Fantasy CHAMATKAR (Completed)

[Yellow Flash]

Nice

 

[Viraj Raj]

Welcome bro

Aap ab thik h ye jaankar hum sabhi bhi bahut khoosh h .

Aap abhi aaram kare bhai hum intzaar kar lenge .

Super update bhai

Bhagwan Shiv ne aapko thik kar diya hum unko natmastak karte h ...

 

[Indian]

Get well soon bhai
Pahle apni sehat ka khyal kare baad me update to aate rahenge.

Bahut hi shandar update tha bhai.
Kanak Rishi ne bhi uss ladke ko dekh kar chounk gaye, jabki ek hamshakal pahle se hi unke ashram me jeevan mrityu ki shaiyya par jhul raha hai.
Kanak rishi aur vishwamitra ke beech kya baate huyi pata nahi chala. lekin vishwamitra ne kuch samadhan jarur bataya. but aapne apni aadat ke mutabik suspense me latka diya.
Story direct 5 saal aage nikal gayi. Chatur singh ne achcha manoranjan kiya.ab ki baar lagta hai ki aapne comedy ke liye in charo ko chuna hai jo kaam pahle adii karta tha.
Ab shayad kahani me Rishi ki entry ka samay aa chuka hai.Urmila ki halat dekh kar hame bhi dukh hota hai. Bhai ho sake to kaise bhi usko theek kar do.
Akhiri incident kabristan wala to BEMISHAL hai bhai.Aisa incident jisme horror,suspense aur thrilling sab kuch shamil hai.Ye incident bahut pasand aaya. Update ka ant phir se suspense me chhod diya.
Great update bhai.Maine to forum par aana hi chhod diya tha lagbhag.Apki vapisi aur sahi salamat dekh behad khushi huyi. Aap pahle bilkul theek ho jao update ki koyi jaldi nahi hai bhai. Hum sab apki pareshani samajhte hain.

 

[Ameer Khan Khan]

bohat hi zabardast update bro itne sare jol .
Waiting for next update bro.

 

[shahnaz123]

Anand sir apko vapis dekh kar bahut khushi ho rahi hai.
Aap pahle poori tarah se sehat mand ho jaye phir update dena hame koi jaldi nahi hai.
Hum sab apke readers ke prati samarpit bhawna ko bahut achchi tarah se jante hain.
Aapne apni samarpit bhawna aur kadi mehnat se itne readers ka pyar sneh aur saath paya hai jo kisi bhi naye writers ke liye sirf ek kalpana hi hoti hai.

Update hamesha ki tarah behad shandar tha.
Jaha Rajnandini ne prem ka bahut sukshma varnan kiya hai jo ki satya hai magar bahut mushkil marg bhi hai.

Nadi me snan kar rahe sadhuo ko jis ladke ki body behoshi ki avastha me mili usko dekh kar sabhi chounk gaye.
Ladke ko lekar kanak rishi ke ashram me aa gaye jaha khud kanak rishi bhi usko dekh chakit rah gaye.
Unhone apni shanka nivaran ke liye apne aradhya guru Vishwamitra se sampark kiya jinhone iss sandarbh me unhe sach se avgat karaya kintu hamare liye ye ek paheli hi ban kar rah gaya.

Vo dusra ladka koun hai jo pahle se hi ashram me behosh pada hai aur pahle wale ladke ka hamshakal bhi hai.....?
Dono ladko ka apas me kya sambandh hai.....?
Kya dono ladke jinda bach jayenge ya phir iske piche koyi gahra raaz dafan hai.....?
Unn dono ladko ka kya hua,...?

Inn sabhi prashno ko ek rahasya banakar aapne Story ko paanch saal aage badha diya.
Hospital me chatur singh ne sabhi ka manoranjan kiya iska matlab comedy ka tadka aage bhi dekhne ko milega kintu patra change ho gaye hain, aisa lagta hai.
Urmila ki halat behad nazuk bani huyi hai vo abhi bhi coma me hi hai.

Yaha par Rishi ka jikra aaya hai jo ki in charo ka dost tha, uske sath kya hua tha....?
Agar Rishi Rajnandini ka premi tha to Adii se kya rishta hai....?
Ye sabhi to kahi dusri jagah the india kab aur kaise aaye Azgar ke maya jaal se bach kar....?
Anand india kab aaya.....?
Chitra,agni,margret aur sonalika aur sabse jyada utsukta shree ka kya hua....?
Parilok ke rajtilak utsav ka kya hua.....?

Aur akhiri me kabristan wale incident ne to dil dahla diya.
Iss incident ko padh kar kahi bhi aisa nahi lagta ki aap koyi new writer ho, balki ek mature novel writer ki tarah aapne is horror aur suspense se bharpoor drishya ka behad dilchasp varnan kiya hai,
Update ka sabse best scene laga mujhe ye.
Vo lash kaha gayi....? kiski laash thi voh...? kahi vahi shaitan ka beta to nahi jiska jikra naravali ne kiya tha.....?
Agle update ke liye bechaini badh gayi hai ye sab janne ke liye.

Overall Superb and Marvelous update sir.

 

[Heartnot4u]

Bhai hitna likha hai wohi bohat hain aur zabardast apne chir parichit andaz me comeback kia hain. Aapki acchi sehat ki dua hain.

Welcome back bhaii.....
Aap nii jante aapko wapas dkh k dil ko kitna sukun mila h bhaii....
Av aap orr rest le bhaii...hme koi jldi nii h....
Ab aate h story p.....hmesa ki trah jabardastt update tha bhaiii....
Isme sbb mix tha..love...comedy...emotion...fear...
Rajnandini ne pyar ko bakhubi explain kia....
Aadi ka hmskl mila....jrur whi hoga jisse Rajnandini Pyar krti h..
Chuttad singh wala scene mastt tha...idea accha tha....doctor se jhanthe katwane m safety to h...
Mom ki halat buri h...
Aadi ki maut suspence h...
Abb khifnak mnjr same h...lash with kida.. Khatarnaak view lgg rha h..
Dkhte h aage kya hota h...
Waiting for next....
Jbb aap comfortable ho likhne k lye tv dena...hmlog intejar krenge...

 

[Zas23]

CHAMATKAR
UPDATE-75​

Rajnandini—‘’Bhale hi prem kathin aur dushkar hai kintu jisne bhi iss prem ke khel ko khela vo dono jagat arthat ihlok aur parlok dono me tar gaya…..prem-madhu ko dukh ke bheetar jo rakha gaya hai uske karan jo apman, tiraskar aur maran ko sahan karta hai vahi iss prem madhu ko chakhta hai….dukh tabhi tak rahta hai jab tak priyatam se milan nahi hota hai, vo mil gaya to samjho janmo ka dukh mitt gaya’’

Vahi dusri taraf kuch sadhu nadi kinare snan kar rahe the tabhi unki nazar kisi par gayi……unhone turant jakar use kinare par pani se bahar le aaye….aur use sidha lita diya…..uska chehra dekhte hi sabhi chounk gaye

Ek sadhu—ye kaise sambhav hai…..? ek to hamare ashram me saalo se behosh pada hai to ye dusra koun hai…..?

Dusra sadhu—ise guru ji ke paas le chalo……ye to ghor chamatkar hai….lagta hai iski saanse band hone wali hain jaldi se isko le chalo

Ab aage…..

Sabhi sadhu milkar yatha shigra uss behosh ladke ko lekar ashram me apne Gurudev ke paas pahuch gaye….Unke Guru Acharya Kanak ne jaise hi uss ladke ko dekha to vo bhi chounk gaye.

Ek Shisya :- Gurudev ye kaisa chamatkar hai….? Ek saalo se hamare ashram me jeevan aur mrityu ke beech pada jhul raha hai to dusra uske jaisa hi ussi avastha me mila….iska kya rahasya hai…..?

Kanak :- Isko jaldi hi mere kaksh me le chalo…..abhi iski halat bahut hi nazuk hai…hum swayam bhi ye chamatkar se hairan hain…..ab iska jawab to mere gurudev Bramharshi Vishwamitra hi de sakte hain.

Ussldke ko guru kanak ke kaksh me le jaya gaya….kanak rishi ne sab ko bahar jane ko kaha….unke bahar jate hi vo dhyan mudra me apne guru brahmarshi vishwamitra ka avahan karne lage.

