting for next update

Nice

Bhai rula dene Ala update mast ab aage veer kya karega or vo pagal ka kya huva or insab ke piche kon kon he veer kese sabki bend bajayega ye padhne me majha aayega

Waiting bro

Sir update kab denge.

Take you time bro

Bhai Kaera and Veer ka ek dusre ke pass hona chahiye je bi dikhao

Any update on word count

Update kab ay ga bhai

Are sorry sir...
woh flow flow me Lord-Rahul ki behn aa gayi mind me...

Waiting for the new update

Waiting

Waiting

Waiting bhai

Veer or uske alliance ko us vyakti ke bare me kuch nhi pta jo Rebecca ko instructions de rha hai.
Renshu ko jisne do bar call kiye the uske hisab se vo ek lady h jisko un logo ne Mr. X ka nam diya h.
Ab ya toh ye lady Rebecca ho skti h ya koi or ho skti hai.
Vese bhi writer ne us vyakti ke liye kbhi Mr. X use nhi kiya jo Rebecca ko instructions de rha hai.

Kya mera ye conclusion shi h ya nhi

Haa bhai mujhe bhi ye update baki sare updates se weak hi laga.

Aur mene Werewolf bhai aapka reply bhi padha pr is update me jo aapne past dikhaya vo aap end me bhi dikha sakte the jese ki veer aur nidhi ki shadi ke baad naa ki abhi jab sabhi log disemboweler ka kya hua ya fir next veer ki kya planning hai ya veer ka reaction jab uska ke koy karibi ki mott ke baad vo kya krta hai vo sab Janna chahte the

Kyuki sare log 15 - 20 din wait krte hai aapke update ka aur fir satisfaction nahi milta toh wait Krna worth it nahi rhta isiliye.

Congratulations for 4500 pages great achievement. But need update waiting

new update when

Waiting for new update brother

Yeeehhhh....jo maine guess kiya thaa vo hi hua.
I know bro bahut din baad aaya hun but this so satisfying.
Best story I ever read even better then pyar 100 baar.
But kash tum apni old story [akhir kyun] ko continue kartey.
Love you so much bro and thanks for this masterpiece

Werewolf bhai ek reviews aur likes ka counter bhi add kijiye with index taki hame bhi target ka latest status update rahe.

Phir kya readers bhi like - thoko reviews thoko likes.

Waiting

Werewolf any update on word count

We are waiting for update

Update 197 has been posted guys.

 

[Werewolf]

Index has been updated.

 

[Werewolf]

Kuchh remaining comments ke replies samay milte hi shaam ko diye jayenge.

 

[supersonic12345]

Update - 197 ~ Despondency ​

Ab tak...

Veer ko kuchh samajh aata ki tabhi-

"Although, Miss Ragini ki situation kaafi critical thi. But, doctor ne mujhe khabar de di hai."

'Ragini' naam sunn woh wapas se hosh me aaya.

"She's out of danger now."

Raahat bamushqil ek kshan ke liye hi thi.

"But there's only one problem. I'm sorry to say but — woh ab pehle ki tarah kabhi nahi chal payengi."

Aur, aspatal ko ek gehre sannaate ne dhak liya.

Ab aage...

Mukhya hall safed chaadron se dhaka hua tha. Pooja ki samagri aur phoolo ki mehek ek mishran me hawa me ghuli hui thi.

Beech me Manorath ji ka shav aise pada hua tha jaise maano wo bas kisi gehri neend me so rahe ho. Koi shikan nahi. Bas bejaan.

"Papaaaaaaa jiiiii!"

Brijesh rota hua unki chhaati se lipatne ki koshish kiya, magar Arun aur Shyaam ne use pakad kar peechhe kheench liya.

Karunesh, Pranjal aur Vivek bhi wahi the. Teeno ke sirr neeche jhuke hue the. Hairani ki baat yeh thi ki Karunesh ki aankhon me bhi aasu the.

Aur, kone me khadi Bhavna ki aankhein bhi namm thi. Manorath ji jaise bhi the, unhone kabhi bhi uska bura nahi chaaha tha. Isliye, humesha se hi uske mann me unke liye aadar aur sammaan hi tha. Unhe iss tarah se jaata dekh, aaj uska dil bhi chotil tha.

“Mummaaa-!”

Kavya sisakte hue apni maa, Sumitra se lipat gayi jiski khud ki aankhein aasuon se bheegi hui thi. Sumitra ne bhi kass ke use apne aalingan me bhar liya.

Shweta khud kuchh kehne laayak nahi thi. Bhale hi Manorath se uska rishta behad mazboot nahi tha par itne saal se ek chhat ke neeche hi wo sab ke saath rehti aayi thi. Kahi na kahi Manorath ji ki mrityu ka asar uss par bhi pada tha. Bhumika ki bhi haalat yahi thi — niraasha se paripoorn.

Purvi wahi thoda door baithi sab kuchh dekh rahi thi. Bauhe sikudi hui thi aur mann vichlit.

Shyaam, Gauri, aur Parijaat ki aurtein, ye sabhi gaanv ki aatma the. Uski reedh. Ve ekjut, maun khade the, toofan ke khilaf puraane pedo ki tarah dard ko sehte hue. Aane waali zimmedariyon ke liye poori tarah se taiyaar.

Suhana apni behan Sonia ke saath thi, dono ke ird-gird suit pehne unke bodyguards khade hue the. Apne haath baandhe, sunglasses pehne, Sonia ek kursi par wahi baahar baithi hui thi. Itna gamgeen mahaul dekh wo sehem si gayi thi.

Toh wahi, Suhana thoda kaanp rahi thi. Raat bhar ke jaagne se uski aankhein laal ho rakhi thi. Apne phone par nazre gadaaye wo sandesho ko padhti jaa rahi thi.

Usne andar hall me baithe Veer ko dekha. Uske honth khule, par fir thar-thara ke band ho gaye.

Kya use haq tha uske paas jaane ka? Aise waqt par? Wo wahi khadi yeh sochti rahi.

Idhar Kaera kuchh feet door khadi thi, uska bhai Karan kuchh logo se baat-cheet kar raha tha. Shuru se ant tak, Kaera ki nazrein ek hi shaks par tiki hui thi — Veer.

Woh uske paas jaana chaahti thi. Use galey se lagaana chaahti thi. Use samjhaana chaahti thi. Lekin, uske perr hilne me asamarth reh gaye.

Uski bhavnaaye jo haal hi me jaagrit hui thi — aaj ek aur nayi anubhooti se guzar rahi thi. Aaj wo wahi mehsoos kar paa rahi thi jo usne tab mehsoos kiya tha jab usne apni maa, Archana ko khoya tha.

Dukh. Peeda. Udaasi.

Wo saare bhoole gaye emotions waapas sateh par aa rahe the.

Aabha bhi ek jagah apna ghoonghat odhe dheere-dheere ro rahi thi. Manorath se uska lagaav nahi tha. Ye aansu kal raat jo bhayanak drishya hue aur jis tarah se sab kuchh ujda, uske liye the. Apne maalik ko iss tarah dekh uska dil andar hi andar dehel raha tha.

Sonali use apne se laga ke sambhaalne ki koshish kar rahi thi, kintu woh swayam hi bheetar se ghabrayi hui thi.

Magar, Veer ka kya-!?

Tej ne use dekha. Wo chup-chaap Manorath ke saamne baitha hua tha. Jaise maano uss se abhi bhi ye khabar nahi pachaayi jaa rahi thi. Par, wo uss se kuchh na boli. Balki, wo to nazrein hi nahi mila paa rahi thi.

Ek chhota sa kaam tha. Apne bhai ki gerr-maujoodgi me Yarnia ka udhghatan karna. Bas! Iss ek chhote se kaam ko karne me wo naqamyab thi. Na sirf hotel ko nuksaan pahucha, balki Yarnia ka sampoorn karyakram bhi barbaad ho gaya. Logo ki jaane chali gayi aur upar se humle me gharwalo ne bhi apni jaan gawa di.

Aur, ye sab kuchh hua — Naye saal ki lagne waali raat me. Naya saal unke liye khushiyaan nahi, balki barbaadiyaan leke aaya. To aise me Tej akhir kaise apne bhai se nazrein mila sakti thi?

Veer ke bagal se hi Arohi bhi thi. Honth thar-thara rahe the aur bechaari ka poora chehra aansuon se bheega hua tha.

Wo uski orr jhuki. Usne Veer ke kandhe par haath rakha-

Arohi : V-Veer!

Par, koi jawab nahi.

Bas — khamoshi.

Arohi ne uske haath ko apne haath me lete hue baandha aur ek baar fir se use jhunjhlaaya.

Arohi : V-Veeeer! *sniff*

Kintu, punah koi jawab nahi. Wo hila hi nahi. Ekdum sthir — bina koi palke jhapkaaye. Jaise samay sirf uske liye ruk gaya ho. Arohi ne ek baar aur koshish ki.

Arohi : Veeeeer! M-Mujhe aise darao mat, please. *sniff* Kuchh bolo. Veeeer?

Magar, abhi bhi koi pratikriya nahi.

---

Kuchh der pehle...

Yeh woh waqt tha jab Veer Juhi aur Pihu ko apne badan par laade Disembowler ki lair se baahar nikla tha.

Uski har saans fool rahi thi, drishti dhundhli pad rahi thi, lekin woh rukne ko taiyaar nahi tha.

Juhi uski chhaati se bandhi hui thi, uska kamzor shareer thakaan ke chalte neend me upar-neeche ho raha tha. To, wahi Pihu peechhe uski peeth par behosh thi.

Baah me bhayanak tez dard uthne ke bawajood Veer use thaam ke rakha hua tha — ekdum adig.

Pari ki awaaz tabhi uske dimaag me goonji.

[Master! Aapka haath. You need to rest right now. 'Limb Substitution' ki madad se kaafi hadd tak uss waqt haath position me aa gaya tha, lekin aapne-]

Pari shikayat kar rahi thi. Veer ka haath 'Limb Substitution' ke equip karte hi sahi dhang se position me aa chuka tha. Zaroorat thi toh bas kuchh dino ke araam ki, jiske chalte uska haath wapas se pehle ki tarah ho jaane waala tha.

Magar, usne kya kiya-!?

Disembowler se bhidte waqt, usne jhatke se liquid nitrogen ke cylinder ko kheencha tha, jiske parinam swaroop uska haath wapas se lachakte hue ukhad chuka tha.

Na keval dobara use jodne ke liye shareer ki urja ka istemal hua, balki haath ke ukhadte hi ek baar fir use bloodloss se guzarna pada.

Ab agar samay rehte haath ko araam nahi diya gaya, to ye samasya aur bhi gambheer mod le sakti thi. Aur, isliye Pari chintit thi. Kyunki, iss waqt bhi — Veer ka haath Pihu ko peechhe se thaame hue tha. Haath par zor pad raha tha.

Veer ne bamushqil hi koi pratikriya di. Uska dimag ek hi cheez par kendrit tha — kaise bhi karke dono bacchiyo ko surakshit unke apno tak pahuchaaya jaaye.

Woh waha se bhaaga. Pari ki baat par usne kuchh derr baad jawab diya.

'Yeah! I- I know, Pari. Lekin, mere paas rukne ka koi option nahi hai. I must move on.'

Sadke street lights aur aasmaan aatishbaziyo se jagmaga raha tha. Police ki jeeps sadko par daud rahi thi, adhikaari hatyaare aur laapata ladkiyon ki talaash me har kone, har gali ko chhaan rahe the.

Aur, unhi jeep me se ek jeep me — Trisha thi.

Uski aankhein sooji hui thi, dashboard ko pakde hue uske haath kaanp rahe the.

"Tez chalo!!!"

Usne driver ko aadesh diya, ghanto chillaane se uski ab awaaz bhi fatt rahi thi. Bahut lamba samay ho gaya tha. Bahut saare ghante guzar chuke the — koi suraag nahi, koi sanket nahi, koi ummeed nahi. Bebasi ka bojh ab use ghutan de raha tha, magar usne tootne se inkaar kar diya.

Woh iss tarah, iss samay nahi toot sakti thi. Apni beti ko dhundhne se pehle to hargiz nahi.

Rohan, uska pati bhi wahi kahi sadko par tha. Beti ki khoj me paagalo ki tarah sheher me bhaag raha tha. Parantu, ye sab vyarth jaane waala tha agar unhe unki beti na mili toh.

Fir, jeep ne ek mod liya.

Aur, koi waha par tha.

Sadak ke beech me ek akela shaks, khoon se lathpath. Uski shirt fati hui thi, chehra ghaavo aur khoon ke kaaran bamushqil se pehchaana jaa sakta tha.

Woh waha khada tha, haanf raha tha, kaanp raha tha — lekin, sirf wahi nahi tha.

Uske seene se kuchh bandha hua tha. Koi tha. Nahi! Sirf seene se hi nahi, peeth par bhi koi tha.

Trisha ke dil ki dhadkane maano wahi tham gayi.

"Rukooooo!" Veh chillaayi.

Jeep ghisatate hue achanak ruk gayi. Jaise hi usne darwaza khola, kaanpte haatho se usne turant bandook nikaali aur seedhe saamne khade shaks par nishaana saadh diya.

"Theher jao!"

Woh chillaayi. Uski awaaz teekhi thi, ghabrahat ke bawajood usne apne aap ko sthir rakha hua tha. Jeep ki headlights jaise hi uss shaks ke peechhe ladi nanhi si bacchi ke chehre par padi, to Trisha ki aankhein bhay ke maare fel gayi.

Pihu!

Uski aankhein khoon se saney uss shaks ke chehre par ghoomi aur fir apni bacchi par.

Kaun tha ye vyakti?

Aur, uski beti uski peeth par?

Upar se wo kahi se bhi dara hua nahi prateet ho raha tha.

Idhar, Veer ne Trisha ko dekh apni gati dheemi nahi ki, balki woh chalta raha — seedhe uski orr.

Trisha ki pakad trigger par mazboot ho gayi.

"Maine kaha ruk jao!"

Woh darr rahi thi. Kya yahi wo serial killer tha? Kya isi ne uski bacchi aur Juhi ko agwa kiya tha?

Kya kare woh? Kahi woh vyakti uski chetavni ka bura maan bacchiyo ko kuchh kar diya to? Kya use bandook neeche kar leni chahiye? Kya kare? Use kuchh nahi soojh raha tha.

Lekin, tabhi veh bola.

"Tumhari beti... Surakshit hai!"

'Huh?'

Uski awaaz halanki karkash thi, lekin usme koi darr nahi tha. Koi hich-kichaahat nahi. Keval nishchitata.

Trisha ki saansein atakne lagi. Uska dimaag kaam karna band kar raha tha.

Jaise hi Veer ne uske aur apne beech doori kam ki, jeep me baithe baaki police karmiyo ne turant hi qadam uthaaya, apne-apne hathyaar liye unn sabhi ne Veer par bandooke taan di. Unki ungliyaan bhi trigger par mandra rahi thi, thodi si bhi galat harqat par goliyaan chalaane ke liye ekdum taiyaar.

Lekin, Trisha abhi bhi Veer ko ghoor rahi thi. Usne apna haath ghabraate hue uthaaya.

"Nahiiiiii!"

Woh chillaayi aur usne sabhi police karmiyo ko goli chalaane se rok diya.

Woh nahi jaanti thi ki usne aisa kyu kiya. Kya ye darr tha? Ya fir kuchh aur? Lekin, use itna zaroor samajh aaya ki bandook ko iss shaks par taanana iss sthiti ka hal nahi tha.

Veer ahista-ahista uske paas aaya. Aur, fir apne badan par gathaan bandhi, khoon se sani chaadar ko usne dheere se khola.

Pihu.

Uske nanhe se chehre par shaanti ke bhaav the. Na koi chot, na koi ghaav. Ekdum achhoot.

Trisha ki bandook uske kaanpte haatho se chhoot kar fisal gayi. Woh dhadalle se bina koi parvah kiye aage badhi-

"Madam!!!"

Police karmiyo ne use savdhan karne ki koshish ki, parantu Trisha ko apni bacchi ke siwa aur koi nazar na aaya.

Usne Pihu ko apne dono haatho me lete hue sambhaala aur apne seene se lagaaya aur apni beti ko galey se lagaate hi uski rulaayi chhoot gayi.

"Woh sirf behosh hai. Thaki hui hai. Aur, kuchh nahi. Use kuchh derr me hosh aa jaayega." Veer ne samjhaate hue kaha.

Trisha bilakhte hue apni beti ke chehre ko bas choomti chali gayi. Use saans bhi badi mushqil se aa rahi thi. Uski ungliyaan Pihu ke komal chehre par daud gayi.

Veer, jiska kaam abhi bhi aadha-adhoora tha, thoda sa Trisha se alag hua. Woh waha se nikalne ke liye hua.

"Ab mujhe Juhi ko ma'am ke paas le jaana hoga. Aur, tum..."

"Huh?" Trisha use hairat me dekhi.

"Jaldi! Shamshaan ke neeche. Akele nahi. Poori force leke jao. Jaldi! Warna woh- *huff*"

"K-Kya?" Trisha ne sarr uthaate hue use aashcharya me ghoora.

"Samay kam hai. J-Jaldi- *huff* Iske pehle ki derr ho jaaye."

Uske perr mushqil se seedhe khade ho paa rahe the. Woh jaanta tha ki Disembowler buri tarah ghaayal tha. Police ki full force use takedown kar sakti thi. SHB ka raaz khul paana bhi lagbhag namumkin tha kyunki, woh hawa ke sampark me aate hi oxidise ho jaata tha.

Aur to aur, police ko Disembowler jaise serial killer aur uske kaale karnaamo se avgat karaana bhi zaroori tha. Yahi soch ke usne ye nirnay liya.

Trisha kuchh soch-samajh nahi paa rahi thi. Lekin, uski sahej pravatti Veer ki baat maanane ke liye chillaa rahi thi.

Wahi iss orr, Veer ne apna muh fera. Usne Juhi ko kass kar pakda aur ek qadam aage badha jab-

"R-Ruko! K-Kaun ho tum? Kaha jaa rahe ho? Mein tumhe yaha se kahi nahi jaane dungi."

Veer ne koi jawab nahi diya.

Trisha ne dekha ki Veer ke harr qadam me thakavat thi, blood loss use har pal kamzor kar raha tha. Magar, iske bawajood — woh aage badhne ke liye tatpar tha.

"Nidhi ma'am... Juhi ko unke paas pahuchaana hoga."

'Nidhi' ka naam uske muh se sunte hi Trisha chaunk uthi. Aur, kuchh ghante pehle ki kuchh baatein use yaad aa gayi. Gift shop par Nidhi ke sang uski pehli mulaqat aur wo baatein—

'Meri beti ki dost ka janmdin hai. Aur, aapka-!?'

'Mere bhi... Mere student ne naya business shuru kiya hai. Uske launch ke liye event rakha hai.'

"T-Tum..." Trisha bhauchakki apna muh khole avaak Veer ko ghoori.

Yeh ladka.

Veer ke ek aur qadam aage lete hi police karmiyo ne uska raasta rok liya.

"Wahi ruk jao!" Unme se ek ne aadesh diya.

Veer ne mushqil se unn par koi nazar daali. Uska shareer bhalayi iss samay kamzor tha, lekin uska sankalp atal tha. Wo ab kisi bhi haalat me nahi ruk sakta tha.

Iske pehle ki police waale kuchh kar paate, Trisha ki awaaz ne unhe hairangi me daal diya.

"Jaane do use!" Woh ahista se boli.

Ve sab chaunkte hue uski orr mude.

"M-Madam?" Unme se ek hich-kichaaya. "M-Madam, aap ye kya keh rahi hai? Hum iss anjaan ko aise kaise jaane de sakte hai? Hum ise bilkul bhi-"

"Maine kaha na use jaane do!!!" Usne iss baar aur bhi dridhta se dohraaya.

Police karmiyo me sankoch bana raha, lekin Trisha apne nirnay par dagmagayi nahi.

Dheere-dheere wo sabhi ek taraf hatt gaye.

Agar, koi Nidhi ko jaanta tha, bacchiyo ko apne shareer par laad kar unhe bina chotil hue wapas leke aaya tha, to isme koi shaq nahi tha ki woh insaan koi serial killer nahi, balki ek shubhchintak tha.

Veer Trisha ke bagal se nikalte hue aage badha. Trisha ne ek akhiri sawaal uss se poochha—

"Kaun ho tum?"

Veer iss baar ruka. Woh peechhe muda. Uski nazar Trisha par tiki.

Ek pal ki khamoshi.

Aur, fir usne jawaab diya-

"Veer Singh!!!"

Trisha ke badan me sihran daud gayi. Veer bas itna bol, waha se chal diya.

Yeh naam. Inn beetein dino me woh iss naam se bhali bhaanti parichit thi. Yahi toh woh naam tha. Yahi wo insaan tha jiski use talaash thi. Wo aadmi jiske peechhe wo na jaane kab se padi hui thi.

Lekin, kabhi uss tak thos saboot ke saath pahuch na saki.

Aur, aaj wahi insaan-

Uski beti ko bacha ke uske paas laaya tha. Dimaag sawaalo ke bawandar me fassta jaa raha tha. Lekin, usne khud ko iss bawandar se baahar nikaala.

Abhi jo maayne rakhta tha — wo tha uski beti ka surakshit hona.

Usne apne mann me chal rahe toofan ko door karte hue, apna radio uthaaya.

"Rohan!!!"

Aur, bas... Wo punah toot ke reh gayi. Uss orr se Rohan ki bhi raahat ki saans lene ki awaaz use sunaayi di. Upar waale ko dhanyavad dete hue usne gaadi Trisha ke ilaake ki orr ghuma di.

Aur, aise hi Veer Pihu ko surakshit haatho me pahuchaate hue Nidhi ke paas pahucha tha.

Yahi woh waqt bhi tha jab Renshu aur Erica Disembowler ki lair me jaa kar, chhaan-been kar ke waha se nikal chuke the. Aur, unke nikalte hi police force ne poore shamshan ko under surveillance rakh liya tha.

Yahi woh waqt tha jab Renshu ne Erica ko ishaara kiya, Erica Veer ko Nidhi ke kamre se apne kandho par utha kar leke aayi. Wahi thi, jisne Nidhi aur Shreya dono ko neutralise kiya tha.

Renshu ne fir behosh Veer ko apne kandhe par uthaaya aur seedha Garofano ke paas le gaya.

Use car me hi Ava ke bagal se litaate hue usne Garofano ki orr dekha.

Behosh Veer aur Ava dono ek dusre ke bagal se laite hue the. Behoshi me bhi dono ke haath ek dusre se lage hue the.

Ek pal ke liye Garofano ki bauhe sikudi. Usne kuchh sochte hue Veer ka haath Ava ke haath se dur kar diya aur uske ghaavo ka ilaaj karne me jutt gayi.

Na sirf usne Veer ko apna ek vitality serum aur antiserum diya, balki uske ghaavo ka ilaaj kar uske haatho ko chains se azaad bhi kar diya.

Renshu, Erica aur Garofano, fir Veer ko leke hospital pahuche jaha parivar jann Veer ko iss awastha me dekh hakke-bakke reh gaye the.

Aur, fir Veer ka hosh aana aur use Manorath ki mrityu ki khabar ka praapt hona. Yahi sab toh hua tha.

Uske baad Garofano hospital se seedhe wapas car par pahuchi jaha Ava pehle se hi hosh me baithi hui thi.

Garofano : You are awake!

Ava : ...

Garofano : !!? Kuchh nahi kehna?

Ava : V-Veer! K-Kaha hai woh?

Garofano (smiles) : Kuchh derr pehle tumhare bagal se hi tha.

Ava : K-Kyaaaaa??

Wo hadbadaate hue idhar-udhar dekhi.

Ava : K-Kaha? Kaha hai woh? No! Wait!

Agle hi pal jaise use khud hi Veer ki location 'Death Flag' ke zariye maalum pad gayi.

Ava (mutters) : H-Hospital!

Garofano : Hmm! Uske dada ji nahi rahe. The other lady... What was her name again? Ragini! Hmm! Wo out of danger hai, lekin ab chal nahi sakti.

Ava ka sarr ye sunte hi neeche jhuk gaya. Usne apne dono perr mod apna chehra ghutno ke peechhe chhupa liya. Woh apne aap ko dosh de rahi thi. Use ek zimmedari di gayi thi. Aur, woh bhi wo theek se nahi nibha paayi.

Garofano (glances) : You don't have to feel bad about it. Although, mein waha nahi thi, aur mujhe nahi pata exactly kya hua tha lekin-

Ava : ???

Garofano : Erica ne sab kuchh bata diya hai. You took a bullet for someone else. Aur, agar tum nahi hoti- there was no way that girl would have survived that shot.

Ava : M-Mein- *sniff*

Garofano ne aage kuchh na kaha. Kuchh derr baad Ava ne uss se sawaal kiya.

Ava : Tumne aisa kyu kaha tha?

Garofano : Hmm? Kya?

Ava : Yahi ki... You are hiding your cards. Just like him.

Garofano : Woh? *smiles* Well, kya ye sach nahi? Tum apne cards chhipaaye hue ho. Just like him. Usne bhi mujhe apne saare cards ke baare me nahi bataaya. Hey! Now, I feel really bad you know.

Ava : ??

Garofano : Mein akeli hi hu jisne apne saare cards ke baare me tum sabko bataya hua hai. Aur, tum sab ho ki-

Ava : I don't feel the need to tell you.

Garofano : Wow! So, much for the help, right?

Ava : Kisi na kisi din mein ye favor chuka dungi. Cards ki details share karne ki koi zaroorat nahi mujhe.

Garofano : Chill, pretty girl. So cold, damn! *sighs* To kya mein wo favor abhi maang sakti hu?

Ava : Huh?

Garofano : Bolo?

Ava (nods) : Ask!

Garofano (grins) : Apne aap ko Veer se door kar do!

Ava (yells) : KABHI BHI NAHIIIIII-!!!

Wo itni zorr se chillaayi ki Garofano khud aashcharya me reh gayi. Ava ke gaal agle hi pal fir gulaabi ho chale. Aur, Garofano ke hontho par ek muskaan bikhar gayi. Woh bina kuchh kahe, waha se nikal gayi par jaate-jaate uske shabd Ava ke kaano tak pahuchne se na choonke.

"Tumhare favor chukaane ka intezar rahega, mujhe."

Kehte hue wo waha se chali gayi aur Ava pichhli ghatit vardaato ke baare me soch-vichaar kar leen ho gayi.

---

Veer's old house...

Antim sanskar ki taiyaari shuru ho chuki thi. Ghar ki mahilaaye, bagal se khadi ho kar sab dekh rahi thi. Aankhein laal thi aur sarr dhake hue.

Purush shaiyaa ki samagri ka prabandhan karne me lage hue the. Bhaar sirf Manorath ji ke shareer ka nahi uthaana tha, uske saath unki yaadon ka bhi bhaar juda hua tha.

Shaiyaa ko taiyaar karne ke liye baans ki lakdiyaan, rassiyaan aur safed kapda aa chuka tha.

Karunesh, Vivek aur Brijesh mil kar lakdiyaan baandhne ka kaam kar rahe the.

Ghar ke ird-gird aas-pados ki bheed-bhaad bhi jama ho chuki thi. Log aapas me charcha kar rahe the.

"Kaise? Ghatna kaise hui ye?"

"News me aaya to raha. Humla ho gaya na."

"Haan? Kaha?"

"Wai apna... Prestige hotel. Bahut bada humla tha."

"To humle me maare gaye?"

"Haan! Abhi poora clear nahi pata chala hai, par baaki log to yahi bata rahe ki humle me jaan chali gayi."

"Accha! Tch! Tch! Tch! Bechaare buzurg hoke aisi ghatna ka shikaar ho gaye."

"Kya kar sakte hai ab."

Veer Manorath ji ke perr ke paas hi baitha hua tha. Peeth jhuki, haath ghutno par tike hue, aur aankhein khaali.

Kavya aur Arohi use awaaz deti rahi, magar usne ek baar bhi nahi suna. Shyaam ne jab use paani ka glass diya tab bhi usne apni palkein tak nahi jhapkayi.

Uski nazrein sirf apne dada ji ke chehre par tiki hui thi. Aur, jaise hi Manorath ji ke shareer ko farsh se uthaaya gaya, Veer ki tandra bhang ho gayi.

'Huh?'

Usne mud ke dekha. Ek baar palak jhapki. Fir, dobaara.

Qadmo ki chehel-pehel, shorgul, sab kuchh ek saath uss par toot pada. Wo bina kuchh samjhe khada hua, dheere-dheere uske perr dada ji ke shav ki disha ki orr badhne lage.

Manorath ji ke shav ko baahar laa kar rakh diya gaya tha.

Rassi baandhte hue Brijesh ne sarr upar kar Veer ko dekha. Uske haath me bhi rassi thi.

Wo baans ke dhaanche ko aise dekh raha tha jaise maano wo koi suljhaane waali paheli ho. Kabhi uski nazrein apne haath me li hui rassi par tikti to kabhi baans ke dhaanche par.

Jeevan me pehli baar wo apne kisi qareebi ki maut me iss tarah se shaamil ho raha tha. Inn reeti-rivaaz me itna sammilit hone ka avsar use pehle kabhi praapt nahi hua tha.

Ek khamoshi kuchh derr chhaayi rahi.

Fir, aaj saalo me pehli baar-

"Ise iss tarah se baandho, Veer. Meri tarah...!"

Brijesh ne Veer se kaha. Awaaz naram thi. Na hi aagya se bhari hui aur na hi katu. Ekdum — vinamra.

Veer ne use dekha. Wo chup-chaap neeche baitha, apne pita ko dekhte hue usne rassi ko baandhna seekha, aur baans ki lakdiyo me wo rassi ki gathaane lagaane laga.

Ek pal ke liye — saara gussa, saare gile-shikve, sab kuchh ek taraf ho gaya. Dono baap-bete ke haath shaiyaa banaane me chal rahe the. Karunesh aur Vivek ne jab ye dekha to dono hi ahista se unn dono ke beech se alag ho gaye.

Ek ke baad ek gaanth.
Ek ke baad ek saans.
Saath-saath.

Kuchh door khadi, Bhavna ne jab yeh dekha to usne apne haath se apne muh ko dhak liya. Bagal se khadi, Purvi ne uske kandhe ko thaama.

Brijesh ko tabhi, apne pita ji ke akhir bol yaad aa gaye.

Wo Yarnia ke udhghatan me nahi gaya tha. Parantu, jab TV par samachar se use khabar lagi. Uske perr apne aap chal pade.

Use wo drishya yaad aaya. Wo pal jab uske pita ji use Hotel Prestige me chalne ke liye anurodh kar rahe the. Use nahi pata tha ki wo uska apne pita ke saath akhiri sanvaad hone waala tha —

---

"Toh tum nahi chaloge??"

"Jab mujhe bulaya hi nahi gaya toh bhala mein kaise jaa sakta hu, papa ji?"

"Murkh ho kya tum? Veer ne ek nyota bheja hai. Kya itni bhi samajh nahi tumhe ki ye sabke liye hai?"

"Aapko Veer ka phone aaya tha?"

"Haan!"

"Sumitra ko bhi aaya tha. Usne bataya mujhe. Lekin, mujhe nahi! Iska kya matlab hua? Kya aap samjhe nahi? Ya aap samajhna nahi chaahte?"

"Tum paagal ho sach me, Brijesh! Tumne jo kuchh bhi kiya hai uske baad bhala woh kaise tumse aake upat ke baat kar sakta hai? Jaise tum hich-kicha rahe ho waise hi toh woh bhi hich-kicha raha hoga na?"

"Kya waqai, papa ji? Mujhe nahi lagta! Balki, mujhe waha na paa kar use khushi hi hogi."

"Tum bawle ho gaye ho, Brijesh! Beta hai tumhara! Aur, tum baap ho uske. Ek baap apne bete ke sukh me uske nyota dene ka intezar nahi karta."

"Ye uss baap ke liye hai jo dukh me bhi apne bete ke saath khada rahe, jo mein nibha na saka. Mujhe waha paa ke sab uncomfortable ho jayenge. Rehne dijiye! Aap bhuliye mat ki Shweta aur... Bhavna bhi waha hongi. Aapke liye kehna asaan hai. Par, mere liye waha jaana itna asaan nahi."

"Tumhari dikkat kya hai tumhe pata hai Brijesh? Tum log kya sochenge iss baare me zyada sochte ho aur iss baare me kam ki kya karna chahiye. Arey bhai ye toh zahir si baat hai ki tumhare waha hone se baatein pehle ki tarah nahi hongi. Par, kya Veer ko iss se farq padega?"

"???"

"Nahi! Maayne ye rakhega ki uska baap jisne use ghar se baahar nikaal diya tha, aaj woh waha uske saamne uske liye khada hai."

"Nahi! Nahi papa ji! Ye toh wahi baat ho gayi ki sukh me sab kaam aate hai par dukh me-? Koi nahi! Mein ab maafi ke laayak nahi papa ji! Ab bahut bigaad liya maine apna aur baakiyo ka jeevan. Ab aur nahi-!"

"Tumne sahi kaha. Tum maafi ke laayak nahi! Lekin, maafi ke laayak koi bhi nahi hota, Brijesh!"

"???"

"Maafi ke laayak koi nahi hota. Use ye kamaana padta hai. Uss laayak banana padta hai ki vyakti aap ko maaf kar sake. Aur, tumhara waha pahuchna maafi maangne ka pehla qadam hoga."

"N-Nahi, papa ji! M-Mein-"

"Tum iss liye nahi jaana chaahte kyunki tumhe lagta hai ki woh log kya sochenge? Tum unse aankh se aankh milaane par ghabra rahe ho. Par, yahi toh pehla padaav hai, Brijesh. Chalo! Ghabrao nahi! Ek baar samay haath se nikal gaya toh dobaara nahi aata."

"Papa ji, samajhiye baat ko-"

"Tumhe pata hai? Kabhi-kabhi ek baap apne bacche ko jo sabse bada tohfa de sakta hai woh kya hai? Woh hai uski - maujoodgi! Agar, Veer ka phone nahi aaya toh kya hua? Woh toh chhota hai, par tum toh bade ho na? Pehel toh tumhe hi karni hogi na? Bhale hi tumhe kaisa bhi mehsoos ho par chalo, kyunki iss sthiti me andar se har baccha yahi chaahega ki uske pita saamne aaye. Veer bhi-!"

"M-Mein... Mein sochunga, Papa ji! Par, aaj mujhe apni mann-maani kar lene dijiye! Jaiye aap! Samay ho raha hai!"

Manorath ke lakh manaane par bhi jab Brijesh na maana toh woh narazgi me waha se jaane lage. Unke qadam darwaze ki dehleez par aake ruke.

"Meri seekh yaad rakhna Brijesh! Samay ek baar haath se nikal gaya, toh dobaara nahi aata."

Aur, woh waha se nikal gaye.

---

Akhiri lapte ek ajeeb si shaanti ke saath naach rahi thi — dheemi, aur bhasm karne waali.

Veer jalti hui chita se kuchh hi feet door khada hua tha. Manorath ji ka shav agni me sama chuka tha. Hawa ne rukh badla aur dhue ko ek taraf uda diya, apne saath na keval raakh, balki unki kahaniyaan, gyaan, aur uss vyakti ki antim garmjoshi bhi le gaya jisne kabhi Veer ko uska ekmaatra surakshit aashray diya tha.

Uski mutthiyaan bandhi rahi. Saansein kamzor. Aur, aankhein — bina moonde ek jagah sthir.

Mann shaant tha. Bahut derr tak. Jab tak ki-

[Master...]

Pari ki awaaz na goonj gayi.

Kintu, koi pratikriya nahi.

Uski aankhein abhi bhi aag ki lapto par tiki hui thi, maano jaise uske sawaalo ka jawaab ye laptein hi dene waali thi.

Lekin, Pari kahi nahi gayi.

[Master... I'm here.]

Veh jhijhki. Fir, aage boli. Uski awaaz dheemi thi, ek asamaanya komalta se bhari hui. Aur, fir kuchh sochte hue usne-

*Ding*

['Mission : A Knight's Stand' failed.]

System ki window ne Veer ki chetna me roop liya. Usme se aani waali neeli raushni tim-tima rahi thi. Iss baar, Veer ne dhyaan diya.

*Ding*

[The host was not able to get rid of the Disembowler.]

[The host did succeed in rescuing Juhi and Pihu.]

[The host also succeeded in keeping the experiment’s secret a secret from the general public.]

[The host will not be penalized for the secret being publicized.]

[The host will not be placed under police surveillance.]

[The mission failed because not all the conditions were fulfilled.]

[Mission failure penalty applied.]

[Penalty : Loss of loved ones.]

[Rewards have been granted.]

*Ding*

[You have been rewarded 20,000 Points.]

[You have been rewarded 5000 Fame Points.]

[Since the mission wasn’t completed, Perk Hunt will not be activated. Hence, no perks can be selected.]

Khamoshi.

Veer ne unn notifications ko suna. Magar, uska dhyaan abhi bhi kahi aur hi tha.

Usne ek gehri saans li. Aur, fir-

'M-Maine unhe kho diya, Pari. Mein unhe bacha nahi saka. Mere karan wo-'

Wo ek qadam aage badha. Aankhein ekdum laal.

'Maine maut ko dekha hai. Mere inn haatho ne logo ko maut bhi di hai. P-Par, kabhi bhi... kabhi bhi maine iss tarah mehsoos nahi kiya. Ye mujhe andar se jala raha hai, Pari.'

[...]

'Wo sirf mere dada ji nahi the. Wo mera ghar the. Uss puraane ghar se agar koi mujhe jod ke rakhe hue tha to woh wahi the... W-Wahi...!'

Uski mutthiyaan dheeli pad gayi.

'I was too late, Pari. Too weak. Too distracted. Aur, ab mere paas kuchh bacha hai toh woh hai — ye dhua, ye raakh, aur ye... glaani. Asahaneeya glaani.'

'Agar, mein aur taqatvar hota, hoshiyar hota, toh shayad mein-'

[Maaasterrrr, Nooooo-!]

'???'

[Master! Aapne wo kiya jo aur koi nahi kar sakta tha. Aapne uss Disembowler se do bacchiyon ki jaan bachaayi. Aapne SHB ke rehesya ko duniyaa ke saamne aane se roka.]

'M-Mein-'

[Aap unprepared the. Aap uski territory me the. Aur, fir bhi aapne haar nahi maani. Kya aapko lagta hai aap kamzor ho???]

Uski awaaz kaanp uthi. Aur, fir-

Dusri baar. Veer ko apne mann me wahi anubhooti mehsoos hui.

Aansu. Lekin, uske nahi. Pari ke.

'Pari, tum-'

Pari ki chetna se uski chetna me ek udaasi ki jhalak.

[Aap bhool kyu jaate ho ki mein wo sab kuchh mehsoos kar sakti hu jo aap karte ho. *sniff* Aapki har dhadkan... Mujhe goonjti hui sunaayi deti hai. Har aansu jo aap girne nahi dete... Unhe mein andar se mehsoos karti hu.]

'!!?'

[You didn't fail him, Master. You carried his name through fire. Through war. Through hell.]

'Pari!'

[Aur, ab bhi aap mazbooti se khade hue ho. Tab bhi jab aap andar se toot rahe ho. They can't see it. But I can. I can feel it.]

Veer wahi chita ke paas dhool bhari zameen par apne ghutno ke bal gir pada.

*Sniff*

Usne apni chhaati ko kass ke jakda. Dard se nahi, balki apne andar bachi hui cheezon ko sambhaalne ki ek betaab koshish me.

Usne ghutate hue kaha,

'P-Par, unhone mujhpe vishvas kiya tha, Pari. Kitne bharose se wo aaye honge aur unke saath- Ek akhiri baar mein unhe dekh tak na saka. I-'

[Aap humesha unke pasandeeda rahoge, Master. Humesha.]

Ek lambi khamoshi chhaa gayi. Veer ke aansu akhirkar gir pade.

'Itna dard kyu ho raha hai, Pari? *sniff*'

[Kyunki, aap unse itna pyaar karte the jitna aap khud nahi jaante the, Master.]

'!!!'

[And love, Master… is the only thing in this world more powerful than death.]

Woh muda. Uske peechhe ki aag ek antim baar bhadak uthi aur fir dheere-dheere feeki padne lagi.

Aur, aaj mann ki gehraayi me, jaha aam taur par notifications aur pari ke bol goonjte rehte the, ek durlabh tarah ki khamoshi chhaa gayi — khaalipann se nahi, balki do chetnao se, jo ek saath shok mana rahi thi.

***

Antim sanskar samapt hua hi tha, aag abhi bujh hi rahi thi, jab-

Baahar ek alag tarah ki aag ne apna janm le liya.

Veer, apne parivar sang jaise hi mukti dham se baahar nikla, toh uska swagat khamoshi se nahi, balki shor se hua.

Ek toofan.

Cameras chamak uthe. Microphones kinhi bhaale ki tarah aage badhe. Awaazein — unme se hazaaron — jwaar ki leher ki tarah aake uske kaano me takraayi.

"Mister, Veer Singh! Kya Hotel Prestige ki tragedy aapki zimmedari thi?"

"Humle ke dauran aap kaha the? Aapko kahi dekha hi nahi gaya."

"Aapki nigraani me bekasoor security guards maare gaye. Iska dosh kis par hai?"

"Kya aap ye soch rahe hai kya ki fame hone se aap inn sab se bach sakte hai?"

"Kya aap aaj raat so bhi paayenge? Ye jaante hue ki aapki sampatti ki suraksha karte hue nirdosh log maare gaye?"

"Jawab dijiye, Mister Veer!"

"Tune mere bhai ko maar daala, haram khor!! Mein tujhe chhorunga nahi!"

"Khooni!! Khooni ho tum!"

"Tumhare hotel ne mere pita ji ko zinda kha liya."

"Kya hoga humaara?"

Mratak security guards ke parivar ke kuchh sadasya bhi journalists ki bheed me ghus gaye. Wo barricades ko dukh, gusse aur aakrosh me paar kar gaye.

Unme se ek Veer par lagbhag jhapatne hi waala tha, lekin kuchh dayaalu ajnabiyon ne use rok liya.

Veer wahi khada raha. Uska shareer jamm sa gaya. Isliye, nahi ki woh darr gaya tha, balki isliye kyunki Hotel Prestige ka samachar ab vistaar se use sunane mil raha tha.

Wo jaanta tha humla hua tha. Hospital me hosh aane ke baad, Arohi ne use zaroori khabar de di thi. Yahi ki Hotel Prestige me humla hua tha. Golibaari. Jisme uske dada ji chal base.

Manorath ji ki maut bloodloss aur pain se hi hui thi. Sniper ki bullet koi aam bullet nahi hoti thi. Aur, na hi sniper koi aam bandook thi.

Manorath ji ke kandhe par bullet lagi thi. Jab tak ve hospital pahuche, unka ilaaj shuru hua, tab tak unhone dum tod diya tha.

Veer yeh jaanta tha. Magar, ye sab kya tha? Security guards ki jaan jaana? Arohi ne uske bhale ke liye poori sachaayi nahi bataayi thi.

Uski aankhein chaudi ho gayi. Glaani, sadma, aur kuchh agyaat anubhutiyaan uske andar toofan ki tarah ghoomne lagi.

Aur, fir-

Bheed ke beech se.

"VEEEEEEER!!!"

Ek awaaz. Ek cheenkh. Ek pukaar — iss araajakta ko cheerti hui.

Tej. Wo aayi.

Uske baal bikhre hue the. Chehra aasuon se bheega hua tha. Bheed uske liye alag nahi hui — lekin, usne sangharsh kar ke apna raasta banaaya.

Logo ki kohniyaan use lagi, dhakke lage, cameras use lage, woh lagbhag girte-girte bachi, lekin ruki nahi.

Wo bhaagi. Tezi se. Jaise uska dil fatne ko aa gaya ho-

Aur, tamaam bheed ko alag karte hue wo uske paas pahuchi. Waha khadi ho gayi — Veer aur saari duniyaa ke madhya.

Wo haanf rahi thi. Uske baal, paseene se geele ho chuke uske gaalo se chipke hue the.

Tej (screams) : BAS KAROOOOO!!!!

Shor kam ho gaya. Awaazein shaant pad gayi.

Tej ne mud kar media ka saamne kiya, uske kandhe kaanp rahe the, lekin uski awaaz bheed ke shor se bhi zyada tez thi.

Tej : Aap logo ko jawaab chaahiye na??? Mein dungi jawaab! Kyunki, hotel prestige ko sambhaalne waale Mister Veer nahi. Mein thi.

Ek virham. Ek sannaata sa chhaa gaya.

Tej (shaking but firm) : Mein Tejal Singh. Mister Veer Singh ki badi behan. Mein hi in charge thi. Mein hi thi jo new year eve ko sambhaal rahi thi.

Journalists : !!?

Tej : Aur, mein... Mein hu doshi. Haan, mein galat hu. Maine khatre par dhyaan nahi diya. Mein galat hu jo guests par dhyaan de rahi thi aur hazar saalo me kabhi ye khayal mujhe nahi aane waala tha ki koi sarfira uss waqt humari hotel ke andar bomb fek sakta hai.

Journalists : *mutters*

Tej (eyes flaring) : Haan, mein galat hu. Par, kya aap me se kisi ko aisi ummeed ho sakti thi? Kya aapko ummeed thi ki celebration ki raat me bandook liye naqab-posh gunde logo par goliyaan barsaane lagenge?

Kisi ne jawaab nahi diya. Microphones dheere-dheere neeche ho gaye. Kuchh cameras bhi neeche jhuk gaye.

Tej : Mein ise rok nahi saki. Mein iska anumaan bhi nahi laga saki...! Lekin, mein ise jitna ho sakta hai, utna theek karne ki koshish karungi. Har parivar jisne kisi ko khoya hai, mein unse milungi. Jo kuchh bhi bann padega, wo mein karungi. Wo sab humari hotel ke sadasya the.

Door khadi, Bhumika ki aankhon me ye sab dekh aansu umad aaye. Hotel uski thi. Magar, kavach bann ke Tej unhe inn sab se bacha rahi thi.

'T-Tejal, tum-!!'

Ho na ho, aaj Bhumika ke mann se Tejal ko leke saare berr samapt ho chuke the.

Tej : Madad, chaahe aarthik ho, ya kaisi bhi. Mein sab karungi. Guzre hue logo ko waapas nahi laaya jaa sakta. M-Mein jaanti hu ki ye sab ek jaan ke badle kisi kaam ke nahi-! M-Magar, fir bhi-! Mein har wo koshish karungi, jo cheezein theek kar sakti hai.

Journalists : *nods*

Tej : But don't you dare... DON'T YOU DARE come after him.

Wo ek pal ke liye mudi. Veer ko dekhi, ko aashcharya me use hi ghoor raha tha. Aur, fir waapas bheed ka saamna karne me lag gayi.

Tej : Usne bhi aaj kisi ko khoya hai. Maine bhi. Humaare poore parivar ne. Aap sab akele nahi ho. Humaare parivaar ka kya? H-Humaare nuksaan ki bharpaayi kaun karega? *sniff* Huh? Jawaab do!!!

*Silence*

Tej : Sirf, isliye ki mera bhai chup hai, use kamzor samajhna aur kisi dushman ki tarah treat karna band karo! *sniff* Sirf, isliye ki wo famous hai. Sirf isliye ki wo umr me adhiktar logo se chhota hai. Aur, sirf isliye kyunki aap sab mann marzi muh chala sakte ho...! BAND KAR DO!!

*Silence*

Veer ka haath utha. Aur, dheere se usne apna haath — kaanpte hue — Tej ke kandhe par rakh diya.

Woh chaunki. Fir, palti.

Unki aankhein mili.

Koi shabd nahi.

Sirf wo bandhan. Unke beech ka — ankaha aur achal.

Veer (mutters) : Thank you! Teju di!

Aur, wo bechaari toot gayi. Uske gaalo se aasu behte hue girne lage, magar honth muskura uthe.

Uss ek pal, Veer ko ehsaas ho gaya ki-

Yeh... Yeh ek badi behan thi.

Sansaar agar talwaar liye tha to woh kavach thi.

Khud ki awaaz na ho to woh uski awaaz thi.

Doobta hua toofan me ho to woh uska kinaara thi.

Aur, girte hue ko ek haath ka sahaara.

Veer ne apni ungliyaan Tej ki ungliyon me ird-gird lapeti. Use kass kar pakda. Aur, fir use door le jaane laga. Bheed, shor aur sawaalo se door.

Ek bhai. Ek behan. Ek dard. Ek vaada.

Tej ne na sirf fir saari vardaat ka vishleshan diya, balki apni chintaaye aur aane waale jokhim ke baare me bhi vyakt kiya.

Jiski wajah se, Veer ko ek aur shaks ka dhyaan aaya. Akhir, wo use akela chhor ke kaise aa sakta tha?

***

Baahar sheher abhi bhi araajakta me tha. Lekin, Veer ki manzil filhal ek hi thi — hospital.

Tej ke bataane par wo ek shabd bhi nahi bola. Bas, mukti dham se car uthaata hua seedhe yaha chala aaya.

