Incest Baadshah ~ The Tales of Debauchery

[Werewolf]

Index​

Full Status and Cards​

Artworks​

Full Characters Guide​

Arcs​

Latest Update ➢ Update 193 ​

 

[Tiger 786]

Update - 34 ~ Intense Rush
​

Ab tak...

Idhar Kavya full excited Arohi ke peeche baith chuki thi. Dono hi behad hi khubsoorat dress pehni hui thi.

Aur gaadi me sang baith wo ravaana ho gayi.

Par unhe nahi pata tha...

Ki iss waqt unke peeche kaun aa raha tha.

Ab aage...

Ek behad hi khubsoorat se sheher me iss waqt dherr saari jhaalaro athwa anya prakaar ki lightings se saare ghar, dukaane avum buildings jagmaga rahi thi. Laal, neeli, peeli na jaane kitne rango ki LED lights se aaj harr ek ghar saja hua tha.

Diwali ki iss raat me harr jagah khushiyo ka mahaul tha. Aur iss samay issi sheher ke ek bade se ghar me ek Aurat behad hi khubsoorat sii saree pehne, thaal liye, apne ghar me jagah jagah Diye rakh rahi thi.

Hontho pe muskaan sajaaye wo gungunaate huye Diyo se apne ghar ko raushan kar rahi thi. Tabhi uske peeche se ek kamre se atyant hi sundar sii ladki, badi hi aakarshak sii dress pehne baahar aayi aur boli,

"Mom?? Terrace pe rakh diye aapne Diye?"

Aurat : Nahi Beta! Tum rakh aao. Mein neeche rakh rahi hu.

Ladki : Okay!

Aur itna bol wo jhat-pat upar chali gayi aur kuch derr me hi Diye rakh ke neeche bhi aa gayi.

Ladki : Haaaash!! Na jaane kitne dino baad aaj itna free time mila hai festival celebrate karne ka, hai na Mom? Warna aisa tight aur busy schedule tha apna.

Aurat : Ekdum sahi kaha tumne beta.

Ladki : Accha chalo! Mom! Aao baahar chal ke thode pataakhe fode. Mene kuch khareede hai.

Aurat : Kya tu bhi ye le ke baith gayi? Ab usme meri kya zaroorat!?

Ladki : Waah! Ek toh saal me ek baar Diwali aati hai. Aur ab usme bhi pataakhe na fode? Aur aap nahi chalogi toh kya mein akeli bewakoofo type fuljhadi liye ghumungi kya?

Aurat (sighs) : Accha baba! Chal! Tu maan'ne waali toh hai nahi?

Ladki : Wahi! Hehe~ Toh pehle hi aa jaati...

Aurat : Haan haan meri Mata... Ab chal!

Aur dono Maa Beti nikal ke ghar ke baahar aa gayi jaha colony ke sabhi log bade hi dhoom dhaam se Diwali mana rahe the. Bade jaha khade ho kar baat kar rahe the, ek dusre ko badhaaiya de rahe the toh wahi bacche pataakhe fod apne hi anand me doobe hue the.

Idhar wo Ladki bhi fuljhadi jalaate hue anaar avum chakri jalaa ke apni Maa ko bhi aage aake pataakhe fodne ke liye mana rahi thi aur saath hi saath aas pados ki ladkiyo se baatein bhi kar rahi thi.

Par uski Maa yaani ki wo Aurat ek muskaan liye bas peeche khadi hoke hi sab dekh rahi thi. Zameen chakri, anaar se nikli chamakti hui chingaariya uski aankho me pratibimbit ho rahi thi. Bhale hi aankho ka dhyaan udhar hi tha...

Par...

Uske antar mann ka dhyaan kahi aur tha...

Aur dheere dheere uske hontho se wo muskaan apne aap gaayab ho gayi.

'21 saal ho gaye... Na jaane...'

Jab uss Ladki ne kuch pal baad palat ke apni Maa ko dekha toh usse ek pal nahi laga ye jaan'ne me ki uski Maa kisi cheez ko lekar pareshaan hai.

Wo turant sab kuch chorr apni Maa ke paas aayi aur boli,

"Aap pareshaan lag rahi ho Mom!"

Aurat : H-Huh!? Nahi! Kuch bhi toh nahi!?

Ladki (frowns) : Kabhi toh share kar liya karo!? Huh!? Aisi kaun sii baatein hai jo sochti rehti ho aur khud hi gehre chintan me doob jaati ho? Kya aapko mujh pe trust nahi hai kya? Huh?

Aurat : Ek jhaapad lagaungi aisi baatein boli toh. Apni beti pe trust nahi hoga toh kispe hoga bhala?

Ladki : Toh fir bataati kyu nahi ki kya sochti rehti ho aap aksar?

Aurat : Bas... Kaam ke baare me beta.

Ladki : Mujhe pata tha aap yahi bologi. Mein chaahe jitni baar puch lu, aapka jawaab yahi rehta hai. *sighs* Kherr! Accha! Chaliye ab... Dekhiye bagal waali Aunty aapko puch rahi hai... Aaiye...

Aurat : Hmm!

Aur wo dono baahar nikal padosiyo ke saath gap-shap me ghul mil gayi.

***

Wahi yahi Mumbai me iss samay bhi kuch aisa hi mahaul tha.

Harsho-ullaas ka mahual.

Aur yaha bhi ek flat ke baahar ek aurat apne ghar ke dwaar ke paas do Diye rakh rahi thi.

Ye aur koi nahi, Nidhi hi thi, jo aaj laal rang ki saree me itni aakarshak aur haseen lag rahi thi ki agal bagal waale flat me rehne waale log bhi palat palat ke dekh rahe the usse.



Aakhiri Diya rakh wo uthi aur thaal andar table pe rakh wo apni sandals pehn'ne lagi...

Jab andar se uski laadli Juhi daudte hue baahar aayi. Uske nanhe haatho me ek packet tha jisme kayi saare pataakhe rakhe hue the.

Juhi : Mummmyyy! Mummmyyy! Chalo na jaldi! Chalo na...

Wo zidd karte hue Nidhi ke haath pakad jab hilaane lagi toh andar se Shreya jaldbaazi me nikal ke aayi,

Shreya : Arre baba ruko na Juhi! Chal toh rahe hai. Oh God! Tumne idhar se udhar kar ke itna paseena nikalwa diya mera. Kahi make-up na kharaab ho jaaye mera.

Aaj Shreya bhi behad sundar lag rahi thi. Safed aur golden colour ki dress uspe itni zyaada jach rahi thi ki uski ek hi jhalak kaafi thi ladko ko apne upar lattu karne ke liye.




Shreya ki baat pe dhyaan dete hue, Nidhi jo wahi baithi thi bol padi,

Nidhi : Hmm? Anti-sweat waale makeup bhi aate hai Shreya.

Shreya : I-I know... Wo... Wo branded waale thode mehnge aate hai Dii.

Nidhi : Ohh! M-Mein tumhaare liye le aaungi Shre...

Shreya : No No No No... It's... It's totally fine Dii. Mein yahi prefer karti hu.

Nidhi : Par!?

Shreya : Mene kaha na!? It's fine dii.

Shreya itna bol apna muh ferr khud ke vichaaro me doob jaati hai,

'Dii kitni pyaari hai. Kitni acchi hai. She knows ki hamaari kya condition hai. Still... Wo chaahe meri ho ya Juhi ya Mom Dad ki need... Sabhi ki needs ke baare me kitna dhyaan rakhti hai. Kabhi wo apne upar dhyaan nahi deti. Na hi sochti hai apne baare me. Yadi mein unhe ye saree dilwaane na le jaati aur yaha na hoti. Toh pakke se dii ne apne upar ek rupaye tak na kharch kiya hota. She... I think ki ab mein boht acche se samajh gayi... Ki kyu Veer yaha se chala gaya.'

Idhar Nidhi bhi Shreya ki hi tarah apne vichaaro me khoyi hui thi. Aur dono hi Behne andar se glaani ko mehsoos kar rahi thi.

'Shreya ke liye mein itna bhi nahi kar sakti? Of course mein kar sakti hu. Par... Meri behan... Meri sthiti dekh jaan bujh ke peeche hatt rahi hai. Mein jaanti hu usse kitna pasand hai make-up se leke dresses tak. Sab kuch branded. Par mein ye bhi jaanti hu ki... Wo phone me bas inki pics dekhti rehti hai. Aur kabhi kabhi jab mauka milta hai tab apne liye kuch khareed leti hai. Kya mein apni behan ke liye... Itna bhi nahi kar sakti? Kya Veer bhi... Isliye yaha se gaya tha? Haan! Mein hi shayad... Capable nahi hu. Mein hi...'

Wo apne mann se aur sawaal karti par tabhi Juhi ki awaaz ne dono behno ko hosh me laa diya,

"Chaliye na Mummmyyyy!!! Maaaasssiii!!"

Aur bas...

Fir kya tha. Baccho ki zidd ke aage parents haar maan hi jaate hai aksar.

Aur yahi hua. Juhi ke sang dono Shreya aur Nidhi neeche aa gayi jaha unki society ka campus tha. Aur saare flats me rehne waale log neeche utar campus me hi Diwali ka lutf le rahe the.

Nidhi bhi ek pillar ke paas khadi Shreya aur Juhi ke hasste chehre dekh unme khoyi hui thi.

Achanak hi uski nazar apne phone par gayi jo usne apne haatho me liya hua tha, kyuki abhi abhi uska phone vibrate hua tha.

Message dekha toh paaya ki, usme likha hua tha...

'Happy Diwali Ma'am!!'

Aur bas... Uss ek message ko dekh. Nidhi ke hontho pe bina uske jaane hi muskaan aa gayi. Apne phone ko kass ke bheench usne type karna shuru kiya...

Par fir...

Usse jese soojha hi nahi ki kya reply de. Usne firse keyboard khol chat me kuch type karne ka prayaas kiya... Par... Fir uski samajh me naa aaya ki bhala kese wo conversation aage badhaaye.

Ant me usne 'Happy Diwali' likh ke bas send kar diya.

Par send ka button dabaate hi usse jese agle hi pal apne upar itna gussa aaya aur khud ko bewakoof bhi bolne lagi.

Kaaran tha... Uska itna simple sa reply bhejna.

'Uggghh!!! Ye kya bhej diya mene? No sticker... No emoji... Bas... Ek happy Diwali? Veer ne already dekh liya hai. Will he reply? Wo mujhse naraaz hai. Par... Mein bhi toh uss se naraaz thi. But kam se kam... Uss din ke baad bhi... Usne mujhe message kiya. Matlab... Wo ekdum naraaz nahi hai.'

Nidhi beech beech me Veer ki chat baar baar khol check karti ki shayad Veer ne reply kiya ho koi firse.

Par...

Uska uske baad koi reply nahi aaya.

Aur pata nahi kyu...

Ye chota sii baat Nidhi ko kahi na kahi khatak rahi thi.

***

Message bhejne ke baad idhar Veer sofe pe viraajmaan tha. Aaj usne kurta payjama pehna hua tha jo uspe bada hi jach raha tha.

Ragini sang Suman aur baaki sabhi Pooja karne me vyast thi. Par Veer baahar hi baithe apne khaas logo ko message kar raha tha.

Nidhi ka reply aaya zaroor. Par bada hi rukha sa laga Veer ko wo reply.

'Shayad wo mujhse abhi bhi naraaz hai.'

[Master! Aapne unko rulaaya. So obviously wo naraaz hai. You must cherish her. She's an angel. Ehehehe~]

'Pari ka behaviour na jaane kyu... Bada hi odd sa lag raha hai. Kya ye mera veham hai?? Ya fir sahi me...!? Uss din bhi... Suhana jii ko jab mein ring dene gaya tha... Tab bhi...'

[Ahh!? W-W-Wha... What are you thinking master? Mein Pari hu aapki. Aapki pyaari Pari. Ehehe~]

'Ah! Right! Tum meri mann ki baatein sunn sakti ho. Toh mera mann me sochna hi bekaar hai. Mein jo bhi sochunga... You can hear all.'

[R-Right!]

