- 14,826
- 103,242
- 259
Last edited:
Incest Baadshah ~ The Tales of Debauchery
- Thread starterWerewolf
- Start date
- 15,260,232
- 14,826
- 103,242
- 259
patelayush@123
DEVIL
- 70
- 76
- 18
- 14,826
- 103,242
- 259
Mega Update
[Note : Update itminaan se sambhal ke aur araam se padhna. Warna confusion hoga.]
Update - 171 ~ Who's lying? (1)
[Note : Update itminaan se sambhal ke aur araam se padhna. Warna confusion hoga.]
Update - 171 ~ Who's lying? (1)
Ab tak...
Ek chammach udte hue uss sui ki doguni raftaar se aage aayi aur seedhe sui se takra gayi. Sui aur chammach aapas ki matbhed me ghoomte hue idhar udhar jaa gire.
*Ding*
[Intimidating Presence has been equipped.]
Iss se pehle ki Garofano aur Renshu punah ek dusre ke upar focused ho paate-
*Whooooosssshhhh*
Ek haath ne unn dono ke haath ko baari baari mazboot jakad me thaam liya. Aur, koi unn dono ke beech aa gaya.
“Tum me se ab kisi aur ne fir haath uthaaya…! Toh accha nahi hoga.”
Ab aage...
Khamoshi!
Kamre ke andar 4 system holders maujood the magar uske bawajood waha sannaata fela hua tha. Erica ekdum stabdh, ankhein chaudi aur muh khole wahi murti ki tarah jami hui khadi thi.
Sab kuch palak jhapakte hue tha. Garofano ka iss tarah hamla karna ek hairaani waali baat toh thi hi par uss se bhi zyada hairaangi use Veer ko unn dono ke beech khade unn dono ko thaame hue dekh ke hui thi.
Idhar Garofano Veer ko pehli nazar me dekh ke chaunki thi. Akhir Veer yaha kya kar raha tha? Magar, use turant hi agle pal ye dhyaan aa gaya ki Casa Belle me usne uss raat Veer ke sang baat ki thi. Zaahir hai Veer yaha uss card ki wajah se aaya tha.
Card toh use bhi praapt hua tha. Par, aaj wo yaha madad karne ke liye nahi aayi thi. Uske iraade toh kuch aur hi the.
Uski aankhon par hare rang ki parat chadhi hui thi. Aur, andhere me wo aankhein aisi prateet ho rahi thi jaise maano ek saanp jhaadiyo me chhipe apne shikaar ko ghoor raha ho.
Woh Veer ko dekhi aur utne hi gusse me boli,
Garofano : Veeeeer!!! Beech me se hatt jao. Ye mere aur Renshu ke beech ka maamla hai. Tumhara isme koi role nahi hai. Get lost!!!
Veer : Role ho chaahe na ho. Now that I'm here...! I won't let you guys fight each other.
Garofano (frowns) : Tch!!! Veeeerr!!!
Iss baar Veer ki aankhein gusse me Garofano ke upar padi.
Veer : STAY PUT!!!
Aur jaise Intimidating Presence ne apna kaam kar diya. Veer ki aankhon ko dekh ek sihran Garofano ki poore badan me fel gayi. Aisa ehsaas hua ki agar usne Veer ki baat nahi maani toh zaroor kuch galat ghatit ho jayega.
Uski pakad apne aap dheeli ho gayi. Woh neeche ki orr dekhi. Apne iraado ko wo badal chuki thi. Haar maante hue usne khud ko dheela chorr diya. Aur, idhar Veer ne use aisa karte dekh uski kalaayi bhi chorr di.
Magar, uss par se dhyaan nahi hataaya. Woh dekh raha tha ki kahi Garofano fir se hamla toh nahi karegi. Par, Garofano ki aankhon se hare rang ki parat bhi ab chhat chuki thi.
Garofano : H-He-!! He was the one-!!!
Veer ne idhar Renshu ki kalaayi bhi chorr di. Woh Garofano ki orr muda. Haath choothate hi Renshu ne apne sarr ke temple par se paseene ki boond ko alag kiya. Use kuch anubhooti hui. Ye ladka...! Veer...!
Apni kalaayi ko usne dekha. 4 ungliyo ke nishaan uski kalaayi par chhaap chorr gaye the. Nishaan aisa ki uske utne hisse ki twacha andar dabb chuki thi.
Apni daadhi ko malte hue woh Veer ko gaur se dekhne laga. Toh wahi idhar Garofano ka virodh ekdum hi khatam ho chuka tha.
Garofano : S-Sirf tumhare liye Veer-!! M-Mein khud ko shaant kar rahi hu. Warna mein-
Erica : Warna mein? Warna mein kya? Ye tumhara playground nahi hai madam ki jab chaaha tab chali aayi aur-
Garofano ki nigaahein agle hi shan Erica par padi. Aankhein punaah chatak hari ho chuki thi. Aur, bolte bolte Erica beech me hi rukk gayi. Maathe par ghabrahat ki lakeere chhaa gayi. Gale me atka thook nigalte hue woh aage kuch na bol saki. Aur, Garofano dobara se wapas normal ho gayi.
Woh ahista ahista chalte hue deewaar ke paas gayi. Aur, jin sui ko usne feka tha unhe deewar me se baari baari nikaalne lagi. Saari sui deewar me dhass chuki thi.
Veer : Koi kuch batayega ki ye sab chal kya raha hai? Garofano? Renshu?
Veer ke prashn par Garofano turant palti. Uski aankhon me firse krodh tha.
Garofano : Tum apne iss pyaare dost se kyu nahi puchte Veer?
Uska ishara Renshu ki orr tha.
Garofano : Pucho iss se ki isne kya kiya hai. T-Tumhe pata hai mein abhi kaha se aa rahi hu?
Veer : Huh?
Garofano : Jail se!!!
Veer : What???
Garofano : That's right! Jail se bhaag ke aa rahi hu.
Veer : Tum jail me kya kar rahi thi?
Garofano : Pucho iss se. Ye batayega tumhe!
Veer ne jaise hi Renshu ki orr dekha toh Renshu sakhti me unn sab ko hi ghoor raha tha.
Renshu : Iski bakwas baato me aane ki zaroorat nahi hai Veer. Ye Jail gayi thi kyuki isne murder kiya hai. Aur, lagta hai hume ise pakad ke wapas police ko saupna padega.
Woh aage do qadam jaise hi badhaaya, Garofano ke haatho me punah ek lambi sui aa gayi. Hamle ke liye taiyaar,
Garofano (glares) : Then try me you fucker...!
Erica : Y-You-!!!
Veer (shouts) : SHUT UP!!!!
*Silence*
Ek baar fir khamoshi chha gayi. Veer ne ek gehri lambi saans li.
Veer : Koi bhi nahi ladega. Renshu!!! I want to hear your side first.
Renshu : Isme bataane waala kuch nahi Veer. Sach tumhare saamne hai. Mr. Nicholson ki abhi haal hi me hatya hui hai.
Veer : Mr. Nicholson!? Jab mein yaha aa raha tha tab maine radio me iss news ke baare me suna tha.
Renshu (nods) : Hmm! Toh mujhe aur vistaar se samjhaane do Veer. Mr. Nicholson darasal Korea ke ek bahut bade business man the. Unka aana jaana China me laga rehta tha kyuki unka jitna business waha hai, utna hi yaha bhi.
Veer : I see!
Renshu : Lekin 3 din pehle hi unki laash paayi gayi thi. Aur isme koi shaq nahi ki unhe kisne maara hai. Autopsy ki report par pata chala ki maut ko sunishchit karne ke liye ek poison inject kiya gaya tha. Aur, aisa poison kisi ne kabhi nahi dekha hai. Ye naye kism ka poison tha.
Veer : Naye kism ka!?
Renshu : Hmm! Aisa poison jo ek system owner hi bana sakta hai.
Kehte hue Renshu ki nazre Garofano par gayi. Aur, Garofano use iss tarah apni orr ghoorte paa kar dekh gusse me gurraayi.
Garofano (glares) : Tsk!!
Renshu : Aur, ab asli sach suno Veer. Mr. Nicholson Garofano ke pita the. Isne apne hi pita ko maara hai.
Garofano (screams) : Ye jhooth hai-!!!
Renshu (shouts) : Yahi sach hai!!!
Veer : !!??
Renshu : Veer!! Ye ladki kisi bhi hadd tak jaa sakti hai. Tum wo sui dekh rahe ho? Uske haatho me?? Zara dhyaan se dekho unhe. Unki nok ko...!
Renshu ki baat par Veer ne apni nazre daudayi aur Garofano ke haatho me maujood unn sui ki nok ko usne dekha.
*Tip*
'Huh!!??'
Aur use abhaas hua. Sui par se geele padaarth ki ek boond fisalte hue neeche zameen par giri.
Poison!!!
Renshu : Dekha na Veer? Yahi wo poison hai. Iss zeher ki vidhi sirf iss ladki ke paas hai. Yahi zeher Mr. Nicholson ke shareer me paaya gaya tha.
Veer : Ohh!?
Renshu : Mujhe aur samjhaane ki zaroorat nahi hai Veer. Samajhdar ko ishara kaafi hai. Jo zeher sirf ye ladki bana sakti hai, wahi zeher agar Mr. Nicholson ke shareer me paaya gaya hai toh iska kya matlab hua? Kya tumhe ab bhi samajh nahi aa raha? Ya fir ye kahe ki ek system owner ko kisi ne murkh bana diya?
Garofano (growls) : You liar-!!!!
Veer duwidha me fass chuka tha. Renshu saaf saaf uske saamne sab kuch rakh raha tha. Isme koi shaq nahi tha ki autopsy ki report jo Renshu ne batayi thi, agar Mr. Nicholson ke shareer me Garofano ka poison paaya gaya tha aur saath hi wahi poison wo apni sui par laga ke chalti thi. Toh 90% chances the ki hatya Garofano ne hi ki thi. Lekin, batayi gayi report jhoothi bhi toh ho sakti thi. Renshu jhooth bhi toh bol sakta tha.
Veer aankhein moond ke kisi bhi faisle par nahi utarna chaahta tha. Ek pal ke liye uske badan me ek sihran daud gayi. Garofano ke baare me use nayi jankari praapt hui thi.
Woh ek naye kism ka zeher bhi bana sakti thi? Sui par uss zeher ko lagana aur unse vaar karna. Ye ek alag kism ka ladne ka tareeka tha. Jitna ye alag tha utna hi jaanleva bhi. Use yaad aaya ki kuch derr pehle wahi hamla uske upar hua tha. Kismat acchi thi jo woh sui uske shareer me nahi jaa paayi. Warna-
[She's interesting.]
Pari ki awaaz uske mann me aayi. Woh bhi Garofano ko parakh rahi thi.
Veer : Tumhe ye sab kaise pata chala Renshu? Autopsy ki report bhala tumhare haath kaise lagi? Aur, tum ye kaise keh sakte ho ki Garofano ne hi hatya ki hai? Kya tum koi reason de sakte ho ki Garofano ne apne hi pita ko kyu maara?
Veer ne aise sawaal rakhe jinse kaafi kuch haath lag sakta tha. Ab dekhna ye tha ki Renshu kya jankari deta hai.
Renshu (sighs) : Veer! Autopsy ki report ke baare me jaanana koi badi baat nahi hai. Tum bhi ek system owner ho. Maine Erica ko bheja tha report haasil karne ke liye. Ye pata lagaane ke liye ki Mr. Nicholson ke shareer me wo zeher kis prakaar ka tha.
Veer : Aur Erica ko tumne kyu bheja?
Renshu : Kyuki, mein pehle se jaanta tha Veer ki Mr. Nicholson Garofano ke pita hai. Ab agar ekdum se unki hatya ho jaaye aur wo bhi aise zeher se jiske baare me aadmi jaanta na ho toh kya tumhare andar shaq nahi paida hoga? Mere andar bhi hua tha. Isliye maine Erica ko bheja tha.
Veer : Hmm! Aur tumhara ye kehna ki Garofano ne hi hatya ki hai?
Renshu : Bilkul! Iske alawa aur kaun ho sakta hai? Mera Mr. Nicholson se koi lena dena nahi hai. Na hi Erica ka. Na hi tumhara. Aur na hi Tribal Leader Jaw Long ka. Toh kaun bachta hai system owner me? Ye ladki!!!
Veer : Kya reason de sakte ho tum mujhe? Kyu maara Garofano ne?
Renshu : Sampatti Veer!!! Athaay sampatti!! Itni sampatti ki tum note ki gaddiyo ka ek mahal banwa lo. Balki, aur zyaada. Laalach acche accho ko galat kaam karne ke liye majboor kar deta hai.
Veer : Really? Paisa?
Renshu : Will Veer! Harr Ameer insaan apni ek will bana ke jaata hai. Mr. Nicholson ki maut ke baad ye sab kuch charcha me hai ki unki ek will bhi thi.
Veer : Kaisi will?
Renshu : Yahi ki unki saari sampatti, unki beti ko jaati hai. Par, will bhala kis kaam ki? Agar, insaan zinda bana rahe toh? Isliye, isne apne hi pita ka qatl kar diya.
Veer : Really? Just for some money? I don't think-
Renshu : Ek toh yeh kaaran ho sakta hai. Dusra kuch aur bhi ho sakta hai Veer. Jise hum dono hi nahi jaante. Lekin, mein daave ke saath keh sakta hu ki hatya isi ladki ne ki hai.
Garofano (screams) : Jhoooootthhh!!!
Veer : Hmm??
Garofano : V-Veer-! Dekho ise! Dekho kaise baato ko manipulate kar raha hai. Asli baatein toh isne tumhe bataayi hi nahi. Isne apni kartoote toh tumhe bataayi hi nahi Veer.
Veer : Huh???
Garofano (shouts) : Agar mujhe pata hota ki tum itne bade waale dagabaaz aadmi nikloge ki meri hi peeth par chhura ghopoge toh maine tumhe woh sui kabhi di hi nahi hoti-!!!
Veer : Sui??
Garofano : Haan! Veer, yaad hai jab hum pehli baar mile the?
Veer : Casa Belle me...
Garofano : Hmm! Maine tumse iss Renshu ke baare me zikr kiya tha.
Veer (nods) : Hmm!
Garofano : Mein iss aadmi se pehle hi mil chuki thi. Aur, tab maine ek tohfe ke roop me ise apni khud ki banaayi gayi kuch sui saunpi thi. Saath hi zeher ki ek sheeshi bhi.
Veer ne turant hi Renshu ki orr dekha,
Veer : Kya ye sach hai?
Renshu (nods) : Hmm!!
Ye baat toh Renshu ne nahi bataayi abhi. Iska matlab kuch chhipaaya jaa raha tha!?
Garofano : Maine ye soch ke ise woh di thi ki ye aadmi shayad hamari tarah ek accha insaan hoga. Aur, jo log system ke saath aam logo ko nuksaan pahucha rahe hai, unhe khatam karne me hamari madad karega. Lekin, mein galat thi.
Veer : ???
Garofano : Tum khud socho Veer. Police akhir mere ghar tak kaise aa gayi? Agar, maine hi hatya ki hoti. Toh mein koi saboot kyu chorrti waha? Kya mujh me itni aqal bhi nahi hai? Police ke paas saboot tha. Woh sui-!!! Woh zeher waali sui police ne mere pita ki body se baramad ki thi. Agar maine hi unhe maara hota toh mein woh sui unke shareer me kyu chorrti Veer??
Veer : That's-!!!
Garofano (gusse me) : Kuch samajh aaya? Police ko jo sui mili ye wahi sui thi jo maine iss bastard ko di thi-!!
Erica (gusse me) : Zubaan sambhaal ke-!!!!
Garofano : Apne Dad se kaho ki pehle ek accha insaan bane. Uske baad dusro ke upar ungli uthaana-!
Erica : Y-You-!!!
Garofano : Veer!!! Isi ne mere pita ke shareer me woh sui ghop ke wahi chorr di thi. Meri harr sui par mera naam 'Garofano' guda hota hai. Bahut bareek hota hai. Isne usi baat ka faayda uthaaya. Isne mujhe fasaaya hai Veer. Trust me-!!!
Veer abhi kuch soch hi raha tha ki tabhi uski yaad-daasht ne use kuch yaad dilaaya. Woh pal jab woh Renshu se pehli baar mila tha.
Andhere se bhari samundar ke nazdeek uss gufa me jab woh ghaayal pada hua tha. Renshu ko Crimson samajh usne uss par hamla kar diya tha. Tab-
Tab Renshu ne kahi se ek 15cm kareeb lambi ek sui nikaali thi aur seedhe uski aankhon ki putliyo se 1 inch duri par tika di thi.
Use ye sab kuch yaad tha. Iska matlab-!! Woh sui-!!! Woh sui wahi sui thi jo Garofano ne tohfe me Renshu ko di thi. Matlab Garofano sach keh rahi thi. Renshu ko usne sui di thi iss baat ko jhutlaya nahi jaa sakta tha.
[Oh my~ It keeps getting better and better. Fufu~]
Garofano : Pucho iss se Veer. Isne hi mere Dad ke shareer me woh sui chorri thi jo maine ise gift ke roop me di thi. He betrayed me.
Veer ne punah Renshu ki orr dekha. Jaise maano uss se sawaal kar raha ho. Aur, Renshu bhi samajh gaya ki Veer akhir kya puchna chaah raha tha.
Renshu (sighs) : Ye sach hai!!
Veer : Huhhh!???
Garofano (smirks) : You fucker-!! Finally you admitted-!!
Renshu : Par ye aadha sach hai Veer.
Veer : Kya matlab?
Renshu : Ye baat sach hai ki Mr. Nicholson ke shareer me dhasi hui jo sui paayi gayi woh wahi sui thi jo Garofano ne mujhe di thi.
Garofano : See? I told you Veer. He was lying.
Renshu : Lekin, iss se ye kaha saabit hota hai ki maine unki hatya ki hai?
Veer : ???
Renshu : Darasal, maine hi Erica ko bheja tha. Erica ne hi woh sui Mr. Nicholson ke shareer me daal ke chorri thi. Baad me police aayi, sui aur zeher ki jaanch kari. Sui me likha 'Garofano' naam unhe pata chala aur unhone Garofano ke ghar me raid kar di. Jaha unhe alag se Garofano ke ghar me sui rakhi mil gayi.
Garofano : That's right-!!! This fucker-!!! Veer!!! Isne na sirf mere Dad ke shareer me wo sui chorri balki-! Isne mere ghar me bhi dusri sui zeher se lipti hui wahi chorri thi. Police ne dono ko match kiya and they concluded- ki- ki mein hi murderer hu. But that's not the case...!!!
Renshu : Hmm! Ye sach hai. Erica hi thi woh.
Garofano (growls) : I fucking knew it-!! Mein jaanti thi ki iske peeche kisi system owner ka haath hai. Your fucking daughter-!!! Stealth skills huh!!? Mujhe andaza tak nahi lag paaya tha ki koi mere ghar me aake gaya hai. So, it was you-!!!
Woh gusse me Erica ki orr dekhi. Veer ki nigaahein bhi Erica par gayi. Sabko apni orr dekhte hue paa ke Erica ne apna chehra mod liya.
Garofano : Tsk!!!
Renshu : Par jaisa ki maine kaha Veer. Ye sirf aadha sach hai. Ab mujhe poora sach bataane do.
Veer : Hmm??
Renshu : Garofano ne theek kaha. Agar, usne murder kiya hota toh woh sui ko kyu chorrti? Right?
Veer (nods) : Hmm!
Renshu : Well, usne theek wesa hi kiya tha Veer. Murder karne ke baad iss ladki ne koi bhi saboot nahi chorra tha. Aur, isliye toh mujhe Erica ko bhejna pada. Yahi kaaran tha jo Erica ne fir woh sui Mr. Nicholson ki body par chorri. Tumko pata hai kyu?
Veer : ???
Renshu (smirks) : Kyuki, Mr. Nicholson ki maut pehle hi iske zeher se ho chuki thi. Sui se vaar kar, unhe maut ke ghaat pe utaar kar Garofano crime scene se faraar ho chuki thi. Woh toh accha tha ki mere paas iski di hui sui maujood thi. Isliye, Erica ne turant hi woh sui unke shareer me chorr di. Saboot iss ladki ne bhale mita diya ho, par maine police ke liye wapas se saboot de diya tha.
Veer (frowns) : That's-!!!
[No fucking way-!!! Hahahahaha!!!
]Harr guzarte pal ye gutthi aur bhi ulajhti jaa rahi thi. Aur, Pari iska poora maza utha rahi thi.
Renshu : Ye ladki bahut chaalbaaz hai Veer. Koi bhi system owner itni badi galti nahi kar sakta. Ye sahi keh rahi thi ki bhala ye apne saboot kyu chorregi? Zaahir hai woh saboot maine chorre the taaki ye pakad me aa sake.
Veer : Meri ek baat samajh nahi aayi. Tumhe kaise pata chala ki Mr. Nicholson ke saath aisa kuch hone waala hai? Aur, sahi waqt par tumne Erica ko bhi bhej diya?
Renshu (sighs) : Because I was keeping tabs on her.
Veer : Huh!!?
Renshu : Veer! Mein tum par vishvaas karta hu. Isliye, tum se kuch nahi chhipaata. Yaad hai jab mein tumhari madad karne aaya tha tab tumne mujhse pucha tha ki bhala mujhe ye kaise pata chala ki tum musibat me ho?
Veer : Haan! Mujhe yaad hai. Aur, tumne kaha tha ki tumhe kisi ka call aaya tha. X!!! Usne tumhe bataya tha.
