aman rathore
Enigma ke pankhe
- 4,853
- 20,198
- 158
Update 46Police puchhtaj kar rahi thi sath hi Kareem bhi wanha aane wala tha …
Uske ladko ko kisi ne itani berahmi se maara tha ki ye har jagah charcha ka vishay ban chuka tha ..
Daya sankar bhi mouke par pahuch chuka tha ,
“tum dono jitani jaldi ho sake yanha se gayab ho jaao “
Tiwari ne hame dekhte hue kaha
“lekin kyo hamne to kuch nahi kiya hai “
mujhe samjh nahi aa raha tha ki akhir wo hame kyo gayab hone ke liye bol raha hai ,
“tum samjh nahi rahi ho , Kareem shaitan hai .. aur ye uske hi log the , inko itani berahmi se mara gaya hai ki wo boukhla hi gaya hoga, isse pahle ki use pata chale ki kal tum logo ka in logo se jhagda hua hai tum log nikl jaao “
“lekin yaar jab hamne kuchh kiya hi nahi to ..”main fir se kuchh bolne wali ki daya ne mera hath pakadkar mujhe kone me khicha sath sath Bhuwan bhi aa gaya
“tum samjh kyo nahi rahi ho Kareem ko to bas bahana mil jayega “
“kis bat ka “ is bat Bhuwan ne kaha tha
“wo sala bahut hi tharki type ka insan hai , tumhe dekhte hi laar tapkane lagega , aur jab use pata chalega ki kal in logo ka tumse jhagda hua tha to use bahana mil jayega tumhe pareshan kane ka “
Daya ke man me mere liye itani chinta dekh kar mujhe sach me achcha laga …
“ha komal ye sahi bol raha hai , maine bhi Kareem ke bare me bahut suna hai “
Bhuwan bhi chinta me pad gaya tha , daya ne hame college se bahar kahi jane ke liye kaha lekin ham dono college me hi uper ki ek class me chhip gaye the janha se bahar ka najara saf saf dikhta tha , wo aisi jagah thi janha se ham jab chahe tab bahar bhi bhag sakte the ..
Thode der me Kareem aaya bahut gali galoch waigerh hue , hamare bare me bhi kisi ne bata diya , usne police ke samane hi hame maar dalne ki bat bhi kah di aur pistol nikaal kar hawai fire bhi kar diya , mujhe samjh aa gaya tha ki mere padhne ka sapna ab sapna hi rah jayega aise mahol hone ke bad main fir se kabhi college nahi aa paungi …
Ye sochte sochte hi mere ankho me aansu aa rahe the tabhi maine jo dekha use dekhkar meri halt hi kharaab ho gayi ..
‘dham dham dhadm dhaiya re sabse bade ladaiya re omkara ..’
Ye gana sunkar main aur Bhuwan dono hi chouk gaye the , choukane ka karn bhi tha ye gana jiva aur sampat ka fav tha aur wo apni jeep me ise full aawaj me chalakar ghuma karte the , aur ye kya wo log sach me idhar hi aa rahe the …
Unki jeep college me aakr ruki sath me unke chelo ki puri ki puri toli bhi utar gayi sabhi ke hatho me bade bade bandukh the ..
Sabhi log ankhe fade hue unhe hi dekh rahe the sath hi kamre me khade ham log bhi ..
“didi jiva bhaiya aapko bulaye hai “
Hamre kamre ke bahar khade ek ladke ne kaha , wo hamare hi ganw ka tha ..
Maine aur Bhuwan ne ek dusare ko dekha ..
“ho gaya satyanash “Bhuwan ke hotho se nikl gaya tha ..
“Kareem bhai … ye ladke meri bahan ko chhed rahe the isliye in logo ka ye haal kar diya, fir se koi najar utha kar dekhega to uski bhi ankhe nikaal lunga chahe wo kisi ka bhi adami ho “
jiva ke aadami Kareem ke sabhi logo ko gher kar khade the …
“jiva… to tu hi jiva hai .. sale shahar aakr badi galti kar di tune “
Main aur Bhuwan bhi niche jiva aur sampat ke sath khade hue the , sab ko samjh aa chuka tha ki majra kya hai , aise bhi jiva ko shahar me apni dhaak jamani thi aur uske liye sale ne mere college life ki kurbani de di ..
Main janti thi ki un logo ko kitni berahmi se marne ka karn sirf bahan ka pyar nahi hai balki Kareem ko uske ghar me ghuskar challenge dena hai, taki sabke hotho par jiva ka naam aa jaaye ..
