Fantasy CHAMATKAR (Completed)

[sonukale]

Waiting for next update

 

[Nkmahakal]

Waiting

 

[Mr.X796]

UPDATE * 73​

Sonalika ke parilok vapis aane se maharaj aur maharani behad prasann huye kintu jab unhone dekha ki vo akeli hi dikh rahi hai to thoda udas aur chintit bhi ho gaye

Maharani—putri achcha hua tum aa gayi….rajyabhishek ki taiyyariya bhi poori ho chuki hain….lekin hamare hone wale naye maharaj dikhayi nahi de rahe hain……kaha hain vo….?

Maharaj—haa….putri, damad ji nazar nahi aa rahe…..kya vo baad me ayenge ya aane ke baad sidhe parilok ke bhraman ke liye nikal gaye praja ka haal chaal dekhne…..?

Sonalika—maa..pita shri,…asal me vo mere sath nahi aaye hain abhi…….adi baad me ayega

Maharani—apne hone wale pati ke liye is tarah ka sambodhan tumne kaha se sikh liya, sonalika….? Kya maine tumhe yahi shiksha di hai……?

Maharaj—Putri, Maha Shivratri aane hi wali hai….Jab parilok ke Rajsinghasan ko uske mukut ka uttradhikari mil jayega….aise me unka yaha rahna atyant avashyak hai

Sonalika—mujhe kshama kare maa…mera kahne ka matlab hai ko vo yaha samay rahte rajyabhishek ke liye pahuch jayenge….aap dono vyarth me chinta kar rahe hain

Maharaj—kash aisa hi ho !

Sonalika (mann me)—hum apse kaise kahe maa ki adi is parilok ka raja aur yaha ki shaktiyo ke yogya nahi hai…vo ab badal gaya hai…..adi ab kaam vasna me lipt ho gaya hai….adi jaisa vyabhichari purush mera pati banne ke kabil nahi hai

Parilok me madhya ratri ke samay ek adbhut ghatna huyi….Rajsinghasan aur Mukut swatah hi parilok se adrishya ho gaye…..unke parilok chhodne ke sath hi sampoorn parilok me ghanghor andhakar chha gaya

Vahi margret adi ke ghar se gusse me chali gayi….aur sidhe apne ghar pahuch kar room ka door lock kar liya….bed par let kar mann hi mann badbadati ja rahi thi

Margret (mann me)—mujhe tab hi samajh jana chahiye tha jab adi ne mere sath jabardasti karne ki koshish ki thi mai hi pagal thi jo idiot ko bachpan se apna kuch manti aa rahi thi….bachpan se maine usko pyar kiya..lekin adi ne kabhi mere pyar ki kadra nahi ki……use sirf jism chahiye…chahe vo kisi ka bhi ho….meri mummy tak ko nahi chhoda I hate you adi, i hate you……ab kabhi tumhari shakal tak nahi dekhungi

Jab uski maa ne margret ko gusse me room me jate dekha to lunch ke liye usko awaz di lekin margret bina lunch aur dinner kiye hi so gayi

Agli subah so kar uthne ke baad fresh huyi aur phir college jane ke liye ready ho gayi….uski maa ne breakfast karne ko diya par usne mana kar diya

M’mom—kya baat hai….? Kal se dekh rahi hu tera mood kuch kharab sa lag raha hai……adi se jhagda hua kya..?

Margret (udas)—kuch nahi…theek hai

M’mom—theek kaise hai…kal se dekh rahi hu ….na lunch na hi dinner..kuch nahi kiya tumne…..main adi se baat karungi….vo to mujhse milne kabhi aata hi nahi hai

Margret (mann me)—lo kar lo baat….raat bhar inki achchi tarah se baja kar aake chala bhi gaya vo aur ye kah rahi hain ki adi yaha aata hi nahi hai mujhse milne

Margret nasta kiye bina hi college chali gayi….sabhi friends ne jab adi ko nahi dekha to usse uske bare me puchne lage lekin usne is vishay par apni anibhigyata jahir kar di

