- 1,745
- 4,251
- 144
Fantasy BLACK PLAIN
- Thread starter F@ckYouBitch
- Start date
- 103,751
- 1,745
- 4,251
- 144
Ravisharma0143
Member
- 368
- 422
- 63
- 1,745
- 4,251
- 144
- 1,745
- 4,251
- 144
𝕯𝖊𝖛𝖎𝖑 𝖐𝖎𝖓𝖌👑
Member
- 120
- 153
- 43
- 1,745
- 4,251
- 144
- 1,745
- 4,251
- 144
Chapter 23: End of the Auction
Jab auctioneer ne baat karna shuru kiya, toh Oceanic Market mein sabhi sunte rahe. Us samay, kisi bhi aadmi ke paas kuch bolne ki himmat nahi thi auctioneer ke samne.
Kamra number 5 mein, Young Deepak ke chehre par muskurahat thi. Usne khud se socha, 'Hehehe, yeh talwar meri hogi. Is jagah mein koi bhi meri Silva family se takkar nahi le sakta!'
Auctioneer phir apne prastav ke saath age badha, "Jaise ki adhiktar log jaante hain, grade-2, low-grade, hathiyaar istemal karne ke liye ek neeche se niyamit star ki avashyakta hoti hai. Is talwar ke liye, neeche se niyamit star aapki 40 honi chahiye. Usse kam hone par, yeh aapke liye kisi kaam ka nahi hoga."
"Aur agar aapke paas niyamit star hai bhi, normal sthitiyon mein, kisi ke liye bhi aise hathiyaaron ko haath lagana mushkil hai hamare rajya mein."
Yeh uttar disha ke Madhya Mahadweep(Central Continent) ka sach tha, jahan adhiktar shaktishali vyakti 59 star(level) tak ka hota hai. Yeh ek limit thi, kyunki ek blacksmith ke liye grade-2 hathyar banane ke liye, uska level 40 se lekar 59 tak hona chahiye tha.
Jaise hi hathiyaar ke star ki baat aayi, blacksmith ka level 40 se lekar 48 tak hona chahiye tha ek low level ka hathyar banane ke liye. Medium-level ke liye, uska level 49 se lekar 55 tak hona chahiye. Aur jo bache hue uchch star ke hathiyaar the, jinke liye kam se kam spiritual energy ek spiritual king ke samaan chahiye hoti thi, unka level 56 se lekar 59 tak hona chahiye.
Alag alag hathyar ke classification ka antar, sambandhit tha ki ek blacksmith kitni spiritual energy ka samna kar sakte the. Isliye, jo bhi hathiyaar ka star uncha hota, usmein spiritual energy ki avashyakta bhi adhik hoti thi.
Yehi wajah thi ki grade-2 hathiyaaron ko bechna asaan nahi hota, jaise ki Oceanic Market dwara ki gayi is auction mein. Grade-2, low-level, blacksmith ki sankhya kam nahi thi, lekin woh apne hathiyaar ko unse hazaron guna adhik daam par bech dete the!
Aur jitne bhi grade-2, medium-level, blacksmith the, unki sankhya bhi kam thi. Aur unki sankhya puri uttar disha ke Madhya Mahadweep(central continent) mein 15 se adhik nahi hogi!
Is sab ke kaaran, ek grade-2 hathyar rakhna kuch aisa tha ki General Spiritual stage ka vyakti to keval iss hathyar ko rakhne ka soch hi sakta tha. Aur, Spiritual Kings ko bhi nahi mil pata tha kunkyi ek grade-2, low-grade, ka hathyar bazaar mein muskil se milta tha agar mil bhi jaye toh behtar bahut kam milte the.
Jab ki bade parivaaron ke paas aam taur par ek ya do uchch star ke hathiyaar hote the, jabki adhikansh ke paas neeche satr ke hi hathyar the.
Arjun ko apne pitaji se koi grade-2 hathiyaar virasat mein nahi mila, isliye kyunki Avesh singh raja ke parivar ke sirf ek subordinate hi toh the. Aur jab Avesh ka nidhan hua, Brown Kingdom ne unke adhyatmik hathiyaar(Spiritual Weapon) jaapat kar liye.
