- 1,131
- 4,396
- 144
Last edited:
Incest DRAGON - RISE OF MEPHISTO
- Thread starter coollog
- Start date
- 28,453
- 1,131
- 4,396
- 144
- 1,131
- 4,396
- 144
Waiting for next update sir
currently working on it
Nice update and awesome storyUpdate 4
Previous...
Jyoti (zor se): "Kya hua? Tum ro kyun rahi ho? Chalo, ghar mein koi nahi hai, main Aryan ke paas ja sakti hoon. Usse godi mein utha sakti hoon!"
Anita ab aur nahi ruk saki. Use ab Sach batana hi hoga. Usne Jyoti ki taraf dekha, uski aankhein aansuon se bhar gayi.
Anita (rote hue): "Aapne fir se wahi sapna dekha, bahurani!"
Jyoti (hairani se): "Sapna? Kaunsa sapna?"
Anita (rote huye) : "Haan! Aapne fir se wahi sapna dekha! Babu... babu ko mare hue 8 saal ho chuke hain, bahurani! Woh ab is duniya mein nahi hai!"
Continue...
Kamre mein sannata tha, sirf Jyoti ki saanson ki awaaz goonj rahi thi, jo tezi se chal rahi thi, jaise woh abhi bhi kisi bhayanak sapne ke kaid se azad hone ki koshish kar rahi ho. Usne ek zor daar cheekh nikali, itni teevra ki deewaron se takra kar wapas uske kaanon tak lauti. Aisa laga jaise woh ab jaag chuki thi, par uska dil abhi bhi us sapne ke saaye mein dhasa hua tha.
Anita, jo uske paas khadi thi, uski aankhon mein dard aur bechaini saaf dikhayi de rahi thi. Jyoti apni saansein sametne ki koshish kar rahi thi, par uska chehra abhi bhi sukha- bejaan tha, jaise usne abhi-abhi apne bete Aryan ko apni aankhon ke saamne khoya ho.
Anita : “Bahurani, daya karke apne aap ko sambhaliye... Babu... ab nahi raha.”
Jyoti ke muh se ek aur cheekh nikli, “Nahiiiiii!” Uske shabd dil ko cheerte hue nikle, jaise woh sachai ko sweekaar hi nahi karna chahti thi. Uska dil shayad abhi bhi uss ummeed ko thaam raha tha jo kabhi thi hi nahi.
Anita ne bhi apni awaaz mein dard ke saath chilla kar kaha, “Haan, bahurani! Yahi sach hai. Babu ab is duniya mein nahi raha.”
Anita ki cheekh mein ek ajeeb si teevrata thi, jaise woh Jyoti ke baat uski baat ko kaat rahi ho, sachai ko uske saamne rakh rahi ho. aryan sirf Jyoti ke liye hi nahi, Anita ke liye bhi ek gehra ghaav tha. Anita toh woh thi jo us chhote se nanhe bacche ka khayal rakha karti thi, uske saath khelti thi, uski har shaitani pe muskurati thi. Par ab woh sacchai se muh nahi mod sakti thi – Aaryan ab nahi raha. Uska babu mar chuka hai.
Kamre mein dono auraton ki cheekhon ka shor goonj raha tha jab ek teesri shakhsiyat kamre mein dakhil hui. Woh shakhsiyat aur koye nahi balki woh thi Ria -
Ria ab 24 saal ki ho chuki hai, ek sundar naujawan Ladki Mein Badal chuki.
Uski aankhon mein na dard tha, na aansoo, na koi jazbaat. Uske chehre pe ek ajeeb si thandak thi, jaise woh kisi alag hi duniya se aayi ho. Woh apni maa Jyoti ke paas aayi, haathon ko shikhuda kiye hue, aur dheere se boli.
Ria: “Fir se uss rakshas ka naam liya gaya iss ghar mein?”
Anita ne hairani aur dard bhari nazron se Ria ki taraf dekha. “Chhoti malkin? Aap... woh aapka bhai tha.”
Ria : “Is ghar mein uska naam nahi liya jata, Anita aunty. Yeh aapko pata hona chahiye.”
Jyoti, jo abhi bhi bistar par apni saansein sametne ki koshish kar rahi thi, ne rukte hue shabdon mein bolne ki koshish ki.
Jyoti : “Ria...!”
uski awaaz mein ek thartharahat thi, “Woh... woh mar chuka hai, Ria...!”
Uski aankhon se aansoon beh rahe the, jo uske sukhe hue gaalon par ek naya nishan chhod gaye.
Jyoti : “Woh mar chuka hai.”
Ria ne ekdam se kaha- “Bas, Maa! Ab aur baatein nahi hogi uski.”
Uske shabd teekhe the, jaise usne apne dil ke darwaze band kar liye ho. Anita ne phir koshish ki.
Anita : “Chhoti malkin, aise mat bolo, woh aapka bhai tha”
Par uski baat ko Ria ne beech mein hi kaat diya. Uski awaaz mein ek ajeeb si thandak thi. Jaise uske liye ye maine nahi rakhta.
Ria : “Aap sirf iss ghar ki naukar hain, Anita aunty! Ghar ke mamlo mein bolne ka aapko sobha nahi deta.”
Yeh shabd Anita ke dil par teer ki tarah lage. Usne ek pal ke liye apni aankhein band ki, jaise woh apne aap ko samet rahi ho. Haan, Ria sahi toh keh rahi thi. Woh sirf ek naukar hi toh thi. Usne apna sir jhuka liya, par uske hothon par ek halki si muskurahat thi, jo shayad uske apne dard ko chhupane ki koshish thi.
Anita: “Theek hai... theek hi kaha aapne, chhoti malkin! Main toh naukar hi hoon.”
Jyoti, jo abhi bhi apni saanson se lad rahi thi, Anita ko dekhti rahi. Usne Ria ke shabdon ka asar Anita ke chehre par saaf dekha, par woh chup rahi. Uska dil abhi bhi us sapne ke saaye mein dhasa hua tha, aur woh kuch bolne ki haalat mein nahi thi.Anita ne dheere se kaha.
Anita: “Bahurani, main nashta laga rahi hoon. Aap aur Ria bitiya aajaiye.”
kehte hue woh sirr jhukaye kamre se bahar chali gayi. Uske kadmon mein ek ajeeb si udaasi thi. Kamre mein ab uski koi zarurat nahi thi. Par jaate-jaate usne ek baar Ria ki taraf dekha, aur uski aankhon mein purani yaadein ubhar aayi. Ek aansoo uski aankh se chhupte hue gira, aur usne mann hi mann kaha.
Anita : “Babu ne kabhi mujhe naukar nahi kaha tha. Babu ne toh mujhe chhoti maa kaha tha. Unhone mujhe... mujh jaise naukar ko maa ka darja diya tha. Aur maine uske badle mein kya kiya? Main uss din chup rahi... Babu... mera babu uss din meri aankhon ke saamne.....”
Anita ke mann ke shabd uski aankhon mein aansuon ke roop mein badal gaye. Woh chupke se kamre se bahar nikal gayi. Ria ab Jyoti ke paas aakar baith gayi thi.
Ria : “Maa, aap theek ho?”
Jyoti ne bas halka sa sir hila diya. “Hmm.” Ria ne uska haath pakda. “Chaliye, nashta kar lete hain.”
Jyoti : “Mishka kahan hai?”
Ria : “Didi hospital gayi hain. Subah-subah ek emergency patient tha, isliye jana pada.”
Jyoti : “Subah hi?”
Ria : “Haan, Maa. Aap chaliye, kha lijiye.”
Jyotii : “Mujhe bhookh nahi hai. Tum kha lo.”
Ria ne uski taraf dekha, uski aankhon mein chinta thi Jyoti ke liye, par usne apni awaaz mein thodi si sakhti bharte hue kaha.
Ria : “Maa, aapki haalat dekho. Sukh chuki hain aap. Uss... uss rakshas ke marne ke baad bhi uska saaya shayad yaha mandra raha hoga.”
Jyoti ke chehre par ek halka sa dard ka bhaav ubhra.
Jyoti : “Ria, woh tumhara bhai hai.”
Ye sunte hi Ria ne daant pees kar kaha.
Ria: “Bhai? Bhai nahi, rakshas! Woh Rakshas tha, Maa. Aap bhool gayi usne kya kya kiya tha?”
Kya ye wahi Ria thi? Jo apne nanhe bhai ko bas ek baar dhakne ke liya poora din excited thi, raat ko soye tak nahi thi woh usdin, chocolate ke prati lalach ko side rakhke usne apne nanhe bhai ke liye woh chocolate rakhi thi gift ke tour pe, andhere mein woh dar Rahi thi usdin fir bhi apne bhai ko kucch bhi karke dekhna tha, dono behno ne milke plan bhi banaye thi apne bhai se Milne ke liye, itna sab kuchh usne Kiya sirf ekbar apne bhai ko dhakne ke liye! Par aaj? Aaj wahi Ria ke mu se apne wahi bhai ke liye 'rakshas' jaisa apshabd nikal raha hai. Jo bhai ab iss duniya mein hi nahi raha.
Jyoti ek pal ke liye chup ho gayi. Uski aankhein jaise beete hue kal ke kisi andhere kone mein kho gayi. Ek chhota sa aansoo uski aankh se nikla, jo uske haathon par gira chamakta huye. Aisa laga jaise woh uss dard ko apne andar hi samet lena chahti ho. Phir usne dheere se pucha.
Jyoti : “Tumne khana khaya?”
Ria : “Nahi, Maa. Chaliye, nashta karte hain.”
Jyoti : “Hmm”
kaha aur Ria ke saath uth khadi hui. Ria ne uska haath pakad kar sambhala, kyunki jab bhi Jyoti ko aise sapne aate, woh kamzor pad jati thi. Ria ne usse dheere-dheere dining table tak le jaya aur baitha diya. Samne Shanti bhi baithi thi, jo Jyoti ko gusse bhari nazron se dekh rahi thi. Shanti ne kathor awaaz mein kaha.
Shanti : “Bahu, fir se tune uss haivan ka naam liya?”
Jyoti ne sirf sir jhukaye rakha, koi jawab nahi diya. Uske haathon mein uski saaree ka pallu zoor se dabaya hua tha, jaise woh kisi gusse ko daba rahi ho. Ria ne dekha ki uski maa sapne ke asar mein abhi bhi kamzor thi, isliye usne jawab diya.
Ria : “Dadi, ab chhodiye woh sab baatein.”
Shanti ne phir bhi kahana jari rakha.
Shanti : “BAHU?”
Jyoti : Ji!.
Shanti : “Kitni baar kaha hai, uss manhoos ke baare mein sochna bhi mat. Mar chuka hai woh.”
Jyoti ne sirr jhukaye hi rakha, par uske haathon ka dabaav aur badh gaya. Woh bas halke se boli - “Ji.”
Teeno khana khane baith gaye. Prakash kaam pe gaya hua tha, aur Mishka hospital mein thi. Anita khana paros rahi thi, yahi uska kaam tha. Naukrani thi vah. Ek aur kaam bhi tha uska, par woh kaam ki wajah ab iss duniya mein nahi raha. Ab woh sirf khana banati thi, parosati thi, aur chupchap apne dard ko chhupati thi.
Jyoti ka khane ka mann nahi tha. Sapne ki yaadein usse nigalne nahi de rahi thi. Fir bhi woh mann maar ke kha rahi thi. Sab chupchap khana kha rahe the, aur yeh sannata Ria ko boring laga. Usne TV on kiya, par TV par kuch khaas nahi tha. Ria ne shikayat bhari awaaz mein kaha.
Ria : “Koi entertaining program hi nahi aa raha aaj kal.”
Shanti : “Kya hua?”
Ria ne muh banate hue kaha.
Ria : “TV mein wahi purane faltu programs.”
Shanti : “Toh news dekh le.”
Ria : “Haan, yeh sahi rahega. In faltu programs se toh achha news hi dekh loon.”
Khana chabate hue usne remote uthaya aur channel badal diya. Ek news channel – 74 Ghante – screen par dikhayi diya. News host ek ke baad ek ajeeb si khabrein padh raha tha~
“Mumbai ke ek kauwe ne seekha piano bajana, ab uski concert ke liye Bollywood stars line mein!”
“Mote gende ke neeche paya gaya chhota genda, tajjub ki baat thi chhota genda zinda tha!”
“Delhi ke auto driver ne banaya time machine, par sirf 5 minute aage jaati hai!”
“Bangalore ke ek kutton ne launch kiya doggy dating app, ab shaadi ke liye qazi dhoondh rahe hain!”
“Agra ka Taj Mahal raat bhar disco lights se jagmagaaya, Mumtaz ne sapne mein shikayat ki!”
Ria : “Yeh kya news thi?!”
Shanti : “Band kar, faltu news dikhate hain sab.”
Ria TV band karne hi wali thi ki tabhi studio host ki awaaz goonji.
Breaking News! Breaking News!
Ria ka haath remote par ruk gaya. Jyoti, jo chupchap khana kha rahi thi, Jyoti ne bhi sirr uthaya. Sabki nazrein 65-inch ki TV screen par tik gayi. Newshost k
e chehre par ek ajeeb si uttejana thi, jaise woh koi badi khabar sunane wala ho. Kamre mein sannata chha gaya, sirf TV ki awaaz goonj rahi thi...
74 GHANTE NEWS CHANNEL - chamakdaar, roshni se bhara hua studio, jahan ek niyantrit hulchul ka mahaul hai. Anchor desk ke peechhe ek bada LED screen channel ka logo aur ek bold laal ticker dikhata hai.
BREAKING NEWS: BHAYANKAR HATYA - JANE-MANE UDYOGPATI VIRAJ KAPOOR KI MAUT.
Anchor, Anjana Joshi, ek anubhavi patrakaar, neeli saree mein sajji hui, seedhi baithi hain, unka chehra gambheerta aur teevrata ka mishran dikhata hai. Unki aankhein camera par tiki hain, awaaz mein sthirta par khabar ki bhaari wazan jhalakti hai.
ANJANA JOSHI (awaaz prabhaavshaali, teevra) : Namaskaar, aap dekh rahe hain 74 Ghante News. Ek sankaari khabar abhi abhi saamne aayi hai. Mumbai ke prasiddh udyogpati, Ivy Loft ke maalik, Mr Viraj Kapoor ki bhayankar hatya unke apne guest house mein hui hai. Kaise hui yeh hatya? Kya thi wajah? Iss khabar ki gehraai tak jaane ke liye, hum seedhe ghatna sthal par jaate hain, jahan humari reporter, Rita Sharma, maujood hain. Rita, aap hamein kya update de sakti hain?
EXT. VIRAJ KAPOOR KA GUEST HOUSE -
Mumbai ke Juhu ilaake ke ek vishal, shaan-e-shaukat wale guest house. jiska aas paas police gaadiyon ki chamakti laal-neeli roshniyon ko pratinidhit karta hai. Dekhne waalon ka ek bheed peeli police tape ke peechhe khadi hai. Hawa mein tanv ghula hua hai. Rita Sharma, ek jawan par anubhavi reporter, ek tailored blazer mein, uska chehra camera ki kathor roshni se jagmaga raha hai. Peechhe, forensic team safed suits mein guest house ke andar-baahar aati-jaati dikh rahi hai.
Rita apna microphone mazbooti se pakadti hai, uski awaaz sthir par ghatna ki gambheerta se bhari hai.
RITA SHARMA (awaaz saaf) : main Rita Sharma, yahan Viraj Kapoor ke guest house ke baahar khadi hu, jahan kal raat ek bhayankar hatya hui hai. Mumbai ke jane-mane udyogpati, Viraj Kapoor, jo apne vyavsayik safalta aur Ivy Loft jaise shaan-e-shaukat projects ke liye jaane jaate the, unhi ki guest house mein hatya kar di gayi hai. Police abhi ghatna sthal par jaanch kar rahi hai, lekin yeh ek rahasymayi ghatna hai jo kai sawaalon ko janam de rahi hai.
Anjana thodi aage jhukti hain, unki aankhein suzti hain jab woh jaankaari ko samajhti hain. Peechhe LED screen par Viraj Kapoor ki ek file tasveer dikhayi deti hai, Viraj Kapoor - ek charishmatic vyakti, lagbhag 40 saal ke, ek impeccable suit mein, ek business event mein muskurate hue.
ANJANA JOSHI : Rita, kya police ne koi sanket diya hai? Kya yeh niji dushmani ka maamla ho sakta hai, ya fir koi dakaiti ke iraade se ghar mein ghus aaya tha aur yeh hatya usi ka parinaam hai?
Rita peechhe ek police afsar ki taraf ek kshan ke liye dekhti hai, fir camera ki taraf mudti hai. Uska chehra shant hai, par aankhein thodi bechaini dikhati hain jab woh tafseel batati hai.
RITA SHARMA : police ke prarambhik jaanch ke mutabik, yaha koi dakaiti ya chori ka koi saboot nahi mila hai. Guest house mein rakhi kimti cheezein — jaise Viraj Kapoor ki pasandida diamond-studded ghadi aur unke sanngrahit antiques, sab kuch apni jagah par hai, jaisa ka waisa. Isse yeh sanket milta hai ki shayad yeh hatya kisi niji dushmani ka natija ho sakti hai.