Parantu college aane ke baad margret ka maan bilkul bhi study me nahi lag raha tha….Jab se usne hosh sambhala hai tab se aaj pahli bar tha jab vo padhne adi ke bina akele aayi hai

Hamesha chahe school ho ya khelna, kahi aana jana, ghumna, shopping ya phir college , margret adi ke sath hi aati jati thi….isliye aaj college me uska mann nahi lag raha tha

Apne andar vo bahut ghabrahat mahsus kar rahi thi….rah rah kar na chahte huye bhi use adi ki hi yaad aa rahi thi… uski ankhe bas ek tak main gate par hi lagi huyi thi is asha me ki shayad ab adi vaha se enter kare

Magar adi ko to na aana tha aur na hi aaya, haan is dauran aleeza jarur college me enter huyi aur margret ne jaise hi use dekha to uska dimag aur bhi kharab ho gaya

Margret (mann me)—sab iski vajah se hi hua hai….agar ye kal vaha nahi aati to adi ke sath aisa bartav nahi hua hota….aur shayad main bhi us par hath na uthati….adi abhi mere sath college me hota…..(phir thodi der baad) ohhhh…ye kya ho raha hai mujhe…..main to adi se nafrat karti hu…..phir kyo mujhe uski fikar ho rahi hai….? Maine to kabhi uski shakal na dekhne ki kasam khayi hai par meri ankhe kyo adi ko dekhne ke liye vyakul ho rahi hain…..? mujhe adi ki itni yaad kyo aa rahi hai….? Shayad uske bina mujhe rahne ki adat nahi hai isliye hoga….?

Iske baad vo college se sar dard ka bahana karke ghar chali gayi…..ghar me bhi uska mann nahi lag raha tha… mobile ko utha kar bar bar check karti ki kahi adi ka missed call to nahi aaya phir mayus hokar let jati….jab khud ki halat se pareshan ho gayi to bistar me let kar fafak fafak kar rone lagi

Idhar anand ne har jagah par adi ki talash kar li uske friends ke yaha bhi pata kar liya kintu uska kuch pata nahi chala...agle din bhi khojbeen jari rahi lekin jo nirdharit ho chuka tha vahi hua aaj bhi unke hath nirasha hi lagi

Urmila ka haal bura ho chuka tha vo baar baar khud ko kosh rahi thi to shree bhi pareshan thi upar se raat wali ghatna alag use chintit kiye huye thi

India me bhi megha se puch liya..adi vaha bhi nahi tha….aise hi talash karte huye do teen din nikal gaye…akhir thak haar kar anand ne police FIR darz kara di

Shree (mann me)—adi kaha gaya hoga….? Kahi usne kuch kar to nahi liya….? Agar use kuch ho gaya to main khud ko kabhi maf nahi kar paungi….bhagwan uski raksha karna

Police ki chhanbeen me adi ke cell phone ki GPS location sim provider company se mangane par pata chala ki vo yaha se london gaya phir direct india ka location aa gaya…uske baad band

Anand agle hi din india rawana ho gaya aur kuch detective agencies ko is kaam me laga diya….is talash me unhe gangotri ki khayi ke paas se adi ka cell phone tooti avashtha me mil gaya

Sabne yahi nishkarsh nikala ki adi ke sath koi na koi durghatna avashya hi ghati hai….parantu iske piche kis ka hath hai pata nahi chala…lihaja anand ne detective agencies ko apni talash jari rakhne ko kaha

Adi ke aise akasmat gayab hone ki ghatna ne sabhi ko jhakjhor kar rakh diya…..urmila ye sadma bardast nahi kar payi aur coma me chali gayi….shree ke sapne sach hone se pahle hi kaanch ke shishe ki tarah toot kar bikhar gaye uski duniya basne ke pahle hi ujad gayi

Jis din adi ke sath ye hadsa pesh aaya us samay agni bathroom me naha rahi thi….jab shaam ko usne shree se adi aur sona ke bare me pucha to shree ne usko sab bata diya