“jaise apne ganw se tera dhandha ukhada hai waise hi ynha se bhi tujhe ukhad dunga Kareem “
Jiva ke hotho me muskan aa gayi thi , Kareem aisi halat me the ki wo kuchh nahi kar sakta tha , police wale bhi bas khade hue dekh rahe the shayd jiva ne paisa aur bandukh dono se unhe chup karwa diya tha …
“tune apni bahan ko mere najar me lakar achcha kiya jiva “
Kareem ki ankho me maine ek kamine pan ko dekh liya tha, uski lalchaai ankhe mere pure badan ko ghur rahi thi ..
Tabhi ..
“aaaaaaaaaaa”
Ek chikh se pura mahol hi gunj gaya ..
Kareem ke aisa bolte hi sampat ne Kareem ke ek adami jo uski bat par hans raha tha uske pet me aadhi talwar ghusa di , Kareem gusse me apne pistol par hath ko bandha lekin agale hi pal uske kanpatti me bandukh tika di gayi thi , Kareem ne apne gusse ka ghoot pi liya ..
“ye tujhe bahut bhari padega jiva ..”
Kareem ne apne danto ko kasate hue kaha
“halki chijo ka souk bhi nahi hai Kareem “
Jiva ki bat sunkar uske sabhi ladke hans pade the .. Kareem ke jate hi jiva ke ladko ne hawai fairing shuru kar di ..
Baki ke log bas kisi murti ki tarah khade rah gaye , ab to in logo ko in sabhi chijo ki aadat si hi ho gayi thi , law and order ke naam par kuchh bacha hi nahi tha ,, corruption aur dar ka mahol tha , jo paiso se nahi bikta use pistol ke dam par kaabu me laaya jata tha ..
Ye mahol Kareem ne hi banaya tha ki uske khilaf koi awaj nahi utha sakta tha lekin aaj uska pura upyog jiva kar raha tha , sabhi ko pata tha ki jiva ne apne pure ilake me Kareem ki aisi ki taisi kar rakhi hai , isliye log uska sahyog bhi kar rahe the kyoki do gang ki ladai me bahuto ka fayada hota hai ..
Ek competition ho to logo ko daam bhi sahi milta hai aur pratiyogita to paida ho hi chuki thi ..
Ladke jiva bhaiya ki jai sampat bhaiya ki jai ke naare laga rahe the , tabhi daya bhi doudat hua aa gaya aur jiva ke pair chhu liye ..
“are tum koun ho ..”
“are bhaiya ye wahi hai jisne kal komal didi ki madad ki thi “mere ganw wala ladka bol pada ab mujhe samjh aa gaya tha ki akhir jiva ko in sabke bare me isi chutiye ne bataya tha ..
“oh achcha neta ji “
Jiva ne daya ki pith thapthapai
“are kaha bhaiya , ham to bas abhi chunaaw me khade ho rahe hai , main chahta hu ki mera support aap karo “
Daya sankar ki bat sunakr jiva ne use thoda ghura
“kyo bhai ..”
“kyoki bhaiya hamare opposition ka sath Kareem bhai de rahe hai “
Jiva ne ek bar sampat ko dekha
“abse Kareem , Kareem hai na ki Kareem bhai ..aur tu lad chunaw sala pistol aur ganje se pura college ko bhar denge … jo samne aaye thukwa denge , Kareem ki maa chodani hai har jagah .. ab se bas ek hi bhai hoga jiva bhai …samjha chhote “
Daya sankar aise khus hua jaise sale ko koi vardaan mil gaya ho ..
“bilkul bhai ab to aapke hi naam ka danka bajega “
Tiwari ki najr mujhpar padi , lekin main uski is harkat se bahut gusse me thi , main nahi chahti thi ki jiva ab is college me bhi apna utpaat machaye .. mera bigda hua chahra dekh kar jiva ne mere galo ko pakadkar hilaaya
“ab meri pyari bahan ke pure college me bas jiva bhai ka naam hoga “
Uski ankho me sharart thi aur wo mujhe chidha raha tha.. main muh banakar Bhuwan ka hath pakdkar wanha se nikal gayi aur jiva aur sampat joro se hans pade the ……….
******
“yaar ganw me to jina haram kar hi rakha tha ab ynha bhi sar me baitha kar nachenge , college ko pura barbad kar denge ye log, ab roj bas maar kaat aur ganje baji hogi ynha padai to bhool hi jaao “
Main buri tarh se upset thi , Bhuwan ko to kuchh fark hi nahi padta jo main bolti wo bas usi me sar hila deta tha ..