Tv screen ke Neeche ticker badalta hai -
VIRAJ KAPOOR KI HATYA: NIJI DUSHMANI YA KUCH AUR?
ANJANA JOSHI (awaaz teevra) : Toh, aap dekh rahe hain, ek jana-mana naam, Viraj Kapoor, jinhone apne vyavsay ke dum par desh bhar mein pehchaan banayi, unki hatya unke apne guest house mein hui hai, aur shayad yeh kisi niji dushmani ka natija ho. Rita, zara roshni daaliye Viraj Kapoor ki maut kaise hui? Hamein iss ghatna ke baare mein aur vistaar se bataiye.
Rita ek kshan ke liye jhijhakti hai, uska gala bhaari hota hai jab woh thuk nigalti hai. Camera thodi zoom karta hai, uski aankhon mein tanav pakadta hai. Woh gehri saans leti hai, uski awaaz mein thodi kampan hai jo usne dekhe bhayankar drishya ka dar bayan karti hai.
RITA SHARMA (awaaz ladkhadati hai): yeh… yeh ek atyant bhayankar ghatna hai. Viraj Kapoor ka shareer… unka shareer do tukdon mein baanta hua mila hai. Guest house ka farsh khoon se lathpath hai. Unka shareer, jaise kisi ne… kisi ne kisi bhayankar hathiyaar se do hisson mein kaat diya ho. Yeh drishya… yeh drishya dil dahlane wala hai. *rukti hai, camera ki taraf dekhti hai* Abhi aapki screen par woh tasveerein dikhayi ja rahi hongi.
TV SCREEN par ek heavily blurred tasveer aati hai, broadcast niyamon ka paalan karte hue, par bhayankarata saaf hai - ek shareer, do tukdon mein baanta hua, marble ke farsh par khoon ke ek gahre, chamakte talab mein pada hai. Camera itna hi der tak rukta hai ki wahi krurata dikha sake.
Anjana ka chehra safed pad jata hai, uski aankhein badi hoti hain fir jaldi band ho jati hain, jaise woh tasveer ko dimaag se hata rahi ho. Uski haathon mein thodi kampan hai, par woh sambhalti hai, uski awaaz mein ab vismay aur vyavsaayikta ka mishran hai.
ANJANA JOSHI : W-who… kisne kiya yeh bhayankar kaand? Rita, kya police ke paas koi suraag hai? Yeh kaun hai jisne itni nirlajjta se yeh hatya ki?
Rita camera ki kathor roshni ke neeche khadi hai, uska chehra ab shant hai par aankhein abhi bhi bhay se bhari hain. Peechhe ek police van chali jati hai, aur bheed ke murmuraahat ki awaaz ek halki si bhay aur anumaan ki gungunahat ban jati hai.
RITA SHARMA : Abhi tak police ke paas koi thos suraag nahi hai. Yeh ek rahasymayi hatya hai. Police ke mutabik, koi bhi chhed-chhaad ya toot-phoot ke nishaan nahi mile hain.
Anjana sirr hilaati hai, uska chehra gambheer hai. Ticker update hota hai.
VIRAJ KAPOOR HATYA: RAHASYA GHEHRAATA JA RAHA HAI.
ANJANA JOSHi : yeh thi tazi khabar Mumbai se, jahan Viraj Kapoor ki bhayankar hatya ne sabko hila kar rakh diya hai. Police ke paas abhi koi thos suraag nahi hai, lekin jaanch jari hai. Hum iss khabar par nazar rakhe hue hain. Saath rahiye 74 Ghante News ke saath.
65-inch OLED TV ki roshni dining area ko bhar deti hai. Dining table, jiske oopar ek crystal chandelier latak raha hai, adhe khaaye hue plates se saja hai. Ria, Shanti, Jyoti, Anita sabhi ye news dekh rahe the, sabhi dashak mein, shant par tanv mein, aur Anita shant par savdhaan, sthir baithi hain, jaise usne isse bhi bhayankar mout dekhi ho. un sab ki aankhein TV par tiki thi.
News broadcast ne kamre ko chuppi mein duba diya tha, hawa mein bhay ka bhaav hai.
Ria ka fork uske plate ke oopar rukta hai, uska haath kamp raha hai. Uska chehra safed hai, aankhein vismay se badi. Uske plate par adha khaaya paratha bhoola hua lagta hai, jaise news ne uski bhookh chheen li ho.
Ria : Aisa… aisa kaise koi kisi ko maar sakta hai? Do tukdon mein… Yeh kaun haiwan hai?
Shanti, jo table ke mukhya sthaan par baithi hai, achanak aage jhukti hai, uska haath uske seene par jata hai. Uska chehra bikharta hai, aur woh ladkhadati hui uthkar bathroom ki taraf daudti hai. Ulti ki halki awaaz goonjti hai. Ria chinta se bhari, woh uthkar apni daadi ke peechhe daudti hai.
RIA (chintit) : Dadi! Kya hua? Dadi, theek ho?
Shanti sink ke oopar jhuki hai, uske haath marble counter ko mazbooti se pakde hain, uski saans tezi se chal rahi hai. Aaine mein uski parchhai ek aisi aurat dikhati hai jo adhi mumar ki hai andar se hili hui hai, uski aankhein Bhay se bhari hain. Ria uske peechhe khadi hai, uske kandhe par haath rakhkar.
Shanti: Yeh… yeh kaun haiwan hai jo aisa karta hai? Ria, channel badal de. Main yeh nahi dekh sakti.
Ria : Haan, dadi, main badal deti hoon.
Ria dining area mein wapas aati hai, remote ke liye haath badhaati hai. Jyoti, jo chup thi, apni kursi se uthkar Shanti ke paas jaati hai. Jyoti ke har kadam mein ek dhima pan tha,uska chehra apathniya hai, par uski aankhein kuchh keh Rahi hai. Woh Shanti ke paas jhukkar kehti hai, uski awaaz dheemi hai, par ek thandi si teevrata se bhari hai.
Jyoti : Kyun, maaji? Bas itna dekh kar aap darr gayi? Uss din… uss din aap toh nahi dari thi? Woh maut toh isse bhi bhayankar thi. Hai na, maaji?
Shanti sthir ho jati hai, uski aankhein Jyoti se takraati hain. Shanti ke honth khulte hain, par koi shabd nahi nikalte. Jyoti ka haath Shanti ki baah par thoda sakht hota hai, uska chehra shant hai par aankhein ek toofaan dikhati hain— gussa, dard, aur kuch Raaz.
Jyoti : Par dekho, maaji, mujhe toh koi darr nahi lagta. Pata hai kyun?
Shanti : K-kyun?
Jyoti : Kyunki maine jeevan mein jo bhayankar paap kiya hai, uske aage yeh news toh chhoti si baat hai, maaji.
Kehte huye ek bund Aansu Jyoti ke gaal par chhalk, roshni mein chamakta hua. Uski sookhi aankhein jaise ek samundar ka dard chhupaye hain, jaise woh tootne ke kagaar par hai par apne aap ko sambhaale hue hai. Shanti, saaf dar se kampati hui, apni baah ko chhudaati hai, uska chehra bhay aur asmanjas ka mask ban jata hai.
Shanti : B-bahu? Tu… tu aaj kal kuchh zyada bol rahi hai.
Udhar Ria, TV ke paas khadi, yeh sab dekhti hai, uski baah sikudti hain. Woh tanv ko mehsoos karti hai par samajh nahi paati. Uska haath remote ke oopar ruki huye hai.
RIA : (asamanjas mein) : Kya hua, dadi? Maa, kya bol rahi hain?
Jyoti Ria ki taraf mudti hai, uska chehra ek majboor muskaan mein dhalta hai. Woh paas aati hai, Ria ke kandhe par dheere se haath rakhti hai, par uski aankhein abhi bhi dard se bhari hain, jise woh subhe ka sapna abhi usse chubh rahi ho.
Jyoti (dheeme se) : Kuchh nahi, beta. Tumhari dadi bas yeh news dekh kar dar gayi thi.
Shanti Jyoti ko ghoorti hai, uske honth ek patli rekha mein dab jaate hain. Bina ek shabd bole, woh uthti hai aur kamre se baahar chali jati hai, Ria usse jaate dekhti hai, uska asamanjas aur gehra hota hai. Tabhi TV fir se goonjta hai, uska dhyan wapas kheenchta hai.
Anjana Joshi ki awaaz tanav ko kaatati hai, uski teevrata mein ek urgency hai jab ticker chamakta huya lekh dikhata hai -
BREAKING NEWS: VIRAJ KAPOOR HATYA MEIN NAYA KHULASA.
ANJANA JOSHI (prabhaavshaali) : Abhi abhi ek aur ek badi khabar saamne aayi hai! Viraj Kapoor ki hatya ke sambandh mein. police ne CCTV footage ki jaanch ki, lekin saare footage ko kisi ne jaan bujhkar mita diya hai. Koi bhi fingerprint ya suraag nahi mila hai. Sutron ke mutabik, jab yeh hatya hui, tab Viraj Kapoor iss guest house mein bilkul akele the. Aisa lagta hai ki hatyara yeh jaanta tha ki Viraj Kapoor kal raat akela hoga. Yeh ek sochi-samjhi sazish ka hissa ho sakta hai. Police apni jaanch ko aur tez kar chuki hai. Saath rahiye, 74 Ghante News ke saath, main Anjana Joshi.
Ria TV ko ghoorti hai, uska chehra safed, pair thodi si kampan ke saath. Woh kursi par baith jati hai, uski nazar screen aur parivaar ke beech dolti hai. Anita, jo chupchaap sab dekh rahi thi, aage badhti hai, uski shant mudra is tanavpurna mahaul ke bilkul vipreet tha.
Ria : Yeh haiwan kaun hai? Police isse jaldi pakad ke saja de....
Jyoti : Ria, beti, ek baat yaad rakhna. Duniya jaisa dikhti hai, waisa hamesha hota nahi.
Ria : (asamanjas mein) : Matlab?
Anita (dheere se, bolti hui) :
Main samajhti hu, bahurani. Ria, bitiya, bahurani ki kehne ka matalab tha hum jo aankhon se dekhte hain, woh hamesha sach nahi hota. Kabhi kabhi aakhon dekhi sachai bhi jhooti hoti hai.
Ria, Jyoti aur Anita ko dekhti hai, uski baahe aur bhi sikudti hain. Woh apna sir khujati hai, jaise woh iss baat ka matlab ab bhi nahi samjhi ho.
Ria : Kya bol rahi ho aap dono? Mujhe kuchh samajh nahi aa raha. Anyways Main ja rahi hu!.
Jyoti : Kahan ja rahi ho?
Ria : Aap bhi na, maa. College ja rahi hu, aur kahan jaungi?
Ria apna backpack uthati hai aur darwaze ki taraf badhti hai, ek aakhri nazar TV par daalti hai, jahan Anjana Joshi ki awaaz goonj rahi hai, aur ye News updates ka vaada kar rahi hai.
Jyoti par rukta hai, uska chehra apathniya, uski aankhein abhi bhi usi ek aansu ke saath chamakti hain, apni kamzor sarir ko sahara dete huye wo
baith jaati hai.
Anita : bahurani, aap ko kamre mein chhod aayu?
Jyoti : rehne do, kucch der yehi baithi hu.
______.
**Kariban ek mahine pahle**
*Out of the main city*
*Time : 7 AM*
"Kiya sach mein, maa?"
"yaaaaaaay! wheeeeee!"
"Thik hai, maa! Mein aap ki baat manunga"
" Huh!.. Aap??"
"Nahiiiiii...!!! M-mujhe mat maro! MAA!!! mujhe mat maro!!"
Ek dil dhadka dene wali, bhayanak chikh ne subah ke aalas bhari sannate ko cheer diya. Hawa mein lehraati yeh awaaz jaise kisi gehre dard aur khauf ka prateek ho.
Ek chhota sa kamra, jaha diwaron pe purani, phati-plasti si paint latki hui thi, aur ek kona thodi si seelan se bheega hua tha. Kamra bohat hi sadharan tha, jaha har cheez mein sada jeevan ki chhap dikhayi deti thi. Kamre ke beech mein ek purana, khrkhrata bistar tha, jisme ek ladka soya hua tha. Uska badan paseene se tar-batar tha, chehra sankat se bheega hua. Shayad woh koi bhayanak sapna dekh raha tha, jiska khauf uski chikh mein saaf jhalak raha tha. Sapna aisa jo uski rooh tak ko hilakar rakh deta tha.
Achanak kamre ka darwaza jor se khula, aur ek ladki bhagi-bhagi andar aayi. Uska chehra ghabrahat aur chinta se bhara hua tha. Ladke ko is halat mein dekhkar uski aankhein ekdam se nam ho gayin. Woh ladki dheeme kadmon se bistar ke paas aayi. Uska chehra saaf bata raha tha ki woh uss ladke ke liye kitni chintit thi. Usne apna haath dhire se aage badhaya aur ladke ke maathe ko sehlane lagi. Uska sparsh itna naram aur pyar bhara tha, mano woh uske dard ko apne haathon mein samet lena chahti ho. Uske muh se ek mithi, shant awaaz nikli.
"Bhaiya"
Ladki ke naram sparsh aur uski pyaari awaaz ne jaise ladke ke sapne ke kaale baadalon ko chheer diya. Usne dheere se apni aankhein kholin, jo abhi bhi sapne ke khauf se thodi si kamp rahi thi. Samne usne ladki ko dekha, jo uske maathe ko pyaar se sehla rahi thi. Ledke ki dekh ladki ke chehre pe ek muskurahat aa gayi.
"Bhaiya!"
ladki ne fir se pukara, is baar uski awaaz mein thodi rahat thi, jaise usne ladke ko hosh mein dekhkar chain ki saans li ho. Ladka abhi bhi apni sansein sametne ki koshish kar raha tha. Uske seene ki dhadkan ab bhi tezi se chal rahi thi. Woh dheere se utha aur bistar pe baith gaya. Uska chehra abhi bhi paseene se chhalak raha tha.
? (Huff) : "Gudiya?
"Fir se wahi bura sapna dekha, bhaiya?"
ladki ne pucha, uski awaaz mein chinta thi. Woh abhi bhi uske maathe ko sehla rahi thi, jaise uska sparsh uski saari takleefon ko door kar dega.
? (Huff) : "H-Haan, Gudiya..."
ladke ne jawab diya, apni saanso ko sametne ki koshish karte hue.
"Woh sab bhul jao, bhaiya. Main hoon na aapke sath,"
ladki ne kaha, uski awaaz mein ek vishwas tha, Usne ladke ke maathe pe ek aur baar haath phera, aur ladka dheere-dheere apni saansein sambhalne laga. Usne ek gehri saans li, jaise apne andar ke darr ko bahar nikal raha ho, aur fir bola.
? : "Tum... tum itni jaldi kaise uth gayi?"
Ladki ke chehre pe ek halki si muskurahat aayi.
"Aaj college ka festival hai na, isliye jaldi uthna pada,"
? : "Ohh!"
"Aap ab thik ho na, bhaiya?"
ladki ne fir se pucha, uski aankhein abhi bhi uske chehre ko padh rahi thin.
? : "Haan, Gudiya!"
ladke ne jawab diya, ab uski awaaz mein thodi si sthirta thi.
"Toh jaldi se ready ho jao, aapko bhi toh jana hai"
"Hmm, tum jao, main aata hoon,"
ladke ne kaha, aur ladki ne ek aakhiri baar uske maathe ko sehlaya. Fir woh muskurati hui uthi aur darwaze ki taraf chali gayi. Jaate-jaate usne palat kar dekha aur ek pyaari si muskurahat ke sath kaha.
"Jaldi karo, bhaiya! Waise bhi hum pehle se hi late ho chuke hain."
Ladke ne bhi halka muskurate huye 'haan' mein sarr hila diya. Ladki chali gayi, aur ladka bistar se uthkar fresh hone ke liye chala gaya. Bathroom mein, jab usne apne chehre pe thande pani ki chheente mari - jaise woh uss bhayanak sapne ke asar ko dho raha ho.
Samne rakhe ek chhote se, toote aine mein usne apne aap ko dekha toh Aine mein ek jawan ladka ka chehra dikhayi diya. Uske kaale, thode lambe baal uski aankhon se hote hue gaalon tak aa rahe the, Usne haathon se apne baal peeche kiye, toh uski aankhein saaf dikhayi di. Woh halki bhuri aankhein, jisme ek gehri kahani chhupi hui thi.
Aine mein apne aap ko dekhte hue, uske mann mein bite hue dino ki yaadein dobara ubharne lagi thi, lekin usse pehle ki woh un yaadon mein doob jata, wahi ladki ki awaaz fir se goonji.
"Bhaiya! Jaldi karo!"
