Romance Bepanaah Ishq (Completed)

[Naina]

Intezaar agle update ke liye

 

[RAAZ]

Update 3​

Idher Mumbai mein Raj apne kaam mein itna busy hogya tha ke usko dhyaan hi nhi raha ke office hours khatam hogye hai. Aur uske chakar mein Yash ki bhi baithna padha tha.

Yash: Areee O Workaholic Mr. Raj Kapoor. Aur kitna kaam karega. Chalnaaa. Dekh kitna time hogya hai. Bhukk lag rahi hai.

Raj: Bas hogaya hai.

Yash: Kitna bola tha bhaiya ne mat jaa Raj ke saath par main bewakoof hi nhi maana aur fhass gaya tere saath.

Raj: Chal chal nautanki mat kar. Chal ghar chal.

Yash: Dhanya ho prabhu. Aakhir iska kaam khatam hua.
Phir yeh dono ghar ke liye nikal jaate hai.

Yash apne ghar ki taraf nikal jaata hai aur Raj apne ghar ki taraf.

Raj jab ghar aata hai toh sab sochuke the bas uski maa hi jaag rahi thi aur Raj ka wait kar rahi thi.

Smita: Aaj itna late kardiya Raj. Jao jaldi jao fresh hojao phir dinner karlo.

Raj: Maine dinner karliya hai. Yeh bol woh apne room mein jaane lagta hai.

Smita: Kya apni mummy ko kabhi maaf nhi karega Raj.
Raj bina kuch bole apne room mein chala jaata hai aur pichhe Smita apne aankho mein aansu liye khadi rahi.

Tabhi waha ghar mein kaam karne wala aadmi aata hai.
Aadmi: Malkin khaana lag du. Aapne dopahar se kuch nhi khaya hai.

Smita: Mujhe bhuk nhi hai. Yeh bol rote hue apne room mein aajati hai.

Smita jab apne room mein aati hai toh dekhti hai Ashok jaga hua hai.

Ashok: Aagaya Raj.

Smita: Jiii.

Ashok: Kyaa baat hai.

Smita: Rote hue. Kya main itni buri hu ke mera beta mere se baat tak nhi karta. Kya woh mujhe kabhi maaf nhi karegaa.

Ashok: Usse thoda time do Smita. Woh jarur tumhe maaf karegaa. Usko uss baat se bahot takleef hui thi.

Smita: Mujhse nhi raha jaata. Woh sabse baat karta hai sabko pyaar jatata hai. Bas mujhse hi.... Yeh bol woh rone lagti hai.

Ashok: Sab thik hojayegaa Smitaa. Bhagwaan sab thik karengeee. Woh ekdin tumse jarur baat karega woh tumhe jarur apna pyaar jatayega. Jaise bachpan mein jatata thaa.

Smita kuch nhi bolti aur so jaati hai.

Idher Samar aur Sonal jab ghar wapas aaye toh woh bahot khush the.

Meera: Kyaaa baat hai. Jab yaha se gayi thi toh shakal pe 12 baje hue the. Aur ab dekho. Aisaa kyaa hogyaa.
Sonal apni maa ke gale lag jaati hai.

Sonal: Mummy Mummy Mummy aaj mein bahott khush hu. Bahot bahot khush.

Meera: Areee aree aisaa kyaa hogyaa.

Samar: Mummy Di ne puri college mein top kiya hai.

Meera: Sachhhhhhhhh.

Sonal: Haaa Mummy. Mainee puri college mein top kiya hai.

Meera: Sonal ke gale lagte hue. Maine kaha thaa naa sab achha hogaa. I am proud of you betaa. Congrats.

Sonal: Thank You Mummy.

Meera: Tumhara kyaa huaa.

Samar: Mummy maine distinction ke upar number laaya hai.

Meera: Congrats betaaa. Main bahot khush hu tumdono ke liyee. Tum dono fresh hojao. Main tumdono ka favourite khana banati hu.

Dono waha se apne room mein chale jaati hai.

Raat ko jab Deepak aur Swati aate hai toh unko bhi yeh khushkhabri sunayi jaati hai toh woh bhi bahot khush hote hai.

Sonal: Mummy Papa aaplogo se ek baat karni hai.

Deepak: Bolo.

Sonal: Woh actually college mein top karne ke liye mujhe India ke no. 1 interior designing college mein aage padhne ke liye scholorship mili hai.

Ashok: Areee waaahh yeh toh bahottt achhi baat hai.

Meera: Haaaa. Sahi kaha aapne.

Sonal: Par woh mumbai mein hai.

Ashok aur Meera: Kyaaaa mumbai. Itni durrr.

Sonal: Haaa.

Meera: Tum yehi koi college dekhlo. Yaha bhi achhe colleges hai.

Swati: Mummy Papa Sonal ko aisa mauka baar baar nhi milega. Isse jaane dijiye. Isse Sonal ko bahot kuch sikhne ko milega. Maine sunna hai uss college se pass out har student ne apni ek alag pehchan banayi hai. Sonal kitne waqt ke kiye jaana hai.

Sonal: 2 saal.

Meera: Kyaaa 2 saal ke liye. Nhi nhi. 2 saal ke liye tum dusre sehar mein akeli rahogi. Bilkul bhi nhi.

Sonal: Mummy Papa pleaseee maan jaiye. Mera bahot mann hai. Papa pleaseeee.

Meera: Par Sonal tumhe pure 2 saal ke liye Mumbai mein rehna hoga. Kaha rahogi kaise rahogi.

Sonal: Main Hostel ya PG mein rehlungi. Par please maan jaiyee.

Meera: Hostel mein toh kabhi nhii. Mujhe pata hai akeli ladki ke saath hostel mein kya kya hota hai. Aur PG bhi pata nhi kaisa milega.

Sonal: Papa.

Deepak: Main Ashok se baat karta hu uske dhyaan mein jarur kuch hoga.

Meera: Haa aap unse baat kijiye.

Sonal: Thank You Mummy Papa.

Meera: Abhi tak haa nhi ki hai. Agar mujhe sab thikk laga toh hi tum jaogi.