Kanak rishi ke dhyan me leen hote hi unke antar mann me brahmarshi vishwamitra ne unhe darshan diye…kuch samay tak dono ke beech gahan vartalaap hota raha….kuch sujhaav aur paramarsh dene ke baad vishwamitra antardhyan ho gaye.

Vishwamitra ke antardhyan hote hi kanak apne yatharth avastha me vapis lout aaye…unke dhyan se uthate hi shisya kanak rishi ke samip jigyasavash punah pahuch gaye.

Ek Shisya :- Ab iski pran raksha kaise kare gurudev…?

Dusra Shisya :- iske dhadkane rukne ko ho rahi hain…..agar jaldi hi kuch na kiya gaya to iski jeevan raksha kar pana asambhav ho sakta hai gurudev.

Kanak :- hame bhi iska gyan hai shisyo….tum log kuch jadi butiya lekar jungle se aa jao jo main tumhe bata raha hu.

Ek Shisya :- Jo agya gurudev.

Kanak rishi ne unko kuch jadi butiyo ke naam bataye aur sath me unke milne ki jagah bhi jaha par vo mil sakti thi… kuch shisya turant hi van kshetra me un durlabh chamatkarik jadi butiyo ki talash me nikal gaye.

Kahani 5 varsh baad (After Five Years Later)…

India me Nagpur ke ek hospital me Do doctor kisi admi ke piche blade lekar bhag rahe the…vo admi tezi se hospital me se bahar ki oor bhag raha the….doctor bhagte huye gusse me jor jor se chillaye ja raha tha.

Docttor (gusse me bhagte huye) :- Thahar ja, bahan ke loude, teri maa ko chod dunga, ruk ja sale kamine, ek baar hath lag ja mere, to aaj main tujh ko jaan se maar dunga.

Tabhi anand hospital me urmila ke paas jane ke liye andar enter hua to Yeh sunkar anand ne doctor ko pakda aur puchne laga.

Anand :- Doctor Sahab, hua kya hai…kyo iss tarah se gusse me bhag rahe ho…? Aur uss bechare ko maarne par kyo tule huye ho…?

Doctor (gusse me) :- Sir, Ye saala kamina bhosdi ka, harami madar chod, pichhle chaar mahine se aise hi pareshan kar raha hai...sala pichhle chaar mahine se har baar nasbandi karwane aata hai aur saala madarchod Jhaante katwa kar bhag jata hai.

Anand (haste huye) :- hahahaha….vaise hai koun vo….?

Doctor :- sir, aap has rahe hain….jabki iss sale harami ne dimag kharab kar diya hai mera….saale ka naam Chatur Singh hai.

Anand :- Apne naam ki hi tarah vo chatur hai doctor sahab…..khair anyway ab meri wife ki tabiyat kaisi hai…? Kya kuch chances hain uske theek hone ke….?

Doctor :- Dekhiye sir, unke dimag me gahra sadma laga hai….aise cases me kuch bhi nahi kaha ja sakta hai….agar apka beta uske samne aa jaye to shayad uski awaz sunkar koyi chamatkar ho sakta hai otherwise bahut mushkil hai.

Anand (udas hokar) :- Ab jo iss duniya me hi nahi hai to usko kaha se lauu doctor sahab.

Doctor :- Aaiye aap khud hi dekh lijiye Urmila madam ki halat.

Anand uss doctor ke sath andar VIP cabin me chala gaya urmila ko dekhne jaha vo ab bhi adii ki mout ke sadme ki vajah se coma me padi huyi thi.

Udhar vo admi hospital se nikal kar jaise hi bahar aaya to kisi se takra kar gir gaya….vo jaldi se khada hua aur apne aaju baju dekha ki ab to vo doctor uska pichha nahi kar raha hai kahi.

Jab poori tarah aashwast ho gaya to gaya to aram se chalne laga…magar kisi ki awaz sunkar vahi ruk gaya.

“Arey Chuttad Singh kaha bhag raha hai….?” Vahi hospital ke bahar khade teen ladko ne shayad usko bhagte dekh liya tha isliye unme se ek ne usko bola.

Chatur Singh :- Saale kitni baar tujhe kaha hai ki mera naam chuttad singh nahi, chatur singh hai...tum teeno ki vajah se sab mujhe chuttad chuttad kah ke chidate hain.

