Romance Ek Hateli Lovestory ;) (complete)

[mashish]

Update 34​

Waqt ki sabse achi baat yahi hai ke wo kabhi rukta nahi hai, acha ho ya bura nikal jata hai, beech ke kuch samay me yash ki life me bahut kuch hua tha, uski kahani aniket se alag thi, ek taraf jaha aniket ka breakup hua tha jo ki sahi hua tha aur use ab tak komal ke pyaar ka ehsaas nahi hua tha wahi yash ko break up hone ke baad samajh aaya ki wo apni girlfriend priya se kitna pyaar karta tha aur uski girlfriend ko bhi, to yash k eek din aniket ko kaha tha k eek baar aankhe band kar ke apne pyaar ke bare e soch aur dekh kiska chehra saamne aata hai (wohi ajay devgn ki batai trick) to aniket ne waisa hi kiya aur pehle pehal to usne is baat ko majak me udaya par sach ye tha ke use komal ka chehra dikha tha

Aniket soch raha tha ke use komal kaise dikhi, dimag me kayi khayal eksath ghum rahe the, vicharo ii angina madhimakkhiya use das rahi thi, wo man hi man keh raha tha ke ‘ab ye kya hai naya locha? Itne samay se hum sath hai kabhi mujhe aisa kuch mehsus nahi hua to aaj komal ka chehra kaise dikha, kya main sach me komal se pyaar karne laga hu? Nahi nahi aisa nahi hai wo to bas meri dost hai, waisa kuch hota to main shravni ke piche kyu jata? Fir meri aankho ke saamne shravni ki jagah komal ka chehra kaise aaya, abe yaar ye yas ne bhi naya jhanjhat piche laga diya hai’

Acha bhutkaal me komal ke sath bitaya har pal aniket ki aankho ke saamne aane laga aur usme bhi suman ke shadi ke time komal ka ‘chal shadi kar lete hai’ bolna to uske dimag me ander tak ghusa hua tha

Aajtak aniket ne komal ki taraf bas dost jasise dekha tha, uske liye komal aur avinash me koi fark nahi tha par man me uthti huyi bhavnaye bhi dab nahi rahi thi aur use reh reh kar yaad aa raha tha uska komal ko boli kyui wo line ke is duniya me agar wo aakhri ladki bhi hogi to wo atmahatya kar lega par usse shadi nahi karega, maa bapu bhi bol rahe the to aniket ne unhe bhi samjhaya tha kewo aur komal bas dost hai aur kuch nahi, aur ye sab kuch agar aisa tha to ab ye sab bhavnaye kya hai? Yash ki lovestory dekh ke aniket ko lag raha tha ke uska dimag fir gaya hai, shayad shravni ke baad usne dusri kisi ladki ko dekha nahi tha aur komal hamesha uske sath rehti hai isiliye use komal ka chehra dikha ho, kya kare yahi aniket ke samajh me nahi aa raha tha

Ek pal ko aniket sochta ke sidhe jake komal ko apni bhavnaye bata de par agle hi pal uske dimag me khayal aaya ke ‘komal ne hi to uski aur shravni ki setting lagayi thi agar komal ke man ke mere liye aisi koi feeling na huyi to? Main bola aur usne gusse me dosto tod di to? Avinash kya bolega? Dilfek aashiq ek ladki gayi nahi ke dusri ke piche lag gaya? Hath me katora leke ghumne wala bhikari jo ek dar se prem nahi mila to dusre darwaje par pahuch gaya? Aur is sab me avinash bhi mujhse dur ho gaya to? Nahi !! nahi!! Main ek baar ko pyaar ke bagair reh lunga par dosto ke bagair nahi reh paunga…’

Dil keh raha tha ke bindass jake komal ko apni feelings bata de, naraj huyi to use mana lenge par dimag keh raha tha ke aisa mat kar, teri ek galti aur sabse kimti dosto khatam ho jayegi, ek baar shravni ke samay pea pan ne bewkufi ki hai, is baar ye dono dur ho jayenge, aur in dono ke bagair jine ki kalpana bhi nah ki ja sakti, aur akhir me dimag jita aur dil hara, aniket ne decide kiya ke uske liye pyaar se jyada dosti important hai..

Us din se aniket ka swabhav uske baat chit ka tarika badal gaya, komal aas paas hoti to wo uncomfortable ho jata, komal se baat karte huye soch ke baat karne laga, bolte huye sambhalne laga, ye baat komal ke bhi dhyan me aa gayi aur usne is bare me pucha bhi par aniket ne kuch nahi bol ke is baat ko hasi me taal diya tab komal ne jab aniket nahi tha tab avinash ko pucha

Komal-avi ye anya ko kya hua hai?

Avinash-arey wo uske bhai yash ke love story me loche chal rahe hai, vaat lagi huyi hai isiliye iska mood thoda aisa hai

Uske baad avinash ne komal ko yash ka pura kissa bataya (apun wo batake agli story ka spoiler nahi dega ) aur wo sunke komal boli

Komal-acha aisa hai kya, fir theek hai.. mujhe laga ki…..

Avinash-kya?

Komal-kuch nahi

Avinash-bol na kya laga?

Komal-mujhe laga ki tune mere bare me use kuch bataya hoga

Avinash-batana chahiye tha kya?

Komal-nahi

Avinash-par kyu? Pichli baar wo gobar thi main samajh sakta hu par ab kya dikkat hai

Komal-use khud ye baat samajhni chahiye

Avinash-ye teri jidd hai

Komal-jidd nahi hai vishwas hai apne pyaar pe

Avinash-tu faltu me samay barbad kar rahi hai isse acha main bata deta hu usko

Komal-tu kuch nahi batayega

Avinash-tu adiyal aur wo murkh, waah rab ne bana di Jodi, par meko faltu kasam me bandh ke rakha hai, meri haalat pitamah bhishm ke jaisi ho gayi hai, galat tarike se raajpat hote dekha nahi jata aur kudh raja ban nahi sakta

Komal-mat soch itna time sab theek kar deta hai, itna load nahi lene ka avi

Dono canteen se baahar nikle avinash komal ki di huyi kasam ke bare me soch raha tha, komal agar ek baar use khud ki kasam deti to wo khushi khushi haste huye wo kasam tod deta par aniket ki kasam wo nahi tod sakta tha, kaise bhi karke ko aniket ko khud kuch nahi bata sakta tha aura b uska kurapati dimag kaam pe laga..



Avinash ghar par bhi isi bare me soch raha tha par use idea kuch mil nahi raha tha akhir me usne pareshan hokar TV shuru kiya aur mahabharat dekhte baitha… mahabharat me is waqt ladayi ka scene shuru tha, bhagwan Krishna bheem ko ashwathama naam ke hathi ko maarne ko bol rahe the aur bheem ne apni gada ke prahar se us hathi ko maar diya aur chillane laga, ashwathama mara gaya maine ashwathama ko maar diya maine ashwathama ho maar diya, ashwathama guru dron ke bete ka naam tha aur jab unhone bheem ki baat suni to unhe kisi par yakin nahi hua aur wo is baat ki satyata janne ke liye yudhisthir ke paas aaye, kyuki yudhisthir kabhi jhuth nahi bolte the, bhagwan Krishna ne yudhisthir ko pehle hi bata diya tha ye baat aur jab dronacharya waha aaye aur yudhisthir se pucha ke kya ye sach hai? To yudhisthir bole ki ye sach hai ashwathama mara gaya aur fir dhire se kisi ko sunai na de aise bole nar ya pashu pata nahi,

Waise dekha jaye to na to wo sach bole na hji jhuth, yudhisthir ko bura lag raha tha ke unhone apne guru se jhuth kaha tha aur ye unke jindagi ka pehla jhuth tha par fir Krishna ne unhe samjhaya ke, yudhisthir manya hai ki aap sach nahi bole par aapne jhuth bhi nahi bola hai, saamne wale ne aapki puri baat nahi suni ye uska dosh hai aapka nahi aur kisi ke bhalayi ke liye bola gaya jhuth bhi satya ki taraf pavitra hota hai’

Avinash se scene dekh kar apni jagah se uth khada hua aur TV ko pranam karne laga aur fir khud se bola

Avinash-main bhi ek number ka bewkuf hu, itni sidhi baat mere dhyan me kaise nahi aayi

Avinash ke dimag meek nayi kurafati idea janm le chuki thi aur usne man hi man khush hokar apni pith thapthapayi aur gabbar singh wale style me bola

Avinash-ab tera kya hoga re anya!..

beautiful update

 

[SHADOW KING]

nice update ..komal chahti hai ki anya hi uske pyar ko samjhe .