"Accha, hum bahut zyada waqt nahi lagayege. Is hathiyaar ke pehle ke maalik ne ise apne hi karanon ke liye chhodne ka faisla liya. Aur haan je ek dum acchi halat mein hai."
"Iska nyuntam daam ke liye, pehle ke maalik ne maang hai ki vyapar madhyam star ke crystals ke saath kiya jaaye. Isliye, shuruaati daam 200 crystals hoga, aur nyuntam vriddhi 20 crystals hogi." Auctioneer ne kaha
Jald hi, kisi ne shuruaati daam uthaya. "220."
"240."
"300." Silva parivaar ke yuvraj ne tez awaaz mein kaha.
"320." Arjun ne phir apna pehla daam utheya.
"340." Deepak ne kaha. Deepak ko yakeen nahi ho raha tha ki uske ilava kisi aur ke pass v itne medium level ke crystals hai.
Halaanki, uske paas sirf 400 crystals hi the! Tab Arjun ne shaant roop se kaha. "360."
Deepak Silva phir ise bardaasht nahi kar saka toh usne kaha. "380! Dost, main Silva parivaar ka yuvraj hoon, toh abhi soch samajh kar hi daam uthana."
Iske turant baad, bahut saare log hall mein behas karne lage.
"Wow, main kabhi nahi socha tha ki aaj koi itne vade parivar se koi yahaan hoga." Koi hairat se bola.
"Hmph, kya ghatiya baat hai, woh apne parivaar ka naam istemal karke talwaar paana chahta hai." Kisi ne udaasi se kaha.
"Voh bas wohi kar raha hai jo usse karna pad raha hai ek aise hathiyaar ko paane ke liye. Agar main uski jagah hota, toh main bhi yehi karta." Ek jawan aadmi ne group ke beech mein kaha.
Jab sab log Silva parivaar ke yuvraj ke maujoodgi par charcha kar rahe the, toh Arjun phir v shaant tha jaise pehle tha, toh usne socha. 'Oh! Silva parivaar ka yuvraj… Mujhe kuch farq nahi padta.'
Jab bahut se log yeh sochne lage the ki auction is tarah khatam ho jayega, tab Arjun ne phir se cold lekin calm aawaz mein bola.
"400!"
Uske baad sare hall mein shanata ho gaya.
"Kya vah sach mein Silva parivaar se takkar lena chahta hai?" Kisi ne aavishwas mein poocha.
"Shayad voh v Silva parivaar ke jaise kisi bade parivar ka sadasya ho..."
Jab Deepak ne Arjun ki bid suni, toh uska khoon khol gaya. 'Yeh bhenchod kaun hai?' Usne khud se mn mein socha.
"Lagta hai ki tumhe mere parivar ke naam se koi farak nahi padta. Kya aap mujhe kam se kam yeh bata sakte hain ki aapke peeche kaunsi taakat hai?" Yuvraj Silva ne poocha.
'Hmph, agar tum kuch nahi ho, toh main tumhe maar dunga aur talwaar zabardasti le lunga.' Usne apne chehre par shaitani muskurahat ke saath socha.
Jab sab log room number 3 ke bade vyakti ke sambhav uttar ki partiksha kar rahe toh udhar Arjun ne iss Silva parivaar ke sadasya ko poori tarah se ignore kar diya.
'Tumhe bata doon main kahan se aaya hoon? Kya tum mujhe bewakoof samajh rahe ho?' Arjun ne mn main socha.
Kafi der tak jab koi kuch nahi bola toh, auctioneer ne Deepak Silva ki chupi ko v ignore karte huye bola shuru kiya. "Kya koi aur room no 3 ki bid se aage bid karna chahta hai?"
Is samay, Deepak Silva gussa se bhara huya tha usse dekh kar protector Mohan ne gussse se bhare lehze ke saath kaha. "Pata karo ki vah vyakti kaun hai jaldi se!"