Renshu : That's right!! Wahi call iss baar mujhe firse aaya tha.
Veer : Huhh!!??
Renshu : Pichli baar jab wo call aaya tha tab wo voice modulated voice thi.
Veer : Modulated voice??
Renshu (nods) : Hmm! Matlab badli hui awaaz. Erica ke paas advanced observation skill hai Veer. Jab uss X ne mujhe pehli baar call kiya tha toh maine wo call record kar li thi. Baad me Erica ne jab woh call recording suni toh usne mujhe bataaya tha ki ye awaaz asli awaaz nahi thi uss insaan ki. Woh insaan koi voice modulation ki skill use kar raha tha.
Veer : !!!??
Renshu : Iss baar kuch din pehle mujhe fir call aaya tha. Lekin, iss baar Erica ne bataya ki awaaz modulated nahi thi. Insaan ki khud ki awaaz thi. Awaaz kisi aurat ki thi. Aur, usne mujh se bas ek hi baat kahi thi~
Veer : ???
Renshu : Ki China me jald hi Korea ke rishte naate tootne waale hai. Nazar rakhna.
Veer : What!!?
Renshu : Korea se sirf Garofano hi hai system owner ke roop me. Mein samajh gaya tha ki kiski baat ho rahi thi. Aur, isliye maine Erica se kaha tha Garofano ke upar nazar rakhne ke liye. Kyuki, jaise hi Mr. Nicholson China kuch din pehle aaye, tabhi mein samajh gaya tha ki kuch gadbad hone waali hai.
Garofano : Wh-What-!!? T-Tum kisi anjaan ke kehne par kuch bhi kar baithoge? A-Are you an idiot!?
Renshu : Uss anjaan ke kehne par hi Veer ki jaan bach paayi thi. Tum ye baat acche se jaante ho Veer.
Veer (frowns) : I-
Renshu : Mein maanta hu ki kisi anjaan vyakti par itna bharosa karna theek baat nahi. Par, hum iss baat ko kaise nazar-andaaz kar sakte hai ki uss X ki wajah se hi Veer tumhari jaan bachi hai. Aur toh aur agar woh phone call na aata toh shayad ye Garofano madam qatl kar ke nikal chuki hoti.
Garofano (screams) : Ye sab jhooth hai-!!! Wh-Why!? Why would I kill my own father!!?
Renshu : Isliye, maine uss X ko bhi ek card bheja tha.
Veer : Whatttt!!??
Renshu : Abhi jo call aaya tha woh aurat-!!! Uska kehna tha ki woh USA se hai.
Veer : USA???
Renshu (nods) : Hmm! Mein chaahta tha ki agar wo waqai hamari side hai, toh woh yaha aaye aur hum uske baare me jaan paaye.
Veer : Kya usne apna naam bataya?
Renshu : Nahi! Par itna zaroor kaha tha ki filhaal woh USA me hai. Aur ye ki mein uski baat ko halke me na lu. Mr. Nicholson waali baat.
Veer : I see!!!
Renshu : Veer! Ab tumhare upar hai. Maine sab kuch tumhare saamne rakh diya hai. Agar tum chaaho toh aur sawaal puch sakte ho.
Garofano : He's lying Veer-!!! Kisi teesre ke kehne par tum kaise bharosa kar sakte ho? Jise tum jaante bhi nahi, jise dekha bhi nahi, jiske iraade bhi nahi jaante...!? Kaise-!? He's fucking lying-!!! T-Trust me Veer!!
Renshu : Veer-!!!
Garofano : Veer-!!!
'Fucking hell-!!!'
[Wahahahaha!!! What an interesting case. I'm loving every single second of it.]
'Shut up Pari! Let me concentrate! Inn dono me se koi ek jhooth bol raha hai.'
[Ya fir dono aadha sach keh rahe hai. Aur aadha jhooth.]
'Fuckkkk!!!!'
[They are waiting for your answer-!!!]
Veer ne dono ko dekha. Dono aas liye use hi dekh rahe the. Aur, dono ki aankhein uss se apeksha kar rahi thi ki woh unki side le.
'Fucking hell-!!! Ye kaha fass gaya mein-!??'
[Hahahahahaha!!!]
Veer ab ek vipda me tha. Aisi sthiti me jaha agar usne kisi galat ka saath galti se de diya toh kahi aisa na ho ki baad me woh zindagi bhar pachtaata rahe.
5 minute tak kamre me shaanti chhaayi rahi. Veer apne vichaaro me leen tha. Kuch sochne ke baad usne nirnay liya. Aur, gehri saans lete hue unn dono ko dekh bola.
Veer : Maine soch liya hai.
Renshu : !!?
Garofano : ???
Veer : Renshu! Garofano Jail se bhaag ke aayi hai. Zaahir hai police uske peeche padi hogi. Mein chaahta hu ki jab tak ye gutthi sulajh nahi jaati, tab tak Garofano yahi sahi salamat rahe. Aur, iss baat ki khabar yaha se baahar na jaane paaye.
Renshu : Whaaaatttt!??
Pal bhar ke liye Garofano ki aankhon me ek chamak dikhi. Uski nazre Veer par hi tiki hui thi. Woh uske chehre me khoyi hui thi.
Veer : Hmm! Sirf ek dusre ke keh dene se ye case solve nahi hone waala. Tum apni orr se dekh rahe ho. Aur, Garofano apni orr se. Mujhe lagta hai kuch missing hai yaha. Mine waala maamla kitni derr tak roka jaa sakta hai?
Renshu : Zyada se zyada 3 din. Kyuki, agar maine koi strategy nahi banayi toh government ki orr se firse koi na koi official aa hi jayega yaha dekhne ke liye ki kuch shuru hua bhi ya nahi. Aur, fir Jaw Long bhi attack kar sakta hai.
Veer : I see! Then, give me 3 days. 3 din ke andar andar... Mein iss gutthi ko suljha dunga.
Renshu : Huh!!!?
Erica : What?? What are you? Sherlock Holmes?? Tumhe pata bhi hai ki chal kya raha hai? H-How can you-
Iss se pehle ki Erica aur kuch Veer ko suna paati, Renshu ne apna haath dikha ke use wahi rok diya. Ek baar fir woh apne Dad ke Veer ke prati iss namr ravaiyye se hairat me reh gayi. Na chaahte hue bhi use khud ko rokna pada. Par, bechari Erica Veer ke intelligence se parichit nahi thi.
Veer ki nazre unfocused thi. Uska dimaag ab alag dhang se kaam kar raha tha. Ab uss Veer ke baahar aane ka samay tha jis Veer ne House of the Killers ki gutthi suljhayi thi.
Veer : Mein ye bhi chaahta hu ki tum meri madad karo Renshu. I will handle this case from now on. Aur, sach ko saamne laa ke rakhunga.
Renshu kuch shan tak Veer ko dekhta raha. Woh use parakh raha tha. Veer ki aankhein sab kuch bayaan kar rahi thi ki woh kitna serious tha iss matter ko leke.
Veer : Mine waale matter ko filhaal ke liye hold par rakhna hoga. Iss gutthi ko pehle suljhaana zaroori hai. Aur, Garofano-!!!
Garofano : H-Huh!?
Veer : Agar tum nirdosh saabit hoti ho. Toh mein chaahta hu ki tum mine waale matter me hamari madad karo-!!
Garofano : What!!?? Ye jaante hue bhi ki isi ne mujhe fasaaya hai, mein baad me iski madad bhi karu-!?
Veer : Please-!!!
Iss baar Garofano ne jaise hi Veer ki aankhon ko padha. Uska virodh apne aap samaapt ho gaya.
Garofano : F-Fine-! J-Just for your sake.
Veer (smiles) : That settles it. Then, mujhe kuch samay chahiye Garofano se baat karne ke liye. Garofano! Come with me-!!!
Garofano (nods) : Umm!
Erica : What? Hey Mister!!! Ye tumhara park nahi hai okay? This is my home!! Aur, tum yaha pe bina permission ke khud se charge nahi le sakte. You hear me? I-
Par, ek baar firse Renshu ne use haath dikha ke beech me hi rok diya.
Erica : D-Dad-!??
Renshu : Veer jo bhi madad maangta hai, use wo dena.
Erica : B-But-!
Renshu : No questions!!
Erica (sarr jhukaate hue) : Y-Yes!!
Idhar Veer aur Garofano kamre ke baahar nikal hi rahe the jab peeche se Erica ne awaaz lagaayi,
Erica : Waitttt-!!
Uske rokne par dono Veer aur Garofano palat ke use dekhe.
Erica : Our men-!! Tumne unke saath kya kiya? Jab tumne hamla kiya tab hamara ek bhi aadmi shor sunn ke yaha nahi aaya. What did you do to them??
Garofano : Hmph~!! They are fine! Bas, behosh hai. Go and have a look if you don't believe me.
Erica (mutters) : You will regret this bitch-!!
*Whoooshhhh*
Erica ek jhatke me waha se gaayab hui, aur baahar ki orr nikal gayi.
Jagah jagah Renshu ke saare aadmi behoshi ki haalat me dale hue the.
Usne railing ke paas khade hote hue neeche aangan me nazre daudayi. Sab ke sab behosh the. Koi bhi ghayal nahi tha.
'You will regret this-!! Dad ki insult-!! I will see you later Garofano!!'
Idhar, Veer aur Garofano punah baahar ki orr apna rukh karte ki peeche se iss baar Renshu ne unhe rok diya.
Renshu : Veer!!!
Veer (turns) : Hmm?
Renshu ne apne jaanvar ki khaal se bani uss odhni ko khola aur usme se ek kaagaz nikaalte hue Veer ki orr kiya,
Renshu : Ye Mr. Nicholson ki autopsy ki report ki ek photocopy hai. Have it!!! You'll need it.
Veer ne uske paas aate hue uske haath se woh kaagaz ka tukda le liya. Aur, Garofano ke sang wo uss kamre se baahar nikal gaya.
***
Baahar courtyard me aate hi Veer ne apne bagal se chal rahi Garofano ko dekha aur bola,
Veer : You are messed up!
Usne uske chehre ko dekhte hue kaha. Garofano jab se police dwara jail me le jaayi gayi thi tab se hi usne apna chehra tak nahi dhoya tha. Zaahir hai woh abhi apne sabse uttam roop me nahi thi.
Garofano : I know!!!
Par, Veer ki maujoodgi me woh kaafi hadd tak khud ko mehfooz mehsoos kar rahi thi.
Veer use ek dusre kamre ki orr laaya aur bathroom ki orr ishaara kiya. Garofano bina kuch kahe andar washroom me chali gayi. Veer tab tak wahi kamre me baahar baitha raha.
Jab tak woh aa rahi thi, tab tak Veer ne ek nazar uss autopsy ki report par dauda li.
Kareeb 15 minute baad Garofano washroom se nikal ke baahar aayi. Pehle se kahi zyaada behtar nazar aa rahi thi ab woh.
Veer : Better?
Garofano (nods) : Hmm!
Woh aake wahi neeche bicche ek cushion par baith gayi.
Veer : So? Miss Garofano!?
Garofano : Garofano nahi Veer!! Please, just call me by my real name from now on. It’s ~ Violet!! Violet Nicholson!
Veer : Violet?
Garofano : Hmm! *smiles weakly* We have the same initials. Don’t we? V for Veer! V for Violet!
Uska ravaiyya Renshu ke prati ekdum alag tha aur Veer ke prati ekdum hi alag. Zameen asmaan ka antar tha dono ravaiyye me. Jaha Renshu ke prati uske andar se ghrina saaf saaf nikal rahi thi, toh wahi Veer ke saath hone par woh khud ko shaant mehsoos kar rahi thi. Veer ke prati uske andar thodi hayaa bhi thi aur thodi jigyaasa bhi.
Veer ne apne bagal se baithi uss sundar naari ko dekha. Woh jaanta tha ki iss waqt Garofano urf Violet apne dukh ko chhipaane ki koshish kar rahi thi. Par wo isme nakaam thi. Uska dukh saaf saaf uske chehre par jhalak raha tha.
Veer : Alright then! Miss Violet! Talk!!!
Garofano : Ask me Veer. Tum jo jo puchoge mein sab ka jawaab dene ke liye taiyaar hu.
Veer : Hmm! Toh theek hai! Case shuru karte hai.
Garofano (nods) : Hmm!
Veer ne Renshu ki saari kahi gayi baat par zorr daala. Aur, seedhe hi woh prashn par aa gaya.
Veer : Mr. Nicholson ki rehesyamayi maut ke baad, unki will me yahi likha hua paaya gaya tha ki unki saari sampatti unki beti ko samarpit ki jaati hai. Right?
Garofano : Woh-
Veer : Par! Par! Par! Li Renshu ne tum pe ye ilzaam lagaya hai ki tumne paiso ki laalach me aake ye qadam uthaaya tha aur apne hi pita ko maut ke ghaat utaar diya. Taaki will me likhi gayi sampatti tumhe mil sake.
Garofano : N-Nahi-!
Veer : Lekin, ye baat yahi khatam nahi hoti. Hospital dwara Mr. Nicholson ki body ki autopsy bhi kari gayi thi. Aur post-mortem ke anusaar ek agyaat puncture ka ghaav unke ek chhipe hue ang par paaya gaya tha. Baad me pata chala ki ek behad hi jaanleva aur slow poison waha par inject kiya gaya tha. Report padhi abhi abhi maine jo Renshu ne mujhe di hai.
Garofano (panics) : Y-Ye jhooth hai!!! Tum jaante ho ki woh sui meri nahi thi Veer. Woh needle toh Renshu-
Veer : Li Renshu ne na sirf itna kuch pata lagaya balki report ye bhi kehti hai ki woh sui tumhari hi hai. Usi sui se woh ghaav banaya gaya tha isme koi shaq nahi. Aur, toh aur woh zeher bhi tumhari sui par laga hua paaya gaya jo Mr. Nicholson ki body se mila tha. Aur uske baad-
Garofano : Uske baad yahi sab hua.
Ek udaasi bhari muskaan uske hontho par aayi.
Garofano : Kaafi kuch tumne andaaza laga liya kuch hi palo me Veer! Lekin, ye sab- poori sachhayi nahi hai!! Mein tumhe andar pehle hi bata chuki hu.
Veer : !??
Garofano : Maine Mr. Nicholson ki hatya nahi ki hai. Wh-Why would I?
Uski awaaz me thar-tharahat thi. Lekin, uss thar-tharahat me ek dridhta bhi thi. Jaise woh nishchit thi ki sach kya hai aur jhooth kya.
Garofano : Li Renshu! Use jab se pata chala hai ki mein ek system owner hu tab se hi woh mujhe apni nigrani me rakhe hue hai. Aur, chuki mein system owner hu, isliye use ye aur bhi lag raha hai ki mein kuch bhi kar sakti hu. Maine hi qatl kiya hai. Yahi uska daawa hai. Ek baar bhi kisi ne mujhe apni begunahi saabit karne ka mauka nahi diya.
Veer : Hmm! Dekha maine sab kuch! Ek jhatke me woh decision le chuka tha. Koi chhaan-been kari hi nahi gayi. Mein ye bhi jaanta hu ki isme sirf Li Renshu aur Erica involved nahi hai.
Garofano (eyes widens) : Y-You mean!?
Veer : Yeah! Koi aur third person bhi involved hai. Li Renshu ko kisi ne influence kiya hai. Satark rehne ke chakkar me woh itna paranoid ho chuka hai ki usne kisi teesre vyakti ki baat ka itna bharosa kar liya. Aisa laga, jaise kisi bacche ko khilauna pakda ke use raazi kiya gaya ho.
Garofano : Th-That’s-
Garofano sarr jhukaaye ek gehre chintan me doob gayi. Magar, Veer ki nazre uski harr ek harqato par tani hui thi. Woh harr thode bol ke baad khud ko aise dikhaata jaise woh Renshu ki taraf hai, par fir aur kuch bolne ke baad aise jataata jaise Renshu galat hai.
Veer Garofano ki galti pakadne ka jaal biccha raha tha. Ye ek aisa maamla tha jaha koi bhi sahi ya galat ho sakta tha. Kya pata kaho Li Renshu sahi keh raha ho? Uske bagal se baithi ye sundar naari kaho khoon ki pyaasi ek hatyaari hi ho? Ye sab khaali uska dhong ho?
Ya fir ye bhi ho sakta tha ki Li Renshu hi galat tha? Woh koi chaal chal raha ho peeth peeche? Sabse zyada chakravyuh me Renshu ya Garofano nahi, balki Veer khud hi fasa hua tha. Use harr ek se sunishchit karna tha ki kaun saathi hai aur kaun dushman.
Woh ek prakaar se iss waqt ek double agent ke roop me kaam kar raha tha. Ek taraf use ye dikhana tha ki woh Garofano ki taraf hai toh wahi dusri orr ye ki woh Renshu ke saath hai. Aaj Las Vegas waale high IQ detective Veer ka imtihaan tha.
Veer : Mujhe nahi lagta ki system owner bas hone se turant hi kisi par bhi ilzaam laga dena chahiye.
Ye sunte hi Garofano thoda hairat me uski orr dekhi,
Garofano : Mujhe laga tha tum bhi baaki sab ki tarah mujhe ye gunaah qubool karne ke liye majboor karoge Veer!
Veer : Insaan kitni hi koshish kyu na kar le. Sach ko kabhi bhi chhipaaya nahi jaa sakta. I neither believe you nor disbelieve you. Mera bas itna maan’na hai ki saari baato ko jaan’ne ke baad hi decision liya jaa sakta hai. Toh mein chaahunga ki pehle tumhari kahani ko suna jaaye, taaki mein apni raay rakh saku.
Garofano ne haami bhari, aur bolna shuru ki-
Garofano : Theek hai, Veer! Mein tumhe sab kuch sach sach batati hu.
Veer : Hmm!
Ek gehri saans lete hue Garofano ne apni dastaan bayaan karna shuru kiya,
Garofano : Asliyat me, Mr. Nicholson aur mein... hum dono asli baap-beti hai hi nahi.
Veer : Huh!?
Garofano : I mean ye jo bhi rishta tha hamare beech, woh ek unofficial rishta tha. Na hi khoon ka rishta tha hamare beech aur na hi kisi paper par hamara rishta darj kiya gaya tha.
Kehte hue usne apne baal ki ek latt ko apne kaan ke peeche kiya. Woh apni yaadon ke talaab me aur gehraayi me gayi,
Garofano : Veer! Mr. Nicholson junoon se bharpoor insaan the. Woh charity aur trust me aksar khoob daan kiya karte the. Gareebo ki bahut madad kiya karte the hamesha. Aur mein unhi gareebo ki ek basti se ek aam ladki ki tarah hi thi, jiski madad unhone ki thi mujhe beti ke roop me apna ke.
Veer : Tumhara parivaar?
Garofano : Woh toh bachpan me hi guzar gaye the. Mein bas ek anaath bach gayi thi. Mushqil se hi zinda thi. Lekin, jaise tese bach gayi. Shayad mujhe bhi chale jaana tha iss duniya se tabhi. Hai na? *smiles weakly*
Veer : Parivaar kaise khatam hua? Kya tum share kar sakti ho?
Garofano : Ryongchon disaster!!
Usne bas yahi do shabd kahe. Aur, idhar Pari ne bina Veer ke bole hi turant hi uske mann me saari jankaari prastut kar di.
Ryongchon disaster!! 22 April 2004. Ek aisa train accident jo North Korea ke town Ryongchon me ghatit hua tha. Flammable cargo blast ho chuka tha. Saral shabdo me, woh padaarth jo jwalansheel tha, woh aag pakad chuka tha jiske chalte ek bhayanak visfot ne janm liya tha. Aur, train ke kayi saare dabbo ke chithde udd chuke the.
Zaahir hai Garofano ke maata-pita usi train me tab safar kar rahe the. Aur, aneko logo ke saath saath woh bhi apni jaan gawa baithe. Apne parivar me bas wahi ek thi jo kismat se bach gayi thi. Garofano ne ek gehri saans chorri aur bolna jaari rakha,
Garofano : Aur uss haadse ke baad mein poori tarah se anaath ho chuki thi.
Veer : Tum North Korea se South Korea jaa rahi thi?
Garofano (nods) : Hmm! Aur aa bhi gayi thi.
Veer : So, you are not completely Korean, right?
Garofano : Yes! Mein half-Korean and half white hu.
Veer : I’m sorry! Shayad mere kaaran tumhari puraani taqleef bhari yaadein taaza ho gayi.
Veer ne ahista se apni breast pocket se apna rumaal nikaalte hue uski orr kiya. Garofano ne halke se muskuraate hue uske haath se rumaal thaama aur boli,
Garofano : Isme tumhe sorry kehne ki koi zaroorat nahi Veer! Yahi woh time tha jab mein Mr. Nicholson se mili. Jab maine jeene ki icchha chorr di thi, saari umeedein chorr di thi. Tab, woh meri zindagi me farishta bann ke aaye.
Veer : Ohh!
Garofano : Unhone mujhe apni beti ki tarah paala. Aur jab mein badi hui, tab unhone hi Garofano cosmetics mujhe khol ke di thi. Mujhe jaise jeene ke liye ek naya raasta mil gaya tha.
Veer : I see!
Garofano : Mein hamesha se unka naam raushan karna chahti thi. Mein chaahti thi ki jitna unhone mujhe diya hai, mein uska kayi guna unhe lauta saku.
Veer : Aur isliye tumne system ka istemal kiya taaki Garofano cosmetics aur bhi ucchaayi par pahuch sake?
Garofano (nods) : That’s right!
Veer : Tumhe system kab mila?
