- 1,099
- 1,925
- 159
Fantasy Corruption
- Thread starterkINg_deVil
- Start date
- 66,710
- 1,099
- 1,925
- 159
- 1,099
- 1,925
- 159
- 1,099
- 1,925
- 159
Update#144
Us k baad Aly Zayn ko le k ghar aa gya ghar main khana ready tha sab ne mill k khana khaya aur Aly fresh honey chala gya us k baad Hall main sab k sath beith gya Habiba Aly k liey coffee bana lai thodi deir k baad Aly bahir nikal gya us k sath Mueed bhi tha.
Gatekeeper: (salute krtey huey) salam shb.
Mein: Salam.
Gatekeeper k pass khara guard Mueed ko check krney laga.
Mein: Yeh merey sath hai.
Guard: Uper se order hn her ek ko check kr k hi ander janey dena hai.
Mein: (gussay main) Mein ne kaha na yeh merey sath hai.
Aly ka gussa deikh k guards ki bolti band ho gai us k baad Aly aur Mueed ander building ki traf chaley gaey wahan se Aly ek room main gya door achi trhah se lock kia aur kamrey main mojud Almirah ko hata k deewar ki ek khaas jagah pe apna ulta hath rakha.
Awaz: Welcome Aly.
Us k baad ek door k size jitni deewar hati aur samney lift nazer aaye dono us k ander gaey aur Aly ne groundfloor pe janey k liey Lift ka button dabaya us k baad lift Aly ko aur Mueed ko zameen se 1000 meter neechay le gai jab lift pounch gai tou dono wahan se bahir nikley.
Un k samney ek alag hi duniya thi log apney apney kamon main masroof they Aly aur Mueed aagey chalney lagey aur kch hi doori teh krney k baad who dono ek room main chaley gaey.
Aadmi: Aao Aly mein tumhara hi intezaar kr raha tha beitho Mueed tum bhi beitho.
Aly aur Mueed samney pari chair pe beith gaey Aadmi ne ek button press kia jiss sey pura room ek metal jesay main badal gya Aly aur Mueed jantey they yeh kis liey hai.
Mein: Aap tou jantey hi hn k mein yahan kiun aaya hoon.
Aadmi: Haan janta hoon achi trhah se janta hoon phr bhi tumharey muh se sunna chahta hoon.
Mein: Jis terrorist ko pakra hai us ne mujh pe jaanleva humla kia hai jis main merey betey ko chout aaye thi aap jantey hn mein Zayn ko le k kitna hassash hoon mera khoon kholney lagta hai jab koi Zayn ko zara si bhi takleef de mein yeh bhi janta hoon k who Pakistan ka dushman hai aap merey hawaley nai kro gey bas kch deir k liey us sey baat krun ga.
Aadmi: Mein tumharey jazbaat samjh sakta hoon Aly lekin kia tum zimedari letey ho k tum usey hath bhi nai lagao gey mein achi trhah se janta hoon k who apna muh asani se nai kholey ga jis sey tum gussay main us k sath kch bhi kr saktey ho.
Mein: Ager mujh pe yakeen nai tou merey hath peechay bandh k.
Aadmi: Hathkari todna tumharey liey mamuli si baat hai Aly.
Mein: Tou theek hai aap kisi ko merey sath bheijein ager mein out of control hua tou usey mujhey shoot krney ko keh dein.
Mueed: (gussay main) Tera damagh tou theek hai na.
Aadmi: Tum jantey bhi ho k tum kia keh rahey ho yeh baat hum teeno jantey hn k tumharey us k pass jatey hi tum gussay main aa jao gey.
Mein: Mein sirf wajah janna chahta hoon sir Pakistan mujhey apni jaan se bhi pyara hai mera khud pe control rahey ga mein Pakistan k dushman ko apni zaati wajah se koi nuqsaan nai pounchaun ga.
Aadmi: (kch deir soch k) Theek hai.
Mueed: Theek hai mein bhi sath jaun ga.
Aadmi button dabata hai room pehley jesa ho jata hai phr who call kr k kisi ko bulata hai thodi hi deir main ek ladka ander aata hai jis k pass tracking point gun thi M400-hdr.
Ladka: Yes sir.
Aadmi us ladkey ko pass bula k us k kaan main kch kehta hai who haan main sir hila k bahir nikalta hai jis k baad Aly aur Mueed bhi us k sath nikaltey hn.
Mein: (us Ladkey ko pistol pakdatey huey) Yeh lo es sey headshot marna tub hi mein marun ga baqi kisi gun se kch nai honey wala.
Who ladka apni machine gun back kr k Aly se gun leta hai aur ghour se usey deikhney lagta hai jesay pehli baar koi aesi ajeeb cheez deikh raha ho Aly aur Mueed aagey aagey chalney lagey un k peechay who ladka chalney laga kch doori teh kr k Aly aur Mueed ek room k aagey ruk gaey.
Ladkey ne ulta hath derwazey pe rakha aur derwaza khul gya teeno ander aaye tou ladkey ne derwaza band kr dia aur ander se lock laga dia kamra ek hall ki trhah tha khali lekin us k dermyaan ek table aur kch kursian theen jis main se ek pe koi bandha hua tha aur us ki aankhon pe koi electronic device type cheez lagi hui thi.
Who Aadmi jis k pass se aaye they who apney kamrey main beith k us kamrey main kia ho raha hai who screen pe deikh raha tha Aly sab se pehley kisi deewar k pass ja k khada hota hai aur zor zor se dono hathon se punching krney lagta hai Mueed tou sant rehta hai lekin Ladka aankhein phadey Aly ko deikhney lagta hai.
Kch deir k baad Aly rukta hai aur zor zor se saansein leney lagta hai aur chair pe ja k beith jata hai aur jis k samney hi us terrorist ko bandha hua tha Aly isharey se Ladkey ko us ki aankhon pe se device ko hataney ko kehta hai aur who ladka us device pe laga ek button press krta hai aur device ko pakad k apney pass rakh leta hai kch hi deir main terrorist aankh khol deta hai.
Aankhein khol k samney deikhta hai tou samney us k sath opposite side pe chair pe kisi ko beithey huey deikhta hai aur do ladkon ko us k peechay khadey huey deikhta hai jab us ka dimagh sahi se kaam krney lagta hai tou usey maloom ho jata hai us k samney Aly beitha hai.
Mein: Kiun mujhey zinda deikh k herat ho rahi hai.
T: Nai bilkul bhi nai mujhey maloom tha tumhey kch bhi nai ho ga lekin yeh maloom tha k tumhara beta mar jaey ga aur target bhi wohi tha lekin mein yeh bhi janta hoon k who bhi bach gya ho ga.
Us ki baat sun k Aly ki aankhein band ho gaeen terrorist bhi yehi chahta tha k Aly gussay main aaye aur usey maarey jis sey who mar jaey ga lekin yeh torture nai sehna parey ga doosri traf Mueed aur who Aadmi tension main aa gaey k Aly ko ager gussa aaya tou tufaan aye ga ya who ladka us pistol se usey mar daley ga.
- 1,099
- 1,925
- 159
- 1,099
- 1,925
- 159
Tahirtahir111
Well-Known Member
- 4,923
- 8,812
- 158
