“Aur ye raha anuj ka dna report aur blood sample aur….”
“Bas bas ,mujhe meta beta mil Gaya mujhe koi evidence nahi chahiye “aarti bol uthi
“Chai to peekar jaiye,agar aap ka ngo nahi hota to pata nahi anuj hame wapas milta ya nahi”dadaji bole
“Are isme Ehsaan kaisa?ye to ngo ka kaam hai,waise mai ek baar anuj se akele Me baat karna chahunga”ngo se aaya hua shaks bola
“Kya baat karnı hai??”anuj ne poocha
“Yaad hai alpha 2 saal pehle Russia me…”ngo wale shaks ne bolna shuru kia
“Pramod Naik 11 Maratha light infantry,peace keeping force united nations “anuj bola
“Awesome yaar,Mr khan ne jaisa bola waise paya tumhe”Naik bola haste hue
“Agar ye ngo wala dhong ho Gaya ho to aap ka sakte hai”anuj bola
“Zaroorat tha anuj.yakeen Dilana Zaroori tha ki tum ghar ke bete ho.warna koi bhi shaque poore mission ko khatam kar dega.chalo ill leave now.last mission ke liye all the best”bol Pramod chala gaya
Ek lambi saans li anuj ne,Pramod Naik Gaya nahi hai.aas paas observation ke liye aaya hua hai.khair wo to apna ek mission par hai lekin anuj ke khud ka mission ka kya??wo bhi last mission??uske baad??kahan jayega?kya karega?kiske orders follow Karega?
Bhavna jab thi tab dil me kuch ummidein thi lekin ab??
“Bhai thoda market chalega??”sangeeta ki awaz thi ye
“Kya?”anuj ne poocha
“Market,mixer grinder kharab hua tha servicing karke Lana hai”sangeeta boli to anuj chal pada sangeeta ke saath
“Ye baal itne chote kyun katwaye?”sangeeta ne haste hue poocha
“Bas aise hi”anuj ne muskurate hue jawab diya
Uske baad dono chupchaap ho gaye aur market ki aur badh chale.
Charo aur malls aur shops ke beech jaate hue achanak sangeeta kaamp gayi
“Riva bhi nahi aayi yaar”ek ladki bol uthi.saath me do ladke the saamne ek bade se coffee shop me baithe the
“A jayegi “jawab diya ladke ne
Sangeeta thoda tez chalne lagi ki tabhi ek awaz aayi
“Oh sangeeta behenji “anuj ne dekha awaz us ladki ne Jo coffee shop me baithi thi
“Koun hai wo?”ek saath baithe ladke ne poocha
“Wahi jiske Riva Har din band bajati hai”haste hue ladki boli
“Oh lekin uske saath aaya hua ladka hame aise kyun dekh raha hai jaise kha jaega?”saath baithe aur ek ladke ne poocha
“Koun hai ye sangeeta?tera boyfriend?”ladki ne fir poocha
Sangeeta thar thar kaampne lagi
“Chal acha hai,tere jaise behenji ko bhi ek boyfriend mil hi Gaya”ladki boli aur sab hasne lage
“N nahi m mera bhai hai”sangeeta boli
“Bhai?tera bhai to tapak Gaya tha na?”ladki ne poocha
“Koun hai ye ?aapki saheli?”anuj ne poocha
“H Haan mere college me..”sangeeta bolte hue chup ho gayi kyunki wo ladki aur uske saath do ladke wahi a rahe the
“Saheli?kya mai sachmuch teri saheli hoon sangeeta?”ladki ne muskurate hue poocha
“N nahi wo..”sangeeta ke Kandhe par haath rakha anuj ne dabdabayi aankhon se anuj ko ek baar dekha sangeeta ne
“Lekin ye sala chutiya ghoor kyun raha hai?”group ke ek ladke ne poocha
“Tu khud pooch le,lekin dhyan se zyada nahi”ladki haste hue boli
Haath me koi hathiyar nahi,koi attacking pose nahi.foot movement nahi hai
Haath dheela hai.koi ladna chahega is halat me??anuj ko samajh nahi a raha tha ki koi itna defenceless hokar kyun ladna chahega
