Naik
Well-Known Member
- 21,505
- 77,362
- 258
Noor k maa papa k tadfeen k baad Reyansh wapas jaana chahta tha lekin Noor n rok lia jisse Zafer ki jalne lagiUpdate - 33
Zafar : haa noor chinta mat karo mai hu na.
Noor uske iss baat pe kuch na boli. Aur reyansh ki taraf dekhne lagi.
Aabbb aaagggeee..
(reyanshs point of view)
Jab noor ne meri taraf dekha to mai bhi use dekh ke samajh gaya ki noor uske paas khade ladke ke sath comfortable nhi hai to mai noor ke paas chala gaya aur noor ko dekh kar bola.
Mai : noor baki rasmo ka samay ho gaya hai chalo.
Noor : hmm.
Ye bolte hue maine noor ka hath pakad liya aur bodies ke paas chala aya .mere hath me noor ka hath dekh zafar ki jal kar khak ho chuki thi aur noor ke chachi ke chehre par prashn utpann hone lage wahi noor ke chacha ko isse koi appatti nhi thi.
sari rasme nibhai gyi aur Thodi Hi der me wo bhi puri ho gyi. Phir bari aayi noor ke ammi abbu ko mitti dene ki, wo bhi ho gaya thodi der me phir log bhi apna dukh vyakt kar wapas jaane lage the. Lagbhag sab log ja chuke the ab bas mai, noor aur uske chacha ki family hi reh gaye the. Noor ke rishtedaar aa chuke the to ab maine bhi noor ke sath uske ghar jada der rehna munasib na samjha aur usse jane ki ijazat mangi.
Mai : noor ab mujhe bhi chalna chahiye.
Ye baat zafar ke kaano tak bhi pohoch gyi.
Zafar : ha ab tum bhi jao der ho gyi hai.
Mai : ha noor ab mai bhi chalta hu.
Noor : (bohot shant aur dukhi lehje me) reyansh mat jao na mujhe akela lagta hai.
Zafar : (kamini hasi haste hue)are aise kaise akela lagega abhi hum hai bhai.
Mai : haa noor tumhare chacha chachi bhi aa gye hai to tumhe ab akela nhi lagega
Noor : (aakhon me nami late hue) mat jao na Reyansh plz... Ssmmm
Mai : (use gale lagate hue) are tum to rone lagi acha nhi ja rha kahi chalo thik hai.
Noor : hmmm
( third person's perspective)
Reyansh ko aise noor ko gale lagate dekh zafar ki jal kar khak ho chuki thi iss liye wo waha se bina kuch bole hi chala gaya. Phir noor ne mujhe apne bagal wala hi room de diya rukne ke liye.
Wahi ground floor ke ek room me zafar aur uski maa bethe baat kar rahe the .
Zafar : ammi apko iss ladke reyansh aur noor ki dosti kuch zada gehri nhi lag rhi.
N chachi : haa beta lag to mujhe bhi raha hai ki dono ka rishta dosti se kuch Zayada hai.
Zafar (gusse me) : par ammi mai noor ko bohot pasand karta hu aur usse nikah karna chahta hu. Use kisi aur ka hone nhi de skta.
N Chachi : samajhti hu beta uper se uske abbu uske naam pe jo itni sari property kar gaye hai wo bhi to chahiye lekin ye sab dimag se krna hoga kyuki tumhare abbu noor se bohot pyaar karte hai aur uske sath jabardasti hone nhi denge aur agar tumne kuch ulta sidha kiya to tumhara nikah bhi Noor se nhi ho payga .
Zafar : lekin ammi uss ladke Reyansh ka kya.
Use aur noor ko to dekh ke lagta hai baat bohot aage ja chuki hai.
N chachi : use bhi dekh lenge beta. Mai khud uska kuch karti hu bas tum koi ulti sidhi harkat na krna.
Zafar (kamini hadi ke sath) : ji ammi.
______________________________________
Reyansh ke kamre me.
Reyansh iss wakt uske kamre me bane bade aine ke samne khada khud ke aks ko dekh raha tha.
Reyansh : kya yu hi sab mujhe chorr kar chale jayenge. Pehele apno ne chorr diya , phir dada ji, phir samira, aur phir jinhe apna samjha noor ke ammi aur abbu wo bhi chorr ke chale gye. Kya mai yu hi zindagi bhar khanabadosh (akela) hokar iss jahan ki thokare khata rahunga?
Log kehte hai kismat karmo ke hisab se banti hai to mai marne ke baad uper wale se sab itna puchna chahunga ki " mai itna kharab hu kya? "
Itna bol reyansh sharab pita gaya aur pita gaya. Uhi shikayat karte hue aur sharab pite hue reyansh so gaya.