'Siwae jab tum Sleep mode me hoti ho.'

[J-Jii master. Sleep mode me sirf mein deactivate hoti hu. Baaki system shut down nahi hota. Aap mujhse baatein nahi kar sakte. Na hi mein uss waqt aapke mann ki baatein sunn sakti hu.]

'Hmm! Lagta hai tumhaare baare me mujhe tab hi sochna padega. Jab tum Sleep mode me rahogi.'

[Ahhh!? K-Kya matlab aapka master? Aap mere baare me peeth peeche sochenge? A-Aisa kyu master? K-Kya mene kuch galti ki hai?]

'Waqai! Mein sahi hu. Pari is behaving somewhat strange...'

[Huh??? No no no no... Master! Mein aapki wahi Pari hu. Aapki pyaari Pari. Your one and only masterrrr.]

Veer ek aah bharte hue wahi baitha raha jab achanak hi Pari ne usse ek naya jhatka de diya,

[Oh! I forgot!]

'Huh? Kya?'

[Wo... Wo... Pehle promise kariye aap chillaaoge nahi.]

'Hmm? K-Kya gadbad kari ho ab tum?'

[Wo Ahahaha~ actually ek in-built function aur unlock hua tha. But mein uski notification nahi de paayi thi. Kyuki already itni saari notification mene eksaath dii thi na... Ahahaha~ So... so... I forgot.]

'What the...!?'

[No! Please! Gussa mat hona maasterrr! I love you so much! You love me too right? Pleaaase maaasterrr! Don't scold me. Okay!?]

'Pari ka screw dheela ho gaya hai kya? What the hell is this? Aisa toh kabhi behave na kari ye? There's something wrong.'

[Noooo noooo nothing is wrong you stupid master. Ahhhhh!!!! I mean... My lovely master. Kuch bhi gadbad nahi hai. Haan toh mein in-built function ke baare me bataati hu.]

'???????'

[Wo actually... Past Illustration function is available now.]

'H-Huh?'

[In-built function : Past Illustration.
Description : You can see the history of any person and know their past, once you kill them.]

Description padhte hi Veer ki aankhein hairaani ke maare phati ki phati reh gayi aur wo apni jagah se hadbada ke utha khada hua.

'Y-Ye...!? Ye sab kya hai? Pariiii!?'

[Yes master. Yadi aap kisi ko maaroge. Toh... Aap uss shaks ka past dekh sakte ho. I mean... Past padh sakte ho. Details status window me likh ke aa jaengi.]

Veer stabdh sa bas description ko hi dekhe jaa raha tha. Ye sab kuch jese uske liye handle karne ke liye boht zyaada tha.

Wo yadi kisi ki hatya karta hai toh uss shaks ka saara ateet ab padh paane me saksham ho chuka tha wo.

Ye kisi jaadu se kam nahi tha uske liye.

Par usse shayad ab ek baat dimaag me daalni pad sakti thi...

Ki yadi Pari hai...

Toh mumkin hai...

Aur abhi wo apne shock se baahar aa paata ki tabhi ek aur awaaz ne uske shock ko alag level pe pohucha diya...

*Ding*

[Mission : Save Kavya and Arohi before it gets too late.

Rewards : ?? Points.
Time Limit : 20 minutes.
Location : xxxxxxxx route to xxxxxxx road.

Mission Fail Penalty : 300 Points Deduction.]

'H-Huhhh?? Keh do ki ye mazaak hai.'

[...]

'Daaamnnn itttt!!'

Veer fir na kuch socha aur waha ruka. Usne agle hi pal apni bike nikaal ke start kii aur tezz raftaar me repte hue bike bhagaane laga.

Ghar ki Pooja aur Diwali chorr wo yaha mission poora karne nikla tha. Ek aisa mission jisse padhne ke baad usne ek second waste karne ka nahi socha.

Kyuki wo jaanta tha. Arohi aur Kavya kisi mushqil me pad gayi hai. Upar se mission me iss baar penalty bhi thi. Wo bhi 300 points. Saath hi saath time limit keval 20 minutes.

Wo samajh gaya tha ki situation kitni critical thi. Veer ek baat aur jaan gaya tha ki yadi missions me penalty dii hai toh mission fail hone par keval wahi penalty hi uspe lagegi. Wo Pari ko nahi khoyega.

Par yadi penalty mentioned nahi hai. Toh iska matlab yahi hai ki penalty Pari hai. Mission fail, yaani ki Pari ka uske shreer se nikal jaana.

Wo gaadi bhagaate hue ussi route me jaa raha tha jaha ki details Mission me mentioned thi.

Ek ek second uske liye keemti tha. Uske dil ki dhadkan itni tezz ho chuki thi ki raaste me phoot rahe pataakho ke baad bhi wo apne seene me ho rahe vibrations ko mehsoos kar paa raha tha.

*Boom*

*Whooooossshhh*

Log toh apne aanand me doobe pataakhe fod rahe the par Veer idhar...

Bechaini ke maare mara jaa raha tha. Usse bike chalaane me bhi dikkat jaa rahi thi. Kyuki koi na koi raaste me pataakhe fodne aa hi jaata.

'Damn it! Damn it! Wo dono iss route se kyu aa rahi hai??'

Usne kheejte hue gaadi ko race diya aur tabhi...

*Ring Ring*

Uska phone baj utha...

Ek second na gawaate hue usne apne payjaame ke jeb se phone nikaala aur bike chalaate hi apne kandhe se phone kaan me laga liya.

Veer : Kaaavyaaaa!???

Kavya : Bh-Bhaiyaaa...

Veer : Kavya... Kaha ho tum? Kya hua??

Kavya : Bhaiyaaa.... Ouchhhhhh!!!

Veer : Kavyyyyaaaaa!??

Kavya : Diiiii... Sambhal ke... Diiii... Wo... Aa rahe hai...

Veer : Helllooo? Helloooo!?? Kaaaavyaaaa!!?

Kavya : Bhaiyaaaaa! Mein aur dii... Idhar... xxxxxx road se xxxxxxxx chowk ki orr jaa rahe hai. Aur pata nahi... Kuch... Kuch do bike waale humko follow kar rahe hai...

Veer : Tum... Tum bas aage aati jao... Mein baahar hi hu... Aur chowk par pohuch hi raha hu. Ghabrao nahi... Chowk ke paas police thaana hai. Aati jao...

Kavya : Bhaiyaaaa... Humne... Humne gaadi rok ke ek uncle aunty se bataaya tha aur kuch derr wahi khade rahe... Par... Jese hi thodi derr baad hum waha se nikle... Wo log firse follow karne lage... Bhaiyaaa... Mujhe... Darr lag raha hai.

Veer : Arohi dii se kaho ki wo bas gaadi chalaati rahe... Aur unse duri bana ke rahe... Mein aa raha hu behan... Chinta mat karrrr...

Kavya : Helllooo??? Bhaiyaaaa... Aapki awaaz nahi aa rahi hai... Theek se... Helloooo??? Helllooooo???

*Call ends*

'Fuuuuuccckkkk!!!'

Veer ghabraate hue acceleration aur badha diya. Apni behan ki ghabrayi awaaz sunn wo andaaza laga sakta tha ki uski behan kitna darri hui thi.

Kavya ne jo situation bataayi uska andaaza Veer laga chuka tha ki maajra kesa tha waha.

Shayad koi 2 bikes me log the jo Kavya aur Arohi ko peeche se follow kar rahe the. Aur iss baat ka abhaas shayad Arohi aur Kavya ko ho gaya tha jiske chalte wo beech raaste me hi kahi ruki aur kuch ghar ke baahar khade logo se baat kar unhe apni pareshaani bataayi.

Zaahir sii baat hai ki tab wo bike waale kahi chhup gaye honge. Aur jese hi Arohi aur Kavya ne waha se chalna sahi samjha tab unn bike waalo ne waapas se unhe follow karna shuru kar diya.

Ab sawaal ye tha ki kya wo normal stalkers the? Ya fir koi aur? Aur iska jawaab bhi Veer ne dhund liya tha.

Wo ye ki ye koi normal stalkers nahi the. Yadi normal stalkers hote, toh Veer ko ye mission nahi milta aur itni heavy penalty nahi hoti.

Zaroor...

Zaroor kuch na kuch gadbad thi. Aur kuch boht hi bura hone waala tha.

Veer chowk pohuch chuka tha. Yaha kaafi chahal pahal thi. Par Kavya aur Arohi usse kahi nazar naa aayi.

Aur jis route se wo aa rahi thi. Wo outer area tha. Idhar andhera bhi rehta tha, street lights jagah jagah nahi thi. Aur road ke ek side kuch khula ilaaka tha jaha ped paudhe lage hue the.

Toh wahi road ki dusri taraf kuch dukaane thi par wo Diwali ke chalte band ho chuki thi.

Veer jaanta tha ki issi route se Arohi aur Kavya aane waali thi. Par...

Uske paas intezaar karne ka samay nahi tha.

Usne ek hi jhatke me Bike aage badhaate hue uss mod me daal dii aur speed me bhagaane laga.

Andhere se bhari wo road Veer ki gaadi ki headlight se ekdum se jese raushan ho gayi aur uss poori sadak me keval uski hi bike ke chalne ki awaaz aa rahi thi.

Gear badal usne aur tezz gaadi bhagaayi ki tabhi usse nazar aaya...

Dur se ek peele rang ki bindu sii roshni...

Jo harr ek second aakaar me badi hoti jaa rahi thi.

Aur usse samajhne me derr na lagi ki ye...

Arohi aur Kavya ki gaadi thi.

Veer ka chehra dekhte hi Kavya ke aasu jo usne thaam rakhe the wo uske gaalo se behne lage aur wo chillaayi...

"Bhaaaaiyyyaaaa!!!"

Bina samay gavaaye Veer ne apni bike Arohi ki scooty ke aage le jaate hue beech raaste me aadhi khadi kar dii.

Aur wo bike se utar forun hi Kavya ke sameep aaya.

"Bhaiyyyaaaa!"

Kavya utar Veer ke gale se lag gayi. Par ye milan hona zyaada derr tak sambhav na tha.

Kyuki agle hi pal do aur bikes ki awaaz unn sabhi ke kaano me padi.

Apne seene se Kavya ko lagaaye Veer gusse se aane waale logo ko dekha.

Headlights ke chalte wo theek se unka muh nahi dekh paa raha tha.

Lekin unke agle bol ne jese usse satark kar diya.

"Pakad pakad... Pakad akela hai Madarchod. Pakad bhaagne na paaye..."

Unme se ek bola...

Kul 4 logo the. Aur ye dekh Veer ki aaj pehli baar dhadkan itni tezz ho gayi.

Usse darr apna nahi tha. Darr tha Kavya aur Arohi ka.

Yadi galti se bhi unhe kuch ho jaata toh wo kabhi bhi khud ko maaf nahi kar paata.

Aur abhi Kavya ko apni baaho me liye jo raahat usse mil rahi thi wo Veer apne shabdo me baya nahi kar sakta tha.

Par issi raahat ko... Wo banaaye rakhna chaahta tha.

Aur usse banaaye rakhne ke liye...

Veer : Arooohiiiii!!

Usne tezz awaaz me peeche khadi Arohi ko chillaaya, jo uski awaaz sunn ek dum sihar gayi.

Kaaran tha Veer ka usse, uske naam se bulaana.

Jabki wo Veer se ek saal badi thi. Aur jitni baar bhi Veer usse bulaata tha, Dii kehke hi bulaata tha.

Par aaj...

Veer ki peeth dekh... Wo Veer jo unn anjaan aadmiyo ke saamne uske aur Kavya ke liye ek shield bann ke khada hua tha. Arohi apne mann me aa rahe vichaaro ko samajh nahi paa rahi thi.

Veer : Aroooohiiiii!

Ek baar fir wo chillaaya...

Aur, Arohi ka shareer hil utha.

Arohi : Haahhh!?

Veer : Kavya ko yaha se leke jaao. Bhabhi ke Ghar.... Forun...

Arohi : P-Par!??

Veer : I said goooooo....

