Ranvijay ke floor tak hasne ki awazein a rahi thi
Kaam karne me problem ho rahi thi use
"yahan sign kijiye sir" ashwin bola
"hmm" ek jhalak dekhne ke baad Ranvijay ne sign kar diya
"ashwin...."
"boliye sir"
"ahem... Wo.... Agar kisi ke saath ek shaam guzarni ho to kaise approach karna chahiye" ranvijay ne poocha
"kya??"
"kuch nahi, btw itna shor kisliye hai bahar??" ranvijay ne poocha
"valentine's day hai aaj sir, mujhe bhi jaldi Jaana Hai wo...." ashwin ruk gaya, Ranvijay kahin kho gaya tha
"waise sir..." ashwin apne pocket se kuch nikalte hue bola
"agar aaj jaana hai to nikal , waise bhi aaj kaam kisi se hoga nahi" ranvijay bola
"sir ye lijiye" ashwin table par do ticket rakhte hue bola
"ye kya hai" ranvijay tickets ko dhyan se dekhne laga
"aaj pop show hai America ke best music bands ka, waise meri gf ne actually restaurant ka plan bana liya, socha shayad aap payal madam ko lekar..." ashwin bola aur chala gaya
Hmm music show, Ranvijay kho gaya apni yaadon me
Payal ke saath uski Pehli mulaqat, fir shaadi fir America aana
Kabhi zyada Waqt nahi de paaya tha payal ko
Tickets ko pocket me liye apne ghar rawana ho gaya ranvijay
-------------------------------------------------------------------
Payal ne apne kapde nikale aur nahane chali gayi.
Aaj ka din Wakai mast din hai, kailash sir se interview fir madam se appreciation
Wow aaj to masti karne ka....
AHHHHHHHHHHHHHHHH
Ranvijay ko samne dekhkar chilla uthi payal aur Saath hi apna chehra dhak liya jiski wajah se uske sharir me lipta hua towel gir gaya
Ranvijay statue ho gaya, uska dil itni zoro se dhadakne laga ki lagta hai sharir se bahar a jayega
Daudkar usne towel uthaya aur payal ko odh diya usse
Payal rone lagi, Ranvijay aankhen jhujaye baith gaya
"knock nahi kar sakte the??" rote hue payal ne poocha
Batao yaar apne room me knock karna padega ab se, khair ye Waqt ladne ka nahi tha.
"I'm sorry wo... Mujhe.... Knock karna chahiye Tha" ranvijay bola
"dekha..... Aap ko apni galti ka ehsas ho gaya hai" payal boli
"Haan..." ranvijay bola, lekin use samajh me nahi a raha tha ki uski galti kaise ho gayi
"ye tickets hai, music show ke liye, chalna chahogi??" ranvijay ne poocha
Payal ka mood acha tha, wo Maan gayi
Ranvijay jab payal ko lekar pohuncha to kaafi bheed thi
"take it sir" ticket check karne wala bola
do chote chote lights the jise haath me liya tha ranvijay ne
" are ise haath me lekar hilana hota hai... Can I have more?? "payal boli ticket checker se to wo khush hokar do aur lights de gaya ranvijay ko
" mai hargiz ise pakadkar nahi hilaunga, joker lagunga "ranvijay chillaya
" are... Hadh hai, thik hai aap na karna ho to na karo kam se kam show to enjoy kijiye "payal boli
Show start ho gaya aur payal chahakte hue lights hilane lagi Baaki Saare logo ki tarah
Ranvijay khada raha, ek Waqt lagta tha ki ye sab bewkoofi hai,lekin aaj kyun ye sab karne ka man kar raha hai???
Apne aap use haath uth khade hua aur usne zor zor se lights ko hilana shuru kar diya
Tabhi ranvijay ne dekha payal thak gayi nachte nachte
"mai kuch snacks laata hoon" bol chala gaya ranvijay
Ranvijay ke jaane ke baad payal baith gayi ek jagah par
Open show tha, kursiyan nahi thi, khade hokar enjoy karna tha
Thodi door par ek ped tha uske neeche baith gayi
"raat ko led ke neeche nahi baitha karte" ek meethi si awaz ne payal ko hairan kar diya
Usne Saamne dekha, ek bohut ho khoobsoorat si ladki khadi thi uske Saamne
"hi mera Naam meera hai" ladki muskurati hui boli
