Adultery BHABHI MAA (Completed)

[Chutiyadr]

nice

Dhanyawad Jerry bhai

 

[Sunil Ek Musafir]

Waiting....

 

[Chutiyadr]

Update 18​

Aaj garden me mujhe sus mil gai


“Ajju bata raha tha ki tum hamari shadi todane ka plan kar rahe ho “


Pahle ki apeksha uske bato me mere liye ek dosti ka bhaaw tha nafrat nahi


“ha “


“kaise “


“pata nahi “


“wah..” usne sar hilaaya


“kya hua ??”


“bate badi badi karne se koi bada nahi ban jata Mr. ?”
“Mr. Ankit “


Maine muskurate hue kaha


“ha Mr. Ankit “


Wo muskurai


“yaar hamara kaam hai koshis karna, result to uper wale ke hatho me hai “


“philosophy mat jhado koi plan ho to batao “


“kyo na main pahle tumhare pita ji ko samjh lu, matlab tum mujhe apne ghar le ja sakti ho “


Usne mujhe ghura


“kaise ..??”
“dost bana kar .. ya fir bf “


Usne mujhe muskurate hue dekha, ajib bat thi ki uske chahre me abhi bhi koi nafrat ka bhaw nahi tha


“apni aoukat me raho samjhe “


Ye bhi usne muskurate hue hi kaha tha, itana Parivartan bhabhi ke ek parathe se…? waah


“aur meri aoukat kya hai “


“tum ek garib adami ho “


“lekin adami to hu na “


“achcha ??“


“yaar tumhe garibo se problem kya hai, kya insan insan nahi hote, aur mujhe to garib insano me jyda insaniyat dikhai deti hai “


Usne bas ek gahri sans li


“tum samjh nahi rahe ho mere pita aur bhai tumhari puri history nikaal lenge, maine unke dar se koi dost nahi banati pata nahi kab wo mere dosto ko hi maar de “


Sus ki ankho me ansu ki kuch bunde aa gai thi, maine aage badkar unhe apne hatho se ponchh diya ..


“main apne dost ke liye marne ke liye bhi taiyar hu “


Meri bat sunkar usne najre uthaakar mujhe ghoora


“yakin nahi hota ??”


Usne mujhe ghoorate hue kha


“kya??”


“yahi ki tum mujhe achche lagne lage ho “


Uski bat sunkar main joro se hans pada wahi wo bhi hasane lagi , ye uski masoomiyat se bhari hansi thi na ki kisi ko jalil karne ke bad aayi hansi , aur is hansi ki bat hi kuch alag thi , uska chahra khil gaya tha kisi bachche ke jaise wo swakchhandta se khulkar hans rahi thi ..


“sab bhabhi ke parathe ka kamal hai “


Maine hasate hue kaha


“ha sahi hai usme jadu tha ki ek fatichar mujhe apna dost lagne laga hai “


Maine bhi use muskurate hue dekha


Lekin fir meri nigah mujhe dur se dekhti hui Neha par padi, mujhe sus ke sath hansata hua dekhkar uska muh gusse se phool gaya tha maine use wave diya lekin wo meri taraf na aakar dusare or chali gai ..


Shayd mujhe samjh aa chuka tha ki kyo ..


“chalo bad me milta hu plan banane ke liye “


Main Neha ke pas jana chahta tha ..


“are ruko na kaha ja rahe ho “


“thoda kaam hai “


Maine sus se alvida liya aur Neha ki or bhaga, wo ek ped ke niche baithi hui thi


“hii Neha tum mujhe dekh kar bhi ignore kyo kar rahi ho “


“tum mere pas kyo chale aaye wo kamini kutti chhinal Sali ke pas hi rahte , Sali rand “


Neha jaisi sabhy sushil ladki ke muh se ye sab sunkar mera dimag hi chakra gaya, main muh fade use dekh raha tha, usne ye sab apna chashma thik karte hue kaha tha, ankho me lage chashme se bhi uski ankho ki lali saf saf dikh rahi thi , aaj maine use pahli bar chashme me dekha tha wo ek moti si book nikale hue use padhne ka bahana kar rahi thi , itana bolkar shayad use bhi apni galti ka ahsaas ho gaya tha isliye wo chup chap apne book ki or dekhane lagi thi ..