Deepak: Kal subah karta hu baat. Chalo ab sab sone jao.
Phir sab sone chale jaate hai.

Idher Raj apne room mein aata aur wapas window ke paas khada hojata hai uske aankho mein aansu the aur aankh band karke kuch soch raha hota hai. Phir apni aankhe kholta hai aur aasman mein chand ko dekh kar bolta hai.

Raj: Dekh rahi ho naa kitna akela hogya hu. Kehne ko toh sabkoi hai mere paas. Dadi Badi Mummy bade papa didi bhai papa aur shayad mummy bhi. Par phir bhi akela hogya hu.

Tabhi uske kandhe mein koi haath rakhta hai. Woh pichhe ghum ke dekhta hai toh waha uski bhabhi Nandini khadi thi.

Raj apne aansu pochta hai aur bolta hai.

Raj: Bhabhi aap. Abhi tak soyi nhi aap.

Nandini: Mera bhai aur dost dukhi hai aur main so jau. Phir uski yaad aarahi hai naa.

Raj kuch nhi bolta bas apna chehra dusri taraf karleta hai.

Nandini: 3 saal hogye hai Raj. Kab tak aise hi rahoge.

Raj: Main kya karu bhabhi. Mujhse nhi raha jaata.

Nandini: Kya woh tumhe iss haal mein dekh kar khush hogi.

Raj apni gardan naa mein hilata hai.

Nandini: Tum chahte ho naa woh khush rahe.

Raj nods in yes.

Nandini: Toh kyaa tumhare aisa karne se woh khush rahegi. Kabhi nhi Raj. Kabhi nhi. Woh tabhi khush rahegi jab tum khush rahoge. Kya tum chahte ho woh dukhi rahe.

Raj: Yeh toh main kabhi nhi chahunga bhabhi ke woh dukhi rahe.

Nandini: Toh uski khushi ke liye hi sahi tum aisa mat karo Raj. Tumhe aise dekh kar humhe bahot takleef hoti hai.

Raj kuch nhi bolta bas sunta raha.

Nandini: Raj kya mujhe mera woh dost kabhi nhi milega jo college mein tha. Kya tumhari bhabhi kabhi apne uss dost ko nhi dekh payegi jisne uski zindagi khushiyon se bhari.

Raj: Main koshish karunga bhabhi.

Nandini: Mujhe mere dost cum bhai ka intezaar rahega Raj. Chalo ab so jao. Good night.

Raj: Good night bhabhi.

Phir Nandini apne room mein chali jaati aur Raj bhi fresh hoke so jaata hai.

Karan: Aagaya Raj.

Nandini: Haa aagaya. Takleef mein hai. Uski yaad aarahi thi.

Karan: Raj kabhi usse bhul nhi payega. Raj kya hum bhi usse kabhi nhi bhul payenge. Hum jo aaj saath hai woh sirf aur sirf unndono ki wajah se hai.

Nandini: Haaa. Dekhiye naa humhe milane wale khud kabhi naa mil paaye. Mujhse Raj ki yeh halat nhi dekhi jaati Karan.

Karan: Dekhi toh mujhse bhi nhi jaati Nandini. Par Raj ka yeh dukh hum kam ya durr nhi kar sakte.

Nandini: Hmmm. Chaliye so jaaiye. Subah aapko duty pe bhi jaana hai.

Agli Subah Smita sabhi bachho ke kamre mein jaake sabko uthati hai par jab woh Raj ke kamre mein jaati hai toh dekhti woh bekhabar soraha hai. Woh bas uske chehre ko dekhti rehti hai.

Smita Raj ko sote dekh uske paas jaake uske sir ko sehlaati hai uske aankhe num hojaati hai.

Smita: Kya tu kabhi bhi apni maa ko maaf nhi karega Raj. Taras gayi hu tere muh se Mummy sunne ke liye. Uss ek galti ki itni badi saza mat de apni maa ko Raj. Main maanti hu mujhse galti hui hai Raj. Uss waqt mujhe jo dikha uspe hi bharosa kiya teri baat tak nhi sunni thi maine aur tujhe bina wajah maara bhi tha. Par please mujhe maaf karde Raj maaf kardee. Yeh bolte uske aankho se aansu beh gayee.

Tabhi koi Raj ke kamre mein aata hai.

Sab thik hojayega Smita. Raj jarur tumhe maaf karega.

Smita: Mujhse iski berukhi sehan nhi hoti hai didi. Pata nhi uss waqt kyo maine apne bete pe bharosa nhi kiya. Isne mujhse kaha tha woh jhoot hai par maine ispe bharosa naa karke unpe kiya.

Ragini: Mat ro Smita. Mat ro. Sab thik hojayega. Dekhna ekdin Raj phir se tumse pehle jaise behave karega.

Smita kuch nhi bolti. Tabhi woh dekhti hai Raj ki neend toot rahi hai.

Raj aankhe kholta hai saamne apni dono maa ko khada pata hai woh bed se utarta hai.

Raj: Good Morning Badi Mummy.

Ragini: Good Morning Raj.

Smita: Good Morning Raj.

Raj: Badi Mummy aap mera breakfast ready kardijiye. Mujhe aaj jaldi office jaana hai. Yeh bol woh washroom chala jaata hai.

Smita waha khadi rehke rone lagti hai.

Smita: Dekha na didi aapne kaise woh ab mujhe ignore karta hai.

Ragini kya bole usko samaj nhi aata woh bas Smita ko gale laga leti hai.

Ragini: Raj ko bahot takleef hui thi Smita. Uski yeh takleef dheere dheere durr hogi Smita. Tumhe koshish karte rehni hogi. Chalo ab neeche chalo. Breakfast ready karte hai.

Smita: Raj ka breakfast aap hi banana didi. Agar maine banaya toh shayad woh nhi khayega. Usne kal raat ko bhi kuch nhi khaya tha.

Ragini: Iska matlab tumne bhi kuch nhi khaya kal.

Smita: Mera beta bhuka rahe aur main khaa lu yeh nhi hosakta didi.

