CODE:HELL
Chapter:1
WE
LEAD BY EXAMPLE
LIVE BY CHANCE
LOVE BY CHOICE
AND
KILL BY PROFESSION
* INDIAN ARMY *
ISTANBUL : 03:26 Hours
Mere banaye plastic bombs apna kamal dikha chuke the , Submarine sagar ki gahrayi main lagatar doobti hi chali jaa rahi thi.... Submarine main hue surakhon se lagatar paani andar aaye jaa raha tha....har taraf laal peeli roshni or siren ki tez aavaj mujhe ye yaad dila rahi thi ki mera mission ab pura hua....
Main is waqt fasa hua tha ek chamber main jo paani se lagatar bharta hi jaa raha tha ,agar maine abhi kuch nahi kiya to thodi hi der main dum ghutne se main maara jaaunga...
Achanak mujhe yaad aaya professor shinde ke banaye ek device ka jo mere ulte haath main opration karke daala gaya tha.....mene apni shirt ki baaju uper kari or ek khaas hisse ko thoda dum laga kar dabaya.....agle hi pal wo device mere haath ke mans ko faadte hue ubhar kar bahar aa gaya.....haath se badi tezi se khoon risna shuru ho chuka tha lekin dard ka ahsas bilkul bhi nahi ho raha tha....shayad ye device ki vajah se hi tha jo ki sharir se bahar nikalte waqt kuch aisa fluid release karta hai jis se dard nahi hota or jaldi hi ghaav se bah raha khoon bhi ruk jaata hai....
Maine wo device apni gardan ke peeche lagaya or agle hi pal wo device kisi helmet ka roop le chuka tha....kaafi advance technology thi professor shinde ki banayi jo ab is mushkil haalat main meri jaan bachaegi...
Submarine ki sakht diwar ki tarf apna chehra karte hue mene helmet ka ek button daba diya....laser ki ek behad powerfull beem jaakar diwar se takrayi or Submarine main surakh karti chali gayi....
Lagbhag 5 minute lagatar laser ka use karte rahne se wo chamber paani se pura bhar chuka tha lekin meri khushkismati rahi ki wo helmet mujhe oxygen ki suply bhi diye jaa raha tha.....jo mujhe paani ke andar bhi saans lene mai sahayata kar rahi thi.
Ek halki si thokar maine Submarine ki diwar par maari or khula samandar meri aankho ke saamne tha....mai furti se dubti hui is Submarine se bahar nikal aaya or bahar nikalne ke saath hi maine helmet ka ek button or dabaya....button ke press hote hi ek nukili cheej mere helmet se badi tezi se bahar nikal kar kisi teer ki tarah dubti hui Submarine ki diwar main ghus gayi....ab waqt tha is samandar se bahar niklne ka....isliye mene helmet ke ka ek hissa dabaya or swim karte hue samandar ki satah ki taraf badhne laga....
Abhi kuch second hi hue the mujhe swim karte hue tabhi mere pairon ke neeche ek halka vibration mujhe mehsus hua.....teer apna kamal dikha chuka tha.... Submarine blast ho chuki thi or usi blast ke dhakke ne mujhe badi tezi se satah ki taraf dhakelna shuru kar diya......
Satah ke uper aate hi mene gardan ke peeche lage us device ko dabaya jis se wo helmet ab phir se us device mai sama chuka tha....
Samandar aaj kaafi shant lag raha tha or kuch kuch mere dil main bhi ek or kaam khatam hone ki santushti mujhe aanad de rahi thi....abhi kuch der hi mujhe satah par tairate hue hue the ki ek army helicopter theek mere sir ke uper mandrane lagta hai.... helicopter se do jawan badi tezi se rassi ki madad se neeche aate hai or mere dono haath apne haatho mai pakad ke hairan kar dene wali furti se mujhe helicopter main pahuncha dete hai....
Mere saamne bethe shaksh ke chehre par khushi is kadar thi ki wo shayad samjh nahi paa raha tha ki muh se shabd kya nikale lekin khud ki bhavnao ko kabu mai karte hue usne kaha....
"" Aapne kamal kar diya sir.....6 mahine baad aakhir ye humne kar hi diya....aap kuch peena chahenge is khushi main....??""
Usne meri taraf apna haath shek hand ke liye badhaya or maine majbooti se uska haath thamate hue kaha.....
"" Kyon nahi batra...ek jaam dushman ke mansoobo ko mitane ki khushi main....lekin bas ek jaam....kyonki hindustan ka jawan dushman par jeet ka jashn dushman ki lashon pe nahi manata....jashn ab ghar chal kar hi manega....""
Mera itna kahte hi waha mojud sabhi jawan jor jor se hasne lagte hai or helicopter apni puri speed se ghar ki taraf badhate hue stalth mod pe aa jaata hai....
