Romance Ek Hateli Lovestory ;) (complete)

[vmvish]

Update 8



Ek ladka aur ladki kabhi dost nahi ho sakte
-Mohnish Bahl,
Maine Pyaar Kiya, 1989​

Is line ko likhne ka ekmatra uddeshya ye hai ye wahi wo line hai jisne hamare mata pitao ke dimag me ye baat bhari thi ke ladka aur ladki agar dost hai to wo dost nahi hai balki unke beech kuch chal raha hai halanki 90% time ye baat sahi bhi hoti hai agar ladki ladke ko friendzone na kare to

Ab mudda ye hai ke maine ye yaha kyu likha hai to aage padhiye janab aap samajh jayenge

Aniket jab college me ghum ke ghar pahucha (padh ke nahi ghum ke kyuki ye college padhne nahi jate hai ghumne jaye hai ) to kaushalya aur narayanrao ghar ke aangan me chai pite baithe the aur jab narayanrao ne aniket ko dekha to unhone ek teasing smile karte huye aniket ko dekha (wo smile nahi hoti jab ham kisi apne dost ko uski girlfriend ke sath dekh lete hai aur unke paas jane ke bajay apne dost ko smile karte huye ishara karte hai bas kuch kuch waisi hi smile abi samajh jao)

To narayanrao aniket ko dekh ke muskura rahe the wahi kaushalya ke chehre pe bhi muskan thi par apne hero full confusion me tha, use jara bhi samajh nahi aa raha tha ke ye dono use dekh ke muskura kyu rahe hai ab jab kuch samajh hi naih aa raha tha to aniket badhiya hath muh dhokar fresh hokar unke paas aakar baith gaya par ab bhi dono me se koi kuch nahi bola balku muskurana chalu tha aur aakhir me aniket hi chidh kar bola

Aniket - kya hai!

Narayanrao(kandhe jhatakte huye)- kaha kya kuch bhi to nahi

Aniket-to aaj ke muskan ki chamkan ka kya raaz hai

Kaushalya(apni hasi dabate huye)- kaun has raha hai, ani beta tujhe bhas ho raha hoga, kyuji aap hase kya

Narayanrao(bhola chehra banate huye)- kaun main, main kyu hasunga? Main to aaram se apni chai pi raha hu tum hi hasi hogi kaushalya

Baad main wapis se dono gaalo hi galo me hasne lage aur narayanrao ne halke se kaushalya ko aankh maar di aur yahi apne aniket ne dekh liya

Aniket-arey yaaar aap dono bhang ki goli kha ke baithe ho kya jo aise bematlab hase ja rahe ho aur bapu aap bhi kya mere jaise bacche ke saamne akhiyo se goli maar rahe ho

Narayanrao- kaushalya ab to case pakad ke baahar hai, acha bhala ladka gaya kaam se

Aniket ke kandhe pe hath rakhte huye narayanrao ne kaha

Narayanrao(aniket se)-chinta mat karo aisa hota hai, bematlab hasne ka man karta hai, kuch karne ki icha nahi hoti to kabhi man udas hota hai

Aniket ke kuch samajh nahi aa raha tha ke ye chal kya raha hai wo hath jodte huye bola

Aniket-papa aaj BP ki dawa lena bhul gaye kya aap, kya behki behki baat kar rahe ho, tabiyat theek hai na aapki

Narayanrao(ekdum shayar andaj me)- na dawa kaam aaye na dual age, aye khuda kisi ko ishq ki hawa na lage

Aniket ke anguthe se pine ka ishara kiya aur narayanrao se bola

Aniket- bapu kam se kam raat to hone dete sham me party shuru kar di aapne to par botal nahi dikh rahi kahi

Narayanrao-nalayak dikh nahi raha main chai pi raha hu

Aniket-to fir ye shero shayari, maa bapu ka chal chalan theek nahi lag raha meko, ab is umra me ye ishq waigaire jamne wala hai kya aapko

Aniket ki baat sun ke kaushalya ne mast ek chota sa mukaa jad diya uski pith me

Kaushalya- nalayak wo tere bare me baat kar rahe hai, ladki pasand aa gayi unko

Aniket-o o o bapu ye kya aap maa ko kuch bhi batate rehte ho? Ek minute (pehle to aniket ne apni kaam ki baat dhyan se nahi suni aur bolna chalu kiya par jab uske dhyan me aaya ki kaushalya kya boli hai tab wo bola) ek minute maa kya bola tumne dobara bolna jara?

Kaushalya- maine kaha hame bahu pasand aa gayi hai

Ab kaushalya ki baat sun ke aniket ne sar pe hath maar liya aur use samajh aa gaya ki ye sab kya nautanki chal rahi hai

Aniket-hey bhagwaan chalk al ere sath hospital me chalo kal ke kal aap dono ka motiyabind ka operation karane ka hai, matlab kuch bhi yaar

Narayanrao has rahe the aur aniket aur bhi jyada chidh raha tha

Aniket-arey yaar papa haso mat yaar komal dost hai meri sirf

Narayanrao-ok

Aniket-sirf dost aur kuch nahi

Narayanrao- theek hai

Ab aniket ko waha rukna theek nahi laga kyuki narayanrao ka hasna hi nahi ruk raha tha aur aniket waha se utha aur apne room ki taraf jane laga par jaye huye ek baar fir aaya aur bola

Aniket- sirf aur sirf dost samjhe?

Narayanrao-ham kaha kuch bol rahe hai tu hi bol raha hai jo hai ham to kuch nahi bole

Aniket-good wo dost hai meri sirf aur ye hasna band karo yaar

Aniket pair patakte huye room me chala gaya aur narayanro kaushalya se bole

Narayanrao-tumhe kya lagta hai kaushalya

Kaushalya-mujh to aisa kuch nahi lagta jaisa aap bol rahe ho agar aisa hota to wo ladki itni bindaas banke ghar nahi aati

Narayanrao-ye baal dhup me safed nahi huye hai kaushalya

--------

Aise hi ek din aniket aur komal canteen me baate karte baithe the aur avinash thoda late aaya tha. Ab avinash aur komal ka pasandida kaam yahi aniket ko satana to komal ne avinash ko pucha

Komal-avi vadapav khayega?

Aur usne avi ko aankh maar di aur fir aniket ke pucha

Komal-anya tu khayega?

Aniket apne phone me kuch dekh raha tha to usne haa me gardan hila di to komal ne do vadapav ki order di aur waiter ne vadapav waha lakar rakha aur jaise hi waiter gaya avi aur komal ne vadapav utha ke fast kar liya aur aniket unhe dekhta hireh gaya

Komal-avi tu to nahi khane wala than a?

Avinash-arey wo dekh ke ekdum mood ho gaya khane ka sorry anya, komal ek aur ho jaye?

Komal-nahi tu au rani khao

Avinash ne bhi 2 vadapav ka order diya aur wapis se wahi is baar komal ne aniket ka vadapav utha ke kha liya to avi jhuta gussa dikhate huye bola

Avinahs-bolna than a komal pehle ab wapis ani reh gaya na

Komal-arey aaj mast vadapav bana hai isiliye raha nahi gaya sorry anya

Par ab aniket ke dhyan me aa gaya tha ke ye dono uski maja le rahe hai, usne apna phone jeb me rakha aur man me bola ‘abi inko batata hu’ aur aniket ne 2 vadapav oder kiya

Waiter ne vadapav rakhte hi aniket ne plate apne paas khichi aur “thu thu thu’ karte huye vadapav ke thuke jaisa kiya, avinash aur komal is baar bhi vadapav uthane ki tayari me the par aniket ke thu thu ko dekh ke unhone apna hath piche le liya aur aniket ne unke saamne plate sarka di

Aniket-kya hua, lo lo vadapav lo, ekdum mast bana hai na, huh bhai se bakchodi karne chale the

Aur fir aniket se mast vadapav khaya aur uske baad jo usne Dakar mari hai agar wo vadapav banane wala us dakaar ko sun leta to uska to vadapav banane ka careersafal ho jata…..

To Be Continued…..

Hahaha !!

 

[vmvish]

Update 9​

Aniket, Avinash aur Komal teeno ek se badhkar ek the aur teeno ke dimag ke khurafat bhari huyi thi aur college bole to inke liye apne khurafati ideas ko sakriya karne ki inki apni haq ki jagah, padhai wagaire ka to ye waise bhi itna tension nahi lete the halanki aisa bhi nahi tha ke padhte hi nahi the, padhte the the padhai ke samay padhai jaruri hoti hai teeno ye baat jaante the padhai ke samay padhai aur masti ke samay masti ha ab ye baat alag hai ke masti ko inka 90% time milta tha

Top rank lane ki race me participate karna to dur inhone uski taraf dekh bhi nahi tha, teeno ki rank hamesha beech me rehti thi, aur sabse khas baat ye thi ke teeno bhale hi dinbhar ek dusre ka majak banate rehte ho par kisi ke bhi man me kisi ke liye dwesh bhavna nahi thi thi to sirf aur sirf dosti, teeno jindagi ke in anmol palo ka bharpur aanad lutne me lage the unhe to pata bhi nahi tha ye yahi man aage bhavishya me unke chehro par muskan le aayenge (is bhavna ki tivrata wohi samajh sakta hai joy a to is samay college me hai ya jiska college khatam ho gaya hai aur unhone apne college life ko mukthast jiya hai, jara apne dosto ko aur unke sath bitaye apne palo ko yaad kariye aur jo smile aapke chehre par aayegi uska koi mol nahi laga sakta)

To aise ye hamare buddhijivi khurfatveer is samay ek nayi khurafat dhundhte huye canteen me baithe the aura vi hamesha ki taraf deri se aaya tha tab tak aniket aur komal apne pasandida dish yani vadapav khane me busy the avi bhi unke paas aake baith gaya tab komal vadapav ke sath mirchi kha rahi thi jise dekh ke aniket bola

Aniket-kammo tu mirchi kha leti hai aisi sabut teko tej na lagti kya ?

Komal ne jaise hi aniket ki baat suni wo samajh gayi ke isse mirchi nahi khayi jayegi aur uske dimagi ghode daudne lage arey matlab use nayi khurafat sijh gayi

Komal-anya vadapav ki maja mirchi ke bagair nahi aati, hai na avi

Avinash(mirchi uthate huye)- bilkul sahi par kya kare ye ani se mirchi khayi nahi jati na

Aniket-oye avi tu jyada ud mat samjha, tujhe kya lagta hai maine mirchi nahi khata?