Ragini: Thikk hai chalo.

Phir dono neeche aake breakfast banate hai. ​

Jo kuch bhi Hua Hai Raj ki zindagi Me lagta hai usme smita ka bohat bada haat hain. Ab Kia Hua yah dekhna Higa.

 

[Jaguaar]

Bhai aap ki pichli 2 story me aapke sath rahey hain bepanah mohabbat nahi padi abhi lekin socha pehlay bepanah Ishq kar ley phir mohabbat wala chapter shuru karege. Acchi n strong line per story shuru Kari hain aur aapke ANDAZ ki jhalak mehsoos Hui. Badiya hain.

Thank you

 

[Jaguaar]

Amazing update...

Thank you

 

[Jaguaar]

So destiny sonal of Mumbai laa rahi Hai aur sath sath uska waha permanent rukne ka Intezam bhi karwa rahi Hai. Negative character ko bhi develop karna shru kar diya Vicky ke Roop me.

Thank you

 

[Jaguaar]

Intezaar agle update ke liye

Sunday ko subah aajayega

 

[Jaguaar]

Jo kuch bhi Hua Hai Raj ki zindagi Me lagta hai usme smita ka bohat bada haat hain. Ab Kia Hua yah dekhna Higa.

Aisa kyo lag raha hai ki jo hua hai usme Smita ka haath hai

 

[Mahi Maurya]

Update 45​

Sonal apne kaam mein busy thi apne beheno ke saath hasi mazaak kar rahi thi aur Raj durr khada usko pyaar se dekhe jaa raha tha aur soch raha tha.

Raj: Mann mein. Kitni pyaari hai Sonal. Chehre pe duniya bhar ki masoomiyat hai aur muskurahat bhi kitni pyaari hai. Par puri pagal hai. Kitna mujhse pyaar karti hai. Sirf mere liye apni puri zindagi mere naam kardi aur badle mein kabhi kisi chiz ki maang nhi ki. Meri chotti si takleef se yeh kitna ghabra jaati hai.

Bagal mein khada Yash yeh dekh raha tha aur woh puch baithta hai.

Yash: Aise kyaa dekh raha hai Raj. Woh teri hi biwi hai.

Raj: Mujhe pata hai Yash. Par isne mere liye kitna kuch kiya hai aur maine iske liye kuch bhi nhi kiya. Yeh mujhse kitna pyaar karti hai aur kabhi saamne se mujhse pyaar nhi maanga. Main toh iske pyaar ka karzdaar hogya hu.

Yash: Agar aisa hai toh tu isko iske hisse ka pyaar deke woh karz utaar de.

Raj: Bahot jald Yash. Bahot jald. Sonal ko uske hisse pyaar bahot jald milega. Abhi kuch din baad hi Sonal ka birthday hai. Maine socha hai usi din Sonal ko woh sab dunga jiski woh haqdaar hai.

Yash: Bahot achha socha hai. Aur isse achha gift toh Sonal ko mil hi nhi sakta.

Raj: Isiliye toh uss din ko choose kiya hai.

Yehlog baat karne mein busy the aur inko pata hi nhi chala kab Swati inke paas aake khadi hogyi.

Swati: Kis din ko choose kiya hai Raj aur kisliye.

Raj: Bas hai kuch special. Sabke liye surprise.

Swati: Achhaa aisa kyaa karne wale ho. Yash aapko toh pata hi hoga. Mujhe nhi batayenge.

Yash: Jarur batata par yeh surprise bahot special hai aur main promise karta hu isse tum bhi bahot khush hojaogi.

Swati: Aisi baat hai toh phir dekhte hai aisa kyaa plan kiya hai aapdono ne. Achha ab chaliye dinner karlijiye. Bahot late hogaya hai.

Raj: Tum aur Sonal bhi chalo. Saath mein karte hai.

Swati: Humhe abhi thoda kaam hai hum baad mein khaayenge.

Raj: Bilkul bhi nhi. Ruko main abhi aata hu. Yeh bol Raj Sonal ke paas chala jaata hai jaha Sonal apne kaam mein busy thi.

Raj: Sonal.

Sonal: Haa Raj boliye.

Raj: Mujhe bhuk lagi hai.

Sonal: Aapne abhi tak dinner nhi kiyaa. Aap rukiye main abhi aapke liye dinner laati hu. Aap bhi naa bilkul bhi dhyaan nhi rakhte apna.

Raj: Aree ruko ruko. Pehle batao tumne khaya.

Sonal: Abhi nhi Raj. Bas yeh thoda sa kaam baaki hai phir karlungi.

Raj: Yeh kaam yehi band karo aur chalo dinner karne.

Sonal: Par Raj thoda sa hi baaki hai.

Raj: Maine kaha naa chalo chup chaap. Aur jab tak tum nhi khaogi main bhi nhi khaunga.

Raj ki iss baat pe Sonal saare kaam wahi chor deti hai aur Raj ke saath dinner karne ke liye chal deti hai bina koi sawaal jawaab kiye.

Idher Sonal ko jaate dekh Swati bhi chal deti hai. Phir charo milke dinner karne lagte hai.

Dinner ke waqt khaate samay Sonal ke muh mein khaana lag jaata hai jiska usse andaza nhi tha. Raj woh dekhta hai toh woh khud hi khaana saaf kardeta hai jisse Sonal ko thodi sharm bhi aati hai.

Thodi der mein dinner complete karke Sonal aur Swati apna kaam khatam karne chali jaati hai. Raj aur Yash Sonal ke Mama Papa ke saath busy hojaate hai.

Kuch der baad jab kaam khatam hojaata hai tab sab sone ke liye chal dete hai.

Room mein aane ke baad Sonal as usual Raj ke bag se uske liye kapde nikal deti hai.

Raj: Tumhe pata hai tumhari isi aadat ne mujhe bahot pareshan kiya hai.

Sonal: Matlab.

Raj: Yeh jo tum mera har kaam kardeti ho aur isiliye mujhe kuch Karna nhi padhta aur tumhare naa rehne se mujhe pareshani hoti hai.

