Kafi acchi story hai ravi kahi kisi kami koi gunjaish hi nahi very good
Romance Ek Din Achanak
- Thread starter Ravi
- Start date
- 115,763
-
- Tags
- romantic story
a lot doston
- 705
- 561
- 64
Update 54
Achanak Ravi ke papa ko official tour par sehar se door jana pad gaya kuch dino ke liye aur isi beech gaon se phone aa gaya ki Ravi ke chacha ka accident ho gaya hai aur wo ICU mein bharti hain. Ab Ravi ke papa to available the nahin isliye Ravi ko hi turant nikalna pada. Uski mummy ghar par hi ruk gayi kyunki ghar par to koi rukne wala chahiye hi. Ravi ne apni car nikali aur chal pada gaon ki taraf. (Ab aap log ye kahoge ki kal tak to uske paas motorcycle ke bhi laale the to aaj car kahan se aa gayi to iska jawab ye hai ki is baat ko gujre ek saal ho gaya hai aur ab Ravi ko car, motorcycle sab bahut achhe se chalana aata hai)
Ravi ne Pawan ko bhi inform kar diya ki ab wo do-chaar din college nahin aa payega kyunki ek urgent kaam se gaon jaana pad raha hai. Pawan ne poocha bhi lekin Ravi ne nahin bataya. Ab batata bhi to kya kyunki wo Pawan ko apne saath le jaakar bewajah pareshan nahin karna chahta tha. Ravi drive karke gaon se thodi door bane ek private hospital pahunch gaya jahan uske chachaji ko admit kiya gaya tha.
Wahan jaakar use pata chala ki unka khoon bahut beh gaya hai aur unhen khoon ki sakht jarurat hai lekin hospital walon ke paas stock khatam hai. Ravi ne fauran apna khoon test karwaya to ittefaq se wo match bhi kar gaya aur do bottle khoon do din ke antral mein Ravi ki body se nikal kar uske chachaji ko chada diya gaya.
Isi beech Ravi ke papa ko pata chala is baare mein to unhone phone par sab details maangi. Ravi ne bata diya aur ye bhi bata diya ki khoon ka arrangement ho gaya hai lekin ye nahin bataya ki wo khoon apna de raha hai. Ravi ke papa bhi uski baat se satisfied ho gaye aur apne office ke kaamon par dhyaan lagane lage. Dheere dheere chachaji ki halat mein sudhar aata gaya aur do din mein wo kaafi achhe ho gaye. Aur teesre din unhen hospital se chutti de di gayi. Sabne tahe dil se Ravi ka shukriya ada kiya aur dher saare aashirwaad diye.
Ravi ne sar jhukakar sabka abhivadan kiya aur wapas chal pada chaar din ghar se hospital, hospital se ghar chakkar lagane ke baad.(Ghar par matlab apne ghar nahin gaon wala ghar
) Raaste bhar wo bahut khus tha.Aksar aisa hota hai ki jab aap koi achha kaam karte hain to dil ko bada sukun milta hai. Ek ajeeb si shanti cha jaati hai poore dilo-dimaag mein. Wohi haal is samay Ravi ka tha. Wo khus tha ki uske chachaji sahi salamat ghar par wapas aa gaye.Idhar Riya ki behan ka college mein admission ho gaya tha aur jaisa sab doston ne faisla liya tha ki uski na to ragging karenge aur na kisi ko karne denge to sab doston ne apna wada nibhaya. Halanki uski ragging nahin huyi lekin sab doston se use aise hi nahin choda. Aur kuch nahin to usko canteen ka bill hi thama diya.
Waise sab boys ko bura lag raha tha ki ek ladki se wo bill paid karwa rahe hain lekin fir is baare mein sochna chod diya kyuni Riya ki behan ne poora bill khusi khusi paid kar diya. Riya ki behan ko sab doston se milkar bada achha laga kyunki saare dost ek se badhkar ek the lekin Ravi ko wahan na paakar wo thodi udaas bhi huyi kyunki wo sabse jyada curious to usi se milne ko lekar thi.
Drive karte karte Ravi apne sehar mein aa gaya. Wo drive kar hi raha tha ki usne dekha beech sadak par beedh lagi huyi hai. Ab is wajah se traffic jaam ho gaya tha to use bhi majbooori mein apni car rokni padi. Jab kaafi der ho gai to usne car ka engine band kiya aur chal pada jahan beedh lagi huyi thi. Wahan usne dekha ek aadmi beech sadak par behosh pada hai.
