"kya matlab shopping nahi ki??" payal hairan thi
"usme kya hai shopping to aaj hi ho sakti hai na?? Online??" ranvijay bola
"ranvijay do din baad shaadi hai aur tum bol rahe ho,waise bhi online me kuch kuch rakha bhi hai?? Wo maza nahi aata" payal boli
"lekin abhi aap ka nahi sakte sir, atleast aaj nahi" is baar ashwin bola
"kyun??" ranvijay ne ashwin ki aur dekhkar bola
"aaj bhuvan a raha hai" ashwin sar jhukakar bola
Ranvijay kaamp gaya. Ek darr uske chehre par saaf nazar a raha tha
"koun hai ye bhuvan" payal ne poocha
"koi nahi payal tum chali jao please, banad me baat karenge. Jitna bolohi it a karenge" ranvijay uthkar apni ghadi dekhte hue bola
"tum aise kyun behave kar rahe ho ranvijay, achanak kya ho gaya hai" payal boli
"kuch nahi payal abhi tum jao b baad me baatein karenge" ranvijay bola
Tabhi bina knock kiye ek shaks Ander aaya jo shayad ranvijay ke age ka hi tha
"kya ho raha hai bhai?? Lagta hai aaj koi shaadi ke preparation me aaya hoon" wo shaks bola
"young lady I'm bhuvan asthana" shaks ne muskurate hue haath aage badhaya to Ranvijay ne payal ko door kar khud Saamne a gaya
"oh ranvijay mai koun sa is sweet lady ko tang kar raha hoon. Mai to bas isse dosti kar raha hoon" bhuvan haste hue bola
"shuru karein??" ranvijay bola
"right time pass ka koi option nahi hai hamare pass" bhuvan bola
"payal tum hotel ke coffee shop me jakar baitho aur bill me room number daal kar sign kar dena" ranvijay bola
Payal chali gayi lekin uske dil aur dimag me kuch chal raha tha
Kyun ranvijay us shaks ko dekh ghabra gaya aur aisi kya meeting hai jisme ranvijay jald se jald use taal a chahta tha
Khair wo coffee shop ki aur badh chali
"hmm excellent ranvijay. Bohut improvement hui hai, shayad 6 saal me Pehli baar itna improve dekh raha hoon" bhuvan bola aur poora diagnostic report ka ek copy ashwin ko dete hue muskuraya
"ye taam jhaam kab khatam hoga bhuvan" ranvijay bola
"mai majboor hoon ranvijay, government ka order hai wo bhi sakht. Har saal ek baar check up karna mandatory hai tera, lekin as a friend milne ka mauka bhi mil Jaata Hai. Aur kya chahiye" bhuvan ne ranvijay ke kandhe par haath rakhte hue kaha
"I don't like it bhuvan" ranvijay bola
"dekh ranvijay agar mai nahi to koi aur sahi. Aur jo banda aayega wo meri tarah minor issues ko chupayega nahi balki use report me dikhayega, kya fir tu wahi asylum me Jaana chahega??" bhuvan bola
Asyllu yani mental hospital, shayad hi koi theek hokar lauta hai wahan se. Ranvijay apne past ke Jhalak se hi kaam utha
" you are doing good ranvijay. Kaafi improvements hui hai. Ab khaane peene ka restrictions kam kar deta hoon. Lekin haan. Oily Khaana abhi bhi band hai tera. Ok chal i'll leave" apni ghadi dekhte hue bhuvan bola
Ranvijay aur ashwin report ko check karne me lag gaye jabki bhuvan nikal gaya
"excuse me??" payal ne bhuvan ko dekh apni coffee chod uski aur aayi
"payal, acha Naam hai aapka" bhuvan bola
"ye aap??...." payal ko samajh nahi a raha tha kya pooche aur kaise pooche
"payal ji, I guess ranvijay hi aapke Saare sawalo ka jawab de payega. Acha laga ki koi uske Saath Hai. Bas ek request hai aapse" bhuvan bola
"kya" payal ne poocha
"kabhi uska Saath mat chodiye, ek baar toot chuka hai. Wapas aur nahi khada ho payega" bol fir ek bar muskura kar bhuvan wahan se chala gaya
Payal seedha ranvijay ke suite me guus gayi to dekha ki wo ready ho raha tha
"shopping karne nahi Jaana Hai??" ranvijay ne poocha
"h haan chaliye" payal boli
Ranvijay ne abhi tak ki h nahi kaha tha payal ko bhuvan ke saath is mulakat ke baare me aur payal ne poochna zaroori nahi samjha.
------------------------------------------------------------------
"mai paise jald chuka doonga roma" jai bola
"arey ye kya bak rahe ho jai?? Tumne bhi to mujhe paise udhaar diye the jab mujhe chahiye the fir??" roma boli
"aisi baat nahi hai roma. Actually maine aaj tak kisi ladki se udhaar nahi liya hai" jai bola
"izzat kam ho jaati hai kya??" roma ne has kar poocha
"arey n nahi, waise ek baat bolun roma??" jai bola
"bolo" roma boli
"agar kisi ke family me business aur karobar se paise ki koi kami na ho, lekin us parivar ka ladka agar business se hatkar apni padhai poori karke professor banna chahta hai. Kya ye galat hai??" ranvijay ne poocha
"bhai aaj tak to kisi ko nahi dekha jo teacher banna chahta ho. Bachha janm. Lete hi pilot, ya doctor ya engineer banna chahta hai" roma haste hue boli
Jai chup tha
"lekin agar kisi ka man us kaam ko karne me ho jisme usko khushi milti hai to kyun nahi" roma boli
Aur jai ka chehra ek dum se khil gaya
"jai" roma dheere se boli is baar
"bolo roma" jai ne poocha
"a agar koi ladki jism ke dhande me ho aur wo apna past bhulakar ek aam. Zindagi jeena chahti hai. To kya ye mumkin hai??" roma ne poocha
"kyun nahi" jai bola
Is baar roma ka chehra khil gaya.
Tabhi use ek call aya
"hello??" roma ne poocha
"roma?? Aapke papa hospital me hai. Kidney fail ho gayi hsi dono, aap jald se jald yahan aaiye hospital me. Address aapko sms kar de raha hoon" bol aadmi ne phone Kaat diya
Roma ke haath se mobile choot kar gir gaya aur wo bhi chakkar khamar girne hi wali thi ki usne hosh khote hue dekha ki do haath usko thaame hue hai aur fir wo hosh kho baithi