Main bhi chup chap wahi baithkar use dekh raha tha


“aise kya ghur rahe ho jaao na usi ke paas “


“itana gussa .. akhir kyo ?? hamari sidhi sadhi padhne wali Neha ke muh me itani gali ? bat kya hai “


“koi bat nahi hai tum jaao na yaar mujhe padhna hai “


Ye shahar ke log thode ajib hote hai sale apne dil ki bat bolne me bhi itana time laga dete hai, aur dil ne bas nafrat bhar kar rakhte hai ..


Maine uski book uske hath se chhinkar baju me rakh diya


“are ye kya “ wo apne book ko pakdne ki koshis karne lagi lekin maine uske hath nahi lagne diya


“do ise idhar “


“bahut ho gaya itana bhi kya jal rahi ho tum usse, sirf usse bat hi to kiya hai maine “


Meri bat sunkar wo jaise jam hi gayi, thodi der tak bas mujhe hi dekhti rahi


“sale tere usse bat karne par main kyo jalungi, khud ko samjhta kya hai tu “


Usne joro se kaha lekin main uske gusse se damakte hue chahre ko dekh raha tha wo aur bhi pyari lag rahi thi ..


“to fir mujhe dekhkar bhag kyo gai aur ab bat bhi nahi kar rahi hai, aisa to mere ganw ki aourate tab jalti hai jab unka pati kisi dusari aourat se bat kar raha ho “


Uska chahra lal ho chuka tha ab wo gussa tha ya fir sharm tha samjh nahi aa raha tha, lekin mujhe laga jaise ki ye dono ka mishran tha..


“tum pagal ho gaye ho kuch bhi soch rahe ho chalo mujhe meri book do “


“pahle tum batao ki tumhe sus se koi problem hai ya mujhse “


“tum bhad me jaao “


Itna bolkar wo uth gai aur class ki taraf jane lagi, mujhe ek chij to samjh me aa chuki thi ki bat utani bhi simple nahi hai jitana ki main soch raha tha jarur koi badi bat thi ……


Main use jate hue dekhta raha thodi der me main bhi class pahucha to sabhi wahi last bench me baithe hue the..


“kaha the tum dono “


Mere aate hi Akki bol utha tha


“ek chij bata ki ise sus se kya problem hai ??”


Maine dheere se Akki se kaha wo ek chhor me baitha hua tha wahi Neha dusari chhor me, wahi hamesha ki tarh Ajju aur Monika bich me baithe hue the


Meri bat sunkar Akki thoda Gambhir ho gaya tha, ek bar usne mujhe dekha to ek bar Neha ki or , Neha ka chahra abhi bhi utra hua lag raha tha …


“bad me batata hu class ke bad milna ”


Usne ahista se kaha


Uski bat sunkar hi mujhe samjh aa gaya tha ki koi to badi problem hai sus aur Neha ke bich me


Pure samay main bas Neha ke chare ko dekh raha tha uska masoom sa chahra aaj utra hua lag raha tha, dekhkar hi lag raha tha ki aaj use padhai me koi bhi man nahi lag raha hai, udashi uske chahre par chhai hui thi …….


Class ke bad sabhi canteen chale gaye wahi main aur Akki thodi der me aane ka bolkar chale gaye the …


“kya bat hai Akki koi badi bat hai kya “


Akki ke chahre par ek Gambhir se bhaw aaye


“Neha ke pita police ke Adhikari hua karte the, Neha unki eklouti beti hai, wo ek imandar Adhikari the, us samay Tiwari kisi jiva naam ke gunde ke sath milkar kaam karta tha wo log bahut sare galt kaam kiya karte the aur Neha ke pita ne unhe pakd liya tha .. suna hai ki jiva aur Tiwari ne milkar hi Neha ke pita ko mara tha, ab tum hi socho ki ek ladki ke dil me apne pita ke hattyare ki beti ke liye kitani nafrat hogi …”


Akki ki bat sunkar mere dil me ek dard uth gaya, bechari Neha , uske chahre se kabhi mujhe us gam ka ahsaas hi nahi hua jo wo apne dil me liye ghumati hai, aur sath hi ek aur dard mere dil me fail gaya karn tha ki ab main khud hi jiva gang ka ek member tha ..