Kavya : Bhaiyaaaa!?? Noooo bhaiyaaa... Hum aap ko akela chorr ke kahi nahi jaenge...

Arohi : T-Tum...

Veer : Wo aa gaye hai... We don't have time. Arohiiiiiiiiiii!!! Jaaaaooo!!!

Uski garajti hui awaaz sunn Arohi samajh chuki thi ki uska yaha se jaana kitna zaroori tha.

Apna nichla honth dabaaye wo apni asamarthata vyakt kar... Forun hi Kavya ka haath thaami aur usse scooty pe baitha ke khud baith usne scooty chaalu kar dii...

Arohi : Y-You... You will come back...

Wo peeche mud Veer se boli. Jese wo puch nahi balki order de rahi thi ki tumhe laut ke aana hi hai. Aur wo bhi jald hi.

Veer : Hmm!

Veer bina peeche mude hi haami bhara. Aur...

*Vroooooommmm*

Agle hi pal Arohi scooty ko bhaga ke uss sunsaan sii sadak se chauk ko orr jaane lagi.

"Bhaiyaaaaaaaaa!!!!"

Peeche se Kavya ki bechaini bhari pukaar wo sunn paa raha tha. Par...

Iss waqt uska poora focus saamne aaye unn 4 aadmiyo par tha.

Usme zyaada confidence nahi tha ki wo unn 4 ko handle kar paega. Kyuki...

Ek ke haath me ek lohe ka pipe tha aur wahi dusre ke haath me lakdi ki ek moti stick.

Baaki 2 nihatte the par...

Akhir the toh wo 4 bande.

[Master!? Wo 4 hai. You must run.]

'Noooo! Pari! Jitna ho sakega. I'll fight them. Samay aa gaya hai ki mein apni Martial arts skill ko istemaal kar ke dekhu.'

"Dhattt behanchod ladki bhaag gayi. Tum dono... Jao peecha karo... Jaldi... Aage nahi gayi hogi abhi zyaada..."

Unme se ek aadmi bola toh do nihatte aadmi ek bike pe sawaar huye aur bike bhaga ke wo peecha karne jaa rahe the.

Par...

Akhir nikalna toh unhe Veer ke bagal se hi tha.

Jese hi wo bike leke uske sameep aaye...

Veer ne seedha ek laat driver ke muh pe jadi jiske chalte unki bike ladkhadaayi aur dono hi road ke uss taraf ped paudho waali jagah me jaa gire.

'Oh! I feel strong...'

Wo dono gaaliya bakte hue khade huye aur firse bike chaalu kar peecha karne jaa rahe the.

Veer ye dekh unhe jhapatne ke liye hua par...

Wo ye kese bhul sakta tha ki peeche bhi 2 aadmi the jo hathiyaar liye the aur ussi ki taraf badh rahe the.

Majbooran, usse peeche mudna pada aur...

*Whooosssshhhh*

Ek ne uske sarr ko aim karke wo pipe ghumaaya par Veer apne reflex ke chalte turant jhuk gaya.

Apni fist ko kass ke uska pichla bhaag Veer ne fir seedha uske sarr par ghumaaya aur...

*Poooowwwww*

Wo vaar jaake seedha uss aadmi ke jabde se connect hua aur ek pal me hi wo 3-4 kadam dur jaa ke dhadaam se neeche gira.

"Maaadarchooddd!!!"

Dusra chillaaya aur Veer ki taang pe usne apni stick ghumaayi...

*Whooooooosssshhh*

Veer ne dodge kiya par...

*Whoooossssshhhhhh*

Ek baar fir usne apni stick ghumaayi jisse Veer ne barely dodge kiya.

'This guy.... Tchh!!!'

Veer uspe poori tarah toot padta ki tabhi usse sunaayi diya,

*Vrrrooooooommm*
*Vrooooommmmm"

Usne palat ke dekha toh wo do aadmi gaadi utha ke Arohi aur Kavya ka peeche karne nikal chuke the.

'Fuckkkk! Arohi! Kavya! You must stay safe... Chaahe kuch bhi ho jaaye... Don't get caught.'

Par ye waqt... Peeche nahi aage dhyaan dene ka zyaada tha. Kyuki agle hi second...

"Le maadarchodd saaalee..."

Uss aadmi ne stick ek baar fir Veer ke saar ki taraf ghumaayi aur iss baar jese hi Veer ne palat ke waapas dekha toh...

Dodge karne ka time nahi tha.

*Thud*

Apne dono haatho ko X ki tarah banaate hue usne stick ko roka aur kood ke peeche ho gaya.

'Dammmn!!? That hurts!'

"Uth be... Jaldi uth... Saala bhaagne na paaye."

Veer utna fluidly lad nahi paa raha tha jitna wo lad sakta tha. Kaaran tha kurta aur pyjaama.

Dusra aadmi bhi uth ke aaya aur dono aadmi Veer pe toot pade.

Wo idhar se udhar hathiyaar chalaate par Veer jese tese kar bach jaata. Lekin thode boht hits usse bhi lag rahe the.

Par ye zyaada derr tak nahi tha.

Uski aankho me mitti fek pehle aadmi ne peeche se Veer ko deadlock me fassaaya aur pipe uske gale par tika ke uski saas rokne ki koshish karne laga.

Toh wahi dusra aadmi stick liye hasste hue saamne se uske qareeb aane laga.

Aur uski nazar me...

Veer ka pait tha jo bilkul unprotected tha. Ek shot, aur Veer dherr.

Usse pata tha stick kaha maarni hai.

'Daaamnnn ittttt!! Shiiittt! Aaarghhhh!'

Veer changul se choothne ka prayaas hi kar raha tha.

Itne me uss aadmi ne apni stick uthaaya aur wo maarne hi waala tha ki tabhi...

*Thud*

Achanak hi wo apne aap ekdum se neeche gir pada.

'Huh???'

Aur jab saamne nazar padi... Toh...

Ek yuvak peeche khada hua tha. Jisne patthar fek uss aadmi ke sarr pe maar, usse yu gira diya.

Par Veer ki nazar jese hi uspe padi uski aankhein hairat ke maare felti chali gayi...

Veer : G... Goluuuu!???

Golu : Huh!?? Arre... T-Tum...!?
.
.
.
.
.
.
.
Aaj ke liye itna hi guys!
Dhanyavaad!
Next update iss kahani ka ab tak ka most thrilling update hone waala hai.
So keep supporting!
Aur like karna na bhulna re.

Superb

Update - 35 ~ The Deadliest Trap​

Ab tak...

Aur jab saamne nazar padi... Toh...

Ek yuvak peeche khada hua tha. Jisne patthar fek uss aadmi ke sarr pe maar, usse yu gira diya.

Par Veer ki nazar jese hi uspe padi uski aankhein hairat ke maare felti chali gayi...

Veer : G... Goluuuu!???

Golu : Huh!?? Arre... T-Tum...!?

Ab aage...

*Vrrrrroooooooooooooommmmm*

Aaj ki iss Diyo se jagmag raat me jaha jagah jagah log tyohaar ka aanand utha rahe the, toh wahi Arohi aur Kavya apni scooty me baith uss sunsaan raaste me ghar ki orr bhaagti jaa rahi thi.

Dono ki dhadkane train ke maafik tezz ho chuki thi. Jab jaan par aati hai toh acche accho ki haalat kharaab ho jaati hai, badan thande pad jaate hai. Fir yaha toh wo dono ladkiya thi. Upar se aisa kuch bhi unke saath pehle kabhi ghatit nahi hua tha aur na hi unhone aisa kuch kabhi apne saamne dekha tha. Ekdum se jab aaj itni saari vaardaate unke saath hui toh bhaybheet hona toh swabhaavik tha.

Kavya sehami sehami sii aasu bahaate jaa rahi thi aur Arohi ke kandhe par apni chin rakhe uski kamar me zorr se haath baandhe hue thi.

Tabhi achanak...

*Tip*

'Huh!?'

Usse apne gaal pe kuch geela geela mehsoos hua.

Maano jese laga ki upar aasmaan se paani ki ek boond giri ho uske chehre pe aa kar.

Aur ek baar fir...

*Tip*

'??'

Usse fir ye andaaza lagaane me samay na laga ki ye paani ki boond kaha se aa rahi thi.

Kavya : D-Dii?? *sniff*

Ye Arohi ke aasu the. Jo hawa ke kaaran uske gaal se udd ke peeche jaa ke Kavya ke gaal se jaa takraaye the.

Ye abhaas hote hi ki uski badi behan bhi aasu baha rahi hai, Kavya aur zorr zorr se rone lagi aur Arohi ko bheench lii.

Unki scooty ab chowk tak aa chuki thi. Aur iss ilaake me aate hi ab jaake dono ko thodi raahat sii mehsoos hui. Kyuki yaha ujaala hi ujaala tha, Chahal pahal thi, raunak thi, raaste se aati jaati gaadiya thi, log the jo apne manoranjan me lage hue the.

Paas hi unhe ek thaana bhi dikha, par iss waqt Arohi seedhe ghar jaana chaahti thi. Usne soch liya tha ki ek baar ghar pohuch jaaye uske baad police ko inform karegi taaki wo jald se jald Veer ke liye madad leke jaa sake. Wo ye bhuli nahi thi, ki wo Veer ko waha akela kis situation me chorr kar aayi thi.

Aaj apne aap uski aankho se aasu beh rahe the. Kyuki abhi ki ghatna ne usse poora andar tak jhakjhor ke rakh diya tha. Bhale hi wo apne chehre par dikha nahi rahi thi, par andar se wo itna zyaada darri hui thi even Kavya se bhi zyaada. Par wo badi thi, aur yadi wo hi apna darr show karne lagti toh uski choti behan ka kya hota?

Bas isliye, Arohi andar hi andar sab dabaaye thi.
Ab jab wo uss situation se baahar nikli toh usse samajh aaya ki aakhir kitna affected thi wo uss situation me. Aur wo yadi abhi sahi salaamat apni scooty par apni behan ke saath baithi hui thi toh aaj ye keval ek hi shaks ke kaaran mumkin hua tha.

Aur wo tha ~ Veer.

Wahi Veer jisse wo hamesha ek cold shoulder deke chali jaaya karti thi. Rookha rookha vyavhaar karti thi uske saath. Kabhi baatein nahi karti thi. Kabhi uske baare me nahi sochti thi. Usne humesha se hi Veer ko ek stranger ki tarah treat kiya tha.

'Arohi Dii!? Wo hamaara bhai kehlaane ke laayak hi nahi hai.'

'Arohi uss se dur raha karo. Warna uske saath rehna kahi tumhe bhi affect na kar de. Harqate toh jaanti hi ho tum uski.'

'Dii! Aap hi dekhiye. Hum sabhi bhai behno me kitni acchi acchi qualities hai. We are talented. But ussi jagah Veer ko dekhiye. Kya wo kahi se bhi hamaara bhai lagta hai? Wo ek loser hai dii. Maana ki hamaara cousin hai, par Bhumika dii ko dekhiye aap ussi jagah. Wo bhi toh cousin hai hamaari. Par kitni alag personality hai unki. Isliye aap dur hi raha karo uss se.'

'Arohi! Kabhi socho ki tum apni high class friends ke beech ho aur achanak hi Veer waha aa jaaye aur kuch na kuch harqat kar de. Kya sochengi tunhari friends? Kitna embarassed feel karogi tum? Toh aisi situation kabhi na bane uske liye behtar hi ki uss se dur raho. Dekho, khud Tau jii bhi apne bete ko pasand nahi karte. Matlab gadbad Veer me hi hai. Ye toh uske liye khushkismat ki baat honi chaahiye ki uske iss ravaiyye ke baad bhi hum usse ghar par jhel rahe hai... Warna...'

Apne dono bhai, Pranjal aur Vivek ki baatein iss waqt Arohi ke mann me goonj rahi thi. Aur inhi baato ko liye wo aankho se aasu bahaaye road me apni gaadi bhagaaye jaa rahi thi bas.