Garofano : Haha!
Woh halke se muskurayi aur thahaaka lagaate hue Veer ko dekhi,
Garofano : Kya tum sach me jaan’na chaahte ho?
Veer (nods) : Yeah!
Garofano : Okay! Hassna mana hai, theek hai na? Mujhe system tab mila tha jab mein bar me nashe me dhutt hoke besudh si padi hui thi.
Veer : What?
Garofano (shyly) : I-It’s the truth! And, aisa karna bilkul bhi safe nahi tha I know. Mein drunk thi. Jiski wajah se, kuch ladke mera faayda uthaana chaahte the. Aur woh qamyaab ho bhi jaate. Agar, tab mere dimaag me wo awaaz nahi aati. Ding!! System has been activated. Haha!
Woh harr prayaas kar rahi thi ki inn chulbuli baato se wo apne dukh ko chhipa sake. Kintu, Veer ko sab kuch nazar aa raha tha.
Veer : I see! Back to the topic again.
Garofano : Ohh! Right! Sorry~
Veer : You can continue!
Garofano : Hmm! Jab se unhone mujhe apni beti maana tha tab se hi hum ek saath raha karte the. Ek dusre ka dhyaan rakhna, parvah karna. Laga tha jaise zindagi hamesha hi aise shaant, araamdayak aur dil-khush rahegi par-
Ek aasu ki boond uske gaalo se hote hue neeche giri.
Garofano : S-Sorry! Woh bas-
Veer : That’s okay! You can take your time. Parivar ko khona bahut hi peeda-dayak hota hai. Mein samajh sakta hu.
Kahi na kahi Veer ko Golu ki yaad aa gayi. Woh parivaar nahi tha uska. Lekin, uska sabse pehla dost zaroor tha.
Garofano : Toh fir tum ye bhi acche se samajhte hoge Veer… ki ek baar apne parivaar ko khone ke baad, mein dobaara apne kisi qareebi ko kaise khone de sakti hu?
Veer : …
Garofano : Hamara rishta bahut accha tha. Unhe maarne ka mein apne sapne me bhi nahi soch sakti. Mein khud apni jaan de dungi lekin unke saath aisa kabhi nahi hone dungi. Loneliness! Kaisi hoti hai ye mein jaanti hu. Mein dobaara kisi apne ko kyu khona chaahungi bhala?
Iss baar woh thitur uthi aur khud ko rok na paayi. Uske gaalo se aasu nirantar behne lage. Veer ne punah apna rumaal use thamaya.
Garofano : Th-Thank you!
Rumaal thamaate waqt Veer ki ungliyaan Garofano ki ungliyo se sparsh hui. Use mehsoos hua ki woh ekdum thandi ho rakhi thi. Kuch shan baad Garofano ne khud ko sambhaala aur sarr upar kar Veer ko gambheerta se dekhi.
Garofano : Mein jaanti hu… ki saboot mere khilaaf hai. Harr koi yahi samajh raha hai ki mein hatyaari hu. Lekin-
Veer : …
Garofano : Mein kabhi bhi apne parivaar ko nuksaan nahi pahucha sakti Veer!
Veer uske aseem dukh ko mehsoos kar paa raha tha. Uss dukh ke peeche dradh sankalp bhi tha. Veer nahi chaahta tha ki koi bhi apne parivaar se itna pyaar karne wala vyakti jhooth bole.
Veer : Well! Agar dekha jaaye toh tumhare khilaaf hi saare saboot ikhatta hue hai.
Garofano : Mmm! Mein jaanti hu!
Veer : Then?
Garofano : Veer! Agar tumhe waqai lagta hai ki mein Mr. Nicholson ke paise aur unki property ke peeche thi…! Mein batana chaahti hu tumhe ki mere aur unke beech pehle hi iss baat ko leke samjhauta ho chuka tha. Maine unse keh ke rakha tha ki mein unki koi bhi dhan daulat ka hissa nahi banungi.
Veer : …
Garofano : Aur wese bhi, agar mujhe diya bhi jaata hai toh bhi mein uski haqdar nahi hu. Wo property sahi maayno me unke chhote bhai ko milni chahiye.
Veer : Par ye sab unki will me-
Garofano : Rahi baat unki will ki- Toh mujhe ye sab unke iss duniya se jaane ke baad hi pata chala ki unhone mere liye koi will bhi banayi hui hai.
Wait!! Mr. Nicholson ka chhota bhai? Veer ek gehre chintan me doob gaya. Renshu ne toh aisa kuch bhi mention nahi kiya tha. Agar Mr. Nicholson ka sach me koi bhai hota toh Renshu ye baat beshaq uske saamne rakhta.
Ek baar fir Veer duwidha me fass chuka tha. Kaun jhooth keh raha tha? Kya Renshu ne theek se jaanch nahi kari thi? Ya Garofano jhooth keh rahi thi?
‘Damn it!!!’
[Hahahaha! What do you think, Mister Detective? Kaun sach keh raha hai? Aur kaun jhooth? If you solve this case, then I'll admire you. Just for this time I'm making an exception. Fufu~]
Veer ne ek gehri saans li. Aur, filhaal ek mauka Garofano ko diya. Shayad Renshu ne theek se chhaan been nahi ki thi. Mr. Nicholson ka ek bhai bhi tha? Bhala iss baat ka zikr usne kyu nahi kiya? Ab use zaroorat thi ek raasta khojne ki taaki woh iss gutthi ko jald se jald suljha sake.
Veer ko iss tarah shaant dekh Garofano ka sarr neeche jhuk gaya aur woh ahista se boli,
Garofano : Shayad ye gutthi ab sulajh nahi sakti. Hai na? *smiles* Aur ab dheere dheere meri umeedein bhi kam hoti jaa rahi hai Veer. Akele kis se ladti rahungi? Mein kisi ko maar to nahi sakti na?
Veer : That’s-
Garofano : Jab tak meri koi bas baat sunn le, mere liye bas wahi bahut hai. Mein usme hi khush hu. Mujhe koi safaayi nahi deni apne baare me. Mein dekhti hu mein kya kar sakti hu-! Then-
Veer : No! Mein iss gutthi ko suljha sakta hu. Iss poori problem ki jadd hai lack of evidence. Poora case hi uljha hua hai. Mein tum par apna trust rakh raha hu. Mein bhi dekhna chahta hu akhir kitna pyaar tha tumhe apne parivar se.
Iss baar Garofano use aashcharya me dekhi.
Garofano : T-Toh tum keh rahe ho ki tumhe yakeen hai ki mein nirdosh hu?
Veer : Maine aisa kuch nahi kaha. Mera kehna bas ye hai ki mein iss gutthi ko suljha ke rahunga aur asal me kya hua tha woh sab ke saamne launga.
Garofano : ….
Veer : Mein jaanta hu ki Renshu system owners ki taraf biased rehta hai. Koi bhi rahega. Unhe naap taul ke parakhta hai woh. Kyuki, agar koi khatra bann sakte hai toh woh system owners hi hai. Na ki aam insaan. Lekin-
Garofano (stares) : ???
Veer : Lekin, iss tarah se hum kisi nateeje par nahi aa sakte aur na hi bina tehqiqaat ke koi faisla suna sakte hai. Sach ko nazar-andaaz karna galat hai.
Garofano : …
Veer : Isliye- Mein koshish karunga ki iss poori riddle ko solve karu aur tumhara naam sab ke saamne clear ho jaaye ki tumne Mr. Nicholson ko nahi maara hai. Yahi ek raasta hai jis se tumhe nirdosh saabit kiya jaa sakta hai.
Garofano : …
Veer : Magar, uske pehle- Mein bhi chaahunga ki tum bhi mujhpe trust karo.
Garofano wahi jamm ke reh gayi. Lag raha tha jaise woh poori tarah se stabdh thi Veer ki baat sunane ke baad. Kuch shan baad, woh ahista se boli,
Garofano : Veer-!!
Veer : Hmm?
Garofano (smiles) : Tum mujhe kisi ki yaad dilaate ho.
Ek bhaavuk, udaseen bhaav uske chehre par terr gaya. Veer ko turant hi kisi cheez ka ehsaas hua.
Veer : Koi family member?
Garofano ne haule se sarr naa me hilaaya aur boli,
Garofano : Nahi! Ek bachpan ka dost.
Veer : Ohh! Toh? Ab kaha hai woh-
Garofano : He’s no more!
Veer : ….
Garofano (smiles) : You remind me of him. Woh bilkul tumhari tarah tha. Dayaalu aur insaaf dhoondhne waala…! Such a pity…!
Veer : Kya hua tha?
Garofano : Huntington’s disease.
Garofano ke muh se nikalte hi Pari ne Veer ke saamne ek baar fir jankaari prastut kar di.
[Huntington’s disease. Ek aisa disorder hai jisme dimaag ke nerve cells yaani ki neurons toot ke bikhar jaate hai aur samay ke saath marr jaate hai. Iss beemari ka koi cure nahi hai.]
Padhte hi Veer ka mann bhi niraash ho utha.
Garofano : Mein khushkismat hu jo meri mulaqat tumse hui. Insaaf dhoondhne waale se…! *smiles* Mein sach me abhaari hu ki tum mere liye ye kar rahe ho. Pehli baar tumse milte hi samajh gayi thi mein.
Veer : Tum hum system owners me se ek ho. Aur, ye kahi na kahi hum sabki zimmedari hai ki sach ko khoja jaaye uske baad hi koi nirnay liya jaaye.
Garofano : Zimmedari unn sabne toh nahi li na Veer? Fir tumne kyu-?
Veer : I don’t know! I just feel like it. Tumhe abhaar vyakt karne ki zaroorat nahi hai.
Garofano bas dheere se ek haami bhari.
Garofano (smiles) : Hmm! I’ll wait then!
Veer ek gehre chintan me doob gaya. Akhir sach kaun keh raha tha? Kya Renshu jhooth keh raha tha? Magar, usne na sirf itni kuch baatein use batayi balki apni khud ki beti Erica ki bhi skill uske saamne khule aam bata di thi.
Advanced observation!!!
Isi skill ki madad se Erica ne uss phone call ke baare me Renshu ko bataya tha. Veer nahi jaanta tha ki ye advanced observation kaise kaam karta tha, par woh baad me Pari se iske baare me puch sakta tha. Zaroor Pari kuch na kuch iske baare me jaanti hi hogi. Agar woh skill shop se li gayi hogi, toh Pari ko beshaq iske baare me kuch na kuch andaaza zaroor hoga.
Agar, Renshu satark rehna chaahta aur use gumraah karna chaahta toh woh itna asaani se Erica ki skill kyu bataata?
Par, yahi baat Garofano ke liye bhi kahi jaa sakti thi. Pehli mulaqaat me hi usne 'Dead Silence' ka prayog kar ke Veer ko apni skill ka andaaza de diya tha.
Yaha tak ki usne apni sui banaane waali aur poison banaane waali skills ke baare me bhi koi virodh nahi kiya.
Akhir, chal kya raha tha!!?
Woh dono kuch aur baatein karte ki tabhi baahar se ek shor unhe sunayi diya.
*Honk* *Honk*
Kisi gaadi ke horn ki awaaz si maalum pad rahi thi. Raat me 10:30 ho rahe the. Iss waqt bhala kaun ho sakta tha?
Awaaz sunte hi Veer turant hi apni jagah se uth khada hua aur baahar ki orr chal diya. Woh akela nahi tha. Garofano bhi uske peeche peeche aa rahi thi. Kintu, woh savdhaan thi.
Use dhoondhte hue police bhi aa sakti thi. Isliye, seedhe seedhe woh baahar nahi jaa sakti thi.
Andar se Renshu samet Erica bhi baahar aa chuke the. Renshu ke aadmi abhi tak hosh me nahi aaye the, isliye baahar guard karne ke liye bhi koi nahi tha. Garofano sab ko behosh kar ke andar aayi thi.
[Garofano ke paas koi skill ya kuch aur zaroor hai jis se logo ko sleep ya unconscious state me daala jaa sakta hai.]
Pari ne Veer ko sachet kiya.
'Yeah!'
[This is your golden opportunity. Jab tak woh yaha hai, tumhe uske system ke baare me jitna ho sake utna pata karna hoga. Even Renshu aur Erica ke baare me bhi. We don't know who might turn their back against us.]
'I know!!!'
[Good!]
Erica ne jaise hi main entrance ka woh bada sa darwaza khola, saamne ek car khadi hui thi.
Aur, jaise hi car ka darwaza khula, usme se ek khubsoorat aurat baahar nikal ke aayi.
Saamne khade logo ko dekh, jaise hi uski nazar Veer pe padi, na sirf woh khud chaunki balki Veer bhi utna hi chakit reh gaya.
Divya : V-Veer!!???
Veer : Divya???
.
.
.
.
.
.
.
.
Aaj ke liye itna hi guys.
Ye mega update tha. Around 8.3k words. New year me naya update ek mega update deserve karta hai. Hope ju logo ne ise araam se padha hoga. Kyuki, jaldbaazi me bahut si details miss out ho sakti hai. Baaki, likes thokne ka aur revos rakhne ka. Target apna wahi hai. 160.
Dhanyavaad.
Last edited:
- 14,826
- 103,242
- 259
Veer
Superb update
Great update broo!!
AND HAPPY NEW YEAR
Kamal ki updet ha akhir ma phr suspns daal dia ha ab agli updet ka basabri sa intezar writer bhai nawazsh ho gi agr jaldi de de
Bhai update badiya tha pr jab last me aise kotuhal me update khtam kar dete ho to man se apko pyar nahi liklta hai
Wishing you and your loved ones a very happy, healthy, peaceful and prosperous New Year 2024!
~Surya.
Hello everyone first of all Happy New Year to All of you guys
Hello bro,
kafi time se busy hone ke kaaran time nhi mil paa raha tha to reviews nhi kar paa raha tha, but now I'm back so aage se active rahu ga,
Yar buhat aage nikal gai he story to pura crimson arc skip hogya tha ab yo china town bhi shuru hogya,
So ab update ki baat karte he pechle update buhat hogye he to un ke reviews dena to possible nhi he but it a keh sakta hu ke har update 1 se barh ke 1 tha, Amazing work bro,
Ab is update ki baat lare to divya aur veer ka dubara samna hoga maybe, aur shayd veer aur divya aur kareeb bhi honge,
Dusri tarf veer ki family wale veer ke business ko pura mann laga ke aage barhane ki koshish kar rahe he aur kafi achi progress bhi horhi he aur veer ke clothing brand ka naam aur logo wakai me acha he us ke nhi bro hatsoff,
Aur Ava ki bhi thori update mili he to shayd is arc me Ava ko bhi dekhne ko mil sakta he kiya?
Ab baat kare main cheez ki to jis trha govt. Official aur renshu ki beech ki conversation thi to aisa lagta he ke government ko sirf mine se matlb he na renshu se na tribe ke logo se aur ab renshu se bhi offer accept kar li he to ab order aur legion aamne samne honge wohi grifano finally renshu ke pass pohach hi gai but us ne renshu pe kyu attack kiya? Kya wo us ke sath jo hua he us ka zimedar renshu ko maan rahi he? Kafi sare sawal abhi bhi he but ye bhi pata he ke wo hi main suspense he to aage pata chal hi jaye ga pooch ke suspense kharb nahi karu ga,
Anyways update was awesome and mind-blowing,
Lots of love and respect
Wonderful
Fantastic update bro
The order and the legion battle bagains in China ab maza ayega ab to system bhi Kam mission Dene laga hai so jara action missing hai but ab party hogi
Ab dekhana ye hai ki veer ka aandaz sahi hai yaa nahi ki legion ke pass koi radio active related ability hai agar haa to bus maza aayega padhane me..
Baki Happy New year bro
Waiting for upcoming action
Wonderful update Bhai
Jhakaas update
Dhamaka new year special update
Keep going
Ab to Divya bhi aane wali hai
Hoga jarur kuch bada hi hoga
episode ending se intrest tut gaya ... kyuki pehle episodes main excitement peak pe hota tha ... so episode result ke liye next episode ka intezar rehta tha... par abhi excitement shuru hone wala tha... pehle hi episode end ... so no excitement... writing pehle jaisa rakhe... its request... bcoz u r amazing writer.... expectation high from you
Yahin tha men, but pichhle dino kuchh ek baar hi forum kholne ka mauka mila.. bas aasha yahi hai ki naye saal mein yahaan jo kuchh kahaniyon ne mujhe baandha hua hai unhe firse padhna shuru kar paaun, shayad pehle ki hi tarah. (Ava ke pahadi waale scene tak yaad hai apun ko uske baad ka kuchh yaad nahi bc, umar ho gayi hai lagta haifirse padhna padega
)
Nice update
What a super thrilling update dear…
Jabardast update bhai..
Awesome beautiful, mind blowing
Update 171
Awesome update
Bro your writing is awesome
Bhai ek story ko pura karne me kai saal lgaoge kiya bhai insan amar nahi h aaj ya kal kiya ho jay pata nahi bhai jaldi story comple karo please
Mujhe to pehle hi Pari useless lagti thi aur uske upar ye nayi personality joki sar se paaon tak tharak mein lipt hai.I agree Veer chutiya hai but my boy deserves a better system.
Bhai update kitni der me aayega
लाइक तो एक सो साठ से ऊपर हो चुके है।
फिर क्यो नही आया अपडेट भाई
Mind-blowing update
Update 171 has been posted guys.
- 14,826
- 103,242
- 259
Index has been updated.
Remaining comments ke replies samay milte hi diye jayenge. Naye comments dete rehne ka.
Remaining comments ke replies samay milte hi diye jayenge. Naye comments dete rehne ka.
Shahrukh
Well-Known Member
- 5,224
- 14,416
- 188
Ashuk2705
Member
- 121
- 199
- 58
Mujhe Aisa kyu lag raha hai jise Divya ki new boss hi X hai Jo renshu ko call ke thiMega Update
[Note : Update itminaan se sambhal ke aur araam se padhna. Warna confusion hoga.]
Update - 171 ~ Who's lying? (1)
Ab tak...
Ek chammach udte hue uss sui ki doguni raftaar se aage aayi aur seedhe sui se takra gayi. Sui aur chammach aapas ki matbhed me ghoomte hue idhar udhar jaa gire.
*Ding*
[Intimidating Presence has been equipped.]
Iss se pehle ki Garofano aur Renshu punah ek dusre ke upar focused ho paate-
*Whooooosssshhhh*
Ek haath ne unn dono ke haath ko baari baari mazboot jakad me thaam liya. Aur, koi unn dono ke beech aa gaya.
“Tum me se ab kisi aur ne fir haath uthaaya…! Toh accha nahi hoga.”
Ab aage...
Khamoshi!
Kamre ke andar 4 system holders maujood the magar uske bawajood waha sannaata fela hua tha. Erica ekdum stabdh, ankhein chaudi aur muh khole wahi murti ki tarah jami hui khadi thi.
Sab kuch palak jhapakte hue tha. Garofano ka iss tarah hamla karna ek hairaani waali baat toh thi hi par uss se bhi zyada hairaangi use Veer ko unn dono ke beech khade unn dono ko thaame hue dekh ke hui thi.
Idhar Garofano Veer ko pehli nazar me dekh ke chaunki thi. Akhir Veer yaha kya kar raha tha? Magar, use turant hi agle pal ye dhyaan aa gaya ki Casa Belle me usne uss raat Veer ke sang baat ki thi. Zaahir hai Veer yaha uss card ki wajah se aaya tha.
Card toh use bhi praapt hua tha. Par, aaj wo yaha madad karne ke liye nahi aayi thi. Uske iraade toh kuch aur hi the.
Uski aankhon par hare rang ki parat chadhi hui thi. Aur, andhere me wo aankhein aisi prateet ho rahi thi jaise maano ek saanp jhaadiyo me chhipe apne shikaar ko ghoor raha ho.
Woh Veer ko dekhi aur utne hi gusse me boli,
Garofano : Veeeeer!!! Beech me se hatt jao. Ye mere aur Renshu ke beech ka maamla hai. Tumhara isme koi role nahi hai. Get lost!!!
Veer : Role ho chaahe na ho. Now that I'm here...! I won't let you guys fight each other.
Garofano (frowns) : Tch!!! Veeeerr!!!
Iss baar Veer ki aankhein gusse me Garofano ke upar padi.
Veer : STAY PUT!!!
Aur jaise Intimidating Presence ne apna kaam kar diya. Veer ki aankhon ko dekh ek sihran Garofano ki poore badan me fel gayi. Aisa ehsaas hua ki agar usne Veer ki baat nahi maani toh zaroor kuch galat ghatit ho jayega.
Uski pakad apne aap dheeli ho gayi. Woh neeche ki orr dekhi. Apne iraado ko wo badal chuki thi. Haar maante hue usne khud ko dheela chorr diya. Aur, idhar Veer ne use aisa karte dekh uski kalaayi bhi chorr di.
Magar, uss par se dhyaan nahi hataaya. Woh dekh raha tha ki kahi Garofano fir se hamla toh nahi karegi. Par, Garofano ki aankhon se hare rang ki parat bhi ab chhat chuki thi.
Garofano : H-He-!! He was the one-!!!
Veer ne idhar Renshu ki kalaayi bhi chorr di. Woh Garofano ki orr muda. Haath choothate hi Renshu ne apne sarr ke temple par se paseene ki boond ko alag kiya. Use kuch anubhooti hui. Ye ladka...! Veer...!
Apni kalaayi ko usne dekha. 4 ungliyo ke nishaan uski kalaayi par chhaap chorr gaye the. Nishaan aisa ki uske utne hisse ki twacha andar dabb chuki thi.