Tabhi use yaad aaya khan ki baatein
“Bhai mere kisi ko Tod fod mar Dena.tera record kharab hai “haath Jod kar bola tha unhone
Tabhi collar pakad kar ek punch dene hi wala tha wo ladka ki
“Sorry,I’m sorry mera bhai bas do din pehle aya hua hai.use is shahar ke tour tarike nahi maloom.please diya “sangeeta lagbhag bheek maangte hue boli
“To mai kya karoon saali,sikhana tha ki kaise hum elites ki khidmat karnı hai samajh me aaya??”diya boli
“Please mere bhai ko in sab se door Rakho plz diya”aankh band diya sangeeta ne to aansu ke do boond Gir pade
TADDDD
“ahhh mera thigh”pehla ladka collar chodd thigh pakad kar karahne laga
Khan sir bohut gussa honge ye sab jaankar.lambi saans li anuj ne
“Ye mixer grinder pakad kar rakho didi”halki si muskurahat ke saath anuj bola
“Teri to mai…..”pehla ladka aage aaya to Kohni se maara anuj ne use
TADDDDDDD
fir ek akhiri punch
DHADDDDD
sar par laga aur wo ladka sar pakad kar baith gaya
“Mujhse nipat Saale”doosra ladka aage aaya ki
DHADDDDDDDDDDDDDDDD
ek punch aur doosra ladka wahi baith gaya
Aur let gaya
Diya ko yakeen nahi ho raha tha wo bas sangeeta ko dekh rahi thi aur anuj ko.anuj ko touch tak nahi kar sake dono ladke
Anuj aage aaya aur diya ne aankhen band kar di
Oh god mujhe nahi mujhe nahi.darr kar kaampne lagi
“B bhai rehne de”sangeeta boli aur daud kar mixer haath me Thama diya anuj ke
“Maa ne aaj gajar ka halwa banaya hai jaldi chal”bol sangeeta anuj ko lekar jaldi jaldi chal padi
“Kahan se seekha ye sab faaltugiri??”sangeeta ne poocha ghar pohunch kar
“Lekin wo to aapko….”anuj ne bolna chaha
“Anuj tujhe pata nahi ye log Koun hai,inki pohunch kahan tak hai”sangeeta ne samjhana chaha
“Matlab?”anuj ne poocha.sangeeta kuch bolne ja rahi thi ki aarti a gayi haamfte hue
“Mai madad Karun??”anuj muskurate hue aaya aur gajar kaatne laga.
“Tu rehne de”bol aarti ne chaku le Lia anuj ke haatho se aur dadaji aur sangeeta hasne lage
“Nautanki”sakshi boli aur book par dhyan dene lagi
“satyanash ho ,anuj Maine kaha na haath mat laga use.sangeeta sakshi roko is bewkoof ladke ko”aarti sar pakad kar boli
Sangeeta aur dadaji hasne lage.sakshi ka chahte hue bhi hasne se rok nahi pa rahi thi
Anuj ki muskurahat badhne lagi thi
Shanti,ise kehte hai shanti anuj sochne laga
———————————————
“Kya hua yahan?”ek ladki diya aur do ghayal ladkon ki aur aate hue boli
“Wo saali Chinal sangeeta aur uska bhai”diya gurrate hue boli
“Poori baat bol”ladki boli
Aur Diya ne sab bol Diya.sunkar apne baalon ko peeche kiya us ladki ne
“Lagta hai chinti ke par nikal aaye hai,aur uska bhai kab tapak pada?”ladki ne poocha
“Riva wo to pata nahi lekin suna hai kal ek Naye school me admission lene wala hai”diya boli
“Hmm “bol Riva ne apna phone nikala aur kisi ko call karne lagi
“Haan bhaiyya ek kaam karna hai”bol kuch batati gayi Riva to diya ke jaan me jaan aayi
Riva ka bhai.jo ek boxer hai wahi is harami ko sabak seekh sakta hai
“Kal us chinal ke bhai ko pitai uske saamne hogi diya “Riva boli aur hasne lagi saath me diya bhi hasne lagi