Kaise naye saal ka jashn narsanhaar me badal gaya.

Kaise naqab-posh bandook-dhaariyo ne Hotel Prestige me pravesh kiya.

Kaise ek sniper ki goli, jo darasal Kavya ke liye thi — Ragini ko jaa kar lagi.

Veer ki saans ukhdi-ukhdi aa rahi thi. Woh bas bhaagta raha. Bheed ke beech se. Dukh ke beech se. Pagalpann ke beech se.

Uske joote farsh par shor macha rahe the, pattiyaan uski pasliyon par dabi hui thi, jo abhi bhi khoon se sani hui thi.

"Ragini...!"

Wo ICU me daakhil hua. Nurses ko dhakka dete hue aage badha — jab tak ki ek doctor ne use rok na diya.

Doctor : Sir! Rukiye, ek minute. Ragini ji abhi-abhi surgery se baahar aayi hai. Aur, hum unhe jald hi shift bhi kar denge. Tab tak ke liye please aap baahar hi rahiye.

Veer : R-Ragini...!

Veer ki haalat dekh, doctor haami bhar aage aaya.

Doctor : Dekhiye! Woh theek hai. Gambheer khatre se woh baahar hai, lekin-

Veer : !!?

Lekin, kya? Veer jaanta tha. Magar, dobara sunana nahi chaahta tha.

Usne Ragini ko dekha. Wo wahi laiti hui thi. Haatho me alag-alag naliyaan lagi hui thi. Ek perr thoda upar utha hua tha aur jatil surgical braces se bandha hua tha.

Uski saansein kamzor thi, lekin wo jeevit thi. Yahi! Uske paas.

Veer uske nazdeek aaya. Har qadam pehle se adhik bhaari. Uska haath bistar ki steel ki railing ko chhua aur Ragini me chehre ko dekha.

Uske honth sookhe hue the. Maathe par halki si jhurriyaan jo shikan ko darsha rahi thi.

Doctor chalte hue Veer ke paas aaya.

Doctor : Mujhe sab pata chala. Dekhiye, mein jaanta hu ye kaafi mushqil hai. Par, aap sabko ye hazam karna padega.

Veer ne doctor ko na dekha. Wo bas Ragini ko dekhta raha.

Doctor : Ragini ji ko sniper round se nikli high velocity bullet ne chotil kiya tha. Goli ne femur ko chaknachoor kar diya aur tibial nerve bhi damage ho chuki hai. Aap samajh rahe hai na?

Veer : ???

Doctor : Humne femur ko reconstruct karne ke liye rods aur bone grafts ka istemal kiya hai. Lekin, nerve damage irreversible hai.

Veer : M-Matlab...

Doctor : Matlab, ye ki- unka perr to theek hai, lekin wo firse nahi chal payengi. Kam se kam, pehle ki tarah to nahi.

*Silence*

Doctor (continuing) : Intensive rehab ke chalte unhe thodi mobility mil sakti hai. Lekin, neuromuscular ka jo ek coordination hota hai, woh jaa chuka hai. Brain se signals nichle ang tak pehle ki tarah nahi pahuchenge.

Veer : ...

Doctor : Dekhiye, humne wo sab kiya jo hum kar sakte the. Fracture ko stabilise kiya, nerve pressure ko decompress kiya, haemorrhage ko roka. Par, aghaat bahut gehra tha, Mister Veer. Bahut sateek. Isliye- *sighs* Anyways, this is the best outcome.

Shabd Veer ke dimaag me mandraane lage. Laga jaise woh abhi yahi ladkhada ke gir jayega.

Ragini pehle jaise nahi chal paayegi. Kabhi bhi nahi.

Doctor to chala gaya, magar Veer wahi ghutno ke bal Ragini ke bagal se baith gaya. Uska haath ahista se aage badha.

Komalta se usne Ragini ke baalon ka ek dheela latka hua latt kaan ke peechhe kiya. Ungliyaan Ragini ki twacha se sparsh hote hi kaanp rahi thi.

Aur, fir uske jaane bina-

Uske aansu punah binn marzi beh chale.

'Kyu???'

'Mein tumhe kabhi sahi jawab na de saka.'

Ragini ne use panaah di thi jab uske paas koi thikaana nahi tha. Jab woh khud ke liye muskura nahi sakta tha tab woh uske liye muskuraati thi. Usne uski raksha ki, uss se pyaar kiya. Apne poore astitva ke saath.

Usne kabhi kuchh nahi maanga — siwae uske dil ke.

Par, Veer humesha use intezar karwaata raha. Aur, aaj woh yaha iss haal me laiti thi. Chotil. Tooti hui. Apahij. Uski wajah se.

Veer ne uska haath thaama.

'Tumne mujhe kya kuchh nahi diya, Ragini. Pyaar, Panaah, Khushiyaan. Tumne mujhe apne tann, mann, dhan sab kuchh luta diya. Aur, badle me maine tumhe kya diya? Sirf, mera maun jawaab.'

Usne apna haath, uske maathe par rakha.

'Mein... tumhe deserve nahi karta, Ragini.'

Woh jhuka. Aur, uske maathe ko usne dheere se choom liya.

'But, I'll earn you now.'

'Mein yahi rahunga. Ab kahi nahi bhaagunga. Ab aur koi chuppi nahi.'

'I'll be your legs... Your strength... Your everything.'

'Bas jaag jao. Please... Ragini! Jaag jao.'

Akhiri guhaar par uski awaaz andar hi andar toot gayi. Aaj pehli baar, use andar se mazbooti mehsoos nahi hui. Ek system holder jaisa mehsoos nahi hua. Bas, ek sadharan aadmi. Jo duniyaa se pareshan ho chuka tha.

Woh khada hua. Usne apne aansu pochhe. Ragini ke sote chehre par ek akhiri nazar daali. Fir, muda...

Aur, darwaaze ki orr chal diya.

Jaane se pehle — usne peechhe mud kar dekha.

'I promise, Ragini. When you wake up... You won't find me missing again.'

Aur, wo chala gaya.

ICU se baahar aate hi uski nazar ek aur ward me padi, jaha Suman laiti hui so rahi thi. Uske haath me bandage lagi hui thi. Veer ko samajhne me derr na lagi ki Suman hi thi — jisne Ragini ko khoon diya tha.

***

Aspataal se neeche aate waqt, Veer ke mann me Tej ke bol goonj rahe the.

"Mein shayad nahi bachti, Veer- A-Agar woh na hoti. Wo lady. Mask pehni hui. Pata nahi kaun thi. Usne mujhe dhakela aur fir- wo apna pait pakad ke dard se karaah rahi thi. Lekin, iss se pehle ki mein use pakad paati wo hotel ke baahar bhaag gayi. Kasam se...! Agar, wo na hoti to shayad aaj mein yaha tumhare saamne nahi hoti, Veeru."

A masked woman?

Veer samajh chuka tha.

Ava.

Uske dimag ke chalne se pehle hi uske perr chal diye. Hospital ki parking ke paas — mukhya dwaar ke theek baahar.

Do jaani pehchaani aakritiya ek kaali badi si SUV ke paas khadi thi.

Renshu aur Erica.

Erica ne use sabse pehle dekha.

'V-Veer!'

Woh ladka jisne Jaw Long ke maidaan me ghus ke poore yuddh ko apne paksh me kar liya tha.

Wahi Veer jis se dobaara milne ke liye wo itna lalcha rahi thi. Woh uske saamne tha.

Par, Veer kuchh bhi kehne ke liye nahi ruka. Renshu ne use dekh saath chalne ka ishaara kiya. Woh aage badha.

Ava car me peechhe ki foldable seat par baithi hui thi. Wo baahar hi dekh rahi thi jab kisi ke aane ka use ehsaas hua. Uska sarr uss disha ki orr muda aur-

Woh waha tha.

Veer.

Ava ki saans atak gayi. Uska badan kaanp gaya.

Veer ne hi use zimmedari saunpi thi. Hotel Prestige aur parivar ko surakshit rakhne ki.

Aur, wo vifal rahi.

Veer ke dada ji jaa chuke the. Hotel par humla hua. Ragini ghaayal hui. Sab kuchh bikhar gaya.

Ava ka dil baith gaya.

Glaani ka bhaar itna badh gaya ki veh khud ko rok na paayi. Aasu behne lage. Pehle to chupke se... Fir lagatar.

Ava : M-Mein... V-Veer...

Usne uthne ki koshish ki-

Ava : I-I'm... I'm sorry, Veer. I-

Parantu, iske pehle ki woh aur kuchh bolti, Veer aage ki aur dauda. Aur, usne Ava ko apni baahon me bhar liya.

Kass kar. Poori tarah se.

Uski mazboot pakad se Ava ke ghaav dabb gaye, woh halka sa karaah uthi.

Lekin, ye dard kuchh bhi nahi tha. Tab nahi jab woh uski baahon me thi.

Tab nahi, jab woh apne aap se use apne aalingan me bhar raha tha. Fir, bhale hi uski chot kyu na dukhe, aise hazaro dard uthaane ke liye khushi-khushi raazi thi woh.

Ava ne apna chehra uske seene me daba liya. Uske haath dheere-dheere Veer ki shirt ke peechhe kass gaye. Uski awaaz siskiyon me badal gayi.

Ava (barely breathing) : V-Veer, mein-

Veer (softly) : I know...

Ava : ??

Veer : Tumne Teju di ko bachaaya. Tumne wo bullet apne upar li. Mujhe sab pata hai.

Ava jamm ke reh gayi. Uske aasu behna dheeme ho gaye.

Ava (confused) : B-But, I failed... Tumhare dada ji...

Veer : Nahi!

Ava : Huh!!?

Veer : You fulfilled your duty, Ava. Bhale hi tum na maano. Par, mein maan gaya hu.

Woh stabdh thi.

Veer (smiles) : Thank you, Ava!

Ava : Ahh!!!?

Aur, Veer ne use apne gale se laga liya. Ava ke aasu jhar-jhar kar behne lage.

Kuchh qadam door, ye drishya dekh kar Garofano ki haath mutthi me simat gaya. Uske honth ek patli rekha samaan dabb gaye. Woh aalingan... Jis tarah se Veer ne Ava ko pakad rakha tha.

Usne Garofano ke andar kuchh jala kar rakh diya.

Woh mudi aur bina kuchh kahe waha se door chali gayi.

Renshu : Huh? Kya hua tumhe?

Erica ka haal bhi kuchh aisa hi tha. Use ehsaas hua ki sirf wahi nahi thi. Ek ajeeb sa dard uske seene me utha aur woh bhi Garofano ki taraf chal di.

Renshu : Huh? Erica???

***

SUV ke baahar Veer dheere se aaya.

Ava andar hi thi. Laal aankhein liye use dekh rahi thi. Woh hug abhi bhi uske mann me ghoom rahi thi, saath hi Veer ke seene ki garmahat.

Veer ka sarr jhuka hua tha, aankhein uske kaale baalon ke parde ke peechhe chhipi hui thi.

Woh aage badha — Erica ya Garofano ki orr nahi, balki Renshu ki orr.

Koi greetings nahi. Koi emotions nahi.

Bas... Sannaata.

Uske ird-gird ka aura badla hua tha. Thanda. Mapa hua. Ab dard nahi jhalak raha tha. Ek toofan ke pehle ki shaanti.

Garofano ne sabse pehle notice kiya. Veer ki ungliyon ki halki si thar-tharahat. Erica ne uske baad dekha — Veer ke chalne ka ek alag dhang.

Veer ruka. Renshu se bas ek qadam ki doori par.

Veer (without raising head) : Renshu! Tumhare paas kitni aur kaun-kaun si skills hai?

'Huh?'

Prashn aise aaya jaise maano shaant jheel me kisi ne bahut bada patthar fek diya ho. Renshu ki bauhe sikud gayi.

Hawa ke chalte Veer ke kapde aise fadfada rahe the jaise maano koi khamosh toofan paida hone ka intezar kar raha tha.

'Ye Veer... Iss tarah ka sawaal kyu kar raha hai achanak se?'

[Apni skills, kisi aur ko bataana. Ye khatarnak hai, Renshu.]

'Lloyd!'

[Kya hoga agar wo hume dhoka dede?]

'Mujhe nahi lagta.'

Veer ne dheere se apna sarr uthaaya. Ab uski aankhon me dard nahi jhalak raha tha. Kuchh aur hi tha. Koi uddeshya.

Veer : Aura Vision, Hawkeye, advanced martial arts, limbo, basic enemy tracker, detoxification, copycat, radio protective, aquatic breathing, tracer. Ye meri kuchh important skills hai. The rest are pretty much useless.

'Huh?'

Renshu ne apni aankhein sikodi. Skills kaafi thi. Sab ki sab ek se badh ke ek. Aur, Veer ne use iske baare me aise bata diya jaise maano woh mausam ka haal-chaal bata raha ho.

Kuchh badla hua tha. Ye Veer ko kya ho gaya tha achanak?

Renshu ne ek aah bhari.

Renshu (nods) : Theek hai. To suno. Lance of Blaze, Prime Venture Specialist, Rapid Reaction, Commando, Strong Core, Chi Perception, Wushu, Toxin Sleuth, Pigeon Whisperer. Ye hai meri kuchh important skills.

Veer : Are you sure?

Renshu : Kya matlab?

Veer : Kya bas itni hi hai?

Renshu (nods) : Haan! Zaroori waali yahi hai.

Veer : Koi lengendary skill nahi?

Renshu : Nahi!

Ek sannaata chhaa gaya.

Aur, fir bina kisi chetaavni ke-

*Whoooooooooooshhh*

'???'

Bijli ki raftaar se ek tez roundhouse kick, Renshu ke chehre ki orr aayi.

Agle hi pal, Renshu ki Rapid Reaction activate hui aur uska shareer sahaj roop se peechhe ki orr jhuk gaya. Veer ki laat ki hawa uski naak pe paas se guzri.

Peechhe khadi Erica ye dekh dang reh gayi. Uske muh se ek ghuti hui cheenkh nikli. Kya tha ye? Kya hua?

Wo dono abhi toh baatein kar rahe the. Fir achanak se ye kya?

Garofano ki aankhon me hari chamak bikhri. Usne ek qadam aage badhaaya.

Idhar, Veer ka perr wapas se zameen par land hua aur land hote hi-

*Ding*

HAWKEYE

Usne apni aedi ke jhatke se ek patthar ko seedha Renshu ki aankh ki orr uchhaal diya.

Renshu ne ek jhatke me apna haath aage kar uss patthar ko pakda. Magar, aankh ki orr aa rahe uss patthar ne ek blind spot bana diya.

Baayi orr se, Veer ka ek mukka tezi se aaya. Lagbhag adrishya.

Renshu ne use pakadne ke liye haath badhaaya.

Lekin,

'Huh?'

Wo nahi aaya.

'Nahi!'

Renshu ki aankhein chaudi ho gayi. Wo ek feint attack tha. Asli humla-

Daayi orr se aa raha mukka. Par, derr ho chuki thi.

Lekin, iske pehle ki Veer apna blow land kar paata, uski kalaayi kisi ne kass kar thaam li.

Garofano.

Garofano (yells) : VEER!!! KYA HO GAYA HAI, TUMHE?

Veer ne dheere se apna sarr ghumaya. Pehli baar usne use dekha. Garofano ne dekha ki uski aankhon me krodh tha.

Veer (yells) : Puchho Renshu se Violet. Isne mujhe bataaya tha. Kitne system holders zinda bache hue hai. Aur, sansaar me total kitne the. Isne mujhe bataaya tha...! Total 30 the. Aur, uss waqt 18! Jaw Long aur Crimson ke jaane ke baad ab shayad 16.

Garofano : ???

Veer : Par, mujhe ye batao...! Kaun si skills system holders ki ginti kar ke deti hai? Iske paas aisi koi si bhi skill nahi hai, Violet.

Garofano ka chehra peela pad gaya. Use bhi iska ehsaas hua. Woh tezi se Renshu ki orr mudi.

Erica vichlit unke paas bhaagte hue aayi.

Erica (panicked) : Rukoooo! Bas, ruk jaaaoo!! Pleeaasee!! Aap dono kyu ladd rahe ho? K-Kya hua??? Dad-!!!

Bechaari ki awaaz fatt rahi thi. Lekin, unme se koi bhi nahi hila. Garofano ne abhi bhi Veer ke haath ko jakda hua tha. Toh wahi, Renshu sthir khada hua tha.

Veer ke haath ne dheere dheere apni mazbooti dheeli ki.

Veer (yells) : JAWAAB DO, RENSHU!

Ek bhaari virham.

Renshu ne ek gehri saans li.

Renshu : Mere paas aisi koi skill nahi hai jo ye kar sakti hai.

Sab wahi jamm ke reh gaye. Siwae, Erica ke. Jisne nazrein glaani ke chalte ferr li.

Garofano : T-To, fir... kaise?

Renshu ke honth sikude. Usne ek pal ke liye apni aankhein band kar li. Fir, unhe firse khol kuchh soch vichaar kar bas ek hi shabd bola.

Ek aisa shabd jisne unke aas-paas ki duniyaa ko thaam kar rakh diya.

Garofano : Bolo bhi!!!

Renshu : ...

Garofano : ???

Renshu : X!

Hawa jaise rukne ko ho gayi. Garofano ka jabda sakht ho gaya. Veer... bas ghoorta raha.

Ab gusse se nahi. Balki, sandeh se.
.
.
.
.
.
.
.
.
.
.
Aaj ke liye itna hi guys.
This update consists of 9.2k words. Jo kuchh bikhra hua tha, use sameta jayega. Ek ek karke saare puzzles ke pieces ko lagaya jayega. Kuchh leftovers rahenge jinhe aage ke arcs me lagaya jayega. Lekin, kaafi hadd tak clarity mil jayegi iss arc me. Post Disembowler shuru ho chuka hai. Next update bhi isi month ke end me aa jayega. Target mein ab halka sa ghata raha hu, because I know inme zyada kuchh action nahi hai aur na hi ye peak updates hai. So, target is 280 for now. Baaki, keep supporting.
Dhanyavad.

marvelous update....

ragini ka scene was heart melting

renshu ka x se link ka kuch kuch shak to pehle se hi tha

Nidhi , Juhi n Shreya kaha hai

disombler ka kya hua

 

[sagor699]

Assamese Update. Asu ko rokh nehi pays

 

[jone964]

Update - 197 ~ Despondency ​

Ab tak...

Veer ko kuchh samajh aata ki tabhi-

"Although, Miss Ragini ki situation kaafi critical thi. But, doctor ne mujhe khabar de di hai."

'Ragini' naam sunn woh wapas se hosh me aaya.

"She's out of danger now."

Raahat bamushqil ek kshan ke liye hi thi.

"But there's only one problem. I'm sorry to say but — woh ab pehle ki tarah kabhi nahi chal payengi."

Aur, aspatal ko ek gehre sannaate ne dhak liya.

Ab aage...

Mukhya hall safed chaadron se dhaka hua tha. Pooja ki samagri aur phoolo ki mehek ek mishran me hawa me ghuli hui thi.

Beech me Manorath ji ka shav aise pada hua tha jaise maano wo bas kisi gehri neend me so rahe ho. Koi shikan nahi. Bas bejaan.

"Papaaaaaaa jiiiii!"

Brijesh rota hua unki chhaati se lipatne ki koshish kiya, magar Arun aur Shyaam ne use pakad kar peechhe kheench liya.

Karunesh, Pranjal aur Vivek bhi wahi the. Teeno ke sirr neeche jhuke hue the. Hairani ki baat yeh thi ki Karunesh ki aankhon me bhi aasu the.

Aur, kone me khadi Bhavna ki aankhein bhi namm thi. Manorath ji jaise bhi the, unhone kabhi bhi uska bura nahi chaaha tha. Isliye, humesha se hi uske mann me unke liye aadar aur sammaan hi tha. Unhe iss tarah se jaata dekh, aaj uska dil bhi chotil tha.

“Mummaaa-!”

Kavya sisakte hue apni maa, Sumitra se lipat gayi jiski khud ki aankhein aasuon se bheegi hui thi. Sumitra ne bhi kass ke use apne aalingan me bhar liya.

Shweta khud kuchh kehne laayak nahi thi. Bhale hi Manorath se uska rishta behad mazboot nahi tha par itne saal se ek chhat ke neeche hi wo sab ke saath rehti aayi thi. Kahi na kahi Manorath ji ki mrityu ka asar uss par bhi pada tha. Bhumika ki bhi haalat yahi thi — niraasha se paripoorn.

Purvi wahi thoda door baithi sab kuchh dekh rahi thi. Bauhe sikudi hui thi aur mann vichlit.

Shyaam, Gauri, aur Parijaat ki aurtein, ye sabhi gaanv ki aatma the. Uski reedh. Ve ekjut, maun khade the, toofan ke khilaf puraane pedo ki tarah dard ko sehte hue. Aane waali zimmedariyon ke liye poori tarah se taiyaar.

Suhana apni behan Sonia ke saath thi, dono ke ird-gird suit pehne unke bodyguards khade hue the. Apne haath baandhe, sunglasses pehne, Sonia ek kursi par wahi baahar baithi hui thi. Itna gamgeen mahaul dekh wo sehem si gayi thi.

Toh wahi, Suhana thoda kaanp rahi thi. Raat bhar ke jaagne se uski aankhein laal ho rakhi thi. Apne phone par nazre gadaaye wo sandesho ko padhti jaa rahi thi.

Usne andar hall me baithe Veer ko dekha. Uske honth khule, par fir thar-thara ke band ho gaye.

Kya use haq tha uske paas jaane ka? Aise waqt par? Wo wahi khadi yeh sochti rahi.

Idhar Kaera kuchh feet door khadi thi, uska bhai Karan kuchh logo se baat-cheet kar raha tha. Shuru se ant tak, Kaera ki nazrein ek hi shaks par tiki hui thi — Veer.

Woh uske paas jaana chaahti thi. Use galey se lagaana chaahti thi. Use samjhaana chaahti thi. Lekin, uske perr hilne me asamarth reh gaye.

Uski bhavnaaye jo haal hi me jaagrit hui thi — aaj ek aur nayi anubhooti se guzar rahi thi. Aaj wo wahi mehsoos kar paa rahi thi jo usne tab mehsoos kiya tha jab usne apni maa, Archana ko khoya tha.

Dukh. Peeda. Udaasi.

Wo saare bhoole gaye emotions waapas sateh par aa rahe the.

Aabha bhi ek jagah apna ghoonghat odhe dheere-dheere ro rahi thi. Manorath se uska lagaav nahi tha. Ye aansu kal raat jo bhayanak drishya hue aur jis tarah se sab kuchh ujda, uske liye the. Apne maalik ko iss tarah dekh uska dil andar hi andar dehel raha tha.

Sonali use apne se laga ke sambhaalne ki koshish kar rahi thi, kintu woh swayam hi bheetar se ghabrayi hui thi.

Magar, Veer ka kya-!?

Tej ne use dekha. Wo chup-chaap Manorath ke saamne baitha hua tha. Jaise maano uss se abhi bhi ye khabar nahi pachaayi jaa rahi thi. Par, wo uss se kuchh na boli. Balki, wo to nazrein hi nahi mila paa rahi thi.

Ek chhota sa kaam tha. Apne bhai ki gerr-maujoodgi me Yarnia ka udhghatan karna. Bas! Iss ek chhote se kaam ko karne me wo naqamyab thi. Na sirf hotel ko nuksaan pahucha, balki Yarnia ka sampoorn karyakram bhi barbaad ho gaya. Logo ki jaane chali gayi aur upar se humle me gharwalo ne bhi apni jaan gawa di.

Aur, ye sab kuchh hua — Naye saal ki lagne waali raat me. Naya saal unke liye khushiyaan nahi, balki barbaadiyaan leke aaya. To aise me Tej akhir kaise apne bhai se nazrein mila sakti thi?

Veer ke bagal se hi Arohi bhi thi. Honth thar-thara rahe the aur bechaari ka poora chehra aansuon se bheega hua tha.

Wo uski orr jhuki. Usne Veer ke kandhe par haath rakha-

Arohi : V-Veer!

Par, koi jawab nahi.

Bas — khamoshi.

Arohi ne uske haath ko apne haath me lete hue baandha aur ek baar fir se use jhunjhlaaya.

Arohi : V-Veeeer! *sniff*

Kintu, punah koi jawab nahi. Wo hila hi nahi. Ekdum sthir — bina koi palke jhapkaaye. Jaise samay sirf uske liye ruk gaya ho. Arohi ne ek baar aur koshish ki.

Arohi : Veeeeer! M-Mujhe aise darao mat, please. *sniff* Kuchh bolo. Veeeer?

Magar, abhi bhi koi pratikriya nahi.