Sonal yeh sunke hasne lagti hai aur bolti hai. Aadat padh gayi hai toh rehne dijiye. Kyoki main toh yeh kaam karungi hi chahe aap mujhe daante yaa gussa kare.

Raj: Phir karti raho saari zindagi.

Sonal: Khushi se. Chaliye ab so jaaiye. Bahot raat hogyi hai. Waise aapko sir dard toh nhi hai naa ab.

Raj: Jis wajah se horaha tha woh wajah khatam hogyi isiliye ab koi sir dard nhi hai.

Sonal: Aur woh wajah kyaa thi.

Raj: Batadunga bahot jald.

Sonal: Waise mujhe di bata rahi thi aapne koi surprise plan kiya hai. Kyaa hai woh.

Raj: Abhi toh bilkul nhi bataunga. Bahot special hai aur khash tumhare liye hi hai.

Sonal: Mere liyee.

Raj: Haaa. Aisa surprise jisse dekhte hi tum khushi se uchal padogi.

Sonal: Aur woh kab denge.

Raj: Abhi thoda time hai. Par yaha nhi apne ghar mein dunga.

Sonal: Mujhe intezaar rahega.

Phir dono so jaate hai.

Agle din sagai thi toh subah se hi sab kaam mein lage hue the. Par Sonal ne Raj ko akela nhi chora tha. Dono hi ekdusre ki madad kar rahe the aur saath mein hasi mazaak bhi kar rahe the.

Sham ko sagai ke liye guest aane start hogye the. Sablog ready bhi horahe the.

Sonal ne Raj ki di hui saari peheni thi jo uske upar bahot achhi lag rahi thi. Raj toh usko dekhte hi reh gaya.

Sonal: Aise kyaa dekh rahe hai Raj. Achhi nhi lag rahi mujhpe.

Raj: Yeh saree toh tumhare liye hi bani hai. Bahot khubsoorat dikh rahi ho tum.

Sonal: Sharma ke. Thank you Raj.

Phir dono nichhe aate hai. Swati bhi Sonal ki saree dekh rahi thi aur usko woh bahot pasand aayi thi.

Swati: Sonal yeh saree kab li tune. Bahot achhi lag rahi hai. Sagai ke baad mujhe de dena.

Sonal: Yeh saree toh main kabhi kisi ko naa du. Yeh saree specially Raj mere liye laaye hai kal.

Swati: Kyaa baat hai. Raj ki choice toh mast hai. Dekh kaise sab teri saree ko hi dekh rahe hai. Bahot achhi lag rahi hai tujhpe. Ek tera Raj hai jo tere liye khud shopping karta hai aur ek mere Yash hai jo aajtak mere liye ek nail polish tak nhi laaye.

Sonal: Ab isme main kyaa kahu. Par main bahot khush hu. Bhale hi Raj mere se pyaar nhi karte. Par unki yeh care mere liye unke pyaar se kam nhi hai. Main toh saari zindagi isi ke saath jee lungi.

Swati: Ek baat bolu. Raj jab se yaha aaya hai maine notice kiya hai woh tujhe harwaqt dekhta hai uski nazre jaise harwaqt tujhe hi khojti rehti hai. Uski aankho mein mujhe tere liye pyaar dikha hai. Mujhe lagta hai woh bhi tujhse pyaar karne laga hai.

Swati ki baat sunke Sonal ke dil ki dhadkan badh jaati hai. Usko Swati ki baat pe yakeen nhi horaha tha.

Sonal: Aap kyaa keh rahi hai di. Raj toh Megha se pyaar karte hai. Aur aapne jo dekha hai woh mere liye ek care respect hoga.

Swati: Mujhe bhi pyaar ki samaj hai Sonal. Main daave ke saath keh sakti hu Raj tujhse pyaar karne laga hai. Uske dil mein tere liye ek khaash jagah ban gayi hai.

Sonal kuch bhi nhi bolti kyoki uske paas kuch bolne ke liye tha hi nhi.

Swati: Agar tujhe yakeen nhi toh tu khud Raj ki aankho mein dekh yaa uski nazar se halka sa durr hoke dekh.

Sonal bina kuch bole waha se chali jaati hai aur Swati ki boli hui baat sochne lagti hai.

Sonal: Kyaa Raj sach mein mujhse pyaar karne lage hai. Yaani meri mehnat rang laayi. Mere Raj bhi mujhse pyaar karte hai ab. Par agar yeh di ki nazar ka bhram hua toh. Agar di ne jo bola woh galat nikla toh. Nhii nhii main abhi kisi nateeze pe nhi aaungi. Ekbaar mera dil toot chuka hai ab agar dobara toot ta hai toh main jee nhi paungi.

Abhi Sonal yeh soch hi rahi thi ke pichhe se awaaz aati hai mujhe nhi pata tha meri biwi ko akele barbar karne ki aadat hai.

Sonal pichhe ghum ke dekhti hai toh waha Raj khada tha.

Sonal: Raj aap yaha.

Raj: Aana padha kab se dekh raha hu meri biwi yaha akele baithe barbar kiye jaa rahi hai.

Sonal: Aisa kuch nhi hai. Bas kuch soch rahi thi.

Raj: Aisa kyaa soch rahi thi jara humhe bhi batao.

Sonal: Kuch khaash nhi. Bas aise hi.

Raj: Bata bhi do shayad kuch madad hojaaye.

Sonal ab kyaa bole usko samaj nhi aaraha tha woh phirse sochne lagti hai.

Raj: Dekho phir se sochne lagi ho. Achha choro yeh batao aaj sagai hojaa rahi hai. Toh kal yehi rehna hai yaa ghar chalna hai. .

Sonal: Aap jaisa thikk samjhee.

Raj: Thik hai phir kal ready rehna hum ghar chalenge. Ab chalo sagai ki rashm start hone ko hai.

Phir dono waha se sabke beech aajate hai. Par Raj ne Sonal ki baat sunli thi jo usne akele mein kahi thi isiliye woh Sonal dekhte hue mann mein bolne lagta hai.

