Mr vardhan ki aankhen gusse se laal ho chuki thi
"payal is aurat ko Jaane ke liye bol de, mai ise ek second ke liye bardasht nahi kar sakta" Mr vardhan kaampte hue bol pade
Mrs sarita vardhan sisakte hue Jaane lagi
"rukiye mummy" bol payal ne apne haath se Mrs sarita ko rok diya
In komal haathon me kamaal ki mazboot thi aur iska sabse bada saboot tha payal ke aankhon me confidence
"kyun papa?? Maa kyun jayegi??" payal boli
"tujhe pata nahi hai payal ye kis type ki aurat hai, tere bholepan ka fayda dekhkar yahan aakar teri zindagi bhi barbaad karna chahti hai, lekin mai aisa nahi hone dunga. Jab tak zinda hoon payal ko tu choo bhi nahi sakti" Mr vardhan chillate hue bole aur payal ke saamne a gaye
"papa relax, aapko poori story nahi pata hai" payal boli
"mujhe sab pata hai" Mr vardhan chillaye
"nahi pata aapko bhaiyya" ye awaz shivraj ki thi jo a chuka tha
Mr vardhan, Mrs sarita dono shivraj ki aur dekhne lage
Payal ne shivraj ke pair chookar aashirwad liye
"mai kya aashirwad doon beta mai to.... Khair bhaiyya jo mai Keh raha tha..." Mr shivraj ne bolna shuru kiya
Kaise aanchal se zabardasti shaadi karne par aanchal ne badla lene ke liye vardhan parivaar ko barbaad karne ke liye chaal chali
Vijay se uski wife ko door rakhna, Ranvijay ko pagal banana aur jai ko frustrated karke akela kar dena
Saath hi bhaiyya aur bhabhi ko alag karna
Sabhi gaur se sun rahe the shivraj ki baatein
"maine faisla kar diya hai bhaiyya, jab tak zinda hoon aap logo ke saath rahunga, apne business ko fir se vardhan family ke saath dissolve karne ka sach raha hoon, aur is pyari gudiya ke liye mai kuch property chodd kar Jaana chahta hoon" shivraj ne payal ke sar par haath ferte hue bola
Payal muskurati aur boli
"nahi chacha ji mujhe kuch nahi chahiye. Aap log ek Saath jud gaye bas mujhe aur kya chahiye"
"bhai is baat par aur bhaiyya ke is wheelchair se uthne ki khushi me aaj raat ko ek family party honi chahiye" shivraj bole aur hasne lage
Mr aur Mrs vardhan Paas aaye aur muskurane lage
Payal bhi muskurai, uska kaam khatam hua aaj uski aakhiri din hai is ghar me
"waise chachi kahan hai chachaji??" payal ne poocha
"us kulta ka Naam mat le beta, mai uske ishare par apne hi parivaar ko khatam karne chala tha" shivraj gusse se bol utha
"lekin chacha ji kya ye parivar poora ho sakta hai chachi ke bagair??" payal ne poocha
"tere Saath bhi galat kiya hoga mujhe yakeen hai payal, fir bhi tu uski wakalat karegi beta??" shivraj hairan tha
"koun sahi koun galat karta hai ye sab niyat, Waqt aur haalat par depend hota hai chacha ji, us Waqt aanchal chachi ke Saare sapne toot gaye the, aapne paison ke dum par zabardasti shaadi kar unki zindagi apne Naam kar li. Aise Waqt par koun aise nahi sochega?? "payal bol uthi
"Haan shivraj sab bhoolkar ek naye zindagi ki shuruat karte hai" Mr vardhan bole
Tabhi payal ka phone bajne laga
"hello??" payal ne unknown number se aate hue call ko uthaya
"hi darling pehchaana??" harshit bol
"tum?????" payal chillai
"shhhh iab isse zyada awaz kiya to aanchal ke body ke tukde tukde kar fenk denge" harshit bola
"kya chahiye tumhe??" payal thodi door jaate hue boli
"tum" harshit Bola
"matlab??" payal ne poocha
"ek ghante baad phone karunga,taiyar rehna aur kisi se agar is baat ka zikr bhi kiya to ye ladki gayi" harshit bola aur phone Kaat diya
"wo nahi aayegi kameene" aanchal boli
"wo aayegi, achai ka bhoot uske sar par sawar rehta hai, afsos yahan aana uski zindagi ki aakhiri achhai hogi" harshit hasne laga
"wo mujhse nafrat karti hai wo kabhi nahi aayegi" aanchal boli
"uske Saath 7 saal relationship me raha, pata hai uske baare Me, tujhe bachane zaroor aayegi" harshit bola aur aanchal sochne lagi payal ke baare me
-------------------------------------------------------------------
"sir ab to shaant ho jaiyye" ashwin bola
"pilot ko bol kar jaldi karo na ashwin" ranvijay bola to ashwin tuk tuk dekhne laga ranvijay ko
Is aadmi ko pata bhi hai kya bak raha hai???
"sir ab ye car ya bike to hai nahi ki accelerator par zor denge to wo daud kar bhagegi" ashwin bola
"I don't know ashwin, pata nahi kuch ajeeb sa dar lag raha hai, kuch khone ka darr" ranvijay bola
"payal madam ko khone ka dar" ashwin muskurate hue bola to ranvijay ne bebasi me dekha ashwin ko
"pata tha sir ek din madam se aapko pyaar ho hi Jayega, kitna bhi apne dil ko rok lijiye aap payal madam se pyaar karne se apne aap ko rok nahi payenge" ashwin bola
Ranvijay chup raha
"aapne socha tha contract khatam hone ke baad aap aur madam alag ho jayenge, lekin aisa ho paya sir??" ashwin ne poocha
Lekin ranvijay ke paas joo jawab nahi tha
"mujhe jald se jald payal ke apas le chalo ashwin, jald se jald" ranvijay dheere se bola
"lekin payal madam kya aapse pyaar karti hai sir??" ashwin ne Poocha to ek ajeeb sa dar lagne laga ranvijay ko
"pata nahi ashwin ab chup ho jao aur mujhe rest karne do" ranvijay ne aankhen band kar di aur chartered flight me soch me doob gaya
Ashwin jaise hi Jaane ko hua...
"aur please pilot ko bolo jaldi se le chale" ranvijay bola to ashwin haste hue chala gaya ranvijay ko sochta chodd kar
