Payal aaj bohut khush thi aaj hi to harshit se milne Jaana tha
Harshit uska pyaar, uski zindagi jise usne sapno ki tarah apne aankhon me sajakar rakha tha
Aaj mall me milne ke liye bulaya tha harshit ne
Aaj saj dhaj kar payal ne mall me paanv rakha tha
Koi teen saal ho gaye the. payal mall me enter karte hi use harshit dikhai diya. Apne group ke saath tha harshit. Aur Saath me sumedha bhi thi.payal ko acha nahi laga sumedha ko harshit ke saath dekhkar. Lekin wo kar bhi kya sakti thi
Harshit ne payal ko dekhte hi apne haath aage badhaye
Muskurate hue wo payal ke Paas aakar hug kiya usne
Sumedha ne muh bana liya apna
"kaisi ho payal" harshit ne poocha
"bas harshit tum sunao, acha chalo kahin chalkar chaat khate hai" payal boli
"come on payal, wo unhygienic chaat wale se tum abhi bhi chaat khaati ho kya??" harshit ne muh banakar bola to sabhi hasne lage
"come on payal di, aap abhi bhi 1947 ke era me ho kya, duniya kahan se kahan chali gayi aur aap churidaar, salwar kameez me hi atki hui ho, behenji type" sumedha ke bolte hi fir se sab hasne lage
"duniya abhi bhi wahi hai sumedha, is duniya me sachhai hai aur adarsh abhi bhi hai. Warna duniya kab ki mit gayi hoti, mamaji ne agar teen Chaar chapat lagayi hoti to apna pet aur taange na dikh rahi hoti teri" payal boli
"payal ye kya tarika hai apni behen se baat karne ka" harshit halka sa chillaya aur sumedha subakne lagi
"ye hamesha mujhse jalti hai harshit, mai isse zyada sundar hoon na isliye, mauka milte hi aisi baatein karti hai" sumedha boli
"jalna my foot, khair agar mujhe pata hota ki tum ise apne Saath la rahe ho to mai yahan nahi aati harshit" payal boli
"acha ab gussa thook do payal" harshit baat badalne ki koshish karne laga
"hum log chalte hai harshit" sumedha bol padi
Aur sab chale gaye
"yahan softy bohut achi milti hai, mai abhi lekar aati hoon" bol payal softy lene chali gayi
----------------------------------------------------------------------
"kaisa laga sir hamara chota sa mall??" girish chaturvedi ne apna haath malte hue kaha
Factory me aaj ranvijay ne entry nahi maari sirf door se dekha
Kuch files padhi aur wapas a gaya tha. Lekin time tha isliye ek chote businessman ne invite kiya tha
Ranvijay ka man to tha nahi lekin ashwin ke baar Baar bolne par raazi ho gaya tha.
Mall chote jagah me thi lekin prospects kaafi hai
"Mr chaturvedi I'm interested, kal ashwin se appointment le lijiye, details me Jaana Hai" bol ranvijay tahalne laga
"sir bodyguards??" ashwin ne poocha
"nahi ashwin, I'm good bas driver ko chhodkar Baaki Saare chale jao" bol ranvijay idhar udhar ghoomne laga fir usne dekha ki girish chaturvedi bhi wahi khada hai
"aap ja sakte hai Mr chaturvedi mai thoda dekhna chahta hoon mall ko" bol ranvijay thoda ghoomne laga
Tabhi use ek ladki aur ek ladke ko pyaar bhari baatein karta suna. Jise wo ignore karke chala gaya.
Idhar payal ice cream lekar lift me pair rakh hi rahi thi ki use ground floor me sumedha aur harshit dikhai diye
Wo bhi kaafi close hokar baatein kar rahe the
Payal kamzor pad gayi aur uske haathon se softy choot gayi jo seedha neeche giri aur
THABBBBBBBB
ranvijay ruka. Uske sar par kuch thanda sa gira jaisa laga
Usne apne sar par haath rakha aur mehsoos kiya ki wo ice cream hai. Sab ranvijay ko ghoor rahe the
Ranvijay ka paara boiling point par Jaane laga. Bina koi Waqt ganwaye wo seedha washroom me gaya aur apne sar se ice cream dhone laga
Payal se bardhast nahi hua tha. Wo apne ghar chali gayi thi
Ranvijay bhi apne hotel ke liye rawana hua. Aaj fir se uske mood ka band baj chuka tha
inki dusri mulakat bhi dhamakedar rahi.ranvijay ki kismat kharab hai kahi na kahi se payal se takra hi jata hai na jane aage inki kahani kya mod legi