Ager Neha ko ye pata chal gaya to …


Na jane wo kaisa react karegi…


“koi nahi use dukh to hoga lekin wo maan jaayegi, jab use pata chalega ki tu Ajju ke kam se usse bat kar raha tha …wo samjhdar hai aur waqt ne use aur bhi jyda samjhdar bana diya hai “


Akki ne mere kandhe me apna hath rakhte hue kha, maine bhi sahmati me apna sar hila diya …..


*********


“sorry”


“kyo”


“subah ke liye”


Neha mere chahre ko dekhne lagi,


“isme sorry bolne wali kya bat hai”


“bas aise hi “


“tum pagal ho “


Uski bat sunkar mere hotho me muskan aa gyi


“ha wo to hu, to tumne mujhe maaf kar diya ?”
“maafi shayd mujhe mangani chahiye, mujhe aisa behave nahi karna chahiye tha “


“mujhe Akki ne bataya ki tum sus se kyo chidhati ho “


Neha ke chahare me aayi thodi si muskan jaise hawa me hi gayab ho gayi thi, maine uske hatho me apna hath rakh diya


“Neha tum sach me bahut hi bahaddur ladki ho, bhagwan kare tumhe Insaaf mile, main tumhe koi jhutha dilasha to nahi dunga lekin ha ye jarur kah sakta hu ki ager bhagwan ne sab thik kiya to Tiwari ko uske kiye ki saja jarur milegi “


Wo mujhe badi badi ankho se dekhne lgi


“Ankit mujhe koi badla nahi lena hai na hi main is bat ke liye sus ko dosh deti hu, lekin kya karu jab wo samne aati hai to main ye bhool bhi to nahi sakti ki uske pita mere pita ke katil hai, puri duniya ke samne mere pita ki mout ko swabhawik mout bata diya gaya, sabhi ko pata tha yanha tak ki papa ke dosto ko bhi pata tha ki ye sab kisne kiya hai lekin sabne bas ise ek accident ki tarh hi pesh kiya, us samay main pet me hi thi socho ki meri maa par kya biti hogi, Sarkar ne unhe pension to de diya lekin kya unke pati ki jagh ab koi pura kar payega .. nahi Ankit ..


Meri maa sirf mere liye ji rahi hai ager main unke pet me naa hoti to shayd wo khud jinda nahi rahti… mujhe meri maa ko achchi jindagi deni hai Ankit, main badale ki nahi soch sakti, ager mujhe kuch hua to meri maa ka kya hoga wo bechari to jite ji hi mar jaayegi … isliye kabhi maine sus se bhi ladai nahi ki ..”


Uska masoom sa chahra ansuo se bheeg chuka tha, maine use kas kar jakad liya tha, aaj mujhe pata chala ki ye bhi ek jindagi hai jisme log apne gamo ko bhulakar bas dusaro ke liye jite hai , apne pita ki mout ka gam to Neha ko tha lekin wo badla nahi lena chahti thi use apni maa ke liye jina tha use khushi deni thi , kuch banna tha taki uski maa ko usper garv ho sake ..


Mere dil me aaj Neha ke liye ek prem aur ek samman ne janm liya tha, main na jane kyo uske har raah me uska sath dena chahta tha uske sath chalna chahta tha ..


Lekin ……..


Lekin meri manjil kaha thi iska to pata mujhe bhi nahi tha …

 

[Yellow Flash]

Nice

 

[aka3829]

Wah kya gajab ka emotional update diya he bhai. Sus ke sath baat cheet se jaha uske ander ki achayi ka pata chala to aaj neha ka raz bhi khul gya. Tiwari ke paap to bhadte he jaa rahe he. LEKIN ye jo aapne lekin dala he na is update ke ant me usane mijhe hila kr rakh diya.
Waiting 4 next update

 

[N sexy]

Superb updates dost

 

[Naina]

totally rebu each & every update ki rebu evening ko... Plz

 

[softdevil]

fantastic update bro.......

 

[Sam 120]

Very Emotional update Sir

 

[Sunil Ek Musafir]

Jee baaaaaaat....

Ab "Dr's Special" touch najar aane laga hai Story mein....