- 1,099
- 1,926
- 159
Update--1
" Aap kch kehna chahen gey kiun k jab se case open hua hai aap k khilaaf aap ne na tou apna wakeel appoint kia hai na hi kch boley hn mein aaj faisla sunaney laga hoon. "
Judge ne yeh sab Katehrey main khadey ek ladkey se kaha jis ne apna muh neechay kr rakha tha Judge k bolney k baad us ne sir utha k Judge ko deikha aur phr Left side pe beithi Public ki traf deikha jo bht hi gussay main us ki traf deikh rahey they.
Ladka: Mujhey kch nai bolna yeh awam es kabil hi nai hai k yeh jaan sakey k mein ne aesa kiun kia. Yeh awam jis ka bas chaley tou apni lalach k liey kisi ko bhi neelam kr de aur Masjid jatey waqt duniya k sab se badey namazi ban jatey hn. Yeh Awam milawat aur over charging jesay jurm kr k Hajj krney nikal perhtey hn. Yeh awam jo aurton ka tou rape krtey hi hn masoom bachon tuk ko nai shodtey aur jab un k khilaaf Phansi ka faisla aayee tou Human right waley randi rona rotey hn. Yeh merey khilaaf nikley hn apni aukaat do kori ki nai hai aur merey khilaaf nikley hn. Election main apna vote beichtey hn Mazhab k naam pe Logon ka qatal krtey hn aesay logon ko mein kia Safai paish krun. Aap apna Faisla sunayein.
" Tamam Gawahon aur Sabooton ko mad-e-nazer rakhtey huey Adaalat es Nateezey pe pounchi hai k 2000 Logon ka khoon Zaigham ne hi kia hai lehaza Adaalat Zaigham ko 10 caror ka Jurmana aur Mout ki saza sunati hai. The court is Adjourned. "
Reporter: Naazrein Pakistan ki tareekh ka sab se bada case jis main Zaigham pe 2000 logon k khoon ka ilzaam tha aaj us ka Faisla aa chuka hai Judge shb ne Zaigham ko 10 caror ka jurmana aur Mout ki saza sunai hai es case main Zaigham ki traf se koi Wakeel nai tha aur purey case main Zaigham ne ek lafz bhi nai bola jis ki wajah se jo bhi gawah aur Saboot they un pe behas nai hui aur Judge shb ne 1 haftey main hi es case pe Faisla suna dia hai.
Kathehrey main khadey Zaigham ko Police ne hathkari pehnai aur phr se le janey lagi Zaigham sir neechay kiey huey hi wahan se Police k sath janey laga k koi us k samney aa k khada ho gya Police bhi ruk chuki thi aur Zaigham bhi Zaigham ne sir uper kr k jo samney khada tha us ki traf deikha.
" Kia kami reh gai thi humarey pyaar main jo yeh sab kia tu ne bol kia yehi sab krna sikhaya tha mein ne tujhey aaj tu ne meri Perwarish ko gali di hai tujhey tou beta kehney main bhi sharam aa rahi hai Aaj se na tu mera beta hai na mein teri maa mujhey ghar le chal Alina mujhey mazeed es ki shakal nai deikhni. "
Ek sunsaan sadak pe Prison van dodi ja rahi thi jis main Zaigham k sath sath 6 Police waley bhi they. 4 Zaigham k sath beithey they do aagey. Sadak pe dorti hui Prison van achanak se Jungle k rastey pe mud gai aur 3 se 4 km ander janey k baad ruk gai driver aur us k sath Inspector bahir nikley aur peesey se ja k gate khol dia aur un charon ko Zaigham ko bahir laney ko kaha.
Jesay hi Zaigham bahir nikla wahan 4 Fortuner aayen jin main se 20 aadmi utrey aur Zaigham ko gheir k khadey ho gaey un sab k hathon main AK47 thi.
Aadmi: Kia socha tu ne merey bhai ko maar k itni asaan mout marney doon ga tujhey mera tou dill krta hai k tujhey tadpa tapda k marun mager merey pass time nai hai filhal yeh Barood se bhara loha hi sahi Maar dalo re isey.
Us aadmi k kehtey hi sab ne andha dhun Zaigham pe firing shuru kr di Goli ka presure itna tha k Zaigham peesey ki traf udta hua drakht k sath ja laga ab us ki aankhein bas band honey hi ko theen jab goliyan khatam ho gaen tou who Aadmi chal k Zaigham k pass gya.
Aadmi: Kiun kesa lag raha hai abhi tou teri Rooh bhi tadpe gi jab mein teri khandan hi her aurat ko apney kothey ki zeen bnaun ga.
Yeh suntey hi Zaigham ki aankhein foran khul gaen us aadmi ko Zaigham ki aankhon main Aasmani bijli chamakti hui nazer aaye achanak Mosam badalney laga her traf kaley badal madlaney lagey Zaigham hawa main hi uthney laga aur zameen se 10 foot uper tuk hawa main khada ho gya.