Apni daadhi ko malte hue woh Veer ko gaur se dekhne laga. Toh wahi idhar Garofano ka virodh ekdum hi khatam ho chuka tha.
Garofano : S-Sirf tumhare liye Veer-!! M-Mein khud ko shaant kar rahi hu. Warna mein-
Erica : Warna mein? Warna mein kya? Ye tumhara playground nahi hai madam ki jab chaaha tab chali aayi aur-
Garofano ki nigaahein agle hi shan Erica par padi. Aankhein punaah chatak hari ho chuki thi. Aur, bolte bolte Erica beech me hi rukk gayi. Maathe par ghabrahat ki lakeere chhaa gayi. Gale me atka thook nigalte hue woh aage kuch na bol saki. Aur, Garofano dobara se wapas normal ho gayi.
Woh ahista ahista chalte hue deewaar ke paas gayi. Aur, jin sui ko usne feka tha unhe deewar me se baari baari nikaalne lagi. Saari sui deewar me dhass chuki thi.
Veer : Koi kuch batayega ki ye sab chal kya raha hai? Garofano? Renshu?
Veer ke prashn par Garofano turant palti. Uski aankhon me firse krodh tha.
Garofano : Tum apne iss pyaare dost se kyu nahi puchte Veer?
Uska ishara Renshu ki orr tha.
Garofano : Pucho iss se ki isne kya kiya hai. T-Tumhe pata hai mein abhi kaha se aa rahi hu?
Veer : Huh?
Garofano : Jail se!!!
Veer : What???
Garofano : That's right! Jail se bhaag ke aa rahi hu.
Veer : Tum jail me kya kar rahi thi?
Garofano : Pucho iss se. Ye batayega tumhe!
Veer ne jaise hi Renshu ki orr dekha toh Renshu sakhti me unn sab ko hi ghoor raha tha.
Renshu : Iski bakwas baato me aane ki zaroorat nahi hai Veer. Ye Jail gayi thi kyuki isne murder kiya hai. Aur, lagta hai hume ise pakad ke wapas police ko saupna padega.
Woh aage do qadam jaise hi badhaaya, Garofano ke haatho me punah ek lambi sui aa gayi. Hamle ke liye taiyaar,
Garofano (glares) : Then try me you fucker...!
Erica : Y-You-!!!
Veer (shouts) : SHUT UP!!!!
*Silence*
Ek baar fir khamoshi chha gayi. Veer ne ek gehri lambi saans li.
Veer : Koi bhi nahi ladega. Renshu!!! I want to hear your side first.
Renshu : Isme bataane waala kuch nahi Veer. Sach tumhare saamne hai. Mr. Nicholson ki abhi haal hi me hatya hui hai.
Veer : Mr. Nicholson!? Jab mein yaha aa raha tha tab maine radio me iss news ke baare me suna tha.
Renshu (nods) : Hmm! Toh mujhe aur vistaar se samjhaane do Veer. Mr. Nicholson darasal Korea ke ek bahut bade business man the. Unka aana jaana China me laga rehta tha kyuki unka jitna business waha hai, utna hi yaha bhi.
Veer : I see!
Renshu : Lekin 3 din pehle hi unki laash paayi gayi thi. Aur isme koi shaq nahi ki unhe kisne maara hai. Autopsy ki report par pata chala ki maut ko sunishchit karne ke liye ek poison inject kiya gaya tha. Aur, aisa poison kisi ne kabhi nahi dekha hai. Ye naye kism ka poison tha.
Veer : Naye kism ka!?
Renshu : Hmm! Aisa poison jo ek system owner hi bana sakta hai.
Kehte hue Renshu ki nazre Garofano par gayi. Aur, Garofano use iss tarah apni orr ghoorte paa kar dekh gusse me gurraayi.
Garofano (glares) : Tsk!!
Renshu : Aur, ab asli sach suno Veer. Mr. Nicholson Garofano ke pita the. Isne apne hi pita ko maara hai.
Garofano (screams) : Ye jhooth hai-!!!
Renshu (shouts) : Yahi sach hai!!!
Veer : !!??
Renshu : Veer!! Ye ladki kisi bhi hadd tak jaa sakti hai. Tum wo sui dekh rahe ho? Uske haatho me?? Zara dhyaan se dekho unhe. Unki nok ko...!
Renshu ki baat par Veer ne apni nazre daudayi aur Garofano ke haatho me maujood unn sui ki nok ko usne dekha.
*Tip*
'Huh!!??'
Aur use abhaas hua. Sui par se geele padaarth ki ek boond fisalte hue neeche zameen par giri.
Poison!!!
Renshu : Dekha na Veer? Yahi wo poison hai. Iss zeher ki vidhi sirf iss ladki ke paas hai. Yahi zeher Mr. Nicholson ke shareer me paaya gaya tha.
Veer : Ohh!?
Renshu : Mujhe aur samjhaane ki zaroorat nahi hai Veer. Samajhdar ko ishara kaafi hai. Jo zeher sirf ye ladki bana sakti hai, wahi zeher agar Mr. Nicholson ke shareer me paaya gaya hai toh iska kya matlab hua? Kya tumhe ab bhi samajh nahi aa raha? Ya fir ye kahe ki ek system owner ko kisi ne murkh bana diya?
Garofano (growls) : You liar-!!!!
Veer duwidha me fass chuka tha. Renshu saaf saaf uske saamne sab kuch rakh raha tha. Isme koi shaq nahi tha ki autopsy ki report jo Renshu ne batayi thi, agar Mr. Nicholson ke shareer me Garofano ka poison paaya gaya tha aur saath hi wahi poison wo apni sui par laga ke chalti thi. Toh 90% chances the ki hatya Garofano ne hi ki thi. Lekin, batayi gayi report jhoothi bhi toh ho sakti thi. Renshu jhooth bhi toh bol sakta tha.
Veer aankhein moond ke kisi bhi faisle par nahi utarna chaahta tha. Ek pal ke liye uske badan me ek sihran daud gayi. Garofano ke baare me use nayi jankari praapt hui thi.
Woh ek naye kism ka zeher bhi bana sakti thi? Sui par uss zeher ko lagana aur unse vaar karna. Ye ek alag kism ka ladne ka tareeka tha. Jitna ye alag tha utna hi jaanleva bhi. Use yaad aaya ki kuch derr pehle wahi hamla uske upar hua tha. Kismat acchi thi jo woh sui uske shareer me nahi jaa paayi. Warna-
[She's interesting.]
Pari ki awaaz uske mann me aayi. Woh bhi Garofano ko parakh rahi thi.
Veer : Tumhe ye sab kaise pata chala Renshu? Autopsy ki report bhala tumhare haath kaise lagi? Aur, tum ye kaise keh sakte ho ki Garofano ne hi hatya ki hai? Kya tum koi reason de sakte ho ki Garofano ne apne hi pita ko kyu maara?
Veer ne aise sawaal rakhe jinse kaafi kuch haath lag sakta tha. Ab dekhna ye tha ki Renshu kya jankari deta hai.
Renshu (sighs) : Veer! Autopsy ki report ke baare me jaanana koi badi baat nahi hai. Tum bhi ek system owner ho. Maine Erica ko bheja tha report haasil karne ke liye. Ye pata lagaane ke liye ki Mr. Nicholson ke shareer me wo zeher kis prakaar ka tha.
Veer : Aur Erica ko tumne kyu bheja?
Renshu : Kyuki, mein pehle se jaanta tha Veer ki Mr. Nicholson Garofano ke pita hai. Ab agar ekdum se unki hatya ho jaaye aur wo bhi aise zeher se jiske baare me aadmi jaanta na ho toh kya tumhare andar shaq nahi paida hoga? Mere andar bhi hua tha. Isliye maine Erica ko bheja tha.
Veer : Hmm! Aur tumhara ye kehna ki Garofano ne hi hatya ki hai?
Renshu : Bilkul! Iske alawa aur kaun ho sakta hai? Mera Mr. Nicholson se koi lena dena nahi hai. Na hi Erica ka. Na hi tumhara. Aur na hi Tribal Leader Jaw Long ka. Toh kaun bachta hai system owner me? Ye ladki!!!
Veer : Kya reason de sakte ho tum mujhe? Kyu maara Garofano ne?
Renshu : Sampatti Veer!!! Athaay sampatti!! Itni sampatti ki tum note ki gaddiyo ka ek mahal banwa lo. Balki, aur zyaada. Laalach acche accho ko galat kaam karne ke liye majboor kar deta hai.
Veer : Really? Paisa?
Renshu : Will Veer! Harr Ameer insaan apni ek will bana ke jaata hai. Mr. Nicholson ki maut ke baad ye sab kuch charcha me hai ki unki ek will bhi thi.
Veer : Kaisi will?
Renshu : Yahi ki unki saari sampatti, unki beti ko jaati hai. Par, will bhala kis kaam ki? Agar, insaan zinda bana rahe toh? Isliye, isne apne hi pita ka qatl kar diya.
Veer : Really? Just for some money? I don't think-
Renshu : Ek toh yeh kaaran ho sakta hai. Dusra kuch aur bhi ho sakta hai Veer. Jise hum dono hi nahi jaante. Lekin, mein daave ke saath keh sakta hu ki hatya isi ladki ne ki hai.
Garofano (screams) : Jhoooootthhh!!!
Veer : Hmm??
Garofano : V-Veer-! Dekho ise! Dekho kaise baato ko manipulate kar raha hai. Asli baatein toh isne tumhe bataayi hi nahi. Isne apni kartoote toh tumhe bataayi hi nahi Veer.
Veer : Huh???
Garofano (shouts) : Agar mujhe pata hota ki tum itne bade waale dagabaaz aadmi nikloge ki meri hi peeth par chhura ghopoge toh maine tumhe woh sui kabhi di hi nahi hoti-!!!
Veer : Sui??
Garofano : Haan! Veer, yaad hai jab hum pehli baar mile the?
Veer : Casa Belle me...
Garofano : Hmm! Maine tumse iss Renshu ke baare me zikr kiya tha.
Veer (nods) : Hmm!
Garofano : Mein iss aadmi se pehle hi mil chuki thi. Aur, tab maine ek tohfe ke roop me ise apni khud ki banaayi gayi kuch sui saunpi thi. Saath hi zeher ki ek sheeshi bhi.
Veer ne turant hi Renshu ki orr dekha,
Veer : Kya ye sach hai?
Renshu (nods) : Hmm!!
Ye baat toh Renshu ne nahi bataayi abhi. Iska matlab kuch chhipaaya jaa raha tha!?
Garofano : Maine ye soch ke ise woh di thi ki ye aadmi shayad hamari tarah ek accha insaan hoga. Aur, jo log system ke saath aam logo ko nuksaan pahucha rahe hai, unhe khatam karne me hamari madad karega. Lekin, mein galat thi.
Veer : ???
Garofano : Tum khud socho Veer. Police akhir mere ghar tak kaise aa gayi? Agar, maine hi hatya ki hoti. Toh mein koi saboot kyu chorrti waha? Kya mujh me itni aqal bhi nahi hai? Police ke paas saboot tha. Woh sui-!!! Woh zeher waali sui police ne mere pita ki body se baramad ki thi. Agar maine hi unhe maara hota toh mein woh sui unke shareer me kyu chorrti Veer??
Veer : That's-!!!
Garofano (gusse me) : Kuch samajh aaya? Police ko jo sui mili ye wahi sui thi jo maine iss bastard ko di thi-!!
Erica (gusse me) : Zubaan sambhaal ke-!!!!
Garofano : Apne Dad se kaho ki pehle ek accha insaan bane. Uske baad dusro ke upar ungli uthaana-!
Erica : Y-You-!!!
Garofano : Veer!!! Isi ne mere pita ke shareer me woh sui ghop ke wahi chorr di thi. Meri harr sui par mera naam 'Garofano' guda hota hai. Bahut bareek hota hai. Isne usi baat ka faayda uthaaya. Isne mujhe fasaaya hai Veer. Trust me-!!!
Veer abhi kuch soch hi raha tha ki tabhi uski yaad-daasht ne use kuch yaad dilaaya. Woh pal jab woh Renshu se pehli baar mila tha.
Andhere se bhari samundar ke nazdeek uss gufa me jab woh ghaayal pada hua tha. Renshu ko Crimson samajh usne uss par hamla kar diya tha. Tab-
Tab Renshu ne kahi se ek 15cm kareeb lambi ek sui nikaali thi aur seedhe uski aankhon ki putliyo se 1 inch duri par tika di thi.
Use ye sab kuch yaad tha. Iska matlab-!! Woh sui-!!! Woh sui wahi sui thi jo Garofano ne tohfe me Renshu ko di thi. Matlab Garofano sach keh rahi thi. Renshu ko usne sui di thi iss baat ko jhutlaya nahi jaa sakta tha.
[Oh my~ It keeps getting better and better. Fufu~]
Garofano : Pucho iss se Veer. Isne hi mere Dad ke shareer me woh sui chorri thi jo maine ise gift ke roop me di thi. He betrayed me.
Veer ne punah Renshu ki orr dekha. Jaise maano uss se sawaal kar raha ho. Aur, Renshu bhi samajh gaya ki Veer akhir kya puchna chaah raha tha.
Renshu (sighs) : Ye sach hai!!
Veer : Huhhh!???
Garofano (smirks) : You fucker-!! Finally you admitted-!!
Renshu : Par ye aadha sach hai Veer.
Veer : Kya matlab?
Renshu : Ye baat sach hai ki Mr. Nicholson ke shareer me dhasi hui jo sui paayi gayi woh wahi sui thi jo Garofano ne mujhe di thi.
Garofano : See? I told you Veer. He was lying.
Renshu : Lekin, iss se ye kaha saabit hota hai ki maine unki hatya ki hai?
Veer : ???
Renshu : Darasal, maine hi Erica ko bheja tha. Erica ne hi woh sui Mr. Nicholson ke shareer me daal ke chorri thi. Baad me police aayi, sui aur zeher ki jaanch kari. Sui me likha 'Garofano' naam unhe pata chala aur unhone Garofano ke ghar me raid kar di. Jaha unhe alag se Garofano ke ghar me sui rakhi mil gayi.
Garofano : That's right-!!! This fucker-!!! Veer!!! Isne na sirf mere Dad ke shareer me wo sui chorri balki-! Isne mere ghar me bhi dusri sui zeher se lipti hui wahi chorri thi. Police ne dono ko match kiya and they concluded- ki- ki mein hi murderer hu. But that's not the case...!!!
Renshu : Hmm! Ye sach hai. Erica hi thi woh.
Garofano (growls) : I fucking knew it-!! Mein jaanti thi ki iske peeche kisi system owner ka haath hai. Your fucking daughter-!!! Stealth skills huh!!? Mujhe andaza tak nahi lag paaya tha ki koi mere ghar me aake gaya hai. So, it was you-!!!
Woh gusse me Erica ki orr dekhi. Veer ki nigaahein bhi Erica par gayi. Sabko apni orr dekhte hue paa ke Erica ne apna chehra mod liya.
Garofano : Tsk!!!
Renshu : Par jaisa ki maine kaha Veer. Ye sirf aadha sach hai. Ab mujhe poora sach bataane do.
Veer : Hmm??
Renshu : Garofano ne theek kaha. Agar, usne murder kiya hota toh woh sui ko kyu chorrti? Right?
Veer (nods) : Hmm!
Renshu : Well, usne theek wesa hi kiya tha Veer. Murder karne ke baad iss ladki ne koi bhi saboot nahi chorra tha. Aur, isliye toh mujhe Erica ko bhejna pada. Yahi kaaran tha jo Erica ne fir woh sui Mr. Nicholson ki body par chorri. Tumko pata hai kyu?
Veer : ???
Renshu (smirks) : Kyuki, Mr. Nicholson ki maut pehle hi iske zeher se ho chuki thi. Sui se vaar kar, unhe maut ke ghaat pe utaar kar Garofano crime scene se faraar ho chuki thi. Woh toh accha tha ki mere paas iski di hui sui maujood thi. Isliye, Erica ne turant hi woh sui unke shareer me chorr di. Saboot iss ladki ne bhale mita diya ho, par maine police ke liye wapas se saboot de diya tha.
Veer (frowns) : That's-!!!
[No fucking way-!!! Hahahahaha!!!
Harr guzarte pal ye gutthi aur bhi ulajhti jaa rahi thi. Aur, Pari iska poora maza utha rahi thi.
Renshu : Ye ladki bahut chaalbaaz hai Veer. Koi bhi system owner itni badi galti nahi kar sakta. Ye sahi keh rahi thi ki bhala ye apne saboot kyu chorregi? Zaahir hai woh saboot maine chorre the taaki ye pakad me aa sake.
Veer : Meri ek baat samajh nahi aayi. Tumhe kaise pata chala ki Mr. Nicholson ke saath aisa kuch hone waala hai? Aur, sahi waqt par tumne Erica ko bhi bhej diya?
Renshu (sighs) : Because I was keeping tabs on her.
Veer : Huh!!?
Renshu : Veer! Mein tum par vishvaas karta hu. Isliye, tum se kuch nahi chhipaata. Yaad hai jab mein tumhari madad karne aaya tha tab tumne mujhse pucha tha ki bhala mujhe ye kaise pata chala ki tum musibat me ho?
Veer : Haan! Mujhe yaad hai. Aur, tumne kaha tha ki tumhe kisi ka call aaya tha. X!!! Usne tumhe bataya tha.
Renshu : That's right!! Wahi call iss baar mujhe firse aaya tha.
Veer : Huhh!!??
Renshu : Pichli baar jab wo call aaya tha tab wo voice modulated voice thi.
Veer : Modulated voice??
Renshu (nods) : Hmm! Matlab badli hui awaaz. Erica ke paas advanced observation skill hai Veer. Jab uss X ne mujhe pehli baar call kiya tha toh maine wo call record kar li thi. Baad me Erica ne jab woh call recording suni toh usne mujhe bataaya tha ki ye awaaz asli awaaz nahi thi uss insaan ki. Woh insaan koi voice modulation ki skill use kar raha tha.
Veer : !!!??
Renshu : Iss baar kuch din pehle mujhe fir call aaya tha. Lekin, iss baar Erica ne bataya ki awaaz modulated nahi thi. Insaan ki khud ki awaaz thi. Awaaz kisi aurat ki thi. Aur, usne mujh se bas ek hi baat kahi thi~
Veer : ???
Renshu : Ki China me jald hi Korea ke rishte naate tootne waale hai. Nazar rakhna.
Veer : What!!?
Renshu : Korea se sirf Garofano hi hai system owner ke roop me. Mein samajh gaya tha ki kiski baat ho rahi thi. Aur, isliye maine Erica se kaha tha Garofano ke upar nazar rakhne ke liye. Kyuki, jaise hi Mr. Nicholson China kuch din pehle aaye, tabhi mein samajh gaya tha ki kuch gadbad hone waali hai.
Garofano : Wh-What-!!? T-Tum kisi anjaan ke kehne par kuch bhi kar baithoge? A-Are you an idiot!?
Renshu : Uss anjaan ke kehne par hi Veer ki jaan bach paayi thi. Tum ye baat acche se jaante ho Veer.
Veer (frowns) : I-
Renshu : Mein maanta hu ki kisi anjaan vyakti par itna bharosa karna theek baat nahi. Par, hum iss baat ko kaise nazar-andaaz kar sakte hai ki uss X ki wajah se hi Veer tumhari jaan bachi hai. Aur toh aur agar woh phone call na aata toh shayad ye Garofano madam qatl kar ke nikal chuki hoti.
Garofano (screams) : Ye sab jhooth hai-!!! Wh-Why!? Why would I kill my own father!!?
Renshu : Isliye, maine uss X ko bhi ek card bheja tha.
Veer : Whatttt!!??
Renshu : Abhi jo call aaya tha woh aurat-!!! Uska kehna tha ki woh USA se hai.
Veer : USA???
Renshu (nods) : Hmm! Mein chaahta tha ki agar wo waqai hamari side hai, toh woh yaha aaye aur hum uske baare me jaan paaye.
Veer : Kya usne apna naam bataya?
Renshu : Nahi! Par itna zaroor kaha tha ki filhaal woh USA me hai. Aur ye ki mein uski baat ko halke me na lu. Mr. Nicholson waali baat.
Veer : I see!!!
Renshu : Veer! Ab tumhare upar hai. Maine sab kuch tumhare saamne rakh diya hai. Agar tum chaaho toh aur sawaal puch sakte ho.
Garofano : He's lying Veer-!!! Kisi teesre ke kehne par tum kaise bharosa kar sakte ho? Jise tum jaante bhi nahi, jise dekha bhi nahi, jiske iraade bhi nahi jaante...!? Kaise-!? He's fucking lying-!!! T-Trust me Veer!!
Renshu : Veer-!!!
Garofano : Veer-!!!
'Fucking hell-!!!'
[Wahahahaha!!! What an interesting case. I'm loving every single second of it.]
'Shut up Pari! Let me concentrate! Inn dono me se koi ek jhooth bol raha hai.'
[Ya fir dono aadha sach keh rahe hai. Aur aadha jhooth.]
'Fuckkkk!!!!'
[They are waiting for your answer-!!!]
Veer ne dono ko dekha. Dono aas liye use hi dekh rahe the. Aur, dono ki aankhein uss se apeksha kar rahi thi ki woh unki side le.
'Fucking hell-!!! Ye kaha fass gaya mein-!??'
[Hahahahahaha!!!]
Veer ab ek vipda me tha. Aisi sthiti me jaha agar usne kisi galat ka saath galti se de diya toh kahi aisa na ho ki baad me woh zindagi bhar pachtaata rahe.
5 minute tak kamre me shaanti chhaayi rahi. Veer apne vichaaro me leen tha. Kuch sochne ke baad usne nirnay liya. Aur, gehri saans lete hue unn dono ko dekh bola.
Veer : Maine soch liya hai.
Renshu : !!?
Garofano : ???
Veer : Renshu! Garofano Jail se bhaag ke aayi hai. Zaahir hai police uske peeche padi hogi. Mein chaahta hu ki jab tak ye gutthi sulajh nahi jaati, tab tak Garofano yahi sahi salamat rahe. Aur, iss baat ki khabar yaha se baahar na jaane paaye.
Renshu : Whaaaatttt!??
Pal bhar ke liye Garofano ki aankhon me ek chamak dikhi. Uski nazre Veer par hi tiki hui thi. Woh uske chehre me khoyi hui thi.
Veer : Hmm! Sirf ek dusre ke keh dene se ye case solve nahi hone waala. Tum apni orr se dekh rahe ho. Aur, Garofano apni orr se. Mujhe lagta hai kuch missing hai yaha. Mine waala maamla kitni derr tak roka jaa sakta hai?
Renshu : Zyada se zyada 3 din. Kyuki, agar maine koi strategy nahi banayi toh government ki orr se firse koi na koi official aa hi jayega yaha dekhne ke liye ki kuch shuru hua bhi ya nahi. Aur, fir Jaw Long bhi attack kar sakta hai.
Veer : I see! Then, give me 3 days. 3 din ke andar andar... Mein iss gutthi ko suljha dunga.
Renshu : Huh!!!?
Erica : What?? What are you? Sherlock Holmes?? Tumhe pata bhi hai ki chal kya raha hai? H-How can you-
Iss se pehle ki Erica aur kuch Veer ko suna paati, Renshu ne apna haath dikha ke use wahi rok diya. Ek baar fir woh apne Dad ke Veer ke prati iss namr ravaiyye se hairat me reh gayi. Na chaahte hue bhi use khud ko rokna pada. Par, bechari Erica Veer ke intelligence se parichit nahi thi.
Veer ki nazre unfocused thi. Uska dimaag ab alag dhang se kaam kar raha tha. Ab uss Veer ke baahar aane ka samay tha jis Veer ne House of the Killers ki gutthi suljhayi thi.
Veer : Mein ye bhi chaahta hu ki tum meri madad karo Renshu. I will handle this case from now on. Aur, sach ko saamne laa ke rakhunga.
Renshu kuch shan tak Veer ko dekhta raha. Woh use parakh raha tha. Veer ki aankhein sab kuch bayaan kar rahi thi ki woh kitna serious tha iss matter ko leke.
Veer : Mine waale matter ko filhaal ke liye hold par rakhna hoga. Iss gutthi ko pehle suljhaana zaroori hai. Aur, Garofano-!!!
Garofano : H-Huh!?
Veer : Agar tum nirdosh saabit hoti ho. Toh mein chaahta hu ki tum mine waale matter me hamari madad karo-!!
Garofano : What!!?? Ye jaante hue bhi ki isi ne mujhe fasaaya hai, mein baad me iski madad bhi karu-!?
Veer : Please-!!!
Iss baar Garofano ne jaise hi Veer ki aankhon ko padha. Uska virodh apne aap samaapt ho gaya.
Garofano : F-Fine-! J-Just for your sake.
Veer (smiles) : That settles it. Then, mujhe kuch samay chahiye Garofano se baat karne ke liye. Garofano! Come with me-!!!
Garofano (nods) : Umm!
Erica : What? Hey Mister!!! Ye tumhara park nahi hai okay? This is my home!! Aur, tum yaha pe bina permission ke khud se charge nahi le sakte. You hear me? I-
Par, ek baar firse Renshu ne use haath dikha ke beech me hi rok diya.
Erica : D-Dad-!??
Renshu : Veer jo bhi madad maangta hai, use wo dena.
Erica : B-But-!
Renshu : No questions!!
Erica (sarr jhukaate hue) : Y-Yes!!
Idhar Veer aur Garofano kamre ke baahar nikal hi rahe the jab peeche se Erica ne awaaz lagaayi,
Erica : Waitttt-!!
Uske rokne par dono Veer aur Garofano palat ke use dekhe.
Erica : Our men-!! Tumne unke saath kya kiya? Jab tumne hamla kiya tab hamara ek bhi aadmi shor sunn ke yaha nahi aaya. What did you do to them??
Garofano : Hmph~!! They are fine! Bas, behosh hai. Go and have a look if you don't believe me.
Erica (mutters) : You will regret this bitch-!!
*Whoooshhhh*
Erica ek jhatke me waha se gaayab hui, aur baahar ki orr nikal gayi.
Jagah jagah Renshu ke saare aadmi behoshi ki haalat me dale hue the.
Usne railing ke paas khade hote hue neeche aangan me nazre daudayi. Sab ke sab behosh the. Koi bhi ghayal nahi tha.
'You will regret this-!! Dad ki insult-!! I will see you later Garofano!!'
Idhar, Veer aur Garofano punah baahar ki orr apna rukh karte ki peeche se iss baar Renshu ne unhe rok diya.
Renshu : Veer!!!
Veer (turns) : Hmm?
Renshu ne apne jaanvar ki khaal se bani uss odhni ko khola aur usme se ek kaagaz nikaalte hue Veer ki orr kiya,
Renshu : Ye Mr. Nicholson ki autopsy ki report ki ek photocopy hai. Have it!!! You'll need it.
Veer ne uske paas aate hue uske haath se woh kaagaz ka tukda le liya. Aur, Garofano ke sang wo uss kamre se baahar nikal gaya.
***
Baahar courtyard me aate hi Veer ne apne bagal se chal rahi Garofano ko dekha aur bola,
Veer : You are messed up!
Usne uske chehre ko dekhte hue kaha. Garofano jab se police dwara jail me le jaayi gayi thi tab se hi usne apna chehra tak nahi dhoya tha. Zaahir hai woh abhi apne sabse uttam roop me nahi thi.
Garofano : I know!!!
Par, Veer ki maujoodgi me woh kaafi hadd tak khud ko mehfooz mehsoos kar rahi thi.
Veer use ek dusre kamre ki orr laaya aur bathroom ki orr ishaara kiya. Garofano bina kuch kahe andar washroom me chali gayi. Veer tab tak wahi kamre me baahar baitha raha.
Jab tak woh aa rahi thi, tab tak Veer ne ek nazar uss autopsy ki report par dauda li.
Kareeb 15 minute baad Garofano washroom se nikal ke baahar aayi. Pehle se kahi zyaada behtar nazar aa rahi thi ab woh.
Veer : Better?
Garofano (nods) : Hmm!
Woh aake wahi neeche bicche ek cushion par baith gayi.
Veer : So? Miss Garofano!?
Garofano : Garofano nahi Veer!! Please, just call me by my real name from now on. It’s ~ Violet!! Violet Nicholson!
Veer : Violet?
Garofano : Hmm! *smiles weakly* We have the same initials. Don’t we? V for Veer! V for Violet!
Uska ravaiyya Renshu ke prati ekdum alag tha aur Veer ke prati ekdum hi alag. Zameen asmaan ka antar tha dono ravaiyye me. Jaha Renshu ke prati uske andar se ghrina saaf saaf nikal rahi thi, toh wahi Veer ke saath hone par woh khud ko shaant mehsoos kar rahi thi. Veer ke prati uske andar thodi hayaa bhi thi aur thodi jigyaasa bhi.
Veer ne apne bagal se baithi uss sundar naari ko dekha. Woh jaanta tha ki iss waqt Garofano urf Violet apne dukh ko chhipaane ki koshish kar rahi thi. Par wo isme nakaam thi. Uska dukh saaf saaf uske chehre par jhalak raha tha.
Veer : Alright then! Miss Violet! Talk!!!
Garofano : Ask me Veer. Tum jo jo puchoge mein sab ka jawaab dene ke liye taiyaar hu.
Veer : Hmm! Toh theek hai! Case shuru karte hai.
Garofano (nods) : Hmm!
Veer ne Renshu ki saari kahi gayi baat par zorr daala. Aur, seedhe hi woh prashn par aa gaya.
Veer : Mr. Nicholson ki rehesyamayi maut ke baad, unki will me yahi likha hua paaya gaya tha ki unki saari sampatti unki beti ko samarpit ki jaati hai. Right?
Garofano : Woh-
Veer : Par! Par! Par! Li Renshu ne tum pe ye ilzaam lagaya hai ki tumne paiso ki laalach me aake ye qadam uthaaya tha aur apne hi pita ko maut ke ghaat utaar diya. Taaki will me likhi gayi sampatti tumhe mil sake.
Garofano : N-Nahi-!
Veer : Lekin, ye baat yahi khatam nahi hoti. Hospital dwara Mr. Nicholson ki body ki autopsy bhi kari gayi thi. Aur post-mortem ke anusaar ek agyaat puncture ka ghaav unke ek chhipe hue ang par paaya gaya tha. Baad me pata chala ki ek behad hi jaanleva aur slow poison waha par inject kiya gaya tha. Report padhi abhi abhi maine jo Renshu ne mujhe di hai.
Garofano (panics) : Y-Ye jhooth hai!!! Tum jaante ho ki woh sui meri nahi thi Veer. Woh needle toh Renshu-
Veer : Li Renshu ne na sirf itna kuch pata lagaya balki report ye bhi kehti hai ki woh sui tumhari hi hai. Usi sui se woh ghaav banaya gaya tha isme koi shaq nahi. Aur, toh aur woh zeher bhi tumhari sui par laga hua paaya gaya jo Mr. Nicholson ki body se mila tha. Aur uske baad-
Garofano : Uske baad yahi sab hua.
Ek udaasi bhari muskaan uske hontho par aayi.
Garofano : Kaafi kuch tumne andaaza laga liya kuch hi palo me Veer! Lekin, ye sab- poori sachhayi nahi hai!! Mein tumhe andar pehle hi bata chuki hu.
Veer : !??
Garofano : Maine Mr. Nicholson ki hatya nahi ki hai. Wh-Why would I?
Uski awaaz me thar-tharahat thi. Lekin, uss thar-tharahat me ek dridhta bhi thi. Jaise woh nishchit thi ki sach kya hai aur jhooth kya.
Garofano : Li Renshu! Use jab se pata chala hai ki mein ek system owner hu tab se hi woh mujhe apni nigrani me rakhe hue hai. Aur, chuki mein system owner hu, isliye use ye aur bhi lag raha hai ki mein kuch bhi kar sakti hu. Maine hi qatl kiya hai. Yahi uska daawa hai. Ek baar bhi kisi ne mujhe apni begunahi saabit karne ka mauka nahi diya.
Veer : Hmm! Dekha maine sab kuch! Ek jhatke me woh decision le chuka tha. Koi chhaan-been kari hi nahi gayi. Mein ye bhi jaanta hu ki isme sirf Li Renshu aur Erica involved nahi hai.
Garofano (eyes widens) : Y-You mean!?
Veer : Yeah! Koi aur third person bhi involved hai. Li Renshu ko kisi ne influence kiya hai. Satark rehne ke chakkar me woh itna paranoid ho chuka hai ki usne kisi teesre vyakti ki baat ka itna bharosa kar liya. Aisa laga, jaise kisi bacche ko khilauna pakda ke use raazi kiya gaya ho.
Garofano : Th-That’s-
Garofano sarr jhukaaye ek gehre chintan me doob gayi. Magar, Veer ki nazre uski harr ek harqato par tani hui thi. Woh harr thode bol ke baad khud ko aise dikhaata jaise woh Renshu ki taraf hai, par fir aur kuch bolne ke baad aise jataata jaise Renshu galat hai.
Veer Garofano ki galti pakadne ka jaal biccha raha tha. Ye ek aisa maamla tha jaha koi bhi sahi ya galat ho sakta tha. Kya pata kaho Li Renshu sahi keh raha ho? Uske bagal se baithi ye sundar naari kaho khoon ki pyaasi ek hatyaari hi ho? Ye sab khaali uska dhong ho?
Ya fir ye bhi ho sakta tha ki Li Renshu hi galat tha? Woh koi chaal chal raha ho peeth peeche? Sabse zyada chakravyuh me Renshu ya Garofano nahi, balki Veer khud hi fasa hua tha. Use harr ek se sunishchit karna tha ki kaun saathi hai aur kaun dushman.
Woh ek prakaar se iss waqt ek double agent ke roop me kaam kar raha tha. Ek taraf use ye dikhana tha ki woh Garofano ki taraf hai toh wahi dusri orr ye ki woh Renshu ke saath hai. Aaj Las Vegas waale high IQ detective Veer ka imtihaan tha.
Veer : Mujhe nahi lagta ki system owner bas hone se turant hi kisi par bhi ilzaam laga dena chahiye.
Ye sunte hi Garofano thoda hairat me uski orr dekhi,
Garofano : Mujhe laga tha tum bhi baaki sab ki tarah mujhe ye gunaah qubool karne ke liye majboor karoge Veer!
Veer : Insaan kitni hi koshish kyu na kar le. Sach ko kabhi bhi chhipaaya nahi jaa sakta. I neither believe you nor disbelieve you. Mera bas itna maan’na hai ki saari baato ko jaan’ne ke baad hi decision liya jaa sakta hai. Toh mein chaahunga ki pehle tumhari kahani ko suna jaaye, taaki mein apni raay rakh saku.
Garofano ne haami bhari, aur bolna shuru ki-
Garofano : Theek hai, Veer! Mein tumhe sab kuch sach sach batati hu.
Veer : Hmm!
Ek gehri saans lete hue Garofano ne apni dastaan bayaan karna shuru kiya,
Garofano : Asliyat me, Mr. Nicholson aur mein... hum dono asli baap-beti hai hi nahi.
Veer : Huh!?
Garofano : I mean ye jo bhi rishta tha hamare beech, woh ek unofficial rishta tha. Na hi khoon ka rishta tha hamare beech aur na hi kisi paper par hamara rishta darj kiya gaya tha.
Kehte hue usne apne baal ki ek latt ko apne kaan ke peeche kiya. Woh apni yaadon ke talaab me aur gehraayi me gayi,
Garofano : Veer! Mr. Nicholson junoon se bharpoor insaan the. Woh charity aur trust me aksar khoob daan kiya karte the. Gareebo ki bahut madad kiya karte the hamesha. Aur mein unhi gareebo ki ek basti se ek aam ladki ki tarah hi thi, jiski madad unhone ki thi mujhe beti ke roop me apna ke.
Veer : Tumhara parivaar?
Garofano : Woh toh bachpan me hi guzar gaye the. Mein bas ek anaath bach gayi thi. Mushqil se hi zinda thi. Lekin, jaise tese bach gayi. Shayad mujhe bhi chale jaana tha iss duniya se tabhi. Hai na? *smiles weakly*
Veer : Parivaar kaise khatam hua? Kya tum share kar sakti ho?
Garofano : Ryongchon disaster!!
Usne bas yahi do shabd kahe. Aur, idhar Pari ne bina Veer ke bole hi turant hi uske mann me saari jankaari prastut kar di.
Ryongchon disaster!! 22 April 2004. Ek aisa train accident jo North Korea ke town Ryongchon me ghatit hua tha. Flammable cargo blast ho chuka tha. Saral shabdo me, woh padaarth jo jwalansheel tha, woh aag pakad chuka tha jiske chalte ek bhayanak visfot ne janm liya tha. Aur, train ke kayi saare dabbo ke chithde udd chuke the.
Zaahir hai Garofano ke maata-pita usi train me tab safar kar rahe the. Aur, aneko logo ke saath saath woh bhi apni jaan gawa baithe. Apne parivar me bas wahi ek thi jo kismat se bach gayi thi. Garofano ne ek gehri saans chorri aur bolna jaari rakha,
Garofano : Aur uss haadse ke baad mein poori tarah se anaath ho chuki thi.
Veer : Tum North Korea se South Korea jaa rahi thi?
Garofano (nods) : Hmm! Aur aa bhi gayi thi.
Veer : So, you are not completely Korean, right?
Garofano : Yes! Mein half-Korean and half white hu.
Veer : I’m sorry! Shayad mere kaaran tumhari puraani taqleef bhari yaadein taaza ho gayi.
Veer ne ahista se apni breast pocket se apna rumaal nikaalte hue uski orr kiya. Garofano ne halke se muskuraate hue uske haath se rumaal thaama aur boli,
Garofano : Isme tumhe sorry kehne ki koi zaroorat nahi Veer! Yahi woh time tha jab mein Mr. Nicholson se mili. Jab maine jeene ki icchha chorr di thi, saari umeedein chorr di thi. Tab, woh meri zindagi me farishta bann ke aaye.
Veer : Ohh!
Garofano : Unhone mujhe apni beti ki tarah paala. Aur jab mein badi hui, tab unhone hi Garofano cosmetics mujhe khol ke di thi. Mujhe jaise jeene ke liye ek naya raasta mil gaya tha.
Veer : I see!
Garofano : Mein hamesha se unka naam raushan karna chahti thi. Mein chaahti thi ki jitna unhone mujhe diya hai, mein uska kayi guna unhe lauta saku.
Veer : Aur isliye tumne system ka istemal kiya taaki Garofano cosmetics aur bhi ucchaayi par pahuch sake?
Garofano (nods) : That’s right!
Veer : Tumhe system kab mila?
Garofano : Haha!
Woh halke se muskurayi aur thahaaka lagaate hue Veer ko dekhi,
Garofano : Kya tum sach me jaan’na chaahte ho?
Veer (nods) : Yeah!
Garofano : Okay! Hassna mana hai, theek hai na? Mujhe system tab mila tha jab mein bar me nashe me dhutt hoke besudh si padi hui thi.
Veer : What?
Garofano (shyly) : I-It’s the truth! And, aisa karna bilkul bhi safe nahi tha I know. Mein drunk thi. Jiski wajah se, kuch ladke mera faayda uthaana chaahte the. Aur woh qamyaab ho bhi jaate. Agar, tab mere dimaag me wo awaaz nahi aati. Ding!! System has been activated. Haha!
Woh harr prayaas kar rahi thi ki inn chulbuli baato se wo apne dukh ko chhipa sake. Kintu, Veer ko sab kuch nazar aa raha tha.
Veer : I see! Back to the topic again.
Garofano : Ohh! Right! Sorry~
Veer : You can continue!
Garofano : Hmm! Jab se unhone mujhe apni beti maana tha tab se hi hum ek saath raha karte the. Ek dusre ka dhyaan rakhna, parvah karna. Laga tha jaise zindagi hamesha hi aise shaant, araamdayak aur dil-khush rahegi par-
Ek aasu ki boond uske gaalo se hote hue neeche giri.
Garofano : S-Sorry! Woh bas-
Veer : That’s okay! You can take your time. Parivar ko khona bahut hi peeda-dayak hota hai. Mein samajh sakta hu.
Kahi na kahi Veer ko Golu ki yaad aa gayi. Woh parivaar nahi tha uska. Lekin, uska sabse pehla dost zaroor tha.
Garofano : Toh fir tum ye bhi acche se samajhte hoge Veer… ki ek baar apne parivaar ko khone ke baad, mein dobaara apne kisi qareebi ko kaise khone de sakti hu?
Veer : …
Garofano : Hamara rishta bahut accha tha. Unhe maarne ka mein apne sapne me bhi nahi soch sakti. Mein khud apni jaan de dungi lekin unke saath aisa kabhi nahi hone dungi. Loneliness! Kaisi hoti hai ye mein jaanti hu. Mein dobaara kisi apne ko kyu khona chaahungi bhala?
Iss baar woh thitur uthi aur khud ko rok na paayi. Uske gaalo se aasu nirantar behne lage. Veer ne punah apna rumaal use thamaya.
Garofano : Th-Thank you!
Rumaal thamaate waqt Veer ki ungliyaan Garofano ki ungliyo se sparsh hui. Use mehsoos hua ki woh ekdum thandi ho rakhi thi. Kuch shan baad Garofano ne khud ko sambhaala aur sarr upar kar Veer ko gambheerta se dekhi.
Garofano : Mein jaanti hu… ki saboot mere khilaaf hai. Harr koi yahi samajh raha hai ki mein hatyaari hu. Lekin-
Veer : …
Garofano : Mein kabhi bhi apne parivaar ko nuksaan nahi pahucha sakti Veer!
Veer uske aseem dukh ko mehsoos kar paa raha tha. Uss dukh ke peeche dradh sankalp bhi tha. Veer nahi chaahta tha ki koi bhi apne parivaar se itna pyaar karne wala vyakti jhooth bole.
Veer : Well! Agar dekha jaaye toh tumhare khilaaf hi saare saboot ikhatta hue hai.
Garofano : Mmm! Mein jaanti hu!
Veer : Then?
Garofano : Veer! Agar tumhe waqai lagta hai ki mein Mr. Nicholson ke paise aur unki property ke peeche thi…! Mein batana chaahti hu tumhe ki mere aur unke beech pehle hi iss baat ko leke samjhauta ho chuka tha. Maine unse keh ke rakha tha ki mein unki koi bhi dhan daulat ka hissa nahi banungi.
Veer : …
Garofano : Aur wese bhi, agar mujhe diya bhi jaata hai toh bhi mein uski haqdar nahi hu. Wo property sahi maayno me unke chhote bhai ko milni chahiye.
Veer : Par ye sab unki will me-
Garofano : Rahi baat unki will ki- Toh mujhe ye sab unke iss duniya se jaane ke baad hi pata chala ki unhone mere liye koi will bhi banayi hui hai.