Bas yahi komal ka kaam ho gaya unse yyaha machis ki tili laga di aura b to avi bhai bhi bhadak gaye na

Avinash-abe main to mirchi ke bagair khana bhi nahi khata

Avinash bole jar aha tha aur komal use aur bhi chane ke jhad pe chadha rahi thi aur wo chadh bhi gaya

Aniket-avya itna bhi fekna shai nahi hai chal main bhi kha ke dikhata hu ke ye koi badi baat nahi hai

Komal ne barabar dono ko uksa diya tha aura b to na avi na ani koi bhi piche hatne tayar nahi tha

Avinash-lagi bet? Bol kitne ki bet lagi ?



Aniket-chal lagi hajar rupaye ki

Dono ne canteen wale se plate bhar ke mirchiya bulwayi aur fir shuru hua mirchi khane ka competition, aniket aur avinash dono me se koi haar nahi maan raha tha aur komal wo to mast maje le rahi thi wo kabhi avinash ko support karti to kabhi aniket ko cheer karti aur ab mukabala apne charam pe pahuch raha tha dono parties ne 14-14 mirchiya kha li thi aura b isse jyada khane ki kisi me himmat nahi thi to mutual understanding se ye mukabala unhe yahi khatam karna pada

Ab josh josh me inhone mirchiya to kha li thi par kuch hi samay baad mirchi ne apna kamaal dikhana shuru kar diya aur dono college se sidha ghar ki taraf bhag liye

Us din us mirchi ne kuch aisa kamaal dikhaya ki avinash do acre khet ko kaam aaye itna sendriya khat(khad, organic fertilizer) kheet me faila aaya, aur ye khad failane ka kaam itne speed me shuru tha kea vi bhai ne baad me din bhar payjama pehanne ki risk hi nahi li

Dusri taraf aniket bhi apne ghar ke tanki ka pani khatam karne me laga hua tha, maa ke dhyan kea a gaya tha ke aaj unke yuvraj diwan-e-khas me 7-8 baar jakar aaye hai to akhir maa to maa hoti hai ma wo shahad ki botal lekar aniket ke room me pahuchi, aniket abhi abhi aathva akraman karke baye hath ki laday karke bed par aada pada hua tha, sharir me jaan hi nahi bachi thi uske aur khud se hi badbad kar raha tha

Anikey-haayy! Kammo tera satyanash ho…kide pade tujhe haayy, dusht dakini chudail…baith ke maja le rahi thi waha…haayyy chhodunga nahi

Ab ye sab kya chal raha hai ye kaushalya ke dhyan me aa gaya tha aur wo bhi hasne lagi, us din aur agla ddin aniket aur avinas dono me se kisi ne ghar ke baahar kadam nahi rakha uske agler din….

Subah ka samay tha aur aniket mast apne bed pe pada hua tha tabhi uske kano me awaj aaya

“aniket”

Aniket ko laga ki wo ab bhi neend me hi hai kyuki ya to use sab ani bulate the ya anya bolte the koi bhi itne pyaar se aniket nahi bolta tha isiliye wo waise hi pada raha

“aniket…….ani……ye anya”

Bas anya sunna tha ke aniket tadkan uth ke baith gaya aur saamne dekha to waha komal khadi thi bas fir kya tha use dekhte hi bhai bhadak gaya

Aniket-teri to…..haramio ladki…tu aaj gayi….aaj to tera khun hoga mere hatho

Aur aniket room me idhar udhar dekhne laga to uske hath ek jhadu lag gayi bas fir kyat ha komal ke kuch bolne se pehle hi bechari ko jhadu ka fatka baith gaya aura b apna bachna mushkil hai ye dhyan me aate hi komal kitchen ki taraf bhagi aur aniket uske piche jhadu leke bhaga

Kaku, kaku bachao bolte huye komal kitchen me ghusi aur kaushalya ke piche jakar chip gayi aur piche se aniket jhadu liye waha pahucha

Komal-kaku dekho ye kya kar raha hai

Tab kaushalya aniket ko daatte huye bol

Kushalya-ani kya hai ye sab kyumaar rahe ho bechari ko

Aniket-bichaaaari ye aur bichari arey ye to bhutni hai

Komal ekdun bholi surat bana ke kaushalya ke piche chippi huyi thi

Kaushalya-kuch bhi kya bakte rehte ho

Aniket-maa tumko malum nahi hai ye chudail hai chudail, kammo tu baahar nikal aaj to nahi chhodunga tujhe

Kaushalya(chidhte huye)- arey ye subah subah kya natak lagaya hai? Koi batayega kya hua hai

Fir aniket ne pura kissa une sunaya itne me awaj sunkar narayanrao bhi waha aa gaye aur unhone bhi pura kissa suna to wo hasne lage aur narayanrao aniket ki taraf se bole

Narayanrao-arey beta komal kya hai ye koi aise karta hai kya?

Ab komal kuch bole usse pehle hi kaushalya uski side lete huye boli

Kaushalya-arey mana ki komal ne waisa kaha tha par mirchi khate huye inki akal kaha ghas charne gayi thi, kal ko komal kuye me kudne bolegi to kya ye kud jayenge

Aab jawab me narayanrao kuch bolte isse pehle aniket bol pada

Aniket-dekha…dekha isne aap dono ko bhi ladwa diya, pehle to meko shak tha ab pura yakin hai ye koi jadugarni hai, ye aam ladki hai hi nahi bhut chudail hai ye ab confirm ho gaya meko, amawas ke din asli rup nikalta hoga iska aur raat me jhadu pe ghumti hogi ye, meko malum hai dekha kaise jadu se maa ko ape side kar liya

Tab kaushalya baat khatam karte huye boli

Kaushalya-aaha ha um bhi kuch kam nahi ho nawab sahab wo chudail to tum bhi rkshas ho, itna bada ghodfe jaisa ho gaya hai fir bhi baccho jaise uske piche jhadu leke pada hai, khudko samajh nahi hai aur use chudail keh raha hai, rakh wo jhadu aur ja nahane

Kaushalya se aniket ko daat padte dekh komal has rahi thi

Aniket-kammo daat tod dunga jyada hasi to

Aniket to waha se nikal gaya aur kaushalya komal ko samjhate huye boli

Kaushalya-ye sab kya hai komal aise karta hai kya koi aur thoda to ladkiyo jaise raha karo mujhe batao kyu kiya ye sab?

Komal(aankhen michkate huye)- maja..

Narayanrao has rahe the aur kaushalya ne apne sar pe hath laga liya

Kaushalya-is ladki ka kya hoga bhagwaan jane…..

To Be Continued…..

Khub Maja !!!

 

[vmvish]

Update 10​

Masti hasi thitholi karte huye samay kab bita pata hi nahi chala au dekhte dekhte tikdi ab 11th se 12th main pahuch gayi thi, ab chuki ye saal in log ki 12th thi to thode bahut badlav sabhi me huye mata pita ne inhe padhai ko lekar serious hone kaha, teachers bhi change ho gaye the aur baki logo me bhi badlav huye the par hamari tikdi ko in sab bato se fark kaha padne wala tha wo to apni hi dhun me jiye ja rahe the

Ek din komal ke jijaji yani uske ek cousin ke husband jo usi college ke purine student bhi the college me aaye, jijaji ke college me aane se komal ekdum sadguni bacche jaisa behave kar rahi thi ekdum vinamrata se sabse baat kar rahi thi aur jab ye sab aniket ne dekha to usne is sab ke bare me avinash se pucha aura vi ne bhi puri information aniket ko de di jispar aniket rakshas ke mafik kutilta se haste huye bola

Niket-abi maja aayega na bhidu ab aaya unt pahad ke niche, abi dekh main kya karta hu

Fir aniket avi ko lekar sidha canteen ke kitchen me pahucha aura vi ko baahar rukne ka bolkar ander gaya, aur kuch 10 minute bite honge aniket baahar aaya aur avinash ko chalne kaha, ab dono komal ko dhundh rahe the aur komal jijaji ke sath office ke paas ruki huyi thi aniket dheere se uske paas pahucha aur dhime awaj me usse bola jise jijaji aaram se sun sake

Aniket-aye kammo wo baahar paan tapri wala tere naam se chuilla raha tha teri jo cigarette ki udhari baki hai use pehle clear karne bol raha tha wo aur ha jo pichli baar tu ganja layi thi usse kuch bhi nahi hua tha duplicate maal tha wo…

Aniket komal ko kuch bhi bolne nahi de raha tha aur komal ke jiju ashcharya se unki baate sun rahe the par aniket ne unki taraf dekha bhi nahi iski apni hi badbad chalu thi

Aniket-kammo aaj bahut mast plan set hua hai maja aa jayega teko

Fir aniket ke ani jeb se ek choti hi plastic ki pudiya baahar nikali aur koi dekhne ka aise batate huye bola

Aniket-aaj sham ko mil mujhe brown sugar mili hai, dhamaal karenge chal main chalta hu…

Aniket ki bate sunkar komal ke chehre ka rang hi ud gaya tha, ye abhi abhi yaha kya hua use kuch samaj hi nahi aa raha tha aur aniket waha se daat nikalte huye canteen me aa baitha aur avinash use gusse se ghur raha tha

Avinash-anya kuch akkal wagair hai kya tere me? Abe ladki hai wo aur tu harami cigarette ganja aur brown sugar tak pahuch gaya bsdk kuch andaja hai ki iska kya parinam ho sakta hai ? lawde majak jyada hogaya ye

Aniket(haste huye)- BC lota parade bhul gaya kya tu? Dekh ab usko uske karmo ka fal to bhugatna hi padega isse koi nahi bacha hai aaj tak aur jyada se jyada kya hoga baap marega hi na, kal jakar bata denge ki ham majak kar rahe the, par kal aaj nahi aaj jara usko thoda maar khane de

Avinash-tu dost hai ki dushman ye hi samajh nahi aa raha mere to

Aniket-oye satyawadi agar jyada kharab lag raha hai na to ja jake bata de sab nikal….

Anikash(do minute sochne ke baad)- dekh bura to lag raha tha fir dhyan me aaya ke lota parade ke baad baithne me bahut takleef huyi thi yaar, jane de jo hota hai ache ke liye hi hota hai

Fir dono tali dete huye hasne lage…

Thoda samay beeta tha ke avinash ne aniket ko baahar dekhne ka ishara kiya to komal aur uske jiju dono canteen me aa rahe the aur dono ka chehra utra hua tha aur dono unhi ke table par aakar baith gaye, jiju aniket ke bagal wali khurchi par aakar baithe aur dheere se usse bole

Jiju-ani tumhe shayad pata nahi hai par main bhi isi college ka purana student hu, khair jo sab jane do aur sabse pehle to mujhe tum ye batao ki maal original to hai na?

Aniket ke liye ye anapekshit tha use ab is baat pe kya hi bole samajh nahi aa raha tha tabhi jiju wapis bole

Jiju-jara batana to wo brown sugar, bahut saal ho gaye taste kare huye

Aniket ne chup chap bagair kuch bole apni jeb se wo pudiya nikali aur jiju ke hath me rakh di, jiju ne wo packet khola aur chunti me thoda saw o brown powder liya aur muh me dala aur sambhal ke uska taste lene lage aur baad me wo us pudiya ko aniket ke saamne rakhte huye bole

Jiju-ani bhai kisi ne bahut bura kata hai tumhara, brown sugar bolke kisi ne brownvita de diya tumhe to

Fir juju thoda haste huye aniket ke kandhe par hath maarte huye bole

Jiju-wo film ka dialogue hai ka ek ki jis school me tum padhte ho ham waha ke principal hai, waise tumhari ye idea bahut purani aur ghisipiti hai dosto ko satane ki, komal ne mujhe pehle hi tumhare aur tumhare college ke kisso ke bare me bata diya tha barkhurdar

Aniket-arey yaar jiju main to khud ko hoshiyar samajh raha tha aap to mere bhi guru nikle, aapko aniket rane ki taraf se full respect

Ab sab has rahe the aur komal aniket ki taraf gusse se dekh rahi thi

Aniket-kammo jiju ki wajah se bach gayi tu to has na kya sadi si shakal banayi hai ham bhi to dekhe tu haste huye achi dikhti hai ya nahi

Aniket ki baat sun kar komal ke chehre par bhi hasi aa gayi

Aniket-aye bas bas haste huye aur bhi jyada buri dikhti tu rende

Sablog badhiya haste huye baatchit kar rahe the aur haste huye aniket ka dhyan canteen ke darwaje ki taraf gaya aur wo ekdum shock lage jaisa usi taraf dekhne laga, kano me ghanti bajne lagi thi, aniket bas usi tarf ektak dekh raha tha, uske liye to mano duniya ruk gayi thi, saas lena tak bhul raha tha wo, jindagi me pehli baar aniket is chiz ka anubhav kar raha tha, jiju jane lage to aniket ne bas kisi yantravat unse hath milaya par uski najre ab bhi wahi thi, avi aur komal kuch badbad kar rahe the par aniket ka us taraf bhi dhyan nahi thaw o to saamne ka najara dekhne me vyast tha aur dimag me uske bas kuch shabd ghum rahe the….

“Chehra ik phool ki tarh shaadaab hai
Chehra us ka hai ya koyi mahtaab hai
Chehra jaise ghazal chehra jaan-I ghazal
Chehra jaise kali chehra jaise kanwal
Chehra jaise tasawwur bhi tasweer bhi

Chehra ik khaab bhi chehra taa’beer bhi
Chehra koyi alf lailawi daastaan
Chehra ik pal yaqeen chehra ik pal gumaan
Chehra jaisa ke chehra kaheen bhi nahi
Maah-ru maah-ru mah-jabeen mah-jabeen

Husn e jaanaa ki tareef mumkin nahi ”​

Ye baat avi aur komal ke bhi dhyan me aa gayi aur unhone bhi us taraf dekha jaga aniket apni sudh budh kho kar dekh raha tha

Ab ye alag se batane ki jarurat nahi hai ke woe k ladki thi, khubsurat, simple yet beautiful, black skirt aur pink color ka tshirt pehni huyi, uske lambe baal pony tail me bande huye the, hotho pe halki si lipstick, kano me bade rings aur mathe par ek chhoti si tikli, gori tikhi naak aur kisi ko bhi ghayal kar de aisi gehri aankhen, aniket is waqt usi ladki me khoya hua tha aur avi bhi us ladki ko dekh ke halke se siti bajate huye bola

Avinash- kammo kaun hai ye menka jisne apne vishwamitra ki tapasya bhag kar di hai…….



To Be Continued…..

Anya gaya kaam se....

 

[vmvish]

Update 11​

Aniket ektak us ladki ki taraf dekhe ja raha tha, aaj pehli baar kisi ladki ne iskadar uske dil ko chua tha, aniket ke liye to mano wo samay wahi ruk sa gaya tha aur wo ladki kisi hawa ke jhoke ki taraf waha aayi aur chali bhi gayi,wahi komal aniket ki is halat pe has rahi thi

Komal-anya lagta hai wicket gir gayi teri, kano me ghanti to nahi baji na

Aniket-haayyy kammo kaun thi ye pari

Komal-pari?? Mujhe to chapri lag rahi thi

Aniket ke komal ke kandhe par ek chamat mara

Aniket-pagal jaise kuch bhi mat bola kar, waise kammo info nikal ka iski, kaun hai ye jo aaj tak mujhe na dikhi aur dikhi to sidha ghayal kar gayi re

Komal-tune kya mujhe kaam pe rakha hai info nikalne ke liye aur jaise main to ekdum khalipili hu na, teko pasand aayi tu nikal info

Aniket-avya kuch jalne ka baas aa raha hai kya teko?

Komal-jale meri juti, chal fut!

Aur fir aniket aur avinash dono waha se apni mohim par nikal gaye, dono ne pura college chan maara lekin wo ladki unhe kahi par bhi nahi dikhi aur akhir me dono thak ke wapis canteen me aakar baith gaye jaha komal ab bhi koi book padhte huye baithi thi, avinash dhad se khurchi pe baithte huye bola

Avinash-sala ladki hai ke bhoot pehle hamare dost ko pagal banaya ab khud gayab ho gayi

Aniket(muskurate huye)- abe jayegi kaha, kal college me aayegi hi

Komal uthi aur boli

Komal-tum log tumhari aashiki chalu rakho main nikalti hu kal milte hai

Aniket(komal ka hath pakad ke rokte huye)- ruk na kammo ghar jake kya karegi, help kar na thodi

Par komal nahi ruki aur jate huye bol gayi “dekhte hai”……

Agle din jo kabhi nahi hua wo hua, aniket aur avinash samay ke pehle hi college pahuch gaye aur us ladki ki raah dekhne lage gate par hi ruk kar par jab kafi samay tak wo nahi aayi to dono thak ke canteen me aake baith gaye, udhar class me do lectures ho gaye the aur kuch samay baad komal bhi canteen me aayi use dekhte hi aniket bola

Aniket-kya kammo itni der laga di, lecture kar rahi thi kya? Tabiyat theek hai na teri?

Komal ne apni bag table par patki aur khurchi par baithte huye boli

Komal-pehle chai nashta khila fir baat karenge

Aniket ne aviki taraf sawaliya najro se dekha par usne bhi kandhe jhatak kar kaha ki use kuch nahi pata hai

Aniket-aaj mera janamdin hai kya jo tujhe nashta khilau

Komal (khurchi kar aaram se baithte huye)- theek hai teri marji, fir main bhi tujhe teri chammak challo ke bare me nahi batane wali

Ab to komal ki baat sunkar aniket bhai ekdum khush

Aniket-bas kya kammo yahi dosti apni, bata na kya naam hai uska?

Komal-dosti gayi bhad me abhi kya bol raha tha nashta khilane ke liye?

Avinash(chidhte huye)- abe yaar anya jab tak iske muh me ek cup chai aur ek vada nahi thusega ye kuch nahi batane wali

Aniket ne jaldise chai nashte ka order diya aur komal mast nashta karne lagi fir usne full aaram se chai pi par yaha aniket utawala hua ja raha tha

Aniket-kammo kitne nakhre karegi be batana kya naam hai uska

Komal ne chai ka aakhri ghut liya aur cup niche rakhte huye kaha

Komal-shravni

Aniket ko to wo naam sun ke aisa laga mano kisine uske kano me shahad ghol diya ho

Aniket-shravni! Waah, jitni wo sunder hai utna hi uska naam sunder hai, shravni, sawan ki pehli bearish jaisa sunder, naam lete hi sharir par pani ki bunde mehsus hone lagi

Komal ne aniket ki baat sunkar apna sar pit liya

Komal-ha wo shravni aur tu sawan a mendhak, naam sunte hi laga darav darav karne

Aniket-kammo kaun hai wo aur kaunse class me hai batana na

Komal-sari info milegi balak par fokat me nahi milegi

Aniket-arey tu bol kya chahiye tujhe

Komal-multiplex me ek picture aur interval me popcorn

Aniket-bas, chal diya ab info bata jaldi

Komal-naam hai shravni patvardhan, class 12th commerce, baap cleark hai gov office me aur ladki thoda kiski huyi hai :relievied:

Aniket-khiski huyi ?

Komal-samajh jaoge jaldi hi

Aniket-kammo tu sach bol rahi hai na

Komal-arey ekdum sach ye, ye avi ki kasam

Avinash- oye oye oye tumlog ko udhar kya game khelne ka hai khelo meri kasam kha ke meri jaan ke piche kyu pade ho be

Aniket table se uthte huye avinash se bola

Aniket-avya chal teri bhabhi se milne jana hai

Par komal ne use rok liya aur uska hath pakad kar use tablepar wapis bithaya

Komal-arey raja murad shakal ke tujhe kya lagta hai tu usse milne jayega aur wo slow motion main bhag kar aakar tere gale lag jayegi? Baith niche pata chala karne kya gaye the aura aye thappad kha kar, arey college me tumhari na sahi meri ijjat hai uske bare me to kuch socho

Aniket-to yaha baithe baithe kuch hone wala hai kya?

Komal-teko pyaar hua hai ya pyaar ka julab hua hai, thoda sabar rakho, wo aayegi yaha

Aniket-aur ye kaise hoga

Komal-hey bhagwan ab kya har baat samjhani padegi, Ishq Ne Nakara Bana Diya Galib, Warna Tu Bhi Insaan Tha Kuch Kaam Ka….

Aniket-kammo kabhi to jindagi me kuch sidhe sidhe bola kar sidhe sidhe bolegi to kyat era baap mere naam property kar dega kya

Komal- main to sidhe shabdo me baat kar lungi par use samajhne ke liye tumhara dimag bhi jagah pe hona chahiye na

Aniket-hua baitho yahi

Aniket chidh kar utha aur baahar jane laga to komal ne jakar uska rasta rok liya

Komal-anya ladkiyo jaise kyu cidhta hai be? Jana hai to ja gobar me muh dene, sala meko hi akkal nahi hai to tere liye itnifielding laga kar aayi hu, par nahi tumhe to us bare me kuch sochna hi nahi hai, anya tu badal gaya hai re, us kal ki aayi ladki ke liye badal gaya hai tu, ja, ja ke mar udhar

Itna bol ke komal ne aniket ko dhakka diya aur pair patakte huye wapis canteen me apni jagah pe aake baith gayi, uske piche piche aniket bhi aakar baith gaya, komal dusri taraf muh karke baithi thi, do minute tak dono bhi shant baithe huye the, fir aniket ko hasi aa gayi

Aniket-kammo! Aye kammo!