? : "Haan, bas 5 minute!"
ladke ne jaldi se jawab diya aur ready hone laga. Usne ek sadharan si red-black check shirt pehni, aur ek light washed blue jeans. Apna purana, bag kandhe pe chadhaya aur kamre se bahar nikla. Bahar aate hi usne dekha ki woh ladki usse gusse bhari nazron se ghoor rahi thi. Uske paas ek aadmi baitha tha, jiske haathon mein ek newspaper tha. Aadmi ne jab ladke ko dekha toh unke chehre pe ek muskurahat aaye, fir unhone bola -
"Aryan beta! Naina gussa hai tumpe, tum late ho."
.
.
.
.
.
.
.
Aaj ke liye itna hi guys. Sham ko hi update de deta per thoda kam aa gaya tha isliye nahi de Paya. Abhi time mile toh post kardiya, warna mein subha hi post karne wala tha.
Iss update mein humne padha ki Aryan ab bhi jinda hai, par apno se dur kahi aur hai.
Guys pasand aa raha hai to like thoka karo, fir mujhe bhi motivation milega aage likhane ke liye. Also don't forget to share your thoughts on it, leave a comment and thoda page's badhao guys.
Milte Hain next update me.
- 1,131
- 4,396
- 144
- 1,131
- 4,396
- 144
- 1,131
- 4,396
- 144
Update 5 - the dragon!
Previous...
Aine mein apne aap ko dekhte hue, uske mann mein bite hue dino ki yaadein dobara ubharne lagi thi, lekin usse pehle ki woh un yaadon mein doob jata, wahi ladki ki awaaz fir se goonji.
"Bhaiya! Jaldi karo!"
? : "Haan, bas 5 minute!"
ladke ne jaldi se jawab diya aur ready hone laga. Usne ek sadharan si red-black check shirt pehni, aur ek light washed blue jeans. Apna purana, bag kandhe pe chadhaya aur kamre se bahar nikla. Bahar aate hi usne dekha ki woh ladki usse gusse bhari nazron se ghoor rahi thi. Uske paas ek aadmi baitha tha, jiske haathon mein ek newspaper tha. Aadmi ne jab ladke ko dekha toh unke chehre pe ek muskurahat aaye, fir unhone bola -
"Aryan beta! Naina gussa hai tumpe, tum late ho."
Continue...
Ek peela Auto sadak par chal rahi thi, dono taraf se thandi hawa ke jhonke aa rahe the. Peeche ki seat par Aryan aur Naina baithe huye the. Aryan khidki ke baahar dekh raha tha, uski aankhein thodi si khoyi hui thi, shayad subah ke uss sapne mein abhi bhi dooba hua tha. Naina, jo uske bagal mein baithi thi, use gusse bhari nazron se ghoor rahi thi, uske chehre par ek chhoti si tunkar thi. aur haatho pe haath baandhe huye the.
Auto driver ka ek daant tak se dab raha tha, jaise woh kisi cheez par gaur kar raha ho, aur kabhi-kabhi rearview mirror mein peeche ki taraf jhaank leta tha.
Aryan ko Naina ki teekhi gusse wali nazron ka ehsaas hua. Usne dheere se uski taraf dekha, aur jab dekha ki woh abhi bhi gusse mein hai, toh jaldi se seedha baith gaya, apni shirt ke collar ko theek karte huye.
Aryan : Kya huya?
Naina : Bhaiya, agar hum late huye to dekh lena, huhh!.
Aryan ki wajah se dono aaj college ke liye late ho gaye the. Aaj college mein festival tha, isliye naina gussa dikha rahi thi, usse festival wagera pasand tha.
Aryan : Kitni baar to sorry keh chuka hu.
Naina (sarcastically): Oh! hohoho! dekho to... Sorry kehne se kya hum time pe pouche jayenge?
Aryan (smile): Itni bhi late nahi huye hum!
Naina (glaring): Dekh lena agar hum late huye to... Haan! Mein wapas ghar aa jaungi.
Aryan (teasing): Phele to pahunche to sahi.
Naina : Humph!!
Naina ne muh fulaya, apne baalon ko ek jhatke se peeche kiya, aur doosri taraf muh kar liya, khidki ke baahar dekhne lagi. Jaise ki baya kar rahi thi apni narazgi jata rahi thi.
Aryan ne auto driver ko thodi jaldi chalane ka ishaara kiya, apni awaaz mein thodi si jaldi dikhate huye.
Aryan : Bhai, zara jaldi chala do.
Auto driver : Ye Auto hai, bhai!! Koye aeroplane nahi.
Naina ne yeh sunke apne daant ghis liye, muh aur zyada fulaya, aur khidki ke baahar dekhne lagi, jaise uska mood bilkul kharab ho. To wahi Aryan ka dhyaan phir se kahi kho gaya. Uske chehre par ek udaasi si chha gayi, jaise koi purani yaad uske dil ko kured rahi ho.
Aryan (mann mein) : Woh sab...! Ye sapna...! Kya kabhi mein shanti se jee paunga? Mera parivar, Ria di, Mishka di, maa, pita ji, dadi, choti maa woh sab... Sabhi ke sabhi... Main! Main kaise bhulu uss raat ko...!!! Maine aapko biswas kiya tha maa! Main.. main.....!
Aryan ki aankhon mein udaasi thi, uske chehre ke haav-bhaav se lag raha tha ki woh kisi purani ghatna ko yaad kar raha tha jo aaj bhi use satati thi. Naina, jo uske bagal mein baithi thi, usne jab uski taraf dekha, to uski aankhon mein wahi dard aur tanav dikha. Auto ke jhatke aur sadak ke shor ke bawajood, Aryan ekdum sthir tha, jaise uski yaadein auto ke hilne se bhi na hilein.
Naina (softly): Bhaiya!!
Naina ne dekha ki Aryan phir se kisi soch mein doob gaya tha. Usne dheere se uske kandhe par haath rakha aur thoda sa hilaya, jaise use uski yaadon se baahar nikaalna ho.
Aryan (startled): Haan!... Haan!
Naina (concerned): Kya soch rahe the?
Aryan : Nahi kuch nahi!
Naina : Wahi sapne ke bare mein na?
Aryan : Nahi... woh!
Naina (reassuring): Bhaiya! Mein apke saath hu. Aap uss sapne ke bare main mat socho, okay!
Aryan ne ek halki si muskurahat ke saath haami bhari, lekin uski aankhein abhi bhi thodi si udaas thi. Naina ne bhi muskurake uske paas thodi si khisak kar baith gayi, jaise use tasalli dena chahti ho.
Naina (innocently): Main aur baba aapke parivar hai na?
“Parivaar” shabd sunte hi Aryan ke dil mein ek dard sa utha, jaise koi purana zakhm phir se khul gaya ho. Phir bhi, usne apne chehre par ek muskurahat banaye rakhi, taaki Naina ko uska dard na dikhe.
Aryan (smiling): Haan!
Naina (curiously): To undin kiya huya tha? bhaiya!? 8 saal phele, jab baba aap ko hamare ghar Le aaye the? Aap ne uss bare mein kabhi bhi mujh se ya baba se Kuch bhi share nahi kiye, kiya huya tha aap ke saath bhaiya?
Aryan chup raha, kyunki uska dhyaan ab kahi aur chala gaya tha. Usne samne ki taraf dekha to notice kiya ki auto driver rearview mirror mein se peeche jhaank raha tha. Naina, jo Aryan se baat karte huye uske kandhe par haath rakhe thi, auto ke jhatkon se thodi si hil rahi thi. Usne ek dark blue round-neck, full-sleeve top pehna tha, par auto ke hilne ki wajah se uske stan bhi halke se hil rahe the. Driver ki nazar wahi pe thi, aur woh apni jeebh ko honton par gandi tarah se pher raha tha, jaise kuch galat soch raha ho. Uski ye gandi hartak Aryan ne dekh liya.
Aryan (angrily): Ayyy! samne dekhke driver karo.
Auto driver ekdum se dar gaya, uski gandi harkat pakdi gayi thi. Sharam se usne apni nazrein jhuka li, jaise use dar tha ki koi hungama ho sakta hai ya uska license jaapta ho sakta hai. Usne turant nazrein seedhi ki aur auto chalane laga.
Aryan (sternly): Naina, beg aage rakha karo.
Naina (confused): Kyun Kiya huye?... Arreh!!
Usne Naina ke peeth se uska bag utara aur zabardasti uske saamne rakh diya.
Naina : Arre.. kiya huya? Beg aage Kyu rakh Rahe ho?
Aryan : Tumhe kaha tha na Auto ya fir train se jab Safar karo beg aage rakh liya karo?
Naina (pouting) : Haan! Kahe the, par beg aage rakhne se Kiya hoga? Bhaiya!
Naina ko abhi bhi samajh nahi aa raha tha ki Aryan aisa kyun keh raha tha, lekin uski baat maante huye usne bag apne saamne rakh liya, aur phir doosri taraf muh karke baith gayi.
Aise hi Kuch hi der baad auto college ke saamne ruka. Bahar se festival ki awaazein aa rahi thi — music, logon ki baatein, aur jashn ka shor.
Naina auto se utri, apna bag kandhe par daala, aur campus ki taraf dekha. Aryan ne driver ko paise dete waqt use ek gusse bhari nazar se ghoora. Driver ne sar jhukake paise liye, sharam se Aryan ki aankhon mein aankhein nahi mila pa raha tha woh.
Paise ka hisaab nipta kar, Aryan aur Naina college ke entrance ki taraf badhe. Saamne ek bada sa board tha, phoolon aur rang-birangi ladiyon se saja hua, jismein college ka naam bade aksharon mein likha tha.
Campus ke andar ka nazara dil khush kar dene wala tha — New Freshers. Festival ka jashn apne poore rang mein tha. Thandi hawa ke saath suraj ki halki roshni campus ko aur sundar bana rahi thi. Rang-birange jhande, phoolon ki ladiyaan, aur fairy lights har taraf chamak rahe the. Maidan mein ek pandal tha, jismein rangoli aur diye saje huye the. Stage par kuch students dance aur music ki practice kar rahe the. Kuchh ladkiyaan sarees mein, ladke kurtas ya colorful shirts mein. Hawa mein jalebi, chai, aur chaat ki khushboo thi. Har chehra khushi se chamak raha tha.
Naina (excitedly): Wow! Bhaiya!!! campus to bohat khubsurat laga raha hai.
Naina campus ki khubsurti ko dekh rahi thi, aur Aryan ko bhi dikha rahi thi. apne baalon ko haath se theek karte huye woh muskurayi. Lekin Aryan ka dhyaan campus ki khubsurti pe nahi balki kisi orr ki khubsurti pe tha -
Myra Sethi!
Myra Sethi, college ki sabse famous ladki. Uski sundarta aisi thi ki koi bhi usse dekhe bina nahi reh sakta tha. Kali badi aankhein, chhoti par well-shaped naak, patle honton, gora rang, thodi si ghunghrale baal, aur lambi par nazuk kaya. woh har kisi ko apni taraf kheench leti thi. Aryan bhi is attraction se bacha nahi tha, lekin uska pasand karna sirf sundarta tak nahi tha. woh Myra ko kahi na kahi dil se pasand karta tha. Aur sayad yehi uska bhool tha.
Aryan aur Myra dono second year mein ek hi class mein padhte the, aur Naina bhi unke saath thi. Jab Naina ke Baba Aryan ko apne ghar laaye the, tab unhone hi Aryan ka admission Naina ke saath college mein karwaya tha. College ke pehle din se hi Aryan ko Myra pasand aa gayi thi.
Myra apni chaar saheliyon—Sanya, Meera, aur do aur ladkiyon ke saath khadi thi, baatein kar rahi thi, aur kabhi-kabhi zor se hans rahi thi. Tabhi Sanya ne saamne ki taraf ishaara kiya, jahan Aryan khada tha.
Sanya (giggling): Dekh rahi hai Myra tera Aashiq kaise tujhe dekh raha hai.
Meera ne yeh sunte hi apne pair pakad liya aur zor se hansne lagi.
Meera (laughing): Aree!! ye to wahi ladka hai na, naam kiya hai uska? Haan! Aryan aisa kuchh hai.
Sanya (laughing): Jara dekh to usko, hahaha! Ye... ye kaisa kapde pahen ke aaya hai? Hahaha! Joker lag raha hai.
Meera (grinning): Hahaha! Uske maaze lete hai chal, Aaj din bhi accha hai prank ke liye.
Myra : What? Tum dono kiya karne jaa rahi ho?
Sanya (smirking): Nothing just wait and watch.
Myra (sternly): Hey don’t do any stupid thing.
Meera : It’s gonna be a little prank.
Myra : No leave it just enjoy the festival.
Sanya : It’s gonna be fine, don’t worry.
Myra : Par....
Meera (cutting in): It’s will be just a prank.
Sanya (scheming): Ab suno sabhi suno main usse yeha bulata hu aur Myra tu kahi aur chali ja.
Myra : What? What you all plaing to do?
Sanya (laughing): It’s nothing, suno main jo keh rahi hu.....!
Sanya ne apni saheliyon ko plan samjha diya. Myra, do aur saheliyon ke saath, wahan se chali gayi, jabki Sanya aur Meera wahin ruk gayi thi.
Meera : Heyy?
Meera ne thodi door se Aryan ko pukara. Aryan ne pehle idhar-udhar dekha, sochkar ki kahin kisi aur ko toh nahi bula rahi.
Meera (pointing at Aryan) : You! you!
Aryan : Koun! Main?
Meera (nodding): Yes! you!
Naina (curious): Kiya huya bhaiya?
Meera (smiling): Do you have a minute?
Usne ishaare se ek ungli dikhate huye puchha, Aryan ne bhi ishaare se haami bhari.
Aryan : Naina, tum apni dosto ke saath rehna, main abhi aata hu.
Naina : huh!?!? Kaha ja rahe ho? Bhaiya!!
Aryan : Kuchh nahi tum chalo apne friends ke saath main abhi aata hu.
Naina (nodding): Okay, par program suru hone se phele aa jana, main stage ke paas hi rahungi.
Naina apni doston ke paas chali gayi, aur Aryan Meera ke paas pahuncha.
Aryan (politely): Ji, kuchh kaam tha?
Meera (mann mein) : What? What just he said!? Ji! Hahaha! Ye sach mein stupid hai.
Meera ne Sanya ki taraf dekha, aur dono dheere se hansne lagi.
Meera : So you are Aryan right?
Aryan (nodding): Haan! Main hi Aryan hu, Kyun?
Meera (mann mein): Kyun ke bacche, hahaha! Abhi maja chakha ti hu.
Aryan : ……?
Meera (continuing): To main kaha thi? Haan!... So your are Aryan right?
Aryan : Haan!
Meera : Actually na mujhe tumse kuchh important baat karni hai.
Aryan : Ji boliye.
Meera (dramatically) : Actually important baat mera nahi Myra ka tha.
Myra ka naam sunte hi Aryan ke kaan khade ho gaye.
Aryan : M-Myra?
Sanya (mann mein) : just look at him! Haha! Myra sunte hi kaise utavla ho gaya, such an idiot.
Sanya (smirking): Yes! Myra. tum usse jaante to ho na?
Aryan : Obviously! Myra ko kon nahi pehchanta.
Meera : Good! Actually... Sanya tu bata na myra ne kiya important baat kehne ko bola tha.
Sanya : Woh kiya hai na Aryan, Myra tum se kuchh kehna chati hai.
Aryan (shocked): Mujhse???
Meera (nodding): Yes! Tumse.
Sanya: Actually na, Myra tumhe kuchh kehna chahti hai, but you know na, she is so shy... Isliye usne mujhe bola ki main tumhe bata doon.
Aryan: Aisa kya bolna chahti hai woh?
Meera: Arre, it’s simple! Don’t you get it?
Aryan: Nahi, main kuchh samjha nahi!
Meera: Come on, Aryan, it’s just ki...
Sanya: Ki Myra ko tum pasand ho!
Ye sunte hi Aryan hakka-bakka reh gaya. Uska chehra ajeeb sa ho gaya, jaise Acharya Janak ka ho jata hai jab koi badi baat sunta hai. Woh abhi tak is baat ko hazam nahi kar pa raha tha. Kya usne sachi suna Myra jaise ladki, jo college ki sabse famous hai, usse kaise pasand kar sakti hai? Woh Meera aur Sanya ko ghoorta raha, jaise dimaag mein processor hang ho gaya ho.
Sanya: Oye, hello! Kahaan kho gaya?
Aryan: Nahi, woh... Are you serious? I mean, Myra! She really likes me?
Meera: Haan, bilkul! She likes you. Aur kyun nahi? Look at you!! kitna handsome ho tum!
Kehte hue Meera ne Sanya ki taraf dekha aur aankh maarte hue ishara kiya.
Sanya: yes! bilkul! Tum toh bohot handsome ho, aur Myra tumhe sach mein pasand karti hai.
Aryan (mann mein): Am I really?
Meera: Ab kya soch raha ho?
Aryan: N-Nothing!
Meera: Dekho, Myra tumhe pasand karti hai, par woh directly bolne se sharma rahi thi. Isliye usne mujhe bola ki main tumhe bata doon. Tumne thodi der pehle dekha na, Myra yahaan se chali gayi thi?