Na jaane kitne beete saalo se yahi baatein uske mann me daali jaa rahi thi. Jiske chalte, Veer ko anjaan ki tarah treat karna usko ab normal lagne laga tha. Usse kahi se bhi ye galat nahi lagta tha. Lagta tha jese Veer ko aise hi treat karna sahi hai. Jese maano kisi samaaj ka niyam follow kar rahi thi wo. Kabhi kuch galat nahi laga.

Aur ye sab aaj bhi usse normal hi lagta yadi...

Yadi uss din usne college me Kavya ko Veer ki baaho me na dekha hota toh...

'Ye Kavya ko achanak kya ho gaya?'

Uss din wo issi sawaal ko liye poori raat tension me thi. Bhala uski choti behan, jo aaj tak uski hi tarah Veer se baat nahi karti thi. Wo bhala achanak uski baaho me!? Kyuuuu???

Ye kisi jhatke se kam nahi tha uske liye...

Par usse kya pata tha ki Kavya ghar me chori chori Veer se thodi boht baatein zaroor kar liya karti thi jo wo nahi karti thi.

Usse yaad tha kese uss din Veer Kavya ko uski class chorrne bhi gaya tha. Usse yaad tha ki uss din wo kitna badla badla sa lag raha tha.

Aur uss din ke baad toh jese usse na jaane kya kya jaan'ne ko mila tha.

Kavya uske liye kapde khareedne lagi thi, uske liye gifts khareedti. Derr raat raat tak usse messages bhej baatein karti...

Aur ye sab kuch ghatit hote hue wo apni aankho ke saamne dekh paa rahi thi.

'Kyuuuuuu!??? K-Kya mein hi galat thi? Vivek bhaiya aur Pranjal kyu kehte the aisa fir? Kyu aaya wo hume bachaane? Ek call pe hi wo aa gaya. Wahi Pranjal ka phone busy tha toh Vivek Bhaiya ne uthaaya nahi. Par usne... Kavya ka phone ek ring me utha liya... Aur... Itni jaldi wo waha par tha. Na jaane kitni tezz bike chalaayi hogi usne waha pohuchne ke liye. Mein... Mein...'

Aaj apne aap uski rulaayi chooth padi. Aaj Apna naam Veer ke muh se sunte waqt uske raungte khade ho gaye the. Kyuki wo jaanti thi uss awaaz me kitni chinta thi, kitni ghabraahat thi.

Aur ye chinta Veer ki unn dono ke liye thi. Sawaal wahi tha.

Akhir Kyuuu???

Anek prashn liye wo akhir kaar apni manzil par pohuchi...

Kismat se Ragini aur baaki sabhi porch me hi usse mil gayi.

Ragini : Arre!? Aa gayi tum dono!? Aao...! ??? Y-Ye kya??? Tum dono ke chehre ka rang kyu udaa hua hai aise? K-Kavya!?? Ro kyu rahi ho tum? Arohi tum bhiii!??

Jese hi unki dasha Ragini ne dekhi wo hadbada ke baahar aayi. Wo aur Suman iss waqt Veer ko hi dhund rahi thi kyuki achaanak wo bina kuch bataaye ghar se nikal gaya tha aur phone bhi nahi utha raha tha. Zaahir sii baat thi wo sabhi chintit thi.

Arohi : Bh-Bhabhi!!! Wo...

Uske baad Arohi ne shuru se ant tak saari baat bata dii, jisse sunn kar Ragini samet sabhi tension me aa gayi.

Ragini : Hey Bhagwaan! Tum dono theek toh ho na? A-Aur Veer??? W-Wo waha akela hai?? N-Nahi!!

Wo agle pal hi bhaag ke apna phone uthaayi aur police ko call kii.

Aaj tyohaar ka ye mahaul itna tension se bhar gaya. Sabhi ke chehre par bas darr, ghabraahat aur bechaini thi.

Aur sabhi police ka intezaar karne lage. Arohi aur Kavya toh jese tese bach gayi thi. Par yahi baat Veer ke liye kehna thoda mushqil tha.

***

"Arre...!? T-Tum!??"

Veer ke saamne iss waqt ek shaks khada tha, jis se Veer train me mila tha.

~Golu.

Par ye waqt uske liye sochne ka nahi tha. Golu ke aane se jo aadmi Veer ko peeche se daboche hue tha, uska dhyaan bhi bhatak chuka tha.

Aur issi ka fayda uthaate hue, Veer ne apni kohni seedha uski pasli me de maari...

"Aaaarrrrghhh!"

Wo dard ke maare karaaha aur apni pasli pakad jhuk gaya aur...

*Pooooooooowwwwww*

Ek zordaar ghusa uske gaal par aake pada jo usse poora hila ke rakh diya.

"Fuccckkk youuuu!" Next second hi, Veer ne full taakat se ek kick aur jadd dii uske pait me.

Aur wo banda peeche jaa gira.

Golu bhaagte hue uski taraf aaya. Veer ne dekha ki ek cycle zameen par padi hui thi jiska pichla chaka halka halka abhi bhi ghoom raha tha. Matlab Golu yaha cycle se guzar raha tha aur usne jese hi ye sab dekha toh madad ke liye aa pada.

Golu : Arre Bhai... Tum firse?? Aur ye chakkar kya hai? Saare aadmi tumhaare peeche kyu lage hai? Theek toh ho? K-Kya tha ye sab?

Veer : M-Mein theek hu. Boht boht shukriya, meri madad karne ke liye. Uss din train me bhi tumne... Par tum yaha? Wait! Kya hi ittefaaq hai ye...!? Uss din bhi tumne hi mujhe bachaaya tha aur aaj bhi...

Golu : Haha~ Kismat bhai. Jab jise mila de. Wese naam toh yaad hai na mera? Tumhara toh Veer hai.
Mujhe yaad hai.

Veer : And tum Golu!? Mujhe bhi yaad hai...

Golu : Hahaha~ Bilkul! Chalo yaad toh hai kam se kam. Par ye sab!? Kya tha?

Veer : Kuch Dushmani hak meri inse shayad. Jo ye mere parivaar ke peeche pade hai. Teh tak jaana padega mujhe iski. Na jaane kaun hai inn sab ke peeche.

Golu : Ohhh!

Veer : Par tum yaha...!? Sunsaan raaaste me!? Wo bhi... Cycle me!?

Golu : Apna kya hai Bhai... Uss din mein bhi apne gaav ke liye nikla tha, train se. Kyuki wahi apniichh janmbhumi hai. Apna koi haiich nahi. Aashram me pala bada, fir 18 baras ki umr ke baad paisa kamaane idhar Mumbai aa gaya. Suna tha paisa kamaana hai toh mayanagri jao. Haha~

Veer : ....

Golu : Mein idhar hi peeche ek hotel hai. Udhar kaam karta hu. Khaana peena wahi ho jaata hai. Rehne ka koi na koi jugaad ho hi jaata hai. Aaj Diwali ki kharchi lene gaya tha. Bas ab jaake hotel ke hi kuch dost log hai unke saath Diwali manaunga.

Veer : Ohhh!! Tumhari zindagii bhi... Kaafi...

Golu : Zindagi ka kya hai bhai. Ek din upar jaana hi hai. Tab tak jitne maze le sako le lo. Ek accha jeevan guzaaro aur kya. Apna toh ek hi sapna hai...
Hamesha se chaahta tha ki ek aisho araam ki zindagi jiyu. Par... Saala kismat hiich gaandu nikli haha~

Veer (smiles) : Kismat gaandu hi hoti hai.

[W-What master!?? Bhuliye mat... Mera aapke andar aana bhi kismat hi thi. Kismat ko aisa na boliye... Master!]

'Ohh really now!?'

Tabhi achanak hi Golu ne apna haath aage badhaaya aur Veer ki taraf kiya...

Golu (smiles) : Wese toh tum kisi bade ghar ke lagte ho. Par yadi mujh jeso se tumhe dikkat na ho toh... Aaj se hum dost!???

'Huh!?'

Aaj...

Aaj ye pehli baar tha, jab Veer ki taraf kisi ne apni taraf se dosti ka haath badhaaya tha. Kabhi kisi ne bhi uska dost bann ne ki pahal nahi kari thi. Ye jaante hue bhi ki Veer kisi na kisi pareshani me rehta hai aur uske paala khatarnaak aadmiyo se hai, fir bhi aaj Golu ne uski taraf ye dosti ka haath badhaaya tha.

Aise me...

Golu : Huh?? Oo bhai... Tum ro kyu rahe ho? Arre mein itna bura bhi na hu yaar... Tum toh... Dekho bhai aisi beizzati na karo yaar...

Veer (hasste hue aasu pochh kar) : Nahi... Wo *smiles* Iske pehle kabhi kisi ne mera dost bann'ne ki koshish na kari... Aaj ye pehli baar hai. Isliye... Isliye... Bilkul... Aaj se hum dost hue...

Aur agle hi pal Veer ne kass ke Golu ka haath thaam liya.

Golu : Itna bhaavuk ni hote bhai... Zindagi me chill maarne ka... Aur kisi ne haath nahi badhaaya toh kya hua? Ab mene toh badha diya hai na? Haha~

Veer (smiles) : Hmmm!

Dono ko aaj ek naya dost mila tha. Jaha Veer Golu ka abhaari tha aur uske raviyye se impressed tha wahi Golu bhi iss baat se khush tha ki Veer jesa bade ghar ka ladka aaj uska yu dost ban gaya tha.

Par jese...

Dono ki iss khushi par kisi ki nazar lag chuki thi.

Kyuki agle hi pal...

Jhaadiyo me se 5 se 6 aadmi nikle aur Veer aur Golu pe toot pade...

Sab kuch itni jaldi hua ki dono ko kuch sochne ka time hi nahi mila. Do se teen bando ko jhelna toh Veer wese bhi kaafi hadd tak handle kar leta. Par 5 se 6!?

Ye toh namumkin jesa kaam tha uske liye. Uske stats abhi itne nahi the.

Golu bhi koi fighter nahi tha. Wo dubla aur lamba sa ladka tha. Ladaayi bhidaayi se shuru se hi dur rehne waala.

Nateeja obvious tha.

Jaha Golu ko maar maar ke unhone behosh kar diya tha toh wahi Veer kuch pal unse ladd waha unka saamna karta raha. Par...

Wo outnumbered ho chuka tha.

Enemies zyaadi thi, aur wo akela.

[Maaaasttteerrrr!!!]

Pari ki chinta janak awaaz aayi toh sanket samajh Veer muda par...

*Thud*

Uske sarr ke peeche se ek vaar aaya aur wo sarr pakad neeche girne laga...

[Noooooo! Maaastteeerrr!!]

Aankhein uski band hone lagi...

Behoshi me jaane se pehle usse bas ek hi awaaz mann me sunaayi dii...

*Ding*

['Mission : Save Kavya and Arohi before it gets too late' has been completed.]

[40 points have been rewarded.]

'K-Kavya... Arohi...' Mann me wo apni behno ke baare me soch... Behoshi me chala gaya.

***

Aadmi 1 : Wo toh accha hua hum chhipe hue the. Jaldi nipat gaya maamla.

Aadmi 2 : Sahi kaha! Aur Bhau ne ekdum sahi kaha tha. Ki inn 4 logo se kaam nahi ho paega. Isliye unhone hume bhi bhej diya. Aur dekho... Unki baat ekdum sahi nikli.

Aadmi 1 : Hmm! Ab inka kya karna hai? Mujhe phone aaya unka, wo bata rahe hai ki wo dono, unn dono ladkiyo ko pakadne me nakaam rahe.

Aadmi 4 : Karna kya hai? Bhau ne toh pehle hi hume bataaya tha ki hume iss ladke ko nahi pakadna hai. Iske aas paas ke log yaani iske chaheeto ko pakad ke laana hai.

Aadmi 5 : Ekdum sahi kaha. Wo do ladkiya bach gayi toh kya hua. Ye dekho... Ye ek aur ladka pada hai yaha. Isne iss ladke ki madad kii... Matlab zaroor ye iska koi khaas hai, aur isse jaanta hai. Warna aise koi apni jaan khatre me nahi daalta. Aur dono haath bhi mila rahe the abhi.

Aadmi 3 : Haan! Isse uthao.

Aadmi 1 : Aur iss ladke ka kya!?

Aadmi 3 : Usse wahi pade rehne do. Bhau ne uske liye hi toh Jalsa me taiyaariya kii hai. Hume keval iss ladke se matlab hai. Ab jaldi chalo, wo dono ladkiya police ko lekar yaha zaroor aaengi.

Aadmi 6 : Jalsa!?? Baap re! Iss bande ki shaamat aayi hai lagta.

Aadmi 4 : Hmm! Zindagi me kuch bhi kar lo, par bhool ke bhi Bhau se panga na lo. Iss ladke ne anjaane me hi ek aisi jagah khud ko daal diya hai, jaha iska vinaash nishchit hai. Ab chalo jaldi...

Aur wo sabhi aadmi Golu aur apne aadmiyo ko waha se uthaa ke nikal gaye.

Veer idhar road ke kinaare besudh sa dala hua tha.

***

Raat ke 10 baj chuke the. Jab achanak hi Veer ko apne chehre par kuch geelapan sa mehsoos hua.

Aur wo apne hosh me aaya.

Dekha toh paaya ki...

Wo apne bed par tha. Aur uske ird gird, Ragini, Kavya, Arohi, Suman, Aabha, Sonali ye sabhi khadi hui thi.

'Huh??'

[Aap behosh ho gaye the master. Luckily, wo aapko wahi chorr ke chale gaye. You know... I was so worried... *sniff* Mein... Mein... Abhi aap kesa feel kar rahe ho? Wait! Mein khud hi check kar leti hu. You should rest.]

Kavya : Bhaiyyaaaaaaaaa!!!!

Kavya aage badh Veer se lipat gayi. Uski aankho me abhi bhi aasuo ki boonde saji hui thi.

Veer mehsoos kar paa raha tha ki Kavya ke dil ki dhadkan kitni tezz thi. Wo dekh paa raha tha ki Arohi ke chehre par tak aasuo ke nishaan the. Ragini aur Suman ki aankhein bhi nam thi. Aabha bhi chintit nazar se dekh rahi thi. Sonali bhi usse bauhe sikode dekh rahi thi.

Usse abhaas ho raha tha ki ye sabhi log uski kitni parvaah karte hai.

Kavya : Bhaiyaaaaaaa!!! *sniff* *sniff*

Veer : Mein yaha!?

Arohi (aage aate hue) : M-Mein bataati hu...

Uske baad Arohi ne sab kuch bataaya.

Kese wo ghar pohuchi, kese Police ko Ragini ne inform kiya, Police aayi aur Kavya Arohi ko leke uss jagah par pohuchi jaha Veer unhe bachaana aaya tha.

Kese unn ne Veer ko waha behosh paaya aur yaha ghar waapas laaye. Police aasvaashan dete huye ki wo apni jaach jaari rakhenge keh ke chali gayi. Ye saari baatein Arohi ne Veer ko bata dii.

Veer : I see...!

Arohi : Wo...

Veer : Hmm???

Arohi : N-Nothing... Tum rest karo.

'Mere kaaran aaj ye sabhi tyohaar bhi na mana paaye.'

Ragini : Veer tum rest karo. Okay!

Veer : Mere kaaran aap sabhi... Aaj tyohaar bhi...

Ragini : Don't even think about that okay? Tyohaar toh harr saal aata hai Veer. Tum zyada zaroori ho ya tyohaar!? Rest karo okay!?

Kavya : Bhaiya! Aap bistar se nahi nikloge. Rest karo. Mein aapka dhyaan yahi rakhungi.

Ragini : Nahi Kavya! Veer ko kuch derr akela rehne do. Usse neend ki zaroorat hai. Mene doctor ko bhi inform kar diya hai. Wo aate hi honge...

Suman : Maali... Ahem! Veer jii! Apna dhyaan rakhiyega. Koi bhi pareshani ho toh mujhe awaaz laga dena. Mera kamra aapke bagal se hi jo hai. Ragini jii ko pareshan karne ki koi zaroorat nahi. Mein hu na.

Aur sabhi uske kamre se baahar nikal gaye. Aaj bechaara Veer itna bada parv Diwali na mana saka. Ek ke baad ek jese uski zindagi me bas pareshaniya hi likhi hui thi. Na jaane kab uski zindagi me khushiyo ki bauchhaar aaegi!?

***

'Wait!!! G-Golu? Golu ka kya hua? Wo bhi toh wahi tha!? Uska kya hua? Bechaara wo bhi mere kaaran...'

Sochte hue Veer derr raat bistar se uth khada hua.

Par jese...

Ye ghabraahat kam thi? Jo ek aur awaaz ne uski iss ghabraahat ko badha diya...?

*Ding*

[Mission : Get to Golu as fast as possible and save him.

Rewards : ?? Points.
Location : Jalsa Building. xxxxxxx road, near xxxxxxx route.
Time Limit : 19 hours.
Mission Fail Penalty : 100 Points Deduction.]

'N-Noo... No... Noooo Nooooooooooo...'

Mission padhte hi Veer apne bistar par gir pada.

'Nooooooo... Wo meri wajah se... Wo...'

Par jese ye sab kuch bhi kam tha uske liye jab achanak hi uska phone baj utha. Ek unknown number se call.

Veer : H-Hello!??

Voice : Hello! Wese... Hello kehne laayak mahaul toh nahi hoga tumhaare liye Haha~ Kyu!? Jhatka laga na?

Veer (frowns) : K-Kaun!?

Voice : Kaun hu, Kya hu ye sab baad me jaan jaoge apne aap. Tumne ek boht badi galti kar dii. Anjaane me hi kari par galti toh galti hoti hai. Hai na? Aur galti kii hai toh saza toh milti hi hai. Hai na?

Veer : ??

Voice : Toh ye tumhaara dost hai na!?? Kya naam hai iska!??

Veer : Huhhhh!??? G-Goluuuuu!?

Voice : Ohhh! Toh Golu hai iska naam. Haa toh tumhara ye Golu mere qabze me hai. Wese toh mein tumhari unn do behno me se ek ko uthaane waala tha par... Ye bhi bura target nahi hai. Haha~

Ye sunte hi Veer ke raungte khade ho gaye. Ki uski behne kitni badi musibat se bach ke baahar aayi thi. Warna na jaane kya hota Veer ka.

Veer : N-Nahiiiii! No..... Tummmm...

Voice (gusse me) : Kal! Kal raat 8 baje... xxxxx route par xxxxx road hai. Udhar ek dhalaan waala raasta milega. Andarr jaate jaana, aur ek building dikhegi.
Tumhaare swaagat ke liye waha bade se aksharo me Jalsa likha hoga. Police ko khabar karne ka koi fayda nahi hai. Wo mere naam se hi kaapte hai. Fir bhi bataana chaaho toh bata lena, par tumhaare dost ki guarantee fir mein nahi lunga. Yadi apne dost ko bachaana chaahte ho toh kal..bataayi gayi jagah par pohuch jaana... Warna...

*Call ends*

Veer ko maano saanp sungh gaya tha. Wo agle pal apna sarr pakad, baal kheechne laga.

'Nooooo!!!! Nooooooo!!! Ye sab kyaaa... Mere kaaran aaj sabhi Diwali nahi mana paaye... Aur bechaara Golu... no no no no noooo... Jiska koi kasoor nahi tha... Wo... Aaj mere kaaran... Arohi ya Kavya bhi uski jagah ho sakti thi... Sab kuch mere kaaran... Kaash... Right... I... I shouldn't have existed... I shouldn't have... *sniff*'

[Maaaaaaaasttteeeeeerrrrrrrr!!!]

'Huh!?'

[Please master! Don't get demotivated. Mein hu aapke saath. Aisa kabhi mat sochiyega. I'm always with you. Aap akele nahi ho. We... We will save Golu, just like we saved Arohi and Kavya. Ghabraaiye mat Master... Please! Mein aapko aise nahi dekhna chaahti. Aapki himmat tootate hue... Because, it hurts me too... Pleaassee! Be strong Master. Mein aapke harr ek kadam par aapke saath hu.]

'P-Pariii!??'

Pari ki baato ne jese apna asar kar diya tha. Kyuki agle hi pal Veer ne aapne aasu poche aur usne nishchay kar liya.

'Right! We... We will save him... We will... Pehli baar koi dost bana hai. *smiles* Mein usse kuch nahi hone dunga. I don't know ye kaun hai aur kyu meri family ke peeche pada hai. But... Mein apni family aur friends ko kuch nahi hone dunga. Right!!'

[That's the spirit master!]

'Mere stats dikhaao Pari!'

[ Stats :
Strength - 50/100
Intelligence - 35/100
Agility - 30/100
Endurance - 45/100
Appearance - 22/100]

'Hmm! Mere paas 90 points available hai. Mein... Mein unhe add kar sakta hu right?'

[Yes but changes subah dekhne ko nahi milenge master. Changes ke liye night time zaroori hai. Raat ke 12 se subah ke 8 tak. Abhi raat ke 2 baj chuke hai. Aapko points add 12 ke pehle karne the, tab jaake subah 8 ke baad aapko changes dekhne ko milte.]

'I see! Well koi nahi. Ab Golu ko bachaane ke baad hi... Mein ikhatte points invest karunga. I will save him.'

[As you wish Master. It's time to rest.]

'Yeaaaahhhh!!'

***

Diwali ki agli raat...

Aaj ke iss din sab kuch band rehta hai. Market se leke sab kuch...

Yaha tak ki aaj ke din akhbaar waale bhi chhutti lete the. Aur aaj ki iss raat Veer ek building ke saamne khada hua tha.

Samay 7:55 ho raha tha.

Usse uss aadmi ne 8 baje ka bola tha.

Building ek sunsaan sii jagah hi bani hui thi. Behad badi, aur kaafi puraani lag rahi thi.

Uski banaavat bhi puraane tareeko se kii gayi thi. Modern kahi se nahi lag rahi thi woh...

Saamne ek bada sa lohe ka gate tha. Aur upar LED lights se likha hua tha.

JALSA

'Bhala kesi jagah hai ye!?'

[It looks old master. Par saath hi saath modern touch bhi hai.]

'Yeah!!!'

Wo yaha keval ek shirt pehne aur neeche jeans daale poora prepared hoke aaya tha.

Uske jeans me ek lighter tha, saath hi saath wahi pocket knife bhi dali hui thi. Aur Kuch cash bhi tha.

'Hang in there.... Golu! Tumhe kuch nahi hoga. Tumne meri jaan do baar bachaayi... Now it's my time to save you.'

8 baj chuke the...

Aur...

*Ring* *Ring*

Wahi unknown number dekhte hi Veer ne call uthaaya,

Veer : Mein pohuch gaya hu. Aage batao.

Voice : Ohhh!? Itna confidence? I like it... Andar aao. Darwaaza khula hai.

*Call ends*

Ek lambi saas lete hue Veer ne apne dhadakte dil ko thoda calm karte hue aage badh, darwaaze ko khola...

*Creeeaakkk*

Par andar aate hi...

Ekdum ghapp andhera tha...

Kuch kadam wo chala ki tabhi peeche ka darwaaza apne aap band ho gaya.

'Huh???'

Aur uski calmness yu pal me gaayab ho gayi.

*Badump*

Andhera itna tha ki usse kuch nazar nahi aa raha tha.

Poora kaala andheraa... Ekdum shaant mahaul...

Aur tabhi Veer ne apne jeb se lighter nikaal usse jalaaya...

*Click*

Lighter ki maddham aag ki roshni se jese hi usse saamne ka nazaara nazar aaya toh uske raungte khade ho gaye...

Saamne toh kuch nahi tha...

Par...

Neeche...

Dherr saare laal rang ke gubbaare dale huye the. Yadi ye scene kisi horror movie ka hota toh aadmi ki dekh ke hi phat jaati.

Aur Veer toh khud waha uss situation me tha.

'Y-Ye...!?'

Tabhi achanak...

*Tuck*

Ekdum se kisi button ki awaaz aayi aur Veer ke saamne LED lights se bade se akshar jagmaga uthe...