Par komal ne koi reply nahi diya

Aniket- aye kammo! Arey sorry na yaar, bas kar na ab ye nautnki dekh kaan pakadta hu

Aur aniket ne komal ke kaan pakad liye, komal aniket ki taraf mudi aur ekdum aath dus mukke aniket ko pade, aniket sorry sorry bol raha tha aura b komal ka gussa bhi ja chuka tha aur dono hasne lage fir komal boli

Komal-wo shravni meri dost ki dost hai, mainer puri fielding laga li hai wo use break me yaha canteen me lekar aayegi

Aniket-arey gazab! Kammo agar tu ladki hoti na to yahi chum leta main tujhe itna jabardast kaam kiya hai tune

Aniket ki baat sunkar komal ne ek jordar gudda aniket ke pet me mara

Komal-aye haadd! Sala halkat

Aur jis tarah se komal ne sab setting kit hi usi hisab se break me wo ladki canteen me aayi…



To Be Continued….

Shravni...

 

[vmvish]

Update 12​

Komal ki lagayi huyi fielding ke mutabik hi uski dost nidhi shravni ko lekar canteen me pahuchi, un dono ke aate hi komal ne apni nidhi ko ishara karne apne paar bulaya aur un dono ke waha aane par komal ne usse shravni ke bare me pucha

Komal-ye kaun?

Tab nidhi ne uski formal intro karayi

Nidhi-ye shravni hai aur shravni ye komal

Dono ne hath milate huye smile kiya aur fir komal ne jald hi aniket aur avinash ki bhi pehchan karwayi, aniket ne utawala hokar shravni se hath milaya, dono ki najre mili, aniket swabhav se to ek number tha hi aur dikhne me bhi acha tha, fir shuru hua bato ka daur, kuch samay me sabse pehle waha se avinash khisak liya, uske jane ke baad aniket komal ko bhi waha se jane ka ishara kar raha tha par komal kuch waha se halne ko tayar hi nahi thi, kuch samay tak aniket kosatane ke baad komal nidhi ko apne sath lekar waha se chali gayi aur shravni ko waha rukne ko kaha aur kaha ki wo log jald hi aa jayenge, ab waha sirf aniket aur shravni hi bache huye the aur baat kaha se shuru kare kya bole ye kuch bhi aniket ko sujh nahi raha tha, wo to bas waha baithe baithe shravni ko dekhna chahta tha par direct dekhne ki usme himmat bhi nahi thi isiliye kuch samay use dekhta fir idhar udhar dekhne lagta aur aakhir kaar shravni ne baat shuru ki

Shravni-aniket aap arts stream se ho na?

Par aniket ka uske bolne ki taraf dhyan hi nahi thaw o to shravni ko niharne me hi vyast tha uski baat sun kar aniket hosh me aaya aur chutiyo mafik bola

Aniket-kaun main?

Shravni-aniket aapka hi naam hai na?

Aniket-ha! Ha! Matlab mera hi naam hai par koi mujhe kabhi aniket naam se nahi bulata yaha tak ki mummy papa bhi nahi sab ani ya anya hi bolte hai, tum bhi ani ya anya hi bola karo

Ispar shravni apni naak chadhate huye boli

Shravni- chee baba, itna acha naam hai aapka aniket fir main ani ya anya bolke us naam ko kyu bigadu main aapko aniket kehke hi bulaungi

Shravni ke muh se aniket sun kar to apne bhai ko aisa laga mano kisi ne uspar pushpa varsha kar di ho

Aniket-tumhe mujhe jis naam se bulana hai tum bula sakti ho apne ko koi dikkat nahi hai

Shravni- aap naraj na ho to ek baat kahu?

Aniket-arey bindass, apun ke sath rehte huye bilkul chinta nahi karne ka jo man me aaye bedhadak bolne ka, aisa jhijhak ne ka nahi

Shravni- nahi matlab aisa nahi hai, wo kya hai ma mujhe aisa tu tu karke baat karte nahi aata aur mujhe ye pasand bhi nahi hai

Aniket-theek hai teko jaisa pasand hai waisa bol….

Par bolte bolte aniket ke dhyan me aaya ki usne wapis shravni se tu tadak me baat ki hai to usne jeebh dato ke beech daba li jise dekh kar shravni ko hasi aa gayi aur jab wo hasi to aniket fir se ek baar ghayal ho gaya

Shravni-aap kafi famous ho college me

Aniket-kya baat kar rahi ho tum sorry kya baat kar rahi ho aap? Acha hi suna hai na mere bare me?

Shravni-ha matab aapke aur komal ke kisse kafi famous hai, aap dono ke beech kuch hai kya?

Ab bolte bolte shravni ye baat bol to gayi par fir uske dhyan me aaya ki ye log aaj pehli baar mil rahe hai aur direct aisa puchna sahi nahi lagta hai par apne aniket ko to is baat ka kabhi koi fark hi nahi padta tha

Aniket-hum dono ke beech agar kuch hota to aapko kuch problem thi kya usse

Shravni- I am sorry aise directly puchne ke liye wo to bas bato bato me muh se nikal gaya sorry

Ispar aniket shravni ke paas jakar dheere se bola

Aniket- koi baat nahi waise ab aapne puch hi liya hai to bata deta hu ke mere aur komal ke beech aisa kuch bhi nahi hai, main ekdum free hu

Aniket ki baat sunkar shravni sharma gayi

Aniket-agar aap naraj na ho to ek baat kahu aap na jab aise sharmati hai to aur bhi jyada khubsurat lagti hai

Usne aankhen badi karke aniket ki taraf dekha

Shravni- kya aap bhi kuch bhi bol rahe hai

Aniket- arey maine to jo sach hai wahi bola hai

Kuch samay fir shanti me beeta do minute tak dono me se koi kuch nahi bola fir aniket ne baat aage badhayi

Aniket- tu...matlab aapko kya pasand hai waise

Shravni-mujhe na kavitaye bahut pasand hai padhna bhi aur likhna bhi

Aniket- arey waah! Tu....matlab aap kavitaye bhi karti ho

Shravni- ha, aaj hi ek likhi hai ruko aapko sunati hu padhke

Uske baad shravni ne aniket k apni kavitaye padhke sunana shuru kiya aur wo ruki hi nahi, ek ke baad ek kavita sunane lagi, aniket ko usme ka shabd bhi nahi samajh raha tha, wo bas aise hi waah waah kar raha tha, aur shravni kavita sunake hi nahi ruki balki uske piche bhi bhavnaye bhi wo aniket ko samjha ke batane lagi, par aniket ko is sab se koi lena dena nahi thaw o to bas shravni ko dekhne me busy tha aur aise me samay kaise bita pata hi nahi chala, ab komal aur nidhi bhi wapis aa gaye the aur un dono ko itne ache se baat karte dekh komal khush ho gayi

Komal-arey waah! Badhiya dosti ho gayi lagta dono me?

Tab aniket komal se bola

Aniket-arey kya badhiya kavita likhti hai yaar ye, shravni ise bhi ekad kavita sunao na

Bas fir kya tha shravni se fir se kavita sunana shuru kar diya aur jaise hi dusri kavita khatam huyi aur teesri shuru hone wali thi komal chidh kar boli

Komal- o gaankokila bas ha, ek to waise bhi mujhe ye kavita wagaire me interest nahi hai aur ye sab mujhe samajhta bhi nahi hai isiliye aaj jo ye sunaya ye pehli aur aakhri baar tha theek hai, hai na anya…

Ab yaha aniket fas gaya, ha bole to shravni naraj aur na bole to komal naraj, usne pani ka glass uthaya aur pini pite pite wo samay taalne ki koshish ki, shravni ka chehra utar gaya tha

Shravni-aapko nahi pasand hai to main aajse aapko nahi sunaungi par inhe to pasand hai na (aniket se) main aapko sunaungi

Itna bol ke shravni nidhi ke sath waha se chali gayi aur uske jate hi komal boli

Komal-kya calendar ladki hai yaar ye? Aur ye kya natak hai be ‘inhe pasand hai’ teko kabse college me itni ijjat se bulane lage

Aniket-jane de na kammo kyu maje le rahi bichari ke

Komal-bichari ye kab se bichari ho gayi aur sabse badi baat teko kavitaye kabsepasand aane lagi? Ek shabd to bhi samajhta hai kya uska

Tab aniket use samjhate huye bola

Aniket-arey aap chidhiye mat

Komal-aye haad! Ye aaho jaho aap tum mere se kiya to thobda suja dungi anya, hey bhagwan itna bada ladka kar diya ye thodi akkal bhi de dete

Aniket-arey theek hai komal rehta hai koi koi aisa

Komal(gusse me)- anya dimag mat kharab kar ha, aaj pehli baar komal bola hai tune mujhe, us chidail ne kuchjadu tona kar diya kya, suna tha log pyaar me andhe ho jate hai par murkh ho jate hai ye pehli baar dekha, mera dimag ghum jayega agar thoda samay aur yaha ruki to aur tere hath pair tute isse acha hai main hi yaha se chali jau

Aur komal waha se pair patakte huye nikal gayi…..

Shravni shayad pati... lekin Kammo naraz ho gyi...