"Accha, kyunki aur koi bid nahi kar raha hai, 'toh talwar' 400 madhyam star ke crystals mein room 3 ke vip ko becha jayega." Auctioneer ne pehle ki tarah hi shant lehze ke saath kaha.
Iske baad, ek jawan receptionist auction mein se ek talwaar ko jo ek lohe ke dibbe mein rakhi gayi thi, Arjun ke office mein le gayi.
"Thik hai, is baar kar auction samat hota hai. Ocean Market ummeed karti hai ki mehmaan jald se jald laut aayenge. kyunki Ek mahine mein, hum phirse auction karenge.
Room number 3 ke andar.
"Master, Silva parivaar ke us sadasya ko ignore karna humare liye bahut mushkil sabit ho sakta hai." chinta se bhare chehre ke saath Commander Partap ne Arjun ko chetawani di.
"Is par ab abhi hame fikar karne ki jarurat nahi hai Agar vah pata laga v leta hai ki main kaun hoon, toh vah shayad yeh sochega ki maine apne pitaji se virasat mein jo kuch bhi mila tha, us talwaar par kharch kar diya hai"
"Aur mujhe lagta hai ki woh iss shote se kaam mein apne paarivar ko shamil nahi kare ga. Vah shayad apne aap iss karya ko karna chahega aur mujhe maar kar talwaar le lena chahega.
"Lekin Oceanic Market ki suraksha mein rehte woh hum par hamla nahi kar sakta hai aur vaise v hum subah Stone Island ja rahe hain, yeh sab dekhte hue, agar vah pata laga v leta hai, toh yeh tab hoga jab hum yahaan se door honge," Arjun ne apne chehre par ek muskurahat ke saath kaha.
"Aur agar vah humein Stone Island tak follow karta hai, toh bhi main is baat par poora vishwas rakhta hoon ki hum vijayi niklenge."
Iske baad, Arjun ke saath jo sainik the, unhone rahat ki saans li. Ve apne master ki tarah nahi the. Unhe ladaiyon aur rochak cheezon mein ruchi nahi thi.
Iske baad, grade-2 ki talwaar ant mein ek vishesh raste dowara Arjun ko prapt ki gayi jo har VIP kamre ke darwaze par tha. Yeh ek prakriya tha jo Ocean Market ke neeche star ke karmachariyon ko vishesh grahakon se sampark se bachane ke liye baneya gya tha.
Iska karan yeh tha ki ye log aksar andar ki jaankariyan aage badha dete the. Iss tarah ki vyavasthaon ke saath, Ocean Market kam se kam, kisi mahattvapurn 'vastu' ke bechne ke baad hone wale apradhik karyon ko kuch had tak rok sakti thi.
Talwaar ko ek pal ke liye dekhne ke baad, Arjun ne use apni spatial ring mein rakha aur apne group ko vishaal imarat se bahar nikala jahan auction kiya gaya tha.
Specially exit se baahar nikalne ke baad, Arjun aur uske samuh ne kuch samay tak chalte rahe jab tak ve waha par ruke hue hotel tak nahi pahunch gaye. Ve kuch aur ghanton ke liye jahan rukenge aur phir apni yatra ke samudri hisse ko shuru karenge jo unhe Stone Island ki or le jaye ga!
...
Jab Arjun ka group apne hotel mein aaram farma raha tha, toh sheher ke doosri or ek nishchit hotel mein teen log the. Vahaan do suraksha karmi aur Silva parivaar ka yuvraj tha.
‘ uski maa ki chut .' Deepak auction mein jo hua us sse gusse mein tha. Usne apne bhavishya ke yojnaon ke liye ek mahatvapurn hathiyaar paane ka ek sonehra mauka gava diya tha.
"Yuvraj, aap zyada chinta mat karo. Mohan jald hi us vyakti ke baare mein jaan lega." Ek takatwar aur lamba aadmi ne kaha, jo silver armor mein tha.
Thank you
Milte hai agle update mein
Last edited: