Naik
Well-Known Member
- 21,023
- 76,689
- 258
Bahot badhiya shaandar updateUpdate 9
Mamta se baat karne ke baad viraj apne kamre me aakar bed par let jata hai lekin nind uske aankho se koso door thi usie dimaag me baar baar us diary me likhi baate uske dimaag me ghum rahi thi woh samajh nahi pa raha tha ki woh aage kya kare ki tabhi uske dimaag me divyamani ki aawaj sunayi dene lagi
Divyamani:-kya baat hai malik aap bade pareshaan dikh rahe ho
Viraj:-tum toh aise puch rahi ho jaise khudko kuch pata hi na ho kya tumhe nahi pata ki mamta didi ke dimaag me kya chal raha hai
Divyamani:-pata hai mujhe me aapka hi nahi balki kisi ka bhi dimaag padh sakti hoon aur mujhe pata hai ki mamta apne bhai viraj se kitna pyaar karti hai
Viraj:-toh bataya kyu nahi pahle
Divyamani :-aapne pucha hi nahi pahle aur isme itne pareshaan hone wali kya baat hai
Viraj :-pareshaan hone wali kya baat hai se matlab kya hai tumhara woh viraj yane apne bhai se pyaar karti hai jo koi aur tha jo mar chuka hai lekin is sharir ki wajah se woh mujhe viraj samajh rahi hai kya ye uske saath uski bhawnaon ke saath khilwad nahi hoga
Divyamani:-nahi malik aisa nahi hoga kyunki technically viraj mara nahi hai ab aap hi viraj ho ab viraj ke sare sukh sare dukh aapke hai jaise ab viraj ka pariwaar aapka pariwaar hai waise hi ab viraj ki premika bhi aapki premika hai
Viraj:-ye tum kya bol rahi ho
Divyamani:-sach bol rahi hoon aap hi sochiye agar viraj ki patni hoti uske bachhe hote toh kya aap is paristhiti me kya karte kya aap us stree se kah paate ki uska pati ab nahi raha jabki uske saamne khade sharir usike pati ka hai kya aap un bachhon ke pita hone se mana kar dete unke prati jo aapka farz hau usse mukar jate
Viraj:-lekin
Divyamani:-(bich me tokte hue) pata hai aapki samasya kya hai ki aap abhi tak yahi soch rahe ho ki aap pihu ko sudhaar kar uske saath phir se hasi khusi se sansaar kar payenge aap abhi tak pihu ko bhula hi nahi paye ho aapko samajhna hoga ki pihu ne kabhi aapse kabhi pyaar kiya hi nahi tha woh bas aapke talant aur paison ki wajah se aapke pass thi agar use pata chala ki aap viraj ke roop me jinda hai toh woh aapko maarne ke liye jara bhi der nahi karegi ye aapko bhi pata hai lekin aap maanna nahi chahte
Divyamani ki baat sunkar ab viraj ke dil ki dhadkan 10 guna tezi se chalne lagi thi uski aakhe halki lal ho gayi thi uske aakhon me aasu aa gaye the woh bhi jaanta tha ki divyamani ki kahi baat sach hai lekin woh ye maanna nahi chahta tha lekin usie maamne na maanne se sachhayi badalne nahi wali thi tih wahi itna sab sunne ke baad usne divyamani se iske baare me koi baat nahi ki
Balki woh kamre me hi apni aakhe band karke baith gaya aur divyamani se un dono yani us mahan vaidya aur aur mahan yoddha ke jiwan bhar ka gayan apne andar samane laga tha ye karya woh pichle ek mahine se pratidin kar raha tha jis kaaran ab tak usne 90% gayan apne apne andar sama liya tha aur aaj woh baki bacha hua 10% gayan bhi apne andar samane wala tha
Aur isme woh kaamyaab bhi ho gaya lekin ab tak jo bhi hua tha usse uska dimaag itna thak gaya tha ki woh wahi baithe baithe so gaya lekin sone se pahle woh apne kaam me safal ho gaya tha aur is wajah se use na Ayurveda ke gayaan me aur nahi yuddh ke maidaan me koi hara sakta tha
Toh wahi agle din subah jab sabhi nashta karne ke liye baithe the tab mamta ne apna tir choda
Mamta :- Maa bhai bol raha tha ki usko study se related ek mahine ke liye city se bahar jana hai to kya wo ja sakta hai
Rupali:-dekho beti is bare me mai jyada to nahi janti hu agar tujh ko thik lagta hai toh mujhe koi problem nahi hai
Rupali ke muh se ye sunkar jaha viraj khush ho gaya tha ki tabhi anika bich me kud padi
Anika :- isko kaha jana hai didi jaha tak mai janti hu is waqt college ke taraf se aisi koi trip bhi nahi hoti hai.