Wait!! Mr. Nicholson ka chhota bhai? Veer ek gehre chintan me doob gaya. Renshu ne toh aisa kuch bhi mention nahi kiya tha. Agar Mr. Nicholson ka sach me koi bhai hota toh Renshu ye baat beshaq uske saamne rakhta.
Ek baar fir Veer duwidha me fass chuka tha. Kaun jhooth keh raha tha? Kya Renshu ne theek se jaanch nahi kari thi? Ya Garofano jhooth keh rahi thi?
‘Damn it!!!’
[Hahahaha! What do you think, Mister Detective? Kaun sach keh raha hai? Aur kaun jhooth? If you solve this case, then I'll admire you. Just for this time I'm making an exception. Fufu~]
Veer ne ek gehri saans li. Aur, filhaal ek mauka Garofano ko diya. Shayad Renshu ne theek se chhaan been nahi ki thi. Mr. Nicholson ka ek bhai bhi tha? Bhala iss baat ka zikr usne kyu nahi kiya? Ab use zaroorat thi ek raasta khojne ki taaki woh iss gutthi ko jald se jald suljha sake.
Veer ko iss tarah shaant dekh Garofano ka sarr neeche jhuk gaya aur woh ahista se boli,
Garofano : Shayad ye gutthi ab sulajh nahi sakti. Hai na? *smiles* Aur ab dheere dheere meri umeedein bhi kam hoti jaa rahi hai Veer. Akele kis se ladti rahungi? Mein kisi ko maar to nahi sakti na?
Veer : That’s-
Garofano : Jab tak meri koi bas baat sunn le, mere liye bas wahi bahut hai. Mein usme hi khush hu. Mujhe koi safaayi nahi deni apne baare me. Mein dekhti hu mein kya kar sakti hu-! Then-
Veer : No! Mein iss gutthi ko suljha sakta hu. Iss poori problem ki jadd hai lack of evidence. Poora case hi uljha hua hai. Mein tum par apna trust rakh raha hu. Mein bhi dekhna chahta hu akhir kitna pyaar tha tumhe apne parivar se.
Iss baar Garofano use aashcharya me dekhi.
Garofano : T-Toh tum keh rahe ho ki tumhe yakeen hai ki mein nirdosh hu?
Veer : Maine aisa kuch nahi kaha. Mera kehna bas ye hai ki mein iss gutthi ko suljha ke rahunga aur asal me kya hua tha woh sab ke saamne launga.
Garofano : ….
Veer : Mein jaanta hu ki Renshu system owners ki taraf biased rehta hai. Koi bhi rahega. Unhe naap taul ke parakhta hai woh. Kyuki, agar koi khatra bann sakte hai toh woh system owners hi hai. Na ki aam insaan. Lekin-
Garofano (stares) : ???
Veer : Lekin, iss tarah se hum kisi nateeje par nahi aa sakte aur na hi bina tehqiqaat ke koi faisla suna sakte hai. Sach ko nazar-andaaz karna galat hai.
Garofano : …
Veer : Isliye- Mein koshish karunga ki iss poori riddle ko solve karu aur tumhara naam sab ke saamne clear ho jaaye ki tumne Mr. Nicholson ko nahi maara hai. Yahi ek raasta hai jis se tumhe nirdosh saabit kiya jaa sakta hai.
Garofano : …
Veer : Magar, uske pehle- Mein bhi chaahunga ki tum bhi mujhpe trust karo.
Garofano wahi jamm ke reh gayi. Lag raha tha jaise woh poori tarah se stabdh thi Veer ki baat sunane ke baad. Kuch shan baad, woh ahista se boli,
Garofano : Veer-!!
Veer : Hmm?
Garofano (smiles) : Tum mujhe kisi ki yaad dilaate ho.
Ek bhaavuk, udaseen bhaav uske chehre par terr gaya. Veer ko turant hi kisi cheez ka ehsaas hua.
Veer : Koi family member?
Garofano ne haule se sarr naa me hilaaya aur boli,
Garofano : Nahi! Ek bachpan ka dost.
Veer : Ohh! Toh? Ab kaha hai woh-
Garofano : He’s no more!
Veer : ….
Garofano (smiles) : You remind me of him. Woh bilkul tumhari tarah tha. Dayaalu aur insaaf dhoondhne waala…! Such a pity…!
Veer : Kya hua tha?
Garofano : Huntington’s disease.
Garofano ke muh se nikalte hi Pari ne Veer ke saamne ek baar fir jankaari prastut kar di.
[Huntington’s disease. Ek aisa disorder hai jisme dimaag ke nerve cells yaani ki neurons toot ke bikhar jaate hai aur samay ke saath marr jaate hai. Iss beemari ka koi cure nahi hai.]
Padhte hi Veer ka mann bhi niraash ho utha.
Garofano : Mein khushkismat hu jo meri mulaqat tumse hui. Insaaf dhoondhne waale se…! *smiles* Mein sach me abhaari hu ki tum mere liye ye kar rahe ho. Pehli baar tumse milte hi samajh gayi thi mein.
Veer : Tum hum system owners me se ek ho. Aur, ye kahi na kahi hum sabki zimmedari hai ki sach ko khoja jaaye uske baad hi koi nirnay liya jaaye.
Garofano : Zimmedari unn sabne toh nahi li na Veer? Fir tumne kyu-?
Veer : I don’t know! I just feel like it. Tumhe abhaar vyakt karne ki zaroorat nahi hai.
Garofano bas dheere se ek haami bhari.
Garofano (smiles) : Hmm! I’ll wait then!
Veer ek gehre chintan me doob gaya. Akhir sach kaun keh raha tha? Kya Renshu jhooth keh raha tha? Magar, usne na sirf itni kuch baatein use batayi balki apni khud ki beti Erica ki bhi skill uske saamne khule aam bata di thi.
Advanced observation!!!
Isi skill ki madad se Erica ne uss phone call ke baare me Renshu ko bataya tha. Veer nahi jaanta tha ki ye advanced observation kaise kaam karta tha, par woh baad me Pari se iske baare me puch sakta tha. Zaroor Pari kuch na kuch iske baare me jaanti hi hogi. Agar woh skill shop se li gayi hogi, toh Pari ko beshaq iske baare me kuch na kuch andaaza zaroor hoga.
Agar, Renshu satark rehna chaahta aur use gumraah karna chaahta toh woh itna asaani se Erica ki skill kyu bataata?
Par, yahi baat Garofano ke liye bhi kahi jaa sakti thi. Pehli mulaqaat me hi usne 'Dead Silence' ka prayog kar ke Veer ko apni skill ka andaaza de diya tha.
Yaha tak ki usne apni sui banaane waali aur poison banaane waali skills ke baare me bhi koi virodh nahi kiya.
Akhir, chal kya raha tha!!?
Woh dono kuch aur baatein karte ki tabhi baahar se ek shor unhe sunayi diya.
*Honk* *Honk*
Kisi gaadi ke horn ki awaaz si maalum pad rahi thi. Raat me 10:30 ho rahe the. Iss waqt bhala kaun ho sakta tha?
Awaaz sunte hi Veer turant hi apni jagah se uth khada hua aur baahar ki orr chal diya. Woh akela nahi tha. Garofano bhi uske peeche peeche aa rahi thi. Kintu, woh savdhaan thi.
Use dhoondhte hue police bhi aa sakti thi. Isliye, seedhe seedhe woh baahar nahi jaa sakti thi.
Andar se Renshu samet Erica bhi baahar aa chuke the. Renshu ke aadmi abhi tak hosh me nahi aaye the, isliye baahar guard karne ke liye bhi koi nahi tha. Garofano sab ko behosh kar ke andar aayi thi.
[Garofano ke paas koi skill ya kuch aur zaroor hai jis se logo ko sleep ya unconscious state me daala jaa sakta hai.]
Pari ne Veer ko sachet kiya.
'Yeah!'
[This is your golden opportunity. Jab tak woh yaha hai, tumhe uske system ke baare me jitna ho sake utna pata karna hoga. Even Renshu aur Erica ke baare me bhi. We don't know who might turn their back against us.]
'I know!!!'
[Good!]
Erica ne jaise hi main entrance ka woh bada sa darwaza khola, saamne ek car khadi hui thi.
Aur, jaise hi car ka darwaza khula, usme se ek khubsoorat aurat baahar nikal ke aayi.
Saamne khade logo ko dekh, jaise hi uski nazar Veer pe padi, na sirf woh khud chaunki balki Veer bhi utna hi chakit reh gaya.
Divya : V-Veer!!???
Veer : Divya???
.
.
.
.
.
.
.
.
Aaj ke liye itna hi guys.
Ye mega update tha. Around 8.3k words. New year me naya update ek mega update deserve karta hai. Hope ju logo ne ise araam se padha hoga. Kyuki, jaldbaazi me bahut si details miss out ho sakti hai. Baaki, likes thokne ka aur revos rakhne ka. Target apna wahi hai. 160.
Dhanyavaad.
Devilrudra
Active Member
- 514
- 1,405
- 123
Bahot badhiya achi shuruaat hui hai naye saal kiMega Update
[Note : Update itminaan se sambhal ke aur araam se padhna. Warna confusion hoga.]
Update - 171 ~ Who's lying? (1)
Ab tak...
Ek chammach udte hue uss sui ki doguni raftaar se aage aayi aur seedhe sui se takra gayi. Sui aur chammach aapas ki matbhed me ghoomte hue idhar udhar jaa gire.
*Ding*
[Intimidating Presence has been equipped.]
Iss se pehle ki Garofano aur Renshu punah ek dusre ke upar focused ho paate-
*Whooooosssshhhh*
Ek haath ne unn dono ke haath ko baari baari mazboot jakad me thaam liya. Aur, koi unn dono ke beech aa gaya.
“Tum me se ab kisi aur ne fir haath uthaaya…! Toh accha nahi hoga.”
Ab aage...
Khamoshi!
Kamre ke andar 4 system holders maujood the magar uske bawajood waha sannaata fela hua tha. Erica ekdum stabdh, ankhein chaudi aur muh khole wahi murti ki tarah jami hui khadi thi.
Sab kuch palak jhapakte hue tha. Garofano ka iss tarah hamla karna ek hairaani waali baat toh thi hi par uss se bhi zyada hairaangi use Veer ko unn dono ke beech khade unn dono ko thaame hue dekh ke hui thi.
Idhar Garofano Veer ko pehli nazar me dekh ke chaunki thi. Akhir Veer yaha kya kar raha tha? Magar, use turant hi agle pal ye dhyaan aa gaya ki Casa Belle me usne uss raat Veer ke sang baat ki thi. Zaahir hai Veer yaha uss card ki wajah se aaya tha.
Card toh use bhi praapt hua tha. Par, aaj wo yaha madad karne ke liye nahi aayi thi. Uske iraade toh kuch aur hi the.
Uski aankhon par hare rang ki parat chadhi hui thi. Aur, andhere me wo aankhein aisi prateet ho rahi thi jaise maano ek saanp jhaadiyo me chhipe apne shikaar ko ghoor raha ho.
Woh Veer ko dekhi aur utne hi gusse me boli,
Garofano : Veeeeer!!! Beech me se hatt jao. Ye mere aur Renshu ke beech ka maamla hai. Tumhara isme koi role nahi hai. Get lost!!!
Veer : Role ho chaahe na ho. Now that I'm here...! I won't let you guys fight each other.
Garofano (frowns) : Tch!!! Veeeerr!!!
Iss baar Veer ki aankhein gusse me Garofano ke upar padi.
Veer : STAY PUT!!!
Aur jaise Intimidating Presence ne apna kaam kar diya. Veer ki aankhon ko dekh ek sihran Garofano ki poore badan me fel gayi. Aisa ehsaas hua ki agar usne Veer ki baat nahi maani toh zaroor kuch galat ghatit ho jayega.
Uski pakad apne aap dheeli ho gayi. Woh neeche ki orr dekhi. Apne iraado ko wo badal chuki thi. Haar maante hue usne khud ko dheela chorr diya. Aur, idhar Veer ne use aisa karte dekh uski kalaayi bhi chorr di.
Magar, uss par se dhyaan nahi hataaya. Woh dekh raha tha ki kahi Garofano fir se hamla toh nahi karegi. Par, Garofano ki aankhon se hare rang ki parat bhi ab chhat chuki thi.
Garofano : H-He-!! He was the one-!!!
Veer ne idhar Renshu ki kalaayi bhi chorr di. Woh Garofano ki orr muda. Haath choothate hi Renshu ne apne sarr ke temple par se paseene ki boond ko alag kiya. Use kuch anubhooti hui. Ye ladka...! Veer...!
Apni kalaayi ko usne dekha. 4 ungliyo ke nishaan uski kalaayi par chhaap chorr gaye the. Nishaan aisa ki uske utne hisse ki twacha andar dabb chuki thi.
Apni daadhi ko malte hue woh Veer ko gaur se dekhne laga. Toh wahi idhar Garofano ka virodh ekdum hi khatam ho chuka tha.
Garofano : S-Sirf tumhare liye Veer-!! M-Mein khud ko shaant kar rahi hu. Warna mein-
Erica : Warna mein? Warna mein kya? Ye tumhara playground nahi hai madam ki jab chaaha tab chali aayi aur-
Garofano ki nigaahein agle hi shan Erica par padi. Aankhein punaah chatak hari ho chuki thi. Aur, bolte bolte Erica beech me hi rukk gayi. Maathe par ghabrahat ki lakeere chhaa gayi. Gale me atka thook nigalte hue woh aage kuch na bol saki. Aur, Garofano dobara se wapas normal ho gayi.
Woh ahista ahista chalte hue deewaar ke paas gayi. Aur, jin sui ko usne feka tha unhe deewar me se baari baari nikaalne lagi. Saari sui deewar me dhass chuki thi.
Veer : Koi kuch batayega ki ye sab chal kya raha hai? Garofano? Renshu?
Veer ke prashn par Garofano turant palti. Uski aankhon me firse krodh tha.
Garofano : Tum apne iss pyaare dost se kyu nahi puchte Veer?
Uska ishara Renshu ki orr tha.
Garofano : Pucho iss se ki isne kya kiya hai. T-Tumhe pata hai mein abhi kaha se aa rahi hu?
Veer : Huh?
Garofano : Jail se!!!
Veer : What???
Garofano : That's right! Jail se bhaag ke aa rahi hu.
Veer : Tum jail me kya kar rahi thi?
Garofano : Pucho iss se. Ye batayega tumhe!
Veer ne jaise hi Renshu ki orr dekha toh Renshu sakhti me unn sab ko hi ghoor raha tha.
Renshu : Iski bakwas baato me aane ki zaroorat nahi hai Veer. Ye Jail gayi thi kyuki isne murder kiya hai. Aur, lagta hai hume ise pakad ke wapas police ko saupna padega.
Woh aage do qadam jaise hi badhaaya, Garofano ke haatho me punah ek lambi sui aa gayi. Hamle ke liye taiyaar,
Garofano (glares) : Then try me you fucker...!
Erica : Y-You-!!!
Veer (shouts) : SHUT UP!!!!
*Silence*
Ek baar fir khamoshi chha gayi. Veer ne ek gehri lambi saans li.
Veer : Koi bhi nahi ladega. Renshu!!! I want to hear your side first.
Renshu : Isme bataane waala kuch nahi Veer. Sach tumhare saamne hai. Mr. Nicholson ki abhi haal hi me hatya hui hai.
Veer : Mr. Nicholson!? Jab mein yaha aa raha tha tab maine radio me iss news ke baare me suna tha.
Renshu (nods) : Hmm! Toh mujhe aur vistaar se samjhaane do Veer. Mr. Nicholson darasal Korea ke ek bahut bade business man the. Unka aana jaana China me laga rehta tha kyuki unka jitna business waha hai, utna hi yaha bhi.
Veer : I see!
Renshu : Lekin 3 din pehle hi unki laash paayi gayi thi. Aur isme koi shaq nahi ki unhe kisne maara hai. Autopsy ki report par pata chala ki maut ko sunishchit karne ke liye ek poison inject kiya gaya tha. Aur, aisa poison kisi ne kabhi nahi dekha hai. Ye naye kism ka poison tha.
Veer : Naye kism ka!?
Renshu : Hmm! Aisa poison jo ek system owner hi bana sakta hai.
Kehte hue Renshu ki nazre Garofano par gayi. Aur, Garofano use iss tarah apni orr ghoorte paa kar dekh gusse me gurraayi.
Garofano (glares) : Tsk!!
Renshu : Aur, ab asli sach suno Veer. Mr. Nicholson Garofano ke pita the. Isne apne hi pita ko maara hai.
Garofano (screams) : Ye jhooth hai-!!!
Renshu (shouts) : Yahi sach hai!!!
Veer : !!??
Renshu : Veer!! Ye ladki kisi bhi hadd tak jaa sakti hai. Tum wo sui dekh rahe ho? Uske haatho me?? Zara dhyaan se dekho unhe. Unki nok ko...!
Renshu ki baat par Veer ne apni nazre daudayi aur Garofano ke haatho me maujood unn sui ki nok ko usne dekha.
*Tip*
'Huh!!??'
Aur use abhaas hua. Sui par se geele padaarth ki ek boond fisalte hue neeche zameen par giri.
Poison!!!
Renshu : Dekha na Veer? Yahi wo poison hai. Iss zeher ki vidhi sirf iss ladki ke paas hai. Yahi zeher Mr. Nicholson ke shareer me paaya gaya tha.
Veer : Ohh!?
Renshu : Mujhe aur samjhaane ki zaroorat nahi hai Veer. Samajhdar ko ishara kaafi hai. Jo zeher sirf ye ladki bana sakti hai, wahi zeher agar Mr. Nicholson ke shareer me paaya gaya hai toh iska kya matlab hua? Kya tumhe ab bhi samajh nahi aa raha? Ya fir ye kahe ki ek system owner ko kisi ne murkh bana diya?
Garofano (growls) : You liar-!!!!
Veer duwidha me fass chuka tha. Renshu saaf saaf uske saamne sab kuch rakh raha tha. Isme koi shaq nahi tha ki autopsy ki report jo Renshu ne batayi thi, agar Mr. Nicholson ke shareer me Garofano ka poison paaya gaya tha aur saath hi wahi poison wo apni sui par laga ke chalti thi. Toh 90% chances the ki hatya Garofano ne hi ki thi. Lekin, batayi gayi report jhoothi bhi toh ho sakti thi. Renshu jhooth bhi toh bol sakta tha.
Veer aankhein moond ke kisi bhi faisle par nahi utarna chaahta tha. Ek pal ke liye uske badan me ek sihran daud gayi. Garofano ke baare me use nayi jankari praapt hui thi.
Woh ek naye kism ka zeher bhi bana sakti thi? Sui par uss zeher ko lagana aur unse vaar karna. Ye ek alag kism ka ladne ka tareeka tha. Jitna ye alag tha utna hi jaanleva bhi. Use yaad aaya ki kuch derr pehle wahi hamla uske upar hua tha. Kismat acchi thi jo woh sui uske shareer me nahi jaa paayi. Warna-
[She's interesting.]
Pari ki awaaz uske mann me aayi. Woh bhi Garofano ko parakh rahi thi.
Veer : Tumhe ye sab kaise pata chala Renshu? Autopsy ki report bhala tumhare haath kaise lagi? Aur, tum ye kaise keh sakte ho ki Garofano ne hi hatya ki hai? Kya tum koi reason de sakte ho ki Garofano ne apne hi pita ko kyu maara?
Veer ne aise sawaal rakhe jinse kaafi kuch haath lag sakta tha. Ab dekhna ye tha ki Renshu kya jankari deta hai.
Renshu (sighs) : Veer! Autopsy ki report ke baare me jaanana koi badi baat nahi hai. Tum bhi ek system owner ho. Maine Erica ko bheja tha report haasil karne ke liye. Ye pata lagaane ke liye ki Mr. Nicholson ke shareer me wo zeher kis prakaar ka tha.
Veer : Aur Erica ko tumne kyu bheja?
Renshu : Kyuki, mein pehle se jaanta tha Veer ki Mr. Nicholson Garofano ke pita hai. Ab agar ekdum se unki hatya ho jaaye aur wo bhi aise zeher se jiske baare me aadmi jaanta na ho toh kya tumhare andar shaq nahi paida hoga? Mere andar bhi hua tha. Isliye maine Erica ko bheja tha.
Veer : Hmm! Aur tumhara ye kehna ki Garofano ne hi hatya ki hai?
Renshu : Bilkul! Iske alawa aur kaun ho sakta hai? Mera Mr. Nicholson se koi lena dena nahi hai. Na hi Erica ka. Na hi tumhara. Aur na hi Tribal Leader Jaw Long ka. Toh kaun bachta hai system owner me? Ye ladki!!!
Veer : Kya reason de sakte ho tum mujhe? Kyu maara Garofano ne?
Renshu : Sampatti Veer!!! Athaay sampatti!! Itni sampatti ki tum note ki gaddiyo ka ek mahal banwa lo. Balki, aur zyaada. Laalach acche accho ko galat kaam karne ke liye majboor kar deta hai.
Veer : Really? Paisa?
Renshu : Will Veer! Harr Ameer insaan apni ek will bana ke jaata hai. Mr. Nicholson ki maut ke baad ye sab kuch charcha me hai ki unki ek will bhi thi.
Veer : Kaisi will?
Renshu : Yahi ki unki saari sampatti, unki beti ko jaati hai. Par, will bhala kis kaam ki? Agar, insaan zinda bana rahe toh? Isliye, isne apne hi pita ka qatl kar diya.