Wo kehte hai na
Maut to yunhi badnam hai … marti to jindgdi hai …….
Aur kuch badnasibo ko nhi maar patai to unhe yesa jakham deti hai ki unki ruh tak chhalni ho jati . Reyansh ke sath bhi kuch aisa hi kiya hai zindagi ne na mar pa raha hai na jii pa raha hai.
Reyansh ke sath bite samay me bohot kuch ho chuka tha aur ab use jarurat thi thehrav ki... thehraav ......ye sabd jitna acha lagta h utna hi kathin h ...un logo ke liye ye galat h jo aage badhna chahte h ...aur unke liye sahi h jo rukna chahte h ...shaant rehna chahte hai ...Reyansh kya chahta h ye usko khud bhi nahi pata ...lekin kya uski jindagi usko rukne degi ...kab tak bhaagega vo apni takdeer se ....kya sukh uski jindagi me hai ...
______________________________________
Wahi Noor ke kamre me
Noor apne ammi abbu ke photo ko hath me liye aasun bahate hue unse baate kar rahi thi.
Noor : aap mujhe itni jaldi kyu chod kar chale gaye ammi abbu. Abhi to aapko apni noor ke sath kafi samay bitana tha par aap to mujhe bich hi chod kar chale gye. Kyu. ? Kyu..?.
Abhi to apko apni beti ke liye Reyansh ka hath magna tha uska nikah dekhna tha par aap to... Mmujhe.... Chorr... Karrr..smm... Chale gye....
Tabhi noor ke Zehen me uske abbu dwara kahi gayi baat aayi.
"beta kisi ke chale jane se zindagi nhi rukti. Mujhse wada karo ke mere jane ke baad tum mujhe aur apni ammi ko yaad karke rogi nhi balki hamare hath ki achi yaade yaad rakhogi aur muskuraogi ...wada karo beta ."
Ye yaad aate hi noor ka rona kam ho gya aur wo subakte hue kehne lagi.
Noor : haan ab mai aise nhi ro sakti maine abbu se wada kiya hai mujhe unki achi yaade liye aage badhna hoga. Abbu ko to apne akhri samay me bhi meri chinta thi jo wo mera hath reyansh ke hatho me de gye.
Aur Reyansh ka zikr aate hi noor ka chehra gulabi hone laga aur use reayansh ko dekhne ki lalak si hone lagi to wo uthkar dabe paav reyansh ke kamre ki aur chali gyi.
Thodi hi der me noor reyansh ke kamre ke saamne khadi thi, himmat karke noor ne dhadakte dil ke sath reyansh ke kamre ke darwaje ko dhakka diya. Reyansh ko waise bhi raat ko darwaja band karke sone ki aaadat nhi thi to darwaja bhi khulata chala gaya. Darwaja khulne ke baad noor ne dekha
Reyansh pet ke bal bed pe soya hua tha. Iss waqt reyansh ko aise dekh noor ko bada sookon lag raha tha. Noor apne kadmo ko badate hue reyansh ke karib jaa rahi thi ki uska pair kisi chiz se takra gaya jab usne dekha to niche kai sari sharab ki bottles pafi hui thi jinhe dekh noor ko kafi dukh hua wo bed pe reyansh ke sar ke karib baith gayi aur uske baalon me hath ferte hue khud hi se baat karne lagi.
Noor (udaas hote hue) : kyu karte hai Reyansh aap aisa kyu pite hai itni sharab .kya itne gum hai aapke ki aapne iss sharab ko aadat bana li. Nhi hum aisa nhi hone denge ab hum aapki zaroorat banenge aur aapki iss aadat ko khatam karenge.
Ye bol Noor reyansh ke baalo me hath ferne lagi. Pata nhi reyansh ko kya hua aur uske chehre par neend me hi halki si hasi ubhar aayi jise dekh noor bhi acha mehsus karne lagi aur reyansh ko pehli muskurata dekha tha usne halka sa hi sahi par reyansh muskura raha tha
Noor(man me): ooooooh god......He is looking so cute....so sweet ....so so so sweet ...plz god I want him ....Mujhe bas Reyansh hi chahiye ....mujhe bas wohi chahiye iske badle aap mera har cheez le sakta ho chaye jaan hi kyui nahi....plz God show me the way to his heart ♥ ....
Aaj ke liye itna hi.....
Review are expected
Like bhi kar dena. ☺
And suggestions are always accepted.
Tow dono maa beta planning ker rehe h kaise Noor ki saari property hasil ki jaye or Noor ka nikah zafer se kia jaye or sabse zaroori Reyansh se noor ko kaise alag kia jaye dekhte h kon si sajish rachte h dono maa beta
Bahot khoob shaandaar update bhai
& welcome back
. Love you ♥ aur agar nhi aaye to hum dono aa jayenge. 