 

[vmvish]

Update 13​

Aniket aur shravni ki dosti ab dheere dheere parvan chadh rahi thi, aniket shravni par full too fida tha, wo use behad pasand karne laga tha par jaise hi shravni uske saamne aati uski himmat hi nahi hoti thi shravni se apne man ki baat kehne ki , wo college me bas shravni ke ird gird ghumta rehta tha aur isi wajah se uska commerce section me bhi aana jana kafi badh gaya tha, ab to aniket ko dekh kar shravni ke bhi gaal sharam se laal ho jate the, wo bhi class ke paas aniket se baat karne me sharmati hi, dono ki job hi baate hoti thi wo bas canteen me hi hoti thi aur waha bhi nidhi shravni ko komal aniket ko chhodne ko tayar nahi rehte the wo inke sath chipke hi rehte aur ye sab waha maujood rehne ki wajah se aniket apne man ki baat nahi keh pata tha

Shravni aur komal ke beech bhi jyada jamti nahi thi, ye dono do alag alag kinare the jaise sikke de do pehlu, shravni najuk, kavi hriday wali tipikal ladki thi wahi komal iske ekdum viparit thi ekdum bedhadk

Ek din canteen me ye sablog baithe huye the tab komal aniket se boli

Komal- anya tu na bahut ander ki gath ka aadmi hai yaar, matlab tere na man me bahut kuch chalta rehta hai par tu kabhi kuch bolke hi nahi batata

Aniket-kuch bhi mat bola kar kammo

Komal-main kuch bhi bol rahi hu? Arey pichle ek mahine sedekh rahi hyu teko sirf gulugulu gulugulu shuru hai, bas ho gaya ab ye natak aur agar hamse mamla atak raha hai to sidha bol na ham chale jate hai yaha se fir aaram se baat kar

Aniket-kame jara shanti rakh na bhai

Itne me shravni boli

Shravni-aap kyu unhe hamesha har chiz ke liye jabardasti karti rehti hai komal

Komal-arey dost hai wo apna, main nahi bolungito kya rode pe ka bhikari aake bolega uske kaan me? Aur ye bai shravne teko kitni baar batana padega ki ye mere sath ye inko unko mat kiya kar teko aisa joi bhi karna hai uske liye ye aniket bail hai tere paas

Komal ka shravni ko shravne bolna shravni ko bilkul pasand nahi aaya wo gusse me boli

Shravni-dekhiye komal mera naam shravni hai to kripaya mujhe mere naam se hi bulaya kariye, itna sunder naam hai mera ‘shravni’ aapko matlab to bhi pata hai kya iska

Ab baat jab jhadge ke level taka a hi gayi hai to piche hate wo komal thode hi hai

Komal-mujhe to pata hai matlab, tu jaanti ho kya apne naam ka matlab?

Shravni-bilkul,shravni yani savan ke mahine ki barish ki ki pehli fuhar

Jispar komal ne has diya

Komal-lagta hai tumhe shravni ka dusra matlab pata nahi hai khair jane do

Shravni-jane do matlab kya,waise bhi iska koi dusra matlab nahi hai agar aapko pata hi hai to aap bata do na

Komal-arey rehne de, teko pasand nahi aayega, sirf shravne bolne me tu chidh gayi jab teko main dusra matlab bataungi to tu kya karegi bhagwan jane

Shravni-hoga tab kuch bataogi na aap iska koi aur matlab hi nahi hai aur agar hai to sirf matlab mat batana balki apni baat ko pramanit bhi karna padega

Komal-theek hai ab tum itna mujhe force kar hi rahi ho to suno shravni matlab gobar, gu, shen

Bas komal ka itna kehna tha ke shravni ekdum bhadak gayi na bhailog

Shravni-jo muh me aaye wo mat bola kariye komal

Komal-arey maine to jo sach hai sirf wahi kaha hai, ab iksa praman bhi sun lo aur ache se samajh jaogi, apne Marathi bhasha me ek kahavat hai, ‘aamhi khalla tar shen an tumhi khalli tar……..’

Avinash-shravni….

Avinash tapak se bola

(ab jinko nahi samjha samjhata hu, bhai aaya hai batake jayega iska sidha matlab hai ham khaye to gobar tum khao to shravni matlab twada kutta tommy sadda kutta kutta, waisa sa matlab hota hai iska, samajh gaye, very good story ke end me viva lunga, abi aage padho)

Avinash ki baat sunkar waha maujood sabhi log hasne lage siway do ek ke, ab jab sahi has rahe the to aniket bhi has raha tha aur bakiyo ka to pata nahi par naiket ko hasta dekh kar shravni ko aur jyada gussa aaya, wo wahase uthi aur gusse me pair patakte huye waha se nikal gayi, aniket use awaj dete huye use rokne ke liye uske piche bhaga par wo sunne ko tayar hi nahi thi, ab aniket bhi bhadak gaya tha…

Aniket wapis canteen me aaya to avinash aur komal ka hasna shuru hi tha aniket ko dekhte hi wo dono ekdum chup ho gaye aur aniket bhi unke paas aakar unpar baras pada

Aniket-kame kuch akkal wagaire hai tere me thoda bhi dimag hai? Teko pata hai na main pasand karta hu use fir kyu pareshan kar rahi thi shravni ko, wo tere jaisi nahi hai bahut najuk man hai uska kitna bura laga use pata hai rote huye gayi hai wo bechari

Komal-anya bahut ho gaya ye bichari puran, teri wajah se sahan karte hai ham use warna to aaspaas bhi fatakne na de

Aniket-jab itna samajhta hai to apna muh band rakah kar na, pata hai na apne muh gutter hai khulega to baas hi marega

Komal-ye jyada ho raha hai ab anya, tuuski side kyu le raha hai re

Aniket-kyuki main usse pyaar karta hu..

Komal-aur hamse..?

Aniket-tum log dost ho yaar, main tumhari aur uski tulna nahi kar sakta..

Komal-theek hai samajh gayi aura b tu mere naam se mat chilla ha main to tujhe apne man ki baat batane ke liye keh rahi thi, wohi beech me kuch apni kavita ki potli leke

Aniket- tujhe nahi pasand to mat bola kar na usse

Komal-main kaha kuch boli wo hi apni beech me kudu(fir komal ne shravni ki nakal karte huye kaha)’aapko pata hai kya shravni ka matlab’ maine to kaha bhi tha ke mat puch par wo satvik pujarin piche hi pad gayi to maine bhi bata diya

Aniket-arey apne me kuch bhi chalta hai par wo apne jaisi nahi hai ye samajhna chahiye tujhe

Komal-shabash ab jaise mujhe samjhaya na waise hi apni satvik pujarin ko samjhane ka ja, ye sahi hai bhalai ka jamana hi nahi hai, aur ha apni premika ko ye bhi samjhana dena ye aainda mujhse na uljhe wo

Uske baad teeno shand baith gaye avi to waise bhi shant hi tha ye donohi bakbak kar rahe the avi dimag wala banda tha wo inke beech me nahi padta tha, koi kuch bhi bolne ko tayar nahi tha, thoda samay bita, gussa thanda hua aura b puri ghatna aniket ke dimag me ghum rahi thi itne me use hasi aa gayi, komal aur avinash ne uski taraf dekha to wo ekdum serious chehra karke baitha tha, dono ko laga ki unhe aabhas hua hoga unhone fir se apna chehra dusri taraf ghuma liya, aniket ko apni hasi rokna mushkil ho raha tha aur fir jab usse control nahi hua to wo jor jor se hasne laga aur dono use ashcharya se dekhne lage, unhe samajh hi nahi aa raha tha ke aniket has kyu raha hai aur aakhir me aniket ne komal ki khurchi par laat mari aur kaha

Aniket-kammo seriously

Komal-tu pehle hasna band karega aur batayega hasne jaisa kya hua hai

Aniket-main ye soch raha hu ke tu ye sab lati kaha se hai, bole shravnni matlab gobar

Ab teeno hasne lage aur haste huye komal boli

Komal-arey sach baat hai ye ghar jake bapu se puch lena

Teeno aankho me pani aaye tak haste rahe aur fir thode shant hone ke baad aniket ne kaha

Aniket-aur ye satvik pujarin ka kya scene hai

Komal-wo ja ke apni maa se puchna

Teeno fir has rahe the

Komal-waise anya sorry ha ab nahi pareshan karungi teri shravni ko (avinash se) avi kalpana kar agar apna anya shravne ke sar pe hath maar ke thapthapaye to log kya bolenge?

Avinash ko kuch samjha nahi ke ye kya kehna chah rahi hai

Avinash-kya bolenge

Komal-yahi bolenge ki anya gobar ke uple bana raha hai

Bas teeno fir se hasne lage (koi kaam hi nahi hai inko hasne ke alawa )

Aniket-acha ye sab bate chhodo aur ye batao maine jo kaha samjha kya

Komal(ekdum bhola chehra banate huye)- hao samajh gayi

Aniket-kya samjha?

Komal(avi ki aur dekhte huye)- ye samjhi ke shravni matlab….

Komal aur avi eksath- Gobaaarrrrrrrr……….

Aniket unko maarne ke liye utha hi tha ke isse pehle hi wo canteen ke baahar bhag liye aur unke piche aniket bhi….

Shravni = Satvik Pujarin = Gobar !!!

Hans hans ke pet hi paakad liya maine.

Hats off Adirshi Bhai.... Kya likhte ho aap !!!

 

[vmvish]

Update 14​

Samay ki gati ko kaun rok paya hai din par din beete ja rahe the aur in beette dino ke sath sath parvaan chadh raha tha aniket aur shravni ka pyaar, halanki abhi ijhar-e-mohabbat baki tha. Aniket aur shravni dono ghanto canteen me baate karte baithe rehte, dono ko ekdusre ka sath kafi pasand aa raha tha par dono me se kisi ne bhi apni prem bhavna aage badhkar shabdo me vyakt nahi ki thi, shravni ki icha thi ke aniket use propose kare wahi aniket ko ye darr laga rehta ki wo propose kare aur shravni ke mana kar diya to, usne na keh diya to? Wo log aur bhi 3 saal college ke sath hai to abhi itni jaldbaji kis baat ki hai, aisa soch ke jaisa chal raha hai chalne diya jaye aisa aniket ne decide kar liya tha

Aise hi ek din aniket aur avinash dono film dekhne gaye huye the, raat ka showdekh kar jab wo log ghar laute to raat ke sadhe bara baj chuke the, aur chuki ab kafi late ho gaya tha to avinash bhi aniket ke ghar par hi rukne wala tha, wo log ghar pahuche to ghar ekdum shant tha, aniket ke apne paas ki chabi se ghar ka darwaja khola aur dono dabe paav ander aaye aur bagair awaj kiye aniket ke room me pahuche aur aniket ne jaise hi apne room me pahuch ke room ki light on ki waise hi….

“SURPRISE…!”

Aniket ka pura room sajaya hua tha, alag alag colors ke ribbon se puri room decorate ki huyi thi aur diwaro par bade aksharo me HAPPY BIRTHDAY ANIKET likha hua tha, room me bichoceech ek stool par cake rakha hua tha aur avinash aur komal jor jor se aniket ke kaan ke paas pungi baja rahe the, kaushalya aur narayanrao bhi waha upastit the aur tali baja kar aniket ko happy birthday wish kar rahe the..

Aniket kabhi apna janmdin is tarah se nahi manata tha isiliye aaj uske liye komal aur avinash ne ye sab plan kiya tha..

Aniket-arey kya hai ye sab kammo, main kabhi apna birthday is tarah se nahi manata hu, bapu aap to jaante ho na aapne bhi nahi roka inko..

Tab avinash aur komal ki taraf ungli dikhate huye narayanrao bole

Narayanrao-main to rok leta bête par ye jo do rakshas hai ye kisi ki sunte kaha hai jo inko theek laga inhone wahi kiya

Itne me komal boli

Komal-anya bhendi aaj tera birthday hai isiliye teko gali dene ka na bilkul mood nahi hai isiliye ab tere paas do option hai, pehla ekdum simple hai chup chap yaha aake badhiya cake cut karne ka…

Aniket-aur dusra..?