 

[Nevil singh]

Update 29​

Avinash ki baat sunkar aniket sawaliya najro se use dekhne laga..

Aniket-avi teko koi pasand hai kya? Kabhi bataya nahi tu…

Avinash-kash!! Par nahi..

Aniket-fir teko ye itna sab kaise malum be pyaar ke bare me?

Avinash-prem kya ladki aur ladke ke beech hi ho sakta hai kya? Ek dost dusre dost se pyar nahi kar sakta kya? Ham bhi to bachpan se sath hai, aur tere to kitne upkar hai mere pe agar tu nahi hota to aaj main kahi majduri kar raha hota

Aniket-bsdk hajar baar bola hai tere ko ye baat mat nikala kar ar maine bola na sara paisa byaj sahit wasulunga par abi ye chhod pyaar ke bare me bata

Avinash-kya pravachan chalu hai kya? Ke main koi bawaji hu?

Aniket- waisa nai be par aaj tak dekha hua avi aur prem ke bare me bolne wala avi inme fark hai re, kaha se sikha ye sab

Avinash-wo kya hai na bhai uperwala akal baat raha than a to main drum leke gaya tha aur tu katori samjha..

Aniket-bsdk matlab merko akal nah hai aisa bolna hai ka tujhe

Avinash-hoti to ab tak teko tera pyaar dikh jata na?

Ab aniket me thodi hi kyu na ho shravni ab bhi baki thi siliye wo avinash ke bolne ka matlab nahi samajh raha tha

Aniket-mujhe to pyaar dikha tha re par mera naseeb use hi nahi dikha

Aniket ki baat sun ke avi ne sar pe hath maar liya aur man me bola

Aninash- iske dimag ka board jab tak kora nahi hoga tab tak komal ka naam likhna mushkil hai

Aur avinash ko aise khoya dekh ke aniket bola\

Aniket- kya hua avya? Kya soch raha hai?

Aur socte sochte avi flow flow me bol gaya

Avinash-board kora kaise kare soch raha hu

Par aniket ko kuch samjha nahi

Aniket-board? Kaisa board, abe kya bol raha?

Avinash ke dhyan me aaya ke wo kya bol raha hai aur wo baat sambhalte huye bola

Avinash-kuch nahi meko lag raha jyada ho gayi aaj

Aniket-abe par ab tak pehli bhi khatam nahi huyi hai

Dono fir se beer pine lage aur aniket dobara bola

Aniket-kyu kiya hoga re usne aisa? Kya mila hoga use aisa karke?

Avinash-swabhav, swabhav hota hai hare k ka, aur gussa mat hona anya wo tere layki ki nahi thi

Aniket-aur teko aisa kyu lagta hai?

Avinash- ek baat ho to batau, shuruwat to yaha se hai ke pyaar logo ko jodna sikhata hai aur wo logo ko todne nikli thi, hamesha ye mat karo wo mat karo, aisa mat bolo, aur tu bas bail jaise uske saamne mundi hilata tha, waise dekha jaye to galti teri bhi hai, tu agar shuru se saribaate clear rakhta tobaat alag thi par tu to uske roop ke moh me un bato me bhi hami bharta chala gaya jo tere swabhav me hi nahi thi, aur sabse buri baat matlab jab tumhara breakup hua to wo apni galtiya manni chhod kar tujhe thappad lagane chali thi, aur bhi bahut si bate hai jo batati hai ke usne tere se kabhi pyaar nahi kiya tha aur wo tere layak nahi thi

Aniket-avya fir jo mere liye sahi hogi wo kaisi hogi?