Raj: I Am Sorry Sonal. Mujhe pata hai tumhe kitni takleef hui hogi mere past ke baare mein jaanke. Par tumne sab haste hue sehliya. Par bas kuch din ka wait karo tumhari mehnat ka fal tumhe milega ab. Bahot jald tumhe tumhara pyaar milega.

Dheere dheere sagai ki rashm puri hojaati hai saare mehmaan bhi dheere dheere chale jaate hai. Ab bas ghar ke kuch log hi baaki the.

Rashmi: Sonal Swati tumhare mummy papa toh bol rahe hai woh kal chale jaayenge. Tumlog toh rahoge naa kuch din humare saath.

Sonal: Mami ji ab main kyaa bolu. Jaisa Raj chahenge main waisa hi karungi.

Swati: Haa Mami ji Yash jaisa chahenge waisa hi hoga.

Rashmi: Raj Yash rukh jao kuch din. Iss sagai ke mahaul mein tumlogo se thik se baate bhi nhi hui. Isi bahane thodi baate bhi hojayegi.

Raj: Maaf karna Mami ji. Hum rukh jaate but hum apna kaam chorke aaye hai. Agar Sonal yaha rukhna chahe toh rukh sakti hai koi problem nhi hai.

Yash: Haa Mami ji. Raj sahi keh raha hai. Swati aur Sonal yaha rukhna chahe toh rukh sakti hai baad mein aajayengi.

Rashmi: Swati Sonal rukogi naa. Shaadi ke baad toh tumdono apna Mama Mami ko bhul hi gayi ho.

Sonal: Main nhi rukh sakti Mami ji. Kyoki mera bhi college chal raha hai. Jyaada chuti nhi karsakti. Phir mere exams bhi aane wale hai.

Swati: Agar Sonal nhi rukh rahi hai toh main akele kyaa karungi. Hum baad mein phir aajayenge.

Rashmi: Ab tumdono ne reason hi aisa diya hai ke main kuch bol hi nhi sakti. Thikk hai phir jao. Lekin promise karo baad mein jarur aaoge.

Dono: Promise.

Phir sab apne apne room mein aake so jaate hai.

Agle din Sonal uthke apne aur Raj ke kapde packs karne lagti hai.

Thodi der baad sab nichhe hall mein baithe hue the.

Deepak: Raj tumlog kab nikal rahe ho.

Raj: Ji bas thodi der mein niklenge. Aaplog kab niklenge.

Deepak: Humlog sham ko niklenge. Tumlog dhyaan se jaana.

Raj: Ji.

Thodi der baad Raj Sonal Yash Swati sabse milke wapas Mumbai ke liye nikal jaate hai aur dopahar tak wohlog apne apne ghar bhi pahonch jaate hai.

Sonal apne ghar mein aake jo khushi mil rahi thi woh khushi usko ab kahi nhi milti thi.

Smita: Kaisa raha Sagai ka function sab achhe se hogya naa.

Sonal: Haa Mummy sab achhe se hogyaa.

Smita: Chalo achhi baat hai. Ab jaao aaram karo. Kal se wapas college start karo. Bahot din chutti hogyi. Exams aane wale hai naa.

Sonal: Jiii.

Phir Sonal waha se apne room mein chali jaati hai. Raj bhi jaane wala hota hai toh usko Nandini pakad leti hai.

Nandini: Toh bataya tumne usse.

Raj: Abhi nhi bhabhi.

Nandini: Ab kyo late kar rahe ho Raj.

Raj: Sonal ko surprise dunga Bhabhi. Kuch din baad uska birthday hai usi din bolunga.

Nandini: Bilkul pehle ki tarah.

Raj: Jiii. Uss waqt toh darr tha reject hone ka. Par issbaar toh koi darr nhi hai.

Nandini: Achhi baat hai. Toh kuch plan kiya kaise kya karoge.

Raj: Socha toh hai. Par pata nhi usko pasand aayega ya nhi.

Nandini: Mujhe batao. Main help karti hu.

Raj: Thikk hai. Main fresh hoke aata hu phir baat karte hai.

Nandini: Thikk hai.

Phir Raj waha se apne kamre mein aata hai toh dekhta hai Sonal fresh hochuki hai aur padhne baith gayi hai.

Raj: Kyaa baat hai tum toh ek achhi bachhi ki tarah chup chaap padhne baith gayi.

Sonal: Main achhi bachhi hi hu. Aur itne din padhai nhi hui toh usko cover karlu.

Raj: Good. Ab tum apni padhai complete karke hi waha se uthogi. Tumhara lunch bhi upar aajayega. Aur main yeh dekhlunga koi tumhe disturb bhi nhi karega.

Sonal: Thikk hai.

Phir Raj fresh hone chala jaata hai par Sonal apni aadat se majbur bina Raj ka kaam kiye usko chainn nhi milta isiliye woh Raj ke kapde nikal ke bed mein rakh deti hai.

Raj jab bahar aake dekhta hai usko hasi bhi aati hai toh gussa bhi aata hai. Sonal tirchi nazro se Raj ko dekh rahi thi.

Raj: Tum nhi sudhrogi naa. Maine tumhe mana kiya tha na.

Sonal: Achha thikk hai ab nhi karungi. Sorryyy.

Raj: Chalo ab padhai karo main neeche hu. Phir Raj waha se nikal jaata hai aur Sonal bhi apni padhai karne lagti hai.​

बहुत ही बेहतरीन कहानी महोदय,

तो राज़ ने सोनल के लिए एक सरप्राइज का प्लान बनाया है जिसके बारे में वो यश से वार्तालाप कर रहा है। स्वाति भी जानना चाहती है उस के बारे में, लेकिन यश नहीं बताता, पर स्वाति ने राज की आंखों में अपनी बहन के लिए प्यार देख लिया था।। नंदिनी के पूछने पर भी राज सोनल को सरप्राइज देने कक बात करते हैं।।

 

[Mahi Maurya]

Update 46​

Raj: Bhabhi jara Sonal ka lunch upar de dijiyega. Woh padhai karne baithi hai. Toh maine usko uthne ke liye mana kiya hai.