Veer : Really? Just for some money? I don't think-
Renshu : Ek toh yeh kaaran ho sakta hai. Dusra kuch aur bhi ho sakta hai Veer. Jise hum dono hi nahi jaante. Lekin, mein daave ke saath keh sakta hu ki hatya isi ladki ne ki hai.
Garofano (screams) : Jhoooootthhh!!!
Veer : Hmm??
Garofano : V-Veer-! Dekho ise! Dekho kaise baato ko manipulate kar raha hai. Asli baatein toh isne tumhe bataayi hi nahi. Isne apni kartoote toh tumhe bataayi hi nahi Veer.
Veer : Huh???
Garofano (shouts) : Agar mujhe pata hota ki tum itne bade waale dagabaaz aadmi nikloge ki meri hi peeth par chhura ghopoge toh maine tumhe woh sui kabhi di hi nahi hoti-!!!
Veer : Sui??
Garofano : Haan! Veer, yaad hai jab hum pehli baar mile the?
Veer : Casa Belle me...
Garofano : Hmm! Maine tumse iss Renshu ke baare me zikr kiya tha.
Veer (nods) : Hmm!
Garofano : Mein iss aadmi se pehle hi mil chuki thi. Aur, tab maine ek tohfe ke roop me ise apni khud ki banaayi gayi kuch sui saunpi thi. Saath hi zeher ki ek sheeshi bhi.
Veer ne turant hi Renshu ki orr dekha,
Veer : Kya ye sach hai?
Renshu (nods) : Hmm!!
Ye baat toh Renshu ne nahi bataayi abhi. Iska matlab kuch chhipaaya jaa raha tha!?
Garofano : Maine ye soch ke ise woh di thi ki ye aadmi shayad hamari tarah ek accha insaan hoga. Aur, jo log system ke saath aam logo ko nuksaan pahucha rahe hai, unhe khatam karne me hamari madad karega. Lekin, mein galat thi.
Veer : ???
Garofano : Tum khud socho Veer. Police akhir mere ghar tak kaise aa gayi? Agar, maine hi hatya ki hoti. Toh mein koi saboot kyu chorrti waha? Kya mujh me itni aqal bhi nahi hai? Police ke paas saboot tha. Woh sui-!!! Woh zeher waali sui police ne mere pita ki body se baramad ki thi. Agar maine hi unhe maara hota toh mein woh sui unke shareer me kyu chorrti Veer??
Veer : That's-!!!
Garofano (gusse me) : Kuch samajh aaya? Police ko jo sui mili ye wahi sui thi jo maine iss bastard ko di thi-!!
Erica (gusse me) : Zubaan sambhaal ke-!!!!
Garofano : Apne Dad se kaho ki pehle ek accha insaan bane. Uske baad dusro ke upar ungli uthaana-!
Erica : Y-You-!!!
Garofano : Veer!!! Isi ne mere pita ke shareer me woh sui ghop ke wahi chorr di thi. Meri harr sui par mera naam 'Garofano' guda hota hai. Bahut bareek hota hai. Isne usi baat ka faayda uthaaya. Isne mujhe fasaaya hai Veer. Trust me-!!!
Veer abhi kuch soch hi raha tha ki tabhi uski yaad-daasht ne use kuch yaad dilaaya. Woh pal jab woh Renshu se pehli baar mila tha.
Andhere se bhari samundar ke nazdeek uss gufa me jab woh ghaayal pada hua tha. Renshu ko Crimson samajh usne uss par hamla kar diya tha. Tab-
Tab Renshu ne kahi se ek 15cm kareeb lambi ek sui nikaali thi aur seedhe uski aankhon ki putliyo se 1 inch duri par tika di thi.
Use ye sab kuch yaad tha. Iska matlab-!! Woh sui-!!! Woh sui wahi sui thi jo Garofano ne tohfe me Renshu ko di thi. Matlab Garofano sach keh rahi thi. Renshu ko usne sui di thi iss baat ko jhutlaya nahi jaa sakta tha.
[Oh my~ It keeps getting better and better. Fufu~]
Garofano : Pucho iss se Veer. Isne hi mere Dad ke shareer me woh sui chorri thi jo maine ise gift ke roop me di thi. He betrayed me.
Veer ne punah Renshu ki orr dekha. Jaise maano uss se sawaal kar raha ho. Aur, Renshu bhi samajh gaya ki Veer akhir kya puchna chaah raha tha.
Renshu (sighs) : Ye sach hai!!
Veer : Huhhh!???
Garofano (smirks) : You fucker-!! Finally you admitted-!!
Renshu : Par ye aadha sach hai Veer.
Veer : Kya matlab?
Renshu : Ye baat sach hai ki Mr. Nicholson ke shareer me dhasi hui jo sui paayi gayi woh wahi sui thi jo Garofano ne mujhe di thi.
Garofano : See? I told you Veer. He was lying.
Renshu : Lekin, iss se ye kaha saabit hota hai ki maine unki hatya ki hai?
Veer : ???
Renshu : Darasal, maine hi Erica ko bheja tha. Erica ne hi woh sui Mr. Nicholson ke shareer me daal ke chorri thi. Baad me police aayi, sui aur zeher ki jaanch kari. Sui me likha 'Garofano' naam unhe pata chala aur unhone Garofano ke ghar me raid kar di. Jaha unhe alag se Garofano ke ghar me sui rakhi mil gayi.
Garofano : That's right-!!! This fucker-!!! Veer!!! Isne na sirf mere Dad ke shareer me wo sui chorri balki-! Isne mere ghar me bhi dusri sui zeher se lipti hui wahi chorri thi. Police ne dono ko match kiya and they concluded- ki- ki mein hi murderer hu. But that's not the case...!!!
Renshu : Hmm! Ye sach hai. Erica hi thi woh.
Garofano (growls) : I fucking knew it-!! Mein jaanti thi ki iske peeche kisi system owner ka haath hai. Your fucking daughter-!!! Stealth skills huh!!? Mujhe andaza tak nahi lag paaya tha ki koi mere ghar me aake gaya hai. So, it was you-!!!
Woh gusse me Erica ki orr dekhi. Veer ki nigaahein bhi Erica par gayi. Sabko apni orr dekhte hue paa ke Erica ne apna chehra mod liya.
Garofano : Tsk!!!
Renshu : Par jaisa ki maine kaha Veer. Ye sirf aadha sach hai. Ab mujhe poora sach bataane do.
Veer : Hmm??
Renshu : Garofano ne theek kaha. Agar, usne murder kiya hota toh woh sui ko kyu chorrti? Right?
Veer (nods) : Hmm!
Renshu : Well, usne theek wesa hi kiya tha Veer. Murder karne ke baad iss ladki ne koi bhi saboot nahi chorra tha. Aur, isliye toh mujhe Erica ko bhejna pada. Yahi kaaran tha jo Erica ne fir woh sui Mr. Nicholson ki body par chorri. Tumko pata hai kyu?
Veer : ???
Renshu (smirks) : Kyuki, Mr. Nicholson ki maut pehle hi iske zeher se ho chuki thi. Sui se vaar kar, unhe maut ke ghaat pe utaar kar Garofano crime scene se faraar ho chuki thi. Woh toh accha tha ki mere paas iski di hui sui maujood thi. Isliye, Erica ne turant hi woh sui unke shareer me chorr di. Saboot iss ladki ne bhale mita diya ho, par maine police ke liye wapas se saboot de diya tha.
Veer (frowns) : That's-!!!
[No fucking way-!!! Hahahahaha!!!
Harr guzarte pal ye gutthi aur bhi ulajhti jaa rahi thi. Aur, Pari iska poora maza utha rahi thi.
Renshu : Ye ladki bahut chaalbaaz hai Veer. Koi bhi system owner itni badi galti nahi kar sakta. Ye sahi keh rahi thi ki bhala ye apne saboot kyu chorregi? Zaahir hai woh saboot maine chorre the taaki ye pakad me aa sake.
Veer : Meri ek baat samajh nahi aayi. Tumhe kaise pata chala ki Mr. Nicholson ke saath aisa kuch hone waala hai? Aur, sahi waqt par tumne Erica ko bhi bhej diya?
Renshu (sighs) : Because I was keeping tabs on her.
Veer : Huh!!?
Renshu : Veer! Mein tum par vishvaas karta hu. Isliye, tum se kuch nahi chhipaata. Yaad hai jab mein tumhari madad karne aaya tha tab tumne mujhse pucha tha ki bhala mujhe ye kaise pata chala ki tum musibat me ho?
Veer : Haan! Mujhe yaad hai. Aur, tumne kaha tha ki tumhe kisi ka call aaya tha. X!!! Usne tumhe bataya tha.
Renshu : That's right!! Wahi call iss baar mujhe firse aaya tha.
Veer : Huhh!!??
Renshu : Pichli baar jab wo call aaya tha tab wo voice modulated voice thi.
Veer : Modulated voice??
Renshu (nods) : Hmm! Matlab badli hui awaaz. Erica ke paas advanced observation skill hai Veer. Jab uss X ne mujhe pehli baar call kiya tha toh maine wo call record kar li thi. Baad me Erica ne jab woh call recording suni toh usne mujhe bataaya tha ki ye awaaz asli awaaz nahi thi uss insaan ki. Woh insaan koi voice modulation ki skill use kar raha tha.
Veer : !!!??
Renshu : Iss baar kuch din pehle mujhe fir call aaya tha. Lekin, iss baar Erica ne bataya ki awaaz modulated nahi thi. Insaan ki khud ki awaaz thi. Awaaz kisi aurat ki thi. Aur, usne mujh se bas ek hi baat kahi thi~
Veer : ???
Renshu : Ki China me jald hi Korea ke rishte naate tootne waale hai. Nazar rakhna.
Veer : What!!?
Renshu : Korea se sirf Garofano hi hai system owner ke roop me. Mein samajh gaya tha ki kiski baat ho rahi thi. Aur, isliye maine Erica se kaha tha Garofano ke upar nazar rakhne ke liye. Kyuki, jaise hi Mr. Nicholson China kuch din pehle aaye, tabhi mein samajh gaya tha ki kuch gadbad hone waali hai.
Garofano : Wh-What-!!? T-Tum kisi anjaan ke kehne par kuch bhi kar baithoge? A-Are you an idiot!?
Renshu : Uss anjaan ke kehne par hi Veer ki jaan bach paayi thi. Tum ye baat acche se jaante ho Veer.
Veer (frowns) : I-
Renshu : Mein maanta hu ki kisi anjaan vyakti par itna bharosa karna theek baat nahi. Par, hum iss baat ko kaise nazar-andaaz kar sakte hai ki uss X ki wajah se hi Veer tumhari jaan bachi hai. Aur toh aur agar woh phone call na aata toh shayad ye Garofano madam qatl kar ke nikal chuki hoti.
Garofano (screams) : Ye sab jhooth hai-!!! Wh-Why!? Why would I kill my own father!!?
Renshu : Isliye, maine uss X ko bhi ek card bheja tha.
Veer : Whatttt!!??
Renshu : Abhi jo call aaya tha woh aurat-!!! Uska kehna tha ki woh USA se hai.
Veer : USA???
Renshu (nods) : Hmm! Mein chaahta tha ki agar wo waqai hamari side hai, toh woh yaha aaye aur hum uske baare me jaan paaye.
Veer : Kya usne apna naam bataya?
Renshu : Nahi! Par itna zaroor kaha tha ki filhaal woh USA me hai. Aur ye ki mein uski baat ko halke me na lu. Mr. Nicholson waali baat.
Veer : I see!!!
Renshu : Veer! Ab tumhare upar hai. Maine sab kuch tumhare saamne rakh diya hai. Agar tum chaaho toh aur sawaal puch sakte ho.
Garofano : He's lying Veer-!!! Kisi teesre ke kehne par tum kaise bharosa kar sakte ho? Jise tum jaante bhi nahi, jise dekha bhi nahi, jiske iraade bhi nahi jaante...!? Kaise-!? He's fucking lying-!!! T-Trust me Veer!!
Renshu : Veer-!!!
Garofano : Veer-!!!
'Fucking hell-!!!'
[Wahahahaha!!! What an interesting case. I'm loving every single second of it.]
'Shut up Pari! Let me concentrate! Inn dono me se koi ek jhooth bol raha hai.'
[Ya fir dono aadha sach keh rahe hai. Aur aadha jhooth.]
'Fuckkkk!!!!'
[They are waiting for your answer-!!!]
Veer ne dono ko dekha. Dono aas liye use hi dekh rahe the. Aur, dono ki aankhein uss se apeksha kar rahi thi ki woh unki side le.
'Fucking hell-!!! Ye kaha fass gaya mein-!??'
[Hahahahahaha!!!]
Veer ab ek vipda me tha. Aisi sthiti me jaha agar usne kisi galat ka saath galti se de diya toh kahi aisa na ho ki baad me woh zindagi bhar pachtaata rahe.
5 minute tak kamre me shaanti chhaayi rahi. Veer apne vichaaro me leen tha. Kuch sochne ke baad usne nirnay liya. Aur, gehri saans lete hue unn dono ko dekh bola.
Veer : Maine soch liya hai.
Renshu : !!?
Garofano : ???
Veer : Renshu! Garofano Jail se bhaag ke aayi hai. Zaahir hai police uske peeche padi hogi. Mein chaahta hu ki jab tak ye gutthi sulajh nahi jaati, tab tak Garofano yahi sahi salamat rahe. Aur, iss baat ki khabar yaha se baahar na jaane paaye.
Renshu : Whaaaatttt!??
Pal bhar ke liye Garofano ki aankhon me ek chamak dikhi. Uski nazre Veer par hi tiki hui thi. Woh uske chehre me khoyi hui thi.
Veer : Hmm! Sirf ek dusre ke keh dene se ye case solve nahi hone waala. Tum apni orr se dekh rahe ho. Aur, Garofano apni orr se. Mujhe lagta hai kuch missing hai yaha. Mine waala maamla kitni derr tak roka jaa sakta hai?
Renshu : Zyada se zyada 3 din. Kyuki, agar maine koi strategy nahi banayi toh government ki orr se firse koi na koi official aa hi jayega yaha dekhne ke liye ki kuch shuru hua bhi ya nahi. Aur, fir Jaw Long bhi attack kar sakta hai.
Veer : I see! Then, give me 3 days. 3 din ke andar andar... Mein iss gutthi ko suljha dunga.
Renshu : Huh!!!?
Erica : What?? What are you? Sherlock Holmes?? Tumhe pata bhi hai ki chal kya raha hai? H-How can you-
Iss se pehle ki Erica aur kuch Veer ko suna paati, Renshu ne apna haath dikha ke use wahi rok diya. Ek baar fir woh apne Dad ke Veer ke prati iss namr ravaiyye se hairat me reh gayi. Na chaahte hue bhi use khud ko rokna pada. Par, bechari Erica Veer ke intelligence se parichit nahi thi.
Veer ki nazre unfocused thi. Uska dimaag ab alag dhang se kaam kar raha tha. Ab uss Veer ke baahar aane ka samay tha jis Veer ne House of the Killers ki gutthi suljhayi thi.
Veer : Mein ye bhi chaahta hu ki tum meri madad karo Renshu. I will handle this case from now on. Aur, sach ko saamne laa ke rakhunga.
Renshu kuch shan tak Veer ko dekhta raha. Woh use parakh raha tha. Veer ki aankhein sab kuch bayaan kar rahi thi ki woh kitna serious tha iss matter ko leke.
Veer : Mine waale matter ko filhaal ke liye hold par rakhna hoga. Iss gutthi ko pehle suljhaana zaroori hai. Aur, Garofano-!!!
Garofano : H-Huh!?
Veer : Agar tum nirdosh saabit hoti ho. Toh mein chaahta hu ki tum mine waale matter me hamari madad karo-!!
Garofano : What!!?? Ye jaante hue bhi ki isi ne mujhe fasaaya hai, mein baad me iski madad bhi karu-!?
Veer : Please-!!!
Iss baar Garofano ne jaise hi Veer ki aankhon ko padha. Uska virodh apne aap samaapt ho gaya.
Garofano : F-Fine-! J-Just for your sake.
Veer (smiles) : That settles it. Then, mujhe kuch samay chahiye Garofano se baat karne ke liye. Garofano! Come with me-!!!
Garofano (nods) : Umm!
Erica : What? Hey Mister!!! Ye tumhara park nahi hai okay? This is my home!! Aur, tum yaha pe bina permission ke khud se charge nahi le sakte. You hear me? I-
Par, ek baar firse Renshu ne use haath dikha ke beech me hi rok diya.
Erica : D-Dad-!??
Renshu : Veer jo bhi madad maangta hai, use wo dena.
Erica : B-But-!
Renshu : No questions!!
Erica (sarr jhukaate hue) : Y-Yes!!
Idhar Veer aur Garofano kamre ke baahar nikal hi rahe the jab peeche se Erica ne awaaz lagaayi,
Erica : Waitttt-!!
Uske rokne par dono Veer aur Garofano palat ke use dekhe.
Erica : Our men-!! Tumne unke saath kya kiya? Jab tumne hamla kiya tab hamara ek bhi aadmi shor sunn ke yaha nahi aaya. What did you do to them??
Garofano : Hmph~!! They are fine! Bas, behosh hai. Go and have a look if you don't believe me.
Erica (mutters) : You will regret this bitch-!!
*Whoooshhhh*
Erica ek jhatke me waha se gaayab hui, aur baahar ki orr nikal gayi.
Jagah jagah Renshu ke saare aadmi behoshi ki haalat me dale hue the.
Usne railing ke paas khade hote hue neeche aangan me nazre daudayi. Sab ke sab behosh the. Koi bhi ghayal nahi tha.
'You will regret this-!! Dad ki insult-!! I will see you later Garofano!!'
Idhar, Veer aur Garofano punah baahar ki orr apna rukh karte ki peeche se iss baar Renshu ne unhe rok diya.
Renshu : Veer!!!
Veer (turns) : Hmm?
Renshu ne apne jaanvar ki khaal se bani uss odhni ko khola aur usme se ek kaagaz nikaalte hue Veer ki orr kiya,
Renshu : Ye Mr. Nicholson ki autopsy ki report ki ek photocopy hai. Have it!!! You'll need it.
Veer ne uske paas aate hue uske haath se woh kaagaz ka tukda le liya. Aur, Garofano ke sang wo uss kamre se baahar nikal gaya.
***
Baahar courtyard me aate hi Veer ne apne bagal se chal rahi Garofano ko dekha aur bola,
Veer : You are messed up!
Usne uske chehre ko dekhte hue kaha. Garofano jab se police dwara jail me le jaayi gayi thi tab se hi usne apna chehra tak nahi dhoya tha. Zaahir hai woh abhi apne sabse uttam roop me nahi thi.
Garofano : I know!!!
Par, Veer ki maujoodgi me woh kaafi hadd tak khud ko mehfooz mehsoos kar rahi thi.
Veer use ek dusre kamre ki orr laaya aur bathroom ki orr ishaara kiya. Garofano bina kuch kahe andar washroom me chali gayi. Veer tab tak wahi kamre me baahar baitha raha.
Jab tak woh aa rahi thi, tab tak Veer ne ek nazar uss autopsy ki report par dauda li.
Kareeb 15 minute baad Garofano washroom se nikal ke baahar aayi. Pehle se kahi zyaada behtar nazar aa rahi thi ab woh.
Veer : Better?
Garofano (nods) : Hmm!
Woh aake wahi neeche bicche ek cushion par baith gayi.
Veer : So? Miss Garofano!?
Garofano : Garofano nahi Veer!! Please, just call me by my real name from now on. It’s ~ Violet!! Violet Nicholson!
Veer : Violet?
Garofano : Hmm! *smiles weakly* We have the same initials. Don’t we? V for Veer! V for Violet!
Uska ravaiyya Renshu ke prati ekdum alag tha aur Veer ke prati ekdum hi alag. Zameen asmaan ka antar tha dono ravaiyye me. Jaha Renshu ke prati uske andar se ghrina saaf saaf nikal rahi thi, toh wahi Veer ke saath hone par woh khud ko shaant mehsoos kar rahi thi. Veer ke prati uske andar thodi hayaa bhi thi aur thodi jigyaasa bhi.
Veer ne apne bagal se baithi uss sundar naari ko dekha. Woh jaanta tha ki iss waqt Garofano urf Violet apne dukh ko chhipaane ki koshish kar rahi thi. Par wo isme nakaam thi. Uska dukh saaf saaf uske chehre par jhalak raha tha.
Veer : Alright then! Miss Violet! Talk!!!
Garofano : Ask me Veer. Tum jo jo puchoge mein sab ka jawaab dene ke liye taiyaar hu.
Veer : Hmm! Toh theek hai! Case shuru karte hai.
Garofano (nods) : Hmm!
Veer ne Renshu ki saari kahi gayi baat par zorr daala. Aur, seedhe hi woh prashn par aa gaya.
Veer : Mr. Nicholson ki rehesyamayi maut ke baad, unki will me yahi likha hua paaya gaya tha ki unki saari sampatti unki beti ko samarpit ki jaati hai. Right?
Garofano : Woh-
Veer : Par! Par! Par! Li Renshu ne tum pe ye ilzaam lagaya hai ki tumne paiso ki laalach me aake ye qadam uthaaya tha aur apne hi pita ko maut ke ghaat utaar diya. Taaki will me likhi gayi sampatti tumhe mil sake.
Garofano : N-Nahi-!
