“Bas yaar aur nahi hota” bol badminton racket Patak diya sakshi ne aur baith gayi chair me
“Seriously??bas do round?”disha boli aur chair me baith gayi wo bhi
“Baat kya hai sakshi Har waqt bujhi bujhi si rehti hai aajkal?”sangeeta boli is waqt
Anuj chup tha,jo karna hai use aaj hi karna hai.kal se vj apna game start kar dega
“Waise wo aapka naya professor kaisa hai di??aaj kuch bol nahi Rahi uske baare me?”disha ne poocha
“Mai uske baare me batati thi?kya bakwas kar Rahi hai?”sakshi kheej uthi
“Arey aap hi to bas arnab arnab kiye jaati thi”disha hairan thi
“Ghar me bhi tu arnab ke charche kiya karti thi sakshi “haste hue sangeeta boli
“Mai karti thi??mai??”Gusse me sakshi boli
“Itna gussa kyun kar Rahi ho didi?”anuj bola is baar
Sakshi lagbhag ro padi,sangeeta uske paas gayi
“Kya hua sakshi?”kandhe par haath rakha sangeeta ne to sakshi ro padi
Pata nahi kyun,kisliye ro Rahi hai wo.ek aisa aadmi jise botany nahi aati jo short tempered hai jise dhang se baat karna nahi aata wo pata nahi kab…..
Ab sakshi ka Rona shuru hua
“Sakshi ???kyun ro Rahi hai???kya hua ???”sangeeta ne poocha
“Mai akeli rehna chahti hoon”bol daud kar washroom ki aur gayi
“Arnab tum kyun gaye “bol washroom me hi rone lagi sakshi aur kaafi der rone ke baad jab bahar Nikli to saamne anuj khada tha
“Arnab ka pata mai de sakta hoon “anuj bola aur sakshi chaunk gayi
“Lekin kuch bolne se pehle meri kuch shart hai”anuj bola
“Kya?mera matlab Mujhe kya wo kahan bhi rahe “attitude ke saath boli sakshi
“Theek hai mai chalta hoon”anuj bola aur jaane laga
“W WAIT WAITTT ANUJ”lagbhag cheekh uthi sakshi
“Meri shart “anuj bola
“Manzoor hai jo bhi hai”sakshi boli
“Pehla shart Arnab kya karta hai aur uska Pesha kya hai tum kisi se nahi kahogi “anuj bola
“Matlab?”sakshi ne poocha
“Matlab samjha nahi sakta arnab ka jo pesha hai wo tum kisi se nahi kahogi shart number 2 Arnab ke baare me sirf mere siva kisi se discuss nahi karogi “anuj bola
“K kya Arnab sahi aadmi hai?”sakshi darte hue boli
“Iski guarantee mai deta hoon didi”anuj bola
“Theek hai anuj Mujhe bas unse maafi maangni hai”sakshi boli
“Baaki ka mai dekh lunga ye raha Shillong ka air ticket,abhi flight hai teen ghante me”Anuj bola
“Lekin mummy….”sakshi boli
“Maa ko pata hai ki beti Shillong gayi hai excursion me”anuj bola
“Maa ne yakeen kar liya?”hairan thi sakshi
“Hmm chaho to phone kar lo”anuj bola tabhi phone baj utha sakshi ka
“Beta tere college se kya koi excursion jaana hai?”aarti ne phone kiya
“M Maa …”sakshi confused thi aur anuj ki aur dekhne lagi anuj ne muskurate hue Haan me Jawab dene ke liye bola
“Haan maa jaana hai wo bhi aaj”sakshi boli
“Lekin….”aarti soch me pad gayi.tabhi anuj ne sakshi se phone le liya
“Maa anuj bol raha hoon.bhej do college feat hai aur bas kuch hi dino ki baat hai”anuj bola
“Lekin beta ..”