Likha hua tha..

WELCOME

'????'

Wo kuch soch paata ki tabhi...

Uske kaano me ek awaaz padi...

*Clap* *Clap* *Clap*

"Welcome! Welcome! Jalsa me tumhaara swaagat hai.... Veeeerrrr!!!"

Ye awaaz upar lage intercom se aayi. Ek kaale rang ka box tha jo basically school aur colleges me classrooms me lagaaya jaata hai announcement ke liye.

Veer : ??? Tum... Mera naam...

Voice : Bilkul! Bilkul! Mein toh tumhaare baare me sab jaanta hu. Akhir tumne itna pareshan jo kiya hai mujhe. Itna pareshan ki mujhe tum jese chuho se khud deal karna pad raha hai batao.

Veer (chillaate hue) : Golu kaha hai!???

Voice : Shaant! Usse dhundne toh tumhe khud aana padega. Wese mein tumhe lighter dene waala tha par dekh ke accha laga ki tum poore intezaam se aaye ho.

Veer (frowns) : What do you mean ki mujhe usse dhundna padega!?

Voice : Tumhaara dost third floor par hai. Yadi bacha sakte ho toh bacha lo... Sab kuch tumhaare upar hai... Teesre floor par pohuchne ke liye teen padaav paar karne hai. Sabse pehle bagal me lagi lift me jao. Aur first floor ke liye button dabaana. Dhyaan rahe... No cheating... Pehli manzil yaani pehli manzil... Yadi baaki buttons dabaayi aur yadi... Current ka jhatka lagne se tumhaari maut ho gayi... Toh... Tumhaara dost bechaara... Hahahaha~

Veer (screams) : Daaaaamnnnnnn yooouuuuu...

Voice : Hahahaha~ Yahi toh pasand hai mujhe... Logo ki tadap, ghabrahat, darr...

Veer : Kyuuu??? Kya bigaada hai mene tumhaara? Kyuu kar rahe ho ye sab meri family ke saath? Mein toh tumhe jaanta bhi nahi hu... Fir kyuuuuu??

Voice (gusse me) : Shyaaana banta hai saale!? Club se tu hi uss ladki ko bhaga ke le gaya tha na? Bol!?? Uss Ragini ko bachaane bhi tu hi aaya tha na?? Bol?? Aur uss anguthi ko bhi tu hi chhina ke laaya tha na??? Haan? Ab samajh aaya tujheee!?? Bol!!!! Harr waqt tu kahi na kahi mere plan ke beech me aaya hai. Aur tere kaaran... Tere kaaran mere plans bikhar ke reh gaye... Maatr ek chuhe ke kaaran... Saza toh banti hai. Nahi?

Ye baat sunte hi Veer ko ek zordaar jhatka laga. Aur usse jese ateet yaad aane laga. Jese usse sab kuch samajh me aane laga.

'Huh? N-No way... Ragini Bhabhi... W-Wo ladki... Wo ring...'

[Iska matlab harr kartoot ke peeche ye aadmi ka haath tha master. Yahi hai jo hamaari family ke peeche pada hua hai. We have to take him down.]

Aur tabhi Veer ke kaano me ek jaani pehchaani sii dhun padi...

Jisse sunte hi uske haath kap kapaane lage...

Intercom se hi wahi mouth organ ki awaaz aa rahi thi aur ye wahi dhun thi jo Veer ne uss din club me suni thi.

'N-Nooo... Ye... Ye toh... It was him!???'

Ye abhaas hote hi uski aankhein shock ke maare felti chali gayi. Akhir wo banda Aatish tha.

Aatish : Aahhh! Waqai! Mera pyaara mouth organ hi mere gusse ko kaabu me karta hai.

Veer (shivers) : T-Tumm... Tum...

Aatish : Ohhh! Mujhe jaante ho? Koi baat nahi. Aur acche se jaan jaoge... Jese tumhaari... Kya naam tha uska... Haa! Ragini mujhe jaan gayi. Aaahhhh! Kya scene tha uss din... Uska rona... Uske pati ka apni zindagi ki bheek maangna... Kya toda tha mene uss din usko andar se...

Veer : Bh-Bhabhiii!???

Aatish : Haan! Aahhh maza aa gaya tha uss din.
Mujhe logo ka vishwaash todne me boht maza aata hai. Pata Veer!? Matlab boht zyaada... Jab... Jab unki wo shaqal banti hai na, baad me jab unka vishwaash toot'ta hai, aur fir wo bina koi aasha waala chehra banaate hai na... Wo... Usse dekh ke na... Usse dekh ke na... Pata nahi kyu par... Par mujhe boht zyaada sukoon milta hai. Kya gazab ka chehra banaaya tha uss Ragini ne... Ab toh poori tarah se toot gayi hogi... Aur yahi tumhaare saath hone waala hai... *smiles*

Veer : Tumne... Tumne ye sab kiya tha... I... I will kill you... Mein tujhe chorunga nahi haraam zaade...

Aatish : Lift me jao aur pehla padaav paar karo... Ye bilbilaana baad me... Tumhara samay shuru hota hai ab...

Na chaahte hue bhi, Veer ko akhir lift me jaana hi tha.

Andar ghuste hi lighter ki koi zaroorat nahi thi. Kyuki lift me lights on thi.

Lift ke andar sab kuch normal dikh raha tha.

Isliye ahista se Veer andar gaya aur jesa ki bataaya gaya tha usse first floor par jaane ke liye. Veer ne theek wesa hi kiya.

Lift ka darwaaza band hua aur lift chalna shuru ho gayi.

Par...

Aadhe raste me hi jese wo ruk sii gayi.

'There's something wrong... Hmmmm!???'

Khatre ka abhaas hote hi Veer ki nazar upar gayi aur...

*Hissss*

Ek ajeeb sii gas leak ki awaaz usse sunaayi dii...

Upar dekha toh paaya ki upar lift me kahi se gas leak ho rahi thi.

Bina ek second gawaaye...

'Check'

[Description : Fluothane gas. Ek baar inhale karte hi behosh kar sakti hai. Common cases me vomiting, nausea, breathing problems. Worst case - Death.]

'Shiiitttttttt!!!!'

Veer ko jese hi realize hua ki wo kya tha, maano jese uska dil baahar ko aa gaya tha.

*Badump* *Badump*

Dil ki tezz dhadkan control kar usne upar firse dhyaan diya toh dekha...

Upar kuch wires guccho me maujood the.

[Cover your mouth master.]

Pari ki salaah sunn Veer ne forun hi muh pe rumaal baandh liya...

Tabhi neeche ki floor se intercom se firse Aatish ki dheemi awaaz aayi,

"Sahi soch rahe ho. Hahahaha~ Unn saare wires me se keval 3 hi wire hai jo lift ki upar lagi gas machine ko rok sakte hai. Kaam simple hai. Sahi wire kaato, aur machine band karo. Wese itni jaldi behosh nahi hoege tum. Kyuki mene concentration uska thoda sa kam rakha hai. Aur haa... Wire kaatne ke liye... Neeche chaaku pada hai. Good luck! Hahahaha~ "

Veer (screams) : Daaaamnnnnnn youuuu....

Veer ne apni khud ki pocket knife nikaali aur...

'Wait! Mein wires ko check kar sakta hu. Mujhe harr ek kaatne ki zaroorat nahi hai.'

[Right master!]

'Check!... Ye nahi...'

'Check... Not this...'

'Check... Shiitttt!'

.
.
.
.
'Check'

[Description : One of the wires of the gas machine.]

'Mil gaya...'

*Cuts*

Aur kuch hi palo me Veer ko teeno wire mil chuke the. Jese hi usne teeno wire kaate...

Machine apne aap band pad gayi...

Halaaki halki sii gas Veer inhale kar chuka tha jiske chalte khaasi aur uske seene me dard shuru ho chuka tha. Yaha tak ki uska ab ulti karne ka bhi mann kar raha tha.

Aur lift ke chaalu hote hi first floor par pohuchte hi wo lift se baahar nikal neeche gir pada.

Apna seena dabaaye wo tezz tezz saasein le raha tha.

[Master! Are you okay??? Maaasteerrrr!!!]

'Haaah! Haaahhh haaaahhh haaaahh!!! Pariiii...'

*Cough* *Cough*

[Mein... Aap... Aap ko breathe karne me problem ho rahi hai master.]

'It's... It's okay Pari... I'm fine...'

[But...]

'Mene kaha na... *Cough* I'm... I'm fine...'

'I will kill him... Mein usse nahi... *Cough* nahi chorrunga... Golu... Mein tumhe bacha ke rahunga...'

Aatish (claps) : Maan na padega... Ki tumne meri umeed se kahi zyaada accha perform kiya. Toh? Taiyaar ho? Agle padaav ke liye? Saamne ek kamra hai. Kamre ke baahar ek laal button hai. Usse dabao... Darwaaza khul jaega.

Ladkhadaate hue Veer bina kuch kahe aage badha aur button dabaayi toh darwaaza khul gaya.

Par...

Andar aate hi usse ek behad hi bhaiyankar darr ki anubhooti hui. Jese maano uski maut aane waali ho. Usse nahi pata tha ki agla padaav uske liye kya kuch laane waala tha. Kya wo waqai Golu ko bacha paega!?
.
.
.
.
.
.
.
.
Aaj ke liye itna hi guys!
Dhanyavaad!
Don't forget to like.

Awesome

 

[Tiger 786]

Update - 36 ~ Despair and Love

[This update contains some gore scenes. Beware!]​

Ab tak...

Ladkhadaate hue Veer bina kuch kahe aage badha aur button dabaayi toh darwaaza khul gaya.

Par...

Andar aate hi usse ek behad hi bhaiyankar darr ki anubhooti hui. Jese maano uski maut aane waali ho. Usse nahi pata tha ki agla padaav uske liye kya kuch laane waala tha. Kya wo waqai Golu ko bacha paega!?

Ab aage...

"Haaah haaah haaaahhhhh..."

[Master! Calm down! Saas araam araam se lijiye. Aap jitna zorr zorr se saas lenge, utna hi panic karenge aur fir behosh ho sakte ho aap.]

Lift se nikalne ke baad Veer ki haalat sahi toh kahi se bhi nahi thi. Fluothane ka concentration bhale hi kam tha. Par shareer ke andar jaate hi uske kuch na kuch side effects toh hone hi the.

Pari ki baat maan jab usne apni aniyantrit saaso ko control kiya toh kuch pal baad usse thoda sahi mehsoos hua.

Wo already ek naye kamre me aa chuka tha. Ye kamra andar se harr jagah safed rang se puta hua tha. Kamra kehna galat hoga. Balki ek behad bada hall type ka tha. Par...

Par ek hi baat thi jo boht hi zyaada ajeeb sii lag rahi thi iss waqt. Yaha tak ki Veer khud confusion me khada hua tha.

Wo ye ki...

Upar ceiling se dherr saari rassiyaa latak rahi thi. Matlab itni zyaada tadaad thi unki ki aisa lag raha tha maano rassiya nahi balki jangal me ped se latak rahi bel ho.

Aur harr ek rassi, dusri rassi se baraabar ke gap me lagi hui thi. Saath hi saath upar ceiling me chaukor khand bane hue the jinke beecho beech ek ek rassiya lagi hui thi.

'Ye sab... kya hai!?'

[Dusri paheli master! Shayad inni rassiyo se aapko kuch karna hai!?]

Aur Pari ke bol jese sahi saabit ho gaye.

Kyuki uske baad hi Aatish ki awaaz intercom se ek baar fir aayi aur Veer ke kaano me padi,

"Ab tum soch rahe hoge ki bhala ye sab kya hai? Kya bala hai ye!? Toh bataata hu... Ye saari jo rassiya dekh rahe ho, inme se kuch aisi hai jinhe kheechne se kuch nahi hoga. Par inhi me se kuch aisi hai, jinhe kheechne par kuch na kuch hoga. Ab tumhe inhi saari rassiyo me se ek rassi aisi dhundni hai jisse kheechne se wo waha diwaar me laga case khul jaaye."