Nandini: Yeh achha kiya. Warna woh khud thodi der baad nichhe aati lunch banane. Chalo ab batao kyaa plan kiya hai.

Raj: Woh maine socha hai. Main pura din uske saath hi spend karunga. Subah usko leke mandir jaunga jaha jaana usko sabse jyaada pasand hai. Phir usko uska favourite breakfast karwaunga. Pichli baar shaadi ke baad jab hum ghumne gaye the tab usne bola tha woh har saal apne birthday ke din Orphanage aur Old Age Home jaake time spend karti hai aur thoda donation bhi karti hai. Toh uss din wob bhi hoga.

Phir thoda bahot ghumna hoga. Uske baad uske liye maine ek hotel specially book karke decorate karwake waha usko Wish karunga aur propose karne ka socha hai. Ab mujhe yeh samaj nhi aaraha hai usse yeh sab achha lagega naa.

Nandini: Tumne jo jo socha hai woh sab Sonal ko bahot pasand aayega. Aur usko sabse jyaada kyaa pasand aayega pata hai.

Raj: Kyaa.

Nandini: Tum pura din uske saath rahoge yeh usko sabse jyaada pasand aayega. Waise kab hai uska birthday.

Raj: 2 din baad.

Nandini: Aree yeh toh kam time hai. Tumne hotel ka arrangement karliya.

Raj: Nhi. Aaj sham ko karunga.

Nandini: Achhi baat hai. Aur yeh make sure karna har chiz perfect ho aur Sonal ki pasand ka ho.

Raj: Jiii. Par mujhe uski pasand naa pasand ke baare mein jyaada nhi pata. Maine kabhi pucha hi nhi. Khaane ke baare mein usne khud bataya tha isiliye pata hai.

Nandini: Waahhh greatttt. Kaise pati ho apni patni ki pasand naa pasand nhi pata. Isme main tumhari koi madad nhi karungi. Tum khud sambhalo isko.

Raj: Aree bhabhi kardo na help.

Nandini: Bilkul nhi. Shaadi ko 6 mahine hogye abhi tak tumhe uski pasand naa pasand nhi pata Aur ek woh hai jisko tumhare harchiz pata hai.

Raj: Meri Sonal toh greatt hai. Please help kardo.

Nandini: Sorryyy. Khud sambhalo. Yeh bol Nandini waha se chali jaati hai.

Raj waha thaga sa baitha rehta hai aur apne aap se bolta hai.

Raj: Chalo Raj beta. Bhabhi ne toh help karne se mana kardiya. Ab jab dobara pyaar kiya hai toh mehnat toh karni hi hogi. Par kaise karu. Haa Swati se puchta hu. Usko sab pata hoga. Yeh bol woh Yash ko call lagata hai.

Yash: Haa Raj bol.

Raj: Swati ko phone de. Usse kaam hai.

Yash: Meri biwi se kyaa kaam hai tujhe.

Raj: Bagal mein khada hoke sunnliyo. Chal phone de.

Yash: Haa haa deta hu. Swati yeh lo Raj baat karna chahta hai.

Swati: Haa Raj bolo.

Raj: Tumse kuch puchna hai. Par promise karo Sonal ko kuch nhi bataogi.

Swati: Aisa kyaa puchna hai tumhe.

Raj: Nhii pehle promise karo. Tum Sonal ko iss baare mein kuch nhi bataogi aur naahi yeh bologi ke meri aur tumhari baat hui hai.

Swati: Kuch soch ke. Achaa thik hai pucho.

Raj: Mujhe Sonal ki saari pasand naa pasand ke baare mein janna hai.

Swati: Aur woh kisliye.

Raj: Woh actually 2 din baad Sonal ka birthday hai toh isiliye uske liye surprise plan kiya hai uske liye. Pleasee yeh baat Sonal ko yaa kisi aur ko mat batana.

Swati: Khush hoke. Reallyyyyy. Tumne uske liye birthday surprise plan kiya hai.

Raj: Haaa. Aur isiliye mujhe batao usko kya kya pasand hai.

Swati: Bilkul kyo nhi.

Phir Swati Raj ko Sonal ki saari pasand naa pasand ke baare mein batati hai.

Raj: Thank You Swati.

Swati: Tum Sonal ke liye yeh kar rahe ho iske liye tumhe Thank You.

Phir call cut hojaata hai.

Call cut hotei Swati bagal mein khade Yash ke gale lag jaati hai aur uske gaalon mein kiss kardeti hai.

Yash: Aree aree aisa kya hogya jo aaj mere upar itni meharbaani.

Swati: Aaj main bahot khush hu Yash.

Yash: Woh toh mujhe samaj aaraha hai. Par aakhir aisa kyaa hogya. Aisa kya boldiya Raj ne.

Swati: Raj meri behen ke liye birthday surprise plan kar raha hai. Jisse Sonal bahot bahot khush hojaayegi.

Yash: Achha toh yeh hai meri biwi ke khushi ka karan. Par yeh toh mujhe pata hai.

Swati: Kyaaaaa. Aapko pata tha aur aapne mujhe bataya tak nhi.

Yash: Aree surprise tha kaise batata. Raj ne hi mana kiya tha. Aur ab usne hi bata diya.

Swati: Usko toh Sonal ki pasand naa pasand ke baare mein janna tha isiliye bataya. Par aapko mujhe batana chahiye tha Yash.

Yash: Achha galti hogyi. Maaf kardo. Chalo ab batao Sonal ko kyaa gift dene ka socha hai.

Swati: Abhi tak kuch socha nhi hai. Aap bataiye kyaa du.

Yash: Aree tumhari behen hai tum bolo. Mere se jyaada achhe se tum jaanti ho usse

Swati: Ek kaam karte hai sham ko bahar jaate hai aur koi achha sa gift dekhte hai.

Yash: Achha thikk hai. Saath mein tumhare liye bhi shopping karlenge.

Swati: Kyaaa baat hai. Mere upar itni meharbaani.

Yash: Ab bhagwan ne itni achhi biwi di hai uska khyaal toh rakhna padega na. Warna agar mujhe chor ke maayke chali gayi toh mera kya hoga.

