Update--23
Haris: Meri Aukaat ki baat krta hai tu janta nai mein kon hn kia kr sakta hn theher abhi tujhey btata hn.
Mein: Kiun IG ko phone karey ga ya CM ko karey ga ja PM ko bol kis ka number mila k doon.
Sumaila: Baba bas bht ho gya mein Salman k sath ja rahi hn court marriage krney aur ager es baar aap ne kch kia tou mein inhey nai rokun gi aur phr jo hua us k zimedar aap khud hn gey.
Haris: Tu nai janti tu kia krney ja rahi hai teri shadi mein ne jis sey ki hai who tujhey Malka bna k rakhey ga tu sari zindagi beith k khaey gi.
Sumaila: Who tou mein Salman k sath bhi kr sakti hn.
Haris: En ki aukaat nai hai us k samney bhi khadey honey ki.
Mein: Bas bht ho gya tera ab ager bakwaas ki tou mera gussa hud se berh jaey ga aur ager berh gya tou tu zameen se 6 foot neechay ho ga.
Sumaila: Baba mein ja rahi hn ghar walon ka khyaal rakhna.
Haris: Ek baat meri kaan khol k sun le Sumaila ager tu ne es sey shadi ki tou yeh tou marein gey hi tujhey bhi nai bakshun ga.
Zaigham ne yeh suntey hi gussa main deewar pe mukka mara tou wahan se uper shat(ceiling) tuk darar per gai aur darar bhi aesi k aesa laga k abhi yeh deewar gir jaey gi yeh sab deikh k Haris aur us k office waley shocked ho gaey aur darr se peeshey hut gaey Haris aankhein bari kiey us deewar ko deikh raha tha.
Mein: Ager tu ne meri Family ko nuqsaan pounchaney k liey zara sa socha bhi tou terey 10 saal k potey k tukrey tukrey kr doon ga suna tu ne tukrey tukrey usey marney main merey hath zara bhi nai kanpein gey yeh baat zehan main bitha le teri nasal khatam kr doon ga.
Yeh keh k Zaigham aur baqi sab wahan se nikal gaey mager Haris ki body hulki hulki shake ho rahi thi kanp rahi thi Zaigham ki baaton se ek pal k liey tou us ki aankhon main us k potey k tukrey hui lash ka manzer bhi samney aaya jis sey us ki cheikh nikal gai thodi deir k baad who wahan se nikal k ghar ki taraf nikal gya.
Somewhere in the Universe…..
Santan: Hukam aap ne mujhey wahan se bulaya kiun.
DIABLO: Santan Talwar wahan nai hai es liey tumhey wahan se bulaya kiun k es main un ki chaal ho sakti thi tujhey ager who maar detey tou merey pass doosra terey jesa koi nai tha jo they unhey maar dia gya sirf tu hi bacha hai esi liey tujhey bula lia.
Santan: Tou hukam ab kia krein gey.
DIABLO: Abhi mujhey apni takat jo k mein ne Talwar se alag shupa k rakhi hai who hasil krun ga lekin us k liey apni body ko majboot bnana parey ga jis main abhi time lagey ga tu yaheen reh k us insaan ka pata laga jisey Zeus ne ko merey liey Earth pe bheija hai.
Santan: Kia? Zeus ne kisi ko aap k liey Earth pe bheija hai.
DIABLO: Haan usi ne tujhey wahan Forrest main kaid kia tha.
Santan: Hukam us ki ujra se mujhey ghabrahat honey lagi thi aesa laga tha k us ki ujra se dam ghut k hi mein mar jaun ga aesa sirf Zeus k pass janey se hi laga tha mujhey tou es ka kia matlab hai.
DIABLO: Es ka matlab yeh hai k us ka Beta hai who jis main Zeus ki ujra hai.
Santan: Aesa kesay ho sakta hai Hukam koi Insan Zeus ki ujra kesay khud main samait sakta hai.
DIABLO: Hmmm tum yeh bhi pata lagao kiun k us ka beta Aegeus Earth pe ja nai sakta.
Santan: G hukam aap fiker na krein mein pata krwata hn.
DIABLO: Mein dhyaan main beithney laga hn mujhey koi disturb na krey.
Santan: Aesa hi ho ga Hukam.
Ismena: Usey pata chal gya k aap ne kisi ko Earth pe bheija hai.
Zeus: Haan usey pata chalna hi tha.
Ismena: Ab aagey kia ho ga.
Zeus: Agey wohi ho ga jo hona hai es main na mein kch kr sakta hn DIABLO ya tou who jeetey ga ja us ka khatma ho ga.
Ismena: Tou kia aap es main kch nai krein gey.
Zeus: Mein ne jo krna tha kr dia hai Ismena agey sab Zaigham k hath main hai who kesay apni hari hui baazi ko jeet main tabdeel krta hai yeh sab us pe hai.
Ismena: Hmmmm.
"Shadi bht bht Mubarik ho"
Salman aur Sumaila ki shadi ho chuki thi aur sab hall main beithey baatein kr rahey they khana aaj bahir se mangwaya gya tha jis k aaney main abhi time tha Sumaila abhi thodi udaas beithi thi.
Bhai: Kia hua Sumaila kia tum khush nai ho.
Sumaila: Nai who baat nai hai.
Bhai: Tou kia baat hai ghar ki yaad aa rahi hai.
Sumaila: Nai mein yeh soch k darr rahi hn ager baba ne kch kia tou kia waqiey aap ka bhai meri nanhi si jaan ko maar de ga aap tou jantey hn mein us sey kitna pyaar krti hn.
Bhai: Sumaila tum merey bhai ko abhi janti nai ho who us ne bas tumharey baba ko draney k liey kaha tha even ager tumharey baba kch krtey bhi hn tou Zaigham sirf usi ko saza de ga tumhari Family ko hath tuk nai lagaey ga.
Salman ki baat sun k Sumaila kch relax hui who jab se apney baap k office se nikli thi usey yehi baat khaey ja rahi thi k Zaigham us k bhatijey k sath kia karey ga ager us k baap ne kch kia tou lekin ab who relax thi aur bhi sab ki baaton main shareek ho gai.
Aurat: Kia hua mein kab se deikh rahi hn aap kch preshan se hn tabeat tou theek hai na aap ki.
Haris: Haan begum tabeat theek hai meri.
Haris's Wife: Tou aap itna preshan kiun hn kch hua hai kia.
Haris: Sumaila ne shadi kr li hai usi k sath jis sey who pyaar krti thi.
Haris ki baat sun k us ki B.V bed pe uth k beith gai.
Haris's Wife: Yeh aap kia keh rahey hn Sumaila ne shadi kr li lekin kiun aur aap ne aesa honey kiun dia aur mein ne aap ko pehley hi kaha tha us ki baat maan lein lekin aap ne meri baat nai suni.
Haris: Kal tum sab America ja rahey ho.