---

Kuchh der pehle...

Yeh woh waqt tha jab Veer Juhi aur Pihu ko apne badan par laade Disembowler ki lair se baahar nikla tha.

Uski har saans fool rahi thi, drishti dhundhli pad rahi thi, lekin woh rukne ko taiyaar nahi tha.

Juhi uski chhaati se bandhi hui thi, uska kamzor shareer thakaan ke chalte neend me upar-neeche ho raha tha. To, wahi Pihu peechhe uski peeth par behosh thi.

Baah me bhayanak tez dard uthne ke bawajood Veer use thaam ke rakha hua tha — ekdum adig.

Pari ki awaaz tabhi uske dimaag me goonji.

[Master! Aapka haath. You need to rest right now. 'Limb Substitution' ki madad se kaafi hadd tak uss waqt haath position me aa gaya tha, lekin aapne-]

Pari shikayat kar rahi thi. Veer ka haath 'Limb Substitution' ke equip karte hi sahi dhang se position me aa chuka tha. Zaroorat thi toh bas kuchh dino ke araam ki, jiske chalte uska haath wapas se pehle ki tarah ho jaane waala tha.

Magar, usne kya kiya-!?

Disembowler se bhidte waqt, usne jhatke se liquid nitrogen ke cylinder ko kheencha tha, jiske parinam swaroop uska haath wapas se lachakte hue ukhad chuka tha.

Na keval dobara use jodne ke liye shareer ki urja ka istemal hua, balki haath ke ukhadte hi ek baar fir use bloodloss se guzarna pada.

Ab agar samay rehte haath ko araam nahi diya gaya, to ye samasya aur bhi gambheer mod le sakti thi. Aur, isliye Pari chintit thi. Kyunki, iss waqt bhi — Veer ka haath Pihu ko peechhe se thaame hue tha. Haath par zor pad raha tha.

Veer ne bamushqil hi koi pratikriya di. Uska dimag ek hi cheez par kendrit tha — kaise bhi karke dono bacchiyo ko surakshit unke apno tak pahuchaaya jaaye.

Woh waha se bhaaga. Pari ki baat par usne kuchh derr baad jawab diya.

'Yeah! I- I know, Pari. Lekin, mere paas rukne ka koi option nahi hai. I must move on.'

Sadke street lights aur aasmaan aatishbaziyo se jagmaga raha tha. Police ki jeeps sadko par daud rahi thi, adhikaari hatyaare aur laapata ladkiyon ki talaash me har kone, har gali ko chhaan rahe the.

Aur, unhi jeep me se ek jeep me — Trisha thi.

Uski aankhein sooji hui thi, dashboard ko pakde hue uske haath kaanp rahe the.

"Tez chalo!!!"

Usne driver ko aadesh diya, ghanto chillaane se uski ab awaaz bhi fatt rahi thi. Bahut lamba samay ho gaya tha. Bahut saare ghante guzar chuke the — koi suraag nahi, koi sanket nahi, koi ummeed nahi. Bebasi ka bojh ab use ghutan de raha tha, magar usne tootne se inkaar kar diya.

Woh iss tarah, iss samay nahi toot sakti thi. Apni beti ko dhundhne se pehle to hargiz nahi.

Rohan, uska pati bhi wahi kahi sadko par tha. Beti ki khoj me paagalo ki tarah sheher me bhaag raha tha. Parantu, ye sab vyarth jaane waala tha agar unhe unki beti na mili toh.

Fir, jeep ne ek mod liya.

Aur, koi waha par tha.

Sadak ke beech me ek akela shaks, khoon se lathpath. Uski shirt fati hui thi, chehra ghaavo aur khoon ke kaaran bamushqil se pehchaana jaa sakta tha.

Woh waha khada tha, haanf raha tha, kaanp raha tha — lekin, sirf wahi nahi tha.

Uske seene se kuchh bandha hua tha. Koi tha. Nahi! Sirf seene se hi nahi, peeth par bhi koi tha.

Trisha ke dil ki dhadkane maano wahi tham gayi.

"Rukooooo!" Veh chillaayi.

Jeep ghisatate hue achanak ruk gayi. Jaise hi usne darwaza khola, kaanpte haatho se usne turant bandook nikaali aur seedhe saamne khade shaks par nishaana saadh diya.

"Theher jao!"

Woh chillaayi. Uski awaaz teekhi thi, ghabrahat ke bawajood usne apne aap ko sthir rakha hua tha. Jeep ki headlights jaise hi uss shaks ke peechhe ladi nanhi si bacchi ke chehre par padi, to Trisha ki aankhein bhay ke maare fel gayi.

Pihu!

Uski aankhein khoon se saney uss shaks ke chehre par ghoomi aur fir apni bacchi par.

Kaun tha ye vyakti?

Aur, uski beti uski peeth par?

Upar se wo kahi se bhi dara hua nahi prateet ho raha tha.

Idhar, Veer ne Trisha ko dekh apni gati dheemi nahi ki, balki woh chalta raha — seedhe uski orr.

Trisha ki pakad trigger par mazboot ho gayi.

"Maine kaha ruk jao!"

Woh darr rahi thi. Kya yahi wo serial killer tha? Kya isi ne uski bacchi aur Juhi ko agwa kiya tha?

Kya kare woh? Kahi woh vyakti uski chetavni ka bura maan bacchiyo ko kuchh kar diya to? Kya use bandook neeche kar leni chahiye? Kya kare? Use kuchh nahi soojh raha tha.

Lekin, tabhi veh bola.

"Tumhari beti... Surakshit hai!"

'Huh?'

Uski awaaz halanki karkash thi, lekin usme koi darr nahi tha. Koi hich-kichaahat nahi. Keval nishchitata.

Trisha ki saansein atakne lagi. Uska dimaag kaam karna band kar raha tha.

Jaise hi Veer ne uske aur apne beech doori kam ki, jeep me baithe baaki police karmiyo ne turant hi qadam uthaaya, apne-apne hathyaar liye unn sabhi ne Veer par bandooke taan di. Unki ungliyaan bhi trigger par mandra rahi thi, thodi si bhi galat harqat par goliyaan chalaane ke liye ekdum taiyaar.

Lekin, Trisha abhi bhi Veer ko ghoor rahi thi. Usne apna haath ghabraate hue uthaaya.

"Nahiiiiii!"

Woh chillaayi aur usne sabhi police karmiyo ko goli chalaane se rok diya.

Woh nahi jaanti thi ki usne aisa kyu kiya. Kya ye darr tha? Ya fir kuchh aur? Lekin, use itna zaroor samajh aaya ki bandook ko iss shaks par taanana iss sthiti ka hal nahi tha.

Veer ahista-ahista uske paas aaya. Aur, fir apne badan par gathaan bandhi, khoon se sani chaadar ko usne dheere se khola.

Pihu.

Uske nanhe se chehre par shaanti ke bhaav the. Na koi chot, na koi ghaav. Ekdum achhoot.

Trisha ki bandook uske kaanpte haatho se chhoot kar fisal gayi. Woh dhadalle se bina koi parvah kiye aage badhi-

"Madam!!!"

Police karmiyo ne use savdhan karne ki koshish ki, parantu Trisha ko apni bacchi ke siwa aur koi nazar na aaya.

Usne Pihu ko apne dono haatho me lete hue sambhaala aur apne seene se lagaaya aur apni beti ko galey se lagaate hi uski rulaayi chhoot gayi.

"Woh sirf behosh hai. Thaki hui hai. Aur, kuchh nahi. Use kuchh derr me hosh aa jaayega." Veer ne samjhaate hue kaha.

Trisha bilakhte hue apni beti ke chehre ko bas choomti chali gayi. Use saans bhi badi mushqil se aa rahi thi. Uski ungliyaan Pihu ke komal chehre par daud gayi.

Veer, jiska kaam abhi bhi aadha-adhoora tha, thoda sa Trisha se alag hua. Woh waha se nikalne ke liye hua.

"Ab mujhe Juhi ko ma'am ke paas le jaana hoga. Aur, tum..."

"Huh?" Trisha use hairat me dekhi.

"Jaldi! Shamshaan ke neeche. Akele nahi. Poori force leke jao. Jaldi! Warna woh- *huff*"

"K-Kya?" Trisha ne sarr uthaate hue use aashcharya me ghoora.

"Samay kam hai. J-Jaldi- *huff* Iske pehle ki derr ho jaaye."

Uske perr mushqil se seedhe khade ho paa rahe the. Woh jaanta tha ki Disembowler buri tarah ghaayal tha. Police ki full force use takedown kar sakti thi. SHB ka raaz khul paana bhi lagbhag namumkin tha kyunki, woh hawa ke sampark me aate hi oxidise ho jaata tha.

Aur to aur, police ko Disembowler jaise serial killer aur uske kaale karnaamo se avgat karaana bhi zaroori tha. Yahi soch ke usne ye nirnay liya.

Trisha kuchh soch-samajh nahi paa rahi thi. Lekin, uski sahej pravatti Veer ki baat maanane ke liye chillaa rahi thi.

Wahi iss orr, Veer ne apna muh fera. Usne Juhi ko kass kar pakda aur ek qadam aage badha jab-

"R-Ruko! K-Kaun ho tum? Kaha jaa rahe ho? Mein tumhe yaha se kahi nahi jaane dungi."

Veer ne koi jawab nahi diya.

Trisha ne dekha ki Veer ke harr qadam me thakavat thi, blood loss use har pal kamzor kar raha tha. Magar, iske bawajood — woh aage badhne ke liye tatpar tha.

"Nidhi ma'am... Juhi ko unke paas pahuchaana hoga."

'Nidhi' ka naam uske muh se sunte hi Trisha chaunk uthi. Aur, kuchh ghante pehle ki kuchh baatein use yaad aa gayi. Gift shop par Nidhi ke sang uski pehli mulaqat aur wo baatein—

'Meri beti ki dost ka janmdin hai. Aur, aapka-!?'

'Mere bhi... Mere student ne naya business shuru kiya hai. Uske launch ke liye event rakha hai.'

"T-Tum..." Trisha bhauchakki apna muh khole avaak Veer ko ghoori.

Yeh ladka.

Veer ke ek aur qadam aage lete hi police karmiyo ne uska raasta rok liya.

"Wahi ruk jao!" Unme se ek ne aadesh diya.

Veer ne mushqil se unn par koi nazar daali. Uska shareer bhalayi iss samay kamzor tha, lekin uska sankalp atal tha. Wo ab kisi bhi haalat me nahi ruk sakta tha.

Iske pehle ki police waale kuchh kar paate, Trisha ki awaaz ne unhe hairangi me daal diya.

"Jaane do use!" Woh ahista se boli.

Ve sab chaunkte hue uski orr mude.

"M-Madam?" Unme se ek hich-kichaaya. "M-Madam, aap ye kya keh rahi hai? Hum iss anjaan ko aise kaise jaane de sakte hai? Hum ise bilkul bhi-"

"Maine kaha na use jaane do!!!" Usne iss baar aur bhi dridhta se dohraaya.

Police karmiyo me sankoch bana raha, lekin Trisha apne nirnay par dagmagayi nahi.

Dheere-dheere wo sabhi ek taraf hatt gaye.

Agar, koi Nidhi ko jaanta tha, bacchiyo ko apne shareer par laad kar unhe bina chotil hue wapas leke aaya tha, to isme koi shaq nahi tha ki woh insaan koi serial killer nahi, balki ek shubhchintak tha.

Veer Trisha ke bagal se nikalte hue aage badha. Trisha ne ek akhiri sawaal uss se poochha—

"Kaun ho tum?"

Veer iss baar ruka. Woh peechhe muda. Uski nazar Trisha par tiki.

Ek pal ki khamoshi.

Aur, fir usne jawaab diya-

"Veer Singh!!!"

Trisha ke badan me sihran daud gayi. Veer bas itna bol, waha se chal diya.

Yeh naam. Inn beetein dino me woh iss naam se bhali bhaanti parichit thi. Yahi toh woh naam tha. Yahi wo insaan tha jiski use talaash thi. Wo aadmi jiske peechhe wo na jaane kab se padi hui thi.

Lekin, kabhi uss tak thos saboot ke saath pahuch na saki.

Aur, aaj wahi insaan-

Uski beti ko bacha ke uske paas laaya tha. Dimaag sawaalo ke bawandar me fassta jaa raha tha. Lekin, usne khud ko iss bawandar se baahar nikaala.

Abhi jo maayne rakhta tha — wo tha uski beti ka surakshit hona.

Usne apne mann me chal rahe toofan ko door karte hue, apna radio uthaaya.

"Rohan!!!"

Aur, bas... Wo punah toot ke reh gayi. Uss orr se Rohan ki bhi raahat ki saans lene ki awaaz use sunaayi di. Upar waale ko dhanyavad dete hue usne gaadi Trisha ke ilaake ki orr ghuma di.

Aur, aise hi Veer Pihu ko surakshit haatho me pahuchaate hue Nidhi ke paas pahucha tha.

Yahi woh waqt bhi tha jab Renshu aur Erica Disembowler ki lair me jaa kar, chhaan-been kar ke waha se nikal chuke the. Aur, unke nikalte hi police force ne poore shamshan ko under surveillance rakh liya tha.

Yahi woh waqt tha jab Renshu ne Erica ko ishaara kiya, Erica Veer ko Nidhi ke kamre se apne kandho par utha kar leke aayi. Wahi thi, jisne Nidhi aur Shreya dono ko neutralise kiya tha.

Renshu ne fir behosh Veer ko apne kandhe par uthaaya aur seedha Garofano ke paas le gaya.

Use car me hi Ava ke bagal se litaate hue usne Garofano ki orr dekha.

Behosh Veer aur Ava dono ek dusre ke bagal se laite hue the. Behoshi me bhi dono ke haath ek dusre se lage hue the.

Ek pal ke liye Garofano ki bauhe sikudi. Usne kuchh sochte hue Veer ka haath Ava ke haath se dur kar diya aur uske ghaavo ka ilaaj karne me jutt gayi.

Na sirf usne Veer ko apna ek vitality serum aur antiserum diya, balki uske ghaavo ka ilaaj kar uske haatho ko chains se azaad bhi kar diya.

Renshu, Erica aur Garofano, fir Veer ko leke hospital pahuche jaha parivar jann Veer ko iss awastha me dekh hakke-bakke reh gaye the.

Aur, fir Veer ka hosh aana aur use Manorath ki mrityu ki khabar ka praapt hona. Yahi sab toh hua tha.

Uske baad Garofano hospital se seedhe wapas car par pahuchi jaha Ava pehle se hi hosh me baithi hui thi.

Garofano : You are awake!

Ava : ...

Garofano : !!? Kuchh nahi kehna?

Ava : V-Veer! K-Kaha hai woh?

Garofano (smiles) : Kuchh derr pehle tumhare bagal se hi tha.

Ava : K-Kyaaaaa??

Wo hadbadaate hue idhar-udhar dekhi.

Ava : K-Kaha? Kaha hai woh? No! Wait!

Agle hi pal jaise use khud hi Veer ki location 'Death Flag' ke zariye maalum pad gayi.

Ava (mutters) : H-Hospital!

Garofano : Hmm! Uske dada ji nahi rahe. The other lady... What was her name again? Ragini! Hmm! Wo out of danger hai, lekin ab chal nahi sakti.

Ava ka sarr ye sunte hi neeche jhuk gaya. Usne apne dono perr mod apna chehra ghutno ke peechhe chhupa liya. Woh apne aap ko dosh de rahi thi. Use ek zimmedari di gayi thi. Aur, woh bhi wo theek se nahi nibha paayi.

Garofano (glances) : You don't have to feel bad about it. Although, mein waha nahi thi, aur mujhe nahi pata exactly kya hua tha lekin-

Ava : ???

Garofano : Erica ne sab kuchh bata diya hai. You took a bullet for someone else. Aur, agar tum nahi hoti- there was no way that girl would have survived that shot.

Ava : M-Mein- *sniff*

Garofano ne aage kuchh na kaha. Kuchh derr baad Ava ne uss se sawaal kiya.

Ava : Tumne aisa kyu kaha tha?

Garofano : Hmm? Kya?

Ava : Yahi ki... You are hiding your cards. Just like him.

Garofano : Woh? *smiles* Well, kya ye sach nahi? Tum apne cards chhipaaye hue ho. Just like him. Usne bhi mujhe apne saare cards ke baare me nahi bataaya. Hey! Now, I feel really bad you know.

Ava : ??

Garofano : Mein akeli hi hu jisne apne saare cards ke baare me tum sabko bataya hua hai. Aur, tum sab ho ki-

Ava : I don't feel the need to tell you.

Garofano : Wow! So, much for the help, right?

Ava : Kisi na kisi din mein ye favor chuka dungi. Cards ki details share karne ki koi zaroorat nahi mujhe.

Garofano : Chill, pretty girl. So cold, damn! *sighs* To kya mein wo favor abhi maang sakti hu?

Ava : Huh?

Garofano : Bolo?

Ava (nods) : Ask!

Garofano (grins) : Apne aap ko Veer se door kar do!

Ava (yells) : KABHI BHI NAHIIIIII-!!!

Wo itni zorr se chillaayi ki Garofano khud aashcharya me reh gayi. Ava ke gaal agle hi pal fir gulaabi ho chale. Aur, Garofano ke hontho par ek muskaan bikhar gayi. Woh bina kuchh kahe, waha se nikal gayi par jaate-jaate uske shabd Ava ke kaano tak pahuchne se na choonke.

"Tumhare favor chukaane ka intezar rahega, mujhe."

Kehte hue wo waha se chali gayi aur Ava pichhli ghatit vardaato ke baare me soch-vichaar kar leen ho gayi.

---

Veer's old house...

Antim sanskar ki taiyaari shuru ho chuki thi. Ghar ki mahilaaye, bagal se khadi ho kar sab dekh rahi thi. Aankhein laal thi aur sarr dhake hue.

Purush shaiyaa ki samagri ka prabandhan karne me lage hue the. Bhaar sirf Manorath ji ke shareer ka nahi uthaana tha, uske saath unki yaadon ka bhi bhaar juda hua tha.

Shaiyaa ko taiyaar karne ke liye baans ki lakdiyaan, rassiyaan aur safed kapda aa chuka tha.

Karunesh, Vivek aur Brijesh mil kar lakdiyaan baandhne ka kaam kar rahe the.

Ghar ke ird-gird aas-pados ki bheed-bhaad bhi jama ho chuki thi. Log aapas me charcha kar rahe the.

"Kaise? Ghatna kaise hui ye?"

"News me aaya to raha. Humla ho gaya na."

"Haan? Kaha?"

"Wai apna... Prestige hotel. Bahut bada humla tha."

"To humle me maare gaye?"

"Haan! Abhi poora clear nahi pata chala hai, par baaki log to yahi bata rahe ki humle me jaan chali gayi."

"Accha! Tch! Tch! Tch! Bechaare buzurg hoke aisi ghatna ka shikaar ho gaye."

"Kya kar sakte hai ab."

Veer Manorath ji ke perr ke paas hi baitha hua tha. Peeth jhuki, haath ghutno par tike hue, aur aankhein khaali.

Kavya aur Arohi use awaaz deti rahi, magar usne ek baar bhi nahi suna. Shyaam ne jab use paani ka glass diya tab bhi usne apni palkein tak nahi jhapkayi.

Uski nazrein sirf apne dada ji ke chehre par tiki hui thi. Aur, jaise hi Manorath ji ke shareer ko farsh se uthaaya gaya, Veer ki tandra bhang ho gayi.

'Huh?'

Usne mud ke dekha. Ek baar palak jhapki. Fir, dobaara.

Qadmo ki chehel-pehel, shorgul, sab kuchh ek saath uss par toot pada. Wo bina kuchh samjhe khada hua, dheere-dheere uske perr dada ji ke shav ki disha ki orr badhne lage.

Manorath ji ke shav ko baahar laa kar rakh diya gaya tha.

Rassi baandhte hue Brijesh ne sarr upar kar Veer ko dekha. Uske haath me bhi rassi thi.

Wo baans ke dhaanche ko aise dekh raha tha jaise maano wo koi suljhaane waali paheli ho. Kabhi uski nazrein apne haath me li hui rassi par tikti to kabhi baans ke dhaanche par.

Jeevan me pehli baar wo apne kisi qareebi ki maut me iss tarah se shaamil ho raha tha. Inn reeti-rivaaz me itna sammilit hone ka avsar use pehle kabhi praapt nahi hua tha.

Ek khamoshi kuchh derr chhaayi rahi.

Fir, aaj saalo me pehli baar-

"Ise iss tarah se baandho, Veer. Meri tarah...!"

Brijesh ne Veer se kaha. Awaaz naram thi. Na hi aagya se bhari hui aur na hi katu. Ekdum — vinamra.

Veer ne use dekha. Wo chup-chaap neeche baitha, apne pita ko dekhte hue usne rassi ko baandhna seekha, aur baans ki lakdiyo me wo rassi ki gathaane lagaane laga.

Ek pal ke liye — saara gussa, saare gile-shikve, sab kuchh ek taraf ho gaya. Dono baap-bete ke haath shaiyaa banaane me chal rahe the. Karunesh aur Vivek ne jab ye dekha to dono hi ahista se unn dono ke beech se alag ho gaye.

Ek ke baad ek gaanth.
Ek ke baad ek saans.
Saath-saath.

Kuchh door khadi, Bhavna ne jab yeh dekha to usne apne haath se apne muh ko dhak liya. Bagal se khadi, Purvi ne uske kandhe ko thaama.

Brijesh ko tabhi, apne pita ji ke akhir bol yaad aa gaye.

Wo Yarnia ke udhghatan me nahi gaya tha. Parantu, jab TV par samachar se use khabar lagi. Uske perr apne aap chal pade.

Use wo drishya yaad aaya. Wo pal jab uske pita ji use Hotel Prestige me chalne ke liye anurodh kar rahe the. Use nahi pata tha ki wo uska apne pita ke saath akhiri sanvaad hone waala tha —

---

"Toh tum nahi chaloge??"

"Jab mujhe bulaya hi nahi gaya toh bhala mein kaise jaa sakta hu, papa ji?"

"Murkh ho kya tum? Veer ne ek nyota bheja hai. Kya itni bhi samajh nahi tumhe ki ye sabke liye hai?"

"Aapko Veer ka phone aaya tha?"

"Haan!"

"Sumitra ko bhi aaya tha. Usne bataya mujhe. Lekin, mujhe nahi! Iska kya matlab hua? Kya aap samjhe nahi? Ya aap samajhna nahi chaahte?"

"Tum paagal ho sach me, Brijesh! Tumne jo kuchh bhi kiya hai uske baad bhala woh kaise tumse aake upat ke baat kar sakta hai? Jaise tum hich-kicha rahe ho waise hi toh woh bhi hich-kicha raha hoga na?"

"Kya waqai, papa ji? Mujhe nahi lagta! Balki, mujhe waha na paa kar use khushi hi hogi."

"Tum bawle ho gaye ho, Brijesh! Beta hai tumhara! Aur, tum baap ho uske. Ek baap apne bete ke sukh me uske nyota dene ka intezar nahi karta."

"Ye uss baap ke liye hai jo dukh me bhi apne bete ke saath khada rahe, jo mein nibha na saka. Mujhe waha paa ke sab uncomfortable ho jayenge. Rehne dijiye! Aap bhuliye mat ki Shweta aur... Bhavna bhi waha hongi. Aapke liye kehna asaan hai. Par, mere liye waha jaana itna asaan nahi."

"Tumhari dikkat kya hai tumhe pata hai Brijesh? Tum log kya sochenge iss baare me zyada sochte ho aur iss baare me kam ki kya karna chahiye. Arey bhai ye toh zahir si baat hai ki tumhare waha hone se baatein pehle ki tarah nahi hongi. Par, kya Veer ko iss se farq padega?"

"???"

"Nahi! Maayne ye rakhega ki uska baap jisne use ghar se baahar nikaal diya tha, aaj woh waha uske saamne uske liye khada hai."

"Nahi! Nahi papa ji! Ye toh wahi baat ho gayi ki sukh me sab kaam aate hai par dukh me-? Koi nahi! Mein ab maafi ke laayak nahi papa ji! Ab bahut bigaad liya maine apna aur baakiyo ka jeevan. Ab aur nahi-!"

"Tumne sahi kaha. Tum maafi ke laayak nahi! Lekin, maafi ke laayak koi bhi nahi hota, Brijesh!"

"???"

"Maafi ke laayak koi nahi hota. Use ye kamaana padta hai. Uss laayak banana padta hai ki vyakti aap ko maaf kar sake. Aur, tumhara waha pahuchna maafi maangne ka pehla qadam hoga."

