Yash420
👉 कुछ तुम कहो कुछ हम कहें 👈
- 2,325
- 6,801
- 144
Bhai Heart touching UpdatePayal shaadi ke jode me baithi hui thi aaj
Aaj hi to thi shaadi payal ke saath ranvijay ki
Kahan harshit ke saath sapne dekh rahi thi payal aur ab ranvijay se Shaadi ho rahi hai
Is ek mahine me ek jhatke me sab kuch badal gaya
Lekin payal ne kabhi aalishan ghar, paisa, power aur aaram aur aish ki zindagi nahi maangi thi, usne maangi thi sirf khushiyan. Dher Saari khushiyan, lekin wo khushiyan payal se door ja rahi thi. Shaadi ek samjhaoute ke tahat ki gayi thi, payal ke ghar ka Saara loan maaf ho jayega aur isi se payal ne apne life ka samjhauta kar liya ek aise insan se jisko abhi tak 1% bhi nahi samajh paayi thi payal
Ranvijay ka character bohut dhundhla dhundhla sa hai
Jahan ranvijay apne staff ko duniya bhar ki gaaliyaan deta hai wahi ranvijay ke liye uske staff use bhagwan ke roop me dekhte hai
Jahan ranvijay jewellery shop me apni aukat apna power dikhata hai to wahi ranvijay amusement park me normal ticket kharid kar payal aur rishi ke saath enjoy karta hai
Tabhi payal ko kuch awazein sunai di
"sir aise na kijiye aaj ranvijay sir ki shaadi hai aise me aap Keh rahe hai ki shaadi attend nahi karenge??" kamre ke bahar shayad ashwin ki awaz aayi
"Keh diya na, meri tabiyat thik nahi hai to thik nahi hai, jakar apne sir se Keh do ki paise se mujhe nahi kharid sakta wo" Mr vardhan ki awaz pehchaan gayi payal
"fir aap shaadi me aaye hi kyun.."
"ashwin tum jao mai dekhti hoon" payal ki awaz ke saath Mr vardhan ne dekha ki laal saree me payal kamre se bahar aayi thi
"agar tum ye soch rahi ho ki mai tumhare Kehne par shaadi attend karunga to bhool jao" Mr vardhan apne wheelchair ko aage badhane lage
"Maine jab aapke pair chuye the to aapne mujhe kuch nahi diya sivay aashirvaad ke, ek nayi bahu hone ke naate aap ko nahi lagta ki aapko koi gift laana chahiye tha??" payal boli
To ye wahi aam ladkiyon jaisi hi hai, Mr vardhan chup rahe
"kya chahiye tumhe?? Jo chahiye bata do de diya jayega" Mr vardhan bole
"agar dena hai to ye promise kijiye ki aaj aap shaadi attend karenge, agar promise nahi kar sakte to mai samjhungi ki vardhan family aise hi bekar promises karti hai"payal boli
" ladki tum apni had paar kar rahi ho, vardhan parivar kabhi apne promises nahi bhoolta, thik hai mai shaadi attend karunga lekin yaad rakhna uske baad mera aur tum logo ka koi rishta nahi" bol wheel chair ko aage le gaye Mr vardhan
Payal muskurai Mr vardhan ekdum Bachchon jaise ho gaye the aur use pata tha ki Bachchon ko kaise handle karna hai
Shaadi me duniya bhar ki raunak thi, aur ranvijay ne koi kasar nahi chodi thi kharch karne me
Payal ne khud invite kiya tha ashmita ko isliye aana hi pada use
Kya tha ki vijay rishi ke bina nahi reh la raha tha isliye payal ne ashmita aur rishi ko bulaya jisse vijay bohut khush hua, pata tha use ki payal kaisi hai lekin uski achhai ke baare me aur Jaan raha tha
"wow kya decoration hai Vijay, kaash mai teri shaadi dekh paata" ye awaz sunkar jal bhun gaya vijay
Kyunki ye awaz kisi aur ka nahi balki...
"congratulations dhruv mere bhai ki zindagi kharab karne ke liye aur use is haal me laane ke liye, ab kya dekhne aaye ho?? Ki Ranvijay zinda hai ya mar gaya??" vijay ne poocha
"vijay tujhe kya lagta hai ranvijay agar mujhse nahi milta to sab kuch sahi hota??" dhruv ne poocha
"Haan shayad" vijay bola
"nahi, agar mujhse nahi milta to kisi aur se milta ya kuch aur tarika nikalta bhadas nikalne ke liye" dhruv vijay ke kandhe par haath rakhkar bola lekin vijay ko tasalli nahi mili
Dhruv aage badhkar ranvijay se milne chala gaya
"are dhruv sir" ranvijay aage badhkar dhruv ke Paas gaya aur dhruv ne gale se laga liya
"poocho" dhruv muskurate hue bola
"matlab??" ranvijay ne poocha
"ranvijay tum mere under 2 saal kaam kar chuke ho, jaanta hoon tumhe. Mangesh to topple karke uska night club band karna chahte ho, kyunki tumhe us business ka koi knowledge nahi hai tum mujhse hi help mangoge jaanta hoon" dhruv bola
"Haan sahi kaha sir, bataiye kaise karun mai ye sab" ranvijay ne poocha
"tum nahi kar sakte, tum impatient ho. Koi doosra option laana hoga" dhruv bola
"koun?" sar pakadkar ranvijay bola
"wo dekho" bol dhruv ne payal ki aur dikhaya jisse Sharon ghul mil kar baat kar rahi thi
"Sharon bhabhi?? But wo to events dekhti hai oopar se bohut pressure hai unpar, wo manegi??" ranvijay hairan tha
"Sharon ki baat nahi kar raha, payal ki baat kar raha hoon" dhruv bola
"what??" 440 volt ka jhatka laga ranvijay ko ye sunkar
------------------------------------------------------------------
MUNCH MUNCH MUNCH MUNCH
"aur milega??" harshit bola
Sumedha ne dekha ki harshit purane gande Maile kapdon me bhikari jaisi haal me sumedha ka laaya hua khana kha raha tha
"kal ho sake to non veg le aana sumedha" harshit bola
Police se chupkar harshit ek anjan jagah par tha aur sumedha ko khana laana padta tha uske liye
Sumedha ro padi, kismat ki baat hai
Jahan uski shaadi harshit se hone wali thi bade shaan se wahi payal ki shaadi ek 5 star hotel me ho rahi thi aaj
Suna hai wo USA Jaane wali hai shaadi ke baad
Uski kismat me hi kyun hai ye sab
"bolo na, laogi na??" harshit ne poocha
"Haan laungi" bol ak aakhiri baar harshit ki aur dekha sumedha ne aur chal padi aur kabhi na milne ke liye
Harshit ab uske layak nahi tha, aur wo payal ko aasani se jeetne nahi dena chahti thi
"Haan police station?? Mai sumedha.... Haan harshit ka pata mil gaya hai, note down the address" bolte hue sumedha andhere me gayab ho gayi
????