Swati: Kabhi kabhi mera mann toh karta hai. Par phir sochti hu nhi jaati warna mera pyaara pati pagal hojayega.

Yash: Puri tarah se. Yeh bol Swati ke gaalom ko chum leta hai.

Swati: Aapko pata hai Yash Sonal Raj se bahot pyaar karti hai. Jis din se usne Raj ko dekha hai uss din se woh usse pyaar karti hai. Woh Raj ke pyaar mein puri tarah se pagal hogyi hai.

Yash: Mujhe pata hai Swati. Maine Sonal ki aankho mein dekha hai. Woh jis tarah se Raj ka khayal rakhti hai usse saaf pata chalta hai. Aur mujhe pura yakeen hai Raj bhi jald hi samjhega. Phir Mann mein bolta hai. Samaj toh woh gaya hai aur 2 din baad woh propose hi karne wala hai par abhi woh tumhe nhi bata sakta.

Swati: Aapko pata hai maine pune mein Raj ki aankho mein Sonal ke liye wahi chinta wahi fikr wahi pyaar dekha hai jo Sonal ke dil mein Raj ke liye hai.

Yash: Tum dekhna bahot jald Raj bhi yeh baat samaj jaayega. Aur phir Sonal se achhi ladki Raj ko nhi mil sakti.

Yehlog aise hi baate karte hue time spend karte hai. Udher Rajesh aur Ranjeet bhi Raj ke khilaaf ek aur plan bana chuke the.

Sham ko Raj bahar nikalta hai aur ek achhe se hotel mein jaata hai aur waha ke manager se baat karke Sonal ke birthday ke liye book karta hai. Phir waha se woh ek achhe se restaurant mein jaake uss din ke special meni taiyaar karne ko kehta hai jisme jo jo Sonal ko pasand hai woh sab hota hai.

Phir waha se ek mall mein jaata hai aur Sonal ke liye ek achha sa dress leke woh ghar aajata hai. Dress ko woh Sonal se chupa ke rakh deta hai.

Idher Ranjeet ka aadmi Raj ke pichha karte hue har woh jagah jaata hai jaha jaha Raj gaya tha aur waha pe thode paise khilake woh saari information leke Ranjeet ko de deta hai.

Raj uss aadmi ko notice toh karta hai par jyaada sochta nhi aur totally ignore karta hai. Kyoki usko laga yeh ek co-incidence hoga.

Ranjeet: Achha toh Raj apni biwi ko propose karne wala hai uske birthday ke din. Par aisa hone nhi hone dunga. Sonal ko uske birthday ka gift toh main dunga. Aur apne haatho se dunga. Aur aisa gift dunga jisse Raj ki zindagi hi tabah hojayegi. Rajjj tu dekh ab tere se kaise main apna badla leta hu. Yeh bol jor jor se hasne lagta hai.

Agla din bhi roj ke jaise guzar jaata hai. Par sham se hi Raj apne kamre mein tha aur kisi ko bhi kamre mein aane se mana kiya tha usne. Raat ko Swati Samar Nandini Shruti Ishita Payal Aarav Yash sablog 12 bajne ka intezaar kar rahe the isiliye sabne Sonal ko nichhe hi rokh rakha tha par Raj apne kamre mein aagaya tha.

12 bajne ke pehle pehle Swati aur Samar Sonal ke saath conference mein baat kar rahe hote hai. Jaise hi 12 bajte hai sablog eksaath Sonal ko birthday wish karte hai.
Sonal ka aisa pehla birthday tha jab usse itne logo ne eksaath wish kiya hogaa.

Sonal: Khushi se. Thank You So much. Aap sab ko yaad thaa.

Swati: Aree tumhara birthday hum kaise bhul sakte hai Sonal. Once again Happy Birthday meri behen.

Sonal: Thank You Di.

Samar: Di Mummy Papa baat karenge.

Dono: Happy Birthday Sonal. Tumhe duniya ki saari khushiyan mile.

Sonal: Thank You Mummy Papa. Aaplogo ne pehle hi meri zindagi khushiyan bhardi hai. Ab mujhe aur kuch nhi chahiye.

Phir Ek ek karke Smita Ragini Ashok Vijay Savitri sab Sonal ko wish karte hai. Par Raj ke waha naa hone se Sonal ko bahot dukh hota hai.

Nandini: Kyaa hua Sonal. Iss khushi ke time pe udaasi.

Sonal: Sabne mujhe wish kiya sab yaha present hai par jinko sabse pehle wish karna chahiye wohi yaha nhi hai. Kyaa unhe mera birthday yaad bhi hai.

Nandini: Udaas mat ho Sonal. Hosakta hai Raj ne tumhare liye kuch special plan kiya ho.

Sonal: Par unhe yaha hona chahiye tha bhabhi.

Nandini: Koi baat nhi Sonal. Aise udaas nhi hote. Jaao ab jaake so jao.

Sonal bemann se hi upar chali jaati hai. Aur jab apne kamre ke paas pahonchti hai waha usse ek alag hi khushboo aati hai. Par woh usko ignore kar room ka darwaza kholke andar jaati hai toh shock hojaati hai.

Sonal jaise hi kamre mein apna pehla kadam rakhti hai uske upar phoolon ki baarish hone lagti hai. Jisse dekh Sonal ko bahot achhi lagta hai. Phir jab woh apni nazar kamre mein ghumati hai toh dekhti hai pura kamra achhe se sajaya hua hai. Aur zameen pe bade se achhe se Happy Birthday likha hua hai candles ki madad se.

Sonal: Khushi se. Rajjjj. Rajjj kaha hai aap. Bahar aaiyee.

Raj: Wishing you a very very Happy Birthday my sweet wife. Maanta hu mujhse sabse pehle wish karna chahiye tha par main akele mein karna chahta tha isiliye last mein kiyaa.

Sonal: Aankho mein aansu liyeee. Aapko yaad thaa meraa Birthday.

Raj: 2 din se innsab ki taiyaari kar raha hu bas darr tha tumhe pasand aayega yaa nhiii.