Avinash-ekdum tere jaisi, tere jaisi mastikhor par saaf dil ki, sirf tumhari masti ko na samajh ke usme shamil hone wali, tere pe dil ki gehrayi se pyaar karne wali aur tujhe free chhodne wali, tere pyaar ne puri tarah dubi huyi aur tujhpar vishwas karne wali, tere jaisi bindaass yaro ki yaar ladki suit hogi teko…

Aniket-sale avya puri beer utar di tune meri, sachme aisi koi ladki hogi kya? Itnni sab qualities wali, ye sab ek ladki me mil jayegi kya, shravni thi kya aisi…

Ab avinash ka dimag fir gaya

Avinash-abey BC bsdk anya aaj ke baad us chiraan ka naam mere saamne liya to chappal se marunga, abe neech aadmi main teko chand dikhaa chahta hu aur tu gobar me atak raha, mar tu main chala tera kuch nahi ho sakta,

Aniket ne use hath pakad ke wapis niche baithaya aur kaan pakadte huye bola

Aniket-avya aise adhe me chhod ke mat ja be apne bhai ko, maaf karo maaf karo aage se nai lunga uska naam

Avinash-dekh main dil se bata raha hu, uska naam hi nahi usko dil se bhi nikal daal, meri guarantee hai hai meri batayi huyi ladki teko jarur milegi aur sirf milegi nahi balki jindagi bhar tera sath bhi degi

Aniket-para kaha milegi wo?

Avinash-milegi aas paas hi par uske pehle aankho pe se shravni naam ki patti hata

Aniket apne khayalo me kho gaya aur avinash ne bhi use nahi cheda… dono baitha ke apni beer pine lage aur fir aniket bola

Aniket-avya main sahime kismet wala hu be jo tere jaisa saccha dost mila hai, sabko aise dost nahi milte.

Avinash-ha na chal fir pair chu ke ashirwad lele…

Aniket-ja na bsdk itna bhi acha nahi hai tu lawde hudd

Baad me wo dono ekdusre ke kandhe pe hath rakh ke waha se nikal gaye…

Baad me wapis se college shuru aur fir wahi tikdi aur unki tigdam bhi, aninash aniket aur komal wapis se apne kaam pe lag gaye the aur kamal baat ye ki itna sab hone ke baad bhi shravni ko apni galti ka ashaas nahi hua tha, galti manna to dur wo ulta usne is sab ka dost avinash aur komal pe laga diya tha aur apne dosto ko ye bata rahi thi ke kaise komal aur avinash ne aniket ke dimag me uske liye ulti baate bhari hai aur jab uski dost jo komal ki bhi dost thi usne ye sab bate in teeno ko batayi to aniket bhadak gaya

Aniket-isko to ab acha sabak sikhana padega..

Par komal pe is baat ka jara bhi asar nahi hua ulta wo aniket ko samjhate huye boli

Komal-arey jane de anya kyu dimag me gussa bhar raha hai, jane de usko jo bolna hai bolne de

Aniket-kammo agar wo mere bare me bolti ti meko ghanta fark nahi padta par tum dono ke bare me bola hua mujhe sehan nahi hoga

Ab avinash samjhate huye bola

Avinash-hamko ghanta fark nahi pada ab kya jake maarega use?

Aniket-avya main nahi chhodne wala usko

Avinash-agar sach me use satana hoga to kuch alag karna hoga bhidu

Aniket sochne laga aur fir thode samay me bola

Aniket-jalne wale ko aur jalaye to

Avinash-abe kehna kya hai teko

Aniket apne idea pe ekdum khush tha wo bola

Aniket-usko jalana hoga to main agar dusri ladki ko girlfriend bana ke uske saamne lau to?

Aniket uth ke khada hua aur komal se bola

Aniket-meri premika banegi??

Aniket ki baat sun kea vi bhi apni jagah se uth gaya

Avinash-arey sahi idea hai

Aur komal ko to usne jo suna uspar vishwas hi nahi ho raha tha aur uske baad jo usne kiya uske baki logo ko yakin nahi hua…..

To Be Continued…..

Jaandaar update mitr

 

[Adirshi]

behatrin update bhau

Bahut bahut shukriya bhai

 

[Adirshi]

अब आयेगा मजा।
प्यार तो दोनो को समझ में आगया पर एक विश्वास के चलते और एक डर के चलते कुछ नहीं बोलता।

bolega jald hi bolega, hum bulwayenge
Bahut bahut shukriya bhai

 

[Adirshi]

neki aur puch puch

bas 5 minute me

 

[Adirshi]

beautiful update

Bahut bahut shukriya bhai

 

[Adirshi]

nice update ..komal chahti hai ki anya hi uske pyar ko samjhe .

Bahut bahut shukriya bhai

 

[Adirshi]

Jaandaar update mitr

Bahut bahut shukriya bhai

 

[Adirshi]

Agla update bas 5 minute me