Ravi ko ye dekhkar bahut gussa aaya ki aajkal log kitne khudgarz ho gaye hain. Insaaniyat naam ki to cheez hi nahin rahi kisi ke dil mein. Ek insaan yahan beech sadak par behosh pada hai aur sab majma lagaye huye hain. Ye nahin ki isko lekar hospital jaaye yaa koi upay Karen isko hosh mein lane ka lekin nahin unhen to bas saamne wale ki takleef dekh kar maja karna hai. Aise hi log hote hain jo dusron ka ghar jala kar apni rotiyan sekte hain.
Ravi ne ek do logon se request ki to uski help ke liye school ke ladke hi aage aaye. Aadmiyon mein to jaise sharam hi mar gayi thi. Ravi ne do ladkon ki madad se us aadmi ko aur uske saman ko, jo usi ke paas ek taraf gira pada tha, apni gaadi mein dala aur turant wahan se nikal kar thode khule mein le kar aagaya. Us aadmi ke sadak se hatte hi beedh chatni shuru ho gayi thi aur jaam bhi khul gaya tha isliye jyada time nahin laga.
Ravi ne thoda park jaisi jagah gaadi roki aur us aadmi ke muh par paani ke cheente mare. Do teen baar aisa karne par us aadmi ko hosh aaya aur usne utthe hi sabse pehle apne saaman ki taraf ek najar dali aur phir Ravi ki di huyi paani ki bottle ko khali kiya. Us aadmi ko samajhte der nahin lagi ki is ladke ne uski jaan bachayi hai.
Wahan Ravi ne usne poocha ki aap kaun ho aur kaise behosh ho gaye the to unhone bataya “Main kisi jaroori kaam se gaon gaya tha. Wapas aate aate late ho gaya. Main diabetic hoon isliye hamesha dawai paas mein rakhta hoon lekin is baar galti se le jaana bhool gaya tha. Bus ka intezar kar raha tha lekin kaafi der hone par bhi bus nahin aayi aur dawai ken a hone se kamjori aa gayi aur meinkab behosh ho gaya pata hi nahin chala.
Ravi ko jab ye pata chala ki wo sugar level down hone se behosh ho gaye hain to usne kuch biscuits wagairah jo gaadi mein usne safar ke dauran khaane ke liye rakhe the us aadmi ko de diye. Pehle to us aadmi ne mana kiya lekin Ravi ke jor daalne par usne aakhir biscuits kha hi liye. Kuch meetha kha lene se us aadmi ka sugar level dheere dheere normal aane laga. Jab wo thoda swasth ho gaya to Ravi ne unse uske ghar ka pata poocha taaki wo unhen wahan tak chod sake.
Us aadmi ne kaafi mana kiya lekin Ravi nahin maana. Wo aadmi ne prashansha aur sneh ke bhaav se Ravi ki taraf dekha aur apne ghar ka pata bata diya. Ghar jyada door nahin tha isliye pahunchne mein der nahin lagi. Ghar jaakar us aadmi ko Ravi ne dop kiya aur apne ghar ke liye nikal pada kyunki uske ghar se bhi uske parents ka baar baar phone aa raha tha (Gharwalon ne mobile bhi dila diya tha use
). Us aadmi ne kai baar request kari ki beta chai wagairah to peete jao lekin Ravi ne phir kabhi kehkar baat taal di aur apne ghar ke liye nikal pada.To be continued....
aka3829
Prime
- 3,369
- 12,328
- 159
Achha update tha bhai. Is update me aapne Ravi ki INSHANIYAT dikahyi. Ravi kitna jameen se juda hua banda he. Gao me apne chacha ko apna blood dene me bilkul bhi nahi peche nahi hata aur wapas aate hue ek anjaan aadmi ko apni car me lakar use hosh me laya aur fir ghar tak bhi choda. Ya hi ek achhe inshan ki khasiyat hoti he ki wo kisi ko dulh me nahi dekh sakta. Dekhe is achhe achhayi ka Ravi ko kya inamm milta he.
Wating 4 next update
Wating 4 next update