Sonal: Mujheeee bahottt pasanddd aaya Rajjj. Thankkk youu soooo muchhhh. Yeh bol woh daud ke jaati hai Rajj ke gale lag jaati hai.

Sonal khushi mein itni pagal hojaati hai ke usko hosh hi nhi rehta ke woh kyaa kar baithi. Raj bhi uske kandhe ko sehlaane lagta hai.

Raj: Tumhe pasand aaya yeh jaanke mujhe khushi huiii.
Sonal: Aapka diya hua harchiz mujhe pasand hai Rajjj. Once again Thank You so muchhh.

Raj: Aree abhi rukhh jao. Yeh kuch bhi nhi hai. Kal specially tumhare liye ek surprise plan kiya hai aur tumhe ek bahot hi jyaada special gift milega aur aisa gift milega jiske baare mein tumne socha bhi nhi hogaa.

Sonal: Aisa kyaa dene wale hai aap Rajjj.

Raj: Woh toh kal hi pata chalegaa. Chalo ab fatafat yeh cake kaato.

Sonal bagal mein table ki taraf dekhti hai toh waha ek chota sa cake tha. Jo uska favourite Butter Scotch flavour ka thaa.

Sonal: Aapko kisne bataya mujhe Butter Scotch pasand hai.

Raj: Bas pata chal gaya. Ab tumhara pati itna bhi nakara nhi.

Sonal: Mujhe pata hai aap bahot intelligent hai. Tabhi toh aapko main mili.

Raj: Achhaaa. Tumhe aisa lagta hai.

Sonal: Bilkull. Agar aap intelligent nhi hote toh itni achhi biwi ke liye aap mana nhi kar dete.

Raj: Mujhe samaj nhi aaraha hai tum apni tareef kar rahi ho yaa meri tareef kar rahe ho.

Sonal: Of Course meri tareef kar rahi hu. Yeh bol hasne lagti hai. Raj bas usko hasta hua dekhte rehta hai.

Raj: Waaahhh. Kyaa biwi mili hai. Pati ki kadar hi nhi hai. Achhi baat hai. Chalo ab fatafat cake kaato.

Sonal: Jii.

Phir Sonal Raj ka haath pakad ke cake kaati hai aur Raj ko cake khilati hai. Raj bhi Sonal ko cake khilati hai. Par thoda sa uske gaal mein laga diya.

Sonal: Yeh kyaa kar rahe hai aap Raj.

Raj: Aree birthday hai. Aur birthday ke din toh yeh hota hi hai.

Sonal: Achha aisi baat hai. Yeh bol Sonal bhi Raj ke gaalo mein cake laga deti hai. Toh yeh lijiye. Aapne mere saath cake kaata toh uss hisaab se aapka bhi birthday hua aaj.

Raj: Mujhe nhi pata tha chup chaap rehne wali shaant rehne wali baat baat pe sharmane wali itni mastikhor bhi hogi.

Sonal: Aree aap abhi mujhe jaante hi kaha hai.

Raj: Dheere se. Ab jaan jaunga achhe se.

Sonal: By The Way. Thank You So Much Raj. Mera birthday special banane ke liye.

Raj: Aree abhi kaha kuch hai. Abhi toh bahot kuch baaki hai. Par filhal gift se starting karte hai. Aur yeh lo tumhare liye pehla gift. Yeh bol Raj Sonal ko ek shopper pakda deta hai.

Sonal: Thank You so much Raj.

Raj: Kholke dekho aur bolo kaisa laga.

Sonal fatafat gift kholti hai aur usme jo dress tha woh dekh kar bahot khush hojaati hai. Aur uske saath hi ek bahot hi pyaara sa necklace bhi thaa.

Raj: Pasand aaya.

Sonal: Yeh bahott achha hai Rajjj. Mujhee bahott pasand aaya. Thankkk Youu.

Raj: Toh kal subah tum yehi dress pehnogi.

Sonal: Thikkk hai.

Raj: Chalo ab jaldi se so jao. Kal jaldi bhi uthna hai.

Sonal: Jiii.

Phir dono apne aap ko saaf karte hai aur so jaate hai. Par Raj nhi soya tha. Woh bas Sonal ke sone ka intezaar kar raha tha.

Thodi der baad jab Raj ko yakeen hogya ke Sonal so gayi hai toh Raj dheere se Sonal ke sir ko sehlaane lagta hai.

Raj: Jab itna pyaar karti ho toh mujhe bol ke toh dekhti. Par nhi apna pyaar kabhi jataya hi nhi. Aur agar jataya bhi hoga toh mujhe samaj nhi aaya hoga. Par ab main samaj gaya hu Sonal. Bas kal sham tak ka intezaar karo. Uske baad tumhe woh milega jo tumhe chahiye tha. Yeh bol Sonal ko sir ko chum leta hai. I Love You Sonal. Bas kabhi mujhe chorr ke mat jaana. Warna iss baar shayad jee nhi paunga.

Sonal neend mein hi Raj ke aur kareeb aake usse sat jaati hai jaisa Raj ko choregi toh woh kahi chala jayega.

Raj bhi Sonal ko pakad ke so jaata hai. ​

बहुत ही बेहतरीन और शानदार महोदय।।

सोनल के जन्मदिन पर राज रंग जमाना चाहता है लेकिन रंजीत और राजेश उस रंग में भंग डालना चाहते हैं। देखना है कि वो कहाँ तक अपनी कोशिश में कामयाब होते हैं।।

 

[Jaguaar]

बहुत ही बेहतरीन कहानी महोदय,

तो राज़ ने सोनल के लिए एक सरप्राइज का प्लान बनाया है जिसके बारे में वो यश से वार्तालाप कर रहा है। स्वाति भी जानना चाहती है उस के बारे में, लेकिन यश नहीं बताता, पर स्वाति ने राज की आंखों में अपनी बहन के लिए प्यार देख लिया था।। नंदिनी के पूछने पर भी राज सोनल को सरप्राइज देने कक बात करते हैं।।

Thank you