Ye sunte hi agni ka chehra kisi aage ke gole ki tarah kroadh se tamtama gaya…..usne paas me rakhi kudal utha kar margret aur aleeza ko maarne nikal padi lekin shree ne use adi ki kasam dekar aisa karne se rok diya

Agni aisa karne se ruk to gayi lekin vo ghar chhod kar khatra ke sath kahi chali gayi…..chitra ka kuch pata nahi chala ki vo uske baad kaha gayi

Ek jagah jaha kisi ki shadi ho rahi thi vo bhi chupke chupke aur dusre kinare par ek navjat shishu ke naam karan ka karya kram chal raha tha…..pandit to the lekin vo mantrocharan nahi kar rahe the balki hath ke ishare se sab samjhate ja rahe the…..aur agar koi baat samajh me na aati to vo unke kaan me batata ki kya karne ko usne ishara kiya tha…..na band na barati, na hi koi manglachar ka geet ya gana bajana

Kisi bhi tarah ki koi sajawat to dur ki baat hai vaha mandap tak ka pata nahi tha….har taraf manhushiyat apne pankh pasare huye thi…..har kisi ki ankho me darr aur khauf ka saya saf saf nazar aa raha tha

Sab ke chehre dekhne se hi aisa pratit ho raha tha ki jaise vo sadiyo se na mushkuraye ho……mushkurahat kya cheez hai iska swad hi na chakha ho.... ?

Aisa lag raha tha ki ye sab kisi ki darr se yaha chhup kar kisi ki shadi aur naam karan karwa rahe hain….jyada logo ki upasthiti bhi nahi thi..bas naam matra ke hi kuch gine chune bees pachchis log hi vaha moujud the

Kuch log aas paas ke pedo me chadh kar chupe huye the jo apni paini nigaho se choutarafa nazar rakhe huye the jaise kisi khatre ka abhas hote hi turant suchit kar sake

Dekhne se to gaon bahut bada malum padta tha lekin chahal pahal bilkul nahi thi….sabhi gharo ke khidki darwaje band the….har ore ek anant sannata phaila hua tha

‘’Kyo sarju, sab theek chal raha hai na…..?’’ Tabhi vaha par ek admi ne aate hi is shanti ko bhang karte huye dhire se ek admi se kaha jiska naam shayad sarju hai.

Sarju—Ji mukhiya ji, abhi tak to sab theek hi chal raha hai

Mukhiya—sab log ek dam satark aur hoshiyar rahna…..kisi bhi tarah ka khatra mahsus hote hi aas paas ke makano me lekar turant chale jana….agar ho sake to var vadhu ke sath tum apne bachche ko lekar Rajnandini ke makan me chale jana….vo jagah hi sirf surakshit hai

Sarju—magar Rajnandini yaha se kafi dur rahti hai….hame karya kram jaldi hi niptana hoga

‘’Akhir aisa kab tak chalega, mukhiya ji….kab tak hum darr aur khauf ke saye me jindagi gujarte rahenge…?’’ vaha moujud ek anya vyakti ne kaha

Mukhiya—Jab tak prabhu ki marzi…..aur intazar Dhaniram, iske alawa hamare paas dusra koi vikalp bhi to nahi hai

Dhaniram—is tarah to ek din hum sab mare jayenge….hamare biwi bachche ek ek boond pani aur roti ke ek tukde ke liye bhukh pyas se tadap rahe hain…..mujhse to ab nahi dekha jata ye sab….akhir kab khatam hoga ye intazar..? mujhe apni beti ki shadi is tarah chhup kar karni pad rahi hai

Sarju—mere bachche ka naam karan bhi to chhup kar karne ko majboor hain hum

Mukhiya—bhagwan par bharosa rakho….kabhi na kabhi to is gaon me bhi suraj chamakega…..kabhi to upar wale ko hamari bebsi par taras ayega….