Aatish ki baat sunn Veer ki nazar bagal me gayi jaha deewaar par ek kaale colour ka case laga hua tha.

"Uske khulte hi tumhe firse ek badi sii wahi gol laal button milegi, jisse daba kar tumhara iss kamre ka lock khul jaega. Simple hai. Hai na!? Toh fir shuru ho jaayo."

Aatish iss waqt jidhar bhi baitha hua tha, wo cameras se Veer ko dekh paa raha tha. Aur iss waqt uski awaaz sunn ke hi ye pata lagaaya jaa sakta tha ki wo kitna khush tha.

[Master!]

'Hmm?'

[Mujhe kuch gadbad lag rahi hai. Lift me gas leakage tha. Par yaha toh sab kuch normal lag raha hai. Aur mein nahi maanti ki ye itna simple hai.]

'Tumne thik kaha Pari... Par mujhe pata hai mujhe kya karna hai.'

[Hmm?]

'Check!!!!'

Veer ne ek ek kar ke ceiling par lagi unn chaukor khando ke beech, harr ek rassi ko check kiya. Aur ye karne ke baad jo results usse mile, usse jaankar hi uska dimaag hil gaya.

Kuch khando ke upar aisi aisi cheeze dali hui thi ki unke baare me sawaal uthna swabhaavik tha.

Kuch khando ke upar badi badi dherr saari eete dali hui thi. Kuch ke upar lohe ki rods. Toh wahi kuch me tezaab dala hua tha.

Jese hi Veer ko inn cheezo ke baare me pata chala uska badan sihar utha, ye soch ke ki yadi uske paas aaj ye Check function na hota aur yadi usne inme se kisi bhi ek rassi ko kheencha hota toh uska kya hota?

Maut!

Yahi jawaab tha bas.

Rassi kheechte hi upar ka chaukor khand palatne ke liye banaaya gaya tha. Zaahir sii baat thi, ki jese hi chaukor palatata, upar rakha jo bhi samaan hota wo seedha aake neeche maujood vyakti par girta.

Aaj Veer teen cheezo se bach gaya tha. Eete, rods aur savse khatarnak cheez ~ Tezaab.

Soch ke hi Veer ke raungte khade ho gaye the...

Tezaab jesi cheez ban hoti hai aur aam aadmi ke paas toh bilkul hi nahi rehti. Na jaane Aatish ne kaha se mangwaaya hoga. Par ye bhi baat thi...

Ki Aatish bhi koi aam aadmi thodi tha.

Aatish bhale hi khush tha abhi. Par iss round me baazi Veer ne maar lii thi.

Apne Check function ke kaaran usne sab kuch pehle hi pata laga liya tha.

Ab keval Veer ko acting karni thi.

Usne aage badh pehli rassi kheechi, aur ceiling ka wo chaukor hissa palat gaya.

Par...

Andar se kuch na nikla.

Aise hi usne kuch rassiya kheenchi jinme se kuch khaali thi toh kuch me eete neeche giri par unke girne se pehle hi Veer peeche hatt gaya. Kyuki usse pehle hi pata tha ki unn sab me kya tha.

Tezaab waali ek bhi rassi Veer ne nahi kheechi. Ye boht risky tha aur Veer risk nahi lena chaahta tha.

Veer ne inn rassiyo ko isliye kheecha tha taaki Aatish ko koi shaq na ho. Yadi wo pehli hi baar me sahi rassi chun leta toh ye suspicious maamla bann jaata. Bas Isliye usne dhong kiya aur aise hi kuch ek do rassiya kheechne laga.

Ant me usne wahi rassi kheechi jiske chalte wo kala case side me khula aur andar ek laal button usse nazar aayi.

Button dabaate hi darwaaza khul gaya aur room se baahar nikal usse dusri lift bhi nazar aa gayi.

Jiske zariye wo second floor par pohuch gaya.

'That was too easy... Golu... Chinta mat karna... Mein aa raha hu... Bas thodi derr aur...'

Veer iss samay thoda asmanjas me bhi tha. Kyuki kuch derr pehle jo Aatish itna zorr zorr se thahaake le raha tha, wo ekdum se shaant sa pad gaya tha.

'Shayad usse nahi laga tha ki mein uska dusra round clear kar paunga itni easily.'

[Haha~ Usse kya pata ki aap akele nahi ho. Ye Pari bhi aapke saath hai.]

***

Jab Veer second floor par pohucha. Toh intercom se firse Aatish ki awaaz aayi,

"Maan'na padega Veer. Waqai! Tumhari kismat ke kya kehne. Par pata hai!?... Mein tumhaari issi kismat ko sabak sikhaunga abhi. Bas dekhte jao. Uss Ragini ko jese mene toda tha... Wese hi tumhe todunga Veeeeerrr.... Tumhara jab wo darra hua chehra dekhunga naaaa... Jisme ek pal bhi jaan na bachi hooo.... Jisne jeene ki iccha chorr dii hooo... Wahi... Bas wahi dekhna chaahta hu mein... Aaahhh! Tabhi... Tabhi mujhe chenn milega..."

Uski awaaz achanak hi itni badh gayi ki intercom se sound frequency zyaada hone ke kaaran Veer ko apne kaano me haath lagaana pad gaya.

Next room me enter karte hi...

Usse apne perr pe ek ajeeb sa sensation hua.

Par iske pehle ki wo nazre neeche kar dekh paata...

Achaanak hi wo itni speed me khichta chala gaya ki uski kuch samajh me hi nahi aaya. Uska perr, rassi ke ek phande me phass chuka tha. Aur wo rassi jese kisi pulling machine se bandhi hui thi. Ki Veer ka perr jese hi usme aaya aur machine ne usse kheenchna shuru kar diya.

Iss waqt Veer hawa me ulta latka hua tha. Uska ek perr rassi me bandha hua tha aur wo daaye baaye jhul raha tha. Aur uske neeche...

Paani ka boht bada tank rakha hua tha.

"Daaaaaamnnnn ittttt!!!"

Aatish : Veeeeeerrrr!! Ab tumhe pata chalega ki kya hota hai mujhse ulajhna.

Next second hi...

Achanak hi wo rassi neeche aayi aur...

*Splaaaaaashhhhh*

Veer ko poora ka poora uss paani se bhare tank me dubo dii.

"Blurrrrghhhhhh...grrrhhhh" Paani ke bulbule Veer ke muh se chooth rahe the aur wo kisi machli ki tarah chhatpata raha tha, jab wo paani ke baahar aa jaati hai.

[Master!!!? Hold your breath. Paani andar mat lijiye.]

Kamar tak Veer andar hi tha aur fir rassi upar hui aur Veer paani ke baahar nikal aaya. Wo tezz tezz haaf raha tha, khaas raha tha, theek se saas lene ki koshish kar raha tha.

Uska poora shareer kamar se le kar sarr tak paani se geela ho chuka tha.

Aatish : Veer! Mein chaahta toh tumhe kab ka khatam kar sakta tha. Par bhala... Usme maza hi kaha? Jo maza torture karne me hai. Wo maza kisi cheez me nahi. Hahahaha~

Na jaane kitni hi baar Veer ko yu paani me duboya gaya hoga. Par Veer...

Kuch nahi bola...

Uski aankho me bas krodh ke bhaav the. Ekdum laal aankhein jo badla lene ke liye tadap rahi thi.

Wo taiyaar tha. Chaahe jitna bhi torture kyu na kar liya jaaye usse. Ek na ek din wo iss Aatish ko apne khud ke haatho se saza dega. Usne ye nirnay kar liya tha.

Par achanak hi jis baat ki Veer ko bilkul bhi umeeed nahi thi wo hua uske saath.

Achanak hi usse neeche kiya gaya.

Ab wo aisi position par tha ki wo apna ek haath neeche container par tika sakta tha.

Aur issi ka istemaal kar usne apne jeb se knife nikaali aur khud ko upar kar jitne cuts rassi me maar sakta tha utne maare...

Nateeja...

Wo kuch palo me hi free tha.

"Jao... Tum mere test pass hue Veer. Jao... Intezaar kiska hai? Wo laal button dabao aur darwaaza khol lift me jao. Third floor pe hi tumhara dost hai Veer. Jao..."

Bhale hi Aatish ke shabd positive the. Par the toh Aatish ke muh se nikle shabd...

Itni asaani se kese vishwaash kar leta Veer!?

Usne savdhaani barat'te hue wo button dabaayi, jiske chalte darwaaza khul gaya.

Aur Lift ka istemaal kar wo third floor pe bhi pohuch gaya. Koi bhi takleef ya koi bhi trap nahi mila usse.

Sab kuch ekdum shaant tha. Kahi koi gadbad nazar nahi usse.

Ab bas iss darwaaze ke khulte hi usse Golu nazar aa jaega.

Ek aas liye... Veer apne mann me hi khush hone laga. Bhale hi uski jaan inn traps me jaate jaate bachi thi. Par...

Par aaj wo unn traps ko paar kar Golu ke paas pohuch chuka tha.

Aur Golu ko jald se jald churraane ke liye jese hi Veer ne gate khol ke saamne ka nazaara dekha...

Toh...

Wo apne aap apne ghutno par aa gira...

Saamne ka nazaara dekh uski rooh kaanp gayi.

"N-No...!"

Usne apne kaanpte hue hontho se budbudaaya...

Akhir aisa kya tha jo usse nazar aa gaya tha! Raaste me toh usse koi gadbadi mehsoos nahi hui thi. Fir aisa kya tha...!?

Par saamne ka nazaara hi aisa tha ki Veer ne apni zindagi me iss se zyaada khaufnaak drishya nahi dekha tha.

Uski nazre ek hi jagah par tiki hui thi. Wo jese apni palke jhapakna bhul gaya tha. Bhaiyankar khaufnaak, darrawna aur rooh hila dene waala manzar maujood tha uske saamne.

Kyuki...

Saamne...

Ek sheeshe ka bada sa aquarium tha. Aur andar usme ek magar terr raha tha.

Par... Baat sirf yahi nahi thi.

Jis paani me wo terr raha tha...

Wo...

Ekdum laal hota jaa raha tha. Aur...

Veer ne dekha ki...

Magar ke hi paas me...

Kuch paani me terr raha tha.

Aur wo dekh Veer ki nazre darr ke maare felti chali gayi.

Kyuki...

Wo kuch aur nahi... Balki... Ek insaan ka haath tha.

Jiski twacha ke chithde udd paani me hi terr rahe the aur bhayanak laal rang paani me ghulta jaa raha tha. Wo kya tha... Iss baat ka andaaza lagaana bilkul bhi mushqil nahi tha.

Khoon!

Insaan ka khoon...

"Noooo... Nooooo...."

Uska badan boht tezz kampan maar raha tha.

Harr ek ang darr ke maare hil raha tha. Aur uske badan me harr jagah roye khade ho chuke the. Aisa khaufnaak nazaara pehle kabhi nahi dekha tha Veer ne apni life me.

Aur jese ek awaaz ne uska darr saatve aasmaan par pohucha diya...

*Ding*

['Mission : Get to Golu as fast as possible and save him.' has been failed.]

[Mission Fail Penalty : 100 points Deduction.]

[90 points have been deducted. 10 remaining.]

Ye jhatka jese kam tha tha jab agle hi pal Aatish ki baat sunn Veer ka darr yakeen me badal gaya,

"Hahahahaha~ Sahi soch rahe ho Veeeeeerrrr... Ekdum sahi... Yahi hai tumhara Golu... Arre yahi hai... Jo ab nahi raha hahahaha~ Dekh rahe ho? Laal rang ... Aaahh! Adhbhut! Apni shaqal dekho Veer... Yahi... Yahi toh mein dekhna chaahta tha.."

Veer ki aankho se aasu apne aap nikal rahe the. Wo jese kisi sadme me jaa chuka tha par sabse bada sadma jese usse abhi lagna baaki tha.

"Veeeeeerrrrr!!! Hahahahaha~ Tumhe pata hai? Tumne hi usse maara hai Veer... Tumne... Mene nahi... Tumne apne hi dost ka qatl kar diya Veeeerrr... Haan tumne hi..."