"N-Nahi, papa ji! M-Mein-"

"Tum iss liye nahi jaana chaahte kyunki tumhe lagta hai ki woh log kya sochenge? Tum unse aankh se aankh milaane par ghabra rahe ho. Par, yahi toh pehla padaav hai, Brijesh. Chalo! Ghabrao nahi! Ek baar samay haath se nikal gaya toh dobaara nahi aata."

"Papa ji, samajhiye baat ko-"

"Tumhe pata hai? Kabhi-kabhi ek baap apne bacche ko jo sabse bada tohfa de sakta hai woh kya hai? Woh hai uski - maujoodgi! Agar, Veer ka phone nahi aaya toh kya hua? Woh toh chhota hai, par tum toh bade ho na? Pehel toh tumhe hi karni hogi na? Bhale hi tumhe kaisa bhi mehsoos ho par chalo, kyunki iss sthiti me andar se har baccha yahi chaahega ki uske pita saamne aaye. Veer bhi-!"

"M-Mein... Mein sochunga, Papa ji! Par, aaj mujhe apni mann-maani kar lene dijiye! Jaiye aap! Samay ho raha hai!"

Manorath ke lakh manaane par bhi jab Brijesh na maana toh woh narazgi me waha se jaane lage. Unke qadam darwaze ki dehleez par aake ruke.

"Meri seekh yaad rakhna Brijesh! Samay ek baar haath se nikal gaya, toh dobaara nahi aata."

Aur, woh waha se nikal gaye.

---

Akhiri lapte ek ajeeb si shaanti ke saath naach rahi thi — dheemi, aur bhasm karne waali.

Veer jalti hui chita se kuchh hi feet door khada hua tha. Manorath ji ka shav agni me sama chuka tha. Hawa ne rukh badla aur dhue ko ek taraf uda diya, apne saath na keval raakh, balki unki kahaniyaan, gyaan, aur uss vyakti ki antim garmjoshi bhi le gaya jisne kabhi Veer ko uska ekmaatra surakshit aashray diya tha.

Uski mutthiyaan bandhi rahi. Saansein kamzor. Aur, aankhein — bina moonde ek jagah sthir.

Mann shaant tha. Bahut derr tak. Jab tak ki-

[Master...]

Pari ki awaaz na goonj gayi.

Kintu, koi pratikriya nahi.

Uski aankhein abhi bhi aag ki lapto par tiki hui thi, maano jaise uske sawaalo ka jawaab ye laptein hi dene waali thi.

Lekin, Pari kahi nahi gayi.

[Master... I'm here.]

Veh jhijhki. Fir, aage boli. Uski awaaz dheemi thi, ek asamaanya komalta se bhari hui. Aur, fir kuchh sochte hue usne-

*Ding*

['Mission : A Knight's Stand' failed.]

System ki window ne Veer ki chetna me roop liya. Usme se aani waali neeli raushni tim-tima rahi thi. Iss baar, Veer ne dhyaan diya.

*Ding*

[The host was not able to get rid of the Disembowler.]

[The host did succeed in rescuing Juhi and Pihu.]

[The host also succeeded in keeping the experiment’s secret a secret from the general public.]

[The host will not be penalized for the secret being publicized.]

[The host will not be placed under police surveillance.]

[The mission failed because not all the conditions were fulfilled.]

[Mission failure penalty applied.]

[Penalty : Loss of loved ones.]

[Rewards have been granted.]

*Ding*

[You have been rewarded 20,000 Points.]

[You have been rewarded 5000 Fame Points.]

[Since the mission wasn’t completed, Perk Hunt will not be activated. Hence, no perks can be selected.]

Khamoshi.

Veer ne unn notifications ko suna. Magar, uska dhyaan abhi bhi kahi aur hi tha.

Usne ek gehri saans li. Aur, fir-

'M-Maine unhe kho diya, Pari. Mein unhe bacha nahi saka. Mere karan wo-'

Wo ek qadam aage badha. Aankhein ekdum laal.

'Maine maut ko dekha hai. Mere inn haatho ne logo ko maut bhi di hai. P-Par, kabhi bhi... kabhi bhi maine iss tarah mehsoos nahi kiya. Ye mujhe andar se jala raha hai, Pari.'

[...]

'Wo sirf mere dada ji nahi the. Wo mera ghar the. Uss puraane ghar se agar koi mujhe jod ke rakhe hue tha to woh wahi the... W-Wahi...!'

Uski mutthiyaan dheeli pad gayi.

'I was too late, Pari. Too weak. Too distracted. Aur, ab mere paas kuchh bacha hai toh woh hai — ye dhua, ye raakh, aur ye... glaani. Asahaneeya glaani.'

'Agar, mein aur taqatvar hota, hoshiyar hota, toh shayad mein-'

[Maaasterrrr, Nooooo-!]

'???'

[Master! Aapne wo kiya jo aur koi nahi kar sakta tha. Aapne uss Disembowler se do bacchiyon ki jaan bachaayi. Aapne SHB ke rehesya ko duniyaa ke saamne aane se roka.]

'M-Mein-'

[Aap unprepared the. Aap uski territory me the. Aur, fir bhi aapne haar nahi maani. Kya aapko lagta hai aap kamzor ho???]

Uski awaaz kaanp uthi. Aur, fir-

Dusri baar. Veer ko apne mann me wahi anubhooti mehsoos hui.

Aansu. Lekin, uske nahi. Pari ke.

'Pari, tum-'

Pari ki chetna se uski chetna me ek udaasi ki jhalak.

[Aap bhool kyu jaate ho ki mein wo sab kuchh mehsoos kar sakti hu jo aap karte ho. *sniff* Aapki har dhadkan... Mujhe goonjti hui sunaayi deti hai. Har aansu jo aap girne nahi dete... Unhe mein andar se mehsoos karti hu.]

'!!?'

[You didn't fail him, Master. You carried his name through fire. Through war. Through hell.]

'Pari!'

[Aur, ab bhi aap mazbooti se khade hue ho. Tab bhi jab aap andar se toot rahe ho. They can't see it. But I can. I can feel it.]

Veer wahi chita ke paas dhool bhari zameen par apne ghutno ke bal gir pada.

*Sniff*

Usne apni chhaati ko kass ke jakda. Dard se nahi, balki apne andar bachi hui cheezon ko sambhaalne ki ek betaab koshish me.

Usne ghutate hue kaha,

'P-Par, unhone mujhpe vishvas kiya tha, Pari. Kitne bharose se wo aaye honge aur unke saath- Ek akhiri baar mein unhe dekh tak na saka. I-'

[Aap humesha unke pasandeeda rahoge, Master. Humesha.]

Ek lambi khamoshi chhaa gayi. Veer ke aansu akhirkar gir pade.

'Itna dard kyu ho raha hai, Pari? *sniff*'

[Kyunki, aap unse itna pyaar karte the jitna aap khud nahi jaante the, Master.]

'!!!'

[And love, Master… is the only thing in this world more powerful than death.]

Woh muda. Uske peechhe ki aag ek antim baar bhadak uthi aur fir dheere-dheere feeki padne lagi.

Aur, aaj mann ki gehraayi me, jaha aam taur par notifications aur pari ke bol goonjte rehte the, ek durlabh tarah ki khamoshi chhaa gayi — khaalipann se nahi, balki do chetnao se, jo ek saath shok mana rahi thi.

***

Antim sanskar samapt hua hi tha, aag abhi bujh hi rahi thi, jab-

Baahar ek alag tarah ki aag ne apna janm le liya.

Veer, apne parivar sang jaise hi mukti dham se baahar nikla, toh uska swagat khamoshi se nahi, balki shor se hua.

Ek toofan.

Cameras chamak uthe. Microphones kinhi bhaale ki tarah aage badhe. Awaazein — unme se hazaaron — jwaar ki leher ki tarah aake uske kaano me takraayi.

"Mister, Veer Singh! Kya Hotel Prestige ki tragedy aapki zimmedari thi?"

"Humle ke dauran aap kaha the? Aapko kahi dekha hi nahi gaya."

"Aapki nigraani me bekasoor security guards maare gaye. Iska dosh kis par hai?"

"Kya aap ye soch rahe hai kya ki fame hone se aap inn sab se bach sakte hai?"

"Kya aap aaj raat so bhi paayenge? Ye jaante hue ki aapki sampatti ki suraksha karte hue nirdosh log maare gaye?"

"Jawab dijiye, Mister Veer!"

"Tune mere bhai ko maar daala, haram khor!! Mein tujhe chhorunga nahi!"

"Khooni!! Khooni ho tum!"

"Tumhare hotel ne mere pita ji ko zinda kha liya."

"Kya hoga humaara?"

Mratak security guards ke parivar ke kuchh sadasya bhi journalists ki bheed me ghus gaye. Wo barricades ko dukh, gusse aur aakrosh me paar kar gaye.

Unme se ek Veer par lagbhag jhapatne hi waala tha, lekin kuchh dayaalu ajnabiyon ne use rok liya.

Veer wahi khada raha. Uska shareer jamm sa gaya. Isliye, nahi ki woh darr gaya tha, balki isliye kyunki Hotel Prestige ka samachar ab vistaar se use sunane mil raha tha.

Wo jaanta tha humla hua tha. Hospital me hosh aane ke baad, Arohi ne use zaroori khabar de di thi. Yahi ki Hotel Prestige me humla hua tha. Golibaari. Jisme uske dada ji chal base.

Manorath ji ki maut bloodloss aur pain se hi hui thi. Sniper ki bullet koi aam bullet nahi hoti thi. Aur, na hi sniper koi aam bandook thi.

Manorath ji ke kandhe par bullet lagi thi. Jab tak ve hospital pahuche, unka ilaaj shuru hua, tab tak unhone dum tod diya tha.

Veer yeh jaanta tha. Magar, ye sab kya tha? Security guards ki jaan jaana? Arohi ne uske bhale ke liye poori sachaayi nahi bataayi thi.

Uski aankhein chaudi ho gayi. Glaani, sadma, aur kuchh agyaat anubhutiyaan uske andar toofan ki tarah ghoomne lagi.

Aur, fir-

Bheed ke beech se.

"VEEEEEEER!!!"

Ek awaaz. Ek cheenkh. Ek pukaar — iss araajakta ko cheerti hui.

Tej. Wo aayi.

Uske baal bikhre hue the. Chehra aasuon se bheega hua tha. Bheed uske liye alag nahi hui — lekin, usne sangharsh kar ke apna raasta banaaya.

Logo ki kohniyaan use lagi, dhakke lage, cameras use lage, woh lagbhag girte-girte bachi, lekin ruki nahi.

Wo bhaagi. Tezi se. Jaise uska dil fatne ko aa gaya ho-

Aur, tamaam bheed ko alag karte hue wo uske paas pahuchi. Waha khadi ho gayi — Veer aur saari duniyaa ke madhya.

Wo haanf rahi thi. Uske baal, paseene se geele ho chuke uske gaalo se chipke hue the.

Tej (screams) : BAS KAROOOOO!!!!

Shor kam ho gaya. Awaazein shaant pad gayi.

Tej ne mud kar media ka saamne kiya, uske kandhe kaanp rahe the, lekin uski awaaz bheed ke shor se bhi zyada tez thi.

Tej : Aap logo ko jawaab chaahiye na??? Mein dungi jawaab! Kyunki, hotel prestige ko sambhaalne waale Mister Veer nahi. Mein thi.

Ek virham. Ek sannaata sa chhaa gaya.

Tej (shaking but firm) : Mein Tejal Singh. Mister Veer Singh ki badi behan. Mein hi in charge thi. Mein hi thi jo new year eve ko sambhaal rahi thi.

Journalists : !!?

Tej : Aur, mein... Mein hu doshi. Haan, mein galat hu. Maine khatre par dhyaan nahi diya. Mein galat hu jo guests par dhyaan de rahi thi aur hazar saalo me kabhi ye khayal mujhe nahi aane waala tha ki koi sarfira uss waqt humari hotel ke andar bomb fek sakta hai.

Journalists : *mutters*

Tej (eyes flaring) : Haan, mein galat hu. Par, kya aap me se kisi ko aisi ummeed ho sakti thi? Kya aapko ummeed thi ki celebration ki raat me bandook liye naqab-posh gunde logo par goliyaan barsaane lagenge?

Kisi ne jawaab nahi diya. Microphones dheere-dheere neeche ho gaye. Kuchh cameras bhi neeche jhuk gaye.

Tej : Mein ise rok nahi saki. Mein iska anumaan bhi nahi laga saki...! Lekin, mein ise jitna ho sakta hai, utna theek karne ki koshish karungi. Har parivar jisne kisi ko khoya hai, mein unse milungi. Jo kuchh bhi bann padega, wo mein karungi. Wo sab humari hotel ke sadasya the.

Door khadi, Bhumika ki aankhon me ye sab dekh aansu umad aaye. Hotel uski thi. Magar, kavach bann ke Tej unhe inn sab se bacha rahi thi.

'T-Tejal, tum-!!'

Ho na ho, aaj Bhumika ke mann se Tejal ko leke saare berr samapt ho chuke the.

Tej : Madad, chaahe aarthik ho, ya kaisi bhi. Mein sab karungi. Guzre hue logo ko waapas nahi laaya jaa sakta. M-Mein jaanti hu ki ye sab ek jaan ke badle kisi kaam ke nahi-! M-Magar, fir bhi-! Mein har wo koshish karungi, jo cheezein theek kar sakti hai.

Journalists : *nods*

Tej : But don't you dare... DON'T YOU DARE come after him.

Wo ek pal ke liye mudi. Veer ko dekhi, ko aashcharya me use hi ghoor raha tha. Aur, fir waapas bheed ka saamna karne me lag gayi.

Tej : Usne bhi aaj kisi ko khoya hai. Maine bhi. Humaare poore parivar ne. Aap sab akele nahi ho. Humaare parivaar ka kya? H-Humaare nuksaan ki bharpaayi kaun karega? *sniff* Huh? Jawaab do!!!

*Silence*

Tej : Sirf, isliye ki mera bhai chup hai, use kamzor samajhna aur kisi dushman ki tarah treat karna band karo! *sniff* Sirf, isliye ki wo famous hai. Sirf isliye ki wo umr me adhiktar logo se chhota hai. Aur, sirf isliye kyunki aap sab mann marzi muh chala sakte ho...! BAND KAR DO!!

*Silence*

Veer ka haath utha. Aur, dheere se usne apna haath — kaanpte hue — Tej ke kandhe par rakh diya.

Woh chaunki. Fir, palti.

Unki aankhein mili.

Koi shabd nahi.

Sirf wo bandhan. Unke beech ka — ankaha aur achal.

Veer (mutters) : Thank you! Teju di!

Aur, wo bechaari toot gayi. Uske gaalo se aasu behte hue girne lage, magar honth muskura uthe.

Uss ek pal, Veer ko ehsaas ho gaya ki-

Yeh... Yeh ek badi behan thi.

Sansaar agar talwaar liye tha to woh kavach thi.

Khud ki awaaz na ho to woh uski awaaz thi.

Doobta hua toofan me ho to woh uska kinaara thi.

Aur, girte hue ko ek haath ka sahaara.

Veer ne apni ungliyaan Tej ki ungliyon me ird-gird lapeti. Use kass kar pakda. Aur, fir use door le jaane laga. Bheed, shor aur sawaalo se door.

Ek bhai. Ek behan. Ek dard. Ek vaada.

Tej ne na sirf fir saari vardaat ka vishleshan diya, balki apni chintaaye aur aane waale jokhim ke baare me bhi vyakt kiya.

Jiski wajah se, Veer ko ek aur shaks ka dhyaan aaya. Akhir, wo use akela chhor ke kaise aa sakta tha?

***

Baahar sheher abhi bhi araajakta me tha. Lekin, Veer ki manzil filhal ek hi thi — hospital.

Tej ke bataane par wo ek shabd bhi nahi bola. Bas, mukti dham se car uthaata hua seedhe yaha chala aaya.

Kaise naye saal ka jashn narsanhaar me badal gaya.

Kaise naqab-posh bandook-dhaariyo ne Hotel Prestige me pravesh kiya.

Kaise ek sniper ki goli, jo darasal Kavya ke liye thi — Ragini ko jaa kar lagi.

Veer ki saans ukhdi-ukhdi aa rahi thi. Woh bas bhaagta raha. Bheed ke beech se. Dukh ke beech se. Pagalpann ke beech se.

Uske joote farsh par shor macha rahe the, pattiyaan uski pasliyon par dabi hui thi, jo abhi bhi khoon se sani hui thi.

"Ragini...!"

Wo ICU me daakhil hua. Nurses ko dhakka dete hue aage badha — jab tak ki ek doctor ne use rok na diya.

Doctor : Sir! Rukiye, ek minute. Ragini ji abhi-abhi surgery se baahar aayi hai. Aur, hum unhe jald hi shift bhi kar denge. Tab tak ke liye please aap baahar hi rahiye.

Veer : R-Ragini...!

Veer ki haalat dekh, doctor haami bhar aage aaya.

Doctor : Dekhiye! Woh theek hai. Gambheer khatre se woh baahar hai, lekin-

Veer : !!?

Lekin, kya? Veer jaanta tha. Magar, dobara sunana nahi chaahta tha.

Usne Ragini ko dekha. Wo wahi laiti hui thi. Haatho me alag-alag naliyaan lagi hui thi. Ek perr thoda upar utha hua tha aur jatil surgical braces se bandha hua tha.

Uski saansein kamzor thi, lekin wo jeevit thi. Yahi! Uske paas.

Veer uske nazdeek aaya. Har qadam pehle se adhik bhaari. Uska haath bistar ki steel ki railing ko chhua aur Ragini ke chehre ko dekha.

Uske honth sookhe hue the. Maathe par halki si jhurriyaan jo shikan ko darsha rahi thi.

Doctor chalte hue Veer ke paas aaya.

Doctor : Mujhe sab pata chala. Dekhiye, mein jaanta hu ye kaafi mushqil hai. Par, aap sabko ye hazam karna padega.

Veer ne doctor ko na dekha. Wo bas Ragini ko dekhta raha.

Doctor : Ragini ji ko sniper round se nikli high velocity bullet ne chotil kiya tha. Goli ne femur ko chaknachoor kar diya aur tibial nerve bhi damage ho chuki hai. Aap samajh rahe hai na?

Veer : ???

Doctor : Humne femur ko reconstruct karne ke liye rods aur bone grafts ka istemal kiya hai. Lekin, nerve damage irreversible hai.

Veer : M-Matlab...

Doctor : Matlab, ye ki- unka perr to theek hai, lekin wo firse nahi chal payengi. Kam se kam, pehle ki tarah to nahi.

*Silence*

Doctor (continuing) : Intensive rehab ke chalte unhe thodi mobility mil sakti hai. Lekin, neuromuscular ka jo ek coordination hota hai, woh jaa chuka hai. Brain se signals nichle ang tak pehle ki tarah nahi pahuchenge.

Veer : ...

Doctor : Dekhiye, humne wo sab kiya jo hum kar sakte the. Fracture ko stabilise kiya, nerve pressure ko decompress kiya, haemorrhage ko roka. Par, aghaat bahut gehra tha, Mister Veer. Bahut sateek. Isliye- *sighs* Anyways, this is the best outcome.

Shabd Veer ke dimaag me mandraane lage. Laga jaise woh abhi yahi ladkhada ke gir jayega.

Ragini pehle jaise nahi chal paayegi. Kabhi bhi nahi.

Doctor to chala gaya, magar Veer wahi ghutno ke bal Ragini ke bagal se baith gaya. Uska haath ahista se aage badha.

Komalta se usne Ragini ke baalon ka ek dheela latka hua latt kaan ke peechhe kiya. Ungliyaan Ragini ki twacha se sparsh hote hi kaanp rahi thi.

Aur, fir uske jaane bina-

Uske aansu punah binn marzi beh chale.

'Kyu???'

'Mein tumhe kabhi sahi jawab na de saka.'

Ragini ne use panaah di thi jab uske paas koi thikaana nahi tha. Jab woh khud ke liye muskura nahi sakta tha tab woh uske liye muskuraati thi. Usne uski raksha ki, uss se pyaar kiya. Apne poore astitva ke saath.

Usne kabhi kuchh nahi maanga — siwae uske dil ke.

Par, Veer humesha use intezar karwaata raha. Aur, aaj woh yaha iss haal me laiti thi. Chotil. Tooti hui. Apahij. Uski wajah se.

Veer ne uska haath thaama.

'Tumne mujhe kya kuchh nahi diya, Ragini. Pyaar, Panaah, Khushiyaan. Tumne mujhe apna tann, mann, dhan sab kuchh luta diya. Aur, badle me maine tumhe kya diya? Sirf, mera maun jawaab.'

Usne apna haath, uske maathe par rakha.

'Mein... tumhe deserve nahi karta, Ragini.'

Woh jhuka. Aur, uske maathe ko usne dheere se choom liya.

'But, I'll earn you now.'

'Mein yahi rahunga. Ab kahi nahi bhaagunga. Ab aur koi chuppi nahi.'

'I'll be your legs... Your strength... Your everything.'

'Bas jaag jao. Please... Ragini! Jaag jao.'

Akhiri guhaar par uski awaaz andar hi andar toot gayi. Aaj pehli baar, use andar se mazbooti mehsoos nahi hui. Ek system holder jaisa mehsoos nahi hua. Bas, ek sadharan aadmi. Jo duniyaa se pareshan ho chuka tha.

Woh khada hua. Usne apne aansu pochhe. Ragini ke sote chehre par ek akhiri nazar daali. Fir, muda...

Aur, darwaaze ki orr chal diya.

Jaane se pehle — usne peechhe mud kar dekha.

'I promise, Ragini. When you wake up... You won't find me missing again.'

Aur, wo chala gaya.

ICU se baahar aate hi uski nazar ek aur ward me padi, jaha Suman laiti hui so rahi thi. Uske haath me bandage lagi hui thi. Veer ko samajhne me derr na lagi ki Suman hi thi — jisne Ragini ko khoon diya tha.

***

Aspataal se neeche aate waqt, Veer ke mann me Tej ke bol goonj rahe the.

"Mein shayad nahi bachti, Veer- A-Agar woh na hoti. Wo lady. Mask pehni hui. Pata nahi kaun thi. Usne mujhe dhakela aur fir- wo apna pait pakad ke dard se karaah rahi thi. Lekin, iss se pehle ki mein use pakad paati wo hotel ke baahar bhaag gayi. Kasam se...! Agar, wo na hoti to shayad aaj mein yaha tumhare saamne nahi hoti, Veeru."

A masked woman?

Veer samajh chuka tha.

Ava.

Uske dimag ke chalne se pehle hi uske perr chal diye. Hospital ki parking ke paas — mukhya dwaar ke theek baahar.

Do jaani pehchaani aakritiya ek kaali badi si SUV ke paas khadi thi.

Renshu aur Erica.

Erica ne use sabse pehle dekha.

'V-Veer!'

Woh ladka jisne Jaw Long ke maidaan me ghus ke poore yuddh ko apne paksh me kar liya tha.

Wahi Veer jis se dobaara milne ke liye wo itna lalcha rahi thi. Woh uske saamne tha.

Par, Veer kuchh bhi kehne ke liye nahi ruka. Renshu ne use dekh saath chalne ka ishaara kiya. Woh aage badha.

Ava car me peechhe ki foldable seat par baithi hui thi. Wo baahar hi dekh rahi thi jab kisi ke aane ka use ehsaas hua. Uska sarr uss disha ki orr muda aur-

Woh waha tha.

Veer.

Ava ki saans atak gayi. Uska badan kaanp gaya.

Veer ne hi use zimmedari saunpi thi. Hotel Prestige aur parivar ko surakshit rakhne ki.

Aur, wo vifal rahi.

Veer ke dada ji jaa chuke the. Hotel par humla hua. Ragini ghaayal hui. Sab kuchh bikhar gaya.

Ava ka dil baith gaya.

Glaani ka bhaar itna badh gaya ki veh khud ko rok na paayi. Aasu behne lage. Pehle to chupke se... Fir lagatar.

Ava : M-Mein... V-Veer...

Usne uthne ki koshish ki-

Ava : I-I'm... I'm sorry, Veer. I-

Parantu, iske pehle ki woh aur kuchh bolti, Veer aage ki aur dauda. Aur, usne Ava ko apni baahon me bhar liya.

Kass kar. Poori tarah se.

Uski mazboot pakad se Ava ke ghaav dabb gaye, woh halka sa karaah uthi.

Lekin, ye dard kuchh bhi nahi tha. Tab nahi jab woh uski baahon me thi.

Tab nahi, jab woh apne aap se use apne aalingan me bhar raha tha. Fir, bhale hi uski chot kyu na dukhe, aise hazaro dard uthaane ke liye khushi-khushi raazi thi woh.

Ava ne apna chehra uske seene me daba liya. Uske haath dheere-dheere Veer ki shirt ke peechhe kass gaye. Uski awaaz siskiyon me badal gayi.

Ava (barely breathing) : V-Veer, mein-

Veer (softly) : I know...

Ava : ??

Veer : Tumne Teju di ko bachaaya. Tumne wo bullet apne upar li. Mujhe sab pata hai.

Ava jamm ke reh gayi. Uske aasu behna dheeme ho gaye.

Ava (confused) : B-But, I failed... Tumhare dada ji...

Veer : Nahi!

Ava : Huh!!?

Veer : You fulfilled your duty, Ava. Bhale hi tum na maano. Par, mein maan gaya hu.

Woh stabdh thi.

Veer (smiles) : Thank you, Ava!

Ava : Ahh!!!?

Aur, Veer ne use apne gale se laga liya. Ava ke aasu jhar-jhar kar behne lage.

Kuchh qadam door, ye drishya dekh kar Garofano ki haath mutthi me simat gaya. Uske honth ek patli rekha samaan dabb gaye. Woh aalingan... Jis tarah se Veer ne Ava ko pakad rakha tha.

Usne Garofano ke andar kuchh jala kar rakh diya.

Woh mudi aur bina kuchh kahe waha se door chali gayi.

Renshu : Huh? Kya hua tumhe?

Erica ka haal bhi kuchh aisa hi tha. Use ehsaas hua ki sirf wahi nahi thi. Ek ajeeb sa dard uske seene me utha aur woh bhi Garofano ki taraf chal di.

Renshu : Huh? Erica???

***

SUV ke baahar Veer dheere se aaya.

Ava andar hi thi. Laal aankhein liye use dekh rahi thi. Woh hug abhi bhi uske mann me ghoom rahi thi, saath hi Veer ke seene ki garmahat.

Veer ka sarr jhuka hua tha, aankhein uske kaale baalon ke parde ke peechhe chhipi hui thi.

Woh aage badha — Erica ya Garofano ki orr nahi, balki Renshu ki orr.

Koi greetings nahi. Koi emotions nahi.

Bas... Sannaata.

Uske ird-gird ka aura badla hua tha. Thanda. Mapa hua. Ab dard nahi jhalak raha tha. Ek toofan ke pehle ki shaanti.

Garofano ne sabse pehle notice kiya. Veer ki ungliyon ki halki si thar-tharahat. Erica ne uske baad dekha — Veer ke chalne ka ek alag dhang.

Veer ruka. Renshu se bas ek qadam ki doori par.

Veer (without raising head) : Renshu! Tumhare paas kitni aur kaun-kaun si skills hai?

'Huh?'

Prashn aise aaya jaise maano shaant jheel me kisi ne bahut bada patthar fek diya ho. Renshu ki bauhe sikud gayi.

Hawa ke chalte Veer ke kapde aise fadfada rahe the jaise maano koi khamosh toofan paida hone ka intezar kar raha tha.

'Ye Veer... Iss tarah ka sawaal kyu kar raha hai achanak se?'

[Apni skills, kisi aur ko bataana. Ye khatarnak hai, Renshu.]

'Lloyd!'

[Kya hoga agar wo hume dhoka dede?]

'Mujhe nahi lagta.'

Veer ne dheere se apna sarr uthaaya. Ab uski aankhon me dard nahi jhalak raha tha. Kuchh aur hi tha. Koi uddeshya.

Veer : Aura Vision, Hawkeye, advanced martial arts, limbo, basic enemy tracker, detoxification, copycat, radio protective, aquatic breathing, tracer. Ye meri kuchh important skills hai. The rest are pretty much useless.

'Huh?'

Renshu ne apni aankhein sikodi. Skills kaafi thi. Sab ki sab ek se badh ke ek. Aur, Veer ne use iske baare me aise bata diya jaise maano woh mausam ka haal-chaal bata raha ho.

Kuchh badla hua tha. Ye Veer ko kya ho gaya tha achanak?

Renshu ne ek aah bhari.

Renshu (nods) : Theek hai. To suno. Lance of Blaze, Prime Venture Specialist, Rapid Reaction, Commando, Strong Core, Chi Perception, Wushu, Toxin Sleuth, Pigeon Whisperer. Ye hai meri kuchh important skills.

Veer : Are you sure?

Renshu : Kya matlab?

Veer : Kya bas itni hi hai?

Renshu (nods) : Haan! Zaroori waali yahi hai.

Veer : Koi lengendary skill nahi?

Renshu : Nahi!

Ek sannaata chhaa gaya.

Aur, fir bina kisi chetaavni ke-

*Whoooooooooooshhh*

'???'

Bijli ki raftaar se ek tez roundhouse kick, Renshu ke chehre ki orr aayi.

Agle hi pal, Renshu ki Rapid Reaction activate hui aur uska shareer sahaj roop se peechhe ki orr jhuk gaya. Veer ki laat ki hawa uski naak pe paas se guzri.

Peechhe khadi Erica ye dekh dang reh gayi. Uske muh se ek ghuti hui cheenkh nikli. Kya tha ye? Kya hua?

Wo dono abhi toh baatein kar rahe the. Fir achanak se ye kya?

Garofano ki aankhon me hari chamak bikhri. Usne ek qadam aage badhaaya.

Idhar, Veer ka perr wapas se zameen par land hua aur land hote hi-

*Ding*

HAWKEYE

Usne apni aedi ke jhatke se ek patthar ko seedha Renshu ki aankh ki orr uchhaal diya.

Renshu ne ek jhatke me apna haath aage kar uss patthar ko pakda. Magar, aankh ki orr aa rahe uss patthar ne ek blind spot bana diya.

Baayi orr se, Veer ka ek mukka tezi se aaya. Lagbhag adrishya.

Renshu ne use pakadne ke liye haath badhaaya.

Lekin,

'Huh?'

Wo nahi aaya.

'Nahi!'

Renshu ki aankhein chaudi ho gayi. Wo ek feint attack tha. Asli humla-

Daayi orr se aa raha mukka. Par, derr ho chuki thi.

Lekin, iske pehle ki Veer apna blow land kar paata, uski kalaayi kisi ne kass kar thaam li.

Garofano.

Garofano (yells) : VEER!!! KYA HO GAYA HAI, TUMHE?

Veer ne dheere se apna sarr ghumaya. Pehli baar usne use dekha. Garofano ne dekha ki uski aankhon me krodh tha.

Veer (yells) : Puchho Renshu se Violet. Isne mujhe bataaya tha. Kitne system holders zinda bache hue hai. Aur, sansaar me total kitne the. Isne mujhe bataaya tha...! Total 30 the. Aur, uss waqt 18! Jaw Long aur Crimson ke jaane ke baad ab shayad 16.

Garofano : ???

Veer : Par, mujhe ye batao...! Kaun si skills system holders ki ginti kar ke deti hai? Iske paas aisi koi si bhi skill nahi hai, Violet.

Garofano ka chehra peela pad gaya. Use bhi iska ehsaas hua. Woh tezi se Renshu ki orr mudi.

Erica vichlit unke paas bhaagte hue aayi.

Erica (panicked) : Rukoooo! Bas, ruk jaaaoo!! Pleeaasee!! Aap dono kyu ladd rahe ho? K-Kya hua??? Dad-!!!

Bechaari ki awaaz fatt rahi thi. Lekin, unme se koi bhi nahi hila. Garofano ne abhi bhi Veer ke haath ko jakda hua tha. Toh wahi, Renshu sthir khada hua tha.

Veer ke haath ne dheere dheere apni mazbooti dheeli ki.

Veer (yells) : JAWAAB DO, RENSHU!

Ek bhaari virham.

Renshu ne ek gehri saans li.

Renshu : Mere paas aisi koi skill nahi hai jo ye kar sakti hai.

Sab wahi jamm ke reh gaye. Siwae, Erica ke. Jisne nazrein glaani ke chalte ferr li.

Garofano : T-To, fir... kaise?

Renshu ke honth sikude. Usne ek pal ke liye apni aankhein band kar li. Fir, unhe firse khol kuchh soch vichaar kar bas ek hi shabd bola.

Ek aisa shabd jisne unke aas-paas ki duniyaa ko thaam kar rakh diya.

Garofano : Bolo bhi!!!

Renshu : ...

Garofano : ???

Renshu : X!

Hawa jaise rukne ko ho gayi. Garofano ka jabda sakht ho gaya. Veer... bas ghoorta raha.

Ab gusse se nahi. Balki, sandeh se.
.
.
.
.
.
.
.
.
.
.
Aaj ke liye itna hi guys.
This update consists of 9.2k words. Jo kuchh bikhra hua tha, use sameta jayega. Ek ek karke saare puzzles ke pieces ko lagaya jayega. Kuchh leftovers rahenge jinhe aage ke arcs me lagaya jayega. Lekin, kaafi hadd tak clarity mil jayegi iss arc me. Post Disembowler shuru ho chuka hai. Next update bhi isi month ke end me aa jayega. Target mein ab halka sa ghata raha hu, because I know inme zyada kuchh action nahi hai aur na hi ye peak updates hai. So, target is 280 for now. Baaki, keep supporting.
Dhanyavad.

Nice update bro specially in emotional way. Just a little short haha

 

[MaxMan]

Update - 197 ~ Despondency ​

Ab tak...

Veer ko kuchh samajh aata ki tabhi-

"Although, Miss Ragini ki situation kaafi critical thi. But, doctor ne mujhe khabar de di hai."

'Ragini' naam sunn woh wapas se hosh me aaya.

"She's out of danger now."

Raahat bamushqil ek kshan ke liye hi thi.

"But there's only one problem. I'm sorry to say but — woh ab pehle ki tarah kabhi nahi chal payengi."

Aur, aspatal ko ek gehre sannaate ne dhak liya.

Ab aage...

Mukhya hall safed chaadron se dhaka hua tha. Pooja ki samagri aur phoolo ki mehek ek mishran me hawa me ghuli hui thi.

Beech me Manorath ji ka shav aise pada hua tha jaise maano wo bas kisi gehri neend me so rahe ho. Koi shikan nahi. Bas bejaan.

"Papaaaaaaa jiiiii!"

Brijesh rota hua unki chhaati se lipatne ki koshish kiya, magar Arun aur Shyaam ne use pakad kar peechhe kheench liya.

Karunesh, Pranjal aur Vivek bhi wahi the. Teeno ke sirr neeche jhuke hue the. Hairani ki baat yeh thi ki Karunesh ki aankhon me bhi aasu the.

Aur, kone me khadi Bhavna ki aankhein bhi namm thi. Manorath ji jaise bhi the, unhone kabhi bhi uska bura nahi chaaha tha. Isliye, humesha se hi uske mann me unke liye aadar aur sammaan hi tha. Unhe iss tarah se jaata dekh, aaj uska dil bhi chotil tha.

“Mummaaa-!”

Kavya sisakte hue apni maa, Sumitra se lipat gayi jiski khud ki aankhein aasuon se bheegi hui thi. Sumitra ne bhi kass ke use apne aalingan me bhar liya.

Shweta khud kuchh kehne laayak nahi thi. Bhale hi Manorath se uska rishta behad mazboot nahi tha par itne saal se ek chhat ke neeche hi wo sab ke saath rehti aayi thi. Kahi na kahi Manorath ji ki mrityu ka asar uss par bhi pada tha. Bhumika ki bhi haalat yahi thi — niraasha se paripoorn.

Purvi wahi thoda door baithi sab kuchh dekh rahi thi. Bauhe sikudi hui thi aur mann vichlit.

Shyaam, Gauri, aur Parijaat ki aurtein, ye sabhi gaanv ki aatma the. Uski reedh. Ve ekjut, maun khade the, toofan ke khilaf puraane pedo ki tarah dard ko sehte hue. Aane waali zimmedariyon ke liye poori tarah se taiyaar.

Suhana apni behan Sonia ke saath thi, dono ke ird-gird suit pehne unke bodyguards khade hue the. Apne haath baandhe, sunglasses pehne, Sonia ek kursi par wahi baahar baithi hui thi. Itna gamgeen mahaul dekh wo sehem si gayi thi.

Toh wahi, Suhana thoda kaanp rahi thi. Raat bhar ke jaagne se uski aankhein laal ho rakhi thi. Apne phone par nazre gadaaye wo sandesho ko padhti jaa rahi thi.

Usne andar hall me baithe Veer ko dekha. Uske honth khule, par fir thar-thara ke band ho gaye.

Kya use haq tha uske paas jaane ka? Aise waqt par? Wo wahi khadi yeh sochti rahi.

Idhar Kaera kuchh feet door khadi thi, uska bhai Karan kuchh logo se baat-cheet kar raha tha. Shuru se ant tak, Kaera ki nazrein ek hi shaks par tiki hui thi — Veer.

Woh uske paas jaana chaahti thi. Use galey se lagaana chaahti thi. Use samjhaana chaahti thi. Lekin, uske perr hilne me asamarth reh gaye.

Uski bhavnaaye jo haal hi me jaagrit hui thi — aaj ek aur nayi anubhooti se guzar rahi thi. Aaj wo wahi mehsoos kar paa rahi thi jo usne tab mehsoos kiya tha jab usne apni maa, Archana ko khoya tha.

Dukh. Peeda. Udaasi.

Wo saare bhoole gaye emotions waapas sateh par aa rahe the.

Aabha bhi ek jagah apna ghoonghat odhe dheere-dheere ro rahi thi. Manorath se uska lagaav nahi tha. Ye aansu kal raat jo bhayanak drishya hue aur jis tarah se sab kuchh ujda, uske liye the. Apne maalik ko iss tarah dekh uska dil andar hi andar dehel raha tha.

Sonali use apne se laga ke sambhaalne ki koshish kar rahi thi, kintu woh swayam hi bheetar se ghabrayi hui thi.

Magar, Veer ka kya-!?

Tej ne use dekha. Wo chup-chaap Manorath ke saamne baitha hua tha. Jaise maano uss se abhi bhi ye khabar nahi pachaayi jaa rahi thi. Par, wo uss se kuchh na boli. Balki, wo to nazrein hi nahi mila paa rahi thi.

Ek chhota sa kaam tha. Apne bhai ki gerr-maujoodgi me Yarnia ka udhghatan karna. Bas! Iss ek chhote se kaam ko karne me wo naqamyab thi. Na sirf hotel ko nuksaan pahucha, balki Yarnia ka sampoorn karyakram bhi barbaad ho gaya. Logo ki jaane chali gayi aur upar se humle me gharwalo ne bhi apni jaan gawa di.

Aur, ye sab kuchh hua — Naye saal ki lagne waali raat me. Naya saal unke liye khushiyaan nahi, balki barbaadiyaan leke aaya. To aise me Tej akhir kaise apne bhai se nazrein mila sakti thi?

Veer ke bagal se hi Arohi bhi thi. Honth thar-thara rahe the aur bechaari ka poora chehra aansuon se bheega hua tha.

Wo uski orr jhuki. Usne Veer ke kandhe par haath rakha-

Arohi : V-Veer!

Par, koi jawab nahi.

Bas — khamoshi.

Arohi ne uske haath ko apne haath me lete hue baandha aur ek baar fir se use jhunjhlaaya.

Arohi : V-Veeeer! *sniff*

Kintu, punah koi jawab nahi. Wo hila hi nahi. Ekdum sthir — bina koi palke jhapkaaye. Jaise samay sirf uske liye ruk gaya ho. Arohi ne ek baar aur koshish ki.

Arohi : Veeeeer! M-Mujhe aise darao mat, please. *sniff* Kuchh bolo. Veeeer?

Magar, abhi bhi koi pratikriya nahi.

---

Kuchh der pehle...

Yeh woh waqt tha jab Veer Juhi aur Pihu ko apne badan par laade Disembowler ki lair se baahar nikla tha.

Uski har saans fool rahi thi, drishti dhundhli pad rahi thi, lekin woh rukne ko taiyaar nahi tha.

Juhi uski chhaati se bandhi hui thi, uska kamzor shareer thakaan ke chalte neend me upar-neeche ho raha tha. To, wahi Pihu peechhe uski peeth par behosh thi.

Baah me bhayanak tez dard uthne ke bawajood Veer use thaam ke rakha hua tha — ekdum adig.

Pari ki awaaz tabhi uske dimaag me goonji.

[Master! Aapka haath. You need to rest right now. 'Limb Substitution' ki madad se kaafi hadd tak uss waqt haath position me aa gaya tha, lekin aapne-]

Pari shikayat kar rahi thi. Veer ka haath 'Limb Substitution' ke equip karte hi sahi dhang se position me aa chuka tha. Zaroorat thi toh bas kuchh dino ke araam ki, jiske chalte uska haath wapas se pehle ki tarah ho jaane waala tha.

Magar, usne kya kiya-!?

Disembowler se bhidte waqt, usne jhatke se liquid nitrogen ke cylinder ko kheencha tha, jiske parinam swaroop uska haath wapas se lachakte hue ukhad chuka tha.

Na keval dobara use jodne ke liye shareer ki urja ka istemal hua, balki haath ke ukhadte hi ek baar fir use bloodloss se guzarna pada.

Ab agar samay rehte haath ko araam nahi diya gaya, to ye samasya aur bhi gambheer mod le sakti thi. Aur, isliye Pari chintit thi. Kyunki, iss waqt bhi — Veer ka haath Pihu ko peechhe se thaame hue tha. Haath par zor pad raha tha.

Veer ne bamushqil hi koi pratikriya di. Uska dimag ek hi cheez par kendrit tha — kaise bhi karke dono bacchiyo ko surakshit unke apno tak pahuchaaya jaaye.

Woh waha se bhaaga. Pari ki baat par usne kuchh derr baad jawab diya.

'Yeah! I- I know, Pari. Lekin, mere paas rukne ka koi option nahi hai. I must move on.'

Sadke street lights aur aasmaan aatishbaziyo se jagmaga raha tha. Police ki jeeps sadko par daud rahi thi, adhikaari hatyaare aur laapata ladkiyon ki talaash me har kone, har gali ko chhaan rahe the.

Aur, unhi jeep me se ek jeep me — Trisha thi.

Uski aankhein sooji hui thi, dashboard ko pakde hue uske haath kaanp rahe the.

"Tez chalo!!!"

Usne driver ko aadesh diya, ghanto chillaane se uski ab awaaz bhi fatt rahi thi. Bahut lamba samay ho gaya tha. Bahut saare ghante guzar chuke the — koi suraag nahi, koi sanket nahi, koi ummeed nahi. Bebasi ka bojh ab use ghutan de raha tha, magar usne tootne se inkaar kar diya.

Woh iss tarah, iss samay nahi toot sakti thi. Apni beti ko dhundhne se pehle to hargiz nahi.

Rohan, uska pati bhi wahi kahi sadko par tha. Beti ki khoj me paagalo ki tarah sheher me bhaag raha tha. Parantu, ye sab vyarth jaane waala tha agar unhe unki beti na mili toh.

Fir, jeep ne ek mod liya.

Aur, koi waha par tha.

Sadak ke beech me ek akela shaks, khoon se lathpath. Uski shirt fati hui thi, chehra ghaavo aur khoon ke kaaran bamushqil se pehchaana jaa sakta tha.

Woh waha khada tha, haanf raha tha, kaanp raha tha — lekin, sirf wahi nahi tha.

Uske seene se kuchh bandha hua tha. Koi tha. Nahi! Sirf seene se hi nahi, peeth par bhi koi tha.

Trisha ke dil ki dhadkane maano wahi tham gayi.

"Rukooooo!" Veh chillaayi.

Jeep ghisatate hue achanak ruk gayi. Jaise hi usne darwaza khola, kaanpte haatho se usne turant bandook nikaali aur seedhe saamne khade shaks par nishaana saadh diya.

"Theher jao!"

Woh chillaayi. Uski awaaz teekhi thi, ghabrahat ke bawajood usne apne aap ko sthir rakha hua tha. Jeep ki headlights jaise hi uss shaks ke peechhe ladi nanhi si bacchi ke chehre par padi, to Trisha ki aankhein bhay ke maare fel gayi.

Pihu!

Uski aankhein khoon se saney uss shaks ke chehre par ghoomi aur fir apni bacchi par.

Kaun tha ye vyakti?

Aur, uski beti uski peeth par?

Upar se wo kahi se bhi dara hua nahi prateet ho raha tha.

Idhar, Veer ne Trisha ko dekh apni gati dheemi nahi ki, balki woh chalta raha — seedhe uski orr.

Trisha ki pakad trigger par mazboot ho gayi.

"Maine kaha ruk jao!"

Woh darr rahi thi. Kya yahi wo serial killer tha? Kya isi ne uski bacchi aur Juhi ko agwa kiya tha?

Kya kare woh? Kahi woh vyakti uski chetavni ka bura maan bacchiyo ko kuchh kar diya to? Kya use bandook neeche kar leni chahiye? Kya kare? Use kuchh nahi soojh raha tha.

Lekin, tabhi veh bola.

"Tumhari beti... Surakshit hai!"

'Huh?'

Uski awaaz halanki karkash thi, lekin usme koi darr nahi tha. Koi hich-kichaahat nahi. Keval nishchitata.

Trisha ki saansein atakne lagi. Uska dimaag kaam karna band kar raha tha.

Jaise hi Veer ne uske aur apne beech doori kam ki, jeep me baithe baaki police karmiyo ne turant hi qadam uthaaya, apne-apne hathyaar liye unn sabhi ne Veer par bandooke taan di. Unki ungliyaan bhi trigger par mandra rahi thi, thodi si bhi galat harqat par goliyaan chalaane ke liye ekdum taiyaar.

Lekin, Trisha abhi bhi Veer ko ghoor rahi thi. Usne apna haath ghabraate hue uthaaya.

"Nahiiiiii!"

Woh chillaayi aur usne sabhi police karmiyo ko goli chalaane se rok diya.

Woh nahi jaanti thi ki usne aisa kyu kiya. Kya ye darr tha? Ya fir kuchh aur? Lekin, use itna zaroor samajh aaya ki bandook ko iss shaks par taanana iss sthiti ka hal nahi tha.

Veer ahista-ahista uske paas aaya. Aur, fir apne badan par gathaan bandhi, khoon se sani chaadar ko usne dheere se khola.

Pihu.

Uske nanhe se chehre par shaanti ke bhaav the. Na koi chot, na koi ghaav. Ekdum achhoot.

Trisha ki bandook uske kaanpte haatho se chhoot kar fisal gayi. Woh dhadalle se bina koi parvah kiye aage badhi-

"Madam!!!"

Police karmiyo ne use savdhan karne ki koshish ki, parantu Trisha ko apni bacchi ke siwa aur koi nazar na aaya.

Usne Pihu ko apne dono haatho me lete hue sambhaala aur apne seene se lagaaya aur apni beti ko galey se lagaate hi uski rulaayi chhoot gayi.

"Woh sirf behosh hai. Thaki hui hai. Aur, kuchh nahi. Use kuchh derr me hosh aa jaayega." Veer ne samjhaate hue kaha.

Trisha bilakhte hue apni beti ke chehre ko bas choomti chali gayi. Use saans bhi badi mushqil se aa rahi thi. Uski ungliyaan Pihu ke komal chehre par daud gayi.

Veer, jiska kaam abhi bhi aadha-adhoora tha, thoda sa Trisha se alag hua. Woh waha se nikalne ke liye hua.

"Ab mujhe Juhi ko ma'am ke paas le jaana hoga. Aur, tum..."

"Huh?" Trisha use hairat me dekhi.

"Jaldi! Shamshaan ke neeche. Akele nahi. Poori force leke jao. Jaldi! Warna woh- *huff*"

"K-Kya?" Trisha ne sarr uthaate hue use aashcharya me ghoora.

"Samay kam hai. J-Jaldi- *huff* Iske pehle ki derr ho jaaye."

Uske perr mushqil se seedhe khade ho paa rahe the. Woh jaanta tha ki Disembowler buri tarah ghaayal tha. Police ki full force use takedown kar sakti thi. SHB ka raaz khul paana bhi lagbhag namumkin tha kyunki, woh hawa ke sampark me aate hi oxidise ho jaata tha.

Aur to aur, police ko Disembowler jaise serial killer aur uske kaale karnaamo se avgat karaana bhi zaroori tha. Yahi soch ke usne ye nirnay liya.

Trisha kuchh soch-samajh nahi paa rahi thi. Lekin, uski sahej pravatti Veer ki baat maanane ke liye chillaa rahi thi.

Wahi iss orr, Veer ne apna muh fera. Usne Juhi ko kass kar pakda aur ek qadam aage badha jab-

"R-Ruko! K-Kaun ho tum? Kaha jaa rahe ho? Mein tumhe yaha se kahi nahi jaane dungi."