“meri guarantee hai Maa.di ko kuch nahi hoga”anuj bola aur Ghari dekhne laga
“Theek hai jaisa tu kahe”aarti boli
Anuj ne phone kaat kar sakshi ko diya
“Lekin kya wo Mujhe maaf karenge??”sakshi udaas hokar bol padi
“Trust me di,Arnab sir jaisa koi nahi wo maaf bhi kar denge aur Bhool bhi jaenge incident ko”anuj bola aur sakshi ko jald jaane ke liye bol diya
“Sangeeta di chalein?”anuj ne is baar sangeeta Ki aur dekha aur bola
“Chal”sangeeta boli”aur scooty chalane lagi
“I can’t believe ki sakshi ko abhi ke abhi excursion jaana hai wo bhi sikkim.seriously?”sangeeta scooty chalate hue bolne lagi
“Thoda army hospital ki aur chalo kuch kaam hai didi”anuj bola aur sangeeta army hospital ki aur scooty mod kar baat karne lagi
Achanak Anuj ne scooty ko halka sa jerk diya aur scooty balance kho kar skid kar gayi
Lekin Anuj ne halka sa balance kiya aur sangeeta thoda door ghaas ke oopar giri
“Shukr hai aas paas ghaas to hai,aapko lagi to nahi”anuj bola
“lagta hai moch a gayi hai”sangeeta boli
“Army hospital saamne hai chalo chalte hai wahan “anuj bola aur sangeeta ko lekar chala gaya wahan
“Admit??”aarti ke hosh udd gaye
“Haan maa doctor chance nahi lena chahte bas kuch din ki baat hai.aap Chutti lekar yahan a jao kuch din ke liye”anuj bola
“Wo to theek hai lekin dadaji akele sakshi bhi nahi hai yahan”aarti tension me a gayi
“Mai dadaji ko sambhal lunga.waise bhi abhi school dull chal raha hai”anuj bola
“Theek hai mai a jaati hoon”aarti boli aur nikal gayi hospital ki aur
Anuj sangeeta ke ward se nikal kar kuch door ek ward me this gaya
“Aj??yahan??”pramod bola
“Suna aap admitted hai isliye aapse Milne a gaya”anuj bola
“Sorry aj mai sambhal nahi paaya “Pramod bola
“Wo jis type ka insan hai usse koi nahi Bach saka hai sir,lekin ab sangeeta di bhi yahan hai “aur anuj poori baat batata gaya
“Unbelievable aj,matlab ab sirf tum uska saamna karoge akele??”pramod bola
“I don’t have a choice “anuj bola
“Jaan ka khatra bohut hai anuj back up ke liye bol do khan sir ko”Pramod bola
“Nahi sir time nahi hai.kal aamna saamna hoga uska aur mera “anuj bola aur ward se bahar nikal gaya
Anuj ne Ghadi Dekhi.raat ke 8:00 bak rahe the
Vj aaj kuch nahi karega.lekin kal se wo target karna start karega.sakshi yahan nahi hai aur kal tak wo Sikkim pohunch gayi hogi Yani arnab sir Wahan sambhal lenge.sangeeta di ko jaan boojh kar yahan laana aur admit karna tasking Pramod hospital se hi Sangeeta par nazar rakh sake aur aarti bhi kuch din hospita me rahegi to wo bhi safe hai.baaki wo dadaji ka saath nahi chodega
Vj26 I’m ready for you anuj ne apni muthhi bheench li
“Omg Anuj sab theek to hai?”disha aayi thi wahan
“Tum car chala Rahi ho?are you even allowed to drive?licence kahan se mila?”anuj ne poocha
“Shut up,sangeeta di ander hai mai Milne ja Rahi hoon “disha boli aur baatein karne lagi
Anuj Jawab deta gaya aur achanak ek jhatke me door ek ped ki aur dekha usne
“Kya hua ?ander chalo”disha boli aur anuj ke saath ander a gayi
Ped ki aur ek shaks apple khate hue muskurane laga
“Bohut khoob aj26 bohut khoob “
————————————————————————-
“Kya baat hai bhai ??Indore se wapas Aakar double duty karne lage?”haste hue senthil bole
“Sir,aisa nahi hai mai bas soch raha tha ki jo galtiyan past me ki use wapas repeat na karun “Arnab bola
“Aur isliye tumhare liye 3 good news hai”senthil bole
“wow wow wow teen teen good news sir”is baar pooja boli jo saamne thi
“Haan pehla good news is baar Republic Day me tumhe medal milega jise bihar regiment ke senior officials ne recommend kiya hai”Senthil bole
“Lekin mai to galti kar baitha tha sir galwan me “anuj hairan tha
“Beta China ke ander 15 kms ghus kar 4 logo ko maarna aasan nahi hai “Senthil bole
“Baaki ke do news sir?”pooja ne poocha
“You will be going back to galwan next year”Senthil bole to arnab khush ho gaya.uska regiment uska pyara unit me wapas jaana yahi to wo chahta tha
“Aur testa?”pooja ne fir poocha
“Teesra your long awaited promotion “Senthil bole
“Thank you sir”Arnab bola
“You deserved it arnab.bas immaturity ke liye maine hi hold kiya hua tha but last ke do rescue operation was fantastic.koi casualty nahi balki media ne bhi hamare kaam ko saraha hai”senthil bole aur chale gaye
“Chal ab to party dega”pooja boli to arnab muskurane laga
“Zaroor mai…”Arnab ki baat adhoori reh gayi kyunki ek jawan daud kar aaya tha wahan
“Sir ek school ke students fase hue hai ice me,emergency hai”Jawab bola
“Let’s go”Arnab bola
“Sir raat ka time hai aur ice safe nahi hai.subah hi ja sakte hai”Jawan bola
“School student hai risk nahi le sakte “bol Arnab apne tent ki aur gaya akele
“Arnab are you crazy arnab ARNAB”chillayi pooja lekin Arnab ne pooja ko ansuna kar diya aur tent se bahar nikal gaya akele
“Stupid idiot,suno patrol team ko ready karo mai a Rahi hoon “Jawab ko dekh kar pooja boli aur Jawan salute karke chala gaya
Pooja daud kar apne camp ki aur gayi