Veer : !!?

Aatish : Mene kaha tha na Veer... Mein tumhari kismat ko bhi sabak sikhaunga... Aur tumhe bhi andar se todunga ... Tumhe pata hai Veer...!? Wo dekho... Tank me tumhe teen gate dikh rahe hai!?

Aatish ki excited sii awaaz sunn Veer ki lifeless sii nazre apne aap hi tank ke uss hisse par chali gayi...

Aur waqai...

Waha usse teen bade gates nazar aaye jo tank ke hi andar maujood the.

Aatish : Wo saare gates band the Veer... Wo saare band the. Aur tumhara dost ek taraf tha aur gates ke uss taraf mera paaltu Magarmacch 'Clutch'.

Veer : ???

Aatish : Tumne apne dost ki jaan leli Veer. Jab jab tum uss Laal button ko daba rahe the... Tab tab yaha tank me maujood andar ke ye gates khul rahe the. Tumhe laga tha... Ki tum apne dost ko bacha rahe ho... Par Veeeeeerrrr... Tum unhi haatho se apne dost ko maut ke muh me dhakel rahe the. Tum apni khud ki jaan bachaane ke liye, uss laal button ko jab jab daba ke aage badh rahe the. Tab tab tumhe nahi pata tha... Ki tum apne dost ko maarte jaa rahe the Veeeeerrrrr... Hahahahaha~ Haan! Yahiiii.... Yahiii chehra mujhe dekhna tha Veeeerrrr....

Maano jese ek bomb sa foota Veer ke sarr aur uski saari sochne samajhne ki shakti gaayab ho gayi ye sunn ne ke baad...

Veer : ....

Aatish : Dekhoooo.... Dekhooo Veeeerrrr! Kese... Kese tumhare dost ke shareer ke tukde paani me terr rahe hai. Kese chithde udaa ke rakh diya mere paaltu magar ne... Khooon hi khooon hai Veerrrr... Aur ye sab... Tumne apne haatho se kiya Veeer... Tumne... Hahahaha~ Tumne hi apne dost ko maar diya... Mene toh kuch na kiya Veer. Tumne hi uski jaan leli...

Veer ka dimaag jese kaam karna band kar chuka tha. Uska haal iss waqt shabdo me bataane laayak nahi tha. Uska chehra safed pad gaya tha. Aankhein aisi jese maano unme jaan hi nahi thi. Ab na toh usse kuch sunaayi de raha tha aur na hi kuch feel ho raha tha.

Jis Golu ne uski do baar jaan bachaayi thi. Aaj ussi Golu ki jaan Veer ne apne haatho se leli. Bhala kese nikal paata wo iss glaani se? Inn feelings ke liye glaani bhi ek chota shabd tha.

Veer yaha ye soch raha tha ki... Wo apne pehle mitr, Golu ko bacha raha tha. Wo ye soch raha tha ki harr pal wo usse bachaane me kaamyaab ho raha hai. Par... Par aisa bilkul bhi na tha.

Wo toh ulta apne ussi dost ko maar raha tha. Aisi dardnaak maut insaan kabhi kisi ko na de. Jo manzar Veer ne dekha tha. Wo bataane me bhi kaho uske raungte khade ho jaaye. Fir wo toh khud experience kar raha tha. Na jaane wo iss waqt kinn bhaavo se guzar raha tha. Ye shock itna bada tha ki bechari Pari bhi ekdum shaant pad chuki thi. Usse bilkul bhi aisi umeed nahi thi.

Toh wo sab neeche gubbaare!? Kisi ke maut ke jashn ke liye the!? Veer ne buttons check nahi kii thi. Kyuki unn buttons ko dabaane se darwaaza khul jaa raha tha. Par usse kya pata tha...

Ki jin buttons ko wo daba raha tha wo saath hi saath tank me maujood gates se bhi connected thi. Akhir sahi hi toh kaha tha Aatish ne. Ek prakaar se Veer hi toh Golu ka hatyaara tha?

Aatish : Ab hamaare mehmaan ki bhi khaatir daari kari jaaye...

Veer ghutno ke bal baithe saamne abhi tak tank me ho rahi halchal ko dekh raha tha. Wo insaan ki taang jiske maans ke na jaane kitne tukde paani me idhar se udhar ho rahe the, wo haath...

Ye wahi haath tha... Jo Golu ne usse dosti ke liye aage badhaaya tha!?

Kuch bhaag aise the... Jo pehchaan me tak nahi aa rahe the.

Poora tank... Lahu luhaan ho chuka tha ekdum.

Aur ye sab dekh... Achanak hi Veer ko ubkaayi sii aayi... Aur uske muh se ulti behna shuru ho gayi.

Par jese Aatish ko ye manzoor nahi tha. Kyuki agle hi pal, Veer ke ird gird 8 se 10 log ikhatta ho gaye aur fir...

Usse itna maara gaya ki adhmari haalat me chorr diya.

Veer toh pehle hi sadme me jaa chuka tha. Usne ek baar bhi apne aap ko defend karne ki koshish na kii. Saare hamle wo tab tak sehta gaya jab tak ki wo behosh na ho gaya.

Ek dost mila tha usse...

Aur Veer ne apne hi haatho se uski hi jaan leli.

Aadmi 1 : Bhau! Ye behosh ho gaya hai. Kya karna hai? Isse maar de?

Aatish : Na Na Na Na! Maar denge toh maza hi kya? Wese ab mera kaam iss se nahi hai. Wo toh bas kuch dino se Jalsa me koi manoranjan nahi hua tha. Aur Veer ki badkismati thi ki wo mere plan ke beech me aa gaya. Nateeja... Saamne hai. Maut se acchi saza hoti hai logo ko tadpa ke unhe zinda rakhna.

Aadmi 1 : Bhau fir?

Aatish : Aksar hum bas yahi dhaarna leke chalte hai ki... Kuch log bure hote hai kuch log acche... Kyu hai na?

Aadmi 2 : J-Jii bhau!

Aatish : Veer ki nazro me mein bura tha kyuki mein uske raaste me aaya. Par yahi baat mein bhi toh keh sakta hu? Meri nazar me Veer bura tha kyuki wo merer raaste me aaya!? Insaan bura ya accha nahi hota kabhi bhi samjhe?

Aadmi 1 : Samjhe Bhau!

Aatish : Harr aadmi apni paristhiti ke hisaab se act karta hai. Ab harr aadmi ke apne apne tareeqe ho sakte hai. Veer ki kismat kharaab thi, jo wo mere raaste ke beech aaya. Ab na keval mene uski kismat ka sach usse bata diya balki usse andar se poora tod diya hai. Zindagi bhar ab wo glaani ki Zindagi jiyega... Hamesha uske mann me yahi rahega ki wahi apne dost ka hatyaara hai. Jao ab... Isse iske ghar ke baahar hi fek aao... Ab ye kisi laayak nahi raha. Aur ab hamaara raasta saaf hai.

Itna bol Aatish camera control room se baahar nikal gaya...

Par... Uska chehre par bade hi gusse ke bhaav the. Aur asantushti ke bhi.

***

Poora ek din guzar chuka tha iss ghatna ke baad.

Shaam ka waqt tha aur mand mand hawaaein chal rahi thi.

Nidhi ke ghar iss waqt Nidhi Juhi ke sang baith usse padhaane me lagi hui thi.

Toh wahi Shreya aaj shaam ka evening snack bana rahi thi.

"Ye meri cooking itni buri kyu hai? Aarghh! Kya likha hai?? Vegetables ko kaat ke saute karo?? Hmm! Lo bhai daal diye vegetables..."

Aaj usne josh josh me Juhi ko bol diya tha ki wo aaj noodles banaegi... Aur bas... Shaam hote hi Juhi uske peeche pad gayi. Ab bola hai toh karna toh tha hi kaam...

Isliye mohatarma lagi hui thi, sabhi ke liye Noodles banaane me.

Aur baahar baithi Nidhi Juhi ko pyaar se samjhaate hue padha rahi thi.

Tabhi Achanak hi uska phone baj utha...

Jab Nidhi ne caller name dekha toh wo wahi sthir sii pad gayi aur screen pe naam dekh wo bas wahi dekhti reh gayi.

'Veer!?'

Veer ka call aa raha tha.

'Iss waqt!? Aakhir ab kese usse meri yaad aa gayi? Uss din mandir me toh... Yu naraaz hoke chala gaya tha? Kabhi mujhse baat nahi karta... Fir kyu? Halaki Diwali par usne hi mujhe message kiya tha... Fir bhi...'

Ant me wo call utha leti hai.

Nidhi : Ab kese yaad aa gayi tumhe Veer apni iss madam kii?

Par dusri taraf se koi awaaz na aayi...

Nidhi : ???

Voice : Umm... Wo... Actually... Mein Veer bhaiya ki choti behan bol rahi Ma'am. I'm Kavya.

Nidhi : Aahhh!?

Kavya : J-Jii!

Nidhi (blushes) : Ohh no no! K-Kavya? Haan! Veer ne mujhe bataya tha beta aapke baare me. K-Kaho na? Kya baat ho gayi?

Kavya : Baat boht hi serious hai Ma'am.

Nidhi (frowns) : Kya hua?

Kavya : Mujhe aapse kuch puchna hai? Kya aap aur Veer bhaiya ke beech accha relationship hai?

Nidhi (blushes) : Ehhhhh?? W-Whaat??

Kavya : Hmm! I mean... Ek accha relationship hai na aap dono ke beech?

Nidhi : Y-Ye!? Tum kya puch rahi ho...!?

Tabhi Kavya ki ruwaasi sii awaaz Nidhi ke kaano me padi,

Kavya : Darasal... Kal bhaiya kahi gaye the raat me... Aur... Kal raat me wo... Itni buri haalat me ghar ke baahar mile the. Harr jagah *sniff* chot hi chot thi... Yaha sabhi *sniff* itna pareshan hai... Doctor ko bhi dikhaaya... Wo toh medicine deke chale gaye. Par... Par bhaiya kisi se baat hi nahi kar rahe hai. *sniff* Na jaane kya ho gaya hai unhe. Bas apne room me sarr jhukaaye baithe huye hai. Na khaana khaa rahe aur na kuch... *sniff*

Nidhi : H-Huh???

Kavya : Mene aapko isliye phone kiya hai, kyuki Veer bhaiya ko jab ghar se nikaala gaya tha tab wo aapke hi saath ruke huye the. Toh mujhe laga aapke aur unke beech aachhi khaasi understanding hogi. Shayad aapki baat maan jaaye wo? *sniff* Isliye mene aapko call kiya hai. K-Kya aap yaha aa sakti hai? Please? I-I beg you...

Jab poori baat ka Nidhi ko pata chala toh na jaane kyu par usse ekdum se bechaini sii hone lagi.

Ghabraahat bhi.

Nidhi : M-Mein abhi aati hu.

Aur usne bina koi samay waste kiye, seedha Veer ke ghar ki orr prasthaan kiya.

Juhi ko wo Shreya ki hi nigraani me chorr aayi.

Aur jese hi Veer ke ghar pohuch wo Veer ke kamre me daakhil hui.

Veer ki haalat dekh uski rooh kaanp gayi. Darwaaze ki dehleez pe hi uske kadam tham gaye. Aur ek atyant hi peeda aur ajeeb sa dard uske dil me hua Veer ko uss haalat me dekh.

Nidhi : V-Veeeer!??

Veer : ??

.
.
.
.
.
.
.
Aaj ke liye itna hi guys!
Dhanyavaad!
Pasand aaye toh like kar diyo re.

Aatish ko lagta hai ki veer ko
Usne tod diya hai.par veer itni
Jaldi tutega nahi.
Superb bhai

 

[Rslry]

Waiting

 

[Sanket manekar]

Update kab tak ayega bhai

 

[Arjun kr 1930]

Waiting 4 update

 

[Alok]

Waiting

 

[parkas]

For completed 1.4M views on your story thread.....

 

[Skkhan9818]

Waiting

 

[RAJIV SHAW]

Waiting Bhai

 

[Devil hunter123]

Waiting for update bhai