Jab anika ne ye kaha toh uski baat sunkar viraj thoda ghabra gaya ki kahi uska banta kaam anika bigad na de agar aisa hua toh uska jana mushkil ho jayega ye sochkar usne lachar najaro se mamta ki traf dekha to mamta ne use sirf shant rahane ka ishara kiya aur phir Anika se boli
Mamta:-anika maine sab pata kar liya hai iske baad hi mai maa se bate kar rahi hu isiliye tumko chinta karne ki jarurat nahi hai samjhi
Mamta ki baat sunkar Anika kuch boli to nahi lekin viraj ke taraf shak bhari najaro se dekhti rahi. Ab bhala usko viraj kya bolta khair jaise taise viraj ne apna khana pura kiya aur apne room ki taraf chal diya abhi viraj apne kamre me pahunch kar thoda shanti se baitha hi tha ki tabhi anika aur komal mere kamre me aa gayi aur kamre me aate hi un dono ne viraj ko gher liya
Komal :- bhai aap kab ja rahe ho aur kaha aur haa mere se jhuth bolne ki koshish mat karna samjhe
komal ki bato ko sunkar kuch der tak toh viraj soch me gum ho gaya tha lekin viraj ne apne aap ko sabhi soch se bahar nikala aur phir usne kisi ko kuch na batana hi thik samjha kunki woh nahi chahta tha ki abhi koi bhi uske business ke baare me jane kyunki ye toh tay tha ki starting phase me use bahut struggle honge aur use kuch aise kadam bhi uthane pad sakte hai jo uske pariwaar ka na jaanna hi behatar hai
Aur usne ye sab baaton ko dimaag me rakhkar hi sabhi sawalon ke jawaab diye the jiske baad Aise hi kuch sawal Anika ne bhi kiye lekin viraj ne bade hi shatirta se uski bato ka golmaal jawab de kar usko bhi shant kar diya.jiske baad woh dono apne kamron me chali gayi thi jiske baad viraj apne bed par letkar sochne laga ki agar uske jagah pahale wala Viraj hota to ye log koi matlab hi nahi rakhte
Kyunki wo in log se dur hi rahta tha par ab aisa to tha nahi isliye ye dono log viraj ke pass aakar baate kar rahi thi. Toh wahi un dono ke jane ke baad viraj ne divyamani se baat karke aage ke baare me sochne laga jiske baad viraj ne agle din nikane ki puri taiyari kar li. Waise toh use kisi bhi chij ki jarurat nahi thi lekin maa ke dil ko koun samjhaye aur unke sath uski dono bahane bhi lagi hui thi uske jane ki taiyari karne me
Aaj Viraj ke ghar par sabhi chintit the viraj ke liye lekin kisi ne ye chinta unke chehre par aane nahi di jiske viraj apni bahano se milkar aur maa ka ashirwaad lekar ghar se jane laga to Mamata apni scooty se usko chodane ke liye jane lagi woh toh chahti thi ke aise scooty par sawar hoke viraj ke saath kahi door chali jaye
Lekin use pata tha ki aisa kabhi nahi ho sakta. Waise toh Viraj kisi sunsan jagah ko dekhkar divyamani ki help se us jungle me pahunch jata par maa aur baki sabko dikhane ke liye usko ghar se to jana hi tha aur iske liye hi Mamata ko uske sath le jane ke liye woh maan gaya tha phir Kuch samay ke baad Mamata ne apni scooty ek bus stand par roki aur jab viraj jane laga toh woh uske gale lag gayi
Mamata :- bhai mai ye nahi kahungi ki tu jaldi aana par itna jarur kahungi ki kuch aisa mat karna jiski wajah se baad me kisi dikkat ka samana karna pade ya phir tujhe kuch ho kyunki ham sabke jine ka sahara ek matr tum hi ho. Tum nahi jante jabse maine tumhare jane ki baat boli hai tabse ghar me sabhi bahut pareshaan hai aur isliye tu mere se wada kar ki tu aisa kuch bhi nahi karega is ek mahine me jiski wajah se teri jaan khatare me pade
Mamata ki baat sunkar viraj ne bhi unko gale se laga lite woh jaanta tha ki jo mamta bol rahi hai woh hona lagbhag na mumkin hai kyunki jald se jald agar use itne sare paise chahiye toh use wapas apni black devi ki prsonality ko apna hoga (black devil ke background ki jaankari aap sabko jald hi aage ke update me milegi) toh wahi mamta ke phir se bolne se woh apne soch se bahar aaya
Viraj :- didi mai apse wada karta hu ki mai bilkul sahi salamt wapas aunga aur jab mai wapas aunga to hamari kismat puri tarah se badal jayegi. Bas aap ghar me sab sambhal lena aur meri chinta mat karna
Itna bolkar viraj ek bus me baith gaya aur bus start hone ka intezaar karne laga
~~~~~~~~~~~~~~~~~~
Aaj ke liye itna hi
~~~~~~~~~~~~~~~~~~
Divyamani ne Viraj ko sahi se aina dikha dia pihu wala lekin Viraj ne abhi us per koyi baat nahi ki
Mamta ne aakhir mana lia sabko khas ker maa ko
Baherhal dekhte h iss safer m Viraj ke saath kia kia hota h