Ye sabhi itne dhire dhire bate kar rahe the ki unke bagal me baitha admi bhi jab tak unke muh ke paas kaan nahi lagayega to kuch bhi use pata nahi chalega ki vo kya bate kar rahe hain

‘’var vadhu aur bachche ko ashirwad dijiye, mukhiya ji’’ Pandit ne ishare se samjhaya

Pandit ka ishara samajhte huye mukhiya apni jagah se uth kar unhe ashirwad dene jane ko hua hi tha ki vaha ek jor dar cheekh sunayi di….jisse sabhi ke hriday dahal gaye

‘’Bhagoooooo…..bhagoooo…..vo..aa raha hai….bhagooooo’’ ped par chade huye log upar se kud kar chillate huye doud pade

Cheekhne ki awaz aur apne logo ki chetavni sunte hi vaha afra tafri mach gayi….sab ghabra kar girte padte yaha vaha bhagne lage

Mukhiya (chillate huye)—jaldi chalo….jisko jis ghar me jagah mile jaldi ghus jao aur darwaja andar se fauran band kar lo…bhago jaldi

Vaha achanak dahshat aur khauf ka mahoul vyapt ho gaya…..sab darr se bhagte huye aas paas ke gharo ke darwaje jor jor se khat khatane lage

Jisko jo ghar khula mila usme hi ghus gaya aur turant andar se kundi band kar leta….sarju apni biwi bachche ke sath aur dhaniram var vadhu ke sath Rajnandini ke makan ki taraf bhag rahe the, sarju ki biwi apne nav jat shishu ko god me uthaye bhag rahi thi…uski saans phool chuki thi bhagte huye, lihaja ek jagah uska pair sari me phans gaya jisse vo niche gir padi…

Sarju ne turant use uthaya lekin ab usse bilkul bhi chala nahi ja raha tha…vo nayi naveli dulhan bhi ab thak chuki thi, uski himmat bhi ab jawab de gayi thi

Sarju (bhagte huye)—dhaniram hum Rajnandini ke makan tak nahi pahuch payenge….sab ko yahi kisi makan me chhupa dete hain

Dhaniram—tum sahi kahte ho….chalo inko samne ke ghar me chhupa dete hain…vo bilkul paas me aa chuka hai…jaldi chalo….jaldi karo

Samne ke ek khali pade band makan ki sankal khol kar sab jaldi se andar se darwaja band kar liya…tabhi vaha ek aur bhayanak cheekh goonj uthi jise sunte hi sab ke rongte khade ho gaye

Poora gaon mritpray sa ho gaya kuch hi palo me….kisi pakshi tak ke chahakne ki awaz nahi aa rahi thi… ped poudho ke patte tak darr se hilna dulna band kar ke ek dam shant ho gaye the

Vo jo bhi tha bilkul paas aa chuka tha….uske chalne ki awaz aise shant mahoul me saf saf suni ja sakti thi…vo itni jor jor se saanse le raha tha ki poore gaon me sunayi de raha tha

Sab apni saans roke kisi na kisi makan me chhupe huye darr aur khauf se thar thar kaamp rahe the….sabne apne muh aur naak ko kapde se baandh rakha tha taaki kahi chheenk ya khansi na aa jaye aur use hamare chhupe hone ka pata lag jaye

Vo idhar se udhar gusse me ghum raha tha….shayad use aaj koi shikar nahi mila hoga kahi bhi….gusse me uski saans lene ki awaz aur bhi tez ho gayi thi

Aise hi vo gusse me ghum raha tha ki tabhi use kisi bachche ke rone ki awaz sunayi di aur.phir…

‘’thak…thakkk…….khatttt…khatttttttt’’ jor jor se darwaja khat khatane laga….

(Update Size : 2554 Words)​

Nice update bro

 

[John Cena]

Waiting next bhai

 

[king of darkness0411]

waiting

 

[Kane]

Bohat mazedar story hai bhai

 

[Ameer Khan Khan]

next update ka besabri se intezaar horaha hai.

 

[luv4sale696969]

Waiting...

 

[Acme]

Waiting for next update

 

[King Aryan]

Waiting For Next Update