Veer ne koi jawab nahi diya.

Trisha ne dekha ki Veer ke harr qadam me thakavat thi, blood loss use har pal kamzor kar raha tha. Magar, iske bawajood — woh aage badhne ke liye tatpar tha.

"Nidhi ma'am... Juhi ko unke paas pahuchaana hoga."

'Nidhi' ka naam uske muh se sunte hi Trisha chaunk uthi. Aur, kuchh ghante pehle ki kuchh baatein use yaad aa gayi. Gift shop par Nidhi ke sang uski pehli mulaqat aur wo baatein—

'Meri beti ki dost ka janmdin hai. Aur, aapka-!?'

'Mere bhi... Mere student ne naya business shuru kiya hai. Uske launch ke liye event rakha hai.'

"T-Tum..." Trisha bhauchakki apna muh khole avaak Veer ko ghoori.

Yeh ladka.

Veer ke ek aur qadam aage lete hi police karmiyo ne uska raasta rok liya.

"Wahi ruk jao!" Unme se ek ne aadesh diya.

Veer ne mushqil se unn par koi nazar daali. Uska shareer bhalayi iss samay kamzor tha, lekin uska sankalp atal tha. Wo ab kisi bhi haalat me nahi ruk sakta tha.

Iske pehle ki police waale kuchh kar paate, Trisha ki awaaz ne unhe hairangi me daal diya.

"Jaane do use!" Woh ahista se boli.

Ve sab chaunkte hue uski orr mude.

"M-Madam?" Unme se ek hich-kichaaya. "M-Madam, aap ye kya keh rahi hai? Hum iss anjaan ko aise kaise jaane de sakte hai? Hum ise bilkul bhi-"

"Maine kaha na use jaane do!!!" Usne iss baar aur bhi dridhta se dohraaya.

Police karmiyo me sankoch bana raha, lekin Trisha apne nirnay par dagmagayi nahi.

Dheere-dheere wo sabhi ek taraf hatt gaye.

Agar, koi Nidhi ko jaanta tha, bacchiyo ko apne shareer par laad kar unhe bina chotil hue wapas leke aaya tha, to isme koi shaq nahi tha ki woh insaan koi serial killer nahi, balki ek shubhchintak tha.

Veer Trisha ke bagal se nikalte hue aage badha. Trisha ne ek akhiri sawaal uss se poochha—

"Kaun ho tum?"

Veer iss baar ruka. Woh peechhe muda. Uski nazar Trisha par tiki.

Ek pal ki khamoshi.

Aur, fir usne jawaab diya-

"Veer Singh!!!"

Trisha ke badan me sihran daud gayi. Veer bas itna bol, waha se chal diya.

Yeh naam. Inn beetein dino me woh iss naam se bhali bhaanti parichit thi. Yahi toh woh naam tha. Yahi wo insaan tha jiski use talaash thi. Wo aadmi jiske peechhe wo na jaane kab se padi hui thi.

Lekin, kabhi uss tak thos saboot ke saath pahuch na saki.

Aur, aaj wahi insaan-

Uski beti ko bacha ke uske paas laaya tha. Dimaag sawaalo ke bawandar me fassta jaa raha tha. Lekin, usne khud ko iss bawandar se baahar nikaala.

Abhi jo maayne rakhta tha — wo tha uski beti ka surakshit hona.

Usne apne mann me chal rahe toofan ko door karte hue, apna radio uthaaya.

"Rohan!!!"

Aur, bas... Wo punah toot ke reh gayi. Uss orr se Rohan ki bhi raahat ki saans lene ki awaaz use sunaayi di. Upar waale ko dhanyavad dete hue usne gaadi Trisha ke ilaake ki orr ghuma di.

Aur, aise hi Veer Pihu ko surakshit haatho me pahuchaate hue Nidhi ke paas pahucha tha.

Yahi woh waqt bhi tha jab Renshu aur Erica Disembowler ki lair me jaa kar, chhaan-been kar ke waha se nikal chuke the. Aur, unke nikalte hi police force ne poore shamshan ko under surveillance rakh liya tha.

Yahi woh waqt tha jab Renshu ne Erica ko ishaara kiya, Erica Veer ko Nidhi ke kamre se apne kandho par utha kar leke aayi. Wahi thi, jisne Nidhi aur Shreya dono ko neutralise kiya tha.

Renshu ne fir behosh Veer ko apne kandhe par uthaaya aur seedha Garofano ke paas le gaya.

Use car me hi Ava ke bagal se litaate hue usne Garofano ki orr dekha.

Behosh Veer aur Ava dono ek dusre ke bagal se laite hue the. Behoshi me bhi dono ke haath ek dusre se lage hue the.

Ek pal ke liye Garofano ki bauhe sikudi. Usne kuchh sochte hue Veer ka haath Ava ke haath se dur kar diya aur uske ghaavo ka ilaaj karne me jutt gayi.

Na sirf usne Veer ko apna ek vitality serum aur antiserum diya, balki uske ghaavo ka ilaaj kar uske haatho ko chains se azaad bhi kar diya.

Renshu, Erica aur Garofano, fir Veer ko leke hospital pahuche jaha parivar jann Veer ko iss awastha me dekh hakke-bakke reh gaye the.

Aur, fir Veer ka hosh aana aur use Manorath ki mrityu ki khabar ka praapt hona. Yahi sab toh hua tha.

Uske baad Garofano hospital se seedhe wapas car par pahuchi jaha Ava pehle se hi hosh me baithi hui thi.

Garofano : You are awake!

Ava : ...

Garofano : !!? Kuchh nahi kehna?

Ava : V-Veer! K-Kaha hai woh?

Garofano (smiles) : Kuchh derr pehle tumhare bagal se hi tha.

Ava : K-Kyaaaaa??

Wo hadbadaate hue idhar-udhar dekhi.

Ava : K-Kaha? Kaha hai woh? No! Wait!

Agle hi pal jaise use khud hi Veer ki location 'Death Flag' ke zariye maalum pad gayi.

Ava (mutters) : H-Hospital!

Garofano : Hmm! Uske dada ji nahi rahe. The other lady... What was her name again? Ragini! Hmm! Wo out of danger hai, lekin ab chal nahi sakti.

Ava ka sarr ye sunte hi neeche jhuk gaya. Usne apne dono perr mod apna chehra ghutno ke peechhe chhupa liya. Woh apne aap ko dosh de rahi thi. Use ek zimmedari di gayi thi. Aur, woh bhi wo theek se nahi nibha paayi.

Garofano (glances) : You don't have to feel bad about it. Although, mein waha nahi thi, aur mujhe nahi pata exactly kya hua tha lekin-

Ava : ???

Garofano : Erica ne sab kuchh bata diya hai. You took a bullet for someone else. Aur, agar tum nahi hoti- there was no way that girl would have survived that shot.

Ava : M-Mein- *sniff*

Garofano ne aage kuchh na kaha. Kuchh derr baad Ava ne uss se sawaal kiya.

Ava : Tumne aisa kyu kaha tha?

Garofano : Hmm? Kya?

Ava : Yahi ki... You are hiding your cards. Just like him.

Garofano : Woh? *smiles* Well, kya ye sach nahi? Tum apne cards chhipaaye hue ho. Just like him. Usne bhi mujhe apne saare cards ke baare me nahi bataaya. Hey! Now, I feel really bad you know.

Ava : ??

Garofano : Mein akeli hi hu jisne apne saare cards ke baare me tum sabko bataya hua hai. Aur, tum sab ho ki-

Ava : I don't feel the need to tell you.

Garofano : Wow! So, much for the help, right?

Ava : Kisi na kisi din mein ye favor chuka dungi. Cards ki details share karne ki koi zaroorat nahi mujhe.

Garofano : Chill, pretty girl. So cold, damn! *sighs* To kya mein wo favor abhi maang sakti hu?

Ava : Huh?

Garofano : Bolo?

Ava (nods) : Ask!

Garofano (grins) : Apne aap ko Veer se door kar do!

Ava (yells) : KABHI BHI NAHIIIIII-!!!

Wo itni zorr se chillaayi ki Garofano khud aashcharya me reh gayi. Ava ke gaal agle hi pal fir gulaabi ho chale. Aur, Garofano ke hontho par ek muskaan bikhar gayi. Woh bina kuchh kahe, waha se nikal gayi par jaate-jaate uske shabd Ava ke kaano tak pahuchne se na choonke.

"Tumhare favor chukaane ka intezar rahega, mujhe."

Kehte hue wo waha se chali gayi aur Ava pichhli ghatit vardaato ke baare me soch-vichaar kar leen ho gayi.

---

Veer's old house...

Antim sanskar ki taiyaari shuru ho chuki thi. Ghar ki mahilaaye, bagal se khadi ho kar sab dekh rahi thi. Aankhein laal thi aur sarr dhake hue.

Purush shaiyaa ki samagri ka prabandhan karne me lage hue the. Bhaar sirf Manorath ji ke shareer ka nahi uthaana tha, uske saath unki yaadon ka bhi bhaar juda hua tha.

Shaiyaa ko taiyaar karne ke liye baans ki lakdiyaan, rassiyaan aur safed kapda aa chuka tha.

Karunesh, Vivek aur Brijesh mil kar lakdiyaan baandhne ka kaam kar rahe the.

Ghar ke ird-gird aas-pados ki bheed-bhaad bhi jama ho chuki thi. Log aapas me charcha kar rahe the.

"Kaise? Ghatna kaise hui ye?"

"News me aaya to raha. Humla ho gaya na."

"Haan? Kaha?"

"Wai apna... Prestige hotel. Bahut bada humla tha."

"To humle me maare gaye?"

"Haan! Abhi poora clear nahi pata chala hai, par baaki log to yahi bata rahe ki humle me jaan chali gayi."

"Accha! Tch! Tch! Tch! Bechaare buzurg hoke aisi ghatna ka shikaar ho gaye."

"Kya kar sakte hai ab."

Veer Manorath ji ke perr ke paas hi baitha hua tha. Peeth jhuki, haath ghutno par tike hue, aur aankhein khaali.

Kavya aur Arohi use awaaz deti rahi, magar usne ek baar bhi nahi suna. Shyaam ne jab use paani ka glass diya tab bhi usne apni palkein tak nahi jhapkayi.

Uski nazrein sirf apne dada ji ke chehre par tiki hui thi. Aur, jaise hi Manorath ji ke shareer ko farsh se uthaaya gaya, Veer ki tandra bhang ho gayi.

'Huh?'

Usne mud ke dekha. Ek baar palak jhapki. Fir, dobaara.

Qadmo ki chehel-pehel, shorgul, sab kuchh ek saath uss par toot pada. Wo bina kuchh samjhe khada hua, dheere-dheere uske perr dada ji ke shav ki disha ki orr badhne lage.

Manorath ji ke shav ko baahar laa kar rakh diya gaya tha.

Rassi baandhte hue Brijesh ne sarr upar kar Veer ko dekha. Uske haath me bhi rassi thi.

Wo baans ke dhaanche ko aise dekh raha tha jaise maano wo koi suljhaane waali paheli ho. Kabhi uski nazrein apne haath me li hui rassi par tikti to kabhi baans ke dhaanche par.

Jeevan me pehli baar wo apne kisi qareebi ki maut me iss tarah se shaamil ho raha tha. Inn reeti-rivaaz me itna sammilit hone ka avsar use pehle kabhi praapt nahi hua tha.

Ek khamoshi kuchh derr chhaayi rahi.

Fir, aaj saalo me pehli baar-

"Ise iss tarah se baandho, Veer. Meri tarah...!"

Brijesh ne Veer se kaha. Awaaz naram thi. Na hi aagya se bhari hui aur na hi katu. Ekdum — vinamra.

Veer ne use dekha. Wo chup-chaap neeche baitha, apne pita ko dekhte hue usne rassi ko baandhna seekha, aur baans ki lakdiyo me wo rassi ki gathaane lagaane laga.

Ek pal ke liye — saara gussa, saare gile-shikve, sab kuchh ek taraf ho gaya. Dono baap-bete ke haath shaiyaa banaane me chal rahe the. Karunesh aur Vivek ne jab ye dekha to dono hi ahista se unn dono ke beech se alag ho gaye.

Ek ke baad ek gaanth.
Ek ke baad ek saans.
Saath-saath.

Kuchh door khadi, Bhavna ne jab yeh dekha to usne apne haath se apne muh ko dhak liya. Bagal se khadi, Purvi ne uske kandhe ko thaama.

Brijesh ko tabhi, apne pita ji ke akhir bol yaad aa gaye.

Wo Yarnia ke udhghatan me nahi gaya tha. Parantu, jab TV par samachar se use khabar lagi. Uske perr apne aap chal pade.

Use wo drishya yaad aaya. Wo pal jab uske pita ji use Hotel Prestige me chalne ke liye anurodh kar rahe the. Use nahi pata tha ki wo uska apne pita ke saath akhiri sanvaad hone waala tha —

---

"Toh tum nahi chaloge??"

"Jab mujhe bulaya hi nahi gaya toh bhala mein kaise jaa sakta hu, papa ji?"

"Murkh ho kya tum? Veer ne ek nyota bheja hai. Kya itni bhi samajh nahi tumhe ki ye sabke liye hai?"

"Aapko Veer ka phone aaya tha?"

"Haan!"

"Sumitra ko bhi aaya tha. Usne bataya mujhe. Lekin, mujhe nahi! Iska kya matlab hua? Kya aap samjhe nahi? Ya aap samajhna nahi chaahte?"

"Tum paagal ho sach me, Brijesh! Tumne jo kuchh bhi kiya hai uske baad bhala woh kaise tumse aake upat ke baat kar sakta hai? Jaise tum hich-kicha rahe ho waise hi toh woh bhi hich-kicha raha hoga na?"

"Kya waqai, papa ji? Mujhe nahi lagta! Balki, mujhe waha na paa kar use khushi hi hogi."

"Tum bawle ho gaye ho, Brijesh! Beta hai tumhara! Aur, tum baap ho uske. Ek baap apne bete ke sukh me uske nyota dene ka intezar nahi karta."

"Ye uss baap ke liye hai jo dukh me bhi apne bete ke saath khada rahe, jo mein nibha na saka. Mujhe waha paa ke sab uncomfortable ho jayenge. Rehne dijiye! Aap bhuliye mat ki Shweta aur... Bhavna bhi waha hongi. Aapke liye kehna asaan hai. Par, mere liye waha jaana itna asaan nahi."

"Tumhari dikkat kya hai tumhe pata hai Brijesh? Tum log kya sochenge iss baare me zyada sochte ho aur iss baare me kam ki kya karna chahiye. Arey bhai ye toh zahir si baat hai ki tumhare waha hone se baatein pehle ki tarah nahi hongi. Par, kya Veer ko iss se farq padega?"

"???"

"Nahi! Maayne ye rakhega ki uska baap jisne use ghar se baahar nikaal diya tha, aaj woh waha uske saamne uske liye khada hai."

"Nahi! Nahi papa ji! Ye toh wahi baat ho gayi ki sukh me sab kaam aate hai par dukh me-? Koi nahi! Mein ab maafi ke laayak nahi papa ji! Ab bahut bigaad liya maine apna aur baakiyo ka jeevan. Ab aur nahi-!"

"Tumne sahi kaha. Tum maafi ke laayak nahi! Lekin, maafi ke laayak koi bhi nahi hota, Brijesh!"

"???"

"Maafi ke laayak koi nahi hota. Use ye kamaana padta hai. Uss laayak banana padta hai ki vyakti aap ko maaf kar sake. Aur, tumhara waha pahuchna maafi maangne ka pehla qadam hoga."

"N-Nahi, papa ji! M-Mein-"

"Tum iss liye nahi jaana chaahte kyunki tumhe lagta hai ki woh log kya sochenge? Tum unse aankh se aankh milaane par ghabra rahe ho. Par, yahi toh pehla padaav hai, Brijesh. Chalo! Ghabrao nahi! Ek baar samay haath se nikal gaya toh dobaara nahi aata."

"Papa ji, samajhiye baat ko-"

"Tumhe pata hai? Kabhi-kabhi ek baap apne bacche ko jo sabse bada tohfa de sakta hai woh kya hai? Woh hai uski - maujoodgi! Agar, Veer ka phone nahi aaya toh kya hua? Woh toh chhota hai, par tum toh bade ho na? Pehel toh tumhe hi karni hogi na? Bhale hi tumhe kaisa bhi mehsoos ho par chalo, kyunki iss sthiti me andar se har baccha yahi chaahega ki uske pita saamne aaye. Veer bhi-!"

"M-Mein... Mein sochunga, Papa ji! Par, aaj mujhe apni mann-maani kar lene dijiye! Jaiye aap! Samay ho raha hai!"

Manorath ke lakh manaane par bhi jab Brijesh na maana toh woh narazgi me waha se jaane lage. Unke qadam darwaze ki dehleez par aake ruke.

"Meri seekh yaad rakhna Brijesh! Samay ek baar haath se nikal gaya, toh dobaara nahi aata."

Aur, woh waha se nikal gaye.

---

Akhiri lapte ek ajeeb si shaanti ke saath naach rahi thi — dheemi, aur bhasm karne waali.

Veer jalti hui chita se kuchh hi feet door khada hua tha. Manorath ji ka shav agni me sama chuka tha. Hawa ne rukh badla aur dhue ko ek taraf uda diya, apne saath na keval raakh, balki unki kahaniyaan, gyaan, aur uss vyakti ki antim garmjoshi bhi le gaya jisne kabhi Veer ko uska ekmaatra surakshit aashray diya tha.

Uski mutthiyaan bandhi rahi. Saansein kamzor. Aur, aankhein — bina moonde ek jagah sthir.

Mann shaant tha. Bahut derr tak. Jab tak ki-

[Master...]

Pari ki awaaz na goonj gayi.

Kintu, koi pratikriya nahi.

Uski aankhein abhi bhi aag ki lapto par tiki hui thi, maano jaise uske sawaalo ka jawaab ye laptein hi dene waali thi.

Lekin, Pari kahi nahi gayi.

[Master... I'm here.]

Veh jhijhki. Fir, aage boli. Uski awaaz dheemi thi, ek asamaanya komalta se bhari hui. Aur, fir kuchh sochte hue usne-

*Ding*

['Mission : A Knight's Stand' failed.]

System ki window ne Veer ki chetna me roop liya. Usme se aani waali neeli raushni tim-tima rahi thi. Iss baar, Veer ne dhyaan diya.

*Ding*

[The host was not able to get rid of the Disembowler.]

[The host did succeed in rescuing Juhi and Pihu.]

[The host also succeeded in keeping the experiment’s secret a secret from the general public.]

[The host will not be penalized for the secret being publicized.]

[The host will not be placed under police surveillance.]

[The mission failed because not all the conditions were fulfilled.]

[Mission failure penalty applied.]

[Penalty : Loss of loved ones.]

[Rewards have been granted.]

*Ding*

[You have been rewarded 20,000 Points.]

[You have been rewarded 5000 Fame Points.]

[Since the mission wasn’t completed, Perk Hunt will not be activated. Hence, no perks can be selected.]

Khamoshi.

Veer ne unn notifications ko suna. Magar, uska dhyaan abhi bhi kahi aur hi tha.

Usne ek gehri saans li. Aur, fir-

'M-Maine unhe kho diya, Pari. Mein unhe bacha nahi saka. Mere karan wo-'

Wo ek qadam aage badha. Aankhein ekdum laal.

'Maine maut ko dekha hai. Mere inn haatho ne logo ko maut bhi di hai. P-Par, kabhi bhi... kabhi bhi maine iss tarah mehsoos nahi kiya. Ye mujhe andar se jala raha hai, Pari.'

[...]

'Wo sirf mere dada ji nahi the. Wo mera ghar the. Uss puraane ghar se agar koi mujhe jod ke rakhe hue tha to woh wahi the... W-Wahi...!'

Uski mutthiyaan dheeli pad gayi.

'I was too late, Pari. Too weak. Too distracted. Aur, ab mere paas kuchh bacha hai toh woh hai — ye dhua, ye raakh, aur ye... glaani. Asahaneeya glaani.'

'Agar, mein aur taqatvar hota, hoshiyar hota, toh shayad mein-'

[Maaasterrrr, Nooooo-!]

'???'

[Master! Aapne wo kiya jo aur koi nahi kar sakta tha. Aapne uss Disembowler se do bacchiyon ki jaan bachaayi. Aapne SHB ke rehesya ko duniyaa ke saamne aane se roka.]

'M-Mein-'

[Aap unprepared the. Aap uski territory me the. Aur, fir bhi aapne haar nahi maani. Kya aapko lagta hai aap kamzor ho???]

Uski awaaz kaanp uthi. Aur, fir-

Dusri baar. Veer ko apne mann me wahi anubhooti mehsoos hui.

Aansu. Lekin, uske nahi. Pari ke.

'Pari, tum-'

Pari ki chetna se uski chetna me ek udaasi ki jhalak.

[Aap bhool kyu jaate ho ki mein wo sab kuchh mehsoos kar sakti hu jo aap karte ho. *sniff* Aapki har dhadkan... Mujhe goonjti hui sunaayi deti hai. Har aansu jo aap girne nahi dete... Unhe mein andar se mehsoos karti hu.]

'!!?'

[You didn't fail him, Master. You carried his name through fire. Through war. Through hell.]

'Pari!'

[Aur, ab bhi aap mazbooti se khade hue ho. Tab bhi jab aap andar se toot rahe ho. They can't see it. But I can. I can feel it.]

Veer wahi chita ke paas dhool bhari zameen par apne ghutno ke bal gir pada.

*Sniff*

Usne apni chhaati ko kass ke jakda. Dard se nahi, balki apne andar bachi hui cheezon ko sambhaalne ki ek betaab koshish me.

Usne ghutate hue kaha,

'P-Par, unhone mujhpe vishvas kiya tha, Pari. Kitne bharose se wo aaye honge aur unke saath- Ek akhiri baar mein unhe dekh tak na saka. I-'

[Aap humesha unke pasandeeda rahoge, Master. Humesha.]

Ek lambi khamoshi chhaa gayi. Veer ke aansu akhirkar gir pade.

'Itna dard kyu ho raha hai, Pari? *sniff*'

[Kyunki, aap unse itna pyaar karte the jitna aap khud nahi jaante the, Master.]

'!!!'

[And love, Master… is the only thing in this world more powerful than death.]

Woh muda. Uske peechhe ki aag ek antim baar bhadak uthi aur fir dheere-dheere feeki padne lagi.

Aur, aaj mann ki gehraayi me, jaha aam taur par notifications aur pari ke bol goonjte rehte the, ek durlabh tarah ki khamoshi chhaa gayi — khaalipann se nahi, balki do chetnao se, jo ek saath shok mana rahi thi.

***

Antim sanskar samapt hua hi tha, aag abhi bujh hi rahi thi, jab-

Baahar ek alag tarah ki aag ne apna janm le liya.

Veer, apne parivar sang jaise hi mukti dham se baahar nikla, toh uska swagat khamoshi se nahi, balki shor se hua.

Ek toofan.

Cameras chamak uthe. Microphones kinhi bhaale ki tarah aage badhe. Awaazein — unme se hazaaron — jwaar ki leher ki tarah aake uske kaano me takraayi.

"Mister, Veer Singh! Kya Hotel Prestige ki tragedy aapki zimmedari thi?"

"Humle ke dauran aap kaha the? Aapko kahi dekha hi nahi gaya."

"Aapki nigraani me bekasoor security guards maare gaye. Iska dosh kis par hai?"

"Kya aap ye soch rahe hai kya ki fame hone se aap inn sab se bach sakte hai?"

"Kya aap aaj raat so bhi paayenge? Ye jaante hue ki aapki sampatti ki suraksha karte hue nirdosh log maare gaye?"

"Jawab dijiye, Mister Veer!"

"Tune mere bhai ko maar daala, haram khor!! Mein tujhe chhorunga nahi!"

"Khooni!! Khooni ho tum!"

"Tumhare hotel ne mere pita ji ko zinda kha liya."

"Kya hoga humaara?"

Mratak security guards ke parivar ke kuchh sadasya bhi journalists ki bheed me ghus gaye. Wo barricades ko dukh, gusse aur aakrosh me paar kar gaye.

Unme se ek Veer par lagbhag jhapatne hi waala tha, lekin kuchh dayaalu ajnabiyon ne use rok liya.

Veer wahi khada raha. Uska shareer jamm sa gaya. Isliye, nahi ki woh darr gaya tha, balki isliye kyunki Hotel Prestige ka samachar ab vistaar se use sunane mil raha tha.

Wo jaanta tha humla hua tha. Hospital me hosh aane ke baad, Arohi ne use zaroori khabar de di thi. Yahi ki Hotel Prestige me humla hua tha. Golibaari. Jisme uske dada ji chal base.