Aryan: Haan, maine dekha tha!
Meera: Haan, woh tumhe dekh ke sharma rahi thi. Actually, woh aaj tujhe yeh baat batana chahti thi. Woh tujhse milna chahti thi, bur see! aaj campus mein kitne saare students aur teachers bhi hain. Isliye usne mujhe kaha ki tumhe bol doon ki woh ladies’ washroom ke saamne tumhara intezaar karegi, jahaan tum dono akele baat kar sako.
Aryan: Re-really?
Sanya: Haan! Ab time waste mat kar, jao!
Aryan: O-Okay!
Aryan ladies’ washroom ki taraf chala gaya. Jaise hi woh yeha se gaya, Meera aur Sanya ek-doosre ko dekhkar apna pet pakad ke hansne lagi.
Meera: Tune dekha? Hahaha! Sanya, tune dekha?
Sanya: Kitna idiot hai yeh, hahaha!
Meera: Tune dekha, jab maine usse handsome bola, woh kaise sharma raha tha?
Sanya: Hahaha!, too funny!! He's too funny!!!
Meera: Hehe!!, literally! Mera pet phat jayega hanste-hanste. Hey! chal, iska peecha karte hain. Woh idiot ladies’ washroom jaa raha hai!
Udhar Aryan ladies’ washroom ke saamne pahunch gaya tha. Bechara ab bhi samajh nahi pa raha tha ki uske saath prank ho raha tha. Usko vishwas hi nahi ho raha tha ki Myra jaise ladki, jiske peechhe college mein ladke line laga ke khade rehte hain, usse pasand karegi. Yeh kaise possible hai? Ye sawaal uske mann mei bhi aaya Yeh sochkar woh thoda confuse tha, par andar se excited bhi tha. Kya pata, agar yeh baat sach ho? Agar Myra sach mein usse pasand karti ho?
Woh washroom ke saamne khada tha, par wahaan na Myra thi, na koi aur.
Aryan: Maybe woh washroom ke andar ho.
Usne socha Myra shayad washroom ke andar hai, isliye woh bahar khada intezaar karne laga. Thodi door diwaar ke peechhe Meera aur Sanya chhup ke usse dekh rahi thi, muh pe haath rakhkar hans rahi thi.
Kareeb 15 minute guzar gaye. Aryan ka sabr toot raha tha. Usne kuchh socha aur —
THAK! THAK!!
Usne darwaza khatkhata diya. Darwaza khula bhi gaya asani se.
Aryan: Yeh kya? Darwaza toh andar se band nahi hai, khula hai. Iska matlab...!
Woh aage kuchh soch pata, usse pehle kisi ne usse dhakka maara, aur woh sidha ladies’ washroom ke andar gir gaya.
Aryan: KOUN?
Isse pehle ki woh uth pata, peechhe se darwaza band ho gaya. Usne turant darwaza kholne ki koshish ki, par tab tak darwaza bahar se lock ho chuka tha.
Aryan: Kaun hai? Darwaza kholo! Yeh tum log ho na, Meera aur Sanya?
Meera: Kya hua, handsome? Hahaha! Myra mil gayi?
Aryan: Kyun? Kyun kiya aisa? Please, darwaza kholo, yeh ladies’ washroom hai!
Sanya: Yahi toh teri aukaat hai, bacchu! Hahaha!
Aryan: Toh... toh Myra mujhe pasand karti hai, yeh sab jhooth tha?
Sanya: Hahaha! Obviously, idiot! Tu kya soch raha tha? Myra jaise ladki tujhe pasand karegi? How stupid! Hahaha!
Ab jaake Aryan ka ullu sidha hua. Usko laga tha Myra sach mein usse pasand karti hai, par yahaan toh uske saath mazak ho gaya tha.
Tabhi bahar se music aur chahalpahal ki awaaz aane lagi. Bahar program ki announcement ho rahi thi.
Meera: Oh, shit! Shit, Sanya! Program shuru ho gaya!
Sanya: Chal, program miss nahi kar sakte!
Aryan: Hey, ruko! Mujhe bahar nikalo!
Par Aryan ki awaaz un tak nahi gayi. Program ki announcement sunte hi Meera aur Sanya bhool gayi ki Aryan washroom ke andar band hai. Woh dono chali gayi. Aryan andar band pada raha.
Aryan: Arre, mujhe bahar nikalo! Koi hai? Please!
Par uski awaaz washroom ke andar goonjti hui uske hi kaano tak wapas aayi. Bahar program ka shor tha—loudspeakers, students ki chahal-pahal. Usne poori koshish ki, par koi sunne wala nahi tha. Thak haar ke woh commode ke upar hi baith gaya.
Aryan: Naina! Haan, Naina ko phone karta hoon.
Usne jeb se phone nikala, par uski akhri umeed bhi toot gayi.
Aryan: Shit! Isme toh charge hi nahi hai!
Naina uski akhri umeed thi jo usse bahar nikaal sakti thi, par phone mein charge nahi tha. Kaise bula pata naina ko? Ab koi rasta nahi tha. Jab tak koi darwaza nahi kholta, usse ladies’ washroom mein hi band rehna tha.
Woh wahi baitha raha, ghutno pe kohniyaan tikaye, haath se chehra dhake. Charon taraf dekha toh band kamra usse kuchh purani yaadein yaad dila raha tha, jaise woh pehle bhi aisi situation mein tha. Kuchh der shant rehne ke baad —
Aryan: Hahaha! It’s the same! Yeh band darwaza! Thik waise hi... Wahaa bhi mujhe aise hi ek kamre mein band karke rakha jata tha. Hahaha! Main... sach mein stupid hoon! Hahaha! Main sab pe itni jaldi vishwas kar leta hoon. Us din bhi... us din bhi maine un par vishwas kiya tha, aur phir unhone mujhe....
Woh pagalon ki tarah hansne laga, aur uski aankhon se aansoon behne lage. Aise band kamre mein woh pehle bhi reh chuka tha. Pehle bhi usne kisi par vishwas kiya tha, aur aaj bhi Meera aur Sanya ki baaton par vishwas karke woh yahaan phas gaya. Thik usi tarah, pehle bhi uske apnon ne uske saath aisa hi prank kiya tha.
Udhar, stage ke dayein taraf Myra apni saheliyon ke saath khadi thi. Usne Meera aur Sanya ko aate hue dekha.
Myra: Tum dono kahan thi?
Meera: Arre!
Usne Sanya ki taraf dekha aur dheere se bola.
Meera: Arre, hum usse bahar nikaalna bhool gaye!
Sanya: Arre, chhod na! Program ka mazaa le. Waise bhi, woh kahaan marne ja raha hai?
Myra: Hey, sach batao, tum dono ne ab kya kand kiya hai?
Meera: Kuchh nahi, chal, festival enjoy karte hain!
Wahin, stage ke saamne Naina apne doston ke saath khadi thi. Woh baar-baar peechhe mud ke dekh rahi thi, usse intezar thi kisi ki.
Naina (mann mein): Bhaiya kahaan reh gaye? Keh toh rahe the abhi aa raha hoon.
Usne Aryan ko phone bhi kiya, par phone mein charge nahi tha, toh kaise lagta phone?
Naina: Hmph! Aane do unhe, phir batati hoon!
Naina ko kya pata tha ki uska bhaiya ladies’ washroom mein band hai? Darwaza todna bhi mumkin nahi tha, aur awaaz dene se bhi koi faida nahi tha kyunki bahar itna shor tha. Aryan ke paas ab koi chara nahi tha, siwaye wahi band rehne ke.
Do ghante aise hi beet gaye. Program abhi bhi chal raha tha, par ab music nahi baj raha tha kyunki agli performance ki taiyaari ho rahi thi. Isliye thodi der ke liye loudspeakers band the. Isi waqt kuchh ladkiyaan, jo program mein perform kar rahi thi, ladies’ washroom ki taraf ja rahi thi. To wahi Naina bhi thodi bechain thi.
Naina: Bhaiya kahaan reh gaye? Program shuru hue do ghante ho gaye, aur yeh janab gayab!
Kehte hue woh Aryan ko idhar-udhar campus mein dhoondhne lagi, par usse kya pata tha ki Aryan washroom mein band hai? Udhar, washroom ki taraf ja rahi ladkiyaan apas mein baatein kar rahi thi.
“Performance achha gaya na?”
“Ab main dance karungi, toh achha hi jayega na!”
“Haha!, right!”
“Chal, jaldi fresh ho lete hain. Next performance shuru hone se pehle, I don’t wanna miss a bit of this program!”
Kehte hue ek ladki ne washroom ka darwaza khola, aur jo usne jo dekha, woh hairaan kar dene wala tha. Ladies’ washroom mein ek ladka —
Aryan!
Sab ladkiyaan chillayi: “You pervert! Ladkiyon ke washroom mein kya kar raha hai?”
Aryan: Nahi, main...
“Nahi main kya? What are you doing here?, you rascal!!”
Aryan: Aisa kuchh nahi hai, mujhe yahaan kisi ne...“
Just shut up! Tum jaise ladkon ko hum jaante hain. Ladkiyon ke washroom mein chhup ke baithte ho taaki jab koi aaye to usse taad sako!”
Aryan: Nooo!!!, main...
“Toh yahaan kya kar raha tha? Ruk, teri khabar leti hoon, sabko bula ke laati hoon!”
Aryan: Hey, wait! Jaisa dikh raha hai, waisa nahi hai!
Woh ladki ko samjhaane ki koshish kar raha tha, par baaki ladkiyon ne usse rok liya aur wapas washroom mein band kar diya. Aryan mein itni taakat nahi thi ki woh in ladkiyon ko hata ke bahar nikal sake.
Woh ladki, Palak, jo bahar gayi thi kisi ko bulane, usne college ke famous ladke ko dekha — Rohan Tripathi.
Woh apne paiso aur looks ke liye famous tha. Fit tha, aur ladkiyon mein bhi kaafi popular tha.
Palak: Rohan! Ladies’ washroom mein ek ladka ghus aaya hai!
Rohan: Kya?
Palak ne sab kuchh bata diya. Rohan ne kaha, “Tu chal, main abhi aata hoon.”
Palak wapas chali gayi. Tabhi Rohan ka dost, jo paas mein baitha tha, uske kaan mein bola.
Dost: “Boss, achha hua hum washroom nahi gaye, warna aaj hum bhi pakde jaate!”
Rohan: “Sahi kaha. Par ab college ka hero banne ka time hai. Chal, dekhte hain.”
Rohan aur uske teen dost washroom ki taraf chal pade. Udhar, Myra apni saheliyon ke saath thi. Usne Palak ko bhagte hue dekha.
Myra: Udhar kuchh hua hai lagta hai, washroom ke taraf.
Meera (mann mein): Arre! Udhar toh Aryan band hai! Shit, shit! Agar usne bol diya ki humne usse band kiya, toh pure college mein hamari badnaami ho jayegi!
Sanya ke mann mein bhi yahi baat chal rahi thi.
Washroom mein Rohan apne teen doston ke saath pahunch chuka tha.
Palak: Yeh raha, yeh ladka ladkiyon ke washroom mein chhup ke baitha tha!
Aryan: Nahi, main...
Rohan ka dost uske kaan mein bola, “Boss, yeh hero banne ka achha mauka hai!”
Rohan: “Chup kar, gandi naali ke keede! Ladkiyon ko taadne aaya tha? Ab maza chakhata hoon!”
Aryan: Nahi, meri baat toh suno!
Rohan: “Tujh jaise chhote ghar ke keede yahi harkatein karte hain!”
Aryan: “Dekho, ghar pe mat jao, pehle meri baat suno!”
“Sunn’na kya hai, boss? Maro isse!”
Rohan: “Saale, ladkiyon ko taadega?”
Chatak!
Rohan ne Aryan ke gaal pe ek jordaar thappad maara. Aryan peechhe ho gaya. Rohan usse kaafi takatwar tha Aryan se.
Aryan: “Ek baar meri baat toh suno...”
Chatak! Charak!
Rohan ne do aur thappad maare, aur Aryan iss baar neeche gir gaya. Uski aankhon se aansoon nikal bhi aaye. Wahaan saari ladkiyaan khadi thi, aur Aryan Rohan se thappad kha raha tha. Rohan jhuka, uska collar pakda, aur usse upar kheenchne laga. Tabhi —
“Yahaan kya ho raha hai?”
Peechhe se Myra ki awaaz aayi. Palak ke bhagte hue jaane ko dekhkar Myra bhi wahaan pahunch gayi thi, aur saath mein Meera aur Sanya bhi.
Rohan ka dost uske kaan mein bola, “Boss, bhabhi aa gayi!”
Rohan ne Aryan ko chhoda, aur woh wapas neeche gir pada. Rohan ne peechhe mudkar Myra ko dekha.
Rohan: “Myra, yeh ladka ladkiyon ke washroom mein taank-jhaank kar raha tha.”
Palak: “Haan, yeh yahaan chhup ke baitha tha!”
Rohan : don't worry mein inn jaise chote gharke aulaad ko sahi thikana laga dunga.
Myra ne uss ladke ko dekhne ke liye aage aayi aur hairaan reh gayi.
Myra (mann mein): Yeh toh wahi ladka hai?
Meera aur Sanya ka haal kharab ho gaya. Woh apas mein dheere se baat kar rahi thi.
Meera: “Ab kya hoga, Sanya? Agar isne bol diya ki humne usse band kiya, toh yeh prank hum par hi bhari pad jayega!”
Sanya: “Main bhi wahi soch rahi hoon.”
Aryan neeche gira hua tha, uski aankhon se aansoon beh rahe the. Usne sar uthaya toh saamne Myra thi. Usko dekhkar uski bachi-kuchi izzat bhi chali gayi. Usko kaha gaya tha ki Myra usse pasand karti hai, aur usi baat ke chakkar mein woh yahaan aaya tha. Par ab usse pata chal gaya tha ki yeh sab ek prank tha.
“Bhaiya??”
Tabhi peechhe se kisi ki awaaz aayi. Sabne mudkar dekha, siwaye Aryan ke. Kyunki Yeh Naina ki awaaz thi.
Palak: “Yeh tera bhaiya hai, Naina?”
Naina: “Haan! Yahaan kya ho raha hai? Bhaiya, aap aise...?”
Palak: “Tera bhaiya ek number ka pervert hai, Naina!”
Naina: “Nahi, mera bhaiya aisa nahi hai!”
Palak: “Woh aisa hi hai! Apni aankhon se nahi dekh rahi? Yahaan chhup ke ladkiyon ko taad raha tha ye!”
Naina ko apne kaano par vishwas nahi ho raha tha ki Aryan aisa kuchh karega. Aryan neeche baitha tha, uske gaal pe Rohan ke thappad ke nishaan laal ho chuke the. Uski bachi-kuchi izzat bhi Naina ke saamne chali gayi thi. Woh sar jhukaye wahi gira raha. Naina se aankhein kaise milata? Usko laga jaise saari ladkiyaan, Myra, aur uski behen Naina bhi usse aise gire hue dekh rahi thi. Ek ganda ladka samajh raha hai, Uski maathe se paseene ki boondein tapki. Ek ghabrahat si hui — thik aisi hi band kamra, thik aisi hi logon ki aankhein usne pehle bhi dekhi thi. Uske ateet mein aisi hi ghatnayein hui thi, jab log uske charon taraf khade the, aur woh aise hi neeche gira hua tha. Us din bhi sabki aankhein us par thi, aur aaj bhi wahi ho raha tha. Purani yaadein uske saamne taaza ho gayi.
Rohan ka dost uske kaan mein bola, “Boss, Myra bhabhi yahaan hai. Yeh hero banne ka sahi mauka hai!”
Rohan: “Tujhe toh main...”
Rohan wapas Aryan par haath uthane ja hi raha tha ki tabhi Aryan ne ek aisi harkat Kari jisse sab hairaan reh gaye, aur sabse jiyada Hairan Naina thi.
Aryan ne apne chehre ko haathon se dhak liya, dono pair sikod kar washroom ke farsh par gira raha, aur chillaya-
Aryan : “Nahi! Mujhe mat maro! Maine kuchh nahi kiya, mujhe mat maro! Maa! Mujhe mat maro! Maine vishwas kiya tha... Main...! main rakshas nahi hoon, mujhe mat maro!!! Main jeena chahta hoon!!!”
Uski awaaz thartharati hui thi, aur sab use dekhkar dang reh gaye. Aryan ne apne aap ko sikod liya tha, jaise koi pagalpan mein ho.
Rohan: “Arre, yeh kya kar raha hai?”
Palak: “Yeh... yeh pagal toh nahi ho gaya?”
Meera ne Sanya ke kaan mein dheere se kaha, “Sanya, yeh sahi mauka hai. Yahaan se chal, warna agar isne Myra ko bata diya ki humne usse band kiya tha, toh yeh prank hum par hi bhari pad jayega.”
Sanya: “Sahi kaha, Meera.”
Naina bhag ke aayi, Rohan ko dhakka dekar side kiya, aur Aryan ko uthane lagi.
Naina: “Bhaiya! Bhaiya! Kya hua? Yeh kya bol rahe ho aap?”