“aise bhi ye college pahle se hi barbad tha dekhi na kal ki ladkiyo se sale kaise bat kar rahe the , dadagiri to pahle bhi thi aur neta giri bhi … wo sala Tiwari kaisa dal badalu adami hai , kal tak to Kareem bhai Kareem bhai bol raha tha aaj jiva ke side aa gaya “
Bhuwan ne bhi gusse me kaha
“ha yaar lekin ab is college me bas gang waar type ki chije hone lagengi aur sabse jyda ghata to mujhe hai na Kareem ke adamiyo ka hamesha khatra rahega … aur jiva ke log bhi hamesha najar rakhenge … jindagi nark bana ke rakhi hai salo ne “
Meri bat sunkar bhuwan thoda hansa
“main pareshan aur tu hans raha hai “
“are to kya karu .. mere dimag me ek bat aayi isliye hansi aa gayi ..”
“achcha kya ??”
“tu gusse me badi pyari lagti hai”
Bhuwan ki bat sunkar main muskura uthi thi , kabhi kabhi to lagta tha ki ise apna hi lu lekin fir lagta ki ham achche dost hi achche hai …
Maine uske galo me halki si chapat laga di
“tumhe kya lagta hai ki koun jitega , “
Mere man me ek sandeh aa gaya tha …
Meri bat sunkar Bhuwan muskuraya
“jiske sath tum ho wo hi jitega “
Maine use gusse se dekha
“wah .. main kisi ke sath nahi hu “
wo hans pada
“tum to aise bol rahi ho jaise ki jiva ke uper koi musibat aa jaye to tum pichhe hat jaogi.. abhi tak jiva ko tumhari jarurat nahi padi lekin mujhe pata hai ki aage padegi aur tum uski madad bhi karogi …”
Maine ek bar Bhuwan ko ghura , kya sach me aisa tha …
“mujhe nahi lagta ki main jiva ki madad karungi ya aisa kuchh kaam bhi karungi ..”
“mujhe itana to pata hai ki ager uske uper koi afaat aayi to tum uski help jarur karogi “
“ab wo mera bhai jo hai “
Main khidkhi se bahar dekhne lagi thi…
Mahol badal raha tha college ka chunaw aisa hota hai maine socha bhi nahi tha , paise bahaye ja rahe the ,talware aur bandukhe chal rahi thi .. lekin fir bhi padhai chal rahi thi , sab kuchh apne apne jagah par tha , sampurn balance ki stithi .. ke sath ..
Tabhi ek din daya sankar mere paas aaya ..
Bato hi bato me usne mujhse kaha
“tum hamari party ki tarf se chunaw kyo nahi ladati ..??”
“tumhari party ?? tum to jiva ke hatho ki katputali ban gaye ho “
meri bat sunkar usne ek bar mujhe ghura
“tum jiva bhai se nafrat kyo karti ho “
“bat nafrat ki nahi hai , wo mera bhai hai aur main usse nafrat nahi karti lekin bat wasoolo ki bhi to hai , aise kisi ko bhi maar dena , apna varchasw failane ke liye kisi ki fikra na karna .. ye sab kaha tak sahi hai ..”
“yaar sabka apna kaam hota hai , aur jiva bhai ka kaam hi yahi hai to wo kya kare , apna kaam to imandari se pura kar rahe hai na “
Maine daya ko ek bar ghur kar dekha
“achcha aur tumhara kaam kya hai , logo ke jute chatana , kabhi Kareem ke chatate the aur ab jiva ke “
Meri bat sunkar Bhuwan sakte me aa gaya tha , usne mere hatho ko joro se dabaya lekin jise bura manna tha wo bilkul bhi bura nahi maan raha tha , Tiwari ke chahre par koi bhi gusse wala bhaw nahi aaya balki wo bas muskura raha tha …….
“ye power ka game hai komal , mujhe politics me aana hai aur jo bhi mujhse powerful hai aur aage badha sakta hai main uske sath ho jaunga , ager dhokha dena pade to dhokha bhi dunga , yahi rajneeti hai yahi siyasat ke daw pench hai ..”
Uski is bat se mera gussa aur bhi tej ho gaya tha , main use pasand karti thi lekin uski in harkato se mujhe bahut hi chhid hoti thi
“to kya tum unke kutte ban jaoge “
Wo joro se hansa
“tumhe lag raha hai ki main unka kutta ban gaya, yahi soch logo ko aage badhane nahi deti tum ye nahi dekh rahi ho ki power milne ke bad main jiva aur Kareem dono se hi jyda powerful ho sakta hu …….