Manorath ji ki maut bloodloss aur pain se hi hui thi. Sniper ki bullet koi aam bullet nahi hoti thi. Aur, na hi sniper koi aam bandook thi.

Manorath ji ke kandhe par bullet lagi thi. Jab tak ve hospital pahuche, unka ilaaj shuru hua, tab tak unhone dum tod diya tha.

Veer yeh jaanta tha. Magar, ye sab kya tha? Security guards ki jaan jaana? Arohi ne uske bhale ke liye poori sachaayi nahi bataayi thi.

Uski aankhein chaudi ho gayi. Glaani, sadma, aur kuchh agyaat anubhutiyaan uske andar toofan ki tarah ghoomne lagi.

Aur, fir-

Bheed ke beech se.

"VEEEEEEER!!!"

Ek awaaz. Ek cheenkh. Ek pukaar — iss araajakta ko cheerti hui.

Tej. Wo aayi.

Uske baal bikhre hue the. Chehra aasuon se bheega hua tha. Bheed uske liye alag nahi hui — lekin, usne sangharsh kar ke apna raasta banaaya.

Logo ki kohniyaan use lagi, dhakke lage, cameras use lage, woh lagbhag girte-girte bachi, lekin ruki nahi.

Wo bhaagi. Tezi se. Jaise uska dil fatne ko aa gaya ho-

Aur, tamaam bheed ko alag karte hue wo uske paas pahuchi. Waha khadi ho gayi — Veer aur saari duniyaa ke madhya.

Wo haanf rahi thi. Uske baal, paseene se geele ho chuke uske gaalo se chipke hue the.

Tej (screams) : BAS KAROOOOO!!!!

Shor kam ho gaya. Awaazein shaant pad gayi.

Tej ne mud kar media ka saamne kiya, uske kandhe kaanp rahe the, lekin uski awaaz bheed ke shor se bhi zyada tez thi.

Tej : Aap logo ko jawaab chaahiye na??? Mein dungi jawaab! Kyunki, hotel prestige ko sambhaalne waale Mister Veer nahi. Mein thi.

Ek virham. Ek sannaata sa chhaa gaya.

Tej (shaking but firm) : Mein Tejal Singh. Mister Veer Singh ki badi behan. Mein hi in charge thi. Mein hi thi jo new year eve ko sambhaal rahi thi.

Journalists : !!?

Tej : Aur, mein... Mein hu doshi. Haan, mein galat hu. Maine khatre par dhyaan nahi diya. Mein galat hu jo guests par dhyaan de rahi thi aur hazar saalo me kabhi ye khayal mujhe nahi aane waala tha ki koi sarfira uss waqt humari hotel ke andar bomb fek sakta hai.

Journalists : *mutters*

Tej (eyes flaring) : Haan, mein galat hu. Par, kya aap me se kisi ko aisi ummeed ho sakti thi? Kya aapko ummeed thi ki celebration ki raat me bandook liye naqab-posh gunde logo par goliyaan barsaane lagenge?

Kisi ne jawaab nahi diya. Microphones dheere-dheere neeche ho gaye. Kuchh cameras bhi neeche jhuk gaye.

Tej : Mein ise rok nahi saki. Mein iska anumaan bhi nahi laga saki...! Lekin, mein ise jitna ho sakta hai, utna theek karne ki koshish karungi. Har parivar jisne kisi ko khoya hai, mein unse milungi. Jo kuchh bhi bann padega, wo mein karungi. Wo sab humari hotel ke sadasya the.

Door khadi, Bhumika ki aankhon me ye sab dekh aansu umad aaye. Hotel uski thi. Magar, kavach bann ke Tej unhe inn sab se bacha rahi thi.

'T-Tejal, tum-!!'

Ho na ho, aaj Bhumika ke mann se Tejal ko leke saare berr samapt ho chuke the.

Tej : Madad, chaahe aarthik ho, ya kaisi bhi. Mein sab karungi. Guzre hue logo ko waapas nahi laaya jaa sakta. M-Mein jaanti hu ki ye sab ek jaan ke badle kisi kaam ke nahi-! M-Magar, fir bhi-! Mein har wo koshish karungi, jo cheezein theek kar sakti hai.

Journalists : *nods*

Tej : But don't you dare... DON'T YOU DARE come after him.

Wo ek pal ke liye mudi. Veer ko dekhi, ko aashcharya me use hi ghoor raha tha. Aur, fir waapas bheed ka saamna karne me lag gayi.

Tej : Usne bhi aaj kisi ko khoya hai. Maine bhi. Humaare poore parivar ne. Aap sab akele nahi ho. Humaare parivaar ka kya? H-Humaare nuksaan ki bharpaayi kaun karega? *sniff* Huh? Jawaab do!!!

*Silence*

Tej : Sirf, isliye ki mera bhai chup hai, use kamzor samajhna aur kisi dushman ki tarah treat karna band karo! *sniff* Sirf, isliye ki wo famous hai. Sirf isliye ki wo umr me adhiktar logo se chhota hai. Aur, sirf isliye kyunki aap sab mann marzi muh chala sakte ho...! BAND KAR DO!!

*Silence*

Veer ka haath utha. Aur, dheere se usne apna haath — kaanpte hue — Tej ke kandhe par rakh diya.

Woh chaunki. Fir, palti.

Unki aankhein mili.

Koi shabd nahi.

Sirf wo bandhan. Unke beech ka — ankaha aur achal.

Veer (mutters) : Thank you! Teju di!

Aur, wo bechaari toot gayi. Uske gaalo se aasu behte hue girne lage, magar honth muskura uthe.

Uss ek pal, Veer ko ehsaas ho gaya ki-

Yeh... Yeh ek badi behan thi.

Sansaar agar talwaar liye tha to woh kavach thi.

Khud ki awaaz na ho to woh uski awaaz thi.

Doobta hua toofan me ho to woh uska kinaara thi.

Aur, girte hue ko ek haath ka sahaara.

Veer ne apni ungliyaan Tej ki ungliyon me ird-gird lapeti. Use kass kar pakda. Aur, fir use door le jaane laga. Bheed, shor aur sawaalo se door.

Ek bhai. Ek behan. Ek dard. Ek vaada.

Tej ne na sirf fir saari vardaat ka vishleshan diya, balki apni chintaaye aur aane waale jokhim ke baare me bhi vyakt kiya.

Jiski wajah se, Veer ko ek aur shaks ka dhyaan aaya. Akhir, wo use akela chhor ke kaise aa sakta tha?

***

Baahar sheher abhi bhi araajakta me tha. Lekin, Veer ki manzil filhal ek hi thi — hospital.

Tej ke bataane par wo ek shabd bhi nahi bola. Bas, mukti dham se car uthaata hua seedhe yaha chala aaya.

Kaise naye saal ka jashn narsanhaar me badal gaya.

Kaise naqab-posh bandook-dhaariyo ne Hotel Prestige me pravesh kiya.

Kaise ek sniper ki goli, jo darasal Kavya ke liye thi — Ragini ko jaa kar lagi.

Veer ki saans ukhdi-ukhdi aa rahi thi. Woh bas bhaagta raha. Bheed ke beech se. Dukh ke beech se. Pagalpann ke beech se.

Uske joote farsh par shor macha rahe the, pattiyaan uski pasliyon par dabi hui thi, jo abhi bhi khoon se sani hui thi.

"Ragini...!"

Wo ICU me daakhil hua. Nurses ko dhakka dete hue aage badha — jab tak ki ek doctor ne use rok na diya.

Doctor : Sir! Rukiye, ek minute. Ragini ji abhi-abhi surgery se baahar aayi hai. Aur, hum unhe jald hi shift bhi kar denge. Tab tak ke liye please aap baahar hi rahiye.

Veer : R-Ragini...!

Veer ki haalat dekh, doctor haami bhar aage aaya.

Doctor : Dekhiye! Woh theek hai. Gambheer khatre se woh baahar hai, lekin-

Veer : !!?

Lekin, kya? Veer jaanta tha. Magar, dobara sunana nahi chaahta tha.

Usne Ragini ko dekha. Wo wahi laiti hui thi. Haatho me alag-alag naliyaan lagi hui thi. Ek perr thoda upar utha hua tha aur jatil surgical braces se bandha hua tha.

Uski saansein kamzor thi, lekin wo jeevit thi. Yahi! Uske paas.

Veer uske nazdeek aaya. Har qadam pehle se adhik bhaari. Uska haath bistar ki steel ki railing ko chhua aur Ragini ke chehre ko dekha.

Uske honth sookhe hue the. Maathe par halki si jhurriyaan jo shikan ko darsha rahi thi.

Doctor chalte hue Veer ke paas aaya.

Doctor : Mujhe sab pata chala. Dekhiye, mein jaanta hu ye kaafi mushqil hai. Par, aap sabko ye hazam karna padega.

Veer ne doctor ko na dekha. Wo bas Ragini ko dekhta raha.

Doctor : Ragini ji ko sniper round se nikli high velocity bullet ne chotil kiya tha. Goli ne femur ko chaknachoor kar diya aur tibial nerve bhi damage ho chuki hai. Aap samajh rahe hai na?

Veer : ???

Doctor : Humne femur ko reconstruct karne ke liye rods aur bone grafts ka istemal kiya hai. Lekin, nerve damage irreversible hai.

Veer : M-Matlab...

Doctor : Matlab, ye ki- unka perr to theek hai, lekin wo firse nahi chal payengi. Kam se kam, pehle ki tarah to nahi.

*Silence*

Doctor (continuing) : Intensive rehab ke chalte unhe thodi mobility mil sakti hai. Lekin, neuromuscular ka jo ek coordination hota hai, woh jaa chuka hai. Brain se signals nichle ang tak pehle ki tarah nahi pahuchenge.

Veer : ...

Doctor : Dekhiye, humne wo sab kiya jo hum kar sakte the. Fracture ko stabilise kiya, nerve pressure ko decompress kiya, haemorrhage ko roka. Par, aghaat bahut gehra tha, Mister Veer. Bahut sateek. Isliye- *sighs* Anyways, this is the best outcome.

Shabd Veer ke dimaag me mandraane lage. Laga jaise woh abhi yahi ladkhada ke gir jayega.

Ragini pehle jaise nahi chal paayegi. Kabhi bhi nahi.

Doctor to chala gaya, magar Veer wahi ghutno ke bal Ragini ke bagal se baith gaya. Uska haath ahista se aage badha.

Komalta se usne Ragini ke baalon ka ek dheela latka hua latt kaan ke peechhe kiya. Ungliyaan Ragini ki twacha se sparsh hote hi kaanp rahi thi.

Aur, fir uske jaane bina-

Uske aansu punah binn marzi beh chale.

'Kyu???'

'Mein tumhe kabhi sahi jawab na de saka.'

Ragini ne use panaah di thi jab uske paas koi thikaana nahi tha. Jab woh khud ke liye muskura nahi sakta tha tab woh uske liye muskuraati thi. Usne uski raksha ki, uss se pyaar kiya. Apne poore astitva ke saath.

Usne kabhi kuchh nahi maanga — siwae uske dil ke.

Par, Veer humesha use intezar karwaata raha. Aur, aaj woh yaha iss haal me laiti thi. Chotil. Tooti hui. Apahij. Uski wajah se.

Veer ne uska haath thaama.

'Tumne mujhe kya kuchh nahi diya, Ragini. Pyaar, Panaah, Khushiyaan. Tumne mujhe apna tann, mann, dhan sab kuchh luta diya. Aur, badle me maine tumhe kya diya? Sirf, mera maun jawaab.'

Usne apna haath, uske maathe par rakha.

'Mein... tumhe deserve nahi karta, Ragini.'

Woh jhuka. Aur, uske maathe ko usne dheere se choom liya.

'But, I'll earn you now.'

'Mein yahi rahunga. Ab kahi nahi bhaagunga. Ab aur koi chuppi nahi.'

'I'll be your legs... Your strength... Your everything.'

'Bas jaag jao. Please... Ragini! Jaag jao.'

Akhiri guhaar par uski awaaz andar hi andar toot gayi. Aaj pehli baar, use andar se mazbooti mehsoos nahi hui. Ek system holder jaisa mehsoos nahi hua. Bas, ek sadharan aadmi. Jo duniyaa se pareshan ho chuka tha.

Woh khada hua. Usne apne aansu pochhe. Ragini ke sote chehre par ek akhiri nazar daali. Fir, muda...

Aur, darwaaze ki orr chal diya.

Jaane se pehle — usne peechhe mud kar dekha.

'I promise, Ragini. When you wake up... You won't find me missing again.'

Aur, wo chala gaya.

ICU se baahar aate hi uski nazar ek aur ward me padi, jaha Suman laiti hui so rahi thi. Uske haath me bandage lagi hui thi. Veer ko samajhne me derr na lagi ki Suman hi thi — jisne Ragini ko khoon diya tha.

***

Aspataal se neeche aate waqt, Veer ke mann me Tej ke bol goonj rahe the.

"Mein shayad nahi bachti, Veer- A-Agar woh na hoti. Wo lady. Mask pehni hui. Pata nahi kaun thi. Usne mujhe dhakela aur fir- wo apna pait pakad ke dard se karaah rahi thi. Lekin, iss se pehle ki mein use pakad paati wo hotel ke baahar bhaag gayi. Kasam se...! Agar, wo na hoti to shayad aaj mein yaha tumhare saamne nahi hoti, Veeru."

A masked woman?

Veer samajh chuka tha.

Ava.

Uske dimag ke chalne se pehle hi uske perr chal diye. Hospital ki parking ke paas — mukhya dwaar ke theek baahar.

Do jaani pehchaani aakritiya ek kaali badi si SUV ke paas khadi thi.

Renshu aur Erica.

Erica ne use sabse pehle dekha.

'V-Veer!'

Woh ladka jisne Jaw Long ke maidaan me ghus ke poore yuddh ko apne paksh me kar liya tha.

Wahi Veer jis se dobaara milne ke liye wo itna lalcha rahi thi. Woh uske saamne tha.

Par, Veer kuchh bhi kehne ke liye nahi ruka. Renshu ne use dekh saath chalne ka ishaara kiya. Woh aage badha.

Ava car me peechhe ki foldable seat par baithi hui thi. Wo baahar hi dekh rahi thi jab kisi ke aane ka use ehsaas hua. Uska sarr uss disha ki orr muda aur-

Woh waha tha.

Veer.

Ava ki saans atak gayi. Uska badan kaanp gaya.

Veer ne hi use zimmedari saunpi thi. Hotel Prestige aur parivar ko surakshit rakhne ki.

Aur, wo vifal rahi.

Veer ke dada ji jaa chuke the. Hotel par humla hua. Ragini ghaayal hui. Sab kuchh bikhar gaya.

Ava ka dil baith gaya.

Glaani ka bhaar itna badh gaya ki veh khud ko rok na paayi. Aasu behne lage. Pehle to chupke se... Fir lagatar.

Ava : M-Mein... V-Veer...

Usne uthne ki koshish ki-

Ava : I-I'm... I'm sorry, Veer. I-

Parantu, iske pehle ki woh aur kuchh bolti, Veer aage ki aur dauda. Aur, usne Ava ko apni baahon me bhar liya.

Kass kar. Poori tarah se.

Uski mazboot pakad se Ava ke ghaav dabb gaye, woh halka sa karaah uthi.

Lekin, ye dard kuchh bhi nahi tha. Tab nahi jab woh uski baahon me thi.

Tab nahi, jab woh apne aap se use apne aalingan me bhar raha tha. Fir, bhale hi uski chot kyu na dukhe, aise hazaro dard uthaane ke liye khushi-khushi raazi thi woh.

Ava ne apna chehra uske seene me daba liya. Uske haath dheere-dheere Veer ki shirt ke peechhe kass gaye. Uski awaaz siskiyon me badal gayi.

Ava (barely breathing) : V-Veer, mein-

Veer (softly) : I know...

Ava : ??

Veer : Tumne Teju di ko bachaaya. Tumne wo bullet apne upar li. Mujhe sab pata hai.

Ava jamm ke reh gayi. Uske aasu behna dheeme ho gaye.

Ava (confused) : B-But, I failed... Tumhare dada ji...

Veer : Nahi!

Ava : Huh!!?

Veer : You fulfilled your duty, Ava. Bhale hi tum na maano. Par, mein maan gaya hu.

Woh stabdh thi.

Veer (smiles) : Thank you, Ava!

Ava : Ahh!!!?

Aur, Veer ne use apne gale se laga liya. Ava ke aasu jhar-jhar kar behne lage.

Kuchh qadam door, ye drishya dekh kar Garofano ki haath mutthi me simat gaya. Uske honth ek patli rekha samaan dabb gaye. Woh aalingan... Jis tarah se Veer ne Ava ko pakad rakha tha.

Usne Garofano ke andar kuchh jala kar rakh diya.

Woh mudi aur bina kuchh kahe waha se door chali gayi.

Renshu : Huh? Kya hua tumhe?

Erica ka haal bhi kuchh aisa hi tha. Use ehsaas hua ki sirf wahi nahi thi. Ek ajeeb sa dard uske seene me utha aur woh bhi Garofano ki taraf chal di.

Renshu : Huh? Erica???

***

SUV ke baahar Veer dheere se aaya.

Ava andar hi thi. Laal aankhein liye use dekh rahi thi. Woh hug abhi bhi uske mann me ghoom rahi thi, saath hi Veer ke seene ki garmahat.

Veer ka sarr jhuka hua tha, aankhein uske kaale baalon ke parde ke peechhe chhipi hui thi.

Woh aage badha — Erica ya Garofano ki orr nahi, balki Renshu ki orr.

Koi greetings nahi. Koi emotions nahi.

Bas... Sannaata.

Uske ird-gird ka aura badla hua tha. Thanda. Mapa hua. Ab dard nahi jhalak raha tha. Ek toofan ke pehle ki shaanti.

Garofano ne sabse pehle notice kiya. Veer ki ungliyon ki halki si thar-tharahat. Erica ne uske baad dekha — Veer ke chalne ka ek alag dhang.

Veer ruka. Renshu se bas ek qadam ki doori par.

Veer (without raising head) : Renshu! Tumhare paas kitni aur kaun-kaun si skills hai?

'Huh?'

Prashn aise aaya jaise maano shaant jheel me kisi ne bahut bada patthar fek diya ho. Renshu ki bauhe sikud gayi.

Hawa ke chalte Veer ke kapde aise fadfada rahe the jaise maano koi khamosh toofan paida hone ka intezar kar raha tha.

'Ye Veer... Iss tarah ka sawaal kyu kar raha hai achanak se?'

[Apni skills, kisi aur ko bataana. Ye khatarnak hai, Renshu.]

'Lloyd!'

[Kya hoga agar wo hume dhoka dede?]

'Mujhe nahi lagta.'

Veer ne dheere se apna sarr uthaaya. Ab uski aankhon me dard nahi jhalak raha tha. Kuchh aur hi tha. Koi uddeshya.

Veer : Aura Vision, Hawkeye, advanced martial arts, limbo, basic enemy tracker, detoxification, copycat, radio protective, aquatic breathing, tracer. Ye meri kuchh important skills hai. The rest are pretty much useless.

'Huh?'

Renshu ne apni aankhein sikodi. Skills kaafi thi. Sab ki sab ek se badh ke ek. Aur, Veer ne use iske baare me aise bata diya jaise maano woh mausam ka haal-chaal bata raha ho.

Kuchh badla hua tha. Ye Veer ko kya ho gaya tha achanak?

Renshu ne ek aah bhari.

Renshu (nods) : Theek hai. To suno. Lance of Blaze, Prime Venture Specialist, Rapid Reaction, Commando, Strong Core, Chi Perception, Wushu, Toxin Sleuth, Pigeon Whisperer. Ye hai meri kuchh important skills.

Veer : Are you sure?

Renshu : Kya matlab?

Veer : Kya bas itni hi hai?

Renshu (nods) : Haan! Zaroori waali yahi hai.

Veer : Koi lengendary skill nahi?

Renshu : Nahi!

Ek sannaata chhaa gaya.

Aur, fir bina kisi chetaavni ke-

*Whoooooooooooshhh*

'???'

Bijli ki raftaar se ek tez roundhouse kick, Renshu ke chehre ki orr aayi.

Agle hi pal, Renshu ki Rapid Reaction activate hui aur uska shareer sahaj roop se peechhe ki orr jhuk gaya. Veer ki laat ki hawa uski naak pe paas se guzri.

Peechhe khadi Erica ye dekh dang reh gayi. Uske muh se ek ghuti hui cheenkh nikli. Kya tha ye? Kya hua?

Wo dono abhi toh baatein kar rahe the. Fir achanak se ye kya?

Garofano ki aankhon me hari chamak bikhri. Usne ek qadam aage badhaaya.

Idhar, Veer ka perr wapas se zameen par land hua aur land hote hi-

*Ding*

HAWKEYE

Usne apni aedi ke jhatke se ek patthar ko seedha Renshu ki aankh ki orr uchhaal diya.

Renshu ne ek jhatke me apna haath aage kar uss patthar ko pakda. Magar, aankh ki orr aa rahe uss patthar ne ek blind spot bana diya.

Baayi orr se, Veer ka ek mukka tezi se aaya. Lagbhag adrishya.

Renshu ne use pakadne ke liye haath badhaaya.

Lekin,

'Huh?'

Wo nahi aaya.

'Nahi!'

Renshu ki aankhein chaudi ho gayi. Wo ek feint attack tha. Asli humla-

Daayi orr se aa raha mukka. Par, derr ho chuki thi.

Lekin, iske pehle ki Veer apna blow land kar paata, uski kalaayi kisi ne kass kar thaam li.

Garofano.

Garofano (yells) : VEER!!! KYA HO GAYA HAI, TUMHE?

Veer ne dheere se apna sarr ghumaya. Pehli baar usne use dekha. Garofano ne dekha ki uski aankhon me krodh tha.

Veer (yells) : Puchho Renshu se Violet. Isne mujhe bataaya tha. Kitne system holders zinda bache hue hai. Aur, sansaar me total kitne the. Isne mujhe bataaya tha...! Total 30 the. Aur, uss waqt 18! Jaw Long aur Crimson ke jaane ke baad ab shayad 16.

Garofano : ???

Veer : Par, mujhe ye batao...! Kaun si skills system holders ki ginti kar ke deti hai? Iske paas aisi koi si bhi skill nahi hai, Violet.

Garofano ka chehra peela pad gaya. Use bhi iska ehsaas hua. Woh tezi se Renshu ki orr mudi.

Erica vichlit unke paas bhaagte hue aayi.

Erica (panicked) : Rukoooo! Bas, ruk jaaaoo!! Pleeaasee!! Aap dono kyu ladd rahe ho? K-Kya hua??? Dad-!!!

Bechaari ki awaaz fatt rahi thi. Lekin, unme se koi bhi nahi hila. Garofano ne abhi bhi Veer ke haath ko jakda hua tha. Toh wahi, Renshu sthir khada hua tha.

Veer ke haath ne dheere dheere apni mazbooti dheeli ki.

Veer (yells) : JAWAAB DO, RENSHU!

Ek bhaari virham.

Renshu ne ek gehri saans li.

Renshu : Mere paas aisi koi skill nahi hai jo ye kar sakti hai.

Sab wahi jamm ke reh gaye. Siwae, Erica ke. Jisne nazrein glaani ke chalte ferr li.

Garofano : T-To, fir... kaise?

Renshu ke honth sikude. Usne ek pal ke liye apni aankhein band kar li. Fir, unhe firse khol kuchh soch vichaar kar bas ek hi shabd bola.

Ek aisa shabd jisne unke aas-paas ki duniyaa ko thaam kar rakh diya.

Garofano : Bolo bhi!!!

Renshu : ...

Garofano : ???

Renshu : X!

Hawa jaise rukne ko ho gayi. Garofano ka jabda sakht ho gaya. Veer... bas ghoorta raha.

Ab gusse se nahi. Balki, sandeh se.
.
.
.
.
.
.
.
.
.
.
Aaj ke liye itna hi guys.
This update consists of 9.2k words. Jo kuchh bikhra hua tha, use sameta jayega. Ek ek karke saare puzzles ke pieces ko lagaya jayega. Kuchh leftovers rahenge jinhe aage ke arcs me lagaya jayega. Lekin, kaafi hadd tak clarity mil jayegi iss arc me. Post Disembowler shuru ho chuka hai. Next update bhi isi month ke end me aa jayega. Target mein ab halka sa ghata raha hu, because I know inme zyada kuchh action nahi hai aur na hi ye peak updates hai. So, target is 280 for now. Baaki, keep supporting.
Dhanyavad.

Bdhiya update kafi kuch pta chla

 

[Rajurajkr]

Marvelous update