“Aur jab tune hum teeno ka naam bigada tha tab…saale jab tu hamko Gangu, Nangu, Pangu kahta hai…khud ko mirchi lagti hai.” Unme se Nangu ne kaha.

Chuttad :- to isme meri kya galti hai…? Tu bachpan me hamesha nanga hi rahta tha..tera nangu bilkul sahi naam rakha hai….tum log mujhe kyo dosh dete ho jabki hum sab ke naam bigadne ka kaam to Rishi ne kiya tha.

Nangu :- tu bhi chuttad hai aur hamesha chuttad ka chuttad hi rahega...isliye hi to hum tujhe chuttad singh kahte hain.

Pangu :- vaise tu bhag kyo raha tha... ?

Gangu :- arey tujhe pata nahi...aaj pakka phir se ye nasbandi karwane gaya hoga aur Jhaante katwa kar bhag diya hoga.

Chuttad :- arey yaar doctor se banwane me safety rahti hai.

Ye hain charo dost jo kabhi paanch hua karte the…aur inki paancho ki jodi paandav ke naam se mashahoor thi.. charo baate karte huye aage nigal gaye.

Vahi Dusri Jagah Ek Kabristan me…………..

Lash ne ankhe khol di….aisa laga jaise lal bulb jal uthe ho……ek hafta purani lash thi vah, kabra ke andar aur tabut me dafan….Saare jism par reng rahe gande kide uske jism ko noch noch kar kha rahe the.

Kahi nar kankal wali haddiya nazar aa rahi thi to kahi par un kido dwara adhkhaya gosht latak raha tha….. kuch der tak lash ussi position me leti apne lal bulb jaise netro se tabut ke dhakkan ko ghurti rahi.

Phir kuch der baad sada hua hath tabut me rengne laga…..jaise ki kuch talash kar raha ho…..achanak uske hath me ek khukhari (Knife) pakad me aayi aur phir lete hi lete usne khukhari se dhakkan ke prishtha bhag par jor jor se prahar karne shuru kar diye.


Kabristan me thak….thak….thak ki bhayawah awaz gunjne lagi……andhakar aur sannate ka kaleja dahal utha….aur mushkil se paanch minute baad……

Ek kachchi kabra ki mitti kuch iss tarah hawa me uchhli jaise kisi ne jamin ke andar se jor lagakar mukammal kabra ko ukhad diya ho.

Kabra phat padi aur lash bahar aa gayi…..sharir par kafan tak nahi tha……lash ka chehra charo taraf ghumne laga lekin kewal chehra hi…..gardan se niche ke hisse yaani dhad me jara si bhi halchal nahi huyi. Dhad se upar ka hissa iss tarah se ghum raha tha jaise shesh jism se uska koyi sambandh hi na ho…..charo taraf nirikshan karne ke baad chehra yathawat fix ho gaya.

Kabristan me dur dur tak koyi na tha….hawa tak maano saans roke sadi gali lash ko dekh rahi thi.....lash kabra se nikal kar kabristan paar kar ke sadak par pahuch gayi.

Achanak hawa jor jor se chalne lagi…..maano khauf ke karan sir par pair rakh kar bhag rahi ho aur uske veg se lash ki haddiya aapas me takrakar khadkhadahat ki awaz karne lagi.

Badi hi khaufnak aur rongte khade kar dene wali awaze thi vo, magar unhe sunne ya kabra phad kar sadak par chali ja rahi lash ko dekhne wala vaha dur dur tak koyi na tha….vidhwa ki maang jaisi sooni sadak par lash khatar patar karte huye badhti chali gayi.

Note :- Dosto, abhi Likhne ki condition me nahi hu magar aap sab ka sneh mujhe vapis le aaya....abhi kuch din tak regular aur bade update nahi de sakunga....phir bhi jitna sambhav hoga thoda bahut likhne ka prayas karta rahunga.

Nice update

 

[Anurag]

Get well soon.
Waiting next

 

[king of darkness0411]

Super update maja aa gya bhai
Bas itna bolna chahata hu ki
Pahle 100% fit ho jaye fir update dena
Update se jada apki tabyat important hai

 

[Raguhalkal]

Welcome back bhai or poori tarah se teek hoke hi update dena pls apni sehat ka kayal rakhna koi jaruri nahi ate hi update dene ki

Sabar ka phal meeta hota hai