Veer : Lekin, ye baat yahi khatam nahi hoti. Hospital dwara Mr. Nicholson ki body ki autopsy bhi kari gayi thi. Aur post-mortem ke anusaar ek agyaat puncture ka ghaav unke ek chhipe hue ang par paaya gaya tha. Baad me pata chala ki ek behad hi jaanleva aur slow poison waha par inject kiya gaya tha. Report padhi abhi abhi maine jo Renshu ne mujhe di hai.
Garofano (panics) : Y-Ye jhooth hai!!! Tum jaante ho ki woh sui meri nahi thi Veer. Woh needle toh Renshu-
Veer : Li Renshu ne na sirf itna kuch pata lagaya balki report ye bhi kehti hai ki woh sui tumhari hi hai. Usi sui se woh ghaav banaya gaya tha isme koi shaq nahi. Aur, toh aur woh zeher bhi tumhari sui par laga hua paaya gaya jo Mr. Nicholson ki body se mila tha. Aur uske baad-
Garofano : Uske baad yahi sab hua.
Ek udaasi bhari muskaan uske hontho par aayi.
Garofano : Kaafi kuch tumne andaaza laga liya kuch hi palo me Veer! Lekin, ye sab- poori sachhayi nahi hai!! Mein tumhe andar pehle hi bata chuki hu.
Veer : !??
Garofano : Maine Mr. Nicholson ki hatya nahi ki hai. Wh-Why would I?
Uski awaaz me thar-tharahat thi. Lekin, uss thar-tharahat me ek dridhta bhi thi. Jaise woh nishchit thi ki sach kya hai aur jhooth kya.
Garofano : Li Renshu! Use jab se pata chala hai ki mein ek system owner hu tab se hi woh mujhe apni nigrani me rakhe hue hai. Aur, chuki mein system owner hu, isliye use ye aur bhi lag raha hai ki mein kuch bhi kar sakti hu. Maine hi qatl kiya hai. Yahi uska daawa hai. Ek baar bhi kisi ne mujhe apni begunahi saabit karne ka mauka nahi diya.
Veer : Hmm! Dekha maine sab kuch! Ek jhatke me woh decision le chuka tha. Koi chhaan-been kari hi nahi gayi. Mein ye bhi jaanta hu ki isme sirf Li Renshu aur Erica involved nahi hai.
Garofano (eyes widens) : Y-You mean!?
Veer : Yeah! Koi aur third person bhi involved hai. Li Renshu ko kisi ne influence kiya hai. Satark rehne ke chakkar me woh itna paranoid ho chuka hai ki usne kisi teesre vyakti ki baat ka itna bharosa kar liya. Aisa laga, jaise kisi bacche ko khilauna pakda ke use raazi kiya gaya ho.
Garofano : Th-That’s-
Garofano sarr jhukaaye ek gehre chintan me doob gayi. Magar, Veer ki nazre uski harr ek harqato par tani hui thi. Woh harr thode bol ke baad khud ko aise dikhaata jaise woh Renshu ki taraf hai, par fir aur kuch bolne ke baad aise jataata jaise Renshu galat hai.
Veer Garofano ki galti pakadne ka jaal biccha raha tha. Ye ek aisa maamla tha jaha koi bhi sahi ya galat ho sakta tha. Kya pata kaho Li Renshu sahi keh raha ho? Uske bagal se baithi ye sundar naari kaho khoon ki pyaasi ek hatyaari hi ho? Ye sab khaali uska dhong ho?
Ya fir ye bhi ho sakta tha ki Li Renshu hi galat tha? Woh koi chaal chal raha ho peeth peeche? Sabse zyada chakravyuh me Renshu ya Garofano nahi, balki Veer khud hi fasa hua tha. Use harr ek se sunishchit karna tha ki kaun saathi hai aur kaun dushman.
Woh ek prakaar se iss waqt ek double agent ke roop me kaam kar raha tha. Ek taraf use ye dikhana tha ki woh Garofano ki taraf hai toh wahi dusri orr ye ki woh Renshu ke saath hai. Aaj Las Vegas waale high IQ detective Veer ka imtihaan tha.
Veer : Mujhe nahi lagta ki system owner bas hone se turant hi kisi par bhi ilzaam laga dena chahiye.
Ye sunte hi Garofano thoda hairat me uski orr dekhi,
Garofano : Mujhe laga tha tum bhi baaki sab ki tarah mujhe ye gunaah qubool karne ke liye majboor karoge Veer!
Veer : Insaan kitni hi koshish kyu na kar le. Sach ko kabhi bhi chhipaaya nahi jaa sakta. I neither believe you nor disbelieve you. Mera bas itna maan’na hai ki saari baato ko jaan’ne ke baad hi decision liya jaa sakta hai. Toh mein chaahunga ki pehle tumhari kahani ko suna jaaye, taaki mein apni raay rakh saku.
Garofano ne haami bhari, aur bolna shuru ki-
Garofano : Theek hai, Veer! Mein tumhe sab kuch sach sach batati hu.
Veer : Hmm!
Ek gehri saans lete hue Garofano ne apni dastaan bayaan karna shuru kiya,
Garofano : Asliyat me, Mr. Nicholson aur mein... hum dono asli baap-beti hai hi nahi.
Veer : Huh!?
Garofano : I mean ye jo bhi rishta tha hamare beech, woh ek unofficial rishta tha. Na hi khoon ka rishta tha hamare beech aur na hi kisi paper par hamara rishta darj kiya gaya tha.
Kehte hue usne apne baal ki ek latt ko apne kaan ke peeche kiya. Woh apni yaadon ke talaab me aur gehraayi me gayi,
Garofano : Veer! Mr. Nicholson junoon se bharpoor insaan the. Woh charity aur trust me aksar khoob daan kiya karte the. Gareebo ki bahut madad kiya karte the hamesha. Aur mein unhi gareebo ki ek basti se ek aam ladki ki tarah hi thi, jiski madad unhone ki thi mujhe beti ke roop me apna ke.
Veer : Tumhara parivaar?
Garofano : Woh toh bachpan me hi guzar gaye the. Mein bas ek anaath bach gayi thi. Mushqil se hi zinda thi. Lekin, jaise tese bach gayi. Shayad mujhe bhi chale jaana tha iss duniya se tabhi. Hai na? *smiles weakly*
Veer : Parivaar kaise khatam hua? Kya tum share kar sakti ho?
Garofano : Ryongchon disaster!!
Usne bas yahi do shabd kahe. Aur, idhar Pari ne bina Veer ke bole hi turant hi uske mann me saari jankaari prastut kar di.
Ryongchon disaster!! 22 April 2004. Ek aisa train accident jo North Korea ke town Ryongchon me ghatit hua tha. Flammable cargo blast ho chuka tha. Saral shabdo me, woh padaarth jo jwalansheel tha, woh aag pakad chuka tha jiske chalte ek bhayanak visfot ne janm liya tha. Aur, train ke kayi saare dabbo ke chithde udd chuke the.
Zaahir hai Garofano ke maata-pita usi train me tab safar kar rahe the. Aur, aneko logo ke saath saath woh bhi apni jaan gawa baithe. Apne parivar me bas wahi ek thi jo kismat se bach gayi thi. Garofano ne ek gehri saans chorri aur bolna jaari rakha,
Garofano : Aur uss haadse ke baad mein poori tarah se anaath ho chuki thi.
Veer : Tum North Korea se South Korea jaa rahi thi?
Garofano (nods) : Hmm! Aur aa bhi gayi thi.
Veer : So, you are not completely Korean, right?
Garofano : Yes! Mein half-Korean and half white hu.
Veer : I’m sorry! Shayad mere kaaran tumhari puraani taqleef bhari yaadein taaza ho gayi.
Veer ne ahista se apni breast pocket se apna rumaal nikaalte hue uski orr kiya. Garofano ne halke se muskuraate hue uske haath se rumaal thaama aur boli,
Garofano : Isme tumhe sorry kehne ki koi zaroorat nahi Veer! Yahi woh time tha jab mein Mr. Nicholson se mili. Jab maine jeene ki icchha chorr di thi, saari umeedein chorr di thi. Tab, woh meri zindagi me farishta bann ke aaye.
Veer : Ohh!
Garofano : Unhone mujhe apni beti ki tarah paala. Aur jab mein badi hui, tab unhone hi Garofano cosmetics mujhe khol ke di thi. Mujhe jaise jeene ke liye ek naya raasta mil gaya tha.
Veer : I see!
Garofano : Mein hamesha se unka naam raushan karna chahti thi. Mein chaahti thi ki jitna unhone mujhe diya hai, mein uska kayi guna unhe lauta saku.
Veer : Aur isliye tumne system ka istemal kiya taaki Garofano cosmetics aur bhi ucchaayi par pahuch sake?
Garofano (nods) : That’s right!
Veer : Tumhe system kab mila?
Garofano : Haha!
Woh halke se muskurayi aur thahaaka lagaate hue Veer ko dekhi,
Garofano : Kya tum sach me jaan’na chaahte ho?
Veer (nods) : Yeah!
Garofano : Okay! Hassna mana hai, theek hai na? Mujhe system tab mila tha jab mein bar me nashe me dhutt hoke besudh si padi hui thi.
Veer : What?
Garofano (shyly) : I-It’s the truth! And, aisa karna bilkul bhi safe nahi tha I know. Mein drunk thi. Jiski wajah se, kuch ladke mera faayda uthaana chaahte the. Aur woh qamyaab ho bhi jaate. Agar, tab mere dimaag me wo awaaz nahi aati. Ding!! System has been activated. Haha!
Woh harr prayaas kar rahi thi ki inn chulbuli baato se wo apne dukh ko chhipa sake. Kintu, Veer ko sab kuch nazar aa raha tha.
Veer : I see! Back to the topic again.
Garofano : Ohh! Right! Sorry~
Veer : You can continue!
Garofano : Hmm! Jab se unhone mujhe apni beti maana tha tab se hi hum ek saath raha karte the. Ek dusre ka dhyaan rakhna, parvah karna. Laga tha jaise zindagi hamesha hi aise shaant, araamdayak aur dil-khush rahegi par-
Ek aasu ki boond uske gaalo se hote hue neeche giri.
Garofano : S-Sorry! Woh bas-
Veer : That’s okay! You can take your time. Parivar ko khona bahut hi peeda-dayak hota hai. Mein samajh sakta hu.
Kahi na kahi Veer ko Golu ki yaad aa gayi. Woh parivaar nahi tha uska. Lekin, uska sabse pehla dost zaroor tha.
Garofano : Toh fir tum ye bhi acche se samajhte hoge Veer… ki ek baar apne parivaar ko khone ke baad, mein dobaara apne kisi qareebi ko kaise khone de sakti hu?
Veer : …
Garofano : Hamara rishta bahut accha tha. Unhe maarne ka mein apne sapne me bhi nahi soch sakti. Mein khud apni jaan de dungi lekin unke saath aisa kabhi nahi hone dungi. Loneliness! Kaisi hoti hai ye mein jaanti hu. Mein dobaara kisi apne ko kyu khona chaahungi bhala?
Iss baar woh thitur uthi aur khud ko rok na paayi. Uske gaalo se aasu nirantar behne lage. Veer ne punah apna rumaal use thamaya.
Garofano : Th-Thank you!
Rumaal thamaate waqt Veer ki ungliyaan Garofano ki ungliyo se sparsh hui. Use mehsoos hua ki woh ekdum thandi ho rakhi thi. Kuch shan baad Garofano ne khud ko sambhaala aur sarr upar kar Veer ko gambheerta se dekhi.
Garofano : Mein jaanti hu… ki saboot mere khilaaf hai. Harr koi yahi samajh raha hai ki mein hatyaari hu. Lekin-
Veer : …
Garofano : Mein kabhi bhi apne parivaar ko nuksaan nahi pahucha sakti Veer!
Veer uske aseem dukh ko mehsoos kar paa raha tha. Uss dukh ke peeche dradh sankalp bhi tha. Veer nahi chaahta tha ki koi bhi apne parivaar se itna pyaar karne wala vyakti jhooth bole.
Veer : Well! Agar dekha jaaye toh tumhare khilaaf hi saare saboot ikhatta hue hai.
Garofano : Mmm! Mein jaanti hu!
Veer : Then?
Garofano : Veer! Agar tumhe waqai lagta hai ki mein Mr. Nicholson ke paise aur unki property ke peeche thi…! Mein batana chaahti hu tumhe ki mere aur unke beech pehle hi iss baat ko leke samjhauta ho chuka tha. Maine unse keh ke rakha tha ki mein unki koi bhi dhan daulat ka hissa nahi banungi.
Veer : …
Garofano : Aur wese bhi, agar mujhe diya bhi jaata hai toh bhi mein uski haqdar nahi hu. Wo property sahi maayno me unke chhote bhai ko milni chahiye.
Veer : Par ye sab unki will me-
Garofano : Rahi baat unki will ki- Toh mujhe ye sab unke iss duniya se jaane ke baad hi pata chala ki unhone mere liye koi will bhi banayi hui hai.
Wait!! Mr. Nicholson ka chhota bhai? Veer ek gehre chintan me doob gaya. Renshu ne toh aisa kuch bhi mention nahi kiya tha. Agar Mr. Nicholson ka sach me koi bhai hota toh Renshu ye baat beshaq uske saamne rakhta.
Ek baar fir Veer duwidha me fass chuka tha. Kaun jhooth keh raha tha? Kya Renshu ne theek se jaanch nahi kari thi? Ya Garofano jhooth keh rahi thi?
‘Damn it!!!’
[Hahahaha! What do you think, Mister Detective? Kaun sach keh raha hai? Aur kaun jhooth? If you solve this case, then I'll admire you. Just for this time I'm making an exception. Fufu~]
Veer ne ek gehri saans li. Aur, filhaal ek mauka Garofano ko diya. Shayad Renshu ne theek se chhaan been nahi ki thi. Mr. Nicholson ka ek bhai bhi tha? Bhala iss baat ka zikr usne kyu nahi kiya? Ab use zaroorat thi ek raasta khojne ki taaki woh iss gutthi ko jald se jald suljha sake.
Veer ko iss tarah shaant dekh Garofano ka sarr neeche jhuk gaya aur woh ahista se boli,
Garofano : Shayad ye gutthi ab sulajh nahi sakti. Hai na? *smiles* Aur ab dheere dheere meri umeedein bhi kam hoti jaa rahi hai Veer. Akele kis se ladti rahungi? Mein kisi ko maar to nahi sakti na?
Veer : That’s-
Garofano : Jab tak meri koi bas baat sunn le, mere liye bas wahi bahut hai. Mein usme hi khush hu. Mujhe koi safaayi nahi deni apne baare me. Mein dekhti hu mein kya kar sakti hu-! Then-
Veer : No! Mein iss gutthi ko suljha sakta hu. Iss poori problem ki jadd hai lack of evidence. Poora case hi uljha hua hai. Mein tum par apna trust rakh raha hu. Mein bhi dekhna chahta hu akhir kitna pyaar tha tumhe apne parivar se.
Iss baar Garofano use aashcharya me dekhi.
Garofano : T-Toh tum keh rahe ho ki tumhe yakeen hai ki mein nirdosh hu?
Veer : Maine aisa kuch nahi kaha. Mera kehna bas ye hai ki mein iss gutthi ko suljha ke rahunga aur asal me kya hua tha woh sab ke saamne launga.
Garofano : ….
Veer : Mein jaanta hu ki Renshu system owners ki taraf biased rehta hai. Koi bhi rahega. Unhe naap taul ke parakhta hai woh. Kyuki, agar koi khatra bann sakte hai toh woh system owners hi hai. Na ki aam insaan. Lekin-
Garofano (stares) : ???
Veer : Lekin, iss tarah se hum kisi nateeje par nahi aa sakte aur na hi bina tehqiqaat ke koi faisla suna sakte hai. Sach ko nazar-andaaz karna galat hai.
Garofano : …
Veer : Isliye- Mein koshish karunga ki iss poori riddle ko solve karu aur tumhara naam sab ke saamne clear ho jaaye ki tumne Mr. Nicholson ko nahi maara hai. Yahi ek raasta hai jis se tumhe nirdosh saabit kiya jaa sakta hai.
Garofano : …
Veer : Magar, uske pehle- Mein bhi chaahunga ki tum bhi mujhpe trust karo.
Garofano wahi jamm ke reh gayi. Lag raha tha jaise woh poori tarah se stabdh thi Veer ki baat sunane ke baad. Kuch shan baad, woh ahista se boli,
Garofano : Veer-!!
Veer : Hmm?
Garofano (smiles) : Tum mujhe kisi ki yaad dilaate ho.
Ek bhaavuk, udaseen bhaav uske chehre par terr gaya. Veer ko turant hi kisi cheez ka ehsaas hua.
Veer : Koi family member?
Garofano ne haule se sarr naa me hilaaya aur boli,
Garofano : Nahi! Ek bachpan ka dost.
Veer : Ohh! Toh? Ab kaha hai woh-
Garofano : He’s no more!
Veer : ….
Garofano (smiles) : You remind me of him. Woh bilkul tumhari tarah tha. Dayaalu aur insaaf dhoondhne waala…! Such a pity…!
Veer : Kya hua tha?
Garofano : Huntington’s disease.
Garofano ke muh se nikalte hi Pari ne Veer ke saamne ek baar fir jankaari prastut kar di.
[Huntington’s disease. Ek aisa disorder hai jisme dimaag ke nerve cells yaani ki neurons toot ke bikhar jaate hai aur samay ke saath marr jaate hai. Iss beemari ka koi cure nahi hai.]
Padhte hi Veer ka mann bhi niraash ho utha.
Garofano : Mein khushkismat hu jo meri mulaqat tumse hui. Insaaf dhoondhne waale se…! *smiles* Mein sach me abhaari hu ki tum mere liye ye kar rahe ho. Pehli baar tumse milte hi samajh gayi thi mein.
Veer : Tum hum system owners me se ek ho. Aur, ye kahi na kahi hum sabki zimmedari hai ki sach ko khoja jaaye uske baad hi koi nirnay liya jaaye.
Garofano : Zimmedari unn sabne toh nahi li na Veer? Fir tumne kyu-?
Veer : I don’t know! I just feel like it. Tumhe abhaar vyakt karne ki zaroorat nahi hai.
Garofano bas dheere se ek haami bhari.
Garofano (smiles) : Hmm! I’ll wait then!
Veer ek gehre chintan me doob gaya. Akhir sach kaun keh raha tha? Kya Renshu jhooth keh raha tha? Magar, usne na sirf itni kuch baatein use batayi balki apni khud ki beti Erica ki bhi skill uske saamne khule aam bata di thi.
Advanced observation!!!
Isi skill ki madad se Erica ne uss phone call ke baare me Renshu ko bataya tha. Veer nahi jaanta tha ki ye advanced observation kaise kaam karta tha, par woh baad me Pari se iske baare me puch sakta tha. Zaroor Pari kuch na kuch iske baare me jaanti hi hogi. Agar woh skill shop se li gayi hogi, toh Pari ko beshaq iske baare me kuch na kuch andaaza zaroor hoga.
Agar, Renshu satark rehna chaahta aur use gumraah karna chaahta toh woh itna asaani se Erica ki skill kyu bataata?
Par, yahi baat Garofano ke liye bhi kahi jaa sakti thi. Pehli mulaqaat me hi usne 'Dead Silence' ka prayog kar ke Veer ko apni skill ka andaaza de diya tha.
Yaha tak ki usne apni sui banaane waali aur poison banaane waali skills ke baare me bhi koi virodh nahi kiya.
Akhir, chal kya raha tha!!?
Woh dono kuch aur baatein karte ki tabhi baahar se ek shor unhe sunayi diya.
*Honk* *Honk*
Kisi gaadi ke horn ki awaaz si maalum pad rahi thi. Raat me 10:30 ho rahe the. Iss waqt bhala kaun ho sakta tha?
Awaaz sunte hi Veer turant hi apni jagah se uth khada hua aur baahar ki orr chal diya. Woh akela nahi tha. Garofano bhi uske peeche peeche aa rahi thi. Kintu, woh savdhaan thi.
Use dhoondhte hue police bhi aa sakti thi. Isliye, seedhe seedhe woh baahar nahi jaa sakti thi.
Andar se Renshu samet Erica bhi baahar aa chuke the. Renshu ke aadmi abhi tak hosh me nahi aaye the, isliye baahar guard karne ke liye bhi koi nahi tha. Garofano sab ko behosh kar ke andar aayi thi.
[Garofano ke paas koi skill ya kuch aur zaroor hai jis se logo ko sleep ya unconscious state me daala jaa sakta hai.]
Pari ne Veer ko sachet kiya.
'Yeah!'
[This is your golden opportunity. Jab tak woh yaha hai, tumhe uske system ke baare me jitna ho sake utna pata karna hoga. Even Renshu aur Erica ke baare me bhi. We don't know who might turn their back against us.]
'I know!!!'
[Good!]
Erica ne jaise hi main entrance ka woh bada sa darwaza khola, saamne ek car khadi hui thi.
Aur, jaise hi car ka darwaza khula, usme se ek khubsoorat aurat baahar nikal ke aayi.
Saamne khade logo ko dekh, jaise hi uski nazar Veer pe padi, na sirf woh khud chaunki balki Veer bhi utna hi chakit reh gaya.
Divya : V-Veer!!???
Veer : Divya???
.
.
.
.
.
.
.
.
Aaj ke liye itna hi guys.
Ye mega update tha. Around 8.3k words. New year me naya update ek mega update deserve karta hai. Hope ju logo ne ise araam se padha hoga. Kyuki, jaldbaazi me bahut si details miss out ho sakti hai. Baaki, likes thokne ka aur revos rakhne ka. Target apna wahi hai. 160.
Dhanyavaad.