Rohan ka dost uske kaan mein bola, “Boss, lagta hai tumhare pitaai se yeh pagal ho gaya. Yahaan se chalo, warna koi gadbad ho sakti hai.”
Rohan: “Hmm, chal.”
Usne peechhe mudkar Myra ko dekha. Woh mauka ka faida uthana chahta tha. Usne wapas Aryan ko bola.
Rohan: “Dekh, tujhe aaj ke liye chhod raha hoon. Saale, agar phir aisi harkat ki, toh dekh lena!.. Oh, Myra? Achha hua, chalo bahar, maine isse sabak sikha diya.”
Meera: “Haan, Myra, chal! Program wapas shuru hone wala hai.”
Meera aur Sanya ne Myra ko kheenchte hue bahar le gayi. Myra ne jaate huye mudkar ek baar Aryan ko dekha, jo abhi tak sikud ke mejh per mada tha. pata nahi kya soch rahi thi. Rohan aur uske dost bhi Myra ke peechhe chale gaye. Palak aur baaki ladkiyaan bhi program ke liye bahar chali gayi.
Aryan wahi farsh par sikod ke pada tha. Naina usse uthane ki koshish kar rahi thi.
Naina: “Bhaiya! Kya hua aapko? Yeh kya bol rahe the?”
Aryan: “Nahi, mujhe mat maro... Maa!!!, mujhe mat maro!”
Naina: “Kya bol rahe ho, bhaiya? Kaun aapko marna chahta hai?”
Aryan: “Sabne mujhe jaan se maar diya, Naina!! Sabne... mujhe jaan se maar diya tha!! Mera vishwas karo, main rakshas nahi hoon. Naina!, main koye rakshas nahi hoon.”
Naina: “Kya bol rahe ho, bhaiya? Kisne maara aapko? Ye Rakshas? Yeh kya keh rahe the...?”
Washroom mein ab sirf Naina aur Aryan the. Par koi teesra bhi tha, jo apni lal aankhon se yeh sab dekh raha tha. Usne yeha ghatit har ghatna ko dekha, aur Aryan ko aise dekhkar woh hans raha tha.
Naina kuchh samajh nahi pa rahi thi ki Aryan kya bol raha tha, kyun bol raha tha. Usko ab Aryan ko ghar le jana hoga. Usne Aryan ko uthaya aur bahar le aayi. Usne dekha sabka dhyan program mein tha.
Naina: “Thank God, koi yeh nahi dekh raha.”
Usne Aryan ka haath pakda, sahara dete hue college ke peeche se bahar tak le gayi. Aryan chal toh raha tha, par uski aankhon ke saamne wahi purani bhayan
ak yaadein thi.
Naina: “Auto!”
Ek haath se Aryan ko pakad kar, doosre haath se ishara karke usne auto rok liya. Aryan ko baithaya aur khud bhi paas baith gayi.
Aryan chupchap baitha tha, uski aankhon ki putliyaan bhi nahi hil rahi thi. Naina ne baat karne ki koshish ki, par uski haalat dekhkar usne socha ghar jaake baat karegi.
Dekhte hi dekhte Naina aur Aryan ghar pahunch chuke the. Auto se utarte waqt Naina ne Aryan ko sahara diya, uska haath pakad ke dheere-dheere usse bahar nikala. Woh dono ghar ki taraf badhe, Naina ke haathon mein Aryan ka wazan tha, aur uske dhyan mein kuchh aur nahi chal raha tha. Usse khayal hi nahi raha ki auto ka bhada dena bhi zaroori hota hai.
Auto driver ne apni khnkhati awaaz mein chillaya, “Oo! Madam bhada?”
Naina ekdum se chaunk gayi, “Hain!”
“Bhada! Bhada!” driver ne thodi si jhallahat ke saath dohraya.
Naina ne apna sar khujlaya aur sharma ke has di, “Ohh! Haan! Bhada bhi toh dena padta hai, hehe! Sorry bhool gaye thi.”
“Bhada toh dena padta hai!” driver ne phir kaha.
“Sorry!” Naina ne jaldi se kaha aur apni jeans ki jeb, purse, aur bag tatolne lagi. Usne har jagah haath daal ke dekha, par paisa kahin nahi mila. Uske chehre par thodi si ghabrahat dikhne lagi, aur woh apne aap se boli, “Arey! Paisa toh nahi hai…”
Driver ne bhaunhe chadha ke poochha, “Kya hua, madam?”
Naina ne ek lambi saans li aur achanak usse yaad aaya, “Arey haan! Paisa toh bhaiya ke paas hai. Wait a minute.”
Usne jaldi se Aryan ki jeb tatoli aur wahan se kuchh note haath aaye. Naina ne rahat ki saans li, “Huff! Thank God, main toh bhool hi gayi thi bhaiya ke paas bhada rehta hai.”
“Madam, paisa!”
“De rahi hoon! De rahi hoon!” Naina ne haste hue jawab diya, paisa nikala aur driver ko thama diya. Phir woh Aryan ko sahara dete hue ghar ke andar le jane lagi.
Ghar ke bahar ek badi si safed car khadi thi, jo Naina ne pehle kabhi nahi dekhi thi. Usne is baat ko nazarandaaz kiya aur Aryan ko leke ghar ke andar chali gayi. Andar jate hi uski nazar apne pitaji, - Sanjay Gupta!
par padi. Unke saath 6 aur log the. Paanch log aise the jo sadharan kapdon mein the, par unke chehron par kate hue nishaan aur ek ajeeb si kathorta thi. Ek jhalak mein hi lag raha tha ki yeh log acche insaan nahi the. Unki aankhon mein ek thandi chamak thi.
Par un 6 logon mein ek aadmi alag tha. Woh suit-boot mein tha, apne haathon ko jeb mein daale, ekdum saaf-sutra aur shant khada tha. Uska chehra ek halki si muskurahat se saja tha, par us muskurahat mein kuchh chhupa hua tha.
Jaise hi Sanjay aur un logon ne Naina aur Aryan ko dekha, wahan chal rahi baat-cheet ekdum ruk gayi, jaise un logon ne in dono ko is waqt yahan expect hi nahi kiya tha. Sanjay ne hadbadaate hue kaha, “Naina? Tum dono toh college gaye the?”
Naina ne jawab dene ke liye muh khola, “Baba, woh…”
Par usse pehle ki woh kuchh aur bol paati, woh suit-boot wala aadmi dheere se bola, “Hum abhi aate hain, Mr. Sanjay.”
Usne ek baar Naina ki taraf dekha, ek ajeeb si muskurahat ke saath. Phir woh Sanjay ki taraf muda aur bola, “Maine jo kaha, yaad rahiyega, Mr. Sanjay! Hum phir milenge.”
Yeh kehte hue usne apne sunglasses aankhon pe chadhaye, ek baar phir Naina ko dekha, muskuraya, aur apne saathiyon ke saath bahar nikal gaya. Uski woh muskurahat Naina ko bohat hi ajeeb lagi.
Sanjay ne phir se poochha, “Tum dono college mein the na? To abhi ghar chale aaye, tumhare festival ka kya hua?”
Naina ne ek pal ke liye socha. Woh Aryan ke saath college mein jo hua, uske baare mein baba ko batana nahi chahti thi. Usne baat ghuma di, “Asal mein bhaiya na… bhaiya ko college mein accha nahi lag raha tha, toh hum ghar wapas aa gaye.”
Sanjay ne thodi chinta ke saath poochha, “Kya hua Aryan ko?”
“Nahi, aisa kuchh nahi hua,” Naina ne jaldi se jawab diya. “Abhi ghar pe honge, accha mehsoos hoga, isliye main ghar hi le aayi inhe.”
Sanjay ne sar hila diya, “Theek kiya. Chalo, main abhi aata hoon. Tum Aryan ka khayal rakhna, main shaam ko aaunga.”
Naina ne poochha, “Theek hai, baba. Par yeh log kaun the?”
Sanjay ne jaldi se baat taal di, “Woh… woh main baad mein bataunga.” Yeh kehte hue woh jaldi se nikal gaye.
Naina ne Aryan ko uske kamre mein le jake litaya. Aryan ab bhi kisi gehri soch mein dooba hua tha, uska chehra udaas aur bechain tha. Naina ne dheere se kaha, “Bhaiya?”
Aryan ne uski taraf dekha aur ek pal chup raha, phir dheere se bola, “Naina! Maine kuchh nahi kiya tha, mera vishwas karo.”
Naina uske paas baith gayi aur pyar se poochha, “Aap woh sab kya bol rahe the? Kisne aapko maara, aur woh rakshas… rakshas kya keh rahe the?”
Aryan ke liye jawab dena mushkil tha. College mein jo hua, usne uski izzat ko chot pahunchayi thi. Woh ladies’ washroom mein gira pada tha, Rohan se maar kha raha tha, Myra ne usse us halat mein dekha, aur sabse bada sadma yeh tha ki Naina ne bhi usse waisi halat mein dekha. Woh sharmindagi se Naina ki aankhon mein aankhein nahi mila pa raha tha.
Naina ne halki si muskurahat ke saath kaha.
Naina (innocently smiling) : “Accha, ab samjhi. Main aapki real behen nahi hoon na, isliye aap mujhse kuchh nahi bata rahe, na? Koi baat nahi, bhaiya!”
Aryan ne jaldi se kaha, “Nahi, aisi baat nahi hai.”
Naina ne phir se muskurate hue kaha, “It’s okay, bhaiya.”
Aur woh jaane lagi, par Aryan ne uska haath pakad liya. Naina ne mudkar usse dekha. Aryan ne rukte hue kaha, “Woh… college mein, Naina, mera vishwas karo, maine jaan bujhkar ladkiyon ke bathroom mein nahi gaya tha. Main…! Mujhe...!”
Naina uske paas baith gayi, uske gaal ko dheere se chhua jahan Rohan ne thappad maara tha, aur pyar se sahlate hue poochha, “Aapko yahan pe laga hai?”
Aryan ne sar hila diya, “Nahi, bas… Naina, maine sach mein… tum jaisa soch rahi ho, main waisa nahi hoon. Bilkul nahi. Maine jaan bujhkar wahan ladies’ washroom mein nahi gaya tha. Mujhe… mujhe…”
Naina ne uski baat kaat di, ek shant muskurahat ke saath, “Chai piyoge?”
Usne bas itna hi bola, chai piyoge!. Aryan ne haan mein hami bhari. Naina chai banane chali gayi. Aryan bas usse dekhta raha jate waqt, usse lag raha tha shayad Naina ab usse ek ganda ladka samajh rahi hai jo ladkiyon ko tadne unke bathroom mein chhup ke baithta hai.
Udhar, kitchen mein Naina chai bana rahi thi aur apne aap se baat kar rahi thi, uske hothon pe ek halki si muskurahat thi -
“Subah aapne mujhe bag kyun aage rakhne bola, mujhe pata hai, bhaiya! *Blush* Woh auto driver mujhpe gandi nazar daal raha tha, isliye aapne bag aage rakhne ko kaha tha. *Smile* “Main itni bhi buddhu nahi hoon, bhaiya! Aapko apni safai dene ki koi zarurat nahi, mujhe vishwas hai aap pe... pura viswas hai aap pe...”
Thodi der mein usne chai bana li, aur Aryan aur woh milke chai pi liye. Pura din aise hi beet gaya. Naina ne Aryan se aur kuchh nahi poochha. Shaam ko jab Sanjay wapas aaye, toh unhone sabse pehle Aryan ki khabar li. Raat ke dinner ke samay Naina ne unse poochha ki subah woh log kaun aur kyun aaye the, toh Sanjay ne fir se usse yeh kehte hue taal diya ki baad mein bataunga. Naina ne Aryan se bhi college mein huya ghatna ke baare mein poochha tha, par Aryan ne baat ko ghuma fira diya. Dinner ke baad sabhi apne-apne kamre mein so gaye.
_______.
Ghar se koso mil door, madhya raatri ka gehra andhera chhaya hua tha. Ek badi si pahadi ki choti par teen shakhs khade the, unke charon taraf ek bhayaanak sannaata tha. Hawa mein ek bhaari si thandak thi, aur charon taraf kaale kauwe bina kisi awaaz ke ud rahe the. Un kauwon ki chuppi mein ek ajeeb sa dar tha, jaise woh kisi khaufnaak shakti se seham rahe ho. Andhere ke iss mahol mein woh teen log pahadi ke bilkul beech mein khade the, unke chehron par ek ghanibh gambhirata thi, aur unki aankhon mein ek ajeeb si taaqat jhalak rahi thi.
Unmein se ek ne ghoor awaaz mein kaha, “Haath aage karo!”
Teeno ne apni astin ki baahen upar ki aur apne haath aage kiye. Unke doosre haathon mein chamakte hue chaku the, jinke blade andhere mein bhi ek laal chamak de rahe the. Bina kisi hichak ke teeno ne apne haath kaat liye. Khoon ki boondein zameen par tapakne lagi, aur andhere mein unka rang ek ajeeb si chamak paida kar raha tha. Hawa mein ek sarsarahat si thi, jaise koi anjaan shakti unke kareeb aa rahi ho.
Phir teeno neeche baith gaye, jahan unka khoon gira tha, waha apne taze ghaav wale haath rakh diye. Unhone ek sath ek bhayaanak mantra bolna shuru kiya, unki awaaz mein ek vikhral taaqat thi -
“Kraa rakta-daan, lohita-drish, kroor-chhadi-sarpa-vikra!
Prakata, prakata, bhaya-kshobha, vish-kshaya!
Kraa phat!”
Unki awaaz dheere-dheere teevra hoti gayi, aur unke haathon se ek kaala dhuaan uthne laga. Jaise jaise unka ucharan aur zor se hota gaya, waisa hi woh dhuaan aur ghana hota gaya. Aisa lag raha tha jaise unka khoon sukh kar dhuein mein badal raha ho.
Hawa ab aur bhaari ho chuki thi, aur ek ajeeb sa sannaata chha gaya. Pahadi ki choti bhi is taaqat se kaamp uthi, par teeno nahi ruke vah jari rakhte hai uchharan aur bhi Bhari hoti ja rahi thi -
“Kraa rakta-daan, lohita-drish, kroor-chhadi-sarpa-vikra!
Prakata, prakata, bhaya-kshobha, vish-kshaya!
Kraa phat!”
Unki awaaz mein ek vikhral shakti thi, jo charon taraf ke andhere ko aur gehra kar rahi thi. Unke haathon se nikal raha dhuaan ab ek ghana sa badal ban chuka tha, jo unke charon taraf mandra raha tha. Kauwe ab bhi chupchap ud rahe the, unki aankhon mein dar saaf dikhai de raha tha. Aisa lag raha tha jaise woh teen log kisi asambhav shakti ko jaga rahe hon, par koi anjaam nazar nahi aa raha tha.
Achanak, teeno ne apne haath peeche kiye aur ek sath bole,
“SAMROHAT!!!”
Dekhte hi dekhte unke haathon ke ghaav ekdum theek hone lage, bilkul phele jaisa, jaise kabhi koi chot lagi hi na ho.
Ek ne ghoor awaaz mein kaha, “Bulane par bhi woh nahi aaya!”
? : “Uski zarurat hai humein!”
? : “Woh hai kahan! Dragon gaya kahan?”
Pahadi ki choti par ek ajeeb si sannaata chha gaya. Ek ne kaha.
? : “Bulane par bhi dragon yahan nahi aaya. Iska matlab hai…”
? : “Ki woh kisi aur jagah hai.”
? : “Asambhav!”
? : “Shayad kisi ne usse dharan kar liya ho?.”
? : “Namumkin hai! Koi usse dharan nahi kar sakta.”
? : “Shivay ek ke..…”
Teenon Mein Ek Ajeeb Sa sannata chha Gaya. Hawa mein ek tandav sa shuru ho gaya. Teeno ne ek doosre ko dekha, aur dekhte hi dekhte -
Whoosh!
woh teenon waha se gayab ho
gaye, jaise kabhi waha the hi nahi. Andhera aur bhaari ho gaya, aur kauwe bhi ekdum se Apne pankhe farrate hue chahal-pahal karte hue, ud gaye.
.
.
.
.
.
.
.
.
.
.
.
.
That's it for today guys, Kuchh naye characters ka introdution hue Hai, like - Myra, Meera, Sanya, Rohan. Characters ki introdution aisehi kahani chalte chalte hogi, aur naina ke pitaji bhi dikhe humko iss update mein.
Guys do like and share your thoughts on it. Milte Hain next update mein, tab tak support banae Rakhna.
- 1,131
- 4,396
- 144
NOTE
“Kraa rakta-daan, lohita-drish, kroor-chhadi-sarpa-vikra!
Prakata, prakata, bhaya-kshobha, vish-kshaya!
Kraa phat!”
Kraa rakta-daan : matlab ek zordaar jadooi awaaz ke saath khoon ka chadhaava.
Lohita-drish ka matlab hai laal-laal nazara, jaise khoon ka rang ya koi khaufnaak drishya.
Kroor-chhadi-sarpa-vikra ka matlab hai ek Bishal krur saanp jaisa dikhne wala, jo itna bhayanak hai ki dekh ke sabka dil dare.
Prakata prakata bhaya-kshobha vish-kshaya : matlab do baar dhamake se shakti ka prakatan, darr aur hungama macha ke vish ka khatma.
And
"SAMROHAT!"
Sam: "sam" often means together, or complete, as in complete/perfect.
Rohat: Could be derived from "rohit" meaning red Alternatively, it might evoke rohat as a variation of "roh" (to grow or rise).
This incantation has been written based on my imagination and does not have any connection to the real world.
“Kraa rakta-daan, lohita-drish, kroor-chhadi-sarpa-vikra!
Prakata, prakata, bhaya-kshobha, vish-kshaya!
Kraa phat!”
Kraa rakta-daan : matlab ek zordaar jadooi awaaz ke saath khoon ka chadhaava.
Lohita-drish ka matlab hai laal-laal nazara, jaise khoon ka rang ya koi khaufnaak drishya.
Kroor-chhadi-sarpa-vikra ka matlab hai ek Bishal krur saanp jaisa dikhne wala, jo itna bhayanak hai ki dekh ke sabka dil dare.
Prakata prakata bhaya-kshobha vish-kshaya : matlab do baar dhamake se shakti ka prakatan, darr aur hungama macha ke vish ka khatma.
And
"SAMROHAT!"
Sam: "sam" often means together, or complete, as in complete/perfect.
Rohat: Could be derived from "rohit" meaning red Alternatively, it might evoke rohat as a variation of "roh" (to grow or rise).
This incantation has been written based on my imagination and does not have any connection to the real world.
Nice update BhaiUpdate 5 - the dragon!
Previous...
Aine mein apne aap ko dekhte hue, uske mann mein bite hue dino ki yaadein dobara ubharne lagi thi, lekin usse pehle ki woh un yaadon mein doob jata, wahi ladki ki awaaz fir se goonji.
"Bhaiya! Jaldi karo!"
? : "Haan, bas 5 minute!"
ladke ne jaldi se jawab diya aur ready hone laga. Usne ek sadharan si red-black check shirt pehni, aur ek light washed blue jeans. Apna purana, bag kandhe pe chadhaya aur kamre se bahar nikla. Bahar aate hi usne dekha ki woh ladki usse gusse bhari nazron se ghoor rahi thi. Uske paas ek aadmi baitha tha, jiske haathon mein ek newspaper tha. Aadmi ne jab ladke ko dekha toh unke chehre pe ek muskurahat aaye, fir unhone bola -
"Aryan beta! Naina gussa hai tumpe, tum late ho."
Continue...
Ek peela Auto sadak par chal rahi thi, dono taraf se thandi hawa ke jhonke aa rahe the. Peeche ki seat par Aryan aur Naina baithe huye the. Aryan khidki ke baahar dekh raha tha, uski aankhein thodi si khoyi hui thi, shayad subah ke uss sapne mein abhi bhi dooba hua tha. Naina, jo uske bagal mein baithi thi, use gusse bhari nazron se ghoor rahi thi, uske chehre par ek chhoti si tunkar thi. aur haatho pe haath baandhe huye the.
Auto driver ka ek daant tak se dab raha tha, jaise woh kisi cheez par gaur kar raha ho, aur kabhi-kabhi rearview mirror mein peeche ki taraf jhaank leta tha.
Aryan ko Naina ki teekhi gusse wali nazron ka ehsaas hua. Usne dheere se uski taraf dekha, aur jab dekha ki woh abhi bhi gusse mein hai, toh jaldi se seedha baith gaya, apni shirt ke collar ko theek karte huye.
Aryan : Kya huya?
Naina : Bhaiya, agar hum late huye to dekh lena, huhh!.
Aryan ki wajah se dono aaj college ke liye late ho gaye the. Aaj college mein festival tha, isliye naina gussa dikha rahi thi, usse festival wagera pasand tha.
Aryan : Kitni baar to sorry keh chuka hu.
Naina (sarcastically): Oh! hohoho! dekho to... Sorry kehne se kya hum time pe pouche jayenge?
Aryan (smile): Itni bhi late nahi huye hum!
Naina (glaring): Dekh lena agar hum late huye to... Haan! Mein wapas ghar aa jaungi.
Aryan (teasing): Phele to pahunche to sahi.
Naina : Humph!!
Naina ne muh fulaya, apne baalon ko ek jhatke se peeche kiya, aur doosri taraf muh kar liya, khidki ke baahar dekhne lagi. Jaise ki baya kar rahi thi apni narazgi jata rahi thi.
Aryan ne auto driver ko thodi jaldi chalane ka ishaara kiya, apni awaaz mein thodi si jaldi dikhate huye.
Aryan : Bhai, zara jaldi chala do.
Auto driver : Ye Auto hai, bhai!! Koye aeroplane nahi.
Naina ne yeh sunke apne daant ghis liye, muh aur zyada fulaya, aur khidki ke baahar dekhne lagi, jaise uska mood bilkul kharab ho. To wahi Aryan ka dhyaan phir se kahi kho gaya. Uske chehre par ek udaasi si chha gayi, jaise koi purani yaad uske dil ko kured rahi ho.
Aryan (mann mein) : Woh sab...! Ye sapna...! Kya kabhi mein shanti se jee paunga? Mera parivar, Ria di, Mishka di, maa, pita ji, dadi, choti maa woh sab... Sabhi ke sabhi... Main! Main kaise bhulu uss raat ko...!!! Maine aapko biswas kiya tha maa! Main.. main.....!
Aryan ki aankhon mein udaasi thi, uske chehre ke haav-bhaav se lag raha tha ki woh kisi purani ghatna ko yaad kar raha tha jo aaj bhi use satati thi. Naina, jo uske bagal mein baithi thi, usne jab uski taraf dekha, to uski aankhon mein wahi dard aur tanav dikha. Auto ke jhatke aur sadak ke shor ke bawajood, Aryan ekdum sthir tha, jaise uski yaadein auto ke hilne se bhi na hilein.
Naina (softly): Bhaiya!!
Naina ne dekha ki Aryan phir se kisi soch mein doob gaya tha. Usne dheere se uske kandhe par haath rakha aur thoda sa hilaya, jaise use uski yaadon se baahar nikaalna ho.
Aryan (startled): Haan!... Haan!
Naina (concerned): Kya soch rahe the?
Aryan : Nahi kuch nahi!
Naina : Wahi sapne ke bare mein na?
Aryan : Nahi... woh!
Naina (reassuring): Bhaiya! Mein apke saath hu. Aap uss sapne ke bare main mat socho, okay!
Aryan ne ek halki si muskurahat ke saath haami bhari, lekin uski aankhein abhi bhi thodi si udaas thi. Naina ne bhi muskurake uske paas thodi si khisak kar baith gayi, jaise use tasalli dena chahti ho.
Naina (innocently): Main aur baba aapke parivar hai na?
“Parivaar” shabd sunte hi Aryan ke dil mein ek dard sa utha, jaise koi purana zakhm phir se khul gaya ho. Phir bhi, usne apne chehre par ek muskurahat banaye rakhi, taaki Naina ko uska dard na dikhe.
Aryan (smiling): Haan!
Naina (curiously): To undin kiya huya tha? bhaiya!? 8 saal phele, jab baba aap ko hamare ghar Le aaye the? Aap ne uss bare mein kabhi bhi mujh se ya baba se Kuch bhi share nahi kiye, kiya huya tha aap ke saath bhaiya?
Aryan chup raha, kyunki uska dhyaan ab kahi aur chala gaya tha. Usne samne ki taraf dekha to notice kiya ki auto driver rearview mirror mein se peeche jhaank raha tha. Naina, jo Aryan se baat karte huye uske kandhe par haath rakhe thi, auto ke jhatkon se thodi si hil rahi thi. Usne ek dark blue round-neck, full-sleeve top pehna tha, par auto ke hilne ki wajah se uske stan bhi halke se hil rahe the. Driver ki nazar wahi pe thi, aur woh apni jeebh ko honton par gandi tarah se pher raha tha, jaise kuch galat soch raha ho. Uski ye gandi hartak Aryan ne dekh liya.
Aryan (angrily): Ayyy! samne dekhke driver karo.
Auto driver ekdum se dar gaya, uski gandi harkat pakdi gayi thi. Sharam se usne apni nazrein jhuka li, jaise use dar tha ki koi hungama ho sakta hai ya uska license jaapta ho sakta hai. Usne turant nazrein seedhi ki aur auto chalane laga.
Aryan (sternly): Naina, beg aage rakha karo.
Naina (confused): Kyun Kiya huye?... Arreh!!
Usne Naina ke peeth se uska bag utara aur zabardasti uske saamne rakh diya.
Naina : Arre.. kiya huya? Beg aage Kyu rakh Rahe ho?
Aryan : Tumhe kaha tha na Auto ya fir train se jab Safar karo beg aage rakh liya karo?
Naina (pouting) : Haan! Kahe the, par beg aage rakhne se Kiya hoga? Bhaiya!
Naina ko abhi bhi samajh nahi aa raha tha ki Aryan aisa kyun keh raha tha, lekin uski baat maante huye usne bag apne saamne rakh liya, aur phir doosri taraf muh karke baith gayi.
Aise hi Kuch hi der baad auto college ke saamne ruka. Bahar se festival ki awaazein aa rahi thi — music, logon ki baatein, aur jashn ka shor.
Naina auto se utri, apna bag kandhe par daala, aur campus ki taraf dekha. Aryan ne driver ko paise dete waqt use ek gusse bhari nazar se ghoora. Driver ne sar jhukake paise liye, sharam se Aryan ki aankhon mein aankhein nahi mila pa raha tha woh.
Paise ka hisaab nipta kar, Aryan aur Naina college ke entrance ki taraf badhe. Saamne ek bada sa board tha, phoolon aur rang-birangi ladiyon se saja hua, jismein college ka naam bade aksharon mein likha tha.
Campus ke andar ka nazara dil khush kar dene wala tha — New Freshers. Festival ka jashn apne poore rang mein tha. Thandi hawa ke saath suraj ki halki roshni campus ko aur sundar bana rahi thi. Rang-birange jhande, phoolon ki ladiyaan, aur fairy lights har taraf chamak rahe the. Maidan mein ek pandal tha, jismein rangoli aur diye saje huye the. Stage par kuch students dance aur music ki practice kar rahe the. Kuchh ladkiyaan sarees mein, ladke kurtas ya colorful shirts mein. Hawa mein jalebi, chai, aur chaat ki khushboo thi. Har chehra khushi se chamak raha tha.
Naina (excitedly): Wow! Bhaiya!!! campus to bohat khubsurat laga raha hai.
Naina campus ki khubsurti ko dekh rahi thi, aur Aryan ko bhi dikha rahi thi. apne baalon ko haath se theek karte huye woh muskurayi. Lekin Aryan ka dhyaan campus ki khubsurti pe nahi balki kisi orr ki khubsurti pe tha -
Myra Sethi!
Myra Sethi, college ki sabse famous ladki. Uski sundarta aisi thi ki koi bhi usse dekhe bina nahi reh sakta tha. Kali badi aankhein, chhoti par well-shaped naak, patle honton, gora rang, thodi si ghunghrale baal, aur lambi par nazuk kaya. woh har kisi ko apni taraf kheench leti thi. Aryan bhi is attraction se bacha nahi tha, lekin uska pasand karna sirf sundarta tak nahi tha. woh Myra ko kahi na kahi dil se pasand karta tha. Aur sayad yehi uska bhool tha.
Aryan aur Myra dono second year mein ek hi class mein padhte the, aur Naina bhi unke saath thi. Jab Naina ke Baba Aryan ko apne ghar laaye the, tab unhone hi Aryan ka admission Naina ke saath college mein karwaya tha. College ke pehle din se hi Aryan ko Myra pasand aa gayi thi.
Myra apni chaar saheliyon—Sanya, Meera, aur do aur ladkiyon ke saath khadi thi, baatein kar rahi thi, aur kabhi-kabhi zor se hans rahi thi. Tabhi Sanya ne saamne ki taraf ishaara kiya, jahan Aryan khada tha.
Sanya (giggling): Dekh rahi hai Myra tera Aashiq kaise tujhe dekh raha hai.
Meera ne yeh sunte hi apne pair pakad liya aur zor se hansne lagi.
Meera (laughing): Aree!! ye to wahi ladka hai na, naam kiya hai uska? Haan! Aryan aisa kuchh hai.
Sanya (laughing): Jara dekh to usko, hahaha! Ye... ye kaisa kapde pahen ke aaya hai? Hahaha! Joker lag raha hai.
Meera (grinning): Hahaha! Uske maaze lete hai chal, Aaj din bhi accha hai prank ke liye.
Myra : What? Tum dono kiya karne jaa rahi ho?
Sanya (smirking): Nothing just wait and watch.
Myra (sternly): Hey don’t do any stupid thing.
Meera : It’s gonna be a little prank.
Myra : No leave it just enjoy the festival.
Sanya : It’s gonna be fine, don’t worry.
Myra : Par....
Meera (cutting in): It’s will be just a prank.
Sanya (scheming): Ab suno sabhi suno main usse yeha bulata hu aur Myra tu kahi aur chali ja.
Myra : What? What you all plaing to do?
Sanya (laughing): It’s nothing, suno main jo keh rahi hu.....!
Sanya ne apni saheliyon ko plan samjha diya. Myra, do aur saheliyon ke saath, wahan se chali gayi, jabki Sanya aur Meera wahin ruk gayi thi.
Meera : Heyy?
Meera ne thodi door se Aryan ko pukara. Aryan ne pehle idhar-udhar dekha, sochkar ki kahin kisi aur ko toh nahi bula rahi.
Meera (pointing at Aryan) : You! you!
Aryan : Koun! Main?
Meera (nodding): Yes! you!
Naina (curious): Kiya huya bhaiya?
Meera (smiling): Do you have a minute?
Usne ishaare se ek ungli dikhate huye puchha, Aryan ne bhi ishaare se haami bhari.
Aryan : Naina, tum apni dosto ke saath rehna, main abhi aata hu.
Naina : huh!?!? Kaha ja rahe ho? Bhaiya!!
Aryan : Kuchh nahi tum chalo apne friends ke saath main abhi aata hu.
Naina (nodding): Okay, par program suru hone se phele aa jana, main stage ke paas hi rahungi.
Naina apni doston ke paas chali gayi, aur Aryan Meera ke paas pahuncha.
Aryan (politely): Ji, kuchh kaam tha?
Meera (mann mein) : What? What just he said!? Ji! Hahaha! Ye sach mein stupid hai.
Meera ne Sanya ki taraf dekha, aur dono dheere se hansne lagi.
Meera : So you are Aryan right?
Aryan (nodding): Haan! Main hi Aryan hu, Kyun?
Meera (mann mein): Kyun ke bacche, hahaha! Abhi maja chakha ti hu.
Aryan : ……?
Meera (continuing): To main kaha thi? Haan!... So your are Aryan right?
Aryan : Haan!
Meera : Actually na mujhe tumse kuchh important baat karni hai.
Aryan : Ji boliye.
Meera (dramatically) : Actually important baat mera nahi Myra ka tha.
Myra ka naam sunte hi Aryan ke kaan khade ho gaye.
Aryan : M-Myra?
Sanya (mann mein) : just look at him! Haha! Myra sunte hi kaise utavla ho gaya, such an idiot.
Sanya (smirking): Yes! Myra. tum usse jaante to ho na?
Aryan : Obviously! Myra ko kon nahi pehchanta.
Meera : Good! Actually... Sanya tu bata na myra ne kiya important baat kehne ko bola tha.
Sanya : Woh kiya hai na Aryan, Myra tum se kuchh kehna chati hai.
Aryan (shocked): Mujhse???
Meera (nodding): Yes! Tumse.
Sanya: Actually na, Myra tumhe kuchh kehna chahti hai, but you know na, she is so shy... Isliye usne mujhe bola ki main tumhe bata doon.
Aryan: Aisa kya bolna chahti hai woh?
Meera: Arre, it’s simple! Don’t you get it?
Aryan: Nahi, main kuchh samjha nahi!
Meera: Come on, Aryan, it’s just ki...
Sanya: Ki Myra ko tum pasand ho!
Ye sunte hi Aryan hakka-bakka reh gaya. Uska chehra ajeeb sa ho gaya, jaise Acharya Janak ka ho jata hai jab koi badi baat sunta hai. Woh abhi tak is baat ko hazam nahi kar pa raha tha. Kya usne sachi suna Myra jaise ladki, jo college ki sabse famous hai, usse kaise pasand kar sakti hai? Woh Meera aur Sanya ko ghoorta raha, jaise dimaag mein processor hang ho gaya ho.
Sanya: Oye, hello! Kahaan kho gaya?
Aryan: Nahi, woh... Are you serious? I mean, Myra! She really likes me?
Meera: Haan, bilkul! She likes you. Aur kyun nahi? Look at you!! kitna handsome ho tum!
Kehte hue Meera ne Sanya ki taraf dekha aur aankh maarte hue ishara kiya.
Sanya: yes! bilkul! Tum toh bohot handsome ho, aur Myra tumhe sach mein pasand karti hai.
Aryan (mann mein): Am I really?
Meera: Ab kya soch raha ho?
Aryan: N-Nothing!
Meera: Dekho, Myra tumhe pasand karti hai, par woh directly bolne se sharma rahi thi. Isliye usne mujhe bola ki main tumhe bata doon. Tumne thodi der pehle dekha na, Myra yahaan se chali gayi thi?
Aryan: Haan, maine dekha tha!
Meera: Haan, woh tumhe dekh ke sharma rahi thi. Actually, woh aaj tujhe yeh baat batana chahti thi. Woh tujhse milna chahti thi, bur see! aaj campus mein kitne saare students aur teachers bhi hain. Isliye usne mujhe kaha ki tumhe bol doon ki woh ladies’ washroom ke saamne tumhara intezaar karegi, jahaan tum dono akele baat kar sako.
Aryan: Re-really?
Sanya: Haan! Ab time waste mat kar, jao!
Aryan: O-Okay!
Aryan ladies’ washroom ki taraf chala gaya. Jaise hi woh yeha se gaya, Meera aur Sanya ek-doosre ko dekhkar apna pet pakad ke hansne lagi.
Meera: Tune dekha? Hahaha! Sanya, tune dekha?
Sanya: Kitna idiot hai yeh, hahaha!
Meera: Tune dekha, jab maine usse handsome bola, woh kaise sharma raha tha?
Sanya: Hahaha!, too funny!! He's too funny!!!
Meera: Hehe!!, literally! Mera pet phat jayega hanste-hanste. Hey! chal, iska peecha karte hain. Woh idiot ladies’ washroom jaa raha hai!
Udhar Aryan ladies’ washroom ke saamne pahunch gaya tha. Bechara ab bhi samajh nahi pa raha tha ki uske saath prank ho raha tha. Usko vishwas hi nahi ho raha tha ki Myra jaise ladki, jiske peechhe college mein ladke line laga ke khade rehte hain, usse pasand karegi. Yeh kaise possible hai? Ye sawaal uske mann mei bhi aaya Yeh sochkar woh thoda confuse tha, par andar se excited bhi tha. Kya pata, agar yeh baat sach ho? Agar Myra sach mein usse pasand karti ho?
Woh washroom ke saamne khada tha, par wahaan na Myra thi, na koi aur.
Aryan: Maybe woh washroom ke andar ho.
Usne socha Myra shayad washroom ke andar hai, isliye woh bahar khada intezaar karne laga. Thodi door diwaar ke peechhe Meera aur Sanya chhup ke usse dekh rahi thi, muh pe haath rakhkar hans rahi thi.
Kareeb 15 minute guzar gaye. Aryan ka sabr toot raha tha. Usne kuchh socha aur —
THAK! THAK!!
Usne darwaza khatkhata diya. Darwaza khula bhi gaya asani se.
Aryan: Yeh kya? Darwaza toh andar se band nahi hai, khula hai. Iska matlab...!
Woh aage kuchh soch pata, usse pehle kisi ne usse dhakka maara, aur woh sidha ladies’ washroom ke andar gir gaya.
Aryan: KOUN?
Isse pehle ki woh uth pata, peechhe se darwaza band ho gaya. Usne turant darwaza kholne ki koshish ki, par tab tak darwaza bahar se lock ho chuka tha.
Aryan: Kaun hai? Darwaza kholo! Yeh tum log ho na, Meera aur Sanya?
Meera: Kya hua, handsome? Hahaha! Myra mil gayi?
Aryan: Kyun? Kyun kiya aisa? Please, darwaza kholo, yeh ladies’ washroom hai!
Sanya: Yahi toh teri aukaat hai, bacchu! Hahaha!
Aryan: Toh... toh Myra mujhe pasand karti hai, yeh sab jhooth tha?
Sanya: Hahaha! Obviously, idiot! Tu kya soch raha tha? Myra jaise ladki tujhe pasand karegi? How stupid! Hahaha!
Ab jaake Aryan ka ullu sidha hua. Usko laga tha Myra sach mein usse pasand karti hai, par yahaan toh uske saath mazak ho gaya tha.
Tabhi bahar se music aur chahalpahal ki awaaz aane lagi. Bahar program ki announcement ho rahi thi.
Meera: Oh, shit! Shit, Sanya! Program shuru ho gaya!
Sanya: Chal, program miss nahi kar sakte!
Aryan: Hey, ruko! Mujhe bahar nikalo!
Par Aryan ki awaaz un tak nahi gayi. Program ki announcement sunte hi Meera aur Sanya bhool gayi ki Aryan washroom ke andar band hai. Woh dono chali gayi. Aryan andar band pada raha.
Aryan: Arre, mujhe bahar nikalo! Koi hai? Please!
Par uski awaaz washroom ke andar goonjti hui uske hi kaano tak wapas aayi. Bahar program ka shor tha—loudspeakers, students ki chahal-pahal. Usne poori koshish ki, par koi sunne wala nahi tha. Thak haar ke woh commode ke upar hi baith gaya.
Aryan: Naina! Haan, Naina ko phone karta hoon.
Usne jeb se phone nikala, par uski akhri umeed bhi toot gayi.
Aryan: Shit! Isme toh charge hi nahi hai!
Naina uski akhri umeed thi jo usse bahar nikaal sakti thi, par phone mein charge nahi tha. Kaise bula pata naina ko? Ab koi rasta nahi tha. Jab tak koi darwaza nahi kholta, usse ladies’ washroom mein hi band rehna tha.
Woh wahi baitha raha, ghutno pe kohniyaan tikaye, haath se chehra dhake. Charon taraf dekha toh band kamra usse kuchh purani yaadein yaad dila raha tha, jaise woh pehle bhi aisi situation mein tha. Kuchh der shant rehne ke baad —
Aryan: Hahaha! It’s the same! Yeh band darwaza! Thik waise hi... Wahaa bhi mujhe aise hi ek kamre mein band karke rakha jata tha. Hahaha! Main... sach mein stupid hoon! Hahaha! Main sab pe itni jaldi vishwas kar leta hoon. Us din bhi... us din bhi maine un par vishwas kiya tha, aur phir unhone mujhe....
Woh pagalon ki tarah hansne laga, aur uski aankhon se aansoon behne lage. Aise band kamre mein woh pehle bhi reh chuka tha. Pehle bhi usne kisi par vishwas kiya tha, aur aaj bhi Meera aur Sanya ki baaton par vishwas karke woh yahaan phas gaya. Thik usi tarah, pehle bhi uske apnon ne uske saath aisa hi prank kiya tha.
Udhar, stage ke dayein taraf Myra apni saheliyon ke saath khadi thi. Usne Meera aur Sanya ko aate hue dekha.
Myra: Tum dono kahan thi?
Meera: Arre!
Usne Sanya ki taraf dekha aur dheere se bola.
Meera: Arre, hum usse bahar nikaalna bhool gaye!
Sanya: Arre, chhod na! Program ka mazaa le. Waise bhi, woh kahaan marne ja raha hai?
Myra: Hey, sach batao, tum dono ne ab kya kand kiya hai?
Meera: Kuchh nahi, chal, festival enjoy karte hain!
Wahin, stage ke saamne Naina apne doston ke saath khadi thi. Woh baar-baar peechhe mud ke dekh rahi thi, usse intezar thi kisi ki.
Naina (mann mein): Bhaiya kahaan reh gaye? Keh toh rahe the abhi aa raha hoon.
Usne Aryan ko phone bhi kiya, par phone mein charge nahi tha, toh kaise lagta phone?
Naina: Hmph! Aane do unhe, phir batati hoon!
Naina ko kya pata tha ki uska bhaiya ladies’ washroom mein band hai? Darwaza todna bhi mumkin nahi tha, aur awaaz dene se bhi koi faida nahi tha kyunki bahar itna shor tha. Aryan ke paas ab koi chara nahi tha, siwaye wahi band rehne ke.
Do ghante aise hi beet gaye. Program abhi bhi chal raha tha, par ab music nahi baj raha tha kyunki agli performance ki taiyaari ho rahi thi. Isliye thodi der ke liye loudspeakers band the. Isi waqt kuchh ladkiyaan, jo program mein perform kar rahi thi, ladies’ washroom ki taraf ja rahi thi. To wahi Naina bhi thodi bechain thi.
Naina: Bhaiya kahaan reh gaye? Program shuru hue do ghante ho gaye, aur yeh janab gayab!
Kehte hue woh Aryan ko idhar-udhar campus mein dhoondhne lagi, par usse kya pata tha ki Aryan washroom mein band hai? Udhar, washroom ki taraf ja rahi ladkiyaan apas mein baatein kar rahi thi.
“Performance achha gaya na?”
“Ab main dance karungi, toh achha hi jayega na!”
“Haha!, right!”
“Chal, jaldi fresh ho lete hain. Next performance shuru hone se pehle, I don’t wanna miss a bit of this program!”
Kehte hue ek ladki ne washroom ka darwaza khola, aur jo usne jo dekha, woh hairaan kar dene wala tha. Ladies’ washroom mein ek ladka —
Aryan!
Sab ladkiyaan chillayi: “You pervert! Ladkiyon ke washroom mein kya kar raha hai?”
Aryan: Nahi, main...
“Nahi main kya? What are you doing here?, you rascal!!”
Aryan: Aisa kuchh nahi hai, mujhe yahaan kisi ne...“
Just shut up! Tum jaise ladkon ko hum jaante hain. Ladkiyon ke washroom mein chhup ke baithte ho taaki jab koi aaye to usse taad sako!”
Aryan: Nooo!!!, main...
“Toh yahaan kya kar raha tha? Ruk, teri khabar leti hoon, sabko bula ke laati hoon!”
Aryan: Hey, wait! Jaisa dikh raha hai, waisa nahi hai!
Woh ladki ko samjhaane ki koshish kar raha tha, par baaki ladkiyon ne usse rok liya aur wapas washroom mein band kar diya. Aryan mein itni taakat nahi thi ki woh in ladkiyon ko hata ke bahar nikal sake.
Woh ladki, Palak, jo bahar gayi thi kisi ko bulane, usne college ke famous ladke ko dekha — Rohan Tripathi.
Woh apne paiso aur looks ke liye famous tha. Fit tha, aur ladkiyon mein bhi kaafi popular tha.
Palak: Rohan! Ladies’ washroom mein ek ladka ghus aaya hai!
Rohan: Kya?
Palak ne sab kuchh bata diya. Rohan ne kaha, “Tu chal, main abhi aata hoon.”
Palak wapas chali gayi. Tabhi Rohan ka dost, jo paas mein baitha tha, uske kaan mein bola.
Dost: “Boss, achha hua hum washroom nahi gaye, warna aaj hum bhi pakde jaate!”
Rohan: “Sahi kaha. Par ab college ka hero banne ka time hai. Chal, dekhte hain.”
Rohan aur uske teen dost washroom ki taraf chal pade. Udhar, Myra apni saheliyon ke saath thi. Usne Palak ko bhagte hue dekha.
Myra: Udhar kuchh hua hai lagta hai, washroom ke taraf.
Meera (mann mein): Arre! Udhar toh Aryan band hai! Shit, shit! Agar usne bol diya ki humne usse band kiya, toh pure college mein hamari badnaami ho jayegi!
Sanya ke mann mein bhi yahi baat chal rahi thi.
Washroom mein Rohan apne teen doston ke saath pahunch chuka tha.
Palak: Yeh raha, yeh ladka ladkiyon ke washroom mein chhup ke baitha tha!
Aryan: Nahi, main...
Rohan ka dost uske kaan mein bola, “Boss, yeh hero banne ka achha mauka hai!”
Rohan: “Chup kar, gandi naali ke keede! Ladkiyon ko taadne aaya tha? Ab maza chakhata hoon!”
Aryan: Nahi, meri baat toh suno!
Rohan: “Tujh jaise chhote ghar ke keede yahi harkatein karte hain!”
Aryan: “Dekho, ghar pe mat jao, pehle meri baat suno!”
“Sunn’na kya hai, boss? Maro isse!”
Rohan: “Saale, ladkiyon ko taadega?”
Chatak!
Rohan ne Aryan ke gaal pe ek jordaar thappad maara. Aryan peechhe ho gaya. Rohan usse kaafi takatwar tha Aryan se.
Aryan: “Ek baar meri baat toh suno...”
Chatak! Charak!
Rohan ne do aur thappad maare, aur Aryan iss baar neeche gir gaya. Uski aankhon se aansoon nikal bhi aaye. Wahaan saari ladkiyaan khadi thi, aur Aryan Rohan se thappad kha raha tha. Rohan jhuka, uska collar pakda, aur usse upar kheenchne laga. Tabhi —
“Yahaan kya ho raha hai?”
Peechhe se Myra ki awaaz aayi. Palak ke bhagte hue jaane ko dekhkar Myra bhi wahaan pahunch gayi thi, aur saath mein Meera aur Sanya bhi.
Rohan ka dost uske kaan mein bola, “Boss, bhabhi aa gayi!”
Rohan ne Aryan ko chhoda, aur woh wapas neeche gir pada. Rohan ne peechhe mudkar Myra ko dekha.
Rohan: “Myra, yeh ladka ladkiyon ke washroom mein taank-jhaank kar raha tha.”
Palak: “Haan, yeh yahaan chhup ke baitha tha!”
Rohan : don't worry mein inn jaise chote gharke aulaad ko sahi thikana laga dunga.
Myra ne uss ladke ko dekhne ke liye aage aayi aur hairaan reh gayi.
Myra (mann mein): Yeh toh wahi ladka hai?
Meera aur Sanya ka haal kharab ho gaya. Woh apas mein dheere se baat kar rahi thi.
Meera: “Ab kya hoga, Sanya? Agar isne bol diya ki humne usse band kiya, toh yeh prank hum par hi bhari pad jayega!”
Sanya: “Main bhi wahi soch rahi hoon.”
Aryan neeche gira hua tha, uski aankhon se aansoon beh rahe the. Usne sar uthaya toh saamne Myra thi. Usko dekhkar uski bachi-kuchi izzat bhi chali gayi. Usko kaha gaya tha ki Myra usse pasand karti hai, aur usi baat ke chakkar mein woh yahaan aaya tha. Par ab usse pata chal gaya tha ki yeh sab ek prank tha.
“Bhaiya??”
Tabhi peechhe se kisi ki awaaz aayi. Sabne mudkar dekha, siwaye Aryan ke. Kyunki Yeh Naina ki awaaz thi.
Palak: “Yeh tera bhaiya hai, Naina?”
Naina: “Haan! Yahaan kya ho raha hai? Bhaiya, aap aise...?”
Palak: “Tera bhaiya ek number ka pervert hai, Naina!”
Naina: “Nahi, mera bhaiya aisa nahi hai!”
Palak: “Woh aisa hi hai! Apni aankhon se nahi dekh rahi? Yahaan chhup ke ladkiyon ko taad raha tha ye!”
Naina ko apne kaano par vishwas nahi ho raha tha ki Aryan aisa kuchh karega. Aryan neeche baitha tha, uske gaal pe Rohan ke thappad ke nishaan laal ho chuke the. Uski bachi-kuchi izzat bhi Naina ke saamne chali gayi thi. Woh sar jhukaye wahi gira raha. Naina se aankhein kaise milata? Usko laga jaise saari ladkiyaan, Myra, aur uski behen Naina bhi usse aise gire hue dekh rahi thi. Ek ganda ladka samajh raha hai, Uski maathe se paseene ki boondein tapki. Ek ghabrahat si hui — thik aisi hi band kamra, thik aisi hi logon ki aankhein usne pehle bhi dekhi thi. Uske ateet mein aisi hi ghatnayein hui thi, jab log uske charon taraf khade the, aur woh aise hi neeche gira hua tha. Us din bhi sabki aankhein us par thi, aur aaj bhi wahi ho raha tha. Purani yaadein uske saamne taaza ho gayi.
Rohan ka dost uske kaan mein bola, “Boss, Myra bhabhi yahaan hai. Yeh hero banne ka sahi mauka hai!”
Rohan: “Tujhe toh main...”
Rohan wapas Aryan par haath uthane ja hi raha tha ki tabhi Aryan ne ek aisi harkat Kari jisse sab hairaan reh gaye, aur sabse jiyada Hairan Naina thi.
Aryan ne apne chehre ko haathon se dhak liya, dono pair sikod kar washroom ke farsh par gira raha, aur chillaya-
Aryan : “Nahi! Mujhe mat maro! Maine kuchh nahi kiya, mujhe mat maro! Maa! Mujhe mat maro! Maine vishwas kiya tha... Main...! main rakshas nahi hoon, mujhe mat maro!!! Main jeena chahta hoon!!!”
Uski awaaz thartharati hui thi, aur sab use dekhkar dang reh gaye. Aryan ne apne aap ko sikod liya tha, jaise koi pagalpan mein ho.
Rohan: “Arre, yeh kya kar raha hai?”