Komal-main ye cake utha ke tere muh pe maar dungi simple

Aniket-nahi nahi pehla hi option theek hai ruk aata hu

Fir kaushalya ne aniket ko naye kapde diye jo wo uske liye leke aaye the aur aniket fatafat tayar hoke aaya aur narayanrao ne birthday gift meuseek sone ki chain di jiske baad cake cut hua sabne aniket ko wish kiya aur wahi sab jo har birthday ko hota hai wahi yaha hua kuch naya nahi tha, aur ye sab hone ke baad aniket bola

Aniket-kammo chal main chhod aata hu tujhe ghar

Dono ghar ke baahar aaye aur uske piche avinash do badi thailiya gadi par rakh kar baahar aaya aaya

Komal-avi ye kya hai?

Par avinash ne koi jawab nahi diya balki aniket ko dekhne laga aur aniket baat sambhalte huye bola

Aniket-wo kuch bhi nahi hai tuchal ghar chal late ho gaya hai, aur late hua to tera pehalwaan baap maarega meko

Komal-na naat possible, bapu yaha hai hi nahi wo to do dino ke liye baahargao gaye hai ab do din baad hi dikhenge wo

Aniket- ha to theek hai na maa to hogi ghar pe

Komal-use pata nahi hai ki main yaha hu

Avinash-matlab

Komal-matlab maa ke sone ke baad main gallery me udi maar ke baahar aayi hu aura b kuch maa subah tak mere room me nahi aane wali

Aniket-aur aa gayi to…unhe chinta hogi na?

Komal-na jyada kuch nahi hoga, maine hamesha hi aise khidkise kud ke apni dost suman se milne jati hu

Aniket-kamal hai teri ek number ki gundi hai tu

Avinash-gundi..

Aniket-abey slow connection gunda ka female version yani gundi

Komal-wo sab chhodo aur pehle mujhe ye batao ki tum dono itni raat me ye do bade thailiya lekar kaha ja rahe ho

Aniket ke fir se baat taalne ki koshiish ki lekin avinash bol pada

Avinash-anya ise bataye bagair ye kuch apna picha chhodne wali nahi hai

Aniket(kuch sochte huye)- theek hai to fir chal

Thandi ke din the aur aise me ye teeno itne raat ko nikle the

Komal-anya batayega hamlog kaha ja rahe hai

Jispar ani aur avi dono has diye aur avi bola

Avinash-ruko jara sabar karo

Fir unhone ek jagahroad ke side me gadi roki aur avinash ne apne sath layi thaili me se ek blanket nikala aur aniket ke hotho par ungli rakhte huye komal ko shant rehne ka ishara kiya aur fir un dono neroad ke side thandi se kudkute huye logo par blanket daalna shuru kiya jisme komal ne bhi unki madad ki aur fir puri raat wo log aise ki thand se kaampte logo ko blanket udate rahe aur fir aakhri ka blanket kisi jaruratmand ko dene ke baad wo log railway station par pahuche..

Komal aniket ki pith thapthapate huye boli

Komal-masti majak maramari karne wala aniket dekha tha aaj samajsevi aniket pehli baar dekha hai, well done anya!

Is baaye avi pat se apni pith aage karte bola

Avinash-main bhi main bhi…

Jispar komal ne uski bhi pith thapthapa di

Komal- ye sab kab se raha raha anya

Aniket-bachpan se…pehle main aur papa aate the fir jabse thodi duniya ki samajh aayitabse main aura vi ye karte hai

Komal-wahi main sochu ke itne ache vichar tumhare is dimag ke kaise aa gaye..

Teeno us waqt station par ek tapir pe baith ke chai pi rahe the

Komal-anya blanket baatne hi the to din me baat te na itni raat ko thand me nikalne ka kya matlab hai

Jispar aniket hasa aur bola

Aniket-maine bhi bapu se yahi sawal kiya tha to unhone jo bataya tha wo batata hu, isme do bate hai, pehli ye ki din me agar blanket baate jaye to ye samajh nahi aata ki uski sahi jarurat kise hai, free me mil raha hai isiliye log gardi karte hai, kai log to aise hote hai jo ye blanket wapis dukan me bech aate hai, raat me hame samajh aata hai ki kise uski sabse jyada jarurat hai aur un jaruratmando tak sahi chiz pahuchti hai, thand me kaampte huye mila blanket wo kabhi nahi bechenge kyuki wo uski kimat jaante hai isiliye ye blanket raat ke baate

Komal kafi man laga kar sun rahi thi aur jaise hi aniket chai ka ghut lene ruka usne puch liya

Komal-aur dusri baat…?

Aniket-dusra raat me nikalne ka reason ye hai ke bapu hamesha kehte hai keagar ham kisi ki madad kar rahe hai to uski aankhon me na dekhe

Komal ko kuch samajh me nahi aaya

Komal-aisa kyu?

Aniket-wo kya hai na kammo, lene walo ki aankhon me upkar ka bhav hota hai jise dekh kar dene wale main ahankar aata hai, lene wala hamesha dene wale kea age jhuka hota hai jisse dene wale ko ghamand hota hai isiliye kehte hai kisi madad aise karo kid aye hath se diya hua baye hath ko bhi pata na chale, isiliye jab log soye the tab unhe blanket udaya, apne ko samadhan mila aur lene wale ko pata bhi nahi chala….

Komal aniket ki or dekhe ja rahi thi, man ke aneko sawal the, man hi man wo soch rahi thi ke ye kya ye wahi aniket hai jise ko jaanti hai? College me masti majak maramari karne wala aniket aaj kuch alag tha,,aajtak komal ko abhiman tha ke wo aniket ko ache se pehchanti hai par aaj uske samne aniket ka ye naya roop aaya tha, aniket ne jo bhi abhi kiya uska komal ko abhiman thaaur is sabme sabse badi baat ye thi ke kahi bhi dikhawa nahi tha, dikhawa to door ki baat hai aniket kabhi is chiz ki baat bhi nahi karta tha warna aaj to agar koi kisi ko ek kela bhi de de to 10-10 photo nikalke najane kaha kaha share karte the publicity ke liye aur ek ye hai jise de raha hai use pata bhi nahi chalne diya kisne diya hai… komal bas apne inhi khayalo me khoi huyi thi

Aniket-hello….kaha kho gayi..

Aniket ne komal ki aankhon ke saamne chutki baja ke use hosh me laya…komal ko bahut kuch bolna tha, bhar bhar ke aniket ki taarif karni thi par use shabd nahi mil rahe the, gala bhar aaya tha aur wo bas itna hi bol payi

Komal-shabaasss…!

Shabash...
Ye hai sahi mayne me kiya gaya daan...
Bina kisi dikhave ke aur sahi zarooratmand ko...

 

[vmvish]

Update 15​

Raat ko blanket baatne ka karyakram hone ke baad agli subah aniket fir se komal ko apne sath lekar nikla

Komal-anya ab kya naya batane wala hai, kaha ja rahe hai hum

Aniket-hai ek kaam tu chup chap chal na..

Komal-tu kab kya kare iska andaja koi nahi laga sakta, chal

Thodi der me dono ek hospital me pahuche to komal boli

Komal-ab yaha kya kaam hai

Aniket-kuch nahi wo bapu ke paas paise thode jyada ho gaye hai to bas wahi halka karne aaya hu

Dono hospital ke ander aaye to to aniket ko dekhte hi ek trainee docter ne uska swagat kiya

Docter-aao aao Mr. Aniket Narayanrao Rane, aaj yaha kya kaam aa gaya aapko

Us docter ko dekhte hi komal bol padi

Komal-sumi tu pehchanti hai isko?

(ab ye to alag se batane ki jarurat nahi hai na ke wo docter komal ke pehchan wali hai)

Suman-ha bilkul, par tu kaise jaanti hai isko?

Komal-arey ye best friend hai mera, ab bata tu kaise jaanti hai isko

Suman-iska yaha aana jana hamesha ka hai, bahut bada daanveer hai ye, matlab iska blood group ‘O’ hai aur tujhe to pata hi hai is blood group ka khoon kisi ko bhi diya ja sakta hai bas ye sahab har teen mahine me yaha chale aate hai fir apna khoon donate karne..

Komal-ye mujhe nahi pata tha yaar suman

Suman-shabaas matlab aaj do namune ek sath mile hai ab pata nahi mera aaj ka din kaise bitega

Jab In dono ladkiyo ki nonstop bate chal rahi thi to aniket unhe beech k rokte huye bola

Aniket-tum log ki ye chivchiv ho gayi ho to main kuch bolu kya.. suman chal list nikal…

Komal ko kuch samajh me nahi aaya par suman ne apne computer me kuch dekhne lagi aur fir usne teen naam aniket ko bataye jiske baad aniket ne apne jeb se ek noto ka bundle nikalkar table par rakha jise suman ne le liya komal ko samajh hi nahi aa raha tha ke ye ho kya raha hai aur ye paise

Komal-ye sab kya hai..?

Suman-arey jyada kuch nahi hai, ye mahashay ek taraf masti jhagde maramari karte hai aur fir apne un papo ki bharpai ke liye hosp[ital. me aakar garibo ka bill chukka dete hai aur to aur receipt bhi nahi lete

Suman bole ja rahi thi tab aniket ne fir se use roka

Aniket-bas kar na ab suman, sach kahu to tu na galti se docter ban gayi hai teri badbad sun kar to lagta hai ke tune kisi radio me hona chahiye tha nahi to railway station pe announcement karni chahiye thi kitna bolti ho be

Ab komal aur suman ekdum khas dost thi bas dono me fark itna tha ke suman thodi hoshiyar aur samajhdar thi isiliye wo docter ban gayi aur komal ki haalat aniket se alag nahi thi matlab samajh rahe ho na ek subject do subject

Tabhi achanak komal ko kuch yaad aaya aur wo docter suman se boli

Komal-sumi tera problem isko batake dekh, anya solid tikdam baaz aadmi hai tera problem chutki me solve kar dega dekhiyo

Tab aniket bola

Aniket-docter suman kya problem hai bolo na

Suman-nahi yaha nahi canteen me chal kar baat karte hai

Fir wo teeno hospital ki canteen me jakar baith gaye, docter suman baat karne me thoda hichkicha rahi thi, use samajh hi nahi aa raha tha ke aniket ko ye baat kaise bataye tab aniket hi bola

Aniket-o docter ab bolo bhi kiski raah dekh rahi ho

Par docter suman apne hi khayalo me thi use sujh hi nahi raha tha ke baat kaha se shuru kare jispar anket hasa aur bola

Aniket- acha to dil ka mamla hai, apun samajh gaya ab bindaas bolo kya kar sakta hu main isme

Aniket ki baat sun kar suman chauk gayi

Suman-tumhe kaise samjhi ye baat?

