Update 51
Hamare samne ek lal rang ke kapde me lipti hui ek kitab thi , kahne ko to ye mahaj ek ktiab thi lekin mere liye ye mere jivan ka ek adhayay hone wala tha..
Bhuwan ne use khola , ek bahut purana document tha jo ki puri tarh se maila ho chuka tha , kagaj pile pad chuke the , lekin likhawat ab bhi spast thi , bas dikkat ye tha ki ye Sanskrit me tha, aisa nahi tha ki hame Sanskrit nahi aata , ham Sanskrit jante the lekin utana nahi ki pura anuwad kar sake ..
“ise kisi Sanskrit ke jankar ke pas le jana chahiye “Bhuwan ne sujhaw diya ..
“hummm lekin koun ..”
Bhuwan ne bas thode der apna dimag lagaya
“college ke Sanskrit ke professor ke pas chalte hai , wo apne time ke university topper bhi the “
Hamne jyda der nahi ki aur sastri sir ke pas pahuch gaye ..
Ab ham bhale hi pure college me badnaam the lekin fir bhi college ke kai teachers jante the ki ham log ek sidhe sadhe se student hi the jinhe wakt ne aisa bana diya tha ..
Unme ek sastri sir bhi the ..
“ye kya hai … koi bahut hi purani pustak maloom hoti hai “
Unhone pahle to bade hi dhyan se use dekha aur fir padhne lage ..
“ye to koi kahani maloom hoti hai , hai kya ye “
Ab ham unhe kya batate ..
“pata nahi sir bas mere pita ko pandit ji ne diya tha aur kaha tha ki jab main mar jau to kisi gyani wakti ke paas jakar is kahani ko sun lena .. ab isme kya hai hame nahi pata lekin mere pita ji ki aagya thi to… kya aap ise padh sakte hai “
Professor sahab ko gyani bolne ki der thi ,unka chahra hi chamak gaya ..
“ha bilkul , baitho main ise padh kar sunata hu “
Aur wo use padhne lage ….
Saar kuchh aisa tha …….
“ye pustak use padhna ya sunna chahiye jo iska uttradhikari ho , sakti ki santaan ho .
Sakti kon hai ..??
Ek shraap diya gaya tha , ek mahila ko , ek sadhu ke dwara ..
Mahila ki bhi koi galti nahi ki wo to bas sadhu ke prem me fans gayi thi aur sadhu ki sadhna me vighan dalane ki galati kar di ..
Shrap diya gaya ki tere aur tere santaano ke ander kaali sakti aa jaaye ….
Tu manav na rahe balki rakshas ho jaaye , khud ko bhi samhal na paaye, jis prem ko paane ke liye tune ye sab kiya .. ja tu apne sachche prem ko bhi nahi pahchan payegi ………
Mahila komal hriday thi wo royi bahut maafi mangi , sadhu ka dil narm hua use apni galti ka ahsaas hua , lekin jo sankalp le liya gaya tha wo wapas nahi ho sakta tha , isliye unhone ye kaha ki shraap waisa hi rahega ..
Lekin .. ye sakti har pidhi ke sath sath kam hote jaayegi ,kewal mahila santaan me hi payi jaayegi , aur tab tak pragat nahi hongi jab tak sachcha prem na mil jaaye .. sachche prem ko tum to nahi dhundh paogi lekin wo prem tumhe dhundhega , aur tumse milan ko bechain rahega.. tum use inkaar karti rahogi … idhar udhar bhatkogi lekin akhir me pahchan hi logi …..
Ye Sakti ek shraap hai jo pidhi dar pidhi jaati jaayegi , sakti parampara me janmi har mahila ke ander wahi takat hogi jo uski maa ke pas thi , lekin jab tak koi sachcha pyar na mil jaaye ye takat viksit nahi hoga ..
Sakti hamesha apane sachche prem ko lekar uljhan me rah sakti hai , lekin apne dil ki sunne par use sachche prem ki pahchan hogi , aur uska premi hi uski takat ko kabu me karne ki yogyata rakhega ..
Dono premiyo ke milan se utpann mahila santaan ke paas hi ye adamy sakti pahuchegi aur iska jagaran aur samapan dono hi uske premi ke dwara hoga ..is tarh dheere dheere hi sahi lekin ye shrap khatm hote jayega … “
Itana bolte bolte sastri ji ruk gaye …
Aur najar uthakar mujhe dekhne lage ..
“isme antim me likha hai ki , ye pustak jankari ke liye pidhi dar pidhi badate jaayegi …….. matlab tum hi …”
Maine ek gahri sans li
“are nahi , ye pustak to Bhuwan ke pita ji ne ise di thi … bas isme likha kya hai ye jannae ki bahut hi utsukta thi ..”
“ok okk “
****************
ham dono hi ek kamre me baithe hue the ..
“to ab to maan lo ki main tumhara sachcha pyar hu ..”
Bhuwan ne sharart se kaha..
Main bhi muskura uthi ..
“lekin Bhuwan mere maa baap ko kisne mara hoga “
Bhuwan ne ek gahri sans li ,
“jiske pas aisi takat ho uske to kai dushman ho sakte hai komal … aur ye mat bhulo ki ye takat koi wardaan nahi hai , balki ek shraap hai … tumhe isse mukt hona hoga .. “
Maine bhi ek gahri sans li
“ha lein shraap ya vardaan ye kon tay karega , wo to isse hi tay hoga na ki iska istmaal kaise kiya jata hai “
“nahi komal … aaj tak iska upyoge sirf logo ke katal karne ke liye hi kiya gaya hai , tumne naa jane kitane logo ko aise hi kaat diya .. bina kisi karan hai … ha kya karan tha unhe marne ka .. power .. wo bhi dusaro ke liye .. nahi komal tumhe bas use kiya jaa raha hai aur main ye nahi hone dunga “
Bhuwan ne ek gahri sans chhodi ………
Wahi main bhi isi soch me dubi hui thi …………..
amazing update hai dr sahab,
behad hi shandaar aur lajawab update hai bhai,
to shakti ek shrap hai,
ab dekhte hain ki aage kya hota hai,
Waiting for next update