Zaigham ko jitni bhi goliyan lagi theen who sab ki sab ek ek kr k nikalney lageen us k baad Aasman se Badlon ko cheerti hui Aasmani bijli ek ek kr k Zaigham k Jism main samaney lagi wahan pe mojud sab aankhein phadey es manzer ko deikh rahey they aur kanp bhi rahey they es sey pehley unho ne aesa manzer kabhi nai deikha tha unhey apney samney apni mout nazer aa rahi thi.
Aadmi: Yeh sab kia ho raha hai yeh yeh insaan nai ho sakta aakhir ho kia raha hai.
Aadmi ne yeh baat kanptey huey ki thi usey kch samjh nai aa raha tha waheen samney ab Zaigham k sahreer main Aasmani bijli aana bnd ho gai thi ab Who aahista aahista neechay ki traf aa raha tha Us ki aankhein Sufaid roshni main nahayee hui theen Jab us k kadam Zameen pe touch huey tou wahan mojud sab ko ek Bijli ka jhatka laga aur sab ladkhada k gir gaey aur khouf se kanptey huey Zaigham ko deikhney lagey.
Zaigham: Marney hi ja raha tha mein lekin meri Family k barey main ghalat soch k tu ne apni Mout ko dawat di hai yehi ghalti terey bhai ne ki thi us ki halat deikh k bhi tu ne yeh harkat ki ab jo tum logon k sath ho ga who puri Duniya deikhey gi.
Zaigham ne apney hath uper kiey tou Aasman pe phr aasmani Bijli kadakney lagi aur es baar itni awaz hui k wahan mojud sab k kaano se khoon nikalney laga us k baad Zaigham ne ek jhatkey main hath neechay kiey tou wahan pe mojud Police ko shod k sab pe Bijli girney lagi aur tab tuk girti rahi jab tuk un ka shareer bhaap ban k hawa main kaheen ghaib na ho gya us k baad Zaigham ne chutki bajayee tou Police waley behosh ho gaey.
Zaigham ne doobara se chutki bajayee aur wahan se ghaib ho k usi jagah pounch gya yahan se Police van jungle k rastey gaey thi us k samney Van thi aur us main mojud Police waley bhi jo k behosh they sath main Zaigham ka clone bhi Zaigham ne doobara se ek hath uper kia aur phr Van pe ishara kia jis se Aasmani bijli van pe girney lagi aur ander mojud sab ko Bijli k jhatkey lagney lagay Police waley hosh main aa gaey aur tadapney lagey.
Achanak Van main Aag lag gai aur ek taiz dhamkey k sath Van tabah ho gai aur us main mojud sab jal k mar gaey sath main Zaigham ka clone bhi Zaigham kch deir wahan khada raha aur us ne chutki bjayee jis sey yeh news Police walon ko aur Media walon ko pounch gai aur us k baad Zaigham wahan se ghaib ho gya.
Aurat: Alina beta khana kha le deikh tu ne kal se kuch nai khaya hai.
Alina: Mujhey aap se koi baat nai krni aur na hi mujhey bhook hai jaiey aap aur baba khana kha lein.
Aurat: Kesi baatein kr rahi hai beti mein ne kia kya jo mujh se baat bhi nai krna chahti tu.
Alina: Merey bhai k sath jo bhi hua us pe aap ne ek lafz tuk nai bola aur tou aur aap ne Adalat main us sey yeh tuk keh dia k who aap ka beta nai hai lekin who mera bhai tha, hai aur rahey ga.
Aurat: Us Katil se rishta jodney ki koi zaroorat nai hai beti us ne jo kia us sey humari kitni badnami hui hai us ka andaza bhi hai tumhey.
Alina: Mujhey kch nai sunna aap jaiey yahan se.
Who aurat us kamrey se bahir nikal gai aur hall main apney soher k pass beith gai jo TV deikh raha tha.
Aadmi: Kia hua kya kaha Alina ne.
Aurat: Pagal ho gai hai kehti hai us k Bhai ne jo bhi kia sab sahi hai.
Aadmi abhi kch kehta k Tv pe breaking News chalney lagi jis pe who chup ho k news deikhney laga.
Breaking News:
Caster: Nazrein aap ko taza khaber detey chalein k jis Van main Zaigham ko aaj Phansi ki saza sunaney k baad Jail le jaya ja raha tha us k sath Hadsa Paish aaya hai us Van pe Aasmani bijli girney se aag lagi aur us main Mujud Police aur Zaigham ki jal k Mout ho gai hai yeh bhi pata chala hai k ek baar nai la tadad Aasmani bijli girien jis ki wajah se Van main aag lag gai aur ek dhamaka hua jis ki wajah se us main mojud sab jal k mar gaey.
for new thread