Ab is baat par komal table bajate huye gane lagi

Komal-dil ka haal sune dilwala sidhi si baat na mirch masala…dil ka haal sune dilwala, sumi bindaas bol ye bhi aashiq hi hai..

Ab suman ne himmat karke bolna shuru kiya

Suman-wo docter siddharth hai na?

Aniket-ab unko kya hua?

Suman-hua kuch nahi hai tum pehle baat suno puri

Aniket-ha batao..

Suman-wp docter siddharth mere hi college me the, do saal senior the mujhse, aur mujhe wo kafi pasand hai…

Aniket-to isme kya hai direct propose kar dene ka na?

Suman-tune kiya propose?

Docter suman ke sawal ka jawab aniket ke paas nahi tha tab bhi wo baat sambhalte huye bola

Aniket-usme samay hai abhi

Suman-maine bhi aisa hi socha tha par samay kab nikal gaya pata hi nahi chala, siddharth paas out ho gaya, fir bhi hamara milna shuru hi tha par ab char saal ho gaye hai aur hamari gadi dosti se aage hi nahi badhi hai

Aniket-tum kaise keh sakti ho ke siddharth bhi tumse pyaar karta hai?

Suman-wahi to samajh nahi aa raha, ani help kar de na, tum to siddharth ko bhi jaante ho na

Aniket-ha jaanta to hu par tna ache se nahi, ruko jara..

Aisa bolke aniket thoda samay kuch sochne laga aur fir bola

Aniket-kaam to ho jayega par charge lagega

Suman-charge? Kaisa charge?

Aniket-charge, kaam karne ka paisa, majduri, pagaar

Suman-ani mera ye kaam kar de jo kahega main dungi

Tab komal boli

Komal-anya sharam aati hai thodi? Apne hi dosto ko lut raha hai?

Aniket-o ho ho, waah kya baat boli hai kammo tune, kitni samajhdaar hai tu, yahi samajh shravni ki info dete time kidhar gayi thi

Tab docter suman boli

Suman-komal tu chup reh, ani bol kya chahiye tujhe?

Aniket-filhaal to mast apple ke headphone original wale baki baad me batata hu

Suman-theek hai done

Aniket-ye huyi na baat, cha lab siddharth ka number de

Fir suman se aniket ko siddharth ka number diya aur aniket se use apne phone me save kiya aur bola

Aniket-dekho suman pehle main ye confirm karunga ki siddharth bhi tumse pyaar karta hai ya nahi agar wo tumse pyaar karta hai ya tumhe sirf pasand bhi karta hai tabhi tuhari madad karunga nahi to nahi

Suman-ok done

Aniket-theek hai to docter madam ek hafta hai tumhare paas apple ke headphone kharid ke rakhne ka

Fir aniket ne goggle lagaya aur komal ko lekar waha se baahar aagaya, komal ko kafi utsukta thi kea b aniket kya karega

Komal-ab kya karega anya?

Aniket-kammo tumne akshay kumar ka picture nahi dekha kya? Jo main bolta hu wo main karya hu aur jo main nahi bolta………………… wo nahi karta, main koi akshay kuma thode hi hu

Komal-koi sense tha kya is baat kay yah ape kuch bhi kabhi bhi acha mujhe bata tu kya siddharth se direct puchega in sab ke bare me

Aniket-abey yaar kammo tub hi namuna hai ek number ki, aise koi direct puchta hai kya?

Komal-fir kya karega

Aniket- kaisa hai na kammo insaan ko kabhi is chiz ki kimat nahi hoti jo uske paas hoti hai wait and watch…?

Komal-matlab..?

Aniket-matlab mera La……….. jane de chhod

Komal ko kuch samajh me nahi aaya aur aniket ne apna phone nikala aur siddharth ko call lagaya

Aniket-hello main aniket rane bol raha hu

Shayad siddharth ne use pehchan nahi

Siddharth-kaun?

Aniket- Aniket, O negative

Ab aniket ne aisi unique pehchan batayi tab sidharth ne use pehchana

Aniket-docter aaj mera birthday hai aur sham ko ek chhoti si party hai aur mera aapse ek important kaam bhi hai jo main hospital me nahi bol sakta, isiliye aap please party me aaiyega, mere jine marne ka swal hai docter, maine aapko pata message kiya hai…

Aniket ne apni sari baat bol di aur is andaj me boli ke siddharth mana nahi kar paya aur usne invitation swikar kar liya…



To Be Continued…..

Daanveer Tikdambaaz...

 

[vmvish]

Update 16​

Aniket ne siddharth ko ek hotel me milne bulaya tha apni birthday party ke liye aur fir jaisa decide hua tha uske mutabik aniket aur avinash hotel me pahuch gaye gaye docter siddharth ki raah dekhne lage, aniket ne ye sara kissa avinash ko pehle hi ache se samjha diya tha aura b avinash se bhi siddharth ki raah dekhne laga

Avinash-anya aayega na wo docter..?

Aniket-aayega matlab.. arey use ana hi padega tere bhai ne itna sahi planning se bulaya hai usko jo jaroor aayega jara shanti rakh…

Aur avinash aur aniket ko jyada raah bhi nahi dekhni padi aur docter siddharth waha aa gaye, aniket ne unka swagat kiya aur docterne bhi use birthday wish kiya

Aniket-docter saahab aap aaye uske liye aapka bahut bahut shukriya

Siddharth-pehli baat to mujhe sirf siddharth bulao y6e saahab wagaire nahi, jaise apne dosto se baat karte ho waise hi karne ka aur raha sawaal mere yaha aane ka to mujhe to aana hi tha ab tumne kaha tha ke jine marne ka sawal hai to main kaise nahi aata, waise bhi kisi ki jaan bachana to ham docters ka pehla kartavya hai…

Aniket ne fir se unka dhanyawaad kiya aur avinash ki pehchan docter siddharth se karwayi fir siddharth bola

Siddharth-aniket, tum to keh rahe the party hai par yaha to sirf ham teeno hi hai..

Aniket-ha w0o kya hai na ye apni private party hai, aap kya loge batao beer ya whiskey..

Siddharth-nahi nahi mujhe jaldi jana hai main kuch nahi lene wala, ab batao tumhe mujhse kya kaam tha?

Aniket bechain dikh raha tha matlab wo bechain hone ka natak kar raha tha..

Aniket-siddharth, agar tumhe koi dikkat na ho to main ek beer le lu, matlab thodi himmat aa jayegi isiliye bas

Siddharth-arey isme puchne ki kya baat hai tumhara birthday hai tumhari party hai lelo bindass

Aniket aur avinash ne eke k beer uthayi, aur fir aniket serious hokar bolne laga

Aniket-siddharth mujhe aapki thodi madad chahiye, aap kafi hoshiyar aur samajhdar docter hai isiliye mujhe aapka thoda margdarshan chahiye

Siddharth-arey kya chahiye bolo na, main jaroor tumhari madad karunga, kuch medical problem hai kya

Aniket-haa, heart ka problem hai

Siddharth-heart problem, itni kam umra me heart problem kaise? Tumne cheak up wagaire karwaya na?

Aniket-heart matlab aap samajh rahe ho waisa nahi, wo kya hai na main ek ladki se pyaar karta hu aur wo ladki mujhse umra me kafi badi hai aur samajhdaar bhi hai

Siddharth-to, tumse badi hai to ky hua? Tum pyaar karte ho na usse?

Aniket-ha, main bahut pyaar karta hu usse itna ke agar ko abhi ha kar de to yahi usse shadi bhi kar lunga

Siddharth-bas fir problem solve hai, umra ka to isme kahi koi sawal hi nahi hai tum bindass bedhadak jakar us ladki se apne dil ki baat kaho, use batao ki tum usse kitna pyaar karte ho

Aniket-wahi to use batane ki himmat nahi ho rahi hai docter isiliye to aapki madad mangne aaya hu, main nahi ji paunga uske bagair

Siddharth-acha mujhe batao kaun hai wo ladki

Aniket-aap jaante hai use

Siddharth- bas fir baat hi solve ho gayi main baat karunga use par ab mujhe sidhe se batao to kaun hai wo..

Aniket ne glass muh se lagaya aur siddharth use aise dekh ke muskuraya, use samajh aa gaya tha ke aniket ki himmat nahi ho rahi hai to wo use samjhate huye bola

Siddharth-aniket chinta mat karo mujhe bas uska naam batao main puri madad karunga tumhari do minute ke kaam ho jayega tumhara

Tab aniket se naam bataya

Aniket-docter suman..!

Suman ka naam sunte hi siddharth chauk ke apni khurchi se uth gaya

Siddharth-kyaaaa? Suman..? docter suman….

Aniket-ha suman, aap use college se jaante ho aur hospital me bhi aap uske senior ho wo aapki baat jarur manegi please mera itna kaam kar dijiye main jindagi bhar aapka ehsanmand rahunga

Aniket siddharth ke chehre pe expressions barkayi se dekh raha tha…docter suman ka naam sunte hi siddharth ke chehre ka rang ud gaya tha..aur aniket ne agla daav khela

Aniket-siddharth ek beer to lo

Siddharth apne hi khayalo me tha aur usne bhi ha keh diya aur aniket ne pat se waiter ko beer lane ko kaha tab tak usne avi ke beer se ek glass bhar ke siddharth ke saamne kar diya aur siddharth ne ek hi ghut me wo glass khatam kar diya, teer sahi nishane pe laga tha aur pehla daav pura ho chukka tha aur aniket ne ab avinash ko siddharth ko na pata chale aise aankh maar ke ishara kar diya mano keh raha ho

Loha garam hai maar de hatoda…

Aur uske baad avinash ne apni nautanki shuru ki..

Avinash-doctor saahab main aapke aage hath jodta hu, aap kaho to pair padta hu par aap kuch bhi karo aur mere dost ka ye kaam kar do, wo paagalpan maine kiya mere dost ke sath waisa na ho…

Aur ye baat bolte sath avinash ki aankhon me pani tha, siddharth ko samajh hi nahi aaya ke ye kya chal raha hai wo jara chidh kar bola

Siddharth-ab tera kya natak hai baba

Aur apna avi to aaj full form me tha aaj to wo Oscar liye bagair manne wala hi nahi tha

Avinash-natak!! Natak!! Arey docter sahab main bhi aise hi ek ladki se pyaar karta tha par meri himmat hi nahi hoti thi use propose karne ki, mujhe lagta tha ke wo meri classmate hai, hamesha mere sath rehti hai itni jaldbaji kis chiz ki hai, pehle padhai puri kar lu fir naukri leke settle hone ke baad sidha usse shadi ke liye puchunga maine aisa socha tha par…..