Neta banne ke liye gunde bas sidahi ki tarh hote hai , ek bar jo power me aa gaya uske samne fir Kareem aur jiva jaise gundo ki koi aoukat nahi hoti , lekin fir bhi neta log inhe paal kar rakhte hai , abhi main tumhe inka kutta lag raha hu na , dekhna ek din ye mere kutte ki tarh honge …”
Daya ki ankho me koi bat to thi jisne mujhe uski bato ki sachchaai aur dridata ka ahsaas dilaya tha ..
Main stabdh bas uske Tejaswi chahre ko dekhe ja rahi thi
“aur komal gunda hona se jyda mehnat neta hone me lagti hai , bahut dimag ka kaam hai .. aur isliye main chahta hu ki isme tum mera sath do , power ki bat hi alag hoti hai “
uski bat sunkar main jaise impress hi ho gayi thi ..
“mujhe bhi power chahiye lekin IAS bankar “
Wo joro se hansa
“ager mantri ban jaogi na to kai IAS tumhare niche kaam karenge “
“ha lekin sirf 5 salo ke liye .. lekin IAS to jivan bhar ke liye hota hai “
Wo fir se hansa
“tumne abhi duniya dekhi nahi hai isliye aisa bol rahi ho , ynha sab bhrast ho jaate hi aur ek bar jisne apni imandari chhodi ya galti se bhi koi galt kaam kiya to fir IAS ki power bas netao ka khilouna bankar hi rah jata hai … IAS ki ek galti ko jivan bhar ke liye uske khilaf use kiya jata hai , unhe itana majboor kar diya jata hai ki wo apne power ka use hi nahi kar pate aur karte hai to bas netao ke ishare par …
Aur ek neta jivan bhar ke liye neta hota hai , ye sabhi jante hai ki aaj bhale hi koi satta me naa ho lekin kal ko ho sakta hai .. isliye kisi par hath lagane se pahle 10 bar sochna padata hai “
Tiwari ki bato se mujhe aisa laga jaise mera koi sapna kanch sa tut gaya ho .. maine IAS Adhikari ke bare me jo bhi suna aur dekha tha ynha sab kuchh tutata hua dikh raha tha , mujhe kisi ne unke kamjor paksh ke bare me nahi bataya tha , sab bas yahi bola karte the ki ek bar IAS ban jaye to life ban jaati hai ya fir itana power mil jata hai ki aap hi bhagwan ho ..
Lekin ha ye bhi ek kala paksh tha jise sabhi ignore kar jaate hai , asal me sabhi chijo ka ek back door bhi hota hai ..
“ha lekin wo itane bhi kamjor nahi hote jitana tum samjh rahe ho “
Maine antim bar preayas kiya
“ha main manta hu , lekin wo itane powerful bhi nahi hote jitana tum sochti ho “
Daya hans pada , aur main mano nervous ho gayi
“dekho komal ye ek bahas hai ki kon jyada powerful hota hai , yad rakho ki koi puri tarh se sahi nahi ho sakta , sabhi ke uper koi na koi condition to hoti hi hai jo kisi khas paristhiti me logo ko power pradaan karti hai aur kisi khas paristhiti me logo ko kamjor kar deti hai.. to sab bate abhi dimag se nikaal do ..
Tumhe jo karna hai wo karna lekin kam se kam abhi to mera sath do .. samjh lo ki mujhe tumhari jaroorat hai “
Maine uske chahre ko dekha , uske pas bat karne ka ek salika tha , usne aise kaha tha ki sach me mere bina uska koi kaam nahi ho payega , mujhe pata tha ki wo jhuth tha lekin fir bhi uska ye jhuth bhi bada hi mitha tha ..
Usne bolna jaari rakha
“komal tum mere party se aur kisi bhi party se akeli ladies candidate hogi , to ladkiyo ka vote hamere taraf khichane me madad milegi “
Main uski bat sunkar chouki
“to kya dusari party ki tarf se koi bhi ladki khadi nahi hui hai “
Daya ne ek gahri sans li
“ynha ki politics itani kharab hai ki koi bhi ladki isme fasana nahi chahti , ya ghar wale hi mana kar dete hai … hamare samne walo ke pas itna dimag bhi nahi hai ki kisi ladki ko khada karne ki bhi soche , unhe to lagta hai ki chaunaw bas paise aur takat ke bal par hi jiti jati hai … ye ek achha badlaw hoga aur aise bhi tum chahe jo bhi bano maksad to ek hi hai na ..
Badlaaw……..”
Uski bat sunkar mano mera dimag hi khul gaya tha , maine bas sar hilakar use sahmati de di ……
amazing update hai dr sahab,