Palak: “Yeh... yeh pagal toh nahi ho gaya?”
Meera ne Sanya ke kaan mein dheere se kaha, “Sanya, yeh sahi mauka hai. Yahaan se chal, warna agar isne Myra ko bata diya ki humne usse band kiya tha, toh yeh prank hum par hi bhari pad jayega.”
Sanya: “Sahi kaha, Meera.”
Naina bhag ke aayi, Rohan ko dhakka dekar side kiya, aur Aryan ko uthane lagi.
Naina: “Bhaiya! Bhaiya! Kya hua? Yeh kya bol rahe ho aap?”
Rohan ka dost uske kaan mein bola, “Boss, lagta hai tumhare pitaai se yeh pagal ho gaya. Yahaan se chalo, warna koi gadbad ho sakti hai.”
Rohan: “Hmm, chal.”
Usne peechhe mudkar Myra ko dekha. Woh mauka ka faida uthana chahta tha. Usne wapas Aryan ko bola.
Rohan: “Dekh, tujhe aaj ke liye chhod raha hoon. Saale, agar phir aisi harkat ki, toh dekh lena!.. Oh, Myra? Achha hua, chalo bahar, maine isse sabak sikha diya.”
Meera: “Haan, Myra, chal! Program wapas shuru hone wala hai.”
Meera aur Sanya ne Myra ko kheenchte hue bahar le gayi. Myra ne jaate huye mudkar ek baar Aryan ko dekha, jo abhi tak sikud ke mejh per mada tha. pata nahi kya soch rahi thi. Rohan aur uske dost bhi Myra ke peechhe chale gaye. Palak aur baaki ladkiyaan bhi program ke liye bahar chali gayi.
Aryan wahi farsh par sikod ke pada tha. Naina usse uthane ki koshish kar rahi thi.
Naina: “Bhaiya! Kya hua aapko? Yeh kya bol rahe the?”
Aryan: “Nahi, mujhe mat maro... Maa!!!, mujhe mat maro!”
Naina: “Kya bol rahe ho, bhaiya? Kaun aapko marna chahta hai?”
Aryan: “Sabne mujhe jaan se maar diya, Naina!! Sabne... mujhe jaan se maar diya tha!! Mera vishwas karo, main rakshas nahi hoon. Naina!, main koye rakshas nahi hoon.”
Naina: “Kya bol rahe ho, bhaiya? Kisne maara aapko? Ye Rakshas? Yeh kya keh rahe the...?”
Washroom mein ab sirf Naina aur Aryan the. Par koi teesra bhi tha, jo apni lal aankhon se yeh sab dekh raha tha. Usne yeha ghatit har ghatna ko dekha, aur Aryan ko aise dekhkar woh hans raha tha.
Naina kuchh samajh nahi pa rahi thi ki Aryan kya bol raha tha, kyun bol raha tha. Usko ab Aryan ko ghar le jana hoga. Usne Aryan ko uthaya aur bahar le aayi. Usne dekha sabka dhyan program mein tha.
Naina: “Thank God, koi yeh nahi dekh raha.”
Usne Aryan ka haath pakda, sahara dete hue college ke peeche se bahar tak le gayi. Aryan chal toh raha tha, par uski aankhon ke saamne wahi purani bhayan
ak yaadein thi.
Naina: “Auto!”
Ek haath se Aryan ko pakad kar, doosre haath se ishara karke usne auto rok liya. Aryan ko baithaya aur khud bhi paas baith gayi.
Aryan chupchap baitha tha, uski aankhon ki putliyaan bhi nahi hil rahi thi. Naina ne baat karne ki koshish ki, par uski haalat dekhkar usne socha ghar jaake baat karegi.
Dekhte hi dekhte Naina aur Aryan ghar pahunch chuke the. Auto se utarte waqt Naina ne Aryan ko sahara diya, uska haath pakad ke dheere-dheere usse bahar nikala. Woh dono ghar ki taraf badhe, Naina ke haathon mein Aryan ka wazan tha, aur uske dhyan mein kuchh aur nahi chal raha tha. Usse khayal hi nahi raha ki auto ka bhada dena bhi zaroori hota hai.
Auto driver ne apni khnkhati awaaz mein chillaya, “Oo! Madam bhada?”
Naina ekdum se chaunk gayi, “Hain!”
“Bhada! Bhada!” driver ne thodi si jhallahat ke saath dohraya.
Naina ne apna sar khujlaya aur sharma ke has di, “Ohh! Haan! Bhada bhi toh dena padta hai, hehe! Sorry bhool gaye thi.”
“Bhada toh dena padta hai!” driver ne phir kaha.
“Sorry!” Naina ne jaldi se kaha aur apni jeans ki jeb, purse, aur bag tatolne lagi. Usne har jagah haath daal ke dekha, par paisa kahin nahi mila. Uske chehre par thodi si ghabrahat dikhne lagi, aur woh apne aap se boli, “Arey! Paisa toh nahi hai…”
Driver ne bhaunhe chadha ke poochha, “Kya hua, madam?”
Naina ne ek lambi saans li aur achanak usse yaad aaya, “Arey haan! Paisa toh bhaiya ke paas hai. Wait a minute.”
Usne jaldi se Aryan ki jeb tatoli aur wahan se kuchh note haath aaye. Naina ne rahat ki saans li, “Huff! Thank God, main toh bhool hi gayi thi bhaiya ke paas bhada rehta hai.”
“Madam, paisa!”
“De rahi hoon! De rahi hoon!” Naina ne haste hue jawab diya, paisa nikala aur driver ko thama diya. Phir woh Aryan ko sahara dete hue ghar ke andar le jane lagi.
Ghar ke bahar ek badi si safed car khadi thi, jo Naina ne pehle kabhi nahi dekhi thi. Usne is baat ko nazarandaaz kiya aur Aryan ko leke ghar ke andar chali gayi. Andar jate hi uski nazar apne pitaji, - Sanjay Gupta!
par padi. Unke saath 6 aur log the. Paanch log aise the jo sadharan kapdon mein the, par unke chehron par kate hue nishaan aur ek ajeeb si kathorta thi. Ek jhalak mein hi lag raha tha ki yeh log acche insaan nahi the. Unki aankhon mein ek thandi chamak thi.
Par un 6 logon mein ek aadmi alag tha. Woh suit-boot mein tha, apne haathon ko jeb mein daale, ekdum saaf-sutra aur shant khada tha. Uska chehra ek halki si muskurahat se saja tha, par us muskurahat mein kuchh chhupa hua tha.
Jaise hi Sanjay aur un logon ne Naina aur Aryan ko dekha, wahan chal rahi baat-cheet ekdum ruk gayi, jaise un logon ne in dono ko is waqt yahan expect hi nahi kiya tha. Sanjay ne hadbadaate hue kaha, “Naina? Tum dono toh college gaye the?”
Naina ne jawab dene ke liye muh khola, “Baba, woh…”
Par usse pehle ki woh kuchh aur bol paati, woh suit-boot wala aadmi dheere se bola, “Hum abhi aate hain, Mr. Sanjay.”
Usne ek baar Naina ki taraf dekha, ek ajeeb si muskurahat ke saath. Phir woh Sanjay ki taraf muda aur bola, “Maine jo kaha, yaad rahiyega, Mr. Sanjay! Hum phir milenge.”
Yeh kehte hue usne apne sunglasses aankhon pe chadhaye, ek baar phir Naina ko dekha, muskuraya, aur apne saathiyon ke saath bahar nikal gaya. Uski woh muskurahat Naina ko bohat hi ajeeb lagi.
Sanjay ne phir se poochha, “Tum dono college mein the na? To abhi ghar chale aaye, tumhare festival ka kya hua?”
Naina ne ek pal ke liye socha. Woh Aryan ke saath college mein jo hua, uske baare mein baba ko batana nahi chahti thi. Usne baat ghuma di, “Asal mein bhaiya na… bhaiya ko college mein accha nahi lag raha tha, toh hum ghar wapas aa gaye.”
Sanjay ne thodi chinta ke saath poochha, “Kya hua Aryan ko?”
“Nahi, aisa kuchh nahi hua,” Naina ne jaldi se jawab diya. “Abhi ghar pe honge, accha mehsoos hoga, isliye main ghar hi le aayi inhe.”
Sanjay ne sar hila diya, “Theek kiya. Chalo, main abhi aata hoon. Tum Aryan ka khayal rakhna, main shaam ko aaunga.”
Naina ne poochha, “Theek hai, baba. Par yeh log kaun the?”
Sanjay ne jaldi se baat taal di, “Woh… woh main baad mein bataunga.” Yeh kehte hue woh jaldi se nikal gaye.
Naina ne Aryan ko uske kamre mein le jake litaya. Aryan ab bhi kisi gehri soch mein dooba hua tha, uska chehra udaas aur bechain tha. Naina ne dheere se kaha, “Bhaiya?”
Aryan ne uski taraf dekha aur ek pal chup raha, phir dheere se bola, “Naina! Maine kuchh nahi kiya tha, mera vishwas karo.”
Naina uske paas baith gayi aur pyar se poochha, “Aap woh sab kya bol rahe the? Kisne aapko maara, aur woh rakshas… rakshas kya keh rahe the?”
Aryan ke liye jawab dena mushkil tha. College mein jo hua, usne uski izzat ko chot pahunchayi thi. Woh ladies’ washroom mein gira pada tha, Rohan se maar kha raha tha, Myra ne usse us halat mein dekha, aur sabse bada sadma yeh tha ki Naina ne bhi usse waisi halat mein dekha. Woh sharmindagi se Naina ki aankhon mein aankhein nahi mila pa raha tha.
Naina ne halki si muskurahat ke saath kaha.
Naina (innocently smiling) : “Accha, ab samjhi. Main aapki real behen nahi hoon na, isliye aap mujhse kuchh nahi bata rahe, na? Koi baat nahi, bhaiya!”
Aryan ne jaldi se kaha, “Nahi, aisi baat nahi hai.”
Naina ne phir se muskurate hue kaha, “It’s okay, bhaiya.”
Aur woh jaane lagi, par Aryan ne uska haath pakad liya. Naina ne mudkar usse dekha. Aryan ne rukte hue kaha, “Woh… college mein, Naina, mera vishwas karo, maine jaan bujhkar ladkiyon ke bathroom mein nahi gaya tha. Main…! Mujhe...!”
Naina uske paas baith gayi, uske gaal ko dheere se chhua jahan Rohan ne thappad maara tha, aur pyar se sahlate hue poochha, “Aapko yahan pe laga hai?”
Aryan ne sar hila diya, “Nahi, bas… Naina, maine sach mein… tum jaisa soch rahi ho, main waisa nahi hoon. Bilkul nahi. Maine jaan bujhkar wahan ladies’ washroom mein nahi gaya tha. Mujhe… mujhe…”
Naina ne uski baat kaat di, ek shant muskurahat ke saath, “Chai piyoge?”
Usne bas itna hi bola, chai piyoge!. Aryan ne haan mein hami bhari. Naina chai banane chali gayi. Aryan bas usse dekhta raha jate waqt, usse lag raha tha shayad Naina ab usse ek ganda ladka samajh rahi hai jo ladkiyon ko tadne unke bathroom mein chhup ke baithta hai.
Udhar, kitchen mein Naina chai bana rahi thi aur apne aap se baat kar rahi thi, uske hothon pe ek halki si muskurahat thi -
“Subah aapne mujhe bag kyun aage rakhne bola, mujhe pata hai, bhaiya! *Blush* Woh auto driver mujhpe gandi nazar daal raha tha, isliye aapne bag aage rakhne ko kaha tha. *Smile* “Main itni bhi buddhu nahi hoon, bhaiya! Aapko apni safai dene ki koi zarurat nahi, mujhe vishwas hai aap pe... pura viswas hai aap pe...”
Thodi der mein usne chai bana li, aur Aryan aur woh milke chai pi liye. Pura din aise hi beet gaya. Naina ne Aryan se aur kuchh nahi poochha. Shaam ko jab Sanjay wapas aaye, toh unhone sabse pehle Aryan ki khabar li. Raat ke dinner ke samay Naina ne unse poochha ki subah woh log kaun aur kyun aaye the, toh Sanjay ne fir se usse yeh kehte hue taal diya ki baad mein bataunga. Naina ne Aryan se bhi college mein huya ghatna ke baare mein poochha tha, par Aryan ne baat ko ghuma fira diya. Dinner ke baad sabhi apne-apne kamre mein so gaye.
_______.
Ghar se koso mil door, madhya raatri ka gehra andhera chhaya hua tha. Ek badi si pahadi ki choti par teen shakhs khade the, unke charon taraf ek bhayaanak sannaata tha. Hawa mein ek bhaari si thandak thi, aur charon taraf kaale kauwe bina kisi awaaz ke ud rahe the. Un kauwon ki chuppi mein ek ajeeb sa dar tha, jaise woh kisi khaufnaak shakti se seham rahe ho. Andhere ke iss mahol mein woh teen log pahadi ke bilkul beech mein khade the, unke chehron par ek ghanibh gambhirata thi, aur unki aankhon mein ek ajeeb si taaqat jhalak rahi thi.
Unmein se ek ne ghoor awaaz mein kaha, “Haath aage karo!”
Teeno ne apni astin ki baahen upar ki aur apne haath aage kiye. Unke doosre haathon mein chamakte hue chaku the, jinke blade andhere mein bhi ek laal chamak de rahe the. Bina kisi hichak ke teeno ne apne haath kaat liye. Khoon ki boondein zameen par tapakne lagi, aur andhere mein unka rang ek ajeeb si chamak paida kar raha tha. Hawa mein ek sarsarahat si thi, jaise koi anjaan shakti unke kareeb aa rahi ho.
Phir teeno neeche baith gaye, jahan unka khoon gira tha, waha apne taze ghaav wale haath rakh diye. Unhone ek sath ek bhayaanak mantra bolna shuru kiya, unki awaaz mein ek vikhral taaqat thi -
“Kraa rakta-daan, lohita-drish, kroor-chhadi-sarpa-vikra!
Prakata, prakata, bhaya-kshobha, vish-kshaya!
Kraa phat!”
Unki awaaz dheere-dheere teevra hoti gayi, aur unke haathon se ek kaala dhuaan uthne laga. Jaise jaise unka ucharan aur zor se hota gaya, waisa hi woh dhuaan aur ghana hota gaya. Aisa lag raha tha jaise unka khoon sukh kar dhuein mein badal raha ho.
Hawa ab aur bhaari ho chuki thi, aur ek ajeeb sa sannaata chha gaya. Pahadi ki choti bhi is taaqat se kaamp uthi, par teeno nahi ruke vah jari rakhte hai uchharan aur bhi Bhari hoti ja rahi thi -
“Kraa rakta-daan, lohita-drish, kroor-chhadi-sarpa-vikra!
Prakata, prakata, bhaya-kshobha, vish-kshaya!
Kraa phat!”
Unki awaaz mein ek vikhral shakti thi, jo charon taraf ke andhere ko aur gehra kar rahi thi. Unke haathon se nikal raha dhuaan ab ek ghana sa badal ban chuka tha, jo unke charon taraf mandra raha tha. Kauwe ab bhi chupchap ud rahe the, unki aankhon mein dar saaf dikhai de raha tha. Aisa lag raha tha jaise woh teen log kisi asambhav shakti ko jaga rahe hon, par koi anjaam nazar nahi aa raha tha.
Achanak, teeno ne apne haath peeche kiye aur ek sath bole,
“SAMROHAT!!!”
Dekhte hi dekhte unke haathon ke ghaav ekdum theek hone lage, bilkul phele jaisa, jaise kabhi koi chot lagi hi na ho.
Ek ne ghoor awaaz mein kaha, “Bulane par bhi woh nahi aaya!”
? : “Uski zarurat hai humein!”
? : “Woh hai kahan! Dragon gaya kahan?”
Pahadi ki choti par ek ajeeb si sannaata chha gaya. Ek ne kaha.
? : “Bulane par bhi dragon yahan nahi aaya. Iska matlab hai…”
? : “Ki woh kisi aur jagah hai.”
? : “Asambhav!”
? : “Shayad kisi ne usse dharan kar liya ho?.”
? : “Namumkin hai! Koi usse dharan nahi kar sakta.”
? : “Shivay ek ke..…”
Teenon Mein Ek Ajeeb Sa sannata chha Gaya. Hawa mein ek tandav sa shuru ho gaya. Teeno ne ek doosre ko dekha, aur dekhte hi dekhte -
Whoosh!
woh teenon waha se gayab ho
gaye, jaise kabhi waha the hi nahi. Andhera aur bhaari ho gaya, aur kauwe bhi ekdum se Apne pankhe farrate hue chahal-pahal karte hue, ud gaye.
.
.
.
.
.
.
.
.
.
.
.
.
That's it for today guys, Kuchh naye characters ka introdution hue Hai, like - Myra, Meera, Sanya, Rohan. Characters ki introdution aisehi kahani chalte chalte hogi, aur naina ke pitaji bhi dikhe humko iss update mein.
Guys do like and share your thoughts on it. Milte Hain next update mein, tab tak support banae Rakhna.