Avinash ruka aur usne beer ka ghut liya, ye kahani siddharth se milti julti thi isiliye siddharth bhi gaur se sun raha tha aur jab avinash kuch nahi bola to siddharth ne pucha

Siddharth- fir…aage kya hua..?

Avinash-hona kya tha wo meri raah dekhti rahi aur main darta raha

Siddharth-fir..?

Avinash-fir ek din ek amir ladka aaya aur usse shadi kar ke use le gaya, mujhe baadme uski saheli ne bataya ki wo bhi mujhse kitna pyaar karti thi par kabhi keh na payi aur uske baap ne uski shadi karwa di..

Fir avinash aasman ki taraf dekh ke bola

Avinash-ketki kyu kiya aisa..? kyu chali gayi mujhe chhod ke? Kaas tum ruk jati…par ab is baat ka koi matlab nahi hai…..

Aur avinash fut fut ke rone laga aur aniket use shant karane laga

Avinash-isiliye docter sahab dusra koi suman se shadi karke use le jaye aap mere dost ka kaam kar dijiye late nahi hona chahiye…

Ab siddharth kasar ghumne laga tha aur wo avinash ki taraf ektak dekhe ja raha tha, use avinash ne apna chehra dikh raha tha, aur un sab me 4 beer kab khatam huyi use pata hi nahi chala ek to suman ka khayal usme beer ka asar siddharth ko kuch samajh nahi aa raha thaw o apni jagahse uthte huye bola

Siddharth-ani ham is bare me baad me baat karenge abhi mujhe ek urgent kaam hai

Itna bolke siddharth waha se jhulte huye nikalgaya aur jate huye wo badbada raha tha

Siddharth-late nahi hona chahiye, late nahi hona chahiye

Siddharth hotel se baahar nikal gaya fir aniket avinash se bola

Aniket- kya sala nautanki hai to avya, do minute ke liye to maine bhi maan liya tha ke tu sach bol raha hai, kaha se sikha be itni jabardast acing

Avinash-kahi jane ki jarurat hai kya, tere se hi sikha hu ye sab chhod maine sab tere bataye mutabik kiya bas usme thoda tadka laga diya acting sahi huyi na

Aniket-tadkaa!! Babu tune sirf tadka nahi lagaya balki masala maar ke ye story dun biryani jaise peh ki hai, shabaas proud of you, aaj lag raha hai tum era dost hai…par ek baat bata ye ketki ka kya scene hai?

Avinash ne aniket ke hath me ek tissue paper pakda diya jispar us hotel ka naam printed tha ‘hotel Ketki’

Dono jor jor se hasne lage

Aniket-docter to giyo….…..

Avi ki "Ketki" hahahaha

 

[vmvish]

Update 17​

Raat ko aniket apne bedroom me baitha aaj ke din ke bare me soch raha tha aur siddharth ka kissa yaad kar kar ke has raha tha.. tabhi achanak ek khayal bijli jaisa uske dimag me kaundha aur usne use hila diya, aniket ekdum uth baitha tha… wo soch raha tha ke agar avinash ki batayi kahani sahi me sach ho gayi to? Avinash ki jagah wo raha to? Aur jis ketki ke bare me avinash bola tha uski jagah shravni huyi to ? arey baap re jo aniket dusro ko gyan dete firta hai wo khud kya kar raha hai? Shravni saamne se aake khud kuch bolegi nahi jo bhi kuch bolna ya karna tha wo aniket ko hi karna tha aur wo bhi kisi aur ke beech me aane ke pehle, yahi sab sochte huye ab aniket ki bhi haalat kharab hone lagi, ek hisab se dekha jaye to avinash ne ek teer se do shikar kiye the, aniket khud se hi bola

Aniket-kya sala avya bhi nautanki baaz hai aur main ek number ka gadha hu, mujhe lag raha tha ki wo siddharth ki firki le raha hai par ab samajh aaya ki wo sala meri bhi firki le raha tha, isko to kal dekhta hu main…

Par fir agle hi pal uske dimag me khayal aaya ke kya galat bola avi ne? jane ko chhodo yaar ye sab abhi important nahi hai…important hai to wo hai shravni ko apne pyaar ke bare me batana, par bataya kaise jaye fir achanak uske dimag me aaya ki kyu na love letter ke dwara apni feelings shravni ko batayi jaye… mast idea hai ye soch ke aniket ne apni hi pith thapthapayi aur book pen leke baith gaya par bhai ki gadi shuruwat me hi ruk gayi na…. “kya likha jaye? Kaise shuruwat ki jaye?” aniket ne apne sar pe hath maar liya, use to ye bhi samajh nahi aa raha tha le love letter English me likhe ya hindi me aur bahut sochne ke baad usne decide kiya ke letter wo English me likhega taki impression acha pade….

Ab letter kaise likhna hai ye to bhai ne soch liya tha par fir se gadi pehle hi shabd pe aake ruk gayi, pehle aniket ne dear shravni likha wo use theek nahi laga to mita diya, fir my dear shravni likha wo bhi mita diya uske baad aniket ne my love shravni likha aura b to page hi faad diya :Lol1: ab aniket ko chidchid hone lagi thi

Aniket-kya lafda hai BC sadhi shuruwat kaise karu samajh nahi aa raha,

Fir jaise taise aniket ne shuruwat karke char lines likhi (ekdum bakwas likhi thi isiliye batake mood nahi kharab karega apun ) fir use laga ki kyu na is bare me kammo se pucha jaye aur aniket ne komal ko call kiya par ye direct love letter ki baat kaise kare isiliye usne shuruwat kuch is tarah ki..

Aniket-hello komal..teri dost ka kaam ho gaya hai..

Udhar komal ye baat sun ke ekdum khush, aur puche lagi ke kaise hua wagaire to aniket se use pura kissa short me bataya

Aniket-kammo ek aur baat karni thi tujhse..

Komal-to bol na teko kabse permission maangne ki jarurat padne lagi bindass bol..

Aniket-wo…..tune kabhi love letter likha hai kya?

Komal-kyaa..? anya tu daru piya hai kya? Main aur love letter chiii

Aniket-usme itna chii karne jaisa kya hai apne liye na sahi kisi aur ke liye likha hoga..

Komal-ek minute pehle ye bata kit u ye kyu puch raha hai

Aniket-wo…..mujhe lagta hai ke….main bhi propose kar hi du shravni ko..

Komal-sach..to anya bindass jake bolne ka na ye letter wagaire faltu hai re..direct propose karne ka ham hai tere sath…

Aniket-wahi to samajh nahi aa raha..kaise karu propose?

Komal-kaise matlab sidha jake direct bolne ka

Aniket-direct?

Komal-ha wo ha bol degi

Aniket-aur agar wo no boli to?

Komal-chinta mat kar re teri pujarin tujhe kuch karne wali hai kya agar jyada hi gussa ho gayi to bas do char kavita fek ke maregi tujhe aur kuch nahi

Aniket-kuch bhi mat bol kame use pasand hu na main?

Komal-anya chinta mat kar wo like karti hai tujhe

Aniket-tujhe kaise pata?

Komal-jaise billi doodh se bhare barten ko dekhti hai na waise dekhti hai wo tujhe billi ki tarah

Aniket-ye kaisa example hua

Komal-tune pucha isiliye maine sabhyata se billi kaha agar wo puchti to batati ke jaise laal kapda dekh ke sand pagal ho jata hai waise shravni ko dekh ke tu paagal ho jata hai

Aniket-ha ye sach bhi hai waise, use dekha to dusra kuch sujhta hi nahi hai, wo hai hi aisi lagta hai bas use hi dekhte rahe…swarg ki apsara mano mere liye dharti pe aayi ho

Komal-o taja taja aashiq aao wapis dharti pe aao sapno ki duniya se baahar niklo

Aniket-kame kya bolte hai propose karte time?

Komal-ye bhi main hi batau kya

Aniket-bata na

Komal-theek hai sun, usko college me ek side me leke jane ka aur sidha batane ka shravne tu meko bahut pasand hai sirf ha bol apan shadi kar lenge, bada ghar hai wahi rahenge aur baccho ko English medium me padhayenge wagaire… aisa bolne ka

Aniket- fir wo kya karegi, ha bolegi na

Komal-jyada kuch nahi karegi bas sandel tute tak maregi tujhe, tere me akkal hai kya anya? Tu meko aise puch raha hai jaise main subah dudhwale se leke raat ko watchman tak sabko propose karti hu, abe paagal aadmi tere man me kya hai tujhe uske bare me kya lagta hai ye bol

Aniket-par wo ha bolegi na?

Komal-abey yaar iski gadi ab bhi wahi atki hai

Aniket-ye lafde ka kaam hai yaar ek baar ko tu bol char logo ko maarna hai wo easy hai ye propose karne se, kammo main love letter likh ke hi propose karta hu…

Komal-ha aise bhi kar sakte hai

Aniket-maine char lines likhi hai whatsapp me photo bhejta hu teko bata sahi hai ya nahi

Fir aniket ne apne likhe love letter ka photo komal ko bheja aur do hi minute me komal ka phone aaya

Komal-anya lover letter ka khayal chhod de tu

Aniket-kyu? Acha nahi hai?

Komal-wo lines to ghatiya hai hi teri hand writing aur bhi jyada ghatiya hai

Aniket-fir ab kya kare?

Komal-teko ye sab kal hi karna hai kya?

Aniket-hao

Komal-kyu uske baap ne uske liye rishte dekhna shuru kar diye kya?

Aniket-nahi re par apne ko koi rish nahi lene ka hai, nahi to main bas plan karte rahunga aur koi aur baji maar jayega, apne ko aur time waste nahi karne ka hai

Komal-theek hai abi so ja kal college me milke decide karte hai kya karna hai

Aniket-kammo meko bahut tension ho rahi yaar, wo ha bolegi na

Komal-arghhh! anya agar dobara ye sawal kiya to waha aake laat marungi, dimag ka dahi kar diya pura, phone rakh aur so aur meko sone de kal dekhnege kya karna hai

Komal ne phone kaat diya par aniket ko neend hi nahi aa rahi thi aura b soch soch ke uska sar dard karne laga tha, isi chakker ke raat me use kab neend aayi pata hi nahi chala….

Propose karne jaise serious mamle me bhi fultu comedy !!